യുവജ​നങ്ങൾ ചോദി​ക്കു​ന്നു. . .

ദൈവ​ത്തെ​ക്കു​റി​ച്ചു സംസാ​രി​ക്കു​ന്നത്‌ എന്തിന്‌?

“ഓരോ​രു​ത്തർക്കും സ്വന്തം മതമുണ്ട്‌. നിങ്ങൾ നിങ്ങളു​ടെ ദൈവത്തെ മററു​ള്ള​വ​രിൽ അടി​ച്ചേൽപ്പി​ക്കാൻ ശ്രമി​ക്ക​രുത്‌.”—14 വയസ്സു​കാ​രൻ രാശേഷ്‌, ഗയാനാ.

“തുടർന്നു​ണ്ടാ​കുന്ന പരിഹാ​സം ഓർക്കു​മ്പോ​ഴുള്ള ലജ്ജ നിമിത്തം ദൈവ​ത്തെ​ക്കു​റി​ച്ചു സംസാ​രി​ക്കാൻ എനിക്കു വൈമ​ന​സ്യ​മാണ്‌.”—17 വയസ്സു​കാ​രൻ രോഹൻ, ഗയാന.

“ദൈവം നമ്മുടെ സ്രഷ്ടാ​വാ​ക​യാ​ലും നമ്മുടെ ജീവനു നാം അവനോ​ടു കടപ്പെ​ട്ടി​രി​ക്കു​ന്ന​തി​നാ​ലും നാം അവനെ​ക്കു​റി​ച്ചു സംസാ​രി​ക്കണം.”—13 വയസ്സു​കാ​രൻ മാർക്കോ, ജർമനി.

യുവജ​ന​ങ്ങ​ളു​ടെ ഒരു കൂട്ടം സംസാ​രി​ക്കു​ന്നതു ശ്രദ്ധി​ച്ചാൽ നിങ്ങൾ ഈ സങ്കടക​ര​മായ നിഗമ​ന​ത്തി​ലെ​ത്താ​നി​ട​യുണ്ട്‌: തീർച്ച​യാ​യും യുവജ​ന​ങ്ങ​ളു​ടെ ഇടയിൽ ഏറിയ പങ്കി​ന്റെ​യും ഏററവും പ്രീതി​യുള്ള സംസാ​ര​വി​ഷ​യ​മേയല്ല ദൈവം. സ്‌പോർട്ട്‌സ്‌, വസ്‌ത്രങ്ങൾ, ഏററവും പുത്തൻ ചലച്ചി​ത്രങ്ങൾ, വിപരീ​ത​ലിം​ഗ​വർഗം—ഈ വകയെ​ക്കു​റി​ച്ചു സംസാ​രി​ക്കുക, എങ്കിൽ നിങ്ങൾ സാധാ​ര​ണ​മാ​യി ഒരു സജീവ ചർച്ചക്കു വഴിമ​രു​ന്നി​ടാ​നി​ട​യുണ്ട്‌. പക്ഷേ, ദൈവ​ത്തെ​ക്കു​റി​ച്ചു പറയാൻ മുതിർന്നാൽ ഒരു മൂടൽമ​ഞ്ഞു​പോ​ലെ കനത്ത നിശബ്ദത പരക്കാ​നാ​ണു സാദ്ധ്യത.

ചില യുവജ​നങ്ങൾ കേവലം ദൈവ​ത്തിൽ വിശ്വ​സി​ക്കു​ന്നില്ല. അവർക്ക്‌ അവനെ കാണാൻ കഴിയാ​ത്ത​തി​നാൽ അവൻ സ്ഥിതി​ചെ​യ്യു​ന്നു​ണ്ടാ​വില്ല—അവനെ​ക്കു​റി​ച്ചുള്ള സംസാരം സമയം പാഴാ​ക്ക​ലാ​ണെന്നു തോന്നു​ന്നു. എന്നിരു​ന്നാ​ലും, യുവജ​ന​ങ്ങ​ളു​ടെ ഇടയിൽ നിരീ​ശ്വ​രൻമാർ ന്യൂന​പ​ക്ഷ​മാ​ണെന്നു തീർച്ച​യാണ്‌. ഒരു ഗാലപ്‌ അഭി​പ്രായ വോ​ട്ടെ​ടു​പ്പ​നു​സ​രിച്ച്‌ ഐക്യ​നാ​ടു​ക​ളി​ലെ യുവജ​ന​ങ്ങ​ളു​ടെ ഏതാണ്ടു 95 ശതമാനം ദൈവ​ത്തിൽ വിശ്വ​സി​ക്കു​ക​തന്നെ ചെയ്യുന്നു. യഥാർഥ​ത്തിൽ, ഗാലപ്‌ ഇങ്ങനെ നിഗമ​നം​ചെ​യ്‌തു: “അനേകം യുവജ​ന​ങ്ങൾക്കു തങ്ങളുടെ സങ്കല്‌പ​ത്തി​ലുള്ള ദൈവം അവ്യക്ത​വും അമൂർത്ത​വു​മായ ഒരു തത്ത്വമല്ല, പിന്നെ​യോ തങ്ങളുടെ പ്രവർത്ത​നങ്ങൾ നിരീ​ക്ഷി​ക്കു​ക​യും അതനു​സ​രി​ച്ചു അവർക്കു പ്രതി​ഫ​ല​മോ ശിക്ഷയോ കൊടു​ക്കു​ക​യും ചെയ്യുന്ന ഒരു ആളത്വ​മുള്ള ദൈവ​മാണ്‌.” അപ്പോൾ, തങ്ങൾ വിശ്വ​സി​ക്കു​ന്ന​തി​നെ​ക്കു​റി​ച്ചു സംസാ​രി​ക്കാൻ യുവജ​ന​ങ്ങ​ളിൽ ഒട്ടേറെ പേർക്കു വിമുഖത ഉള്ളത്‌ എന്തു​കൊണ്ട്‌?

ചിലർ പിൻമാ​റി​നിൽക്കു​ന്ന​തി​ന്റെ കാരണം

വിശ്വാ​സ​കാ​ര്യ​ങ്ങ​ളെ​ക്കു​റി​ച്ചു സംസാ​രി​ക്കു​ന്നത്‌ അപമര്യാ​ദ​യാ​ണെ​ന്നും മതപര​മായ ആശയങ്ങൾ അവനവന്റെ ഉള്ളിൽ സൂക്ഷി​ക്കു​ന്ന​താണ്‌ ഏററം നല്ലതെ​ന്നും പലരും ചിന്തി​ക്കു​ന്ന​താ​യി തോന്നു​ന്നു. ദൈവ​ത്തെ​ക്കു​റി​ച്ചു ചർച്ച​ചെ​യ്യു​ക​യെന്ന ആശയം​തന്നെ ചില ചെറു​പ്പ​ക്കാർക്ക്‌ അമ്പരപ്പി​നു കാരണ​മാണ്‌. ‘അങ്ങനെ ചെയ്യു​ന്നത്‌ അത്ര പന്തിയല്ല,’ അവർ ന്യായ​വാ​ദം​ചെ​യ്യു​ന്നു.

നിങ്ങളു​ടെ സമപ്രാ​യ​ക്കാ​രു​ടെ കാഴ്‌ച​പ്പാട്‌ എന്തായി​രു​ന്നാ​ലും, ഈ പ്രശ്‌ന​ത്തിൽ നിങ്ങൾ എവിടെ നില​കൊ​ള്ളു​ന്നു? നിങ്ങൾ യഹോ​വ​യു​ടെ സാക്ഷി​ക​ളി​ലൊ​രാ​ളാ​യി​ട്ടാ​ണു വളർത്ത​പ്പെ​ട്ട​തെ​ങ്കിൽ ഈ പ്രശ്‌നം വിശേ​ഷാൽ പ്രസക്ത​മാണ്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ സാക്ഷീ​ക​രണം, ദൈവ​ത്തെ​ക്കു​റി​ച്ചു മററു​ള്ള​വ​രോ​ടു സംസാ​രി​ക്കു​ന്നത്‌, ആ വിശ്വാ​സ​ത്തി​ന്റെ കാതൽത​ന്നെ​യാണ്‌!—യെശയ്യാ​വു 43:9, 10; മത്തായി 24:14.

അങ്ങനെ​യാ​ണെ​ങ്കിൽപ്പോ​ലും, സാക്ഷി​ക​ളായ ചില ചെറു​പ്പ​ക്കാർ ചില​പ്പോ​ഴൊ​ക്കെ അവർ അഭിമു​ഖീ​ക​രി​ക്കുന്ന എതിർപ്പു നിമിത്തം നിരു​ത്സാ​ഹി​ത​രാ​യി പൊതു പ്രസം​ഗ​വേ​ല​യിൽ ഏർപ്പെ​ടു​ന്ന​തിൽനി​ന്നു പിൻമാ​റി​നിൽക്കു​ന്നു—അല്ലെങ്കിൽ തങ്ങളുടെ മാതാ​പി​താ​ക്ക​ളു​ടെ പ്രേര​ണ​നി​മി​ത്തം മാത്രം പങ്കെടു​ക്കു​ന്നു. മററു ചിലർ ആ വേലയിൽ പങ്കെടു​ക്കു​ന്നു, എന്നാൽ തങ്ങളുടെ സതീർഥ്യ​രിൽ ആരും അവർ അങ്ങനെ ചെയ്യു​ന്ന​താ​യി കാണരു​തേ എന്നു രഹസ്യ​മാ​യി ആശിക്കു​ന്നു. സ്‌കൂ​ളിൽ, ചിലർ തങ്ങളുടെ മതവി​ശ്വാ​സ​ങ്ങളെ ഒരു രഹസ്യ​മാ​യി സൂക്ഷി​ക്കാൻ ശ്രമി​ക്കു​ന്നു. മിക്ക​പ്പോ​ഴും ഇതിനു കാരണം സഹപാ​ഠി​ക​ളിൽനി​ന്നുള്ള പരിഹാ​സത്തെ അവർ ഭയപ്പെ​ടു​ന്നു​വെ​ന്ന​താണ്‌. “ദൈവ​ത്തെ​ക്കു​റി​ച്ചു പറയാൻ എനിക്കു പേടി​യാണ്‌,” ചെറു​പ്പ​ക്കാ​രി​യായ റയൻ സമ്മതി​ക്കു​ന്നു, “എന്തു​കൊ​ണ്ടെ​ന്നാൽ എന്റെ കൂട്ടു​കാർ എന്നെ ചീത്ത വിളി​ക്കു​മാ​യി​രു​ന്നു, സംസാരം തുടരാൻ എനിക്കു ധൈര്യ​മി​ല്ലാ​യി​രു​ന്നു.”

ഇനി ബൈബിൾപ്ര​മാ​ണ​ങ്ങ​ള​നു​സ​രി​ച്ചു പൂർണ​മാ​യി ജീവി​ക്കാൻ കഴിയി​ല്ലെന്നു ഭയപ്പെ​ടു​ന്ന​തു​കൊ​ണ്ടു പിൻമാ​റി​നിൽക്കു​ന്ന​വ​രുണ്ട്‌. “യൌവ​ന​സ​ഹ​ജ​മായ മോഹങ്ങ”ളുടെ ആകർഷണം തോന്നി എന്തെങ്കി​ലും തെററു ചെയ്‌താ​ലോ എന്നുവച്ച്‌ ക്രിസ്‌ത്യാ​നി​ക​ളാ​യി തങ്ങളേ​ത്തന്നെ തിരി​ച്ച​റി​യി​ക്കാ​തി​രി​ക്കു​ന്ന​താ​യി​രി​ക്കും ഏററവും നല്ലതെന്ന്‌ അവർ ന്യായ​വാ​ദം​ചെ​യ്യു​ന്നു.—2 തിമൊ​ഥെ​യൊസ്‌ 2:22.

ചിലർ ദൈവ​ത്തെ​ക്കു​റി​ച്ചു സംസാ​രി​ക്കാ​ത്തത്‌ അവർ അതിന്‌ അപ്രാ​പ്‌ത​രാ​ണെന്നു വിചാ​രി​ക്കു​ന്ന​തു​കൊ​ണ്ടു മാത്ര​മാണ്‌. പത്തൊൻപ​തു​വ​യ​സ്സു​കാ​ര​നായ വിൽററൻ അതിങ്ങനെ പ്രസ്‌താ​വി​ച്ചു: “ഞാൻ ദൈവ​ത്തെ​ക്കു​റി​ച്ചു പറഞ്ഞ കാര്യ​ങ്ങൾക്കു മതിയായ കാരണങ്ങൾ കൊടു​ക്കാൻ എനിക്കു പ്രാപ്‌തി​യില്ല എന്നു വിചാ​രി​ച്ച​തു​കൊണ്ട്‌ എന്റെ കൂട്ടു​ജോ​ലി​ക്കാ​രോട്‌ അവനെ​ക്കു​റി​ച്ചു പറയാൻ പ്രയാസം തോന്നി. എന്റെ വിശ്വാ​സ​ങ്ങ​ളെ​പ്രതി എന്നെ വെല്ലു​വി​ളി​ച്ചാൽ എനിക്കു തൃപ്‌തി​ക​ര​മായ ഉത്തരം ഉണ്ടാവി​ല്ലെന്ന്‌ എനിക്കു തോന്നി.”

ഒരു ക്രിസ്‌തീയ കടപ്പാട്‌

ഇതു​പോ​ലുള്ള കാരണ​ങ്ങ​ളാൽ ദൈവ​ത്തെ​ക്കു​റി​ച്ചു സംസാ​രി​ക്കു​ന്ന​തിൽനി​ന്നു നിങ്ങളും പിൻമാ​റി​നിൽക്കു​ക​യാ​യി​രി​ക്കു​മോ? അങ്ങനെ​യെ​ങ്കിൽ, നിങ്ങൾ ഒററക്കല്ല. മററു യുവാ​ക്ക​ളും ഇതേ വിചാ​ര​ങ്ങ​ളു​മാ​യി മല്ലടി​ച്ചി​ട്ടുണ്ട്‌. എന്നിരു​ന്നാ​ലും, അങ്ങനെ ചെയ്യു​ന്ന​തിൽനി​ന്നു നിരു​ത്സാ​ഹ​പ്പെ​ടു​ത്തി​യേ​ക്കാ​വുന്ന സകല കാര്യ​ങ്ങ​ളും ഗണ്യമാ​ക്കാ​തെ മററു​ള്ള​വ​രോ​ടു ദൈവ​ത്തെ​ക്കു​റി​ച്ചു സംസാ​രി​ക്കാൻ നിർബ​ന്ധ​കാ​ര​ണ​ങ്ങ​ളുണ്ട്‌. ഇവയിൽ ചിലത്‌ എന്തൊ​ക്കെ​യാണ്‌?

തുടക്ക​ത്തിൽ പറഞ്ഞ യുവ മാർക്കോ, “ദൈവം നമ്മുടെ സ്രഷ്ടാ​വാ​യ​തു​കൊ​ണ്ടും നമ്മുടെ ജീവനു നമ്മൾ അവനോ​ടു കടപ്പെ​ട്ടി​രി​ക്കു​ന്ന​തു​കൊ​ണ്ടും നാം അവനെ​ക്കു​റി​ച്ചു സംസാ​രി​ക്കണം” എന്നു പറഞ്ഞതു വളരെ ഉചിത​മാ​യി​രു​ന്നു. (വെളി​പ്പാ​ടു 4:11) അതേ, ജീവൻ വില​യേ​റിയ ഒരു ദാനമാണ്‌. ദൈവ​ത്തെ​സം​ബ​ന്ധി​ച്ചു “നിന്റെ പക്കൽ ജീവന്റെ ഉറവു​ണ്ട​ല്ലോ” എന്നു സങ്കീർത്ത​ന​ക്കാ​രൻ പറഞ്ഞു. (സങ്കീർത്തനം 36:9) ഈ ദാനം ലഭിച്ചി​രി​ക്ക​കൊണ്ട്‌ നിങ്ങൾ അതിനു നന്ദി പ്രകടി​പ്പി​ക്കേ​ണ്ട​തല്ലേ?

നന്ദി പ്രകട​മാ​ക്കാ​നുള്ള ഒരു മാർഗം മററു​ള്ള​വ​രു​ടെ സാന്നി​ദ്ധ്യ​ത്തിൽ യഹോ​വ​യാം ദൈവത്തെ സ്‌തു​തി​ക്കു​ക​യാണ്‌. അവനാണു സൂര്യ​ന്റെ​യും ചന്ദ്ര​ന്റെ​യും മഴയു​ടെ​യും നാം ശ്വസി​ക്കുന്ന വായു​വി​ന്റെ​യും നാം ഭക്ഷിക്കുന്ന ആഹാര​ത്തി​ന്റെ​യും കാരണ​ഭൂ​തൻ. (പ്രവൃ​ത്തി​കൾ 14:15-17) “എല്ലാ നല്ല ദാനവും തികഞ്ഞ വരം ഒക്കയും ഉയരത്തിൽനി​ന്നു” വരുന്നു​വെന്നു ശിഷ്യ​നായ യാക്കോബ്‌ പറഞ്ഞു. (യാക്കോബ്‌ 1:17) ഈ ദാനങ്ങളെ പ്രതി നിങ്ങൾ ദൈവ​ത്തി​നു നന്ദി കൊടു​ക്കു​ന്നു​വോ? (കൊ​ലൊ​സ്സ്യർ 3:15) നിങ്ങളു​ടെ നന്ദി പ്രകടി​പ്പി​ക്കു​ന്ന​തി​നു ദൈവ​ത്തെ​ക്കു​റി​ച്ചു സംസാ​രി​ക്കു​ന്ന​തി​നെ​ക്കാൾ നല്ല മാർഗ​മെ​ന്തുണ്ട്‌?—ലൂക്കൊസ്‌ 6:45.

യഥാർഥ​ത്തിൽ, തന്നേക്കു​റി​ച്ചു സംസാ​രി​ക്കാൻ ദൈവം നമ്മോടു കല്‌പി​ക്കു​ന്നു. “ആകയാൽ നിങ്ങൾ പുറ​പ്പെട്ടു . . . സകല ജാതി​ക​ളെ​യും ശിഷ്യ​രാ​ക്കി​ക്കൊൾവിൻ” എന്ന്‌ അവന്റെ പുത്ര​നായ യേശു​ക്രി​സ്‌തു ക്രിസ്‌ത്യാ​നി​ക​ളോ​ടു കല്‌പി​ച്ചു. (മത്തായി 28:19, 20) ഈ വേലയിൽ പങ്കെടു​ക്കാ​നുള്ള ഉത്തരവാ​ദി​ത്വ​ത്തിൽനി​ന്നു യുവജ​നങ്ങൾ ഒഴിവാ​ക്ക​പ്പെ​ടു​ന്നില്ല. സങ്കീർത്ത​ന​ക്കാ​രൻ ഇങ്ങനെ കല്‌പി​ക്കു​ന്നു: “യഹോ​വയെ സ്‌തു​തി​പ്പിൻ . . . യുവാ​ക്ക​ളും യുവതി​ക​ളും വൃദ്ധൻമാ​രും ബാലൻമാ​രും ഇവരൊ​ക്കെ​യും യഹോ​വ​യു​ടെ നാമത്തെ സ്‌തു​തി​ക്കട്ടെ; അവന്റെ നാമം മാത്രം ഉയർന്നി​രി​ക്കു​ന്നതു. അവന്റെ മഹത്വം ഭൂമി​ക്കും ആകാശ​ത്തി​ന്നും മേലാ​യി​രി​ക്കു​ന്നു.” (സങ്കീർത്തനം 148:7, 12, 13) എന്നാൽ ഈ നിയോ​ഗത്തെ നിങ്ങൾ ഒരു ഭാരമാ​യി കരു​തേ​ണ്ട​തില്ല. യഥാർഥ​ത്തിൽ, അത്‌ ഒരു പദവി​യാണ്‌—നിങ്ങൾക്കു വാസ്‌ത​വ​മാ​യി ‘ദൈവ​ത്തി​ന്റെ കൂട്ടു​വേ​ല​ക്കാ​രിൽ’ ഒരാളാ​യി​രി​ക്കാൻ കഴിയും.—1 കൊരി​ന്ത്യർ 3:9.

നിങ്ങൾക്കു യോഗ്യ​ത​യു​ണ്ടെന്നു കേവലം തോന്നു​ന്നി​ല്ലെ​ങ്കി​ലോ? ബൈബിൾകാ​ല​ങ്ങ​ളിൽ പ്രവാ​ച​ക​നായ യിരെ​മ്യാ​വി​നു അങ്ങനെ​യുള്ള വിചാ​രങ്ങൾ ഉണ്ടായി​രു​ന്നു. “അയ്യോ യഹോ​വ​യായ കർത്താവേ, എനിക്കു സംസാ​രി​പ്പാൻ അറിഞ്ഞു​കൂ​ടാ; ഞാൻ ബാലന​ല്ലോ” എന്ന്‌ അദ്ദേഹം പറഞ്ഞു. യഹോ​വ​യു​ടെ പ്രതി​വ​ചനം എന്തായി​രു​ന്നു? “ഞാൻ ബാലൻ എന്നു നീ പറയരുത്‌; ഞാൻ നിന്നെ അയക്കുന്ന ഏവരു​ടെ​യും അടുക്കൽ നീ പോക​യും ഞാൻ നിന്നോ​ടു കല്‌പി​ക്കു​ന്ന​തൊ​ക്കെ​യും സംസാ​രി​ക്കു​ക​യും വേണം.” (യിരെ​മ്യാ​വു 1:6, 7) യഹോ​വ​യു​ടെ സഹായ​ത്താൽ 40 വർഷം യിരെ​മ്യാവ്‌ അതുതന്നെ ചെയ്‌തു!

ഇന്നത്തെ ക്രിസ്‌ത്യാ​നി​കളെ സംബന്ധി​ച്ചും അങ്ങനെ​ത​ന്നെ​യാണ്‌, “ഞങ്ങളുടെ പ്രാപ്‌തി ദൈവ​ത്തി​ന്റെ ദാനമ​ത്രേ.” (2 കൊരി​ന്ത്യർ 3:5) നിങ്ങൾ സ്വഭാ​വ​വ​ശാൽത്തന്നെ ലജ്ജയോ​ടെ പിൻവാ​ങ്ങുന്ന തരക്കാ​ര​നാ​യാ​ലും സംസാ​രി​ക്കാ​നുള്ള ധൈര്യം ലഭിക്കാൻ ദൈവ​ത്തി​നു നിങ്ങളെ സഹായി​ക്കാൻ കഴിയും. ദൈവ​വ​ച​ന​ത്തി​ന്റെ ഒരു ഉപദേ​ഷ്ടാ​വെന്ന നിലയിൽ കൂടുതൽ ‘പ്രാപ്‌ത​നാ​യി’ത്തീരു​ന്ന​തി​നു നിങ്ങളെ സഹായി​ക്കാൻ കഴിയുന്ന കരുത​ലു​കൾ ക്രിസ്‌തീയ സഭക്കു​ള്ളി​ലുണ്ട്‌. എന്തെങ്കി​ലും വ്യക്തി​പ​ര​മായ സഹായം നിങ്ങൾക്ക്‌ ആവശ്യ​മു​ണ്ടെന്നു തോന്നു​ന്നു​വെ​ങ്കിൽ, സഭാ​മേൽവി​ചാ​ര​കൻമാ​രി​ലൊ​രാ​ളോ​ടു നിങ്ങൾക്ക്‌ എന്തു​കൊ​ണ്ടു സംസാ​രി​ച്ചു​കൂ​ടാ? ആകെ വേണ്ടതു വ്യക്തി​പ​ര​മായ ബൈബി​ള​ദ്ധ്യ​യന പരിപാ​ടി വികസി​പ്പി​ക്കു​ക​യോ കൂടുതൽ അനുഭ​വ​പ​രി​ച​യ​മുള്ള ആരോ​ടെ​ങ്കി​ലു​മൊ​ത്തു പ്രവർത്തി​ക്കു​ക​യോ മാത്ര​മാ​യി​രി​ക്കാം.

നിങ്ങൾക്കു സാധി​ക്കു​ന്നത്‌

ദൈവ​ത്തെ​ക്കു​റി​ച്ചുള്ള സംസാ​ര​ത്തി​നു നിങ്ങൾക്കു നേട്ടത്തി​ന്റെ ഒരു യഥാർഥ ബോധം പകർന്നു​ത​രാൻ കഴിയും. ഒരു സംഗതി, നിങ്ങളു​ടെ സമപ്രാ​യ​ക്കാ​രിൽ അനേകർ ഉത്തരങ്ങൾക്കു​വേണ്ടി പരതു​ക​യാണ്‌, മിക്കവാ​റും സഹായ​ത്തി​നാ​യി കേഴു​ക​യാണ്‌ എന്നതാണ്‌. അവർക്കു ലക്ഷ്യ​ബോ​ധ​മില്ല, ഭാവി​യെ​ക്കു​റി​ച്ചുള്ള വ്യക്തമായ ദർശന​വു​മില്ല. ‘നാം ഇവിടെ ആയിരി​ക്കു​ന്നത്‌ എന്തു​കൊണ്ട്‌? നാം എങ്ങോട്ടു പോകു​ന്നു? ലോക​ത്തിൽ ഇത്ര കുഴപ്പം നിറഞ്ഞി​രി​ക്കു​ന്നത്‌ എന്തു​കൊണ്ട്‌?’ എന്നറി​യാൻ അവർക്ക്‌ ആഗ്രഹ​മുണ്ട്‌. ഒരു ക്രിസ്‌ത്യാ​നി​യെന്ന നിലയിൽ നിങ്ങൾക്ക്‌ ഉത്തരങ്ങൾ ഉണ്ട്‌, നിങ്ങളു​ടെ സമപ്രാ​യ​ക്കാർക്ക്‌ അങ്ങനെ​യുള്ള അറിവു പകർന്നു​കൊ​ടു​ക്കാൻ ഏററവും പററിയ സ്ഥാനത്താ​യി​രി​ക്കു​ന്നതു നിങ്ങളാ​യി​രി​ക്കാ​നാ​ണിട. അവർക്കു നിങ്ങ​ളോ​ടു ബന്ധം സ്ഥാപി​ക്കാൻ കഴിയും, ഒരു മുതിർന്ന ആളെ അപേക്ഷിച്ച്‌ അവരുടെ പ്രായ​ത്തി​ലുള്ള ഒരാ​ളോ​ടു സംസാ​രി​ക്കാ​നു​മി​ട​യുണ്ട്‌.

ചില സമയങ്ങ​ളിൽ നിങ്ങൾ നിരസ​നത്തെ അഭിമു​ഖീ​ക​രി​ക്കു​മെ​ന്നു​ള്ളതു സത്യം​തന്നെ. എന്നാൽ ബൈബി​ളി​ന്റെ സന്ദേശ​ത്തി​നു ചെവി​കൊ​ടു​ക്കുന്ന വ്യക്തി​ക​ളെ​യും നിങ്ങൾ കണ്ടെത്തും. ഒരു യുവസാ​ക്ഷി യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങളുംa എന്ന പുസ്‌ത​ക​ത്തി​ന്റെ സ്വന്തം പ്രതി വായി​ച്ചു​കൊണ്ട്‌ ഒരു ബസ്സിൽ ഇരിക്കു​ക​യാ​യി​രു​ന്നു. അവളുടെ അടുത്തി​രുന്ന ഒരു ആൺകുട്ടി ഒപ്പം വായി​ക്കാൻ തുടങ്ങി. “ഇതു നല്ല ഒരു പുസ്‌ത​ക​മാണ്‌!” ആൺകുട്ടി ആശ്ചര്യ​പൂർവം പറഞ്ഞു. “ഈ പുസ്‌തകം ദൈവ​ത്തെ​ക്കു​റി​ച്ചു ധാരാളം പറയു​ന്നുണ്ട്‌. മിക്കയാ​ളു​ക​ളും മതത്തിൽ തത്‌പ​രരല്ല.” യുവസാ​ക്ഷി ദൈവ​നാ​മം എന്ന വിഷയത്തെ അടിസ്ഥാ​ന​പ്പെ​ടു​ത്തി ഗഹനമായ ഒരു ചർച്ച നടത്തു​ന്ന​തിന്‌ ഇതൊരു അവസര​മാ​യി ഉപയോ​ഗി​ച്ചു.

നിങ്ങൾ ഒരു ക്രിസ്‌ത്യാ​നി​യാ​യി നിങ്ങളെ തിരി​ച്ച​റി​യി​ക്കു​മ്പോൾ ഒരു ക്രിസ്‌ത്യാ​നി​യാ​യി​ത്തന്നെ പെരു​മാ​റാൻ നിങ്ങൾക്കു കടപ്പാ​ടുണ്ട്‌. (1 പത്രൊസ്‌ 2:12) എന്നാൽ നല്ല ക്രിസ്‌തീയ നടത്ത നിങ്ങളു​ടെ സന്ദേശ​ത്തി​ന്റെ ബഹുമതി വർദ്ധി​പ്പി​ക്കു​ക​യേ​യു​ള്ളു. എറിക്‌ എന്നു പേരുള്ള ഒരു യുവാ​വി​ന്റെ അനുഭവം പരിചി​ന്തി​ക്കുക. തന്റെ സ്‌കൂ​ളി​ലെ സാക്ഷി​ക​ളായ യുവജ​ന​ങ്ങ​ളു​ടെ നല്ല നടത്തയിൽ അവനു മതിപ്പു​തോ​ന്നി. ഇതു ദൈവ​ത്തെ​ക്കു​റി​ച്ചു കൂടു​ത​ല​റി​യാ​നുള്ള അവന്റെ താത്‌പ​ര്യ​ത്തെ ഉണർത്തി. അവനു​മാ​യി ഒരു ബൈബി​ള​ദ്ധ്യ​യനം തുടങ്ങി. ഇന്ന്‌ അവൻ യഹോ​വ​യു​ടെ സാക്ഷി​ക​ളു​ടെ ന്യൂ​യോർക്കി​ലെ ലോക ആസ്ഥാനത്തു സേവി​ക്കുന്ന ഒരു ക്രിസ്‌ത്യാ​നി​യാണ്‌.

ദൈവ​ത്തെ​ക്കു​റി​ച്ചുള്ള സംസാ​ര​ത്തി​നു നിങ്ങ​ളെ​യും സഹായി​ക്കാൻ കഴിയും! അതിന്‌ ഒരു സംരക്ഷ​ണ​മാ​യി​രി​ക്കാൻ കഴിയും. നിങ്ങളു​ടെ കൂട്ടു​കാർ നിങ്ങൾ യഹോ​വ​യു​ടെ സാക്ഷി​ക​ളി​ലൊ​രാ​ളാ​ണെ​ന്ന​റി​യു​മ്പോൾ അവരിൽ പലരും നിങ്ങളെ ബഹുമാ​നി​ക്കും. നിങ്ങൾക്ക്‌ ഉയർന്ന നിലവാ​ര​ങ്ങ​ളു​ണ്ടെ​ന്നും ദുഷ്‌പ്ര​വൃ​ത്തി​യി​ലേർപ്പെ​ടാൻ നിങ്ങളു​ടെ​മേൽ സമ്മർദം ചെലു​ത്താൻ ശ്രമി​ക്കു​മ്പോൾ പ്രതി​ക​ര​ണ​മാ​യി നിങ്ങൾ അവർക്ക്‌ ഒരു സാക്ഷ്യം​കൊ​ടു​ക്കാ​നി​ട​യു​ണ്ടെ​ന്നും അവർ തിരി​ച്ച​റി​യു​മ്പോൾ അവർ അങ്ങനെ ചെയ്യു​ന്ന​തിന്‌ അധികം ചായ്‌വു കാണി​ക്കു​ക​യില്ല.

തീർച്ച​യാ​യും, നിങ്ങൾ വായ്‌ തുറക്കു​മ്പോ​ഴെ​ല്ലാം തിരു​വെ​ഴു​ത്തു​കൾ ഉദ്ധരി​ക്ക​ണ​മെന്ന്‌ അതിനർഥ​മില്ല. അപ്പോ​ഴും നിങ്ങൾക്കു സ്‌പോർട്ട്‌സി​ലും വസ്‌ത്ര​ങ്ങ​ളി​ലും അല്ലെങ്കിൽ സംഗീ​ത​ത്തി​ലും താത്‌പ​ര്യ​മു​ണ്ടാ​യി​രി​ക്കു​മ​ല്ലോ. ചില​പ്പോ​ഴൊ​ക്കെ അങ്ങനെ​യുള്ള കാര്യ​ങ്ങ​ളെ​ക്കു​റി​ച്ചു സംസാ​രി​ക്കാ​നും ആഗ്രഹി​ച്ചേ​ക്കാം. എന്നാൽ “ഹൃദയം നിറഞ്ഞു​ക​വി​യു​ന്ന​തിൽനി​ന്ന​ല്ലോ വായ്‌ സംസാ​രി​ക്കു​ന്നതു.” (മത്തായി 12:34) ദൈവ​ത്തോ​ടുള്ള സ്‌നേഹം യഥാർഥ​മാ​യി നിങ്ങളു​ടെ ഹൃദയ​ത്തി​ലു​ണ്ടെ​ങ്കിൽ നിങ്ങൾ സ്വാഭാ​വി​ക​മാ​യി അവനെ​ക്കു​റി​ച്ചു സംസാ​രി​ക്കാ​നാ​ഗ്ര​ഹി​ക്കും. ഒരു ഭാവി ലക്കത്തിൽ, നിങ്ങൾക്കു ഫലപ്ര​ദ​മാ​യി അങ്ങനെ ചെയ്യാൻ കഴിയുന്ന ചില വിധങ്ങൾ ഞങ്ങൾ ചർച്ച​ചെ​യ്യു​ന്ന​താ​യി​രി​ക്കും.

[അടിക്കു​റി​പ്പു​കൾ]

[15-ാം പേജിലെ ചിത്രം]

നിങ്ങൾ പരസ്യ​മാ​യി പ്രസം​ഗ​വേ​ല​യിൽ ഏർപ്പെ​ട്ടി​രി​ക്കെ സതീർഥ്യർ നിങ്ങളെ കാണു​മ്പോൾ നിങ്ങൾക്കു ലജ്ജ തോന്നു​ന്നു​വോ?