യഥാർഥ​നീ​തി—എപ്പോൾ, എങ്ങനെ?

നിരപ​രാ​ധി യഥാർഥ നീതിയെ തെല്ലും ഭയപ്പെ​ടേ​ണ്ട​തില്ല. തീർച്ച​യാ​യും, നീതി ഉറപ്പു​വ​രു​ത്താൻ ശ്രമി​ക്കുന്ന ഒരു നിയമ വ്യവസ്ഥ രാജ്യത്ത്‌ ഉണ്ടെങ്കിൽ പൗരന്മാർക്കു കൃതജ്ഞ​ത​യു​ള്ളവർ ആയിരി​ക്കാൻ കാരണ​മുണ്ട്‌. നിയമ​ങ്ങ​ളു​ടെ ചട്ടക്കൂട്‌, അവ നടപ്പാ​ക്കാ​നുള്ള പൊലീസ്‌ സേന, നീതി നിർവ​ഹ​ണ​ത്തി​നുള്ള കോട​തി​കൾ എന്നിവ​യൊ​ക്കെ അത്തര​മൊ​രു വ്യവസ്ഥ​യിൽ ഉൾപ്പെ​ടു​ന്നു. ‘ശ്രേഷ്‌ഠാ​ധി​കാ​ര​ങ്ങൾക്കു കീഴടങ്ങാ’നുള്ള ബൈബിൾ ഉദ്‌ബോ​ധ​ന​ത്തി​നു ചേർച്ച​യിൽ സത്യ ക്രിസ്‌ത്യാ​നി​കൾ തങ്ങൾ ജീവി​ക്കു​ന്നി​ടത്തെ നിയമ വ്യവസ്ഥയെ ആദരി​ക്കു​ന്നു.—റോമർ 13:1-7.

എന്നാൽ അനേകം രാജ്യ​ങ്ങ​ളി​ലെ നീതി​ന്യാ​യ വ്യവസ്ഥകൾ ദോഷ​ക​ര​വും വ്യാകു​ല​പ്പെ​ടു​ത്തു​ന്ന​തു​മായ പിഴവു​കൾ വരുത്തി​യി​ട്ടുണ്ട്‌.a കുറ്റക്കാ​രനെ ശിക്ഷി​ക്കു​ക​യും നിരപ​രാ​ധി​യെ സംരക്ഷി​ക്കു​ക​യും ചെയ്യു​ന്ന​തി​നു പകരം ചില അവസര​ങ്ങ​ളിൽ ചെയ്യാത്ത കുറ്റത്തിന്‌ നിരപ​രാ​ധി​കൾ ശിക്ഷി​ക്ക​പ്പെ​ട്ടി​ട്ടുണ്ട്‌. മറ്റു ചിലർ വർഷങ്ങ​ളോ​ളം ജയിലിൽ കിടന്ന ശേഷം ശിക്ഷ പൂർത്തി​യാ​കു​ന്ന​തി​നു മുമ്പ്‌ മോചി​ത​രാ​യി​ട്ടുണ്ട്‌. അവർ കുറ്റക്കാ​രാ​യി​രു​ന്നോ എന്നും അവരെ കുറ്റക്കാ​രാ​യി പ്രഖ്യാ​പി​ച്ചതു കാര്യ​കാ​ര​ണ​സ​ഹി​ത​മാ​ണോ എന്നുമുള്ള ശക്തമായ സംശയം ബാക്കി​നിൽക്കെ​യാണ്‌ അപ്രകാ​രം ചെയ്‌തി​ട്ടു​ള്ളത്‌. അതു​കൊണ്ട്‌ അനേക​രും ചോദി​ക്കു​ന്നു, എല്ലാവർക്കും യഥാർഥ നീതി ലഭിക്കുന്ന കാലം എന്നെങ്കി​ലും വരുമോ? വരു​മെ​ങ്കിൽ എപ്പോൾ, എങ്ങനെ? നിരപ​രാ​ധി​ക​ളു​ടെ സംരക്ഷ​ണ​ത്തി​നാ​യി നമുക്ക്‌ ആരെ ആശ്രയി​ക്കാൻ കഴിയും? അനീതിക്ക്‌ ഇരയാ​യ​വർക്ക്‌ എന്തു പ്രത്യാ​ശ​യാ​ണു​ള്ളത്‌?

തെറ്റാ​യി​പ്പോയ നീതി​നിർവ​ഹ​ണം

“യുദ്ധാ​നന്തര കാലഘ​ട്ടത്തെ ഏറ്റവും ഉദ്വേ​ഗ​ജ​ന​ക​മായ നിയമ നടപടി​ക​ളിൽ ഒന്നിന്‌” 1980-കളിൽ ജർമനി സാക്ഷ്യം വഹിച്ചു. ആ കേസിൽ, രണ്ടു പുത്രി​മാ​രെ കൊന്ന​തിന്‌ അവരുടെ അമ്മയ്‌ക്ക്‌ ജീവപ​ര്യ​ന്തം തടവു​ശിക്ഷ വിധിച്ചു. എന്നാൽ അവർക്ക്‌ എതിരായ തെളി​വു​കൾ വർഷങ്ങൾക്കു ശേഷം പുനഃ​പ​രി​ശോ​ധി​ക്കു​ക​യും പുതിയ വിചാ​ര​ണ​യു​ടെ കാലയ​ള​വിൽ അവരെ മോചി​പ്പി​ക്കു​ക​യും ചെയ്‌തു. ആദ്യത്തെ വിധി “ഒരു നീതി​ന്യാ​യ പിഴവാ​ണെന്നു തെളി​ഞ്ഞേ​ക്കാം” എന്ന്‌ 1995-ൽ ഡി റ്റ്‌​സൈറ്റ്‌ റിപ്പോർട്ടു ചെയ്‌തു. ഇത്‌ എഴുതുന്ന സമയത്ത്‌, കുറ്റക്കാ​രി​യാ​ണോ അല്ലയോ എന്ന സംശയ​ത്താൽ ചുറ്റ​പ്പെട്ട്‌ ആ സ്‌ത്രീ ഒമ്പതു വർഷം ജയിലിൽ കഴിഞ്ഞി​രു​ന്നു.

1974 നവംബർ മാസത്തി​ലെ ഒരു സായാ​ഹ്ന​ത്തിൽ ഇംഗ്ലണ്ടി​ലെ ബിർമിം​ഗ്‌ഹാം നഗരഹൃ​ദ​യത്തെ കിടിലം കൊള്ളിച്ച രണ്ടു ബോംബു സ്‌ഫോ​ട​ന​ങ്ങ​ളി​ലാ​യി 21 പേർ മരണമ​ടഞ്ഞു. അത്‌ “ബിർമിം​ഗ്‌ഹാ​മി​ലുള്ള ആരും ഒരിക്ക​ലും മറക്കു​ക​യി​ല്ലാത്ത” ഒരു സംഭവ​മാ​യി​രു​ന്നു എന്ന്‌ പാർല​മെന്റ്‌ അംഗമായ ക്രിസ്‌ മുളൻ എഴുതി. പിന്നീട്‌, “നിരപ​രാ​ധി​ക​ളായ ആറു പുരു​ഷ​ന്മാ​രെ ബ്രിട്ടീഷ്‌ ചരി​ത്ര​ത്തി​ലെ ഏറ്റവും വലിയ കൊല​പാ​ത​ക​ത്തിന്‌ കുറ്റക്കാ​രാ​യി വിധിച്ചു.” അവർക്കെ​തി​രായ വിധി പിന്നീടു റദ്ദാക്ക​പ്പെട്ടു—എന്നാൽ അവർ 16 വർഷം ജയിലിൽ കിടന്ന​ശേ​ഷ​മാണ്‌ അതു സംഭവി​ച്ചത്‌!

“ഓസ്‌​ട്രേ​ലി​യൻ നിയമ ചരി​ത്ര​ത്തിൽ ഏറ്റവും അധികം പൊതു​ജന ശ്രദ്ധ പിടി​ച്ചു​പ​റ്റിയ” ഒരു കേസിനെ കുറിച്ച്‌ നിയമ ഉപദേ​ഷ്ടാ​വായ കെൻ ക്രിസ്‌പിൻ റിപ്പോർട്ടു ചെയ്‌തു. ഒരു കുടും​ബം അയേർസ്‌ റോക്കി​നു സമീപം തമ്പടി​ച്ചി​രി​ക്കെ അവരുടെ കുട്ടി അപ്രത്യ​ക്ഷ​നാ​യി. പിന്നീട്‌ ഒരിക്ക​ലും കുട്ടിയെ കണ്ടുകി​ട്ടി​യ​തു​മില്ല. അമ്മയു​ടെ​മേൽ കൊല​പാ​തക കുറ്റം ചുമത്ത​പ്പെട്ടു. അവരെ കുറ്റക്കാ​രി​യാ​യി പ്രഖ്യാ​പിച്ച്‌ ജീവപ​ര്യ​ന്തം തടവു​ശിക്ഷ വിധിച്ചു. 1987-ൽ, അവർ മൂന്നി​ല​ധി​കം വർഷം ജയിലിൽ കഴിഞ്ഞ ശേഷം, അവർക്ക്‌ എതിരായ തെളിവ്‌ കുറ്റം സ്ഥാപി​ക്കാൻ മതിയാ​യ​ത​ല്ലെന്ന്‌ ഒരു ഔദ്യോ​ഗിക അന്വേ​ഷണം കണ്ടെത്തി. അവരെ മോചി​പ്പി​ക്കു​ക​യും കുറ്റവി​മു​ക്ത​യാ​യി പ്രഖ്യാ​പി​ക്കു​ക​യും ചെയ്‌തു.

തെക്കൻ ഐക്യ​നാ​ടു​ക​ളിൽ ജീവി​ച്ചി​രുന്ന ഒരു 18 വയസ്സു​കാ​രി 1986-ൽ കൊല്ല​പ്പെട്ടു. ഒരു മധ്യവ​യ​സ്‌ക​ന്റെ​മേൽ കുറ്റം ചുമത്ത​പ്പെട്ടു. അയാളെ കുറ്റക്കാ​ര​നാ​യി പ്രഖ്യാ​പിച്ച്‌ വധശി​ക്ഷ​യ്‌ക്കു വിധിച്ചു. അയാൾക്ക്‌ ആ കുറ്റകൃ​ത്യ​ത്തിൽ യാതൊ​രു പങ്കുമി​ല്ലെന്നു സ്ഥാപി​ക്ക​പ്പെ​ടു​ന്ന​തി​നു മുമ്പ്‌ അയാൾ ആറു വർഷം വധശി​ക്ഷ​യ്‌ക്കു വിധി​ച്ച​വർക്കുള്ള തടവറ​യിൽ കിടന്നു.

നീതി​ന്യാ​യ പിഴവു​ക​ളു​ടെ അപൂർവം ചില ദൃഷ്ടാ​ന്ത​ങ്ങ​ളാ​ണോ ഇവ? പെൻസിൽവേ​നിയ ലോ സ്‌കൂൾ യൂണി​വേ​ഴ്‌സി​റ്റി​യി​ലെ ഡേവിഡ്‌ റുഡോ​ഫ്‌സ്‌കി ഇങ്ങനെ അഭി​പ്രാ​യ​പ്പെ​ടു​ന്നു: “ഏകദേശം 25 വർഷമാ​യി ഞാൻ ഈ രംഗത്താണ്‌. അനേകം കേസുകൾ കണ്ടിട്ടു​മുണ്ട്‌. കുറ്റക്കാ​രെന്നു വിധി​ക്ക​പ്പെ​ടു​ന്ന​വ​രിൽ അഞ്ചു മുതൽ 10 വരെ ശതമാനം വാസ്‌ത​വ​ത്തിൽ നിരപ​രാ​ധി​കൾ ആണെന്നാണ്‌ എന്റെ അഭി​പ്രാ​യം.” ക്രിസ്‌പിൻ അലോ​സ​ര​പ്പെ​ടു​ത്തുന്ന ഈ ചോദ്യം ചോദി​ക്കു​ന്നു: “ജയില​റ​ക​ളിൽ മറ്റു നിരപ​രാ​ധി​കൾ മനസ്സു തളർന്നി​രി​പ്പു​ണ്ടോ?” അത്തരം ദാരു​ണ​മായ പിഴവു​കൾ സംഭവി​ക്കു​ന്നത്‌ എങ്ങനെ?

മാനുഷ നീതി​ന്യാ​യ വ്യവസ്ഥകൾ—മാനുഷ ദൗർബ​ല്യ​ങ്ങ​ളു​ള്ളത്‌

“ഒരു മാനുഷ വ്യവസ്ഥ​യിൽനി​ന്നും പൂർണത പ്രതീ​ക്ഷി​ക്കാ​നാ​വില്ല” എന്ന്‌ 1991-ൽ ബ്രിട്ടീഷ്‌ അപ്പീൽ കോടതി ഊന്നി​പ്പ​റഞ്ഞു. ഒരു നീതി​ന്യാ​യ വ്യവസ്ഥ​യ്‌ക്ക്‌ അതു രൂപകൽപ്പന ചെയ്യു​ക​യും നിയമ നിർവ​ഹണം നടത്തു​ക​യും ചെയ്യുന്ന ആളുകൾക്ക്‌ ഉള്ള അത്രയും നീതി​നി​ഷ്‌ഠ​യും ആശ്രയ​യോ​ഗ്യ​ത​യു​മേ ഉണ്ടായി​രി​ക്കാൻ കഴിയൂ. ആളുകൾക്ക്‌ പിഴവു പറ്റാവു​ന്ന​താണ്‌, അവർ സത്യസ​ന്ധ​ത​യി​ല്ലാ​യ്‌മ​യും മുൻവി​ധി​യും കാട്ടാൻ ചായ്‌വു​ള്ള​വ​രു​മാണ്‌. അതു​കൊണ്ട്‌ മനുഷ്യ​ന്റെ നീതി​ന്യാ​യ വ്യവസ്ഥകൾ ഇതേ ന്യൂന​തകൾ പ്രകട​മാ​ക്കു​ന്ന​തിൽ അതിശ​യി​ക്കാ​നില്ല. പിൻവ​രു​ന്നവ പരിചി​ന്തി​ക്കുക.

ജർമനി​യി​ലെ ജസ്റ്റിസ്‌ റോൾഫ്‌ ബെൻഡർ പറയു​ന്ന​ത​നു​സ​രിച്ച്‌ 95 ശതമാനം കുറ്റകൃ​ത്യ കേസു​ക​ളി​ലും സാക്ഷി​ക​ളു​ടെ പ്രസ്‌താ​വ​നകൾ നിർണാ​യക തെളി​വു​ക​ളാണ്‌. എന്നാൽ കോടതി മുമ്പാകെ വരുന്ന സാക്ഷികൾ എല്ലായ്‌പോ​ഴും വിശ്വാ​സ​യോ​ഗ്യ​രാ​ണോ? ജസ്റ്റിസ്‌ ബെൻഡർ അങ്ങനെ കരുതു​ന്നില്ല. അദ്ദേഹ​ത്തി​ന്റെ കണക്കു​കൂ​ട്ടൽ അനുസ​രിച്ച്‌ അവരിൽ പകുതി​പ്പേ​രും അസത്യ​മാണ്‌ പറയു​ന്നത്‌. ജർമനി​യി​ലെ മ്യൂണിക്ക്‌ യൂണി​വേ​ഴ്‌സി​റ്റി​യി​ലെ കുറ്റകൃ​ത്യ നിയമ വിഭാ​ഗ​ത്തി​ലെ അംഗീ​കൃത പ്രൊ​ഫ​സ​റായ ബെൻഡ്‌ ഷുനെ​മാൻ സമാന​മായ നിരീ​ക്ഷണം നടത്തി. സാക്ഷി​ക​ളു​ടെ പ്രസ്‌താ​വ​നകൾ—ആശ്രയ​യോ​ഗ്യം അല്ലെങ്കിൽപ്പോ​ലും—മുഖ്യ തെളി​വാ​ണെന്ന്‌ ഡി റ്റ്‌​സൈ​റ്റു​മാ​യുള്ള ഒരു അഭിമു​ഖ​ത്തിൽ ഷുനെ​മാൻ സ്ഥിരീ​ക​രി​ച്ചു. “നീതി​ന്യാ​യ​ത്തി​ലെ പിഴവു​ക​ളു​ടെ അടിസ്ഥാന കാരണം ന്യായാ​ധി​പ​ന്മാർ സാക്ഷി​ക​ളു​ടെ ആശ്രയ​യോ​ഗ്യ​മ​ല്ലാത്ത പ്രസ്‌താ​വ​ന​കളെ ആശ്രയി​ക്കു​ന്ന​താ​ണെ​ന്നാണ്‌ എന്റെ അഭി​പ്രാ​യം.”

സാക്ഷി​കൾക്കു തെറ്റു​പ​റ്റാ​വു​ന്ന​താണ്‌; പൊലീ​സി​ന്റെ കാര്യ​വും അങ്ങനെ​തന്നെ. വിശേ​ഷി​ച്ചും പൊതു​ജന രോഷ​ത്തിന്‌ ഇടയാ​ക്കുന്ന കുറ്റകൃ​ത്യ​ങ്ങ​ളിൽ പൊലീസ്‌ ആരെ​യെ​ങ്കി​ലും അറസ്റ്റു ചെയ്യാ​നുള്ള സമ്മർദ​ത്തിൻ കീഴി​ലാ​യി​ത്തീ​രു​ന്നു. അത്തരം സാഹച​ര്യ​ങ്ങ​ളിൽ, തെളി​വു​കൾ കെട്ടി​ച്ച​മ​യ്‌ക്കാ​നോ സംശയി​ക്ക​പ്പെ​ടുന്ന വ്യക്തിയെ നിർബ​ന്ധി​ച്ചു കുറ്റം സമ്മതി​പ്പി​ക്കാ​നോ ഉള്ള പ്രലോ​ഭ​ന​ത്തി​നു പൊലീ​സു​കാർ വഴി​പ്പെ​ട്ടേ​ക്കാം. ബ്രിമിം​ഗ്‌ഹാം ബോംബ്‌ സ്‌ഫോ​ട​ന​ത്തിൽ കുറ്റക്കാ​രാ​യി വിധി​ക്ക​പ്പെട്ട ആറുപേർ മോചി​ത​രാ​യ​പ്പോൾ ബ്രിട്ടീഷ്‌ പത്രമായ ദി ഇൻഡി​പെൻറൻറിൽ പിൻവ​രുന്ന ശീർഷകം പ്രത്യ​ക്ഷ​പ്പെട്ടു: “ആറു​പേ​രു​ടെ കുറ്റവി​ധിക്ക്‌ അഴിമതി നിറഞ്ഞ പൊലീസ്‌ കുറ്റക്കാർ.” ദ ടൈംസ്‌ പറയു​ന്ന​ത​നു​സ​രിച്ച്‌, “പൊലീസ്‌ നുണപ​റ​യു​ക​യും ഗൂഢാ​ലോ​ചന നടത്തു​ക​യും വഞ്ചിക്കു​ക​യും ചെയ്‌തു.”

ചില കേസു​ക​ളിൽ, മുൻവി​ധി നിമിത്തം പൊലീ​സും പൊതു​ജ​ന​ങ്ങ​ളും ചില വർഗത്തി​ലോ മതത്തി​ലോ ദേശീ​യ​ത​യി​ലോ​പെട്ട വ്യക്തി​കളെ സംശയി​ച്ചേ​ക്കാം. യു.എസ്‌. ന്യൂസ്‌ & വേൾഡ്‌ റിപ്പോർട്ട്‌ അഭി​പ്രാ​യ​പ്പെ​ടു​ന്ന​തു​പോ​ലെ, കുറ്റകൃ​ത്യം പരിഹ​രി​ക്കു​ന്ന​തി​ന്റെ അടിസ്ഥാ​നം അപ്പോൾ “കാരണ​ത്തെ​ക്കാൾ അധികം ഒരു വർഗീ​യ​ത​യു​ടെ ഒരു സംഗതി​യാ”യി തരംതാ​ഴ്‌ന്നേ​ക്കാം.

കേസ്‌ കോട​തി​യിൽ എത്തു​മ്പോൾ, സാക്ഷികൾ പറയു​ന്നതു മാത്രമല്ല ശാസ്‌ത്രീയ തെളി​വു​ക​ളും തീരു​മാ​ന​ങ്ങളെ ബാധി​ക്കും. വളരെ​യേറെ സങ്കീർണ​മായ ഫോ​റെൻസിക്‌ മണ്ഡലത്തിൽ, ക്ഷേപണാ​യുധ വിജ്ഞാ​ന​ത്തി​ന്റെ​യോ (ballistics) വിരല​ട​യാ​ളം, കയ്യക്ഷരം, രക്ഷ ഗ്രൂപ്പ്‌, മുടി​യു​ടെ നിറം, തുണി​നൂ​ലു​കൾ, ഡിഎൻഎ സാമ്പി​ളു​കൾ എന്നിവ​യു​ടെ തിരി​ച്ച​റി​യ​ലി​ന്റെ​യോ അടിസ്ഥാ​ന​ത്തിൽ ന്യായാ​ധി​പ​നോ ന്യായാ​ധിപ സംഘത്തി​നോ ഒരുവനെ കുറ്റക്കാ​ര​നോ നിരപ​രാ​ധി​യോ ആയി വിധി​ക്കേണ്ടി വന്നേക്കാം. “സങ്കീർണ​മായ നടപടി​ക്ര​മങ്ങൾ വിവരി​ക്കുന്ന ശാസ്‌ത്ര​ജ്ഞ​ന്മാ​രു​ടെ ഒരു നിര​യെ​ത്തന്നെ” കോട​തി​കൾ അഭിമു​ഖീ​ക​രി​ക്കു​ന്നു​വെന്ന്‌ ഒരു അഭിഭാ​ഷകൻ അഭി​പ്രാ​യ​പ്പെട്ടു.

അതിനു പുറമേ, ഫോ​റെൻസിക്‌ തെളി​വു​ക​ളു​ടെ വ്യാഖ്യാ​ന​ത്തി​ന്റെ കാര്യ​ത്തിൽ എല്ലാ ശാസ്‌ത്ര​ജ്ഞ​ന്മാ​രും യോജി​ക്കു​ന്നി​ല്ലെന്ന്‌ പ്രകൃതം (ഇംഗ്ലീഷ്‌) എന്ന മാസിക പറയുന്നു. “ഫോ​റെൻസിക്‌ ശാസ്‌ത്ര​ജ്ഞ​ന്മാർക്ക്‌ ഇടയിൽ ആത്മാർഥ​മായ വിയോ​ജിപ്പ്‌ ഉണ്ടാ​യേ​ക്കാ​വു​ന്ന​താണ്‌.” ദുഃഖ​ക​ര​മെന്നു പറയട്ടെ, “തെറ്റായ ഫോ​റെൻസിക്‌ തെളി​വു​കൾ ഇപ്പോൾത്തന്നെ അനേകം തെറ്റായ കുറ്റവി​ധി​കൾക്കു കാരണ​മാ​യി​ട്ടുണ്ട്‌.”

നാം ജീവി​ക്കു​ന്നത്‌ എവി​ടെ​യാ​യി​രു​ന്നാ​ലും, ഇന്നു പ്രവർത്ത​ന​ത്തി​ലി​രി​ക്കുന്ന എല്ലാ നീതി​ന്യാ​യ വ്യവസ്ഥ​ക​ളും മാനുഷ പിഴവു​കൾ പ്രതി​ഫ​ലി​പ്പി​ക്കു​ന്നു. അതു​കൊണ്ട്‌ നിരപ​രാ​ധി​ക​ളു​ടെ സംരക്ഷ​ണ​ത്തി​നാ​യി നമുക്ക്‌ ആരെ ആശ്രയി​ക്കാൻ കഴിയും? എന്നെങ്കി​ലും യഥാർഥ നീതി നടപ്പാ​കു​മെന്നു നമുക്കു പ്രത്യാ​ശി​ക്കാൻ കഴിയു​മോ? നീതി​ന്യാ​യ പിഴവു​ക​ളു​ടെ ഇരകൾക്ക്‌ എന്തു പ്രത്യാ​ശ​യാണ്‌ ഉള്ളത്‌?

“യഹോ​വ​യായ ഞാൻ നീതിയെ ഇഷ്ടപ്പെ​ടു​ന്നു”

നിങ്ങളോ നിങ്ങളു​ടെ കുടും​ബാം​ഗ​മോ നീതി​ന്യാ​യ പിഴവി​ന്റെ ഇരയാ​ണെ​ങ്കിൽ, നിങ്ങൾ അനുഭ​വി​ച്ചു കൊണ്ടി​രി​ക്കു​ന്നത്‌ യഹോ​വ​യാം ദൈവ​വും അവന്റെ പുത്ര​നായ യേശു​വും മനസ്സി​ലാ​ക്കു​ന്നു. എക്കാല​ത്തും വെച്ച്‌ ഏറ്റവും ഭീകര​മായ അനീതി നടന്നത്‌ ക്രിസ്‌തു ദണ്ഡന സ്‌തം​ഭ​ത്തിൽ വധിക്ക​പ്പെ​ട്ട​പ്പോൾ ആയിരു​ന്നു. യേശു “പാപം ചെയ്‌തി​ട്ടില്ല” എന്ന്‌ പത്രൊസ്‌ അപ്പോ​സ്‌തലൻ നമ്മോടു പറയുന്നു. എന്നിട്ടും, കള്ളസാ​ക്ഷി​ക​ളാൽ അവൻ കുറ്റം ചുമത്ത​പ്പെ​ടു​ക​യും കുറ്റക്കാ​ര​നെന്ന്‌ കാണ​പ്പെ​ടു​ക​യും വധിക്ക​പ്പെ​ടു​ക​യും ചെയ്‌തു.—1 പത്രൊസ്‌ 2:22; മത്തായി 26:3, 4, 59-62.

തന്റെ പുത്രനു നേരേ​യുള്ള ആ ദുഷ്‌പെ​രു​മാ​റ്റം സംബന്ധിച്ച്‌ യഹോ​വ​യ്‌ക്ക്‌ എന്തു തോന്നി​യി​രി​ക്കണം എന്നു സങ്കൽപ്പി​ച്ചു നോക്കൂ! നീതി യഹോ​വ​യു​ടെ പ്രധാന ഗുണങ്ങ​ളിൽ ഒന്നാണ്‌. ബൈബിൾ നമ്മോടു പറയുന്നു: “അവന്റെ വഴികൾ ഒക്കെയും ന്യായം [“നീതി​യാ​കു​ന്നു,” NW].”—ആവർത്ത​ന​പു​സ്‌തകം 32:4; സങ്കീർത്തനം 33:5.

യഹോവ ഇസ്രാ​യേ​ലിന്‌ വിശി​ഷ്ട​മാ​യൊ​രു നീതി​ന്യാ​യ വ്യവസ്ഥ നൽകി. പരിഹാ​രം കാണാ​നാ​കാത്ത കൊല​പാ​തക കേസിൽ മരണത്തിന്‌ യാഗത്താൽ പാപപ​രി​ഹാ​രം വരുത്തി​യി​രു​ന്നു. ഒരു നിരപ​രാ​ധി​യെ പോലും കുറ്റക്കാ​ര​നാ​യി പ്രഖ്യാ​പി​ച്ചു​കൊണ്ട്‌ എല്ലാ കുറ്റകൃ​ത്യ​ത്തി​നും പരിഹാ​രം കണ്ടെത്താ​നുള്ള സമ്മർദം ഉണ്ടായി​രു​ന്നില്ല. സാഹച​ര്യ​പ​ര​മോ ശാസ്‌ത്രീ​യ​മോ ആയ തെളി​വു​ക​ളു​ടെ മാത്രം ബലത്തിൽ ആരെയും കുറ്റക്കാ​രാ​യി പ്രഖ്യാ​പി​ക്കാ​നും കഴിയു​മാ​യി​രു​ന്നില്ല, കുറഞ്ഞത്‌ രണ്ടു സാക്ഷി​ക​ളെ​ങ്കി​ലും വേണമാ​യി​രു​ന്നു. (ആവർത്ത​ന​പു​സ്‌തകം 17:6; 21:1-9) യഹോ​വ​യ്‌ക്ക്‌ ഉന്നത നിലവാ​രങ്ങൾ ഉണ്ടെന്നും നീതി ഉചിത​മാ​യി നിർവ​ഹി​ക്ക​പ്പെ​ടണം എന്ന കാര്യ​ത്തിൽ താത്‌പ​ര്യം ഉണ്ടെന്നും ഈ ദൃഷ്ടാ​ന്തങ്ങൾ കാണി​ക്കു​ന്നു. സത്യമാ​യും, അവൻ പറയുന്നു: ‘യഹോ​വ​യായ ഞാൻ ന്യായത്തെ [“നീതിയെ,” NW] ഇഷ്ടപ്പെ​ടു​ന്നു.’—യെശയ്യാ​വു 61:8.

തീർച്ച​യാ​യും, നമ്മേ​പ്പോ​ലെ​തന്നെ ന്യൂന​ത​ക​ളുള്ള മനുഷ്യ​രു​ടെ കൈക​ളി​ലാ​യി​രു​ന്നു ഇസ്രാ​യേ​ലി​ലെ നീതി​ന്യാ​യ വ്യവസ്ഥ. നിയമം തെറ്റായി ബാധക​മാ​ക്കിയ സാഹച​ര്യ​ങ്ങൾ ഉണ്ടായി​ട്ടുണ്ട്‌. ശലോ​മോൻ രാജാവ്‌ എഴുതി: “ഒരു സംസ്ഥാ​നത്തു ദരി​ദ്രനെ പീഡി​പ്പി​ക്കു​ന്ന​തും നീതി​യും ന്യായ​വും എടുത്തു​ക​ള​യു​ന്ന​തും കണ്ടാൽ നീ വിസ്‌മ​യി​ച്ചു​പോ​ക​രു​തു.”—സഭാ​പ്ര​സം​ഗി 5:8.

തന്റെ പുത്ര​നോ​ടു ചെയ്‌ത അനീതി തിരു​ത്താൻ യഹോ​വ​യ്‌ക്കു കഴിയു​മാ​യി​രു​ന്നു. അതു സംബന്ധിച്ച ഉറപ്പ്‌, “തന്റെ മുമ്പിൽ വെച്ചി​രുന്ന സന്തോഷം ഓർത്തു . . . ക്രൂശി​നെ സഹി”ക്കാൻ യേശു​വി​നെ ശക്തീക​രി​ച്ചു. സമാന​മാ​യി, മിശി​ഹാ​യു​ടെ ഭരണത്തിൻ കീഴിൽ യഥാർഥ നീതി കളിയാ​ടുന്ന പറുദീ​സാ ഭൂമി​യിൽ ജീവി​ക്കാ​മെന്ന സന്തോ​ഷ​ക​ര​മായ പ്രതീക്ഷ ഈ പഴയ വ്യവസ്ഥി​തി​യിൽ അനീതി​യെ​ക്കു​റിച്ച്‌ കേൾക്കു​ക​യോ അത്‌ അനുഭ​വി​ക്കു​ക​പോ​ലു​മോ ചെയ്യു​മ്പോൾ സഹിച്ചു​നിൽക്കാൻ നമ്മെ ശക്തീക​രി​ക്കും. യഹോ​വ​യ്‌ക്കു തന്റെ നിശ്ചിത സമയത്തു പരിഹ​രി​ക്കാൻ കഴിയാത്ത യാതൊ​രു ദ്രോ​ഹ​മോ അനീതി​യോ ഇല്ല. നീതി​ന്യാ​യ​പ​ര​മായ പിഴവു നിമിത്തം ജീവൻ നഷ്ടപ്പെ​ട്ടാൽപ്പോ​ലും അവർ പുനരു​ത്ഥാ​നം പ്രാപി​ച്ചേ​ക്കാം.—എബ്രായർ 12:2; പ്രവൃ​ത്തി​കൾ 24:15.

അനീതി​യു​ടെ ഇരകളെന്ന നിലയിൽ നാം കഷ്ടപ്പെ​ടു​ന്നെ​ങ്കിൽ, സാഹച​ര്യം ശരിയാ​ക്കാൻ നമ്മെ സഹായി​ച്ചേ​ക്കാ​വുന്ന നിയമ​പ​ര​മായ മാധ്യ​മങ്ങൾ മിക്ക നിയമ വ്യവസ്ഥ​കൾക്കും ഉണ്ടെന്നു​ള്ള​തിൽ നമുക്ക്‌ കൃതജ്ഞ​രാ​യി​രി​ക്കാം. ക്രിസ്‌ത്യാ​നി​കൾ അത്തരം സരണികൾ ഉപയോ​ഗ​പ്പെ​ടു​ത്തി​യേ​ക്കാം. എന്നിരു​ന്നാ​ലും അവർ ഈ വസ്‌തുത മനസ്സിൽ പിടി​ക്കു​ന്നു: സമൂല പരിവർത്തനം ആവശ്യ​മായ ഒരു മാനുഷ സമുദാ​യ​ത്തി​ന്റെ പ്രതി​ഫ​ല​ന​മാണ്‌ അപൂർണ നിയമ വ്യവസ്ഥകൾ. അതു താമസി​യാ​തെ സംഭവി​ക്കും—ദൈവ​ത്തി​ന്റെ കൈക​ളാൽ.

യഹോവ ഉടൻതന്നെ ഈ അനീതി നിറഞ്ഞ വ്യവസ്ഥി​തി നീക്കം ചെയ്‌തിട്ട്‌ “നീതി വസിക്കുന്ന” ഒരു പുതിയ വ്യവസ്ഥി​തി തൽസ്ഥാ​നത്തു കൊണ്ടു​വ​രും. തന്റെ മിശി​ഹൈക രാജാ​വായ യേശു​ക്രി​സ്‌തു​വി​ലൂ​ടെ നമ്മുടെ സ്രഷ്ടാവ്‌ അന്ന്‌ നീതി നടപ്പാ​ക്കു​മെന്ന്‌ നമുക്കു പരിപൂർണ വിശ്വാ​സം ഉണ്ടായി​രി​ക്കാൻ കഴിയും. സകലർക്കും യഥാർഥ നീതി ആസന്നമാണ്‌! ഈ പ്രതീ​ക്ഷ​യെ​പ്രതി നാം എത്ര നന്ദിയു​ള്ള​വ​രാണ്‌.—2 പത്രൊസ്‌ 3:13.

[അടിക്കു​റിപ്പ്‌]

[27-ാം പേജിലെ ആകർഷ​ക​വാ​ക്യം]

സമൂലമായ പരിവർത്തനം ആവശ്യ​മായ ഒരു മാനുഷ സമുദാ​യ​ത്തി​ന്റെ പ്രതി​ഫ​ല​ന​മാണ്‌ അപൂർണ നിയമ വ്യവസ്ഥകൾ—അഴിമതി നിറഞ്ഞ ഭരണകൂ​ടം, അധഃപ​തിച്ച മതം, തത്ത്വദീ​ക്ഷ​യി​ല്ലാത്ത വ്യവസാ​യം എന്നിവ​യെ​പ്പോ​ലെ തന്നെ

[28-ാം പേജിലെ ചതുരം]

വിശുദ്ധ തിരു​വെ​ഴു​ത്തു​ക​ളിൽനിന്ന്‌ ആശ്വാസം

1952 നവംബ​റിൽ ഇംഗ്ലണ്ടി​ലെ ലണ്ടനടു​ത്തുള്ള ക്രോ​യി​ഡ​ണി​ലെ ഒരു പാണ്ടി​ക​ശാ​ല​യിൽ ഡെറിക്‌ ബെന്റ്‌ലി​യും ക്രിസ്റ്റഫർ ക്രേഗും മോഷ​ണാർഥം അതി​ക്ര​മി​ച്ചു കടന്നു. ബെന്റ്‌ലിക്ക്‌ 19-ഉം ക്രേഗിന്‌ 16-ഉം വയസ്സു​ണ്ടാ​യി​രു​ന്നു. പൊലീ​സി​നെ വിളി​ക്കു​ക​യും ക്രേഗ്‌ ഒരു പൊലീ​സു​കാ​രനെ വെടി​വെച്ചു കൊല്ലു​ക​യും ചെയ്‌തു. ക്രേഗ്‌ ഒമ്പതു വർഷം ജയിലിൽ കഴിഞ്ഞു​കൂ​ടി. അതേസ​മയം 1953 ജനുവ​രി​യിൽ ബെന്റ്‌ലി​യെ കൊല​പാ​ത​ക​ത്തിന്‌ തൂക്കി​ലേറ്റി.

ചെയ്യാത്ത കൊല​ക്കു​റ്റം നിമിത്തം ബെന്റ്‌ലി​യു​ടെ പേരി​നു​ണ്ടായ കളങ്കം നീക്കം ചെയ്യാ​നാ​യി അവന്റെ സഹോ​ദരി ഐറിസ്‌ 40 വർഷം പ്രചരണം നടത്തി. 1993-ൽ, ബെന്റ്‌ലി ഒരിക്ക​ലും തൂക്കി​ലേ​റ്റ​പ്പെ​ട​രു​താ​യി​രു​ന്നു എന്നു സമ്മതി​ച്ചു​കൊണ്ട്‌ രാജസിം​ഹാ​സനം അവന്റെ വിധി സംബന്ധിച്ച്‌ അവനെ കുറ്റവി​മു​ക്ത​നാ​ക്കി​ക്കൊണ്ട്‌ പ്രഖ്യാ​പനം പുറ​പ്പെ​ടു​വി​ച്ചു. അവന്‌ നീതി ലഭിക്കട്ടെ (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ ഐറിസ്‌ ബെന്റ്‌ലി ആ കേസി​നെ​ക്കു​റിച്ച്‌ ഇങ്ങനെ എഴുതി:

“ആ വെടി​വെ​പ്പിന്‌ ഏകദേശം ഒരു വർഷം മുമ്പ്‌ തെരു​വിൽ അവൻ യഹോ​വ​യു​ടെ സാക്ഷി​ക​ളിൽ ഒരാളെ കണ്ടുമു​ട്ടി. . . . ഞങ്ങളിൽനിന്ന്‌ വളരെ അകലത്തി​ല​ല്ലാത്ത ഫെയർവ്യൂ റോഡി​ലാണ്‌ ലെയ്‌ൻ സഹോ​ദരി താമസി​ച്ചി​രു​ന്നത്‌. ബൈബിൾ കഥകൾ കേൾക്കാ​നാ​യി വീട്ടിൽ വരാൻ അവർ ഡെറി​ക്കി​നെ ക്ഷണിച്ചു. . . . ലെയ്‌ൻ സഹോ​ദ​രിക്ക്‌ റെക്കോർഡ്‌ ചെയ്‌ത ബൈബിൾ കഥകൾ ഉണ്ടായി​രു​ന്നത്‌ സഹായ​ക​മാ​യി​രു​ന്നു. [ഡെറിക്ക്‌ ഒരു നല്ല വായന​ക്കാ​രൻ അല്ലാതി​രു​ന്ന​തി​നാൽ] അവർ അത്‌ അവന്‌ കടം കൊടു​ത്തു. . . . മരിച്ച​ശേഷം നാമെ​ല്ലാം വീണ്ടും തിരി​ച്ചു​വ​രും എന്നിങ്ങനെ, അവർ അവനോ​ടു പറഞ്ഞ കാര്യങ്ങൾ അവൻ വീട്ടിൽവന്ന്‌ എന്നോടു പറയു​മാ​യി​രു​ന്നു.”

തന്റെ സഹോ​ദ​രന്റെ വധനിർവ​ഹ​ണ​ത്തി​നു മുമ്പ്‌ വധശി​ക്ഷ​യ്‌ക്കു വിധി​ച്ച​വർക്കുള്ള തടവറ​യിൽ ഐറിസ്‌ ബെന്റ്‌ലി അവനെ സന്ദർശി​ച്ചു. അവന്റെ വികാരം എന്തായി​രു​ന്നു? “ലെയ്‌ൻ സഹോ​ദരി അവനോ​ടു പറഞ്ഞ ആ കാര്യങ്ങൾ അവസാന ദിവസ​ങ്ങളെ നേരി​ടാൻ അവനെ സഹായി​ച്ചു.”—ചെരി​ച്ചെ​ഴു​ത്തു ഞങ്ങളു​ടേത്‌.

നീതി​ന്യാ​യ​പ​ര​മായ ഒരു പിഴവി​ന്റെ ഫലമാ​യുള്ള യാതനകൾ നിങ്ങൾ അനുഭ​വി​ക്കു​ന്നെ​ങ്കിൽ ബൈബിൾ സത്യങ്ങൾ വായി​ക്കു​ക​യും ധ്യാനി​ക്കു​ക​യും ചെയ്യു​ന്നത്‌ നന്നായി​രി​ക്കും. അതു നിങ്ങൾക്ക്‌ വളരെ​യേറെ ആശ്വാസം നൽകും. കാരണം യഹോ​വ​യാം ദൈവം ‘മനസ്സലി​വുള്ള പിതാ​വും സർവ്വാ​ശ്വാ​സ​വും നല്‌കുന്ന ദൈവ​വു​മാണ്‌. നമുക്കുള്ള കഷ്ടത്തിൽ ഒക്കെയും അവൻ നമ്മെ ആശ്വസി​പ്പി​ക്കു​ന്നു.’—2 കൊരി​ന്ത്യർ 1:3, 4.

[29-ാം പേജിലെ ചിത്രം]

യേശു വധിക്ക​പ്പെ​ട്ട​പ്പോൾ നടന്നത്‌ ഭീകര​മായ അനീതി​യാണ്‌