ദൈവ​വ​ച​ന​ത്തിൽ നിങ്ങളു​ടെ വിശ്വാ​സം കെട്ടി​പ്പ​ടു​ക്കു​ക

¹ ശക്തമായ വിശ്വാ​സ​മു​ണ്ടാ​യി​രി​ക്കേണ്ട ഒരു കാലമു​ണ്ടെ​ങ്കിൽ അത്‌ ഇപ്പോ​ഴാണ്‌. അനേക​മാ​ളു​കൾക്കും ഒട്ടും​തന്നെ വിശ്വാ​സ​മില്ല, ഭാവി​യേ​ക്കു​റിച്ച്‌ ഒരു പ്രതീ​ക്ഷ​യു​മില്ല. മതനേ​താ​ക്ക​ളും രാഷ്‌ട്രീ​യ​നേ​താ​ക്ക​ളും കൂടെ​ക്കൂ​ടെ വ്യാജ​പ്ര​തീ​ക്ഷകൾ കൊടു​ത്തി​രി​ക്കു​ന്നു, അതു​കൊണ്ട്‌ പലയാ​ളു​ക​ളും നിരാ​ശി​ത​രാണ്‌. സത്യമാ​യും അപ്പോ​സ്‌ത​ല​നായ പൗലോസ്‌ വിശദീ​ക​രി​ച്ച​തു​പോ​ലെ, “വിശ്വാ​സം എല്ലാവ​രു​ടെ​യും സ്വത്തല്ല.” (2 തെസ്സ. 3:2, NW) എന്നുവ​രി​കി​ലും വിശ്വാ​സം യഹോ​വ​യു​ടെ സാക്ഷി​ക​ളു​ടെ സ്വത്താണ്‌. ദൈവ​വ​ച​ന​ത്തിൽ കണ്ടെത്തുന്ന വാഗ്‌ദ​ത്തങ്ങൾ നിറ​വേ​റു​മെന്ന്‌ നമുക്ക്‌ പൂർണ്ണ​വി​ശ്വാ​സ​മുണ്ട്‌.

² ശക്തമായ വിശ്വാ​സം യഹോ​വ​യു​ടെ സാക്ഷി​കളെ മററാ​ളു​ക​ളിൽനിന്ന്‌ വ്യത്യ​സ്‌ത​രാ​ക്കി നിർത്തു​ന്നു. അത്‌ സൽപ്ര​വൃ​ത്തി​കൾക്ക്‌ പ്രചോ​ദനം നൽകുന്നു, നമുക്കും മററു​ള​ള​വർക്കും പ്രയോ​ജനം ചെയ്യു​ന്ന​തും അതേസ​മയം ദൈവ​ത്തി​നു ബഹുമതി കരേറ​റു​ന്ന​തും തന്നെ. ദൈവ​വ​ചനം നമ്മുടെ ജീവി​ത​ത്തിൽ ശക്തി പ്രയോ​ഗി​ക്കാൻ അനുവ​ദി​ക്കു​ന്ന​തിൽനി​ന്നാണ്‌ അത്തരം വിശ്വാ​സം ഉണ്ടാകു​ന്നത്‌. ഇന്നു നിലനിൽക്കുന്ന ആത്മാർത്ഥ​രായ ക്രിസ്‌ത്യാ​നി​ക​ളു​ടെ സാർവ്വ​ദേ​ശീയ സാഹോ​ദ​ര്യം ദൈവ​ത്തി​ന്റെ നിശ്വസ്‌ത വചനമെന്ന നിലയിൽ ബൈബി​ളിൽ വിശ്വാ​സം കെട്ടി​പ്പ​ടു​ക്കു​ന്ന​തി​ന്റെ മൂല്യം പ്രകട​മാ​ക്കു​ന്നു.—2 തിമൊ. 3:16.

³ ദൈവ​വ​ച​ന​ത്തിൽ വിശ്വാ​സം കെട്ടി​പ്പ​ടു​ക്കാൻ മററു​ള​ള​വരെ സഹായി​ക്കു​ന്ന​തെ​ന്തിന്‌: ജീവൻ അപകട​ത്തി​ലാ​യ​തു​കൊണ്ട്‌ വിശ്വാ​സം കെട്ടി​പ്പ​ടു​ക്കാൻ മററു​ള​ള​വരെ സഹായി​ക്കു​ന്ന​തിന്‌ നമുക്ക്‌ ശക്തമായ ന്യായ​മുണ്ട്‌. ഇതു മനസ്സിൽ പിടി​ച്ചു​കൊണ്ട്‌ നാം ജൂ​ലൈ​യിൽ ബൈബിൾ—ദൈവ​ത്തി​ന്റെ വചനമോ അതോ മനുഷ്യ​ന്റേ​തോ? എന്ന പുസ്‌തകം വയലിൽ സമർപ്പി​ക്കു​ന്ന​താ​യി​രി​ക്കും. ബൈബിൾ ദൈവ​വ​ച​ന​മാ​ണെന്ന്‌ മനസ്സി​ലാ​ക്കാൻ ആളുകളെ സഹായി​ക്കുക എന്നതാണ്‌ ഈ പുസ്‌ത​ക​ത്തി​ന്റെ ഉദ്ദേശ്യം. ദൈവ​വ​ച​ന​ത്തി​നെ​തി​രെ അണിനി​ര​ത്തുന്ന പല വ്യാജ​കു​റ​റാ​രോ​പ​ണ​ങ്ങ​ളും അതു ചർച്ച​ചെ​യ്യു​ക​യും ഖണ്ഡിക്കു​ക​യും ചെയ്യുന്നു. ബൈബിൾ അശാസ്‌ത്രീ​യ​മാ​ണോ? അത്‌ അതിൽത്തന്നെ പരസ്‌പ​ര​വി​രു​ദ്ധ​മാ​ണോ? അത്‌ വെറും കെട്ടു​ക​ഥ​യും ഐതി​ഹ്യ​വും ആണോ? ബൈബി​ളിൽ പറഞ്ഞി​രി​ക്കുന്ന അത്ഭുതങ്ങൾ യഥാർത്ഥ​ത്തിൽ സംഭവി​ച്ചോ? പുരാ​വ​സ്‌തു​ശാ​സ്‌ത്രം ബൈബി​ളി​ന്റെ ചരി​ത്ര​കൃ​ത്യ​തയെ ഖണ്ഡിച്ചി​ട്ടു​ണ്ടോ? എന്നിങ്ങ​നെ​യു​ളള ഒട്ടനവധി ചോദ്യ​ങ്ങൾക്ക്‌ അത്‌ തൃപ്‌തി​ക​ര​മായ ഉത്തരങ്ങൾ നൽകുന്നു. അതിനു​പു​റമെ, ഈ പ്രസി​ദ്ധീ​ക​രണം ബൈബി​ളി​ന്റെ നിശ്വ​സ്‌ത​ത​യു​ടെ നിരവധി മികച്ച തെളി​വു​കൾ അവതരി​പ്പി​ക്കു​ന്നു. അത്‌ ബൈബി​ളി​ന്റെ തെററാത്ത പ്രവച​ന​ങ്ങ​ളി​ലേ​ക്കും അതിന്റെ അത്ഭുത​ക​ര​മായ ആകമാ​ന​യോ​ജി​പ്പി​ലേ​ക്കും ശ്രദ്ധ ക്ഷണിക്കു​ന്നു.

⁴ ബൈബി​ളി​ന്റെ മികച്ച പ്രാ​യോ​ഗിക ജ്ഞാനവും നൻമക്കാ​യി ആളുക​ളിൽ മാററം വരുത്താ​നു​ളള അതിന്റെ ശക്തിയും ബൈബിൾ ദൈവ​വ​ച​ന​മാ​ണെന്നു തെളി​യി​ക്കുന്ന തെളി​വി​ന്റെ ഒരു ഭാഗം മാത്ര​മാണ്‌. ഈ തെളിവു മനസ്സി​ലാ​ക്കാൻ ആളുകളെ സഹായി​ക്കു​ന്ന​തിന്‌ നമുക്ക്‌ ഉത്തരവാ​ദി​ത്ത​മുണ്ട്‌. അതിന്‌, ബൈബിൾ പറയു​ന്നത്‌ വിശ്വ​സി​ക്കാൻ നാം അവരെ ആദ്യം പഠിപ്പി​ക്കണം. അതു​കൊണ്ട്‌ നാം കണിശ​മാ​യും സാഹി​ത്യം എടുക്കു​ന്ന​വരെ വീണ്ടും സന്ദർശി​ക്കു​ക​യും വിശ്വാ​സം കെട്ടി​പ്പ​ടു​ക്കാൻ അവരെ സഹായി​ക്കു​ന്ന​തിന്‌ ഒരു ഭവന​ബൈ​ബി​ള​ദ്ധ്യ​യനം വാഗ്‌ദാ​നം ചെയ്യു​ക​യും വേണം.

⁵ വിശ്വാ​സം കെട്ടി​പ്പ​ടു​ക്കാൻ പുസ്‌തകം സഹായി​ക്കു​ന്നു: സത്യസ​ന്ധ​മാ​യി തെളിവ്‌ വിലയി​രു​ത്തു​മ്പോൾ ആത്മാർത്ഥ​ത​യു​ളള ഒരു വ്യക്തി​ക്കും ബൈബിൾ ദൈവ​വ​ച​ന​മാ​ണെന്ന്‌ അംഗീ​ക​രി​ക്കാ​തി​രി​ക്കാൻ കഴിയില്ല. ഈ പുസ്‌തകം ആ തെളി​വു​ക​ളിൽ അധിക​വും എളുപ്പം ഗ്രഹി​ക്കാ​വുന്ന ഒരു രൂപത്തിൽ അവതരി​പ്പി​ക്കു​ന്നു. ബൈബി​ളി​നെ ദൈവ​വ​ച​ന​മാ​യി അംഗീ​ക​രി​ക്കാ​നും അതിന്റെ നിശ്വസ്‌ത ബുദ്ധ്യു​പ​ദേ​ശ​മ​നു​സ​രിച്ച്‌ ജീവി​ക്കാ​നും മററു​ള​ള​വരെ പ്രോൽസാ​ഹി​പ്പി​ക്കാൻ നാം ആഗ്രഹി​ക്കു​ന്നു. അങ്ങനെ ചെയ്യു​ന്നവർ സങ്കീർത്ത​ന​ക്കാ​രന്റെ പിൻവ​രുന്ന ഹൃദയം​ഗ​മ​മായ പ്രാർത്ഥന പ്രതി​ധ്വ​നി​പ്പി​ക്കാൻ ഇടയാ​കും: “നിന്റെ പ്രമാ​ണങ്ങൾ എനിക്ക്‌ എത്ര പ്രിയ​മെന്ന്‌ കണ്ട്‌, യഹോവേ നിന്റെ ദയെക്കു തക്കവണ്ണം എന്നെ ജീവി​പ്പി​ക്കേ​ണമേ. നിന്റെ വചനത്തി​ന്റെ സാരം സത്യം​തന്നേ; നിന്റെ നീതി​യു​ളള വിധികൾ ഒക്കെയും എന്നേക്കു​മു​ളളവ.”—സങ്കീ. 119:159, 160.

⁶ “മഹോ​പ​ദ്രവ”ത്തിലൂടെ സംരക്ഷ​ണ​ത്തി​നു​ളള വഴി തേടുന്ന ഏവർക്കും യഹോവ സ്‌നേ​ഹ​പൂർവം തന്റെ വചനമായ ബൈബിൾ മുഖാ​ന്തരം മാർഗ്ഗ​നിർദ്ദേശം പ്രദാനം ചെയ്യുന്നു. (മത്തായി 24:21) ബൈബിൾ—ദൈവ​ത്തി​ന്റെ വചനമോ അതോ മനുഷ്യ​ന്റേ​തോ എന്ന പുസ്‌തകം 12 രൂപ സംഭാ​വ​നക്ക്‌ സമർപ്പി​ച്ചു​കൊണ്ട്‌ ജൂ​ലൈ​യിൽ ദൈവ​വ​ചനം വായി​ക്കാ​നും പഠിക്കാ​നും നമുക്ക്‌ മററു​ള​ള​വരെ പ്രോൽസാ​ഹി​പ്പി​ക്കാൻ കഴിയും.