വിദ്യാ​ല​യങ്ങൾ പ്രതി​സ​ന്ധി​യിൽ

വായന, എഴുത്ത്‌, ഗണിതം എന്നീ കാര്യ​ങ്ങ​ളെ​ക്കാ​ള​ധി​കം പഠിക്കാ​നാണ്‌ മാതാ​പി​താ​ക്കൾ കുട്ടി​കളെ സ്‌കൂ​ളിൽ വിടു​ന്നത്‌. മാതാ​പി​താ​ക്കൾക്ക്‌ അഭിമാ​നി​ക്കാൻ കഴിയുന്ന മുതിർന്ന​വ​രാ​യി വളർന്നു​വ​രാൻ കുട്ടി​കളെ സജ്ജരാ​ക്കുന്ന വളരെ നല്ല വിദ്യാ​ഭ്യാ​സം വിദ്യാ​ല​യങ്ങൾ അവർക്കു നൽകാൻ മാതാ​പി​താ​ക്കൾ പ്രതീ​ക്ഷി​ക്കു​ന്നു. എന്നാൽ മിക്ക​പ്പോ​ഴും അവരുടെ പ്രതീക്ഷ സഫലമാ​കാ​തെ പോകു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ ലോക​മെ​മ്പാ​ടു​മുള്ള സ്‌കൂ​ളു​കൾ പ്രതി​സ​ന്ധി​യി​ലാണ്‌.

അനേകം രാജ്യ​ങ്ങ​ളി​ലും കുട്ടി​ക​ളു​ടെ വിദ്യാ​ഭ്യാ​സത്തെ അപകട​ത്തി​ലാ​ക്കു​ന്നത്‌ പണത്തി​ന്റെ​യും പഠിപ്പി​ക്കു​ന്ന​വ​രു​ടെ​യും അഭാവ​മാണ്‌. ഉദാഹ​ര​ണ​ത്തിന്‌, ഐക്യ​നാ​ടു​ക​ളി​ലെ​മ്പാ​ടും സമീപ വർഷങ്ങ​ളി​ലു​ണ്ടായ സാമ്പത്തി​ക​മാ​ന്ദ്യം ‘പഴയ പാഠപു​സ്‌ത​കങ്ങൾ വീണ്ടും തുന്നി​ക്കെ​ട്ടാ​നും സീലിങ്‌ തേപ്പ്‌ അടർന്നു​വീ​ഴാ​നും കലാപ​ര​വും കായി​ക​പ​ര​വു​മായ പരിപാ​ടി​കൾ വേണ്ടെ​ന്നോ അടുപ്പിച്ച്‌ കുറെ ദിവസ​ത്തേക്ക്‌ അടച്ചു​പൂ​ട്ടാ​മെ​ന്നോ വെക്കാ​നും’ ചില സ്‌കൂ​ളു​കളെ ഇടയാ​ക്കി​യി​രി​ക്കു​ന്നു എന്നു ടൈം മാഗസിൻ അഭി​പ്രാ​യ​പ്പെ​ടു​ന്നു.

സമാന​മാ​യി ആഫ്രി​ക്ക​യി​ലും വിദ്യാ​ഭ്യാ​സ​വി​ഭ​വങ്ങൾ വേണ്ട​ത്ര​യില്ല. ലാഗോ​സി​ലെ ഡെയ്‌ലി ടൈംസ്‌ പറയു​ന്ന​ത​നു​സ​രിച്ച്‌, നൈജീ​രിയ എന്ന രാഷ്‌ട്ര​ത്തിന്‌ ഓരോ 70 കുട്ടി​കൾക്കും 1 അധ്യാ​പകൻ മാത്ര​മേ​യു​ള്ളൂ. “അധ്യാ​പ​ക​രിൽ മൂന്നി​ലൊ​രാൾ യോഗ്യ​ത​യി​ല്ലാ​ത്ത​യാ​ളാ​യി​രി​ക്കാ​നുള്ള നല്ല സാധ്യ​ത​യു​മുണ്ട്‌.” ദക്ഷിണാ​ഫ്രി​ക്ക​യിൽ—അധ്യാ​പ​ക​രു​ടെ കുറവു മാത്രമല്ല—വിദ്യാർഥി​കൾ തിങ്ങി​നി​റഞ്ഞ ക്ലാസ്സ്‌ മുറി​ക​ളും രാഷ്‌ട്രീയ പ്രക്ഷു​ബ്ധ​ത​യും കാരണം സൗത്ത്‌ ആഫ്രിക്കൻ പനോരമ പറയു​ന്ന​പ്ര​കാ​രം “കറുത്ത വർഗക്കാർക്കാ​യുള്ള വിദ്യാ​ല​യ​ങ്ങ​ളിൽ ക്രമഭം​ഗം” ഉണ്ടാകാ​നി​ട​യാ​യി​രി​ക്കു​ന്നു.

തീർച്ച​യാ​യും, യോഗ്യ​രായ വേണ്ടത്ര അധ്യാ​പ​ക​രും വേണ്ടത്ര സംവി​ധാ​ന​ങ്ങ​ളു​മുള്ള ഒരു സ്‌കൂൾ, വിദ്യാ​ഭ്യാ​സ​പ​ര​മായ വിജയം ഉറപ്പു വരുത്തു​ന്നില്ല. ദൃഷ്ടാ​ന്ത​ത്തിന്‌, ഓസ്‌ട്രി​യ​യിൽ 14 വയസ്സു പ്രായ​മു​ള്ള​വ​രിൽ ഏതാണ്ട്‌ മൂന്നി​ലൊ​ന്നു പേർക്കും നിസ്സാര കണക്കുകൾ കൂട്ടാ​നോ തെററു​കൂ​ടാ​തെ വായി​ക്കാ​നോ അറിയില്ല എന്നു റിപ്പോർട്ടു ചെയ്യ​പ്പെ​ടു​ന്നു. ബ്രിട്ട​നിൽ ഗണിത​ശാ​സ്‌ത്രം, സയൻസ്‌, ദേശീ​യ​ഭാഷ എന്നിവ​യിൽ ജയിക്കുന്ന കുട്ടി​ക​ളു​ടെ നിരക്കു​കൾ “ജർമനി, ഫ്രാൻസ്‌, ജപ്പാൻ എന്നിവ​ട​ങ്ങ​ളിൽ ജയിക്കുന്ന കുട്ടി​ക​ളു​ടെ നിരക്കു​ക​ളെ​ക്കാൾ വളരെ പിന്നി​ലാണ്‌” എന്ന്‌ ലണ്ടനിലെ ദ ടൈംസ്‌ അഭി​പ്രാ​യ​പ്പെ​ടു​ന്നു.

ഐക്യ​നാ​ടു​ക​ളിൽ കുട്ടികൾ ടെസ്‌റ​റു​ക​ളിൽ നല്ല മാർക്ക്‌ നേടു​ന്നു​ണ്ടെ​ങ്കി​ലും പലരും ഒരു നല്ല ഉപന്യാ​സ​മെ​ഴു​താ​നോ കണക്കുകൾ ചെയ്യാ​നോ പല പാഠങ്ങ​ളി​ലെ​യോ ലേഖന​ങ്ങ​ളി​ലെ​യോ അടിസ്ഥാ​നാ​ശ​യ​ങ്ങ​ളു​ടെ ഒരു സംക്ഷി​പ്‌തം തയ്യാറാ​ക്കാ​നോ കഴിയാ​ത്ത​വ​രാ​ണെന്ന്‌ അധ്യാ​പകർ പരാതി​പ്പെ​ടു​ന്നു. തത്‌ഫ​ല​മാ​യി, ലോക​മൊ​ട്ടു​ക്കു​മുള്ള വിദ്യാ​ഭ്യാ​സ അധികൃ​തർ സ്‌കൂൾ പാഠ്യ​പ​ദ്ധ​തി​യും കുട്ടി​ക​ളു​ടെ പുരോ​ഗതി തിട്ട​പ്പെ​ടു​ത്തു​ന്ന​തി​നുള്ള രീതി​ക​ളും പുനഃ​പ​രി​ശോ​ധി​ക്കു​ക​യാണ്‌.

വിദ്യാ​ലയ അക്രമം

അശുഭ​സൂ​ച​ക​വും വർധി​ച്ചു​വ​രു​ന്ന​തു​മായ അക്രമം വിദ്യാ​ല​യ​ങ്ങ​ളിൽ ഉണ്ടെന്നാണ്‌ റിപ്പോർട്ടു​കൾ വെളി​പ്പെ​ടു​ത്തു​ന്നത്‌. 15 ശതമാനം സ്‌കൂൾ കുട്ടികൾ “അക്രമം അവലം​ബി​ക്കാൻ സജ്ജരാ”ണെന്നു ജർമനി​യിൽ നടന്ന അധ്യാ​പ​ക​രു​ടെ ഒരു സമ്മേള​ന​ത്തിൽ പറയ​പ്പെട്ടു. “5 ശതമാനം പേർക്കു കൊടിയ ക്രൂര​കൃ​ത്യ​ങ്ങൾ ചെയ്യു​ന്ന​തി​നും മടിയില്ല. ഉദാഹ​ര​ണ​ത്തിന്‌, നിലത്തു നിരാ​യു​ധ​നാ​യി കിടക്കുന്ന ഒരുവനെ തൊഴി​ക്കാൻ അവർ മടിക്കാ​റില്ല.”—ഫ്രാങ്ക്‌ഫുർട്ടർ ആൽജ​മൈന ററ്‌​സൈ​റ​റുങ്‌.

കൊടിയ ക്രൂര​ത​യിൽപ്പെട്ട ഓരോ സംഭവ​ങ്ങ​ളും വലിയ ഉത്‌കണ്‌ഠ ഉണർത്തി​വി​ടു​ന്ന​വ​യാണ്‌. പാരീ​സി​ലെ ഒരു വിദ്യാ​ല​യ​ത്തിൽ കക്കൂസ്‌ മുറി​യിൽവെച്ച്‌ നാലു യുവാക്കൾ ചേർന്ന്‌ 15 വയസ്സുള്ള ഒരു പെൺകു​ട്ടി​യെ ബലാൽസം​ഗം ചെയ്‌തു. സ്‌കൂ​ളിൽ കൂടുതൽ മെച്ചപ്പെട്ട സുരക്ഷി​ത​ത്വം വേണ​മെന്ന്‌ ആവശ്യ​പ്പെ​ട്ടു​കൊണ്ട്‌ തെരു​വു​ക​ളിൽ പ്രകടനം നടത്താൻ ഈ ചെയ്‌തി കുട്ടി​കളെ പ്രേരി​പ്പി​ച്ചു. ലൈം​ഗിക കടന്നാ​ക്ര​മ​ണ​ങ്ങ​ളും പിടി​ച്ചു​പ​റി​യും വൈകാ​രിക അക്രമ​വും സംബന്ധി​ച്ചു മാതാ​പി​താ​ക്കൾ ഉത്‌ക​ണ്‌ഠ​യു​ള്ള​വ​രാണ്‌. അത്തരം സംഭവങ്ങൾ യൂറോ​പ്പി​ന്റെ മാത്രം സവി​ശേ​ഷ​തയല്ല, പിന്നെ​യോ അവ ലോക​മൊ​ട്ടു​ക്കും വളരെ സാധാ​ര​ണ​മാ​യി മാറി​ക്കൊ​ണ്ടി​രി​ക്കു​ക​യാണ്‌.

ഹൈസ്‌കൂ​ളി​ലെ പ്രായം​കു​റഞ്ഞ കുട്ടി​ക​ളും മുതിർന്ന കുട്ടി​ക​ളും ഉൾപ്പെ​ടുന്ന അക്രമ​ത്തി​ന്റെ വർധന​വി​നെ​ക്കു​റിച്ച്‌ ജപ്പാനി​ലെ വിദ്യാ​ഭ്യാ​സ മന്ത്രാ​ലയം റിപ്പോർട്ടു ചെയ്യുന്നു. “തോക്കു​ക​ളേ​ന്തിയ വിദ്യാർഥി​കൾ വിദ്യാ​ല​യ​ങ്ങ​ളു​ടെ നിയ​ന്ത്ര​ണ​മേ​റെ​റ​ടു​ക്കു​ന്നു” എന്ന ശീർഷ​ക​ത്തി​നു കീഴിൽ സവെ​റേറാ നഗരത്തി​ലെ അനേകം ക്ലാസ്സ്‌ മുറി​ക​ളി​ലും അരങ്ങേ​റുന്ന രംഗത്തെ ദക്ഷിണാ​ഫ്രി​ക്കൻ പത്രമായ ദ സ്‌ററാർ 19-ാം നൂററാ​ണ്ടിൽ ഐക്യ​നാ​ടു​ക​ളിൽ നിലവി​ലി​രുന്ന “വന്യമായ അവസ്ഥ”യോടു താരത​മ്യ​പ്പെ​ടു​ത്തി. അക്രമ​ത്തി​നു ന്യൂ​യോർക്ക്‌ സിററി​ക്കു പോലു​മുള്ള കീർത്തി ലണ്ടനിലെ ദ ഗാർഡി​യന്റെ വാക്കു​ക​ളിൽ പറഞ്ഞാൽ, “ഒരു സുരക്ഷിത സ്ഥാപനം കുട്ടി​കൾക്കു വേണ്ടി വെടി​യുണ്ട കടക്കാത്ത വസ്‌ത്ര​ങ്ങൾക്കു വേണ്ടി വലിയ ഒരു ഓർഡർ നൽകി​യ​തോ​ടെ പുതിയ മാനങ്ങ​ളി​ലേ​ക്കു​യർന്നു.”

വിദ്യാ​ലയ അക്രമം നിമിത്തം ബ്രിട്ട​നും കഷ്ടമനു​ഭ​വി​ക്കു​ന്നുണ്ട്‌. അധ്യാപക യൂണി​യ​നി​ലെ ഒരു ഉദ്യോ​ഗസ്ഥൻ ഇപ്രകാ​രം അഭി​പ്രാ​യ​പ്പെ​ടു​ന്നു: “കഴിഞ്ഞ 10 വർഷങ്ങ​ളിൽ ആയുധങ്ങൾ ഉപയോ​ഗി​ക്കാ​നുള്ള വർധി​ച്ചു​വ​രുന്ന ഒരു പ്രവണത ഞങ്ങൾ കണ്ടുവ​രു​ന്നു. അതു പ്രായം​കു​റ​ഞ്ഞ​വ​രു​ടെ ഇടയിൽപ്പോ​ലു​മുണ്ട്‌. ഇപ്പോൾ ആൺകു​ട്ടി​കൾ മാത്രമല്ല പെൺകു​ട്ടി​ക​ളും ആയുധ​ങ്ങളെ അവലം​ബി​ക്കു​ന്നു.”

കുട്ടി​ക​ളെ സ്‌കൂ​ളിൽ വിടാതെ വീട്ടി​ലി​രു​ത്തി പഠിപ്പി​ക്കാൻ ചില മാതാ​പി​താ​ക്കൾ തീരു​മാ​നി​ക്കു​ന്ന​തിൽ അതിശ​യി​ക്കാ​നില്ല.a ഇത്‌ അപ്രാ​യോ​ഗി​ക​മാ​ണെന്നു കണ്ടെത്തു​ന്നവർ സ്‌കൂൾ തങ്ങളുടെ കുട്ടി​ക​ളു​ടെ​മേൽ ചെലു​ത്തി​യേ​ക്കാ​വുന്ന മോശ​മായ ഫലത്തെ സംബന്ധിച്ച്‌ മിക്ക​പ്പോ​ഴും ഉത്‌ക​ണ്‌ഠ​പ്പെ​ടു​ക​യാണ്‌. ഈ പ്രശ്‌നത്തെ എങ്ങനെ നേരി​ടാൻ കഴിയു​മെ​ന്നും അവർ അമ്പരക്കു​ന്നു. വിദ്യാ​ല​യ​ത്തിൽ നേരി​ടുന്ന പ്രശ്‌ന​ങ്ങളെ വിജയ​പ്ര​ദ​മാ​യി തരണം ചെയ്യാൻ കുട്ടി​കളെ സഹായി​ക്കു​ന്ന​തി​നു മാതാ​പി​താ​ക്കൾക്ക്‌ എന്തു ചെയ്യാ​നാ​കും? കുട്ടി​കൾക്കു സ്‌കൂ​ളിൽനിന്ന്‌ പരമാ​വധി പ്രയോ​ജനം കിട്ടു​ന്നു​വെന്ന്‌ ഉറപ്പു​വ​രു​ത്തു​ന്ന​തിന്‌ അധ്യാ​പ​ക​രു​മാ​യി മാതാ​പി​താ​ക്കൾക്ക്‌ എങ്ങനെ സഹകരി​ക്കാൻ കഴിയും? പിൻവ​രുന്ന ലേഖനങ്ങൾ ഈ ചോദ്യ​ങ്ങൾക്ക്‌ ഉത്തരം പ്രദാനം ചെയ്യുന്നു.

[അടിക്കു​റി​പ്പു​കൾ]

വിദ്യാ​ല​യ​ത്തി​ലെ പ്രശ്‌ന​ങ്ങളെ തരണം ചെയ്യാൻ നിങ്ങളു​ടെ കുട്ടിയെ സഹായി​ക്കു​ക

വഷളാ​യി​ക്കൊ​ണ്ടി​രി​ക്കുന്ന ലോകാ​വ​സ്ഥകൾ നമ്മെ ഏവരെ​യും ബാധി​ക്കു​ന്നു, നമ്മുടെ കുട്ടി​ക​ളെ​യും. നമ്മുടെ നാളിൽ “ഇടപെ​ടാൻ പ്രയാ​സ​മുള്ള ദുർഘ​ട​സ​മ​യങ്ങൾ ഇവിടെ ഉണ്ടായി”രിക്കു​മെ​ന്നും “ദുഷ്ട മനുഷ്യ​രും കാപട്യ​ക്കാ​രും അടിക്കടി അധഃപ​തി​ക്കു”മെന്നും ദൈവ​വ​ച​ന​മായ ബൈബിൾ കൃത്യ​മാ​യി​ത്തന്നെ മുൻകൂ​ട്ടി​പ്പ​റഞ്ഞു. (2 തിമോ​ത്തി 3:1-5, 13, NW) അതു​കൊണ്ട്‌ ഇന്നത്തെ വിദ്യാ​ഭ്യാ​സം, മാതാ​പി​താ​ക്കൾ വിരള​മാ​യി മാത്രം അനുഭ​വി​ച്ചി​ട്ടുള്ള സ്ഥിതി​വി​ശേ​ഷ​ങ്ങ​ളാൽ നിറഞ്ഞ​താണ്‌. അത്തരം അവസ്ഥക​ളോ​ടാണ്‌ കുട്ടികൾ മല്ലടി​ക്കു​ന്നത്‌. അവയെ തരണം ചെയ്യു​ന്ന​തി​നു കുട്ടി​കളെ സഹായി​ക്കാൻ മാതാ​പി​താ​ക്കൾക്ക്‌ എന്തു ചെയ്യാൻ കഴിയും?

സമപ്രാ​യ​ക്കാ​രു​ടെ സമ്മർദം

മിക്ക കുട്ടി​ക​ളും ചിലയ​വ​സ​ര​ങ്ങ​ളിൽ സമപ്രാ​യ​ക്കാ​രിൽനി​ന്നുള്ള സമ്മർദം നേരി​ടാ​റുണ്ട്‌. ഒരു യുവ ഫ്രഞ്ച്‌ വിദ്യാർഥി ഇപ്രകാ​രം വിലപി​ക്കു​ന്നു: “മാതാ​പി​താ​ക്ക​ളും സമൂഹ​വും തങ്ങളാ​ലാ​വതു ചെയ്യുന്നു, എന്നാൽ അതു പോരാ. അക്രമ​വാ​സ​ന​യുള്ള യുവാക്കൾ മററു യുവാ​ക്കളെ ചൊൽപ്പ​ടി​ക്കു നിർത്തു​ന്നു. . . . തങ്ങളുടെ കുട്ടി​കളെ നിയ​ന്ത്രി​ക്കാത്ത മാതാ​പി​താ​ക്കൾ മാതാ​പി​താ​ക്ക​ളേയല്ല.”

ഉത്തരവാ​ദി​ത്വ​ബോ​ധ​മുള്ള മാതാ​പി​താ​ക്കൾ, സമപ്രാ​യ​ക്കാ​രിൽനി​ന്നുള്ള സമ്മർദത്തെ ചെറു​ത്തു​നിൽക്കാ​നാ​വ​ശ്യ​മായ ആന്തരിക ശക്തി പ്രദാനം ചെയ്യുന്ന ആത്മീയ ഗുണങ്ങൾ വളർത്തി​യെ​ടു​ക്കാൻ തങ്ങളുടെ കുട്ടി​കളെ സഹായി​ക്കു​ന്നു. ഒരു പിതാവ്‌ വിശദീ​ക​രി​ക്കു​ന്നു: “ആത്മാഭി​മാ​നം വളർത്തി​യെ​ടു​ക്കാൻ ഞങ്ങളുടെ കുട്ടി​കളെ സഹായി​ക്കു​ന്ന​തിന്‌ ഞങ്ങൾ ആത്മാർഥ​മായ ശ്രമം നടത്താ​റുണ്ട്‌. അതു​കൊണ്ട്‌ തങ്ങളുടെ സമപ്രാ​യ​ക്കാ​രു​ടെ അംഗീ​കാ​രം ആവശ്യ​മാ​ണെന്ന്‌ അവർക്കു തോന്നു​ക​യില്ല. അവരെ സംബന്ധി​ച്ചി​ട​ത്തോ​ളം മററു കുട്ടി​ക​ളെ​പ്പോ​ലെ​യാ​യി​രി​ക്കു​ന്നതു പ്രധാ​ന​മ​ല്ലെ​ങ്കിൽ വേണ്ട എന്നു പറയേ​ണ്ട​പ്പോൾ അങ്ങനെ പറയുക കൂടുതൽ എളുപ്പ​മാ​ണെന്ന്‌ അവർ മനസ്സി​ലാ​ക്കും.” വിഷമ​ക​ര​മായ സ്ഥിതി​വി​ശേ​ഷത്തെ എങ്ങനെ കൈകാ​ര്യം ചെയ്യണ​മെന്നു കുട്ടി​കളെ പഠിപ്പി​ക്കാൻ കുട്ടി​ക​ളു​ടെ റോൾക​ളി​യിൽ ഏർപ്പെ​ടാൻ ഈ പിതാവ്‌ സമയം മാററി​വെ​ക്കു​ന്നു. ഉയർന്നു​വ​ന്നേ​ക്കാ​വുന്ന പ്രയാ​സ​ക​ര​മായ സ്ഥിതി​വി​ശേ​ഷങ്ങൾ അഭിന​യി​ച്ചു​കൊ​ണ്ടും അവയെ വിജയ​പ്ര​ദ​മാ​യി തരണം ചെയ്യാ​നുള്ള വഴികൾ പ്രകടി​പ്പി​ച്ചു​കാ​ണി​ച്ചു​കൊ​ണ്ടു​മാണ്‌ ഇത്‌ നടത്തു​ന്നത്‌. പിന്തുണ നൽകുന്ന ഒരു മാതാവ്‌⁄പിതാവ്‌ ആയിരി​ക്കുക. ആത്മവി​ശ്വാ​സം വളർത്തി​യെ​ടു​ക്കാൻ നിങ്ങളു​ടെ കുട്ടിയെ സഹായി​ക്കുക.

അശ്ലീല​ഭാ​ഷ

ലോക​മെ​മ്പാ​ടും സാൻമാർഗിക നിലവാ​രങ്ങൾ അധഃപ​തി​ക്കവേ അശ്ലീല​ഭാഷ സർവസാ​ധാ​ര​ണ​മാ​യി​ക്കൊ​ണ്ടി​രി​ക്കു​ക​യാണ്‌. ഒട്ടുമിക്ക രാജ്യ​ങ്ങ​ളി​ലും ഏററവു​മ​ധി​കം ആളുകൾ ടിവി നിരീ​ക്ഷി​ക്കുന്ന സമയത്തു പോലും അത്തരം അശ്ലീലം ടെലി​വി​ഷ​നിൽ കൂടെ​ക്കൂ​ടെ കേൾക്കു​ന്നു. ഈ വിധത്തിൽ സ്‌കൂൾ കളിസ്ഥ​ലങ്ങൾ, ഇടനാ​ഴി​കൾ, ക്ലാസ്സ്‌മു​റി​കൾ തുടങ്ങിയ ഇടങ്ങളിൽ വൃത്തി​കെട്ട സംസാരം മാറെ​റാ​ലി​കൊ​ള്ളു​ക​യാണ്‌.

ചില അധ്യാ​പകർ സ്വന്തം അശ്ലീല​ഭാ​ഷ​യെ​യും ശാപവ​ച​ന​ങ്ങ​ളെ​യും ന്യായീ​ക​രി​ക്കു​ന്നു. വിദ്യാർഥി​കൾക്ക്‌ അത്തരം സംസാ​ര​ത്തോട്‌ തങ്ങളുടെ സ്വന്തമായ മനോ​ഭാ​വങ്ങൾ രൂപ​പ്പെ​ടു​ത്താൻ കഴിയു​മെ​ന്ന​ത്രേ അവരുടെ വാദം. എന്നാൽ അത്തര​മൊ​രു നയം ഈ തരംതാണ പദപ്ര​യോ​ഗങ്ങൾ സ്വീകാ​ര്യ​മായ അനുദിന സംസാ​ര​ത്തി​ന്റെ ഒരു ഭാഗമാ​ക്കി​ത്തീർക്കാ​നേ കുട്ടി​കളെ സഹായി​ക്കു​ക​യു​ള്ളൂ.

അത്തരം വാക്കുകൾ കുടും​ബ​ത്തി​നു​ള്ളിൽ പറയാൻ പാടി​ല്ലാ​ത്തത്‌ എന്തു​കൊ​ണ്ടെന്ന്‌ ജ്ഞാനമുള്ള ഒരു പിതാവ്‌ ദയാപു​ര​സ്സരം വിശദീ​ക​രി​ക്കും. കുട്ടി പഠിക്കാൻ പോകുന്ന പാഠപു​സ്‌ത​കങ്ങൾ ഏതു തരത്തി​ലു​ള്ള​താ​ണെന്നു മനസ്സി​ലാ​ക്കാൻ സ്‌കൂൾ സിലബസ്‌ പരി​ശോ​ധി​ച്ചു​കൊണ്ട്‌ അശ്ലീല​ഭാഷ എന്ന പ്രശ്‌നത്തെ അദ്ദേഹ​ത്തി​നു പ്രതി​രോ​ധി​ക്കാൻ കഴിയും. തിര​ഞ്ഞെ​ടു​ക്ക​പ്പെ​ടുന്ന ഏതെങ്കി​ലും സാഹി​ത്യ​കൃ​തി​ക​ളിൽ അശ്ലീല​ഭാഷ അടങ്ങി​യി​രി​ക്കു​ക​യോ അവ അസാൻമാർഗി​ക​തയെ പ്രകീർത്തി​ക്കു​ക​യോ ചെയ്യു​ന്നെ​ങ്കിൽ അതിനു​പ​കരം സ്വീകാ​ര്യ​മായ ഉള്ളടക്ക​മുള്ള മറെറാ​രു പുസ്‌തകം തിര​ഞ്ഞെ​ടു​ക്കാൻ കുട്ടി​യു​ടെ അധ്യാ​പ​ക​നോട്‌ അദ്ദേഹ​ത്തിന്‌ അഭ്യർഥി​ക്കാൻ കഴിയും. സമനി​ല​യോ​ടെ​യുള്ള ഒരു സമീപനം ന്യായ​യു​ക്ത​ത​യു​ടെ ലക്ഷണമാ​യി​രി​ക്കും.—ഫിലി​പ്പി​യർ 4:5.

അസാൻമാർഗി​ക​ത​യും മയക്കു​മ​രു​ന്നു​ക​ളും

“ഭവനത്തിൽവെച്ച്‌ [ലൈം​ഗിക വിദ്യാ​ഭ്യാ​സം] എന്ന വിഷയ​ത്തെ​ക്കു​റി​ച്ചു സംസാ​രി​ക്കാൻ നാണമോ വിഷമ​മോ” ഉള്ളതായി പല മാതാ​പി​താ​ക്ക​ളും സമ്മതി​ക്കു​ന്നു​വെന്ന്‌ സർവേകൾ വെളി​പ്പെ​ടു​ത്തു​ന്നു. പകരം അതു സംബന്ധി​ച്ചു കൃത്യ​മായ വിവരങ്ങൾ കുട്ടി​കൾക്കു പ്രദാനം ചെയ്യാൻ അവർ സ്‌കൂ​ളു​കളെ ആശ്രയി​ക്കു​ന്നു. അനുഭ​വ​സ​മ്പ​ന്ന​നായ ഒരു അധ്യാ​പകൻ പറയു​ന്ന​ത​നു​സ​രിച്ച്‌ കൗമാ​ര​പ്രായ ഗർഭധാ​ര​ണ​ങ്ങ​ളു​ടെ വൻ വർധനവ്‌ “ഗർഭനി​രോ​ധ​നത്തെ സംബന്ധിച്ച സങ്കേതിക അറിവി​നെ​ക്കാൾ ധാർമി​ക​ത​യോ​ടാണ്‌ കൂടു​ത​ലും ബന്ധപ്പെ​ട്ടി​രി​ക്കു​ന്നത്‌” എന്ന്‌ ലണ്ടനിലെ ദ സൺഡേ ടൈംസ്‌ റിപ്പോർട്ടു ചെയ്യുന്നു. തങ്ങളുടെ കുട്ടികൾ നിലനിർത്താൻ മാതാ​പി​താ​ക്കൾ പ്രതീ​ക്ഷി​ക്കുന്ന നടത്ത സംബന്ധിച്ച മാനദ​ണ്ഡങ്ങൾ നിശ്ചയി​ക്കാൻ ഏററവും പററിയ സ്ഥാനത്താ​യി​രി​ക്കു​ന്നത്‌ അവർ തന്നെയാണ്‌.

മയക്കു​മ​രു​ന്നു ദുരു​പ​യോ​ഗ​ത്തി​ന്റെ കാര്യ​ത്തി​ലും അതു സത്യമാണ്‌. മാതാ​പി​താ​ക്ക​ളു​ടെ മാർഗ​നിർദേ​ശ​മി​ല്ലായ്‌മ പ്രശ്‌നത്തെ കൂടുതൽ വഷളാ​ക്കു​ന്ന​തേ​യു​ള്ളൂ. “കുട്ടിക്ക്‌ കുടും​ബ​ജീ​വി​തം എത്രയ​ധി​കം അനാകർഷ​ക​മാ​യി തോന്നു​ന്നു​വോ അത്രയ​ധി​കം വലുതാ​യി​രി​ക്കും അതിനു പകരമാ​യി ഒന്ന്‌ സ്വയം കണ്ടെത്താ​നുള്ള പ്രവണത. മയക്കു​മ​രുന്ന്‌ [ഉപയോ​ഗി​ക്കു​ന്ന​താണ്‌] മിക്ക​പ്പോ​ഴും അതി​ലൊന്ന്‌” എന്ന്‌ ഫ്രാ​ങ്കോ​സ്‌കോ​പ്പി 1993 അഭി​പ്രാ​യ​പ്പെ​ടു​ന്നു. “ഒരു മാതാ​വോ പിതാ​വോ ആയിരി​ക്കുക എന്നത്‌ ദുഷ്‌ക​ര​മാണ്‌, നിങ്ങൾ നിരന്തരം ജാഗ്രത പുലർത്തേ​ണ്ട​തുണ്ട്‌; എന്തോ കുഴപ്പ​മു​ണ്ടെന്നു മാതാ​പി​താ​ക്കളെ ജാഗരൂ​ക​രാ​ക്കുന്ന ഒരു മാർഗ​മാണ്‌ മിക്ക​പ്പോ​ഴും മയക്കു​മ​രു​ന്നു​കൾ. ഒരു കൗമാ​ര​പ്രാ​യ​ക്കാ​രന്‌ തന്റെ മാതാവ്‌ അല്ലെങ്കിൽ പിതാവ്‌ തനിക്കു ശ്രദ്ധ തരുന്നില്ല എന്നു തോന്നു​ന്ന​പക്ഷം അവനു മയക്കു​മ​രു​ന്നു​കൾ കൊടു​ത്താൽ, തന്റെ പ്രശ്‌ന​ങ്ങൾക്ക്‌ അത്ഭുത​ക​ര​മായ ഒരു പരിഹാ​ര​മാണ്‌ അവയെന്ന്‌ അവനു തോന്നി​യേ​ക്കാം” എന്ന്‌ ടോക്‌സി​ക്കോ​മാ​നി ഏ പ്രേവാൺസി​യോൺ ഴോ​നെസ്‌ (മയക്കു​മ​രു​ന്നു​പ​യോ​ഗ​വും യുവാ​വി​ന്റെ സംരക്ഷ​ണ​വും) എന്ന സ്ഥാപന​ത്തി​ന്റെ പ്രസി​ഡൻറായ മീഷ്‌ലീൻ ഷാബാൻ-ഡെൽമ സമ്മതി​ക്കു​ന്നു.

താനും ഭാര്യ​യും കൗമാ​ര​പ്രാ​യ​ക്കാ​രി​യായ തങ്ങളുടെ കുട്ടി​യു​ടെ വിദ്യാ​ഭ്യാ​സ​ത്തിൽ എങ്ങനെ യഥാർഥ​മായ താത്‌പ​ര്യ​മെ​ടു​ക്കു​ന്നു​വെന്ന്‌ കാനഡ​യി​ലെ ഒരു പിതാവു വിശദീ​ക​രി​ക്കു​ന്നു: “ഞങ്ങൾ നേഡിനെ കാറിൽ സ്‌കൂ​ളിൽ കൊണ്ടു​വി​ടു​ക​യും അവി​ടെ​നി​ന്നു തിരികെ കൊണ്ടു​വ​രി​ക​യും ചെയ്യുന്നു. തിരികെ വരു​മ്പോൾ ഞങ്ങൾ മിക്ക​പ്പോ​ഴും സംഭാ​ഷണം തുടങ്ങു​ന്നു, അവളുടെ ദിവസം എങ്ങനെ​യാ​യി​രു​ന്നു​വെന്ന്‌ അതു വെളി​പ്പെ​ടു​ത്തും. അൽപ്പം ഗൗരവ​സ്വ​ഭാ​വ​മുള്ള എന്തെങ്കി​ലും ഞങ്ങൾ കണ്ടുപി​ടി​ച്ചാൽ, അപ്പോൾ ഞങ്ങൾ അതേക്കു​റിച്ച്‌ അവളോ​ടു സംസാ​രി​ക്കു​ക​യോ അത്താഴ​സ​മ​യത്ത്‌ അല്ലെങ്കിൽ കുടും​ബ​ചർച്ച​യു​ടെ സമയത്ത്‌ ഈ വിഷയം വീണ്ടും എടുത്തി​ടു​ക​യോ ചെയ്യും.” സമാന​മാ​യി നിങ്ങൾക്കും നിങ്ങളു​ടെ കുട്ടി​യോട്‌ യഥാർഥ​മായ താത്‌പ​ര്യ​വും സ്‌നേ​ഹ​വും പ്രകട​മാ​ക്കാൻ കഴിയും, ആശയവി​നി​മയ മാർഗങ്ങൾ തുറന്നി​ട്ടു​കൊണ്ട്‌.

ഉപദ്ര​വി​ക്ക​ലും അക്രമ​വും

“വിദ്യാ​ലയ പ്രശ്‌ന​ങ്ങ​ളി​ലെ ഏററവും വഞ്ചകമായ ഒന്നാണ്‌” ഉപദ്ര​വി​ക്കൽ എന്ന്‌ മോറീൻ ഓക്കണർ സ്‌കൂൾ ജീവി​ത​ത്തിൽ നിങ്ങളു​ടെ കുട്ടിയെ സഹായി​ക്കാൻ കഴിയുന്ന വിധം [ഇംഗ്ലീഷ്‌] എന്ന ഗ്രന്ഥത്തിൽ പ്രസ്‌താ​വി​ക്കു​ന്നു. “അതിന്റെ ഇരകൾക്ക്‌ അത്‌ വളരെ​യ​ധി​കം യാതന വരുത്തി​വെ​ക്കു​ന്നു​ണ്ടെ​ങ്കി​ലും അവർ മിക്ക​പ്പോ​ഴും അതി​നെ​ക്കു​റിച്ച്‌ ഒരു മുതിർന്ന വ്യക്തി​യോ​ടു പറയാൻ മടിയു​ള്ള​വ​രാണ്‌. കാരണം ഒരു ‘കൂട്ടി​ക്കൊ​ടു​പ്പു​കാ​രൻ’ എന്ന പേര്‌ കിട്ടു​മോ എന്ന ഭയം അവർക്കുണ്ട്‌” എന്നും ഗ്രന്ഥകാ​രി അഭി​പ്രാ​യ​പ്പെ​ടു​ന്നു.

ഉപദ്ര​വി​ക്കു​ന്ന​തി​നെ സാധാരണ പെരു​മാ​റ​റ​മാ​യി ചില അധ്യാ​പകർ വീക്ഷി​ക്കാ​റുണ്ട്‌. എന്നാൽ മററു പലരും അധ്യാ​പ​ക​നായ പീററ്‌ സ്‌ററീ​ഫൻസ​ണോട്‌ യോജി​ക്കു​ന്നു. ഉപദ്ര​വി​ക്കു​ന്നത്‌ “ഒരുതരം ഹീനമായ പെരു​മാ​ററ”മാണെന്ന്‌ അദ്ദേഹം വിശ്വ​സി​ക്കു​ക​യും “അതു തുടരാൻ അനുവ​ദി​ക്കു​ന്നത്‌ ഉപദ്ര​വി​ക്കു​ന്ന​വരെ സംബന്ധി​ച്ചി​ട​ത്തോ​ളം നല്ലതല്ല” എന്ന്‌ ഉറപ്പിച്ചു പറയു​ക​യും ചെയ്യുന്നു.

നിങ്ങളു​ടെ കുട്ടി ഒരു ഉപദ്ര​വി​യു​ടെ ഇരയാ​യി​ത്തീ​രു​ന്നെ​ങ്കിൽ നിങ്ങൾക്ക്‌ എന്തു ചെയ്യാ​നാ​കും? “ആദ്യത്തെ ഉപരോ​ധ​മാർഗം [ഇരകളു​ടെ] എത്തുപാ​ടി​ലുള്ള മുതിർന്ന​വ​രാണ്‌,” ഓക്കണർ എഴുതു​ന്നു. അനുക​മ്പ​യുള്ള ഒരു അധ്യാ​പ​ക​നോട്‌ കാര്യങ്ങൾ തുറന്നു സംസാ​രി​ക്കുക. അക്രമാ​സ​ക്ത​മായ പെരു​മാ​റ​റത്തെ അസ്വീ​കാ​ര്യ​മാ​യി നിങ്ങൾ രണ്ടു​പേ​രും കണക്കാ​ക്കു​ന്ന​താ​യി ഇതു നിങ്ങളു​ടെ കുട്ടിക്ക്‌ ഉറപ്പു നൽകും. ഉപദ്ര​വി​ക്കു​ന്ന​തി​നെ​തി​രെ മിക്ക വിദ്യാ​ല​യ​ങ്ങ​ളും വ്യക്തമായ ഒരു നയം സ്വീക​രി​ച്ചി​ട്ടുണ്ട്‌. അധ്യാ​പകർ ഇതു ക്ലാസ്സിൽ തുറന്നു ചർച്ച ചെയ്യു​ക​യും ചെയ്യാ​റുണ്ട്‌.

നതലി തന്റെ മതത്തിന്റെ പേരിൽ ഉപദ്ര​വ​ക്കാ​രു​ടെ ഒരു ഇരയാ​യി​ത്തീർന്നു. അവൾ വിവരി​ക്കു​ന്നു: “ഒരു യഹോ​വ​യു​ടെ സാക്ഷി ആയിരു​ന്നതു നിമിത്തം ഞാൻ അപമാ​നി​ക്ക​പ്പെ​ട്ടി​രു​ന്നു. ചില​പ്പോൾ എന്റെ സാധനങ്ങൾ നശിപ്പി​ക്ക​പ്പെ​ട്ടി​രു​ന്നു.” ഈ പ്രശ്‌ന​ത്തിന്‌ ഒരു പരിഹാ​ര​മു​ണ്ടാ​ക്കാൻ അവൾ കാര്യങ്ങൾ മാതാ​പി​താ​ക്ക​ളോ​ടു തുറന്നു സംസാ​രി​ച്ചു. ഇക്കാര്യം അധ്യാ​പ​ക​രോ​ടു പറയാൻ അവർ അവളോ​ടു നിർദേ​ശി​ച്ചു. അവൾ അങ്ങനെ​തന്നെ ചെയ്‌തു. “എന്നെ ഉപദ്ര​വി​ച്ചി​രുന്ന സഹപാ​ഠി​ക​ളിൽ രണ്ടു​പേ​രു​ടെ മാതാ​പി​താ​ക്കൾക്കു ഫോൺ ചെയ്യാൻ ഞാൻ മുൻകൈ എടുത്തു. അവരോട്‌ പ്രശ്‌നം വിശദീ​ക​രി​ക്കാൻ എനിക്കു കഴിഞ്ഞ​തു​കൊണ്ട്‌ ഇപ്പോൾ കാര്യങ്ങൾ വളരെ മെച്ചമാണ്‌. ഇപ്രകാ​രം ഞാൻ അധ്യാ​പ​ക​രു​ടെ​യും സഹപാ​ഠി​ക​ളിൽ മിക്കവ​രു​ടെ​യും വിശ്വാ​സ​മാർജി​ച്ചു,” അവൾ കൂട്ടി​ച്ചേർക്കു​ന്നു.

ചില​പ്പോൾ തങ്ങളുടെ കുട്ടി ഉപദ്ര​വ​ത്തി​നി​ര​യാ​കു​ന്ന​വനല്ല, പിന്നെ​യോ ഉപദ്ര​വി​ക്കു​ന്നവൻ ആണെന്നു മാതാ​പി​താ​ക്കൾ കണ്ടെത്തി​യേ​ക്കാം. അത്തര​മൊ​രു സാഹച​ര്യ​ത്തിൽ വീട്ടിൽ എന്താണു സംഭവി​ക്കു​ന്നത്‌ എന്ന്‌ അവർ സൂക്ഷ്‌മ​മാ​യി പരി​ശോ​ധി​ക്കണം. ലണ്ടനിലെ ദ ടൈംസ്‌ ഇപ്രകാ​രം റിപ്പോർട്ടു ചെയ്യുന്നു: “കൂടുതൽ വ്യക്തമായ വിധത്തിൽ അക്രമാ​സക്ത പെരു​മാ​റ​റ​മുള്ള കുട്ടികൾ, സാധാ​ര​ണ​മാ​യി മാതാ​പി​താ​ക്കൾ പ്രശ്‌നങ്ങൾ ന്യായ​മാ​യി പരിഹ​രി​ക്കാത്ത കുടും​ബ​ങ്ങ​ളിൽനി​ന്നാ​ണു വരുന്നത്‌.” അതിങ്ങനെ കൂട്ടി​ച്ചേർക്കു​ക​യും ചെയ്യുന്നു: “അക്രമാ​സ​ക്ത​മായ പെരു​മാ​ററം പഠി​ച്ചെ​ടുത്ത ഒരു പ്രക്രി​യ​യാണ്‌.”

ചില സ്ഥലങ്ങളിൽ അക്രമം വളരെ വിപു​ല​വ്യാ​പ​ക​മാണ്‌. രാഷ്‌ട്രീയ അസ്വസ്ഥത വിദ്യാ​ഭ്യാ​സത്തെ ഏറെക്കു​റെ അസാധ്യ​മാ​ക്കി​ത്തീർക്കു​മ്പോൾ നിഷ്‌പ​ക്ഷ​തയെ വില​യേ​റി​യ​താ​യി കരുതുന്ന കുട്ടികൾ ചില​പ്പോൾ വീട്ടിൽ കഴിഞ്ഞു​കൂ​ടു​ന്നത്‌ ജ്ഞാനമാ​ണെന്നു കണ്ടെത്തി​യി​ട്ടുണ്ട്‌. കുഴപ്പം പൊട്ടി​പ്പു​റ​പ്പെ​ടു​ന്നത്‌ അവർ സ്‌കൂ​ളി​ലാ​യി​രി​ക്കു​മ്പോ​ഴാ​ണെ​ങ്കിൽ അവർ ആരുമ​റി​യാ​തെ ഒഴിഞ്ഞു​മാ​റു​ക​യും കാര്യങ്ങൾ ശാന്തമാ​കു​ന്ന​തു​വരെ വീട്ടിൽ കഴിയു​ക​യും ചെയ്യുന്നു.

മോശ​മായ അധ്യാ​പ​നം

മോശ​മായ അധ്യാ​പനം പ്രശ്‌നങ്ങൾ സൃഷ്ടി​ക്കു​മ്പോൾ നിങ്ങളു​ടെ കുട്ടി​യും കുട്ടി​യു​ടെ അധ്യാ​പ​ക​രും തമ്മിലുള്ള നല്ല ആശയവി​നി​മ​യ​ത്തി​നു സഹായ​ക​മാ​യി വർത്തി​ക്കാൻ കഴിയും. “പഠിക്കുന്ന കാര്യം സംബന്ധിച്ച്‌ ക്രിയാ​ത്മ​ക​മായ ഒരു മനോ​ഭാ​വം ഉണ്ടായി​രി​ക്കാൻ ഞങ്ങൾ എല്ലായ്‌പോ​ഴും ഞങ്ങളുടെ മകളെ പ്രോ​ത്സാ​ഹി​പ്പി​ക്കാ​റുണ്ട്‌,” ഒരു ദമ്പതികൾ അഭി​പ്രാ​യ​പ്പെ​ടു​ന്നു. എന്നാൽ അധ്യാ​പകർ ഒരു വിഷയം രസകര​മാ​ക്കി​ത്തീർക്കാൻ പരാജ​യ​പ്പെ​ടു​മ്പോൾ കുട്ടി​കൾക്കു പെട്ടെ​ന്നു​തന്നെ അതിൽ താത്‌പ​ര്യം നഷ്ടപ്പെ​ടു​ന്നു. ഇതു നിങ്ങളു​ടെ കുട്ടി​യു​ടെ കാര്യ​ത്തിൽ ശരിയാ​ണെ​ങ്കിൽ, അധ്യാ​പ​ക​നോട്‌ സ്വകാ​ര്യ​മാ​യി സംസാ​രി​ക്കാൻ എന്തു​കൊണ്ട്‌ അവനെ പ്രോ​ത്സാ​ഹി​പ്പി​ച്ചു​കൂ​ടാ?

ഉത്തരം നൽകു​മ്പോൾ പാഠത്തി​ലെ മുഖ്യാ​ശയം ഗ്രഹി​ക്കാ​നും പഠിപ്പിച്ച കാര്യം എങ്ങനെ ഉപയോ​ഗി​ക്കാ​മെന്നു പഠിക്കാ​നും എളുപ്പ​മായ ചോദ്യ​ങ്ങൾ തയ്യാറാ​ക്കാൻ നിങ്ങളു​ടെ കുട്ടി​കളെ സഹായി​ക്കുക. എന്നിരു​ന്നാ​ലും, ഇതു മാത്രം പഠനവി​ഷ​യ​ത്തിൽ യഥാർഥ​വും നിലനിൽക്കു​ന്ന​തു​മായ ഒരു താത്‌പ​ര്യം ഉറപ്പു നൽകു​ന്നില്ല. കൂടു​ത​ലും മാതാ​പി​താ​ക്ക​ളെന്ന നിലയി​ലുള്ള നിങ്ങളു​ടെ ദൃഷ്ടാ​ന്തത്തെ ആശ്രയി​ച്ചാ​ണി​രി​ക്കു​ന്നത്‌. നിങ്ങളു​ടെ കുട്ടി​യോ​ടൊ​ത്തു പാഠങ്ങൾ ചർച്ച ചെയ്‌തു​കൊണ്ട്‌ നിങ്ങൾ അവർക്കു​വേണ്ടി കരുതു​ന്നു​വെന്ന്‌ പ്രകട​മാ​ക്കുക. അധ്യാ​പകൻ നിയമി​ക്കുന്ന ഗവേഷണ വിഷയ​ങ്ങ​ളിൽ അവരെ സഹായി​ക്കുക.

ഭിന്നിച്ച കുടും​ബ​ങ്ങ​ളിൽനി​ന്നു വരുന്ന, അല്ലെങ്കിൽ ദുരു​പ​യോ​ഗം ചെയ്യ​പ്പെ​ടു​ക​യോ അവഗണ​ന​യ്‌ക്ക്‌ ഇരയാ​കു​ക​യോ ചെയ്യുന്ന കുട്ടികൾ സ്‌കൂ​ളി​ലുണ്ട്‌. അവർക്കു മിക്ക​പ്പോ​ഴും ആത്മവി​ശ്വാ​സ​വും ആത്മാഭി​മാ​ന​വും കുറവാ​യി​രി​ക്കും. നല്ല സാഹച​ര്യ​ങ്ങ​ളിൽനി​ന്നു വരുന്ന കുട്ടി​ക​ളു​മാ​യി അവർ ഇടപഴ​കു​ന്നു. സ്‌കൂ​ളിൽ ഉയർന്നു​വ​ന്നേ​ക്കാ​വുന്ന പ്രശ്‌ന​ങ്ങളെ വിജയ​പ്ര​ദ​മാ​യി തരണം ചെയ്യാൻ തങ്ങൾ തുടർച്ച​യാ​യി സഹായം നൽകേ​ണ്ട​തു​ണ്ടെന്ന്‌ മിക്ക മാതാ​പി​താ​ക്ക​ളും തിരി​ച്ച​റി​യു​ന്നു. എന്നാൽ മാതാ​പി​താ​ക്കൾ അധ്യാ​പ​ക​രു​മാ​യി ഇടപെ​ടു​ന്നതു സംബന്ധി​ച്ചോ? അവർ എങ്ങനെ​യുള്ള ഒരു ബന്ധമാണ്‌ നട്ടുവ​ളർത്തേ​ണ്ടത്‌, എപ്രകാ​രം?

[7-ാം പേജിലെ ചതുരം]

നിങ്ങളുടെ കുട്ടി ഒരു ഉപദ്ര​വി​യു​ടെ ഇരയാ​ണോ?

തങ്ങളുടെ കുട്ടി​യിൽ ബാഹ്യ​മായ അടയാ​ളങ്ങൾ വല്ലതു​മു​ണ്ടോ എന്നറി​യാൻ കുട്ടിയെ നിരീ​ക്ഷി​ക്കാൻ വിദഗ്‌ധർ മാതാ​പി​താ​ക്കളെ ഉപദേ​ശി​ക്കാ​റുണ്ട്‌. അവനോ അവളോ സ്‌കൂ​ളിൽ പോകാ​നുള്ള മടി കാണി​ക്കു​ന്നു​ണ്ടോ, സഹപാ​ഠി​കളെ ഒഴിവാ​ക്കു​ന്നു​ണ്ടോ, മുറി​വു​ക​ളോ കീറിയ വസ്‌ത്ര​ങ്ങ​ളോ സഹിതം വീട്ടിൽ വരാറു​ണ്ടോ?

കൃത്യ​മാ​യി എന്താണു സംഭവി​ച്ച​തെന്നു നിങ്ങ​ളോ​ടു പറയാൻ കുട്ടിയെ പ്രോ​ത്സാ​ഹി​പ്പി​ക്കുക. ഉപദ്ര​വ​മേൽക്കു​ന്ന​താ​ണോ വാസ്‌ത​വ​ത്തിൽ പ്രശ്‌നം എന്നു മനസ്സി​ലാ​ക്കാൻ ഇതു സഹായി​ക്കും. അത്‌ ഒരു പ്രശ്‌ന​മാ​ണെ​ങ്കിൽ അനുക​മ്പ​യുള്ള ഒരു അധ്യാ​പ​ക​നു​മാ​യി ഈ വിഷയം സംസാ​രി​ക്കുക.

ആശ്രയി​ക്കാൻ കൊള്ളാ​വുന്ന സഹപാ​ഠി​ക​ളോ​ടൊ​ത്തു കഴിയാ​നും മററു​ള്ള​വർക്ക്‌ ഉപദ്ര​വി​ക്കാൻ കഴിയുന്ന സ്ഥലങ്ങളും സന്ദർഭ​ങ്ങ​ളും ഒഴിവാ​ക്കാ​നും നിർദേ​ശി​ച്ചു​കൊണ്ട്‌ പ്രശ്‌നത്തെ തരണം ചെയ്യാൻ നിങ്ങളു​ടെ കുട്ടിയെ സഹായി​ക്കുക. നല്ല നർമ​ബോ​ധ​വും തുറന്നു സംസാ​രി​ച്ചു വിഷമ​സാ​ഹ​ച​ര്യ​ത്തെ അകററാൻ കഴിയു​ന്ന​തെ​ങ്ങ​നെ​യെന്ന അറിവും ഉള്ള ഒരു കുട്ടി ഉപദ്ര​വ​ത്തിൽനി​ന്നു മിക്ക​പ്പോ​ഴും ഒഴിവാ​കും.

വളരെ​യ​ധി​കം ഉത്‌ക​ണ്‌ഠ​പ്പെ​ട​രുത്‌, പ്രതി​കാ​രം ചെയ്യാൻ പ്രോ​ത്സാ​ഹി​പ്പി​ക്കു​ക​യു​മ​രുത്‌.

മാതാ​പി​താ​ക്കളേ—നിങ്ങളു​ടെ കുട്ടി​യു​ടെ വക്താവാ​യി​രി​ക്കുക

മാതാ​പി​താ​ക്കൾ തങ്ങളുടെ മക്കൾക്കാ​യി ഏററവും നല്ലതാണ്‌ കാംക്ഷി​ക്കു​ന്നത്‌. തീർച്ച​യാ​യും ക്രിസ്‌തീയ അപ്പോ​സ്‌ത​ല​നായ പൗലോസ്‌, മക്കളെ ദൈവ​ത്തി​ന്റെ ശിക്ഷണ​ത്തിൽ വളർത്തി​ക്കൊ​ണ്ടു​വ​രാൻ പിതാ​ക്കൻമാ​രെ പ്രബോ​ധി​പ്പി​ച്ചു. (എഫെസ്യർ 6:4) പുരാതന നാളിലെ ശലോ​മോൻ രാജാവ്‌ ചെറു​പ്പ​ക്കാ​രെ ഇപ്രകാ​രം ഉപദേ​ശി​ച്ചു: “അപ്പനും അമ്മയും നിന്നോ​ടു പറയു​ന്ന​തി​നു ശ്രദ്ധ കൊടു​ക്കുക. അവരുടെ പഠിപ്പി​ക്കൽ നിന്റെ സ്വഭാ​വത്തെ മെച്ച​പ്പെ​ടു​ത്തും.”—സദൃശ​വാ​ക്യ​ങ്ങൾ 1:8, 9, ററു​ഡേ​യ്‌സ്‌ ഇംഗ്ലീഷ്‌ വേർഷൻ.

വിദ്യാ​ഭ്യാ​സ​ത്തി​നു വേണ്ടി മാതാ​പി​താ​ക്കൾ ചെയ്യുന്ന ക്രമീ​ക​ര​ണ​ത്തിൽ സ്‌കൂ​ളു​ക​ളു​ടെ സ്ഥാനം എവി​ടെ​യാണ്‌? മാതാ​പി​താ​ക്ക​ളും സ്‌കൂ​ള​ധ്യാ​പ​ക​രും തമ്മിലുള്ള ബന്ധം എന്തായി​രി​ക്കണം?

മാതാ​പി​താ​ക്ക​ളു​ടെ​യും അധ്യാ​പ​ക​രു​ടെ​യും റോളു​കൾ

“മാതാ​പി​താ​ക്ക​ളാണ്‌ . . . തങ്ങളുടെ കുട്ടി​ക​ളു​ടെ അതി​പ്ര​ധാ​ന​പ്പെട്ട അധ്യാ​പകർ” എന്ന്‌ ഭവനാ​ന്ത​രീ​ക്ഷ​ത്തിൽ സ്‌കൂൾ ചെലു​ത്തുന്ന സ്വാധീ​ന​ത്തെ​ക്കു​റി​ച്ചുള്ള ഒരു പഠനറി​പ്പോർട്ടി​ന്റെ ഗ്രന്ഥകാ​രി​യായ ഡോറിൻ ഗ്രാൻറ്‌ തറപ്പിച്ചു പറയുന്നു. എന്നാൽ ഒരു പിതാവ്‌⁄മാതാവ്‌ എന്നനി​ല​യിൽ അക്കാര്യം അംഗീ​ക​രി​ക്കാൻ നിങ്ങൾക്ക്‌ അൽപ്പം പ്രയാ​സ​മാ​യി​രി​ക്കാം.

നിങ്ങൾ സ്‌കൂ​ളിൽ പോയി​രുന്ന കാല​ത്തെ​ക്കാൾ ഇപ്പോൾ പഠിപ്പി​ക്കൽ രീതി​കൾക്ക്‌ വളരെ​യ​ധി​കം മാററം വന്നിട്ടു​ള്ള​താ​യി നിങ്ങൾ മനസ്സി​ലാ​ക്കി​യേ​ക്കാം. ഇപ്പോൾ സ്‌കൂ​ളു​കൾ മുമ്പ്‌ അറിയ​പ്പെ​ടാ​തി​രുന്ന വിഷയങ്ങൾ പഠിപ്പി​ക്കു​ന്നുണ്ട്‌. മാധ്യ​മ​ങ്ങ​ളെ​ക്കു​റി​ച്ചുള്ള പഠനം, ആരോഗ്യ വിദ്യാ​ഭ്യാ​സം, മൈ​ക്രോ​ഇ​ല​ക്‌​ട്രോ​ണി​ക്‌സ്‌ തുടങ്ങിയ കാര്യങ്ങൾ. സ്‌കൂ​ളു​മാ​യി അധിക​മൊ​ന്നും ബന്ധം പുലർത്താ​തി​രി​ക്കാൻ ഇതു ചില മാതാ​പി​താ​ക്കളെ പ്രേരി​പ്പി​ച്ചി​ട്ടുണ്ട്‌. “തങ്ങളുടെ കുട്ടി​യു​ടെ അധ്യാ​പ​ക​രോ​ടു സംസാ​രി​ക്കു​ന്നത്‌, വളരെ നല്ല ആത്മവി​ശ്വാ​സ​മുള്ള വ്യക്തി​ക്കു​പോ​ലും താൻ വെറും അഞ്ചു വയസ്സു പ്രായ​വും നാലടി ഉയരവു​മു​ള്ള​യാ​ളാ​ണെ​ന്നുള്ള തോന്ന​ലു​ള​വാ​ക്കാൻ കഴിയും. മുതിർന്ന രണ്ടു വ്യക്തി​ക​ളെ​പ്പോ​ലെ പ്രശ്‌ന​ങ്ങ​ളും ഉത്‌ക​ണ്‌ഠ​ക​ളും ചർച്ച ചെയ്യു​ന്ന​തി​നു പകരം ചിലർ കുട്ടി​ക​ളെ​പ്പോ​ലെ പെരു​മാ​റു​ന്നു” എന്ന്‌ സ്‌കൂൾ ജീവി​ത​ത്തിൽ നിങ്ങളു​ടെ കുട്ടിയെ സഹായി​ക്കുക [ഇംഗ്ലീഷ്‌] എന്ന ഗ്രന്ഥത്തിൽ ഡോ. ഡേവിഡ്‌ ലൂയിസ്‌ എഴുതു​ന്നു.

തീർച്ച​യാ​യും, ഗുരു​ത​ര​മായ പ്രശ്‌നങ്ങൾ ഉണ്ടാകു​മ്പോൾ മാത്രമേ ചില മാതാ​പി​താ​ക്കൾ തങ്ങളുടെ കുട്ടി​ക​ളു​ടെ അധ്യാ​പ​കരെ ചെന്നു കാണാ​റു​ള്ളൂ. അപ്പോ​ഴാ​ണെ​ങ്കി​ലോ മിക്കവാ​റും പരാതി​പ്പെ​ടാ​നും. എന്നിരു​ന്നാ​ലും, അധ്യാ​പ​ക​രോ​ടു സഹകരി​ക്കു​ക​വഴി തങ്ങളുടെ കുട്ടി​ക​ളു​ടെ വിദ്യാ​ഭ്യാ​സ​ത്തി​നു മാതാ​പി​താ​ക്കൾക്കു വിലപ്പെട്ട സംഭാവന നൽകാൻ കഴിയും. പല മാതാ​പി​താ​ക്ക​ളും അങ്ങനെ ചെയ്യു​ന്നു​മുണ്ട്‌.

സ്‌കൂ​ളിൽവെ​ച്ചു നിങ്ങളു​ടെ കുട്ടി എന്തു പഠിക്കു​ന്നു എന്നു പരി​ശോ​ധി​ക്കാ​നും അതിൽ താത്‌പ​ര്യ​മെ​ടു​ക്കാ​നും മാതാ​പി​താ​ക്കൾ എന്ന നിലയി​ലുള്ള നിങ്ങളു​ടെ ഉത്തരവാ​ദി​ത്വം നിങ്ങ​ളോട്‌ ആവശ്യ​പ്പെ​ടു​ന്നു. എന്തു​കൊ​ണ്ടാ​ണിത്‌? എന്തു​കൊ​ണ്ടെ​ന്നാൽ അധ്യാ​പകർ, തൊഴിൽപ്പ​ര​മാ​യി നിങ്ങളു​ടെ ധാർമിക ഏജൻറൻമാ​രാ​യി സേവി​ക്കു​ന്നു. അവർ പിന്തു​ടർന്നു​പോ​രുന്ന മൂല്യങ്ങൾ അവർ പഠിപ്പി​ക്കുന്ന വിദ്യാർഥി​കളെ ബാധി​ക്കു​ന്നു. കാരണം അനുക​ര​ണ​യോ​ഗ്യ​രായ മാതൃ​ക​ക​ളാ​യാണ്‌ കുട്ടികൾ അധ്യാ​പ​കരെ വീക്ഷി​ക്കു​ന്നത്‌. മിക്ക അധ്യാ​പ​ക​രും തങ്ങളുടെ കുട്ടി​ക​ളു​ടെ മാതാ​പി​താ​ക്ക​ളിൽനി​ന്നുള്ള സഹകരണം സ്വാഗതം ചെയ്യാ​റുണ്ട്‌.

തെക്കൻ ജർമനി​യിൽനി​ന്നുള്ള ഒരു ഹെഡ്‌മാ​സ്‌ററർ മാതാ​പി​താ​ക്കൾക്ക്‌ ഇപ്രകാ​രം എഴുതി: “മുമ്പത്തെ ഏതൊരു വർഷ​ത്തെ​ക്കാ​ളു​മ​ധി​ക​മാ​യി കുട്ടി​ക​ളു​ടെ മുഴു കൂട്ടവും, പ്രത്യേ​കി​ച്ചും സ്‌കൂ​ളിൽ പോയി​ത്തു​ട​ങ്ങുന്ന കുട്ടികൾ [ജർമനി​യിൽ ആറു വയസ്സിൽ], വളരെ​യ​ധി​കം മനസ്സു തഴമ്പി​ച്ച​വ​രും ദുഷ്ടരും മോശ​മാ​യി വളർത്ത​പ്പെ​ട്ട​വ​രു​മാണ്‌. തീർത്തും നിയ​ന്ത്ര​ണ​മി​ല്ലാ​ത്ത​വ​രാണ്‌ പലരും, എവി​ടെ​യാ​ണു പരിധി​വ​യ്‌ക്കേ​ണ്ട​തെന്ന്‌ അവർക്ക​റി​യില്ല; അവർക്കു യാതൊ​രു കുററ​ബോ​ധ​വു​മില്ല; അങ്ങേയ​ററം സ്വാർഥ​രും സാമൂ​ഹി​ക​വി​രു​ദ്ധ​രും ആണവർ; പ്രത്യക്ഷ കാരണം കൂടാതെ അവർ അക്രമ​സ്വ​ഭാ​വ​മു​ള്ള​വ​രാ​യി​ത്തീ​രു​ന്നു, [മററു​ള്ള​വരെ] തൊണ്ട​യ്‌ക്കു കുത്തി​പ്പി​ടി​ക്കു​ക​യും തൊഴി​ക്കു​ക​യും ചെയ്യുന്നു അവർ.”

ഈ അധ്യാ​പകൻ തുടർന്ന്‌ ഇപ്രകാ​രം പറഞ്ഞു: “ഇതിന്റെ ഫലമായി ഞങ്ങൾക്കു വളരെ​യ​ധി​കം കഷ്ടപ്പാ​ടു​ണ്ടെ​ങ്കി​ലും പരാതി​പ്പെ​ടാൻ ഞങ്ങൾ ആഗ്രഹി​ക്കു​ന്നില്ല. എന്നാൽ, എന്തെല്ലാം ശ്രമങ്ങൾ നടത്തി​യാ​ലും സ്‌കൂ​ളി​ലു​ള്ളവർ മാത്രം നിരൂ​പി​ച്ചാൽ കുട്ടി​കളെ പഠിപ്പി​ക്കാ​നും അവരെ വളർത്തി​ക്കൊ​ണ്ടു​വ​രാ​നും സാധ്യമല്ല എന്നു നമ്മൾ തിരി​ച്ച​റി​യേ​ണ്ടി​യി​രി​ക്കു​ന്നു. പ്രിയ മാതാ​പി​താ​ക്കളേ, നിങ്ങളു​ടെ കുട്ടി​ക​ളു​ടെ വ്യക്തി​ത്വ​വി​കാ​സം സംബന്ധി​ച്ചും പെരു​മാ​ററ നിലവാ​രങ്ങൾ പഠിപ്പി​ക്കു​ന്നതു സംബന്ധി​ച്ചും നിങ്ങൾക്കുള്ള ഉത്തരവാ​ദി​ത്വം ടെലി​വി​ഷ​നോ തെരു​വി​നോ അടിയ​റവു വെക്കാതെ അവരെ വളർത്തി​ക്കൊ​ണ്ടു​വ​രേ​ണ്ട​തി​നു നിങ്ങൾതന്നെ മുൻകൈ എടുക്കാൻ പ്രോ​ത്സാ​ഹി​പ്പി​ക്കേ​ണ്ട​തു​ണ്ടെന്ന്‌ ഞങ്ങൾക്കു തോന്നു​ന്നു.”—ചെരി​ച്ചെ​ഴുത്ത്‌ ഞങ്ങളു​ടേത്‌.

സഹകര​ണ​ത്തി​നാ​യുള്ള അത്തരം അഭ്യർഥ​നകൾ അധ്യാ​പകർ നടത്തു​മ്പോൾ പോലും പല മാതാ​പി​താ​ക്ക​ളും സഹായി​ക്കാൻ വിമു​ഖ​ത​യു​ള്ള​വ​രാണ്‌. ഡേവിഡ്‌ ലൂയിസ്‌ ഇപ്രകാ​രം അവകാ​ശ​പ്പെ​ടു​ന്നു: “അവർ കരുത​ലി​ല്ലാ​ത്ത​വ​രോ വളരെ തിരക്കു​ള്ള​വ​രോ ആത്മവി​ശ്വാ​സ​മി​ല്ലാ​ത്ത​വ​രോ ആയതു​കൊ​ണ്ടല്ല, പിന്നെ​യോ ഒരു കുട്ടി ക്ലാസ്സിൽ എത്ര നന്നായി പഠിച്ചാ​ലും അല്ലെങ്കിൽ എത്ര മോശ​മാ​യി പഠിച്ചാ​ലും അവർ വളർന്നു​വ​രു​ന്ന​തി​നോട്‌ അതു ബന്ധപ്പെ​ട്ടി​രി​ക്കു​ന്നി​ല്ലെ​ന്നും എല്ലാ കാര്യ​ങ്ങ​ളെ​യും നിശ്ചയി​ക്കു​ന്നത്‌ ജീനു​ക​ളാ​ണെ​ന്നു​മുള്ള അവരുടെ ഉറച്ച വിശ്വാ​സം നിമി​ത്ത​മാണ്‌.” എന്നാൽ ഈ ആശയം അശേഷം സത്യമല്ല.

ഭവനത്തി​ലെ പ്രശ്‌നങ്ങൾ കുട്ടി​യു​ടെ ക്ലാസ്സിലെ പഠനത്തെ ബാധി​ക്കു​ന്ന​തു​പോ​ലെ​തന്നെ ഭവനത്തി​ലെ നല്ല ജീവി​ത​ത്തിന്‌ സ്‌കൂ​ളിൽനി​ന്നു പരമാ​വധി പ്രയോ​ജനം നേടാൻ ഒരു കുട്ടിയെ സഹായി​ക്കാൻ കഴിയും. “വിദ്യാ​ഭ്യാ​സ​പ​ര​മായ വിജയ​ത്തി​നും പരാജ​യ​ത്തി​നും സ്‌കൂ​ളി​നെ​ക്കാൾ വളരെ​യേറെ ഉത്തരവാ​ദി​ത്വം വഹിക്കു​ന്നത്‌ ഭവനാ​ന്ത​രീ​ക്ഷ​മാണ്‌” എന്ന്‌ ഒരു വിദ്യാ​ഭ്യാ​സ സർവേ നിഗമ​ന​ത്തി​ലെ​ത്തു​ന്നു. സ്‌കൂൾ ജീവി​ത​ത്തിൽ നിങ്ങളു​ടെ കുട്ടിയെ സഹായി​ക്കാൻ കഴിയുന്ന വിധം [ഇംഗ്ലീഷ്‌] എന്ന പുസ്‌തകം ഇപ്രകാ​രം സമ്മതി​ക്കു​ന്നു: “തങ്ങളുടെ മനോ​ഭാ​വം—അടുത്തി​ല്ലെ​ങ്കി​ലും തങ്ങളുടെ താത്‌പ​ര്യ​വും പ്രോ​ത്സാ​ഹ​ന​വും പിന്തു​ണ​യും—കുട്ടി​ക​ളു​ടെ പുരോ​ഗ​തി​ക്കു സർവ​പ്ര​ധാ​ന​മാ​യി​രി​ക്കാൻ കഴിയു​മെന്ന്‌ ഏററവും തിരക്കുള്ള മാതാവ്‌ അല്ലെങ്കിൽ പിതാവു പോലും തിരി​ച്ച​റി​യണം.”

അപ്പോൾ നിങ്ങളു​ടെ കുട്ടി​യു​ടെ അധ്യാ​പ​ക​രു​മാ​യി നിങ്ങൾക്ക്‌ എങ്ങനെ നല്ല സഹകരണം ആർജി​ക്കാൻ കഴിയും?

നിങ്ങളു​ടെ കുട്ടി​യു​ടെ വക്താവാ​യി​രി​ക്കുക

(1) നിങ്ങളു​ടെ കുട്ടി സ്‌കൂ​ളിൽ പഠിക്കുന്ന വിഷയ​ത്തിൽ സജീവ​മായ ഒരു താത്‌പ​ര്യം പ്രകട​മാ​ക്കുക. തുടങ്ങാൻ പററിയ ഏററവും നല്ല സമയം നിങ്ങളു​ടെ കുട്ടി സ്‌കൂ​ളിൽ പോകാൻ തുടങ്ങു​മ്പോ​ഴാണ്‌. കൗമാ​ര​പ്രാ​യ​ക്കാ​രെ​ക്കാ​ള​ധി​കം കുറെ​ക്കൂ​ടെ പ്രായം​കു​റഞ്ഞ കുട്ടി​ക​ളാണ്‌ പൊതു​വേ മാതാ​പി​താ​ക്ക​ളു​ടെ സഹായം സ്വീക​രി​ക്കാ​റു​ള്ളത്‌.

നിങ്ങളു​ടെ കുട്ടി​ക​ളോ​ടൊ​പ്പ​മി​രു​ന്നു പുസ്‌ത​കങ്ങൾ വായി​ക്കുക. “ഔപചാ​രിക പഠനത്തി​ന്റെ ഏതാണ്ട്‌ 75 ശതമാ​ന​വും നടക്കു​ന്നത്‌ വായന​യി​ലൂ​ടെ​യാണ്‌” എന്ന്‌ ഡേവിഡ്‌ ലൂയിസ്‌ അഭി​പ്രാ​യ​പ്പെ​ടു​ന്നു. നിങ്ങളു​ടെ കുട്ടി​യു​ടെ ഒഴു​ക്കോ​ടെ വായി​ക്കാ​നുള്ള പ്രാപ്‌തി വളർത്തി​യെ​ടു​ക്കു​ന്ന​തിൽ ഇപ്രകാ​രം നിങ്ങൾക്കു പ്രമു​ഖ​മായ ഒരു പങ്കു വഹിക്കാൻ കഴിയും. വായി​ക്കാൻ വീട്ടിൽവെച്ചു സഹായം ലഭിച്ചി​ട്ടുള്ള കുട്ടി​ക​ളു​ടെ പുരോ​ഗതി, സ്‌കൂ​ളിൽവെച്ചു വിദഗ്‌ധ അധ്യാ​പ​ക​രിൽനി​ന്നു സഹായം ലഭിച്ചി​ട്ടുള്ള കുട്ടി​ക​ളെ​ക്കാൾ മെച്ചമാ​ണെന്ന്‌ ഗവേഷണം സൂചി​പ്പി​ക്കു​ന്നു.

അതു​പോ​ലെ​ത​ന്നെ നല്ല കയ്യെഴുത്ത്‌ അഭ്യസി​ക്കു​ന്ന​തി​ലും ഗണിതം പഠിക്കു​ന്ന​തി​ലും നിങ്ങൾക്കു കുട്ടിയെ സഹായി​ക്കാ​നാ​കും. “അടിസ്ഥാന ഗണിതം പഠിക്കുന്ന കാര്യ​ത്തിൽ സഹായി​ക്കാൻ നിങ്ങൾ ഒരു ഗണിത​ശാ​സ്‌ത്ര പ്രതിഭ ആയിരി​ക്കേ​ണ്ട​തില്ല” എന്ന്‌ അധ്യാ​പ​ക​നായ റെറഡ്‌ റാഗ്‌ അഭി​പ്രാ​യ​പ്പെ​ടു​ന്നു. തീർച്ച​യാ​യും ഈ മണ്ഡലങ്ങ​ളിൽ നിങ്ങൾക്കു​തന്നെ എന്തെങ്കി​ലും പോരാ​യ്‌മ​യു​ണ്ടെ​ങ്കിൽ അതു നിങ്ങളു​ടെ കുട്ടി പഠിക്കുന്ന വിഷയ​ത്തിൽ യഥാർഥ താത്‌പ​ര്യം എടുക്കു​ന്ന​തിന്‌ ഒരു തടസ്സമാ​യി​രി​ക്ക​രുത്‌.

(2) പാഠ്യ​പ​ദ്ധ​തി​യെ​ക്കു​റി​ച്ചു നിങ്ങളു​ടെ കുട്ടി​യു​ടെ അധ്യാ​പ​ക​നോട്‌ ആരായുക. സ്‌കൂ​ളി​ന്റെ പ്രോ​സ്‌പെ​ക്ടസ്‌ വായി​ച്ചു​നോ​ക്കി നിങ്ങളു​ടെ കുട്ടി എന്താണു പഠിക്കാൻ പോകു​ന്ന​തെന്നു കണ്ടുപി​ടി​ക്കുക. സ്‌കൂൾ വർഷം തുടങ്ങു​ന്ന​തി​നു മുമ്പ്‌ അങ്ങനെ ചെയ്യു​ന്നത്‌ പ്രശ്‌ന​ങ്ങ​ളുള്ള മണ്ഡലങ്ങൾ സംബന്ധി​ച്ചു നിങ്ങളെ ജാഗരൂ​ക​രാ​ക്കും. പിന്നീട്‌, മാതാ​പി​താ​ക്ക​ളെന്ന നിലയി​ലുള്ള നിങ്ങളു​ടെ ആഗ്രഹങ്ങൾ എത്ര​ത്തോ​ളം ആദരി​ക്ക​പ്പെ​ടു​മെന്നു ചർച്ച ചെയ്യാൻ അധ്യാ​പ​കനെ സന്ദർശി​ക്കു​ന്നത്‌ നല്ല സഹകര​ണ​ത്തി​നു വഴി​യൊ​രു​ക്കും. അധ്യാ​പ​കർക്കു മാതാ​പി​താ​ക്ക​ളു​മാ​യി പരിച​യ​പ്പെ​ടാൻ വേദി​യൊ​രു​ക്കു​ന്ന​തിന്‌ സ്‌കൂൾ സംഘടി​പ്പി​ക്കുന്ന യോഗങ്ങൾ പ്രയോ​ജ​ന​പ്പെ​ടു​ത്തുക. മാതാ​പി​താ​ക്കൾക്കു സ്‌കൂൾ സന്ദർശി​ക്കാൻ കഴിയുന്ന പ്രത്യേക ദിവസ​ങ്ങ​ളിൽ അവിടം സന്ദർശിച്ച്‌ നിങ്ങളു​ടെ കുട്ടി​യു​ടെ അധ്യാ​പ​ക​രു​മാ​യി സംസാ​രി​ക്കുക. അത്തരം സമ്പർക്കങ്ങൾ അമൂല്യ​മെന്നു തെളി​യും, പ്രത്യേ​കി​ച്ചും പ്രശ്‌നങ്ങൾ ഉയർന്നു​വ​രു​മ്പോൾ.

(3) നിങ്ങളു​ടെ കുട്ടി​യു​ടെ ഐശ്ചിക വിഷയങ്ങൾ തിര​ഞ്ഞെ​ടു​ക്കാൻ സഹായി​ക്കുക. നിങ്ങളു​ടെ കുട്ടി​യു​ടെ ഇഷ്ടാനി​ഷ്ടങ്ങൾ അറിഞ്ഞി​രി​ക്കുക. മൂല്യ​വ​ത്തായ ലാക്കു​ക​ളെ​ക്കു​റി​ച്ചു സംസാ​രി​ക്കുക. സാധ്യ​മായ ഏതെല്ലാം ഐശ്ചിക വിഷയങ്ങൾ ഉണ്ടെന്നു കണ്ടുപി​ടി​ക്കാൻ അധ്യാ​പ​ക​രു​ടെ ഉപദേശം തേടുക. വിഷയങ്ങൾ തിര​ഞ്ഞെ​ടു​ക്കു​ന്ന​തിൽ മാർഗ​നിർദേശം തരാൻ അവർക്കു കഴിയും.

നല്ല ആശയവി​നി​മ​യ​ത്തി​ലൂ​ടെ മോശ​മായ വികാ​രങ്ങൾ ഒഴിവാ​ക്കാൻ കഴിയും. അനേകം സ്‌കൂ​ളു​ക​ളും ഉന്നത വിദ്യാ​ഭ്യാ​സം നേടാൻ മിടു​ക്ക​രായ കുട്ടി​ക​ളു​ടെ​മേൽ സമ്മർദം ചെലു​ത്തു​ന്നു. എന്നാൽ ക്രിസ്‌തീയ ശുശ്രൂ​ഷയെ തങ്ങളുടെ ജീവി​ത​വൃ​ത്തി​യാ​യി തിര​ഞ്ഞെ​ടു​ക്കുന്ന വിദ്യാർഥി​കൾ സാധാ​ര​ണ​മാ​യി ദീർഘ​കാല യൂണി​വേ​ഴ്‌സി​ററി വിദ്യാ​ഭ്യാ​സം ഏറെറ​ടു​ക്കാ​റില്ല. പകരം അനുബന്ധ വിദ്യാ​ഭ്യാ​സം അവർ തിര​ഞ്ഞെ​ടു​ക്കു​ന്നെ​ങ്കിൽ സാമ്പത്തി​ക​മാ​യി കഴിഞ്ഞു​പോ​കാൻ തങ്ങളെ സജ്ജരാ​ക്കുന്ന വിഷയങ്ങൾ അവർ കൂടുതൽ ഇഷ്ടപ്പെ​ടു​ന്നു. പഠിപ്പി​ക്കാൻ തങ്ങൾ ശ്രമി​ച്ചി​ട്ടുള്ള സകലത്തി​ന്റെ​യും ഒരു നിരസ്സ​ന​മാ​യി മനസ്സാ​ക്ഷി​ബോ​ധ​മുള്ള അധ്യാ​പകർ ഇതിനെ ചില​പ്പോൾ തെററി​ദ്ധ​രി​ച്ചേ​ക്കാം. നിങ്ങളു​ടെ കുട്ടി​യു​ടെ തിര​ഞ്ഞെ​ടുത്ത മണ്ഡലത്തിൽ അവനായി തുറന്നു​കി​ട​ക്കുന്ന അധിക​വി​ദ്യാ​ഭ്യാ​സ​ത്തി​ന്റെ സാധ്യ​ത​ക​ളെ​ക്കു​റി​ച്ചു അധ്യാ​പ​ക​രോ​ടു ക്ഷമാപൂർവം വിശദീ​ക​രി​ക്കു​ന്നത്‌, ക്രിസ്‌തീയ മാതാ​പി​താ​ക്കൾ അവരുടെ കുട്ടി​ക​ളു​ടെ പഠനം മുന്നോ​ട്ടു കൊണ്ടു​പോ​കാൻ ആഗ്രഹി​ക്കു​ന്ന​വ​രാ​ണെന്ന്‌ അധ്യാ​പ​കർക്ക്‌ ഉറപ്പു​കൊ​ടു​ക്കും.a

ഉചിത​മായ സമീപനം

വിജയ​പ്ര​ദ​മായ പങ്കാളി​ത്തങ്ങൾ നല്ല ആശയവി​നി​മ​യ​ത്തി​ലാണ്‌ അടിസ്ഥാ​ന​പ്പെ​ട്ടി​രി​ക്കു​ന്ന​തെന്ന്‌ ഓർത്തി​രി​ക്കു​ന്ന​പക്ഷം നിങ്ങളു​ടെ കുട്ടി​യു​ടെ വിദ്യാ​ഭ്യാ​സ​കാ​ര്യ​ത്തിൽ വളരെ ഉത്‌ക​ണ്‌ഠ​യും തലവേ​ദ​ന​യും നിങ്ങൾക്ക്‌ ഒഴിവാ​ക്കാ​നാ​കും.—“മാതാ​പി​താ​ക്ക​ളും അധ്യാ​പ​ക​രും തമ്മിലുള്ള നല്ല ആശയവി​നി​മ​യ​ത്തി​ലേ​ക്കുള്ള പടികൾ” എന്ന ശീർഷ​ക​ത്തി​ലുള്ള ചതുരം കാണുക.

പരാതി​പ്പെ​ടു​ക​യും വിമർശി​ക്കു​ക​യും ചെയ്യു​ന്ന​തി​നു പകരം അധ്യാ​പ​ക​രോട്‌ ആലോചന ചോദി​ച്ചു​കൊ​ണ്ടും അവരു​മാ​യി സഹകരി​ച്ചു​കൊ​ണ്ടും നിങ്ങളു​ടെ കുട്ടി​യു​ടെ വക്താവാ​യി​രി​ക്കുക. അങ്ങനെ ചെയ്യു​മ്പോൾ സ്‌കൂ​ളിൽനിന്ന്‌ ഏററവു​മ​ധി​കം പ്രയോ​ജനം നേടാൻ അതു കുട്ടിയെ സഹായി​ക്കും.

[അടിക്കു​റി​പ്പു​കൾ]

[10-ാം പേജിലെ ചതുരം]

മാതാപിതാക്കളും അധ്യാ​പ​ക​രും തമ്മിലുള്ള നല്ല ആശയവി​നി​മ​യ​ത്തി​ലേ​ക്കുള്ള പടികൾ

1. നിങ്ങളു​ടെ കുട്ടി​യു​ടെ അധ്യാ​പ​ക​രു​മാ​യി പരിച​യ​പ്പെ​ടുക.

2. ഏതെങ്കി​ലും പരാതി​കൾ ഉന്നയി​ക്കു​ന്ന​തി​നു മുമ്പു നിങ്ങളു​ടെ വസ്‌തു​തകൾ രണ്ടുവട്ടം പരി​ശോ​ധി​ക്കുക.

3. നിങ്ങൾ പ്രക്ഷു​ബ്ധ​നോ കോപി​ഷ്‌ഠ​നോ ആണെങ്കിൽ, അധ്യാ​പ​ക​നോ​ടു സംസാ​രി​ക്കു​ന്ന​തി​നു മുമ്പായി കോപാ​വ​സ്ഥ​യ്‌ക്കു മാററം വരുത്തുക.

4. അധ്യാ​പ​ക​നു​മാ​യി കൂടി​ക്കാ​ണു​ന്ന​തി​നു മുമ്പ്‌, നിങ്ങൾ ചോദി​ക്കാൻ ആഗ്രഹി​ക്കുന്ന ചോദ്യ​ങ്ങൾ എഴുതി​യി​ടു​ക​യും നേടാൻ നിങ്ങൾ പ്രത്യാ​ശി​ക്കുന്ന ലാക്കുകൾ പട്ടിക​പ്പെ​ടു​ത്തു​ക​യും ചെയ്യുക.

5. നിങ്ങളു​ടെ നിലപാ​ടെ​ന്തെന്ന്‌ ഉറപ്പാ​യും വ്യക്തമാ​യും പ്രസ്‌താ​വി​ക്കുക. എന്നിട്ട്‌ എന്തെങ്കി​ലും പ്രശ്‌ന​ങ്ങ​ളു​ണ്ടെ​ങ്കിൽ അവ തരണം ചെയ്യു​ന്ന​തിന്‌ എന്തു പ്രാ​യോ​ഗിക നടപടി​കൾ സ്വീക​രി​ക്കാൻ കഴിയു​മെന്നു കാണു​ന്ന​തിന്‌ അധ്യാ​പ​ക​നു​മാ​യി സഹകരി​ക്കുക.

6. നിങ്ങ​ളെ​ത്തന്നെ അധ്യാ​പ​കന്റെ സ്ഥാനത്തു നിർത്തുക. അദ്ദേഹ​ത്തി​ന്റെ സ്ഥാനത്താ​ണെ​ങ്കിൽ നിങ്ങൾ എന്തു ചെയ്യു​മെന്നു സ്വയം ചോദി​ക്കുക. തൃപ്‌തി​ക​ര​മായ പരിണ​ത​ഫലം നേടാൻ ഇതു നിങ്ങളെ സഹായി​ക്കും.

7. ശ്രദ്ധ​വെച്ചു കേൾക്കു​ക​യും ഉചിത​മാ​യി​രി​ക്കു​മ്പോൾ സംസാ​രി​ക്കു​ക​യും ചെയ്യുക. ചില കാര്യങ്ങൾ നിങ്ങൾക്കു മനസ്സി​ലാ​കു​ന്നി​ല്ലെ​ങ്കിൽ ചോദ്യ​ങ്ങൾ ചോദി​ക്കാൻ ഭയപ്പെ​ടേ​ണ്ട​തില്ല. പറയുന്ന കാര്യ​ത്തോട്‌ നിങ്ങൾ വിയോ​ജി​ക്കു​ന്നെ​ങ്കിൽ, അത്‌ എന്തു​കൊ​ണ്ടെന്നു മര്യാ​ദ​പൂർവം വിശദീ​ക​രി​ക്കുക.

—ഡോക്ടർ ഡേവിഡ്‌ ലൂയി​സി​ന്റെ സ്‌കൂൾ ജീവി​ത​ത്തിൽ നിങ്ങളു​ടെ കുട്ടിയെ സഹായി​ക്കുക എന്ന പുസ്‌ത​കത്തെ അധിക​രി​ച്ചത്‌.

[9-ാം പേജിലെ ചിത്രം]

നിങ്ങളുടെ കുട്ടി​യോ​ടൊ​പ്പ​മി​രു​ന്നു വായി​ക്കു​ക

[9-ാം പേജിലെ ചിത്രം]

സ്‌കൂൾ പാഠ്യ​പ​ദ്ധതി സംബന്ധി​ച്ചു ചർച്ച ചെയ്യാൻ അധ്യാ​പ​കരെ സന്ദർശി​ക്കു​ക

[9-ാം പേജിലെ ചിത്രം]

ഐശ്ചിക വിഷയങ്ങൾ തിര​ഞ്ഞെ​ടു​ക്കാൻ നിങ്ങളു​ടെ കുട്ടിയെ സഹായി​ക്കു​ക