സുവർണ്ണ​നി​യമം—ഇപ്പോ​ഴും സാധു​വാ​യി​രി​ക്കു​ന്ന​തെ​ന്തു​കൊണ്ട്‌?

തനി സ്വർണ്ണം ഒരിക്ക​ലും നിറം​മ​ങ്ങു​ന്നില്ല, അതു​കൊണ്ട്‌ സ്വർണ്ണാ​ഭ​ര​ണ​ങ്ങൾക്കു മൂല്യം കല്‌പി​ക്കു​ക​യും വിലമ​തി​ക്കു​ക​യും ചെയ്യുന്നു. കേടു​പ​റ​റിയ സ്വർണ്ണ ഉരുപ്പ​ടി​കൾ എറിഞ്ഞു​ക​ള​യു​ന്ന​തി​നു പകരം സ്വർണ്ണ​പ്പ​ണി​ക്കാർ വില​യേ​റിയ ഈ ലോഹം കലാപ​ര​മാ​യി പുതിയ ആഭരണ​ങ്ങ​ളാ​യി രൂപ​പ്പെ​ട​ത്തു​ന്നു, കാരണം സ്വർണ്ണം അതിന്റെ മൂല്യം നിലനിർത്തു​ന്നു.

അതു​പോ​ലെ​ത​ന്നെ, യേശു ഏതാണ്ടു രണ്ടായി​രം വർഷം മുമ്പാണ്‌ സുവർണ്ണ​നി​യമം പ്രസ്‌താ​വി​ച്ച​തെ​ങ്കി​ലും അതിന്റെ മൂല്യം കുറഞ്ഞു​പോ​യി​ട്ടില്ല. അതിന്റെ സാധു​ത​യു​ടെ കാരണങ്ങൾ നിർണ്ണ​യി​ക്കു​ന്ന​തി​നാൽ അതിനു ഇന്നു നമുക്കുള്ള മൂല്യം മെച്ചമാ​യി വിലമ​തി​ക്കാൻ കഴിയും.

“അതു​കൊണ്ട്‌ മനുഷ്യർ നിങ്ങൾക്കു ചെയ്യണ​മെന്നു നിങ്ങൾ ആഗ്രഹി​ക്കുന്ന സകല കാര്യ​ങ്ങ​ളും അതു​പോ​ലെ​തന്നെ നിങ്ങൾ അവർക്കും ചെയ്യണം” എന്ന സുവർണ്ണ​നി​യമം യേശു നമുക്കു നൽകി​യ​പ്പോൾ “യഥാർത്ഥ​ത്തിൽ ഇതാണ്‌ ന്യായ​പ്ര​മാ​ണ​വും പ്രവാ​ച​കൻമാ​രും അർത്ഥമാ​ക്കു​ന്നത്‌” എന്ന്‌ അവൻ കൂട്ടി​ച്ചേർത്തു. (മത്തായി 7:12) യേശു​വി​ന്റെ ശിഷ്യൻമാ​രും അവനെ ശ്രദ്ധിച്ച മററു​ള്ള​വ​രും ഇത്‌ എങ്ങനെ മനസ്സി​ലാ​ക്കി?

“ന്യായ​പ്ര​മാ​ണ​വും പ്രവാ​ച​കൻമാ​രും അർത്ഥമാ​ക്കു​ന്നത്‌”

“ന്യായ​പ്ര​മാ​ണം” ഉല്‌പത്തി മുതൽ ആവർത്ത​നം​വ​രെ​യുള്ള ബൈബി​ളി​ന്റെ ആദ്യത്തെ അഞ്ച്‌ പുസ്‌ത​ക​ങ്ങ​ളായ നേര​ത്തെ​യുള്ള എഴുത്തു​കളെ പരാമർശി​ച്ചി​രു​ന്നു. ഇവ തിൻമയെ ഉച്ചാട​നം​ചെ​യ്യുന്ന ഒരു സന്തതിയെ ഉളവാ​ക്കാ​നുള്ള യഹോ​വ​യു​ടെ ഉദ്ദേശ്യ​ത്തെ വെളി​പ്പെ​ടു​ത്തു​ന്നു. (ഉല്‌പത്തി 3:15) ആ ആദിമ ബൈബിൾപു​സ്‌ത​ക​ങ്ങ​ളിൽ ന്യായ​പ്ര​മാ​ണം അഥവാ യഹോവ ക്രി.മു. 1513-ൽ മദ്ധ്യസ്ഥ​നായ മോശ മുഖാ​ന്തരം സീനാ​യി​മ​ല​യിൽവെച്ച്‌ ഇസ്ര​യേൽജ​ന​തക്ക്‌ കൊടുത്ത കല്‌പ​ന​ക​ളു​ടെ കൂട്ടം ഉൾപ്പെ​ടു​ന്നു.

ദിവ്യ​നി​യ​മം ഇസ്രാ​യേ​ലി​നെ ചുററു​പാ​ടു​മുള്ള പുറജാ​തി ജനതക​ളിൽനിന്ന്‌ വേർതി​രി​ച്ചു​നിർത്തി. ഇസ്രാ​യേ​ല്യർ യഹോ​വ​യു​ടെ മുമ്പാ​കെ​യുള്ള അവരുടെ അനുകൂ​ല​നി​ലക്ക്‌ വിട്ടു​വീഴ്‌ച വരുത്തുന്ന യാതൊ​ന്നും ചെയ്യരു​താ​യി​രു​ന്നു. അവർ അവന്റെ അനന്യ​മായ സ്വത്താ​യി​രു​ന്നു, അവന്റെ അനു​ഗ്ര​ഹങ്ങൾ പ്രാപി​ക്കാൻ അവർ അങ്ങനെ​തന്നെ നില​കൊ​ള്ള​ണ​മാ​യി​രു​ന്നു. (പുറപ്പാട്‌ 19:5; ആവർത്തനം 10:12, 13) എന്നാൽ മോ​ശൈ​ക​ന്യാ​യ​പ്ര​മാ​ണം ദൈവ​ത്തോ​ടുള്ള അവരുടെ കടപ്പാ​ടി​നു പുറമേ, ഇസ്രാ​യേ​ലി​ലെ പരദേ​ശി​ക​ളോ​ടു നൻമ ചെയ്യാ​നുള്ള അവരുടെ ഉത്തരവാ​ദി​ത്ത​വും വിവരി​ച്ചു. ദൃഷ്ടാ​ന്ത​ത്തിന്‌, അതിങ്ങനെ പ്രസ്‌താ​വി​ച്ചു: “നിങ്ങ​ളോ​ടു​കൂ​ടെ ഒരു പരദേ​ശി​യാ​യി പാർക്കുന്ന പരദേ​ശ​വാ​സി നിങ്ങളു​ടെ ഒരു സ്വദേ​ശി​യെ​പ്പോ​ലെ ആയിത്തീ​രണം; നീ അവനെ നിന്നെ​പ്പോ​ലെ​തന്നെ സ്‌നേ​ഹി​ക്കണം, എന്തെന്നാൽ നിങ്ങൾ ഈജി​പ്‌റ​റു​ദേ​ശത്ത്‌ പരദേ​ശി​ക​ളാ​യി​ത്തീർന്ന​ല്ലോ. ഞാൻ നിങ്ങളു​ടെ ദൈവ​മായ യഹോവ ആകുന്നു.” (ലേവ്യ​പു​സ്‌തകം 19:34) ഇസ്രാ​യേൽരാ​ജാ​ക്കൻമാ​രു​ടെ കാലഘ​ട്ട​ത്തിൽ പരദേ​ശ​വാ​സി​കൾ അനേകം പദവി​ക​ളാ​സ്വ​ദി​ച്ചി​രു​ന്നു, യരൂശ​ലേ​മി​ലെ ദേവാ​ല​യ​നിർമ്മി​തി​യിൽ പങ്കെടു​ക്കു​ന്ന​തു​പോ​ലെ.—1 ദിനവൃ​ത്താ​ന്തങ്ങൾ 22:2.

ഇസ്രാ​യേ​ലി​നു കൊടു​ക്ക​പ്പെട്ട ന്യായ​പ്ര​മാ​ണം വ്യഭി​ചാ​ര​ത്തെ​യും കൊല​പാ​ത​ക​ത്തെ​യും മോഷ​ണ​ത്തെ​യും അതി​മോ​ഹ​ത്തെ​യും വിലക്കി. ഈ നിരോ​ധ​ന​ങ്ങ​ളും ഒപ്പം “മററ്‌ ഏതു കല്‌പ​ന​ക​ളും” “നീ നിന്റെ അയൽക്കാ​രനെ നിന്നേ​പ്പോ​ലെ​തന്നെ സ്‌നേ​ഹി​ക്കണം” എന്ന ചട്ടത്തിൽ സംഗ്ര​ഹി​ക്കാൻ കഴിയും. അപ്പോ​സ്‌ത​ല​നായ പൗലോസ്‌ ഇങ്ങനെ കൂട്ടി​ച്ചേർത്തു: “സ്‌നേഹം ഒരുവന്റെ അയൽക്കാ​രന്‌ തിൻമ​ചെ​യ്യു​ന്നില്ല; അതു​കൊണ്ട്‌ സ്‌നേഹം ന്യായ​പ്ര​മാ​ണ​ത്തി​ന്റെ നിവൃ​ത്തി​യാ​കു​ന്നു.”—റോമർ 13:9, 10.

ന്യായ​പ്ര​മാ​ണം സുവർണ്ണ​നി​യ​മ​ത്തി​ന്റെ അടിസ്ഥാ​ന​ത്തെ​ത്തന്നെ വിവരി​ച്ചു​വെ​ങ്കിൽ, “പ്രവാ​ച​കൻമാ​രെ” സംബന്ധി​ച്ചെന്ത്‌?

എബ്രായ തിരു​വെ​ഴു​ത്തു​ക​ളി​ലെ പ്രാവ​ച​നി​ക​പു​സ്‌ത​കങ്ങൾ അതു​പോ​ലെ​തന്നെ സുവർണ്ണ​നി​യ​മ​ത്തി​ന്റെ സാധു​തയെ സ്ഥിരീ​ക​രി​ക്കു​ന്നു. അവ യഹോ​വയെ വിശ്വ​സ്‌ത​മാ​യി തന്റെ ഉദ്ദേശ്യ​ങ്ങളെ നിവർത്തി​ക്കുന്ന ഒരു ദൈവ​മാ​യി കാണി​ച്ചു​ത​രു​ന്നു. അപൂർണ്ണ​രെ​ങ്കി​ലും തന്റെ ഇഷ്‌ടം​ചെ​യ്യാൻ ശ്രമി​ക്കു​ന്ന​വ​രും തങ്ങളുടെ തന്നിഷ്‌ട​പ്ര​വർത്ത​നങ്ങൾ സംബന്ധിച്ച്‌ യഥാർത്ഥ അനുതാ​പം പ്രകട​മാ​ക്കു​ന്ന​വ​രു​മായ തന്റെ വിശ്വ​സ്‌ത​ദാ​സൻമാ​രെ അവൻ അനു​ഗ്ര​ഹി​ക്കു​ന്നു. “നിങ്ങ​ളെ​ത്തന്നെ കഴുകുക; നിങ്ങ​ളെ​ത്തന്നെ ശുദ്ധരാ​ക്കുക; എന്റെ കണ്ണുകൾക്കു​മു​മ്പിൽനിന്ന്‌ നിങ്ങളു​ടെ ഇടപെ​ട​ലു​ക​ളു​ടെ വഷളത്വം നീക്കുക; തിൻമ​ചെ​യ്യു​ന്നതു നിർത്തുക. നൻമ ചെയ്യാൻ പഠിക്കുക; ന്യായം തേടുക; മർദ്ദകനെ നേരെ​യാ​ക്കുക; പിതാ​വി​ല്ലാത്ത ബാലന്‌ ന്യായം​പാ​ലി​ച്ചു​കൊ​ടു​ക്കുക; വിധവ​യു​ടെ വ്യവഹാ​ര​ത്തി​നു​വേണ്ടി വാദി​ക്കുക.”—യെശയ്യാവ്‌ 1:16, 17.

ദൈവ​ജ​നം മററു​ള്ള​വ​രോ​ടും ദൈവ​ത്തോ​ടും ഉചിത​മാ​യതു ചെയ്‌ത​പ്പോൾ യഹോവ തന്റെ പിൻബ​ല​ത്തി​നു ഉറപ്പു​കൊ​ടു​ത്തു. “യഹോവ പറഞ്ഞി​രി​ക്കു​ന്നത്‌ ഇതാണ്‌: ‘ജനങ്ങളേ, ന്യായം​പാ​ലി​ക്കുക, നീതി ചെയ്യുക. . . .ഇതു ചെയ്യുന്ന മർത്യ​നും അതിനെ പിടി​ച്ചു​കൊ​ള്ളുന്ന മനുഷ്യ​വർഗ്ഗ​ത്തി​ന്റെ പുത്ര​നും സന്തുഷ്ട​നാ​കു​ന്നു.”—യെശയ്യാവ്‌ 56:1, 2.

ക്രിസ്‌തു തന്റെ സഭയെ നയിക്കു​ന്നു

ക്രിസ്‌തു ന്യായ​പ്ര​മാ​ണ​ത്തെ​യും പ്രവാ​ച​കൻമാ​രെ​യും നിവർത്തി​ക്കാ​നാണ്‌ വന്നത്‌. അവന്റെ കാലം​മു​തൽ യഹോ​വ​യു​ടെ നിത്യോ​ദ്ദേ​ശ്യം തുടർന്നു പുരോ​ഗ​മി​ച്ചി​രി​ക്കു​ക​യാണ്‌. (മത്തായി 5:17; എഫേസ്യർ 3:10, 11, 17-19) പഴയ മോശ​യു​ടെ ന്യായ​പ്ര​മാ​ണ​ത്തി​നു പകരം പുതിയ ഉടമ്പടി സ്ഥാപി​ക്ക​പ്പെ​ട്ടി​രു​ന്നു. അതിൽ യഹൂദൻമാ​രും വിജാ​തീ​യ​രു​മായ അഭിഷിക്ത ക്രിസ്‌ത്യാ​നി​കൾ ഉൾപ്പെ​ടു​ന്നു. (യിരെ​മ്യാവ്‌ 31:31-34) എന്നിരു​ന്നാ​ലും, നമ്മുടെ നാളിലെ ക്രിസ്‌തീ​യസഭ ഇപ്പോ​ഴും സുവർണ്ണ​നി​യമം അനുസ​രി​ക്കു​ന്നു. ഈ നിയമ​ത്തി​ന്റെ സാധു​തയെ അംഗീ​ക​രി​ക്കു​ന്ന​തിന്‌ കൂടു​ത​ലായ കാരണ​ങ്ങ​ളുണ്ട്‌. ആധുനിക ക്രിസ്‌തീ​യ​സ​ഭ​യു​ടെ സജീവ ശിരസ്സ്‌ ക്രിസ്‌തു​വാണ്‌. അവൻ തന്റെ നിർദ്ദേ​ശ​ങ്ങൾക്കു മാററം വരുത്തി​യി​ട്ടില്ല. ഇപ്പോ​ഴും പ്രാബ​ല്യ​മുള്ള ഉപദേ​ശ​ത്തി​നാണ്‌ അവൻ നിശ്വ​സ്‌തത നൽകി​യത്‌.

യേശു ഈ ഭൂമി വിട്ടു​പോ​കു​ന്ന​തി​നു​മുമ്പ്‌, സകല ജനതക​ളി​ലെ​യും ജനങ്ങളെ ശിഷ്യ​രാ​ക്കാ​നും “ഞാൻ നിങ്ങ​ളോ​ടു കല്‌പി​ച്ചി​രി​ക്കുന്ന സകല കാര്യ​ങ്ങ​ളും അനുഷ്‌ഠി​ക്കാൻ” അവരെ പഠിപ്പി​ക്കാ​നും തന്റെ അനുഗാ​മി​ക​ളോ​ടു കല്‌പി​ച്ചു. ആ നിർദ്ദേ​ശ​ത്തിൽ സുവർണ്ണ​നി​യ​മ​വും ഉൾപ്പെ​ട്ടി​രു​ന്നു. യേശു തന്റെ ശിഷ്യൻമാർക്ക്‌ ഇങ്ങനെ ഉറപ്പു​കൊ​ടു​ത്തു: “നോക്കൂ! ഞാൻ വ്യവസ്ഥി​തി​യു​ടെ സമാപ​നം​വരെ എല്ലാ നാളു​ക​ളി​ലും നിങ്ങ​ളോ​ടു​കൂ​ടെ​യുണ്ട്‌.”—മത്തായി 28:19, 20.

ലൂക്കോസ്‌ 6:31-ൽ രേഖ​പ്പെ​ടു​ത്തി​യി​രി​ക്കു​ന്ന​തു​പോ​ലെ, “മനുഷ്യർ നിങ്ങൾക്കു ചെയ്യണ​മെന്നു നിങ്ങൾ ആഗ്രഹി​ക്കു​ന്ന​തു​പോ​ലെ​തന്നെ നിങ്ങൾ അവർക്കു ചെയ്യുക” എന്നു യേശു കല്‌പി​ച്ചു. മററു​ള്ള​വർക്കു നൻമ​ചെ​യ്യാൻ മുൻകൈ എടുക്കു​ന്ന​തിൽ എത്ര നല്ല ദൃഷ്‌ടാ​ന്ത​മാണ്‌ യേശു വെച്ചത്‌!

യേശു തന്റെ ഭൗമി​ക​ശു​ശ്രൂ​ഷ​ക്കാ​ലത്ത്‌, ആളുകൾ സഹി​ക്കേ​ണ്ടി​വ​രുന്ന കാര്യ​ങ്ങളെ ശ്രദ്ധാ​പൂർവം നിരീ​ക്ഷി​ച്ചു. അവന്‌ അവരോ​ടു സഹതാപം തോന്നി. അവന്റെ പ്രസം​ഗ​പ​ര്യ​ട​ന​ങ്ങ​ളി​ലൊ​ന്നിൽ, അവൻ ജനക്കൂ​ട്ട​ങ്ങളെ കാണു​ക​യും അവരോ​ടു സഹതാ​പം​തോ​ന്നു​ക​യും ചെയ്‌തു. എന്നാൽ അതിലു​പ​രി​യാ​യി, അവൻ അവരെ സഹായി​ക്കാ​നുള്ള ക്രമീ​ക​ര​ണം​ചെ​യ്‌തു. എങ്ങനെ? തന്റെ ശിഷ്യൻമാ​രെ ആളുക​ളു​ടെ വീടു​ക​ളി​ലെ​ത്തിച്ച ഒരു തീവ്ര​മായ പ്രസം​ഗ​പ്ര​സ്ഥാ​നം സംഘടി​പ്പി​ച്ച​തി​നാൽ. അവൻ നിർദ്ദേ​ശി​ച്ച​പ്ര​കാ​രം: “നിങ്ങൾ ഏതു നഗരത്തി​ലോ ഗ്രാമ​ത്തി​ലോ പ്രവേ​ശി​ച്ചാ​ലും അതിൽ അർഹത​യു​ള്ള​താ​രെന്ന്‌ അന്വേ​ഷി​ക്കുക, നിങ്ങൾ വിട്ടു​പോ​കു​ന്ന​തു​വരെ അവിടെ പാർക്കുക.” ഈ വേലക്ക്‌ അവന്റെ പിന്തു​ണ​യും അവന്റെ പിതാ​വി​ന്റെ അനു​ഗ്ര​ഹ​വു​മു​ണ്ടെന്ന്‌ യേശു​വി​ന്റെ കൂടു​ത​ലായ വാക്കു​ക​ളിൽനിന്ന്‌ വ്യക്തമാ​യി കാണാൻ കഴിയും: “നിങ്ങളെ സ്വീക​രി​ക്കു​ന്നവൻ എന്നെയും സ്വീക​രി​ക്കു​ന്നു, എന്നെ സ്വീക​രി​ക്കു​ന്നവൻ എന്നെ അയച്ചവ​നെ​യും സ്വീക​രി​ക്കു​ന്നു. . . .ഈ ചെറി​യ​വ​രിൽ ഒരുത്തന്‌ അയാൾ ഒരു ശിഷ്യ​നാ​യി​രി​ക്കു​ന്ന​തു​കൊണ്ട്‌ ഒരു കപ്പു തണുത്ത വെള്ളം മാത്രം കുടി​ക്കാൻ കൊടു​ക്കു​ന്ന​വന്‌ യാതൊ​രു പ്രകാ​ര​ത്തി​ലും അവന്റെ പ്രതി​ഫലം നഷ്ടപ്പെ​ടു​ക​യി​ല്ലെന്ന്‌ ഞാൻ സത്യമാ​യി നിങ്ങ​ളോ​ടു പറയുന്നു.”—മത്തായി 9:36–10:42.

സുവർണ്ണ​നി​യ​മം മററു​ള്ള​വർക്കു​വേ​ണ്ടി​യുള്ള ക്രിയാ​ത്മ​ക​പ്ര​വർത്ത​നത്തെ അർത്ഥമാ​ക്കു​ന്നു​വെ​ന്നത്‌ മറെറാ​രു അവസര​ത്തി​ലെ യേശു​വി​ന്റെ ന്യായ​വാ​ദ​ത്തിൽനിന്ന്‌ കാണ​പ്പെ​ടു​ന്നു: “നിങ്ങളെ സ്‌നേ​ഹി​ക്കു​ന്ന​വരെ നിങ്ങൾ സ്‌നേ​ഹി​ക്കു​ന്നു​വെ​ങ്കിൽ, അതിനു നിങ്ങൾക്ക്‌ എന്തു ബഹുമ​തി​യാ​ണു​ള്ളത്‌? എന്തെന്നാൽ പാപി​കൾപോ​ലും തങ്ങളെ സ്‌നേ​ഹി​ക്കു​ന്ന​വരെ സ്‌നേ​ഹി​ക്കു​ന്നു. നിങ്ങൾക്കു നൻമ ചെയ്യു​ന്ന​വർക്കു നിങ്ങൾ നൻമ ചെയ്യു​ന്നു​വെ​ങ്കിൽ, യഥാർത്ഥ​ത്തിൽ അത്‌ എന്തു ബഹുമതി വരുത്താ​നാണ്‌? പാപി​കൾപോ​ലും അതുതന്നെ ചെയ്യു​ന്നു​വ​ല്ലോ. മറിച്ച്‌, നിങ്ങളു​ടെ ശത്രു​ക്കളെ സ്‌നേ​ഹി​ക്കു​ന്ന​തി​ലും നൻമ​ചെ​യ്യു​ന്ന​തി​ലും തുടരുക.” (ലൂക്കോസ്‌ 6:32, 33, 35) തത്‌ഫ​ല​മാ​യി, ഇപ്പോ​ഴും സാധു​വായ സുവർണ്ണ​നി​യ​മ​മ​നു​സ​രി​ക്കു​ന്നത്‌ വ്യക്തി​പ​ര​മാ​യി നമുക്ക​റി​യാൻപാ​ടി​ല്ലാ​ത്ത​വർക്കു​പോ​ലും നൻമ​ചെ​യ്യാൻ മുൻകൈ എടുക്കു​ന്ന​തി​നു നമ്മെ പ്രേരി​പ്പി​ക്കും.

ഇപ്പോ​ഴും സാധു​ത​യു​ള്ളത്‌

സുവർണ്ണ​നി​യമം ഇപ്പോ​ഴും സാധു​വാ​ണെ​ന്നു​ള്ള​തി​ന്റെ ഏററവും ശക്തമായ തെളിവ്‌ ഒരുപക്ഷേ അതനു​സ​രി​ക്കു​ന്ന​വ​രു​ടെ യഥാർത്ഥ അനുഭ​വ​ങ്ങ​ളിൽനി​ന്നാണ്‌ കിട്ടു​ന്നത്‌. ദൈവ​ത്തി​ന്റെ നിയമ​ങ്ങൾക്ക​നു​യോ​ജ്യ​മാ​യി അനുദി​നം നടക്കുന്ന ക്രിസ്‌ത്യാ​നി​കൾ വലിയ സന്തോ​ഷ​വും മിക്ക​പ്പോ​ഴും അപ്രതീ​ക്ഷിത അനു​ഗ്ര​ഹ​ങ്ങ​ളും കണ്ടെത്തു​ന്നു. താൻ ഉപയോ​ഗി​ച്ചി​രുന്ന മെഡി​ക്കൽക്ലി​നി​ക്കി​ലെ ജോലി​ക്കാ​രോട്‌ മര്യാ​ദ​യും ദയയു​മു​ള്ള​വ​ളാ​യി​രു​ന്ന​തി​നാൽ നേഴ്‌സു​മാ​രും ഡോക്ടർമാ​രും തന്നെ ശുശ്രൂ​ഷി​ക്കു​ന്ന​തിൽ വഴിവി​ട്ടു പ്രവർത്തി​ച്ച​തിൽനിന്ന്‌ പ്രയോ​ജ​ന​മ​നു​ഭ​വി​ച്ച​താ​യി ഒരു ക്രിസ്‌തീയ സ്‌ത്രീ കണ്ടെത്തി.

പെട്ടെന്നു രാജ്യ​ഹാ​ളു​കൾ പണിയുന്ന പദ്ധതി​ക​ളിൽ ഉൾപ്പെ​ട്ടി​രുന്ന യഹോ​വ​യു​ടെ സാക്ഷി​കൾക്കും സുവർണ്ണ​നി​യ​മ​ത്തി​ന്റെ സാധു​തയെ സ്ഥിരീ​ക​രി​ക്കാൻ കഴിയും. ഹാൾനിർമ്മാ​ണ​സ്ഥ​ല​ത്തി​ന​ടു​ത്തു പാർക്കുന്ന ആളുകളെ ആസൂ​ത്ര​ണങ്ങൾ അറിയി​ക്കു​ന്ന​തി​നു നടത്തുന്ന ദയാപൂർവ​ക​മായ സന്ദർശ​ന​ങ്ങൾക്ക്‌ മിക്ക​പ്പോ​ഴും ക്രിയാ​ത്മ​ക​മായ പ്രതി​ക​രണം കിട്ടു​ന്നുണ്ട്‌. അങ്ങനെ മുമ്പു യഹോ​വ​യു​ടെ സാക്ഷി​കളെ എതിർത്തി​രു​ന്നവർ അവർ തങ്ങളുടെ അയൽക്കാർക്കു നൻമ ചെയ്യു​ന്ന​താ​യി നിരീ​ക്ഷി​ക്കു​ന്നു. ദൈവ​ജനം തങ്ങളുടെ വേലയിൽ എങ്ങനെ സഹകരി​ക്കു​ന്നു​വെന്ന്‌ അവർ നേരിട്ടു കാണുന്നു. തദ്‌ഫ​ല​മാ​യി, ചിലർ നേരി​ട്ടോ സാധനങ്ങൾ ലഭ്യമാ​ക്കി​ക്കൊ​ണ്ടോ നിർമ്മാ​ണ​ത്തിൽ സഹായി​ക്കാൻ വാഗ്‌ദാ​നം​ചെ​യ്‌തി​ട്ടുണ്ട്‌.—സെഖര്യാവ്‌ 8:23 താരത​മ്യ​പ്പെ​ടു​ത്തുക.

ഇംഗ്ലണ്ടി​ലെ ലണ്ടനിൽ വസിക്കുന്ന ഒരു ഇറാനി​യൻസാ​ക്ഷി ഒരു കടയിൽനിന്ന്‌ കുറെ ഭക്ഷണം വാങ്ങി​യ​പ്പോൾ അയാൾ ഒരു വിദേ​ശി​യാ​യി​രു​ന്ന​തു​കൊ​ണ്ടു കടക്കാരൻ അയാളെ നിന്ദിച്ചു. സാക്ഷി പിന്തി​രി​യാ​തെ, താൻ യഹോ​വ​യു​ടെ സാക്ഷി​ക​ളി​ലൊ​രാ​ളാ​ണെ​ന്നും മററു രാഷ്‌ട്ര​ങ്ങ​ളിൽപെ​ട്ട​വ​രോട്‌ പിണക്ക​മി​ല്ലെ​ന്നും ദയയോ​ടും നയത്തോ​ടും​കൂ​ടെ വിശദീ​ക​രി​ച്ചു. കൂടാതെ, അയാൾ ബൈബിൾസ​ന്ദേ​ശ​വു​മാ​യി അയൽക്കാ​രെ​യെ​ല്ലാം സന്ദർശി​ച്ചു. ഫലമെ​ന്താ​യി​രു​ന്നു? കടയുടമ സാക്ഷി​യു​ടെ ഭക്ഷണ ഓർഡ​റോ​ടു​കൂ​ടെ കൂടു​ത​ലായ പലഹാ​ര​ങ്ങ​ളും കൂട്ടി​ക്കൊ​ടു​ത്തു.

തീർച്ച​യാ​യും, സുവർണ്ണ​നി​യമം അങ്ങനെ​യുള്ള ചെറിയ ദയാ​പ്ര​വർത്ത​ന​ങ്ങ​ളിൽ പരിമി​ത​പ്പെ​ട്ടി​രി​ക്കു​ന്നില്ല. തീർച്ച​യാ​യും, അതിന്റെ ഏററവും വലിയ പ്രകടനം ദൈവ​രാ​ജ്യ​സു​വാർത്ത​യു​ടെ സന്ദേശ​വു​മാ​യി യഹോ​വ​യു​ടെ സാക്ഷികൾ ലോക​വ്യാ​പ​ക​മാ​യി അയൽക്കാ​രു​ടെ ഭവനങ്ങൾ ക്രമമാ​യി സന്ദർശി​ക്കു​ന്ന​തി​നാൽ ചെയ്യുന്ന നൻമയാണ്‌.

സുവർണ്ണ​നി​യ​മ​മ​നു​സ​രി​ച്ചു ജീവി​ക്കു​ക

സുവർണ്ണ​നി​യമം ബാധക​മാ​ക്കു​ന്ന​തി​ന്റെ അർത്ഥം നിങ്ങളു​ടെ ശ്രദ്ധ മററു​ള്ള​വ​രി​ലേക്കു തിരി​ക്കു​ക​യെ​ന്നാണ്‌. അത്‌ ക്രിയാ​ത്മ​ക​മായ ഒരു മാർഗ്ഗ​രേ​ഖ​യാണ്‌. നിങ്ങൾ നിങ്ങൾക്കു ചുററു​പാ​ടു​മു​ള്ള​വർക്കു നൻമ​ചെ​യ്യു​ന്ന​തി​നുള്ള അവസരങ്ങൾ തേടേ​ണ്ടി​വ​രും. അവരിൽ വ്യക്തി​പ​ര​മായ താത്‌പ​ര്യ​മെ​ടു​ത്തു​കൊണ്ട്‌ ബഹിർമു​ഖ​രും ഗുണകാം​ക്ഷി​ക​ളു​മാ​യി​രി​ക്കുക! (ഫിലി​പ്പി​യർ 2:4) അങ്ങനെ ചെയ്യു​ന്ന​തി​നാൽ, നിങ്ങൾ സമൃദ്ധ​മായ അനു​ഗ്ര​ഹങ്ങൾ കൊയ്യും. നിങ്ങൾ യേശു​വി​ന്റെ ബുദ്ധി​യു​പ​ദേശം അനുസ​രി​ക്കു​ന്ന​താ​യി​രി​ക്കും: “നിങ്ങളു​ടെ വെളിച്ചം മനുഷ്യ​രു​ടെ മുമ്പാകെ പ്രകാ​ശി​പ്പി​ക്കുക, അവർ നിങ്ങളു​ടെ സൽപ്ര​വൃ​ത്തി കണ്ടറിഞ്ഞ്‌ സ്വർഗ്ഗ​സ്ഥ​നായ നിങ്ങളു​ടെ പിതാ​വി​നു മഹത്വം കൊടു​ക്കേ​ണ്ട​തി​നു​തന്നെ.” (മത്തായി 5:16) ക്രമത്തിൽ, നിങ്ങൾ യഹോ​വയെ ആത്മാർത്ഥ​മാ​യി അന്വേ​ഷി​ക്കു​ക​യും അനുദി​നം സുവർണ്ണ​നി​യ​മ​മ​നു​സ​രി​ച്ചു ജീവി​ക്കു​ക​യും ചെയ്യു​മ്പോൾ യഹോവ നിങ്ങൾക്കു പ്രതി​ഫലം നൽകും.—എബ്രായർ 11:6 (w89 11⁄1)