പുതിയ പ്രത്യേക സമ്മേള​ന​ദിന പരിപാ​ടി

¹ ഫെബ്രു​വ​രി​യിൽ ആരംഭി​ക്കുന്ന പുതിയ പ്രത്യേക സമ്മേള​ന​ദിന പരിപാ​ടി​യു​ടെ വിഷയം, “യഹോ​വ​യാൽ പഠിപ്പി​ക്ക​പ്പെ​ടു​ന്നവർ ആയിരി​ക്കു​വിൻ” എന്നതാണ്‌. (യോഹ. 6:45, NW) യഹോ​വ​യിൽനി​ന്നുള്ള ദിവ്യ​പ്ര​ബോ​ധനം സംതൃ​പ്‌തി​ക​ര​മായ ജീവിതം നയിക്കാൻ നമ്മെ സത്യമാ​യും സഹായി​ക്കു​ന്നു. അതു നമ്മുടെ ആത്മീയ പൈതൃ​ക​ത്തോ​ടുള്ള ഒരു ശക്തമായ വിലമ​തി​പ്പു നമ്മിൽ വളർത്തു​ന്നു. സുവാർത്ത കേൾക്കാൻ മറ്റുള്ള​വരെ സഹായി​ക്കു​ന്ന​തി​നുള്ള നമ്മുടെ ശ്രമങ്ങൾ നമ്മെ സമൂഹ​ത്തി​ലെ ഉപയോ​ഗ​പ്ര​ദ​രായ അംഗങ്ങ​ളാ​ക്കു​ന്നു. യഹോ​വ​യാൽ പഠിപ്പി​ക്ക​പ്പെ​ടു​ന്നവർ ആസ്വദി​ക്കുന്ന അനു​ഗ്ര​ഹ​ങ്ങളെ ഈ പ്രത്യേക സമ്മേള​ന​ദി​നം എടുത്തു​കാ​ണി​ക്കും.

² ഈ പരിപാ​ടി ദിവ്യ​പ്ര​ബോ​ധ​ന​ത്തി​ന്റെ പ്രയോ​ജ​ന​ങ്ങളെ ലൗകിക പഠനത്തി​ന്റെ അപകട​ങ്ങ​ളു​മാ​യി വിപരീ​ത​താ​ര​ത​മ്യം ചെയ്യും. യഹോവ എപ്രകാ​ര​മാണ്‌ അത്യുന്നത നിലവാ​ര​മുള്ള വിദ്യാ​ഭ്യാ​സം—അവന്റെ വചനമായ ബൈബി​ളിൽ അധിഷ്‌ഠി​ത​മായ വിദ്യാ​ഭ്യാ​സം—പ്രദാനം ചെയ്യു​ന്ന​തെന്നു നാം കൂടുതൽ വ്യക്തമാ​യി കാണും. ദൈവ​ത്താൽ പഠിപ്പി​ക്ക​പ്പെ​ടു​ന്ന​തിൽ നാം ആനന്ദം അനുഭ​വി​ക്കുന്ന, ആരാധ​ന​യു​ടെ മൂന്നു വശങ്ങൾക്ക്‌ ഊന്നൽ നൽക​പ്പെ​ടും. കൂടു​ത​ലാ​യി, ദാവീ​ദി​നെ​യും തിമൊ​ഥെ​യൊ​സി​നെ​യും പോലുള്ള ശ്രദ്ധേ​യ​രായ ബൈബിൾ ദൃഷ്ടാ​ന്ത​ങ്ങളെ അനുക​രി​ക്കാ​നും ആത്മീയ പ്രവർത്ത​ന​ങ്ങ​ളു​മാ​യി ബന്ധപ്പെ​ടു​ത്തി തങ്ങളുടെ ജീവിതം കരുപ്പി​ടി​പ്പി​ക്കാ​നും ചെറു​പ്പ​ക്കാർ പ്രോ​ത്സാ​ഹി​പ്പി​ക്ക​പ്പെ​ടും. പ്രായ​മാ​യ​വ​രു​ടെ വിശ്വ​സ്‌ത​ത​യും വിശേ​ഷ​വ​ത്‌ക​രി​ക്കു​മ്പോൾ നമ്മുടെ വിശ്വാ​സം ശക്തമാ​ക്ക​പ്പെ​ടും. യോഗ്യ​ത​യുള്ള, പുതു​താ​യി സമർപ്പണം നടത്തി​യ​വർക്കു സ്‌നാ​പ​ന​മേൽക്കാൻ കഴിയും. അവർ സമ്മേള​ന​ദി​ന​ത്തി​നു വളരെ​മു​മ്പു​തന്നെ അധ്യക്ഷ​മേൽവി​ചാ​ര​കനെ ആ ആഗ്രഹ​മ​റി​യി​ക്കണം.

³ പ്രത്യേക സമ്മേള​ന​ദി​ന​ത്തി​ലെ മുഖ്യ പ്രസം​ഗ​ത്തി​ന്റെ ശീർഷകം “യഹോ​വ​യു​ടെ ഇഷ്ടം ചെയ്യാൻ അവനാൽ പഠിപ്പി​ക്ക​പ്പെ​ടു​ന്നു” എന്നതാണ്‌. നാമെ​ല്ലാ​വ​രും പഠിക്കു​ക​യും വിശ്വാ​സ​ത്തിൽ ഉറച്ചു​നിൽക്കു​ക​യും പുരോ​ഗ​തി​വ​രു​ത്തു​ക​യും ചെയ്യു​ന്ന​തിൽ തുട​രേ​ണ്ട​തി​ന്റെ കാരണ​ങ്ങൾക്ക്‌ അത്‌ ഊന്നൽ നൽകും. നിത്യ​ജീ​വ​നി​ലേക്കു നയിക്കുന്ന സത്യം മറ്റുള്ള​വരെ പഠിപ്പി​ച്ചു​കൊണ്ട്‌ യഹോ​വയെ അനുക​രി​ക്കാൻ നാം ഉദ്‌ബോ​ധി​പ്പി​ക്ക​പ്പെ​ടും. യഹോ​വ​യാൽ പഠിപ്പി​ക്ക​പ്പെ​ടാൻ സൊ​സൈ​റ്റി​യു​ടെ പ്രസി​ദ്ധീ​ക​ര​ണങ്ങൾ അനേകരെ സഹായി​ച്ചി​രി​ക്കു​ന്ന​തെ​ങ്ങ​നെ​യെന്നു പ്രകട​മാ​ക്കാൻ പരിപു​ഷ്ടി​പ്പെ​ടു​ത്തുന്ന അനുഭ​വങ്ങൾ ഉൾപ്പെ​ടു​ത്തും. യഹോ​വ​യു​ടെ ആഗോള പഠിപ്പി​ക്കൽ പരിപാ​ടി​യു​ടെ ക്രിയാ​ത്മക നേട്ടങ്ങൾ വിശേ​ഷ​വ​ത്‌ക​രി​ക്ക​പ്പെ​ടും.

⁴ പങ്കെടു​ക്കാൻ സുനി​ശ്ചി​ത​മായ ആസൂ​ത്ര​ണങ്ങൾ ചെയ്യുക. ഹാജരാ​കാൻ എല്ലാ താത്‌പ​ര്യ​ക്കാ​രെ​യും പ്രോ​ത്സാ​ഹി​പ്പി​ക്കുക. നമ്മുടെ മഹാ പ്രബോ​ധ​ക​നിൽനിന്ന്‌ അനേകം നല്ലകാ​ര്യ​ങ്ങൾ പഠിക്കു​ന്ന​തി​നാ​യി നോക്കി​പ്പാർത്തി​രി​ക്കുക.—യെശ. 30:20.