അവിശ്വാ​സി​ക​ളു​മാ​യി അമിക്ക​പ്പെ​ട​രുത്‌

“അവിശ്വാ​സി​ക​ളു​മാ​യി അസമമാ​യി അമിക്ക​പ്പെ​ട​രുത്‌. എന്തെന്നാൽ . . . വിശ്വ​സ്‌ത​നായ ഒരാൾക്ക്‌ ഒരു അവിശ്വാ​സി​യു​മാ​യി എന്ത്‌ ഓഹരി​യാ​ണു​ള്ളത്‌?”—2 കൊരി​ന്ത്യർ 6:14, 15.

1. ഒരു സഹോ​ദരി ഒരു അവിശ്വാ​സി​യെ വിവാ​ഹം​ചെ​യ്യാ​നി​ട​യാ​യ​തെ​ങ്ങനെ?

മദ്ധ്യ പശ്ചിമ ഐക്യ​നാ​ടു​ക​ളിൽനി​ന്നുള്ള യഹോ​വ​യു​ടെ സാക്ഷി​ക​ളി​ലൊ​രാൾക്ക്‌ കുറേ വർഷം​മുമ്പ്‌ ഒരു കാറപ​ക​ട​ത്തിൽ ഭർത്താ​വി​നെ നഷ്ടപ്പെട്ടു. “ഞാൻ ആദ്യം ശൂന്യ​യാ​ക്ക​പ്പെട്ടു, എന്നാൽ ഇത്‌ യഹോ​വ​ക്കാ​യുള്ള എന്റെ സേവനത്തെ തടസ്സ​പ്പെ​ടു​ത്ത​രു​തെന്ന്‌ എനിക്ക്‌ ദൃഢനി​ശ്ച​യ​മു​ണ്ടാ​യി​രു​ന്നു. എന്നിരു​ന്നാ​ലും, ഒന്നുരണ്ടു വർഷങ്ങൾക്കു​ശേഷം സഭയിലെ ഇണക​ളോ​ടുള്ള ബന്ധത്തിൽ ഞാൻ പൊരു​ത്ത​പ്പെ​ടു​ന്നി​ല്ലെ​ന്നുള്ള തോന്നൽ എനിക്കു​ണ്ടാ​യി​ത്തു​ടങ്ങി. എന്റെ പുത്രി​യേ​യും എന്നെയും മററു​ള്ളവർ എപ്പോ​ഴും കുടും​ബ​പ​ര്യ​ട​ന​ങ്ങൾക്ക്‌ ക്ഷണിക്കു​മാ​യി​രു​ന്നില്ല. ക്രിസ്‌തീയ ഇണകൾ അന്യോ​ന്യം പ്രിയം പ്രകട​മാ​ക്കു​ന്നതു കാണു​മ്പോൾ ഞാൻ പൂർവാ​ധി​കം ത്യജി​ക്ക​പ്പെ​ട്ടി​രി​ക്കു​ന്ന​താ​യി എനിക്കു തോന്നി. ഞാൻ ആത്മീയ​മാ​യി കൂടുതൽ ദുർബ്ബ​ല​യാ​കു​ന്നത്‌ ആരും കണ്ടതായി തോന്നി​യില്ല. അതു​കൊണ്ട്‌ ജോലി​സ്ഥ​ലത്ത്‌ ഞാൻ പരിച​യ​പ്പെട്ട ഒരു ലോക​മ​നു​ഷ്യൻ പുറത്തു​പോ​യി ഭക്ഷണം​ക​ഴി​ക്കാൻ എന്നെ ക്ഷണിച്ച​പ്പോൾ ഞാൻ പോയി. ഞാൻ പെട്ടെ​ന്നു​തന്നെ അയാളു​മാ​യി സ്‌നേ​ഹ​ത്തി​ലാ​യി. ഒടുവിൽ, ഞാൻ വളരെ ദുർബ്ബ​ല​യാ​കു​ക​യും ഏകാന്തത പിടി​പെ​ടു​ക​യും ചെയ്‌ത​തു​കൊണ്ട്‌ അയാളെ വിവാ​ഹം​ക​ഴി​ക്കാൻ ഞാൻ സമ്മതിച്ചു.”

2. വിവാ​ഹം​ക​ഴി​ക്കാ​നുള്ള ആഗ്രഹം സ്വാഭാ​വി​ക​മാ​യി​രി​ക്കു​ന്ന​തെ​ന്തു​കൊണ്ട്‌, വിവാഹം എന്തായി​രി​ക്കാൻ ഉദ്ദേശി​ക്ക​പ്പെ​ട്ടി​രു​ന്നു?

² അതെ, ഒരു ഇണയോ​ടു​കൂ​ടെ ജീവിതം പങ്കിടാ​നുള്ള ആഗ്രഹം വളരെ ശക്തമാ​യി​രി​ക്കാൻ കഴിയും, അത്‌ സ്വാഭാ​വി​ക​വു​മാണ്‌. യഹോ​വ​തന്നെ പ്രസ്‌താ​വി​ക്കുന്ന പ്രകാരം: “മനുഷ്യൻ തനിയെ തുടരു​ന്നതു നന്നല്ല. ഞാൻ അവനു​വേണ്ടി അവന്റെ ഒരു പൂരക​മെന്ന നിലയിൽ [“മറുഘ​ടകം,” അവനു യോജി​ക്കുന്ന ഒന്ന്‌] ഒരു സഹായി​യെ ഉണ്ടാക്കാൻ പോകു​ക​യാണ്‌.” (ഉല്‌പത്തി 2:18, ന്യൂ​വേൾഡ ട്രാൻസേ​ഷ്‌ളൻ റഫറൻസ ബൈബിൾ, അടിക്കു​റിപ്പ്‌) വിവാഹം ഒരു പുരു​ഷ​നും ഒരു സ്‌ത്രീ​യും തമ്മിലുള്ള ഒരു സ്ഥിരമായ അടുത്ത ഐക്യ​ബ​ന്ധ​മാ​യി​രി​ക്കാൻ ഉദ്ദേശി​ക്ക​പ്പെട്ടു. “ഒരു പുരുഷൻ തന്റെ അപ്പനെ​യും അമ്മയെ​യും വിടും, അവൻ തന്റെ ഭാര്യ​യോ​ടു പററി​നിൽക്കണം, അവർ ഒരു ജഡമാ​യി​ത്തീ​രണം” എന്നു പറഞ്ഞത്‌ ആദാമാ​യി​രു​ന്നില്ല, പിന്നെ​യോ യഹോ​വ​യാ​യി​രു​ന്നു. (ഉല്‌പത്തി 2:22-24; മത്തായി 19:4-6.) ഒരുപക്ഷേ നിങ്ങളു​ടെ ഹൃദയം അങ്ങനെ​യുള്ള ഒരു മറുഘ​ട​ക​ത്തി​നാ​യി കാംക്ഷി​ക്കു​ന്നു​ണ്ടാ​യി​രി​ക്കാം.

3, 4. (എ) അവിശ്വാ​സി​ക​ളു​മാ​യി അടുത്ത ബന്ധങ്ങൾ സ്ഥാപി​ക്കു​ന്ന​തി​നെ​തി​രെ ബൈബിൾ മുന്നറി​യി​പ്പു നൽകു​ന്ന​തെ​ങ്ങനെ? (ബി) അസമമായ അമിക്ക​ലി​നെ സംബന്ധിച്ച പൗലോ​സി​ന്റെ ബുദ്ധി​യു​പ​ദേശം ഏതു വിധത്തിൽ വിവാ​ഹ​ത്തി​നു ബാധക​മാ​യേ​ക്കാം? (സി) കൊരി​ന്ത്യ​ക്രി​സ്‌ത്യാ​നി​കൾ “അവിശ്വാ​സി​കൾ” എന്ന പദത്തെ എങ്ങനെ മനസ്സി​ലാ​ക്കു​മാ​യി​രു​ന്നു? (അടിക്കു​റി​പ്പു കാണുക.)

³ എന്നിരു​ന്നാ​ലും, ബൈബിൾ അവിശ്വാ​സി​ക​ളു​മാ​യി അടുത്ത ബന്ധങ്ങൾ സ്ഥാപി​ക്കു​ന്ന​തി​നെ​തി​രെ മുന്നറി​യി​പ്പു നൽകുന്നു. അപ്പോ​സ്‌ത​ല​നായ പൗലോസ്‌ പ്രസ്‌താ​വി​ക്കു​ന്ന​തു​പോ​ലെ, “അവിശ്വാ​സി​ക​ളു​മാ​യി അസമമാ​യി അമിക്ക​പ്പെ​ട​രുത്‌ [“ഒരു അസമമായ കക്ഷിയിൽചേർന്ന്‌ നിങ്ങൾക്കു​തന്നെ കടിഞ്ഞാ​ണി​ട​രുത്‌,” ദി ജറൂസലം ബൈബിൾ]a. ഒരു വിശ്വാ​സിക്ക്‌ അവിശ്വാ​സി​യു​മാ​യി എന്തു ബന്ധമാ​ണു​ള്ളത്‌.”b (2 കൊരി​ന്ത്യർ 6:14, 15) ഉഴാൻ ഒരു കാള​യെ​യും ഒരു കഴുത​യെ​യും അമിക്കു​ന്ന​തി​നെ​തി​രായ മോ​ശൈ​ക​ന്യാ​യ​പ്ര​മാ​ണ​ത്തി​ലെ നിരോ​ധനം പൗലോ​സി​ന്റെ മനസ്സി​ലു​ണ്ടാ​യി​രു​ന്നി​രി​ക്കാം. (ആവർത്തനം 22:10) കഴുതക്ക്‌ വലിപ്പ​ക്കു​റ​വാണ്‌, അത്രതന്നെ ബലവു​മില്ല. തന്നിമി​ത്തം അത്‌ അങ്ങനെ​യുള്ള അസമമായ അമിക്ക​ലി​ന്റെ ഫലമായി കഷ്ടപ്പെ​ടും. വിവാഹം ഭർത്താ​വി​നെ​യും ഭാര്യ​യെ​യും ബന്ധിപ്പി​ക്കുന്ന ഒരു നുകം പോ​ലെ​യാ​യ​തു​കൊണ്ട്‌ ഒരു ക്രിസ്‌ത്യാ​നി ഒരു അവിശ്വാ​സി​യെ വിവാഹം കഴിക്കു​ന്നത്‌ ഒരു അസമമായ ഇണയ്‌ക്ക​ലിൽ കലാശി​ക്കും. (മത്തായി 19:6) അങ്ങനെ​യുള്ള ഒരു നുകം മിക്ക​പ്പോ​ഴും ഒരു ദാമ്പത്യ​ബ​ന്ധ​ത്തിൽ കൂടു​ത​ലായ സമ്മർദ്ദ​വും സംഘർഷ​വും വരുത്തി​ക്കൂ​ട്ടു​ന്നു.—1 കൊരി​ന്ത്യർ 7:28 താരത​മ്യ​പ്പെ​ടു​ത്തുക.

⁴ എന്നിരു​ന്നാ​ലും, തുടക്ക​ത്തി​ലെ അനുഭവം ചിത്രീ​ക​രി​ക്കു​ന്ന​തു​പോ​ലെ, ചില ക്രിസ്‌ത്യാ​നി​കൾ അവിശ്വാ​സി​കളെ വിവാ​ഹം​ചെ​യ്യാൻ ഇഷ്ടപ്പെ​ട്ടി​ട്ടുണ്ട്‌. ചിലർ “കർത്താ​വിൽമാ​ത്രം” വിവാ​ഹം​ചെ​യ്യു​ന്നത്‌ പ്രയാ​സ​മാ​ണെന്നു കണ്ടെത്തു​ന്ന​തെ​ന്തു​കൊണ്ട്‌?—1 കൊരി​ന്ത്യർ 7:39.

ചിലർ മററു​ള്ളി​ട​ങ്ങ​ളിൽ നോക്കു​ന്ന​തി​ന്റെ കാരണം

5. ചിലർ ഒരു അവിശ്വാ​സി​യു​മാ​യി പ്രേമാ​ത്മ​ക​മാ​യി ഉൾപ്പെ​ടു​ന്ന​തെ​ന്തു​കൊ​ണ്ടെന്ന്‌ വിശദീ​ക​രി​ക്കുക.

⁵ അവർ അവശ്യം ദൈവി​ക​ബു​ദ്ധി​യു​പ​ദേശം അവഗണി​ക്കാൻ ഇറങ്ങി​പ്പു​റ​പ്പെ​ടു​ന്നു​വെന്നല്ല. വിവാ​ഹി​ത​യാ​കാൻ ആഗ്രഹി​ച്ചേ​ക്കാ​വുന്ന ഒരു ക്രിസ്‌തീ​യ​സ​ഹോ​ദ​രി​യു​ടെ സാഹച​ര്യം പരിഗ​ണി​ക്കുക. അവൾ ഒരു ക്രിസ്‌തീ​യ​ഭർത്താ​വി​നാ​യി കാംക്ഷി​ച്ചേ​ക്കാം, അവളുടെ വിശ്വാ​സി​ക​ളായ സുഹൃ​ത്തു​ക്ക​ളു​ടെ വലയത്തിൽ യോഗ്യ​ത​യുള്ള അനേകം സഹോ​ദ​രൻമാർ ഉള്ളതായി കാണ​പ്പെ​ടു​ന്നില്ല. അവൾ തന്റെ പ്രായ​ത്തെ​ക്കു​റിച്ച്‌ ബോധ​മു​ള്ള​വ​ളാണ്‌. അവൾ ഒരു കുടും​ബം വളർത്താൻ ആഗ്രഹി​ച്ചേ​ക്കാം. ഒററക്ക്‌ പ്രായാ​ധി​ക്യ​ത്തി​ലാ​കു​ന്ന​തി​നെ​ക്കു​റി​ച്ചുള്ള ഭയവും സ്‌നേ​ഹി​ക്ക​പ്പെ​ടേ​ണ്ട​തി​ന്റെ ആവശ്യ​വും അവളെ വികാ​രാ​ധീ​ന​യാ​ക്കി​യേ​ക്കാം. അപ്പോൾ ഒരു ലോക​മ​നു​ഷ്യൻ അവളിൽ താത്‌പ​ര്യം പ്രകട​മാ​ക്കു​ന്നു​വെ​ങ്കിൽ, ചെറു​ത്തു​നിൽക്കുക പ്രയാ​സ​മാ​യി​രി​ക്കാം. അയാൾ ദയാലു​വും സൗമ്യ​നു​മാ​യി കാണ​പ്പെ​ട്ടേ​ക്കാം. അയാൾ പുകവ​ലി​ക്കു​ക​യി​ല്ലാ​യി​രി​ക്കാം, അസഭ്യ​ഭാഷ ഉപയോ​ഗി​ക്കു​ക​യി​ല്ലാ​യി​രി​ക്കാം. അനന്തരം ന്യായീ​ക​ര​ണങ്ങൾ വരുന്നു: ‘എന്തിന്‌, അയാൾ എനിക്ക​റി​യാ​വുന്ന ഒട്ടേറെ സഹോ​ദ​രൻമാ​രെ​ക്കാൾ നല്ലയാ​ളാണ്‌!’ ‘അയാൾക്ക്‌ പഠിക്കാൻ താല്‌പ​ര്യ​മുണ്ട്‌.’ ‘ഒരു സഹോ​ദരി ഒരു അവിശ്വാ​സി​യെ വിവാഹം കഴിക്കു​ക​യും ഒടുവിൽ അയാൾ ഒരു സഹവി​ശ്വാ​സി​യാ​യി​ത്തീ​രു​ക​യും​ചെയ്‌ത കേസുകൾ എനിക്ക​റി​യാം.’ ‘ശരിയാ​യി പ്രവർത്തി​ക്കാത്ത ചില ക്രിസ്‌തീയ വിവാ​ഹ​ങ്ങ​ളുണ്ട്‌!’—യിരെ​മ്യാവ്‌ 17:9 കാണുക.

6, 7. (എ) ഒരു അവിവാ​ഹി​ത​യായ സഹോ​ദരി തന്റെ മടുപ്പ്‌ വിശദീ​ക​രി​ച്ച​തെ​ങ്ങനെ? (ബി) ഏതു ചോദ്യം നമ്മുടെ പരിചി​ന്തനം അർഹി​ക്കു​ന്നു?

⁶ അതെ, വിവാഹം കഴിക്കാ​നാ​ഗ്ര​ഹി​ക്കുന്ന ഒരു ക്രിസ്‌ത്യാ​നിക്ക്‌ വളരെ മടുപ്പ്‌ തോന്നി​യേ​ക്കാം. ചിലർ ഭഗ്നാശർപോ​ലു​മാ​യി​ത്തീ​രു​ന്നു. തന്റെ പ്രദേ​ശത്തെ സാഹച​ര്യ​ത്തെ വർണ്ണി​ച്ച​പ്പോൾ “യോഗ്യ​ത​യുള്ള സഹോ​ദ​രൻമാ​രു​ടെ എണ്ണം തീർത്തും കുറവാണ്‌” എന്ന്‌ ഒരു അവിവാ​ഹി​ത​യായ സഹോ​ദരി പറയു​ക​യു​ണ്ടാ​യി. “എന്നാൽ അവിവാ​ഹി​ത​രായ സഹോ​ദ​രി​മാ​രു​ടെ എണ്ണം വളരെ കൂടു​ത​ലാണ്‌. ഒരു സഹോ​ദരി തന്റെ യൗവനം പാഞ്ഞു​പോ​കു​ന്ന​താ​യി കാണു​മ്പോൾ അവളുടെ തെര​ഞ്ഞെ​ടു​പ്പു​കൾ വിവാഹം കഴിക്കാ​തി​രി​ക്കാ​നോ തനിക്ക്‌ ലഭിക്കുന്ന ആദ്യ അവസര​ത്തിൽതന്നെ വിവാ​ഹം​ക​ഴി​ക്കാ​നോ ആയി ചുരു​ങ്ങു​ന്നു.”

⁷ എന്നിരു​ന്നാ​ലും, ബൈബി​ളി​ന്റെ ബുദ്ധി​യു​പ​ദേശം വ്യക്തമാണ്‌: ‘അവിശ്വാ​സി​ക​ളു​മാ​യി അമിക്ക​പ്പെ​ട​രുത്‌.’ (2 കൊരി​ന്ത്യർ 6:14) ഈ ദിവ്യ​മു​ന്ന​റി​യിപ്പ്‌ പരുഷ​മോ അന്യാ​യ​മോ ആണോ?

ദൈവ​ത്തി​ന്റെ സനേ​ഹ​പൂർവ​ക​മായ പരിപാ​ല​ന​ത്തി​ന്റെ തെളിവ്‌

8. തനിക്ക്‌ നമ്മുടെ ഉത്തമതാ​ല്‌പ​ര്യ​ങ്ങൾ മനസ്സി​ലു​ണ്ടെന്ന്‌ യഹോവ പ്രകട​മാ​ക്കി​യി​രി​ക്കു​ന്ന​തെ​ങ്ങനെ?

⁸ യഹോ​വക്ക്‌ നമ്മുടെ നിലനിൽക്കുന്ന ക്ഷേമത്തിൽ അഗാധ​മായ താല്‌പ​ര്യ​മുണ്ട്‌. തനിക്കു​തന്നെ വലിയ നഷ്ടം വരുത്തി​ക്കൊണ്ട്‌ അവൻ തന്റെ പുത്രനെ “അനേകർക്കു പകരമാ​യി ഒരു മറുവില”യായി കൊടു​ത്തി​ല്ല​യോ? (മത്തായി 20:28) അവൻ ‘നമുക്കു​തന്നെ പ്രയോ​ജ​നം​ചെ​യ്യാൻ നമ്മെ പഠിപ്പി​ക്കു​ന്നവൻ’ അല്ലയോ? (യെശയ്യാവ്‌ 48:17) ‘നമുക്ക്‌ സഹിക്കാ​വു​ന്ന​തി​ന​തീ​ത​മാ​യി നാം പരീക്ഷി​ക്ക​പ്പെ​ടാൻ അവൻ അനുവ​ദി​ക്കു​ക​യില്ല’ എന്ന്‌ അവൻ വാഗ്‌ദത്തം ചെയ്യു​ന്നി​ല്ലേ? (1 കൊരി​ന്ത്യർ 10:13) ന്യായ​മാ​യി, അപ്പോൾ, അവിശ്വാ​സി​ക​ളു​മാ​യി അമിക്ക​പ്പെ​ട​രു​തെന്ന്‌ അവൻ നമ്മോടു പറയു​മ്പോൾ അവന്‌ നമ്മുടെ ഉത്തമതാ​ല്‌പ​ര്യ​ങ്ങൾ ഹൃദയ​ത്തി​ലു​ണ്ടാ​യി​രി​ക്കണം! ഈ മുന്നറി​യിപ്പ്‌ നമ്മോ​ടുള്ള അവന്റെ സ്‌നേ​ഹ​പൂർവ​ക​മായ പരിപാ​ല​ന​ത്തി​ന്റെ ഒരു പ്രകട​ന​മാ​യി​രി​ക്കു​ന്ന​തെ​ങ്ങ​നെ​യെന്ന്‌ പരിഗ​ണി​ക്കുക.

9. (എ) ഒരു ക്രിസ്‌ത്യാ​നി ഒരു അവിശ്വാ​സി​യു​മാ​യി ഒരു അടുത്ത ബന്ധം സ്ഥാപി​ക്കു​ന്ന​തി​നെ​തി​രെ പൗലോസ്‌ എന്തു മുന്നറി​യിപ്പ്‌ നൽകുന്നു? (ബി) “യോജിപ്പ്‌” എന്ന്‌ വിവർത്ത​നം​ചെ​യ്‌തി​രി​ക്കുന്ന ഗ്രീക്ക്‌ പദത്തിന്റെ അർത്ഥ​മെന്ത്‌, അത്‌ ഒരു ക്രിസ്‌ത്യാ​നി ഒരു അവിശ്വാ​സി​യു​മാ​യി ഇണയ്‌ക്ക​പ്പെ​ടു​മ്പോ​ഴത്തെ പ്രയാ​സത്തെ ചിത്രീ​ക​രി​ക്കു​ന്ന​തെ​ങ്ങനെ?

⁹ വിവാഹം മനുഷ്യർ തമ്മിലുള്ള ഏററവു​മ​ടുത്ത ബന്ധമാ​യി​രി​ക്കാ​നാണ്‌ സ്രഷ്ടാവ്‌ ഉദ്ദേശി​ച്ചത്‌, ഭർത്താ​വും ഭാര്യ​യും “ഏകജഡ”മായി​ത്തീ​ര​ണ​മാ​യി​രു​ന്നു. (ഉല്‌പത്തി 2:24) ഒരു ക്രിസ്‌ത്യാ​നി ഒരു അവിശ്വാ​സി​യു​മാ​യി ഇത്ര അടുത്ത ഒരു ബന്ധം സ്ഥാപി​ക്കു​ന്നത്‌ ബുദ്ധി​യാ​ണോ? തുളച്ചു​ക​യ​റുന്ന ചോദ്യ​ങ്ങ​ളു​ടെ ഒരു പരമ്പര ഉന്നയി​ച്ചു​കൊണ്ട്‌ പൗലോസ്‌ മറുപടി പറയുന്നു. ഓരോ​ന്നും ഒരു നിഷേ​ധാ​ത്മക ഉത്തരം മുന്നമേ സങ്കൽപ്പി​ക്കു​ന്നു: “എന്തെന്നാൽ നീതി​ക്കും അധർമ്മ​ത്തി​നും എന്തു കൂട്ടാ​യ്‌മ​യുണ്ട്‌? അല്ലെങ്കിൽ വെളി​ച്ച​ത്തിന്‌ ഇരുട്ടു​മാ​യി എന്തു പങ്കുണ്ട്‌? കൂടാതെ, ക്രിസ്‌തു​വും ബലീ​യേ​ലും (സാത്താ​നും) തമ്മിൽ എന്തു യോജി​പ്പാണ്‌ (ഗ്രീക്ക്‌, സിംഫ​ണി​സിസ) ഉള്ളത്‌? അല്ലെങ്കിൽ ഒരു വിശ്വ​സ്‌ത​നായ ആൾക്ക്‌ ഒരു അവിശ്വാ​സി​യു​മാ​യി എന്ത്‌ ഓഹരി​യാ​ണു​ള്ളത്‌?” (2 കൊരി​ന്ത്യർ 6:14, 15) സിംഫ​ണി​സിസ എന്ന ഗ്രീക്ക്‌ പദത്തിന്റെ അക്ഷരാർത്ഥം “ഒരുമി​ച്ചുള്ള ഒരു ശബ്ദമു​ണ്ടാ​ക്കൽ” എന്നാണ്‌. (“കൂടെ” എന്നതി​നുള്ള സിൻ-ൽനിന്നും “ഒരു ശബ്ദം” എന്നതിന്റെ ഫോൺ-ൽനിന്നും). അത്‌ സംഗീ​തോ​പ​ക​ര​ണങ്ങൾ ഉളവാ​ക്കുന്ന സ്വ​രൈ​ക്യ​ത്തെ പരാമർശി​ക്കു​ന്നു. തീർച്ച​യാ​യും, ക്രിസ്‌തു​വും സാത്താ​നും തമ്മിൽ യോജി​പ്പില്ല. അതു​പോ​ലെ​തന്നെ, അസമമായ ഒരു നുകത്തിൽ ഭർത്താ​വി​നും ഭാര്യ​ക്കും ‘ഒരേ തന്ത്രികൾ മീട്ടാൻ’ വളരെ പ്രയാ​സ​മാണ്‌. അവർ അന്യോ​ന്യം പൊരു​ത്ത​മി​ല്ലാത്ത, സംഗീ​ത​ത്തി​നു പകരം വിരു​ദ്ധ​ശ​ബ്ദങ്ങൾ ഉളവാ​ക്കുന്ന, രണ്ട്‌ സംഗീ​തോ​പ​ക​ര​ണങ്ങൾ പോ​ലെ​യാണ്‌.

10. ഒരു സന്തുഷ്ട​വി​വാ​ഹ​ത്തി​ലെ അത്യന്താ​പേ​ക്ഷിത ഘടകങ്ങൾ എന്തൊ​ക്കെ​യാണ്‌, സമനി​ല​യുള്ള ഒരു നുകം ഉള്ളപ്പോൾ എന്തു പ്രയോ​ജ​നങ്ങൾ ഉണ്ട്‌?

¹⁰ അപ്പോൾ ഒരു ആത്മീയ വ്യക്തിക്ക്‌ ഒരു ജഡിക​വ്യ​ക്തി​യു​മാ​യി പൂർണ്ണ​യോ​ജിപ്പ്‌ എങ്ങനെ ആസ്വദി​ക്കാൻ കഴിയും? (1 കൊരി​ന്ത്യർ 2:14) പൊതു​വി​ശ്വാ​സ​ങ്ങ​ളും തത്വങ്ങ​ളും ലക്ഷ്യങ്ങ​ളും ഒരു സന്തുഷ്‌ട​വി​വാ​ഹ​ത്തി​ലെ അത്യന്താ​പേ​ക്ഷിത ഘടകങ്ങ​ളാണ്‌. സ്രഷ്ടാ​വി​നോ​ടുള്ള കൂട്ടായ ഭക്തി​യെ​ക്കാൾ വിവാ​ഹ​ത്തി​നു ശക്തി പകരുന്ന മറെറാ​ന്നു​മില്ല. സമനി​ല​യുള്ള ഒരു നുകമു​ള്ള​പ്പോൾ ഭർത്താ​വി​നും ഭാര്യ​ക്കും ആരാധ​ന​യിൽ പരസ്‌പരം പ്രോൽസാ​ഹി​പ്പി​ക്കാൻ കഴിയും. തങ്ങളുടെ ഭിന്നതകൾ പരിഹ​രി​ക്കു​ന്ന​തിന്‌ ഇരുവർക്കും തിരു​വെ​ഴു​ത്തു​ക​ളി​ലേക്ക്‌ നോക്കാൻ കഴിയും. നാം നമ്മുടെ വിവാഹ ഇണയു​മാ​യി സാദ്ധ്യ​മാ​കുന്ന ഏററം അടുത്ത ബന്ധം ആസ്വദി​ക്കാൻ യഹോവ ആഗ്രഹി​ക്കു​ന്ന​തു​കൊ​ണ്ടാണ്‌ അവിശ്വാ​സി​ക​ളു​മാ​യി നമ്മേത്തന്നെ അമിക്കാ​തി​രി​ക്കാൻ അവൻ നമ്മോടു പറയു​ന്ന​തെന്ന്‌ തെളി​വല്ലേ?

11. ആരാധ​ക​ര​ല്ലാ​ഞ്ഞ​വ​രു​മാ​യുള്ള വിവാ​ഹ​ബ​ന്ധങ്ങൾ ഇസ്രാ​യേ​ലിൽ നിരോ​ധി​ക്ക​പ്പെ​ട്ട​തെ​ന്തു​കൊണ്ട്‌, ഏതു ചിന്തോ​ദ്ദീ​പ​ക​മായ ചോദ്യം ഉന്നയി​ക്ക​പ്പെ​ടു​ന്നു?

¹¹ ബൈബി​ളി​ന്റെ മുന്നറി​യിപ്പ്‌ അനുസ​രി​ക്കു​ന്നത്‌ ഒരു ക്രിസ്‌ത്യാ​നി ഒരു അവിശ്വാ​സി​യു​മാ​യി അമിക്ക​പ്പെ​ടു​മ്പോൾ മിക്ക​പ്പോ​ഴും സംജാ​ത​മാ​കുന്ന വേദനാ​ക​ര​മായ പരിണ​ത​ഫ​ല​ങ്ങ​ളിൽനിന്ന്‌ നമ്മെ ഒഴിവാ​ക്കു​ക​യും ചെയ്യുന്നു. ദൃഷ്ടാ​ന്ത​മാ​യി, അവിശ്വാ​സി ക്രിസ്‌തീയ ഇണയെ, യഹോ​വയെ സേവി​ക്കു​ന്ന​തിൽനിന്ന്‌ അകററാ​നുള്ള സാദ്ധ്യ​ത​യുണ്ട്‌. പുരാതന ഇസ്രാ​യേ​ലി​നോ​ടുള്ള യഹോ​വ​യു​ടെ മുന്നറി​യി​പ്പു പരിചി​ന്തി​ക്കുക. ഇസ്ര​യേ​ല്യേ​ത​ര​രു​മാ​യുള്ള വിവാ​ഹ​ബ​ന്ധങ്ങൾ നിരോ​ധി​ക്ക​പ്പെ​ട്ടി​രു​ന്നു. എന്തു​കൊണ്ട്‌? “എന്തു​കൊ​ണ്ടെ​ന്നാൽ അവൻ നിന്റെ പുത്രനെ എന്നെ സേവി​ക്കു​ന്ന​തിൽനിന്ന്‌ അകററു​ക​യും അവർ തീർച്ച​യാ​യും അന്യ​ദൈ​വ​ങ്ങളെ സേവി​ക്കു​ക​യും​ചെ​യ്യും” എന്ന്‌ യഹോവ മുന്നറി​യി​പ്പു​നൽകി. (ആവർത്തനം 7:3, 4) ഒരു അവിശ്വാ​സി​യായ ഇണയിൽനി​ന്നുള്ള എതിർപ്പി​നെ അഭിമു​ഖീ​ക​രി​ക്കു​മ്പോൾ എതിർപ്പു കുറഞ്ഞ മാർഗ്ഗ​ത്തി​ലേക്ക്‌ ഒഴുകി​പ്പോ​കാ​നുള്ള ഒരു പ്രവണത ഉണ്ടായി​രു​ന്നേ​ക്കാം. ‘അത്‌ എനിക്ക്‌ സംഭവി​ക്കു​ക​യില്ല’ എന്ന്‌ വിചാ​രി​ക്കുക എളുപ്പ​മാണ്‌. എന്നാൽ അത്‌ ശലോ​മോ​നെ​പ്പോ​ലെ ജ്ഞാനി​യാ​യുള്ള ഒരു മനുഷ്യ​നു സംഭവി​ച്ചു. നിങ്ങൾക്കും അതു സംഭവി​ക്കാൻ പാടില്ലേ?—1 രാജാ​ക്കൻമാർ 11:1-6; 1 രാജാ​ക്കൻമാർ 4:29, 30 താരത​മ്യ​പ്പെ​ടു​ത്തുക.

12. അന്യരു​മാ​യുള്ള വിവാ​ഹ​ങ്ങളെ നിരോ​ധി​ക്കുന്ന ദൈവ​നി​യമം ഇസ്ര​യേ​ല്യർക്ക്‌ ഒരു സംരക്ഷ​ണ​മാ​യി ഉതകി​യ​തെ​ങ്ങനെ? വിശദീ​ക​രി​ക്കുക.

¹² വിശ്വാ​സി സത്യാ​രാ​ധ​ന​യിൽനിന്ന്‌ അകററ​പ്പെ​ടാ​തി​രു​ന്നാ​ലും മിക്ക​പ്പോ​ഴും മതപര​മാ​യി ഭിന്നത​യുള്ള ഭവന​ത്തോ​ടു ബന്ധപ്പെട്ട പ്രശ്‌ന​ങ്ങ​ളും സമ്മർദ്ദ​ങ്ങ​ളും പിന്നെ​യു​മുണ്ട്‌. ഇസ്ര​യേ​ലി​നു ദൈവം കൊടുത്ത നിയമം വീണ്ടും പരിഗ​ണി​ക്കുക. ഒരു ഇസ്ര​യേല്യ പെൺകു​ട്ടി ഒരു കനാന്യ പുരു​ഷനെ വിവാഹം ചെയ്യാൻ സമ്മതി​ച്ചു​വെന്ന്‌ സങ്കൽപ്പി​ക്കുക. കനാൻനാ​ട്ടിൽ പ്രബല​പ്പെ​ട്ടി​രുന്ന ലൈം​ഗി​ക​ന​ട​പ​ടി​കൾ നിമിത്തം അയാൾക്ക്‌ അവളുടെ ദൈവ​ത്തി​ന്റെ നിയമ​ത്തോട്‌ എന്ത്‌ ആദരവു​ണ്ടാ​യി​രി​ക്കാ​നാണ്‌? ദൃഷ്ടാ​ന്ത​ത്തിന്‌, മോ​ശൈ​ക​ന്യാ​യ​പ്ര​മാ​ണം ആവശ്യ​പ്പെ​ട്ട​തു​പോ​ലെ, ആർത്തവ​കാ​ലത്ത്‌ അയാൾ മനസ്സോ​ടെ ലൈം​ഗി​ക​ബ​ന്ധ​ത്തിൽനിന്ന്‌ ഒഴിഞ്ഞി​രി​ക്കു​മോ?c (ലേവ്യ​പു​സ്‌തകം 18:19; 20:18; ലേവ്യ​പു​സ്‌തകം 18:27 താരത​മ്യ​പ്പെ​ടു​ത്തുക.) ഒരു കനാന്യ പെൺകു​ട്ടി​യെ വിവാ​ഹം​ചെയ്‌ത ഒരു ഇസ്ര​യേല്യ പുരു​ഷന്റെ കാര്യ​ത്തിൽ ഓരോ വർഷവും മൂന്നു പ്രാവ​ശ്യം കാലി​ക​മായ ഉത്സവങ്ങൾക്ക്‌ അയാൾ യരൂശ​ലേ​മി​ലേക്ക്‌ പോകു​മ്പോൾ അവൾ എങ്ങനെ പിന്തുണ കൊടു​ക്കും? (ആവർത്തനം 16:16) പ്രസ്‌പ​ഷ്ട​മാ​യി, അങ്ങനെ​യുള്ള വിവാ​ഹ​ങ്ങളെ നിരോ​ധി​ച്ചു​കൊ​ണ്ടുള്ള ദൈവ​നി​യമം ഇസ്ര​യേ​ല്യർക്ക്‌ ഒരു സംരക്ഷ​ണ​മാ​യി ഉതകി.

13. (എ) ഒരു ലോക​വ്യ​ക്തിക്ക്‌ ബൈബിൾപ​രി​ശീ​ലി​ത​മായ ഒരു ക്രിസ്‌തീ​യ​വ്യ​ക്തി​ത്വം ഇല്ലാത്ത​തെ​ന്തു​കൊണ്ട്‌? (ബി) മതപര​മാ​യി ഭിന്നി​പ്പുള്ള ഭവനങ്ങ​ളിൽ ചിലർ ഏതു സമ്മർദ്ദ​ങ്ങ​ളെ​യും പ്രശ്‌ന​ങ്ങ​ളെ​യും അഭിമു​ഖീ​ക​രി​ക്കു​ന്നു?

¹³ ഇന്ന്‌ എങ്ങനെ​യാണ്‌? ലോക​ജ​ന​ങ്ങ​ളു​ടെ ധാർമ്മി​ക​നി​ല​വാ​രങ്ങൾ ബൈബി​ളി​ലേ​തിൽനിന്ന്‌ വളരെ അകന്നതാണ്‌. ചില ലോക​വ്യ​ക്തി​കൾ എത്ര യോഗ്യ​രാ​യി കാണ​പ്പെ​ട്ടാ​ലും അവർക്ക്‌ ബൈബിൾ പരിശീ​ലിത ക്രിസ്‌തീ​യ​മ​നഃ​സാ​ക്ഷി​യില്ല. അവർ ദൈവ​വ​ചനം പഠിച്ചു​കൊണ്ട്‌ വർഷങ്ങൾ ചെലവ​ഴി​ക്കു​ക​യും ‘മനസ്സു പുതു​ക്കു​ക​യും’ ‘പഴയ വ്യക്തി​ത്വ​ത്തെ ഉരിഞ്ഞു​ക​ള​യു​ക​യും’ ചെയ്‌തി​ട്ടില്ല. (റോമർ 12:2; കൊ​ലോ​സ്യർ 3:9) അതു​കൊണ്ട്‌, ഒരു അവിശ്വാ​സി​യു​മാ​യി ഇണയ്‌ക്ക​പ്പെ​ടുന്ന ക്രിസ്‌ത്യാ​നി മിക്ക​പ്പോ​ഴും വളരെ​യ​ധി​ക​മായ ഹൃദയ​വേ​ദ​ന​ക്കും ദുഃഖ​ത്തി​നും സ്വയം വിധേ​യ​നാ​ക്കു​ക​യാണ്‌. ചിലർ വികട​മായ ലൈം​ഗി​ക​ന​ട​പ​ടി​ക​ളിൽ പങ്കെടു​ക്കാ​നുള്ള അല്ലെങ്കിൽ ലോക​വി​ശേ​ഷ​ദി​വ​സങ്ങൾ ആഘോ​ഷി​ക്കാ​നുള്ള സമ്മർദ്ദ​ങ്ങളെ ആവർത്തിച്ച്‌ അഭിമു​ഖീ​ക​രി​ക്കു​ന്നു. ചിലർ ഏകാന്ത​ത​യെ​ക്കു​റി​ച്ചു പരാതി പറയു​ക​പോ​ലും​ചെ​യ്യു​ന്നു. ഒരു സഹോ​ദരി ഇങ്ങനെ എഴുതി: “നിങ്ങൾ യഹോ​വയെ സേവി​ക്കാത്ത ഒരാളു​മാ​യി വിവാഹം ചെയ്‌തി​രി​ക്കു​മ്പോൾ അനുഭ​വി​ക്കുന്ന ഏകാന്ത​ത​യാണ്‌ സങ്കൽപ്പി​ക്കാ​വു​ന്ന​തി​ലേ​ക്കും മോശ​മായ ഏകാന്തത. നിങ്ങൾക്ക്‌ സത്യം പങ്കു​വെ​ക്കാൻ ആരുമില്ല, അതാണ​ല്ലോ നിങ്ങളു​ടെ ജീവി​ത​ത്തി​ലെ ഏററം പ്രധാ​ന​പ്പെട്ട സംഗതി.”

14. (എ) ഭിന്നി​പ്പുള്ള ഒരു ഭവനത്തിൽ കുട്ടി​കളെ “യഹോ​വ​യു​ടെ ശിക്ഷണ​ത്തി​ലും മാനസി​ക​ക്ര​മ​വൽക്ക​ര​ണ​ത്തി​ലും” വളർത്തു​ന്നതു പ്രയാ​സ​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) ഭിന്നി​പ്പുള്ള ഒരു ഭവനത്തിൽ കുട്ടി​ക​ളു​ടെ​മേ​ലുള്ള ഫലമെ​ന്താ​യി​രി​ക്കാം?

¹⁴ ഭിന്നി​പ്പുള്ള ഒരു ഭവനത്തിൽ “യഹോ​വ​യു​ടെ ശിക്ഷണ​ത്തി​ലും മാനസി​ക​ക്ര​മ​വൽക്ക​ര​ണ​ത്തി​ലും” കുട്ടി​കളെ വളർത്തുക വളരെ പ്രയാ​സ​മാ​യി​രി​ക്കാൻ കഴിയും. (എഫേസ്യർ 6:4) ദൃഷ്ടാ​ന്ത​ത്തിന്‌, അവിശ്വാ​സി യോഗ​ങ്ങൾക്ക്‌ ഹാജരാ​കാ​നോ വയൽശു​ശ്രൂ​ഷ​യിൽ പങ്കെടു​ക്കാ​നോ കുട്ടി​കളെ മനസ്സോ​ടെ അനുവ​ദി​ക്കു​മോ? മിക്ക​പ്പോ​ഴും കുട്ടി​ക​ളു​ടെ പ്രിയം ഛിദ്രി​ച്ചു​പോ​കു​ന്ന​തിൽ കലാശി​ക്കു​ന്നു—അവർ മാതാ​പി​താ​ക്കളെ ഇരുവ​രെ​യും സ്‌നേ​ഹി​ക്കു​ന്നു, എന്നാൽ ഒരാൾ മാത്രമേ യഹോ​വയെ സ്‌നേ​ഹി​ക്കു​ന്നു​ള്ളു. ഒരു അവിശ്വാ​സി​യെ വിവാ​ഹം​ചെയ്‌ത ഒരു സഹോ​ദരി ഇങ്ങനെ പറഞ്ഞു: “എന്റെ 20 വർഷത്തെ വൈവാ​ഹി​ക​കാ​ലത്ത്‌ ഞാൻ ധാരാളം ഹൃദയ​വേ​ദ​ന​ക​ളി​ലൂ​ടെ കടന്നു​പോ​യി. എന്റെ പുത്രൻമാർ ധാരാളം വിക്ഷോ​ഭ​ങ്ങ​ളി​ലൂ​ടെ​യും വൈകാ​രി​കാ​സ്വാ​സ്ഥ്യ​ങ്ങ​ളി​ലൂ​ടെ​യു​മാണ്‌ വളർന്നത്‌, ഇപ്പോൾ ലോക​ത്തി​ന്റെ ഭാഗവു​മാണ്‌. എന്റെ പുത്രി അവളുടെ പിതാ​വി​ന്റെ സന്ദർശ​നാ​വ​കാ​ശങ്ങൾ നിമിത്തം എന്നിൽനിന്ന്‌ അകന്നി​രി​ക്കേ​ണ്ടി​വ​രു​ന്ന​തിൽ അസ്വസ്ഥ​യാണ്‌. ഈ പ്രശ്‌ന​ങ്ങ​ളെ​ല്ലാം സ്ഥിതി​ചെ​യ്യു​ന്നത്‌ എനിക്ക്‌ 18 വയസ്സാ​യി​രു​ന്ന​പ്പോൾ ഞാൻ യഹോ​വ​യു​ടെ തത്വങ്ങ​ളി​ലൊ​ന്നി​നെ അവഗണി​ക്കാൻ ഇഷ്ടപ്പെ​ട്ട​തു​കൊ​ണ്ടാണ്‌.” ഏതു തത്വം? അവിശ്വാ​സി​ക​ളു​മാ​യി അമിക്ക​പ്പെ​ട​രുത്‌!

15. നാം അവിശ്വാ​സി​ക​ളു​മാ​യി അമിക്ക​പ്പെ​ട​രു​തെന്ന്‌ യഹോവ ബുദ്ധി​യു​പ​ദേ​ശി​ക്കു​ന്ന​തെ​ന്തു​കൊണ്ട്‌?

¹⁵ നാം ജീവിതം പരമാ​വധി ആസ്വദി​ക്ക​ണ​മെന്ന്‌ യഹോവ ആഗ്രഹി​ക്കു​ന്നു​വെ​ന്നത്‌ വ്യക്തമാണ്‌. നാം അവിശ്വാ​സി​ക​ളു​മാ​യി ഇണയ്‌ക്ക​പ്പെ​ട​രുത്‌ എന്നതുൾപ്പെടെ അവൻ നമ്മോട്‌ ആവശ്യ​പ്പെ​ടു​ന്നത്‌ നമ്മുടെ നൻമക്കു​വേ​ണ്ടി​യാണ്‌. (ആവർത്തനം 10:12, 13) ഒരു അവിശ്വാ​സി​യെ വിവാ​ഹം​ക​ഴി​ക്കു​ന്നത്‌ തിരു​വെ​ഴു​ത്തു​ബു​ദ്ധി​യു​പ​ദേശ​ത്തെ​യും പ്രാ​യോ​ഗി​ക​ജ്ഞാ​ന​ത്തെ​യും മിക്ക​പ്പോ​ഴും വേദനാ​പൂർണ്ണ​മായ മററു​ള്ള​വ​രു​ടെ അനുഭ​വ​ത്തെ​യും അവഗണി​ക്ക​ലാണ്‌.

സാധാ​ര​ണ​യാ​യി ചോദി​ക്ക​പ്പെ​ടുന്ന ചോദ്യ​ങ്ങൾ

16, 17. (എ) നാം ശ്രദ്ധാ​ലു​ക്ക​ള​ല്ലെ​ങ്കിൽ, വികാരം അവിക​ല​മായ ചിന്തക്ക്‌ പ്രതി​ബ​ന്ധ​മു​ണ്ടാ​ക്കി​യേ​ക്കാ​വു​ന്ന​തെ​ങ്ങനെ? (ബി) ഒരു ക്രിസ്‌ത്യാ​നി ഒരു അവിശ്വാ​സി​യെ വിവാഹം കഴിച്ചിട്ട്‌ ഇപ്പോൾ ഇരുവ​രും യഹോ​വയെ സേവി​ക്കുന്ന അസാധാ​ര​ണ​സാ​ഹ​ച​ര്യ​ങ്ങൾ നിമിത്തം ദൈവ​ത്തി​ന്റെ ബുദ്ധി​യു​പ​ദേ​ശത്തെ അവഗണി​ക്ക​ണ​മോ? വിശദീ​ക​രി​ക്കുക.

¹⁶ എന്നിരു​ന്നാ​ലും നാം ശ്രദ്ധാ​ലു​ക്ക​ള​ല്ലെ​ങ്കിൽ, വികാരം അവിക​ല​മായ ചിന്തക്കു പ്രതി​ബന്ധം സൃഷ്ടി​ച്ചേ​ക്കാം. നമ്മുടെ കാര്യ​ത്തിൽ ഒരു ഒഴിവ്‌ ആകാ​മെന്ന്‌ നാം വിചാ​രി​ച്ചു​തു​ട​ങ്ങി​യേ​ക്കാം. കൂടുതൽ സാധാ​ര​ണ​മാ​യി ചോദി​ക്ക​പ്പെ​ടുന്ന ചില ചോദ്യ​ങ്ങൾ പരിചി​ന്തി​ക്കുക.

¹⁷ ഒരു സഹോ​ദ​ര​നോ സഹോ​ദ​രി​യോ ഒരു അവിശ്വാ​സി​യെ വിവാ​ഹം​ക​ഴി​ച്ചിട്ട ഇപ്പോൾ ഇരുവ​രും യഹോ​വയെ സേവി​ക്കുന്ന സാഹച​ര്യ​ങ്ങൾ സംബന്ധി​ച്ചെന്ത? അപ്പോ​ഴും, യഹോ​വ​യു​ടെ തത്വങ്ങൾ ലംഘി​ക്ക​പ്പെട്ടു. ലക്ഷ്യം മാർഗ്ഗത്തെ നീതീ​ക​രി​ക്കു​ന്നു​വോ? തന്റെ ബുദ്ധി​യു​പ​ദേ​ശത്തെ ലംഘി​ക്കു​ന്ന​വ​രെ​സം​ബ​ന്ധിച്ച ദൈവ​ത്തി​ന്റെ വീക്ഷണത്തെ വിശദ​മാ​ക്കു​ന്ന​താണ്‌ ബാബി​ലോ​ന്യാ​ടി​മ​ത്വ​ത്തിൽനിന്ന്‌ മടങ്ങിവന്ന യഹൂദൻമാ​രു​ടെ സംഗതി. ചിലർ വിജാ​തീയ ഭാര്യ​മാ​രെ സ്വീക​രി​ച്ച​പ്പോൾ ബൈബി​ളെ​ഴു​ത്തു​കാ​രായ എസ്രാ​യും നെഹെ​മ്യാ​വും അവരുടെ പ്രവർത്ത​ന​ങ്ങളെ കുററം വിധി​ക്കു​ന്ന​തിൽ യാതൊ​രു ലോഭ​വും കാണി​ച്ചില്ല. ആ യഹൂദൻമാർ “അവിശ്വ​സ്‌ത​മാ​യി പ്രവർത്തി​ക്കു​ക​യും” “വലിയ വഷളത്വം പ്രവർത്തി​ക്കു​ക​യും” “കുററം വഹിക്കു​ക​യും”ചെയ്‌തു. (എസ്രാ 10:10-14; നെഹെ​മ്യാവ്‌ 13:27) പരിഗ​ണി​ക്കേണ്ട മററു ചില കാര്യങ്ങൾ: നാം ദൈവ​ത്തി​ന്റെ ബുദ്ധി​യു​പ​ദേ​ശത്തെ അവഗണി​ക്കു​മ്പോൾ നാം നമ്മുടെ മനഃസാ​ക്ഷി​യിൽ വടുവ​രു​ത്തി​ക്കൊണ്ട്‌ നമ്മേത്തന്നെ ആത്മീയ​മാ​യി മുറി​പ്പെ​ടു​ത്തി​യേ​ക്കാം. അവിശ്വാ​സി​യായ ഭർത്താവ്‌ ഒടുവിൽ ഒരു വിശ്വാ​സി​യാ​യി​ത്തീർന്ന അനുഭ​വ​മു​ണ്ടായ ഒരു സഹോ​ദരി ഇങ്ങനെ പറഞ്ഞു: ‘ഞാൻ ഇപ്പോ​ഴും വൈകാ​രിക വടുക്കളെ കൈകാ​ര്യം ചെയ്യു​ക​യാണ്‌. മററു​ള്ളവർ ഞങ്ങളി​ലേക്കു വിരൽചൂ​ണ്ടി “എന്നാൽ അത്‌ അവർക്കു പ്രാവർത്തി​ക​മാ​യി” എന്നു പറയു​മ്പോൾ എനിക്ക്‌ എത്ര ഘോര​മായ വികാ​ര​മാ​ണു​ണ്ടാ​കു​ന്ന​തെന്ന്‌ എനിക്ക്‌ നിങ്ങ​ളോ​ടു പറയാൻക​ഴി​യു​ന്നില്ല.’

18. ഇതുവരെ സ്‌നാ​പ​ന​മേൽക്കാത്ത ഒരാ​ളോ​ടു നിങ്ങൾ ആകർഷി​ക്ക​പ്പെ​ടു​ന്നു​വെ​ങ്കിൽ ജ്ഞാനമാർഗ്ഗ​മെ​ന്താണ്‌, നിങ്ങൾ അങ്ങനെ എന്തു പ്രകട​മാ​ക്കു​ന്ന​താ​യി​രി​ക്കും?

¹⁸ സനാ​പ​ന​മേ​റ​റി​ല്ലെ​ങ്കി​ലും ബൈബിൾ പഠിക്കു​ക​യും യോഗ​ങ്ങൾക്ക ഹാജരാ​കു​ക​യും​ചെ​യ്യുന്ന ആരി​ലെ​ങ്കി​ലും നിങ്ങൾക്ക ആകർഷണം തോന്നു​ന്നു​വെ​ങ്കി​ലോ? ആരെങ്കി​ലും ബൈബിൾസ​ത്യ​ത്തിൽ താത്‌പ​ര്യം കാണി​ക്കു​മ്പോൾ നാം സന്തോ​ഷി​ക്കു​ന്നു. എന്നാലും ചോദ്യം ഇതാണ്‌: നിങ്ങൾ നിങ്ങളു​ടെ ചായ്‌വി​നെ പിന്തു​ട​ര​ണ​മോ? തുറന്നു​പ​റ​ഞ്ഞാൽ, വിവാ​ഹാ​ഭ്യർത്ഥന നടത്തു​ന്ന​തി​നു മുമ്പ്‌, നിങ്ങളു​ടെ സുഹൃത്ത്‌ സ്‌നാ​പ​ന​മേററ ശേഷം ദൈവാ​ത്മാ​വി​ന്റെ ഫലങ്ങൾ പ്രകട​മാ​ക്കു​ന്ന​തിൽ അഭിവൃ​ദ്ധി​പ്പെ​ടു​ന്ന​തു​വരെ കാത്തി​രി​ക്കു​ന്ന​താണ്‌ ജ്ഞാനമാർഗ്ഗം. (ഗലാത്യർ 5:22, 23) അങ്ങനെ​യുള്ള ബുദ്ധി​യു​പ​ദേശം ബാധക​മാ​ക്കു​ന്നത്‌ എളുപ്പ​മ​ല്ലാ​യി​രി​ക്കാം, എന്നാൽ അങ്ങനെ ചെയ്യു​ന്ന​തി​നാൽ നിങ്ങൾ ബൈബിൾ തത്വങ്ങ​ളോ​ടുള്ള ഭക്തി പ്രകട​മാ​ക്കു​ന്ന​താ​യി​രി​ക്കും; ഇത്‌ ദാമ്പത്യ​ബ​ന്ധ​ത്തി​ലെ യഥാർഥ​സ​ന്തു​ഷ്ടിക്ക്‌ നല്ല അടിസ്ഥാ​ന​മി​ടും. നിങ്ങളു​ടെ സുഹൃത്ത്‌ യഥാർഥ​ത്തിൽ നിങ്ങൾക്കു​വേണ്ടി കരുതു​ന്നു​വെ​ങ്കിൽ, സത്യമാ​യി യഹോ​വയെ സ്‌നേ​ഹി​ക്കു​ക​യും ചെയ്യു​ന്നു​വെ​ങ്കിൽ, നിങ്ങളി​രു​വ​രും “കർത്താ​വിൽ” ആകുന്ന​തു​വരെ—സമർപ്പ​ണം​ചെ​യ്‌ത്‌ സ്‌നാ​പ​ന​മേൽക്കു​ന്ന​തു​വരെ—പ്രേമാ​ഭ്യർത്ഥന നടത്താൻ അവൻ അല്ലെങ്കിൽ അവൾ കാത്തി​രി​ക്കാൻ സന്നദ്ധത കാട്ടു​മെ​ന്നു​ള്ള​തി​നു സംശയ​മില്ല. കാലം കടന്നു​പോ​കു​ന്ന​തു​കൊണ്ട്‌ യഥാർത്ഥ​സ്‌നേഹം വ്രണി​ത​മാ​കു​ന്നി​ല്ലെന്ന്‌ ഓർക്കുക.—1 കൊരി​ന്ത്യർ 7:39; ഉല്‌പത്തി 29:20.

19. സഹവി​ശ്വാ​സി​ക​ളു​ടെ ഇടയിൽനിന്ന്‌ ഒരു വിവാ​ഹ​ഇ​ണയെ കണ്ടെത്തു​ന്ന​തിൽ നിങ്ങൾക്ക്‌ പ്രയാ​സ​മു​ണ്ടെ​ങ്കിൽ നിങ്ങൾ എന്തു മനസ്സിൽപി​ടി​ക്കണം?

¹⁹ സഹവി​ശ്വാ​സി​ക​ളിൽനിന്ന പററിയ ഒരു വിവാ​ഹ​ഇ​ണയെ കണ്ടെത്തു​ന്ന​തിൽ നിങ്ങൾക്ക പ്രയാ​സ​മു​ണ്ടാ​കു​ക​യാ​ണെ​ങ്കി​ലോ? “എനിക്ക്‌ 26 വയസ്സായി, അവിവാ​ഹി​ത​യാണ്‌, യഥാർത്ഥ​ത്തിൽ ഏകാന്ത​യു​മാണ്‌” എന്ന്‌ ഒരു സഹോ​ദരി പറഞ്ഞു. അവിവാ​ഹി​ത​യാ​യി​രി​ക്കു​ന്നത്‌ നിങ്ങൾക്ക്‌ പ്രയാ​സ​മാ​യി​രി​ക്കാ​മെ​ന്നതു സത്യം​തന്നെ, എന്നാൽ വിവാ​ഹ​ത്തിൽ അസമമാ​യി ഇണയ്‌ക്ക​പ്പെ​ടു​ന്ന​തിൽനിന്ന്‌ സംജാ​ത​മാ​കുന്ന പ്രശ്‌നങ്ങൾ അതിലും പ്രയാ​സ​ക​ര​മാ​യി​രി​ക്കാൻ കഴിയും! ദൈവ​ത്തി​ന്റെ ബുദ്ധി​യു​പ​ദേശം അനുസ​രി​ക്കു​ന്ന​തിന്‌ വിശ്വാ​സ​വും ആത്മനി​യ​ന്ത്ര​ണ​വും ക്ഷമയും ആവശ്യ​മാ​യി​രു​ന്നേ​ക്കാം, എന്നാൽ നിങ്ങൾക്ക്‌ ഏററം നല്ലതെ​ന്തെന്ന്‌ യഹോ​വ​ക്ക​റി​യാ​മെ​ന്നും അവനതാ​ഗ്ര​ഹി​ക്കു​ന്നു​വെ​ന്നും ഉറപ്പു​ണ്ടാ​യി​രി​ക്കുക. (1 പത്രോസ്‌ 5:6, 7) അത്‌ ഒരു പ്രാർത്ഥ​നാ​വി​ഷ​യ​മാ​ക്കു​ക​യും അനന്തരം യഹോ​വ​ക്കാ​യി കാത്തി​രി​ക്കു​ക​യും​ചെ​യ്യുക. (സങ്കീർത്തനം 55:22) ഈ വ്യവസ്ഥി​തി​യിൽ യാതൊ​രു​ത്തർക്കും പൂർണ്ണ​മാ​യി തൃപ്‌തി​ക​ര​മായ ജീവി​ത​മില്ല. നിങ്ങളു​ടെ ഹൃദയം ഒരു ഇണക്കു​വേണ്ടി കാംക്ഷി​ച്ചേ​ക്കാം. എന്നിരു​ന്നാ​ലും മററു​ള്ള​വർക്ക്‌ അവരുടെ പ്രശ്‌ന​ങ്ങ​ളു​ടെ പങ്കുണ്ട്‌, അവയിൽ ചിലത്‌ ഈ വ്യവസ്ഥി​തി​യിൽ സുഖ​പ്പെ​ടു​ത്താ​വു​ന്ന​തു​മല്ല. വരാനി​രി​ക്കുന്ന പുതിയ ലോക​ത്തിൽമാ​ത്രമേ “സകല ജീവി​ക​ളു​ടെ​യും ആഗ്രഹ​ത്തിന്‌” പൂർണ്ണ​സം​തൃ​പ്‌തി വരുത്ത​പ്പെ​ടു​ക​യു​ള്ളു.—സങ്കീർത്തനം 145:16.

20. ഒരു അവിവാ​ഹി​ത​യായ സഹോ​ദരി തന്റെ ദൃഢനി​ശ്ചയം പ്രകട​മാ​ക്കി​യ​തെ​ങ്ങനെ, സമാന​മാ​യി ദൃഢനി​ശ്ച​യ​മു​ള്ള​വ​രാ​യി​രി​ക്കു​ന്നതി​നാൽ നിങ്ങൾക്ക്‌ എന്തു സംതൃ​പ്‌തി​യു​ണ്ടാ​യി​രി​ക്കാൻ കഴിയും?

²⁰ ഇതിനി​ട​യിൽ, നിങ്ങൾ ഒരു അവിശ്വാ​സി​യു​മാ​യി ഇണയ്‌ക്ക​പ്പെ​ടാ​തി​രി​ക്കാൻ ദൃഢനി​ശ്ച​യം​ചെ​യ്യുക. 36 വയസ്സു​കാ​രി​യായ ഒരു അവിവാ​ഹി​ത​സ​ഹോ​ദരി തന്റെ നിശ്ചയം ഈ വിധത്തിൽ പ്രകടി​പ്പി​ച്ചു: “ഞാൻ ഒരു വിവാ​ഹ​ഇ​ണ​ക്കു​വേണ്ടി ദിവസ​വും യഹോ​വ​യോ​ടു പ്രാർത്ഥി​ക്കു​ന്നു. യഹോ​വ​യു​ടെ സ്ഥാപന​ത്തി​നു പുറത്തു നോക്കാൻ എനിക്ക്‌ ആഗ്രഹ​മില്ല, എന്നാൽ പ്രലോ​ഭ​നങ്ങൾ ഇപ്പോ​ഴു​മുണ്ട്‌. ഇതിനി​ട​യിൽ, ഒരു വ്യക്തി​യെന്ന നിലയിൽ എന്നെ മെച്ച​പ്പെ​ടു​ത്തുന്ന ഗുണങ്ങൾക്കാ​യി പ്രവർത്തി​ക്കാൻ ഞാൻ പ്ലാൻചെ​യ്യു​ക​യാണ്‌, തന്നിമി​ത്തം ഞാൻ ഒരു ആത്മീയ പുരുഷൻ നോക്കുന്ന തരം ആത്മീയ സ്‌ത്രീ​യാ​യി​ത്തീ​രാൻ എനിക്കു കഴിയും.” നിങ്ങൾക്ക്‌ സമാന​മായ നിശ്ചയ​മു​ണ്ടോ? ഉണ്ടെങ്കിൽ, നിങ്ങൾക്ക്‌ നീതി​യു​ടെ ദൈവ​ത്തോ​ടുള്ള നിങ്ങളു​ടെ വിശ്വ​സ്‌തത തെളി​യി​ക്കു​ന്ന​തിൽനി​ന്നു സംജാ​ത​മാ​കുന്ന സംതൃ​പ്‌തി ഉണ്ടായി​രി​ക്കാൻ കഴിയും.—സങ്കീർത്തനം 37:27, 28. (w89 11⁄1)

[അടിക്കു​റിപ്പ്‌]

നിങ്ങൾക്ക വിശദീ​ക​രി​ക്കാൻ കഴിയു​മോ?

◻ അവിശ്വാ​സി​ക​ളു​മാ​യി അടുത്ത ബന്ധങ്ങൾ സ്ഥാപി​ക്കു​ന്ന​തി​നെ​തി​രെ ബൈബിൾ മുന്നറി​യി​പ്പു നൽകു​ന്ന​തെ​ങ്ങനെ?

◻ ചില സമർപ്പി​ത​ക്രി​സ്‌ത്യാ​നി​കൾ സഭക്കു പുറത്ത്‌ ഒരു വിവാഹ ഇണക്കു​വേണ്ടി നോക്കു​ന്ന​തെ​ന്തു​കൊണ്ട്‌?

◻ അസമമായ അമിക്ക​ലി​നെ​ക്കു​റി​ച്ചുള്ള യഹോ​വ​യു​ടെ മുന്നറി​യിപ്പ്‌ യഥാർത്ഥ​ത്തിൽ നമ്മോ​ടുള്ള അവന്റെ സ്‌നേ​ഹ​പൂർവ​ക​മായ കരുത​ലി​ന്റെ ഒരു പ്രകട​ന​മാ​യി​രി​ക്കു​ന്ന​തെ​ങ്ങനെ?

◻ ഒരു ഇണയെ കണ്ടെത്തു​ന്ന​തു​സം​ബ​ന്ധിച്ച്‌ ഏതു ചോദ്യ​ങ്ങൾ സാധാ​ര​ണ​യാ​യി ചോദി​ക്ക​പ്പെ​ടു​ന്നു, നിങ്ങൾ അവക്ക്‌ എങ്ങനെ ഉത്തരം കൊടു​ക്കും?