1. ഫിലേ​മോ​നു​ളള ലേഖന​ത്തി​ന്റെ ചില സവി​ശേ​ഷ​ത​ക​ളേവ?

വളരെ നയപര​വും സ്‌നേ​ഹ​നിർഭ​ര​വു​മായ പൗലൊ​സി​ന്റെ ഈ ലേഖനം ഇന്നു ക്രിസ്‌ത്യാ​നി​കൾക്കു വളരെ താത്‌പ​ര്യ​മു​ള​ള​താണ്‌. അതു “ജാതി​ക​ളു​ടെ അപ്പൊ​സ്‌തല”നിൽനി​ന്നു​ള​ള​താ​യി സൂക്ഷി​ക്ക​പ്പെ​ട്ടി​രി​ക്കുന്ന ഏററവും ഹ്രസ്വ​മായ ലേഖന​മാണ്‌. അതുമാ​ത്രമല്ല, മുഴു​ബൈ​ബി​ളി​ലും രണ്ടും മൂന്നും യോഹ​ന്നാ​നിൽ മാത്രമേ അതിലു​ള​ള​തിൽ കുറച്ചു വിവരങ്ങൾ അടങ്ങി​യി​ട്ടു​ളളു. കൂടാതെ ഔദ്യോ​ഗി​ക​മാ​യി ഒരു സഭയെ​യോ ഉത്തരവാ​ദി​ത്വ​മു​ളള ഒരു മേൽവി​ചാ​ര​ക​നെ​യോ സംബോ​ധ​ന​ചെ​യ്യാ​തെ ഒരു സ്വകാ​ര്യ​വ്യ​ക്തി​യെ സംബോ​ധ​ന​ചെ​യ്യു​ക​യും ആ ക്രിസ്‌തീ​യ​സ​ഹോ​ദ​ര​നു​മാ​യി, അതായത്‌, ഏഷ്യാ​മൈ​ന​റി​ന്റെ ഹൃദയ​ഭാ​ഗ​ത്തു​ളള ഫ്രുഗ്യ​ന​ഗ​ര​മായ കൊ​ലൊ​സ്സ്യ​യിൽ ജീവിച്ച പ്രത്യ​ക്ഷ​ത്തിൽ ധനിക​നാ​യി​രുന്ന ഫിലേ​മോ​നു​മാ​യി പൗലൊസ്‌ ചർച്ച ചെയ്യാ​നാ​ഗ്ര​ഹിച്ച പ്രത്യേക പ്രശ്‌നം മാത്രം കൈകാ​ര്യം​ചെ​യ്യു​ക​യും ചെയ്‌ത പൗലൊ​സി​ന്റെ “സ്വകാര്യ” ലേഖനം ഇതു മാത്ര​മാണ്‌.—റോമ. 11:13.

2. ഏതു പശ്ചാത്ത​ല​ത്തിൽ, എന്തു​ദ്ദേ​ശ്യ​ത്തിൽ, ഫിലേ​മോ​നു​ളള ലേഖനം എഴുത​പ്പെട്ടു?

² ഈ ലേഖന​ത്തി​ന്റെ ഉദ്ദേശ്യം വ്യക്തമാ​യി വെളി​പ്പെ​ടു​ത്തി​യി​രി​ക്കു​ന്നു: പൗലൊ​സി​ന്റെ റോമി​ലെ ആദ്യത്തെ തടവു​കാ​ലത്ത്‌ (പൊ.യു. 59-61) അവനു ദൈവ​രാ​ജ്യം പ്രസം​ഗി​ക്കു​ന്ന​തി​നു വലിയ സ്വാത​ന്ത്ര്യ​മു​ണ്ടാ​യി​രു​ന്നു. അവന്റെ പ്രസംഗം ശ്രദ്ധി​ച്ച​വ​രിൽ ഒരാളാ​യി​രു​ന്നു പൗലൊ​സി​ന്റെ സുഹൃ​ത്താ​യി​രുന്ന ഫിലേ​മോ​ന്റെ ഭവനത്തിൽനിന്ന്‌ ഒളി​ച്ചോ​ടിയ അടിമ​യായ ഒനേസി​മൂസ്‌. തത്‌ഫ​ല​മാ​യി, ഒനേസി​മൂസ്‌ ഒരു ക്രിസ്‌ത്യാ​നി​യാ​യി. ഒനേസി​മൂ​സി​നെ അയാളു​ടെ സമ്മത​ത്തോ​ടെ ഫിലേ​മോ​ന്റെ അടുക്ക​ലേക്കു തിരി​ച്ച​യ​യ്‌ക്കാൻ പൗലൊസ്‌ തീരു​മാ​നി​ച്ചു. ഈ സമയത്തു​ത​ന്നെ​യാ​യി​രു​ന്നു പൗലൊസ്‌ എഫേസൂ​സി​ലും കൊ​ലൊ​സ്സ്യ​യി​ലു​മു​ളള സഭകൾക്കു ലേഖന​ങ്ങ​ളെ​ഴു​തി​യത്‌. ഈ രണ്ടു ലേഖന​ങ്ങ​ളി​ലും അവൻ അടിമ-ഉടമ ബന്ധത്തിൽ എങ്ങനെ വർത്തി​ക്ക​ണ​മെ​ന്ന​തു​സം​ബ​ന്ധി​ച്ചു ക്രിസ്‌തീയ അടിമ​കൾക്കും ഉടമകൾക്കും നല്ല ബുദ്ധ്യു​പ​ദേശം കൊടു​ത്തു. (എഫെ. 6:5-9; കൊലൊ. 3:22–4:1) എന്നിരു​ന്നാ​ലും, അതിലു​പ​രി​യാ​യി ഒനേസി​മൂ​സി​നു​വേണ്ടി താൻ വ്യക്തി​പ​ര​മാ​യി വാദിച്ച ഒരു ലേഖനം പൗലൊസ്‌ ഫിലേ​മോന്‌ എഴുതി. അത്‌ അവൻ സ്വന്ത കൈപ്പ​ട​യിൽ എഴുതിയ ഒരു ലേഖന​മാ​യി​രു​ന്നു—പൗലൊ​സി​നെ സംബന്ധി​ച്ച​ട​ത്തോ​ളം ഒരു അസാധാ​രണ നടപടി. (ഫിലേ. 19) ഈ വ്യക്തി​പ​ര​മായ സ്‌പർശം അവന്റെ വാദത്തി​നു ഘനം കൂട്ടി.

3. ഫിലേ​മോ​നു​ളള ലേഖനം എപ്പോൾ എഴുതി​യി​രി​ക്കാ​നാണ്‌ ഏററവു​മ​ധി​കം സാധ്യത, അത്‌ എങ്ങനെ കൊടു​ത്ത​യ​യ്‌ക്ക​പ്പെട്ടു?

³ പ്രത്യ​ക്ഷ​ത്തിൽ പരിവർത്തി​തരെ ഉളവാ​ക്കാൻ തക്കവണ്ണം പൗലൊസ്‌ ദീർഘ​മാ​യി റോമിൽ പ്രസം​ഗി​ച്ചി​രു​ന്ന​തു​കൊ​ണ്ടു പൊ.യു. 60-61-ൽ ഈ ലേഖനം എഴുതി​യി​രി​ക്കാ​നാണ്‌ ഏററവു​മ​ധി​കം സാധ്യത. കൂടാതെ, വിമോ​ചി​ത​നാ​കു​മെ​ന്നു​ളള പ്രത്യാശ 22-ാം വാക്യ​ത്തിൽ അവൻ പ്രകട​മാ​ക്കു​ന്ന​തു​കൊ​ണ്ടു തന്റെ തടവു​വാ​സം കുറേ പിന്നി​ട്ട​ശേഷം ലേഖന​മെ​ഴു​തി​യെന്നു നമുക്ക്‌ അനുമാ​നി​ക്കാ​വു​ന്ന​താണ്‌. ഈ മൂന്നു ലേഖനങ്ങൾ, ഫിലേ​മോ​നു​ളള ഒന്നും എഫേസൂ​സി​ലും കൊ​ലൊ​സ്സ്യ​യി​ലു​മു​ളള സഭകൾക്കു​ള​ള​വ​യും, തിഹി​ക്കോ​സി​ന്റെ​യും ഒനേസി​മൂ​സി​ന്റെ​യും കൈവശം കൊടു​ത്ത​യ​ച്ചു​വെന്നു പ്രത്യ​ക്ഷ​മാ​കു​ന്നു.—എഫെ. 6:21, 22; കൊലൊ. 4:7-9.

4. ഫിലേ​മോ​ന്റെ എഴുത്തു​കാ​രൻ ആരാ​ണെ​ന്നു​ള​ള​തി​നെ​യും അതിന്റെ വിശ്വാ​സ്യ​ത​യെ​യും തെളി​യി​ക്കു​ന്നത്‌ എന്ത്‌?

⁴ ഫിലേ​മോൻ എഴുതി​യതു പൗലൊസ്‌ ആണെന്നു​ള​ളത്‌ ആദ്യവാ​ക്യം മുതൽതന്നെ സ്‌പഷ്ട​മാണ്‌, അവിടെ അവന്റെ പേർ എടുത്തു​പ​റ​യു​ന്നുണ്ട്‌. ഓറി​ജ​നും തെർത്തു​ല്യ​നും അവനെ അങ്ങനെ അംഗീ​ക​രി​ക്കു​ന്നുണ്ട്‌.a പൊ.യു. രണ്ടാം നൂററാ​ണ്ടി​ലെ മുറേ​റേ​റാ​റി​യൻ ശകലത്തിൽ പൗലൊ​സി​ന്റെ മററു ലേഖന​ങ്ങ​ളോ​ടൊ​പ്പം ഈ പുസ്‌ത​ക​വും പട്ടിക​പ്പെ​ടു​ത്തി​യി​ട്ടു​ള​ളത്‌ അതിന്റെ വിശ്വാ​സ്യ​ത​യെ​യും തെളി​യി​ക്കു​ന്നു.

ഫിലേ​മോ​ന്റെ ഉളളടക്കം

5. (എ) ലേഖനം ഏത്‌ അഭിവാ​ദ്യ​ങ്ങ​ളോ​ടും അഭിന​ന്ദ​ന​ത്തോ​ടും​കൂ​ടെ ആരംഭി​ക്കു​ന്നു? (ബി) ഫിലേ​മോ​ന്റെ അടിമ​യായ ഒനേസി​മൂ​സി​നെ​ക്കു​റി​ച്ചു പൗലൊസ്‌ അവനോട്‌ എന്തു പറയുന്നു?

⁵ ഒനേസി​മൂസ്‌ “ഒരു ദാസന്നു മീതെ”യായി അവന്റെ യജമാ​നന്റെ അടുക്ക​ലേക്കു തിരി​ച്ച​യ​യ്‌ക്ക​പ്പെ​ടു​ന്നു (വാക്യ. 1-25). പൗലൊസ്‌ ഫിലേ​മോ​നും “സഹോ​ദ​രി​യായ” അപ്പിയ​ക്കും “ഞങ്ങളുടെ സഹഭട​നായ” അർക്കി​പ്പൊ​സി​ന്നും ഫിലേ​മോ​ന്റെ വീട്ടിലെ സഭക്കും ഊഷ്‌മ​ള​മായ അഭിവാ​ദ​നങ്ങൾ അയയ്‌ക്കു​ന്നു. (“സ്‌നേ​ഹ​മു​ളള” എന്നർഥ​മു​ളള) ഫിലേ​മോ​നെ കർത്താ​വായ യേശു​വി​നോ​ടും വിശു​ദ്ധൻമാ​രോ​ടും അവനുളള സ്‌നേ​ഹ​വും വിശ്വാ​സ​വും നിമിത്തം പൗലൊസ്‌ ശ്ലാഘി​ക്കു​ന്നു. ഫിലേ​മോ​ന്റെ സ്‌നേ​ഹ​ത്തെ​ക്കു​റി​ച്ചു​ളള വാർത്തകൾ പൗലൊ​സി​നു വളരെ​യ​ധി​കം സന്തോ​ഷ​വും ആശ്വാ​സ​വും കൈവ​രു​ത്തി​യി​രി​ക്കു​ന്നു. വയസ്സനും തടവു​കാ​ര​നു​മായ പൗലൊസ്‌ തന്റെ തടവു​ബ​ന്ധ​ന​ങ്ങ​ളി​ലി​രി​ക്കെ താൻ “ജനിപ്പിച്ച” തന്റെ “മകനായ” ഒനേസി​മൂ​സി​നെ​ക്കു​റി​ച്ചു വലിയ സംസാ​ര​സ്വാ​ത​ന്ത്ര്യ​ത്തോ​ടെ സംസാ​രി​ക്കു​ന്നു. (“പ്രയോ​ജ​ന​മു​ള​ളവൻ” എന്നർഥ​മു​ളള) ഒനേസി​മൂസ്‌ മുമ്പു ഫിലേ​മോന്‌ ഉപയോ​ഗ​മി​ല്ലാ​ത്തവൻ ആയിരു​ന്നു. എന്നാൽ ഇപ്പോൾ അവൻ ഫിലേ​മോ​നും പൗലൊ​സി​നും പ്രയോ​ജ​ന​മു​ള​ള​വ​നാണ്‌.—വാക്യ. 2, 10.

6. ഒനേസി​മൂ​സി​നോട്‌ ഏതു തരം പെരു​മാ​ററം പൗലൊസ്‌ ശുപാർശ​ചെ​യ്യു​ന്നു, ഏതു നയപര​മായ ന്യായ​വാ​ദ​ത്തോ​ടെ?

⁶ തടവിൽ തന്നെ ശുശ്രൂ​ഷി​ക്കു​ന്ന​തിന്‌ ഒനേസി​മൂ​സി​നെ കൂടെ നിർത്താൻ പൗലൊ​സി​നി​ഷ്ട​മാ​യി​രു​ന്നു, എന്നാൽ ഫിലേ​മോ​ന്റെ സമ്മതം കൂടാതെ അവൻ അതു ചെയ്യില്ല. അതു​കൊണ്ട്‌ “ഇനി ദാസനല്ല, ദാസന്നു​മീ​തെ പ്രിയ​സ​ഹോ​ദര”ൻ ആയി അവനെ പൗലൊസ്‌ തിരി​ച്ച​യ​യ്‌ക്കു​ക​യാണ്‌. തന്നെ സ്വീക​രി​ക്കു​ന്ന​തു​പോ​ലെ, ദയാപൂർവം ഒനേസി​മൂ​സി​നെ സ്വീക​രി​ക്ക​ണ​മെന്നു പൗലൊസ്‌ അപേക്ഷി​ക്കു​ന്നു. ഒനേസി​മൂസ്‌ ഫിലേ​മോ​നെ വഞ്ചിച്ചി​ട്ടു​ണ്ടെ​ങ്കിൽ, അതു പൗലൊ​സി​ന്റെ കണക്കിൽ ചുമത്ത​പ്പെ​ടട്ടെ, എന്തു​കൊ​ണ്ടെ​ന്നാൽ “നീ നിന്നെ​തന്നേ എനിക്കു തരുവാൻ കടം​പെ​ട്ടി​രി​ക്കു​ന്നു” എന്നു പൗലൊസ്‌ ഫിലേ​മോ​നോ​ടു പറയുന്നു. (വാക്യ. 16, 19) താൻ താമസി​യാ​തെ വിമോ​ചി​ത​നാ​യേ​ക്കു​മെ​ന്നും ഫിലേ​മോ​നെ സന്ദർശി​ച്ചേ​ക്കു​മെ​ന്നും പൗലൊസ്‌ പ്രത്യാ​ശി​ക്കു​ന്നു, ആശംസ​ക​ളോ​ടെ അവൻ ഉപസം​ഹ​രി​ക്കു​ന്നു.

എന്തു​കൊ​ണ്ടു പ്രയോ​ജ​ന​പ്ര​ദം

7. ഒനേസി​മൂ​സി​ന്റെ കാര്യ​ത്തിൽ, ഒരു അപ്പോ​സ്‌ത​ല​നെന്ന തന്റെ ഉയർന്ന നിയോ​ഗ​ത്തോ​ടു പൗലൊസ്‌ പററി​നിൽക്കു​ന്നത്‌ എങ്ങനെ?

⁷ ഈ ലേഖന​ത്താൽ പ്രകട​മാ​ക്ക​പ്പെ​ടുന്ന പ്രകാരം, പൗലൊസ്‌ അടിമ​ത്തം​പോ​ലെ ഈ വ്യവസ്ഥി​തി​യി​ലു​ളള ഏർപ്പാ​ടു​കളെ നീക്കം​ചെ​യ്യാൻ ശ്രമി​ച്ചു​കൊണ്ട്‌ ഒരു “സാമൂ​ഹി​ക​സു​വി​ശേഷം” പ്രസം​ഗി​ക്കു​ക​യാ​യി​രു​ന്നില്ല. അവൻ സ്വേച്ഛാ​പ​ര​മാ​യി ക്രിസ്‌തീയ അടിമ​ക​ളെ​പ്പോ​ലും സ്വത​ന്ത്ര​രാ​ക്കി​യില്ല. മറിച്ച്‌ ഒളി​ച്ചോ​ടിയ ഒരു അടിമ​യായ ഒനേസി​മൂ​സി​നെ റോം​മു​തൽ കൊ​ലൊ​സ്സ്യ​വരെ 1400-ൽപ്പരം കിലോ​മീ​ററർ വരുന്ന ഒരു യാത്ര​യിൽ യജമാ​ന​നായ ഫിലേ​മോ​ന്റെ അടുക്ക​ലേ​ക്കു​തന്നെ പൗലൊസ്‌ തിരി​ച്ച​യച്ചു. അങ്ങനെ പൗലൊസ്‌ ഒരു അപ്പോ​സ്‌തലൻ എന്ന തന്റെ ഉയർന്ന നിയോ​ഗ​ത്തോ​ടു പററി​നി​ന്നു​കൊ​ണ്ടു ‘ദൈവ​രാ​ജ്യം പ്രസം​ഗി​ക്കു​ക​യും കർത്താ​വായ യേശു​ക്രി​സ്‌തു​വി​നെ​ക്കു​റി​ച്ചു ഉപദേ​ശി​ക്കു​ക​യും ചെയ്യുക’ എന്ന തന്റെ ദിവ്യ നിയോ​ഗം കർശന​മാ​യി അനുസ​രി​ച്ചു.—പ്രവൃ. 28:31; ഫിലേ. 8, 9.

8. ക്രിസ്‌തീയ തത്ത്വങ്ങ​ളു​ടെ ഏതു പ്രയുക്തി ഫിലേ​മോൻ ചിത്രീ​ക​രി​ക്കു​ന്നു?

⁸ ഫിലേ​മോ​നു​ളള ലേഖനം ഒന്നാം നൂററാ​ണ്ടി​ലെ ക്രിസ്‌ത്യാ​നി​ക​ളു​ടെ ഇടയിൽ സ്ഥിതി​ചെ​യ്‌തി​രുന്ന സ്‌നേ​ഹ​ത്തെ​യും ഐക്യ​ത്തെ​യും പ്രകട​മാ​ക്കു​ന്ന​തി​നാൽ സത്യസ്ഥി​തി വെളി​പ്പെ​ടു​ത്തു​ന്ന​താണ്‌. ആദിമ​ക്രി​സ്‌ത്യാ​നി​കൾ അന്യോ​ന്യം “സഹോ​ദരൻ” എന്നും “സഹോ​ദരി” എന്നും വിളി​ച്ചി​രു​ന്നു​വെന്ന്‌ അതിൽനി​ന്നു നാം മനസ്സി​ലാ​ക്കു​ന്നു. (ഫിലേ. 2, 20) കൂടാതെ, അതു ക്രിസ്‌തീയ സഹോ​ദ​രൻമാ​രു​ടെ ഇടയിലെ ക്രിസ്‌തീയ തത്ത്വങ്ങ​ളു​ടെ പ്രയുക്തി ഇന്നത്തെ ക്രിസ്‌ത്യാ​നി​കൾക്കു​വേണ്ടി വെളി​പ്പെ​ടു​ത്തു​ന്നു. പൗലൊ​സി​ന്റെ ഭാഗത്ത്‌, സഹോ​ദ​ര​സ്‌നേ​ഹ​ത്തി​ന്റെ പ്രകട​ന​വും ഭരണപ​ര​മായ ബന്ധങ്ങ​ളോ​ടും മറെറാ​രാ​ളു​ടെ വസ്‌തു​വി​നോ​ടു​മു​ളള ആദരവും ഫലപ്ര​ദ​മായ നയവും പ്രശം​സാർഹ​മായ താഴ്‌മ​യും കാണുന്നു. ക്രിസ്‌തീയ സഭയിലെ ഒരു പ്രമുഖ മേൽവി​ചാ​ര​ക​നെന്ന നിലയി​ലു​ളള തന്റെ അധികാ​ര​ത്തി​ന്റെ ഘനത്തിൽ ഒനേസി​മൂ​സി​നോ​ടു ക്ഷമിക്കാൻ ഫിലേ​മോ​നെ നിർബ​ന്ധി​ക്കു​ന്ന​തി​നു​പ​കരം ക്രിസ്‌തീയ സ്‌നേ​ഹ​ത്തി​ന്റെ​യും തന്റെ വ്യക്തി​പ​ര​മായ സൗഹൃ​ദ​ത്തി​ന്റെ​യും അടിസ്ഥാ​ന​ത്തിൽ പൗലൊസ്‌ വിനീ​ത​മാ​യി അവനോട്‌ അപേക്ഷി​ക്കു​ക​യാ​ണു ചെയ്‌തത്‌. പൗലൊസ്‌ ഫിലേ​മോ​നെ സമീപിച്ച നയപര​മായ രീതി​യിൽനി​ന്നു മേൽവി​ചാ​ര​കൻമാർക്ക്‌ ഇന്നു പ്രയോ​ജ​ന​മ​നു​ഭ​വി​ക്കാൻ കഴിയും.

9. പൗലൊ​സി​ന്റെ അപേക്ഷ അനുസ​രി​ക്കു​ന്ന​തി​നാൽ, ഇന്നത്തെ ക്രിസ്‌ത്യാ​നി​കൾക്കു താത്‌പ​ര്യ​മു​ളള ഏതു മുൻവ​ഴക്കം ഫിലേ​മോൻ സ്ഥാപി​ക്കും?

⁹ തന്റെ അപേക്ഷ ഫിലേ​മോൻ അനുസ​രി​ക്കു​മെന്നു പൗലൊസ്‌ പ്രസ്‌പ​ഷ്ട​മാ​യി പ്രതീ​ക്ഷി​ച്ചു, ഫിലേ​മോൻ അങ്ങനെ ചെയ്യു​ന്നതു യേശു മത്തായി 6:14-ൽ പറഞ്ഞതി​ന്റെ​യും പൗലൊസ്‌ എഫെസ്യർ 4:32-ൽ പറഞ്ഞതി​ന്റെ​യും പ്രാ​യോ​ഗി​ക​മാ​ക്കൽ ആയിരി​ക്കും. അതു​പോ​ലെ ഇന്നു കുററ​ക്കാ​ര​നായ ഒരു സഹോ​ദ​ര​നോ​ടു ദയ കാണി​ക്കു​ന്ന​തി​നും ക്ഷമിക്കു​ന്ന​തി​നും ക്രിസ്‌ത്യാ​നി​ക​ളിൽനി​ന്നു പ്രതീ​ക്ഷി​ക്കാ​വു​ന്ന​താണ്‌. തന്റെ ഉടമസ്ഥ​ത​യി​ലു​ളള, തനിക്കു ബോധി​ച്ച​തു​പോ​ലെ ദ്രോ​ഹി​ക്കാൻ നിയമ​പ​ര​മാ​യി സ്വാത​ന്ത്ര്യ​മു​ളള ഒരു അടിമ​യോ​ടു ഫിലേ​മോ​നു ക്ഷമിക്കാ​മാ​യി​രു​ന്നെ​ങ്കിൽ ക്രിസ്‌ത്യാ​നി​കൾ ഇന്ന്‌ കുററ​ക്കാ​ര​നായ ഒരു സഹോ​ദ​ര​നോ​ടു ക്ഷമിക്കാൻ പ്രാപ്‌ത​രാ​യി​രി​ക്കണം—വളരെ പ്രയാ​സം​കു​റഞ്ഞ ഒരു കാര്യം​തന്നെ.

10. ഫിലേ​മോ​നു​ളള ലേഖന​ത്തിൽ യഹോ​വ​യു​ടെ ആത്മാവി​ന്റെ പ്രവർത്തനം പ്രകട​മാ​യി​രി​ക്കു​ന്നത്‌ എങ്ങനെ?

¹⁰ ഫിലേ​മോ​നു​ളള ഈ ലേഖന​ത്തിൽ യഹോ​വ​യു​ടെ ആത്മാവി​ന്റെ പ്രവർത്തനം വളരെ പ്രകട​മാണ്‌. അതു വളരെ പ്രകോ​പ​ന​പ​ര​മായ ഒരു പ്രശ്‌നത്തെ പൗലൊസ്‌ കൈകാ​ര്യം​ചെയ്‌ത വിദഗ്‌ധ​രീ​തി​യിൽ പ്രകട​മാ​യി​രി​ക്കു​ന്നു. അതു പൗലൊസ്‌ പ്രദർശി​പ്പി​ക്കുന്ന സഹാനു​ഭൂ​തി​യി​ലും ആർദ്ര​പ്രി​യ​ത്തി​ലും ഒരു സഹക്രി​സ്‌ത്യാ​നി​യി​ലു​ളള വിശ്വാ​സ​ത്തി​ലും പ്രത്യ​ക്ഷ​മാണ്‌. ഫിലേ​മോ​നു​ളള ലേഖനം, മററു തിരു​വെ​ഴു​ത്തു​ക​ളെ​പ്പോ​ലെ, ക്രിസ്‌തീയ തത്ത്വങ്ങൾ പഠിപ്പി​ക്കു​ക​യും ക്രിസ്‌തീയ ഐക്യ​ത്തി​നു പ്രോ​ത്സാ​ഹി​പ്പി​ക്കു​ക​യും ദൈവ​രാ​ജ്യ​ത്തിൽ പ്രത്യാ​ശി​ക്കു​ന്ന​വ​രാ​യി യഹോ​വ​യു​ടെ സ്‌നേ​ഹ​ദ​യയെ പ്രതി​ഫ​ലി​പ്പി​ക്കുന്ന നടത്തയു​ള​ള​വ​രായ “വിശു​ദ്ധൻമാ​രു​ടെ” ഇടയിൽ സമൃദ്ധ​മാ​യി​ട്ടു​ളള സ്‌നേ​ഹ​ത്തെ​യും വിശ്വാ​സ​ത്തെ​യും മഹിമ​പ്പെ​ടു​ത്തു​ക​യും ചെയ്യു​ന്നു​വെന്ന വസ്‌തു​ത​യിൽ അതു കാണ​പ്പെ​ടു​ന്നു.—വാക്യം 5.

ബൈബിൾ പുസ്‌തക നമ്പർ 58—എബ്രായർ

എഴുത്തുകാരൻ: പൗലൊസ്‌

എഴുതിയ സ്ഥലം: റോം

എഴുത്തു പൂർത്തി​യാ​യത്‌: പൊ.യു. ഏകദേശം 61

1. ഏതു നിയോ​ഗ​ത്തോ​ടു​ളള ചേർച്ച​യിൽ പൗലൊസ്‌ എബ്രാ​യർക്കു​ളള ലേഖനം എഴുതി?

“ജാതി​ക​ളു​ടെ” അപ്പോ​സ്‌ത​ല​നാ​യി​ട്ടാ​ണു പൗലൊസ്‌ ഏററം നന്നായി അറിയ​പ്പെ​ടു​ന്നത്‌. എന്നാൽ അവന്റെ ശുശ്രൂഷ യഹൂദ​ര​ല്ലാ​ത്ത​വ​രിൽ പരിമി​ത​പ്പെ​ട്ടി​രു​ന്നോ? അശേഷ​മില്ല! പൗലൊസ്‌ സ്‌നാ​പ​ന​മേൽക്കു​ക​യും തന്റെ വേലക്കു നിയോ​ഗി​ക്ക​പ്പെ​ടു​ക​യും ചെയ്‌ത​തി​നു തൊട്ടു​മു​മ്പു കർത്താ​വായ യേശു അനന്യാ​സി​നോട്‌ ഇങ്ങനെ പറഞ്ഞു: “അവൻ [പൗലൊസ്‌] എന്റെ നാമം ജാതി​കൾക്കും രാജാ​ക്കൻമാർക്കും യിസ്രാ​യേൽമ​ക്കൾക്കും മുമ്പിൽ വഹിപ്പാൻ ഞാൻ തിര​ഞ്ഞെ​ടു​ത്തി​രി​ക്കു​ന്നോ​രു പാത്രം ആകുന്നു.” (ചെരി​ച്ചെ​ഴു​ത്തു ഞങ്ങളു​ടേത്‌.) (പ്രവൃ. 9:15; ഗലാ. 2:8, 9) എബ്രാ​യ​രു​ടെ പുസ്‌ത​ക​ത്തി​ന്റെ എഴുത്തു സത്യമാ​യി ഇസ്രാ​യേൽ പുത്രൻമാർക്കു മുമ്പിൽ യേശു​വി​ന്റെ നാമം വഹിപ്പാ​നു​ളള പൗലൊ​സി​ന്റെ നിയോ​ഗ​ത്തിന്‌ അനു​യോ​ജ്യ​മാ​യി​രു​ന്നു.

2. എബ്രാ​യ​ലേ​ഖനം എഴുതി​യതു പൗലൊ​സാണ്‌ എന്നതി​നെ​തി​രായ വാദങ്ങളെ എങ്ങനെ ഖണ്ഡിക്കാം?

² എന്നിരു​ന്നാ​ലും, പൗലൊസ്‌ എബ്രായർ എഴുതി​യെ​ന്ന​തി​നെ ചില വിമർശകർ സംശയി​ക്കു​ന്നുണ്ട്‌. ഈ ലേഖന​ത്തിൽ പൗലൊ​സി​ന്റെ പേര്‌ കാണു​ന്നി​ല്ലെ​ന്നു​ള​ള​താണ്‌ ഒരു തടസ്സവാ​ദം. എന്നാൽ ഇതു യഥാർഥ​ത്തിൽ തടസ്സമല്ല, മിക്ക​പ്പോ​ഴും ആന്തരിക തെളി​വി​നാൽ തിരി​ച്ച​റി​യ​പ്പെ​ടുന്ന എഴുത്തു​കാ​രന്റെ പേരു മററ​നേകം കാനോ​നി​ക​പു​സ്‌ത​ക​ങ്ങ​ളി​ലും പറയു​ന്നി​ല്ല​ല്ലോ. അതിലു​പരി, യഹൂദ്യ​യി​ലെ യഹൂദൻമാർ പൗലൊ​സി​ന്റെ നാമത്തെ വിദ്വേ​ഷ​ല​ക്ഷ്യ​മാ​ക്കി​യി​രു​ന്ന​തു​കൊണ്ട്‌ അവിടത്തെ എബ്രായ ക്രിസ്‌ത്യാ​നി​കൾക്ക്‌ എഴുതി​യ​പ്പോൾ അവൻ തന്റെ പേർ മനഃപൂർവം ഒഴിവാ​ക്കി​യി​രി​ക്കാ​മെന്നു ചിലർ വിചാ​രി​ക്കു​ന്നു. (പ്രവൃ. 21:28) തന്റെ മററു ലേഖന​ങ്ങ​ളി​ലെ ശൈലി​യിൽ നിന്നുളള മാററ​വും പൗലൊ​സാണ്‌ എഴുത്തു​കാ​ര​നെ​ന്നു​ള​ള​തി​നു യഥാർഥ തടസ്സവാ​ദ​മാ​യി​രി​ക്കു​ന്നില്ല. പുറജാ​തി​ക​ളെ​യോ യഹൂദൻമാ​രെ​യോ ക്രിസ്‌ത്യാ​നി​ക​ളെ​യോ സംബോ​ധ​ന​ചെ​യ്യു​മ്പോൾ “എല്ലാവർക്കും എല്ലാമാ​യി​ത്തീ”രാനുളള തന്റെ പ്രാപ്‌തി പൗലൊസ്‌ എല്ലായ്‌പോ​ഴും തെളി​യി​ച്ചു. ഇവിടെ അവന്റെ ന്യായ​വാ​ദം യഹൂദൻമാർക്ക്‌ ഒരു യഹൂദ​നിൽനി​ന്നെ​ന്ന​പോ​ലെ, അവർക്കു പൂർണ​മാ​യി മനസ്സി​ലാ​ക്കാ​നും വിലമ​തി​ക്കാ​നും കഴിയുന്ന വാദങ്ങ​ളാ​യി അവതരി​പ്പി​ക്ക​പ്പെ​ടു​ന്നു.—1 കൊരി. 9:22.

3. ഏത്‌ ആന്തരി​ക​തെ​ളിവ്‌ എബ്രാ​യ​ലേ​ഖനം എഴുതി​യതു പൗലൊ​സാ​ണെന്നു തെളി​യി​ക്കു​ക​യും അവൻ മുഖ്യ​മാ​യി യഹൂദർക്കു​വേണ്ടി എഴുതി​യെന്നു സൂചി​പ്പി​ക്കു​ക​യും ചെയ്യുന്നു?

³ പുസ്‌ത​ക​ത്തി​ലെ ആന്തരി​ക​തെ​ളി​വു പൗലൊ​സാണ്‌ എഴുത്തു​കാ​ര​നെ​ന്ന​തി​നെ അനുകൂ​ലി​ക്കു​ന്ന​താണ്‌. എഴുത്തു​കാ​രൻ ഇററലി​യി​ലാ​യി​രു​ന്നു, തിമൊ​ഥെ​യൊ​സി​നോ​ടു ബന്ധപ്പെ​ട്ടു​മി​രു​ന്നു. ഈ വസ്‌തു​തകൾ പൗലൊ​സി​നു യോജി​ക്കു​ന്നു. (എബ്രാ. 13:23, 24) അതിനു​പു​റമേ, വാദങ്ങൾ യഹൂദ​വീ​ക്ഷ​ണ​ത്തിൽ അവതരി​പ്പി​ക്ക​പ്പെ​ടു​ന്നു​വെ​ങ്കി​ലും ഉപദേശം പൗലൊ​സി​ന്റെ സാധാരണ രീതി​യി​ലാണ്‌, ലേഖനം സംബോ​ധ​ന​ചെ​യ്‌തി​രി​ക്കുന്ന എബ്രായർ മാത്ര​മു​ളള സഭക്ക്‌ ആകർഷ​ക​മാ​കാൻ ഉദ്ദേശി​ച്ചി​രി​ക്കു​ന്ന​വ​തന്നെ. ഈ ആശയം​സം​ബ​ന്ധി​ച്ചു ക്ലാർക്കി​ന്റെ ഭാഷ്യം, വാല്യം 6, പേജ്‌ 681 എബ്രാ​യ​രെ​പ്പ​ററി ഇങ്ങനെ പറയുന്നു: “ലേഖന​ത്തി​ന്റെ മുഴു ഘടനയും അതു സ്വാഭാ​വി​ക​മാ​യി യഹൂദർ ആയിരു​ന്ന​വർക്ക്‌ എഴുത​പ്പെ​ട്ടു​വെന്നു തെളി​യി​ക്കു​ന്നു. അതു ജാതി​കൾക്ക്‌ എഴുത​പ്പെ​ട്ടി​രു​ന്നു​വെ​ങ്കിൽ, അവരിൽ പതിനാ​യി​ര​ത്തി​ലൊ​രാൾക്കു​പോ​ലും വാദം ഗ്രഹി​ക്കാൻ കഴിയു​മാ​യി​രു​ന്നില്ല, യഹൂദ​വ്യ​വ​സ്ഥി​തി​യി​ലു​ളള പരിച​യ​മി​ല്ലാ​യ്‌മ​തന്നെ കാരണം; അതി​നെ​ക്കു​റി​ച്ചു​ളള പരിജ്ഞാ​നം ഉണ്ടെന്ന്‌ ഈ ലേഖന​ത്തി​ന്റെ എഴുത്തു​കാ​രൻ ഉടനീളം സങ്കൽപ്പി​ക്കു​ന്നു​ണ്ട​ല്ലോ.” പൗലൊ​സി​ന്റെ മററു ലേഖന​ങ്ങ​ളോ​ടു താരത​മ്യ​പ്പെ​ടു​ത്തു​മ്പോൾ ശൈലി​യിൽ കാണുന്ന വ്യത്യാ​സ​ത്തി​ന്റെ കാരണം നൽകാൻ ഇതു സഹായി​ക്കു​ന്നു.

4. പൗലൊ​സി​ന്റെ എബ്രാ​യ​ലേ​ഖ​ന​കർത്തൃ​ത്വ​ത്തി​ന്റെ കൂടു​ത​ലായ എന്തു തെളി​വുണ്ട്‌?

⁴ ഏതാണ്ട്‌ 1930-ലെ ചെസ്‌ററർ ബീററി പപ്പൈ​റസ്‌ നമ്പർ 2-ന്റെ (P⁴⁶) കണ്ടുപി​ടി​ത്തം എഴുത്തു​കാ​രൻ പൗലൊ​സാ​ണെ​ന്നു​ള​ള​തി​ന്റെ കൂടു​ത​ലായ തെളിവു നൽകി​യി​രി​ക്കു​ന്നു. പൗലൊ​സി​ന്റെ മരണത്തി​നു വെറും ഒന്നര നൂററാ​ണ്ടു​മാ​ത്രം കഴിഞ്ഞ്‌ എഴുതിയ ഈ പപ്പൈ​റസ്‌ കൈ​യെ​ഴു​ത്തു​പു​സ്‌ത​ക​ത്തെ​ക്കു​റിച്ച്‌ അഭി​പ്രാ​യം പറഞ്ഞു​കൊ​ണ്ടു പ്രമുഖ ബ്രിട്ടീഷ്‌ പാഠനി​രൂ​പ​ക​നായ സർ ഫ്രെഡ​റിക്‌ കെനിയൻ ഇങ്ങനെ പറഞ്ഞു: “എബ്രായർ റോമർക്കു തൊട്ടു​പി​ന്നാ​ലെ വെച്ചി​രി​ക്കു​ന്നു​വെ​ന്നതു ശ്രദ്ധാർഹ​മാണ്‌, (ഇതു മിക്കവാ​റും മുൻവ​ഴ​ക്ക​മി​ല്ലാത്ത നിലപാ​ടാണ്‌) ഈ കൈ​യെ​ഴു​ത്തു​പ്രതി എഴുത​പ്പെട്ട ആദിമ തീയതി​യിൽ പൗലൊ​സാണ്‌ എഴുത്തു​കാ​ര​നെ​ന്നു​ള​ള​തി​നെ​ക്കു​റി​ച്ചു സംശയം തോന്നി​യി​രു​ന്നി​ല്ലെന്ന്‌ അതു പ്രകട​മാ​ക്കു​ന്നു.”a ഇതേ പ്രശ്‌നം സംബന്ധി​ച്ചു മക്ലി​ന്റോ​ക്കി​ന്റെ​യും സ്‌​ട്രോം​ഗി​ന്റെ​യും സൈ​ക്ലോ​പീ​ഡിയ സ്‌പഷ്ട​മാ​യി പ്രസ്‌താ​വി​ക്കു​ന്നു: “പൗലൊ​സ​ല്ലാ​തെ മറെറാ​രാൾ ഈ ലേഖന​ത്തി​ന്റെ കർത്തൃ​ത്വം അവകാ​ശ​പ്പെ​ടു​ന്ന​തിന്‌ അനുകൂ​ല​മാ​യി ബാഹ്യ​മാ​യോ ആന്തരി​ക​മാ​യോ കഴമ്പുളള തെളി​വില്ല.”b