വീക്ഷാ​ഗോ​പു​രം പഞ്ചാബി​യിൽ

സൊ​സൈറ്റി 1995 ആഗസ്റ്റ്‌ 1 മുതൽ വീക്ഷാ​ഗോ​പു​രം പഞ്ചാബി​യിൽ പ്രസി​ദ്ധീ​ക​രി​ക്കു​ന്നു​വെന്ന്‌ അറിയി​ക്കു​ന്ന​തിൽ ഞങ്ങൾക്കു സന്തോ​ഷ​മുണ്ട്‌.

പഞ്ചാബി ഭാഷയിൽ പെഹെ​ര​ബുർജ്‌ എന്ന ശീർഷ​ക​ത്തിൽ പ്രതി​മാസ മാസി​ക​യാ​യി​ട്ടാ​ണു വീക്ഷാ​ഗോ​പു​രം പ്രസി​ദ്ധീ​ക​രി​ക്കു​ന്നത്‌. സഭകൾക്ക്‌ ഉടൻതന്നെ മാസി​ക​യ്‌ക്കു​വേണ്ടി വിതര​ണ​ക്കാ​രു​ടെ ഓർഡർ അയയ്‌ക്കാ​വു​ന്ന​താണ്‌, കൂടാതെ പ്രസാ​ധ​കർക്ക്‌ ഈ മാസി​ക​യ്‌ക്കു​വേ​ണ്ടി​യുള്ള വരിസം​ഖ്യ സമ്പാദി​ക്കാൻ ഇപ്പോഴേ തുടങ്ങാ​വു​ന്ന​താണ്‌. എല്ലാ പ്രതി​മാസ പതിപ്പു​ക​ളു​ടെ​യും കാര്യ​ത്തി​ലെ​ന്ന​പോ​ലെ വാർഷിക വരിസം​ഖ്യ​ക്കുള്ള സംഭാവന 35 രൂപയാണ്‌, ആറു മാസ​ത്തേ​ക്കുള്ള വരിസം​ഖ്യ ലഭ്യമാ​യി​രി​ക്കു​ക​യില്ല. ഒറ്റപ്ര​തിക്ക്‌ 3.00 രൂപയാണ്‌.

ആഗസ്റ്റ്‌ 1 ലക്കം കന്നില​ക്കം​പോ​ലെ​യാ​യ​തു​കൊണ്ട്‌ അതിലുള്ള അധ്യയ​ന​ലേ​ഖ​നങ്ങൾ വീക്ഷാ​ഗോ​പു​ര​ത്തി​ന്റെ ഇംഗ്ലീ​ഷി​ലും മറ്റ്‌ ഇന്ത്യൻ ഭാഷക​ളി​ലും ഏതാനും മാസങ്ങൾക്കു​മു​മ്പു പ്രത്യ​ക്ഷ​പ്പെട്ട പഠിച്ചു​ക​ഴിഞ്ഞ ലേഖന​ങ്ങ​ളാണ്‌. 1995 സെപ്‌റ്റം​ബർ 1 മുതൽ പെഹെ​ര​ബുർജി​ലുള്ള അധ്യയ​ന​ലേ​ഖ​നങ്ങൾ മറ്റു പതിപ്പു​ക​ളിൽ പട്ടിക​പ്പെ​ടു​ത്തി​യി​ട്ടുള്ള അതേ ലേഖനങ്ങൾ ആയിരി​ക്കും (ഓരോ പെഹെ​ര​ബുർജി​ലും നാലോ അഞ്ചോ അധ്യയ​ന​ലേ​ഖ​നങ്ങൾ ഉണ്ടായി​രി​ക്കും). അതു​കൊണ്ട്‌, സഭയിലെ വീക്ഷാ​ഗോ​പുര അധ്യയ​ന​ത്തിന്‌ പെഹെ​ര​ബുർജ്‌ ഉപയോ​ഗി​ക്കാൻ ആഗ്രഹി​ക്കുന്ന സഭകൾക്കും വ്യക്തി​കൾക്കും 1995 ഒക്ടോബർ 9-നാരം​ഭി​ക്കുന്ന വാരം മുതൽ അത്‌ ഉപയോ​ഗി​ക്കാം.

ഇതിനി​ടെ, നിങ്ങളു​ടെ വിതര​ണ​ക്കാ​രു​ടെ ഓർഡർ സമർപ്പി​ക്കു​ന്ന​തി​നും പെഹെ​ര​ബുർജി​നുള്ള വരിസം​ഖ്യ കരസ്ഥമാ​ക്കു​ന്ന​തി​നും ക്രിയാ​ത്മക മനോ​ഭാ​വ​മു​ണ്ടാ​യി​രി​ക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ക​യാണ്‌. യഹോ​വ​യു​ടെ രാജ്യം മുഖേന പെട്ടെന്നു നിവർത്തി​ക്കാ​നി​രി​ക്കുന്ന മാനവ രക്ഷയെ​പ്പ​റ്റി​യുള്ള സന്ദേശം പ്രദാ​നം​ചെ​യ്യുന്ന ജീവദാ​യ​ക​മായ മാസി​ക​യാ​ണു വീക്ഷാ​ഗോ​പു​രം. ഇന്ത്യയിൽ വീക്ഷാ​ഗോ​പു​രം പരിഭാ​ഷ​പ്പെ​ടു​ത്തുന്ന പത്താമത്തെ ഭാഷയാ​ണിത്‌, മഹത്തായ ഇത്തര​മൊ​രു കരുതൽ ഏർപ്പാ​ടു​ചെ​യ്യു​ന്ന​തി​നു നമ്മൾ യഹോ​വ​യ്‌ക്കു നന്ദി പറയുന്നു. ഇതു വയലി​ലും സഹോ​ദ​ര​ങ്ങളെ കെട്ടു​പ​ണി​ചെ​യ്‌തു പക്വത​യി​ലേക്കു വളരു​ന്ന​തിന്‌ അവരെ​യും സഹായി​ക്കു​ന്ന​തി​നുള്ള ശക്തമായ ഒരു ഉപകര​ണ​മാ​യി​രി​ക്കട്ടെ എന്നു ഞങ്ങൾ പ്രാർഥി​ക്കു​ന്നു. ഇതു പരമാ​വധി ഉപയോ​ഗി​ക്കു​ന്ന​തിൽ നിങ്ങൾ സന്തോ​ഷ​മു​ള്ള​വ​രാ​ണെ​ന്നും അപ്രകാ​രം ചെയ്യു​മ്പോൾ നിങ്ങൾ സമൃദ്ധ​മായ അനു​ഗ്ര​ഹങ്ങൾ കൊയ്‌തെ​ടു​ക്കു​മെ​ന്നും ഞങ്ങൾക്കു തീർച്ച​യുണ്ട്‌.