ദുരന്തങ്ങൾ പ്രത്യാശയ്‌ക്ക്‌ വഴിമാറുന്നു

‘അവസാ​ന​കാ​ലത്ത്‌ ബുദ്ധി​മു​ട്ടു നിറഞ്ഞ സമയങ്ങൾ ഉണ്ടാകും.’​—2 തിമൊ​ഥെ​യൊസ്‌ 3:1.

താഴെ കൊടു​ത്തി​രി​ക്കുന്ന ദുരി​ത​ങ്ങ​ളെ​ക്കു​റിച്ച്‌ നിങ്ങൾ കേൾക്കു​ക​യോ കാണു​ക​യോ ചെയ്‌തി​ട്ടു​ണ്ടോ?

• മാരകമായ രോഗം അനേക​രു​ടെ ജീവൻ കവരുന്നു.

• ക്ഷാമം മൂലം നൂറു​ക​ണ​ക്കിന്‌ ആളുകൾ മരിക്കു​ന്നു.

• ഭൂകമ്പത്തിൽ ആയിര​ങ്ങ​ളു​ടെ ജീവൻ നഷ്ടപ്പെ​ടു​ന്നു. അനേകർക്ക്‌ വീടി​ല്ലാ​താ​കു​ന്നു.

ഈ മാസി​ക​യു​ടെ ഇനി വരുന്ന പേജു​ക​ളിൽ ഇതു​പോ​ലുള്ള സംഭവ​ങ്ങ​ളു​ടെ ചില ഞെട്ടി​പ്പി​ക്കുന്ന വിവരങ്ങൾ നമ്മൾ വായി​ക്കും. “അവസാ​ന​കാ​ലത്ത്‌” ഇതു​പോ​ലുള്ള പല കാര്യ​ങ്ങ​ളും നടക്കു​മെന്ന്‌ ബൈബിൾ മുൻകൂ​ട്ടി പറഞ്ഞി​ട്ടുണ്ട്‌ എന്ന കാര്യ​വും മനസ്സി​ലാ​ക്കും.

ഇപ്പോഴുള്ള കുറച്ച്‌ പ്രശ്‌ന​ങ്ങ​ളെ​ക്കു​റിച്ച്‌ പറയുക എന്നുള്ളതല്ല ഈ ലേഖന​ങ്ങ​ളു​ടെ ഉദ്ദേശ്യം. ആദ്യം അതെക്കു​റിച്ച്‌ പറഞ്ഞി​ട്ടുണ്ട്‌ എന്നുള്ളത്‌ ശരിയാണ്‌. എങ്കിലും അത്‌ പ്രത്യാ​ശ​യി​ലേക്ക്‌ നയിക്കു​ന്നത്‌ എങ്ങനെ​യാണ്‌ എന്നതി​നെ​ക്കു​റി​ച്ചാണ്‌ പ്രധാ​ന​മാ​യും ഈ മാസി​ക​യി​ലെ ലേഖനങ്ങൾ പറയു​ന്നത്‌. 6 പ്രവച​നങ്ങൾ എങ്ങനെ നിവൃ​ത്തി​യേറി എന്നു മനസ്സി​ലാ​ക്കു​മ്പോൾ അവസാ​ന​കാ​ലം പെട്ടെ​ന്നു​തന്നെ തീരു​മെന്ന കാര്യം വ്യക്തമാ​കും. ഈ പ്രവച​ന​ങ്ങൾക്ക്‌ എതി​രെ​യുള്ള പലരു​ടെ​യും ആരോ​പ​ണ​ങ്ങ​ളെ​ക്കു​റി​ച്ചും, ആ ആരോ​പ​ണങ്ങൾ ശരിയാ​ണോ തെറ്റാ​ണോ എന്നതി​നെ​ക്കു​റി​ച്ചും ഉള്ള വിവര​ങ്ങ​ളും ഈ ലേഖന​ത്തിൽ കാണാം.

പ്രവചനം 1. ഭൂകമ്പങ്ങൾ

‘വലിയ ഭൂകമ്പങ്ങൾ ഉണ്ടാകും.’​—ലൂക്കോസ്‌ 21:11.

● ഹെയ്‌റ്റിയിലുണ്ടായ ഭൂകമ്പ​ത്തിൽ വിന്നി എന്നു പേരുള്ള 16 മാസം പ്രായം വരുന്ന ഒരു കൊച്ചു​കു​ഞ്ഞി​നെ കൽക്കൂ​മ്പാ​ര​ത്തി​നി​ട​യിൽ നിന്നാണ്‌ എടുത്തത്‌. ദുരന്തം റിപ്പോർട്ട്‌ ചെയ്യാൻ വന്ന ടിവി-ക്കാരാണ്‌ അവളുടെ ഞരക്കം കേട്ട്‌ അവളെ രക്ഷിച്ചത്‌. ആ ഭൂകമ്പ​ത്തിൽനിന്ന്‌ അവൾ രക്ഷപ്പെട്ടു. പക്ഷേ, അവളുടെ മാതാ​പി​താ​ക്കൾ രക്ഷപ്പെ​ട്ടില്ല.

കണക്കുകൾ കാണി​ക്കു​ന്നത്‌: 2010 ജനുവ​രി​യിൽ, റിക്ടർ സ്‌കെ​യി​ലിൽ 7.0 രേഖ​പ്പെ​ടു​ത്തിയ വലിയ ഒരു ഭൂകമ്പം ഹെയ്‌റ്റി​യിൽ ഉണ്ടായി. 3,00,000-ത്തിലധി​കം ആളുക​ളാണ്‌ അന്ന്‌ അവിടെ മരിച്ചത്‌. ഒറ്റ നിമി​ഷം​കൊണ്ട്‌ 13 ലക്ഷം പേർക്ക്‌ വീടുകൾ ഇല്ലാതാ​യി. ഇത്‌ ഹെയ്‌റ്റി​യിൽ മാത്രം നടന്ന ഒരു ഒറ്റപ്പെട്ട സംഭവമല്ല. 2009 ഏപ്രിൽ മുതൽ 2010 ഏപ്രിൽ വരെ ലോക​മെ​ങ്ങു​മാ​യി കുറഞ്ഞത്‌ 18 വലിയ ഭൂകമ്പ​ങ്ങ​ളെ​ങ്കി​ലും ഉണ്ടായി​ട്ടുണ്ട്‌.

പൊതുവേ പറയാ​റു​ള്ളത്‌: ഇന്ന്‌ ഉണ്ടാകു​ന്ന​തു​പോ​ലുള്ള വലിയ ഭൂകമ്പങ്ങൾ പണ്ടും ഉണ്ടായി​ട്ടുണ്ട്‌. പക്ഷേ, സാങ്കേ​തി​ക​വി​ദ്യ പുരോ​ഗ​മി​ച്ച​തു​കൊണ്ട്‌ അതിന്റെ എണ്ണം എത്രയാ​ണെന്ന്‌ നമ്മൾ ഇന്ന്‌ അറിയു​ന്നു. അത്രയേ ഉള്ളൂ.

വസ്‌തുത എന്താണ്‌? അവസാ​ന​കാ​ലത്ത്‌ നടക്കുന്ന ഭൂകമ്പ​ങ്ങ​ളു​ടെ എണ്ണത്തിന്‌ ബൈബിൾ പ്രാധാ​ന്യം നൽകു​ന്നില്ല. എന്നാൽ “ഒന്നിനു പുറകേ ഒന്നായി പല സ്ഥലങ്ങളിൽ” ‘വലിയ ഭൂകമ്പങ്ങൾ’ ഉണ്ടാകു​മെന്ന്‌ ബൈബിൾ പറയുന്നു. ആ പറഞ്ഞത്‌ നമ്മൾ പ്രത്യേ​കം ശ്രദ്ധി​ക്കേണ്ട ഒരു കാര്യ​മാണ്‌.​—മർക്കോസ്‌ 13:8; ലൂക്കോസ്‌ 21:11.

നിങ്ങൾക്ക്‌ എന്ത്‌ തോന്നു​ന്നു? ബൈബിൾ മുൻകൂ​ട്ടി​പ്പ​റ​ഞ്ഞി​രി​ക്കു​ന്ന​തു​പോ​ലുള്ള വലിയ ഭൂകമ്പങ്ങൾ അല്ലേ നമ്മൾ ഇന്ന്‌ കണ്ടു​കൊ​ണ്ടി​രി​ക്കു​ന്നത്‌?

നമ്മൾ അവസാ​ന​കാ​ല​ത്താണ്‌ ജീവി​ക്കു​ന്നത്‌ എന്നതിന്‌ ഭൂകമ്പങ്ങൾ മാത്രമല്ല തെളി​വാ​യി​ട്ടു​ള്ളത്‌. ഇപ്പോൾ നടന്നു​കൊ​ണ്ടി​രി​ക്കുന്ന അനേകം പ്രവച​ന​ങ്ങ​ളിൽ ഒന്നു മാത്ര​മാണ്‌ അത്‌. ഇനി നമുക്ക്‌ രണ്ടാമത്തെ പ്രവചനം നോക്കാം.

[ആകർഷകവാക്യം]

“ഞങ്ങൾ (ഭൂഗർഭ ശാസ്‌ത്ര​ജ്ഞ​ന്മാർ) അതിനെ വലിയ ഭൂകമ്പങ്ങൾ എന്നു വിളി​ക്കു​ന്നു, മറ്റുള്ളവർ അവയെ ഭീകരം എന്നു വിശേ​ഷി​പ്പി​ക്കു​ന്നു.”​—കെൻ ഹഡ്‌നട്ട്‌, യു.എസ്‌. ഭൂഗർഭശാസ്‌ത്ര സർവേ.

[ചിത്രങ്ങൾക്ക്‌ കടപ്പാട്‌]

© William Daniels/Panos Pictures

പ്രവചനം 2. ഭക്ഷ്യക്ഷാ​മം

‘ഭക്ഷ്യക്ഷാ​മങ്ങൾ ഉണ്ടാകും.’​—മർക്കോസ്‌ 13:8.

● നൈജറിലുള്ള ക്വാർടേജ്‌ എന്ന ഗ്രാമ​ത്തിൽ ഒരാൾ അഭയം തേടി വന്നു. അദ്ദേഹ​ത്തി​ന്റെ ബന്ധുക്ക​ളും കൂടപ്പി​റ​പ്പു​ക​ളും എല്ലാം ആ രാജ്യ​ത്തി​ന്റെ ഉൾപ്ര​ദേ​ശ​ങ്ങ​ളിൽനിന്ന്‌ ദാരി​ദ്ര്യം മൂലം ഈ ഗ്രാമ​ത്തി​ലേക്ക്‌ കുടി​യേ​റി​യ​വ​രാണ്‌. എല്ലാവ​രും കൂടെ​ത്ത​ന്നെ​യു​ണ്ടെ​ങ്കി​ലും അദ്ദേഹം ഒറ്റയ്‌ക്ക്‌ വീടിനു വെളി​യിൽ കിടക്കു​ക​യാണ്‌. കാരണം എന്താണ്‌? “കുടും​ബത്തെ പോറ്റാൻ അയാൾക്കു കഴിയു​ന്നില്ല, അവരുടെ മുഖത്ത്‌ നോക്കാ​നും പറ്റുന്നില്ല,” ഗ്രാമ​ത്ത​ല​വ​നായ സിദി പറഞ്ഞു.

കണക്കുകൾ കാണി​ക്കു​ന്നത്‌: ലോക​മെ​ങ്ങും ഏതാണ്ട്‌ ഏഴിൽ ഒരാൾക്ക്‌ ദിവസ​വും ആവശ്യ​ത്തിന്‌ ഭക്ഷണം കിട്ടു​ന്നില്ല. ആഫ്രി​ക്ക​യി​ലെ സഹാറ​യ്‌ക്ക്‌ തെക്കുള്ള രാജ്യ​ങ്ങ​ളി​ലെ സ്ഥിതി ഇതിലും ദയനീ​യ​മാണ്‌! അവിടെ മൂന്നിൽ ഒരാൾ എന്നും പട്ടിണി​യി​ലാണ്‌. ഇതു മനസ്സി​ലാ​ക്കാൻ അച്ഛനും അമ്മയും ഒരു കുട്ടി​യും ഉള്ള കുടും​ബത്തെ മനസ്സിൽ കാണുക. ആ വീട്ടിൽ രണ്ടു പേർക്ക്‌ കഴിക്കാ​നുള്ള ഭക്ഷണമേ ആകെ ഉള്ളൂ. ആര്‌ പട്ടിണി കിടക്കും? അച്ഛനോ അമ്മയോ അതോ കുട്ടി​യോ? എല്ലാ ദിവസ​വും ഇതൊക്കെ തന്നെയാണ്‌ അവിടത്തെ കുടും​ബ​ങ്ങ​ളു​ടെ അവസ്ഥ.

പൊതുവേ പറയാ​റു​ള്ളത്‌: വേണ്ടതി​ല​ധി​കം ഭക്ഷ്യസാ​ധ​നങ്ങൾ ഇന്ന്‌ ഭൂമി​യിൽ ഉത്‌പാ​ദി​പ്പി​ക്ക​പ്പെ​ടു​ന്നുണ്ട്‌. ഇത്‌ എല്ലാവർക്കും കിട്ടുന്ന വിധത്തിൽ വീതിച്ചു കൊടു​ത്താൽ മതിയാ​കും.

വസ്‌തുത എന്താണ്‌? അത്‌ ശരിയാണ്‌. ഇന്ന്‌ കൃഷി​ക്കാർക്ക്‌ മുമ്പെ​ന്ന​ത്തെ​ക്കാ​ളും ഭക്ഷണസാ​ധ​നങ്ങൾ ഉത്‌പാ​ദി​പ്പി​ക്കാ​നും മറ്റു സ്ഥലങ്ങളി​ലേക്ക്‌ അയയ്‌ക്കാ​നും കഴിയും. മനുഷ്യ​ന്റെ വിശപ്പ​ക​റ്റാൻ ഗവൺമെ​ന്റു​കൾ ഒരു കാര്യം ചെയ്‌താൽ മതി. ഭക്ഷണസാ​ധ​നങ്ങൾ ശരിയായ വിധത്തിൽ കൈകാ​ര്യം ചെയ്യുക. വർഷങ്ങ​ളാ​യി ഗവൺമെ​ന്റു​കൾ ഇതിനു​വേണ്ടി ശ്രമി​ക്കു​ന്നു​ണ്ടെ​ങ്കി​ലും അവർക്ക്‌ ഈ പ്രശ്‌നം പരിഹ​രി​ക്കാൻ കഴിഞ്ഞി​ട്ടില്ല.

നിങ്ങൾക്ക്‌ എന്ത്‌ തോന്നു​ന്നു? മർക്കോസ്‌ 13:8-ലെ പ്രവചനം ഇപ്പോൾ നടക്കു​ക​യാ​ണോ? നമ്മൾ ഇന്ന്‌ സാങ്കേ​തി​ക​മാ​യി വളരെ പുരോ​ഗതി കൈവ​രി​ച്ചി​ട്ടു​ണ്ടെ​ങ്കി​ലും എന്തു​കൊ​ണ്ടാണ്‌ ലോക​മെ​ങ്ങും ഭക്ഷ്യക്ഷാ​മം തുടരു​ന്നത്‌?

ഭൂകമ്പങ്ങളും ഭക്ഷ്യക്ഷാ​മ​ങ്ങ​ളും അവസാ​ന​നാ​ളു​ക​ളു​ടെ മറ്റൊരു പ്രശ്‌ന​ത്തി​ലേക്ക്‌ നമ്മുടെ ശ്രദ്ധ ക്ഷണിക്കു​ന്നു. അത്‌ എന്താണ്‌?

[ആകർഷകവാക്യം]

“ഇന്ന്‌ ലോക​ത്തിൽ ധാരാളം കുട്ടികൾ ന്യു​മോ​ണി​യ​യും വയറി​ള​ക്ക​വും മറ്റു രോഗ​ങ്ങ​ളും വന്ന്‌ മരിക്കു​ന്നുണ്ട്‌. പോഷ​കാ​ഹാ​ര​ക്കു​റവു കാരണ​മാണ്‌ അതിൽ മൂന്നി​ലൊ​ന്നിൽ കൂടുതൽ കുട്ടി​ക​ളും മരിക്കു​ന്നത്‌.”​—ആൻ എം. വെൻമാൻ, യു.എൻ. ശിശു​ക്ഷേമ ഫണ്ടിന്റെ മുൻ എക്‌സി​ക്യൂ​ട്ടിവ്‌ ഡയറക്ടർ.

[ചിത്രങ്ങൾക്ക്‌ കടപ്പാട്‌]

© Paul Lowe/Panos Pictures

പ്രവചനം 3. രോഗങ്ങൾ

‘മാരക​മായ പകർച്ച​വ്യാ​ധി​കൾ ഉണ്ടാകും.’​—ലൂക്കോസ്‌ 21:11.

● ആഭ്യന്തരയുദ്ധം കൊടു​മ്പി​രി കൊള്ളുന്ന ഒരു ആഫ്രിക്കൻ രാജ്യത്തെ പൊതു​ജ​നാ​രോ​ഗ്യ​പ്ര​വർത്ത​ക​നാ​യി​രു​ന്നു ബോൺസാ​ലി. മാർബർഗ്‌ വൈറസ്‌ ബാധി​ത​രായ അനേകം ഖനി തൊഴി​ലാ​ളി​കളെ തന്നെ​ക്കൊ​ണ്ടാ​കു​ന്ന​തു​പോ​ലെ സഹായി​ക്കാൻ അദ്ദേഹം മുന്നി​ട്ടി​റങ്ങി. നഗരത്തി​ലുള്ള ഉദ്യോ​ഗ​സ്ഥ​രോട്‌ സഹായ​ത്തിന്‌ അപേക്ഷി​ച്ചെ​ങ്കി​ലും മറുപ​ടി​യൊ​ന്നും കിട്ടി​യില്ല. അവസാനം, നാലു മാസം കഴിഞ്ഞ​പ്പോൾ സഹായ​മെത്തി. അപ്പോ​ഴേ​ക്കും ബോൺസാ​ലി മരിച്ചി​രു​ന്നു. ഖനി തൊഴി​ലാ​ളി​ക​ളു​മാ​യുള്ള സമ്പർക്ക​ത്തി​ലൂ​ടെ അദ്ദേഹ​ത്തെ​യും മാർബർഗ്‌ വൈറസ്‌ ബാധിച്ചു.

കണക്കുകൾ കാണി​ക്കു​ന്നത്‌: ന്യു​മോ​ണിയ പോലുള്ള ശ്വാസ​കോശ രോഗങ്ങൾ, വയറി​ളക്കം, എയ്‌ഡ്‌സ്‌, ക്ഷയം, മലേറിയ തുടങ്ങിയ രോഗങ്ങൾ മനുഷ്യ​കു​ടും​ബത്തെ പിടി​ച്ചു​ല​ച്ചി​രി​ക്കു​ക​യാണ്‌. 2004-ലെ ഒരു കണക്കനു​സ​രിച്ച്‌ ഇത്തരം രോഗ​ങ്ങ​ളിൽ മരിച്ച​വ​രു​ടെ എണ്ണം ഏകദേശം ഒരു കോടി ഏഴു ലക്ഷമാ​യി​രു​ന്നു. മറ്റൊരു വിധത്തിൽ പറഞ്ഞാൽ ഓരോ മൂന്നു സെക്കന്റ്‌ കൂടു​മ്പോ​ഴും ഒരാൾ വീതം മരിക്കു​ന്നു.

പൊതുവേ പറയാ​റു​ള്ളത്‌: ജനസംഖ്യ വർധി​ക്കു​ന്തോ​റും രോഗ​ങ്ങ​ളും വർധി​ക്കും. കൂടുതൽ ആളുകൾ രോഗി​ക​ളാ​കാ​നും സാധ്യ​ത​യുണ്ട്‌.

വസ്‌തുത എന്താണ്‌? ലോക​ജ​ന​സം​ഖ്യ​യിൽ വലിയ വർധന​വു​ണ്ടാ​യി​ട്ടുണ്ട്‌ എന്നുള്ളത്‌ സത്യം​ത​ന്നെ​യാണ്‌. എന്നാൽ അതോ​ടൊ​പ്പം രോഗങ്ങൾ കണ്ടുപി​ടി​ക്കാ​നും അത്‌ നിയ​ന്ത്രി​ക്കാ​നും ചികി​ത്സി​ക്കാ​നും ഒക്കെയുള്ള മനുഷ്യ​ന്റെ പ്രാപ്‌തി​യും കൂടി​യി​ട്ടുണ്ട്‌. ശരിക്കും പറഞ്ഞാൽ ഇതൊക്കെ രോഗ​ങ്ങളെ നിയന്ത്രണ വിധേ​യ​മാ​ക്കേ​ണ്ട​തല്ലേ? പക്ഷേ സംഭവി​ക്കു​ന്ന​തോ നേരെ തിരി​ച്ചും.

നിങ്ങൾക്ക്‌ എന്തു തോന്നു​ന്നു? ഈ രോഗ​ങ്ങ​ളും പകർച്ച​വ്യാ​ധി​ക​ളും ഒക്കെ ശരിക്കും ബൈബിൾ മുൻകൂ​ട്ടി​പ്പറഞ്ഞ കാര്യങ്ങൾ തന്നെയല്ലേ?

ഭൂകമ്പങ്ങളും ഭക്ഷ്യക്ഷാ​മ​ങ്ങ​ളും രോഗ​ങ്ങ​ളും ലക്ഷക്കണ​ക്കിന്‌ ആളുക​ളു​ടെ ജീവിതം താറു​മാ​റാ​ക്കി​യി​രി​ക്കു​ന്നു. ഇനി സഹമനു​ഷ്യ​രു​ടെ കൈയാൽ ലക്ഷക്കണ​ക്കിന്‌ ആളുക​ളാണ്‌ കഷ്ടപ്പെ​ടു​ന്നത്‌. സംരക്ഷി​ക്കേ​ണ്ടവർ തന്നെയാണ്‌ പലപ്പോ​ഴും പീഡി​പ്പി​ക്കു​ന്നത്‌. ഇതെക്കു​റിച്ച്‌ ബൈബിൾ പറയുന്ന പ്രവചനം ശ്രദ്ധി​ക്കാം.

[ആകർഷകവാക്യം]

“സിംഹം​പോ​ലുള്ള ഒരു കാട്ടു​മൃ​ഗ​ത്തി​ന്റെ ആക്രമ​ണ​ത്തിൽ മരിക്കു​ന്നത്‌ എത്ര ഭയാന​ക​മാണ്‌. അതു​പോ​ലെ​യാണ്‌ ഒരു രോഗാ​ണു ശരീര​ത്തി​നു​ള്ളിൽ കടന്ന്‌ ഒരാളെ ആക്രമിച്ച്‌ കീഴ്‌പ്പെ​ടു​ത്തു​ന്ന​തും.”​—സാം​ക്ര​മി​ക​രോഗ ശാസ്‌ത്ര​ജ്ഞ​നായ മൈക്കിൾ ഓസ്റ്റർഹോം.

[ചിത്രങ്ങൾക്ക്‌ കടപ്പാട്‌]

© William Daniels/Panos Pictures

പ്രവചനം 4. സഹജസ്‌നേ​ഹ​ത്തി​ന്റെ കുറവ്‌

‘മനുഷ്യർ സഹജസ്‌നേ​ഹ​മി​ല്ലാ​ത്ത​വ​രാ​യി​രി​ക്കും.’​—2 തിമൊ​ഥെ​യൊസ്‌ 3:1-3.

● യു.കെ.-യിൽ ഗാർഹി​ക​പീ​ഡ​ന​ത്തിന്‌ എതിരെ പ്രവർത്തി​ക്കുന്ന ഒരു സംഘട​ന​യി​ലെ അംഗമാണ്‌ ക്രിസ്‌. ക്രിസ്‌ പറയുന്നു: “എനിക്ക്‌ പരിച​യ​മുള്ള ഒരു സ്‌ത്രീ​യെ ഈ അടുത്ത്‌ ഞാൻ കണ്ടു. പൊതി​രെ അടി​കൊണ്ട അവരെ കണ്ടിട്ട്‌ തിരി​ച്ച​റി​യാൻപോ​ലും കഴിഞ്ഞില്ല. . . . നമ്മുടെ മുഖത്തു നോക്കാൻ പോലും പറ്റാത്ത അത്രയ്‌ക്കു മനസ്സു തകർന്ന​വ​രാണ്‌ പല സ്‌ത്രീ​ക​ളും.”

കണക്കുകൾ കാണി​ക്കു​ന്നത്‌: ഒരു ആഫ്രിക്കൻ രാജ്യത്ത്‌ സ്‌ത്രീ​ക​ളിൽ മൂന്നിൽ ഒരാ​ളെ​ങ്കി​ലും അവരുടെ കുട്ടി​ക്കാ​ലത്ത്‌ ലൈം​ഗിക അതി​ക്ര​മ​ത്തിന്‌ ഇരയാ​യി​ട്ടുണ്ട്‌. ആ രാജ്യ​ത്തു​തന്നെ നടന്ന ഒരു കണക്കെ​ടു​പ്പിൽനിന്ന്‌ മനസ്സി​ലാ​യത്‌ ഇതാണ്‌: ഭാര്യയെ തല്ലുന്ന​തിൽ കുഴപ്പ​മില്ല എന്ന അഭി​പ്രാ​യ​ക്കാ​രാണ്‌ പുരു​ഷ​ന്മാ​രിൽ മൂന്നി​ലൊ​ന്നിൽ കൂടുതൽ പേരും. എന്നാൽ സ്‌ത്രീ​കൾ മാത്രമല്ല വീടി​നു​ള്ളി​ലെ അതി​ക്ര​മ​ങ്ങൾക്ക്‌ ഇരകളാ​യി​ത്തീ​രു​ന്നത്‌. ഉദാഹ​ര​ണ​ത്തിന്‌, കാനഡ​യിൽ പത്തു പുരു​ഷ​ന്മാ​രെ എടുത്താൽ അതിൽ മൂന്നു പേർക്കെ​ങ്കി​ലും പങ്കാളി​യിൽനിന്ന്‌ ഉപദ്ര​വ​മോ അധി​ക്ഷേ​പ​മോ ഏൽക്കേ​ണ്ടി​വ​രു​ന്നുണ്ട്‌.

പൊതുവേ പറയാ​റു​ള്ളത്‌: വീട്ടിലെ അതി​ക്ര​മങ്ങൾ ഇപ്പോൾ മാത്രമല്ല മുമ്പും ഉണ്ടായി​രു​ന്നി​ട്ടുണ്ട്‌. പക്ഷേ ഇപ്പോൾ മുമ്പെ​ന്ന​ത്തെ​ക്കാ​ളും അധികം അത്‌ ശ്രദ്ധി​ക്ക​പ്പെ​ടു​ന്നു​ണ്ടെന്ന്‌ മാത്രം.

വസ്‌തുത എന്താണ്‌? അടുത്ത കാലത്താ​യി വീടിന്‌ അകത്ത്‌ നടക്കുന്ന അതി​ക്ര​മ​ങ്ങ​ളെ​ക്കു​റിച്ച്‌ ആളുകൾ കൂടുതൽ ബോധ​വാ​ന്മാ​രാ​യി​ട്ടുണ്ട്‌. എന്നാൽ ഈ അറിവ്‌ പ്രശ്‌നങ്ങൾ കുറച്ചി​ട്ടു​ണ്ടോ? ഇല്ല. ഒരു കുറവും വന്നിട്ടില്ല. ഇന്ന്‌ പൊതു​വേ ആളുകൾക്ക്‌ സഹജസ്‌നേഹം തീരെ ഇല്ല, മനുഷ്യ​ത്വം ഒട്ടുമില്ല.

നിങ്ങൾക്ക്‌ എന്ത്‌ തോന്നു​ന്നു? 2 തിമൊ​ഥെ​യൊസ്‌ 3:1-3-ൽ പറഞ്ഞി​രി​ക്കുന്ന കാര്യങ്ങൾ അല്ലേ നമുക്കു ചുറ്റും നടക്കു​ന്നത്‌? സ്വാഭാ​വി​ക​മാ​യി കുടും​ബാം​ഗ​ങ്ങ​ളോ​ടു തോന്നേണ്ട വാത്സല്യ​വും സ്‌നേ​ഹ​വും ഒക്കെ ഇന്ന്‌ മിക്കവർക്കും ഇല്ല എന്നുള്ളത്‌ ഒരു സത്യമല്ലേ?

അഞ്ചാമത്തെ പ്രവചനം നമ്മൾ താമസി​ക്കുന്ന ഭൂമി​യെ​ക്കു​റി​ച്ചു​ള്ള​താണ്‌. ബൈബിൾ അതെക്കു​റിച്ച്‌ എന്താണ്‌ പറയു​ന്നത്‌?

[ആകർഷകവാക്യം]

“സമൂഹ​ത്തിൽ റിപ്പോർട്ട്‌ ചെയ്യ​പ്പെ​ടാത്ത അതി​ക്രൂ​ര​മായ അതി​ക്ര​മ​ങ്ങ​ളാണ്‌ ഗാർഹിക പീഡനങ്ങൾ. ഒരു ശരാശരി കണക്കു പറയു​ന്ന​ത​നു​സ​രിച്ച്‌, ഒരു സ്‌ത്രീ തനിക്കു നേരി​ടുന്ന അതി​ക്രമം പോലീ​സിൽ റിപ്പോർട്ട്‌ ചെയ്യു​ന്ന​തി​നു മുമ്പ്‌ 35-ഓളം പ്രാവ​ശ്യം തന്റെ പങ്കാളി​യിൽനിന്ന്‌ അതി​ക്രമം നേരി​ട്ടുണ്ട്‌.”​—ഗാർഹിക പീഡന​ത്തി​നെ​തി​രെ പ്രവർത്തി​ക്കുന്ന യു.കെ.-യിലെ ഒരു വക്താവ്‌.

പ്രവചനം 5. ഭൂമിയെ നശിപ്പി​ക്കു​ന്ന​വ​രു​ടെ നാശം

‘ഭൂമിയെ നശിപ്പി​ക്കു​ന്ന​വരെ (ദൈവം) നശിപ്പി​ക്കും’​—വെളി​പാട്‌ 11:18.

● നൈജീ​രി​യ​യി​ലെ കപോർ എന്ന സ്ഥലത്ത്‌ പന ചെത്തുന്ന ജോലി ചെയ്യു​ക​യാ​യി​രു​ന്നു പിരെ. നൈജർ തുരു​ത്തി​ലു​ണ്ടായ വലിയ എണ്ണ ചോർച്ച​യിൽ അദ്ദേഹ​ത്തി​ന്റെ ഉപജീ​വ​ന​മാർഗം നഷ്ടപ്പെട്ടു. പിരെ പറയുന്നു: “ആ എണ്ണ ചോർച്ച കാരണം മീനുകൾ ചത്തു​പൊ​ന്തി. ഞങ്ങൾക്ക്‌ ചർമ​രോ​ഗങ്ങൾ വരാൻ തുടങ്ങി. ഞങ്ങളുടെ തോടു​ക​ളും പുഴക​ളും നശിച്ചു. . . . എനിക്ക്‌ ജീവി​ക്കാൻ വേറെ മാർഗം ഒന്നുമി​ല്ലാ​താ​യി.”

കണക്കുകൾ കാണി​ക്കു​ന്നത്‌: 65 ലക്ഷം ടൺ മാലി​ന്യ​ങ്ങ​ളാണ്‌ ലോക​ത്താ​കെ ഓരോ വർഷവും കടലിൽ എത്തുന്നത്‌ എന്നാണ്‌ ചില വിദഗ്‌ധ​രു​ടെ അഭി​പ്രാ​യം. അതിൽ പകുതി​യോ​ളം പ്ലാസ്റ്റിക്‌ വസ്‌തു​ക്ക​ളാണ്‌. അത്‌ കടലിൽ ഒഴുകി നടക്കും, നൂറു​ക​ണ​ക്കി​നു വർഷ​മെ​ടു​ക്കും ഇതു​പോ​ലുള്ള വസ്‌തു​ക്കൾ ജീർണി​ച്ചു​പോ​കാൻ. ഭൂമിയെ നശിപ്പി​ക്കു​ന്ന​തോ​ടൊ​പ്പം അപകട​ക​ര​മായ വിധത്തിൽ അതിന്റെ വിഭവ​ങ്ങ​ളും മനുഷ്യർ തീർത്തു​കൊ​ണ്ടി​രി​ക്കു​ക​യാണ്‌. ഒരു വർഷം​കൊണ്ട്‌ മനുഷ്യർ ഉപയോ​ഗി​ക്കുന്ന വിഭവങ്ങൾ ഉത്‌പാ​ദി​പ്പി​ച്ചെ​ടു​ക്കാൻ ഭൂമി ഏതാണ്ട്‌ ഒന്നര വർഷ​മെ​ടു​ക്കു​മെന്ന്‌ പഠനങ്ങൾ സൂചി​പ്പി​ക്കു​ന്നു. “ജനസം​ഖ്യ​യും വിഭവ​ങ്ങ​ളു​ടെ ഉപയോ​ഗ​വും ഇതേ വിധത്തിൽ തുടർന്നാൽ 2035 ആകു​മ്പോ​ഴെ​ക്കും നമുക്ക്‌ രണ്ടു ഭൂമി വേണ്ടി​വ​രും” എന്ന്‌ ഓസ്‌​ട്രേ​ലി​യൻ ദിനപ്പ​ത്ര​മായ സിഡ്‌നി മോർണിങ്‌ ഹെറാൾഡ്‌ പറയുന്നു.

പൊതുവേ പറയാ​റു​ള്ളത്‌: എന്തൊക്കെ പ്രശ്‌നങ്ങൾ ഉണ്ടായാ​ലും അതെല്ലാം പരിഹ​രി​ക്കാ​നുള്ള ബുദ്ധി മനുഷ്യർക്കുണ്ട്‌. ഓരോ​ന്നും പരിഹ​രിച്ച്‌ ഭൂമിയെ സംരക്ഷി​ക്കാൻ അവർക്കു കഴിയും.

വസ്‌തുത എന്താണ്‌? പരിസ്ഥി​തി​പ്ര​ശ്‌ന​ത്തി​ന്റെ ഗൗരവം ആളുകളെ ബോധ്യ​പ്പെ​ടു​ത്താൻ കഠിനാ​ധ്വാ​നി​ക​ളായ പല വ്യക്തി​ക​ളും കൂട്ടങ്ങ​ളും ഇന്നു പ്രവർത്തി​ക്കു​ന്നുണ്ട്‌. പക്ഷേ ഭൂമി ഇപ്പോ​ഴും വലിയ അളവിൽ മലിനീ​ക​രി​ക്ക​പ്പെ​ട്ടു​കൊ​ണ്ടി​രി​ക്കു​ക​യാണ്‌.

നിങ്ങൾക്ക്‌ എന്തു തോന്നു​ന്നു? നമ്മുടെ ഈ ഗ്രഹം നശിച്ചു​പോ​കാ​തെ സംരക്ഷി​ക്കാൻവേണ്ടി ദൈവം ഇടപെ​ട​ണ​മെന്ന്‌ തോന്നു​ന്നി​ല്ലേ? അതെക്കു​റിച്ച്‌ ദൈവം വാഗ്‌ദാ​നം ചെയ്‌തി​ട്ടു​ണ്ടെന്ന കാര്യം അറിയാ​മോ?

അവസാനകാലത്ത്‌ നടക്കുന്ന അഞ്ചു പ്രവച​ന​ങ്ങ​ളെ​ക്കു​റിച്ച്‌ നമ്മൾ മനസ്സി​ലാ​ക്കി. സന്തോ​ഷ​ക​ര​മായ ചില കാര്യ​ങ്ങൾകൂ​ടി നടക്കാ​നു​ണ്ടെന്ന്‌ ബൈബിൾ മുൻകൂ​ട്ടി​പ്പ​റ​യു​ന്നു. അത്‌ ആറാമത്തെ പ്രവച​ന​ത്തിൽ ഉണ്ട്‌. അതിന്‌ ഒരു ഉദാഹ​രണം നമുക്കു കാണാം.

[ആകർഷകവാക്യം]

“പറുദീ​സ​യു​ടെ ഒരു കഷണം സ്വന്തമാ​ക്കാ​മെന്ന്‌ വിചാ​രിച്ച്‌ ഞാൻ വാങ്ങി​യത്‌ വിഷമാ​ലി​ന്യ​ങ്ങൾ കുന്നു​കൂ​ട്ടി​യി​രി​ക്കുന്ന ഒരിട​മാണ്‌.”​—എറിൻ ടാമ്പർ, യു. എസ്‌. ഗൾഫ്‌ തീരത്ത്‌ താമസി​ക്കുന്ന ഒരാൾ. 2010-ൽ മെക്‌സി​ക്കോ ഗൾഫ്‌ കടലി​ടു​ക്കിൽ ഉണ്ടായ എണ്ണ ചോർച്ച​യെ​ക്കു​റിച്ച്‌ അദ്ദേഹം പറഞ്ഞ അഭി​പ്രാ​യം.

[ചതുരം]

ദൈവം ആണോ ഉത്തരവാ​ദി?

ഇക്കാലത്ത്‌ മോശ​മായ കാര്യങ്ങൾ നടക്കു​മെന്ന്‌ ബൈബിൾ മുൻകൂ​ട്ടി​പ്പ​റ​ഞ്ഞി​ട്ടുണ്ട്‌ എന്നതു സത്യമാണ്‌. പക്ഷേ, അതിനർഥം ദൈവ​മാണ്‌ ഇതി​നെ​ല്ലാം ഉത്തരവാ​ദി എന്നാണോ? കഷ്ടപ്പാ​ടു​കൾ വരുത്തു​ന്നത്‌ ദൈവ​മാ​ണോ? ഈ ചോദ്യ​ങ്ങൾക്കുള്ള തൃപ്‌തി​ക​ര​മായ ഉത്തരം യഹോ​വ​യു​ടെ സാക്ഷികൾ പ്രസി​ദ്ധീ​ക​രിച്ച ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌ത​ക​ത്തി​ന്റെ 11-ാം പാഠത്തിൽ കാണാം.

[ചിത്രത്തിനു കടപ്പാട്‌]

U.S. Coast Guard photo

പ്രവചനം 6. ലോക​മെ​ങ്ങു​മാ​യി നടക്കുന്ന പ്രസം​ഗ​പ്ര​വർത്തനം

“ദൈവ​രാ​ജ്യ​ത്തി​ന്റെ ഈ സന്തോ​ഷ​വാർത്ത എല്ലാ ജനതക​ളും അറിയാ​നാ​യി ഭൂലോ​ക​ത്തെ​ങ്ങും പ്രസം​ഗി​ക്ക​പ്പെ​ടും.”​—മത്തായി 24:14.

● പസിഫിക്‌ സമു​ദ്ര​ത്തി​ലെ റ്റ്യുഎ​മോ​ട്ടു ദ്വീപ​സ​മൂ​ഹ​ങ്ങ​ളി​ലൊ​ന്നി​ലാണ്‌ വയറ്റി​യോ താമസി​ക്കു​ന്നത്‌. 80 ദ്വീപ​സ​മൂ​ഹങ്ങൾ ചേർന്ന്‌ കിടക്കു​ന്ന​താണ്‌ റ്റ്യുഎ​മോ​ട്ടു. 8,02,900 ചതുര​ശ്ര​കി​ലോ​മീ​റ്റ​റാണ്‌ അതിന്റെ വിസ്‌തീർണം. അവിടെ വെറും 16,000-ത്തോളം ആളുകളേ താമസി​ക്കു​ന്നു​ള്ളൂ. എന്നാൽ ഈ ഒറ്റപ്പെട്ട ദ്വീപ​സ​മൂ​ഹ​ത്തിൽപ്പോ​ലും യഹോ​വ​യു​ടെ സാക്ഷികൾ വന്നിട്ടുണ്ട്‌. എന്തിനാണ്‌ അവർ ഈ ഒറ്റപ്പെട്ട സ്ഥലത്തു​പോ​ലും വന്നത്‌? ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത അറിയി​ക്കു​ന്ന​തി​നു​വേണ്ടി. ആളുകൾ എവിടെ താമസി​ച്ചാ​ലും യഹോ​വ​യു​ടെ സാക്ഷികൾ ഈ സന്ദേശ​വു​മാ​യി അവിടെ എത്തും.

കണക്കുകൾ കാണി​ക്കു​ന്നത്‌: ലോക​ത്തി​ന്റെ എല്ലാ കോണി​ലും ദൈവ​രാ​ജ്യ​സ​ന്ദേശം എത്തുന്നു. യഹോ​വ​യു​ടെ സാക്ഷികൾ 2010-ൽ മാത്രം 236 ദേശങ്ങ​ളി​ലാ​യി 160 കോടി​യി​ല​ധി​കം മണിക്കൂ​റാണ്‌ ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത പ്രസം​ഗി​ക്കു​ന്ന​തി​നു​വേണ്ടി ചെലവ​ഴി​ച്ചി​രി​ക്കു​ന്നത്‌. ഒരു ശരാശരി കണക്കെ​ടു​ത്താൽ ഓരോ ദിവസ​വും ഓരോ യഹോ​വ​യു​ടെ സാക്ഷി​യും അരമണി​ക്കൂർ സമയം ഇതിനു​വേണ്ടി മാറ്റി​വെ​ച്ചി​രി​ക്കു​ന്നു. കഴിഞ്ഞ കുറേ വർഷങ്ങ​ളിൽ ബൈബി​ളി​നെ അടിസ്ഥാ​ന​മാ​ക്കി​യുള്ള 2,000 കോടി​യി​ല​ധി​കം പ്രസി​ദ്ധീ​ക​ര​ണ​ങ്ങ​ളാണ്‌ അവർ ഉത്‌പാ​ദി​പ്പി​ക്കു​ക​യും വിതരണം നടത്തു​ക​യും ചെയ്‌തി​ട്ടു​ള്ളത്‌.

പൊതുവേ പറയാ​റു​ള്ളത്‌: ബൈബി​ളി​ലെ സന്ദേശം ആയിര​ക്ക​ണ​ക്കിന്‌ വർഷങ്ങ​ളാ​യി​ല്ലേ പ്രസം​ഗി​ക്കു​ന്നു?

വസ്‌തുത എന്താണ്‌? ശരിയാണ്‌. ബൈബി​ളി​ലെ സന്ദേശ​ത്തെ​ക്കു​റിച്ച്‌ ആയിര​ക്ക​ണ​ക്കിന്‌ വർഷങ്ങ​ളാ​യി പ്രസം​ഗി​ക്കു​ന്നുണ്ട്‌. പക്ഷേ അതൊക്കെ ഏതെങ്കി​ലും ഒരു പ്രദേ​ശത്ത്‌ കുറച്ചു കാലം മാത്രം ചെയ്‌തി​ട്ടു​ള്ള​താണ്‌. എന്നാൽ അതിൽനിന്ന്‌ വ്യത്യ​സ്‌ത​മാ​യി യഹോ​വ​യു​ടെ സാക്ഷികൾ സംഘടി​ത​മായ വിധത്തിൽ ലോക​മെ​ങ്ങു​മുള്ള കോടി​ക്ക​ണ​ക്കിന്‌ ആളുക​ളോട്‌ ദൈവ​രാ​ജ്യ​ത്തി​ന്റെ സന്തോ​ഷ​വാർത്ത പ്രസം​ഗി​ക്കു​ന്നു. മനുഷ്യ​ച​രി​ത്ര​ത്തി​ലെ ക്രൂര​ത​യ്‌ക്കു പേരു​കേട്ട പല സംഘട​ന​ക​ളും അവരെ അടിച്ച​മർത്താൻ നോക്കി​യി​ട്ടുണ്ട്‌. അവർ ഈ എതിർപ്പി​നെ​യെ​ല്ലാം അതിജീ​വിച്ച്‌ ദൈവ​രാ​ജ്യ​ത്തെ​ക്കു​റിച്ച്‌ പ്രസം​ഗി​ച്ചി​രി​ക്കു​ന്നു.a (മർക്കോസ്‌ 13:13) ശമ്പളം വാങ്ങി​ക്കൊ​ണ്ടല്ല യഹോ​വ​യു​ടെ സാക്ഷികൾ പ്രസം​ഗ​പ്ര​വർത്തനം നടത്തു​ന്നത്‌. പ്രസം​ഗ​പ്ര​വർത്തനം നടത്താൻ ആരും അവരെ നിർബ​ന്ധി​ക്കു​ന്നു​മില്ല. ഇനി അവർ പ്രസി​ദ്ധീ​ക​ര​ണങ്ങൾ സൗജന്യ​മാ​യും കൊടു​ക്കു​ന്നു. ഓരോ​രു​ത്ത​രും സ്വമന​സ്സാ​ലെ കൊടു​ക്കുന്ന സംഭാ​വ​ന​ക​ളാ​ലാണ്‌ ഈ പ്രവർത്തനം മുന്നോ​ട്ടു പോകു​ന്നത്‌.

നിങ്ങൾക്ക്‌ എന്ത്‌ തോന്നു​ന്നു? “ദൈവ​രാ​ജ്യ​ത്തി​ന്റെ ഈ സന്തോ​ഷ​വാർത്ത” ലോക​മെ​ങ്ങും പ്രസം​ഗി​ക്ക​പ്പെ​ടു​ന്നി​ല്ലേ? സന്തോ​ഷ​മുള്ള കാലമാണ്‌ മുന്നി​ലു​ള്ളത്‌ എന്നല്ലേ ഇതു സൂചി​പ്പി​ക്കു​ന്നത്‌?

[അടിക്കുറിപ്പ്‌]

[ആകർഷകവാക്യം]

“യഹോവ അനുവ​ദി​ക്കു​ന്നി​ട​ത്തോ​ളം കാലം ദൈവ​രാ​ജ്യ​ത്തി​ന്റെ സന്തോ​ഷ​വാർത്ത തീക്ഷ്‌ണ​ത​യോ​ടെ പ്രസം​ഗി​ക്കു​ന്ന​തിൽ നാം തുടരും. ആളുക​ളു​ടെ അടുത്ത്‌ സന്തോ​ഷ​വാർത്ത എത്തിക്കാ​നുള്ള എല്ലാ മാർഗ​ങ്ങ​ളും നമ്മൾ പ്രയോ​ജ​ന​പ്പെ​ടു​ത്തും.”​—യഹോ​വ​യു​ടെ സാക്ഷി​ക​ളു​ടെ വാർഷി​ക​പു​സ്‌തകം 2010.

നല്ല കാലം തൊട്ടുമുന്നിൽ!

“കുറച്ച്‌ കാലം​കൂ​ടെ കഴിഞ്ഞാൽ ദുഷ്ടന്മാ​രു​ണ്ടാ​യി​രി​ക്കില്ല. . . . എന്നാൽ സൗമ്യ​ത​യു​ള്ളവർ ഭൂമി കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ അത്യധി​കം ആനന്ദി​ക്കും.”​—സങ്കീർത്തനം 37:10, 11.

ബൈബിളിലെ ഈ പ്രവചനം നടന്നു​കാ​ണാൻ നിങ്ങൾ ആഗ്രഹി​ക്കു​ന്നു​ണ്ടോ? തീർച്ച​യാ​യും ആഗ്രഹി​ക്കു​ന്നു​ണ്ടാ​കും. അതു നടക്കു​മെന്ന്‌ നമുക്ക്‌ വിശ്വ​സി​ക്കാൻ ധാരാളം കാരണ​ങ്ങ​ളുണ്ട്‌.

നമ്മൾ ‘അവസാ​ന​കാ​ല​ത്താണ്‌’ ജീവി​ക്കു​ന്ന​തെന്ന്‌ വ്യക്തമാ​യി മനസ്സി​ലാ​ക്കാൻ സഹായി​ക്കുന്ന ബൈബിൾ പ്രവച​ന​ങ്ങ​ളെ​ക്കു​റിച്ച്‌ മുൻലേ​ഖ​ന​ങ്ങ​ളിൽ കണ്ടു. (2 തിമൊ​ഥെ​യൊസ്‌ 3: 1-5) നമുക്ക്‌ പ്രത്യാശ തരാനാ​യി ഈ കാര്യങ്ങൾ മുൻകൂ​ട്ടി എഴുതാൻ ദൈവം ബൈബിൾ എഴുത്തു​കാ​രെ പ്രചോ​ദി​പ്പി​ച്ചു. (റോമർ 15:4) ബൈബി​ളിൽ പറഞ്ഞി​രി​ക്കുന്ന പ്രവച​നങ്ങൾ ഇപ്പോൾ നടക്കു​ന്നത്‌ കാണു​മ്പോൾ ഒരു കാര്യം നമുക്ക്‌ ഉറപ്പാ​കും. ഇപ്പോൾ നമ്മൾ അനുഭ​വി​ക്കുന്ന പ്രശ്‌നങ്ങൾ പെട്ടെ​ന്നു​തന്നെ ഇല്ലാതാ​കും.

അവസാനകാലത്തിനു ശേഷം എന്തു സംഭവി​ക്കും? ദൈവ​ത്തി​ന്റെ രാജ്യം മനുഷ്യ​രെ ഭരിക്കും. (മത്തായി 6:9, 10) ആ സമയത്തെ ഭൂമി​യി​ലെ അവസ്ഥ എന്തായി​രി​ക്കു​മെന്ന്‌ ബൈബിൾ പറയു​ന്നത്‌ ശ്രദ്ധിക്കൂ:

● ആരും വിശന്നി​രി​ക്കില്ല.“ഭൂമി​യിൽ ധാന്യം സുലഭ​മാ​യി​രി​ക്കും; മലമു​ക​ളിൽ അതു നിറഞ്ഞു​ക​വി​യും.”​—സങ്കീർത്തനം 72:16

● ആർക്കും രോഗ​മു​ണ്ടാ​യി​രി​ക്കില്ല.“‘എനിക്കു രോഗ​മാണ്‌’ എന്നു ദേശത്ത്‌ വസിക്കുന്ന ആരും പറയില്ല.”​—യശയ്യ 33:24.

● ഭൂമി പുതു​താ​ക്ക​പ്പെ​ടും.“വിജന​ഭൂ​മി​യും വരണ്ടു​ണ​ങ്ങിയ ദേശവും സന്തോ​ഷി​ച്ചു​ല്ല​സി​ക്കും, മരു​പ്ര​ദേശം ആനന്ദിച്ച്‌ കുങ്കു​മം​പോ​ലെ പൂക്കും.”​—യശയ്യ 35:1.

തൊട്ടടുത്ത ഭാവി​യിൽ നടക്കാൻ പോകുന്ന ഏതാനും ചില ബൈബിൾ പ്രവച​നങ്ങൾ മാത്ര​മാണ്‌ ഇവ. ഉടനെ​തന്നെ നല്ല ഒരു കാലം വരു​മെന്ന്‌ യഹോ​വ​യു​ടെ സാക്ഷികൾ ഉറച്ച്‌ വിശ്വ​സി​ക്കു​ന്ന​തി​ന്റെ കാരണം എന്താ​ണെന്ന്‌ ദയവായി അവരോ​ടു ചോദിച്ച്‌ മനസ്സി​ലാ​ക്കൂ.