കാത്തി​രി​ക്കാൻ പഠിക്കു​ക​യെന്ന പ്രശ്‌നം

മനുഷ്യ​രായ നാം സ്വീക​രി​ക്കേണ്ട ഏററവും കഠിന​മായ പാഠങ്ങ​ളിൽ ഒന്ന്‌ ഒരുപക്ഷേ, നാം ആഗ്രഹി​ക്കുന്ന കാര്യ​ങ്ങൾക്കു​വേണ്ടി കാത്തി​രി​ക്കാൻ പഠിക്കുക എന്നതാണ്‌. കൊച്ചു കുട്ടികൾ പ്രകൃ​ത്യാ അക്ഷമരാണ്‌. കണ്ണിൽക്കാ​ണുന്ന എന്തും അവർക്കു വേണം, അതി​പ്പോൾത്തന്നെ വേണം​താ​നും! എന്നാൽ നിങ്ങൾക്ക്‌ അനുഭ​വ​ത്തിൽനിന്ന്‌ അറിയാ​വു​ന്ന​തു​പോ​ലെ, ആവശ്യ​പ്പെ​ടുന്ന എന്തും ലഭ്യമല്ല എന്നതു ജീവി​ത​യാ​ഥാർഥ്യ​മാണ്‌. ന്യായ​മായ ആഗ്രഹ​ങ്ങ​ളു​ടെ കാര്യ​ത്തിൽപ്പോ​ലും അവയെ തൃപ്‌തി​പ്പെ​ടു​ത്തു​ന്ന​തി​നു തക്കതായ ഒരു സമയത്തി​നു​വേണ്ടി നാം കാത്തി​രി​ക്കേ​ണ്ട​തുണ്ട്‌. അനേകർ ഈ പാഠം പഠിക്കു​ന്നു; മററു ചിലർ ഒരിക്ക​ലും പഠിക്കു​ന്നില്ല.

ദിവ്യാം​ഗീ​കാ​രം നേടാ​നാ​ഗ്ര​ഹി​ക്കുന്ന ആളുകൾക്ക്‌ കാത്തി​രി​ക്കാൻ പഠി​ക്കേ​ണ്ട​തി​ന്റെ പ്രത്യേക ആവശ്യ​മുണ്ട്‌. ക്രിസ്‌തീയ കാലത്തി​നു മുമ്പത്തെ ഒരു യഹോ​വ​യു​ടെ ദാസനാ​യി​രുന്ന യിരെ​മ്യാവ്‌ ഇത്‌ ഊന്നി​പ്പ​റഞ്ഞു: “യഹോ​വ​യു​ടെ രക്ഷെക്കാ​യി മിണ്ടാതെ കാത്തി​രി​ക്കു​ന്നതു നല്ലതു.” പിന്നീട്‌, ക്രിസ്‌തീയ ശിഷ്യ​നാ​യി​രുന്ന യാക്കോബ്‌ പറഞ്ഞു: “എന്നാൽ സഹോ​ദ​രൻമാ​രേ, കർത്താ​വി​ന്റെ പ്രത്യ​ക്ഷ​ത​വരെ ദീർഘ​ക്ഷ​മ​യോ​ടി​രി​പ്പിൻ.”—വിലാ​പങ്ങൾ 3:26; യാക്കോബ്‌ 5:7.

യഹോ​വ​ക്കു ദിവ്യോ​ദ്ദേ​ശ്യ​ങ്ങൾ പൂർത്തീ​ക​രി​ക്കാൻ സ്വന്തം സമയപ്പ​ട്ടി​ക​യുണ്ട്‌. ചില കാര്യങ്ങൾ ചെയ്യു​ന്ന​തി​നുള്ള അവിടു​ത്തെ തക്കസമ​യ​മാ​കു​ന്ന​തു​വരെ കാത്തി​രി​ക്കാൻ നമുക്കു കഴിയു​ന്നി​ല്ലെ​ങ്കിൽ നാം അസംതൃ​പ്‌ത​രും അസന്തു​ഷ്ട​രും ആയിത്തീ​രും, അത്‌ ആനന്ദം കെടു​ത്തി​ക്ക​ള​യും. നെഹെ​മ്യാവ്‌ തന്റെ ദേശക്കാ​രോ​ടു “കർത്താ​വി​ലെ ആനന്ദമാ​ണു നിങ്ങളു​ടെ ബലം” എന്നു പറഞ്ഞതു​പോ​ലെ, ആനന്ദമി​ല്ലാത്ത ഒരു യഹോ​വ​യു​ടെ ദാസൻ ആത്മീയ​മാ​യി ദുർബ​ല​നാ​യി​ത്തീ​രും.—നെഹെ​മ്യാവ്‌ 8:10, ദ ന്യൂ ഇംഗ്ലീഷ്‌ ബൈബിൾ.

കാത്തി​രി​ക്കാൻ പഠിക്കു​ന്ന​തി​ലെ ജ്ഞാനം

ഏകാകി​കൾ വിവാഹം കഴിക്കാൻ ഇഷ്ടപ്പെ​ടു​ന്ന​തും മക്കളി​ല്ലാത്ത ദമ്പതികൾ ഒരു കുടും​ബം വളർത്താൻ ഇഷ്ടപ്പെ​ടു​ന്ന​തും സ്വാഭാ​വിക ആഗ്രഹ​ങ്ങ​ളാണ്‌. കൂടാതെ, ഉചിത​മായ ഭൗതിക ആവശ്യ​ങ്ങ​ളെ​യോ ആഗ്രഹ​ങ്ങ​ളെ​യോ തൃപ്‌തി​പ്പെ​ടു​ത്തു​ന്ന​തി​നു ലക്ഷ്യമി​ടു​ന്ന​തി​ലൊ​ട്ടു തെററു​മില്ല. എന്നിരു​ന്നാ​ലും, ഈ വ്യവസ്ഥി​തി​യു​ടെ ദിവസങ്ങൾ എണ്ണപ്പെ​ട്ടി​രി​ക്കു​ന്നെ​ന്നും ആഗതമാ​കുന്ന പുതിയ വ്യവസ്ഥി​തി​യിൽ ദൈവം ‘കൈതു​റന്നു കൊടു​ക്കു​ക​യും എല്ലാവ​രും സംതൃ​പ്‌ത​രാ​കു​ക​യും’ ചെയ്യു​മെന്നു വിശ്വ​സി​ക്കു​ന്ന​തി​നാൽ അനേകം ക്രിസ്‌ത്യാ​നി​കൾ ഈ ആഗ്രഹങ്ങൾ ഏറെ ഉചിത​മാ​യൊ​രു സമയത്തു നിവർത്തി​ക്കാൻ തീരു​മാ​നി​ച്ചി​രി​ക്കു​ന്നു.—സങ്കീർത്തനം 145:16.

എന്നാൽ, ഈ അടിയു​റച്ച പ്രത്യാശ ഇല്ലാത്ത ആളുകൾ ഈ നീട്ടി​വ​യ്‌പിന്‌ ഒട്ടും​തന്നെ കാരണം കാണു​ന്നില്ല. “എല്ലാ നല്ല ദാനവും തികഞ്ഞ വരം ഒക്കെയും” വരുന്ന യഹോ​വ​യിൽ വിശ്വാ​സ​മി​ല്ലാത്ത അവർ, എന്നെങ്കി​ലും വന്നെത്തു​മോ​യെന്നു തങ്ങൾ സംശയി​ക്കു​ന്നൊ​രു ഭാവി​യി​ലേക്കു കാര്യങ്ങൾ നീട്ടി​വെ​ക്കു​ന്ന​തി​ന്റെ ജ്ഞാനത്തെ ചോദ്യം ചെയ്യുന്നു. “നമുക്കു തിന്നാം, കുടി​ക്കാം; നാളെ നാം മരിക്കു​മ​ല്ലോ” എന്ന പ്രമാ​ണ​ത്തി​ന്റെ അടിസ്ഥാ​ന​ത്തി​ലാണ്‌ അവർ ജീവി​ക്കു​ന്നത്‌.—യാക്കോബ്‌ 1:17; 1 കോറി​ന്തോസ്‌ 15:32, ഓശാന ബൈ.; യെശയ്യാ​വു 22:13.

വികസിത രാജ്യ​ങ്ങ​ളിൽ, സത്വര ആഗ്രഹ​നി​വൃ​ത്തി​യോ​ടുള്ള വളരുന്ന അഭിനി​വേശം പരസ്യ​ക്ക​മ്പ​നി​കൾ മുത​ലെ​ടു​ക്കു​ന്നു. ആളുകൾ സ്വന്തസു​ഖ​ങ്ങളെ താലോ​ലി​ക്കാൻ പ്രോ​ത്സാ​ഹി​പ്പി​ക്ക​പ്പെ​ടു​ന്നു. ആധുനിക സൗകര്യ​ങ്ങ​ളും സുഖങ്ങ​ളും തീർത്തും അവശ്യ​കാ​ര്യ​ങ്ങ​ളാ​ണെന്നു കച്ചവട​ലോ​കം നമ്മെ വിശ്വ​സി​പ്പി​ക്കു​ന്നു. വിശേ​ഷിച്ച്‌ കടം​കൊ​ടു​ക്കൽ, ഇൻസ്‌റ​റാൾമെൻറ്‌ പദ്ധതികൾ, “സാധനം രൊക്കം—പണം പിന്നെ” എന്നിങ്ങ​നെ​യുള്ള വ്യവസ്ഥകൾ അതെല്ലാം നേടാ​നും ഇപ്പോൾത്തന്നെ നേടാ​നും ഇടയാ​ക്കു​മ്പോൾ, ഇതില്ലാ​തെ കഴിയു​ന്ന​തെ​ന്തിന്‌ എന്ന്‌ അവർ വാദി​ക്കു​ന്നു. കൂടാതെ, ‘നിങ്ങൾ ഏററവും നല്ലത്‌ അർഹി​ക്കു​ന്നു; നിങ്ങ​ളോ​ടു​തന്നെ കനിവു കാട്ടുക! ഓർമി​ക്കുക, വാങ്ങു​ന്നെ​ങ്കിൽ ഇന്നുതന്നെ, ഇനി​യൊ​ര​വ​സരം ലഭി​ച്ചെ​ന്നു​വ​രില്ല!’ എന്നിങ്ങനെ പോകു​ന്നു സാധാരണ മുദ്രാ​വാ​ക്യ​ങ്ങൾ.

അതേസ​മ​യം, വികസ്വര രാജ്യ​ങ്ങ​ളിൽ കോടി​ക്ക​ണ​ക്കി​നാ​ളു​കൾ കേവലം അത്യാ​വശ്യ വസ്‌തു​ക്കൾകൊ​ണ്ടോ അതു​പോ​ലു​മി​ല്ലാ​തെ​യോ കഷ്ടിച്ചു കഴിഞ്ഞു​കൂ​ടു​ന്നു. മമനു​ഷ്യ​ന്റെ രാഷ്‌ട്രീ​യ​വും സാമ്പത്തി​ക​വും ആയ പദ്ധതി​ക​ളു​ടെ അപൂർണ​ത​യും അനീതി​യും വരച്ചു​കാ​ട്ടാൻ ഇതിൽക്കൂ​ടു​ത​ലെന്തു വേണം?

കാത്തി​രി​ക്കാൻ മനസ്സി​ല്ലാ​ത്തവർ—അല്ലെങ്കിൽ കുറഞ്ഞ​പക്ഷം അങ്ങനെ ചെയ്യു​ന്ന​തി​നു യാതൊ​രു കാരണ​വും കാണാ​ത്തവർ—മോഹ​ങ്ങളെ അപ്പപ്പോൾ തൃപ്‌തി​പ്പെ​ടു​ത്തു​ന്ന​തി​നു​വേ​ണ്ടി​യുള്ള വ്യഗ്ര​ത​യിൽ കടത്തി​ലാ​ണ്ടു പോയി​രി​ക്കു​ന്ന​തിൽനിന്ന്‌ കാത്തി​രി​ക്കാൻ പഠിക്കു​ന്ന​തി​ലെ ജ്ഞാനം കാണാ​വു​ന്ന​താണ്‌. രോഗ​മോ തൊഴിൽന​ഷ്ട​മോ പോലുള്ള അവിചാ​രിത സാഹച​ര്യ​ങ്ങൾ വന്നു​പെ​ട്ടാൽ വിനാ​ശ​മാ​യി​രി​ക്കാം ഫലം. ജർമനി​യിൽ 10 ലക്ഷം പേർ ഭവനര​ഹി​ത​രാ​യി​രി​ക്കു​ന്നത്‌ എന്തു​കൊ​ണ്ടെന്നു ജർമൻ വർത്തമാ​ന​പ്പ​ത്ര​മായ ഫ്രാങ്ക്‌ഫുർട്ടർ ആൾജി​മൈൻ സൈട്ടുങ്‌ വിശദീ​ക​രി​ക്കു​ന്നു: “സാധാ​ര​ണ​മാ​യി, ഭവനരാ​ഹി​ത്യ​ത്തി​നു മുന്നോ​ടി മിക്ക​പ്പോ​ഴും തൊഴിൽ നഷ്ടമോ അമിത കടബാ​ധ്യ​ത​യോ ആണ്‌.”

തങ്ങളുടെ ബില്ലുകൾ അടച്ചു​തീർക്കാൻ കഴിയാ​തെ നിർഭാ​ഗ്യ​രായ അനേകം വ്യക്തികൾ വീടി​ന്റെ​യും വസ്‌തു​ക്ക​ളു​ടെ​യും ദാരു​ണ​മായ നഷ്ടം അനുഭ​വി​ക്കേ​ണ്ടി​വ​രു​ന്നു. ഒട്ടുമി​ക്ക​പ്പോ​ഴും, വർധിച്ച ഞെരുക്കം കുടും​ബ​ത്തിൽ സംഘർഷം ഉളവാ​ക്കു​ന്നു. ഉലയുന്ന വിവാ​ഹങ്ങൾ തകരുന്നു. നാളുകൾ നീണ്ട വിഷാ​ദ​വും മററ്‌ ആരോ​ഗ്യ​പ്ര​ശ്‌ന​ങ്ങ​ളും സാധാ​ര​ണ​മാ​കു​ന്നു. ക്രിസ്‌ത്യാ​നി​ക​ളു​ടെ കാര്യ​ത്തിൽ ആത്മീയത പരിതാ​പ​ക​ര​മാ​കു​ക​യും ക്രമത്തിൽ അതു തെററായ ചിന്ത, അനുചി​ത​മായ നടത്ത എന്നിവ​യി​ലേക്കു നയിക്കു​ക​യും ചെയ്‌തേ​ക്കാം. ബുദ്ധി​ശൂ​ന്യ​മാ​യി സകലതും ആഗ്രഹി​ച്ചു​കൊ​ണ്ടു തുടക്കം കുറിച്ച ആളുകൾ മിക്കവാ​റും ഒന്നും​തന്നെ ഇല്ലാത്ത അവസ്ഥയിൽ ചെന്നടി​യു​ന്നു.

അനേകർക്ക്‌ ഒരു പുതിയ വെല്ലു​വി​ളി

നാം ജാഗ്രത പാലി​ച്ചി​ല്ലെ​ങ്കിൽ “ഇഹലോ​ക​ത്തി​ന്റെ ചിന്തക​ളും ധനത്തിന്റെ വഞ്ചനയും മററു​വി​ഷയ മോഹ​ങ്ങ​ളും അകത്തു കടന്നു, വചനത്തെ ഞെരുക്കി നിഷ്‌ഫ​ല​മാ​ക്കി തീർ”ക്കും എന്നു യേശു വളരെ വ്യക്തമാ​ക്കി. (മർക്കൊസ്‌ 4:19) യേശു പരാമർശിച്ച സാമ്പത്തി​ക​മാ​യ​തുൾപ്പെ​ടെ​യുള്ള ഉത്‌ക​ണ്‌ഠ​കളെ യാതൊ​രു രാഷ്‌ട്രീയ വ്യവസ്ഥി​തി​യും വിജയ​ക​ര​മാ​യി തുടച്ചു​നീ​ക്കി​യി​ട്ടില്ല.

കിഴക്കൻ യൂറോ​പ്യൻ രാജ്യങ്ങൾ ഇപ്പോൾ തള്ളിക്ക​ള​ഞ്ഞി​രി​ക്കുന്ന കമ്മ്യൂ​ണി​സം സർക്കാർ-നിയ​ന്ത്രിത സമ്പദ്‌ഘ​ട​ന​യി​ലൂ​ടെ കാര്യ​ങ്ങളെ സമീക​രി​ക്കാൻ ശ്രമിച്ചു. സ്വത​ന്ത്ര​മായ വാണി​ജ്യ​വ്യ​വ​സായ വ്യവസ്ഥക്കു വിപരീ​ത​മാ​യി മുൻ വ്യവസ്ഥി​തി ആ രാജ്യ​ങ്ങ​ളി​ലെ വ്യക്തി​കൾക്ക്‌ ഒരു നിശ്ചിത സാമ്പത്തിക ഭദ്രത നൽകി​യി​രു​ന്നു, എന്നാൽ അതു നൽകു​ന്ന​തിൽ മുതലാ​ളിത്ത വ്യവസ്ഥി​തി​കൾ (capitalism) മിക്ക​പ്പോ​ഴും പരാജ​യ​പ്പെ​ടു​ന്നു. എന്നിരു​ന്നാ​ലും, യേശു പ്രതി​പാ​ദിച്ച ഉത്‌ക​ണ്‌ഠകൾ ഉപഭോ​ഗ​വ​സ്‌തു​ക്ക​ളു​ടെ ക്ഷാമം, വ്യക്തി​സ്വാ​ത​ന്ത്ര്യ​ത്തി​ന്റെ വെട്ടി​ക്കു​റക്കൽ എന്നിവ​യു​ടെ രൂപത്തിൽ സ്ഥിതി​ചെ​യ്‌തി​രു​ന്നു.

ഇപ്പോൾ ആ രാജ്യ​ങ്ങ​ളി​ല​ധി​ക​വും സ്വത​ന്ത്ര​വി​പണന സമ്പ്രദാ​യം ആരംഭി​ച്ചു​കൊണ്ട്‌ അവിടത്തെ പൗരൻമാർക്ക്‌ ഒരു പുതിയ വെല്ലു​വി​ളി ഉയർത്തു​ക​യാണ്‌. അടുത്ത കാലത്തെ ഒരു റിപ്പോർട്ട്‌ ഇങ്ങനെ പറയുന്നു: “നിഷ്‌ക​പ​ട​ത്വം, പാശ്ചാത്യ ഉപഭോ​ക്തൃ നിലവാ​ര​ത്തിൽ പെട്ടെ​ന്നെ​ത്താ​നുള്ള ആഗ്രഹ​വു​മാ​യി ഏകീഭ​വി​പ്പി​ക്ക​പ്പെ​ട്ടി​രി​ക്കു​ന്നു.” ഇതു പ്രാപി​ക്കു​ന്ന​തി​നു “കിഴക്കൻ ജർമനി​യി​ലെ പുതിയ ലെൻണ്ടെ​റി​ലുള്ള വർധി​ച്ചു​വ​രുന്ന ഒരു ജനസമൂ​ഹം കടപ്പാ​ടെന്ന നീർച്ചു​ഴി​യി​ലേക്ക്‌ വലി​ച്ചെ​ടു​ക്ക​പ്പെ​ടു​ക​യാണ്‌.” റിപ്പോർട്ട്‌ ഇങ്ങനെ കൂട്ടി​ച്ചേർക്കു​ന്നു: “ഈ പുതിയ സാമ്പത്തിക സ്വാത​ന്ത്ര്യ​ങ്ങ​ളെ​ക്കു​റി​ച്ചുള്ള തുടക്ക​ത്തി​ലെ സുഖ​ക്ഷേ​മാ​നു​ഭൂ​തി​ക്കു​ശേഷം ഇപ്പോൾ ഭീതി​യും നിരാ​ശ​യും വ്യാപി​ക്കു​ക​യാണ്‌.” ഉത്‌ക​ണ്‌ഠകൾ ഇപ്പോ​ഴും അവശേ​ഷി​ക്കു​ന്നു, എന്നാൽ അവ മുതലാ​ളിത്ത വ്യവസ്ഥി​തി​യു​ടെ പരി​വേ​ഷ​മ​ണി​ഞ്ഞി​രി​ക്കു​ന്നു​വെ​ന്നു​മാ​ത്രം.

വർധിച്ച തോതി​ലുള്ള രാഷ്‌ട്രീ​യ​വും സാമ്പത്തി​ക​വു​മായ സ്വാത​ന്ത്ര്യം സാമ്പത്തിക പുരോ​ഗ​തി​ക്കുള്ള പുതിയ മാർഗങ്ങൾ തുറന്നി​രി​ക്കു​ന്നു. അതു​കൊണ്ട്‌, സ്വന്തം ബിസി​നസ്‌ തുടങ്ങാ​നോ മെച്ചപ്പെട്ട തൊഴിൽ സാധ്യ​ത​ക​ളുള്ള മറെറാ​രു രാജ്യ​ത്തേക്കു മാറി​ത്താ​മ​സി​ക്കാ​നോ ഉള്ള ആശയം സഗൗരവം പരിഗ​ണി​ക്കാൻ അനവധി പേർ പ്രലോ​ഭി​പ്പി​ക്ക​പ്പെ​ട്ടേ​ക്കാം.

ഇമ്മാതി​രി​യു​ള്ള തീരു​മാ​നങ്ങൾ വ്യക്തി​പ​ര​മായ കാര്യ​ങ്ങ​ളാണ്‌. ഒരു ക്രിസ്‌ത്യാ​നി തന്റെ സാമ്പത്തിക ചുററു​പാ​ടു​കൾ മെച്ച​പ്പെ​ടു​ത്താൻ ആഗ്രഹി​ക്കു​ന്നതു തെററല്ല. “തനിക്കു​ള്ള​വർക്കും പ്രത്യേ​കം സ്വന്ത കുടും​ബ​ക്കാർക്കും വേണ്ടി കരുതാ​ത്തവൻ വിശ്വാ​സം തള്ളിക്ക​ളഞ്ഞു അവിശ്വാ​സി​യെ​ക്കാൾ അധമനാ”കും എന്നറി​യാ​വു​ന്ന​തു​കൊ​ണ്ടു തന്റെ കുടും​ബ​ത്തി​നു​വേണ്ടി കരുതാ​നുള്ള ഒരാ​ഗ്ര​ഹ​മാ​യി​രി​ക്കാം അദ്ദേഹത്തെ പ്രചോ​ദി​പ്പി​ക്കു​ന്നത്‌.—1 തിമൊ​ഥെ​യൊസ്‌ 5:8.

അതു​കൊണ്ട്‌, മററു​ള്ളവർ എടുക്കുന്ന തീരു​മാ​നത്തെ വിമർശി​ക്കു​ന്നത്‌ ഉചിതമല്ല. അതേസ​മ​യം​തന്നെ, തങ്ങൾക്കു കെണി​യാ​യേ​ക്കാ​വുന്ന അമിത​മായ കടബാ​ധ്യത വരുത്തി​ക്കൂ​ട്ടി സാമ്പത്തിക മോചനം തേടു​ന്നതു മൗഢ്യ​മാ​ണെന്നു ക്രിസ്‌ത്യാ​നി​കൾ ഓർക്കേ​ണ്ട​തുണ്ട്‌. അതു​പോ​ലെ​തന്നെ, ആത്മീയ കടപ്പാ​ടു​ക​ളും താത്‌പ​ര്യ​ങ്ങ​ളും അവഗണി​ച്ചു​കൊ​ണ്ടു സാമ്പത്തിക മോചനം തേടു​ന്ന​തും തെററാ​യി​രി​ക്കും.

മററു​ള്ള​വ​രിൽനി​ന്നു പഠിക്കൽ

രണ്ടാം ലോക​മ​ഹാ​യു​ദ്ധ​ത്തെ​ത്തു​ടർന്നുള്ള വർഷങ്ങ​ളിൽ, യുദ്ധം പിച്ചി​ച്ചീ​ന്തിയ യൂറോ​പ്പിൽനിന്ന്‌ ആയിര​ക്ക​ണ​ക്കി​നു ജർമൻകാർ മററു രാജ്യ​ങ്ങ​ളി​ലേക്ക്‌, വിശേ​ഷിച്ച്‌ ആസ്‌​ട്രേ​ലി​യ​യി​ലേ​ക്കും കാനഡ​യി​ലേ​ക്കും കുടി​യേറി. അങ്ങനെ അനേകർക്കു തങ്ങളുടെ സാമ്പത്തി​ക​സ്ഥി​തി മെച്ച​പ്പെ​ടു​ത്താൻ കഴിഞ്ഞു, എന്നാൽ യേശു പറഞ്ഞ സാമ്പത്തിക ഉത്‌ക​ണ്‌ഠ​ക​ളിൽനി​ന്നു പൂർണ​മാ​യും രക്ഷപ്പെ​ടാൻ അവർക്കാർക്കും കഴിഞ്ഞില്ല. സാമ്പത്തിക പ്രശ്‌നങ്ങൾ പരിഹ​രി​ക്കു​ന്നതു ചില​പ്പോൾ പുതിയ പ്രശ്‌നങ്ങൾ സൃഷ്ടിച്ചു—ഗൃഹാ​തു​ര​ത്വം (homesickness), ഒരു പുതിയ ഭാഷ, പുതിയ ഭക്ഷണരീ​തി​യോ​ടു പരിച​യി​ക്കാ​നുള്ള ബുദ്ധി​മുട്ട്‌, വ്യത്യസ്‌ത നാട്ടാ​ചാ​രങ്ങൾ, പുതിയ സുഹൃ​ത്തു​ക്ക​ളോട്‌ ഇണങ്ങി​ച്ചേ​രാ​നുള്ള പ്രയാസം, വ്യത്യസ്‌ത മനോ​ഭാ​വ​ങ്ങ​ളോ​ടു പൊരു​ത്ത​പ്പെടൽ എന്നിവ​തന്നെ.

ഈ കുടി​യേ​റി​യ​വ​രിൽ ചിലർ യഹോ​വ​യു​ടെ സാക്ഷി​ക​ളാ​യി​രു​ന്നു. പ്രശം​സാർഹ​മാ​യി, കുടി​യേ​റി​പ്പാർക്ക​ലി​ന്റേ​തായ പ്രശ്‌നങ്ങൾ തങ്ങളുടെ ആത്മീയ​തയെ ഞെരു​ക്കി​ക്ക​ള​യാൻ അവരി​ല​നേ​ക​രും അനുവ​ദി​ച്ചില്ല. എന്നാൽ അനുവ​ദി​ച്ച​വ​രും ഉണ്ടായി​രു​ന്നു. ചിലർ സമ്പത്തിന്റെ വഞ്ചനാ​ശ​ക്തിക്ക്‌ ഇരയാ​യി​ത്തീർന്നു. അവർ തങ്ങളുടെ സാമ്പത്തിക ക്ഷേമ​ത്തോ​ടൊ​പ്പം ദിവ്യാ​ധി​പത്യ പുരോ​ഗതി നിലനിർത്തു​ന്ന​തിൽ പരാജ​യ​പ്പെട്ടു.

മൗഢ്യ​മാ​യേ​ക്കാ​വുന്ന തീരു​മാ​നങ്ങൾ എടുക്കു​ന്ന​തി​നു​മു​മ്പു നമ്മുടെ സാഹച​ര്യ​ങ്ങൾ സൂക്ഷ്‌മ​മാ​യി വിശക​ലനം ചെയ്യു​ന്ന​തി​ലെ ജ്ഞാനത്തെ ഇതു തീർച്ച​യാ​യും ചിത്രീ​ക​രി​ക്കു​ന്നു. ഭൗതി​കത്വ പ്രവണ​തകൾ, ക്രിസ്‌ത്യാ​നി​കൾക്കു നിയമി​ക്ക​പ്പെ​ട്ടി​രി​ക്കു​ന്ന​തും ഒരിക്ക​ലും ആവർത്തി​ക്കു​ക​യി​ല്ലാ​ത്ത​തു​മായ ശിഷ്യ​രാ​ക്കൽ വേലയിൽ നമ്മെ മാന്ദ്യ​മു​ള്ള​വ​രാ​ക്കും. സാമ്പത്തിക ഉത്‌ക​ണ്‌ഠകൾ ഇല്ലാത്ത പൗരൻമാ​രുള്ള ഒരു രാജ്യ​വും ഇല്ലാത്ത​തി​നാൽ, നാം എവിടെ ജീവി​ച്ചാ​ലും ഇതു സത്യമാണ്‌.

നല്ല പോർ പൊരു​തൽ

പൗലോസ്‌ തിമോ​ഥെ​യോ​സി​നോട്‌: “നീയോ . . . നീതി, ഭക്തി, വിശ്വാ​സം, സ്‌നേഹം, ക്ഷമ, സൌമ്യത, എന്നിവയെ പിന്തു​ട​രുക. വിശ്വാ​സ​ത്തി​ന്റെ നല്ല പോർ പൊരു​തുക; നിത്യ​ജീ​വനെ പിടി​ച്ചു​കൊൾക; അതിന്നാ​യി നീ വിളി​ക്ക​പ്പെട്ടു” എന്നു ബുദ്ധ്യു​പ​ദേ​ശി​ച്ചു. അദ്ദേഹം കൊരി​ന്ത്യ ക്രിസ്‌ത്യാ​നി​ക​ളോട്‌ “ഉറപ്പു​ള്ള​വ​രും കുലു​ങ്ങാ​ത്ത​വ​രും . . . കർത്താ​വി​ന്റെ വേലയിൽ എപ്പോ​ഴും വർദ്ധി​ച്ചു​വ​രു​ന്ന​വ​രും ആകുവിൻ” എന്നു പറഞ്ഞു.—1 തിമൊ​ഥെ​യൊസ്‌ 6:11, 12; 1 കൊരി​ന്ത്യർ 15:58.

ഈ ബുദ്ധ്യു​പ​ദേശം ബാധക​മാ​ക്കു​ന്നതു ഭൗതി​ക​ത്വ​ത്തോ​ടു വിജയ​ക​ര​മാ​യി പോരാ​ടു​ന്ന​തി​നുള്ള ഏററവും നല്ല മാർഗ​മാണ്‌. തന്നെയു​മല്ല, ഒരു ക്രിസ്‌ത്യാ​നി​ക്കു ചെയ്യാൻ തീർച്ച​യാ​യും ധാരാളം വേലയു​ണ്ടു​താ​നും! രാജ്യ​പ്ര​സം​ഗകർ അധിക​മി​ല്ലാത്ത ചില രാജ്യ​ങ്ങ​ളിൽ വലിയ ജനസമൂ​ഹ​ങ്ങൾക്കു സത്യം വളരെ ചുരു​ങ്ങിയ തോതി​ലേ ലഭ്യമാ​യി​രു​ന്നി​ട്ടു​ള്ളു. യേശു “കൊയ്‌ത്തു വളരെ ഉണ്ടു സത്യം, വേലക്കാ​രോ ചുരുക്കം” എന്നു കൃത്യ​മാ​യി മുൻകൂ​ട്ടി​പ്പ​റഞ്ഞു.—മത്തായി 9:37.

ഈ രാജ്യ​ങ്ങ​ളി​ലുള്ള സാമ്പത്തിക ഉത്‌ക​ണ്‌ഠ​കളെ തങ്ങളുടെ ആത്മീയ വേലയിൽനി​ന്നു ശ്രദ്ധ പതറി​ക്കാൻ യഹോ​വ​യു​ടെ സാക്ഷികൾ അനുവ​ദി​ക്കു​ന്നില്ല, മറിച്ച്‌ അപ്പപ്പോ​ഴുള്ള അവസര​ങ്ങളെ പരമാ​വധി ഉപയോ​ഗ​പ്പെ​ടു​ത്തി​ക്കൊണ്ട്‌ അവർ സാഹച​ര്യ​ത്തെ മുത​ലെ​ടു​ക്കു​ക​യാണ്‌. ഇടയ്‌ക്കി​ടെ തൊഴി​ലി​ല്ലാ​തെ വരു​മ്പോൾ അവരി​ല​നേ​ക​രും തങ്ങളുടെ പ്രസം​ഗ​പ്ര​വർത്ത​നത്തെ വികസി​പ്പി​ക്കു​ന്നു. അവരുടെ സേവനം യഹോ​വ​ക്കുള്ള തങ്ങളുടെ സ്‌തു​തി​ഘോ​ഷം ഉയർത്തു​ന്നതു കൂടാതെ, തങ്ങളു​ടെ​തന്നെ സാമ്പത്തിക പ്രശ്‌ന​ങ്ങളെ തരണം ചെയ്യാ​നാ​വ​ശ്യ​മായ സന്തോഷം അവർക്കു നൽകു​ക​യും ചെയ്യുന്നു.

ഈ സാക്ഷികൾ പ്രസം​ഗ​പ്ര​വർത്ത​ന​ത്തി​നു മുൻഗണന നൽകി​ക്കൊ​ണ്ടു സാമ്പത്തിക പരാധീ​ന​ത​കളെ രണ്ടാം സ്ഥാന​ത്തേക്കു മാററി​നിർത്തു​ന്നു. ഇതു തങ്ങളെ പരിപാ​ലി​ക്കാൻ അവർ യഹോ​വ​യിൽ പൂർണ​മാ​യി ആശ്രയി​ക്കു​ന്നു​വെന്നു ലോക​വ്യാ​പക സഹോ​ദ​ര​വർഗ​ത്തി​നു പ്രകട​മാ​ക്കി​ക്കൊ​ടു​ക്കു​ന്നു. അവിടു​ത്തെ വാഗ്‌ദാ​നം “മുമ്പെ അവന്റെ രാജ്യ​വും നീതി​യും അന്വേ​ഷി​പ്പിൻ; അതോ​ടു​കൂ​ടെ ഇതൊ​ക്കെ​യും നിങ്ങൾക്കു കിട്ടും” എന്നാണ്‌.—മത്തായി 6:33.

സത്യാ​രാ​ധന 1919-ൽ പുനഃ​സ്ഥി​തീ​ക​രി​ച്ച​തി​നു​ശേഷം തന്റെ ജനം ഇടറാൻ യഹോവ അനുവ​ദി​ച്ചി​ട്ടില്ല. അവിടുന്ന്‌ അവരെ കഠിന​മായ പീഡന​ങ്ങ​ളി​ലൂ​ടെ​യും ചില സ്ഥലങ്ങളിൽ പതിറ​റാ​ണ്ടു​ക​ളാ​യി നടത്തിയ ഒളിവു പ്രവർത്ത​ന​ത്തി​ലൂ​ടെ​യും കാത്തു​സം​ര​ക്ഷി​ച്ചി​രി​ക്കു​ന്നു. പീഡന​ത്താൽ നേടാൻ കഴിയാ​ഞ്ഞതു പിശാച്‌ കൗശല​മേ​റിയ ഭൗതി​ക​ത്വ​ക്കെ​ണി​യി​ലൂ​ടെ നേടു​ക​യി​ല്ലെന്നു യഹോ​വ​യു​ടെ സാക്ഷികൾ നിശ്ചയി​ച്ചു​റ​ച്ചി​രി​ക്കു​ക​യാണ്‌!

എല്ലാ​പ്ര​കാ​ര​ത്തി​ലും കാത്തി​രി​ക്കാൻ പഠിക്കൽ

വിശാ​ല​മായ രാജ്യ​ഹാ​ളു​ക​ളും വില​യേ​റിയ ഉച്ചഭാ​ഷി​ണി​ക​ളും സമ്മേളന ഹാളു​ക​ളും ആകർഷ​ക​മായ ബെഥേൽ ഭവനങ്ങ​ളും യഹോ​വക്കു മഹത്ത്വം കൈവ​രു​ത്തു​ക​യും അവിടു​ന്നു തന്റെ ജനത്തെ അനു​ഗ്ര​ഹി​ക്കു​ന്ന​തി​ന്റെ നിശബ്ദ സാക്ഷ്യം നൽകു​ക​യും ചെയ്യുന്നു. വേല വളരെ​ക്കാ​ലം നിരോ​ധി​ച്ചി​രുന്ന രാജ്യ​ങ്ങ​ളി​ലെ യഹോ​വ​യു​ടെ സാക്ഷികൾ തങ്ങൾ ഇക്കാര്യ​ത്തിൽ വളരെ മുന്നേ​റേ​ണ്ടി​യി​രി​ക്കു​ന്നു എന്നു വിചാ​രി​ച്ചേ​ക്കാം. എന്നാൽ പരമ​പ്ര​ധാ​ന​മാ​യി​രി​ക്കുന്ന സംഗതി അവർ ആത്മീയ​മാ​യി പുരോ​ഗ​മി​ച്ചു​കൊ​ണ്ടി​രി​ക്കുക എന്നതാണ്‌. ഭൗതിക വിധത്തി​ലുള്ള ദൈവാ​നു​ഗ്ര​ഹ​ത്തി​ന്റെ ബാഹ്യ​സൂ​ച​നകൾ പിന്നാലെ തക്കസമ​യത്ത്‌ വന്നു​ചേർന്നു​കൊ​ള്ളും.

യഹോ​വ​യു​ടെ സമർപ്പിത ദാസൻമാർ ജാഗ്രത പാലി​ക്കേ​ണ്ട​തുണ്ട്‌. അല്ലാഞ്ഞാൽ, വ്യക്തി​പ​ര​മായ താത്‌പ​ര്യ​ങ്ങ​ളു​ടെ അനുധാ​വ​ന​ത്തി​ന്റെ കാര്യ​ത്തിൽ, തങ്ങൾ ചില ഭൗതിക വസ്‌തു​ക്ക​ളി​ല്ലാ​തെ വളരെ​ക്കാ​ലം കഴിച്ചു​കൂ​ട്ടി​ക്ക​ഴി​ഞ്ഞി​രി​ക്കു​ന്നു എന്നു ചിന്തി​ക്കാൻ തുടങ്ങി​യേ​ക്കാം. സാമ്പത്തി​ക​വും സാമൂ​ഹി​ക​വു​മായ അസമത്വ​ങ്ങ​ളിൽനി​ന്നു മോചനം കാംക്ഷി​ക്കു​ന്നതു മനസ്സി​ലാ​ക്കാ​വു​ന്ന​താണ്‌, എന്നാൽ എല്ലാ ദൈവ​ദാ​സൻമാ​രും മോച​ന​ത്തി​നു​വേണ്ടി കാംക്ഷി​ക്കു​ക​യാ​ണെന്ന കാര്യം യഹോ​വ​യു​ടെ ജനം മറന്നു​ക​ള​യു​ന്നില്ല. അന്ധർ വീണ്ടും കാണാൻ കാംക്ഷി​ക്കു​ന്നു, മാറാ​രോ​ഗം ബാധി​ച്ചവർ ആരോ​ഗ്യം വീണ്ടു​കി​ട്ടാൻ കാംക്ഷി​ക്കു​ന്നു, വിഷാ​ദ​രാ​യവർ ശോഭ​ന​മായ ഭാവി​ക്കു​വേണ്ടി കാംക്ഷി​ക്കു​ന്നു, വിരഹ​ദുഃ​ഖ​മ​നു​ഭ​വി​ക്കു​ന്നവർ മരിച്ചു​പോയ തങ്ങളുടെ പ്രിയ​പ്പെ​ട്ട​വരെ കാണാൻ കാംക്ഷി​ക്കു​ന്നു.

സാഹച​ര്യ​ങ്ങൾ നിമിത്തം, തന്റെ പ്രശ്‌നങ്ങൾ പരിഹ​രി​ച്ചു​കി​ട്ടാൻ ഓരോ ക്രിസ്‌ത്യാ​നി​യും യഹോ​വ​യു​ടെ പുതിയ ലോക​ത്തി​നാ​യി കാത്തി​രി​ക്കാൻ ഏതെങ്കി​ലും പ്രകാ​ര​ത്തിൽ നിർബ​ന്ധി​ത​നാ​യി​രി​ക്ക​യാണ്‌. ഇത്‌, ‘ഉൺമാ​നും ഉടുക്കാ​നും എനിക്കു​ണ്ടെ​ങ്കിൽ ഇവകൊ​ണ്ടു ഞാൻ സംതൃ​പ്‌ത​നാ​കു​ക​യും സാമ്പത്തിക പ്രശ്‌ന​ങ്ങ​ളിൽനി​ന്നുള്ള മോച​ന​ത്തി​നു ഞാൻ കാത്തി​രി​ക്കാൻ മനസ്സു​ള്ള​വ​നാ​യി​രി​ക്കു​ക​യും ചെയ്യേ​ണ്ട​തല്ലേ?’ എന്നു നാം ഓരോ​രു​ത്ത​രും സ്വയം ചോദി​ക്കാൻ ഇടയാ​ക്കേ​ണ്ട​താണ്‌.—1 തിമൊ​ഥെ​യൊസ്‌ 6:8.

കാത്തി​രി​ക്കാൻ മനസ്സു​ള്ള​വ​രാ​ണെ​ങ്കിൽ, തങ്ങളുടെ ന്യായ​മായ എല്ലാ അഭിലാ​ഷ​ങ്ങ​ളും ആവശ്യ​ങ്ങ​ളും തൃപ്‌തി​പ്പെ​ടു​ത്ത​പ്പെ​ടു​മെന്നു യഹോ​വ​യിൽ പൂർണ​മാ​യി ആശ്രയി​ക്കു​ന്ന​വർക്ക്‌ ഉറപ്പാ​ക്കാ​വു​ന്ന​താണ്‌. കാത്തി​രു​ന്നത്‌ ആർക്കും വെറു​തെ​യാ​വില്ല. ഞങ്ങൾ പൗലോ​സി​ന്റെ വാക്കുകൾ ആവർത്തി​ക്കു​ന്നു: “ഉറപ്പു​ള്ള​വ​രും കുലു​ങ്ങാ​ത്ത​വ​രും നിങ്ങളു​ടെ പ്രയത്‌നം കർത്താ​വിൽ വ്യർത്ഥമല്ല എന്നു അറിഞ്ഞി​രി​ക്ക​യാൽ കർത്താ​വി​ന്റെ വേലയിൽ എപ്പോ​ഴും വർദ്ധി​ച്ചു​വ​രു​ന്ന​വ​രും ആകുവിൻ.”—1 കൊരി​ന്ത്യർ 15:58.

അതു​കൊണ്ട്‌, കാത്തി​രി​ക്കാൻ പഠിക്കു​ന്നതു യഥാർഥ​ത്തിൽ അത്ര വലിയ ഒരു പ്രശ്‌ന​മാ​യി​രി​ക്ക​ണ​മോ?

[10-ാം പേജിലെ ചിത്രം]

കാത്തിരിക്കാൻ പഠിക്കു​ന്നതു നിങ്ങളു​ടെ ജീവനെ രക്ഷി​ച്ചേ​ക്കാം