ആർഎച്ച്‌ ഘടകവും നിങ്ങളും

താഴെ മാതാ​വി​ന്റെ കരങ്ങളിൽ ശാന്തനാ​യി കിടന്നു​റ​ങ്ങുന്ന തന്റെ നവജാ​ത​ശി​ശു​വി​നെ പിതാവ്‌ അഭിമാ​ന​ത്തോ​ടും സന്തോ​ഷ​ത്തോ​ടും കൂടെ നോക്കി​നിൽക്കു​ന്നു. അത്‌ പ്രസവ​മു​റി​യി​ലെ ഒരു നീണ്ടരാ​ത്രി​യാ​യി​രു​ന്നു. എന്നാൽ ഇപ്പോൾ അതെല്ലാം കഴിഞ്ഞു​പോ​യി​രി​ക്കു​ന്നു. തന്റെ രോഗി​കളെ പരി​ശോ​ധി​ക്കാ​നും എല്ലാവ​രെ​യും അനു​മോ​ദി​ക്കാ​നു​മാ​യി അപ്പോ​ഴാ​യി​രു​ന്നു ഡോക്ട​റി​ന്റെ വരവ്‌. “ഒരു കാര്യ​മുണ്ട്‌, സാധാരണ പതിവുള്ള ഒന്നാണ്‌,” അദ്ദേഹം പറയുന്നു.

മാതാ​വി​ന്റെ രക്തം ആർഎച്ച്‌-നെഗറ​റീവ്‌ ആണ്‌. എന്നാൽ ഒരു പരി​ശോ​ധന കാണി​ക്കു​ന്നത്‌ കുഞ്ഞി​ന്റേത്‌ ആർഎച്ച്‌-പോസി​റ​റീവ്‌ ആണെന്നും. അതു​കൊണ്ട്‌ മാതാ​വിന്‌ ഒരു പ്രതി​രോധ കുത്തി​വ​യ്‌പ്‌ നൽകേ​ണ്ടത്‌ ആവശ്യ​മാണ്‌. “ഭാവി ഗർഭധാ​ര​ണ​ങ്ങ​ളോ​ടു ബന്ധപ്പെട്ട കുഴപ്പങ്ങൾ തടയു​ന്ന​തിന്‌ മനുഷ്യ ആൻറി​ബോ​ഡി​കൾ (പ്രതി​വ​സ്‌തു​ക്കൾ) കൊണ്ട്‌ ഉണ്ടാക്കി​യി​ട്ടുള്ള ഒരു ചെറിയ കുത്തി​വ​യ്‌പു മാത്ര​മാ​ണത്‌, പക്ഷേ വളരെ പ്രധാ​ന​വും,” ഡോക്ടർ അവർക്ക്‌ ഉറപ്പു​നൽകു​ന്നു.

ഡോക്ടർ അത്‌ സാധാ​ര​ണ​മാ​യി​ട്ടാ​ണു കണക്കാ​ക്കു​ന്ന​തെ​ങ്കി​ലും അതി​നെ​ക്കു​റി​ച്ചുള്ള പരാമർശ​ന​വും സാധ്യ​മാ​യി​രി​ക്കുന്ന ‘കുഴപ്പ​ങ്ങ​ളും’ ആ മാതാ​പി​താ​ക്ക​ളു​ടെ മനസ്സു​ക​ളിൽ ഒരു പററം ചോദ്യ​ങ്ങൾ ഉയർത്തു​ന്നു. ഈ കുത്തി​വ​യ്‌പ്‌ യഥാർഥ​ത്തിൽ എന്താണു ചെയ്യു​ന്നത്‌? അത്‌ എത്രമാ​ത്രം ആവശ്യ​മാണ്‌? മാതാ​പി​താ​ക്കൾ അതാ​ഗ്ര​ഹി​ക്കു​ന്നി​ല്ലെ​ങ്കിൽ എന്തു സംഭവി​ക്കും? ഒരു ക്രിസ്‌ത്യാ​നി​യെ സംബന്ധി​ച്ചി​ട​ത്തോ​ളം മറെറാ​രു ചോദ്യം തലപൊ​ക്കു​ന്നു. ‘രക്തം വർജി​ക്കാൻ’ ബൈബിൾ പറയുന്ന സ്ഥിതിക്ക്‌ മററാ​രു​ടെ​യെ​ങ്കി​ലും രക്തത്തിൽനി​ന്നുള്ള മനുഷ്യ ആൻറി​ബോ​ഡി​കൾ അടങ്ങി​യി​ട്ടുള്ള ഈ കുത്തി​വ​യ്‌പ്‌ ഒരു ക്രിസ്‌ത്യാ​നിക്ക്‌ ശുദ്ധ മനസ്സാ​ക്ഷി​യോ​ടെ സ്വീക​രി​ക്കാ​നാ​വു​മോ?—പ്രവൃ​ത്തി​കൾ 15:20, 29.

ആർഎച്ച്‌ പ്രശ്‌ന​ത്തി​ന്റെ ചരിത്രം

ഓരോ​രു​ത്ത​രു​ടെ​യും രക്തത്തെ അനന്യ​മാ​ക്കി​ത്തീർക്കുന്ന അനേകം ഘടകങ്ങൾ അഥവാ ആൻറി​ജ​നു​കൾ (പ്രതി​ര​ക്ഷോ​ത്തേ​ജ​ക​വ​സ്‌തു​ക്കൾ) മനുഷ്യ​ര​ക്ത​ത്തിൽ അടങ്ങി​യി​ട്ടു​ണ്ടെന്ന്‌ പതിറ​റാ​ണ്ടു​കൾക്കു മുമ്പ്‌ ശാസ്‌ത്ര​ജ്ഞൻമാർ കണ്ടുപി​ടി​ച്ചു. ഒരാളു​ടെ രക്തം മറെറാ​രാ​ളു​ടെ രക്തവു​മാ​യി സമ്പർക്ക​ത്തിൽ വരുന്ന പക്ഷം ചുവന്ന രക്താണു​ക്ക​ളി​ലെ രണ്ട്‌ ആൻറിജൻ വ്യവസ്ഥകൾ മിക്ക വൈദ്യ​പ്ര​ശ്‌ന​ങ്ങൾക്കും വഴി​തെ​ളി​ക്കു​ന്നു​വെന്നു കാല​ക്ര​മേണ അവർ മനസ്സി​ലാ​ക്കി. ഈ ആൻറി​ജ​നു​ക​ളിൽ ഒരെണ്ണത്തെ “എബിഒ” എന്നും മറേറ​തി​നെ “ആർഎച്ച്‌” എന്നും വിളി​ക്കു​ന്നു. ഈ മാതാ​പി​താ​ക്കൾക്കു​ള്ള​തും നിങ്ങൾ തന്നെ പലപ്പോ​ഴും അത്ഭുത​പ്പെ​ട്ടി​രി​ക്കാ​വു​ന്ന​തു​മായ പ്രധാന ചോദ്യ​ങ്ങൾക്ക്‌ ഉത്തരം കണ്ടെത്താൻ ആർഎച്ച്‌ വ്യവസ്ഥ​യു​ടെ ഒരു ഹ്രസ്വ​മായ പുനര​വ​ലോ​കനം നമ്മെ സഹായി​ക്കും.

ഗർഭാ​വ​സ്ഥ​യിൽ വെച്ച്‌ തന്റെ രണ്ടാമത്തെ കുഞ്ഞ്‌ മരിച്ചു​പോയ ഒരു 25 വയസ്സു​കാ​രി​യു​ടെ കുഴപ്പി​ക്കുന്ന കേസ്‌ 1939-ൽ ഡോക്ടർമാർ പ്രസി​ദ്ധീ​ക​രി​ച്ചു. മരിച്ച കുഞ്ഞിനെ പ്രസവി​ച്ച​ശേഷം ഈ സ്‌ത്രീക്ക്‌ രക്തപ്പകർച്ചകൾ നടത്തി​യ​പ്പോൾ ഗുരു​ത​ര​മായ പ്രതി​പ്ര​വർത്ത​നങ്ങൾ ഉണ്ടായി. രക്തം അവളുടെ ഭർത്താ​വിൽ നിന്നു​ള്ള​തും എബിഒ ആൻറി​ജ​നു​കൾ അടങ്ങി​യി​രുന്ന അത്‌ അവളു​ടേ​തു​മാ​യി പ്രത്യ​ക്ഷ​ത്തിൽ പൊരു​ത്ത​ത്തി​ലു​മാ​യി​രു​ന്നു. എന്നിട്ടാണ്‌ ഇതു സംഭവി​ച്ചത്‌. അവളുടെ ആദ്യത്തെ കുഞ്ഞിന്റെ രക്തത്തിൽനി​ന്നുള്ള ഏതോ അജ്ഞാത ഘടകം അവളുടെ രക്തത്തിൽ ചേർന്ന്‌ അതിനെ “സംവേ​ദ​ക​ത്വ​മു​ള്ള​താ​ക്കി”ത്തീർത്തു​വെ​ന്നും അത്‌ അവളുടെ ഭർത്താ​വി​ന്റെ രക്തത്തോ​ടുള്ള പ്രതി​പ്ര​വർത്ത​ന​ത്തി​ലേ​ക്കും അവളുടെ രണ്ടാമത്തെ കുഞ്ഞിന്റെ മരണത്തി​ലേ​ക്കും നയിച്ചു​വെ​ന്നും ഡോക്ടർമാർ പിന്നീട്‌ ഊഹി​ച്ചെ​ടു​ത്തു.

പിന്നീട്‌ റിസസ്‌ (rhesus) കുരങ്ങു​ക​ളിൽ നടത്തിയ പരീക്ഷ​ണ​ങ്ങ​ളി​ലൂ​ടെ ഈ അജ്ഞാത ഘടകത്തെ തിരി​ച്ച​റി​ഞ്ഞു. അതു​കൊണ്ട്‌ അതിന്‌ “ആർഎച്ച്‌ ഘടകം” എന്ന്‌ പേരിട്ടു. കുഞ്ഞു​ങ്ങ​ളി​ലു​ണ്ടാ​കുന്ന ഏതാണ്ട്‌ സാധാ​ര​ണ​വും പലപ്പോ​ഴും മാരക​വു​മായ ഭ്രൂണ​ര​ക്താ​ണു കോരകത (erythroblastosis fetalis) എന്ന രോഗ​ത്തി​നു കാരണ​മി​താ​ണെന്ന്‌ കണ്ടുപി​ടി​ക്ക​പ്പെ​ട്ട​തു​കൊണ്ട്‌ ഈ രക്തഘടകം 1960-കളിലു​ട​നീ​ളം വർധിച്ച വൈദ്യ താത്‌പ​ര്യ​ത്തി​നു വിഷയ​മാ​യി​രു​ന്നു. ആർഎച്ച്‌ ഘടക​ത്തെ​യും രോഗ​ത്തെ​യും പററി ഡോക്ടർമാർ പഠനം നടത്തി​യ​തോ​ടെ ഹൃദയാ​പ​ഹാ​രി​യായ ഒരു വൈദ്യ കഥ ചുരു​ള​ഴി​ഞ്ഞു.

ആർഎച്ചും ജനിത​ക​വും രോഗി​ക​ളായ കുഞ്ഞു​ങ്ങ​ളും

ഒരു നവജാ​ത​ശി​ശു​വിന്‌ ഗുരു​ത​ര​മായ രോഗം പിടി​പെ​ടു​ക​യോ മരിക്കു​ക​യോ ചെയ്യു​മ്പോൾ മിക്കയാ​ളു​ക​ളെ​യും അതു സ്‌പർശി​ക്കു​ന്നു. ഒരു കുഞ്ഞ്‌ രോഗ​ത്തി​ലോ വിഷമ​ത്തി​ലോ ആയിരി​ക്കു​ന്നതു കാണു​ന്ന​തു​പോ​ലും പലർക്കും വല്ലാത്ത ബുദ്ധി​മു​ട്ടാണ്‌. ഡോക്ടർമാ​രും ഒട്ടും വ്യത്യ​സ്‌തരല്ല. ശിശു-കൊല​യാ​ളി​യായ ഈ ആർഎച്ച്‌ ഘടകത്തെ ഡോക്ടർമാ​രു​ടെ പ്രത്യേക ശ്രദ്ധയ്‌ക്കു പാത്ര​മാ​ക്കിയ മററു രണ്ടു കാരണങ്ങൾ കൂടി​യുണ്ട്‌.

ഒന്നാമ​ത്തേത്‌, ഡോക്ടർമാർക്ക്‌ രോഗ​ത്തി​ന്റെ ഒരു രൂപരേഖ കിട്ടി​ത്തു​ട​ങ്ങു​ക​യും രോഗ​ത്തി​ലും മരണത്തി​ലും ആർഎച്ച്‌ ഘടകം ഉൾപ്പെ​ട്ടി​രി​ക്കുന്ന വിധം മനസ്സി​ലാ​കു​ക​യും ചെയ്‌തു​വെ​ന്ന​താണ്‌. സ്‌ത്രീ​പു​രു​ഷൻമാ​രിൽ ഏതാണ്ട്‌ 85 മുതൽ 95 വരെ ശതമാനം പേരുടെ ചുവന്ന​ര​ക്താ​ണു​ക്ക​ളിൽ ആർഎച്ച്‌ ഘടകം അടങ്ങി​യി​ട്ടുണ്ട്‌. അവരെ “ആർഎച്ച്‌-പോസി​റ​റീവ്‌” എന്നു വിളി​ക്കു​ന്നു. അതില്ലാത്ത 5 മുതൽ 15 വരെ ശതമാനം പേർക്ക്‌ “ആർഎച്ച്‌-നെഗറ​റീവ്‌” എന്ന ലേബൽ നൽകി​യി​രി​ക്കു​ന്നു. ഒരു ആർഎച്ച്‌-നെഗറ​റീവ്‌ വ്യക്തി ഒരു ആർഎച്ച്‌-പോസി​റ​റീവ്‌ വ്യക്തി​യു​ടെ രക്തവു​മാ​യി സമ്പർക്ക​ത്തിൽ വരു​ന്നെ​ങ്കിൽ ആർഎച്ച്‌-പോസി​റ​റീവ്‌ രക്തത്തെ നശിപ്പി​ക്കുന്ന ആൻറി​ബോ​ഡി​കൾ എന്നു പറയുന്ന തൻമാ​ത്രകൾ അവനി​ലോ അവളി​ലോ രൂപീ​കൃ​ത​മാ​കു​ന്നു.

സത്യത്തിൽ ഇത്‌ അന്യ ആക്രമ​ണ​കാ​രി​ക​ളോ​ടു പൊരു​താ​നുള്ള ശരീര​ത്തി​ന്റെ പ്രതി​രോധ വ്യവസ്ഥ​യു​ടെ സാധാ​ര​ണ​വും സ്വാഭാ​വി​ക​വു​മായ ഒരു പ്രതി​ക​ര​ണ​മാണ്‌. പിതാ​വിൽനി​ന്നു പാരമ്പ​ര്യ​മാ​യി ആർഎച്ച്‌-പോസി​റ​റീവ്‌ രക്തം ലഭിക്കുന്ന ഒരു കുഞ്ഞ്‌, ഒരു ആർഎച്ച്‌-നെഗറ​റീവ്‌ മാതാ​വിന്‌ ഉണ്ടാ​യേ​ക്കാ​മെ​ന്ന​താ​ണു പ്രശ്‌നം. മറുപി​ള്ള​യു​ടെ (placenta) പ്രവർത്തനം പൂർണ​മായ രീതി​യിൽ നടക്കു​ക​യും കുഞ്ഞിന്റെ രക്തം മാതാ​വി​ന്റെ രക്തവു​മാ​യി കലരാ​തി​രി​ക്കു​ക​യും ചെയ്യു​മ്പോൾ ഇത്‌ ഒരു പ്രശ്‌ന​വും ഉണ്ടാക്കു​ന്നില്ല. (താരത​മ്യം ചെയ്യുക: സങ്കീർത്തനം 139:13.) എന്നാൽ നമ്മുടെ ശരീരം അപൂർണ​മാ​യ​തു​കൊണ്ട്‌ ചില​പ്പോൾ കുഞ്ഞിന്റെ രക്തത്തിന്റെ ഒരു ചെറിയ അളവ്‌ ചോർന്നി​റങ്ങി മാതാ​വി​ന്റെ രക്തവു​മാ​യി സമ്പർക്ക​ത്തിൽ വന്നേക്കാം. ചില​പ്പോൾ ജരായൂ​ദ്ര​വ​ശേ​ഖ​രണം (amniocentesis) (വികാസം പ്രാപി​ച്ചു​കൊ​ണ്ടി​രി​ക്കുന്ന കുഞ്ഞിനെ ആവരണം ചെയ്‌തുള്ള സഞ്ചിയി​ലെ ദ്രാവ​ക​ത്തി​ന്റെ സാമ്പിൾ വലി​ച്ചെ​ടു​ക്കൽ) പോ​ലെ​യുള്ള ചില വൈദ്യ നടപടി​കൾ നിമിത്തം ഇതു സംഭവി​ക്കു​ന്നു. അല്ലെങ്കിൽ പ്രസവ​സ​മ​യത്ത്‌ കുഞ്ഞിന്റെ രക്തത്തിൽ കുറച്ച്‌ മാതാ​വി​ന്റെ രക്തവു​മാ​യി കൂടി​ക്ക​ലർന്നേ​ക്കാം. കാരണ​മെ​ന്താ​യാ​ലും, മാതാ​വി​നു ശാരീ​രിക സംവേ​ദ​ക​ത്വ​മു​ണ്ടാ​യിട്ട്‌ അവളുടെ ശരീരം ആർഎച്ച്‌-പോസി​റ​റീവ്‌ രക്തത്തി​നെ​തി​രെ ആൻറി​ബോ​ഡി​കൾ നിർമി​ച്ചേ​ക്കാം.

ഉണ്ടാകുന്ന പ്രശ്‌ന​ത്തെ​ക്കു​റി​ച്ചു സങ്കൽപ്പി​ക്കുക: മാതാ​വി​ന്റെ രക്തത്തിൽ അത്തരം ആൻറി​ബോ​ഡി​കൾ ഉണ്ടായി​ക്ക​ഴി​ഞ്ഞാൽ, പിന്നെ ഉണ്ടാകുന്ന കുഞ്ഞു​ങ്ങൾക്ക്‌ അപകട​സാ​ധ്യ​ത​യുണ്ട്‌—അവർ പിതാ​വിൽനിന്ന്‌ ആർഎച്ച്‌-പോസി​റ​റീവ്‌ രക്തം അവകാ​ശ​പ്പെ​ടു​ത്തി​യി​ട്ടു​ണ്ടെ​ങ്കിൽ. ഇത്‌ ഇപ്പോൾ മാതാ​വി​ന്റെ ശരീര​ത്തിൽ ആർഎച്ച്‌-പോസി​റ​റീവ്‌ രക്തത്തി​നെ​തി​രെ ആൻറി​ബോ​ഡി​കൾ ഉള്ളതു​കൊ​ണ്ടാണ്‌.

ചില ആൻറി​ബോ​ഡി​കൾ സ്വാഭാ​വി​ക​മാ​യും മറുപിള്ള വഴി കടന്നു​പോ​കു​ന്നു. ഇതൊരു നല്ല സംഗതി​യാണ്‌, എന്തു​കൊ​ണ്ടെ​ന്നാൽ എല്ലാ കുഞ്ഞു​ങ്ങൾക്കും തങ്ങളുടെ മാതാ​ക്ക​ളിൽനി​ന്നു തത്‌കാ​ല​ത്തേക്ക്‌ ഒരളവിൽ സ്വാഭാ​വിക പ്രതി​രോ​ധ​ശക്തി ആർജിച്ച്‌ ജനിക്കാൻ കഴിയു​ന്നു. എന്നാൽ ആർഎച്ച്‌ രോഗ​മു​ണ്ടെ​ങ്കിൽ സംവേ​ദ​ക​ത്വം പ്രാപിച്ച മാതാ​വി​ന്റെ ആർഎച്ച്‌ ആൻറി​ബോ​ഡി​കൾ മറുപിള്ള വഴി കടന്നു​ചെന്ന്‌ കുഞ്ഞിന്റെ ആർഎച്ച്‌-പോസി​റ​റീവ്‌ രക്തത്തെ ആക്രമി​ക്കു​ന്നു. ഇത്‌ ആദ്യത്തെ കുഞ്ഞിനെ അപൂർവ​മാ​യേ ബാധി​ക്കു​ന്നു​ള്ളൂ. എന്നാൽ ഇതു പിന്നീ​ടു​ണ്ടാ​കുന്ന ഏതൊരു കുഞ്ഞി​നെ​യും ബാധി​ക്കാൻ സാധ്യത കൂടു​ത​ലാണ്‌. ഇത്‌ നവജാത ശിശു​ക്കൾക്കു​ണ്ടാ​കുന്ന ആർഎച്ച്‌ ഹിമൊ​ലി​റ​റിക്‌ എന്ന രോഗം (ഗുരു​ത​ര​മായ തകരാ​റാ​ണെ​ങ്കിൽ എറി​ത്രോ​ബ്ലാ​സ്‌റേ​റാ​സിസ്‌ ഫെററാ​ലിസ്‌) ഉണ്ടാകാൻ ഇടയാ​ക്കു​ന്നു.

നാം കാണാൻ പോകു​ന്ന​തു​പോ​ലെ പലപ്പോ​ഴും വിജയം പരിമി​ത​മാ​ണെ​ങ്കി​ലും ഈ രോഗത്തെ കൈകാ​ര്യം ചെയ്യാൻ പല മാർഗ​ങ്ങ​ളുണ്ട്‌. നമുക്കി​പ്പോൾ പ്രശ്‌ന​ത്തി​ന്റെ ചികി​ത്സാ​സം​ബ​ന്ധ​മായ ഒരു വശത്തേക്ക്‌—സാധ്യ​മായ ഒരു പ്രതി​രോ​ധ​മാർഗ​ത്തി​ലേക്ക്‌—ശ്രദ്ധ കേന്ദ്രീ​ക​രി​ക്കാം.

പ്രതി​രോ​ധ​രം​ഗത്തെ ഒരു മുന്നേ​റ​റം

ഈ രോഗം ഡോക്ടർമാർക്കു വളരെ​യ​ധി​കം ആവേശ​ജ​ന​ക​മാ​യി തോന്നാൻ രണ്ടു കാരണ​ങ്ങ​ളു​ണ്ടെ​ന്നതു നിങ്ങൾ ഓർമി​ക്കു​ന്നു​ണ്ടാ​യി​രി​ക്കും. ഒന്നാമ​ത്തേത്‌ രോഗ​ത്തി​ന്റെ പ്രവർത്ത​ന​വി​ധം അറിയാ​നി​ട​യാ​യി എന്നുള്ള​താണ്‌. രണ്ടാമത്തെ കാരണ​മെ​ന്താ​യി​രു​ന്നു?

അത്‌ 1968-ൽ വെളി​ച്ച​ത്തു​വന്നു. പരിമി​ത​മായ വിജയ​ത്തിൽ കലാശിച്ച, ഡോക്ടർമാ​രു​ടെ വർഷങ്ങ​ളി​ലെ ഗവേഷ​ണ​ത്തി​നും തികച്ചും രോഗ​ബാ​ധി​ത​രായ ഈ കുഞ്ഞു​ങ്ങളെ ചികി​ത്സി​ക്കാ​നുള്ള വിഫല ശ്രമങ്ങൾക്കും ശേഷം “ആർഎച്ച്‌ കുഞ്ഞുങ്ങ”ളുടെ പ്രശ്‌നം തടയു​ന്ന​തിൽ ഫലപ്ര​ദ​മായ ഒരു പ്രതി​രോ​ധ​വൽക്ക​രണം വികാസം പ്രാപി​ച്ചു. ഇതൊരു സുവാർത്ത​യാ​യി​രു​ന്നു. എന്നാൽ അതിന്റെ പ്രവർത്തനം എങ്ങനെ​യാ​യി​രു​ന്നു?

ആദ്യത്തെ ആർഎച്ച്‌-പോസി​റ​റീവ്‌ കുഞ്ഞിന്റെ രക്തം ആർഎച്ച്‌-നെഗറ​റീവ്‌ മാതാ​വി​ന്റെ രക്തപ്ര​വാ​ഹ​ത്തി​ലേക്ക്‌ “ചോർന്നി​റ​ങ്ങുക”യും അതിന്റെ ഫലമായി മാതാ​വി​ന്റെ ശരീര​ത്തിൽ ആൻറി​ബോ​ഡി​കൾ ഉണ്ടാകു​ക​യും ചെയ്യു​മ്പോ​ഴാണ്‌ (പിന്നീ​ടു​ണ്ടാ​കുന്ന ആർഎച്ച്‌-പോസി​റ​റീവ്‌ കുഞ്ഞു​ങ്ങൾക്ക്‌) ആർഎച്ച്‌ പ്രശ്‌നം ഉണ്ടാകു​ന്ന​തെന്ന്‌ ഓർമി​ക്കുക. മാതാ​വി​ന്റെ രക്തവ്യ​വ​സ്ഥ​യി​ലേക്കു കടന്ന കുഞ്ഞിന്റെ ചുവന്ന രക്താണു​ക്കൾ മാതാ​വി​നെ സംവേ​ദ​ക​ത്വ​മു​ള്ള​വ​ളാ​ക്കി​ത്തീർക്കു​ന്ന​തി​നു​മുമ്പ്‌ അവയെ പിടി​ച്ചെ​ടു​ത്തു നശിപ്പി​ക്കാൻ വല്ല മാർഗ​വു​മു​ണ്ടോ?

മററു രാജ്യ​ങ്ങ​ളിൽ റോഗം, റെസോ​നെ​റ​റിവ്‌ എന്നീ വ്യാപാ​ര​നാ​മ​ങ്ങ​ളിൽ അറിയ​പ്പെ​ടുന്ന ആർഎച്ച്‌ പ്രതി​രോധ ഗ്ലോബു​ലിൻ അഥവാ ആർഎച്ച്‌ഐജി എന്നറി​യ​പ്പെ​ടുന്ന ഒരു പ്രതി​രോധ കുത്തി​വ​യ്‌പ്‌ മാതാ​വി​നു കൊടു​ക്കു​ക​യെ​ന്ന​താ​യി​രു​ന്നു കണ്ടുപി​ടി​ക്ക​പ്പെട്ട മാർഗം. അത്‌ ആർഎച്ച്‌-പോസി​റ​റീവ്‌ ആൻറി​ജ​നെ​തി​രെ​യുള്ള ആൻറി​ബോ​ഡി​കൾ കൊണ്ടു​ണ്ടാ​ക്കി​യ​താണ്‌. അതിന്റെ കൃത്യ​മായ പ്രവർത്ത​ന​വി​ധം സങ്കീർണ​വും അവ്യക്തം പോലു​മാണ്‌. എന്നാലും അതിന്റെ അടിസ്ഥാ​ന​പ്ര​വർത്തനം പിൻവ​രുന്ന പ്രകാ​ര​മാ​ണെന്നു കാണ​പ്പെ​ടു​ന്നു:

ഒരു ആർഎച്ച്‌-പോസി​റ​റീവ്‌ കുഞ്ഞിനെ പ്രസവി​ച്ച​തി​നു ശേഷമോ മറേറാ ഒരു ആർഎച്ച്‌-നെഗറ​റീവ്‌ മാതാവ്‌ ആർഎച്ച്‌-പോസി​റ​റീവ്‌ രക്തവു​മാ​യി സമ്പർക്ക​ത്തിൽ വന്നതായി സംശയി​ക്ക​പ്പെ​ടുന്ന പക്ഷം അവൾക്ക്‌ ആർഎച്ച്‌ഐജി കുത്തി​വ​യ്‌പ്‌ നൽകുന്നു. ഈ ആൻറി​ബോ​ഡി​കൾ, കുഞ്ഞിൽനി​ന്നും ചോർന്നി​റ​ങ്ങിയ ഏത്‌ ആർഎച്ച്‌-പോസി​റ​റീവ്‌ ചുവന്ന രക്താണു​വും മാതാ​വി​നെ സംവേ​ദ​ക​ത്വ​മു​ള്ള​വ​ളാ​ക്കി​ത്തീർക്കു​ന്ന​തി​നു മുമ്പ്‌ അവയെ വേഗത്തിൽ ആക്രമി​ച്ചു നശിപ്പി​ക്കു​ന്നു. അങ്ങനെ ആർഎച്ച്‌-പോസി​റ​റീവ്‌ രക്തത്തി​നെ​തി​രെ മാതാ​വി​ന്റെ ശരീര​ത്തിൽ ആൻറി​ബോ​ഡി​ക​ളൊ​ന്നും ഉത്‌പാ​ദി​ത​മാ​യി​ട്ടി​ല്ലാ​ത്ത​തി​നാൽ അടുത്ത കുഞ്ഞി​നു​ണ്ടാ​കുന്ന അപകടത്തെ ഇത്‌ ഫലപ്ര​ദ​മാ​യി നീക്കം​ചെ​യ്യു​ന്നു. രോഗം വികാസം പ്രാപി​ച്ചു കഴിഞ്ഞ്‌ അതിനെ ചികി​ത്സി​ക്കു​ന്ന​തി​നു​പ​കരം ഇത്‌ രോഗത്തെ തടയുന്നു എന്നതാണ്‌ ഡോക്ടർമാർ ഇതു സംബന്ധി​ച്ചു കാണുന്ന യഥാർഥ നേട്ടം.

സിദ്ധാന്തം കേട്ടിട്ട്‌ നല്ലതു​തന്നെ. എന്നാൽ ഇതു ഫലിച്ചി​ട്ടു​ണ്ടോ? ലഭ്യമായ തെളി​വി​ന്റെ അടിസ്ഥാ​ന​ത്തിൽ, ഉണ്ട്‌. ഒരു രാജ്യ​ത്തി​ന്റെ കാര്യ​മെ​ടു​ത്താൽ, ഐക്യ​നാ​ടു​ക​ളിൽ ആർഎച്ച്‌ ഹിമൊ​ലി​റ​റിക്‌ രോഗ​ത്തിന്‌ 1970-കളിൽ 65 ശതമാനം കുറവു സംഭവി​ച്ചു. പല സംഗതി​കൾ ഇതിനു സംഭാവന ചെയ്‌തി​ട്ടു​ണ്ടെ​ങ്കി​ലും ഇതിന്റെ 60 മുതൽ 70 വരെ ശതമാ​ന​ത്തി​നു കാരണം ആർഎച്ച്‌ഐ​ജി​യു​ടെ ഉപയോ​ഗ​മാണ്‌. കാനഡ​യി​ലെ ഒരു പ്രവി​ശ്യ​യിൽ ആർഎച്ച്‌ ഹിമൊ​ലി​റ​റിക്‌ രോഗ​ത്താൽ മരിക്കുന്ന കുഞ്ഞു​ങ്ങ​ളു​ടെ എണ്ണം 1964-ൽ 29 ആയിരു​ന്നത്‌ 1974-നും 1975-നും മധ്യേ 1 ആയി കുറഞ്ഞു. “ഒരൗൺസ്‌ പ്രതി​രോ​ധം ഒരു പൗണ്ട്‌ ഔഷധ​ത്തി​നു​തക്ക മൂല്യ​മു​ള്ള​താണ്‌” എന്ന തത്ത്വത്തി​ന്റെ സമർഥി​ക്ക​ലാ​യി വൈദ്യ​സ​മൂ​ഹം ഇതിനെ കണ്ടു. ഈ അടിസ്ഥാന പശ്ചാത്ത​ല​ത്തി​ന്റെ വെളി​ച്ച​ത്തിൽ ആർഎച്ച്‌ രോഗ​വു​മാ​യി ബന്ധപ്പെട്ട്‌ പലപ്പോ​ഴും ഉയർന്നു​വ​രുന്ന ചില പ്രത്യേക ചോദ്യ​ങ്ങൾ നമുക്കു പരിചി​ന്തി​ക്കാൻ കഴിയും.

ഗർഭകാലത്ത്‌ എനിക്ക്‌ ആർഎച്ച്‌ രോഗ​വു​മാ​യി ബന്ധപ്പെട്ട ഒരു പ്രശ്‌നം ഉണ്ടാകു​ന്ന​തി​നുള്ള സാധ്യ​തകൾ എന്തെല്ലാ​മാണ്‌?

ലളിത​മായ ഒരു രക്തപരി​ശോ​ധ​ന​കൊണ്ട്‌ പിതാ​വി​ന്റെ​യും മാതാ​വി​ന്റെ​യും ആർഎച്ച്‌ രക്തയി​നങ്ങൾ നിർണ​യി​ക്കാൻ കഴിയും. 7 വിവാ​ഹ​ങ്ങ​ളിൽ ഏതാണ്ട്‌ 1 ഒരു ആർഎച്ച്‌-നെഗറ​റീവ്‌ സ്‌ത്രീ​യും ഒരു ആർഎച്ച്‌-പോസി​റ​റീവ്‌ പുരു​ഷ​നും തമ്മിലു​ള്ള​താണ്‌. പിതാ​വി​ന്റെ ജനിതക രൂപഘ​ട​ന​യു​ടെ വശങ്ങൾ മൊത്തം അപകട​സാ​ധ്യത ഏതാണ്ട്‌ 10 ശതമാ​ന​മാ​ക്കി കുറയ്‌ക്കു​ന്നു.a

എങ്കിലും, അവ പൊതു​വാ​യുള്ള ജനസം​ഖ്യാ സ്ഥിതി​വി​വ​ര​ക്ക​ണ​ക്കു​ക​ളാണ്‌. നിങ്ങൾ ഒരു ആർഎച്ച്‌-പോസി​റ​റീവ്‌ പുരു​ഷന്‌ വിവാ​ഹി​ത​യാ​യി​ട്ടുള്ള ഒരു ആർഎച്ച്‌-നെഗറ​റീവ്‌ സ്‌ത്രീ​യാ​ണെ​ങ്കിൽ ഒരു ആർഎച്ച്‌-പോസി​റ​റീവ്‌ കുഞ്ഞിന്‌ ജൻമം നൽകാ​നുള്ള നിങ്ങളു​ടെ സാധ്യത 50-ഓ 100-ഓ ശതമാ​ന​മാണ്‌, ഇത്‌ നിങ്ങളു​ടെ ഭർത്താ​വി​ന്റെ ജനിതക രൂപഘ​ട​നയെ ആശ്രയി​ച്ചി​രി​ക്കു​ന്നു.b (ഭർത്താ​വി​ന്റെ ജനിതകം നിർണ​യി​ക്കാൻ നിശ്ചിത മാർഗ​മൊ​ന്നു​മില്ല. അതു​പോ​ലെ​തന്നെ ഗർഭാ​ശ​യ​ത്തി​ലുള്ള കുഞ്ഞ്‌ ആർഎച്ച്‌-പോസി​റ​റീവ്‌ ആണോ എന്നു നിർണ​യി​ക്കാ​നും ലളിത​മായ മാർഗ​മൊ​ന്നു​മില്ല.)

ഒരു ആർഎച്ച്‌-പോസി​റ​റീവ്‌ കുഞ്ഞുള്ള ആർഎച്ച്‌-നെഗറ​റീവ്‌ മാതാ​വിന്‌, ഓരോ ഗർഭധാ​ര​ണ​ത്തി​ങ്ക​ലും സംവേ​ദ​ക​ത്വം പ്രാപി​ക്കു​ന്ന​തിന്‌ 16 ശതമാനം സാധ്യ​ത​യുണ്ട്‌. തൻമൂലം ഭാവി ഗർഭധാ​ര​ണ​ങ്ങൾക്ക്‌ അപകട​സാ​ധ്യ​ത​യുണ്ട്‌. തീർച്ച​യാ​യും, അതൊരു ശരാശരി മാത്ര​മാണ്‌. മുമ്പ്‌, മാതാ​വി​നു രക്തപ്പകർച്ച നൽകു​ക​യോ രക്തവു​മാ​യി മറേറ​തെ​ങ്കി​ലും തരത്തിൽ സമ്പർക്ക​മു​ണ്ടാ​കു​ക​യോ ചെയ്‌തി​ട്ടി​ല്ലെ​ങ്കിൽ ഒരു വിവാ​ഹ​ത്തിൽ ആദ്യം ഉണ്ടാകുന്ന കുഞ്ഞ്‌ ആർഎച്ച്‌-രോഗ​ത്തി​ന്റെ അപകട​ത്തിൽനി​ന്നു സാധാ​ര​ണ​മാ​യി സ്വത​ന്ത്ര​മാണ്‌. ആദ്യത്തെ കുഞ്ഞിന്റെ ജനന​ശേഷം പിന്നെ നടക്കുന്ന ഏതൊരു ഗർഭധാ​ര​ണ​ത്തി​ന്റെ​യും അപകട​സാ​ധ്യത യഥാർഥ​ത്തിൽ പ്രവചി​ക്കാൻ ഏറെക്കു​റെ പ്രയാ​സ​മാണ്‌. ഒരു സ്‌ത്രീ ചില​പ്പോൾ തന്റെ ഏററവും ആദ്യത്തെ ആർഎച്ച്‌-പോസി​റ​റീവ്‌ കുഞ്ഞി​നാൽ സംവേ​ദ​ക​ത്വം പ്രാപി​ച്ചേ​ക്കാം. മറെറാ​രു സ്‌ത്രീക്ക്‌ അഞ്ചോ അതില​ധി​ക​മോ ആർഎച്ച്‌-പോസി​റ​റീവ്‌ കുഞ്ഞുങ്ങൾ ഉണ്ടെങ്കി​ലും ഒരിക്ക​ലും സംവേ​ദ​ക​ത്വ​മു​ണ്ടാ​കാ​തി​രു​ന്നേ​ക്കാം. ഒരു മാതാവ്‌ സംവേ​ദ​ക​ത്വ​മു​ള്ള​വ​ളാ​യി​ത്തീ​രു​ന്നെ​ങ്കിൽ പിന്നെ​യു​ണ്ടാ​കുന്ന ഓരോ ആർഎച്ച്‌-പോസി​റ​റീവ്‌ ഭ്രൂണ​വും നശിക്കാ​നുള്ള സാധ്യത 30 ശതമാ​ന​മാണ്‌. ഗർഭധാ​ര​ണ​ങ്ങൾക്കി​ട​യി​ലെ ഇടവേ​ളകൾ ഇതിന്‌ യാതൊ​രു മാററ​വും വരുത്തു​ന്നില്ല. അതു​കൊണ്ട്‌ ഇത്‌ നിസ്സാ​ര​മാ​യി എടുക്കേണ്ട സംഗതി​യല്ല.

വളർച്ചപ്രാപിച്ചുകൊണ്ടിരിക്കുന്ന എന്റെ കുഞ്ഞ്‌ അപകട​ത്തി​ലാ​ണോ എന്ന്‌ ലബോ​റ​ട്ടറി പരി​ശോ​ധ​ന​യ്‌ക്ക്‌ പറയാൻ കഴിയു​മോ?

ഉവ്വ്‌, ഒരു പരിധി​വരെ കഴിയും. കുഞ്ഞിന്റെ രക്തത്തി​നെ​തി​രെ​യുള്ള ആൻറി​ബോ​ഡി​കൾ മാതാ​വി​ന്റെ രക്തത്തി​ലു​ണ്ടാ​കു​ന്നു​ണ്ടോ​യെന്ന്‌ അറിയാൻ ഗർഭകാ​ലത്ത്‌ മാതാ​വി​ന്റെ രക്തത്തിലെ ആൻറി​ബോ​ഡി​യു​ടെ അളവ്‌ നോക്കാ​വു​ന്ന​താണ്‌. കൂടാതെ, കുഞ്ഞിന്റെ രക്തത്തിനു കുഴപ്പം സംഭവിച്ച്‌ കുഞ്ഞ്‌ അപകട​ത്തി​ലാ​ണോ എന്ന്‌ ജരായൂ​ദ്ര​വ​ശേ​ഖ​ര​ണ​ത്തി​നു പറയാൻ കഴിയും. എന്നാൽ ജരായൂ​ദ്ര​വ​ശേ​ഖ​ര​ണ​ത്തി​നു ചില​പ്പോൾ അതി​ന്റേ​തായ സങ്കീർണ​ത​ക​ളുണ്ട്‌. അതു​കൊണ്ട്‌ അതിനു വിധേ​യ​മാ​കു​ന്നതു സൂക്ഷി​ച്ചു​വേണം.

ആർഎച്ച്‌ഐജി കുത്തി​വ​യ്‌പിന്‌ പാർശ്വ​ഫ​ല​ങ്ങ​ളു​ണ്ടോ?

ഇത്‌ വളർച്ച​പ്രാ​പി​ച്ചു​കൊ​ണ്ടി​രി​ക്കുന്ന ഭ്രൂണ​ത്തി​ന്റെ പ്രതി​രോ​ധ​ശ​ക്തി​യിൽ തകരാ​റു​ണ്ടാ​ക്കാൻ സാധ്യ​ത​യു​ള്ള​തു​കൊണ്ട്‌ ഗർഭകാ​ലത്തെ അതിന്റെ ഉപയോ​ഗം ഇപ്പോ​ഴും വിവാ​ദ​വി​ഷ​യ​മാണ്‌. എന്നാൽ, മാതാ​വി​നും അവളുടെ വളർന്നു​കൊ​ണ്ടി​രി​ക്കുന്ന കുഞ്ഞി​നും പ്രതി​രോ​ധ​വൽക്ക​രണം താരത​മ്യേന സുരക്ഷി​ത​മാ​ണെന്നു മിക്ക വിദഗ്‌ധ​രും നിഗമനം ചെയ്യുന്നു.

ഞാൻ എത്ര കൂടെ​ക്കൂ​ടെ കുത്തി​വ​യ്‌പ്‌ എടുക്ക​ണ​മെ​ന്നാ​ണു ഡോക്ടർമാർ പറയു​ന്നത്‌?

ആർഎച്ച്‌-പോസി​റ​റീവ്‌ രക്തം ഒരു ആർഎച്ച്‌-നെഗറ​റീവ്‌ സ്‌ത്രീ​യു​ടെ രക്തപ്ര​വാ​ഹ​ത്തിൽ കടക്കാ​നി​ട​യാ​ക്കുന്ന ഏതൊരു സംഭവ​വും നടന്നയു​ടൻതന്നെ കുത്തി​വ​യ്‌പു നൽകേ​ണ്ട​താ​ണെന്ന്‌ അധികാ​രി​കൾ പറയുന്നു. അതു​കൊണ്ട്‌, കുഞ്ഞിന്റെ രക്തം ആർഎച്ച്‌-പോസി​റ​റീവ്‌ ആണെന്നു കണ്ടുപി​ടി​ക്കു​ന്ന​പക്ഷം പ്രസവ​ശേഷം 72 മണിക്കൂ​റി​നു​ള്ളിൽ കുത്തി​വ​യ്‌പ്‌ നൽകാൻ ഇപ്പോൾ ശുപാർശ​ചെ​യ്യു​ന്നു. ജരായൂ​ദ്ര​വ​ശേ​ഖ​ര​ണ​മോ ചാപിള്ള ജനനമോ നടന്നാ​ലും ഇതുതന്നെ ശുപാർശ​ചെ​യ്യു​ന്നു.

കൂടാതെ, സാധാരണ ഗർഭകാ​ല​ത്തു​പോ​ലും കുഞ്ഞിന്റെ രക്തത്തിന്റെ ഒരു ചെറിയ അംശം മാതാ​വി​ന്റെ രക്തപ്ര​വാ​ഹ​ത്തി​ലേക്കു കടന്നേ​ക്കാ​മെന്ന്‌ പഠനങ്ങൾ പ്രകട​മാ​ക്കി​യ​തു​കൊണ്ട്‌ സംവേ​ദ​ക​ത്വം പ്രാപി​ക്കു​ന്നതു തടയാൻ 28 ആഴ്‌ച ഗർഭമാ​കു​മ്പോൾ മാതാ​വി​നു കുത്തി​വ​യ്‌പു നൽകാൻ ചില ഡോക്ടർമാർ ശുപാർശ​ചെ​യ്യു​ന്നു. അത്തര​മൊ​രു കേസിൽ കുഞ്ഞിന്റെ ജനന​ശേ​ഷ​വും കുത്തി​വ​യ്‌പു നൽകാൻ ശുപാർശ​ചെ​യ്യ​പ്പെ​ടു​ന്നു.

കുഞ്ഞിന്‌ ആർഎച്ച്‌ രോഗം പിടി​പെട്ടു കഴിഞ്ഞാൽപ്പി​ന്നെ എന്തെങ്കി​ലും ചികി​ത്സ​യു​ണ്ടോ?

ഉണ്ട്‌. നവജാ​ത​ശി​ശു​വി​ന്റെ ഹിമൊ​ലി​റ​റിക്‌ രോഗം ഗുരു​ത​ര​മായ ഒന്നാ​ണെ​ങ്കി​ലും കുഞ്ഞിന്‌ എക്‌സ്‌ചേഞ്ച്‌ രക്തപ്പകർച്ചകൾ കൊടു​ക്കാ​തുള്ള ചികി​ത്സ​കളെ പിന്തു​ണ​യ്‌ക്കുന്ന നല്ല തെളി​വു​ക​ളുണ്ട്‌. ഈ രോഗ​ത്തി​ന്റെ ഏററവും ഭീതി​ദ​മായ കുഴപ്പം ചുവന്ന​ര​ക്താ​ണു​ക്ക​ളു​ടെ വിഘട​ന​ത്തി​ന്റെ ഫലമാ​യു​ണ്ടാ​കുന്ന ബിലി​റൂ​ബിൻ എന്ന രാസവ​സ്‌തു​വി​ന്റെ രൂപീ​ക​ര​ണ​മാണ്‌. ഇത്‌ മഞ്ഞപ്പി​ത്ത​മു​ണ്ടാ​ക്കു​ക​യും ചില​പ്പോൾ കുഞ്ഞിന്റെ അവയവ​ങ്ങൾക്കു കേടു​വ​രു​ത്തു​ക​യും ചെയ്യുന്നു. (സന്ദർഭ​വ​ശാൽ, മാതാ​വി​ന്റെ​യും കുഞ്ഞി​ന്റെ​യും രക്തം തമ്മിൽ ഒരു എബിഒ പൊരു​ത്ത​ക്കേട്‌ ഉണ്ടാകു​മ്പോൾ കുഞ്ഞിനു ചെറിയ തോതിൽ മഞ്ഞപ്പിത്തം ഉണ്ടാ​യേ​ക്കാം. എന്നാൽ ഇതു സാധാ​ര​ണ​മാ​യി അത്ര ഗുരു​ത​രമല്ല.)

മഞ്ഞപ്പിത്തം ഒരു പ്രത്യേക അളവി​ലു​ള്ളത്‌ കുഞ്ഞു​ങ്ങൾക്ക്‌ എക്‌സ്‌ചേഞ്ച്‌ രക്തപ്പകർച്ച നടത്തേ​ണ്ട​താ​ണെ​ന്നു​ള്ള​തി​ന്റെ സൂചന​യാ​ണെന്നു ഡോക്ടർമാർ കുറേ കാല​ത്തേക്കു വിചാ​രി​ച്ചി​രു​ന്നു. എന്നാൽ കൂടു​ത​ലായ ഗവേഷണം വിവിധ പകര ചികി​ത്സാ​രീ​തി​കൾ വെളി​ച്ച​ത്തു​കൊ​ണ്ടു​വന്നു. മാസം തികയാ​തെ​യുള്ള പ്രസവ​മോ സിസേ​റി​യ​നോ പ്രകാ​ശ​ചി​കിത്സ (നീല വെളിച്ചം) എന്നിവ​യും ഫീനോ​ബാർബ​ററൽ, ആക്‌റ​റി​വേ​റ​റഡ്‌ ചാർക്കോൾ തുടങ്ങിയ ഔഷധ​ങ്ങ​ളും മററു ചികി​ത്സ​ക​ളും സഹായ​ക​ര​മെന്നു തെളി​യു​ക​യും രക്തപ്പകർച്ച​യി​ലേക്കു തിരി​യാ​നുള്ള പ്രചോ​ദനം ശ്രദ്ധേ​യ​മാ​യി കുറയ്‌ക്കു​ക​യും ചെയ്‌തി​ട്ടുണ്ട്‌. വാസ്‌ത​വ​ത്തിൽ അടുത്ത​കാ​ലത്തെ ചില റിപ്പോർട്ടു​കൾ ആർഎച്ച്‌ രോഗ​മുള്ള കുഞ്ഞു​ങ്ങ​ളിൽ നടത്തുന്ന എക്‌സ്‌ചേഞ്ച്‌ രക്തപ്പകർച്ച​ക​ളു​ടെ വ്യർഥ​ത​യെ​യും അപകട​ത്തെ​പ്പോ​ലും എടുത്തു​കാ​ട്ടു​ക​യു​ണ്ടാ​യി.—26-ാം പേജിലെ ബോക്‌സ്‌ കാണുക.

എന്നിരു​ന്നാ​ലും, എക്‌സ്‌ചേഞ്ച്‌ രക്തപ്പകർച്ച​യാണ്‌ സ്വീകാ​ര്യ​മായ ഒരേ ഒരു ചികിത്സ എന്ന്‌ ഡോക്ടർമാർ തറപ്പി​ച്ചു​പ​റ​യുന്ന അങ്ങേയ​റ​റത്തെ കേസു​ക​ളു​മുണ്ട്‌. അതു​കൊണ്ട്‌, ഈ രോഗ​വും അതോ​ടൊ​പ്പം മഞ്ഞപ്പി​ത്ത​വും തടയുന്ന ഒരു കുത്തി​വ​യ്‌പ്‌ എടുത്ത്‌ ഇക്കണ്ട പ്രശ്‌ന​ങ്ങ​ളെ​ല്ലാം ഒഴിവാ​ക്കു​ന്ന​തല്ലേ ഭേദം എന്നു ചില മാതാ​പി​താ​ക്കൾ വിചാ​രി​ക്കു​ന്നു.

ആർഎച്ച്‌ഐജി കുത്തി​വ​യ്‌പ്‌ രക്തത്തിൽനിന്ന്‌ ഉണ്ടാക്കി​യ​താ​ണോ?

അതേ, കുത്തി​വ​യ്‌പി​ല​ട​ങ്ങി​യി​രി​ക്കുന്ന ആൻറി​ബോ​ഡി​കൾ ആർഎച്ച്‌ ഘടക​ത്തോ​ടു പ്രതി​രോ​ധ​വ​ത്‌ക്ക​രി​ക്ക​പ്പെ​ടു​ക​യോ സംവേ​ദ​ക​ത്വം പ്രാപി​ക്കു​ക​യോ ചെയ്‌ത വ്യക്തി​ക​ളു​ടെ രക്തത്തിൽനിന്ന്‌ എടുത്തി​ട്ടു​ള്ള​താണ്‌. രക്തത്തിൽനി​ന്ന​ല്ലാ​തെ ജനിതക നിർമി​തി​വഴി വികസി​പ്പി​ച്ചെ​ടു​ത്തി​ട്ടുള്ള ആർഎച്ച്‌ഐജി ഭാവി​യിൽ ലഭ്യമാ​യി​ത്തീർന്നേ​ക്കാം.

ഒരു ക്രിസ്‌ത്യാ​നിക്ക്‌ ആർഎച്ച്‌ഐജി മനസ്സാ​ക്ഷി​പൂർവം സ്വീക​രി​ക്കാ​നാ​വു​മോ?

ഉൾപ്പെ​ട്ടി​രി​ക്കുന്ന പ്രശ്‌നം രക്തത്തിന്റെ ദുരു​പ​യോഗ സാധ്യ​ത​യാണ്‌. രക്തത്തിന്റെ ഭക്ഷിക്ക​ലി​നെ​യോ മറേറ​തെ​ങ്കി​ലും തരത്തി​ലുള്ള ദുരു​പ​യോ​ഗ​ത്തെ​യോ തിരു​വെ​ഴു​ത്തു​കൾ തികച്ചും ശക്തമായി തടയുന്നു. (ലേവ്യ​പു​സ്‌തകം 17:11, 12; പ്രവൃ​ത്തി​കൾ 15:28, 29) ആർഎച്ച്‌ഐജി രക്തത്തിൽനിന്ന്‌ ഉണ്ടാക്ക​പ്പെ​ടു​ന്ന​തു​കൊണ്ട്‌ ഒരു ക്രിസ്‌തീയ സ്‌ത്രീക്ക്‌ കുത്തി​വ​യ്‌പു സ്വീക​രി​ക്കേണ്ടി വരു​ന്നെ​ങ്കിൽ അത്‌ രക്തം വർജി​ക്കാ​നുള്ള ബൈബിൾ കൽപ്പന​യു​ടെ ലംഘനം ആയിരി​ക്കു​മോ?

ഈ മാസി​ക​യ്‌ക്കും ഇതിന്റെ കൂട്ടു​മാ​സി​ക​യായ വീക്ഷാ​ഗോ​പു​ര​ത്തി​നും ഈ വിഷയ​ത്തെ​പ്പ​ററി ഏകാഭി​പ്രാ​യ​മാണ്‌ ഉണ്ടായി​രു​ന്നി​ട്ടു​ള്ളത്‌.c എല്ലാ ഗർഭധാ​ര​ണ​ങ്ങ​ളി​ലും ആൻറി​ബോ​ഡി​കൾ അമ്മയ്‌ക്കും കുഞ്ഞി​നും ഇടയി​ലുള്ള മറുപി​ള്ള​യി​ലൂ​ടെ സ്വത​ന്ത്ര​മാ​യി സഞ്ചരി​ക്കു​ന്നു​ണ്ടെന്ന്‌ നാം കണ്ടു. അങ്ങനെ പ്രകൃ​ത്യാ നടക്കു​ന്ന​തി​നോട്‌ തത്ത്വത്തിൽ സമാന​മാ​യ​തി​നാൽ ആർഎച്ച്‌ഐജി പോലുള്ള ആൻറി​ബോ​ഡി​കൾ അടങ്ങി​യി​രി​ക്കുന്ന ഒരു കുത്തി​വ​യ്‌പ്‌ എടുക്കു​ന്നതു ബൈബിൾ നിയമ​ത്തി​ന്റെ ലംഘന​മാ​യി തങ്ങൾക്കു തോന്നു​ന്നി​ല്ലെന്ന്‌ ചില ക്രിസ്‌ത്യാ​നി​കൾ നിഗമനം ചെയ്‌തി​രി​ക്കു​ന്നു.

എന്നിരു​ന്നാ​ലും, ആർഎച്ച്‌ഐജി സ്വീക​രി​ക്ക​ണ​മോ വേണ്ടയോ എന്നത്‌ ഓരോ ക്രിസ്‌തീയ ദമ്പതി​ക​ളും മനസ്സാ​ക്ഷി​പൂർവം തീരു​മാ​നി​ക്കേണ്ട സംഗതി​യാണ്‌. എന്നാൽ ആർഎച്ച്‌ പ്രശ്‌നത്തെ അഭിമു​ഖീ​ക​രി​ക്കുന്ന ഭാര്യാ​ഭർത്താ​ക്കൻമാർ, ചികിത്സ എന്നനി​ല​യിൽ ആർഎച്ച്‌ഐജി നിർദേ​ശി​ക്ക​പ്പെ​ടു​ക​യും അതു സ്വീക​രി​ക്കേണ്ട എന്നു വെക്കു​ക​യും ചെയ്യു​മ്പോൾ സാധ്യ​ത​യ​നു​സ​രി​ച്ചു തടയാ​മാ​യി​രുന്ന ഒരു രോഗ​ത്താൽ ഗുരു​ത​ര​മാ​യി ബാധി​ക്ക​പ്പെട്ട ഒരു ഭാവി കുട്ടി ഉണ്ടായി​രി​ക്കു​ന്ന​തി​ന്റെ അപകടം സ്വീക​രി​ക്കാൻ തയ്യാറാ​യി​രി​ക്കേ​ണ്ട​തുണ്ട്‌. ഈ സാഹച​ര്യ​ത്തിൽ, കൂടുതൽ കുട്ടി​ക​ളു​ണ്ടാ​യി, സാധ്യ​ത​യുള്ള ഇത്തര​മൊ​രു ദുരന്ത​ത്തി​നു തങ്ങളെ​ത്തന്നെ വിധേ​യ​രാ​ക്കു​ന്നത്‌ ഒഴിവാ​ക്കാൻ കൂടു​ത​ലായ പ്രതി​രോ​ധ​ന​ട​പ​ടി​കൾ എടുക്കു​ന്ന​താ​ണു ജ്ഞാനമാർഗ​മെ​ന്നു​പോ​ലും അവർ തീരു​മാ​നി​ച്ചേ​ക്കാം. ഇത്തരം ഭാരിച്ച തീരു​മാ​ന​ങ്ങ​ളെ​ടു​ക്കു​ന്ന​തി​നു​മുമ്പ്‌ ബന്ധപ്പെട്ട ക്രിസ്‌തീയ മാതാ​പി​താ​ക്കൾ എല്ലാ വശങ്ങളും പ്രാർഥ​നാ​പൂർവം പരിചി​ന്തി​ക്കേ​ണ്ട​തുണ്ട്‌.

[അടിക്കു​റി​പ്പു​കൾ]

[26-ാം പേജിലെ ചതുരം]

ബിലിറൂബിൻ വർധനവ്‌—രക്തപ്പകർച്ച​യ്‌ക്കുള്ള കാരണ​മോ?

ബിലി​റൂ​ബി​ന്റെ അളവ്‌ ഉയരാൻ തുടങ്ങു​മ്പോൾ—പ്രത്യേ​കിച്ച്‌ 100 മില്ലി​ലി​റ​റ​റിന്‌ 20 മില്ലി​ഗ്രാം എന്ന അളവി​ലേക്ക്‌—“തലച്ചോ​റി​നു ക്ഷതമേൽക്കു​ന്നതു (kernicterus) തടയാ​നാ​യി” പലപ്പോ​ഴും എക്‌സ്‌ചേഞ്ച്‌ രക്തപ്പകർച്ച​യ്‌ക്കു നിർബ​ന്ധി​ക്ക​ത്ത​ക്ക​വണ്ണം കുഞ്ഞു​ങ്ങ​ളി​ലെ ബിലി​റൂ​ബിൻ വർധന​വി​ന്റെ ഭവിഷ്യ​ത്തു​ക​ളെ​ക്കു​റിച്ച്‌ ഡോക്ടർമാർ ദീർഘ​നാ​ളാ​യി ഭയമു​ള്ള​വ​രാണ്‌. ഈ ഭയത്തെ​യും രക്തപ്പകർച്ച​യു​ടെ മൂല്യ​ത്തെ​യും നീതീ​ക​രി​ക്കാ​നാ​വു​മോ?

ഡോ. ആൻറണി ഡിക്‌സൻ ഇപ്രകാ​രം പറയുന്നു: “100 മില്ലിക്ക്‌ 18-നും 51-നും മധ്യേ എന്ന നിരക്കിൽ ബിലി​റൂ​ബിൻ അളവു​ള്ള​പ്പോൾ ഉണ്ടാകുന്ന താത്‌കാ​ലി​ക​വും നിലനിൽക്കു​ന്ന​തു​മായ ഭവിഷ്യ​ത്തു​കൾ നിർണ​യി​ക്കാൻ ഈ കുഞ്ഞു​ങ്ങളെ സംബന്ധി​ച്ചു നടത്തിയ അനേകം പഠനങ്ങൾക്കും കഴിഞ്ഞി​ട്ടില്ല. ഡോ. ഡിക്‌സൻ “20-ന്റെ ഭയമായ വിജിൻറി​ഫോ​ബിയ”യെക്കു​റി​ച്ചുള്ള ചർച്ച തുടരു​ന്നു. ഈ വർധിച്ച അളവു​ക​ളി​ലുള്ള ബിലി​റൂ​ബി​നെ ചികി​ത്സി​ച്ച​തു​കൊണ്ട്‌ എന്തെങ്കി​ലും പ്രയോ​ജ​ന​മു​ള്ള​താ​യി തെളി​ഞ്ഞി​ട്ടി​ല്ലെ​ങ്കി​ലും ഡോ. ഡിക്‌സൻ ഇപ്രകാ​രം നിഗമനം ചെയ്യുന്നു: “വിഷമ​സ്ഥി​തി വ്യക്തമാണ്‌. നിണനീ​രി​ലെ (serum) വർധിച്ച അളവു​ക​ളി​ലുള്ള ബിലി​റൂ​ബി​നെ തീവ്ര​മാ​യി ചികി​ത്സി​ക്കു​ന്നത്‌ ഇക്കാലത്തെ ഒരു സർവസാ​ധാ​ര​ണ​മായ നടപടി​യാണ്‌. തെററാ​ണെന്നു തെളി​യി​ക്ക​പ്പെ​ടു​ന്ന​തു​വരെ വ്യാപ​ക​മാ​യി നടന്നു​വ​രുന്ന ഒരു നടപടി​യെ വെല്ലു​വി​ളി​ക്കാൻ പാടില്ല. ഇനിയും, അത്‌ തെററാ​ണെന്നു പ്രകടി​പ്പി​ച്ചു കാണി​ക്കാ​നുള്ള ഏതൊരു ശ്രമവും അനീതി​യു​മാണ്‌!”—കനേഡി​യൻ ഫാമിലി ഫിസി​ഷ്യൻ, ഒക്‌ടോ​ബർ 1984, പേജ്‌ 1981.

അതേസ​മയം, ബിലി​റൂ​ബി​ന്റെ ഒരു സംരക്ഷ​ണാ​ത്മ​ക​മായ പങ്കി​നെ​ക്കു​റി​ച്ചും “നിണനീ​രി​ലെ ബിലി​റൂ​ബി​ന്റെ അളവ്‌ അനുചി​ത​മാം​വി​ധം താണു​പോ​യാൽ ഉണ്ടാ​യേ​ക്കാ​വുന്ന അപ്രതീ​ക്ഷി​ത​മായ ആപത്തു​കളെ”ക്കുറി​ച്ചും ഇററലി​യി​ലെ ഒരു പ്രാമാ​ണി​ക​യായ ഡോ. എർസില്യ ഗാർബാ​ന്യാ​ററി എഴുതി​യി​ട്ടുണ്ട്‌. (ചെരി​ച്ചെ​ഴു​ത്തു ഞങ്ങളു​ടേത്‌.) (ശിശു​ശാ​സ്‌ത്രം, മാർച്ച്‌ 1990, പേജ്‌ 380) ഒരു പടികൂ​ടി മുന്നോ​ട്ടു പൊയ്‌ക്കൊണ്ട്‌ ഡോ. ജോൺ ഹോജ്‌മൻ വെസ്‌റേറൺ ജേർണൽ ഓഫ്‌ മെഡി​സി​നിൽ ഇപ്രകാ​രം എഴുതു​ന്നു: “ബിലി​റൂ​ബിൻ താണ അളവി​ലാ​യി​രി​ക്കു​മ്പോൾ എക്‌സ്‌ചേഞ്ച്‌ രക്തപ്പകർച്ച ബിലി​റൂ​ബിൻ തലച്ചോ​റി​നു​ണ്ടാ​ക്കുന്ന നിറം​മാ​റ​റത്തെ തടയില്ല. മാത്രമല്ല മുകളിൽ ഉദ്ധരിച്ച പരീക്ഷണ പ്രവർത്ത​ന​ത്തി​ന്റെ അടിസ്ഥാ​ന​ത്തിൽ അത്‌ യഥാർഥ​ത്തിൽ അപകട​ക​ര​വു​മാ​യി​രു​ന്നേ​ക്കാം.”—ജൂൺ 1984, പേജ്‌ 933.