പ്രയോ​ജനം നേടാൻ ആളുകളെ പഠിപ്പി​ക്കു​ക

¹ എല്ലാ ആളുക​ളും പ്രയോ​ജനം നേടണ​മെന്ന്‌ യഹോവ ആഗ്രഹി​ക്കു​ന്നു. (യെശ. 48:17, NW) നമുക്കു യഥാർഥ സന്തുഷ്ടി കൈവ​രു​ത്തു​ന്നത്‌ എന്താ​ണെന്ന്‌ അവനറി​യാം. ആളുകൾ തന്റെ കൽപ്പന​കൾക്കു ചെവി​കൊ​ടു​ത്തു​കൊ​ണ്ടു വിപത്തു​കൾ ഒഴിവാ​ക്കി ജീവിതം ആസ്വദി​ക്കണം എന്നതാണ്‌ അവരെ സംബന്ധിച്ച ദൈവ​ത്തി​ന്റെ അതിയായ ആഗ്രഹം. ദൈവ​മാർഗ​ത്തിൽ ജീവിതം നയിക്കു​ന്ന​തി​നാൽ നമുക്കു വളരെ​യ​ധി​കം പ്രയോ​ജ​നങ്ങൾ ലഭിക്കു​ന്നു. (സങ്കീ. 34:8) അങ്ങനെ ജീവി​ക്കാൻ നമുക്കു മറ്റുള്ള​വരെ എങ്ങനെ പഠിപ്പി​ക്കാ​നാ​കും?

² ആളുകൾക്ക്‌ എന്താണ്‌ ആവശ്യം? നിങ്ങളു​ടെ പ്രദേ​ശ​ത്തു​ള്ള​വരെ ആകുല​പ്പെ​ടു​ത്തു​ന്നത്‌ എന്താണ്‌? ഭവന സുരക്ഷ, വിവാ​ഹ​ബ​ന്ധ​ത്തി​ന്റെ കെട്ടു​റപ്പ്‌, കുട്ടി​ക​ളു​ടെ ഭാവി തുടങ്ങിയ കാര്യ​ങ്ങ​ളല്ലേ? പ്രശ്‌ന​ങ്ങ​ളു​ണ്ടാ​കു​മ്പോൾ സഹായ​ത്തി​നാ​യി അവർ നോക്കു​ന്നത്‌ എങ്ങോ​ട്ടാണ്‌? അവർ ഒരുപക്ഷേ തങ്ങളെ​ത്ത​ന്നെ​യോ സ്വയം സഹായക പരിപാ​ടി​ക​ളെ​യോ മറ്റുള്ള​വ​രു​ടെ നിർദേ​ശ​ങ്ങ​ളെ​യോ ആശ്രയി​ച്ചേ​ക്കാം. ഈ പ്രക്രി​യ​യിൽ, പരസ്‌പര വിരു​ദ്ധ​വും അപ്രാ​യോ​ഗി​ക​വു​മായ ആശയങ്ങൾ നിമിത്തം അനേക​രും ആശയക്കു​ഴ​പ്പ​ത്തി​ലാ​കു​ന്നു. ദൈവ​വ​ചനം പ്രദാനം ചെയ്യുന്ന മാർഗ​നിർദേശം ഏറ്റവും മെച്ചമാ​ണെന്നു നാം അവരെ ബോധ്യ​പ്പെ​ടു​ത്തേ​ണ്ട​തുണ്ട്‌. (സങ്കീ. 119:98) ബൈബിൾ പഠിക്കാ​നും അതു പറയു​ന്നതു ബാധക​മാ​ക്കാ​നും ശ്രമി​ക്കു​ന്നെ​ങ്കിൽ ഇപ്പോൾപോ​ലും തങ്ങൾക്കു ജീവിതം എങ്ങനെ മെച്ച​പ്പെ​ടു​ത്താൻ കഴിയും എന്നു അവരെ കാണി​ച്ചു​കൊ​ടു​ത്തു​കൊണ്ട്‌ നമുക്കതു ചെയ്യാ​നാ​കും.—2 തിമൊ. 3:16, 17.

³ മെച്ചപ്പെട്ട കുടും​ബ​ജീ​വി​തം: എഫെസ്യർ 5:22–6:4-ലെ നിശ്വസ്‌ത ബുദ്ധി​യു​പ​ദേശം കുടും​ബ​പ്രശ്‌നങ്ങൾ പരിഹ​രി​ക്കാൻ എത്ര ഫലകര​മാ​ണെന്നു മനസ്സി​ലാ​ക്കു​ന്നവർ ചുരു​ക്ക​മാണ്‌. പത്തു വർഷത്തെ വിവാ​ഹ​ജീ​വി​ത​ത്തി​നു ശേഷം, വേർപി​രി​യാൻ തീരു​മാ​നിച്ച ഒരു ദമ്പതി​ക​ളു​ടെ കാര്യം ഇതായി​രു​ന്നു. എന്നിരു​ന്നാ​ലും, ഭാര്യക്ക്‌ ഒരു ബൈബി​ള​ധ്യ​യനം തുടങ്ങി. വിവാഹം സംബന്ധിച്ച തിരു​വെ​ഴു​ത്തു തത്ത്വങ്ങൾ ആ സ്‌ത്രീ​യെ പഠിപ്പി​ച്ചു. ഭാര്യ ബൈബിൾ തത്ത്വങ്ങൾ ബാധക​മാ​ക്കി​യ​തി​ന്റെ ഫലമാ​യുള്ള മാറ്റങ്ങൾ ഭർത്താവ്‌ പെട്ടെ​ന്നു​തന്നെ ശ്രദ്ധിച്ചു. അദ്ദേഹ​വും പഠിക്കാൻ തുടങ്ങി. പിന്നീട്‌ അദ്ദേഹം ഇങ്ങനെ പറഞ്ഞു: “യഥാർഥ സന്തുഷ്ട കുടും​ബ​ജീ​വി​ത​ത്തി​നുള്ള അടിസ്ഥാ​നം ഇപ്പോൾ ഞങ്ങൾ കണ്ടെത്തി​യി​രി​ക്കു​ന്നു.”

⁴ ജീവി​ത​ത്തി​ലെ യഥാർഥ ഉദ്ദേശ്യം: മയക്കു​മ​രു​ന്നിന്‌ അടിമ​യായ ഒരു ചെറു​പ്പ​ക്കാ​രൻ സാക്ഷി​ക​ളിൽനി​ന്നു സഹായം തേടി. യഹോവ വ്യക്തി​പ​ര​മാ​യി തന്നെക്കു​റി​ച്ചു കരുതു​ന്നു​ണ്ടെന്ന്‌ അയാൾ പഠിക്കാ​നി​ട​യാ​യി. അയാൾ ഇങ്ങനെ പറഞ്ഞു: “മനുഷ്യ​നെ സംബന്ധിച്ച്‌ സ്രഷ്ടാ​വിന്‌ ഒരു ഉദ്ദേശ്യം ഉണ്ടെന്നും അവന്റെ അംഗീ​കാ​ര​മു​ള്ള​വർക്കു നിത്യ​ജീ​വൻ കരുതി​വെ​ച്ചി​രി​ക്കു​ന്നു എന്നും ഞാൻ മനസ്സി​ലാ​ക്കി. ഇതു മനസ്സി​ലാ​ക്കി​യ​പ്പോൾ എനിക്ക്‌ അനുഭ​വ​പ്പെട്ട സന്തോഷം നിങ്ങൾക്കു സങ്കൽപ്പി​ക്കാ​നാ​വില്ല. ഇന്നു ഞാൻ നല്ല ആരോ​ഗ്യ​വും മനസ്സമാ​ധാ​ന​വും ദൈവ​വു​മാ​യി ഒരു അടുത്ത ബന്ധവും ആസ്വദി​ക്കു​ന്നു.

⁵ ദൈവ​വ​ച​ന​ത്തി​ലെ പ്രാ​യോ​ഗിക സഹായ​ത്തിൽ നിന്ന്‌ പ്രയോ​ജനം നേടാൻ കഴിയാ​ത്ത​വ​രാ​യി ആരുമില്ല. അതിനെ ഒരു വഴികാ​ട്ടി​യാ​യി ഉപയോ​ഗി​ക്കു​ന്നതു മൂലം യഹോ​വ​യു​ടെ മാർഗ​മാ​ണു ലോക​ത്തി​ന്റെ വഴിക​ളെ​ക്കാൾ വളരെ ശ്രേഷ്‌ഠ​മെന്നു നാം സ്ഥാപി​ക്കു​ന്നു. (സങ്കീ. 116:12) മറ്റുള്ള​വർക്കു പ്രയോ​ജനം നേടാൻ തക്കവണ്ണം അവരെ പഠിപ്പി​ച്ചു​കൊണ്ട്‌ ഈ സന്ദേശം അവരി​ലേക്ക്‌ എത്തിക്കു​ക​യെന്ന പദവി നമുക്കുണ്ട്‌. അങ്ങനെ ചെയ്യവേ, അനേകം നല്ല ഫലങ്ങൾ നാം തീർച്ച​യാ​യും കണ്ടെത്തും.