പാഠം 19

വയൽശു​ശ്രൂഷ മെച്ച​പ്പെ​ടു​ത്താൻ സ്‌കൂൾ ഉപയോ​ഗി​ക്കൽ

1. നമ്മുടെ വിദ്യാർഥി​പ്ര​സം​ഗങ്ങൾ തയ്യാറാ​കു​മ്പോൾ സ്‌കൂ​ളി​ന്റെ ഏതു ലക്ഷ്യം നാം ഓർത്തി​രി​ക്കണം?

¹ ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ന്റെ മുഖ്യ​ല​ക്ഷ്യ​ങ്ങ​ളി​ലൊ​ന്നു വയൽശു​ശ്രൂ​ഷ​യിൽ കൂടുതൽ ഫലപ്ര​ദ​രാ​യി​ത്തീ​രാൻ നമ്മെ സഹായി​ക്കു​ക​യാണ്‌. നിങ്ങളു​ടെ പ്രസം​ഗ​നി​യ​മ​നങ്ങൾ തയ്യാറാ​കു​മ്പോൾ അത്‌ ഓർത്തി​രി​ക്കുക. കേവലം അറിവി​നു​വേണ്ടി അറിവു സമ്പാദി​ക്കു​ന്ന​തിൽ തത്‌പ​ര​രാ​യി​രി​ക്കാ​തെ വയൽശു​ശ്രൂ​ഷ​യി​ലെ നിങ്ങളു​ടെ പ്രസം​ഗ​ത്തി​ലും പഠിപ്പി​ക്ക​ലി​ലും ആ അറിവ്‌ എങ്ങനെ വിനി​യോ​ഗി​ക്കാ​മെ​ന്ന​തി​ലും തത്‌പ​ര​രാ​യി​രി​ക്കുക.

2. വിദ്യാർഥി​പ്ര​സം​ഗ​ത്തി​ന്റെ പരിശീ​ലനം ഒരു സാക്ഷ്യം​കൊ​ടു​ക്ക​ത്ത​ക്ക​വണ്ണം എങ്ങനെ നിർവ​ഹി​ക്കാൻ കഴിയും?

² ചിലർ തങ്ങളുടെ പ്രസം​ഗ​നി​യ​മ​നങ്ങൾ സുഹൃ​ത്തു​ക്ക​ളു​ടെ​യും അയൽക്കാ​രു​ടെ​യും സ്‌കൂ​ള​ധ്യാ​പ​ക​രു​ടെ​യും അവിശ്വാ​സി​ക​ളായ കുടും​ബാം​ഗ​ങ്ങ​ളു​ടെ​യും ശ്രദ്ധി​ക്കുന്ന മററു​ള​ള​വ​രു​ടെ​യും സാന്നി​ധ്യ​ത്തിൽ പരിശീ​ലി​ച്ചു​കൊണ്ട്‌ അവ നന്നായി നേരിട്ട്‌ ഉപയോ​ഗി​ക്കു​ന്നു. ഇതു പല കാര്യങ്ങൾ സാധി​ക്കു​ന്നു. വിദ്യാർഥി​ക്കു മററു​ള​ള​വ​രു​ടെ പ്രതി​ക​രണം കാണാ​നും പ്രസംഗം മെച്ച​പ്പെ​ടു​ത്തു​ന്ന​തി​നു മാററങ്ങൾ വരുത്താ​നും കഴിയു​ന്നു. കൂടാതെ, അവതരി​പ്പി​ക്ക​പ്പെ​ടുന്ന വില​യേ​റിയ വിവരങ്ങൾ ശ്രദ്ധി​ക്കു​മ്പോൾ ഇതിനു ബൈബി​ളി​ലു​ളള മറേറ​യാ​ളു​ടെ താത്‌പ​ര്യ​ത്തെ ഉത്തേജി​പ്പി​ക്കാ​നും കഴിയും. അതിനു ശുശ്രൂ​ഷാ​സ്‌കൂ​ളിൽ സംബന്ധി​ക്കു​ന്ന​തിന്‌ അയാളെ ക്ഷണിക്കു​ന്ന​തി​നു​ളള ഒരു മാർഗ​മാ​യി​രി​ക്കാൻ കഴിയും. അനേക​മാ​ളു​കൾ ഈ വിധത്തിൽ രാജ്യ​ഹാ​ളി​ലേക്കു വരുത്ത​പ്പെ​ട്ടി​ട്ടുണ്ട്‌. ജപ്പാനി​ലെ ഒരു സാക്ഷി ഒരു പളളി​യം​ഗത്തെ പ്രത്യേ​കം സന്ദർശിച്ച്‌ അവരുടെ മുമ്പാകെ ശുശ്രൂ​ഷാ​സ്‌കൂൾപ​രി​പാ​ടി​യി​ലെ തന്റെ ഭാഗം റിഹേ​ഴ്‌സ്‌ ചെയ്‌തു. അവരുടെ വിഷയം “‘ബാബി​ലോ​നി’ൽനിന്നു പുറത്തു​വ​രാൻ ദൈവ​ജനം നിർദേ​ശി​ക്ക​പ്പെ​ടു​ന്നു” എന്നതാ​യി​രു​ന്നു. ആ സ്‌ത്രീ താത്‌പ​ര്യം പ്രകട​മാ​ക്കു​ക​യും ഒരു ബൈബി​ള​ധ്യ​യ​ന​ത്തി​നു സമ്മതി​ക്കു​ക​യും ചെയ്‌തു.

3. നാം സ്‌കൂ​ളിൽ കേൾക്കു​ന്നതു വയൽശു​ശ്രൂ​ഷ​യിൽ ഉപയോ​ഗി​ക്കാൻ എന്ത്‌ ഉത്തേജി​പ്പി​ക്കും?

³ വയൽസേ​വ​ന​ത്തി​ന്റെ അടിസ്ഥാ​ന​ത്തിൽ ചിന്തി​ക്കുക. ശുശ്രൂ​ഷാ​സ്‌കൂ​ളിൽ നിങ്ങൾ വിശി​ഷ്ട​മായ ധാരാളം വിവരങ്ങൾ കേൾക്കു​ന്നു, അതില​ധി​ക​വും വയൽശു​ശ്രൂ​ഷ​യിൽ നേരിട്ട്‌ ഉപയോ​ഗി​ക്കാൻ കഴിയും. പരിപാ​ടി​യിൽ നാം ബൈബിൾ വിശ്വ​സി​ക്കു​ന്ന​തി​നു​ളള കാരണങ്ങൾ, ഉപദേ​ശ​പ​ര​മായ ചോദ്യ​ങ്ങൾക്കു​ളള ഉത്തരങ്ങൾ, ബൈബിൾ പ്രവച​ന​ത്തി​ന്റെ നിവൃത്തി, പ്രത്യേക തിരു​വെ​ഴു​ത്തു​ക​ളു​ടെ വിശദീ​ക​ര​ണങ്ങൾ, അനുദി​ന​ജീ​വി​ത​ത്തിൽ ബൈബിൾത​ത്ത്വ​ങ്ങൾ ബാധക​മാ​ക്കാ​വുന്ന വിധം എന്നിങ്ങ​നെ​യു​ളള കാര്യങ്ങൾ ചർച്ച​ചെ​യ്യു​ന്നു. ഈ വിവരങ്ങൾ വയൽസേ​വ​ന​ത്തിൽ ഉപയോ​ഗി​ക്കു​ന്ന​തി​നു​ളള അവസരങ്ങൾ ഉണ്ടാക്കാൻ ശ്രമി​ക്കുക. അതുസം​ബ​ന്ധിച്ച്‌ ആരെങ്കി​ലും ഒരു ചോദ്യം ചോദി​ക്കാൻ നിങ്ങൾ കാത്തി​രി​ക്കേ​ണ്ട​തില്ല. ഉചിത​മെ​ങ്കിൽ നിങ്ങൾതന്നെ വിഷയം ഉന്നയി​ക്കുക. ഇതു വിവരങ്ങൾ നിങ്ങളു​ടെ മനസ്സിൽ പതിപ്പി​ക്കു​ക​യും നിങ്ങളെ ശുശ്രൂ​ഷ​യിൽ കൂടുതൽ ബഹുമുഖ പ്രാപ്‌തി​യു​ള​ള​വ​രാ​ക്കു​ക​യും ചെയ്യും.

4. നമ്മുടെ ബൈബി​ളു​പ​യോ​ഗ​ത്തിൽ മെച്ച​പ്പെ​ടു​ന്ന​തി​നു സ്‌കൂ​ളി​നു നമ്മെ എങ്ങനെ സഹായി​ക്കാൻ കഴിയും?

⁴ ബൈബി​ളി​ന്റെ നേരി​ട്ടു​ളള ഉപയോ​ഗം നമ്മുടെ വേലയു​ടെ ഒരു പ്രമു​ഖ​ഭാ​ഗ​മാണ്‌. എന്നാൽ ചില പ്രസാ​ധ​കർക്ക്‌ ഉചിത​മായ തിരു​വെ​ഴു​ത്തു​ക​ളി​ലേക്കു പെട്ടെന്നു തിരി​യാൻ പ്രയാ​സ​മുണ്ട്‌. നിങ്ങൾക്കു​ണ്ടോ? ഉണ്ടെങ്കിൽ കാര്യ​മായ പുരോ​ഗതി നേടാൻ സ്‌കൂ​ളി​നു നിങ്ങളെ സഹായി​ക്കാൻ കഴിയും. എങ്ങനെ? ശുശ്രൂ​ഷാ​സ്‌കൂ​ളി​ലെ ഓരോ പ്രസം​ഗ​ക​നെ​യും നിങ്ങളു​ടെ ബൈബി​ളു​പ​യോ​ഗി​ച്ചു​കൊ​ണ്ടു പിൻപ​റ​റുക. പ്രസം​ഗകൻ ഒരു തിരു​വെ​ഴു​ത്തു വായി​ക്കു​മ്പോൾ എല്ലായ്‌പോ​ഴും അതു നിങ്ങളു​ടെ സ്വന്ത ബൈബി​ളിൽ എടുത്തു​നോ​ക്കുക. നിങ്ങൾ വീണ്ടും വീണ്ടും വാക്യങ്ങൾ നോക്കു​മ്പോൾ നിങ്ങൾ അവ നന്നായി അറിയാൻ ഇടയാ​കു​ക​യും അവ എവിടെ കണ്ടെത്താൻ കഴിയു​മെന്നു പഠിക്കു​ക​യും ചെയ്യും. ആവശ്യ​മാ​യി​രി​ക്കു​ന്നതു പരിശീ​ല​ന​മാണ്‌. വയൽശു​ശ്രൂ​ഷ​യിൽ ഏർപ്പെ​ടു​മ്പോൾ മാത്രമല്ല, വാരം​തോ​റും ശുശ്രൂ​ഷാ​സ്‌കൂ​ളിൽ സംബന്ധി​ക്കു​മ്പോ​ഴും നിങ്ങൾക്ക്‌ ആ പരിശീ​ലനം നേടാ​വു​ന്ന​താണ്‌. കൂടാതെ നിങ്ങൾക്ക്‌ എല്ലാ പ്രസം​ഗ​ക​രും നടത്തുന്ന പഠനത്തിൽനി​ന്നും പ്രയോ​ജ​ന​മ​നു​ഭ​വി​ക്കാൻ കഴിയും. അവർ തങ്ങൾക്കു നിയമി​ച്ചു​കി​ട്ടുന്ന വിഷയങ്ങൾ സംബന്ധിച്ച്‌ ഏററവും കുറി​ക്കു​കൊ​ള​ളുന്ന വാക്യങ്ങൾ തിര​ഞ്ഞെ​ടു​ക്കു​ന്നു. നിങ്ങൾ പ്രസം​ഗ​കരെ പിൻതു​ട​രു​മ്പോൾ നിങ്ങളു​ടെ സ്വന്തം ശുശ്രൂ​ഷ​യിൽ ഉപയോ​ഗി​ക്കാൻ നിങ്ങളാ​ഗ്ര​ഹി​ച്ചേ​ക്കാ​വു​ന്ന​തെന്നു വിശ്വ​സി​ക്കുന്ന വാക്യ​ങ്ങ​ളു​ടെ മുഖ്യ​ഭാ​ഗങ്ങൾ എന്തു​കൊണ്ട്‌ അടിയിൽ വരച്ചു​കൂ​ടാ? നിങ്ങൾക്ക്‌ അവ വിഷയ​ത്തോ​ടൊ​പ്പം നിങ്ങളു​ടെ ബൈബി​ളി​ന്റെ പുറം​ച​ട്ട​യു​ടെ അകവശത്തു കുറി​യ്‌ക്കാ​വു​ന്ന​തു​മാണ്‌. ഈ വിധത്തിൽ നിങ്ങൾ സ്‌കൂ​ളിൽ പഠിക്കു​ന്നതു വയൽശു​ശ്രൂ​ഷ​യിൽ ഉപയോ​ഗി​ക്കു​ന്നത്‌ എളുപ്പ​മാ​ണെന്നു കണ്ടെത്തും.

5, 6. നമ്മുടെ പ്രസം​ഗ​ങ്ങൾക്കു​ളള പ്രാ​യോ​ഗി​ക​മായ രംഗവി​ധാ​ന​ങ്ങ​ളു​ടെ ഉപയോ​ഗം നമ്മെ എങ്ങനെ സഹായി​ക്കും?

⁵ നിങ്ങളു​ടെ പ്രസംഗം തയ്യാറാ​കു​മ്പോൾ രംഗവി​ധാ​ന​ങ്ങ​ളു​ടെ ശ്രദ്ധാ​പൂർവ​ക​മായ തിര​ഞ്ഞെ​ടു​പ്പും സ്‌കൂ​ളിൽനി​ന്നു​ളള പ്രയോ​ജ​നങ്ങൾ നിങ്ങളു​ടെ വയൽശു​ശ്രൂ​ഷ​യിൽ സാക്ഷാ​ത്‌ക​രി​ക്കാൻ നിങ്ങളെ സഹായി​ക്കും. സാധ്യ​മാ​കു​മ്പോൾ, ശുശൂ​ഷ​യിൽ യഥാർഥ​ത്തിൽ അഭിമു​ഖീ​ക​രി​ക്കുന്ന സാഹച​ര്യ​ങ്ങൾ ഉപയോ​ഗി​ക്കുക. ചില സമയങ്ങ​ളിൽ നിങ്ങളു​ടെ പ്രസംഗം ഒരു വീടു​തോ​റു​മു​ളള അവതര​ണ​ത്തിന്‌ അല്ലെങ്കിൽ അനൗപ​ചാ​രി​ക​സാ​ക്ഷീ​ക​ര​ണ​ത്തി​നു സഹായ​ക​മാ​ണെന്നു നിങ്ങൾ കണ്ടെത്തി​യേ​ക്കാം. മററു സമയങ്ങ​ളിൽ ഒരു മടക്കസ​ന്ദർശന ചർച്ചയെന്ന നിലയിൽ അതു കൂടുതൽ പ്രാ​യോ​ഗി​ക​മാ​യി​രു​ന്നേ​ക്കാം. അല്ലെങ്കിൽ ഒരുപക്ഷേ അത്‌ ഒരു ഭവന​ബൈ​ബി​ള​ധ്യ​യ​ന​ത്തിൽ പൊന്തി​വ​രുന്ന ഒരു പോയിൻറി​നെ ആസ്‌പ​ദ​മാ​ക്കി​യു​ളള ഒരു ചർച്ചയാ​യി​രി​ക്കാൻ കഴിയും. സാഹച​ര്യ​ത്തെ പ്രാ​യോ​ഗി​ക​മാ​ക്കാൻ എല്ലായ്‌പോ​ഴും ശ്രമി​ക്കുക. നിങ്ങൾ പറയു​ന്നതു വീട്ടു​കാ​രി നിരസി​ക്കാൻ ആസൂ​ത്ര​ണം​ചെ​യ്യു​ന്ന​തി​നാൽ നിങ്ങളു​ടെ പ്രസം​ഗ​ത്തി​ന്റെ പ്രാ​യോ​ഗി​കത നിങ്ങൾക്കു വർധി​പ്പി​ക്കാൻ കഴിയും. അപ്പോൾ സാഹച​ര്യ​ത്തെ എങ്ങനെ നേരി​ടാ​മെന്നു നിങ്ങൾക്കു പ്രകട​മാ​ക്കാൻ കഴിയും. വയൽശു​ശ്രൂ​ഷാ​സാ​ഹ​ച​ര്യ​ങ്ങൾക്കു സഹായ​ക​മായ പ്രസം​ഗങ്ങൾ എല്ലായ്‌പോ​ഴും സത്വര​വി​ജ​യ​ത്തി​ലേക്കു നയി​ക്കേ​ണ്ട​തില്ല; താത്‌പ​ര്യ​ക്കു​റ​വി​നെ എങ്ങനെ നേരി​ടാ​മെന്നു കാണി​ക്കു​ന്ന​തും മൂല്യ​വ​ത്താണ്‌.

⁶ ഒരു വീട്ടു​കാ​രി​യു​ടെ ഭാഗം നിയമി​ച്ചു​കി​ട്ടു​മ്പോൾ, വയൽശു​ശ്രൂ​ഷ​യോ​ടു​ളള ബന്ധത്തിൽ നിങ്ങൾക്കും പ്രയോ​ജനം നേടാൻ കഴിയും. വീട്ടു​കാർ എങ്ങനെ ചിന്തി​ക്കു​ന്നു​വെ​ന്നും അവർ ഉന്നയി​ക്കുന്ന തടസ്സവാ​ദ​ങ്ങ​ളു​ടെ കാരണ​മെ​ന്തെ​ന്നും ഗ്രഹി​ക്കാൻ ഈ അവസരം ഉപയോ​ഗി​ക്കുക. അത്തര​മൊ​രു വീട്ടു​കാ​രി​യാ​യു​ളള നിങ്ങളു​ടെ പ്രാ​യോ​ഗി​ക​മായ അഭിന​യ​വും വിദ്യാർഥി പ്രസംഗക സാഹച​ര്യ​ത്തെ നേരി​ടുന്ന വിധം നിരീ​ക്ഷി​ക്കു​ന്ന​തും വയൽശു​ശ്രൂ​ഷ​യിൽ ഫലപ്ര​ദ​രാ​യി​രി​ക്കാൻ നിങ്ങളെ പരിശീ​ലി​പ്പി​ക്കു​ന്ന​തി​നു സഹായി​ക്കും.

7. ക്രമമായ പുരോ​ഗതി വരുത്തു​ന്ന​തിന്‌ ഓരോ വാരത്തി​ലും നമ്മുടെ ശുശ്രൂ​ഷ​യിൽ ഏതു പോയിൻറിൽ മെച്ച​പ്പെ​ടാൻ നമുക്കു ശ്രമി​ക്കാ​വു​ന്ന​താണ്‌?

⁷ പ്രസംഗം ദിവ്യാ​ധി​പത്യ ശുശ്രൂ​ഷാ​സ്‌കൂൾ ഗൈഡ്‌ബു​ക്കി​നെ അടിസ്ഥാ​ന​പ്പെ​ടു​ത്തി​യാ​യി​രി​ക്കു​മ്പോൾ വീടു​തോ​റു​മോ മറെറ​വി​ടെ​യെ​ങ്കി​ലു​മോ നടത്തുന്ന നിങ്ങളു​ടെ സ്വന്തം ശുശ്രൂ​ഷയെ മെച്ച​പ്പെ​ടു​ത്തു​ന്ന​തി​ന്റെ നിലപാ​ടിൽ പ്രബോ​ധ​നത്തെ അപഗ്ര​ഥി​ക്കുക. എന്തു​കൊണ്ട്‌ അതിനെ ആ വാരത്തിൽ നിങ്ങളു​ടെ ശുശ്രൂ​ഷ​യിൽ അഭിവൃ​ദ്ധി​പ്പെ​ടേണ്ട വലിയ പോയിൻറാ​ക്കി​ത്തീർക്കാൻ പാടില്ല? ദൃഷ്ടാ​ന്ത​ത്തിന്‌, പ്രസംഗം ഒരു വിഷയ​പ്ര​തി​പാ​ദ്യ​ത്തി​ന്റെ ആവശ്യം സംബന്ധി​ച്ചാ​യി​രി​ക്കു​മ്പോൾ, വയൽശു​ശ്രൂ​ഷ​യി​ലെ നിങ്ങളു​ടെ അവതര​ണ​ത്തി​നു യഥാർഥ​ത്തിൽ ഒരു വിഷയ​പ്ര​തി​പാ​ദ്യം ഉണ്ടോ​യെന്നു നിങ്ങ​ളോ​ടു​തന്നെ ചോദി​ക്കുക. വീട്ടു​കാ​രോ​ടു നിങ്ങൾ സംസാ​രിച്ച ശേഷം അവർക്കു യഥാർഥ​ത്തിൽ അതു മനസ്സിൽ പതിഞ്ഞു​കി​ട്ട​ത്ത​ക്ക​വണ്ണം അതു വളരെ വ്യക്തമാ​യി മുന്തി​നിൽക്കാൻ നിങ്ങൾ ഇടയാ​ക്കു​ന്നു​വോ? ഇല്ലെങ്കിൽ, ആ വാരത്തിൽ അതിനു ശ്രമി​ക്കുക. കൂടാതെ, തിരു​വെ​ഴു​ത്തു​ക​ളു​ടെ വായന​യും ബാധക​മാ​ക്ക​ലും കൈകാ​ര്യം ചെയ്യുന്ന വിവരങ്ങൾ നിങ്ങൾ കേൾക്കും. നിങ്ങൾ ഈ പ്രസംഗം ശ്രദ്ധി​ക്കു​മ്പോൾ നിങ്ങളു​ടെ സ്വന്തം തിരു​വെ​ഴു​ത്തു​ക​ളു​ടെ ഉപയോ​ഗം അപഗ്ര​ഥി​ക്കുക. നിങ്ങൾ അവ വീട്ടു​കാ​രനെ വായി​ച്ചു​കേൾപ്പി​ച്ചി​ട്ടു വിശദീ​ക​രി​ക്കാ​തി​രി​ക്കു​ന്നു​വോ? നിങ്ങൾ വാക്യ​ങ്ങളെ വിഷയ​പ്ര​തി​പാ​ദ്യ​ത്തോട്‌ എങ്ങനെ ബന്ധപ്പെ​ടു​ത്തു​ന്നു? നിങ്ങൾ അവ വീട്ടു​കാ​രന്‌ എങ്ങനെ ബാധക​മാ​ക്കു​ന്നു? അങ്ങനെ​യു​ളള ഒരു അപഗ്ര​ഥ​ന​ത്തി​നു നിങ്ങളു​ടെ തിരു​വെ​ഴു​ത്തു​വാ​യ​ന​യെ​യും ബാധക​മാ​ക്ക​ലി​നെ​യും മെച്ച​പ്പെ​ടു​ത്തു​ന്ന​തി​നു സഹായി​ക്കാൻ കഴിയും. പ്രസംഗം ദൃഷ്ടാ​ന്ത​ങ്ങ​ളു​ടെ ഉപയോ​ഗം​സം​ബ​ന്ധി​ച്ചാ​ണോ? ദൃഷ്ടാ​ന്ത​ങ്ങ​ളു​ടെ ഉപയോ​ഗത്തെ നിങ്ങൾക്ക്‌ എങ്ങനെ മെച്ച​പ്പെ​ടു​ത്താൻ കഴിയും? അല്ലെങ്കിൽ ഒരുപക്ഷേ പ്രസംഗം ഒരു ഭവന​ബൈ​ബി​ള​ധ്യ​യ​ന​ത്തിൽ പഠിപ്പി​ക്കു​ന്ന​തു​സം​ബ​ന്ധി​ച്ചാ​യി​രി​ക്കും. ആ വിവരങ്ങൾ നിങ്ങളു​ടെ സ്വന്തം ഭവന​ബൈ​ബി​ള​ധ്യ​യ​ന​ത്തിൽ പഠിപ്പി​ക്കു​ന്ന​തിന്‌ എങ്ങനെ ബാധക​മാ​ക്കാൻ കഴിയു​മെന്നു കാണാൻ നിങ്ങളു​ടെ സ്വന്തം രീതികൾ പരി​ശോ​ധി​ക്കുക, ആ വാരത്തിൽത്തന്നെ അതു ചെയ്യുക. ഈ വിധത്തിൽ, ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ നിങ്ങൾ പഠിക്കു​ന്നതു നിങ്ങളു​ടെ വയൽശു​ശ്രൂ​ഷ​യു​ടെ മേൻമ വർധി​പ്പി​ക്കു​ന്ന​തി​നു നിങ്ങൾ ഉപയോ​ഗി​ക്കു​ന്ന​താ​യി​രി​ക്കും.

8. വയൽസേ​വ​ന​ത്തിൽ ഏർപ്പെ​ട്ടി​രി​ക്കു​മ്പോൾ, നമുക്ക്‌ എങ്ങനെ പ്രയോ​ജ​ന​ക​ര​മാ​യി നമ്മെത്തന്നെ ബുദ്ധ്യു​പ​ദേ​ശി​ക്കാൻ കഴിയും?

⁸ നിങ്ങളു​ടെ സ്വന്തം അവതര​ണത്തെ അപഗ്ര​ഥി​ക്കുക. സ്‌കൂ​ളിൽ ക്രമമാ​യി ബുദ്ധ്യു​പ​ദേശം നൽകു​ന്നതു നിങ്ങൾ കേൾക്കു​ക​യും അതിന്റെ പ്രയോ​ജ​നങ്ങൾ നിരീ​ക്ഷി​ക്കു​ക​യും ചെയ്യുന്നു. സ്‌കൂൾ മേൽവി​ചാ​രകൻ നിങ്ങ​ളോ​ടു​കൂ​ടെ വയൽശു​ശ്രൂ​ഷ​യിൽ വീട്ടു​വാ​തിൽക്കൽ ഉണ്ടായി​രി​ക്കു​ക​യി​ല്ലാ​യി​രി​ക്കാം, എന്നാൽ നിങ്ങ​ളെ​ത്തന്നെ സ്വയം ബുദ്ധ്യു​പ​ദേ​ശി​ക്കു​ന്നത്‌ ഒരു ശീലമാ​ക്കാൻ പാടില്ലേ? നിങ്ങൾ ഒരു വീട്ടു​കാ​ര​നോ​ടു​ളള സംസാരം പൂർത്തി​യാ​ക്കി​യിട്ട്‌ അടുത്ത വീട്ടി​ലേക്കു നടക്കു​മ്പോൾ നിങ്ങ​ളോ​ടു​തന്നെ ചോദി​ക്കുക: കൂടുതൽ ഫലപ്ര​ദ​നാ​യി​രി​ക്കാൻ എനിക്ക്‌ എന്തു ചെയ്യാൻ കഴിയു​മാ​യി​രു​ന്നു? ഞാൻ ഇപ്പോൾ ചെയ്യു​ന്നത്‌ എന്തെന്ന്‌ അറിയാ​മെ​ന്നി​രി​ക്കെ, എനിക്ക്‌ ആ സന്ദർശനം വീണ്ടും നടത്താൻ കഴിഞ്ഞാൽ ഞാൻ വ്യത്യ​സ്‌ത​മാ​യി എന്തു ചെയ്യും? അങ്ങനെ​യു​ളള ഒരു അപഗ്ര​ഥനം അന്നേദി​വ​സം​തന്നെ നിങ്ങളെ സഹായി​ച്ചേ​ക്കാം, എന്തു​കൊ​ണ്ടെ​ന്നാൽ നിങ്ങൾ മറെറാ​രു വീട്ടിൽ സമാന​മായ ഒരു സാഹച​ര്യ​ത്തെ അഭിമു​ഖീ​ക​രി​ച്ചേ​ക്കാം. നിങ്ങൾ പ്രവർത്തി​ച്ചു​കൊ​ണ്ടി​രി​ക്കവേ, നിങ്ങളു​ടെ അവതര​ണ​ങ്ങളെ അപഗ്ര​ഥി​ക്കു​ന്നത്‌ ഒരു ശീലമാ​ക്കു​ന്നു​വെ​ങ്കിൽ, പുരോ​ഗതി തുടർച്ച​യാ​യി​ട്ടു​ള​ള​താ​യി​രി​ക്കും. തീർച്ച​യാ​യും മറെറാ​രു പ്രസാ​ധ​ക​നോ​ടൊ​ത്തു പ്രവർത്തി​ക്കു​മ്പോൾ, നിങ്ങൾക്കു നിങ്ങളു​ടെ പങ്കാളി​യോ​ടു നിർദേ​ശങ്ങൾ ചോദി​ക്കാ​വു​ന്ന​താണ്‌.

9, 10. നാം ഇവിടെ പഠിക്കു​ന്നതു വയലിൽ ബാധക​മാ​ക്കു​ന്ന​തി​നു നമ്മെ സഹായി​ക്കാൻ ഭവനത്തി​ലെ അഭ്യസ​ന​യോ​ഗ​ങ്ങ​ളിൽ എന്തു ചെയ്യാ​വു​ന്ന​താണ്‌?

⁹ നിങ്ങളു​ടെ അവതര​ണ​ങ്ങ​ളു​ടെ ഫലപ്ര​ദ​ത്വ​ത്തെ മെച്ച​പ്പെ​ടു​ത്തു​ന്ന​തി​നു​ളള വളരെ നല്ല ഒരു രീതി മററു​ള​ള​വ​രോ​ടൊത്ത്‌ അത്‌ അഭ്യസി​ക്കു​ന്ന​തും അനന്തരം അവ ഒരുമിച്ച്‌ അപഗ്ര​ഥി​ക്കു​ന്ന​തു​മാണ്‌. നിങ്ങൾക്ക്‌ ഇതു നിങ്ങളു​ടെ സ്വന്തം കുടും​ബാം​ഗ​ങ്ങ​ളോ​ടൊ​ത്തോ സഭയിലെ മററു​ള​ള​വ​രോ​ടൊ​ത്തോ ചെയ്യാൻ കഴിയും. അവർ വീട്ടു​കാ​രു​ടെ ഭാഗം എടുത്തു​കൊ​ണ്ടു സാധാരണ തടസ്സവാ​ദങ്ങൾ ഉന്നയി​ക്കട്ടെ. തടസ്സവാ​ദങ്ങൾ ഉന്നയി​ക്ക​പ്പെ​ടു​മ്പോൾ, അറിയാ​മെ​ങ്കിൽ നിങ്ങൾ അവ കൈകാ​ര്യം​ചെ​യ്യുക. ഇല്ലെങ്കിൽ നിർത്തി​യി​ട്ടു കൂടെ​യു​ള​ള​വ​രിൽനി​ന്നു നിർദേ​ശങ്ങൾ സ്വീക​രി​ക്കുക. പിന്നീട്‌, സമർപ്പി​ക്ക​പ്പെട്ട ആശയങ്ങ​ളിൽ ചിലത്‌ ഉപയോ​ഗി​ച്ചു​കൊ​ണ്ടു തുടരുക. നിങ്ങൾ പൂർത്തി​യാ​ക്കു​മ്പോൾ, ചെയ്യ​പ്പെ​ട്ട​തി​ന്റെ ഫലപ്ര​ദ​ത്വം ഒരുമിച്ച്‌ അപഗ്ര​ഥി​ക്കുക. വീട്ടിൽവെച്ചു നടത്തുന്ന അത്തരം അഭ്യസ​ന​യോ​ഗ​ങ്ങൾക്കു നിങ്ങളു​ടെ അവതരണം മെച്ച​പ്പെ​ടു​ത്തു​ന്ന​തി​നു സഹായി​ക്കാൻ കഴിയും, അവ നിങ്ങൾ വയലിൽ എത്തുന്ന​തി​നു​മു​മ്പു​തന്നെ തെററു​കൾ തിരു​ത്തു​ന്ന​തി​നു​ളള അവസരം നിങ്ങൾക്കു നൽകുന്നു. അവയ്‌ക്കു സ്‌കൂ​ളിൽ പഠിച്ച തത്ത്വങ്ങൾ വയൽശു​ശ്രൂ​ഷക്കു ലഭ്യമാ​ക്കാൻ നിങ്ങളെ സഹായി​ക്കാൻ കഴിയും. പക്വത​യു​ള​ളവർ “നൻമതിൻമ​കളെ തിരി​ച്ച​റി​യാൻ തഴക്കത്താൽ അഭ്യസിച്ച”വർ ആണെന്ന്‌ അപ്പോ​സ്‌ത​ല​നായ പൗലോസ്‌ പറഞ്ഞു​വെന്നു നമുക്ക്‌ ഓർത്തി​രി​ക്കാം. (എബ്രാ. 5:14) ഗ്രഹണ​ശ​ക്തി​കളെ മൂർച്ച​യു​ള​ള​താ​ക്കാ​നു​ളള ഒരു വഴി അഭ്യസ​ന​യോ​ഗ​ങ്ങ​ളിൽ അവ ഉപയോ​ഗി​ക്കു​ക​യാണ്‌.

¹⁰ ദിവ്യാ​ധി​പത്യ ശുശ്രൂ​ഷാ​സ്‌കൂൾ നമ്മുടെ പരിശീ​ല​ന​ത്തി​നു​വേ​ണ്ടി​യു​ളള യഹോ​വ​യു​ടെ ഉദാര​മായ അനേകം കരുത​ലു​ക​ളിൽ ഒന്നാണ്‌. നാം അതിലെ പാഠങ്ങൾ ഉത്സാഹ​പൂർവം പഠിക്കു​ക​യും ബാധക​മാ​ക്കു​ക​യും ചെയ്യു​മ്പോൾ നമുക്കു പ്രവാ​ച​ക​നോ​ടൊത്ത്‌ ഇങ്ങനെ പറയാൻ കഴിയും: “തളർന്നി​രി​ക്കു​ന്ന​വനെ വാക്കു​കൊ​ണ്ടു താങ്ങു​വാൻ അറി​യേ​ണ്ട​തി​ന്നു യഹോ​വ​യായ കർത്താവു എനിക്കു ശിഷ്യൻമാ​രു​ടെ നാവു തന്നിരി​ക്കു​ന്നു; അവൻ രാവി​ലെ​തോ​റും ഉണർത്തു​ന്നു; ശിഷ്യൻമാ​രെ​പ്പോ​ലെ കേൾക്കേ​ണ്ട​തി​ന്നു അവൻ എന്റെ ചെവി ഉണർത്തു​ന്നു.”—യെശ. 50:4.