ബൈബിൾ പുസ്‌തക നമ്പർ 53—2 തെസ്സ​ലൊ​നീ​ക്യർ

എഴുത്തുകാരൻ: പൗലൊസ്‌

എഴുതിയ സ്ഥലം: കൊരിന്ത്‌

എഴുത്തു പൂർത്തി​യാ​യത്‌: പൊ.യു. ഏകദേശം 51

1. എഴുത്തി​ന്റെ സമയ​ത്തെ​യും സ്ഥലത്തെ​യും സൂചി​പ്പി​ക്കു​ന്നത്‌ എന്ത്‌, തെസ്സ​ലൊ​നീ​ക്യർക്കു​ളള രണ്ടാമത്തെ ലേഖന​ത്തി​നു പ്രേരി​പ്പി​ച്ച​തെന്ത്‌?

തെസ്സ​ലൊ​നീ​ക്യർക്കു​ളള അപ്പോ​സ്‌ത​ല​നായ പൗലൊ​സി​ന്റെ രണ്ടാമത്തെ ലേഖനം ഒന്നാമ​ത്തേ​തി​ന്റെ തൊട്ടു​പി​ന്നാ​ലെ വന്നു. അത്‌ ഒന്നാമത്തെ ലേഖന​ത്തി​നു​ശേഷം താമസി​യാ​തെ കൊരി​ന്തു​ന​ഗ​ര​ത്തിൽനി​ന്നു​തന്നെ എഴുതി​യെന്നു നമുക്ക​റി​യാം; കാരണം അതേ സഹോ​ദ​രൻമാർ, സ്വില്വാ​നോ​സും തിമൊ​ഥെ​യൊ​സും തെസ്സ​ലൊ​നീ​ക്യ​സ​ഭയെ അഭിവാ​ദ​നം​ചെ​യ്യു​ന്ന​തിൽ വീണ്ടും പൗലൊ​സി​നോ​ടു ചേരുന്നു. അവരെ​ല്ലാം ആദിമ ക്രിസ്‌തീയ സഭയിലെ സഞ്ചാര​ദാ​സൻമാർ ആയിരു​ന്നു. കൊരി​ന്തി​ലെ ഈ സഹവാ​സ​ത്തി​നു​ശേഷം അവർ മൂന്നു​പേ​രും വീണ്ടും ഒരുമി​ച്ചു​വ​ന്നു​വെന്നു രേഖയില്ല. (2 തെസ്സ. 1:1; പ്രവൃ. 18:5, 18) ചർച്ചയു​ടെ വിഷയ​വും സ്വഭാ​വ​വും ആ സഭ അകപ്പെ​ട്ടു​പോയ ഒരു തെററു​സം​ബ​ന്ധിച്ച്‌ അതിനെ തിരു​ത്തേ​ണ്ട​തി​ന്റെ അടിയ​ന്തി​രത പൗലൊ​സിന്‌ അനുഭ​വ​പ്പെ​ട്ടു​വെന്നു സൂചി​പ്പി​ക്കു​ന്നു.

2. രണ്ടു തെസ്സ​ലൊ​നീ​ക്യ​രു​ടെ വിശ്വാ​സ്യ​തയെ സാക്ഷ്യ​പ്പെ​ടു​ത്തു​ന്നത്‌ എന്ത്‌?

² ലേഖന​ത്തി​ന്റെ വിശ്വാ​സ്യത ഒന്നു തെസ്സ​ലൊ​നീ​ക്യ​രു​ടേ​തു​പോ​ലെ നന്നായി സാക്ഷ്യ​പ്പെ​ടു​ത്ത​പ്പെ​ടു​ന്നു. ഐറേ​നി​യ​സും (പൊ.യു. രണ്ടാം നൂററാണ്ട്‌) ജസ്‌റ​റിൻ മാർട്ടെ​റും (രണ്ടാം നൂററാ​ണ്ടിൽത്തന്നെ) ഉൾപ്പെടെ മററ്‌ ആദിമ എഴുത്തു​കാ​രും അത്‌ ഉദ്ധരി​ക്കു​ന്നുണ്ട്‌. “അധർമ്മ [പാപ] മനുഷ്യ​നെ”ക്കുറിച്ച എഴുതു​മ്പോൾ ജസ്‌റ​റിൻ മാർട്ടെർ പ്രത്യ​ക്ഷ​ത്തിൽ 2 തെസ്സ​ലൊ​നീ​ക്യർ 2:3-നെയാണു പരാമർശി​ക്കു​ന്നത്‌. ഒന്നു തെസ്സ​ലൊ​നീ​ക്യർ ഉൾപ്പെ​ടുന്ന ആദിമ പുസ്‌ത​ക​പ്പ​ട്ടി​ക​ക​ളിൽ അതു കാണു​ന്നുണ്ട്‌. ഇപ്പോൾ അതു ചെസ്‌ററർ ബീററി പപ്പൈ​റസ്‌ നമ്പർ 2-ൽ (P⁴⁶) കാണു​ന്നി​ല്ലെ​ങ്കി​ലും, മിക്കവാ​റും തീർച്ച​യാ​യി, ഒന്നു തെസ്സ​ലൊ​നീ​ക്യർക്കു​ശേഷം കാണാ​തെ​പോ​യി​രി​ക്കുന്ന ഏഴു താളു​ക​ളിൽ ആദ്യത്തെ രണ്ടെണ്ണ​ത്തിൽ അത്‌ അടങ്ങി​യി​രി​ക്കു​ന്നു.

3, 4. (എ) തെസ്സ​ലൊ​നീ​ക്യ​സ​ഭ​യിൽ എന്തു പ്രശ്‌നം പൊന്തി​വ​ന്നി​രു​ന്നു? (ബി) ലേഖനം എപ്പോൾ എവി​ടെ​വച്ച്‌ എഴുത​പ്പെട്ടു, അതിനാൽ എന്തു സാധി​ക്കാൻ പൗലൊസ്‌ ശ്രമിച്ചു?

³ ഈ ലേഖന​ത്തി​ന്റെ ഉദ്ദേശ്യം എന്തായി​രു​ന്നു? പൗലൊസ്‌ തെസ്സ​ലൊ​നീ​ക്യർക്കു കൊടുത്ത നിർദേ​ശ​ത്തിൽനിന്ന്‌, സഭയിലെ ചിലർ കർത്താ​വി​ന്റെ സാന്നി​ധ്യം ആസന്നമാ​ണെന്നു വാദി​ച്ചി​രു​ന്നു​വെ​ന്നും ഈ അഭ്യൂ​ഹ​പ്രി​യർ തങ്ങളുടെ സ്വന്തം സിദ്ധാന്തം സജീവ​മാ​യി പ്രസംഗിച്ചുകൊണ്ടിരിക്കുകയായിരുന്നുവെന്നും അവർ സഭയിൽ ഉണ്ടാക്കി​ക്കൊ​ണ്ടി​രുന്ന കലക്കം കുറ​ച്ചൊ​ന്നു​മ​ല്ലാ​യി​രു​ന്നു​വെ​ന്നും നാം മനസ്സി​ലാ​ക്കു​ന്നു. ചിലർ തങ്ങൾക്കു​വേണ്ടി കരുതാൻ ജോലി ചെയ്യാ​തി​രി​ക്കു​ന്ന​തിന്‌ ഇതിനെ ഒരു ഒഴിക​ഴി​വാ​യി ഉപയോ​ഗി​ക്കു​ക​പോ​ലു​മാ​യി​രു​ന്നു​വെന്നു തോന്നു​ന്നു. (2 തെസ്സ. 3:11) തന്റെ ഒന്നാമത്തെ ലേഖന​ത്തിൽ, പൗലൊസ്‌ കർത്താ​വി​ന്റെ സാന്നി​ധ്യ​ത്തെ പരാമർശി​ച്ചി​രു​ന്നു. നിസ്സം​ശ​യ​മാ​യി, ഈ അഭ്യൂ​ഹ​പ്രി​യർ ലേഖനം വായി​ച്ചു​കേ​ട്ട​പ്പോൾ പെട്ടെന്നു പൗലൊ​സി​ന്റെ വാക്കു​കളെ വളച്ചൊ​ടി​ക്കു​ക​യും ഒരിക്ക​ലും ഉദ്ദേശി​ക്കാഞ്ഞ അർഥങ്ങൾ അവയ്‌ക്കു​ണ്ടെന്നു നിഗമ​ന​ത്തി​ലെ​ത്തു​ക​യും ചെയ്‌തു. പൗലൊസ്‌ എഴുതി​യ​താ​യി തെററാ​യി ആരോ​പി​ക്ക​പ്പെട്ട ഒരു ലേഖനം “യഹോ​വ​യു​ടെ ദിവസം ആഗതമാ​യി” എന്നു സൂചി​പ്പി​ക്കു​ന്ന​താ​യി വ്യാഖ്യാ​നി​ക്ക​പ്പെ​ട്ടി​രി​ക്കാ​നു​മി​ട​യുണ്ട്‌.—2:1, 2, NW.

⁴ ഈ അവസ്ഥസം​ബ​ന്ധി​ച്ചു പൗലൊ​സിന്‌ ഒരു റിപ്പോർട്ടു കിട്ടി​യെന്നു തോന്നു​ന്നു, സഭക്കുളള തന്റെ ഒന്നാം ലേഖനം എത്തിച്ചു​കൊ​ടുത്ത വ്യക്തി​യിൽനി​ന്നാ​യി​രി​ക്കാൻ സാധ്യ​ത​യുണ്ട്‌. അതു​കൊണ്ട്‌, തനിക്കു വലിയ പ്രീതി ഉണ്ടായി​രുന്ന തന്റെ സഹോ​ദ​രൻമാ​രു​ടെ ചിന്തയെ തിരു​ത്താൻ അവൻ വളരെ ആകാം​ക്ഷ​യു​ള​ള​വ​നാ​യി​രി​ക്കു​മാ​യി​രു​ന്നു. അതു​കൊ​ണ്ടു പൊ.യു. 51-ാം വർഷത്തിൽ പൗലൊസ്‌ തന്റെ രണ്ടു സഹപ്ര​വർത്ത​ക​രോ​ടു ചേർന്നു കൊരി​ന്തിൽനി​ന്നു തെസ്സ​ലൊ​നീ​ക്യ സഭയി​ലേക്ക്‌ ഒരു ലേഖന​മ​യച്ചു. ക്രിസ്‌തു​വി​ന്റെ സാന്നി​ധ്യ​ത്തെ സംബന്ധിച്ച തെററായ വീക്ഷണം തിരു​ത്തു​ന്ന​തി​നു​പു​റമേ, സത്യത്തിൽ ഉറച്ചു​നിൽക്കു​ന്ന​തി​നു പൗലൊസ്‌ ഊഷ്‌മ​ള​മായ പ്രോ​ത്സാ​ഹനം കൊടു​ക്കു​ന്നു.

രണ്ടു തെസ്സ​ലൊ​നീ​ക്യ​രു​ടെ ഉളളടക്കം

5. പൗലൊ​സും അവന്റെ സഹപ്ര​വർത്ത​ക​രും എന്തിനു​വേണ്ടി ദൈവ​ത്തി​നു നന്ദി​കൊ​ടു​ക്കു​ന്നു, അവർ എന്ത്‌ ഉറപ്പു കൊടു​ക്കു​ന്നു, അവർ എന്തു പ്രാർഥി​ക്കു​ന്നു?

⁵ കർത്താ​വായ യേശു​വി​ന്റെ വെളി​പാട്‌ (1:1-12). പൗലൊ​സും അവന്റെ സഹപ്ര​വർത്ത​ക​രും തെസ്സ​ലൊ​നീ​ക്യ​രു​ടെ വിശ്വാ​സ​ത്തി​ന്റെ​യും അന്യോ​ന്യ​മു​ളള സ്‌നേ​ഹ​ത്തി​ന്റെ​യും നല്ല വളർച്ച നിമിത്തം ദൈവ​ത്തി​നു നന്ദി​കൊ​ടു​ക്കു​ന്നു. പീഡന​ത്തിൻകീ​ഴി​ലെ അവരുടെ സഹിഷ്‌ണു​ത​യും വിശ്വാ​സ​വും അവർ രാജ്യ​ത്തി​നു യോഗ്യ​രാ​യി എണ്ണപ്പെ​ടു​ന്നു​വെന്ന ദൈവ​ത്തി​ന്റെ നീതി​യു​ളള വിധി​യു​ടെ തെളി​വാണ്‌. സഭക്ക്‌ ഉപദ്ര​വം​ചെ​യ്യു​ന്ന​വർക്കു ദൈവം ഉപദ്രവം പ്രതി​ഫലം കൊടു​ക്കും. കഷ്ടപ്പെ​ടു​ന്ന​വർക്ക്‌ അവൻ ആശ്വാസം കൊടു​ക്കു​ക​യും ചെയ്യും. ഇതു “കർത്താ​വായ യേശു തന്റെ ശക്തിയു​ളള ദൂതൻമാ​രു​മാ​യി സ്വർഗ്ഗ​ത്തിൽനി​ന്നു . . . പ്രത്യ​ക്ഷനാ”കുമ്പോൾ, “തന്റെ വിശു​ദ്ധൻമാ​രിൽ മഹത്വ​പ്പെ​ടേ​ണ്ട​തി​ന്നു . . . വരു​മ്പോൾ” ആയിരി​ക്കും. (1:6, 9) ദൈവം തന്റെ വിളിക്കു തെസ്സ​ലൊ​നീ​ക്യ​രെ യോഗ്യ​രാ​യി എണ്ണേണ്ട​തി​നും കർത്താ​വായ യേശു​വി​ന്റെ നാമം അവരി​ലും അവർ അവനോ​ടു​ളള ഐക്യ​ത്തി​ലും മഹത്ത്വീ​ക​രി​ക്ക​പ്പെ​ടേ​ണ്ട​തി​നും പൗലൊ​സും അവന്റെ സഹപ്ര​വർത്ത​ക​രും എല്ലായ്‌പോ​ഴും അവർക്കു​വേണ്ടി പ്രാർഥി​ക്കു​ന്നു.

6. യഹോ​വ​യു​ടെ ദിവസ​ത്തി​നു​മുമ്പ്‌ എന്തു വരണം, എങ്ങനെ?

⁶ യേശു​വി​ന്റെ സാന്നി​ധ്യ​ത്തി​നു മുമ്പു വിശ്വാ​സ​ത്യാ​ഗം വരണം (2:1-12). യഹോ​വ​യു​ടെ ദിവസം ആഗതമാ​യി എന്ന ഏതു സന്ദേശ​ത്താ​ലും സഹോ​ദ​രൻമാർ ആവേശ​ഭ​രി​ത​രാ​ക​രുത്‌. “ആദ്യമേ വിശ്വാ​സ​ത്യാ​ഗം സംഭവി​ക്കു​ക​യും നാശ​യോ​ഗ്യ​നും അധർമ്മ​മൂർത്തി​യു​മാ​യവൻ വെളി​പ്പെ​ടു​ക​യും വേണം.” “തടുക്കു​ന്നവൻ” ആരാ​ണെന്ന്‌ അവർക്ക്‌ ഇപ്പോൾ അറിയാം, എന്നാൽ ഈ അധർമ​ത്തി​ന്റെ മർമം ഇപ്പോൾത്തന്നെ വ്യാപ​രി​ക്കു​ന്നുണ്ട്‌. തടുക്കുന്ന ഈ നിയ​ന്ത്രണം നീക്ക​പ്പെ​ടു​മ്പോൾ “അപ്പോൾ അധർമ്മ​മൂർത്തി വെളി​പ്പെ​ട്ടു​വ​രും; അവനെ കർത്താ​വായ യേശു തന്റെ വായിലെ ശ്വാസ​ത്താൽ ഒടുക്കി തന്റെ പ്രത്യ​ക്ഷ​ത​യു​ടെ പ്രഭാ​വ​ത്താൽ നശിപ്പി​ക്കും.” അധർമ​മൂർത്തി​യു​ടെ സാന്നി​ധ്യം വീര്യ​പ്ര​വൃ​ത്തി​ക​ളോ​ടും വഞ്ചന​യോ​ടും കൂടിയ സാത്താന്റെ വ്യാപാ​ര​പ്ര​കാ​ര​മാണ്‌, ഭോഷ്‌കു വിശ്വ​സി​ക്കാ​നി​ട​യാ​ക​ത്ത​ക്ക​വണ്ണം തെററി​ന്റെ ഒരു പ്രവർത്തനം സത്യ​ത്തോ​ടു​ളള സ്‌നേഹം കൈ​ക്കൊ​ള​ളാ​ഞ്ഞ​വ​രി​ലേക്കു വ്യാപി​ക്കാൻ ദൈവം അനുവ​ദി​ക്കു​ക​യാണ്‌.—2:3, 6, 8.

7. സഹോ​ദ​രൻമാർക്ക്‌ ഉറച്ചു​നിൽക്കാ​നും ദുഷ്ടനിൽനി​ന്നു സംരക്ഷണം കണ്ടെത്താ​നും എങ്ങനെ കഴിയും?

⁷ വിശ്വാ​സ​ത്തിൽ ഉറച്ചു​നിൽക്കുക (2:13–3:18). പൗലൊസ്‌ തുടരു​ന്നു: “ഞങ്ങളോ, കർത്താ​വി​ന്നു പ്രിയ​രായ സഹോ​ദ​രൻമാ​രേ, ദൈവം നിങ്ങളെ ആദിമു​തൽ ആത്മാവി​ന്റെ വിശു​ദ്ധീ​ക​ര​ണ​ത്തി​ലും സത്യത്തി​ന്റെ വിശ്വാ​സ​ത്തി​ലും രക്ഷെക്കാ​യി തിര​ഞ്ഞെ​ടു​ത്ത​തു​കൊ​ണ്ടു നിങ്ങൾനി​മി​ത്തം ദൈവത്തെ എപ്പോ​ഴും സ്‌തു​തി​പ്പാൻ കടമ്പെ​ട്ടി​രി​ക്കു​ന്നു.” ഈ ലക്ഷ്യത്തിൽ സുവാർത്ത അവരോ​ടു പ്രഘോ​ഷി​ക്ക​പ്പെട്ടു. അതു​കൊ​ണ്ടു സഹോ​ദ​രൻമാർക്കു നിത്യാ​ശ്വാ​സ​വും പ്രത്യാ​ശ​യും സ്‌നേ​ഹ​പൂർവം കൊടുത്ത യേശു​ക്രി​സ്‌തു​വും പിതാ​വും അവരെ “എല്ലാ നല്ല പ്രവൃ​ത്തി​യി​ലും വാക്കി​ലും സ്ഥിര​പ്പെ​ടു​ത്തു​മാ​റാ”കുന്നതിന്‌ അവർ ഉറച്ചു​നിൽക്കു​ക​യും അവരെ പഠിപ്പിച്ച പാരമ്പ​ര്യ​ങ്ങ​ളി​ലെ തങ്ങളുടെ പിടി നിലനിർത്തു​ക​യും വേണം. (2:13, 17) ‘കർത്താ​വി​ന്റെ വചനം വേഗം വ്യാപി​ച്ചു മഹത്വ​പ്പെ​ടു​വാൻ’ പൗലൊസ്‌ അവരുടെ പ്രാർഥ​നകൾ ആവശ്യ​പ്പെ​ടു​ന്നു. (3:1) വിശ്വ​സ്‌ത​നായ കർത്താവ്‌ അവരെ ഉറപ്പി​ക്കു​ക​യും ദുഷ്ടനാ​യ​വ​നിൽനി​ന്നു സംരക്ഷി​ക്കു​ക​യും ചെയ്യും. ദൈവ​സ്‌നേ​ഹ​ത്തി​ലേ​ക്കും ക്രിസ്‌തു​വി​നു​വേ​ണ്ടി​യു​ളള സഹിഷ്‌ണു​ത​യി​ലേ​ക്കും കർത്താവ്‌ അവരുടെ ഹൃദയ​ങ്ങളെ നയിക്കു​ന്ന​തിൽ തുടര​ട്ടെ​യെ​ന്ന​താ​ണു പൗലൊ​സി​ന്റെ പ്രാർഥന.

8. ഏതു ശക്തമായ ബുദ്ധ്യു​പ​ദേശം കൊടു​ക്ക​പ്പെ​ടു​ന്നു, പൗലൊ​സും അവന്റെ സംഘവും ഏതിൽ മാതൃക വെക്കുന്നു?

⁸ ശക്തമായ താക്കീ​താണ്‌ അടുത്തത്‌: “സഹോ​ദ​രൻമാ​രേ, ഞങ്ങളോ​ടു പ്രാപിച്ച പ്രമാണം വിട്ടു ക്രമം​കെട്ടു നടക്കുന്ന ഏതു സഹോ​ദ​ര​നോ​ടും അകന്നു​കൊ​ളേ​ളണം എന്നു നമ്മുടെ കർത്താ​വായ യേശു​ക്രി​സ്‌തു​വി​ന്റെ നാമത്തിൽ ഞങ്ങൾ നിങ്ങ​ളോ​ടു ആജ്ഞാപി​ക്കു​ന്നു.” (3:6) തന്റെ മിഷനറി സംഘം അവർക്ക്‌ ഒരു ഭാരമാ​യി​ത്തീ​രാ​തി​രി​ക്ക​ത്ത​ക്ക​വണ്ണം രാവും പകലും അധ്വാ​നി​ച്ച​തിൽ വെച്ച മാതൃക അപ്പോ​സ്‌തലൻ അവരെ അനുസ്‌മ​രി​പ്പി​ക്കു​ന്നു, അതു​കൊ​ണ്ടാ​ണ​ല്ലോ “വേല​ചെ​യ്‌വാൻ മനസ്സി​ല്ലാ​ത്തവൻ തിന്നു​ക​യു​മ​രു​തു” എന്ന കൽപ്പന കൊടു​ക്കാൻ അവർ പ്രാപ്‌ത​രാ​യത്‌. എന്നാൽ ചില ക്രമം​കെ​ട്ടവർ വേല ചെയ്യു​ന്നി​ല്ലെ​ന്നും പരകാ​ര്യ​ത്തി​ലി​ട​പെ​ടു​ക​യാ​ണെ​ന്നും ഇപ്പോൾ അവർ കേൾക്കു​ന്നു. ഇവർ സ്വന്ത ആഹാരം സമ്പാദി​ക്കേ​ണ്ട​താണ്‌.—2 തെസ്സ. 3:10; 1 തെസ്സ. 4:11.

9. നൻമ ചെയ്‌തു​കൊണ്ട്‌ അനുസ​ര​ണം​കെ​ട്ട​വരെ ലജ്ജിത​രാ​ക്കു​ന്ന​തു​സം​ബ​ന്ധി​ച്ചു പൗലൊസ്‌ എന്തു പറയുന്നു, അവൻ തന്റെ ലേഖനം എങ്ങനെ ഉപസം​ഹ​രി​ക്കു​ന്നു?

⁹ ശരി ചെയ്യു​ന്ന​തിൽനി​ന്നു സഹോ​ദ​രൻമാർ വിരമി​ക്ക​രുത്‌. എന്നാൽ അവരി​ലൊ​രാൾ പൗലൊ​സി​ന്റെ ലേഖനം അനുസ​രി​ക്കു​ന്നി​ല്ലെ​ങ്കിൽ അവനെ നോട്ട​പ്പു​ള​ളി​യാ​ക്കി​ക്കൊ​ണ്ടും മേലാൽ അവനോ​ടു സഹവസി​ക്കാ​തെ​യും അതേസ​മയം ഒരു സഹോ​ദ​ര​നെന്ന നിലയിൽ ബുദ്ധ്യു​പ​ദേ​ശി​ച്ചു​കൊ​ണ്ടും സഭ അവനെ ലജ്ജിത​നാ​ക്കണം. പൗലൊസ്‌, സമാധാ​ന​ത്തി​ന്റെ ദൈവം “സകല വിധത്തി​ലും സമാധാ​നം കൊടു​ക്കട്ടെ” എന്ന പ്രാർഥന ഉച്ചരി​ക്കു​ക​യും സ്വന്ത കയ്യാൽ എഴുതിയ ആശംസ​ക​ളോ​ടെ ലേഖനം ഉപസം​ഹ​രി​ക്കു​ക​യും ചെയ്യുന്നു.—2 തെസ്സ. 3:16.

എന്തു​കൊ​ണ്ടു പ്രയോ​ജ​ന​പ്ര​ദം

10. രണ്ടു തെസ്സ​ലൊ​നീ​ക്യ​രിൽ കൈകാ​ര്യം​ചെ​യ്‌തി​രി​ക്കുന്ന അടിസ്ഥാന ഉപദേ​ശ​ങ്ങ​ളി​ലും തത്ത്വങ്ങ​ളി​ലും ചിലതേവ?

¹⁰ തെസ്സ​ലൊ​നീ​ക്യർക്കു​ളള ഈ ഹ്രസ്വ​മായ നിശ്വ​സ്‌ത​ലേ​ഖനം ക്രിസ്‌തീയ സത്യത്തി​ന്റെ ഒരു വിപു​ല​മായ നിരയെ സ്‌പർശി​ക്കു​ന്നു, അവ എല്ലാം പരിഗ​ണി​ക്കു​ന്നതു പ്രയോ​ജ​ന​പ്ര​ദ​മാണ്‌. കൈകാ​ര്യം​ചെ​യ്യുന്ന പിൻവ​രുന്ന അടിസ്ഥാന ഉപദേ​ശ​ങ്ങ​ളും തത്ത്വങ്ങ​ളും പരിചി​ന്തി​ക്കുക: യഹോവ രക്ഷയുടെ ദൈവ​മാ​കു​ന്നു, അവൻ ആത്മാവി​നാ​ലും സത്യത്തി​ലെ വിശ്വാ​സ​ത്താ​ലും വിശു​ദ്ധീ​ക​രി​ക്കു​ന്നു (2:13); ദൈവ​രാ​ജ്യ​ത്തി​നു യോഗ്യ​നാ​യി എണ്ണപ്പെ​ടാൻ ക്രിസ്‌ത്യാ​നി കഷ്ടപ്പാടു സഹിച്ചു​നിൽക്കണം (1:4, 5); ക്രിസ്‌ത്യാ​നി​കൾ കർത്താ​വായ യേശു​ക്രി​സ്‌തു​വി​ന്റെ സാന്നി​ധ്യ​ത്തി​ങ്കൽ അവങ്ക​ലേക്കു കൂട്ടി​ച്ചേർക്ക​പ്പെ​ടേ​ണ്ട​താണ്‌. (2:1); സുവാർത്ത അനുസ​രി​ക്കാ​ത്ത​വ​രു​ടെ​മേൽ യഹോവ നീതി​യു​ളള ന്യായ​വി​ധി നടത്തും (1:5-8); വിളി​ക്ക​പ്പെ​ട്ടവർ ദൈവ​ത്തി​ന്റെ അനർഹ​ദ​യ​യ്‌ക്ക​നു​യോ​ജ്യ​മാ​യി ക്രിസ്‌തു​യേ​ശു​വി​നോ​ടു​ളള ഐക്യ​ത്തിൽ മഹത്ത്വീ​ക​രി​ക്ക​പ്പെ​ടും (1:12); അവർ സുവാർത്ത​യു​ടെ പ്രസം​ഗ​ത്താൽ വിളി​ക്ക​പ്പെ​ടു​ന്നു (2:14); വിശ്വാ​സം മർമ​പ്ര​ധാ​ന​മായ വ്യവസ്ഥ​യാണ്‌ (1:3, 4, 10, 11; 2:13; 3:2); ശുശ്രൂ​ഷ​യിൽ ഒരാൾ തനിക്കു​വേണ്ടി കരുതാൻ വേല ചെയ്യു​ന്നത്‌ ഉചിത​മാണ്‌; ഒരാൾ വേല​ചെ​യ്യു​ന്നി​ല്ലെ​ങ്കിൽ അയാൾ മടിയ​നാ​യി​ത്തീ​രു​ക​യും തന്നെ ബാധി​ക്കാത്ത കാര്യ​ങ്ങ​ളിൽ ഇടപെ​ട്ടു​തു​ട​ങ്ങു​ക​യും ചെയ്‌തേ​ക്കാം (3:8-12); ദൈവ​സ്‌നേഹം സഹിഷ്‌ണു​ത​യോ​ടു ബന്ധപ്പെ​ട്ടി​രി​ക്കു​ന്നു (3:5). ഹ്രസ്വ​മായ ഒരു നിശ്വസ്‌ത ലേഖന​ത്തിൽ പരിപു​ഷ്ടി​പ്പെ​ടു​ത്തുന്ന എന്തൊരു വിജ്ഞാ​ന​ശേ​ഖരം കണ്ടെത്താൻ കഴിയും!

11. രാജ്യ​ത്തോ​ടു​ളള ബന്ധത്തിൽ ഏതു പ്രധാ​ന​പ്പെട്ട വിവര​ങ്ങ​ളും ഉറപ്പും അവതരി​പ്പി​ക്ക​പ്പെ​ടു​ന്നു?

¹¹ ഈ ലേഖന​ത്തിൽ പൗലൊസ്‌ തെസ്സ​ലൊ​നീ​ക്യ​യി​ലെ തന്റെ സഹോ​ദ​രൻമാ​രു​ടെ ആത്മീയ​ക്ഷേ​മ​ത്തി​ലും സഭയുടെ ഐക്യ​ത്തി​ലും അഭിവൃ​ദ്ധി​യി​ലും അഗാധ​മായ താത്‌പ​ര്യം പ്രകട​മാ​ക്കി. യഹോ​വ​യു​ടെ ദിവസ​ത്തി​ന്റെ സമയം സംബന്ധിച്ച്‌ അവൻ അവരെ തിരുത്തി, ‘സ്വയം ഒരു ദൈവ​മെന്നു പരസ്യ​മാ​യി കാണി​ച്ചു​കൊ​ണ്ടു ദൈവ​ത്തി​ന്റെ ആലയത്തിൽ’ ഇരിക്കു​ന്ന​തിന്‌ “അധർമ്മ മനുഷ്യൻ” ആദ്യം പ്രത്യ​ക്ഷ​പ്പെ​ടേ​ണ്ട​താ​ണെന്നു പ്രകട​മാ​ക്കി​ക്കൊ​ണ്ടു​തന്നെ. എന്നിരു​ന്നാ​ലും, കർത്താ​വായ യേശു ‘തന്റെ വിശു​ദ്ധൻമാ​രോ​ടു​ളള ബന്ധത്തിൽ മഹത്ത്വ​പ്പെ​ടേ​ണ്ട​തി​ന്നും വിശ്വ​സി​ച്ച​വ​രോ​ടെ​ല്ലാ​മു​ളള ബന്ധത്തിൽ ആ ദിവസ​ത്തിൽ വിസ്‌മ​യ​ത്തോ​ടെ ആദരി​ക്ക​പ്പെ​ടേ​ണ്ട​തി​ന്നും വരു​മ്പോൾ’ പ്രതി​കാ​രം ചെയ്‌തു​കൊ​ണ്ടു സ്വർഗ​ത്തിൽനി​ന്നു തക്കസമ​യത്ത്‌ അഗ്നിജ്വാ​ല​യിൽ വെളി​പ്പെ​ടു​മെന്നു ‘ദൈവ​രാ​ജ്യ​ത്തി​ന്നു യോഗ്യ​രാ​യി എണ്ണപ്പെ​ടു​ന്നവർ’ക്കു പരിപൂർണ​മാ​യി ഉറപ്പു​ണ്ടാ​യി​രി​ക്കാൻ കഴിയും.—2:3, 4; 1:5, 10, NW.