ദൈവ​ത്തി​ന്റെ ന്യായ​വി​ധി​കൾ പ്രഖ്യാ​പി​ക്ക​പ്പെ​ടണം

“നീ എഴു​ന്നേ​ററ്‌ ഞാൻ നിന്നോ​ടു കല്‌പി​ക്കു​ന്ന​തെ​ല്ലാം അവരോട്‌ പ്രസ്‌താ​വി​ക്കണം. അവർ നിമിത്തം ഒട്ടും ഭയപ്പെ​ട​രുത്‌.”—യിരെ​മ്യാവ്‌ 1:17.

1. യഹോ​വ​യു​ടെ സാക്ഷികൾ നാസി ജർമ്മനി​യിൽ ‘തങ്ങളുടെ വെളിച്ചം പ്രകാ​ശി​പ്പിച്ച’തെങ്ങനെ?

“കൂട്ടസം​ഹാ​ര​ത്തി​ന്റെ രാജ്യത്ത്‌ (നാസി ജർമ്മനി) യഹോ​വ​യു​ടെ സാക്ഷി​ക​ളു​ടെ പീഡനം അവരുടെ ചരി​ത്ര​ത്തി​ലെ മററു പീഡാ​നു​ഭവ സമയങ്ങ​ളിൽ സംഭവി​ച്ചു​കൊ​ണ്ടി​രു​ന്നു.” (കൂട്ടസം​ഹാ​ര​ത്തോ​ടുള്ള സഭാ പ്രതി​ബദ്ധത, വാല്യം II) ജർമ്മൻ സാക്ഷി​കളെ സംബന്ധിച്ച്‌ 1939 ജൂലൈ 15-ലെ സൗത്താ​ഫ്രി​ക്കൻ ഡെയ്‌ലി ന്യൂസ്‌ ഇങ്ങനെ പ്രസ്‌താ​വി​ച്ചു: “ഒരിക്ക​ലും ഉലയാത്ത ഒരു ദീപം​പോ​ലെ ക്രിസ്‌തീയ സ്‌ത്രീ​പു​രു​ഷൻമാ​രു​ടെ ഈ ചെറിയ സമൂഹം തങ്ങളുടെ വിശ്വാ​സ​ത്തിൽ ഉറച്ചു​നിൽക്കു​ന്നു, മ്യൂണി​ച്ചി​ലെ ഏകാധി​പ​തി​യു​ടെ (അഡോൾഫ്‌ ഹിററ്‌ലർ) പാർശ്വ​ത്തി​ലെ ഒരു മുള്ളും അയാളു​ടെ മരണക്ക​ണ​ക്കി​ന്റെ ഒരു ജീവി​ക്കുന്ന സാക്ഷ്യ​വും​തന്നെ.” ഈ വാക്കുകൾ തന്റെ അനുഗാ​മി​കൾ “ലോക​ത്തി​ന്റെ വെളിച്ച”മായി​രി​ക്ക​ണ​മെ​ന്നും, എന്തു നഷ്ടമു​ണ്ടാ​യാ​ലും ലോക​ത്തി​നു​മു​മ്പാ​കെ തങ്ങളുടെ വെളിച്ചം പ്രകാ​ശി​പ്പി​ക്കേ​ണ്ട​താ​ണെ​ന്നും യേശു പറഞ്ഞതി​നെ നമ്മെ അനുസ്‌മ​രി​പ്പി​ക്കു​ന്നു.—മത്തായി 5:11, 12, 14-16.

2, 3. ശ്രീല​ങ്ക​യിൽ നിർഭ​യ​മായ പ്രസം​ഗ​ത്തി​ന്റെ ഏതു ദൃഷ്ടാന്തം വെയ്‌ക്ക​പ്പെട്ടു?

² ഭീകര​പ്ര​വർത്ത​ന​ത്താൽ ചീന്തപ്പെട്ട ശ്രീല​ങ്ക​യിൽനി​ന്നുള്ള മറെറാ​രു റിപ്പോർട്ട്‌ ഡേവിഡ്‌ ഗുണര​ത്‌നം എന്ന ഒരു യുവ തമിഴ്‌ സാക്ഷി​യെ​ക്കു​റി​ച്ചു പറയുന്നു. അയാൾ യഥാർത്ഥ യിരെ​മ്യാ രീതി​യിൽ നിർഭയം പട്ടാള അധികൃ​ത​രോ​ടു സംസാ​രി​ച്ചു. ചോദ്യം ചെയ്യാൻ അയാ​ളെ​യും മററ്‌ യുവാ​ക്ക​ളെ​യും പിടി​കൂ​ടി​യ​താ​യി​രു​ന്നു. റിപ്പോർട്ട്‌ ഇങ്ങനെ പ്രസ്‌താ​വി​ക്കു​ന്നു: “ആ മമനു​ഷ്യ​ന്റെ പഠിപ്പിൽ ആഫീസർമാർക്കും പടയാ​ളി​കൾക്കും അത്യന്തം മതിപ്പു​തോ​ന്നി. അതിലു​പരി, വിശേ​ഷാൽ, ‘ഭീകര​പ്ര​വർത്തകർ എന്നറി​യ​പ്പെ​ടുന്ന ആരെ കണ്ടാലും ഞാൻ ഇതേ കാര്യങ്ങൾ അവരോ​ടും പ്രസം​ഗി​ക്കും’ എന്നു പറഞ്ഞ​പ്പോ​ഴത്തെ അയാളു​ടെ പ്രകട​മായ ആത്മാർത്ഥ​ത​യിൽ അവർക്ക്‌ അത്യന്തം മതിപ്പു തോന്നി.”

³ അതേ രാത്രി​യിൽ ഭീകര​പ്ര​വർത്തകർ അയാളെ അയാളു​ടെ വീട്ടിൽനിന്ന്‌ തട്ടി​ക്കൊ​ണ്ടു​പോ​കു​ക​യും സൈന്യ​ത്തോ​ടൊ​ത്തു​നിന്ന്‌ പ്രവർത്തി​ക്കു​ന്ന​താ​യി കുററ​പ്പെ​ടു​ത്തു​ക​യും ചെയ്‌തു. അയാൾ തന്റെ നിഷ്‌പ​ക്ഷ​ത​യിൽ ഉറച്ചു​നി​ന്നു​കൊണ്ട്‌ താൻ ദൈവ​രാ​ജ്യം പ്രസം​ഗി​ക്കു​ന്നേ​യു​ള്ളു​വെന്ന്‌ ഉറപ്പിച്ചു പറഞ്ഞു. “ഞാൻ ദൈവ​ത്തി​ന്റെ വേല ചെയ്യു​ക​യാണ്‌, ഇത്‌ ചെയ്യു​ന്ന​തിൽ തുടരു​ക​യും ചെയ്യും. ശ്രദ്ധി​ക്കുന്ന ആരോ​ടും ഞാൻ വിവേ​ചനം കൂടാതെ പ്രസം​ഗി​ക്കു​ന്നു.” ഭീകര​പ്ര​വർത്തകർ ഈ ധീരസാ​ക്ഷി​യെ വെടി​വെ​ച്ചു​കൊ​ന്നു, ഒരു യുവ വിധവ​യെ​യും ഒരു ആൺകു​ഞ്ഞി​നെ​യും പിമ്പിൽ വിട്ടു​കൊ​ണ്ടു​തന്നെ.—പ്രവൃ​ത്തി​കൾ 7:51-60 താരത​മ്യ​പ്പെ​ടു​ത്തുക.

4. ഒരു ലാററിൻ അമേരി​ക്കൻ രാജ്യത്ത്‌ വൈദി​ക​രാ​ലം​ഗീ​ക​രി​ക്ക​പ്പെട്ട യഹോ​വ​യു​ടെ സാക്ഷി​ക​ളു​ടെ ഏതു പീഡനം നടന്നു?

⁴ ചില കത്തോ​ലി​ക്കാ വൈദി​ക​രും പ്രസ്‌ബി​റേ​റ​റി​യൻ വൈദി​ക​രും യഹോ​വ​യു​ടെ സാക്ഷി​ക​ളു​ടെ പീഡനം അംഗീ​ക​രി​ക്കു​ക​യും അനുവ​ദി​ക്കു​ക​യും ചെയ്യുന്ന ഒരു ലാററിൻ അമേരി​ക്കൻ രാജ്യ​ത്തു​നിന്ന്‌ ഈ റിപ്പോർട്ടു ലഭിച്ചി​രി​ക്കു​ന്നു: “സൈനിക പാളയ​ത്തിൽ അഞ്ച്‌ യഹോ​വ​യു​ടെ സാക്ഷികൾ ഉണ്ടായി​രു​ന്നു . . . അവരെ കൂടെ​ക്കൂ​ടെ അടിക്കു​ക​യും ആഹാരം കൊടു​ക്കാ​തെ ഒററക്കി​ടു​ക​യും ചെയ്‌തു. അവർ മററു പടയാ​ളി​ക​ളോ​ടു പ്രസം​ഗി​ച്ച​തു​കൊണ്ട്‌ ഞങ്ങളുടെ യൂണി​റ​റി​ലെ ഉപദേ​ശി​ക്ക​ലി​ന്റെ ചുമത​ല​യു​ണ്ടാ​യി​രുന്ന രാഷ്‌ട്രീയ ഉദ്യോ​ഗസ്ഥൻ അവരെ ശിക്ഷിച്ചു. എല്ലാ വിമത​രി​ലും വച്ച്‌ യഹോ​വ​യു​ടെ സാക്ഷി​ക​ളാ​യി​രു​ന്നു ഏററവും അപകട​കാ​രി​കൾ.”

പ്രേര​ണ​യും പ്രതി​ക​ര​ണ​വും

5. യിരെ​മ്യാ​വി​ന്റെ സംഗതി​യിൽ എന്നപോ​ലെ, സാക്ഷി​ക​ളു​ടെ മേലുള്ള പീഡന​ത്തി​നു പിന്നിൽ മിക്ക​പ്പോ​ഴും എന്താണു​ള്ളത്‌?

⁵ അതെ, യിരെ​മ്യാ​വി​ന്റെ നാളിലെ മത രാഷ്‌ട്രീയ ഭരണാ​ധി​കാ​രി​ക​ളാൽ അവൻ പീഡി​പ്പി​ക്ക​പ്പെ​ട്ട​തു​പോ​ലെ, യഹോ​വ​യു​ടെ സാക്ഷികൾ ഇതേ ഘടകങ്ങ​ളാൽ ലോക​വ്യാ​പ​ക​മായ എതിർപ്പി​നെ അഭിമു​ഖീ​ക​രി​ക്കു​ന്നു. ഈ പ്രവർത്ത​ന​ങ്ങളെ പ്രേരി​പ്പി​ക്കു​ന്ന​തെ​ന്താണ്‌? സാക്ഷികൾ ഏതു ജന സമുദാ​യ​ത്തി​ലെ​യും ഏററവും സമാധാ​ന​പ്രി​യ​രും നിയമ​മ​നു​സ​രി​ക്കു​ന്ന​വ​രു​മായ വിഭാ​ഗ​മാ​ണെ​ങ്കി​ലും അവരുടെ ശത്രുക്കൾ ദൈവ​വ​ച​നത്തെ അപകട​ക​ര​മെന്ന്‌ പരിഗ​ണി​ക്കു​ന്നു, എന്തെന്നാൽ അവർ ദൈവ​രാ​ജ്യ​ത്തെ​ക്കു​റി​ച്ചുള്ള ദൂതിനെ എതിർക്കു​ക​യും തള്ളിക്ക​ള​യു​ക​യും ചെയ്യുന്നു. അവരുടെ വിട്ടു​വീ​ഴ്‌ച​യി​ല്ലാത്ത പ്രസം​ഗ​വും തത്വങ്ങ​ളും സാത്താന്റെ വ്യവസ്ഥി​തി​യി​ലെ രാഷ്‌ട്രീയ, വ്യാപാര, മത ഘടകങ്ങ​ളു​ടെ സ്വാർത്ഥ​ത​യേ​യും കാപട്യ​ത്തെ​യും തുറന്നു​കാ​ട്ടു​ന്നു.—യോഹ​ന്നാൻ 15:18, 19; 1 യോഹ​ന്നാൻ 5:19.

6. യഹോ​വ​യു​ടെ സാക്ഷികൾ പീഡന​ത്തോട്‌ എങ്ങനെ പ്രതി​ക​രി​ച്ചി​രി​ക്കു​ന്നു?

⁶ എന്നിരു​ന്നാ​ലും, തടവും പ്രഹര​ങ്ങ​ളും മരണം​പോ​ലും ഗണ്യമാ​ക്കാ​തെ, ലോക​വ്യാ​പ​ക​മാ​യുള്ള യഹോ​വ​യു​ടെ സാക്ഷികൾ പഴയകാ​ലത്തെ യിരെ​മ്യാ​വി​നെ​പ്പോ​ലെ പ്രതി​ക​രി​ച്ചി​രി​ക്കു​ന്നു. സ്‌നേ​ഹ​വും നയവും പ്രകട​മാ​ക്കു​മ്പോൾത്തന്നെ, അവർ ജനതക​ളോട്‌ ദൈവ​ത്തി​ന്റെ ജനപ്രീ​തി​യി​ല്ലാത്ത ന്യായ​വി​ധി​കൾ പ്രസം​ഗി​ക്കു​ന്ന​തിൽ തുടരു​ന്നു. (2 തിമൊ​ഥെ​യോസ്‌ 2:23-26) മനുഷ്യ​രെ​ക്കാൾ ദൈവത്തെ ഭരണാ​ധി​കാ​രി​യാ​യി അനുസ​രി​ക്കേ​ണ്ട​താ​ണെന്ന്‌ അവർക്ക​റി​യാം. (പ്രവൃ​ത്തി​കൾ 4:19, 20; 5:29) ദൈ​വേഷ്ടം ചെയ്യു​ന്ന​തിൽ സഹിച്ചു​നിൽക്കാൻ പൗലോസ്‌ എബ്രായ ക്രിസ്‌ത്യാ​നി​കൾക്കു കൊടുത്ത ബുദ്ധി​യു​പ​ദേ​ശ​ത്തെ​ക്കു​റിച്ച്‌ അവർ ബോധ​മു​ള്ള​വ​രാണ്‌. അങ്ങനെ​യെ​ങ്കിൽ അവർ വാഗ്‌ദ​ത്ത​നി​വൃ​ത്തി, നിത്യ​ജീ​വൻ, പ്രാപി​ക്കും. അതു​കൊണ്ട്‌, പൗലോ​സി​നെ​യും യിരെ​മ്യാ​വി​നെ​യും പോലെ, “ഇപ്പോൾ, നാം നാശത്തി​ലേക്ക്‌ പിൻമാ​റുന്ന തരക്കാരല്ല, പിന്നെ​യോ ദേഹിയെ ജീവ​നോ​ടെ സംരക്ഷി​ക്കത്തക്ക വിശ്വാ​സ​മുള്ള തരക്കാ​രാണ്‌” എന്ന്‌ പറയാൻ നാം പ്രാപ്‌ത​രാ​യി​രി​ക്കണം.—എബ്രായർ 10:35-39.

ആധുനിക യിരെ​മ്യാവ്‌ ക്രൈ​സ്‌ത​വ​ലോ​കത്തെ തുറന്നു കാട്ടുന്നു

7. യഹോ​വ​യു​ടെ സാക്ഷികൾ 20-ാം നൂററാ​ണ്ടിൽ യിസ്രാ​യേ​ലി​ലേ​ക്കും യഹൂദ​യി​ലേ​ക്കും അയയ്‌ക്ക​പ്പെ​ട്ടി​രുന്ന വിശ്വസ്‌ത പ്രവാ​ച​കൻമാ​രു​ടെ ദൃഷ്ടാന്തം പിന്തു​ടർന്നി​രി​ക്കു​ന്ന​തെ​ങ്ങനെ?

⁷ യഹോവ തന്റെ പ്രവാ​ച​കൻമാ​രെ യിസ്രാ​യേ​ലി​ലേ​ക്കും യഹൂദ​യി​ലേ​ക്കും അയച്ചു​കൊ​ണ്ടി​രു​ന്ന​തു​പോ​ലെ, അവന്റെ വരാനി​രി​ക്കുന്ന ന്യായ​വി​ധി​യു​ടെ സന്ദേശ​ത്തെ​ക്കു​റിച്ച്‌ വീണ്ടും വീണ്ടും പറയാൻ അവൻ തന്റെ സാക്ഷി​കളെ അയച്ചി​രി​ക്കു​ന്നു. (യിരെ​മ്യാവ്‌ 7:25, 26; 25:4, 8, 9) വിശേ​ഷിച്ച്‌, ആത്മീയ​മാ​യി ഊർജ്ജ​സ്വ​ല​മാ​ക്കിയ 1919 എന്ന വർഷം മുതൽ ക്രിസ്‌തു​വി​ന്റെ സഹോ​ദ​രൻമാ​രു​ടെ ആത്മീയ​ശേ​ഷിപ്പ്‌ ക്രൈ​സ്‌ത​വ​ലോ​ക​ത്തിന്‌ ദൈവ​ത്തി​ന്റെ ന്യായ​വി​ധി​കൾ, അനർത്ഥ​ത്തി​ന്റെ ശക്തിമ​ത്തായ സന്ദേശങ്ങൾ, അവതരി​പ്പി​ച്ചു. (യിരെ​മ്യാവ്‌ 11:9-13 താരത​മ്യ​പ്പെ​ടു​ത്തുക.) ആ വർഷം സുവർണ്ണ​യു​ഗം എന്ന മാസിക തുടങ്ങി. തുടർന്നുള്ള വർഷങ്ങ​ളിൽ ആശ്വാസം (1937) എന്നും ഉണരുക!യെന്നും (1946) മാററി​യിട്ട അതിന്റെ പേരു​ക​ളോ​ടെ അത്‌ ക്രൈ​സ്‌ത​വ​ലോ​ക​ത്തി​ന്റെ മതവ്യാ​ജ​ങ്ങ​ളെ​യും അതിന്റെ ക്രി​ത്രിമ ക്രിസ്‌ത്യാ​നി​ത്വ​ത്തെ​യും തുറന്നു കാട്ടാൻ ഉതകി​യി​രി​ക്കു​ന്നു.

8, 9. (എ) സഭകൾ 1922-ൽ അപലപി​ക്ക​പ്പെ​ട്ട​തെ​ന്തു​കൊണ്ട്‌? (ബി) അവർക്ക്‌ എന്ത്‌ അനർത്ഥം മുൻകൂ​ട്ടി​പ്പ​റ​യ​പ്പെട്ടു?

⁸ ദൃഷ്ടാ​ന്ത​മാ​യി, 1922 ഒക്‌ടോ​ബർ 11-ലെ സുവർണ്ണ​യു​ഗം ഈ വാക്കു​ക​ളിൽ വ്യാജ​മ​തത്തെ അപലപി​ച്ചു: “ഭൂമി​യി​ലെ വ്യവസ്ഥി​തി​യെ രക്ഷിക്കാ​നും പുനഃ​സ്ഥാ​പി​ക്കാ​നു​മുള്ള കക്ഷിപ​ര​മായ സഭാസ്ഥാ​പ​ന​ങ്ങ​ളു​ടെ​യും അവയുടെ വൈദി​ക​രു​ടെ​യും അവയുടെ നേതാ​ക്ക​ളു​ടെ​യും സഖ്യക​ക്ഷി​ക​ളു​ടെ​യും സകല ശ്രമങ്ങ​ളും . . . കണിശ​മാ​യും പരാജ​യ​പ്പെ​ടേ​ണ്ട​താണ്‌, എന്തു​കൊ​ണ്ടെ​ന്നാൽ അവർ മശിഹാ​യു​ടെ രാജ്യ​ത്തി​ന്റെ യാതൊ​രു ഭാഗവു​മാ​യി​രി​ക്കു​ന്നില്ല. മറിച്ച്‌, ഒന്നാം ലോക​മ​ഹാ​യു​ദ്ധ​കാ​ലത്ത്‌, ഈ വിവിധ മതവി​ഭാ​ഗ​ങ്ങ​ളി​ലെ വൈദി​കർ ലോക​യു​ദ്ധത്തെ വിപു​ല​പ്പെ​ടു​ത്താൻ വമ്പിച്ച ബിസി​ന​സ്സി​നോ​ടും വൻ രാജ്യ​ത​ന്ത്ര​ജ്ഞൻമാ​രോ​ടും തെററാ​യി ചേർന്ന​തിൽ കർത്താ​വായ യേശു​ക്രി​സ്‌തു​വി​നോട്‌ അവിശ്വ​സ്‌ത​രാ​യി​രു​ന്നു.

⁹ അപലപനം ഇങ്ങനെ തുടർന്നു: “അവർ കൂടു​ത​ലാ​യി കർത്താ​വി​നെ​യും അവന്റെ രാജ്യ​ത്തെ​യും നിരസി​ക്കു​ക​യും സാത്താന്റെ സ്ഥാപന​ത്തോട്‌ സ്വമേ​ധയാ ചേർന്നു​കൊ​ണ്ടും സർവ്വരാ​ജ്യ​സ​ഖ്യം ഭൂമി​യി​ലെ ദൈവ​രാ​ജ്യ​ത്തി​ന്റെ രാഷ്‌ട്രീ​യ​ഭാ​വ​മാ​ണെന്ന്‌ ലോക​ത്തോട്‌ സധീരം പ്രഖ്യാ​പി​ച്ചു​കൊ​ണ്ടും തങ്ങളുടെ അവിശ്വ​സ്‌തത പ്രകട​മാ​ക്കു​ക​യും ചെയ്‌തു.” ഒടുവിൽ, “അനർത്ഥ”ത്തിന്റെ അഥവാ ന്യായ​വി​ധി​യു​ടെ സന്ദേശം വന്നു: “ക്രിസ്‌തു​യേ​ശു​വി​ന്റെ വാക്കു​ക​ള​നു​സ​രിച്ച്‌ ‘ലോകാ​രം​ഭം​മു​തൽ ഈ സമയം​വരെ ഉണ്ടായി​ട്ടി​ല്ലാ​ത്ത​തും വീണ്ടും ഉണ്ടാകു​ക​യി​ല്ലാ​ത്ത​തു​മായ ഒരു വലിയ ഉപദ്ര​വ​കാ​ലം’ ഭൂമി​യി​ലെ ജനതക​ളു​ടെ​മേൽ വരാനി​രി​ക്കു​ന്നു, വരാറാ​യി​രി​ക്കു​ക​യു​മാണ്‌.”

10. ആയിര​ത്തി​ത്തൊ​ള്ളാ​യി​രത്തി ഇരുപ​ത്താ​റിൽ എന്ത്‌ അപലപനം ഉണ്ടായി?

¹⁰ വീക്ഷാ​ഗോ​പു​രം മാസി​ക​യും ചെറു​പു​സ്‌ത​ക​ങ്ങ​ളും പുസ്‌ത​ക​ങ്ങ​ളും പോലുള്ള മററ്‌ പ്രസി​ദ്ധീ​ക​ര​ണ​ങ്ങ​ളു​ടെ ഉപയോ​ഗ​ത്താൽ യിരെ​മ്യാ റോൾ വികസി​പ്പി​ക്ക​പ്പെട്ടു. ദൃഷ്ടാ​ന്ത​മാ​യി, 1926-ൽ ഉദ്ധാരണം എന്ന പുസ്‌ത​ക​ത്തിൽ ക്രൈ​സ്‌ത​വ​ലോ​ക​ത്തി​ന്റെ വഴി​തെ​റ​റി​ക്കുന്ന ഉപദേ​ശ​ങ്ങ​ളു​ടെ ഒരു ശക്തമായ തുറന്നു​കാ​ട്ടൽ ഉൾപ്പെ​ടു​ത്തി​യി​രു​ന്നു. 203-ാം പേജിൽ അതിങ്ങനെ പറയുന്നു: “വ്യാ​ജോ​പ​ദേ​ശങ്ങൾ [വിശ്വാ​സ​ത്യാ​ഗി​യായ ക്രൈ​സ്‌ത​വ​ലോ​ക​ത്തി​ലേക്ക്‌] യഥേഷ്ടം അവതരി​പ്പി​ക്ക​പ്പെ​ടു​ക​യും സത്യത്തിന്‌ പകരമാ​ക്ക​പ്പെ​ടു​ക​യും ചെയ്‌തു. അവയിൽ ത്രിത്വം, സകല ദേഹി​ക​ളു​ടെ​യും അമർത്ത്യത, ദുഷ്ടൻമാ​രു​ടെ നിത്യ​ദ​ണ്ഡനം, വൈദി​ക​രു​ടെ ദിവ്യാ​വ​കാ​ശം, രാജാ​ക്കൻമാ​രു​ടെ ദിവ്യ​ഭ​ര​ണാ​വ​കാ​ശം എന്നിവ ഉൾപ്പെ​ട്ടി​രു​ന്നു, ഇപ്പോ​ഴും ഉൾപ്പെ​ട്ടി​രി​ക്കു​ന്നു. കാല​ക്ര​മ​ത്തിൽ, ഉണ്ണിയീ​ശോ​യു​ടെ അമ്മയായ മറിയ ദൈവീ​ക​രി​ക്ക​പ്പെട്ടു; അവളെ ദൈവ​മാ​താ​വാ​യി ആരാധി​ക്കാൻ ജനങ്ങൾ ആഹ്വാനം ചെയ്യ​പ്പെട്ടു.”

ഛിദ്രിച്ച ക്രൈ​സ്‌ത​വ​ലോ​ക​ത്തി​നു മുന്നറി​യിപ്പ്‌

11, 12. (എ) വൈദി​ക​രു​ടെ നിഷ്‌പ​ക്ഷ​മ​ല്ലാത്ത നിലപാട്‌ തുറന്നു​കാ​ട്ട​പ്പെ​ട്ട​തെ​ങ്ങനെ? (ബി) യിരെ​മ്യാ​വർഗ്ഗം എന്തു മുന്നറി​യി​പ്പു കൊടു​ത്തു?

¹¹ ഇതേ പ്രസി​ദ്ധീ​ക​രണം വൈദി​ക​രു​ടെ യുദ്ധങ്ങ​ളി​ലെ കൂട്ടു​ത്ത​ര​വാ​ദി​ത്തത്തെ തുറന്നു​കാ​ട്ടി​ക്കൊണ്ട്‌ ഇങ്ങനെ പറഞ്ഞു: “ഈ വിവിധ സഭാവ്യ​വ​സ്ഥി​തി​ക​ളി​ലെ വൈദി​കർ വ്യാപാര രാഷ്‌ട്രീയ വിഭാ​ഗങ്ങൾ അയയ്‌ക്കുന്ന സൈന്യ​ങ്ങളെ അനു​ഗ്ര​ഹി​ക്കു​ന്നു, ഈ സൈന്യ​ങ്ങൾ ഏതു പക്ഷത്തു യുദ്ധം ചെയ്യു​ന്നു​വെന്നു പരിഗ​ണി​ക്കാ​തെ അവരുടെ അനു​ഗ്ര​ഹങ്ങൾ നീട്ടി​ക്കൊ​ടു​ക്ക​പ്പെ​ടു​ന്നു. ഇരുപ​ക്ഷ​ങ്ങ​ളി​ലും യുദ്ധം ചെയ്യുന്ന സൈന്യ​ങ്ങ​ളു​ടെ​മേൽ അനു​ഗ്ര​ഹ​ത്തി​നാ​യി വൈദി​ക​രെ​ല്ലാം ഒരേ ദൈവ​ത്തോ​ടു പ്രാർത്ഥി​ക്കു​ന്ന​താ​യി നടിക്കു​ന്നു.” (യിരെ​മ്യാവ്‌ 7:31 താരത​മ്യ​പ്പെ​ടു​ത്തുക.) പിന്നീട്‌ ആസന്നമായ ഒരു ന്യായ​വി​ധി സൂചി​പ്പി​ക്ക​പ്പെട്ടു: “സാത്താന്റെ സ്ഥാപന​ത്തി​ന്റെ ദൃശ്യ​ഭാ​ഗ​മാ​യി​രി​ക്കുന്ന ഈ ഘടകങ്ങ​ളെ​ല്ലാം അർമ്മ​ഗെ​ദ്ദോൻ മഹായു​ദ്ധ​ത്തി​നു​വേണ്ടി കൂട്ടി​ച്ചേർക്ക​പ്പെ​ടു​ക​യും സമ്മേളി​ക്കു​ക​യു​മാണ്‌.”—വെളി​പ്പാട്‌ 16:14-16.

¹² തങ്ങൾ സുരക്ഷി​ത​രാ​ണെ​ന്നും ദൈവ​വു​മാ​യി സമാധാ​ന​ത്തി​ലാ​ണെ​ന്നും നേതാ​ക്കൻമാർ പറഞ്ഞ യിരെ​മ്യാ​വി​ന്റെ നാളി​ലെ​പ്പോ​ലെ “ഈ സഭാ​നേ​താ​ക്കൻമാർ തങ്ങൾ സുരക്ഷി​ത​രാ​ണെ​ന്നും, പിശാ​ചു​മാ​യി തീക്കളി തുടർന്നു നടത്തവേ, തങ്ങൾ ക്രിസ്‌തു​വി​ന്റെ നാമത്താൽ വിളി​ക്ക​പ്പെ​ടേണ്ട ആവശ്യമേ ഉള്ളു​വെ​ന്നും തങ്ങളോ​ടു​തന്നെ ഏററു​പ​റ​യു​ന്നു. അവർ തങ്ങളുടെ സ്വന്തം കണ്ണിലും തങ്ങളുടെ സമസൃ​ഷ്ടി​ക​ളു​ടെ കണ്ണിലും മണ്ണിട്ടു​കൊണ്ട്‌ യഥാർത്ഥ അവസ്ഥ സംബന്ധിച്ച്‌ തങ്ങളേ​ത്തന്നെ അന്ധരാ​ക്കു​ക​യാണ്‌.” (ഉദ്ധാരണം, പേജ്‌ 270) അവരുടെ ആത്മവഞ്ചന ആ തീക്ഷ്‌ണ​രായ ബൈബിൾ വിദ്യാർത്ഥി​കൾ തുറന്നു​കാ​ട്ടി—യഹോ​വ​യു​ടെ സാക്ഷികൾ അന്ന്‌ ബൈബിൾ വിദ്യാർത്ഥി​ക​ളെ​ന്നാ​ണ​റി​യ​പ്പെ​ട്ടി​രു​ന്നത്‌.—മത്തായി 7:21-23.

13. ആയിര​ത്തി​ത്തൊ​ള്ളാ​യി​രത്തി മുപ്പ​ത്തൊ​ന്നിൽ എന്തു സംഭവം നടന്നു, അത്‌ ഉചിത​മാ​യി​രു​ന്ന​തെ​ന്തു​കൊണ്ട്‌?

¹³ കാലം കടന്നു​പോ​യ​തോ​ടെ ബൈബിൾ വിദ്യാർത്ഥി​കൾ, യിരെ​മ്യാ​വി​നോ​ടു കറേക്കൂ​ടെ അടുത്ത ബന്ധത്തിൽ അറിയ​പ്പെട്ടു. അന്ന്‌ 1931-ൽ യു. എസ്‌. എ. ഒഹാ​യോ​യി​ലെ കൊളം​ബ​സിൽ നടന്ന ഒരു കൺ​വെൻ​ഷ​നിൽ ക്രിസ്‌ത്യാ​നി​ക​ളു​ടെ ഈ ധീരസം​ഘ​ത്തി​ന്റെ ബൈബിൾ നാമം “യഹോ​വ​യു​ടെ സാക്ഷികൾ” എന്നായി​രി​ക്ക​ണ​മെന്ന്‌ പ്രഖ്യാ​പി​ക്ക​പ്പെട്ടു. (യെശയ്യാവ്‌ 43:10-12) ക്രി. മു. 8-ാം നൂററാ​ണ്ടിൽ യഹോവ ആ നാമം യിസ്രാ​യേ​ലി​നു ബാധക​മാ​ക്കി​യ​പ്പോൾ അത്‌ മുൻപ​ന്തി​യി​ലേക്ക്‌ വരുത്ത​പ്പെട്ടു. തന്നിമി​ത്തം ഒരു നൂറു​വർഷം കഴിഞ്ഞ്‌ യിരെ​മ്യാവ്‌ ഒരു പ്രവാ​ച​ക​നാ​യി സേവി​ച്ച​പ്പോൾ അവനും യഹോ​വ​ക്കാ​യുള്ള ഒരു സാക്ഷി​യാ​യി​രു​ന്നു. (യിരെ​മ്യാവ്‌ 16:21) അതു​പോ​ലെ​തന്നെ, യേശു ഒരു യഹൂദ​നാ​യി ഭൂമി​യി​ലേ​ക്കു​വ​ന്ന​പ്പോൾ, അവൻ തന്റെ പിതാ​വായ യഹോ​വ​യ്‌ക്കു​വേ​ണ്ടി​യുള്ള ഒരു സാക്ഷി​യാ​യി​രു​ന്നു. (യോഹ​ന്നാൻ 17:25, 26; വെളി​പ്പാട്‌ 1:5; 3:14) തന്നിമി​ത്തം, ദൈവ​ജനം ദൈവ​ത്തി​ന്റെ തക്ക സമയത്ത്‌ ഒടുവിൽ “യഹോ​വ​യു​ടെ സാക്ഷികൾ” എന്ന ഈ ദിവ്യ​നി​യ​മിത നാമത്തി​നു​വേണ്ടി യോഗ്യത പ്രാപി​ക്കു​ന്നത്‌ ഉചിത​മാ​യി​രു​ന്നു.—യോഹ​ന്നാൻ 17:6, 11, 12.

ക്രൈ​സ്‌ത​വ​ലോ​കത്തെ മറനീ​ക്കി​ക്കാ​ണി​ക്കു​ന്നു

14. കഴിഞ്ഞ 70 വർഷങ്ങ​ളിൽ ക്രൈ​സ്‌ത​വ​ലോ​കം തുറന്നു​കാ​ട്ട​പ്പെ​ട്ട​തെ​ങ്ങനെ?

¹⁴ കഴിഞ്ഞ ഏഴു ദശാബ്ദ​ങ്ങ​ളിൽ യഹോ​വ​യു​ടെ ആസന്നമായ രാജ്യ​ത്തി​ന്റെ മഹത്തായ പ്രത്യാ​ശ​യു​ടെ ഘോഷ​ണ​ത്തോട്‌ അനുബ​ന്ധിച്ച്‌ യഹോ​വ​യു​ടെ സാക്ഷികൾ ലോക​ത്തി​നു​ചു​റ​റും അപലപ​ന​ത്തി​ന്റെ​യും ന്യായ​വി​ധി​യു​ടെ​യും ഒരു പ്രളയം തന്നെ പരത്തി​യി​ട്ടുണ്ട്‌. വെട്ടി​ത്തു​റന്നു പറയു​ന്ന​തും ആഞ്ഞുപ​തി​ക്കു​ന്ന​തു​മായ സഹസ്ര​ല​ക്ഷ​ക്ക​ണ​ക്കിന്‌ ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളിൽ അവർ വെളി​പ്പാട്‌ 17-ഉം 18-ഉം അദ്ധ്യാ​യ​ങ്ങ​ളിൽ അപലപി​ക്ക​പ്പെ​ട്ടി​രി​ക്കുന്ന “മഹാബാ​ബി​ലോൻ” എന്ന മതവേ​ശ്യ​യി​ലെ അത്യന്തം പ്രബല​മായ ശക്തിയെന്ന നിലയിൽ ക്രൈ​സ്‌ത​വ​ലോ​കത്തെ തുറന്നു​കാ​ട്ടി. (വാച്ച്‌ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി ഓഫ്‌ ന്യൂ​യോർക്ക്‌ ഇൻകോ. 1963-ൽ പ്രസി​ദ്ധ​പ്പെ​ടു​ത്തിയ “മഹാബാ​ബി​ലോൻ വീണി​രി​ക്കു​ന്നു!” ദൈവ​രാ​ജ്യം ഭരിക്കു​ന്നു! എന്ന പുസ്‌ത​ക​ത്തി​ന്റെ 576-615 വരെ പേജുകൾ കാണുക.)

15. ക്രൈ​സ്‌ത​വ​ലോ​കം 1955-ൽ തുറന്നു​കാ​ട്ട​പ്പെ​ട്ട​തെ​ങ്ങനെ?

¹⁵ യഹോ​വ​യു​ടെ സാക്ഷികൾ 1955-ൽ ക്രൈ​സ്‌ത​വ​ലോ​ക​മോ ക്രിസ്‌ത്യാ​നി​ത്വ​മോ—ഏതാണു “ലോക​ത്തി​ന്റെ വെളിച്ചം?” എന്ന ചെറു​പു​സ്‌ത​ക​ത്തി​ന്റെ ദശലക്ഷ​ക്ക​ണ​ക്കി​നു പ്രതികൾ വിതരണം ചെയ്‌തു. ക്രൈ​സ്‌ത​വ​ലോ​ക​ത്തി​ലെ വൈദി​കർക്ക്‌ ആയിര​ക്ക​ണ​ക്കി​നു പ്രതികൾ നേരിട്ട്‌ അയച്ചു​കൊ​ടു​ത്തു. ആ ചെറു​പു​സ്‌തകം അവരോട്‌ എന്തു പറഞ്ഞു? യഥാർത്ഥ യിരെ​മ്യാ​രീ​തി​യിൽ അത്‌ ഇങ്ങനെ പറഞ്ഞു: “ക്രൈ​സ്‌ത​വ​ലോ​കത്തെ സാമ്പത്തി​ക​മാ​യും മാനസി​ക​മാ​യും സൈനി​ക​മാ​യും പുരോ​ഗ​മി​പ്പി​ച്ചി​ട്ടുള്ള അവളുടെ എല്ലാ ആനുകൂ​ല്യ​ങ്ങ​ളു​മു​ണ്ടാ​യി​രു​ന്നി​ട്ടും അവൾ ‘ലോക​ത്തി​ന്റെ വെളിച്ച’മാണെന്നു തെളി​യി​ച്ചി​ട്ടില്ല. എന്തു​കൊ​ണ്ടില്ല? . . . അവൾ [ബൈബി​ളി​ലെ] ക്രിസ്‌ത്യാ​നി​ത്വം ആചരി​ക്കു​ക​യോ പ്രസം​ഗി​ക്കു​ക​യോ ചെയ്യു​ന്നില്ല.” അനന്തരം അത്‌ ഈ ചോദ്യം ഉന്നയിച്ചു: “വ്യാജ​മ​ത​ങ്ങളെ തുറന്നു​കാ​ണി​ക്കു​ന്നത്‌ അവയുടെ അനുയാ​യി​ക​ളു​ടെ ഒരു പീഡന​മാ​ണോ? അത്‌ ക്രിസ്‌തീ​യ​മ​ല്ലാത്ത മതഭ്രാ​ന്താ​ണോ?”

16. ക്രൈ​സ്‌ത​വ​ലോ​കത്തെ തുറന്നു​കാ​ട്ടു​ന്നത്‌ യഹോ​വ​യു​ടെ സാക്ഷി​കളെ സംബന്ധി​ച്ച​ട​ത്തോ​ളം മതഭ്രാ​ന്താ​ണോ? വിശദീ​ക​രി​ക്കുക.

¹⁶ ഉത്തരം ഇതായി​രു​ന്നു: “അല്ല; ആയിരു​ന്നെ​ങ്കിൽ യേശു​ക്രി​സ്‌തു യഹൂദൻമാ​രു​ടെ മതഭ്രാ​ന്തു​പി​ടിച്ച, ഒരു പീഡക​നാ​യി​രു​ന്നു . . . [യിരെ​മ്യാവ്‌ ഉൾപ്പെടെ] യേശു​വി​നു മുമ്പത്തെ പുരാതന കാലങ്ങ​ളി​ലെ യഹോ​വ​യു​ടെ സകല പ്രവാ​ച​കൻമാ​രും പീഡക​രും മതഭ്രാ​ന്ത​രു​മാ​യി​രു​ന്നു, എന്തെന്നാൽ അവരെ​ല്ലാം വിശ്വാ​സ​ത്യാ​ഗി​ക​ളാ​യി​രുന്ന യഹൂദൻമാ​രു​ടെ​യും പുറജാ​തി ജനതക​ളു​ടെ​യും വ്യാജ​മ​തത്തെ തുറന്നു കാട്ടി.” തീർച്ച​യാ​യും, സത്യ​ക്രി​സ്‌ത്യാ​നി​കൾ ‘ലോക​ത്തി​ന്റെ വെളിച്ച’മായി​രി​ക്ക​ണ​മെ​ങ്കിൽ, അപ്പോൾ ആത്മീയ ‘ഇരുട്ടി​നെ’ തുറന്നു​കാ​ട്ടണം. (2 കൊരി​ന്ത്യർ 6:14-17) വ്യക്തി​കളെ ആക്രമി​ക്കു​ന്നു​വെന്ന്‌ ഇതിനർത്ഥ​മില്ല, എന്നാൽ അവരെ അടിമ​ത്വ​ത്തിൽ വച്ചിരി​ക്കുന്ന വ്യവസ്ഥി​തി​യെ​യാണ്‌ ആക്രമി​ക്കു​ന്നത്‌. അങ്ങനെ, യഹോവ യിരെ​മ്യാ​വിന്‌ ഈ കല്‌പന കൊടു​ത്തു: “നീ നിന്റെ അര കെട്ടണം, നീ എഴു​ന്നേ​ററ്‌ ഞാൻ നിന്നോ​ടു കൽപി​ക്കു​ന്ന​തെ​ല്ലാം അവരോട്‌ പ്രസ്‌താ​വി​ക്കണം. അവർ നിമിത്തം ഒട്ടും ഭയപ്പെ​ട​രുത്‌ . . . അവർ നിന​ക്കെ​തി​രെ പോരാ​ടു​മെന്ന്‌ തീർച്ച​യാണ്‌, എന്നാൽ അവർ നിന​ക്കെ​തി​രെ വിജയി​ക്കു​ക​യില്ല, എന്തെന്നാൽ ‘നിന്നെ വിടു​വി​ക്കാൻ ഞാൻ നിന്നോ​ടു​കൂ​ടെ​യുണ്ട്‌’ എന്നാണ്‌ യഹോ​വ​യു​ടെ അരുള​പ്പാട്‌.”—യിരെ​മ്യാവ്‌ 1:17, 19.

യിരെ​മ്യാ​വേല പൂർത്തി​യാ​വു​ന്നു

17, 18. (എ) യഹോ​വ​യു​ടെ സാക്ഷികൾ സമീപ​വർഷ​ങ്ങ​ളിൽ യിരെ​മ്യാ​വേല തുടർന്നി​രി​ക്കു​ന്ന​തെ​ങ്ങനെ? (ബി) പരമാർത്ഥ ഹൃദയി​കൾക്ക്‌ എന്തു ബുദ്ധി​യു​പ​ദേശം കൊടു​ക്ക​പ്പെ​ട്ടി​രി​ക്കു​ന്നു?

¹⁷ യഹോ​വ​യു​ടെ സാക്ഷികൾ ദൈവ​ത്തി​ന്റെ ന്യായ​വി​ധി​യെ മയപ്പെ​ടു​ത്തി​യി​ട്ടു​ണ്ടോ? മറെറാ​രു മതത്തെ വിമർശി​ക്കു​ക​യെ​ന്നതല്ല ചെയ്യേണ്ട സംഗതി​യെന്നു വിചാ​രി​ക്കുന്ന ഒരു യുഗത്തി​ലാണ്‌ നാം ജീവി​ക്കു​ന്ന​തെ​ന്നു​ള്ളത്‌ സത്യം​തന്നെ. എന്നിരു​ന്നാ​ലും, യഹോ​വ​യു​ടെ സാക്ഷി​ക​ളു​ടെ പ്രസി​ദ്ധീ​ക​ര​ണങ്ങൾ എല്ലായ്‌പ്പോ​ഴും ക്രൈ​സ്‌ത​വ​ലോ​ക​ത്തിന്‌ ഒരേ ന്യായ​വി​ധി​ദൂ​താണ്‌ സമർപ്പി​ക്കു​ന്നത്‌. ദൃഷ്ടാ​ന്ത​മാ​യി, കഴിഞ്ഞ നാലു വർഷങ്ങ​ളിൽ യഹോ​വ​യു​ടെ സാക്ഷികൾ നിങ്ങൾക്കു ഭൂമി​യി​ലെ പരദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌ത​ക​ത്തി​ന്റെ മൂന്നു കോടി 20 ലക്ഷം പ്രതികൾ 76 ഭാഷക​ളി​ലാ​യി അച്ചടിച്ചു. ഈ പ്രസി​ദ്ധീ​ക​രണം “മരണത്തി​ങ്കൽ എന്തു സംഭവി​ക്കു​ന്നു?” “ദൈവം ദുഷ്ടത അനുവ​ദി​ച്ചി​രി​ക്കു​ന്ന​തെ​ന്തു​കൊണ്ട്‌?” “സത്യമ​തത്തെ തിരി​ച്ച​റി​യൽ” എന്നിങ്ങ​നെ​യുള്ള ഇന്നത്തെ അനേകം ചോദ്യ​ങ്ങൾക്ക്‌ ഉത്തരം നൽകുന്നു. എന്നാൽ അത്‌ വ്യാജ​മ​ത​ലോക സാമ്രാ​ജ്യ​ത്തെ സംബന്ധിച്ച്‌ വ്യക്തമായ ഒരു മുന്നറി​യി​പ്പും നൽകുന്നു.

¹⁸ സാത്താന്റെ ലോകത്തെ അനുകൂ​ലി​ക്കു​ന്നു​വോ, അതോ ദൈവ​ത്തി​ന്റെ പുതിയ വ്യവസ്ഥി​തി​യെ അനുകൂ​ലി​ക്കു​ന്നു​വോ? എന്ന ശീർഷ​ക​ത്തി​ലുള്ള 25-ാം അദ്ധ്യാ​യ​ത്തിൽ അത്‌ ഇങ്ങനെ പ്രസ്‌താ​വി​ക്കു​ന്നു: “ബൈബി​ളിൽ വ്യാജ​മതം ‘മഹാബാ​ബി​ലോൻ’ എന്നു​പേ​രുള്ള ഒരു ‘മഹാ​വേ​ശ്യ​യാ​യി,’ ഒരു വ്യഭി​ചാ​രി​ണി​യാ​യി, പ്രതി​നി​ധാ​നം ചെയ്യ​പ്പെ​ട്ടി​രി​ക്കു​ന്നു . . . ചരി​ത്ര​ത്തി​ലു​ട​നീ​ളം മതം രാഷ്‌ട്രീ​യ​വു​മാ​യി കലർത്ത​പ്പെ​ട്ടി​ട്ടു​ണ്ടെ​ന്നും മിക്ക​പ്പോ​ഴും എന്തു ചെയ്യണ​മെന്ന്‌ ഗവൺമെൻറു​ക​ളോട്‌ ആജ്ഞാപി​ച്ചി​ട്ടു​ണ്ടെ​ന്നു​മുള്ള വസ്‌തുത സുവി​ദി​ത​മാണ്‌.” അതു​കൊണ്ട്‌, ആ പുസ്‌തകം ഏതു പ്രവർത്ത​ന​ഗതി ശുപാർശ ചെയ്യുന്നു? അതു ചോദി​ക്കു​ന്നു: “നിങ്ങൾ സാത്താന്റെ ലോക​ത്തി​ന്റെ ഭാഗമാ​യി​രി​ക്കാ​നാ​ഗ്ര​ഹി​ക്കു​ന്നു​വോ? അതോ നിങ്ങൾ ദൈവ​ത്തി​ന്റെ പുതിയ വ്യവസ്ഥി​തി​യെ അനുകൂ​ലി​ക്കു​ന്നു​വോ? ദൈവ​ത്തി​ന്റെ പുതിയ വ്യവസ്ഥി​തി​യെ അനുകൂ​ലി​ക്കു​ന്നു​വെ​ങ്കിൽ നിങ്ങൾ വ്യാജ​മതം ഉൾപ്പെ​ട്ടി​രി​ക്കുന്ന ലോക​ത്തിൽനിന്ന്‌ വേർപെ​ട്ടി​രി​ക്കും. നിങ്ങൾ ‘എന്റെ ജനമേ, അവളെ [മഹാബാ​ബി​ലോ​നെ] വിട്ടു​പോ​രുക’ എന്ന ബൈബിൾ കല്‌പന അനുസ​രി​ക്കും. (വെളി​പ്പാട്‌ 18:4).”

19. ഈ വൈകിയ വേളയി​ലും ആധുനിക യിരെ​മ്യാ​വി​ന്റെ വായട​ച്ചി​ട്ടി​ല്ലെന്ന്‌ നിങ്ങൾക്ക്‌ എങ്ങനെ പ്രകട​മാ​ക്കാൻ കഴിയും?

¹⁹ വേർപാ​ടി​ന്റെ​യും ന്യായ​വി​ധി​യു​ടെ​യും ഈ ശക്തമായ സന്ദേശം 1986-ൽ പ്രസി​ദ്ധീ​ക​രിച്ച “സമാധാന പ്രഭു​വിൻ കീഴിൽ ലോക​വ്യാ​പക സുരക്ഷി​ത​ത്വം” (25 ഭാഷക​ളിൽ 60 ലക്ഷം പ്രതികൾ) എന്ന പുസ്‌ത​ക​ത്തിൽ വ്യക്തമാ​യി മുഴങ്ങു​ന്നു. അത്‌ ഒന്നാം ലോക​മ​ഹാ​യു​ദ്ധ​ത്തി​ലെ ‘യുദ്ധക്ക​ള​ങ്ങ​ളി​ലേക്ക്‌ യുവാ​ക്കളെ പ്രസം​ഗി​ച്ച​യ​ച്ച​തിന്‌’ ക്രൈ​സ്‌ത​വ​ലോ​ക​ത്തി​ലെ വൈദി​കരെ തുറന്നു​കാ​ട്ടു​ന്നു. അതു തുടരു​ന്നു: “ക്രൈ​സ്‌ത​വ​ലോ​കം ഇന്നോളം അത്യുന്നത ദൈവ​ത്തി​ന്റെ ഒരു ശത്രു​വാ​യി പ്രവർത്തി​ക്കു​ന്നു. തീർച്ച​യാ​യും അവൾക്ക്‌ ദിവ്യ​സം​ര​ക്ഷ​ണ​മില്ല, ഈ മർമ്മ​പ്ര​ധാ​ന​മായ കാരണ​ത്താൽ അവളുടെ അസ്‌തി​ത്വം​തന്നെ അരക്ഷി​ത​മാ​യി​രി​ക്കു​ന്നു.” (30-2 വരെ പേജുകൾ കാണുക.) ആധുനിക യിരെ​മ്യാ​വി​ന്റെ വായട​ക്ക​പ്പെ​ടു​ന്നില്ല! വൈദി​ക​രും രാജ്യ​ത​ന്ത്ര​ജ്ഞൻമാ​രും ദൈവ​ത്തി​ന്റെ ന്യായ​വി​ധി​ക​ളു​ടെ പ്രസം​ഗത്തെ തടയാൻ ശ്രമി​ക്കു​ന്നു​ണ്ടെ​ങ്കി​ലും അവന്റെ സാക്ഷികൾ മുന്നറി​യി​പ്പിൻ വേല പൂർത്തീ​ക​രി​ക്കാൻ ഉറച്ചു​കൊണ്ട്‌ മുന്നേ​റു​ക​യാണ്‌.—യിരെ​മ്യാവ്‌ 18:18.

20. യഹോ​വ​യു​ടെ സാക്ഷികൾ ജനതക​ളോട്‌ യഹോ​വ​യു​ടെ ന്യായ​വി​ധി​കൾ പ്രഖ്യാ​പി​ക്കു​ന്ന​തിൽ തുടരു​ന്ന​തെ​ന്തു​കൊണ്ട്‌?

²⁰ ഈ വേല പൂർത്തീ​ക​രി​ക്കേ​ണ്ട​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ അഖിലാ​ണ്ഡ​ത്തി​ന്റെ ജീവനുള്ള പരമാ​ധി​കാ​രി​യാം കർത്താ​വായ യഹോ​വ​യ്‌ക്ക്‌ ജനതക​ളോ​ടും അവരുടെ മതങ്ങ​ളോ​ടും ഒരു കണക്കു ചോദ്യ​മുണ്ട്‌. വഞ്ചന നിറഞ്ഞ യഹൂദ​യോ​ടും യെരൂ​ശ​ലേ​മി​നോ​ടും യഹോവ ചോദി​ച്ച​തു​പോ​ലെ​തന്നെ ഇന്നത്തെ ക്രൈ​സ്‌ത​വ​ലോ​ക​ത്തി​നും ആ ചോദ്യം തുല്യ​മാ​യി ബാധക​മാ​കു​ന്നു: “ഈ കാര്യങ്ങൾ നിമിത്തം തന്നെ ഞാൻ ഒരു കണക്കെ​ടു​പ്പു നടത്തേ​ണ്ട​ത​ല്ല​യോ, അല്ലെങ്കിൽ ഇതു​പോ​ലെ​യുള്ള ഒരു ജനതയു​ടെ​മേൽ എന്റെ ദേഹി പ്രതി​കാ​രം നടത്തേ​ണ്ട​ത​ല്ല​യോ? എന്നാണ്‌ യഹോ​വ​യു​ടെ അരുള​പ്പാട്‌.” തന്നിമി​ത്തം, യഹോ​വ​യു​ടെ സാക്ഷികൾ ഒരു ജനപ്രീ​തി​യി​ല്ലാത്ത ന്യായ​വി​ധി​യെന്ന നിലയിൽ ഭൂരി​പ​ക്ഷത്തെ വേദനി​പ്പി​ക്കു​ന്ന​തും എന്നാൽ ഒരു ന്യൂന​പ​ക്ഷ​ത്തിന്‌ സന്തുഷ്ട​മായ സുവാർത്ത—രാജ്യ​ത്തി​ന്റെ ഈ സുവാർത്ത—ആയിരി​ക്കു​ന്ന​തു​മായ ഒരു സന്ദേശ​വു​മാ​യി രാഷ്‌ട്ര​ങ്ങ​ളി​ലെ ആളുകളെ സന്ദർശി​ക്കു​ന്ന​തിൽ തുട​രേ​ണ്ട​താണ്‌.—യിരെ​മ്യാവ്‌ 5:9, 29; 9:9; പ്രവൃ​ത്തി​കൾ 8:4, 12.

21. മുൻകൂ​ട്ടി​പ്പ​റ​യ​പ്പെട്ട അനർത്ഥം ഗണ്യമാ​ക്കാ​തെ, യിരെ​മ്യാ​വേ​ലക്ക്‌ ശ്രദ്ധ കൊടു​ക്കു​ന്ന​വർക്ക്‌ എന്തു ഭാവി പ്രത്യാ​ശ​യുണ്ട്‌? (സങ്കീർത്തനം 37:9, 11, 18, 19, 28, 29)

²¹ പലപ്പോ​ഴും യിരെ​മ്യാവ്‌ “അനർത്ഥം ഓളി​യി​ടു​ന്നവൻ” എന്ന്‌ വിളി​ക്ക​പ്പെ​ട്ടി​ട്ടു​ണ്ടെ​ങ്കി​ലും, അവന്റെ സന്ദേശം യഹൂദൻമാർക്ക്‌ പ്രത്യാ​ശാ കിരണ​ങ്ങ​ളും അവതരി​പ്പി​ച്ചു​വെ​ന്നതു സത്യമാണ്‌. (യിരെ​മ്യാവ്‌ 23:5, 6; 31:16, 17) സമാന​മായ ഒരു വിധത്തിൽ, ദൈവ​ത്തി​ന്റെ അർമ്മ​ഗെ​ദ്ദോൻ ന്യായ​വി​ധി​യോ​ടു​കൂ​ടിയ ആസന്നമായ “മഹോ​പ​ദ്രവ”ത്തെ യഹോ​വ​യു​ടെ സാക്ഷികൾ പ്രഖ്യാ​പി​ക്കു​ന്നു​വെ​ന്നി​രി​ക്കെ, അവർ “പുതിയ ആകാശ​ങ്ങ​ളു​ടെ​യും പുതിയ ഭൂമി”യുടെ​യും അനു​ഗ്ര​ഹ​ങ്ങ​ളെ​യും ഘോഷി​ക്കു​ന്നുണ്ട്‌, അവ നീതി​യു​ടെ പുനഃ​സ്ഥി​തീ​ക​ര​ണ​ത്തിൽ കലാശി​ക്കും, നിത്യ​ജീ​വ​നോ​ടു​കൂ​ടെ ഈ ഭൂഗ്ര​ഹ​ത്തിൽ പരദീ​സ​യും പുനഃ​സ്ഥാ​പി​ക്ക​പ്പെ​ടും. (മത്തായി 24:21, 22; വെളി​പ്പാട്‌ 16:16; 21:1-4) തന്നിമി​ത്തം, യഹോ​വ​യു​ടെ ന്യായ​വി​ധി ദൂതിനു ചെവി​കൊ​ടു​ക്കു​ന്ന​തി​നും വലിയ യിരെ​മ്യാ​വേ​ല​യു​ടെ പൂർത്തീ​ക​ര​ണ​ത്തിന്‌ പിന്തു​ണ​കൊ​ടു​ക്കു​ന്ന​തി​നു​മുള്ള സമയം ഇപ്പോ​ഴാണ്‌.—യിരെ​മ്യാവ്‌ 38:7-13 താരത​മ്യ​പ്പെ​ടു​ത്തുക. (w88 4/1)

നിങ്ങൾ ഓർമ്മി​ക്കു​ന്നു​വോ?

◻ യഹോ​വ​യു​ടെ സാക്ഷികൾ യിരെ​മ്യാ​വി​നെ​പ്പോ​ലെ എങ്ങനെ പീഡി​പ്പി​ക്ക​പ്പെ​ടു​ന്നു?

◻ യഹോ​വ​യു​ടെ സാക്ഷികൾ പ്രസം​ഗി​ക്കു​ന്ന​തിൽ തുടരു​ന്ന​തെ​ന്തു​കൊണ്ട്‌?

◻ യിരെ​മ്യാ​വേല എങ്ങനെ വികസി​പ്പി​ക്ക​പ്പെ​ട്ടി​രി​ക്കു​ന്നു?

◻ അപലപ​ന​ത്തി​നു മാററ​മു​ണ്ടാ​യി​ട്ടി​ല്ലെന്ന്‌ ഏതു സമീപ​കാല ദൃഷ്ടാ​ന്തങ്ങൾ പ്രകട​മാ​ക്കു​ന്നു?

◻ അനർത്ഥ​ത്തി​ന്റെ സന്ദേശ​മു​ണ്ടാ​യി​ട്ടും, ഏതു പ്രത്യാ​ശ​യും വെച്ചു​നീ​ട്ട​പ്പെ​ടു​ന്നു?

[12-ാം പേജിലെ ചിത്രം]

കാലക്രമത്തിൽ മറിയയെ വിഗ്ര​ഹ​മാ​ക്കു​ക​യും, ദൈവ​മാ​താ​വെന്ന നിലയിൽ പൂജി​ക്കാൻ ആളുകളെ ആഹ്വാനം ചെയ്യു​ക​യും ചെയ്‌തു

[13-ാം പേജിലെ ചിത്രം]

ബൈബിൾ വിദ്യാർത്ഥി​കൾ 1931-ൽ ഒഹായോ കൊളം​ബ​സിൽ നടന്ന അവരുടെ കൺ​വെൻ​ഷ​നിൽ “യഹോ​വ​യു​ടെ സാക്ഷികൾ” എന്ന പേർ സ്വീക​രി​ച്ചു

[14-ാം പേജിലെ ചിത്രം]

ലോകവ്യാപകമായി യഹോ​വ​യു​ടെ സാക്ഷികൾ യിരെ​മ്യാ​വി​ന്റെ ദൃഷ്ടാന്തം പിന്തു​ട​രു​ന്നു