കമ്പ്യൂട്ടർ സാങ്കേ​തി​ക​വി​ദ്യ സംബന്ധിച്ച്‌ ഒരു സന്തുലിത വീക്ഷണം നിലനിർത്തൽ

¹ “കാലം ചുരു​ങ്ങി​യി​രി​ക്കുന്ന”തിനാൽ ശ്രദ്ധാ​ശൈ​ഥി​ല്യം ഉള്ളവരാ​യി​രി​ക്ക​രു​തെന്ന്‌ അപ്പോ​സ്‌ത​ല​നായ പൗലോസ്‌ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കളെ ഉത്‌ബോ​ധി​പ്പി​ച്ചു. (1 കൊരി. 7:29) ഈ വ്യവസ്ഥി​തി​യു​ടെ അന്ത്യം സമീപി​ക്കവേ ‘ഒന്നാമതു രാജ്യ​വും ദൈവ​ത്തി​ന്റെ നീതി​യും അന്വേ​ഷി​ക്കു​ന്ന​തും’ ‘സമയം വിലയ്‌ക്കു വാങ്ങു​ന്ന​തും’ നമ്മെ സംബന്ധിച്ച്‌ എത്ര അടിയ​ന്തി​ര​മാണ്‌! സമയം വില​യേ​റി​യ​താണ്‌.—മത്താ. 6:33; എഫേ. 5:15, 16; NW.

² സാങ്കേ​തി​ക​വി​ദ്യ വളരെ​യ​ധി​കം സമയലാ​ഭം ഉളവാ​ക്കു​ന്ന​താ​യി വാഴ്‌ത്ത​പ്പെ​ട്ടി​ട്ടുണ്ട്‌. ഉദാഹ​ര​ണ​ത്തിന്‌, ഒരു കമ്പ്യൂട്ടർ ബട്ടൺ അമർത്തു​ന്ന​തി​നാൽ ഒരു പ്രയോ​ക്താ​വി​നു നിമി​ഷ​നേ​രം​കൊ​ണ്ടു ധാരാളം വിവരങ്ങൾ നേടാൻ കഴിയും. മറ്റു മാർഗ​ങ്ങ​ളി​ലൂ​ടെ മണിക്കൂ​റു​ക​ളോ ആഴ്‌ച​ക​ളോ കൊണ്ടു ചെയ്‌തി​രു​ന്നതു കമ്പ്യൂ​ട്ട​റു​കൾക്കു മിക്കവാ​റും ഏതാനും സെക്കന്റു​കൾകൊ​ണ്ടു ചെയ്യാ​നാ​വും. ഉചിത​മാ​യി ഉപയോ​ഗി​ക്കു​മ്പോൾ അവ സഹായ​ക​മായ ഉപകര​ണ​മാണ്‌.

³ അതു വാസ്‌ത​വ​മാ​യും സമയം ലാഭി​ക്കു​മോ?: അതേസ​മയം തന്നെ ഗണ്യമായ വില​യൊ​ടു​ക്കാ​തെ—പണത്തി​ന്റെ​യും സമയത്തി​ന്റെ​യും കാര്യ​ത്തിൽ—അത്തരം സാങ്കേ​തി​ക​വി​ദ്യ പ്രയോ​ക്താ​വി​ന്റെ പക്കൽ എത്തുന്നില്ല. കമ്പ്യൂട്ടർ ഉപയോ​ഗി​ച്ചു ചില പ്രത്യേക ജോലി​കൾ ചെയ്യുന്ന വിധം പഠിക്കാൻ മണിക്കൂ​റു​കൾ തന്നെ ആവശ്യ​മാ​യി​രു​ന്നേ​ക്കാം. കൂടാതെ, സാങ്കേ​തി​ക​വി​ദ്യ​യിൽ തന്നെ അമിത​മാ​യി കമ്പം തോന്നു​ന്ന​യാൾ മറ്റുരീ​തി​യിൽ നന്നായി ചെലവ​ഴി​ക്കാ​വുന്ന സമയം പാഴാ​ക്കി​യേ​ക്കാം. അപ്പോ​സ്‌ത​ല​നായ പൗലോ​സി​ന്റെ, “നിങ്ങൾക്കാ​യി​ത്തന്നെ സമയം വിലയ്‌ക്കു​വാ​ങ്ങി​ക്കൊ​ണ്ടു ബുദ്ധി​മാൻമാ​രാ​യി” നടക്കുക എന്ന ഉത്‌ബോ​ധ​ന​ത്തിൽ ഉൾപ്പെ​ട്ടി​രി​ക്കുന്ന തത്ത്വം മനസ്സിൽ പിടി​ച്ചു​കൊ​ണ്ടു നാം ഒരു സന്തുലിത വീക്ഷണം നിലനിർത്തണം.—1 കൊരി​ന്ത്യർ 7:31 കാണുക.

⁴ സദു​ദ്ദേ​ശ്യ​മുള്ള ഏതാനും വ്യക്തികൾ സഭാ രേഖകൾ സൂക്ഷി​ക്കു​ന്ന​തി​നാ​യി കമ്പ്യൂട്ടർ പ്രോ​ഗ്രാ​മു​കൾ രൂപീ​ക​രി​ച്ചി​ട്ടുണ്ട്‌. ഒരു വ്യക്തി തന്റെ കമ്പ്യൂട്ടർ എപ്രകാ​രം ഉപയോ​ഗി​ക്കു​ന്നു എന്നതു തീർച്ച​യാ​യും വ്യക്തി​പ​ര​മായ ഒരു തീരു​മാ​ന​മാണ്‌. എന്നിരു​ന്നാ​ലും, ഫാറങ്ങൾ പ്രദാനം ചെയ്‌തി​രി​ക്കുന്ന സഭാ​രേ​ഖകൾ കമ്പ്യൂ​ട്ട​റു​ക​ളിൽ സൂക്ഷി​ക്ക​രുത്‌, കാരണം കുട്ടി​കൾക്കോ അല്ലെങ്കിൽ അധികാ​ര​പ്പെ​ടു​ത്ത​പ്പെ​ടാത്ത വ്യക്തി​കൾക്കോ വിവരങ്ങൾ ലഭ്യമാ​കും. എല്ലാ സഭാ രേഖക​ളും—കണക്കു രേഖകൾ, സഭയുടെ പ്രസാധക രേഖാ കാർഡു​കൾ തുടങ്ങി​യവ—സൊ​സൈറ്റി പ്രദാനം ചെയ്‌തി​രി​ക്കുന്ന ഫാറങ്ങ​ളിൽ സൂക്ഷി​ക്കേ​ണ്ട​താണ്‌, ഈ സഭാ ഫാറങ്ങ​ളി​ലെ വിവരങ്ങൾ കമ്പ്യൂ​ട്ട​റിൽ സൂക്ഷി​ക്ക​രുത്‌. ഇപ്രകാ​രം സഭയുടെ രഹസ്യ രേഖകൾ കാത്തു​സൂ​ക്ഷി​ക്ക​പ്പെ​ടും.

⁵ ദിവ്യാ​ധി​പത്യ ശുശ്രൂ​ഷാ​സ്‌കൂൾ, സേവന​യോഗ പരിപാ​ടി​കൾ ഇവയ്‌ക്കു നിയമ​നങ്ങൾ നൽകുന്ന കാര്യ​ത്തിൽ ഉത്തരവാ​ദി​ത്വ​പ്പെട്ട മേൽവി​ചാ​ര​കൻമാർ വിവേചന കാണി​ക്കേ​ണ്ട​തുണ്ട്‌. ഒരു പ്രത്യേക ഭാഗത്തു കൈകാ​ര്യം ചെയ്യ​പ്പെ​ടേണ്ട വിവരം അവർക്കു മനസ്സി​ലു​ണ്ടാ​യി​രി​ക്കണം. ഉദാഹ​ര​ണ​ത്തിന്‌, സ്‌കൂ​ളിൽ ചില വിവരങ്ങൾ ഏതെങ്കി​ലും വിദ്യാർഥി കൈകാ​ര്യം ചെയ്‌താൽ അത്‌ ഉചിത​മാ​യി​രി​ക്ക​യില്ല. അവതര​ണ​ത്തി​ന്റെ ഉദ്ദേശ്യ​വും അതു​പോ​ലെ വ്യക്തി​യു​ടെ യോഗ്യ​ത​ക​ളും വിവര​ത്തി​ന്റെ സ്വഭാ​വ​വും പരിഗ​ണി​ക്കേ​ണ്ട​തുണ്ട്‌. ഇതിന്റെ തീരു​മാ​നം കമ്പ്യൂ​ട്ട​റി​നു വിട്ടു​കൊ​ടു​ക്ക​രുത്‌.

⁶ സഭാ​യോ​ഗ​ങ്ങ​ളിൽ അവതരി​പ്പി​ക്കു​ന്ന​തിന്‌ ഒരു പരിപാ​ടി നിയമി​ച്ചു കിട്ടിയ സഹോ​ദരൻ മറ്റാ​രെ​ങ്കി​ലും തയ്യാറാ​ക്കി​ത്തന്ന വിവര​ങ്ങ​ളിൽ ആശ്രയി​ക്ക​രുത്‌. ഒരു സഹോ​ദ​രനു കമ്പ്യൂ​ട്ട​റു​ള്ള​തി​നാൽ ഗവേഷണം ചെയ്യു​ന്ന​തി​നും വേഗത്തി​ലും വൃത്തി​യാ​യും ഒരു ബാഹ്യ​രേഖ ടൈപ്പു ചെയ്യു​ന്ന​തി​നും അത്‌ ഉപയോ​ഗി​ക്കാൻ കഴിയു​മെ​ന്ന​തു​കൊണ്ട്‌ സ്വന്തം നിയമ​നങ്ങൾ തയ്യാറാ​ക്കു​ന്ന​തി​ന്റെ സമയവും ശ്രമവും ഒക്കെ ലാഭി​ച്ചു​കൊണ്ട്‌ തങ്ങളുടെ യോഗ​ഭാ​ഗങ്ങൾ തയ്യാറാ​ക്കി തരുന്ന​തി​നു മറ്റുള്ളവർ അദ്ദേഹ​ത്തോട്‌ ആവശ്യ​പ്പെ​ട​രുത്‌. ബൈബിൾ പ്രസം​ഗ​ങ്ങ​ളോ യോഗ പരിപാ​ടി​ക​ളോ തയ്യാറാ​ക്കു​ന്ന​തി​നും അവ സ്വന്തം സഭയി​ലോ അയൽസ​ഭ​യി​ലോ ഉള്ളവർക്കു ലഭ്യമാ​ക്കു​ന്ന​തി​നും ഉത്തരവാ​ദി​ത്വ​പ്പെട്ട ക്രിസ്‌ത്യാ​നി​കൾ തുനി​യ​രുത്‌. എന്നിരു​ന്നാ​ലും, കമ്പ്യൂ​ട്ട​റും സിഡി-റോമി​ലുള്ള സൊ​സൈ​റ്റി​യു​ടെ വാച്ച്‌ടവർ ലൈ​ബ്ര​റി​യും ലഭ്യമാ​യി​രി​ക്കുന്ന ചുരു​ങ്ങിയ സമയത്തി​നു​ള്ളിൽ ഫലകര​മാ​യി ഗവേഷണം നടത്തു​ന്ന​തി​നു സംഭാവന ചെയ്യുന്ന വില​യേ​റിയ ഉപകര​ണ​ങ്ങ​ളാ​യി​രു​ന്നേ​ക്കാം.—1994 ഏപ്രിൽ 22 ലക്കം ഉണരുക!യുടെ 23-ാം പേജിലെ ചതുരം കാണുക.

⁷ സഹോ​ദ​ര​ങ്ങ​ളു​ടെ ഇടയിൽ കമ്പ്യൂട്ടർ പ്രോ​ഗ്രാ​മു​ക​ളും, പട്ടിക​ക​ളും മറ്റു ബന്ധപ്പെട്ട പ്രമാ​ണ​ങ്ങ​ളും പുനർനിർമി​ച്ചു വിതരണം ചെയ്യു​ന്ന​കാ​ര്യ​ത്തി​ലും ഇല​ക്ട്രോ​ണിക്‌ ഉപകര​ണങ്ങൾ ഉപയോ​ഗി​ച്ചോ മറ്റു വിധങ്ങ​ളി​ലോ സേവന യോഗ​ത്തി​ലെ​യും ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ലെ​യും ഭാഗങ്ങൾ തയ്യാറാ​ക്കി വിതരണം ചെയ്യുന്ന കാര്യ​ത്തി​ലും, സാധാ​ര​ണ​ഗ​തി​യിൽ പ്രാ​ദേ​ശിക പ്രയോ​ജ​നങ്ങൾ മനസ്സിൽ പിടി​ച്ചു​കൊ​ണ്ടു സഹോ​ദ​രൻമാർ സ്വന്തമാ​യി പരിപാ​ടി തയ്യാറാ​കു​ന്ന​താ​ണു നല്ലത്‌. (1 തിമൊ. 4:13, 15) കൂടാതെ സാമ്പത്തി​ക​മായ നേട്ടങ്ങൾക്കു​വേണ്ടി സഭാപ​ര​മായ ബന്ധങ്ങളെ ഒരിക്ക​ലും ചൂഷണം ചെയ്യരുത്‌.

⁸ വീക്ഷാ​ഗോ​പുര അധ്യയ​ന​ത്തി​ലോ സഭാപു​സ്‌ത​കാ​ധ്യ​യ​ന​ത്തി​ലോ ഉള്ള തിരു​വെ​ഴു​ത്തു​ക​ളു​ടെ കമ്പ്യൂ​ട്ട​റിൽ തയ്യാറാ​ക്കിയ അച്ചടിച്ച പ്രതികൾ വിതരണം ചെയ്യു​ന്നതു സംബന്ധി​ച്ചോ? പ്രസാ​ധകർ ബൈബി​ളി​ലും പഠിക്കുന്ന പ്രസി​ദ്ധീ​ക​ര​ണ​ങ്ങ​ളി​ലും തങ്ങളുടെ സ്വന്തം കുറി​പ്പു​കൾ എഴുതു​ന്ന​തും അടയാ​ള​പ്പെ​ടു​ത്തു​ന്ന​തും ഏറെ നന്നായി​രി​ക്കും. യോഗ​ങ്ങ​ളിൽവച്ചു പ്രസി​ദ്ധീ​ക​ര​ണ​ങ്ങ​ളിൽ പരാമർശി​ച്ചി​രി​ക്കുന്ന തിരു​വെ​ഴു​ത്തു​ക​ളു​ടെ കമ്പ്യൂ​ട്ട​റിൽ തയ്യാറാ​ക്കിയ പ്രതികൾ ഉപയോ​ഗി​ക്കു​ന്നത്‌ തിരു​വെ​ഴു​ത്തു​കൾ കണ്ടുപി​ടി​ക്കു​ന്ന​തി​നുള്ള ബൈബി​ളി​ന്റെ ഉപയോ​ഗ​ത്തെ​ത്തന്നെ നിരു​ത്സാ​ഹ​പ്പെ​ടു​ത്തി​യേ​ക്കാം. എന്നാൽ ബൈബി​ള​ധ്യ​യ​ന​ത്തി​നി​ട​യി​ലോ സഭാ​യോ​ഗ​ങ്ങ​ളി​ലോ തിരു​വെ​ഴു​ത്തു​കൾ എടുത്തു​നോ​ക്കു​ന്നത്‌, വയൽശു​ശ്രൂ​ഷ​യിൽ ബൈബി​ളി​ന്റെ ഫലകര​മായ ഉപയോ​ഗ​ത്തി​നു നമ്മെ പ്രാപ്‌ത​രാ​ക്കു​ന്ന​തി​നു ലഭിക്കുന്ന പരിശീ​ല​ന​ത്തി​ന്റെ ഭാഗമാണ്‌. മിക്ക അവസര​ങ്ങ​ളി​ലും, വിശേ​ഷി​ച്ചും നീണ്ട ഉദ്ധരണി​ക​ളു​ള്ള​പ്പോൾ, ബൈബി​ളിൽനി​ന്നു നേരിട്ടു വായി​ക്കു​ന്ന​താണ്‌ ഏറെ ഫലപ്രദം, പ്രത്യേ​കി​ച്ചും ബൈബിൾ ഒത്തു നോക്കു​ന്ന​തി​നു സദസ്യർ പ്രോ​ത്സാ​ഹി​പ്പി​ക്ക​പ്പെ​ടു​മ്പോൾ.

⁹ ഗുരു​ത​ര​മായ മറ്റു കെണികൾ: ഒരു കമ്പ്യൂട്ടർ ഒരു ശൃംഖ​ല​യു​മാ​യി (network) ബന്ധിപ്പി​ക്കു​ന്ന​തി​നാൽ ഗുരു​ത​ര​മായ ആത്മീയ അപകട​ത്തി​നുള്ള വഴി തുറക്കാൻ കഴിയു​മെന്ന്‌ 1993 ആഗസ്റ്റ്‌ 1 വീക്ഷാ​ഗോ​പു​ര​ത്തി​ന്റെ 17-ാം പേജിൽ പറഞ്ഞി​രു​ന്നു. എന്തും ചെയ്യാൻ മടിയി​ല്ലാത്ത ഒരു വ്യക്തിക്കു ശൃംഖ​ല​യി​ലൂ​ടെ ഒരു വൈറ​സി​നെ—കമ്പ്യൂട്ടർ ഫയലുകൾ ദുഷി​പ്പി​ക്കു​ന്ന​തി​നും നശിപ്പി​ക്കു​ന്ന​തി​നു​മാ​യി തയ്യാറാ​ക്കി​യി​രി​ക്കുന്ന പ്രോ​ഗ്രാം—കടത്തി​വി​ടാൻ കഴിയു​ന്ന​തു​പോ​ലെ വിശ്വാ​സ​ത്യാ​ഗി​കൾക്കും പുരോ​ഹി​തൻമാർക്കും മറ്റുള്ള​വരെ ധാർമി​ക​മാ​യും മറ്റുവി​ധ​ങ്ങ​ളി​ലും ദുഷി​പ്പി​ക്കാൻ ശ്രമി​ക്കുന്ന ആളുകൾക്കും അത്തരം ശൃംഖ​ല​ക​ളി​ലൂ​ടെ തങ്ങളുടെ വിഷലി​പ്‌ത​മായ ആശയങ്ങൾ യഥേഷ്ടം പ്രചരി​പ്പി​ക്കാൻ കഴിയും. ഇതു ക്രിസ്‌തീയ പ്രയോ​ക്താ​ക്കളെ “ചീത്ത സഹവാസങ്ങ”ളുടെ അപകട​ത്തിൽ കുടു​ക്കി​യേ​ക്കാം. (1 കൊരി. 15:33) ആത്മീയ കാര്യ​ങ്ങളെ സംബന്ധി​ച്ചു പരി​ശോ​ധി​ക്കു​ന്ന​തി​നു മാത്രമല്ല മോശ​മായ ഉപദേ​ശങ്ങൾ നൽകു​ന്ന​തി​നും കുശു​കു​ശു​പ്പും വ്യാജ​മായ വിവര​ങ്ങ​ളും വ്യാപി​പ്പി​ക്കു​ന്ന​തി​നും നിഷേ​ധാ​ത്മക ആശയങ്ങൾ പ്രതി​ഷ്‌ഠി​ക്കു​ന്ന​തി​നും ചിലരു​ടെ വിശ്വാ​സ​ത്തി​നു തുരങ്കം​വെ​ക്കുന്ന ചോദ്യ​ങ്ങ​ളും സംശയ​ങ്ങ​ളും ഉന്നയി​ക്കു​ന്ന​തി​നും ബൈബി​ളി​ന്റെ വ്യക്തി​പ​ര​മായ വ്യാഖ്യാ​നങ്ങൾ പ്രചരി​പ്പി​ക്കു​ന്ന​തി​നും കമ്പ്യൂട്ടർ ശൃംഖ​ലകൾ ഉപയോ​ഗി​ക്കു​ന്ന​താ​യി സൊ​സൈ​റ്റി​ക്കു റിപ്പോർട്ടു​കൾ ലഭിച്ചി​ട്ടുണ്ട്‌. വിശ്വാ​സ​ത്യാ​ഗി​ക​ളു​ടെ​യും പുരോ​ഹി​തൻമാ​രു​ടെ​യും സാഹി​ത്യ​ങ്ങ​ളും മാസി​ക​ക​ളും അതുത​ന്നെ​യാ​ണു ചെയ്യാൻ ശ്രമി​ക്കു​ന്നത്‌. ചില വിവരങ്ങൾ പുറമേ രസകര​വും വിജ്ഞാ​ന​പ്ര​ദ​വു​മാ​യി കാണ​പ്പെ​ട്ടേ​ക്കാ​മെ​ങ്കി​ലും അവ വിഷജ​ന്യ​മായ ഘടകങ്ങൾ കൂട്ടി​ക്ക​ലർത്തി​യ​താ​യി​രി​ക്കും. സമയോ​ചി​ത​മായ ആത്മീയാ​ഹാ​ര​ത്തി​നും വിശദാം​ശ​ങ്ങൾക്കു​മാ​യി ക്രിസ്‌ത്യാ​നി​കൾ “വിശ്വ​സ്‌ത​നും വിവേ​കി​യു​മായ അടിമ”യിലേക്കു നോക്കു​ന്നു. (1994 ജൂലൈ 1 വീക്ഷാ​ഗോ​പു​ര​ത്തി​ന്റെ 9-11 പേജുകൾ കാണുക.) ദുഷി​പ്പി​ക്കുന്ന ഏതൊരു സ്വാധീ​ന​ത്തിൽനി​ന്നും തന്റെ വിശ്വാ​സത്തെ കാത്തു​സൂ​ക്ഷി​ക്കു​ന്ന​തി​നുള്ള ഗൗരവ​മായ ഉത്തരവാ​ദി​ത്വം ഒരു ക്രിസ്‌ത്യാ​നി​ക്കുണ്ട്‌. അതിനുള്ള അടിസ്ഥാ​ന​മെ​ന്ന​നി​ല​യിൽ ആരുമാ​യി​ട്ടാ​ണു താൻ സഹവസി​ക്കു​ന്ന​തെന്ന്‌ ഒരുവൻ എപ്പോ​ഴും അറിഞ്ഞി​രി​ക്കണം.—മത്താ. 24:45-47, NW; 2 യോഹ. 10, 11.

¹⁰ പകർപ്പ​വ​കാശ നിയമ​ങ്ങളെ ആദരി​ക്കേ​ണ്ട​തി​ന്റെ പ്രാധാ​ന്യ​വും അതേ വീക്ഷാ​ഗോ​പുര ലേഖനം ഊന്നി​പ്പ​റഞ്ഞു. കമ്പ്യൂട്ടർ പ്രോ​ഗ്രാ​മു​കൾ തയ്യാറാ​ക്കി വിൽക്കുന്ന മിക്ക കമ്പനി​ക​ളും അവയുടെ പകർപ്പ​വ​കാ​ശം സംവര​ണം​ചെ​യ്യു​ന്നു, എന്നിട്ട്‌ പ്രോ​ഗ്രാ​മു​കൾ നിയമ​പ​ര​മാ​യി എങ്ങനെ ഉപയോ​ഗി​ക്കാ​മെന്നു സൂചി​പ്പി​ച്ചു​കൊണ്ട്‌ ഒരു ലൈസൻസ്‌ നൽകുന്നു. ഉടമസ്ഥനു പ്രോ​ഗ്രാ​മി​ന്റെ കോപ്പി​കൾ മറ്റുള്ള​വർക്കു നൽകാൻ അനുവാ​ദ​മി​ല്ലെന്നു സാധാ​ര​ണ​മാ​യി ലൈസൻസ്‌ പറയുന്നു; വാസ്‌ത​വ​ത്തിൽ അങ്ങനെ ചെയ്യു​ന്ന​തി​നെ അന്താരാ​ഷ്ട്ര പകർപ്പ​വ​കാ​ശ​നി​യമം നിയമ​വി​രു​ദ്ധ​മാ​ക്കു​ന്നു. നിയമം ലംഘി​ക്കുന്ന കാര്യ​ത്തിൽ അത്യാ​ഗ്ര​ഹി​ക​ളായ പലർക്കും യാതൊ​രു മടിയു​മില്ല. എന്നിരു​ന്നാ​ലും കൈസ​റി​നു​ള്ളതു കൈസ​റി​നു നൽകി​ക്കൊ​ണ്ടു ക്രിസ്‌ത്യാ​നി​കൾ നിയമ​പ​ര​മായ കാര്യ​ങ്ങ​ളിൽ മനസ്സാ​ക്ഷി​ബോ​ധ​മു​ള്ള​വ​രാ​യി​രി​ക്കണം.—മത്താ. 22:21; റോമ. 13:1.

¹¹ ഏതൊരു സാങ്കേ​തി​ക​വി​ദ്യ​യും ഉപയോ​ഗി​ക്കു​ന്ന​തി​ന്റെ മൂല്യം നിർണ​യി​ക്കേ​ണ്ടത്‌ അതിന്റെ ഉപയോ​ഗ​ത്തിൽ അടങ്ങി​യി​രി​ക്കുന്ന അപകട​ത്തോ​ടുള്ള താരത​മ്യ​ത്തിൽ ആണ്‌. ടെലി​വി​ഷൻ പ്രയോ​ജ​ന​പ്ര​ദ​മാ​യി ഉപയോ​ഗി​ക്കാ​മെ​ന്നി​രി​ക്കെ മനുഷ്യ​വർഗ​ത്തിൻമേൽ ഇന്ന്‌ അതിനുള്ള അനാ​രോ​ഗ്യ​ക​ര​മായ ഫലങ്ങൾ, ലൗകിക ഉറവി​ട​ങ്ങൾപോ​ലും അതു സംബന്ധി​ച്ചു ഗൗരവ​മായ ഉത്‌കണ്‌ഠ പ്രകടി​പ്പി​ക്കാൻ ഇടയാ​ക്കി​യി​രി​ക്കു​ന്ന​തു​പോ​ലെ​യാ​ണിത്‌. കമ്പ്യൂട്ടർ ശൃംഖ​ലകൾ ഇന്നു ലോക​വ്യാ​പ​ക​മാ​യി​ത്തീർന്നി​രി​ക്കു​ന്നു. അതിനു വീടു​ക​ളി​ലേ​ക്കോ ജോലി​സ്ഥ​ല​ത്തേ​ക്കോ അളവറ്റ വില​യേ​റിയ വിവരങ്ങൾ കൊണ്ടു​വ​രാൻ കഴിയും. നാമിന്നു ജീവി​ക്കുന്ന ത്വരി​ത​ഗ​മനം ചെയ്യുന്ന സമൂഹ​ത്തി​ന്റെ വ്യക്തി​പ​ര​വും ബിസി​ന​സു​പ​ര​വു​മായ താത്‌പ​ര്യ​ങ്ങൾക്കൊ​ത്തു പോകേണ്ട ബിസി​ന​സു​കൾക്കും സ്ഥാപന​ങ്ങൾക്കും അതു​പോ​ലെ​തന്നെ വ്യക്തി​കൾക്കും അത്യാ​വ​ശ്യ​മാ​യി​രി​ക്കുന്ന സേവനങ്ങൾ അവ പ്രദാനം ചെയ്യുന്നു. അതേസ​മ​യം​തന്നെ അശ്ലീല​ത​യും ഭിന്നത​യും വിദ്വേ​ഷ​വും നിറഞ്ഞ പ്രചാ​ര​ണ​ങ്ങ​ളും, ഹീനവും ദുഷ്ടവു​മായ കാര്യങ്ങൾ ചെയ്യേണ്ട വിധം സംബന്ധിച്ച വിശദാം​ശ​ങ്ങ​ളും കൊണ്ടു കമ്പ്യൂട്ടർ ശൃംഖ​ലകൾ ബാധി​ക്ക​പ്പെ​ട്ടി​രി​ക്കു​ന്നു.

¹² അതു​കൊണ്ട്‌ കമ്പ്യൂട്ടർ സാങ്കേ​തി​ക​വി​ദ്യ സംബന്ധിച്ച്‌ ഒരു ക്രിസ്‌ത്യാ​നി സന്തുലിത വീക്ഷണം പുലർത്തു​ന്ന​തി​നു നിരവധി സുപ്ര​ധാന കാരണ​ങ്ങ​ളുണ്ട്‌. സൊ​സൈറ്റി കമ്പ്യൂട്ടർ ഡിസ്‌ക്ക​റ്റു​ക​ളിൽ ലഭ്യമാ​ക്കി​യി​രി​ക്കുന്ന പുതി​യ​ലോക ഭാഷാ​ന്തരം, ഉൾക്കാഴ്‌ച വാല്യങ്ങൾ, ഗറ്റ്‌ വേഴ്‌സ്‌ പ്രോ​ഗ്രാം എന്നിവ പല വ്യക്തി​ക​ളും ആസ്വദി​ക്കു​ന്നു. ഇന്ത്യയിൽ ഇതുവരെ സൊ​സൈറ്റി ഇതു വിതരണം ചെയ്യു​ന്നി​ല്ലെ​ങ്കി​ലും വിദേ​ശ​ത്തു​നി​ന്നും സിഡി-റോമി​ലുള്ള വാച്ചടവർ ലൈ​ബ്രറി വ്യക്തി​പ​ര​മാ​യി വാങ്ങു​ന്ന​തി​നു മറ്റുള്ള​വർക്കു കഴിഞ്ഞി​ട്ടുണ്ട്‌. അതിൽ കൂടു​ത​ലായ ഗവേഷ​ണ​ത്തി​നുള്ള സൗകര്യ​ങ്ങ​ളും ഉൾപ്പെ​ടു​ത്തി​യി​ട്ടുണ്ട്‌. ചില സാങ്കേ​തി​ക​വി​ദ്യ​ക​ളു​ടെ മൂല്യം തിരി​ച്ച​റി​യു​മ്പോൾതന്നെ, അത്തരം ആധുനിക സാങ്കേ​തി​ക​വി​ദ്യ​കൾ പ്രയോ​ജ​ന​ക​ര​മായ ഉദ്ദേശ്യ​ങ്ങൾക്കു​വേണ്ടി ഉപയോ​ഗി​ക്കുന്ന ഒരുവൻ തന്നെയും മറ്റുള്ള​വ​രെ​യും ഏതൊരു നിഷേ​ധാ​ത്മക ഘടകങ്ങ​ളിൽനി​ന്നും സംരക്ഷി​ക്കാൻ ജാഗ്രത പുലർത്തേ​ണ്ട​തുണ്ട്‌. സാങ്കേ​തി​ക​വി​ദ്യ​യു​ടെ നിരു​പ​ദ്ര​വ​ക​ര​മായ ഉപയോ​ഗം​പോ​ലും നമ്മുടെ അർപ്പിത സമയം ഒരു പരിധി​യിൽക്ക​വി​ഞ്ഞു വിഴു​ങ്ങി​ക്ക​ള​യു​ന്ന​തി​നോ അല്ലെങ്കിൽ നമ്മുടെ പ്രഥമ വേലയിൽനി​ന്നും ലക്ഷ്യങ്ങ​ളിൽനി​ന്നും നമ്മെ വ്യതി​ച​ലി​പ്പി​ക്കു​ന്ന​തി​നോ ഇടയാ​ക്കാ​തെ നാം സമനില പാലി​ക്കേ​ണ്ട​തുണ്ട്‌.—മത്താ. 6:22; 28:19, 20.