യഹോ​വ​യു​ടെ സാക്ഷി​ക​ളിൽ രക്തരഹിത ശസ്‌ത്ര​ക്രി​യ​യു​ടെ വികാ​സ​ത്തി​നു വഴി​തെ​ളി​ക്കു​ന്നു

യഹോ​വ​യു​ടെ സാക്ഷികൾ രക്തപ്പകർച്ചകൾ സ്വീക​രി​ക്കാ​ത്ത​തു​നി​മി​ത്തം സമീപ​വർഷ​ങ്ങ​ളിൽ അവർ കൂടെ​ക്കൂ​ടെ വാർത്താ​ത​ല​ക്കെ​ട്ടു​കൾ പിടി​ച്ചു​പ​റ​റി​യി​ട്ടുണ്ട്‌. അവരുടെ നിരസ​ന​ത്തി​ന്റെ കാരണം തിരു​വെ​ഴു​ത്തു​പ​ര​മാ​ണെ​ങ്കി​ലും, തിരി​ച്ച​റി​യ​പ്പെ​ട്ടി​ട്ടുള്ള ശാരീ​രിക അപകട​ങ്ങ​ളു​മുണ്ട്‌. (ഉൽപത്തി 9:3, 4; ലേവ്യ​പു​സ്‌തകം 17:10-12; പ്രവൃ​ത്തി​കൾ 15:28, 29) അവരുടെ നിലപാ​ടു ഡോക്ടർമാ​രു​മാ​യും ആശുപ​ത്രി​ക​ളു​മാ​യും കോട​തി​ക​ളു​മാ​യും ഏററു​മു​ട്ട​ലു​ക​ളിൽ കലാശി​ച്ചി​രി​ക്കു​ന്നു. പ്രായ​പൂർത്തി​യായ സാക്ഷികൾ പകർച്ചകൾ നിരസി​ച്ച​തു​നി​മി​ത്തം അവർക്കു ശസ്‌ത്ര​ക്രി​യാ​ന​ട​പ​ടി​കൾ നിഷേ​ധി​ക്ക​പ്പെ​ട്ടി​ട്ടുണ്ട്‌; അവരുടെ കുട്ടികൾ കോട​തി​വി​ധി​യു​ടെ പിൻബ​ല​ത്തോ​ടെ വഴങ്ങാൻ നിർബ​ന്ധി​ക്ക​പ്പെ​ട്ടി​രി​ക്കു​ന്നു.

രക്തപ്പകർച്ച​കൾ സംബന്ധിച്ച നിലപാ​ടു​കൾക്ക്‌ ഇപ്പോൾ കുറെ മാററ​മു​ണ്ടാ​യി​ട്ടുണ്ട്‌. നൽക​പ്പെ​ടുന്ന രക്തം മിക്ക​പ്പോ​ഴും രോഗാ​ണു​ബാ​ധി​ത​മാണ്‌. പകർച്ച​ക​ളി​ലൂ​ടെ രോഗങ്ങൾ പകരുന്നു—അവയിൽ ചിലതു മാരക​മാണ്‌. രക്തം വൻ ബിസി​ന​സ്സാ​യി​ത്തീ​രു​ക​യും അതിന്റെ പതിവായ ഉപയോ​ഗം പ്രോ​ത്സാ​ഹി​പ്പി​ക്ക​പ്പെ​ടു​ക​യും ചെയ്യവേ അത്യാ​ഗ്രഹം ഒരു വലിയ ഘടകമായിത്തീർന്നിരിക്കുന്നുa—ശസ്‌ത്ര​ക്രി​യക്ക്‌ കൂടു​ത​ലാ​യി അനാവ​ശ്യ​മായ അപകടം വരുത്തി​ക്കൂ​ട്ടി​ക്കൊ​ണ്ടു​തന്നെ. ഈ കാരണ​ങ്ങ​ളാ​ലും മററു​കാ​ര​ണ​ങ്ങ​ളാ​ലും യഹോ​വ​യു​ടെ സാക്ഷി​ക​ളെ​ക്കൂ​ടാ​തെ അനേകർ പതിവാ​യി രക്തപ്പകർച്ചകൾ സ്വീക​രി​ക്കുന്ന കാര്യം പുനഃ​പ​രി​ശോ​ധി​ച്ചു​കൊ​ണ്ടി​രി​ക്കു​ക​യാണ്‌.

ഇതി​ലെ​ല്ലാം യഹോ​വ​യു​ടെ സാക്ഷികൾ ഒരു പങ്കു വഹിച്ചി​രി​ക്കു​ന്നു. അവരിൽ ആയിര​ങ്ങൾക്ക്‌ ഓപ്പ​റേഷൻ നടത്തി​യി​ട്ടുണ്ട്‌, അനേകം കേസു​ക​ളിൽ രക്തം സ്വീക​രിച്ച ആളുക​ളേ​ക്കാൾ കൂടുതൽ വേഗത്തിൽ പോലും സുഖം പ്രാപി​ച്ചി​ട്ടു​മുണ്ട്‌. ശസ്‌ത്ര​ക്രി​യാ​വി​ദ​ഗ്‌ദ്ധർക്കു വളരെ കുറഞ്ഞ രക്തനഷ്ട​ത്തോ​ടെ ശസ്‌ത്ര​ക്രിയ നടത്താൻ കഴിയു​മെ​ന്നും ചില സന്ദർഭ​ങ്ങ​ളിൽ രക്തത്തിന്റെ അളവു മുൻപ്‌ സുരക്ഷി​ത​മാ​ണെന്നു കരുതി​യി​രുന്ന അളവി​നേ​ക്കാൾ കൂടുതൽ കുറയാൻ കഴിയു​മെ​ന്നും സാക്ഷി​ക​ളു​ടെ അനുഭവം പ്രകട​മാ​ക്കു​ന്നു. മാത്ര​വു​മല്ല, അവരുടെ കേസുകൾ മററു തരത്തി​ലുള്ള അനേകം ചികി​ത്സകൾ ഇപ്പോൾ ലഭ്യമാ​ണെ​ന്നും കാണി​ച്ചി​രി​ക്കു​ന്നു, ഇപ്രകാ​രം രക്തപ്പകർച്ച​ക​ളു​ടെ ചെലവും അപകട​സാ​ദ്ധ്യ​ത​യും ഇല്ലാതാ​ക്കു​ന്നു. അവരുടെ കോട​തി​വി​ജ​യങ്ങൾ ചില ചികി​ത്സാ​ന​ട​പ​ടി​കൾ സ്വീക​രി​ക്കു​ന്ന​തി​നോ നിരാ​ക​രി​ക്കു​ന്ന​തി​നോ ഉള്ള അവകാശം രോഗി​കൾക്കു മടക്കി​ക്കൊ​ടു​ത്തി​ട്ടു​മുണ്ട്‌.

ഇതിൽ അധിക​വും യഹോ​വ​യു​ടെ സാക്ഷികൾ നേടി​യത്‌ ഡോക്ടർമാ​രു​മാ​യും ആശുപ​ത്രി​ക​ളു​മാ​യും സഹകരി​ച്ചു പ്രവർത്തി​ച്ച​തു​കൊ​ണ്ടാണ്‌. സമീപ​വർഷ​ങ്ങ​ളിൽ അവർ തങ്ങളുടെ ലോക ആസ്‌ഥാ​നത്തു ഹോസ്‌പി​ററൽ ഇൻഫർമേഷൻ സർവീ​സസ്‌ (HIS) എന്നു വിളി​ക്ക​പ്പെ​ടുന്ന ഒരു വകുപ്പ്‌ സ്ഥാപി​ച്ചി​ട്ടുണ്ട്‌. ഈ വകുപ്പി​ന്റെ പ്രതി​നി​ധി​കൾ വാച്ച്‌റ​റവർ സൊ​സൈ​റ​റി​യു​ടെ ബ്രാഞ്ചാ​ഫീ​സു​ക​ളിൽ ചിലതിൽ സെമി​നാ​റു​കൾ നടത്തി​ക്കൊ​ണ്ടും ആവശ്യം നേരി​ടു​മ്പോൾ ആശുപ​ത്രി​ക​ളു​മാ​യും ഡോക്ടർമാ​രു​മാ​യും ബന്ധപ്പെ​ടു​ന്ന​തി​നു ഹോസ്‌പി​ററൽ ലെയ്‌സൻ കമ്മിറ​റി​കൾ രൂപീ​ക​രി​ച്ചു​കൊ​ണ്ടും ലോക​ത്തി​ന്റെ വിവിധ ഭാഗങ്ങ​ളി​ലെ രാജ്യ​ങ്ങ​ളിൽ പര്യടനം നടത്തി​യി​രി​ക്കു​ന്നു. വലിയ ബ്രാഞ്ചാ​ഫീ​സു​കൾ സന്ദർശി​ക്കു​മ്പോൾ എച്ച്‌ ഐ എസ്‌ പ്രതി​നി​ധി​കൾ തങ്ങൾ പോയ​തി​നു​ശേഷം വേല തുടരാൻ ഒരു ഹോസ്‌പി​ററൽ ഇൻഫർമേഷൻ സർവീ​സസ്‌ ഡെസ്‌ക്ക്‌ സ്ഥാപി​ക്കു​ക​യും ചെയ്യുന്നു.

രക്തപ്പകർച്ച​കൾക്കു പകരമുള്ള അനു​യോ​ജ്യ​മായ മരുന്നു​ക​ളേ​ക്കു​റി​ച്ചു ചർച്ച നടത്തി​ക്കൊ​ണ്ടും സൂക്ഷ്‌മ​ശ്ര​ദ്ധ​യോ​ടെ​യുള്ള ശസ്‌ത്ര​ക്രി​യാ​വൈ​ദ​ഗ്‌ദ്ധ്യ​ത്തി​നു രക്തനഷ്ടം വളരെ​യ​ധി​കം കുറയ്‌ക്കാൻ കഴിയു​മെന്നു വിശദീ​ക​രി​ച്ചു​കൊ​ണ്ടും ഡോക്ടർമാ​രോ​ടും ആശുപ​ത്രി​യ​ധി​കൃ​ത​രോ​ടും സംസാ​രി​ക്കാൻ ഈ സെമി​നാ​റു​കൾ ഈ കമ്മിറ​റി​കളെ പരിശീ​ലി​പ്പി​ക്കു​ന്നു. അന്തിമ​മാ​യി, എച്ച്‌ ഐ എസ്സിലെ സന്ദർശ​കാം​ഗങ്ങൾ ഡോക്ടർമാ​രോ​ടും ആശുപ​ത്രി​യ​ധി​കൃ​ത​രോ​ടും സംസാ​രി​ക്കാൻ അവരുടെ അടു​ത്തേക്കു ഈ പുതിയ ലെയ്‌സൻ കമ്മിറ​റി​കളെ കൊണ്ടു​പോ​കു​ന്ന​തി​നാൽ അവർക്കു പ്രവർത്ത​ന​രം​ഗത്തെ പരിശീ​ലനം കൊടു​ക്കു​ന്നു.

ഒരു തുടക്ക​മെ​ന്ന​നി​ല​യിൽ ഐക്യ​നാ​ടു​ക​ളിൽ 18 സെമി​നാ​റു​കൾ നടത്തി. അതിനു​ശേഷം, ആസ്‌​ട്രേ​ലി​യാ​യി​ലും ജപ്പാനി​ലും ഫിലി​പ്പൈൻസി​ലും ഹവായി​യി​ലും ഓരോ​ന്നു​വീ​തം, പസഫിക്‌ പ്രദേ​ശത്തു നാലെണ്ണം നടത്ത​പ്പെട്ടു, ആ പ്രദേ​ശ​ങ്ങ​ളി​ലെ വാച്ച്‌റ​റവർ സൊ​സൈ​റ​റി​യു​ടെ എട്ടു ബ്രാഞ്ചാ​ഫീ​സു​കളെ സേവി​ച്ചു​കൊ​ണ്ടു​തന്നെ.b ആയിര​ത്തി​ത്തൊ​ള്ളാ​യി​ര​ത്തി​തൊ​ണ്ണൂറ്‌ നവംബ​റി​ലും ഡിസം​ബ​റി​ലും എച്ച്‌ ഐ എസ്സിലെ മൂന്ന്‌ അംഗങ്ങൾ യൂറോ​പ്പി​ലും ലാററിൻ അമേരി​ക്ക​യി​ലും കരീബി​യ​നി​ലും പത്തു സെമി​നാ​റു​കൾക്കൂ​ടി നടത്തി. ആ സെമി​നാ​റു​ക​ളു​ടെ ഫലങ്ങ​ളേ​ക്കു​റി​ച്ചുള്ള ഒരു റിപ്പോർട്ടാ​ണു തുടർന്നു​വ​രു​ന്നത്‌.

യൂറോ​പ്പിൽ അഞ്ചെണ്ണം നടത്ത​പ്പെട്ടു—ഇംഗ്ലണ്ടി​ലും സ്വീഡ​നി​ലും ഫ്രാൻസി​ലും ജർമ്മനി​യി​ലും സ്‌പെ​യി​നി​ലും ഓരോ​ന്നു​വീ​തം. ഈ സെമി​നാ​റു​കൾ വാച്ച്‌റ​റവർ സൊ​സൈ​റ​റി​യു​ടെ 20 ബ്രാഞ്ചാ​ഫീ​സു​കളെ സേവി​ക്കു​ക​യും ഹോസ്‌പി​ററൽ ലെയ്‌സൻ കമ്മിററി പ്രവർത്ത​ന​ത്തി​നാ​യി 1,700-ൽപരം മൂപ്പൻമാ​രെ പരിശീ​ലി​പ്പി​ക്കു​ക​യും ചെയ്‌തു.

രക്തം സംബന്ധിച്ച യഹോ​വ​യു​ടെ സാക്ഷി​ക​ളു​ടെ ഉറച്ച നിലപാ​ടു നിമിത്തം രക്തരഹി​ത​ശ​സ്‌ത്ര​ക്രി​യ​യു​ടെ മണ്‌ഡ​ല​ത്തിൽ പുരോ​ഗതി നേടു​ന്ന​തിന്‌ അവർ വൈദ്യ​ശാ​സ്‌ത്ര​തൊ​ഴിൽരം​ഗത്തെ സഹായി​ച്ചി​രി​ക്കു​ന്നു​വെന്ന്‌ ഒരു ഫ്രെഞ്ച്‌ വൈദ്യ​ശാ​സ്‌ത്രജ്ഞൻ സമ്മതി​ച്ചു​പ​റഞ്ഞു. പ്രയാ​സ​ക​ര​മായ പ്രശ്‌ന​ങ്ങളെ കൈകാ​ര്യം ചെയ്യു​ന്ന​തി​നു മററു യാതൊ​രു മതവും ഇത്ര​ത്തോ​ളം ശ്രമം​ചെ​ലു​ത്തി​യി​ട്ടില്ല എന്ന്‌ അദ്ദേഹം പറഞ്ഞു.

സ്‌പെ​യി​നി​ലെ മഡ്രി​ഡി​ലുള്ള ഏററവും പുരോ​ഗ​മിച്ച ആശുപ​ത്രി ഈ പ്രശ്‌ന​ത്തിൽ യഹോ​വ​യു​ടെ സാക്ഷി​ക​ളോ​ടു തികച്ചും എതിരാ​യി​രു​ന്നു. നട്ടെല്ലി​ലെ ശസ്‌ത്ര​ക്രിയ ആവശ്യ​മാ​യി​രുന്ന ഒരു സാക്ഷിക്ക്‌ ഒരു രക്തപ്പകർച്ച നിരസി​ച്ച​തി​ന്റെ പേരിൽ ചികിത്സ നിഷേ​ധി​ക്ക​പ്പെട്ടു. അവൾ ആശുപ​ത്രി വിട്ടു​പോ​കാൻ വിസമ്മ​തി​ച്ച​പ്പോൾ ഭക്ഷണവും പാനീ​യ​വും കൊടു​ക്കാ​തി​രു​ന്നു​കൊണ്ട്‌ അവളെ ഇറങ്ങി​പ്പോ​കാൻ നിർബ​ന്ധി​ത​യാ​ക്കി. എന്നിരു​ന്നാ​ലും, എച്ച്‌ ഐ എസ്സിലെ അംഗങ്ങൾ സംഭാ​ഷ​ണാ​നു​മതി നേടി, അവർ ആശുപ​ത്രി​യു​ടെ ഡയറക്ട​റു​മാ​യും ശസ്‌ത്ര​ക്രി​യാ വിഭാ​ഗ​ത്തി​ന്റെ തലവനു​മാ​യും രണ്ടു മണിക്കൂർ കൂടി​ക്കാഴ്‌ച്ച നടത്തു​ക​യും ചെയ്‌തു. ഫലമെ​ന്താ​യി​രു​ന്നു? അവർ ശസ്‌ത്ര​ക്രിയ നടത്താൻ സമ്മതി​ക്കു​ക​യും ഇറക്കി​വിട്ട സാക്ഷിയെ ഓപ്പ​റേ​ഷ​നു​വേണ്ടി ഫോണിൽ തിരി​കെ​വി​ളി​ക്കു​ക​യും ചെയ്‌തു.

ഇററലി​യിൽ സെമി​നാർക​ഴി​ഞ്ഞു മടങ്ങിവന്ന സാക്ഷികൾ ഒരു അകാല​ജാ​ത​ശി​ശു​വിൽ രക്തപ്പകർച്ച അടി​ച്ചേൽപ്പി​ക്കാ​നുള്ള ഒരു ശ്രമത്തെ പെട്ടെ​ന്നു​തന്നെ അഭിമു​ഖീ​ക​രി​ച്ചു. അവർ ഇങ്ങനെ പറഞ്ഞു: “സെമി​നാ​റിൽനി​ന്നു ഞങ്ങൾക്കു ലഭിച്ച വിവര​ങ്ങൾകൊണ്ട്‌ ആ സാഹച​ര്യ​ത്തി​ന്റെ സംഘർഷം കുറയ്‌ക്കാൻ ഞങ്ങൾക്കു കഴിഞ്ഞു, കുട്ടിയെ രക്തമി​ല്ലാ​തെ വിജയ​ക​ര​മാ​യി ചികി​ത്സി​ച്ചു.”

ലാററിൻ അമേരി​ക്ക​യി​ലേ​ക്കും കരീബി​യ​നി​ലേ​ക്കും

അടുത്ത അഞ്ചു സെമി​നാ​റു​കൾ മെക്‌സി​ക്കോ​യി​ലും അർജ്ജൻറീ​ന​യി​ലും ബ്രസ്സീ​ലി​ലും ഇക്വ​ഡോ​റി​ലും പ്യൂർട്ടോ​റി​ക്കോ​യി​ലും നടത്ത​പ്പെട്ടു. ഈ അഞ്ചു സെമി​നാ​റു​കൾ വാച്ച്‌റ​റവർ സൊ​സൈ​റ​റി​യു​ടെ മുപ്പത്തി​രണ്ടു ബ്രാഞ്ചാ​ഫീ​സു​കളെ സേവിച്ചു.

യഹോ​വ​യു​ടെ സാക്ഷികൾ രക്തരഹി​ത​ശ​സ്‌ത്ര​ക്രി​യ​യ്‌ക്കു നേതൃ​ത്വം കൊടു​ത്തു​വെ​ന്നും ആ പ്രാരം​ഭ​മു​ന്നേ​റ​റ​ശ്ര​മ​ങ്ങ​ളിൽനി​ന്നു മററു​ള്ള​വർക്കും പ്രയോ​ജനം നേടാൻ കഴിയ​ത്ത​ക്ക​വണ്ണം ആ മേഖല​യിൽ ഇപ്പോൾത്തന്നെ വേണ്ടത്ര വൈദ​ഗ്‌ദ്ധ്യം ഉണ്ടെന്നും മെക്‌സി​ക്കോ​ന​ഗ​ര​ര​ക്ത​ബാ​ങ്കി​ന്റെ ഡയറക്ടർ പറഞ്ഞു. രക്തസ്രാ​വ​ത്തി​ന്റെ കേസു​ക​ളിൽ ചികി​ത്സി​ക്കു​ന്ന​തി​നുള്ള പകരം​മ​രു​ന്നു​ക​ളു​ടെ പട്ടിക​കൊ​ടു​ക്കുന്ന എച്ച്‌ ഐ എസ്സ്‌ ഷീററ്‌ അദ്ദേഹം നോക്കി.c എന്നിട്ട്‌ അദ്ദേഹം ഇങ്ങനെ പറഞ്ഞു: ‘മെക്‌സി​ക്കോ നഗരത്തി​ലെ എല്ലാ ആശുപ​ത്രി​ക​ളി​ലെ​യും രോഗ​വി​വര പത്രങ്ങൾക്കു​വേണ്ടി ഇതിന്റെ പകർപ്പു​കൾ ഉണ്ടാക്കാൻ ഞാൻ ആഗ്രഹി​ക്കു​ന്നു. തങ്ങളുടെ അറിവി​നാ​യി അതിന്റെ പകർപ്പെ​ടു​ക്കാൻ ഞാൻ ഡോക്ടർമാ​രോട്‌ ആവശ്യ​പ്പെ​ടും. അതിനു​ശേഷം ഭാവി​യിൽ രക്തത്തി​നു​വേണ്ടി അവർ ഈ രക്തബാങ്ക്‌ സന്ദർശി​ക്കു​മ്പോൾ ഈ ഷീററ്‌ പുറ​ത്തെ​ടു​ക്കാൻ ആദ്യം​തന്നെ അവരോട്‌ ആവശ്യ​പ്പെ​ട്ട​ശേഷം ഞങ്ങൾ ഇങ്ങനെ ചോദി​ക്കും, “നിങ്ങൾ ഇത്‌ ഉപയോ​ഗി​ച്ചോ? നിങ്ങൾ അത്‌ പരീക്ഷി​ച്ചു​നോ​ക്കി​യോ?” ഈ പകരം​മ​രു​ന്നു​കൾ അവർ ഉപയോ​ഗി​ച്ചു​നോ​ക്കി​യി​ട്ടി​ല്ലെ​ങ്കിൽ, അവരതു ചെയ്യു​ന്ന​തു​വരെ ഞങ്ങളിൽനിന്ന്‌ അവർക്ക്‌ രക്തം ലഭിക്കു​ക​യില്ല!’

ഉത്തര അർജ്ജൻറീ​ന​യി​ലെ രക്തബാ​ങ്കി​ന്റെ ഡയറക്ട​റും സഹായ​മ​ന​സ്‌ക്ക​നാ​യി​രു​ന്നു. ആ പ്രദേ​ശത്തു ഗവൺമെൻറാ​ശു​പ​ത്രി​യിൽ വരുന്ന ഏതൊ​രാ​ളും ബന്ധുക്ക​ളെ​യോ സ്‌നേ​ഹി​ത​രെ​യോ കുറഞ്ഞതു രണ്ടു യൂണി​ററു രക്തമെ​ങ്കി​ലും മുൻകൂർ ദാനം ചെയ്യാൻ ക്രമീ​ക​രണം ചെയ്‌തി​രി​ക്കണം എന്നൊരു നയമുണ്ട്‌, അല്ലാത്ത​പക്ഷം അയാൾക്കു ചികിത്സ നിഷേ​ധി​ക്ക​പ്പെ​ടു​ന്നു. ഇപ്രകാ​രം, സാക്ഷി​കൾക്ക്‌ അത്‌ അനുസ​രി​ക്കാൻ കഴിഞ്ഞില്ല, അവർക്കു ചികിത്സ നിഷേ​ധി​ക്ക​പ്പെട്ടു. രക്തത്തിന്റെ ഉപയോ​ഗം സംബന്ധിച്ച ഞങ്ങളുടെ ആത്മാർത്ഥ​മായ ബോധ്യം ഞങ്ങൾ വിശദീ​ക​രി​ച്ചു​ക​ഴി​ഞ്ഞ​പ്പോൾ, അടുത്ത​പ്രാ​വ​ശ്യം വീണ്ടും എഴുതു​മ്പോൾ ഈ നയത്തിൽ ഒരു മാററം വരുത്താൻ അദ്ദേഹം ക്രമീ​ക​രണം ചെയ്‌തു. ഇതിനി​ട​യിൽ ഒരു ആശുപ​ത്രി​യിൽ പ്രവേ​ശി​പ്പി​ക്ക​പ്പെ​ടു​മ്പോൾ മുൻകൂ​ട്ടി​യുള്ള മെഡിക്കൽ നിർദ്ദേശ കാർഡു കാണി​ക്കുന്ന സാക്ഷികൾ രക്തം ദാനം ചെയ്യണം എന്നുള്ള വ്യവസ്ഥ​യിൽനിന്ന്‌ ഒഴിവു​ള്ള​വ​രാ​യി​രി​ക്കും.

ഇക്വ​ഡോ​റിൽ സാക്ഷി​ക​ളി​ലും സാക്ഷി​ക​ള​ല്ലാ​ത്ത​വ​രി​ലും രക്തം ഉപയോ​ഗി​ക്കാ​തെ 2,500 ശസ്‌ത്ര​ക്രി​യകൾ നടത്തിയ പ്രമു​ഖ​നും സ്വാധീ​ന​മു​ള്ള​വ​നു​മായ ഒരു ശസ്‌ത്ര​ക്രി​യാ​വി​ദ​ഗ്‌ദ്ധൻ ഉണ്ട്‌. രക്തശേ​ഖ​ര​ത്തിൽനിന്ന്‌ അനേകം അപകടങ്ങൾ രോഗിക്ക്‌ ഉണ്ടാകു​ന്ന​തി​നാൽ ആ ദേശത്തു രക്തരഹി​ത​ശ​സ്‌ത്ര​ക്രി​യയെ പ്രോ​ത്സാ​ഹി​പ്പി​ക്കു​ന്ന​തിന്‌ ഒരു പ്രചാ​രണം തുടങ്ങാൻ താൻ ആസൂ​ത്രണം ചെയ്യു​ന്ന​താ​യി അദ്ദേഹം പറഞ്ഞു.

ഇക്വ​ഡോ​റി​ലെ സെമി​നാ​റി​നെ തുടർന്ന്‌ ആ പരിപാ​ടി​യിൽ സംബന്ധിച്ച ഒരു ശസ്‌ത്ര​ക്രി​യാ​വി​ദ​ഗ്‌ദ്ധൻ ഇപ്രകാ​രം പറഞ്ഞു: “ഈ ആളുകൾ വൈദ്യ​ശാ​സ്‌ത്ര​ത്തിൽ ഇത്ര മികവു​ററ ഗവേഷ​ണ​പ്രാ​പ്‌തി​യു​ള്ള​വ​രാ​ണെ​ങ്കിൽ, അത്‌ അവരുടെ ബൈബിൾ പഠന​ത്തേ​ക്കു​റി​ച്ചു ചിലതു സൂചി​പ്പി​ക്കു​ന്നു. അവരുടെ മതം പരി​ശോ​ധി​ക്കാൻതക്ക മൂല്യ​മു​ള്ള​താ​ണെന്ന്‌ എനിക്കു തോന്നു​ന്നു.”

പ്യൂർട്ടോ​റി​ക്കോ​യിൽ മനോ​ഭാ​വ​ത്തി​ലെ സ്വാഗ​താർഹ​മായ ഒരു മാററം കാണ​പ്പെട്ടു. കഴിഞ്ഞ​കാ​ലത്ത്‌, പ്രായ​പൂർത്തി​യായ സാക്ഷി​കളെ ചില​പ്പോൾ കെട്ടി​യിട്ട്‌ അവർക്ക്‌ ബലമായി രക്തം കൊടു​ത്തി​ട്ടുണ്ട്‌; അവരിൽ ചിലർ പിന്നീടു മരിച്ചു. എച്ച്‌ ഐ എസ്സ്‌ പ്രതി​നി​ധി​കൾ പ്യൂർട്ടോ​റി​ക്കോ ഹോസ്‌പി​ററൽ അസോ​സി​യേ​ഷന്റെ വൈസ്‌ പ്രസി​ഡൻറി​നെ​യും നിയ​മോ​പ​ദേശം കൊടു​ക്കുന്ന വക്കീലി​നെ​യും കണ്ടു; ഒടുവിൽ പറഞ്ഞ മാന്യ​ദേ​ഹ​വും ഒരു ആശുപ​ത്രി ഭരണാ​ധി​കാ​രി​യാ​യി​രു​ന്നു. ഔപചാ​രിക പരിച​യ​പ്പെ​ടു​ത്ത​ലു​കൾ കഴിഞ്ഞ ഉടനെ​യും എച്ച്‌ ഐ എസ്സ്‌ പ്രതി​പാ​ദനം തുടങ്ങു​ന്ന​തി​നു മുമ്പു തനിക്ക്‌ ചിലതു പറയാ​നു​ണ്ടെന്നു വക്കീൽ പറഞ്ഞു. സാക്ഷി​കളെ അതിശ​യി​പ്പി​ച്ചു​കൊണ്ട്‌, അയാൾ ആ ദ്വീപി​ലെ ആശുപ​ത്രി​ക​ളിൽ രോഗി​ക​ളു​ടെ അവകാ​ശ​ങ്ങളെ മെച്ച​പ്പെ​ടു​ത്താ​നുള്ള ഒരു പദ്ധതി​യു​ടെ വർണ്ണന തുടങ്ങി, പ്രതി​പാ​ദ​ന​രേ​ഖ​യി​ലെ മുഖ്യ​പോ​യിൻറു​കൾ അതിൽ ഉൾപ്പെ​ട്ടി​രു​ന്നു! അയാൾക്കു കൊടുത്ത ചില വിവര​ങ്ങ​ളു​ടെ പകർപ്പെ​ടു​ക്കാ​നുള്ള അനുവാ​ദ​വും അയാൾ ചോദി​ച്ചു; ഹോസ്‌പി​ററൽ അസോ​സി​യേ​ഷൻമാ​സി​ക​യ്‌ക്കാ​യി തയ്യാറാ​ക്കുന്ന ഒരു ലേഖന​ത്തിൽ അത്‌ ഉൾപ്പെ​ടു​ത്താൻ അദ്ദേഹം ആഗ്രഹി​ച്ചു.

ഐക്യ​നാ​ടു​ക​ളിൽ ലഭിച്ച ഫലങ്ങൾ

ഒരു ഡോക്ടർ—തന്റെ ആശുപ​ത്രി​യി​ലെ ശസ്‌ത്ര​ക്രി​യാ​വി​ഭാ​ഗ​ത്തി​ന്റെ ചെയർമാ​നായ ജെയിംസ്‌ ജെ റൈലി—പ്രാ​ദേ​ശിക ലെയ്‌സൻ കമ്മിറ​റി​യോട്‌ ഒരു സാർത്ഥ​ക​മായ പ്രസ്‌താ​വന നടത്തി: “നിങ്ങൾ രക്തത്തിന്റെ ഉപയോ​ഗം സംബന്ധിച്ച വൈദ്യ​ശാ​സ്‌ത്ര​പ​ര​വും നിയമ​പ​ര​വു​മായ വിവര​ങ്ങ​ളു​ടെ മുൻനി​ര​യിൽ നിൽക്കു​ന്നു​വെന്നു ഞാൻ മനസ്സി​ലാ​ക്കു​ന്നു.”

വാഷിം​ഗ്‌ടൺ ഡി. സി. പ്രദേ​ശത്തെ ഒരു വലിയ ആശുപ​ത്രി​യിൽ ഹോസ്‌പി​ററൽ ലെയ്‌സൻ കമ്മിററി ഭരണരം​ഗ​ത്തി​ലെ​യും വൈദ്യ​ശാ​സ്‌ത്ര​രം​ഗ​ത്തി​ലെ​യും ഭാരവാ​ഹി​ക​ളു​ടെ ഒരു കൂട്ടവു​മാ​യി കൂടി​ക്കാഴ്‌ച നടത്തി. അവർ പിൻതുണ വാഗ്‌ദാ​നം ചെയ്യു​ക​യും “ഇതു​പോ​ലെ​യുള്ള ഒരു പിൻതു​ണ​ക്ര​മീ​ക​ര​ണ​ത്തോ​ടെ ഒരു അടിയ​ന്തി​ര​സ​മ​യത്ത്‌ സ്വന്തം ആളുകളെ സഹായി​ക്കാ​നുള്ള വാച്ച്‌റ​റ​വ​റി​ന്റെ പ്രതി​ബ​ദ്ധ​ത​യോ​ടു” വിശേ​ഷാൽ വിലമ​തിപ്പ്‌ പ്രകട​മാ​ക്കു​ക​യും ചെയ്‌തു.

വിസ്‌കോൺസി​നി​ലെ ഒരു ആശുപ​ത്രി​യി​ലുള്ള ഒരു രോഗീ​പ​രി​പാ​ല​ന​വി​ഭാ​ഗ​ത്തി​ന്റെ മേധാവി യഹോ​വ​യു​ടെ സാക്ഷി​കളെ സംബന്ധി​ച്ചു താൻ എത്ര തെററി​ദ്ധ​രി​ച്ചി​രു​ന്നു​വെന്നു പ്രസ്‌താ​വി​ച്ചു. “സകല വൈദ്യ​ശാ​സ്‌ത്ര​നി​യ​മ​നിർമ്മി​താ​ക്ക​ളി​ലും ഈ സന്ദേശം എത്തിക്കു​ന്ന​തിൽ മുന്നേ​റാൻ” അവർ ഹോസ്‌പി​ററൽ ലെയ്‌സൻ കമ്മിറ​റി​യെ പ്രോ​ത്സാ​ഹി​പ്പി​ച്ചു.

എച്ച്‌ ഐ എസ്സിന്റെ പ്രവർത്ത​ന​ത്തി​ന്റെ ഒരു വശം വൈദ്യ​ശാ​സ്‌ത്ര​പ​ര​വും നിയമ​പ​ര​വും ആയ പുതിയ വിവരങ്ങൾ നിർദ്ദിഷ്ട ഡോക്ടർമാർക്കും, ആശുപ​ത്രി​കൾക്കും, ആശുപ​ത്രി-വൈദ്യ​ശാ​സ്‌ത്ര സംഘട​ന​കൾക്കും അയച്ചു​കൊ​ടു​ക്കു​ക​യാണ്‌. മേരി​ലാൻറി​ലുള്ള ബാൾട്ടി​മോ​റി​ലെ ഒരു ആശുപ​ത്രി​യി​ലുള്ള ഒരു റിസ്‌ക്‌ മാനേ​ജ​രിൽനി​ന്നുള്ള മറുപടി ഇപ്രകാ​രം പ്രസ്‌താ​വി​ച്ചു: “രക്തപ്പകർച്ച​ക​ളേ​ക്കു​റി​ച്ചും യഹോ​വ​യു​ടെ സാക്ഷി​ക​ളേ​ക്കു​റി​ച്ചും എന്റെ ശ്രദ്ധയി​ലേക്കു വരുത്ത​പ്പെട്ട വിശദ​മായ വിവര​ങ്ങൾക്കു നന്ദി. യഹോ​വ​യു​ടെ സാക്ഷി​കളെ ചികി​ത്സി​ക്കു​ന്നതു സംബന്ധിച്ച ഞങ്ങളുടെ നയങ്ങൾക്കു ഭേദഗതി വരുത്തു​ന്ന​തി​നു ഞങ്ങളുടെ ആശുപ​ത്രി​യെ പിൻതു​ണ​യ്‌ക്കു​ന്ന​തിൽ ഈ വിവരങ്ങൾ വളരെ സഹായ​ക​ര​മാ​യി​രി​ക്കും.”

ഐക്യ​നാ​ടു​ക​ളിൽമാ​ത്രം, യഹോ​വ​യു​ടെ സാക്ഷി​ക​ളിൽ രക്തരഹി​ത​ശ​സ്‌ത്ര​ക്രിയ നടത്താൻ സന്നദ്ധരാ​യ​വ​രു​ടെ പട്ടിക​യിൽ 10,000-ത്തോളം ഡോക്ടർമാ​രുണ്ട്‌.

ഇന്നോളം നടത്ത​പ്പെ​ട്ടി​ട്ടുള്ള 32 സെമി​നാ​റു​കൾ മുഖാ​ന്തരം ലോക​ത്തി​ന്റെ വിവി​ധ​ഭാ​ഗ​ങ്ങ​ളി​ലുള്ള യഹോ​വ​യു​ടെ സാക്ഷി​ക​ളു​ടെ ആവശ്യ​ങ്ങളെ നേരി​ടു​ന്ന​തിന്‌ 62 ബ്രാഞ്ചാ​ഫീ​സു​ക​ളിൽ ലെയ്‌സൻ കമ്മിറ​റി​കൾ സ്ഥാപി​ക്ക​പ്പെ​ട്ടി​ട്ടുണ്ട്‌. ഇവ ഇപ്പോൾ ദശലക്ഷ​ക്ക​ണ​ക്കി​നു യഹോ​വ​യു​ടെ സാക്ഷി​കളെ പരിപാ​ലി​ക്കു​ന്ന​തി​നു സജ്ജമാണ്‌. എച്ച്‌ ഐ എസ്സിന്റെ പ്രവർത്ത​ന​ങ്ങളെ യഹോവ തീർച്ച​യാ​യും അനു​ഗ്ര​ഹി​ക്കു​ന്നു​വെന്നു ഫലങ്ങൾ പ്രകട​മാ​ക്കു​ന്നു. (g91 11/22)

[അടിക്കു​റി​പ്പു​കൾ]

[10-ാം പേജിലെ ചതുരം]

രക്തപ്പർച്ച കൂടാതെ രക്തസ്രാ​വത്തെ പ്രതി​രോ​ധി​ക്കു​ക​യും നിയ​ന്ത്രി​ക്കു​ക​യും ചെയ്യൽ

1. ശസ്‌ത്ര​ക്രി​യാ​സം​ബ​ന്ധ​മായ ഉപകര​ണങ്ങൾ:

ഏ. ഇലക്‌​ട്രോ​കോ​ട്ടെറി

ബി. ലേസർ ശസ്‌ത്ര​ക്രി​യ

സി. ആർഗോൺ ബീം കോഗു​ലേ​റ​റർ

ഡി. ഗാമ നൈഫ്‌ റേഡി​യോ​സർജറി

2. ആന്തരി​ക​ര​ക്ത​വാർച്ച കണ്ടുപി​ടി​ക്കാ​നും തടയാ​നും ഉള്ള ഉപകര​ണ​ങ്ങ​ളും സാങ്കേ​തി​ക​മാർഗ്ഗ​ങ്ങ​ളും

ഏ. ആന്തരിക രക്തവാർച്ച​യു​ടെ സ്ഥാനം കണ്ടുപി​ടി​ക്കു​ന്ന​തി​നുള്ള എൻഡോ​സ്‌കോ​പ്പി

ബി. ഫെക്ല്‌സി​ബിൾ സക്‌ഷൻ കോവാ​ഗു​ലേ​ററർ ഇലക്‌​ട്രോഡ്‌ (പാപ്പ്‌, ജെ. പി., JAMA, 1976 നവംബർ 1, പേജുകൾ 2076-9)

സി. ആർട്ടീ​രി​യൽ എംബൊ​ളൈ​സേഷൻ (JAMA, 1974 നവംബർ 18, പേജുകൾ 952-3)

ഡി. താഴ്‌ന്ന നിയ​ന്ത്രി​ത​ര​ക്ത​മർദ്ദം (രക്തവാർച്ച നിർത്താൻ കഴിയു​ന്ന​തു​വരെ)

ഈ. കലാസം​യോ​ജി​നി​കൾ (ഡോ. എസ്‌. ഈ സിൽവാസ്‌, MWN, 1977 സെപ്‌റ​റം​ബർ 5)

3. ഓപ്പ​റേ​ഷ​നും ബോധം കെടു​ത്തു​ന്ന​തി​നു​മുള്ള സാങ്കേ​തി​ക​വി​ദ്യ​കൾ

ഏ. ഹൈ​പ്പോ​ടെൻസീവ്‌ അനസ്‌തേഷ്യ (രക്തസമ്മർദ്ദം കുറയ്‌ക്കൽ)

ബി. ഹൈ​പ്പോ​തെർമിയ (ശരീര​ത്തി​ന്റെ താപനില കുറയ്‌ക്കൽ)

സി. ഇൻട്രാ​ഓ​പ്പ​റേ​റ​റിവ്‌ ഹീമോ​ഡ​യ​ല്യൂ​ഷൻ

ഡി. ഇൻട്രാ​ഓ​പ്പേ​റേ​റ​റിവ്‌ ബഡ്‌ള്‌ സാൽവേജ്‌ മെഷീൻസ്‌, ഉദാ., “സെൽ-സേവർ”

ഈ. മെററി​ക്കു​ലസ്‌ ഹീമോ​സ്‌റ​റാ​സിസ്‌ ആൻഡ്‌ ഓപ്പ​റേ​റ​റിവ്‌ ടെക്‌നിക്‌

എഫ്‌. ഓപ്പ​റേഷൻ ചെയ്യുന്ന സമയം കുറയ്‌ക്കു​ന്ന​തിന്‌ ശസ്‌ത്ര​ക്രി​യാ​ടീ​മിൽ കൂടുതൽ അംഗങ്ങൾ

4. നിരീ​ക്ഷ​ണോ​പ​ക​ര​ണങ്ങൾ:

ഏ. ട്രാൻക്യൂ​ട്ടേ​നി​യസ്‌ ഓക്‌സി​ജൻ മോണി​റ​റർ

ബി. ഓക്‌സീ​മീ​റ​റർ

5. വ്യാപ്‌ത​വർദ്ധി​നി​കൾ:

ഏ. ക്രിസ്‌റ​റ​ലോ​യ്‌ഡ്‌സ്‌

(1) റിം​ഗേ​ഴ്‌സ്‌ ലാക്‌റേ​റട്‌ (എയ്‌ക്‌നെർ, ഈ. ആർ., സർജറി ആനുവൽ, 1982 ജനുവരി, 85-99 വരെയുള്ള പേജുകൾ)

(2) നോർമൽ സലൈൻ

ബി. കൊ​ളോ​യ്‌ഡ്‌സ്‌

(1) ഡെക്‌സ്‌ട്രാൻ

(2) ജെലാ​റ​റിൻ (ഹോവെൽ, പീ. ജെ., അനസ്‌തേഷ്യ, ജനുവരി 1987, 44-8 വരെയുള്ള പേജുകൾ)

(3) ഹെററാ​സ്‌റ​റാർച്ച്‌

6. കെമിക്കൽ ഹിമോ​സ്‌റ​റാ​റ​റ്‌സ്‌:

ഏ. അവിടീൻ

ബി. ജെൽഫോം

സി. ഓക്‌സി​സെൽ

ഡി. സർജി​സെൽ

ഈ. മററ​നേ​ക​വും

7. താഴ്‌ന്ന ഹീമോ​ഗ്ലോ​ബി​നുള്ള ചികി​ത്സകൾ:

ഏ. ഓക്‌സി​ജൻ

ബി. ഹൈ​പ്പെർബെ​റിക്‌ ഓക്‌സി​ജൻ അറ (ഹാർട്ട്‌, ജി. ബി, JAMA, 1974 മെയ്‌ 20, 1028-9 വരെയുള്ള പേജുകൾ)

സി. അയൺ ഡെക്‌സ്‌ട്രാൻ (ഡഡ്‌റിക്‌, എസ്സ്‌. ജെ., ആർ​ക്കൈ​വ്‌സ്‌ ഓഫ്‌ സർജറി, 1985 ജൂൺ, 721-7 വരെയുള്ള പേജുകൾ)

ഡി. ഫോളിക്‌ ആസിഡ്‌

ഈ. എരി​ത്രോ​പോ​യ​റ​റിൻ—രക്തം ഉത്‌പാ​ദി​പ്പി​ക്കാൻ അസ്ഥിമ​ജ്ജയെ ഉത്തേജി​പ്പി​ക്കു​ന്നു

എഫ്‌. അനാ​ബോ​ളിക്‌ സ്‌ററീ​റോ​യി​ഡു​കൾ, ഉദാ., ഡെക്കാ​ഡ്യൂ​റാ​ബോ​ലിൻ അഥവാ കൃത്രിമ വളർച്ചാ​ഹോർമോൺ

ജി. വൈറ​റ​മിൻ ബി-12 ഇൻട്രാ​മ​സ്‌കു​ലർ ഇൻജക്‌ഷൻ

എച്ച്‌. വൈറ​റ​മിൻ സി

ഐ. വൈറ​റ​മിൻ ഈ (വിശേ​ഷാൽ നവജാ​ത​രിൽ)

8. ബാഹ്യ​ന​ട​പ​ടി​കൾ:

ഏ. രക്തവാർച്ച​യ്‌ക്ക്‌:

(1) നേരിട്ടു പ്രയോ​ഗി​ക്കുന്ന മർദ്ദം

(2) ഐസ്‌ പായ്‌ക്ക്‌സ്‌

(3) ശരീര​ത്തി​ന്റെ നിലനിർണ്ണ​യി​ക്കൽ (ഉദാ., രക്തവാർച്ച കുറക്കു ന്നതിന്‌ മുറി​വേററ ഭാഗം ഉയർത്തി​വ​യ്‌ക്കൽ)

ബി. ഷോക്കിന്‌:

(1) കാലു​ക​ളിൽ പ്രഷർക​ഫു​കൾ വെക്കുക

(2) ഷോക്കു​വി​രുദ്ധ ട്രൗസ​റു​കൾ

(3) രക്തമർദ്ദം നിലനിർത്തു​ന്ന​തിന്‌ ഇരുകാ​ലു​ക​ളും ഉയർത്തൽ

9. രക്തപ്ര​ശ്‌നങ്ങൾ ഉള്ള രോഗി​കൾക്കുള്ള മരുന്നു​കൾ:

ഏ. DDAVP, ഡെസ്‌മോ​പ്രെ​സ്സിൻ (കോബ്രിൻസ്‌കി, N. L., ലൻസെ​ററ്‌, 1984 മെയ്‌ 26, 1145-8 വരെയുള്ള പേജുകൾ)

ബി. ഈ-അമി​നോ​കാ​പ്രോ​യ്‌ക്‌ ആസിഡ്‌ (ഷ്വാർട്‌സ്‌, S.I., സമകാ​ലീന ശസ്‌ത്ര​ക്രിയ, 1977 മെയ്‌, 37-40 വരെയുള്ള പേജുകൾ)

സി. വൈറ​റ​മിൻ K

ഡി. ബൈ​യോ​ഫ്‌ളെ​വ​നോ​യ്‌ഡ്‌സ്‌ (ഫിസി​ഷ്യൻസ്‌ ഡെസ്‌ക്‌ റെഫെ​റെൻസ്‌)

ഈ. കാർബാ​സോ​ക്രോം സലി​സൈ​ലേ​ററ്‌

എഫ്‌. ട്രാ​നെ​ക്‌സാ​മിക്‌ ആസിഡ്‌ (ട്രാൻസ്‌ഫ്യൂ​ഷൻ മെഡി​സിൻ ടോപ്പി​യോ അപ്‌ഡേ​ററ്‌, 1989 മെയ്‌)

ജി. ഡെനാ​സോൾ

10. മററു പോയിൻറു​കൾ:

ഏ. മെർക്കു​റി​യിൽ 90-100 മി.മി ആയി രക്തമർദ്ദം മിതമാ​യി കുറയു​ന്നതു മുറിഞ്ഞ ഒരു ധമനി​യിൽ സ്വാഭാ​വി​ക​മാ​യി രക്തം കട്ടപി​ടി​ച്ചു​കൊ​ണ്ടു രക്തസ്രാ​വം നിലയ്‌ക്കാൻ സഹായി​ച്ചേ​ക്കാം

ബി. ശസ്‌ത്ര​ക്രി​യക്ക്‌ ഏററവും കുറഞ്ഞത്‌ 10 ഗ്രാം ഹീമോ​ഗ്ലോ​ബിൻ വേണ​മെ​ന്നുള്ള നിയമ​ത്തിന്‌ സാധു​വായ യാതൊ​രു ശാസ്‌ത്രീയ അടിസ്ഥാ​ന​വും ഇല്ല

സി. ശസ്‌ത്ര​ക്രി​യാ​രോ​ഗി​കൾ 1.8 വരെ താഴെ​യുള്ള ഹീമോ​ഗ്ലോ​ബിൻ കൊണ്ട്‌ അതിജീ​വി​ച്ചി​ട്ടുണ്ട്‌ (അനസ്‌തേഷ്യ, 1987, വാല്യം 42, പേജുകൾ 44-8 വരെ)

ഡി. ഹീമോ​ഗ്ലോ​ബി​ന്റെ താഴ്‌ന്ന അളവു താഴ്‌ന്ന രക്തശ്യാ​ന​ത​യിൽ കലാശി​ക്കു​ന്നു, ക്രമത്തിൽ ഹൃദയ​ത്തിൻമേ​ലുള്ള ഭാരം കുറയു​ന്ന​തി​നും കലകളി​ലെ രക്തപ്ര​വാ​ഹ​വും ജാരണ​വും മെച്ച​പ്പെ​ടു​ന്ന​തി​നും ഇടയാ​ക്കു​ന്നു