മാതാ​പി​താ​ക്കളേ, നിങ്ങളു​ടെ മാതൃക എന്തു പഠിപ്പി​ക്കു​ന്നു?

“ആകയാൽ പ്രിയ​മക്കൾ എന്നപോ​ലെ ദൈവത്തെ അനുക​രി​പ്പിൻ. . . . സ്‌നേ​ഹ​ത്തിൽ നടപ്പിൻ.”—എഫെസ്യർ 5:1, 2.

1. ആദ്യ മനുഷ്യ ദമ്പതി​കൾക്ക്‌ യഹോവ ഏതു തരത്തി​ലുള്ള നിർദേ​ശങ്ങൾ നൽകി?

യഹോ​വ​യാണ്‌ കുടുംബ ക്രമീ​ക​ര​ണ​ത്തി​നു തുടക്കം കുറി​ച്ചത്‌. അങ്ങനെ, ആദ്യ കുടും​ബ​ത്തിന്‌ അടിത്തറ പാകു​ക​യും ആദ്യ മനുഷ്യ ദമ്പതി​കൾക്കു പുനരു​ത്‌പാ​ദന പ്രാപ്‌തി​കൾ നൽകു​ക​യും ചെയ്‌തത്‌ യഹോവ ആയതി​നാൽ ഓരോ കുടും​ബ​വും അതിന്റെ അസ്‌തി​ത്വ​ത്തിന്‌ അവനോ​ടു കടപ്പെ​ട്ടി​രി​ക്കു​ന്നു. (എഫെസ്യർ 3:14, 15) അവൻ ആദാമി​നും ഹവ്വായ്‌ക്കും അവരുടെ ഉത്തരവാ​ദി​ത്വ​ങ്ങൾ സംബന്ധിച്ച അടിസ്ഥാന നിർദേ​ശ​ങ്ങ​ളും അവ സ്വന്തം നിലയിൽ നിർവ​ഹി​ക്കാൻ മതിയായ അവസര​ങ്ങ​ളും നൽകി. (ഉല്‌പത്തി 1:28-30; 2:6, 15-22) എന്നാൽ ആദാമും ഹവ്വായും പാപം ചെയ്‌ത​തി​നെ തുടർന്ന്‌, കുടും​ബങ്ങൾ നേരി​ടേ​ണ്ടി​യി​രുന്ന പ്രശ്‌നങ്ങൾ വളരെ സങ്കീർണ​മാ​യി​ത്തീർന്നു. എങ്കിലും, അത്തരം സാഹച​ര്യ​ങ്ങളെ നേരി​ടാൻ തന്റെ ദാസരെ സഹായി​ക്കുന്ന മാർഗ​നിർദേ​ശങ്ങൾ യഹോവ സ്‌നേ​ഹ​പൂർവം പ്രദാനം ചെയ്‌തു.

2. (എ) ഏതു മാർഗ​ത്തി​ലൂ​ടെ​യാണ്‌ യഹോവ ലിഖിത പ്രബോ​ധ​ന​ത്തി​നു പുറമേ അലിഖിത പ്രബോ​ധനം കൂടി നൽകി​യത്‌? (ബി) മാതാ​പി​താ​ക്കൾ തങ്ങളോ​ടു തന്നെ ഏതു ചോദ്യം ചോദി​ക്കേ​ണ്ട​താണ്‌?

² നമ്മുടെ മഹാ​പ്ര​ബോ​ധകൻ എന്ന നിലയിൽ യഹോവ, നാം എന്തു ചെയ്യണം എന്തു ചെയ്യരുത്‌ എന്നതു സംബന്ധിച്ച്‌ ലിഖിത നിർദേ​ശങ്ങൾ മാത്രമല്ല നൽകി​യത്‌. പുരാതന കാലങ്ങ​ളിൽ അവൻ ലിഖിത പ്രബോ​ധ​ന​ത്തി​നു പുറമേ പുരോ​ഹി​ത​ന്മാ​രി​ലൂ​ടെ​യും പ്രവാ​ച​ക​ന്മാ​രി​ലൂ​ടെ​യും കുടും​ബ​ത്ത​ല​വ​ന്മാ​രി​ലൂ​ടെ​യും അലിഖിത പ്രബോ​ധ​ന​വും നൽകി. നമ്മുടെ കാലത്ത്‌ അത്തരം അലിഖിത പഠിപ്പി​ക്കൽ നടത്താൻ അവൻ ആരെയാണ്‌ ഉപയോ​ഗി​ക്കു​ന്നത്‌? ക്രിസ്‌തീയ മൂപ്പന്മാ​രെ​യും മാതാ​പി​താ​ക്ക​ളെ​യും. നിങ്ങൾ ഒരു മാതാ​വോ പിതാ​വോ ആണെങ്കിൽ, കുടും​ബത്തെ യഹോ​വ​യു​ടെ വഴിക​ളിൽ പ്രബോ​ധി​പ്പി​ക്കു​ന്ന​തി​ലെ നിങ്ങളു​ടെ പങ്ക്‌ നിങ്ങൾ നിർവ​ഹി​ക്കു​ന്നു​ണ്ടോ?—സദൃശ​വാ​ക്യ​ങ്ങൾ 6:20-23.

3. ഫലപ്ര​ദ​മായ പഠിപ്പി​ക്കൽ രീതി സംബന്ധിച്ച്‌ കുടും​ബ​ത്ത​ല​വ​ന്മാർക്ക്‌ യഹോ​വ​യിൽനിന്ന്‌ എന്തു പഠിക്കാൻ കഴിയും?

³ കുടും​ബ​ത്തി​നു​ള്ളിൽ അത്തരം പ്രബോ​ധനം നൽകേ​ണ്ടത്‌ എങ്ങനെ​യാണ്‌? അതിനുള്ള നല്ല മാതൃക യഹോവ വെക്കുന്നു. എന്താണു ശരി​യെ​ന്നും എന്താണു തെറ്റെ​ന്നും അവൻ വ്യക്തമാ​യി പ്രസ്‌താ​വി​ക്കു​ന്നു. അവൻ അതു കൂടെ​ക്കൂ​ടെ ആവർത്തി​ക്കു​ക​യും ചെയ്യുന്നു. (പുറപ്പാ​ടു 20:4, 5; ആവർത്ത​ന​പു​സ്‌തകം 4:23, 24; 5:8, 9; 6:14, 15; യോശുവ 24:19, 20) അവൻ ചിന്തോ​ദ്ദീ​പ​ക​മായ ചോദ്യ​ങ്ങൾ ഉപയോ​ഗി​ക്കു​ന്നു. (ഇയ്യോബ്‌ 38:4, 8, 31) ഉപമക​ളി​ലൂ​ടെ​യും യഥാർഥ ജീവി​താ​നു​ഭ​വ​ങ്ങ​ളി​ലൂ​ടെ​യും അവൻ നമ്മുടെ വികാ​ര​ങ്ങളെ തൊട്ടു​ണർത്തു​ക​യും ഹൃദയ​ങ്ങളെ വാർത്തെ​ടു​ക്കു​ക​യും ചെയ്യുന്നു. (ഉല്‌പത്തി 15:5; ദാനീ​യേൽ 3:1-29) മാതാ​പി​താ​ക്കളേ, കുട്ടി​കളെ പഠിപ്പി​ക്കു​മ്പോൾ ആ മാതൃക പിൻപ​റ്റാൻ നിങ്ങൾ ശ്രമി​ക്കാ​റു​ണ്ടോ?

4. ശിക്ഷണം നൽകു​ന്നതു സംബന്ധിച്ച്‌ യഹോ​വ​യിൽ നിന്ന്‌ നാം എന്തു പഠിക്കു​ന്നു, ശിക്ഷണം പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁴ ശരി സംബന്ധിച്ച്‌ യഹോവ ദൃഢമായ നിലപാ​ടു സ്വീക​രി​ക്കു​ന്നു. എന്നാൽ അവൻ അപൂർണ​ത​യു​ടെ ഫലങ്ങൾ മനസ്സി​ലാ​ക്കു​ക​യും ചെയ്യുന്നു. അതു​കൊണ്ട്‌ ശിക്ഷി​ക്കു​ന്ന​തി​നു മുമ്പ്‌ അവൻ അപൂർണ മനുഷ്യ​രെ പഠിപ്പി​ക്കു​ക​യും അവർക്ക്‌ ആവർത്തിച്ച്‌ മുന്നറി​യി​പ്പു​ക​ളും ഓർമി​പ്പി​ക്ക​ലു​ക​ളും നൽകു​ക​യും ചെയ്യുന്നു. (ഉല്‌പത്തി 19:15, 16; യിരെ​മ്യാ​വു 7:23-26) ശിക്ഷി​ക്കു​മ്പോൾ പോലും ന്യായ​മായ ശിക്ഷയേ അവൻ നൽകു​ക​യു​ള്ളൂ, അതൊ​രി​ക്ക​ലും അമിത​മാ​യി പോകു​ന്നില്ല. (സങ്കീർത്തനം 103:10, 11; യെശയ്യാ​വു 28:26-29) നാം നമ്മുടെ കുട്ടി​ക​ളോട്‌ ഇടപെ​ടു​ന്നത്‌ അപ്രകാ​ര​മാ​ണെ​ങ്കിൽ, നാം യഹോ​വയെ അറിയു​ന്നു എന്ന്‌ അതു തെളി​യി​ക്കും. അത്‌, അവനെ അറിയു​ന്നത്‌ അവർക്കും കൂടുതൽ എളുപ്പ​മാ​ക്കി​ത്തീർക്കും.—യിരെ​മ്യാ​വു 22:16; 1 യോഹ​ന്നാൻ 4:8.

5. കേൾക്കു​ന്നതു സംബന്ധിച്ച്‌ മാതാ​പി​താ​ക്കൾക്ക്‌ യഹോ​വ​യിൽ നിന്ന്‌ എന്തു പഠിക്കാൻ കഴിയും?

⁵ അതിശ​യ​ക​ര​മെന്നു പറയട്ടെ, സ്‌നേ​ഹ​വാ​നായ ഒരു പിതാ​വി​നെ പോലെ യഹോവ കേൾക്കു​ന്നു. അവൻ വെറുതെ കൽപ്പനകൾ പുറ​പ്പെ​ടു​വി​ക്കു​കയല്ല ചെയ്യു​ന്നത്‌. നമ്മുടെ ഹൃദയ​ങ്ങളെ തന്റെ മുമ്പാകെ പകരാൻ അവൻ നമ്മെ പ്രോ​ത്സാ​ഹി​പ്പി​ക്കു​ന്നു. (സങ്കീർത്തനം 62:8) നാം പ്രകടി​പ്പി​ക്കുന്ന വികാ​രങ്ങൾ പൂർണ​മാ​യും ശരിയ​ല്ലാ​ത്ത​പ്പോൾ അവൻ സ്വർഗ​ത്തിൽനിന്ന്‌ ഗർജി​ക്കു​ന്നില്ല. അവൻ ക്ഷമാപൂർവം നമ്മെ പഠിപ്പി​ക്കു​ന്നു. അതു​കൊണ്ട്‌, “പ്രിയ​മക്കൾ എന്നപോ​ലെ ദൈവത്തെ അനുക​രി​പ്പിൻ” എന്ന അപ്പൊ​സ്‌ത​ല​നായ പൗലൊ​സി​ന്റെ ബുദ്ധി​യു​പ​ദേശം എത്ര ഉചിത​മാണ്‌! (എഫെസ്യർ 4:31-5:1) മക്കളെ പ്രബോ​ധി​പ്പി​ക്കാൻ ശ്രമി​ക്കുന്ന മാതാ​പി​താ​ക്കൾക്ക്‌ യഹോവ എത്ര നല്ല മാതൃ​ക​യാ​ണു വെച്ചി​രി​ക്കു​ന്നത്‌! നമ്മുടെ ഹൃദയ​ങ്ങളെ സ്‌പർശി​ക്കുന്ന, ദൈവിക മാർഗ​ത്തിൽ നടക്കാൻ നമ്മെ പ്രേരി​പ്പി​ക്കുന്ന, ഒരു മാതൃ​ക​യാണ്‌ അത്‌.

മാതൃ​ക​യു​ടെ സ്വാധീ​നം

6. മാതാ​പി​താ​ക്ക​ളു​ടെ മനോ​ഭാ​വ​വും മാതൃ​ക​യും കുട്ടി​കളെ സ്വാധീ​നി​ക്കു​ന്നത്‌ എങ്ങനെ?

⁶ വാക്കാ​ലുള്ള പ്രബോ​ധ​ന​ത്തി​നു പുറമേ, മാതാ​പി​താ​ക്കൾ നല്ല മാതൃക വെക്കു​ക​യാ​ണെ​ങ്കിൽ അതിനു കുട്ടി​ക​ളു​ടെ​മേൽ ശക്തമായ സ്വാധീ​ന​മു​ണ്ടാ​യി​രി​ക്കും. മാതാ​പി​താ​ക്കൾ ആഗ്രഹി​ച്ചാ​ലും ഇല്ലെങ്കി​ലും, കുട്ടികൾ അവരെ അനുക​രി​ക്കും. തങ്ങൾതന്നെ പറഞ്ഞ കാര്യങ്ങൾ മക്കൾ പറയു​ന്നതു കേൾക്കു​മ്പോൾ മാതാ​പി​താ​ക്കൾക്കു ചില​പ്പോൾ സന്തോഷം തോന്നി​യേ​ക്കാം, ചില​പ്പോൾ അത്‌ അവരെ ഞെട്ടി​ക്കു​ക​യും ചെയ്‌തേ​ക്കാം. മാതാ​പി​താ​ക്ക​ളു​ടെ നടത്തയും മനോ​ഭാ​വ​വും ആത്മീയ കാര്യ​ങ്ങ​ളോട്‌ ആഴമായ വിലമ​തി​പ്പു പ്രകടി​പ്പി​ക്കു​ന്നത്‌ ആയിരി​ക്കു​മ്പോൾ, അതു കുട്ടി​ക​ളു​ടെ​മേൽ ക്രിയാ​ത്മ​ക​മായ ഒരു സ്വാധീ​നം ചെലു​ത്തു​ന്നു.—സദൃശ​വാ​ക്യ​ങ്ങൾ 20:7.

7. ഒരു പിതാ​വെന്ന നിലയിൽ തന്റെ പുത്രിക്ക്‌ ഏതു തരത്തി​ലുള്ള മാതൃ​ക​യാണ്‌ യിഫ്‌താഹ്‌ വെച്ചത്‌, ഫലം എന്തായി​രു​ന്നു?

⁷ മാതാ​പി​താ​ക്കൾ വെക്കുന്ന മാതൃ​ക​യു​ടെ ഫലം ബൈബി​ളിൽ നന്നായി ചിത്രീ​ക​രി​ച്ചി​രി​ക്കു​ന്നു. അമ്മോ​ന്യ​രു​ടെ മേൽ വിജയം നേടു​ന്ന​തിന്‌ ഇസ്രാ​യേ​ല്യ​രെ നയിക്കാൻ യഹോവ ഉപയോ​ഗിച്ച യിഫ്‌താഹ്‌ ഒരു പിതാവു കൂടി ആയിരു​ന്നു. ഇസ്രാ​യേ​ല്യ​രു​മാ​യുള്ള യഹോ​വ​യു​ടെ ഇടപെ​ട​ലു​കളെ കുറി​ച്ചുള്ള ചരിത്രം യിഫ്‌താഹ്‌ കൂടെ​ക്കൂ​ടെ വായി​ച്ചി​ട്ടു​ണ്ടാ​കു​മെന്ന്‌ അമ്മോന്യ രാജാ​വി​നോ​ടുള്ള യിഫ്‌താ​ഹി​ന്റെ മറുപ​ടി​യെ പറ്റിയുള്ള വിവരണം സൂചി​പ്പി​ക്കു​ന്നു. അവന്‌ ആ ചരിത്രം അനായാ​സം ഉദ്ധരി​ക്കാൻ കഴിഞ്ഞു. അവൻ യഹോ​വ​യിൽ ശക്തമായ വിശ്വാ​സം പ്രകട​മാ​ക്കു​ക​യും ചെയ്‌തു. അവന്റെ മകൾ ഒരു അവിവാ​ഹിത എന്ന നിലയിൽ യഹോ​വ​യ്‌ക്കുള്ള അർപ്പിത സേവനം ആയുഷ്‌കാ​ലം മുഴു​വ​നും ഏറ്റെടു​ത്തു​കൊണ്ട്‌ വിശ്വാ​സ​വും ആത്മത്യാഗ മനോ​ഭാ​വ​വും പ്രകട​മാ​ക്കി. ആ ഗുണങ്ങൾ വളർത്തി​യെ​ടു​ക്കാൻ യിഫ്‌താ​ഹി​ന്റെ മാതൃക അവളെ സഹായി​ച്ചി​രി​ക്കു​മെ​ന്ന​തി​നു സംശയ​മില്ല.—ന്യായാ​ധി​പൻമാർ 11:14-27, 34-40; യോശുവ 1:8 താരത​മ്യം ചെയ്യുക.

8. (എ) ശമൂ​വേ​ലി​ന്റെ മാതാ​പി​താ​ക്കൾ ഏതു നല്ല മനോ​ഭാ​വം പ്രകട​മാ​ക്കി? (ബി) അത്‌ ശമൂ​വേ​ലിന്‌ എങ്ങനെ പ്രയോ​ജനം ചെയ്‌തു?

⁸ ശമൂവേൽ ഒരു കുട്ടി എന്ന നിലയിൽ മാതൃ​കാ​യോ​ഗ്യ​നും ഒരു പ്രവാ​ചകൻ എന്ന നിലയിൽ ആജീവ​നാ​ന്തം ദൈവ​ത്തോ​ടു വിശ്വ​സ്‌ത​നും ആയിരു​ന്നു. നിങ്ങളു​ടെ മക്കൾ അവനെ​പ്പോ​ലെ ആയിത്തീ​രാൻ നിങ്ങൾ ആഗ്രഹി​ക്കു​ന്നു​വോ? ശമൂ​വേ​ലി​ന്റെ മാതാ​പി​താ​ക്ക​ളായ എൽക്കാ​ന​യും ഹന്നായും വെച്ച ദൃഷ്ടാന്തം വിശക​ലനം ചെയ്യുക. അവരുടെ കുടുംബ സാഹച​ര്യം കുറ്റമ​റ്റത്‌ അല്ലായി​രു​ന്നെ​ങ്കി​ലും, വിശുദ്ധ സമാഗമന കൂടാരം സ്ഥിതി​ചെ​യ്‌തി​രുന്ന ശീലോ​വിൽ ആരാധ​ന​യ്‌ക്കു പോകുന്ന പതിവ്‌ അവർക്ക്‌ ഉണ്ടായി​രു​ന്നു. (1 ശമൂവേൽ 1:3-8, 21) എത്രയ​ധി​കം വികാ​ര​വാ​യ്‌പോ​ടെ​യാണ്‌ ഹന്നാ പ്രാർഥി​ച്ച​തെ​ന്നതു ശ്രദ്ധി​ക്കുക. (1 ശമൂവേൽ 1:9-13) ദൈവ​ത്തോ​ടു ചെയ്‌ത ഏതൊരു വാഗ്‌ദാ​ന​വും പാലി​ക്കു​ന്ന​തി​ന്റെ പ്രാധാ​ന്യ​ത്തെ അവർ ഇരുവ​രും എങ്ങനെ വീക്ഷി​ച്ചെന്നു പരിചി​ന്തി​ക്കുക. (1 ശമൂവേൽ 1:22-28) ദൈവത്തെ സേവി​ക്കു​ന്നു​വെന്നു നടിച്ചി​രുന്ന, ചുറ്റും ഉണ്ടായി​രുന്ന ആളുകൾ അവന്റെ വഴിക​ളോട്‌ യാതൊ​രു ആദരവും കാട്ടാ​തി​രു​ന്ന​പ്പോൾ പോലും ശമൂവേൽ ശരിയായ ഗതി പിന്തു​ടർന്നു. അതിന്‌ അവനെ പ്രാപ്‌ത​നാ​ക്കിയ ഗുണങ്ങൾ വളർത്തി​യെ​ടു​ക്കാൻ മാതാ​പി​താ​ക്ക​ളു​ടെ ഉത്തമ ദൃഷ്ടാന്തം അവനെ സാഹാ​യി​ച്ചു​വെ​ന്ന​തിൽ തെല്ലും സംശയ​മില്ല. കാല​ക്ര​മ​ത്തിൽ, യഹോവ ശമൂ​വേ​ലി​നെ തന്റെ പ്രവാ​ചകൻ എന്ന നിലയി​ലുള്ള ഉത്തരവാ​ദി​ത്വം ഭരമേൽപ്പി​ച്ചു.—1 ശമൂവേൽ 2:11, 12; 3:1-21.

9. (എ) കുടും​ബ​ത്തി​ലെ ഏതു സ്വാധീ​നം തിമൊ​ഥെ​യൊ​സി​ന്റെ മേൽ നല്ല ഫലം ഉളവാക്കി? (ബി) തിമൊ​ഥെ​യൊസ്‌ ഏതു തരത്തി​ലുള്ള വ്യക്തി ആയിത്തീർന്നു?

⁹ യുവാ​വാ​യി​രി​ക്കെ, പൗലൊസ്‌ അപ്പൊ​സ്‌ത​ലന്റെ സഹകാരി ആയിത്തീർന്ന തിമൊ​ഥെ​യൊ​സി​നെ​പ്പോ​ലെ നിങ്ങളു​ടെ കുട്ടി ആയിത്തീ​രാൻ നിങ്ങൾ ആഗ്രഹി​ക്കു​ന്നു​വോ? തിമൊ​ഥെ​യൊ​സി​ന്റെ പിതാവ്‌ ഒരു വിശ്വാ​സി അല്ലായി​രു​ന്നു. എന്നാൽ ആത്മീയ കാര്യ​ങ്ങ​ളോ​ടുള്ള വിലമ​തി​പ്പി​ന്റെ കാര്യ​ത്തിൽ അവന്റെ അമ്മയും വല്യമ്മ​യും ഒരു ഉത്തമ മാതൃക വെച്ചു. ഒരു ക്രിസ്‌ത്യാ​നി എന്ന നിലയിൽ തിമൊ​ഥെ​യൊ​സി​ന്റെ ജീവി​ത​ത്തിന്‌ നല്ല അടിസ്ഥാ​നം ഇടാൻ അതു സഹായി​ച്ചു എന്നതിനു യാതൊ​രു സംശയ​വു​മില്ല. അവന്റെ അമ്മയായ യൂനീ​ക്ക​യ്‌ക്കും വല്യമ്മ​യായ ലോവീ​സി​നും ‘നിർവ്യാ​ജ​വി​ശ്വാ​സം’ ഉണ്ടായി​രു​ന്നെന്ന്‌ നാം വായി​ക്കു​ന്നു. ക്രിസ്‌ത്യാ​നി​കൾ എന്ന നിലയി​ലുള്ള അവരുടെ ജീവിതം ഒരു നാട്യം ആയിരു​ന്നില്ല. വിശ്വ​സി​ക്കു​ന്നു​വെന്നു തങ്ങൾ അവകാ​ശ​പ്പെ​ട്ട​തി​നു ചേർച്ച​യിൽ അവർ ജീവിച്ചു. അതുതന്നെ ചെയ്യാൻ അവർ ബാലനായ തിമൊ​ഥെ​യൊ​സി​നെ പഠിപ്പി​ക്കു​ക​യും ചെയ്‌തു. താൻ ആശ്രയ​യോ​ഗ്യ​നും മറ്റുള്ള​വ​രു​ടെ ക്ഷേമത്തിൽ യഥാർഥ താത്‌പ​ര്യം ഉള്ളവനും ആണെന്ന്‌ തിമൊ​ഥെ​യൊസ്‌ തെളി​യി​ച്ചു.—2 തിമൊ​ഥെ​യൊസ്‌ 1:4, 5; ഫിലി​പ്പി​യർ 2:20-22.

10. (എ) വീടിനു വെളി​യി​ലുള്ള ഏതെല്ലാം സംഗതി​കൾ കുട്ടി​കളെ സ്വാധീ​നി​ച്ചേ​ക്കാം? (ബി) കുട്ടി​ക​ളു​ടെ സംസാ​ര​ത്തി​ലും മനോ​ഭാ​വ​ത്തി​ലും ആ സ്വാധീ​നങ്ങൾ പ്രകട​മാ​കു​മ്പോൾ നാം എങ്ങനെ പ്രതി​ക​രി​ക്കണം?

¹⁰ വീട്ടി​ലു​ള്ള​വ​രു​ടെ മാതൃക മാത്രമല്ല കുട്ടി​കളെ സ്വാധീ​നി​ക്കു​ന്നത്‌. സഹപാ​ഠി​കൾ, കുട്ടി​ക​ളു​ടെ മനസ്സിനെ കരുപ്പി​ടി​പ്പി​ക്കാൻ ഉത്തരവാ​ദി​ത്വ​മുള്ള അധ്യാ​പകർ, രൂഢമൂ​ല​മായ ഗോത്ര-സാമു​ദാ​യിക ആചാര​ങ്ങ​ളോട്‌ എല്ലാവ​രും അനുരൂ​പ​പ്പെ​ട​ണ​മെന്ന്‌ ശഠിക്കുന്ന ആളുകൾ, നേട്ടങ്ങ​ളെ​പ്രതി വ്യാപ​ക​മാ​യി പ്രകീർത്തി​ക്ക​പ്പെ​ടുന്ന കായിക താരങ്ങൾ, പെരു​മാ​റ്റം നിമിത്തം വാർത്താ​മാ​ധ്യ​മ​ങ്ങ​ളു​ടെ ശ്രദ്ധാ​കേ​ന്ദ്ര​മാ​കുന്ന ഗവൺമെന്റ്‌ ഉദ്യോ​ഗസ്ഥർ തുടങ്ങി​യ​വ​രെ​ല്ലാം കുട്ടി​ക​ളു​ടെ മേൽ സ്വാധീ​നം ചെലു​ത്തി​യേ​ക്കാം. അതിനു പുറമേ, ദശലക്ഷ​ക്ക​ണ​ക്കിന്‌ കുട്ടികൾ യുദ്ധത്തി​ലെ മൃഗീയത അറിയാ​നി​ട​യാ​കു​ന്നു. കുട്ടി​ക​ളു​ടെ സംസാ​ര​ത്തി​ലും മനോ​ഭാ​വ​ത്തി​ലും ഈ ഘടകങ്ങ​ളു​ടെ സ്വാധീ​നം പ്രകട​മാ​കു​ന്നെ​ങ്കിൽ നാം അമ്പരക്ക​ണ​മോ? അങ്ങനെ സംഭവി​ക്കു​ന്നെ​ങ്കിൽ നാം എങ്ങനെ പ്രതി​ക​രി​ക്കണം. പരുഷ​മായ ഒരു ശകാര​മോ ശാസന​യോ പ്രശ്‌നം പരിഹ​രി​ക്കു​മോ? കുട്ടി​ക​ളോട്‌ ഉടനടി പ്രതി​ക​രി​ക്കു​ന്ന​തി​നു പകരം നമ്മോ​ടു​തന്നെ ഇപ്രകാ​രം ചോദി​ക്കു​ന്നത്‌ മെച്ചമാ​യി​രി​ക്കി​ല്ലേ, ‘യഹോവ നമ്മോട്‌ ഇടപെ​ടുന്ന വിധത്തിൽ ഉൾപ്പെ​ട്ടി​രി​ക്കുന്ന എന്തെങ്കി​ലും സംഗതി ഈ സാഹച​ര്യം കൈകാ​ര്യം ചെയ്യേണ്ട വിധം തിരി​ച്ച​റി​യാൻ സഹായി​ക്കു​മോ?’—റോമർ 2:4 താരത​മ്യം ചെയ്യുക.

11. മാതാ​പി​താ​ക്കൾക്ക്‌ തെറ്റുകൾ സംഭവി​ക്കു​മ്പോൾ, അത്‌ അവരുടെ മക്കളുടെ മനോ​ഭാ​വത്തെ എങ്ങനെ ബാധി​ച്ചേ​ക്കാം?

¹¹ അപൂർണ​രായ മാതാ​പി​താ​ക്കൾ സാഹച​ര്യ​ങ്ങൾ എല്ലായ്‌പോ​ഴും ഏറ്റവും മെച്ചമാ​യി കൈകാ​ര്യം ചെയ്യണ​മെ​ന്നില്ല. അവർക്കു തെറ്റുകൾ സംഭവി​ക്കും. കുട്ടികൾ അതു തിരി​ച്ച​റി​യു​മ്പോൾ, മാതാ​പി​താ​ക്ക​ളോ​ടുള്ള അവരുടെ ബഹുമാ​നം കുറഞ്ഞു​പോ​കു​മോ? അങ്ങനെ സംഭവി​ച്ചേ​ക്കാം, തങ്ങളുടെ അധികാ​രം പരുഷ​മാ​യി സ്ഥാപി​ച്ചെ​ടു​ത്തു​കൊണ്ട്‌ മാതാ​പി​താ​ക്കൾ സ്വന്തം തെറ്റിനെ നിസ്സാ​ര​മാ​യി തള്ളിക്ക​ള​യാൻ ശ്രമി​ക്കു​ന്നെ​ങ്കിൽ വിശേ​ഷി​ച്ചും. അതേസ​മയം, മാതാ​പി​താ​ക്കൾ താഴ്‌മ​യു​ള്ള​വ​രും തങ്ങളുടെ തെറ്റുകൾ മടികൂ​ടാ​തെ സമ്മതി​ക്കു​ന്ന​വ​രും ആണെങ്കിൽ ഫലം വളരെ വ്യത്യ​സ്‌ത​മാ​യി​രു​ന്നേ​ക്കാം. ഇക്കാര്യ​ത്തിൽ, അവർക്ക്‌ തങ്ങളുടെ കുട്ടി​കൾക്കാ​യി ഒരു വില​യേ​റിയ മാതൃക വെക്കാൻ കഴിയും, അവരും അപ്രകാ​രം ആയിരി​ക്കാൻ പഠി​ക്കേ​ണ്ട​താ​ണ​ല്ലോ.—യാക്കോബ്‌ 4:6.

നമ്മുടെ മാതൃ​ക​യാൽ പഠിപ്പി​ക്കാൻ കഴിയുന്ന കാര്യങ്ങൾ

12, 13. (എ) സ്‌നേ​ഹത്തെ കുറിച്ച്‌ കുട്ടികൾ എന്തു പഠി​ക്കേ​ണ്ട​തുണ്ട്‌, ഇത്‌ ഏറ്റവും ഫലപ്ര​ദ​മാ​യി പഠിപ്പി​ക്കാൻ കഴിയു​ന്നത്‌ എങ്ങനെ? (ബി) കുട്ടികൾ സ്‌നേ​ഹത്തെ കുറിച്ച്‌ പഠിക്കു​ന്നത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹² വാക്കാ​ലുള്ള പ്രബോ​ധ​ന​ത്തോ​ടൊ​പ്പം നല്ല മാതൃ​ക​യും വെക്കു​ന്നെ​ങ്കിൽ, നമുക്കു വില​യേ​റിയ അനേകം പാഠങ്ങൾ ഏറ്റവും ഫലപ്ര​ദ​മാ​യി പഠിപ്പി​ക്കാ​നാ​കും. ചില കാര്യങ്ങൾ പരിചി​ന്തി​ക്കുക.

¹³ നിസ്വാർഥ സ്‌നേഹം പ്രകടി​പ്പി​ക്കൽ: സ്‌നേ​ഹ​ത്തി​ന്റെ അർഥമാണ്‌ നമ്മുടെ മാതൃ​ക​യി​ലൂ​ടെ പഠിപ്പി​ക്കേ​ണ്ടി​യി​രി​ക്കുന്ന ഏറ്റവും പ്രധാ​ന​പ്പെട്ട ഒരു പാഠം. “[ദൈവം] ആദ്യം നമ്മെ സ്‌നേ​ഹി​ച്ച​തു​കൊ​ണ്ടു നാം സ്‌നേ​ഹി​ക്കു​ന്നു.” (1 യോഹ​ന്നാൻ 4:19) അവൻ സ്‌നേ​ഹ​ത്തി​ന്റെ പ്രഭവ​സ്ഥാ​ന​വും അത്യുന്നത ദൃഷ്ടാ​ന്ത​വു​മാണ്‌. അഗാപെ എന്ന ഈ തത്ത്വാ​ധി​ഷ്‌ഠിത സ്‌നേഹം ബൈബി​ളിൽ 100-ലേറെ പ്രാവ​ശ്യം പരാമർശി​ക്ക​പ്പെ​ട്ടി​രി​ക്കു​ന്നു. സത്യ ക്രിസ്‌ത്യാ​നി​കളെ തിരി​ച്ച​റി​യി​ക്കുന്ന ഒരു ഗുണമാണ്‌ അത്‌. (യോഹ​ന്നാൻ 13:35) ദൈവ​ത്തോ​ടും യേശു​ക്രി​സ്‌തു​വി​നോ​ടും മനുഷ്യ​രോ​ടും എന്തിന്‌ നമുക്കു പ്രിയം തോന്നാത്ത ആളുക​ളോ​ടു പോലും അത്തരം സ്‌നേഹം കാണി​ക്കേ​ണ്ട​താണ്‌. (മത്തായി 5:44, 45; 1 യോഹ​ന്നാൻ 5:3) ഈ സ്‌നേഹം കുട്ടി​കളെ ഫലപ്ര​ദ​മാ​യി പഠിപ്പി​ക്ക​ണ​മെ​ങ്കിൽ, അത്‌ ആദ്യം നമ്മുടെ ഹൃദയ​ത്തിൽ ഉണ്ടായി​രി​ക്കു​ക​യും ജീവി​ത​ത്തിൽ പ്രകട​മാ​യി​രി​ക്കു​ക​യും വേണം. പ്രവൃ​ത്തി​കൾ വാക്കു​ക​ളെ​ക്കാൾ ഉച്ചത്തിൽ സംസാ​രി​ക്കു​ന്നു. സ്‌നേ​ഹ​വും അതി​നോ​ടു ബന്ധപ്പെട്ട വാത്സല്യം പോലുള്ള ഗുണങ്ങ​ളും കുട്ടികൾ കുടും​ബ​ത്തിൽ കാണു​ക​യും അനുഭ​വി​ച്ച​റി​യു​ക​യും ചെയ്യേ​ണ്ട​തുണ്ട്‌. അവ ഇല്ലാത്ത​പ്പോൾ കുട്ടി​യു​ടെ ശാരീ​രി​ക​വും മാനസി​ക​വും വൈകാ​രി​ക​വു​മായ വളർച്ച മുരടി​ക്കു​ന്നു. കുടും​ബ​ത്തി​നു വെളി​യി​ലുള്ള സഹക്രി​സ്‌ത്യാ​നി​ക​ളോട്‌ സ്‌നേ​ഹ​വും വാത്സല്യ​വും ഉചിത​മാ​യി പ്രകടി​പ്പി​ക്കേ​ണ്ടത്‌ എങ്ങനെ​യെ​ന്നും കുട്ടികൾ കാണേ​ണ്ട​തുണ്ട്‌.—റോമർ 12:10; 1 പത്രൊസ്‌ 3:8.

14. (എ) സംതൃ​പ്‌തി കൈവ​രു​ത്തുന്ന ജോലി ചെയ്യാൻ കുട്ടി​കളെ എങ്ങനെ പഠിപ്പി​ക്കാ​നാ​കും? (ബി) നിങ്ങളു​ടെ കുടുംബ ചുറ്റു​പാ​ടിൽ ഇത്‌ എങ്ങനെ ചെയ്യാ​നാ​കും?

¹⁴ എങ്ങനെ ജോലി ചെയ്യാ​മെന്നു പഠിക്കൽ: ജീവി​ത​ത്തി​ലെ ഒരു അടിസ്ഥാന സംഗതി​യാണ്‌ ജോലി. ഒരുവന്‌ ആത്മാഭി​മാ​നം തോന്ന​ണ​മെ​ങ്കിൽ നന്നായി ജോലി ചെയ്യാൻ പഠിക്കണം. (സഭാ​പ്ര​സം​ഗി 2:24; 2 തെസ്സ​ലൊ​നീ​ക്യർ 3:10) നിർദേ​ശങ്ങൾ ഒന്നും​തന്നെ കൊടു​ക്കാ​തെ ഒരു ജോലി ചെയ്യാൻ കുട്ടി​യോട്‌ ആവശ്യ​പ്പെ​ടു​ക​യും എന്നിട്ട്‌ അത്‌ നന്നായി ചെയ്യാ​ഞ്ഞ​തിന്‌ കുട്ടിയെ ശകാരി​ക്കു​ക​യും ചെയ്‌താൽ, അവൻ ജോലി​കൾ നന്നായി ചെയ്യാൻ പഠിക്കു​ന്ന​തി​നു യാതൊ​രു സാധ്യ​ത​യു​മില്ല. എന്നാൽ കുട്ടികൾ മാതാ​പി​താ​ക്ക​ളോ​ടൊ​പ്പം ജോലി ചെയ്‌തു പഠിക്കു​ക​യും അവർ ഉചിത​മാ​യി അഭിന​ന്ദി​ക്ക​പ്പെ​ടു​ക​യും ചെയ്യു​മ്പോൾ, സംതൃ​പ്‌തി​ദാ​യ​ക​മാ​യി ജോലി ചെയ്യാൻ കുട്ടികൾ പഠിക്കു​ന്ന​തി​നുള്ള സാധ്യത ഏറെയാണ്‌. മാതാ​പി​താ​ക്കൾ മാതൃക വെക്കു​ന്ന​തോ​ടൊ​പ്പം ആവശ്യ​മായ വിശദീ​ക​ര​ണ​വും നൽകു​മ്പോൾ, എങ്ങനെ ഒരു ജോലി ചെയ്യാ​മെന്നു മാത്രമല്ല, പ്രശ്‌നങ്ങൾ തരണം ചെയ്യാ​നും ജോലി തീരു​ന്ന​തു​വരെ അതി​നോ​ടു പറ്റിനിൽക്കാ​നും ന്യായ​ബോ​ധ​ത്തോ​ടെ തീരു​മാ​നങ്ങൾ എടുക്കാ​നും കുട്ടികൾ പഠിക്കും. യഹോ​വ​യും ജോലി ചെയ്യു​ന്നു​വെ​ന്നും അവൻ അതു നന്നായി ചെയ്യു​ന്നു​വെ​ന്നും യേശു തന്റെ പിതാ​വി​നെ അനുക​രി​ക്കു​ന്നു​വെ​ന്നും മനസ്സി​ലാ​ക്കാൻ കുട്ടി​കളെ ഈ സന്ദർഭ​ത്തിൽ സഹായി​ക്കാൻ കഴിയും. (ഉല്‌പത്തി 1:31; സദൃശ​വാ​ക്യ​ങ്ങൾ 8:27-31; യോഹ​ന്നാൻ 5:17) കുടും​ബം കൃഷി​യോ ബിസി​ന​സോ നടത്തു​ന്നു​ണ്ടെ​ങ്കിൽ കുടും​ബാം​ഗ​ങ്ങ​ളിൽ ചിലർക്ക്‌ അതിൽ ഒന്നിച്ചു പങ്കുപ​റ്റാ​വു​ന്ന​താണ്‌. അല്ലെങ്കിൽ, പാചകം ചെയ്യാ​നും ഭക്ഷണം കഴിഞ്ഞ്‌ പാത്ര​ങ്ങ​ളും മറ്റും വൃത്തി​യാ​ക്കാ​നും അമ്മയ്‌ക്കു മകനെ​യോ മകളെ​യോ പഠിപ്പി​ക്കാ​വു​ന്ന​താണ്‌. വീട്ടിൽനി​ന്നു ദൂരെ ജോലി ചെയ്യുന്ന ഒരു പിതാ​വിന്‌ കുട്ടി​ക​ളു​മൊ​രു​മി​ച്ചു വീട്ടിൽ ചില ജോലി​കൾ ചെയ്യാൻ ആസൂ​ത്രണം ചെയ്യാ​വു​ന്ന​താണ്‌. കേവലം തത്‌കാ​ല​ത്തേ​ക്കുള്ള ജോലി​കൾ ചെയ്‌തു തീർക്ക​ണ​മെ​ന്നതല്ല, മറിച്ച്‌ കുട്ടി​കളെ ഭാവി ജീവി​ത​ത്തി​നാ​യി ഒരുക്ക​ണ​മെന്ന ചിന്ത മാതാ​പി​താ​ക്കൾക്ക്‌ ഉണ്ടായി​രി​ക്കു​ന്നത്‌ എത്ര പ്രയോ​ജ​ന​ക​ര​മാണ്‌!

15. വിശ്വാ​സത്തെ കുറി​ച്ചുള്ള പാഠങ്ങൾ ഏതു വിധങ്ങ​ളിൽ പഠിപ്പി​ക്കാ​വു​ന്ന​താണ്‌? ദൃഷ്ടാ​ന്തീ​ക​രി​ക്കുക.

¹⁵ പ്രതി​കൂല സാഹച​ര്യ​ങ്ങ​ളിൽ വിശ്വാ​സം കാത്തു​സൂ​ക്ഷി​ക്കൽ: വിശ്വാ​സ​വും നമ്മുടെ ജീവി​ത​ത്തി​ന്റെ ഒരു മർമ​പ്ര​ധാന വശം ആണ്‌. കുടുംബ അധ്യയ​ന​ത്തിൽ വിശ്വാ​സത്തെ കുറിച്ചു ചർച്ച ചെയ്യു​മ്പോൾ അതിന്റെ നിർവ​ചനം കുട്ടികൾ പഠി​ച്ചേ​ക്കാം. തങ്ങളുടെ ഹൃദയ​ത്തിൽ വിശ്വാ​സം വളരാൻ ഇടയാ​ക്കുന്ന തെളി​വു​ക​ളും അവർക്കു ബോധ്യ​മാ​യേ​ക്കാം. എന്നാൽ കടുത്ത പരി​ശോ​ധ​ന​ക​ളി​ന്മ​ധ്യേ തങ്ങളുടെ മാതാ​പി​താ​ക്കൾ അചഞ്ചല​മായ വിശ്വാ​സം പ്രകട​മാ​ക്കു​ന്നതു കുട്ടികൾ കാണു​മ്പോൾ അതിന്റെ ഫലം ആജീവ​നാ​ന്തം നിലനി​ന്നേ​ക്കാം. യഹോ​വയെ സേവി​ക്കു​ന്നതു നിർത്തി​യി​ല്ലെ​ങ്കിൽ വീട്ടിൽനി​ന്നു പുറത്താ​ക്കു​മെന്ന്‌ പനാമ​യി​ലെ ഒരു ബൈബിൾ വിദ്യാർഥി​നി​യെ അവരുടെ ഭർത്താവ്‌ ഭീഷണി​പ്പെ​ടു​ത്തി. എന്നിട്ടും, ഏറ്റവും അടുത്തുള്ള രാജ്യ​ഹാ​ളിൽ എത്തി​ച്ചേ​രാ​നാ​യി അവർ തന്റെ നാലു കൊച്ചു കുട്ടി​ക​ളോ​ടൊ​പ്പം പതിവാ​യി 16 കിലോ​മീ​റ്റർ നടക്കു​ക​യും തുടർന്ന്‌ 30 കിലോ​മീ​റ്റർ ബസ്‌ യാത്ര നടത്തു​ക​യും ചെയ്‌തി​രു​ന്നു. ആ ദൃഷ്ടാ​ന്ത​ത്താൽ പ്രോ​ത്സാ​ഹി​ത​രാ​യി, അവരുടെ കുടും​ബ​ത്തി​ലെ 20 അംഗങ്ങൾ സത്യത്തി​ന്റെ മാർഗം സ്വീക​രി​ച്ചു.

അനുദിന ബൈബിൾ വായന​യിൽ മാതൃക വെക്കുക

16. അനുദിന കുടുംബ ബൈബിൾ വായന ശുപാർശ ചെയ്യ​പ്പെ​ട്ടി​രി​ക്കു​ന്നത്‌ എന്തു​കൊണ്ട്‌?

¹⁶ ഏതൊരു കുടും​ബ​ത്തി​നും വെക്കാ​വുന്ന ഏറ്റവും മൂല്യ​വ​ത്തായ ശീലങ്ങ​ളിൽ ഒന്നാണു ക്രമമായ ബൈബിൾ വായന. മാതാ​പി​താ​ക്കൾക്കു പ്രയോ​ജനം ചെയ്യു​ന്ന​തും കുട്ടി​കൾക്ക്‌ അനുക​രി​ക്കാൻ കഴിയു​ന്ന​തു​മായ ഒരു ശീലമാണ്‌ അത്‌. എല്ലാ ദിവസ​വും ബൈബിൾ അൽപ്പ​മെ​ങ്കി​ലും വായി​ക്കു​ന്ന​തി​നു സാധ്യ​മായ സകല ശ്രമവും ചെയ്യുക. എത്രമാ​ത്രം വായി​ക്കു​ന്നു എന്നതല്ല പരമ പ്രധാനം. ക്രമമാ​യി വായി​ക്കു​ന്നു​ണ്ടോ എന്നതും വായി​ക്കുന്ന വിധവു​മാണ്‌ ഏറെ പ്രധാനം. കുട്ടി​ക​ളു​ടെ കാര്യ​ത്തിൽ, ബൈബിൾ വായന​യ്‌ക്കു പുറമേ എന്റെ ബൈബിൾ കഥാപു​സ്‌ത​ക​ത്തി​ന്റെ ഓഡി​യോ കാസെറ്റ്‌ അവർക്കു മനസ്സി​ലാ​കുന്ന ഭാഷയിൽ ലഭ്യമാ​ണെ​ങ്കിൽ അതു കൂടി അവരെ കേൾപ്പി​ക്കാ​വു​ന്ന​താണ്‌. അനുദി​നം ദൈവ​വ​ചനം വായി​ക്കു​ന്നത്‌ ദൈവ​ത്തി​ന്റെ ചിന്തയെ മുൻപ​ന്തി​യിൽ നിർത്താൻ നമ്മെ സഹായി​ക്കും. അത്തരം ബൈബിൾ വായന വ്യക്തി​ക​ളെന്ന നിലയിൽ മാത്രമല്ല, കുടും​ബം ഒത്തൊ​രു​മി​ച്ചും നടത്തു​ന്നു​വെ​ങ്കിൽ യഹോ​വ​യു​ടെ വഴിക​ളിൽ നടക്കാൻ അതു മുഴു കുടും​ബ​ത്തെ​യും സഹായി​ക്കും. അടുത്ത​യി​ടെ നടന്ന, “ദൈവ​മാർഗ​ത്തി​ലുള്ള ജീവിതം” കൺ​വെൻ​ഷ​നി​ലെ കുടും​ബ​ങ്ങളേ—അനുദിന ബൈബിൾ വായന നിങ്ങളു​ടെ ജീവി​ത​ച​ര്യ​യാ​ക്കുക! എന്ന നാടക​ത്തിൽ അപ്രകാ​രം ചെയ്യാ​നാണ്‌ നാം പ്രോ​ത്സാ​ഹി​പ്പി​ക്ക​പ്പെ​ട്ടത്‌.—സങ്കീർത്തനം 1:1-3.

17. സകുടും​ബം ബൈബിൾ വായി​ക്കു​ന്ന​തും മുഖ്യ തിരു​വെ​ഴു​ത്തു​കൾ മനപ്പാ​ഠ​മാ​ക്കു​ന്ന​തും എഫെസ്യർ 6:4-ലെ ബുദ്ധി​യു​പ​ദേശം ബാധക​മാ​ക്കാൻ സഹായി​ക്കു​ന്നത്‌ എങ്ങനെ?

¹⁷ സകുടും​ബം ബൈബിൾ വായി​ക്കു​ന്നത്‌, എഫെ​സൊ​സി​ലെ ക്രിസ്‌ത്യാ​നി​കൾക്ക്‌ പൗലൊസ്‌ അപ്പൊ​സ്‌തലൻ എഴുതിയ നിശ്വസ്‌ത ലേഖന​ത്തി​ലെ പിൻവ​രുന്ന ഉദ്‌ബോ​ധ​ന​ത്തി​നു ചേർച്ച​യി​ലാണ്‌: “പിതാ​ക്കൻമാ​രേ, നിങ്ങളു​ടെ മക്കളെ പ്രകോ​പി​പ്പി​ക്കാ​തെ അവരെ യഹോ​വ​യു​ടെ ശിക്ഷണ​ത്തി​ലും മാനസിക ക്രമവ​ത്‌ക​ര​ണ​ത്തി​ലും വളർത്തി​ക്കൊ​ണ്ടു​വ​രു​വിൻ.” (എഫെസ്യർ 6:4, NW) അതിന്റെ അർഥം എന്താണ്‌? ‘മാനസിക ക്രമവ​ത്‌ക​രണം’ എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു പദത്തിന്റെ അക്ഷരീയ അർഥം “മനസ്സ്‌ ഉൾനടൽ” എന്നാണ്‌. അതു​കൊണ്ട്‌, യഹോ​വ​യാം ദൈവ​ത്തി​ന്റെ മനസ്സ്‌ തങ്ങളുടെ കുട്ടി​ക​ളിൽ ഉൾനടാൻ അതായത്‌, ദൈവ​ത്തി​ന്റെ ചിന്തകൾ ഗ്രഹി​ക്കാൻ കുട്ടി​കളെ സഹായി​ക്കാൻ ക്രിസ്‌തീയ പിതാ​ക്ക​ന്മാർ ഉദ്‌ബോ​ധി​പ്പി​ക്ക​പ്പെ​ടു​ന്നു. മുഖ്യ തിരു​വെ​ഴു​ത്തു​കൾ മനപ്പാ​ഠ​മാ​ക്കാൻ കുട്ടി​കളെ പ്രോ​ത്സാ​ഹി​പ്പി​ക്കു​ന്നത്‌ ഇക്കാര്യ​ത്തിൽ വിജയം നേടാൻ സഹായി​ക്കും. മാതാ​പി​താ​ക്കൾ ഒപ്പം ഉണ്ടെങ്കി​ലും ഇല്ലെങ്കി​ലും, കുട്ടി​ക​ളു​ടെ ആഗ്രഹ​ങ്ങ​ളും നടത്തയും ക്രമേണ ദൈവിക നിലവാ​ര​ങ്ങളെ പ്രതി​ഫ​ലി​പ്പി​ക്ക​ത്ത​ക്ക​വി​ധം യഹോ​വ​യു​ടെ ചിന്തകൾ അവരുടെ ചിന്തകളെ നയിക്കാൻ ഇടയാ​ക്കുക എന്നതാണ്‌ അതിന്റെ ലക്ഷ്യം. അത്തരം ചിന്തയ്‌ക്കുള്ള അടിസ്ഥാ​നം ബൈബി​ളാണ്‌.—ആവർത്ത​ന​പു​സ്‌തകം 6:6, 7.

18. ബൈബിൾ വായി​ക്കു​മ്പോൾ, (എ) അതു വ്യക്തമാ​യി മനസ്സി​ലാ​ക്കാ​നും (ബി) അതിലെ ബുദ്ധി​യു​പ​ദേ​ശ​ത്തിൽ നിന്നു പ്രയോ​ജനം അനുഭ​വി​ക്കാ​നും (സി) യഹോ​വ​യു​ടെ ഉദ്ദേശ്യ​ത്തെ കുറിച്ച്‌ അതു വെളി​പ്പെ​ടു​ത്തു​ന്ന​തി​നോ​ടു പ്രതി​ക​രി​ക്കാ​നും (ഡി) ആളുക​ളു​ടെ മനോ​ഭാ​വ​ത്തെ​യും പ്രവൃ​ത്തി​ക​ളെ​യും കുറിച്ച്‌ അതു പറയുന്ന കാര്യ​ങ്ങ​ളിൽ നിന്നു പ്രയോ​ജനം നേടാ​നും എന്താണ്‌ ആവശ്യ​മാ​യി​രി​ക്കു​ന്നത്‌?

¹⁸ ബൈബിൾ നമ്മുടെ ജീവി​തത്തെ സ്വാധീ​നി​ക്ക​ണ​മെ​ങ്കിൽ അതു പറയു​ന്നത്‌ എന്താ​ണെന്നു നാം തീർച്ച​യാ​യും മനസ്സി​ലാ​ക്കേ​ണ്ട​തുണ്ട്‌. അതിന്‌ അനേക​രും ഒരു ഭാഗം ഒന്നി​ലേറെ പ്രാവ​ശ്യം വായി​ക്കേ​ണ്ടത്‌ ആവശ്യ​മാ​യി​രി​ക്കാം. ചില പദപ്ര​യോ​ഗങ്ങൾ വ്യക്തമാ​യി മനസ്സി​ലാ​ക്കു​ന്ന​തിന്‌ നാം ഒരു നിഘണ്ടു​വി​ലോ തിരു​വെ​ഴു​ത്തു​കൾ സംബന്ധിച്ച ഉൾക്കാഴ്‌ച (ഇംഗ്ലീഷ്‌) പുസ്‌ത​ക​ത്തി​ലോ ആ വാക്കുകൾ എടുത്തു നോ​ക്കേ​ണ്ടത്‌ ഉണ്ടായി​രി​ക്കാം. തിരു​വെ​ഴു​ത്തിൽ ഒരു ബുദ്ധി​യു​പ​ദേ​ശ​മോ കൽപ്പന​യോ അടങ്ങി​യി​ട്ടു​ണ്ടെ​ങ്കിൽ, ഇന്ന്‌ അത്‌ ഏതെല്ലാം സാഹച​ര്യ​ങ്ങ​ളി​ലാണ്‌ പ്രാ​യോ​ഗി​ക​മെന്നു ചർച്ച ചെയ്യാൻ സമയം എടുക്കുക. അപ്പോൾ നിങ്ങൾക്ക്‌ ഇങ്ങനെ ചോദി​ക്കാ​വു​ന്ന​താണ്‌, ‘ഈ ബുദ്ധി​യു​പ​ദേശം ബാധക​മാ​ക്കു​ന്നത്‌ നമുക്ക്‌ എങ്ങനെ പ്രയോ​ജനം ചെയ്‌തേ​ക്കാം?’ (യെശയ്യാ​വു 48:17, 18) പ്രസ്‌തുത തിരു​വെ​ഴുത്ത്‌ യഹോ​വ​യു​ടെ ഉദ്ദേശ്യ​ത്തി​ന്റെ ഏതെങ്കി​ലും ഒരു വശത്തെ കുറി​ച്ചാ​ണു സംസാ​രി​ക്കു​ന്ന​തെ​ങ്കിൽ ഇപ്രകാ​രം ചോദി​ക്കുക, ‘നമ്മുടെ ജീവി​തത്തെ ഇത്‌ എങ്ങനെ ബാധി​ക്കു​ന്നു?’ ഒരുപക്ഷേ ആളുക​ളു​ടെ മനോ​ഭാ​വ​ങ്ങ​ളെ​യും പ്രവൃ​ത്തി​ക​ളെ​യും കുറിച്ചു പറയുന്ന ഒരു വിവര​ണ​മാ​യി​രി​ക്കാം നിങ്ങൾ വായി​ക്കു​ന്നത്‌. ജീവി​ത​ത്തിൽ എന്തെല്ലാം സമ്മർദ​ങ്ങ​ളാണ്‌ അവർക്കു നേരി​ട്ടത്‌? അവർ അവ എങ്ങനെ​യാ​ണു കൈകാ​ര്യം ചെയ്‌തത്‌? അവരുടെ മാതൃ​ക​യിൽ നിന്നു നമുക്ക്‌ എങ്ങനെ പ്രയോ​ജനം നേടാ​നാ​കും? പ്രസ്‌തുത വിവര​ണ​ത്തിന്‌ ഇന്ന്‌ നമ്മുടെ ജീവി​ത​ത്തിൽ എന്ത്‌ അർഥമാ​ണു​ള്ള​തെന്നു ചർച്ച ചെയ്യാൻ എല്ലായ്‌പോ​ഴും സമയം അനുവ​ദി​ക്കുക.—റോമർ 15:4; 1 കൊരി​ന്ത്യർ 10:11.

19. ദൈവത്തെ അനുക​രി​ക്കുക വഴി നാം നമ്മുടെ മക്കൾക്ക്‌ എന്തായി​രി​ക്കും പ്രദാനം ചെയ്യു​ന്നത്‌?

¹⁹ ദൈവ​ത്തി​ന്റെ ചിന്തകളെ നമ്മുടെ മനസ്സി​ലും ഹൃദയ​ത്തി​ലും പതിപ്പി​ക്കാ​നുള്ള എന്തൊരു ഉത്തമ മാർഗം! അങ്ങനെ, “പ്രിയ​മക്കൾ എന്നപോ​ലെ ദൈവത്തെ അനുകരി”ക്കാൻ നാം ശരിക്കും സഹായി​ക്ക​പ്പെ​ടും. (എഫെസ്യർ 5:1) നമ്മുടെ മക്കൾക്കു തികച്ചും അനുക​ര​ണാർഹ​മായ ഒരു മാതൃ​ക​യാ​യി​രി​ക്കും നാം പ്രദാനം ചെയ്യു​ന്നത്‌.

നിങ്ങൾ ഓർമി​ക്കു​ന്നു​വോ?

□ യഹോ​വ​യു​ടെ മാതൃ​ക​യിൽ നിന്നു മാതാ​പി​താ​ക്കൾക്ക്‌ എങ്ങനെ പ്രയോ​ജനം നേടാ​നാ​കും?

□ വാക്കാ​ലുള്ള പ്രബോ​ധ​ന​ത്തോ​ടൊ​പ്പം മാതാ​പി​താ​ക്കൾ കുട്ടി​കൾക്കു നല്ല മാതൃ​ക​യും വെക്കേ​ണ്ടത്‌ എന്തു​കൊണ്ട്‌?

□ മാതാ​പി​താ​ക്ക​ളു​ടെ മാതൃ​ക​യാൽ ഏറ്റവും നന്നായി പഠിപ്പി​ക്കാൻ കഴിയുന്ന ചില പാഠങ്ങൾ ഏവ?

□ കുടുംബ ബൈബിൾ വായന​യിൽനിന്ന്‌ നമുക്ക്‌ എങ്ങനെ പൂർണ​മാ​യി പ്രയോ​ജനം നേടാ​നാ​കും?

[10-ാം പേജിലെ ചിത്രം]

അനേകർ ഒരു കുടും​ബം എന്ന നിലയിൽ ബൈബിൾ വായന ആസ്വദി​ക്കു​ന്നു

ഒരു കുടും​ബം എന്ന നിലയിൽ ദൈവ​വ​ചനം പതിവാ​യി പഠിക്കു​വിൻ

“മനുഷ്യൻ അപ്പം​കൊ​ണ്ടു മാത്രമല്ല, ദൈവ​ത്തി​ന്റെ വായിൽകൂ​ടി വരുന്ന സകലവ​ച​നം​കൊ​ണ്ടും ജീവി​ക്കു​ന്നു.”—മത്തായി 4:4.

1. മക്കളെ യഹോ​വ​യു​ടെ വഴികൾ പഠിപ്പി​ക്കാ​നുള്ള കുടും​ബ​ത്ത​ല​വ​ന്മാ​രു​ടെ ഉത്തരവാ​ദി​ത്വ​ത്തെ കുറിച്ച്‌ ബൈബിൾ എന്തു പറയുന്നു?

മക്കളെ പഠിപ്പി​ക്കാ​നുള്ള തങ്ങളുടെ ഉത്തരവാ​ദി​ത്വം സംബന്ധിച്ച്‌ കുടും​ബ​ത്ത​ല​വ​ന്മാ​രെ യഹോ​വ​യാം ദൈവം കൂടെ​ക്കൂ​ടെ ഓർമി​പ്പി​ച്ചി​രു​ന്നു. അത്തരം പ്രബോ​ധനം, വർത്തമാ​ന​കാല ജീവി​ത​ത്തി​നാ​യി കുട്ടി​കളെ സജ്ജരാ​ക്കാ​നും ഭാവി ജീവി​ത​ത്തി​നാ​യി അവരെ ഒരുക്കാ​നും സഹായി​ക്കു​മാ​യി​രു​ന്നു. “യഹോ​വ​യു​ടെ വഴിയിൽ നടപ്പാൻ” തന്റെ കുടും​ബത്തെ പഠിപ്പി​ക്കാ​നുള്ള ഉത്തരവാ​ദി​ത്വം ദൈവ​ത്തി​ന്റെ പ്രതി​നി​ധി​യായ ഒരു ദൂതൻ അബ്രാ​ഹാ​മി​നു വ്യക്തമാ​ക്കി​ക്കൊ​ടു​ത്തു. (ഉല്‌പത്തി 18:19) ദൈവം ഇസ്രാ​യേ​ല്യ​രെ ഈജി​പ്‌തിൽനി​ന്നു വിടു​വി​ക്കു​ക​യും ഹോ​രേ​ബി​ലെ സീനായി മലയിൽ വെച്ച്‌ അവർക്കു തന്റെ ന്യായ​പ്ര​മാ​ണം നൽകു​ക​യും ചെയ്‌തത്‌ എങ്ങനെ​യെന്ന്‌ തങ്ങളുടെ മക്കളോ​ടു വിശദീ​ക​രി​ക്കാൻ ഇസ്രാ​യേല്യ മാതാ​പി​താ​ക്ക​ളോ​ടു പറയ​പ്പെട്ടു. (പുറപ്പാ​ടു 13:8, 9; ആവർത്ത​ന​പു​സ്‌തകം 4:9, 10; 11:18-21) “യഹോ​വ​യു​ടെ ശിക്ഷണ​ത്തി​ലും മാനസിക ക്രമവ​ത്‌ക​ര​ണ​ത്തി​ലും” മക്കളെ വളർത്തി​ക്കൊ​ണ്ടു​വ​രാൻ ക്രിസ്‌തീയ കുടും​ബ​ത്ത​ല​വ​ന്മാർ ഉദ്‌ബോ​ധി​പ്പി​ക്ക​പ്പെ​ട്ടി​രി​ക്കു​ന്നു. (എഫെസ്യർ 6:4) മാതാ​പി​താ​ക്ക​ളിൽ ഒരാൾ മാത്രമേ യഹോ​വയെ സേവി​ക്കു​ന്നു​ള്ളൂ എങ്കിൽ പോലും, മക്കളെ യഹോ​വ​യു​ടെ വഴികൾ പഠിപ്പി​ക്കാൻ ആ വ്യക്തി ശ്രമി​ക്കണം.—2 തിമൊ​ഥെ​യൊസ്‌ 1:5; 3:14, 15.

2. കുട്ടികൾ ഇല്ലെങ്കിൽ കുടുംബ അധ്യയനം ആവശ്യ​മു​ണ്ടോ? വിശദീ​ക​രി​ക്കുക.

² കുടും​ബം ഒത്തൊ​രു​മി​ച്ചു ദൈവ​വ​ചനം പഠിക്കു​ന്നത്‌ കുട്ടി​ക​ളുള്ള കുടും​ബങ്ങൾ മാത്രം ചെയ്യേ​ണ്ട​താ​ണെന്ന്‌ ഇതിനർഥ​മില്ല. കുട്ടികൾ ഇല്ലെങ്കിൽ പോലും ഭാര്യാ​ഭർത്താ​ക്ക​ന്മാർക്ക്‌ കുടുംബ അധ്യയനം ഉണ്ടെങ്കിൽ, അത്‌ ആത്മീയ കാര്യ​ങ്ങ​ളോട്‌ അവർക്ക്‌ ആഴമായ വിലമ​തി​പ്പു​ണ്ടെന്നു പ്രകട​മാ​ക്കു​ന്നു.—എഫെസ്യർ 5:25, 26.

3. കുടുംബ അധ്യയനം പതിവാ​യി നടത്തു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

³ ഏറ്റവും പ്രയോ​ജനം ലഭിക്കു​ന്ന​തിന്‌, പ്രബോ​ധനം പതിവാ​യി നൽകേ​ണ്ട​തുണ്ട്‌. അത്‌ മരുഭൂ​മി​യിൽ വെച്ച്‌ യഹോവ ഇസ്രാ​യേ​ല്യ​രെ പഠിപ്പിച്ച പാഠവു​മാ​യി പൊരു​ത്ത​ത്തി​ലാണ്‌: “മനുഷ്യൻ അപ്പം​കൊ​ണ്ടു മാത്രമല്ല യഹോ​വ​യു​ടെ വായിൽനി​ന്നു പുറ​പ്പെ​ടുന്ന സകലവ​ച​നം​കൊ​ണ്ടും ജീവി​ക്കു​ന്നു.” (ആവർത്ത​ന​പു​സ്‌തകം 8:3) കുടും​ബ​ത്തി​ലെ സാഹച​ര്യ​ങ്ങൾക്ക്‌ അനുസൃ​ത​മാ​യി, ചില കുടും​ബങ്ങൾ പ്രതി​വാര അധ്യയനം ക്രമീ​ക​രി​ച്ചേ​ക്കാം. മറ്റു ചിലർക്കാ​ണെ​ങ്കിൽ എല്ലാ ദിവസ​വും ചെറിയ അധ്യയന സെഷനു​കൾ ഉണ്ടായി​രു​ന്നേ​ക്കാം. നിങ്ങൾ ഏതു ക്രമീ​ക​രണം തിര​ഞ്ഞെ​ടു​ത്താ​ലും, അവസരം ഒത്തുകി​ട്ടി​യാൽ പഠിക്കാം എന്ന മനോ​ഭാ​വം ഒരിക്ക​ലും കൈ​ക്കൊ​ള്ള​രുത്‌. അതിനാ​യി ‘സമയം വിലയ്‌ക്കു വാങ്ങുക.’ ആ സമയത്തി​നു നൽകുന്ന വില ഒരു ഉറപ്പുള്ള നിക്ഷേ​പ​മാണ്‌. നിങ്ങളു​ടെ കുടും​ബാം​ഗ​ങ്ങ​ളു​ടെ ജീവനാണ്‌ അപകട​ത്തി​ലാ​യി​രി​ക്കു​ന്നത്‌.—എഫെസ്യർ 5:15-17; ഫിലി​പ്പി​യർ 3:16, NW.

മനസ്സിൽ പിടി​ക്കേണ്ട ലക്ഷ്യങ്ങൾ

4, 5. (എ) മക്കളെ പഠിപ്പി​ക്കുന്ന കാര്യ​ത്തിൽ ഏതു പ്രധാന ലക്ഷ്യമാണ്‌ മോശെ മുഖാ​ന്തരം യഹോവ മാതാ​പി​താ​ക്ക​ളു​ടെ മുന്നിൽ വെച്ചത്‌? (ബി) ഇന്ന്‌ അതിൽ എന്ത്‌ ഉൾപ്പെ​ടു​ന്നു?

⁴ കുടുംബ അധ്യയനം നടത്തു​മ്പോൾ നിങ്ങളു​ടെ മനസ്സിൽ വ്യക്തമായ ലക്ഷ്യങ്ങൾ ഉണ്ടെങ്കിൽ അത്‌ ഏറ്റവും അധികം പ്രയോ​ജനം ചെയ്യും. അവയിൽ ഏതാനും ചിലതു പരിചി​ന്തി​ക്കുക.

⁵ ഓരോ അധ്യയ​ന​ത്തി​ലും യഹോ​വ​യാം ദൈവ​ത്തോ​ടുള്ള സ്‌നേഹം വളർത്തി​യെ​ടു​ക്കാൻ ശ്രമി​ക്കുക. വാഗ്‌ദത്ത ദേശത്തു പ്രവേ​ശി​ക്കു​ന്ന​തി​നു മുമ്പ്‌ ഇസ്രാ​യേ​ല്യർ മോവാബ്‌ സമഭൂ​മി​യിൽ സമ്മേളി​ച്ചി​രു​ന്ന​പ്പോൾ ഒരു പ്രത്യേക കൽപ്പന​യിൽ മോശെ അവരുടെ ശ്രദ്ധ കേന്ദ്രീ​ക​രി​ച്ചു. പിന്നീട്‌ യേശു​ക്രി​സ്‌തു അതിനെ “ന്യായ​പ്ര​മാ​ണ​ത്തി​ലെ ഏറ്റവും വലിയ കൽപ്പന” എന്നു വിളിച്ചു. അത്‌ എന്തായി​രു​ന്നു? “നിന്റെ ദൈവ​മായ യഹോ​വയെ നീ പൂർണ ഹൃദയ​ത്തോ​ടും പൂർണ മനസ്സോ​ടും പൂർണ ശക്തി​യോ​ടും കൂടെ സ്‌നേ​ഹി​ക്കേണം.” (മത്തായി 22:36, 37, NW; ആവർത്ത​ന​പു​സ്‌തകം 6:5) ആ കൽപ്പന സ്വന്തം ഹൃദയ​ങ്ങ​ളിൽ പതിപ്പി​ക്കാ​നും തങ്ങളുടെ മക്കളെ പഠിപ്പി​ക്കാ​നും മോശെ ഇസ്രാ​യേ​ല്യ​രെ ഉദ്‌ബോ​ധി​പ്പി​ച്ചു. അതിന്‌, അത്‌ ആവർത്തി​ച്ചു പറയു​ന്ന​തും യഹോ​വയെ സ്‌നേ​ഹി​ക്കു​ന്ന​തി​നുള്ള കാരണ​ങ്ങ​ളി​ലേക്കു ശ്രദ്ധ ക്ഷണിക്കു​ന്ന​തും അത്തരം സ്‌നേഹം പ്രകടി​പ്പി​ക്കു​ന്ന​തി​നെ തടസ്സ​പ്പെ​ടു​ത്തി​യേ​ക്കാ​വുന്ന മനോ​ഭാ​വ​ങ്ങ​ളെ​യും നടത്ത​യെ​യും കൈകാ​ര്യം ചെയ്യു​ന്ന​തും സ്വന്തം ജീവി​ത​ത്തിൽ യഹോ​വ​യോ​ടുള്ള സ്‌നേഹം പ്രകടി​പ്പി​ച്ചു കാണി​ക്കു​ന്ന​തും ആവശ്യ​മാ​യി​രു​ന്നു. നമ്മുടെ മക്കൾക്കും അത്തരം പ്രബോ​ധനം ആവശ്യ​മാ​ണോ? ഉവ്വ്‌! ‘ഹൃദയ​ങ്ങളെ പരി​ച്ഛേദന’ ചെയ്യാൻ അതായത്‌, ദൈവ​ത്തോ​ടുള്ള സ്‌നേ​ഹ​ത്തി​നു വിലങ്ങു​തടി ആയേക്കാ​വുന്ന എന്തും നീക്കം ചെയ്യാൻ അവർക്കും സഹായം ആവശ്യ​മാണ്‌. (ആവർത്ത​ന​പു​സ്‌തകം 10:12, 16; യിരെ​മ്യാ​വു 4:4) ലോകം വെച്ചു​നീ​ട്ടുന്ന കാര്യ​ങ്ങൾക്കും ലൗകിക പ്രവർത്ത​ന​ങ്ങ​ളിൽ ആഴമായി ഉൾപ്പെ​ടാ​നുള്ള അവസര​ങ്ങൾക്കും വേണ്ടി​യുള്ള ആഗ്രഹം ആ വിലങ്ങു​ത​ടി​ക​ളിൽ പെട്ടേ​ക്കാം. (1 യോഹ​ന്നാൻ 2:15, 16) യഹോ​വ​യോ​ടുള്ള സ്‌നേഹം, സജീവ​വും പ്രകട​വും നമ്മുടെ സ്വർഗീയ പിതാ​വി​നു പ്രസാ​ദ​ക​ര​മായ കാര്യങ്ങൾ ചെയ്യാൻ നമ്മെ പ്രേരി​പ്പി​ക്കു​ന്ന​തും ആയിരി​ക്കണം. (1 യോഹ​ന്നാൻ 5:3) നിങ്ങളു​ടെ കുടുംബ അധ്യയ​ന​ത്തി​നു ദീർഘ​കാല പ്രയോ​ജ​നങ്ങൾ ഉണ്ടായി​രി​ക്ക​ണ​മെ​ങ്കിൽ, ഓരോ അധ്യയ​ന​വും ഈ സ്‌നേ​ഹത്തെ ബലിഷ്‌ഠ​മാ​ക്കുന്ന വിധത്തിൽ നടത്തേ​ണ്ട​തുണ്ട്‌.

6. (എ) സൂക്ഷ്‌മ പരിജ്ഞാ​നം പ്രദാനം ചെയ്യു​ന്ന​തിന്‌ എന്താണ്‌ ആവശ്യ​മാ​യി​രി​ക്കു​ന്നത്‌? (ബി) തിരു​വെ​ഴു​ത്തു​കൾ സൂക്ഷ്‌മ പരിജ്ഞാ​ന​ത്തി​ന്റെ പ്രാധാ​ന്യ​ത്തിന്‌ ഊന്നൽ നൽകു​ന്നത്‌ എങ്ങനെ?

⁶ ദൈവ​ത്തി​ന്റെ വ്യവസ്ഥകൾ സംബന്ധിച്ച്‌ സൂക്ഷ്‌മ പരിജ്ഞാ​നം പ്രദാനം ചെയ്യുക. അതിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌? ഒരു മാസി​ക​യിൽനി​ന്നോ പുസ്‌ത​ക​ത്തിൽനി​ന്നോ ഒരു ഉത്തരം വായി​ക്കു​ന്ന​തി​ലു​മ​ധി​കം അതിൽ ഉൾപ്പെ​ടു​ന്നു. പ്രധാന വാക്കു​ക​ളും മുഖ്യ ആശയങ്ങ​ളും വ്യക്തമാ​യി ഗ്രഹി​ച്ചി​രി​ക്കു​ന്നു എന്ന്‌ ഉറപ്പു വരുത്തു​ന്ന​തിന്‌, ചർച്ചയാണ്‌ സാധാ​ര​ണ​ഗ​തി​യിൽ ആവശ്യം. പുതിയ വ്യക്തി​ത്വം ധരിക്കാ​നും ജീവിത പ്രശ്‌നങ്ങൾ കൈകാ​ര്യം ചെയ്യു​മ്പോൾ തികച്ചും പ്രാധാ​ന്യ​മർഹി​ക്കുന്ന കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കാ​നും അങ്ങനെ ദൈവത്തെ യഥാർഥ​ത്തിൽ പ്രസാ​ദി​പ്പി​ക്കുന്ന കാര്യങ്ങൾ ചെയ്യാ​നും സൂക്ഷ്‌മ പരിജ്ഞാ​നം അത്യന്താ​പേ​ക്ഷി​ത​മാണ്‌.—ഫിലി​പ്പി​യർ 1:9-11, NW; കൊ​ലൊ​സ്സ്യർ 1:9, 10; 3:10.

7. (എ) പഠിക്കുന്ന വിഷയങ്ങൾ ബാധക​മാ​ക്കാൻ ഏതു ചോദ്യ​ങ്ങൾ ഒരു കുടും​ബത്തെ സഹായി​ച്ചേ​ക്കാം? (ബി) അത്തര​മൊ​രു ലക്ഷ്യം ഉണ്ടായി​രി​ക്കു​ന്ന​തി​ന്റെ മൂല്യം തിരു​വെ​ഴു​ത്തു​കൾ ഊന്നി​പ്പ​റ​യു​ന്നത്‌ എങ്ങനെ?

⁷ പഠിച്ചതു ബാധക​മാ​ക്കാൻ സഹായി​ക്കുക. ഈ ലക്ഷ്യം മനസ്സിൽ പിടി​ച്ചു​കൊണ്ട്‌ ഓരോ കുടുംബ അധ്യയ​ന​ത്തി​ലും ഇപ്രകാ​രം ചോദി​ക്കാ​വു​ന്ന​താണ്‌: ‘ഈ വിഷയം നമ്മുടെ ജീവി​തത്തെ എങ്ങനെ ബാധി​ക്കണം? അതനു​സ​രിച്ച്‌ നാം ഇപ്പോൾ ചെയ്‌തു​കൊ​ണ്ടി​രി​ക്കു​ന്ന​തിൽ എന്തെങ്കി​ലും മാറ്റം ആവശ്യ​മാ​ണോ? പൊരു​ത്ത​പ്പെ​ടു​ത്ത​ലു​കൾ വരുത്താൻ നാം ആഗ്രഹി​ക്കേ​ണ്ടത്‌ എന്തു​കൊണ്ട്‌?’ (സദൃശ​വാ​ക്യ​ങ്ങൾ 2:10-15; 9:10; യെശയ്യാ​വു 48:17, 18) പഠിച്ച കാര്യങ്ങൾ ബാധക​മാ​ക്കു​ന്ന​തിന്‌ വേണ്ടത്ര ശ്രദ്ധ കൊടു​ക്കു​ന്നത്‌ കുടും​ബാം​ഗ​ങ്ങ​ളു​ടെ ആത്മീയ വളർച്ച​യി​ലെ ഒരു സുപ്ര​ധാന ഘടകമാണ്‌.

പഠനോ​പ​ക​ര​ണങ്ങൾ ജ്ഞാനപൂർവം ഉപയോ​ഗി​ക്കു​ക

8. ബൈബിൾ പഠനത്തി​നാ​യി അടിമ വർഗം പ്രദാനം ചെയ്‌തി​രി​ക്കുന്ന ഉപകര​ണങ്ങൾ ഏവ?

⁸ പഠനത്തിന്‌ ഉപയോ​ഗി​ക്കാൻ കഴിയുന്ന ധാരാളം ഉപകര​ണങ്ങൾ “വിശ്വ​സ്‌ത​നും വിവേ​കി​യു​മായ അടിമ” പ്രദാനം ചെയ്‌തി​ട്ടുണ്ട്‌. ബൈബി​ളി​നോ​ടൊ​പ്പം ഉപയോ​ഗി​ക്കാ​നുള്ള വീക്ഷാ​ഗോ​പു​രം മാസിക 131 ഭാഷക​ളിൽ ലഭ്യമാണ്‌. ബൈബിൾ പഠനത്തി​നുള്ള പുസ്‌ത​കങ്ങൾ 153 ഭാഷക​ളി​ലും ലഘുപ​ത്രി​കകൾ 284 ഭാഷക​ളി​ലും വീഡി​യോ കാസെ​റ്റു​കൾ 41 ഭാഷക​ളി​ലും ബൈബിൾ ഗവേഷ​ണ​ത്തി​നുള്ള കമ്പ്യൂട്ടർ പ്രോ​ഗ്രാം 9 ഭാഷക​ളി​ലും ലഭ്യമാണ്‌!—മത്തായി 24:45-47, NW.

9. കുടുംബ വീക്ഷാ​ഗോ​പുര അധ്യയനം നടത്തു​മ്പോൾ, ഈ ഖണ്ഡിക​യിൽ പരാമർശി​ച്ചി​രി​ക്കുന്ന തിരു​വെ​ഴു​ത്തു​ക​ളി​ലെ ബുദ്ധി​യു​പ​ദേശം നാം എങ്ങനെ ബാധക​മാ​ക്കും?

⁹ അനേകം കുടും​ബങ്ങൾ സഭയിലെ വീക്ഷാ​ഗോ​പുര അധ്യയ​ന​ത്തി​നു വേണ്ടി തയ്യാറാ​കാൻ കുടുംബ അധ്യയന വേള വിനി​യോ​ഗി​ക്കു​ന്നു. അത്‌ എത്ര സഹായ​ക​മാണ്‌! ലോക​വ്യാ​പ​ക​മാ​യി യഹോ​വ​യു​ടെ ജനത്തെ കെട്ടു​പണി ചെയ്യാ​നുള്ള മുഖ്യ ആത്മീയ ഭക്ഷണം അടങ്ങി​യി​രി​ക്കു​ന്നത്‌ വീക്ഷാ​ഗോ​പു​ര​ത്തി​ലാണ്‌. ഒരു കുടും​ബം എന്ന നിലയിൽ നിങ്ങൾ വീക്ഷാ​ഗോ​പു​രം പഠിക്കു​മ്പോൾ, ഖണ്ഡികകൾ വായിച്ച്‌ അച്ചടി​ച്ചി​രി​ക്കുന്ന ചോദ്യ​ങ്ങൾക്ക്‌ ഉത്തരം പറയു​ന്ന​തി​ലും അധികം ചെയ്യുക. കാര്യങ്ങൾ ഗ്രഹി​ക്കാൻ ഉത്സാഹ​പൂർവം ശ്രമി​ക്കുക. ഉദ്ധരി​ച്ചി​ട്ടി​ല്ലാ​ത്ത​തും എന്നാൽ പരാമർശി​ച്ചി​രി​ക്കു​ന്ന​തു​മായ തിരു​വെ​ഴു​ത്തു​കൾ എടുത്തു നോക്കാൻ സമയ​മെ​ടു​ക്കുക. പരിചി​ന്തി​ച്ചു​കൊ​ണ്ടി​രി​ക്കുന്ന ഖണ്ഡിക​യിൽ പ്രസ്‌താ​വി​ച്ചി​രി​ക്കുന്ന കാര്യ​ങ്ങ​ളു​മാ​യി അവ എങ്ങനെ ബന്ധപ്പെ​ട്ടി​രി​ക്കു​ന്നു എന്നതിനെ കുറിച്ച്‌ അഭി​പ്രാ​യം പറയാൻ കുടും​ബാം​ഗ​ങ്ങളെ ക്ഷണിക്കുക. അഭി​പ്രാ​യങ്ങൾ ഹൃദയ​ത്തിൽനിന്ന്‌ ഉള്ളതാ​കട്ടെ.—സദൃശ​വാ​ക്യ​ങ്ങൾ 4:7, 23; പ്രവൃ​ത്തി​കൾ 17:11.

10. കുട്ടി​കളെ അധ്യയ​ന​ത്തിൽ ഉൾപ്പെ​ടു​ത്താ​നും അത്‌ അവർക്ക്‌ ആസ്വാ​ദ്യ​മാ​ക്കാ​നും എന്തു ചെയ്യാൻ കഴിയും?

¹⁰ കുടും​ബ​ത്തിൽ കുട്ടികൾ ഉണ്ടെങ്കിൽ, അധ്യയ​നത്തെ വെറു​മൊ​രു കുടും​ബ​ചര്യ മാത്ര​മാ​യി കാണാതെ, അതിനെ പരിപു​ഷ്ടി​പ്പെ​ടു​ത്തു​ന്ന​തും രസകര​വും സന്തോ​ഷ​ക​ര​വു​മായ ഒരു അവസര​മാ​ക്കാൻ നിങ്ങൾക്ക്‌ എന്തു ചെയ്യാൻ സാധി​ക്കും. ഉചിത​മായ വിധത്തിൽ ഓരോ​രു​ത്ത​രെ​യും അധ്യയ​ന​ത്തിൽ ഉടനീളം ഉൾപ്പെ​ടു​ത്താൻ ശ്രമി​ക്കുക. അങ്ങനെ പഠനവി​ഷ​യ​ത്തിൽ ശ്രദ്ധ പിടി​ച്ചു​നിർത്താ​നാ​കും. സാധ്യ​മെ​ങ്കിൽ, ഓരോ കുട്ടി​ക്കും സ്വന്തമാ​യി ബൈബി​ളും പഠിക്കാ​നുള്ള മാസി​ക​യും ഉണ്ടായി​രി​ക്കാൻ ക്രമീ​ക​രണം ചെയ്യുക. യേശു പ്രകട​മാ​ക്കിയ ഊഷ്‌മളത അനുക​രി​ച്ചു​കൊണ്ട്‌, നിങ്ങളു​ടെ കൊച്ചു കുട്ടിയെ അടുത്തി​രു​ത്തി ഒരുപക്ഷേ കൈ​കൊ​ണ്ടു ചുറ്റി​പ്പി​ടി​ക്കാ​വു​ന്ന​താണ്‌. (മർക്കൊസ്‌ 10:13-16 താരത​മ്യം ചെയ്യുക.) പഠന ഭാഗത്തുള്ള ഒരു ചിത്രത്തെ കുറിച്ചു വിശദീ​ക​രി​ക്കാൻ കുടും​ബ​ത്ത​ല​വന്‌ ഒരു കുട്ടി​യോ​ടു പറയാ​വു​ന്ന​താണ്‌. മറ്റൊരു കുട്ടിക്ക്‌ ഒരു വാക്യം വായി​ക്കാൻ മുന്നമേ നിയമനം കൊടു​ക്കാ​വു​ന്ന​താണ്‌. പഠിക്കുന്ന വിഷയം ബാധക​മാ​ക്കാൻ കഴിയുന്ന മണ്ഡലങ്ങൾ ഏതൊ​ക്കെ​യെന്നു പറയാ​നുള്ള നിയമനം കുറെ​ക്കൂ​ടി മുതിർന്ന ഒരു കുട്ടിക്കു നൽകാ​വു​ന്ന​താണ്‌.

11. മറ്റ്‌ ഏതു പഠനോ​പ​ക​ര​ണങ്ങൾ പ്രദാനം ചെയ്യ​പ്പെ​ട്ടി​രി​ക്കു​ന്നു, അവ ലഭ്യമാ​യി​രി​ക്കു​ന്നി​ടത്ത്‌ കുടുംബ അധ്യയ​ന​ത്തിൽ അവ എങ്ങനെ ഫലപ്ര​ദ​മാ​യി ഉപയോ​ഗി​ക്കാ​നാ​കും?

¹¹ ചർച്ചയ്‌ക്കുള്ള ഒരു അടിസ്ഥാ​ന​മാ​യി നിങ്ങൾ വീക്ഷാ​ഗോ​പു​രം ഉപയോ​ഗി​ക്കു​ന്നു​ണ്ടാ​യി​രി​ക്കാം. എന്നാൽ, നിരവധി ഭാഷക​ളിൽ ലഭ്യമാ​യി​രി​ക്കുന്ന മറ്റു പഠനോ​പ​ക​ര​ണ​ങ്ങ​ളു​ടെ കാര്യം വിസ്‌മ​രി​ക്ക​രുത്‌. ഒരു ബൈബിൾ പ്രയോ​ഗ​ത്തി​ന്റെ പശ്ചാത്ത​ല​മോ വിശദീ​ക​ര​ണ​മോ ആവശ്യ​മാ​ണെ​ങ്കിൽ, തിരു​വെ​ഴു​ത്തു​കൾ സംബന്ധിച്ച ഉൾക്കാഴ്‌ച (ഇംഗ്ലീഷ്‌) പുസ്‌ത​ക​ത്തിൽ അതു കണ്ടേക്കാം. വാച്ച്‌ടവർ പ്രസി​ദ്ധീ​കരണ സൂചിക (ഇംഗ്ലീഷ്‌) പരി​ശോ​ധി​ക്കു​ക​യോ സൊ​സൈറ്റി പ്രദാനം ചെയ്‌തി​രി​ക്കുന്ന കമ്പ്യൂട്ടർ റിസേർച്ച്‌ പ്രോ​ഗ്രാം ഉപയോ​ഗി​ക്കു​ക​യോ ചെയ്യു​ന്ന​തി​ലൂ​ടെ മറ്റു ചോദ്യ​ങ്ങൾക്ക്‌ ഉത്തരം ലഭി​ച്ചേ​ക്കാം. ഈ ഉപകര​ണങ്ങൾ നിങ്ങളു​ടെ ഭാഷയിൽ ലഭ്യമാ​ണെ​ങ്കിൽ അവ ഉപയോ​ഗി​ക്കാൻ പഠിക്കു​ന്നത്‌ നിങ്ങളു​ടെ കുടുംബ അധ്യയ​ന​ത്തി​ലെ മൂല്യ​വ​ത്തായ ഒരു ഭാഗം ആയിരി​ക്കാ​വു​ന്ന​താണ്‌. കുട്ടി​ക​ളു​ടെ താത്‌പ​ര്യം ഉണർത്താ​നുള്ള ലക്ഷ്യ​ത്തോ​ടെ, സൊ​സൈ​റ്റി​യു​ടെ പ്രബോ​ധ​നാ​ത്മ​ക​മായ വീഡി​യോ​ക​ളിൽ ഒന്നിന്റെ കുറച്ചു ഭാഗം കണ്ട ശേഷമോ ഓഡി​യോ കാസെ​റ്റി​ലുള്ള നാടക​ത്തി​ന്റെ ഒരു ഭാഗം കേട്ട ശേഷമോ അതേക്കു​റി​ച്ചു ചർച്ച ചെയ്യാ​നാ​യി അധ്യയന സമയത്തി​ന്റെ ഒരു ഭാഗം മാറ്റി വെക്കാ​വു​ന്ന​താണ്‌. ഈ പഠനോ​പ​ക​ര​ണങ്ങൾ ഫലപ്ര​ദ​മാ​യി ഉപയോ​ഗി​ക്കു​ന്നത്‌ നിങ്ങളു​ടെ കുടുംബ അധ്യയനം മുഴു കുടും​ബ​ത്തി​നും രസകര​വും പ്രയോ​ജ​ന​പ്ര​ദ​വും ആക്കാൻ സഹായി​ക്കും.

കുടും​ബ​ത്തി​ന്റെ ആവശ്യ​ങ്ങ​ളു​മാ​യി പൊരു​ത്ത​പ്പെ​ടു​ത്തുക

12. കുടും​ബ​ത്തി​ലെ അടിയ​ന്തിര ആവശ്യങ്ങൾ കൈകാ​ര്യം ചെയ്യു​ന്ന​തിൽ കുടുംബ അധ്യയ​ന​ത്തിന്‌ ഒരു പങ്കു വഹിക്കാൻ കഴിയു​ന്നത്‌ എങ്ങനെ?

¹² നിങ്ങളു​ടെ കുടും​ബം ഓരോ വാര​ത്തേ​ക്കു​മുള്ള വീക്ഷാ​ഗോ​പുര ലേഖനം പഠിക്കു​ന്നു​ണ്ടാ​യി​രി​ക്കാം. എന്നാൽ, നിങ്ങളു​ടെ കുടും​ബ​ത്തി​ന്റെ പ്രശ്‌ന​ങ്ങ​ളും വൈകാ​രിക അവസ്ഥയും സംബന്ധി​ച്ചു ബോധ​മു​ള്ളവർ ആയിരി​ക്കുക. മാതാ​വിന്‌ ലൗകിക ജോലി ഇല്ലെങ്കിൽ ദിവസ​വും കുട്ടികൾ സ്‌കൂ​ളിൽനി​ന്നു മടങ്ങി​യെ​ത്തു​മ്പോൾ അവരോ​ടൊ​പ്പം സമയം ചെലവ​ഴി​ക്കാൻ കഴി​ഞ്ഞേ​ക്കും. ചില പ്രശ്‌നങ്ങൾ അപ്പോൾത്തന്നെ കൈകാ​ര്യം ചെയ്യാൻ കഴി​ഞ്ഞേ​ക്കും. എന്നാൽ മറ്റു ചിലവ​യ്‌ക്ക്‌ കൂടുതൽ ശ്രദ്ധ ആവശ്യ​മാ​യി​രി​ക്കാം. കുടും​ബ​ത്തി​ലെ അടിയ​ന്തിര ആവശ്യങ്ങൾ അവഗണി​ച്ചു കളയരുത്‌. (സദൃശ​വാ​ക്യ​ങ്ങൾ 27:12) സ്‌കൂ​ളി​ലെ പ്രശ്‌നങ്ങൾ മാത്രമല്ല മറ്റു സാഹച​ര്യ​ങ്ങ​ളും ഇതിൽ ഉൾപ്പെ​ടാം. ഉചിത​മായ വിഷയം തിര​ഞ്ഞെ​ടു​ക്കുക. എന്തായി​രി​ക്കും പഠിക്കു​ന്ന​തെന്നു കുടും​ബത്തെ മുന്നമേ അറിയി​ക്കുക.

13. പട്ടിണി​യെ മറിക​ട​ക്കു​ന്ന​തി​നെ കുറി​ച്ചുള്ള കുടുംബ ചർച്ച പ്രയോ​ജ​ന​പ്രദം ആയിരി​ക്കാ​വു​ന്നത്‌ എന്തു​കൊണ്ട്‌?

¹³ ദൃഷ്ടാ​ന്ത​ത്തിന്‌, അനേകം സ്ഥലങ്ങളിൽ ആളുകൾ പട്ടിണി​യി​ലാണ്‌. അതു​കൊണ്ട്‌ അതിനെ എങ്ങനെ നേരി​ടാ​മെന്നു ചർച്ച ചെയ്യു​ന്നത്‌ മിക്ക സ്ഥലങ്ങളി​ലും അത്യാ​വ​ശ്യ​മാ​യി​രി​ക്കാം. യഥാർഥ ജീവിത സാഹച​ര്യ​ങ്ങ​ളെ​യും ബൈബിൾ തത്ത്വങ്ങ​ളെ​യും കേന്ദ്രീ​ക​രി​ച്ചുള്ള ഒരു കുടുംബ അധ്യയനം നിങ്ങളു​ടെ കുടും​ബ​ത്തിന്‌ പ്രയോ​ജ​ന​പ്രദം ആയിരി​ക്കു​മോ?—സദൃശ​വാ​ക്യ​ങ്ങൾ 21:5; സഭാ​പ്ര​സം​ഗി 9:11; എബ്രായർ 13:5, 6, 18.

14. അക്രമം, യുദ്ധം, ക്രിസ്‌തീയ നിഷ്‌പക്ഷത എന്നിവ സംബന്ധിച്ച യഹോ​വ​യു​ടെ വീക്ഷണത്തെ കുറി​ച്ചുള്ള കുടുംബ ചർച്ച കാലോ​ചി​തം ആക്കി​യേ​ക്കാ​വുന്ന സാഹച​ര്യ​ങ്ങൾ ഏവ?

¹⁴ ചർച്ച ആവശ്യ​മുള്ള മറ്റൊരു വിഷയം അക്രമം ആണ്‌. നമ്മുടെ എല്ലാവ​രു​ടെ​യും മനസ്സി​ലും ഹൃദയ​ത്തി​ലും യഹോ​വ​യു​ടെ വീക്ഷണം ശക്തമായി പതിയണം. (ഉല്‌പത്തി 6:13; സങ്കീർത്തനം 11:5) ഈ വിഷയത്തെ കുറി​ച്ചുള്ള കുടുംബ അധ്യയനം, സ്‌കൂ​ളി​ലെ മുട്ടാ​ള​ത്ത​രത്തെ എങ്ങനെ നേരി​ടാം, ആയോധന കല അഭ്യസി​ക്കേ​ണ്ട​തു​ണ്ടോ, അനു​യോ​ജ്യ​മായ വിനോ​ദ​പ്ര​വർത്ത​നങ്ങൾ എങ്ങനെ തിര​ഞ്ഞെ​ടു​ക്കാം എന്നീ കാര്യങ്ങൾ ചർച്ച ചെയ്യാ​നുള്ള വേദി ആയിരി​ക്കാ​വു​ന്ന​താണ്‌. അക്രമാ​സക്ത സംഘട്ട​നങ്ങൾ ഇന്നു സർവസാ​ധാ​രണം ആയിരി​ക്കു​ന്നു. മിക്കവാ​റും എല്ലാ രാജ്യ​ങ്ങ​ളും ആഭ്യന്തര യുദ്ധത്താ​ലോ രാഷ്‌ട്രീ​യ​മോ വംശീ​യ​മോ ആയ കലാപ​ത്താ​ലോ തെരുവു യുദ്ധത്താ​ലോ കലുഷി​ത​മാണ്‌. ആയതി​നാൽ, പരസ്‌പരം പോര​ടി​ക്കുന്ന വിഭാ​ഗ​ങ്ങ​ളാൽ ചുറ്റ​പ്പെ​ട്ടി​രി​ക്കു​മ്പോൾ ക്രിസ്‌തീയ നടത്ത എങ്ങനെ നിലനിർത്താം എന്നതിനെ കുറിച്ച്‌ നിങ്ങളു​ടെ കുടും​ബ​ത്തിൽ ചർച്ച ചെയ്യേ​ണ്ടത്‌ ആവശ്യ​മാ​യി​രു​ന്നേ​ക്കാം.—യെശയ്യാ​വു 2:2-4; യോഹ​ന്നാൻ 17:16, NW.

15. കുട്ടി​കൾക്ക്‌ ലൈം​ഗി​ക​ത​യെ​യും വിവാ​ഹ​ത്തെ​യും കുറി​ച്ചുള്ള പ്രബോ​ധനം നൽകേ​ണ്ടത്‌ എങ്ങനെ?

¹⁵ കുട്ടികൾ വളരു​ന്നത്‌ അനുസ​രിച്ച്‌, ലൈം​ഗി​ക​ത​യെ​യും വിവാ​ഹ​ത്തെ​യും കുറിച്ച്‌ പ്രായ​ത്തിന്‌ അനു​യോ​ജ്യ​മായ പ്രബോ​ധനം അവർക്ക്‌ ആവശ്യ​മാണ്‌. ചില സമൂഹ​ങ്ങ​ളിൽ മിക്ക മാതാ​പി​താ​ക്ക​ളും കുട്ടി​ക​ളു​മാ​യി ഒരിക്ക​ലും ലൈം​ഗിക കാര്യങ്ങൾ ചർച്ച ചെയ്യാ​റില്ല. അപ്പോൾ, അറിവി​ല്ലാത്ത കുട്ടികൾ മറ്റു ചെറു​പ്പ​ക്കാ​രിൽ നിന്ന്‌ വികല​മായ വീക്ഷണങ്ങൾ ഉൾക്കൊ​ണ്ടേ​ക്കാം. അത്‌ തിക്ത ഫലങ്ങൾ ഉളവാ​ക്കു​ക​യും ചെയ്‌തേ​ക്കാം. ഇക്കാര്യം സംബന്ധിച്ച്‌ ബൈബി​ളി​ലൂ​ടെ വളച്ചു​കെ​ട്ടി​ല്ലാ​ത്ത​തും മാന്യ​വു​മായ ബുദ്ധി​യു​പ​ദേശം നൽകുന്ന യഹോ​വയെ അനുക​രി​ക്കു​ന്ന​തല്ലേ മെച്ചം? ആത്മാഭി​മാ​നം നിലനിർത്താ​നും വിപരീത ലിംഗ​വർഗ​ത്തിൽ പെട്ടവ​രോട്‌ മാന്യ​ത​യോ​ടെ ഇടപെ​ടാ​നും ദൈവിക ബുദ്ധി​യു​പ​ദേശം നമ്മുടെ കുട്ടി​കളെ സഹായി​ക്കും. (സദൃശ​വാ​ക്യ​ങ്ങൾ 5:18-20; കൊ​ലൊ​സ്സ്യർ 3:5; 1 തെസ്സ​ലൊ​നീ​ക്യർ 4:3-8) ഈ കാര്യം നിങ്ങൾ ഇപ്പോൾത്തന്നെ ചർച്ച ചെയ്‌തി​ട്ടു​ണ്ടെ​ങ്കി​ലും അതു വീണ്ടും ചർച്ച ചെയ്യാൻ മടിക്ക​രുത്‌. പുതിയ സാഹച​ര്യ​ങ്ങൾ ഉയർന്നു വരുന്ന​തി​നാൽ ആവർത്തനം മർമ​പ്ര​ധാ​ന​മാണ്‌.

16. (എ) അനേകം കുടും​ബ​ങ്ങ​ളി​ലും എപ്പോ​ഴാണ്‌ കുടുംബ അധ്യയനം നടത്തു​ന്നത്‌? (ബി) പതിവാ​യി കുടുംബ അധ്യയനം നടത്തു​ന്ന​തിന്‌ നിങ്ങൾ തടസ്സങ്ങളെ എങ്ങനെ നേരി​ട്ടി​രി​ക്കു​ന്നു?

¹⁶ കുടുംബ അധ്യയനം എപ്പോൾ നടത്താൻ കഴിയും? ലോക​മെ​മ്പാ​ടു​മുള്ള ബെഥേൽ കുടും​ബ​ങ്ങളെ അനുക​രി​ച്ചു​കൊണ്ട്‌ അനേകം കുടും​ബങ്ങൾ തങ്ങളുടെ കുടുംബ അധ്യയനം തിങ്കളാഴ്‌ച വൈകു​ന്നേരം നടത്തുന്നു. മറ്റുള്ള​വ​രാ​കട്ടെ വേറെ സമയം തിര​ഞ്ഞെ​ടു​ക്കു​ന്നു. 9 കുട്ടികൾ ഉൾപ്പെടെ 11 അംഗങ്ങ​ളുള്ള അർജന്റീ​ന​യി​ലെ ഒരു കുടും​ബം തങ്ങളുടെ കുടുംബ അധ്യയ​ന​ത്തിന്‌ എല്ലാ ദിവസ​വും രാവിലെ അഞ്ചു മണിക്ക്‌ ഉണരു​മാ​യി​രു​ന്നു. ഓരോ​രു​ത്ത​രു​ടെ​യും ജോലി​സ​മ​യ​വും മറ്റും വ്യത്യ​സ്‌ത​മാ​യി​രു​ന്ന​തി​നാൽ മറ്റൊരു സമയത്തും അതു നടത്താൻ സാധ്യ​മ​ല്ലാ​യി​രു​ന്നു. അത്‌ എളുപ്പ​മാ​യി​രു​ന്നില്ല. എന്നാൽ കുടുംബ അധ്യയ​ന​ത്തി​ന്റെ പ്രാധാ​ന്യം കുട്ടി​ക​ളു​ടെ മനസ്സി​ലും ഹൃദയ​ത്തി​ലും പതിയാൻ അത്‌ ഇടയാക്കി. മക്കൾ വളരുന്ന പ്രായ​ത്തിൽ, ഫിലി​പ്പീൻസി​ലെ ഒരു മൂപ്പൻ തന്റെ ഭാര്യ​യോ​ടും മൂന്നു കുട്ടി​ക​ളോ​ടും ഒപ്പം പതിവാ​യി കുടുംബ അധ്യയനം നടത്തി​യി​രു​ന്നു. മക്കൾക്ക്‌ സത്യം തങ്ങളുടെ സ്വന്തമാ​ക്കാൻ കഴി​യേ​ണ്ട​തിന്‌ ആ മാതാ​പി​താ​ക്കൾ വാരം​തോ​റും ഓരോ കുട്ടി​ക്കും പ്രത്യേ​കം പ്രത്യേ​കം ബൈബിൾ അധ്യയനം നടത്തി​യി​രു​ന്നു. ഐക്യ​നാ​ടു​ക​ളിൽ, ഭർത്താവ്‌ സാക്ഷി അല്ലാത്ത ഒരു സഹോ​ദരി എല്ലാ ദിവസ​വും രാവിലെ കുട്ടി​കളെ സ്‌കൂൾ ബസിൽ കയറ്റി വിടാൻ കൂടെ പോകു​ന്നു. ബസ്‌ കാത്തു​നിൽക്കെ അനു​യോ​ജ്യ​മായ ഒരു തിരു​വെ​ഴുത്ത്‌ വിഷയം വായിച്ച്‌ ചർച്ച ചെയ്‌തു​കൊണ്ട്‌ അവർ ഒരുമിച്ച്‌ ഏകദേശം പത്തു മിനിട്ട്‌ ചെലവി​ടു​ന്നു. എന്നിട്ട്‌ കുട്ടികൾ ബസിൽ കയറു​ന്ന​തി​നു മുമ്പ്‌ ആ മാതാവ്‌ ഹ്രസ്വ​മായ ഒരു പ്രാർഥന നടത്തുന്നു. കോം​ഗോ ഡെമോ​ക്രാ​റ്റിക്‌ റിപ്പബ്ലി​ക്കി​ലെ ഒരു സ്‌ത്രീ​യു​ടെ അവിശ്വാ​സി​യായ ഭർത്താവ്‌ കുടും​ബത്തെ ഉപേക്ഷി​ച്ചു പോയി. വിദ്യാ​ഭ്യാ​സം കുറവാ​യ​തി​നാൽ അധ്യയ​ന​ത്തിന്‌ അവർ വളരെ​യേറെ ശ്രമം ചെലു​ത്തേ​ണ്ട​തുണ്ട്‌. തന്റെ മാതാ​വും അനുജ​ന്മാ​രും ഉൾപ്പെ​ടുന്ന അധ്യയ​ന​ത്തി​നു നേതൃ​ത്വം നൽകാ​നാ​യി ഓരോ വാരവും വീടു സന്ദർശി​ച്ചു​കൊണ്ട്‌ അവരുടെ പ്രായ​പൂർത്തി​യായ മകൻ സഹായ​ത്തി​നെ​ത്തു​ന്നു. ഉത്സാഹ​പൂർവ​ക​മായ തയ്യാറാ​ക​ലി​ലൂ​ടെ ആ മാതാവ്‌ നല്ലൊരു മാതൃക വെക്കുന്നു. പതിവായ കുടുംബ അധ്യയ​ന​ത്തിന്‌ തടസ്സം സൃഷ്ടി​ക്കുന്ന എന്തെങ്കി​ലും സാഹച​ര്യം നിങ്ങളു​ടെ കുടും​ബ​ത്തിൽ ഉണ്ടോ? പിന്മാ​റ​രുത്‌. ബൈബിൾ അധ്യയനം പതിവാ​യി നടത്താ​നുള്ള നിങ്ങളു​ടെ ശ്രമത്തി​ന്മേൽ യഹോ​വ​യു​ടെ അനു​ഗ്രഹം ഉത്സാഹ​പൂർവം തേടുക.—മർക്കൊസ്‌ 11:23, 24.

സ്ഥിരോ​ത്സാ​ഹ​ത്തി​ന്റെ പ്രതി​ഫ​ല​ങ്ങൾ

17. (എ) പതിവായ കുടുംബ അധ്യയനം ഉണ്ടായി​രി​ക്കാൻ എന്താണ്‌ ആവശ്യം? (ബി) യഹോ​വ​യു​ടെ വഴിക​ളി​ലുള്ള പതിവായ കുടുംബ പ്രബോ​ധ​ന​ത്തി​ന്റെ മൂല്യത്തെ ഏത്‌ അനുഭവം ദൃഷ്ടാ​ന്തീ​ക​രി​ക്കു​ന്നു?

¹⁷ ആസൂ​ത്രണം ആവശ്യ​മാണ്‌. സ്ഥിരോ​ത്സാ​ഹ​വും വേണം. എന്നാൽ പതിവായ കുടുംബ അധ്യയ​ന​ത്തി​ലൂ​ടെ ലഭിക്കുന്ന പ്രയോ​ജ​നങ്ങൾ ശ്രമത്തി​നു തക്ക മൂല്യ​മു​ള്ള​താണ്‌. (സദൃശ​വാ​ക്യ​ങ്ങൾ 22:6; 3 യോഹ​ന്നാൻ 4) ജർമനി​യി​ലെ ഫ്രാൻസും ഹിൽഡ​യും 11 മക്കളെ വളർത്തി​ക്കൊ​ണ്ടു​വന്നു. പിൽക്കാ​ലത്ത്‌ അവരുടെ പുത്രി​യായ മാഗ്‌ദാ​ലേന ഇപ്രകാ​രം പറഞ്ഞു: “ഞങ്ങൾക്ക്‌ എന്തെങ്കി​ലും ആത്മീയ പ്രബോ​ധനം ലഭിക്കാത്ത ഒറ്റ ദിവസം പോലും ഉണ്ടായി​രു​ന്നില്ല എന്നതാണ്‌ ഇന്നു ഞാൻ ഏറ്റവും പ്രധാന സംഗതി​യാ​യി കരുതു​ന്നത്‌.” അഡോൾഫ്‌ ഹിറ്റ്‌ല​റി​ന്റെ ഭരണകാ​ലത്ത്‌ ദേശീയത രൂക്ഷമാ​യി​ത്തീർന്ന​പ്പോൾ, പരി​ശോ​ധ​നകൾ അടുത്തു​വ​രു​ന്ന​താ​യി മാഗ്‌ദാ​ലേ​ന​യു​ടെ പിതാവ്‌ മനസ്സി​ലാ​ക്കി. അവയെ നേരി​ടാൻ തന്റെ കുടും​ബത്തെ സജ്ജമാ​ക്കാ​നാ​യി അദ്ദേഹം ബൈബിൾ ഉപയോ​ഗി​ച്ചു. പിൽക്കാ​ലത്ത്‌, കുടും​ബ​ത്തി​ലെ ഇളയവർ ദുർഗുണ പരിഹാ​ര​പാ​ഠ​ശാ​ല​യിൽ ആക്കപ്പെട്ടു. മറ്റുള്ള​വരെ അറസ്റ്റ്‌ ചെയ്‌ത്‌ ജയിലി​ലും തടങ്കൽപ്പാ​ള​യ​ങ്ങ​ളി​ലും അടച്ചു. ചിലർ വധിക്ക​പ്പെട്ടു. എന്നിരു​ന്നാ​ലും അവർ എല്ലാവ​രും വിശ്വാ​സ​ത്തിൽ അചഞ്ചല​രാ​യി നില​കൊ​ണ്ടു—കടുത്ത പീഡന​ത്തി​ന്റെ ആ നാളു​ക​ളിൽ മാത്രമല്ല, അതിജീ​വി​ച്ച​വ​രു​ടെ കാര്യ​ത്തിൽ അതിനു ശേഷവും.

18. ഏകാകി​ക​ളായ മാതാ​പി​താ​ക്ക​ളു​ടെ ശ്രമങ്ങൾക്കു പ്രതി​ഫലം ലഭിച്ചി​രി​ക്കു​ന്നത്‌ എങ്ങനെ?

¹⁸ സമാന​മാ​യി, ഏകാകി​ക​ളോ അവിശ്വാ​സി​ക​ളായ ഇണകൾ ഉള്ളവരോ ആയ അനേകം മാതാ​പി​താ​ക്കൾ തങ്ങളുടെ മക്കൾക്കു പതിവായ ബൈബിൾ പ്രബോ​ധനം നൽകി​യി​ട്ടുണ്ട്‌. തന്റെ രണ്ടു കുട്ടി​ക​ളിൽ യഹോ​വ​യോ​ടുള്ള സ്‌നേഹം ഉൾനടാൻ ഇന്ത്യയി​ലെ ഒരു വിധവ യത്‌നി​ച്ചു. എന്നാൽ അവരുടെ മകൻ യഹോ​വ​യു​ടെ ജനത്തോ​ടൊ​ത്തുള്ള സഹവാസം നിർത്തി​യത്‌ അവരെ സംബന്ധി​ച്ചി​ട​ത്തോ​ളം ഹൃദയ​ഭേ​ദ​ക​മാ​യി​രു​ന്നു. തന്റെ മകനെ പരിശീ​ലി​പ്പി​ച്ച​തിൽ സംഭവി​ച്ചി​രി​ക്കാ​വുന്ന പിശകു​കൾ ക്ഷമി​ക്കേ​ണമേ എന്ന്‌ അവർ യഹോ​വ​യോ​ടു യാചിച്ചു. എന്നാൽ താൻ പഠിച്ച കാര്യങ്ങൾ മകൻ വാസ്‌ത​വ​ത്തിൽ മറന്നു പോയി​രു​ന്നില്ല. ഒരു പതിറ്റാ​ണ്ടി​ലേറെ കഴിഞ്ഞ​പ്പോൾ അദ്ദേഹം മടങ്ങി​വ​രു​ക​യും നല്ല ആത്മീയ പുരോ​ഗതി വരുത്തി ഒരു സഭാമൂ​പ്പൻ ആയിത്തീ​രു​ക​യും ചെയ്‌തു. ഇപ്പോൾ അദ്ദേഹ​വും ഭാര്യ​യും മുഴു​സമയ പയനിയർ ശുശ്രൂ​ഷ​ക​രാ​യി സേവി​ക്കു​ന്നു. കുടുംബ വൃത്തത്തി​നു​ള്ളിൽ പതിവായ ബൈബിൾ പ്രബോ​ധനം നൽകാ​നുള്ള യഹോ​വ​യു​ടെ​യും അവന്റെ സംഘട​ന​യു​ടെ​യും ബുദ്ധി​യു​പ​ദേ​ശ​ത്തി​നു ശ്രദ്ധ കൊടുത്ത ആ മാതാ​പി​താ​ക്ക​ളെ​ല്ലാം എത്ര കൃതജ്ഞ​ത​യു​ള്ള​വ​രാണ്‌! നിങ്ങൾ സ്വന്തം കുടും​ബ​ത്തിൽ ആ ബുദ്ധി​യു​പ​ദേശം ബാധക​മാ​ക്കു​ന്നു​ണ്ടോ?

നിങ്ങൾക്കു വിശദീ​ക​രി​ക്കാ​മോ?

□ പതിവായ കുടുംബ അധ്യയനം പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

□ ഓരോ കുടുംബ അധ്യയന വേളയി​ലും നമ്മുടെ ലക്ഷ്യങ്ങൾ എന്തായി​രി​ക്കണം?

□ പഠിപ്പി​ക്കാ​നുള്ള ഏത്‌ ഉപകര​ണങ്ങൾ നമുക്കു ലഭ്യമാണ്‌?

□ കുടും​ബ​ത്തി​ന്റെ ആശ്യങ്ങൾക്ക്‌ അനുസൃ​ത​മാ​യി അധ്യയനം എങ്ങനെ പൊരു​ത്ത​പ്പെ​ടു​ത്താൻ കഴിയും?

[15-ാം പേജിലെ ചിത്രം]

സുനിശ്ചിത ലക്ഷ്യങ്ങൾ ഉണ്ടായി​രി​ക്കു​ന്നത്‌ നിങ്ങളു​ടെ കുടുംബ അധ്യയ​നത്തെ മെച്ച​പ്പെ​ടു​ത്തും

കുടും​ബ​ങ്ങളേ, ദൈവ​ത്തി​ന്റെ സഭയുടെ ഭാഗമെന്ന നിലയിൽ അവനെ സ്‌തു​തി​പ്പിൻ

“സഭകളിൽ ഞാൻ യഹോ​വയെ വാഴ്‌ത്തും.”—സങ്കീർത്തനം 26:12.

1. വീട്ടിൽവെ​ച്ചുള്ള പഠനത്തി​നും പ്രാർഥ​ന​യ്‌ക്കും പുറമേ, മറ്റെന്തു കൂടി സത്യാ​രാ​ധ​ന​യു​ടെ ഒരു മുഖ്യ ഭാഗമാണ്‌?

യഹോ​വയെ ആരാധി​ക്കു​ന്ന​തിൽ വീട്ടിൽവെ​ച്ചുള്ള പ്രാർഥ​ന​യും ബൈബിൾ പഠനവും മാത്രമല്ല, ദൈവ​സ​ഭ​യു​ടെ ഭാഗമെന്ന നിലയി​ലുള്ള പ്രവർത്ത​ന​വും ഉൾപ്പെ​ടു​ന്നു. ജനങ്ങൾ ദൈവ​ത്തി​ന്റെ വഴിയിൽ നടക്കാൻ തക്കവണ്ണം അവന്റെ പ്രമാ​ണങ്ങൾ പഠിക്കു​ന്ന​തിന്‌ ‘പുരു​ഷ​ന്മാ​രെ​യും സ്‌ത്രീ​ക​ളെ​യും കുട്ടി​ക​ളെ​യും വിളി​ച്ചു​കൂ​ട്ടണം’ എന്നു പുരാതന ഇസ്രാ​യേ​ല്യ​രോ​ടു കൽപ്പി​ച്ചി​രു​ന്നു. (ആവർത്ത​ന​പു​സ്‌തകം 31:12, 13; യോശുവ 8:35) യഹോ​വ​യു​ടെ നാമത്തെ സ്‌തു​തി​ക്കു​ന്ന​തിൽ പങ്കുണ്ടാ​യി​രി​ക്കാൻ പ്രായ​മു​ള്ളവർ മാത്രമല്ല, ‘യുവാ​ക്ക​ളും യുവതി​ക​ളും’ പ്രോ​ത്സാ​ഹി​പ്പി​ക്ക​പ്പെ​ട്ടി​രി​ക്കു​ന്നു. (സങ്കീർത്തനം 148:12, 13) ക്രിസ്‌തീയ സഭയ്‌ക്കു​ള്ളി​ലും സമാന​മായ ക്രമീ​ക​ര​ണങ്ങൾ ബാധക​മാണ്‌. ഭൂമി​യി​ലെ​മ്പാ​ടു​മുള്ള രാജ്യ​ഹാ​ളു​ക​ളിൽ, സദസ്യ പങ്കുപ​റ്റ​ലോ​ടെ നടത്തുന്ന പരിപാ​ടി​ക​ളിൽ പുരു​ഷ​ന്മാ​രും സ്‌ത്രീ​ക​ളും കുട്ടി​ക​ളും സ്വത​ന്ത്ര​മാ​യി പങ്കെടു​ക്കു​ന്നു. അനേക​രും അതിൽ വലിയ സന്തോഷം കണ്ടെത്തു​ക​യും ചെയ്യുന്നു.—എബ്രായർ 10:23-25.

2. (എ) യോഗങ്ങൾ ആസ്വദി​ക്കാൻ കുട്ടി​കളെ സഹായി​ക്കു​ന്ന​തിൽ തയ്യാറാ​കൽ ഒരു മുഖ്യ ഘടകം ആയിരി​ക്കു​ന്നത്‌ എന്തു​കൊണ്ട്‌? (ബി) ആർ മാതൃക വെക്കു​ന്നതു പ്രധാ​ന​മാണ്‌?

² ആരോ​ഗ്യ​ക​ര​മായ സഭാ പ്രവർത്ത​ന​ങ്ങ​ളിൽ ഏർപ്പെ​ടാൻ കുട്ടി​കളെ സഹായി​ക്കു​ന്നത്‌ ഒരു വെല്ലു​വി​ളി ആയിരി​ക്കാം. മാതാ​പി​താ​ക്ക​ളോ​ടൊ​പ്പം യോഗ​ങ്ങ​ളിൽ പങ്കെടു​ക്കുന്ന ചില കുട്ടി​കൾക്ക്‌ അവ ആസ്വദി​ക്കാൻ കഴിയു​ന്നി​ല്ലെ​ങ്കിൽ, എന്തായി​രി​ക്കാം അവരുടെ പ്രശ്‌നം? മിക്ക കുട്ടി​കൾക്കും അധിക നേരം ശ്രദ്ധി​ച്ചി​രി​ക്കാൻ കഴിയില്ല, അവർക്കു പെട്ടെന്നു മുഷിപ്പു തോന്നു​ന്നു. യോഗ​ങ്ങൾക്കുള്ള തയ്യാറാ​കൽ അതു പരിഹ​രി​ക്കാൻ സഹായ​ക​മാണ്‌. തയ്യാറാ​കാ​ത്ത​പക്ഷം, യോഗ​ങ്ങ​ളിൽ അർഥവ​ത്താ​യി പങ്കുപ​റ്റാൻ കുട്ടി​കൾക്കു കഴിയാ​താ​കും. (സദൃശ​വാ​ക്യ​ങ്ങൾ 15:23) മാത്രമല്ല, സംതൃ​പ്‌തി കൈവ​രു​ത്തുന്ന ആത്മീയ പുരോ​ഗതി പ്രാപി​ക്കാ​നും അവർക്കു ബുദ്ധി​മു​ട്ടാ​യി​രി​ക്കും. (1 തിമൊ​ഥെ​യൊസ്‌ 4:12, 15) അപ്പോൾ എന്തു ചെയ്യാ​നാ​കും? ഒന്നാമ​താ​യി, തങ്ങൾതന്നെ യോഗ​ങ്ങൾക്കു തയ്യാറാ​കു​ന്നു​ണ്ടോ എന്നു മാതാ​പി​താ​ക്കൾക്കു സ്വയം ചോദി​ക്കാൻ കഴിയും. അവരുടെ മാതൃക ശക്തമായ സ്വാധീ​നം ചെലു​ത്തു​ന്നു. (ലൂക്കൊസ്‌ 6:40) കുടുംബ അധ്യയ​ന​ത്തി​നാ​യി ശ്രദ്ധാ​പൂർവം ആസൂ​ത്രണം ചെയ്യു​ന്ന​തും ഒരു മുഖ്യ ഘടകമാണ്‌.

ഹൃദയത്തെ കെട്ടു​പണി ചെയ്യൽ

3. കുടുംബ അധ്യയന വേളയിൽ ഹൃദയ​ങ്ങളെ കെട്ടു​പണി ചെയ്യാൻ പ്രത്യേക ശ്രമം നടത്തേ​ണ്ടത്‌ എന്തു​കൊണ്ട്‌, അതിന്‌ ആവശ്യ​മാ​യി​രി​ക്കു​ന്നത്‌ എന്താണ്‌?

³ കേവലം ശിരോ​ജ്ഞാ​നം നേടുക എന്നതാ​യി​രി​ക്ക​രുത്‌ കുടുംബ അധ്യയ​ന​ത്തി​ന്റെ ഉദ്ദേശ്യം, അതു ഹൃദയ​ങ്ങളെ കെട്ടു​പണി ചെയ്യാ​നുള്ള ഒരു അവസരം കൂടി ആയിരി​ക്കണം. അതിനു കുടും​ബാം​ഗ​ങ്ങ​ളു​ടെ പ്രശ്‌നങ്ങൾ സംബന്ധിച്ച അവബോ​ധ​വും ഓരോ​രു​ത്ത​രോ​ടു​മുള്ള സ്‌നേ​ഹ​പൂർവ​ക​മായ പരിഗ​ണ​ന​യും ആവശ്യ​മാണ്‌. യഹോവ ‘ഹൃദയ​ത്തെ​യാ​ണു ശോധന ചെയ്യു​ന്നത്‌.’—1 ദിനവൃ​ത്താ​ന്തം 29:17.

4. (എ) സദൃശ​വാ​ക്യ​ങ്ങൾ 9:4-ലെ ‘ബുദ്ധി​ഹീ​നൻ’ എന്ന പ്രയോ​ഗ​ത്തി​ന്റെ അർഥ​മെന്ത്‌? (ബി) ‘ബുദ്ധി സമ്പാദി​ക്കു​ന്ന​തിൽ’ എന്ത്‌ ഉൾപ്പെ​ട്ടി​രി​ക്കു​ന്നു?

⁴ യഹോവ നമ്മുടെ കുട്ടി​ക​ളു​ടെ ഹൃദയ​ങ്ങളെ പരി​ശോ​ധി​ക്കു​മ്പോൾ അവൻ എന്താണു കണ്ടെത്തു​ന്നത്‌? തങ്ങൾ ദൈവത്തെ സ്‌നേ​ഹി​ക്കു​ന്നു എന്ന്‌ അവരിൽ മിക്കവ​രും പറയും. അതു ശ്ലാഘനീ​യ​വു​മാണ്‌. ഒരു കുട്ടി​ക്കോ യഹോ​വയെ കുറിച്ചു പുതു​താ​യി പഠിച്ചു​കൊ​ണ്ടി​രി​ക്കുന്ന ഒരാൾക്കോ അവന്റെ മാർഗങ്ങൾ സംബന്ധി​ച്ചു പരിമി​ത​മായ അറിവേ കാണു​ക​യു​ള്ളൂ. അനുഭ​വ​ജ്ഞാ​നം ഇല്ലാത്ത​തി​നാൽ അയാൾ, ബൈബിൾ പറയു​ന്ന​തു​പോ​ലെ, ‘ബുദ്ധി​ഹീ​നൻ’ ആയിരി​ക്കാം. അയാളു​ടെ എല്ലാ ആന്തരങ്ങ​ളും തെറ്റാ​യി​രി​ക്ക​ണ​മെ​ന്നില്ല. ദൈവ​ത്തിന്‌ ഏറ്റവും പ്രസാ​ദ​ക​ര​മായ ഒരു അവസ്ഥയി​ലേക്ക്‌ ഹൃദയത്തെ കൊണ്ടു​വ​രാൻ കുറെ സമയം ആവശ്യ​മാണ്‌. ചിന്തക​ളെ​യും അഭിലാ​ഷ​ങ്ങ​ളെ​യും ആഗ്രഹ​ങ്ങ​ളെ​യും വികാ​ര​ങ്ങ​ളെ​യും ജീവി​ത​ല​ക്ഷ്യ​ങ്ങ​ളെ​യും അപൂർണ മനുഷ്യർക്കു സാധ്യ​മാ​കുന്ന അളവോ​ളം ദൈവ​ഹി​ത​ത്തി​നു ചേർച്ച​യിൽ കൊണ്ടു​വ​രു​ന്നത്‌ അതിൽ ഉൾപ്പെ​ടു​ന്നു. അങ്ങനെ ഒരാൾ ദൈവിക വിധത്തിൽ ആന്തരിക വ്യക്തി​ത്വ​ത്തി​നു മാറ്റം വരുത്തു​മ്പോൾ, അയാൾ ‘ബുദ്ധി സമ്പാദി​ക്കു’കയാണ്‌.—സദൃശ​വാ​ക്യ​ങ്ങൾ 9:4; 19:8.

5, 6. ‘ബുദ്ധി സമ്പാദി​ക്കാൻ’ മാതാ​പി​താ​ക്കൾക്കു കുട്ടി​കളെ എങ്ങനെ സഹായി​ക്കാ​നാ​കും?

⁵ ‘ബുദ്ധി സമ്പാദി​ക്കാൻ’ മാതാ​പി​താ​ക്കൾക്കു തങ്ങളുടെ കുട്ടി​കളെ സഹായി​ക്കാ​നാ​കു​മോ? മറ്റൊ​രാ​ളിൽ നല്ലൊരു ഹൃദയ​നില നിവേ​ശി​പ്പി​ക്കാൻ യാതൊ​രു മനുഷ്യ​നും സാധ്യമല്ല. ഓരോ വ്യക്തി​ക്കും സ്വതന്ത്ര ഇച്ഛാശക്തി ലഭിച്ചി​രി​ക്കു​ന്ന​തി​നാൽ, അത്‌ ഏറെയും എന്തിനെ കുറിച്ചു ചിന്തി​ക്കാൻ നാം സ്വയം അനുവ​ദി​ക്കു​ന്നു എന്നതിനെ ആശ്രയി​ച്ചി​രി​ക്കു​ന്നു. എന്നിരു​ന്നാ​ലും, വിവേ​ക​മു​ള്ളവർ ആയിരി​ക്കു​ന്ന​തി​നാൽ മാതാ​പി​താ​ക്കൾക്കു കുട്ടി​ക​ളു​ടെ ആന്തരം മനസ്സി​ലാ​ക്കാ​നും അവരുടെ ഹൃദയ​ത്തിൽ എന്താ​ണെന്നു തിരി​ച്ച​റി​യാ​നും എവി​ടെ​യാണ്‌ സഹായം ആവശ്യ​മാ​യി​രി​ക്കു​ന്നത്‌ എന്നു നിശ്ചയി​ക്കാ​നും കഴിയും. ‘ഇതിനെ കുറിച്ച്‌ നിനക്ക്‌ എന്തു തോന്നു​ന്നു?’ ‘ഇക്കാര്യ​ത്തിൽ നീ വാസ്‌ത​വ​ത്തിൽ എന്താണു ചെയ്യാൻ ആഗ്രഹി​ക്കു​ന്നത്‌?’ എന്നിങ്ങ​നെ​യുള്ള ചോദ്യ​ങ്ങൾ ഉപയോ​ഗി​ക്കുക. എന്നിട്ട്‌ ക്ഷമാപൂർവം ശ്രദ്ധിച്ചു കേൾക്കുക. അമിത​മാ​യി പ്രതി​ക​രി​ക്കാ​തി​രി​ക്കുക. (സദൃശ​വാ​ക്യ​ങ്ങൾ 20:5) കുട്ടി​ക​ളു​ടെ ഹൃദയ​ത്തിൽ എത്തി​ച്ചേ​രാൻ നിങ്ങൾ ആഗ്രഹി​ക്കു​ന്നെ​ങ്കിൽ, ദയയും അനുക​മ്പ​യും സ്‌നേ​ഹ​വും ഉള്ള ഒരു അന്തരീക്ഷം പ്രധാ​ന​മാണ്‌.

⁶ ആരോ​ഗ്യാ​വ​ഹ​മായ പ്രവണ​തകൾ ഊട്ടി​യു​റ​പ്പി​ക്കു​ന്ന​തിന്‌ ആത്മാവി​ന്റെ ഫലത്തെ കുറിച്ച്‌—അതിന്റെ ഓരോ വശത്തെ കുറി​ച്ചും—കൂടെ​ക്കൂ​ടെ ചർച്ച ചെയ്യുക. തുടർന്ന്‌ കുടും​ബം ഒത്തൊ​രു​മിച്ച്‌ അതു നട്ടുവ​ളർത്താൻ ശ്രമി​ക്കുക. (ഗലാത്യർ 5:22, 23) യഹോ​വ​യോ​ടും യേശു​ക്രി​സ്‌തു​വി​നോ​ടും സ്‌നേഹം നട്ടുവ​ളർത്തുക. എന്നാൽ അതിനു നാം, അവരെ സ്‌നേ​ഹി​ക്കണം എന്നു പറഞ്ഞാൽ മാത്രം പോരാ, പകരം അവരെ സ്‌നേ​ഹി​ക്കേ​ണ്ട​തി​ന്റെ കാരണ​ങ്ങ​ളും ആ സ്‌നേഹം നമുക്ക്‌ എങ്ങനെ പ്രകടി​പ്പി​ക്കാൻ കഴിയും എന്നതും ചർച്ച ചെയ്യേ​ണ്ട​തുണ്ട്‌. (2 കൊരി​ന്ത്യർ 5:14, 15) ശരിയാ​യതു ചെയ്യു​ന്ന​തി​ന്റെ പ്രയോ​ജ​ന​ങ്ങളെ കുറിച്ചു ന്യായ​വാ​ദം ചെയ്‌തു​കൊണ്ട്‌ അതു ചെയ്യാ​നുള്ള ആഗ്രഹം ശക്തി​പ്പെ​ടു​ത്തുക. തെറ്റായ ചിന്തയു​ടെ​യും സംസാ​ര​ത്തി​ന്റെ​യും നടത്തയു​ടെ​യും മോശ​മായ ഫലങ്ങളെ കുറിച്ചു ചർച്ച ചെയ്‌തു​കൊണ്ട്‌ അവ വർജി​ക്കാ​നുള്ള ആഗ്രഹം വളർത്തി​യെ​ടു​ക്കുക. (ആമോസ്‌ 5:15; 3 യോഹ​ന്നാൻ 11) ചിന്തയും സംസാ​ര​വും നടത്തയും യഹോ​വ​യു​മാ​യുള്ള ഒരുവന്റെ ബന്ധത്തെ—ഒന്നുകിൽ നല്ല രീതി​യിൽ അല്ലെങ്കിൽ മോശ​മായ രീതി​യിൽ—ബാധി​ച്ചേ​ക്കാ​വു​ന്നത്‌ എങ്ങനെ​യെന്നു വ്യക്തമാ​ക്കുക.

7. പ്രശ്‌നങ്ങൾ പരിഹ​രി​ക്കാ​നും യഹോ​വ​യോട്‌ ഒരു അടുത്ത ബന്ധം ഉണ്ടായി​രി​ക്ക​ത്ത​ക്ക​വണ്ണം തീരു​മാ​നങ്ങൾ എടുക്കാ​നും കുട്ടി​കളെ സഹായി​ക്കാ​നാ​യി എന്തു ചെയ്യാ​നാ​കും?

⁷ ഒരു കുട്ടിക്ക്‌ എന്തെങ്കി​ലും പ്രശ്‌നം ഉണ്ടായി​രി​ക്കു​ക​യോ ഒരു പ്രധാന തീരു​മാ​നം എടു​ക്കേ​ണ്ട​താ​യി വരുക​യോ ചെയ്യു​മ്പോൾ നമുക്ക്‌ അവരോട്‌ ഇങ്ങനെ ചോദി​ക്കാ​നാ​കും: ‘യഹോവ ഇക്കാര്യ​ത്തെ എങ്ങനെ വീക്ഷി​ക്കു​ന്നു എന്നാണു നീ കരുതു​ന്നത്‌? യഹോ​വയെ കുറി​ച്ചുള്ള എന്ത്‌ അറിവാണ്‌ അങ്ങനെ പറയാൻ നിന്നെ പ്രേരി​പ്പി​ക്കു​ന്നത്‌? നീ ഇക്കാര്യം പ്രാർഥ​ന​യിൽ ഉൾപ്പെ​ടു​ത്തി​യോ?’ ദൈവ​ഹി​തം എന്താ​ണെന്ന്‌ ഉറപ്പു വരുത്താ​നും അതനു​സ​രി​ച്ചു പ്രവർത്തി​ക്കാ​നും ആത്മാർഥ ശ്രമം നടത്തുന്ന ഒരു ജീവി​ത​രീ​തി വളർത്തി​യെ​ടു​ക്കാൻ നിങ്ങളു​ടെ കുട്ടി​കളെ സഹായി​ക്കുക. അതു കഴിവ​തും നേരത്തെ തുടങ്ങു​ന്ന​താണ്‌ ഉത്തമം. യഹോ​വ​യു​മാ​യി വ്യക്തി​ഗ​ത​മായ ഒരു അടുത്ത ബന്ധം ഉണ്ടായി​രി​ക്കു​മ്പോൾ അവന്റെ പാതക​ളിൽ നടക്കു​ന്ന​തിൽ അവർ ആനന്ദം കണ്ടെത്തും. (സങ്കീർത്തനം 119:34, 35) സത്യ​ദൈ​വ​ത്തി​ന്റെ സഭയോ​ടൊ​ത്തു സഹവസി​ക്കു​ക​യെന്ന പദവി​യോ​ടുള്ള വിലമ​തിപ്പ്‌ ഇത്‌ അവരിൽ അങ്കുരി​പ്പി​ക്കും.

സഭാ​യോ​ഗ​ങ്ങൾക്കാ​യുള്ള തയ്യാറാ​കൽ

8. (എ) ശ്രദ്ധ ആവശ്യ​മുള്ള എല്ലാ കാര്യ​ങ്ങ​ളും കുടുംബ അധ്യയ​ന​ത്തിൽ ഉൾപ്പെ​ടു​ത്താൻ എന്തു സഹായി​ച്ചേ​ക്കാം? (ബി) ഈ അധ്യയന ക്രമീ​ക​രണം എത്ര പ്രധാ​ന​മാണ്‌?

⁸ കുടുംബ അധ്യയന സമയത്ത്‌ ശ്രദ്ധ കൊടു​ക്കേ​ണ്ട​താ​യി​ട്ടുള്ള അനേകം സംഗതി​ക​ളുണ്ട്‌. അവയെ​ല്ലാം നിങ്ങൾക്ക്‌ എങ്ങനെ അധ്യയ​ന​ത്തിൽ ഉൾപ്പെ​ടു​ത്താൻ കഴിയും? എല്ലാ കാര്യ​ങ്ങ​ളും ഒരേ സമയത്തു ചെയ്യുക അസാധ്യ​മാണ്‌. എങ്കിലും, ചെയ്യേണ്ട കാര്യ​ങ്ങ​ളു​ടെ ഒരു പട്ടിക ഉണ്ടാക്കു​ന്നത്‌ സഹായ​ക​മാ​ണെന്നു നിങ്ങൾ കണ്ടെത്തും. (സദൃശ​വാ​ക്യ​ങ്ങൾ 21:5) ഇടയ്‌ക്കി​ടെ അവ അവലോ​കനം ചെയ്‌ത്‌ പ്രത്യേക ശ്രദ്ധ ആവശ്യ​മാ​യി​രി​ക്കു​ന്നത്‌ എന്തിനാ​ണെന്നു തിട്ട​പ്പെ​ടു​ത്തുക. ഓരോ കുടും​ബാം​ഗ​ത്തി​ന്റെ​യും പുരോ​ഗ​തി​യിൽ ആഴമായ താത്‌പ​ര്യം എടുക്കുക. ഈ കുടുംബ അധ്യയന ക്രമീ​ക​രണം ക്രിസ്‌തീയ വിദ്യാ​ഭ്യാ​സ​ത്തി​ന്റെ ഒരു മുഖ്യ ഭാഗമാണ്‌. അത്‌ ഇപ്പോ​ഴത്തെ ജീവനു വേണ്ടി​യും വരാനി​രി​ക്കുന്ന നിത്യ​ജീ​വനു വേണ്ടി​യും നമ്മെ ഒരുക്കു​ന്നു.—1 തിമൊ​ഥെ​യൊസ്‌ 4:8.

9. കുടുംബ അധ്യയന സമയത്ത്‌, യോഗ​ങ്ങൾക്കു തയ്യാറാ​കു​ന്നതു സംബന്ധിച്ച എന്തെല്ലാം ലക്ഷ്യങ്ങ​ളിൽ ക്രമേണ പുരോ​ഗതി വരുത്താ​വു​ന്ന​താണ്‌?

⁹ നിങ്ങളു​ടെ കുടുംബ അധ്യയ​ന​ത്തിൽ സഭാ​യോ​ഗ​ങ്ങൾക്കുള്ള തയ്യാറാ​കൽ ഉൾപ്പെ​ടു​ന്നു​വോ? ഒത്തൊ​രു​മി​ച്ചുള്ള പഠനത്തിൽ പുരോ​ഗതി വരുത്താൻ നിങ്ങൾ ആഗ്രഹി​ച്ചേ​ക്കാ​വുന്ന ധാരാളം വശങ്ങൾ ഉണ്ടായി​രു​ന്നേ​ക്കാം. അവയിൽ ചിലത്‌ പ്രയോ​ഗ​ത്തിൽ കൊണ്ടു​വ​രാൻ വാരങ്ങ​ളോ മാസങ്ങ​ളോ വർഷങ്ങൾ പോലു​മോ വേണ്ടി​വ​ന്നേ​ക്കാം. (1) കുടും​ബ​ത്തി​ലെ ഓരോ അംഗവും സഭാ​യോ​ഗ​ങ്ങ​ളിൽ ഉത്തരം പറയാൻ തയ്യാറാ​കുക; (2) സ്വന്തം വാക്കു​ക​ളിൽ ഉത്തരം പറയുന്ന കാര്യ​ത്തിൽ ഓരോ​രു​ത്ത​രും പുരോ​ഗ​മി​ക്കുക; (3) ഉത്തരങ്ങൾ പറയു​മ്പോൾ തിരു​വെ​ഴു​ത്തു​കൾ ഉൾപ്പെ​ടു​ത്തുക; (4) പഠിക്കുന്ന കാര്യങ്ങൾ വ്യക്തി​പ​ര​മാ​യി എങ്ങനെ ബാധക​മാ​ക്കാം എന്ന ഉദ്ദേശ്യ​ത്തോ​ടെ വിശക​ലനം ചെയ്യുക തുടങ്ങിയ ലക്ഷ്യങ്ങൾ പരിചി​ന്തി​ക്കാ​വു​ന്ന​താണ്‌. ഇതെല്ലാം സത്യം സ്വന്തമാ​ക്കാൻ ഒരു വ്യക്തിയെ സഹായി​ക്കും.—സങ്കീർത്തനം 25:4, 5.

10. (എ) ഓരോ സഭാ​യോ​ഗ​ത്തി​നും എങ്ങനെ ശ്രദ്ധ നൽകാൻ കഴിയും? (ബി) അതു മൂല്യ​വ​ത്താ​യി​രി​ക്കു​ന്നത്‌ എന്തു​കൊണ്ട്‌?

¹⁰ സാധാ​ര​ണ​ഗ​തി​യിൽ നിങ്ങളു​ടെ കുടുംബ അധ്യയനം ആ വാര​ത്തേ​ക്കുള്ള വീക്ഷാ​ഗോ​പുര ലേഖനത്തെ അധിക​രി​ച്ചു​ള്ളത്‌ ആണെങ്കിൽ പോലും, സഭാ പുസ്‌തക അധ്യയനം, ദിവ്യാ​ധി​പത്യ ശുശ്രൂ​ഷാ സ്‌കൂൾ, സേവന യോഗം എന്നീ യോഗ​ങ്ങൾക്കു വ്യക്തി​പ​ര​മാ​യോ കുടും​ബ​മൊ​ന്നി​ച്ചോ തയ്യാറാ​കു​ന്ന​തി​ന്റെ പ്രാധാ​ന്യ​വും അവഗണി​ക്ക​രുത്‌. യഹോ​വ​യു​ടെ മാർഗ​ത്തിൽ നടക്കാൻ നമ്മെ പഠിപ്പി​ക്കുന്ന പ്രബോ​ധന പരിപാ​ടി​യു​ടെ പ്രധാന ഭാഗങ്ങ​ളാണ്‌ ഇവയും. ഇടയ്‌ക്കി​ടെ കുടും​ബം ഒത്തൊ​രു​മിച്ച്‌ യോഗ​ങ്ങൾക്കു തയ്യാറാ​കാൻ നിങ്ങൾക്കു കഴി​ഞ്ഞേ​ക്കും. ഒന്നിച്ചി​രു​ന്നു പഠിക്കു​മ്പോൾ നിങ്ങളു​ടെ പഠന​പ്രാ​പ്‌തി​കൾ മെച്ച​പ്പെ​ടും. തത്‌ഫ​ല​മാ​യി, യോഗ​ങ്ങ​ളിൽനി​ന്നു കൂടുതൽ പ്രയോ​ജ​നങ്ങൾ ലഭിക്കും. യോഗ​ങ്ങൾക്കു പതിവാ​യി തയ്യാറാ​കു​ന്ന​തി​ന്റെ പ്രയോ​ജ​ന​ങ്ങ​ളും അതിന്‌ ഒരു നിശ്ചിത സമയം മാറ്റി​വെ​ക്കു​ന്ന​തി​ന്റെ പ്രാധാ​ന്യ​വും ചർച്ച ചെയ്യുക.—എഫെസ്യർ 5:15-17.

11, 12. സഭയിൽ ഗീതങ്ങൾ ആലപി​ക്കു​ന്ന​തി​നുള്ള തയ്യാറാ​കൽ നമുക്കു പ്രയോ​ജനം ചെയ്യു​ന്നത്‌ എങ്ങനെ, അത്‌ എങ്ങനെ ചെയ്യാൻ സാധി​ക്കും?

¹¹ നമ്മുടെ യോഗ​ങ്ങ​ളി​ലെ മറ്റൊരു സംഗതി​ക്കാ​യി, അതായത്‌ ഗീതങ്ങൾ ആലപി​ക്കാ​നാ​യി തയ്യാറാ​കാൻ “ദൈവ​മാർഗ​ത്തി​ലുള്ള ജീവിതം” കൺ​വെൻ​ഷ​നി​ലൂ​ടെ നമുക്കു പ്രോ​ത്സാ​ഹനം ലഭിച്ചു. നിങ്ങൾ അതു ചെയ്‌തോ? അങ്ങനെ ചെയ്യു​ന്നത്‌ ബൈബിൾ സത്യങ്ങൾ നമ്മുടെ മനസ്സി​ലും ഹൃദയ​ത്തി​ലും പതിയാൻ ഇടയാ​ക്കു​ക​യും സഭാ​യോ​ഗങ്ങൾ കൂടു​ത​ലാ​യി ആസ്വദി​ക്കാൻ സഹായി​ക്കു​ക​യും ചെയ്യും.

¹² പട്ടിക​പ്പെ​ടു​ത്തി​യി​രി​ക്കുന്ന ചില ഗീതങ്ങ​ളി​ലെ വാക്കു​ക​ളു​ടെ അർഥം ചർച്ച ചെയ്‌തു​കൊണ്ട്‌ തയ്യാറാ​കു​ക​യാ​ണെ​ങ്കിൽ, ഹൃദയം​ഗ​മ​മാ​യി പാടാൻ നമുക്കു കഴിയും. പുരാതന ഇസ്രാ​യേ​ലിൽ വാദ്യോ​പ​ക​ര​ണങ്ങൾ ധാരാളം ഉപയോ​ഗി​ച്ചി​രു​ന്നു. (1 ദിനവൃ​ത്താ​ന്തം 25:1; സങ്കീർത്തനം 28:7) നിങ്ങളു​ടെ കുടും​ബ​ത്തി​ലുള്ള ആർക്കെ​ങ്കി​ലും ഒരു വാദ്യോ​പ​ക​രണം വായി​ക്കാ​ന​റി​യാ​മോ? ഒരു വാര​ത്തേക്കു പട്ടിക​പ്പെ​ടു​ത്തി​യി​ട്ടുള്ള ഗീതങ്ങ​ളിൽ ഒന്ന്‌ ആ വാദ്യോ​പ​ക​ര​ണ​ത്തി​ന്റെ സഹായ​ത്തോ​ടെ സകുടും​ബം പരിശീ​ലി​ച്ചു​കൂ​ടേ? റെക്കോർഡു ചെയ്‌ത ഗീതങ്ങൾ ഉപയോ​ഗി​ക്കുക എന്നതാണ്‌ ചെയ്യാ​വുന്ന മറ്റൊരു സംഗതി. പശ്ചാത്തല ഉപകരണ സംഗീതം കൂടാ​തെ​തന്നെ ചില ദേശങ്ങ​ളിൽ നമ്മുടെ സഹോ​ദ​രങ്ങൾ മനോ​ഹ​ര​മാ​യി പാടാ​റുണ്ട്‌. വഴിന​ട​ക്കു​മ്പോ​ഴും കൃഷി​യി​ട​ങ്ങ​ളിൽ പണി​യെ​ടു​ക്കു​മ്പോ​ഴും ആ വാര​ത്തേ​ക്കുള്ള ഗീതങ്ങൾ ആലപി​ക്കു​ന്നത്‌ അവർ ആസ്വദി​ക്കു​ന്നു.—എഫെസ്യർ 5:19.

വയൽസേ​വ​ന​ത്തിന്‌ സകുടും​ബം തയ്യാറാ​കൽ

13, 14. നമ്മുടെ ഹൃദയ​ങ്ങളെ വയൽശു​ശ്രൂ​ഷ​യ്‌ക്കാ​യി ഒരുക്കുന്ന കുടുംബ ചർച്ചകൾ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹³ യഹോ​വ​യെ​യും അവന്റെ ഉദ്ദേശ്യ​ത്തെ​യും കുറിച്ചു മറ്റുള്ള​വ​രോ​ടു സാക്ഷീ​ക​രി​ക്കു​ന്നത്‌ നമ്മുടെ ജീവി​ത​ത്തി​ലെ ഒരു സുപ്ര​ധാന സംഗതി​യാണ്‌. (യെശയ്യാ​വു 43:10-12; മത്തായി 24:14) ചെറു​പ്പ​ക്കാ​രോ പ്രായ​മു​ള്ള​വ​രോ ആയിരു​ന്നാ​ലും തയ്യാറാ​കു​ന്ന​പക്ഷം നാം ഈ പ്രവർത്തനം കൂടുതൽ ആസ്വദി​ക്കും, വർധിച്ച പ്രയോ​ജ​ന​ങ്ങ​ളും ലഭിക്കും. കുടുംബ വൃത്തത്തി​നു​ള്ളിൽ നമുക്ക്‌ ഇത്‌ എങ്ങനെ ചെയ്യാ​നാ​കും?

¹⁴ നമ്മുടെ ആരാധന ഉൾപ്പെ​ടുന്ന സകല കാര്യ​ത്തി​ലും എന്നപോ​ലെ, നമ്മുടെ ഹൃദയ​ങ്ങളെ ഒരുക്കു​ന്ന​തും പ്രധാ​ന​മാണ്‌. നാം എന്തു ചെയ്യാൻ പോകു​ന്നു എന്നതു മാത്രമല്ല, അത്‌ എന്തു​കൊണ്ട്‌ ചെയ്യുന്നു എന്നതും ചർച്ച ചെയ്യണം. യെഹോ​ശാ​ഫാത്ത്‌ രാജാ​വി​ന്റെ നാളു​ക​ളിൽ ദിവ്യ​നി​യമം സംബന്ധിച്ച്‌ ആളുകൾക്കു പ്രബോ​ധനം ലഭിച്ചി​രു​ന്നു. എങ്കിലും അവർ “തങ്ങളുടെ ഹൃദയത്തെ ഒരുക്കി​യി​രു​ന്നില്ല” എന്നു ബൈബിൾ പറയുന്നു. അതിന്റെ ഫലമായി, സത്യാ​രാ​ധ​ന​യിൽനിന്ന്‌ അകറ്റി​ക്ക​ള​യുന്ന പ്രലോ​ഭ​ന​ങ്ങൾക്ക്‌ അവർ എളുപ്പം വശംവ​ദ​രാ​യി. (2 ദിനവൃ​ത്താ​ന്തം 20:33; 21:11, NW) നമ്മുടെ ലക്ഷ്യം വയൽസേ​വ​ന​ത്തിൽ കേവലം കുറെ മണിക്കൂ​റു​കൾ ചെലവ​ഴി​ക്കു​ക​യോ സാഹി​ത്യ​ങ്ങൾ സമർപ്പി​ക്കു​ക​യോ അല്ല. നമ്മുടെ ശുശ്രൂഷ യഹോ​വ​യോ​ടും ജീവൻ തിര​ഞ്ഞെ​ടു​ക്കാൻ അവസരം ലഭിക്കേണ്ട ആളുക​ളോ​ടു​മുള്ള സ്‌നേ​ഹ​ത്തി​ന്റെ ഒരു പ്രകടനം ആയിരി​ക്കണം. (എബ്രായർ 13:15) നാം “ദൈവ​ത്തി​ന്റെ കൂട്ടു​വേ​ല​ക്കാർ” ആയിരി​ക്കുന്ന ഒരു പ്രവർത്ത​ന​മാണ്‌ അത്‌. (1 കൊരി​ന്ത്യർ 3:9) അത്‌ എന്തൊരു പദവി​യാണ്‌! ശുശ്രൂ​ഷ​യിൽ പങ്കെടു​ക്കു​മ്പോൾ നാം വിശുദ്ധ ദൂതന്മാ​രോ​ടുള്ള ഐക്യ​ത്തി​ലു​മാ​ണു പ്രവർത്തി​ക്കു​ന്നത്‌. (വെളി​പ്പാ​ടു 14:6, 7) വാരം​തോ​റും കുടുംബ അധ്യയനം നടത്തു​മ്പോ​ഴോ തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്ക​ലി​ലെ നിർദിഷ്ട വാക്യം പരിചി​ന്തി​ക്കു​മ്പോ​ഴോ ഉള്ള കുടുംബ ചർച്ച​വേ​ള​ക​ളെ​ക്കാൾ മെച്ചമാ​യി മറ്റ്‌ ഏത്‌ അവസര​ത്തി​ലാണ്‌ ശുശ്രൂ​ഷ​യോ​ടുള്ള വിലമ​തി​പ്പു വളർത്തി​യെ​ടു​ക്കാൻ കഴിയുക!

15. കുടും​ബം ഒത്തൊ​രു​മിച്ച്‌ വയൽശു​ശ്രൂ​ഷ​യ്‌ക്ക്‌ എപ്പോൾ ഒരുങ്ങാൻ സാധി​ക്കും?

¹⁵ വാരം​തോ​റു​മുള്ള വയൽസേ​വ​ന​ത്തി​നാ​യി ഒരുങ്ങാൻ കുടുംബ അധ്യയന സമയത്ത്‌ കുടും​ബാം​ഗ​ങ്ങളെ നിങ്ങൾ ഇടയ്‌ക്കി​ടെ സഹായി​ക്കാ​റു​ണ്ടോ? അങ്ങനെ ചെയ്യു​ന്നത്‌ വളരെ പ്രയോ​ജ​ന​പ്രദം ആയിരി​ക്കാ​വു​ന്ന​താണ്‌. (2 തിമൊ​ഥെ​യൊസ്‌ 2:15) അവരുടെ ശുശ്രൂഷ അർഥവ​ത്തും ഫലപ്ര​ദ​വു​മാ​ക്കാൻ അതിനു സഹായി​ക്കാ​നാ​കും. അത്തരം ഒരുക്ക​ത്തി​നാ​യി ചില​പ്പോ​ഴൊ​ക്കെ മുഴു അധ്യയന വേളയും മാറ്റി​വെ​ക്കാൻ സാധി​ക്കും. മിക്ക​പ്പോ​ഴും, കുടുംബ അധ്യയ​ന​ത്തി​ന്റെ ഒടുവി​ലോ വാരത്തിൽ മറ്റേ​തെ​ങ്കി​ലും സമയത്തോ വയൽശു​ശ്രൂ​ഷ​യു​ടെ വിവിധ വശങ്ങളെ കുറിച്ചു ഹ്രസ്വ​മാ​യി ചർച്ച ചെയ്യാ​വു​ന്ന​താണ്‌.

16. ഖണ്ഡിക​യിൽ കൊടു​ത്തി​രി​ക്കുന്ന ഓരോ വശങ്ങളു​ടെ​യും മൂല്യം വിശദീ​ക​രി​ക്കുക.

¹⁶ കുടുംബ അധ്യയന വേളയിൽ പിൻവ​രു​ന്നതു പോലുള്ള സംഗതി​കൾക്കു ശ്രദ്ധ നൽകാ​വു​ന്ന​താണ്‌: (1) നന്നായി റിഹേ​ഴ്‌സ്‌ ചെയ്‌ത ഒരു അവതരണം തയ്യാറാ​കുക, ഉചിത​മായ സാഹച​ര്യ​ങ്ങ​ളിൽ വായി​ക്കാ​നാ​യി ഒരു ബൈബിൾ വാക്യ​വും ഉൾപ്പെ​ടു​ത്താ​വു​ന്ന​താണ്‌. (2) സാധ്യ​മെ​ങ്കിൽ, ഓരോ​രു​ത്തർക്കും സ്വന്തം വയൽസേവന ബാഗ്‌, ബൈബിൾ, നോട്ട്‌ബുക്ക്‌, പേന അല്ലെങ്കിൽ പെൻസിൽ, ലഘു​ലേ​ഖകൾ, നല്ല നിലയി​ലുള്ള മറ്റു സാഹി​ത്യ​ങ്ങൾ എന്നിവ ഉണ്ടെന്ന്‌ ഉറപ്പു വരുത്തുക. വയൽസേവന ബാഗ്‌ വലിയ വിലപി​ടി​പ്പു​ള്ളത്‌ ആയിരി​ക്ക​ണ​മെ​ന്നില്ല, പക്ഷേ അതു വൃത്തി​യു​ള്ളത്‌ ആയിരി​ക്കണം. (3) അനൗപ​ചാ​രിക സാക്ഷീ​ക​രണം എവിടെ, എങ്ങനെ ചെയ്യാൻ കഴിയു​മെന്നു ചർച്ച ചെയ്യുക. നിങ്ങൾ വയൽ സേവന​ത്തിൽ ഒരുമി​ച്ചു പ്രവർത്തി​ക്കുന്ന അവസര​ങ്ങ​ളിൽ ഈ നിർദേ​ശ​ത്തി​ലെ ഓരോ വശങ്ങളും പിൻപ​റ്റുക. സഹായ​ക​മായ നിർദേ​ശങ്ങൾ നൽകുക, എന്നാൽ ഒരേ സമയത്ത്‌ നിരവധി കാര്യ​ങ്ങളെ കുറിച്ചു ബുദ്ധി​യു​പ​ദേ​ശി​ക്ക​രുത്‌.

17, 18. (എ) നമ്മുടെ ശുശ്രൂഷ കൂടുതൽ ഫലപ്ര​ദ​മാ​ക്കാൻ എങ്ങനെ​യുള്ള കുടുംബ തയ്യാറാ​കൽ സഹായി​ക്കും? (ബി) ഓരോ ആഴ്‌ച​യി​ലും ഈ ഒരുക്ക​ത്തി​ന്റെ ഭാഗമാ​യി ഏതൊക്കെ വശങ്ങൾ ചർച്ച ചെയ്യാ​നാ​കും?

¹⁷ യേശു തന്റെ അനുഗാ​മി​കൾക്കു നൽകിയ നിയോ​ഗ​ത്തി​ന്റെ ഒരു മുഖ്യ ഭാഗമാ​ണു ശിഷ്യ​രാ​ക്കൽ വേല. (മത്തായി 28:19, 20) ശിഷ്യരെ ഉളവാ​ക്കു​ന്ന​തിൽ പ്രസം​ഗി​ക്കു​ന്ന​തി​ല​ധി​കം ഉൾപ്പെ​ട്ടി​രി​ക്കു​ന്നു. അതിനു പഠിപ്പി​ക്കൽ ആവശ്യ​മാണ്‌. ഇക്കാര്യ​ത്തിൽ ഫലപ്ര​ദ​രാ​യി​രി​ക്കാൻ കുടുംബ അധ്യയ​ന​ത്തി​നു നിങ്ങളെ എങ്ങനെ സഹായി​ക്കാ​നാ​കും?

¹⁸ ആർക്കു മടക്കസ​ന്ദർശനം നടത്തു​ന്ന​താണ്‌ നല്ലത്‌ എന്നു കുടും​ബ​ത്തിൽ ചർച്ച ചെയ്യുക. അവരിൽ ചിലർ സാഹി​ത്യ​ങ്ങൾ സ്വീക​രി​ച്ചി​ട്ടു​ണ്ടാ​കാം; മറ്റു ചിലർ സുവാർത്ത കേട്ടതേ ഉണ്ടായി​രി​ക്കു​ക​യു​ള്ളൂ. വീടു​തോ​റു​മുള്ള വേലയിൽ അല്ലെങ്കിൽ തെരു​വി​ലോ സ്‌കൂ​ളി​ലോ നടത്തിയ അനൗപ​ചാ​രിക സാക്ഷീ​ക​ര​ണ​ത്തിൽ ആയിരി​ക്കാം അവരെ കണ്ടുമു​ട്ടി​യത്‌. ദൈവ​വ​ചനം നിങ്ങൾക്കു വഴികാ​ട്ടി ആയിരി​ക്കട്ടെ. (സങ്കീർത്തനം 25:9; യെഹെ​സ്‌കേൽ 9:4) നിങ്ങൾ ഓരോ​രു​ത്ത​രും ആ വാരത്തിൽ ആർക്കൊ​ക്കെ​യാ​ണു മടക്കസ​ന്ദർശനം നടത്താൻ പോകു​ന്ന​തെന്ന്‌ തീരു​മാ​നി​ക്കുക. എന്തിനെ കുറി​ച്ചാ​ണു സംസാ​രി​ക്കാൻ പോകു​ന്നത്‌? മടക്കസ​ന്ദർശ​ന​ത്തി​നു തയ്യാറാ​കാൻ കുടുംബ ചർച്ച ഓരോ അംഗ​ത്തെ​യും സഹായി​ച്ചേ​ക്കാ​വു​ന്ന​താണ്‌. താത്‌പ​ര്യ​ക്കാ​രു​മാ​യി പങ്കു​വെ​ക്കാൻ, ചില തിരു​വെ​ഴു​ത്തു​ക​ളും ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രി​ക​യിൽ നിന്നോ നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന പുസ്‌ത​ക​ത്തിൽ നിന്നോ ഉള്ള ഉചിത​മായ ആശയങ്ങ​ളും കുറി​ച്ചു​വെ​ക്കുക. ഒരു സന്ദർശ​ന​ത്തിൽത്തന്നെ വളരെ കാര്യങ്ങൾ പറയാ​തി​രി​ക്കുക. വീട്ടു​കാ​ര​നോട്‌ ഒരു ചോദ്യം ചോദി​ച്ചി​ട്ടു പോരുക, എന്നിട്ട്‌ അടുത്ത സന്ദർശ​ന​ത്തിൽ അതിന്‌ ഉത്തരം നൽകാ​വു​ന്ന​താണ്‌. ഓരോ​രു​ത്ത​രും ഏതു മടക്കസ​ന്ദർശ​ന​ങ്ങൾക്കു പോകണം, അവ എപ്പോൾ നടത്തണം, അതിലൂ​ടെ എന്ത്‌ ഉദ്ദേശ്യം നിവർത്തി​ക്കാൻ ആഗ്രഹി​ക്കു​ന്നു തുടങ്ങിയ കാര്യങ്ങൾ ആസൂ​ത്രണം ചെയ്യു​ന്നത്‌ നിങ്ങളു​ടെ പ്രതി​വാര കുടും​ബ​ച​ര്യ​യു​ടെ ഭാഗമാ​ക്കി​ക്കൂ​ടേ? കുടും​ബ​ത്തി​ലെ എല്ലാവ​രു​ടെ​യും വയൽശു​ശ്രൂഷ കൂടുതൽ ഫലപ്ര​ദ​മാ​ക്കാൻ ഇതു സഹായി​ക്കും.

അവരെ തുടർന്നും യഹോ​വ​യു​ടെ മാർഗം പഠിപ്പി​ക്കു​ക

19. കുടും​ബാം​ഗങ്ങൾ യഹോ​വ​യു​ടെ മാർഗ​ത്തിൽ തുടർന്നു നടക്കണ​മെ​ങ്കിൽ, അവർക്ക്‌ എന്ത്‌ അനുഭ​വ​പ്പെ​ടണം, അതിനു സഹായ​ക​മാ​യി​രി​ക്കു​ന്നത്‌ എന്ത്‌?

¹⁹ ഒരു കുടും​ബ​നാ​ഥൻ ആയിരി​ക്കുക എന്നത്‌ ഈ ദുഷ്ട ലോക​ത്തിൽ വെല്ലു​വി​ളി നിറഞ്ഞ ഒരു സംഗതി​യാണ്‌. യഹോ​വ​യു​ടെ ദാസന്മാ​രു​ടെ ആത്മീയത തകർക്കാൻ സാത്താ​നും അവന്റെ ഭൂതങ്ങ​ളും കിണഞ്ഞു ശ്രമി​ക്കു​ന്നു. (1 പത്രൊസ്‌ 5:8) മാത്രമല്ല, ഇന്നു മാതാ​പി​താ​ക്ക​ളു​ടെ മേൽ, വിശേ​ഷി​ച്ചും ഒറ്റക്കാ​രായ മാതാ​പി​താ​ക്ക​ളു​ടെ മേൽ, നിരവധി സമ്മർദ​ങ്ങ​ളുണ്ട്‌. ആഗ്രഹി​ക്കുന്ന എല്ലാ കാര്യ​ങ്ങൾക്കും സമയം കണ്ടെത്തുക ദുഷ്‌ക​ര​മാണ്‌. എന്നാൽ, നിങ്ങൾ ഒരു സമയത്ത്‌ ഒരു നിർദേ​ശമേ ബാധക​മാ​ക്കു​ന്നു​ള്ളൂ എങ്കിൽ പോലും, അതു ശ്രമത്തി​നു തക്ക മൂല്യ​മു​ള്ള​താ​യി​രി​ക്കും. ക്രമേണ നിങ്ങളു​ടെ കുടുംബ അധ്യയന പരിപാ​ടി മെച്ച​പ്പെ​ടു​ത്താൻ അതിനു കഴിയും. നിങ്ങ​ളോ​ടു വളരെ അടുപ്പ​മു​ള്ളവർ യഹോ​വ​യു​ടെ മാർഗ​ത്തിൽ വിശ്വ​സ്‌ത​രാ​യി നടക്കുന്നു എന്നു കാണു​ന്നത്‌ ഹൃദ​യോ​ഷ്‌മ​ള​മായ ഒരു അനുഭ​വ​മാണ്‌. യഹോ​വ​യു​ടെ മാർഗ​ത്തിൽ വിജയ​ക​ര​മാ​യി നടക്കു​ന്ന​തിന്‌, കുടും​ബാം​ഗങ്ങൾ സഭാ​യോ​ഗ​ങ്ങ​ളി​ലും വയൽശു​ശ്രൂ​ഷ​യി​ലും പങ്കെടു​ക്കു​ന്ന​തിൽ സന്തോഷം കണ്ടെ​ത്തേ​ണ്ട​തുണ്ട്‌. അതിന്‌ തയ്യാറാ​കൽ—ഹൃദയത്തെ കെട്ടു​പണി ചെയ്യു​ന്ന​തും അർഥവ​ത്തായ പങ്കുണ്ടാ​യി​രി​ക്കാൻ ഓരോ​രു​ത്ത​രെ​യും സഹായി​ക്കു​ന്ന​തു​മായ തയ്യാറാ​കൽ—ആവശ്യ​മാണ്‌.

20. 3 യോഹ​ന്നാൻ 4-ൽ പ്രകടി​പ്പി​ക്ക​പ്പെ​ട്ടി​രി​ക്കുന്ന സന്തോഷം അനുഭ​വി​ക്കാൻ മാതാ​പി​താ​ക്കളെ എന്തിനു സഹായി​ക്കാ​നാ​കും?

²⁰ ആത്മീയ​മാ​യി താൻ സഹായി​ച്ച​വരെ കുറിച്ച്‌ യോഹ​ന്നാൻ അപ്പൊ​സ്‌തലൻ ഇങ്ങനെ എഴുതി: “എന്റെ മക്കൾ സത്യത്തിൽ നടക്കുന്നു എന്നു കേൾക്കു​ന്ന​തി​നെ​ക്കാൾ വലിയ സന്തോഷം എനിക്കില്ല.” (3 യോഹ​ന്നാൻ 4) കുടുംബ അധ്യയ​നങ്ങൾ വ്യക്തമായ ലക്ഷ്യങ്ങ​ളോ​ടെ നടത്തു​ക​യും കുടും​ബ​നാ​ഥ​ന്മാർ കുടും​ബാം​ഗ​ങ്ങ​ളു​ടെ വ്യക്തി​പ​ര​മായ ആവശ്യങ്ങൾ ദയാവാ​യ്‌പോ​ടും സഹായ​മ​ന​സ്‌ക​ത​യോ​ടും കൂടെ കൈകാ​ര്യം ചെയ്യു​ക​യു​മാ​ണെ​ങ്കിൽ, അത്‌ അത്തരം സന്തോഷം ആസ്വദി​ക്കാൻ കുടും​ബ​ങ്ങളെ വളരെ​യേറെ സഹായി​ക്കും. ദൈവ​മാർഗ​ത്തി​ലുള്ള ജീവി​ത​ത്തോ​ടു വിലമ​തി​പ്പു നട്ടുവ​ളർത്തു​ക​വഴി ഉത്തമ ജീവി​ത​ഗതി ആസ്വദി​ക്കാൻ മാതാ​പി​താ​ക്കൾ തങ്ങളുടെ കുടും​ബ​ങ്ങളെ സഹായി​ക്കു​ക​യാ​യി​രി​ക്കും ചെയ്യു​ന്നത്‌.—സങ്കീർത്തനം 19:7-11.

നിങ്ങൾക്കു വിശദീ​ക​രി​ക്കാ​മോ?

□ യോഗ​ത്തി​നുള്ള തയ്യാറാ​കൽ നിങ്ങളു​ടെ കുട്ടി​കൾക്കു വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

□ ‘ബുദ്ധി സമ്പാദി​ക്കാൻ’ കുട്ടി​കളെ മാതാ​പി​താ​ക്കൾക്ക്‌ എങ്ങനെ സഹായി​ക്കാ​നാ​കും?

□ എല്ലാ യോഗ​ങ്ങൾക്കും തയ്യാറാ​കു​ന്ന​തിൽ നമ്മുടെ കുടുംബ അധ്യയനം സഹായ​ക​മാ​യി​രി​ക്കു​ന്നത്‌ എങ്ങനെ?

□ ഒരു കുടും​ബം എന്നനി​ല​യിൽ വയൽസേ​വ​ന​ത്തി​നാ​യി തയ്യാറാ​കു​ന്നത്‌ കൂടുതൽ ഫലപ്ര​ദ​രാ​യി​രി​ക്കാൻ സഹായി​ക്കു​ന്നത്‌ എങ്ങനെ?

[20-ാം പേജിലെ ചിത്രം]

സഭായോഗങ്ങൾക്കുള്ള തയ്യാറാ​കൽ നിങ്ങളു​ടെ കുടുംബ അധ്യയ​ന​ത്തിൽ ഉൾപ്പെ​ടു​ത്താ​വു​ന്ന​താണ്‌

[21-ാം പേജിലെ ചിത്രം]

യോഗങ്ങൾക്കുള്ള ഗീതങ്ങൾ പാടി പരിശീ​ലി​ക്കു​ന്നതു പ്രയോ​ജ​ന​ക​ര​മാണ്‌