കുടും​ബ​ദു​രി​തം—നമ്മുടെ നാളു​ക​ളു​ടെ സവി​ശേ​ഷത

കുടും​ബ​ദു​രി​തം—വിവാ​ഹ​ത്തെ​യും ഒരു പിതാ​വോ മാതാ​വോ ആയിരി​ക്കു​ന്ന​തി​നെ​യും സംബന്ധി​ച്ചുള്ള പരമ്പരാ​ഗത നിയമങ്ങൾ കാലഹ​ര​ണ​പ്പെ​ട്ടി​രി​ക്കു​ന്നു എന്നതിന്റെ ഒരു അടയാ​ള​മാ​യി​ട്ടാണ്‌ അനേകർ അതിനെ കാണു​ന്നത്‌. മററു ചിലർ അതിനെ കാണു​ന്നതു രാഷ്‌ട്രീ​യ​വും സാമ്പത്തി​ക​വും സാമൂ​ഹി​ക​വു​മായ മാററ​ങ്ങ​ളു​ടെ ഒരു ഉല്‌പ​ന്ന​മാ​യി​ട്ടാണ്‌. ഇനിയും ചിലർ ആധുനിക സാങ്കേ​തി​ക​വി​ദ്യ വരുത്തി​ക്കൂ​ട്ടി​യി​രി​ക്കുന്ന മറെറാ​രു വിപത്താ​യി മാത്രം അതിനെ കാണുന്നു. വാസ്‌ത​വ​ത്തിൽ, ഇന്നു കുടും​ബങ്ങൾ നേരി​ടുന്ന പ്രശ്‌നങ്ങൾ അതി​നേ​ക്കാൾ വളരെ​യേറെ പ്രാധാ​ന്യ​മുള്ള ഒരു സംഗതി​യി​ലേക്കു വിരൽ ചൂണ്ടുന്നു. ബൈബി​ളി​ന്റെ 2 തിമൊ​ഥെ​യൊസ്‌ 3:1-4-ലെ വാക്കുകൾ കുറി​ക്കൊ​ള്ളുക:

“അന്ത്യകാ​ലത്തു ദുർഘ​ട​സ​മ​യങ്ങൾ വരും എന്നറിക. മനുഷ്യർ സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും വമ്പു പറയു​ന്ന​വ​രും അഹങ്കാ​രി​ക​ളും ദൂഷകൻമാ​രും അമ്മയപ്പൻമാ​രെ അനുസ​രി​ക്കാ​ത്ത​വ​രും നന്ദി​കെ​ട്ട​വ​രും അശുദ്ധ​രും വാൽസ​ല്യ​മി​ല്ലാ​ത്ത​വ​രും ഇണങ്ങാ​ത്ത​വ​രും ഏഷണി​ക്കാ​രും അജി​തേ​ന്ദ്രി​യൻമാ​രും ഉഗ്രൻമാ​രും സൽഗു​ണ​ദ്വേ​ഷി​ക​ളും ദ്രോ​ഹി​ക​ളും ധാർഷ്ട്യ​ക്കാ​രും നിഗളി​ക​ളു​മാ​യി ദൈവ​പ്രി​യ​മി​ല്ലാ​തെ ഭോഗ​പ്രി​യ​രാ​യി”രിക്കും.

ഈ വാക്കുകൾ ഇന്നത്തെ പ്രശ്‌ന​ങ്ങ​ളു​ടെ അടി​വേ​രോ​ളം എത്തുന്നി​ല്ലേ? ഇന്നത്തെ കുടും​ബ​ദു​രി​തം വ്യക്തമാ​യും ഈ ലോക​ത്തി​ന്റെ അവസാന നാളു​ക​ളിൽ സംജാ​ത​മാ​കു​മെന്നു മുൻകൂ​ട്ടി പറയ​പ്പെ​ട്ടി​രി​ക്കുന്ന അവസ്ഥക​ളു​ടെ നേരി​ട്ടുള്ള ഒരു ഫലമാണ്‌. ദുരി​ത​ത്തി​ന്റെ ഈ കാലഘട്ടം 1914-ൽ ആരംഭി​ച്ചു എന്നുള്ള​തി​നു ബോദ്ധ്യം വരുത്തുന്ന തെളി​വുണ്ട്‌.a അന്നുമു​തൽ, പിശാ​ചായ സാത്താ​നെന്നു വിളി​ക്ക​പ്പെ​ടുന്ന മനുഷ്യാ​തീത ആത്മസൃ​ഷ്ടി​യു​ടെ സ്വാധീ​നം വിശേ​ഷാൽ മാരക​മാ​യി​രു​ന്നി​ട്ടുണ്ട്‌.—മത്തായി 4:8-10; 1 യോഹ​ന്നാൻ 5:19.

ആയിര​ത്തി​ത്തൊ​ള്ളാ​യി​രത്തി പതിന്നാ​ലു മുതൽ ഭൂമി​യു​ടെ സമീപ​പ്ര​ദേ​ശ​ത്താ​യി ഒതുക്കി നിർത്ത​പ്പെ​ട്ടി​രി​ക്കുന്ന സാത്താന്‌, “തനിക്ക്‌ അൽപ്പകാ​ല​മേ​യു​ള്ളു എന്ന്‌ അറിഞ്ഞു മഹാ​ക്രോധ”മുണ്ട്‌. (വെളി​പ്പാട്‌ 12:7-12) സാത്താൻ “സ്വർഗ്ഗ​ത്തി​ലും ഭൂമി​യി​ലു​മുള്ള സകല കുടും​ബ​ത്തി​നും പേർ വരുവാൻ കാരണ​മായ” ദൈവ​ത്തി​ന്റെ കൊടിയ ശത്രു​വാ​യ​തി​നാൽ ഈ ഭൂമി കുടും​ബ​ങ്ങൾക്ക്‌ ഒരു അപകട​ക​ര​മായ സ്ഥലമാ​യി​ത്തീർന്നി​രി​ക്കു​ന്ന​തിൽ അതിശ​യി​ക്കാ​നു​ണ്ടോ? (എഫെസ്യർ 3:14) മുഴു മനുഷ്യ​വർഗ്ഗ​ത്തെ​യും ദൈവ​ത്തി​നെ​തി​രെ തിരി​ക്കാൻ സാത്താൻ ദൃഢനി​ശ്ചയം ചെയ്‌തി​രി​ക്കു​ക​യാണ്‌. കുടും​ബ​ങ്ങളെ പ്രശ്‌ന​ങ്ങ​ളാൽ ആക്രമി​ക്കു​ന്ന​തി​നേ​ക്കാൾ മെച്ച പ്പെട്ട ഏതു വിധത്തി​ലാണ്‌ അവന്‌ ഇതു ചെയ്യാൻ കഴിയു​ന്നത്‌?

അത്തര​മൊ​രു മനുഷ്യാ​തീത ആക്രമ​ണ​ത്തിൽനി​ന്നു കുടും​ബ​ങ്ങളെ സംരക്ഷി​ക്കു​ന്ന​തി​നു വിദഗ്‌ദ്ധ​രെന്നു കരുത​പ്പെ​ടു​ന്ന​വ​രു​ടെ വഴുവ​ഴുത്ത സിദ്ധാ​ന്ത​ങ്ങ​ളേ​ക്കാൾ ഏറെ ആവശ്യ​മാണ്‌. എന്നിരു​ന്നാ​ലും, സാത്താ​നെ​ക്കു​റി​ച്ചു ബൈബിൾ ഇപ്രകാ​രം പറയുന്നു: “അവന്റെ തന്ത്രങ്ങളെ നാം അറിയാ​ത്ത​വ​ര​ല്ല​ല്ലോ.” (2 കൊരി​ന്ത്യർ 2:11) അവൻ ആക്രമണം നടത്തുന്ന ചില പ്രത്യേക വിധങ്ങളെ സംബന്ധി​ച്ചുള്ള അറിവിൽ ഒരളവി​ലുള്ള സംരക്ഷ​ണ​മുണ്ട്‌.

പണവും ജോലി​യും

ആക്രമ​ണ​ത്തി​നു സാത്താൻ ഉപയോ​ഗി​ക്കുന്ന ഏററം ശക്തമായ ആയുധ​ങ്ങ​ളിൽ ഒന്നു സാമ്പത്തിക സമ്മർദ്ദ​മാണ്‌. ഇതു “ദുർഘട സമയങ്ങൾ” ആണ്‌, അല്ലെങ്കിൽ 2 തിമൊ​ഥെ​യോസ്‌ 3:1 റി​വൈ​സ്‌ഡ്‌ സ്‌ററാൻഡാർഡ്‌ വേർഷൻ വിവർത്തനം ചെയ്യു​ന്ന​പ്ര​കാ​രം “സമ്മർദ്ദ​ത്തി​ന്റെ സമയങ്ങ”ളാണ്‌. വികസ്വര രാജ്യ​ങ്ങ​ളിൽ തൊഴി​ലി​ല്ലായ്‌മ, കുറഞ്ഞ വേതനം, അടിസ്ഥാന സൗകര്യ​ങ്ങ​ളു​ടെ ദൗർല​ഭ്യം എന്നിവ​പോ​ലുള്ള പ്രശ്‌നങ്ങൾ കുടും​ബ​ങ്ങൾക്കു വളരെ​യേറെ കഷ്ടതകൾക്ക്‌ ഇടയാ​ക്കു​ന്നു. എന്നാൽ താരത​മ്യേന സമ്പന്നമായ ഐക്യ​നാ​ടു​ക​ളിൽപോ​ലും സാമ്പത്തിക സമ്മർദ്ദ​ങ്ങൾക്കു ഗുരു​ത​ര​മായ ഫലമുണ്ട്‌. കുടുംബ വഴക്കു​കൾക്കുള്ള പ്രധാന കാരണ​ങ്ങ​ളിൽ ഒന്നു പണമാ​ണെന്ന്‌ ഐക്യ​നാ​ടു​ക​ളി​ലെ ഒരു സർവ്വേ വെളി​പ്പെ​ടു​ത്തി. ജോലി​യു​ടെ ആവശ്യ​ങ്ങൾക്കു​വേണ്ടി ചെലവി​ടേ​ണ്ടി​വ​രുന്ന “സമയം, ശ്രദ്ധ, ഊർജ്ജം” വൈവാ​ഹിക പ്രതി​ബ​ദ്ധ​തയെ കാർന്നു​തി​ന്നുന്ന “കൗശല​ക്കാ​ര​നായ ഒരു ശത്രു”വായി​രി​ക്കാൻ കഴിയു​മെന്നു ശക്തമായ കുടും​ബ​ങ്ങ​ളു​ടെ രഹ്യസ്യ​ങ്ങൾ (Secrets of Strong Families) എന്ന പുസ്‌തകം വിശദീ​ക​രി​ക്കു​ന്നു.

സാഹച​ര്യ​ങ്ങൾ മുമ്പെ​ന്ന​ത്തെ​ക്കാ​ളു​മേറെ സ്‌ത്രീ​കളെ തൊഴിൽ കമ്പോ​ള​ത്തി​ലേക്കു തള്ളിവി​ട്ടി​രി​ക്കു​ന്നു. ഗ്രന്ഥകാ​ര​നായ വാൻസ്‌ പക്കർഡ്‌ ഇപ്രകാ​രം റിപ്പോർട്ടു​ചെ​യ്യു​ന്നു: “ഇന്നു അമേരി​ക്ക​യി​ലെ ശിശു​ക്ക​ളു​ടെ​യും മൂന്നു വയസ്സിനു താഴെ​യുള്ള കൊച്ചു​കു​ട്ടി​ക​ളു​ടെ​യും നാലി​ലൊ​ന്നി​ന്റെ​യെ​ങ്കി​ലും മാതാക്കൾ വീടിനു വെളി​യിൽപോ​യി ഏതെങ്കി​ലും തരത്തി​ലുള്ള ജോലി ചെയ്യു​ന്ന​വ​രാണ്‌.” കൊച്ചു​കു​ട്ടി​ക​ളു​ടെ ഏതാണ്ട്‌ ഒടുങ്ങാത്ത ആവശ്യ​ങ്ങൾക്കും ഒരു ജോലി​ക്കും കൂടെ ശ്രദ്ധ​കൊ​ടു​ക്കുക എന്നതു കഠിന​വും ക്ഷീണി​പ്പി​ക്കു​ന്ന​തു​മായ ഒരു ശ്രമമാ​യി​രി​ക്കാൻ കഴിയും—കുട്ടി​ക​ളു​ടെ​മേ​ലും മാതാ​പി​താ​ക്ക​ളു​ടെ​മേ​ലും ഒരു നിഷേ​ധാ​ത്മ​ക​മായ ഫലത്തോ​ടെ തന്നെ. ഐക്യ​നാ​ടു​ക​ളിൽ വേണ്ടത്ര ശിശു​പ​രി​പാ​ല​ന​സൗ​ക​ര്യ​ങ്ങൾ ഇല്ലാത്ത​തി​നാൽ “ദശലക്ഷ​ക്ക​ണ​ക്കി​നു (അനേക​ലക്ഷം) കുട്ടി​കൾക്ക്‌ ആദ്യവർഷ​ങ്ങ​ളിൽ മതിയായ ശ്രദ്ധ ലഭിക്കാ​തെ പോകു​ന്നു” എന്നു പക്കർഡ്‌ കൂട്ടി​ച്ചേർക്കു​ന്നു.—അപകട​ത്തി​ലായ നമ്മുടെ കുട്ടികൾ (Our Endangered Children).

ജോലി​സ്ഥ​ലം തന്നെ മിക്ക​പ്പോ​ഴും കുടുംബ ഐക്യ​ത്തി​ന്റെ അടിത്തറ മാന്തുന്നു. അനേകം ജോലി​ക്കാർ സഹജോ​ലി​ക്കാ​രു​മാ​യുള്ള നിയമ​വി​രുദ്ധ ബന്ധങ്ങളി​ലേക്കു വശീക​രി​ക്ക​പ്പെ​ടു​ന്നു. മററു ചിലർ തൊഴിൽരം​ഗത്തു വിജയി​ക്കാ​നുള്ള വ്യർത്ഥ​മായ ശ്രമത്തിൽ ഏർപ്പെ​ടു​ക​യും തൊഴിൽപ​ര​മായ പുരോ​ഗ​തി​ക്കു​വേണ്ടി കുടും​ബ​ജീ​വി​തം ബലിക​ഴി​ക്കു​ക​യും ചെയ്യുന്നു. (സഭാ​പ്ര​സം​ഗി 4:4 താരത​മ്യം ചെയ്യുക.) ഒരു മനുഷ്യൻ വ്യാപാര പ്രതി​നി​ധി​യാ​യുള്ള തന്റെ ജോലി​യിൽ അങ്ങേയ​ററം മുഴു​കി​പ്പോ​യ​തി​നാൽ അയാളു​ടെ ഭാര്യ “ഫലത്തിൽ താൻ ഒരു ഒററപ്പെട്ട മാതാ​വാ​യി​രി​ക്കു​ന്ന​താ​യി” പറഞ്ഞു.

ബലഹീ​ന​മായ വിവാ​ഹ​ബ​ന്ധ​ങ്ങൾ

വിവാ​ഹ​ക്ര​മീ​ക​ര​ണം​ത​ന്നെ​യും ഇപ്പോൾ ആക്രമി​ക്ക​പ്പെ​ട്ടി​രി​ക്കു​ക​യാണ്‌. സ്വകാര്യ ചുററു​പാട്‌ (The Intimate Environment) എന്ന പുസ്‌തകം ഇപ്രകാ​രം പറയുന്നു: “കഴിഞ്ഞ കാലങ്ങ​ളിൽ വിവാ​ഹി​ത​രിൽ ആരെങ്കി​ലും വിവാ​ഹ​ത്തി​നെ​തി​രെ ഗുരു​ത​ര​മായ തെററ്‌—വ്യഭി​ചാ​രം, ക്രൂരത, അങ്ങേയ​റ​റത്തെ അവഗണന—ചെയ്യു​ന്നി​ല്ലെ​ങ്കിൽ ഇണകൾ വിവാ​ഹി​ത​രാ​യി​ത്തന്നെ തുടരു​മെ​ന്നാ​യി​രു​ന്നു പ്രതീക്ഷ. ഇപ്പോൾ മിക്കയാ​ളു​ക​ളും വിവാ​ഹ​ത്തി​ന്റെ ലക്ഷ്യമാ​യി​ക്കാ​ണു​ന്നതു വ്യക്തി​പ​ര​മായ സംതൃ​പ്‌തി​യാണ്‌.” അതെ, അസന്തു​ഷ്ടി​ക്കും വിരസ​ത​ക്കും ഏകാന്ത​ത​ക്കു​മുള്ള ഒരു മറുമ​രു​ന്നാ​യി​ട്ടാണ്‌ ഇന്നു വിവാഹം കണക്കാ​ക്ക​പ്പെ​ടു​ന്നത്‌—മറെറാ​രാ​ളോ​ടുള്ള ഒരു ആയുഷ്‌ക്കാല പ്രതി​ബ​ദ്ധ​ത​യാ​യി​ട്ടല്ല. വിവാ​ഹ​ത്തിൽനി​ന്നു നിങ്ങൾക്ക്‌ എന്തു ലഭിക്കും എന്നതി​ലാണ്‌, വിവാ​ഹ​ത്തി​നു നിങ്ങൾ എന്തു സംഭാ​വ​ന​ചെ​യ്യും എന്നതിലല്ല ഇന്നു ശ്രദ്ധ കേന്ദ്രീ​ക​രി​ച്ചി​രി​ക്കു​ന്നത്‌. (പ്രവൃ​ത്തി​കൾ 20:35 വിപരീത താരത​മ്യം ചെയ്യുക.) “വിവാ​ഹത്തെ ചുററി​പ്പ​റ​റി​യുള്ള മൂല്യ​ങ്ങ​ളി​ലെ ഈ വലിയ മാററം” വൈവാ​ഹിക ബന്ധങ്ങളെ വളരെ ബലഹീ​ന​മാ​ക്കി​യി​രി​ക്കു​ന്നു. വ്യക്തി​പ​ര​മായ സംതൃ​പ്‌തി കൈവി​ട്ടു​പോ​കു​മ്പോൾ പെട്ടെ​ന്നുള്ള പ്രശ്‌ന​പ​രി​ഹാ​ര​മെന്ന നിലയിൽ ദമ്പതികൾ വിവാ​ഹ​മോ​ച​ന​ത്തിൽ കയറി​പ്പി​ടി​ക്കു​ന്നു.

ഈ “അന്ത്യനാ​ളു”കളിലെ ആളുകൾ ബൈബി​ളിൽ പ്രാവ​ച​നി​ക​മാ​യി “ഭക്തിയു​ടെ വേഷം ധരിച്ചു അതിന്റെ ശക്തി ത്യജി​ക്കു​ന്ന​വ​രാ​യി” വർണ്ണി​ക്ക​പ്പെ​ട്ടി​രി​ക്കു​ന്നു. (2 തിമൊ​ഥെ​യൊസ്‌ 3:4, 5) മതത്തിന്റെ തളർച്ച വിവാ​ഹ​ത്തി​ന്റെ അടിത്തറ മാന്തു​ന്ന​തിൽ ഒരു പങ്കു വഹിച്ചി​രി​ക്കു​ന്ന​താ​യി അനേകം വിദഗ്‌ദ്ധർ കരുതു​ന്നു. വിവാ​ഹ​മോ​ച​ന​ത്തി​നെ​തി​രായ വാദം (The Case Against Divorce) എന്ന തന്റെ പുസ്‌ത​ക​ത്തിൽ ഡോ. ഡയാൻ മെഡ്‌വെഡ്‌ ഇപ്രകാ​രം എഴുതി: “മിക്ക മതങ്ങളും പഠിപ്പി​ക്കു​ന്ന​ത​നു​സ​രി​ച്ചു വിവാഹം സ്ഥിരമാ​യി നിലനിൽക്ക​ണ​മെന്നു ദൈവം പറഞ്ഞു. നിങ്ങൾക്കു ദൈവ​ത്തെ​ക്കു​റി​ച്ചു നിശ്ചയ​മി​ല്ലാ​ത്ത​പ്പോൾ അല്ലെങ്കിൽ നിങ്ങൾ അവനിൽ വിശ്വ​സി​ക്കാ​ത്ത​പ്പോൾ നിങ്ങൾ നിങ്ങൾക്ക്‌ ഇഷ്ടമു​ള്ളതു ചെയ്യുന്നു.” തൽഫല​മാ​യി ഒരു വിവാ​ഹ​ത്തിൽ പ്രശ്‌ന​ങ്ങ​ളു​ള്ള​പ്പോൾ ദമ്പതികൾ ശരിയായ പരിഹാ​രം തേടു​ന്നില്ല. “അവർ തിടു​ക്ക​ത്തിൽ സകല ശ്രമവും ഉപേക്ഷി​ച്ചു​ക​ള​യു​ന്നു.”

യുവജ​നങ്ങൾ ആക്രമി​ക്ക​പ്പെ​ടു​ന്നു

ഇന്നത്തെ സമ്മർദ്ദ​ങ്ങ​ളിൽപെട്ടു കുട്ടികൾ നട്ടംതി​രി​യു​ക​യാണ്‌. വലി​യൊ​രു കൂട്ടം കുട്ടികൾ തങ്ങളുടെ സ്വന്തം മാതാ​പി​താ​ക്ക​ളാൽ കഠിന​മാ​യി മർദ്ദി​ക്ക​പ്പെ​ടു​ക​യും വാക്കി​നാൽ അല്ലെങ്കിൽ ലൈം​ഗി​ക​മാ​യി ദുഷ്‌പെ​രു​മാ​റ​റ​ത്തി​നു വിധേ​യ​രാ​ക്ക​പ്പെ​ടു​ക​യും ചെയ്യുന്നു. ഇനിയും ലക്ഷക്കണ​ക്കി​നു കുട്ടി​കൾക്കു വിവാ​ഹ​മോ​ചനം നിമിത്തം മാതാ​പി​താ​ക്ക​ളു​ടെ, അതായതു രണ്ടു​പേ​രു​ടെ​യും കൂടെ സ്‌നേ​ഹ​പൂർവ്വ​ക​മായ സ്വാധീ​നം ലഭിക്കാ​തെ പോകു​ന്നു, മാതാ​പി​താ​ക്കൾ വിവാ​ഹ​മോ​ചനം നേടു​ന്ന​തി​ന്റെ വേദന മിക്ക​പ്പോ​ഴും ആയുഷ്‌ക്കാ​ലം മുഴുവൻ നീണ്ടു​നിൽക്കു​ന്നു.

യുവജ​ന​ങ്ങൾ ശക്തമായ സ്വാധീ​ന​ങ്ങ​ളാൽ ആക്രമി​ക്ക​പ്പെ​ടു​ന്നു. ഒരു സാധാരണ അമേരി​ക്കൻ യുവാ​വി​നു 14 വയസ്സാ​കു​മ്പോ​ഴേക്കു വെറുതെ ടെലി​വി​ഷൻ വീക്ഷി​ക്കു​ക​വഴി മാത്രം അവൻ 18,000 കൊല​പാ​ത​ക​ങ്ങൾക്കും നിയമ​വി​രുദ്ധ ലൈം​ഗി​ക​ത​യും പൈശാ​ചിക ക്രൂര​ത​യും പോലെ മററു രൂപത്തി​ലുള്ള അസംഖ്യം അക്രമ​പ്ര​വർത്ത​ന​ങ്ങൾക്കും സാക്ഷ്യം വഹിച്ചി​ട്ടു​ണ്ടാ​യി​രി​ക്കും. സംഗീ​ത​വും യുവജ​ന​ങ്ങ​ളു​ടെ​മേൽ ഒരു വലിയ സ്വാധീ​നം ചെലു​ത്തു​ന്നു, അതിൽ അധിക​വും ഞെട്ടി​ക്കും​വി​ധം സഭ്യേ​ത​ര​വും, ലൈം​ഗി​ക​മാ​യി തുറന്നു​കാ​ട്ടു​ന്ന​തും അല്ലെങ്കിൽ സാത്താ​ന്യ​മായ ഉള്ളടക്ക​ത്തോ​ടു​കൂ​ടി​യ​തു​പോ​ലു​മാണ്‌. ദൈവ​ത്തി​ലും ബൈബി​ളി​ലു​മുള്ള വിശ്വാ​സ​ത്തി​നു തുരങ്കം വയ്‌ക്കാ​നി​ട​യുള്ള പരിണാ​മം പോലുള്ള സിദ്ധാ​ന്ത​ങ്ങ​ളു​മാ​യി സ്‌കൂ​ളിൽ കുട്ടികൾ പരിച​യ​ത്തി​ലാ​കു​ന്നു. സമപ്രാ​യ​ക്കാ​രിൽ നിന്നുള്ള സമ്മർദ്ദം വിവാ​ഹ​ത്തി​നു മുമ്പേ​യുള്ള ലൈം​ഗി​ക​ത​യി​ലും മദ്യത്തി​ന്റെ​യോ മയക്കു​മ​രു​ന്നു​ക​ളു​ടെ​യോ ദുരു​പ​യോ​ഗ​ത്തി​ലും പങ്കു​ചേ​രാൻ അനേകരെ പ്രേരി​പ്പി​ക്കു​ന്നു.

കുടുംബ ദുരി​ത​ത്തി​ന്റെ വേരുകൾ

അതു​കൊണ്ട്‌ കുടും​ബ​ത്തിൻമേ​ലുള്ള ആക്രമണം വിപു​ല​മാണ്‌, അതിനു വിനാ​ശ​ക​ര​മാ​യി​രി​ക്കാൻ കഴിയും. അതിജീ​വി​ക്കു​ന്ന​തി​നു കുടും​ബ​ങ്ങളെ സഹായി​ക്കാൻ എന്തിനു കഴിയും? കുടും​ബ​കാ​ര്യ​ങ്ങൾ സംബന്ധിച്ച ഉപദേ​ഷ്ടാ​വായ ജോൺ ബ്രാഡ്‌ഷോ ഇപ്രകാ​രം നിർദ്ദേ​ശി​ക്കു​ന്നു: “മാതാ​പി​താ​ക്ക​ളാ​യി​രി​ക്കേ​ണ്ടത്‌ എങ്ങനെ എന്നതു സംബന്ധിച്ച നമ്മുടെ നിയമങ്ങൾ കഴിഞ്ഞ 150 വർഷങ്ങൾക്കു​ള്ളിൽ സാരവ​ത്താ​യി കാലാ​നു​സൃ​ത​മാ​ക്ക​പ്പെ​ട്ടി​ട്ടില്ല. . . . പഴയ നിയമങ്ങൾ ഇന്നു പ്രാവർത്തി​കമല്ല എന്നാണ്‌ എന്റെ വിശ്വാ​സം.” എന്നിരു​ന്നാ​ലും, കൂടു​ത​ലായ മനുഷ്യ​നിർമ്മിത നിയമ​ങ്ങളല്ല ഇതിനുള്ള പരിഹാ​രം. കുടും​ബ​ത്തി​ന്റെ കാരണ​ഭൂ​തൻ യഹോ​വ​യാം ദൈവ​മാണ്‌. നമ്മുടെ വ്യക്തി​പ​ര​മായ സന്തുഷ്ടി​യിൽ കുടും​ബം എത്ര സുപ്ര​ധാ​ന​മായ പങ്കാണു വഹിക്കു​ന്ന​തെ​ന്നും ഒരു കുടും​ബത്തെ സന്തുഷ്ട​വും ശക്തവു​മാ​ക്കു​ന്ന​തിന്‌ ആവശ്യ​മാ​യി​രി​ക്കു​ന്ന​തെ​ന്താ​ണെ​ന്നും അവനു മററാ​രേ​ക്കാ​ളും ഏറെ നന്നായി അറിയാം. അവന്റെ വചനമായ ബൈബിൾ കുടും​ബ​ദു​രി​ത​ത്തി​നുള്ള പരിഹാ​രം പ്രദാനം ചെയ്യു​ന്നു​വെ​ന്നതു നമ്മെ ആശ്ചര്യ​പ്പെ​ടു​ത്ത​ണ​മോ?

കുടും​ബ​ജീ​വി​തം കുഴപ്പ​ത്തി​ലാ​യ​തെ​ങ്ങ​നെ​യെന്ന്‌ ആ പുരാതന പുസ്‌തകം വിശദീ​ക​രി​ക്കു​ന്നു. ആദ്യ മാനു​ഷ​ദ​മ്പ​തി​ക​ളായ ആദാമും ഹവ്വായും ഒരു രമണീ​യ​മായ ഉദ്യാ​ന​ത്തിൽ ആക്കിവ​യ്‌ക്ക​പ്പെ​ടു​ക​യും ഭൂമിയെ ഒരു ആഗോള പറുദീ​സ​യാ​യി രൂപാ​ന്ത​ര​പ്പെ​ടു​ത്തു​ന്ന​തി​നുള്ള പ്രതി​ഫ​ല​ദാ​യ​ക​മായ വെല്ലു​വി​ളി അവർക്കു നൽക​പ്പെ​ടു​ക​യും ചെയ്‌തു. ആദാം കുടും​ബ​ത്തി​ന്റെ ശിരസ്സാ​യി​രി​ക്ക​ണ​മെന്നു ദൈവം കൽപ്പിച്ചു. ഒരു “സഹായി” അഥവാ “പൂരക”മെന്ന നിലയിൽ ഹവ്വ അവന്റെ ശിരഃ​സ്ഥാ​ന​ത്തോ​ടു സഹകരി​ക്ക​ണ​മാ​യി​രു​ന്നു. എന്നാൽ ഹവ്വ ഈ ക്രമീ​ക​ര​ണ​ത്തി​നെ​തി​രെ മത്സരിച്ചു. അവൾ ഭർത്താ​വി​ന്റെ ശിരഃ​സ്ഥാ​നം കവർന്നെ​ടു​ക്കു​ക​യും ദൈവം അവരു​ടെ​മേൽ വച്ചിരുന്ന ഏകനി​രോ​ധനം ലംഘി​ക്കു​ക​യും ചെയ്‌തു. അപ്പോൾ ആദാം തന്റെ ശിരഃ​സ്ഥാ​നം വച്ചൊ​ഴി​യു​ക​യും ഈ മത്സരത്തിൽ അവളോ​ടു ചേരു​ക​യും ചെയ്‌തു.—ഉല്‌പത്തി 1:26–3:6.

ദൈവിക ക്രമീ​ക​ര​ണ​ത്തിൽ നിന്നുള്ള ഈ വ്യതി​ച​ല​ന​ത്തി​ന്റെ നാശക​ര​മായ ഫലങ്ങൾ ഉടൻതന്നെ പ്രത്യ​ക്ഷ​മാ​യി. മേലാൽ നിർമ്മ​ല​രും നിരപ​രാ​ധി​ക​ളു​മ​ല്ലാഞ്ഞ ആദാമും ഹവ്വായും ലജ്ജയോ​ടും കുററ​ബോ​ധ​ത്തോ​ടും​കൂ​ടെ പ്രതി​ക​രി​ച്ചു. നേരത്തെ തിളക്ക​മാർന്ന കാവ്യ​ഭാ​ഷ​യിൽ തന്റെ ഭാര്യയെ വർണ്ണിച്ച ആദാം ഇപ്പോൾ തണുപ്പൻ മട്ടിൽ ‘എന്നോ​ടു​കൂ​ടെ ഇരിപ്പാൻ നീ തന്നിട്ടുള്ള സ്‌ത്രീ’ എന്ന്‌ അവളെ​പ്പ​ററി പരാമർശി​ച്ചു. ആ നിഷേ​ധാ​ത്മക പരാമർശം വൈവാ​ഹിക ദുരി​ത​ത്തി​ന്റെ വെറും തുടക്ക​മാ​യി​രു​ന്നു. തന്റെ ശിരഃ​സ്ഥാ​നം വീണ്ടെ​ടു​ക്കാ​നുള്ള ആദാമി​ന്റെ വിഫല​ശ്ര​മങ്ങൾ അവൻ അവളെ ‘അടക്കി ഭരിക്കു​ന്ന​തിൽ’ കലാശി​ക്കു​മാ​യി​രു​ന്നു. ഹവ്വായ്‌ക്കാ​കട്ടെ, അവളുടെ “ആഗ്രഹം” ഭർത്തവി​നോ​ടാ​യി​രി​ക്കും, സാദ്ധ്യ​ത​യ​നു​സ​രിച്ച്‌ അങ്ങേയ​റ​റത്തെ അഥവാ അസന്തു​ലി​ത​മായ ഒരു ആഗ്രഹം.—ഉല്‌പത്തി 2:23; 3:7-16.

ആദാമി​ന്റെ​യും ഹവ്വായു​ടെ​യും വൈവാ​ഹിക കുഴപ്പ​ത്തിന്‌ അവരുടെ സന്തതി​ക​ളു​ടെ​മേൽ ദോഷ​ക​ര​മായ ഒരു ഫലമു​ണ്ടാ​യി​രു​ന്നത്‌ അതിശ​യമല്ല. അവരുടെ ആദ്യപു​ത്ര​നായ കയീൻ ഒരു മനഃപൂർവ്വ കൊല​പാ​ത​കി​യാ​യി​ത്തീർന്നു. (ഉല്‌പത്തി 4:8) കയീന്റെ ഒരു വംശജ​നായ ലാമേക്ക്‌ രേഖയി​ലുള്ള ആദ്യത്തെ ബഹുഭാ​ര്യൻ ആയിത്തീർന്നു​കൊ​ണ്ടു കുടും​ബ​ജീ​വി​ത​ത്തി​ന്റെ തകർച്ചക്ക്‌ ആക്കം കൂട്ടി. (ഉല്‌പത്തി 4:19) അങ്ങനെ ആദാമും ഹവ്വായും പാപത്തി​ന്റെ​യും മരണത്തി​ന്റെ​യും പൈതൃ​കം മാത്രമല്ല, രോഗം ബാധിച്ച ഒരു കുടും​ബ​മാ​തൃ​ക​യും കൂടെ കൈമാ​റി​ക്കൊ​ടു​ത്തു, അന്നുമു​തൽ ഇന്നോളം മനുഷ്യ​വർഗ്ഗ​ത്തി​ന്റെ അവസ്ഥ അതായി​രു​ന്നി​ട്ടു​മുണ്ട്‌. ഈ അന്ത്യനാ​ളു​ക​ളി​ലാ​കട്ടെ കുടും​ബ​ക​ലഹം അതിന്റെ സർവ്വകാല അത്യു​ച്ച​ത്തിൽ എത്തിനിൽക്കു​ന്നു.

തഴച്ചു വളരുന്ന കുടും​ബ​ങ്ങൾ

എന്നിരു​ന്നാ​ലും, എല്ലാ കുടും​ബ​ങ്ങ​ളും ഇന്നത്തെ സമ്മർദ്ദ​ത്തിൻ കീഴിൽ തകർന്നു​പോ​കു​ന്നില്ല. ഉദാഹ​ര​ണ​ത്തിന്‌, ഒരു ഭർത്താവു തന്റെ ഭാര്യ​യോ​ടും രണ്ടു പെൺമ​ക്ക​ളോ​ടും കൂടെ ഐക്യ​നാ​ടു​ക​ളിൽ ഒരു ചെറിയ സമൂഹ​ത്തിൽ ജീവി​ക്കു​ന്നു. അവരുടെ അയൽക്കാ​രിൽ പലർക്കും മാതാ​പി​താ​ക്കൾക്കും അവരുടെ കുട്ടി​കൾക്കു​മി​ട​യിൽ ഒരു തലമു​റ​വി​ടവ്‌ അനുഭ​വ​പ്പെ​ടു​ന്നു​ണ്ടെ​ങ്കി​ലും അദ്ദേഹ​ത്തി​നും ഭാര്യ​ക്കും അതില്ല, തങ്ങളുടെ പെൺമക്കൾ മയക്കു​മ​രു​ന്നി​ലോ ലൈം​ഗിക കാര്യ​ങ്ങ​ളി​ലോ അനുഭവം തേടു​മെ​ന്നുള്ള ഉൽക്കണ്‌ഠ അവർക്കില്ല. തിങ്കളാഴ്‌ച വൈകു​ന്നേ​ര​ങ്ങ​ളിൽ മററു യുവജ​നങ്ങൾ ടെലി​വി​ഷ​നിൽ കണ്ണും​ന​ട്ടി​രി​ക്കു​മ്പോൾ അവരുടെ മുഴു​കു​ടും​ബ​വും ഒരു ബൈബിൾ ചർച്ചക്കാ​യി ഭക്ഷണമു​റി​യി​ലെ മേശക്കു ചുററും സമ്മേളി​ക്കു​ന്നു. “തിങ്കളാ​ഴ്‌ച​രാ​ത്രി, ഒരുമി​ച്ചാ​യി​രി​ക്കു​ന്ന​തി​നും സംസാ​രി​ക്കു​ന്ന​തി​നു​മുള്ള ഞങ്ങളുടെ പ്രത്യേക രാത്രി​യാണ്‌,” അദ്ദേഹം വിശദീ​ക​രി​ക്കു​ന്നു. “ഞങ്ങളുടെ പെൺമ​ക്കൾക്ക്‌ അവരുടെ പ്രശ്‌നങ്ങൾ ഞങ്ങളു​മാ​യി ചർച്ച ചെയ്യാൻ സ്വാത​ന്ത്ര്യം തോന്നു​ന്നു.”

അതേസ​മ​യം, ന്യൂ​യോർക്ക്‌ നഗരത്തിൽ വസിക്കുന്ന ഒരു മാതാ​വും തന്റെ രണ്ടു പെൺമ​ക്ക​ളോട്‌ ഒരു കുടും​ബ​മെന്ന നിലയിൽ അസാധാ​രണ അടുപ്പം ആസ്വദി​ക്കു​ന്നു. അവരുടെ രഹസ്യ​മെ​ന്താണ്‌? “വാരാന്തം വരെ ഞങ്ങൾ ടി വി ഓഫാ​ക്കി​യി​ടു​ന്നു,” അവർ വിശദീ​ക​രി​ക്കു​ന്നു. “ദിവസേന ഞങ്ങൾക്ക്‌ ഒരു ബൈബിൾ വാക്യ​ത്തി​ന്റെ ചർച്ചയുണ്ട്‌. ഒരു സന്ധ്യാ​വേള ഞങ്ങൾ കുടുംബ ബൈബിൾ ചർച്ചക്കാ​യി നീക്കി വയ്‌ക്കു​ന്നു.”

ഈ രണ്ടു കുടും​ബ​ങ്ങ​ളും യഹോ​വ​യു​ടെ സാക്ഷി​ക​ളു​ടേ​താണ്‌. കുടും​ബ​ങ്ങൾക്കു​വേണ്ടി ബൈബിൾ വെച്ചു​നീ​ട്ടുന്ന ബുദ്ധി​യു​പ​ദേശം അവർ പിൻപ​റ​റു​ന്നു. അതു ഫലകര​മാണ്‌. എന്നാൽ അവർ മാത്രമല്ല ഇങ്ങനെ​യു​ള്ളത്‌. കുടും​ബ​ജീ​വി​തം സംബന്ധിച്ച്‌ ആ പുസ്‌ത​ക​ത്തിൽ കാണ​പ്പെ​ടുന്ന നിയമങ്ങൾ പാലി​ക്കു​ക​യും അവരെ​പ്പോ​ലെ നല്ല ഫലങ്ങൾ നേടു​ക​യും ചെയ്യുന്ന ലക്ഷക്കണ​ക്കി​നു കുടും​ബങ്ങൾ ഉണ്ട്‌.b ആ നിയമങ്ങൾ എന്തൊ​ക്കെ​യാണ്‌? അവയ്‌ക്കു നിങ്ങൾക്കും നിങ്ങളു​ടെ കുടും​ബ​ത്തി​നും എങ്ങനെ പ്രയോ​ജനം ചെയ്യാൻ കഴിയും? അതിനുള്ള ഉത്തരത്തിന്‌ അടുത്ത പേജിൽ ആരംഭി​ക്കുന്ന ലേഖനങ്ങൾ പരി​ശോ​ധി​ക്കാൻ ഞങ്ങൾ നിങ്ങളെ ക്ഷണിക്കു​ന്നു.

[അടിക്കു​റിപ്പ്‌]

[4-ാം പേജിലെ ചിത്രം]

വികസ്വര രാജ്യ​ങ്ങ​ളിൽ മോശ​മായ സാമ്പത്തി​കാ​വ​സ്ഥകൾ കുടും​ബ​ങ്ങൾക്കു വലിയ ദുരി​ത​ത്തി​നി​ട​യാ​ക്കു​ന്നു

[കടപ്പാട്‌]

U.S. Navy photo

[7-ാം പേജിലെ ചിത്രം]

ബൈബിൾ തത്ത്വങ്ങൾ ബാധക​മാ​ക്കി​ക്കൊണ്ട്‌ അനേകം കുടും​ബങ്ങൾ ഇന്നത്തെ സമ്മർദ്ദ​ങ്ങളെ ചെറു​ക്കു​ന്നു