നീതി ഒരു ജനതയെ ഉയർത്തു​ന്നു

ദിവസ​ങ്ങ​ളോ​ളം തോരാ​തെ മഴ പെയ്‌ത​ശേഷം ഒരു പ്രഭാ​ത​ത്തിൽ തെളിഞ്ഞ ആകാശത്തു സൂര്യൻ ജ്വലി​ച്ചു​നിൽക്കു​ന്നതു കാണു​ന്നത്‌ എത്ര ഉല്ലാസ​ദാ​യ​ക​മാണ്‌! ഭൂമി നവോ​ന്മേഷം പ്രാപി​ച്ചി​രി​ക്കു​ന്നു, ഇപ്പോൾ സസ്യല​താ​ദി​കൾക്കു തഴച്ചു വളരാൻ കഴിയും. നീതി​നി​ഷ്‌ഠ​മായ ഭരണത്തി​ന്റെ അനു​ഗ്രഹം ദൃഷ്ടാ​ന്തീ​ക​രി​ക്കു​ന്ന​തി​നു യഹോ​വ​യാം ദൈവം ഒരിക്കൽ അത്തരം ഒരു ചിത്രം ഉപയോ​ഗി​ക്കു​ക​യു​ണ്ടാ​യി. ദാവീദ്‌ രാജാ​വി​നോട്‌ അവൻ പറഞ്ഞു: “മനുഷ്യ​രെ നീതി​മാ​നാ​യി ഭരിക്കു​ന്നവൻ ദൈവ​ഭ​യ​ത്തോ​ടെ വാഴു​ന്നവൻ, മേഘമി​ല്ലാത്ത പ്രഭാ​ത​കാ​ലത്തു സൂര്യോ​ദ​യ​ത്തി​ങ്കലെ പ്രകാ​ശ​ത്തി​ന്നു തുല്യൻ; മഴെക്കു പിമ്പു സൂര്യ​കാ​ന്തി​യാൽ ഭൂമി​യിൽ മുളെ​ക്കുന്ന ഇളമ്പു​ല്ലി​ന്നു തുല്യൻ.”—2 ശമൂവേൽ 23:3, 4.

ദാവീ​ദി​ന്റെ പുത്ര​നായ ശലോ​മോൻ രാജാ​വി​ന്റെ നീതി​നി​ഷ്‌ഠ​മായ ഭരണകാ​ലത്തു ദൈവ​ത്തി​ന്റെ വാക്കുകൾ സത്യ​മെന്നു തെളിഞ്ഞു. ബൈബിൾ ഇങ്ങനെ റിപ്പോർട്ടു ചെയ്യുന്നു: “ശലോ​മോ​ന്റെ കാല​ത്തൊ​ക്കെ​യും യെഹൂ​ദ​യും യിസ്രാ​യേ​ലും ദാൻമു​തൽ ബേർ-ശേബവ​രെ​യും ഓരോ​രു​ത്തൻ താന്താന്റെ മുന്തി​രി​വ​ള്ളി​യു​ടെ കീഴി​ലും അത്തിവൃ​ക്ഷ​ത്തി​ന്റെ കീഴി​ലും നിർഭയം വസിച്ചു.”—1 രാജാ​ക്ക​ന്മാർ 4:25.

പുരാതന ഇസ്രാ​യേ​ല്യർ ദൈവ​ത്തി​ന്റെ തിര​ഞ്ഞെ​ടു​ക്ക​പ്പെട്ട ജനതയാ​യി​രു​ന്നു. അവൻ അവർക്കു തന്റെ നിയമങ്ങൾ നൽകു​ക​യും തന്റെ വാക്കുകൾ അനുസ​രി​ക്കു​ന്ന​പക്ഷം അവരെ “ഭൂമി​യി​ലുള്ള സർവ്വജാ​തി​കൾക്കും മീതെ ഉന്നതമാ​ക്കു”മെന്ന്‌ അവരോ​ടു പറയു​ക​യും ചെയ്‌തു. (ആവർത്ത​ന​പു​സ്‌തകം 28:1) ഇസ്രാ​യേ​ലി​ന്റെ നീതിയല്ല, യഹോ​വ​യു​ടെ നീതി​യാ​യി​രു​ന്നു അവരെ ഉയർത്തി​യത്‌. ദൈവം അവർക്കു നൽകിയ കൽപ്പനകൾ അവർക്കു ചുറ്റു​മുള്ള ജനതക​ളു​ടേ​തി​നെ​ക്കാൾ അത്യന്തം ശ്രേഷ്‌ഠ​മാ​യി​രു​ന്നു. ഒരു ജനതതി​യെന്ന നിലയിൽ അവർ മറ്റുള്ള ജനതക​ളെ​പ്പോ​ലെ​തന്നെ അപൂർണ​രാ​യി​രു​ന്നു. അവരെ മറ്റുള്ള ജനതക​ളിൽനി​ന്നും ഉയർത്തി​യ​തി​ന്റെ ബഹുമ​തി​ക്കു കാരണം ദൈവ​ത്തി​ന്റെ ശ്രേഷ്‌ഠ​നി​യ​മ​ങ്ങ​ളും അവരുടെ കർശന​മായ പിൻപ​റ്റ​ലു​മാ​യി​രു​ന്നു. യഹോ​വ​യു​ടെ നിയമങ്ങൾ അനുസ​രി​ച്ച​പ്പോൾ അവർ അവന്റെ പ്രീതി​യും അനു​ഗ്ര​ഹ​വും ആസ്വദി​ച്ചു. ശലോ​മോൻ രാജാവ്‌ അവന്റെ ഭരണകാ​ലത്ത്‌ അത്‌ അനുഭ​വി​ച്ച​റി​യു​ക​യു​ണ്ടാ​യി. “നീതി ജാതിയെ ഉയർത്തു​ന്നു” എന്ന്‌ അവനു പറയാൻ കഴിഞ്ഞു. എന്നാൽ, “പാപമോ വംശങ്ങൾക്കു അപമാനം” എന്ന്‌ അവൻ മുന്നറി​യി​പ്പു നൽകി.—സദൃശ​വാ​ക്യ​ങ്ങൾ 14:34.

ദുഃഖ​ക​ര​മെ​ന്നു​പ​റ​യട്ടെ, അടിക്കടി അനുസ​ര​ണ​ക്കേടു കാണി​ച്ച​തി​നാൽ ഇസ്രാ​യേൽ ജനത താണ നിലയി​ലാ​ക്ക​പ്പെട്ടു. അവർ ദേശീയ അപകീർത്തി​ക്കു പാത്ര​മാ​യി. ഇത്‌ അവർ എന്നേക്കു​മാ​യി തള്ളപ്പെ​ടു​ന്ന​തി​നും പുതിയ ഒരു ആത്മീയ ജനതയ്‌ക്കു​വേണ്ടി വഴിമാ​റി​ക്കൊ​ടു​ക്കു​ന്ന​തി​നും ഇടയാക്കി.—മത്തായി 21:43.

ആത്മീയ ഇസ്രാ​യേൽ

“ദൈവം തന്റെ നാമത്തി​ന്നാ​യി ജാതി​ക​ളിൽനി​ന്നു ഒരു ജനത്തെ എടു”ക്കുന്നതു സംബന്ധി​ച്ചു യഹൂദ​നാ​യി പിറന്ന യാക്കോബ്‌ യെരു​ശ​ലേ​മിൽ ക്രിസ്‌തീയ ഭരണസം​ഘ​ത്തി​ന്റെ ഒരു യോഗ​ത്തിൽവെച്ചു ദൈവ​നി​ശ്വ​സ്‌ത​ത​യിൽ പറയു​ക​യു​ണ്ടാ​യി. (പ്രവൃ​ത്തി​കൾ 15:14) ഈ പുതിയ ക്രിസ്‌തീയ ജനതയെ പൗലോസ്‌ അപ്പോ​സ്‌തലൻ ‘ദൈവ​ത്തി​ന്റെ യിസ്രാ​യേൽ’ എന്നു വിളിച്ചു. (ഗലാത്യർ 6:16) തങ്ങളെ വിളി​ച്ചി​രി​ക്കു​ന്ന​തി​ന്റെ ഉദ്ദേശ്യം സംബന്ധി​ച്ചു പത്രോസ്‌ ഇങ്ങനെ എഴുതി: “നിങ്ങളോ അന്ധകാ​ര​ത്തിൽനി​ന്നു തന്റെ അത്ഭുത പ്രകാ​ശ​ത്തി​ലേക്കു നിങ്ങളെ വിളി​ച്ച​വന്റെ സൽഗു​ണ​ങ്ങളെ ഘോഷി​പ്പാ​ന്ത​ക്ക​വണ്ണം തിര​ഞ്ഞെ​ടു​ക്ക​പ്പെട്ട ഒരു ജാതി​യും രാജകീയ പുരോ​ഹി​ത​വർഗ​വും വിശു​ദ്ധ​വം​ശ​വും സ്വന്തജ​ന​വും ആകുന്നു.” (1 പത്രൊസ്‌ 2:9) ദൈവ​ത്തി​ന്റെ തിര​ഞ്ഞെ​ടു​ക്ക​പ്പെട്ട ജനമെ​ന്ന​നി​ല​യിൽ അവർ ലോക​ത്തിൽ ജ്യോ​തി​സ്സു​ക​ളെ​പ്പോ​ലെ ശോഭി​ക്ക​ണ​മാ​യി​രു​ന്നു. യഹോ​വ​യു​ടെ നീതി അവരെ ഉയർത്തു​മാ​യി​രു​ന്നു.—ഫിലി​പ്പി​യർ 2:15.

ഈ ആത്മീയ ഇസ്രാ​യേ​ലി​ന്റെ തിര​ഞ്ഞെ​ടു​പ്പി​നെ വജ്ര ഖനനവു​മാ​യി താരത​മ്യം ചെയ്യാം. വജ്രസ​മൃ​ദ്ധ​മായ അയിര്‌ പുറ​ത്തെ​ടു​ക്കു​മ്പോൾ 3 ടൺ മണ്ണിന്‌ 1 കാരറ്റ്‌ (200 മില്ലീ​ഗ്രാം) എന്ന നിരക്കി​ലാ​യി​രി​ക്കും അതിൽനി​ന്നു വജ്രം കിട്ടുക, വജ്രം വേർതി​രി​ച്ചെ​ടു​ക്കു​ന്ന​തിന്‌ ഒരിക്കൽ നിലവി​ലു​ണ്ടാ​യി​രുന്ന രീതി, അയിരും വെള്ളവും കൂട്ടി​ക്ക​ലർത്തിയ മിശ്രി​തം ഗ്രീസു പുരട്ടിയ മേശപ്പു​റ​ത്തു​കൂ​ടെ ഒഴുകാൻ അനുവ​ദി​ക്കു​ക​യാ​യി​രു​ന്നു. വജ്രം വെള്ളത്തിൽ ലയിക്കു​ക​യില്ല, കൂടാതെ അവ ഗ്രീസിൽ പതിഞ്ഞി​രി​ക്കും, അനാവശ്യ വസ്‌തു​ക്കൾ ഒഴുകി​പ്പോ​വു​ക​യും ചെയ്യും. ആ സാഹച​ര്യ​ത്തിൽ വജ്രം പരുപ​രു​ത്തി​രി​ക്കും. എന്നാൽ, അവ മുറിച്ച്‌, മിനു​ക്കി​യെ​ടു​ക്കു​മ്പോൾ എല്ലാ വശങ്ങളിൽനി​ന്നും വെട്ടി​ത്തി​ള​ങ്ങും.

വെള്ളത്തിൽ ലയിക്കാ​തെ, ചുറ്റു​മുള്ള വസ്‌തു​ക്ക​ളിൽനി​ന്നു വേർപെ​ട്ടി​രി​ക്കുന്ന വജ്രം​പോ​ലെ യഹോ​വ​യു​ടെ ജനം ഈ ലോക​ത്തിൽനി​ന്നു വേർപെ​ട്ടി​രി​ക്കു​ന്നു. (യോഹ​ന്നാൻ 17:16) ആദ്യം പ്രകാ​ശ​ത്തി​ലേക്ക്‌ ആകർഷി​ത​രാ​യ​പ്പോൾ അവർ നിഷ്‌പ്ര​ഭ​രാ​യി​രു​ന്നി​രി​ക്കാം. എന്നാൽ യഹോ​വ​യു​ടെ വചനവും ആത്മാവും അവരിൽ ഒരു പുതിയ വ്യക്തി​ത്വം ഉളവാക്കി, അങ്ങനെ അവർ ഈ ലോക​ത്തിൽ ജ്യോ​തി​സ്സു​ക​ളെ​പ്പോ​ലെ ശോഭി​ക്കു​ന്നു. അവരുടെ സ്വന്ത നീതി​യാ​ലല്ല, മറിച്ച്‌ യഹോ​വ​യു​ടെ നീതി​യാ​ലാണ്‌ അവർ ഉയർത്ത​പ്പെ​ട്ടി​രി​ക്കു​ക​യും സകല ദിശക​ളി​ലേ​ക്കും ദൈവ​രാ​ജ്യ​ത്തി​ന്റെ മഹനീയ പ്രകാശം പരത്തു​ക​യും ചെയ്യു​ന്നത്‌.

എങ്കിലും, പൊ.യു. (പൊതു​യു​ഗം) ഒന്നാം നൂറ്റാ​ണ്ടി​ന്റെ അവസാനം മുതൽ സഭകളിൽ വിശ്വാ​സ​ത്യാ​ഗം നുഴഞ്ഞു​ക​യ​റു​ക​യും അനേകരെ സ്വാധീ​നി​ക്കു​ക​യും ചെയ്‌തു. ക്രിസ്‌ത്യാ​നി​ക​ളെന്നു പറയ​പ്പെ​ടു​ന്നവർ തങ്ങൾക്കു ചുറ്റു​മുള്ള ലോക​ത്തു​നി​ന്നു തിരി​ച്ച​റി​യാ​നാ​വാ​ത്ത​വി​ധം ലോക ജനതക​ളു​മാ​യി കൂടി​ക്ക​ലർന്നു.

ഇന്ന്‌ ആത്മീയ ഇസ്രാ​യേ​ല്യ​രു​ടെ ഒരു വിശ്വസ്‌ത ശേഷിപ്പ്‌ യഹോ​വ​യു​ടെ പ്രീതി​യി​ലേക്കു വീണ്ടും വരുത്ത​പ്പെ​ട്ടി​രി​ക്കു​ന്നു. അവർ ലോക​ത്തു​നി​ന്നു തങ്ങളെ വേർതി​രി​ക്കു​ക​യും “ജഡത്തി​ലെ​യും ആത്മാവി​ലെ​യും സകല കന്മഷവും നീക്കി”യിരി​ക്കു​ക​യും ചെയ്‌തി​രി​ക്കു​ന്നു. (2 കൊരി​ന്ത്യർ 7:1) യഹോ​വ​യു​ടെ മുമ്പാകെ വെടി​പ്പും നേരു​മു​ള്ള​വ​രാ​യി അവർ അവന്റെ നീതിയെ ഉയർത്തി​പ്പി​ടി​ക്കു​ക​യാണ്‌. ലോക​ത്തി​ലുള്ള സകല ജനതക​ളെ​ക്കാ​ളും ഉന്നതമായ ഒരു സ്ഥാന​ത്തേക്ക്‌ ഇത്‌ അവരെ ഉയർത്തി​യി​രി​ക്കു​ന്നു. ദൈവ​രാ​ജ്യ​ത്തി​ന്റെ സുവാർത്ത സംബന്ധിച്ച അവരുടെ തീക്ഷ്‌ണ​ത​യുള്ള പ്രസം​ഗ​വേ​ല​യു​ടെ ഫലമായി ഒരു അന്താരാ​ഷ്ട്രീയ കൂട്ടം യഹോ​വ​യോട്‌ അടുത്തു​വ​രി​ക​യും അവന്റെ ജനത്തിന്റെ ഭാഗമാ​യി​ത്തീ​രു​ക​യും ചെയ്‌തി​രി​ക്കു​ന്നു.—വെളി​പ്പാ​ടു 7:9, 10.

ലോക​ത്തി​നു വ്യത്യാ​സം കാണാൻ കഴിയും

ലൗകിക അധികാ​രി​കൾ ചില​പ്പോ​ഴൊ​ക്കെ ദൈവ​ദാ​സ​രു​ടെ നടത്ത​യെ​പ്പറ്റി പുകഴ്‌ത്തി​പ്പ​റ​യാ​റുണ്ട്‌. ദക്ഷിണാ​ഫ്രി​ക്ക​യി​ലെ പ്രി​റ്റോ​റിയ ഷോ ഗ്രൗണ്ട്‌സ്‌ തങ്ങളുടെ വാർഷിക കൺ​വെൻ​ഷ​നു​വേണ്ടി ഉപയോ​ഗി​ക്കുന്ന സകല വംശങ്ങ​ളിൽനി​ന്നു​മുള്ള യഹോ​വ​യു​ടെ സാക്ഷി​ക​ളു​ടെ പെരു​മാ​റ്റ​ത്തെ​ക്കു​റിച്ച്‌ അതിന്റെ മുഖ്യ സുരക്ഷാ ഓഫീസർ കുറച്ചു കാലം മുമ്പു പ്രകീർത്തി​ച്ചു പറയു​ക​യു​ണ്ടാ​യി. മറ്റു പല കാര്യ​ങ്ങ​ളോ​ടു​മൊ​പ്പം അദ്ദേഹം ഇങ്ങനെ എഴുതി: “സകലരും മര്യാ​ദ​യു​ള്ള​വ​രാ​യി​രു​ന്നു, ഇപ്പോ​ഴും അങ്ങനെ​യാണ്‌. അവർ പരസ്‌പരം നേരാം​വണ്ണം സംസാ​രി​ക്കു​ന്നു. ഇത്തരം മനോ​നി​ല​യാ​ണു കഴിഞ്ഞ ഏതാനും ദിവസ​ങ്ങ​ളിൽ പ്രകട​മാ​യി​രു​ന്നത്‌. ഇതെല്ലാം നിങ്ങളു​ടെ സമുദാ​യ​ത്തി​ലെ അംഗങ്ങ​ളു​ടെ മനസ്സാ​മർഥ്യ​ത്തി​നും സകലരും ഒരു സന്തുഷ്ട കുടും​ബ​ത്തി​ലെ അംഗങ്ങ​ളെ​പ്പോ​ലെ ഒരുമി​ച്ചു ജീവി​ക്കാൻ താത്‌പ​ര്യ​പ്പെ​ടു​ന്നു എന്നതി​നു​മുള്ള സാക്ഷ്യ​മാണ്‌.”

വലിയ കൂട്ടങ്ങ​ളിൽ മാത്രമല്ല തങ്ങളുടെ സ്വകാര്യ ജീവി​ത​ത്തി​ലും യഹോ​വ​യു​ടെ ജനത്തിന്‌ അവന്റെ ജനതയു​ടെ നീതി​ക്കു​വേണ്ടി സംഭാവന ചെയ്യാ​വു​ന്ന​താണ്‌. ഉദാഹ​ര​ണ​ത്തിന്‌, വാച്ച്‌ ടവർ സൊ​സൈ​റ്റി​യു​ടെ ദക്ഷിണാ​ഫ്രിക്ക ബ്രാഞ്ചിൽ ജോഹാ​ന​സ്‌ബർഗി​ലുള്ള ഒരു സ്‌ത്രീ​യു​ടെ ഒരു കത്തുകി​ട്ടി. “കഴിഞ്ഞ​യാഴ്‌ച ഞാൻ എന്റെ പേഴ്‌സ്‌ കാറിന്റെ മുകളിൽവെച്ച്‌ ഓടി​ച്ചു​പോ​യി. അത്‌ യാൻ സ്‌മട്ട്‌സ്‌ അവന്യൂ​വിൽവെച്ചു താഴെ​പ്പോ​യി. പേഴ്‌സ്‌ അതിലുള്ള സകല വസ്‌തു​ക്ക​ളു​മ​ടക്കം നിങ്ങളു​ടെ സഭയിലെ ഒരംഗ​മായ ശ്രീ. ആർ—, എടുത്തു​വെ​ച്ചിട്ട്‌ എനിക്കു ഫോൺ ചെയ്‌തു, എന്നിട്ട്‌ എനിക്കതു തിരികെ നൽകി. . . . ഇന്നത്തെ​ക്കാ​ലത്തു വിരള​മാ​യി​രി​ക്കുന്ന ഈ സത്യസ​ന്ധ​തയെ ഞാൻ അങ്ങേയറ്റം വിലമ​തി​ക്കു​ന്നു. നിങ്ങളു​ടെ അംഗങ്ങൾ പിൻപ​റ്റുന്ന ഈ തത്ത്വങ്ങൾ സ്ഥാപി​ച്ചി​രി​ക്കുന്ന നിങ്ങളു​ടെ സഭയെ ഞാൻ പ്രശം​സി​ക്കു​ന്നു.”

അതേ, യഹോ​വ​യു​ടെ നീതി​നി​ഷ്‌ഠ​മായ തത്ത്വങ്ങൾ പിൻപ​റ്റി​ക്കൊണ്ട്‌ ലോക​ത്തിൽനി​ന്നു വ്യത്യ​സ്‌ത​മാ​യി നില​കൊ​ള്ളാൻ അവന്റെ ജനം പഠിപ്പി​ക്ക​പ്പെ​ടു​ന്നു. അവർ യഹോ​വ​യു​ടെ നീതി പ്രകട​മാ​ക്കു​ന്ന​തു​കൊ​ണ്ടു പരമാർഥ​ഹൃ​ദയർ ക്രിസ്‌തീയ സഭയി​ലേക്ക്‌ ആകർഷി​ക്ക​പ്പെ​ടു​ന്നു. വെടി​പ്പും ശുദ്ധി​യു​മുള്ള ഒന്നി​ലേക്ക്‌ ആകർഷി​ക്ക​പ്പെ​ടുക സ്വാഭാ​വി​ക​മാണ്‌. ഉദാഹ​ര​ണ​ത്തിന്‌, സ്വിറ്റ്‌സർലൻഡി​ലെ സൂറി​ച്ചിൽ യഹോ​വ​യു​ടെ സാക്ഷി​ക​ളു​ടെ യോഗം നടന്നി​രു​ന്നി​ട​ത്തേക്ക്‌ ഒരു അപരി​ചി​തൻ കടന്നു​വന്നു. തനിക്കും സഭയിലെ ഒരംഗ​മാ​ക​ണ​മെന്ന്‌ അദ്ദേഹം പറഞ്ഞു. അധാർമി​ക​ത​യു​ടെ​പേ​രിൽ തന്റെ സഹോ​ദ​രി​യെ പുറത്താ​ക്കി​യെന്ന്‌ അദ്ദേഹം വിശദീ​ക​രി​ച്ചു. എന്നിട്ട്‌, “മോശ​മായ നടത്ത പൊറു​ക്കു​ക​യി​ല്ലാത്ത” ഒരു സ്ഥാപന​ത്തിൽ ചേരാൻ താൻ ആഗ്രഹി​ക്കു​ന്നു​വെന്ന്‌ അദ്ദേഹം കൂട്ടി​ച്ചേർത്തു. “ലോക​ത്തിൽ അങ്ങേയറ്റം സത്‌പെ​രു​മാ​റ്റ​മുള്ള വിഭാ​ഗ​ങ്ങ​ളിൽ ഒന്നായി” യഹോ​വ​യു​ടെ സാക്ഷി​കളെ ന്യൂ കാത്തലിക്‌ എൻ​സൈ​ക്ലോ​പീ​ഡിയ പോലും അംഗീ​ക​രി​ക്കു​ന്നു.

നീതി ഒരുവന്റെ സത്‌കീർത്തി വർധി​പ്പി​ക്കു​മ്പോൾ പാപം നാണ​ക്കേടു വരുത്തും, ഗുരു​ത​ര​മായ ദുഷ്‌പ്ര​വൃ​ത്തി സമുദാ​യ​ത്തിൽ അറിയ​പ്പെ​ടു​ന്നു​വെ​ങ്കിൽ പ്രത്യേ​കി​ച്ചും. വ്യക്തികൾ കൊടി​യ​പാ​പം ചെയ്യു​മ്പോൾ അതു ക്രിസ്‌തീയ സഭയു​ടെ​മേൽ വരുത്തി​ക്കൂ​ട്ടുന്ന നാണ​ക്കേട്‌ അതിനു സഹി​ക്കേ​ണ്ടി​വ​രു​ന്നു. ദുഷ്‌പ്ര​വൃ​ത്തി​ക്കാ​രനു ദയാപു​ര​സ്സ​ര​മായ ഒരു വിധത്തിൽ അതായത്‌, തിരു​വെ​ഴു​ത്തു തത്ത്വങ്ങൾക്കു ചേർച്ച​യിൽ ശിക്ഷ നൽകി​യെന്നു കാണി​ച്ചു​കൊ​ണ്ടു സഭയിലെ വിശ്വസ്‌ത അംഗങ്ങൾക്കു സഭയുടെ സത്‌പേ​രി​നു​വേണ്ടി പ്രതി​വാ​ദി​ക്കാൻ കഴിയും. ഒരുവൻ പാപം ചെയ്യു​ക​യും അനുത​പി​ക്കാ​തി​രി​ക്കു​ക​യും ചെയ്യു​ന്ന​പക്ഷം അയാളെ സഭയിൽനി​ന്നു പുറന്ത​ള്ളും—പുറത്താ​ക്കും.—1 കൊരി​ന്ത്യർ 5:9-13.

ചിലർ പുറത്താ​ക്ക​പ്പെ​ടു​ന്ന​തി​നു കാരണം

വർഷം​തോ​റും ഏതാനും ആയിരങ്ങൾ ക്രിസ്‌തീയ സഭയിൽനി​ന്നു പുറത്താ​ക്ക​പ്പെ​ടു​ന്നു​വെ​ങ്കി​ലും അതു ലോക​വ്യാ​പ​ക​മാ​യി 50 ലക്ഷം വരുന്ന സാക്ഷി​ക​ളു​ടെ ഒരു ചെറിയ ശതമാനം മാത്ര​മാണ്‌. ക്രിസ്‌തീയ സഭയി​ലുള്ള ഒരാൾക്കെ​തി​രെ എന്തിന്‌ ഇത്ര കഠോ​ര​മായ നടപടി സ്വീക​രി​ക്കണം? ദുഷ്‌പ്ര​വൃ​ത്തി​യു​ടെ സ്വഭാ​വ​മാ​ണു നിർണയ ഘടകങ്ങ​ളി​ലൊന്ന്‌. എന്നാൽ അതിലും പ്രധാ​ന​മായ ഒരു ഘടകമുണ്ട്‌, താൻ ചെയ്‌തി​രി​ക്കുന്ന ഗുരു​ത​ര​മായ ദുഷ്‌പ്ര​വൃ​ത്തി സംബന്ധി​ച്ചു ദുഷ്‌പ്ര​വൃ​ത്തി​ക്കാ​രൻ ആത്മാർഥ​മാ​യും അനുതാ​പ​മു​ള്ള​വ​നാ​ണോ എന്നതു​തന്നെ. അയാൾക്ക്‌ വാസ്‌ത​വ​മാ​യും മനസ്സാ​ക്ഷി​ക്കുത്ത്‌ അനുഭ​വ​പ്പെ​ടു​ക​യും ഹൃദയ​സ്‌പർശ​ക​മായ പ്രാർഥ​ന​യി​ലൂ​ടെ യഹോ​വ​യി​ലേക്കു തിരി​യു​ക​യും അവനെ​തി​രെ ചെയ്‌തി​രി​ക്കുന്ന പാപത്തി​നു ക്ഷമ യാചി​ക്കു​ക​യും സഭയിലെ ഉത്തരവാ​ദി​ത്വ​പ്പെട്ട പുരു​ഷ​ന്മാ​രു​ടെ സഹായം തേടു​ക​യും ചെയ്‌തി​ട്ടു​ണ്ടെ​ങ്കിൽ ദൈവ​പ്രീ​തി നേടാ​നും സഭയുടെ ഭാഗമാ​യി​രി​ക്കാ​നും അയാളെ സഹായി​ക്കാ​വു​ന്ന​താണ്‌.—സദൃശ​വാ​ക്യ​ങ്ങൾ 28:13; യാക്കോബ്‌ 5:14, 15.

തന്റെ പിതാ​വു​മാ​യി ഒരു നല്ല, ആരോ​ഗ്യാ​വ​ഹ​മായ ബന്ധമുള്ള ഒരു കുട്ടി പിതാ​വി​നെ വേദനി​പ്പി​ക്കുന്ന എന്തെങ്കി​ലും ചെയ്യു​മ്പോൾ ആ വിലപ്പെട്ട ബന്ധം പുനഃ​സ്ഥാ​പി​ക്കു​ന്ന​തിന്‌ ഇരുവ​രും തിടു​ക്ക​മു​ള്ള​വ​രാ​യി​രി​ക്കണം. അതു​പോ​ലെ, നാം നമ്മുടെ ജീവിതം യഹോ​വ​യ്‌ക്കു സമർപ്പി​ക്കു​മ്പോൾ നാം അവനു​മാ​യി അത്യന്തം വില​യേ​റിയ ഒരു ബന്ധത്തിൽ പ്രവേ​ശി​ക്കു​ന്നു. തന്മൂലം, അവനെ വേദനി​പ്പി​ക്കുന്ന എന്തെങ്കി​ലും നാം ചെയ്യു​മ്പോൾ നമ്മുടെ സ്വർഗീയ പിതാ​വു​മാ​യുള്ള ബന്ധം പുനഃ​സ്ഥാ​പി​ക്കാൻ നാം തിടു​ക്ക​ത്തിൽ പ്രവർത്തി​ക്കേ​ണ്ട​തുണ്ട്‌.

പുറത്താ​ക്ക​പ്പെട്ട ചിലർ മുടി​യ​നായ പുത്രന്റെ ദൃഷ്ടാന്തം ഹൃദയാ ഏറ്റു​കൊ​ണ്ടി​ട്ടുണ്ട്‌ എന്നതു സന്തോ​ഷ​ക​രം​തന്നെ. ആ ദൃഷ്ടാ​ന്ത​ത്തിൽ, അനുതാ​പ​മുള്ള ഒരു പാപി തന്റെ വഴി വിട്ടു​തി​രി​ഞ്ഞു ദൈവ​ത്തി​ന്റെ ക്ഷമ യാചി​ക്കു​ന്നു​വെ​ങ്കിൽ സ്വീക​രി​ക്കാൻ ഒരുക്ക​മുള്ള സ്‌നേ​ഹ​നി​ധി​യായ ഒരു പിതാ​വി​നോ​ടു യഹോ​വയെ ഉപമി​ച്ചി​രി​ക്കു​ന്നു. (ലൂക്കൊസ്‌ 15:11-24) ആത്മാർഥ​മാ​യി, ഹൃദയ​പൂർവ​ക​മാ​യി അനുത​പി​ക്കു​ന്ന​തും മോശ​മായ കാര്യ​ങ്ങ​ളിൽനിന്ന്‌ അകന്നു​നിൽക്കു​ന്ന​തും യഹോ​വ​യു​ടെ പ്രീതി​യി​ലേ​ക്കും ക്രിസ്‌തീയ സഭയി​ലേ​ക്കും മടങ്ങി​വ​രു​ന്ന​തി​നുള്ള ഒരു മാർഗ​മാ​യി​രു​ന്നി​ട്ടുണ്ട്‌. കുറ്റഭാ​ര​ത്താൽ ചവിട്ടി​യ​ര​യ്‌ക്ക​പ്പെ​ട്ട​താ​യി അനുഭ​വ​പ്പെട്ട അനുതാപ മനസ്‌ക​രായ ചില ദുഷ്‌പ്ര​വൃ​ത്തി​ക്കാർ അനുത​പിച്ച്‌ ക്രിസ്‌തീയ സഭയിലെ സ്‌നേ​ഹ​പു​ര​സ്സ​ര​മായ ചുറ്റു​പാ​ടി​ലേക്കു തിരികെ വരാൻ പ്രേരി​ത​രാ​യി​ട്ടുണ്ട്‌. അങ്ങനെ അവർ യെശയ്യാ​വു 57:15-ലെ യഹോ​വ​യു​ടെ വാക്കുകൾ വിലമ​തി​ക്കാൻ ഇടവന്നി​രി​ക്കു​ന്നു.

യഹോ​വ​യു​ടെ സ്‌നേ​ഹ​നിർഭ​ര​മായ പരിപാ​ല​ന​ത്തി​ലേക്കു തിരികെ വരുന്ന​തിൽനി​ന്നു വ്യക്തി​കളെ അകറ്റി​നിർത്താ​നുള്ള ഉദ്ദേശ്യ​ത്തിൽ, ചെയ്‌തു​പോയ പാപങ്ങൾ ക്ഷമിക്ക​പ്പെ​ടാ​വു​ന്ന​വ​യ​ല്ലെന്നു വരുത്തി​ത്തീർക്കാൻ സാത്താൻ ആഗ്രഹി​ക്കും. എന്നാൽ അനുത​പി​ക്കുന്ന ഏതൊ​രാ​ളു​ടെ​യും പാപങ്ങൾ—അതേ, “സർവ്വ​ലോ​ക​ത്തി​ന്റെ”യും അവകാ​ശ​പ്പെ​ടു​ത്തിയ പാപം പോലും—പൊറു​ക്കാൻ മതിയാ​യ​താണ്‌ യേശു​ക്രി​സ്‌തു​വി​ന്റെ മറുവി​ല​യാ​ഗം. (1 യോഹ​ന്നാൻ 2:1, 2) ദൈവ​ത്തി​ന്റെ പരിശു​ദ്ധാ​ത്മാ​വി​നെ​തി​രെ​യുള്ള പാപമാ​ണു മറുവി​ല​യാ​ഗ​ത്താൽ മോചി​ക്ക​പ്പെ​ടാത്ത ഏക പാപം. അത്‌ യൂദാ ഇസ്‌ക​ര്യോ​ത്ത​യു​ടെ​യും മറ്റനേകം ശാസ്‌ത്രി​മാ​രു​ടെ​യും പരീശ​ന്മാ​രു​ടെ​യും കൊടിയ പാപങ്ങൾ പോലെ ദൈവാ​ത്മാ​വി​നെ​തി​രെ മനപ്പൂർവം മത്സരി​ച്ചു​കൊ​ണ്ടുള്ള പാപത്തി​നു തുല്യ​മാണ്‌.—മത്തായി 12:24, 31, 32; 23:13, 33; യോഹ​ന്നാൻ 17:12.

യഹോ​വ​യു​ടെ നീതി ഉയർത്തി​പ്പി​ടി​ക്കു​ന്നു

ആത്മീയ ഇസ്രാ​യേ​ലി​ന്റെ ശേഷി​പ്പി​നെ 1919-ൽ യഹോ​വ​യു​ടെ പ്രീതി​യി​ലേക്കു കൂട്ടി​വ​രു​ത്തി​യ​തു​മു​തൽ അവർ തങ്ങൾക്കു ചുറ്റു​മുള്ള ലോക​ത്തിൽനിന്ന്‌ അധിക​മ​ധി​കം ഉയർത്ത​പ്പെ​ട്ടി​രി​ക്കു​ന്നു. ഇത്‌ അവരുടെ പക്ഷത്തു​നി​ന്നുള്ള എന്തെങ്കി​ലും നന്മ കൊണ്ടല്ല മറിച്ച്‌, അവർ യഹോ​വ​യു​ടെ നിയമ​ങ്ങൾക്കും പ്രമാ​ണ​ങ്ങൾക്കും മനസ്സൊ​രു​ക്ക​ത്തോ​ടെ കീഴ്‌പെ​ട്ടി​രി​ക്കു​ന്ന​തു​കൊ​ണ്ടാണ്‌. തത്‌ഫ​ല​മാ​യി, ക്രിസ്‌തു​വി​ന്റെ ലക്ഷക്കണ​ക്കി​നു “വേറെ ആടുക”ൾ കൂറു​പു​ലർത്തുന്ന സഹചാ​രി​കൾ എന്നനി​ല​യിൽ ആത്മീയ ഇസ്രാ​യേ​ല്യ​രു​മാ​യി സഹവസി​ക്കു​ന്ന​തി​നു കൂട്ടി​വ​രു​ത്ത​പ്പെ​ട്ടി​രി​ക്കു​ന്നു. (യോഹ​ന്നാൻ 10:16) ദൈവ​ത്തി​ന്റെ പ്രമാ​ണ​ങ്ങളെ വിട്ടക​ന്നി​രി​ക്കുന്ന ഒരു ലോക​ത്തിൽ ഇവർ യഹോ​വ​യ്‌ക്കു മഹത്ത്വ​വും ബഹുമാ​ന​വും കൈവ​രു​ത്തു​ന്നു. അത്‌ വ്യക്തി​ത്വം (ഇംഗ്ലീഷ്‌) എന്ന ദക്ഷിണാ​ഫ്രി​ക്കൻ മാസിക ഒരിക്കൽ അഭി​പ്രാ​യ​പ്പെ​ട്ട​തു​പോ​ലുണ്ട്‌: “യഹോ​വ​യു​ടെ സാക്ഷികൾ സദ്‌ഗുണ സമ്പൂർണ​രും ദുർഗുണ വിമു​ക്ത​രു​മാ​ണെന്ന മട്ടുണ്ട്‌.”

ഭക്തികെട്ട ഒരു ലോക​ത്തിൽ ലഭിച്ചി​രി​ക്കുന്ന ഈ ഉന്നത സ്ഥാനം നിലനിർത്തു​ന്ന​തി​നു ക്രിസ്‌തീയ സഭയിലെ ഓരോ വ്യക്തി​യും യഹോ​വ​യു​ടെ മുമ്പാകെ ശുദ്ധവും നേരു​മുള്ള ജീവിതം നയി​ക്കേ​ണ്ട​തുണ്ട്‌. ബൈബി​ളിൽ യഹോ​വ​യു​ടെ സ്വർഗീയ സ്ഥാപനം ശുദ്ധമായ വസ്‌തു​ക്ക​ളാ​ലാ​ണു ചിത്രീ​ക​രി​ക്ക​പ്പെ​ട്ടി​രി​ക്കു​ന്നത്‌. സൂര്യനെ അണിഞ്ഞ, കാല്‌ക്കീ​ഴിൽ ചന്ദ്രനുള്ള അഴകേ​റിയ ഒരു സ്‌ത്രീ​യാ​യി അതു കാണ​പ്പെ​ടു​ന്നു. (വെളി​പ്പാ​ടു 12:1) പുതിയ യെരു​ശ​ലേം വശ്യസു​ന്ദ​ര​മായ ആകാര​മുള്ള വിശുദ്ധ നഗരമാ​യി വർണി​ക്ക​പ്പെ​ട്ടി​രി​ക്കു​ന്നു. (വെളി​പ്പാ​ടു 21:2) ക്രിസ്‌തു​വി​ന്റെ മണവാട്ടി വർഗത്തി​ലെ വിശ്വസ്‌ത അംഗങ്ങൾക്ക്‌ “ശുദ്ധവും ശുഭ്ര​വു​മായ വിശേ​ഷ​വ​സ്‌ത്രം” നൽക​പ്പെ​ട്ടി​രി​ക്കു​ന്നു. (വെളി​പ്പാ​ടു 19:8) മഹാപു​രു​ഷാ​ര​ത്തിൽ പെട്ടവർ “വെള്ളനി​ല​യങ്കി ധരിച്ചു” നിൽക്കു​ന്ന​താ​യി കാണ​പ്പെ​ടു​ന്നു. (വെളി​പ്പാ​ടു 7:9) നീതി ഇഷ്ടപ്പെ​ടു​ന്നവർ ശുദ്ധമായ ഒരു സ്ഥാപന​ത്തി​ലേക്ക്‌ ആകർഷി​ക്ക​പ്പെ​ടു​ക​യാണ്‌. നേരേ​മ​റിച്ച്‌, സാത്താന്റെ സ്ഥാപനം അശുദ്ധ​മാണ്‌. അവന്റെ മത സമ്പ്രദാ​യത്തെ ഒരു വേശ്യ​യാ​യി ചിത്രീ​ക​രി​ച്ചി​രി​ക്കു​ന്നു. കൂടാതെ, വിശുദ്ധ നഗരത്തി​നു പുറത്തു​ള്ളവർ വൃത്തി​കെ​ട്ട​വ​രും അശുദ്ധ​രു​മാ​യി വർണി​ക്ക​പ്പെ​ട്ടി​രി​ക്കു​ന്നു.—വെളി​പ്പാ​ടു 17:1; 22:15.

നീതി​മാ​ന്മാർക്കു നിത്യ​ജീ​വൻ വാഗ്‌ദത്തം ചെയ്യ​പ്പെ​ട്ടി​രി​ക്കു​ക​യാണ്‌. യഹോ​വ​യു​ടെ നീതിയെ ഉയർത്തി​പ്പി​ടി​ക്കുന്ന കൂട്ടി​ച്ചേർക്ക​പ്പെ​ട്ടി​രി​ക്കുന്ന ജനങ്ങൾക്കു ഈ ദുഷ്ടവ്യ​വ​സ്ഥി​തി​യെ അതിജീ​വി​ക്കു​ന്ന​തി​നുള്ള പ്രത്യാ​ശ​യുണ്ട്‌. “എന്റെ വാക്കു കേൾക്കു​ന്ന​വ​നോ നിർഭയം വസിക്ക​യും ദോഷ​ഭയം കൂടാതെ സ്വൈ​ര്യ​മാ​യി​രി​ക്ക​യും ചെയ്യും” എന്നു സദൃശ​വാ​ക്യ​ങ്ങൾ 1:33-ൽ ദൈവം വാഗ്‌ദാ​നം ചെയ്‌തി​രി​ക്കു​ന്നു.

വലിയ ശലോ​മോ​നായ യേശു​ക്രി​സ്‌തു യഹോ​വാ​ഭ​യ​ത്തോ​ടെ പുതിയ ലോക​ത്തിൽ നീതി​യിൽ ഭരണം നടത്തു​മ്പോൾ അത്‌ എത്രമാ​ത്രം ഉന്മേഷ​ദാ​യ​ക​മാ​യി​രി​ക്കും! (2 പത്രൊസ്‌ 3:13) അത്‌ ഉഷഃകാ​ല​വെ​ളി​ച്ചം​പോ​ലെ, കാർമേ​ഘ​ര​ഹി​ത​മായ പ്രഭാ​ത​ത്തിൽ സൂര്യൻ പ്രകാ​ശ​കി​ര​ണങ്ങൾ പൊഴി​ക്കു​ന്ന​തു​പോ​ലി​രി​ക്കും. ഭൂമി​യി​ലെ സകല നിവാ​സി​ക​ളും, ഓരോ​രു​ത്ത​രും അവനവന്റെ മുന്തി​രി​വ​ള്ളി​യു​ടെ​യും അത്തിമ​ര​ത്തി​ന്റെ​യും കീഴിൽ ഇരിക്കു​ന്ന​തു​പോ​ലെ, സുരക്ഷി​ത​ത്വ​ത്തിൽ വസിക്കും. നമ്മുടെ ദൈവ​മായ യഹോ​വ​യു​ടെ നിത്യ സ്‌തു​തി​ക്കാ​യി നീതി​നിഷ്‌ഠ മനുഷ്യ സമുദാ​യം ഭൂമിയെ സുന്ദര​മാ​ക്കി അഖിലാ​ണ്ഡ​ത്തിൽ അതിനുള്ള അർഹമായ സ്ഥാനം കൈവ​ശ​പ്പെ​ടു​ത്തും.—മീഖാ 4:3, 4; യെശയ്യാ​വു 65:17-19, 25-ഉം കാണുക.

[26-ാം പേജിലെ ചിത്ര​ത്തിന്‌ കടപ്പാട്‌]

Garo Nalbandian