നിങ്ങളു​ടെ കാഴ്‌ച​പ്പാട്‌ വിശാ​ല​മാ​ക്കേ​ണ്ട​തു​ണ്ടോ?

പടിഞ്ഞാ​റൻ ജപ്പാനി​ലെ കോബെ പട്ടണത്തെ വിനാ​ശ​കാ​രി​യായ ഒരു ഭൂകമ്പം പ്രകമ്പനം കൊള്ളി​ച്ചു. ഭൂകമ്പ​ത്തിന്‌ ഇരയാ​യ​വ​രു​ടെ സഹായ​ത്തി​നാ​യി പെട്ടെ​ന്നു​തന്നെ ആത്മത്യാഗ മനോ​ഭാ​വ​ത്തോ​ടെ സന്നദ്ധ സേവകർ രംഗത്തു​വന്നു. എങ്കിലും, അവിടം സന്ദർശിച്ച ഡോക്ടർമാ​രു​ടെ ഒരു സംഘം, ചികിത്സാ സാമ​ഗ്രി​കൾക്കാ​യുള്ള തങ്ങളുടെ അപേക്ഷ പട്ടണത്തി​ലെ ആരോഗ്യ കേന്ദ്ര​ത്തി​ലെ ഒരാൾ നിരാ​ക​രി​ച്ചി​രി​ക്കു​ന്ന​താ​യി കണ്ടെത്തി. ഒരു ബൃഹത്തായ മുനി​സി​പ്പൽ ആശുപ​ത്രി​യു​ടെ ഡയറക്ടർ കൂടി​യാ​യി​രുന്ന അദ്ദേഹം, ഡോക്ടർമാർ കുത്തി​വെ​ക്കാ​നുള്ള വിലകൂ​ടിയ മരുന്നു​ക​ളും ലായനി​ക​ളും ദുരി​താ​ശ്വാ​സ കേന്ദ്ര​ത്തിൽ വെച്ചു രോഗി​കൾക്കു കൊടു​ക്കാൻ പാടി​ല്ലെ​ന്നും പകരം ആ രോഗി​കൾ കോ​ബെ​യി​ലെ ആശുപ​ത്രി​ക​ളിൽ ചെന്ന്‌ അവ വാങ്ങി​ക്കൊ​ള്ള​ണ​മെ​ന്നും പറഞ്ഞു. ഒടുവിൽ, ഡോക്ടർമാ​രു​ടെ ആവശ്യം അംഗീ​ക​രി​ച്ചെ​ങ്കി​ലും, ആ ഉദ്യോ​ഗസ്ഥൻ ആദ്യം കാണിച്ച കടും​പി​ടു​ത്ത​വും കണ്ണിൽച്ചോ​ര​യി​ല്ലാത്ത നിലപാ​ടും വ്യാപ​ക​മായ വിമർശനം വിളി​ച്ചു​വ​രു​ത്തി.

അധികാ​ര​ത്തി​ലു​ള്ള ആരു​ടെ​യെ​ങ്കി​ലും സമാന​മായ കടും​പി​ടി​ത്തം നിങ്ങൾക്കും അനുഭ​വി​ക്കേ​ണ്ടി​വ​ന്നി​ട്ടു​ണ്ടാ​കാം. ഒരുപക്ഷേ, അത്തരം കടും​പി​ടി​ത്തം കാട്ടി​യ​തി​നു നിങ്ങൾതന്നെ കുറ്റക്കാ​ര​നാ​യി​രി​ക്കാം. വിശാ​ല​മായ ഒരു വീക്ഷണ​ഗതി വളർത്തി​യെ​ടു​ക്കു​ന്ന​തിൽനി​ന്നു നിങ്ങൾക്കു പ്രയോ​ജനം അനുഭ​വി​ക്കാൻ കഴിയു​മോ?

ആകമാന വീക്ഷണം ഉണ്ടായി​രി​ക്കു​ക

ആളുകൾ ഒരു നിലപാ​ടിൽനിന്ന്‌ അല്ലെങ്കിൽ വീക്ഷണ​കോ​ണിൽനി​ന്നു മാത്രം കാര്യ​ങ്ങളെ നോക്കി​ക്കാ​ണു​ന്നത്‌ അസാധാ​ര​ണമല്ല. അതിന്റെ ഫലമായി, കാര്യങ്ങൾ സംബന്ധിച്ച അവരുടെ ധാരണ​യും ഗ്രഹണ​പ്രാ​പ്‌തി​യും പരിമി​ത​മാ​യി​ത്തീ​രു​ന്നു. മിക്ക​പ്പോ​ഴും അതിനു കാരണ​മാ​കുന്ന ഘടകങ്ങൾ വിദ്യാ​ഭ്യാ​സം, ജീവി​താ​നു​ഭവം, ജീവിത പശ്ചാത്തലം എന്നിവ​യാണ്‌. ആകമാന വീക്ഷണം നേടാൻ ശ്രമി​ക്കു​മ്പോ​ഴാ​യി​രി​ക്കും ഒരുവന്‌ ബുദ്ധി​പൂർവ​ക​മായ തീരു​മാ​നങ്ങൾ എടുക്കാൻ കഴിയു​ന്നത്‌. ഉദാഹ​ര​ണ​ത്തിന്‌, നിങ്ങൾ ട്രാഫിക്ക്‌ ലൈറ്റു​കൾ ഒന്നുമി​ല്ലാത്ത തിരക്കു​പി​ടിച്ച ഒരു നാൽക്കവല കുറുകെ കടക്കു​ക​യാ​ണെന്നു കരുതുക. നേരേ മുമ്പോ​ട്ടു മാത്രം നോക്കി കടക്കു​ന്നതു ബുദ്ധി​യാ​യി​രി​ക്കു​മോ? ഒരിക്ക​ലു​മല്ല! സമാന​മാ​യി, ആകമാന വീക്ഷണം ലഭിക്ക​ത്ത​ക്ക​വി​ധം നിങ്ങളു​ടെ ചിന്തയെ വിശാ​ല​മാ​ക്കു​ന്നത്‌ ഉത്തരവാ​ദി​ത്വ​ത്തോ​ടെ പ്രവർത്തി​ക്കാ​നും തീരു​മാ​നങ്ങൾ എടുക്കാ​നും വളരെ സഹായ​ക​മാ​യി​രി​ക്കും. അതു ജീവര​ക്ഷാ​കരം പോലും ആയിരി​ക്കാം.

ഇക്കാര്യ​ത്തിൽ നമു​ക്കെ​ല്ലാ​വർക്കും അഭിവൃ​ദ്ധി വരുത്താൻ കഴിയും. അതു​കൊണ്ട്‌, ‘എന്റെ ചിന്ത വിശാ​ല​മാ​ക്കി​ക്കൊണ്ട്‌ എനിക്കു പ്രയോ​ജനം നേടാൻ കഴി​ഞ്ഞേ​ക്കാ​വുന്ന ചില മണ്ഡലങ്ങൾ ഏവയാണ്‌?’ എന്നു സ്വയം ചോദി​ക്കുക.

മറ്റുള്ള​വരെ സംബന്ധിച്ച നിങ്ങളു​ടെ വീക്ഷണം

മറ്റുള്ള​വരെ നിരീ​ക്ഷി​ക്കു​മ്പോൾ നിങ്ങൾ കാണു​ന്നത്‌ എന്താണ്‌? അവർ പറയു​ന്ന​തും പ്രവർത്തി​ക്കു​ന്ന​തു​മായ എല്ലാ കാര്യ​ങ്ങ​ളും അങ്ങേയറ്റം തെറ്റാണ്‌ അല്ലെങ്കിൽ ശരിയാണ്‌, അതിന്‌ ഇടയ്‌ക്ക്‌ ഒരു അവസ്ഥയില്ല, എന്നു ധരിക്കാ​നുള്ള പ്രവണത നിങ്ങൾക്കു​ണ്ടോ? ഒരാളു​ടെ അഭി​പ്രാ​യം ഒന്നുകിൽ പുകഴ്‌ത്തൽ അല്ലെങ്കിൽ ഇകഴ്‌ത്തൽ ആയിട്ടാ​ണോ നിങ്ങൾക്കു തോന്നു​ന്നത്‌? ഒരാൾ ചെയ്യു​ന്നത്‌ പൂർണ​മാ​യും തെറ്റാ​യി​ട്ടോ ശരിയാ​യി​ട്ടോ ആണോ നാം വീക്ഷി​ക്കു​ന്നത്‌? അത്തരം നിലപാ​ടു വെച്ചു​പു​ലർത്തു​ന്നെ​ങ്കിൽ, ഒരു ശരത്‌ക്കാല പ്രകൃ​തി​ദൃ​ശ്യ​ത്തി​ലെ ഉജ്ജ്വല​മായ നാനാ വർണങ്ങ​ളും നിറ​ഭേ​ദ​ങ്ങ​ളും അവഗണി​ച്ചു​കൊണ്ട്‌ വെളു​ത്ത​തും കറുത്ത​തു​മായ പ്രതി​ബിം​ബങ്ങൾ മാത്രമേ ഉള്ളൂ എന്നു കരുതുന്ന ഒരു ഫോ​ട്ടോ​ഗ്രാ​ഫറെ പോലെ ആയിരി​ക്കും നിങ്ങൾ. ഒരാളു​ടെ വ്യക്തി​ത്വ​ത്തി​ലെ മോശ​മായ വശങ്ങളിൽ മാത്രം ശ്രദ്ധ കേന്ദ്രീ​ക​രി​ക്കാ​നാ​ണു നിങ്ങളു​ടെ ചായ്‌വെ​ങ്കിൽ, പ്രകൃ​തി​ര​മ​ണീ​യ​മായ ഒരു സ്ഥലത്ത്‌, പരിഗ​ണ​ന​യി​ല്ലാത്ത ചില യാത്ര​ക്കാർ ഇട്ടേച്ചു​പോയ ഒരൽപ്പം ചപ്പുച​വ​റി​നെ ആ ദൃശ്യ​ത്തി​ന്റെ ആസ്വാ​ദനം കവർന്നു​ക​ള​യാൻ അനുവ​ദി​ക്കുന്ന ഒരു സഞ്ചാരി​യെ​പ്പോ​ലെ ആയിരി​ക്കു​ക​യി​ല്ലേ നിങ്ങൾ?—സഭാ​പ്ര​സം​ഗി 7: 16, താരത​മ്യം ചെയ്യുക.

മനുഷ്യ​രു​ടെ പിഴവു​കൾ സംബന്ധിച്ച ദൈവ​ത്തി​ന്റെ കാഴ്‌ച​പ്പാ​ടു പരി​ശോ​ധി​ക്കു​ന്ന​തി​ലൂ​ടെ അനവധി കാര്യങ്ങൾ പഠിക്കാ​നാ​കും. മനുഷ്യ​രു​ടെ അനവധി ബലഹീ​ന​ത​ക​ളെ​യും പിഴവു​ക​ളെ​യും കുറിച്ചു ദൈവ​ത്തിന്‌ അറിയാ​മെ​ങ്കി​ലും, അവൻ അവയിൽത്തന്നെ ശ്രദ്ധ കേന്ദ്രീ​ക​രി​ക്കു​ക​യോ അതുതന്നെ ചിന്തിച്ചു കൊണ്ടി​രി​ക്കു​ക​യോ ചെയ്യു​ന്നില്ല. കൃതജ്ഞ തോന്നിയ സങ്കീർത്ത​ന​ക്കാ​രൻ ഇങ്ങനെ പറഞ്ഞു: “യഹോവേ, നീ അകൃത്യ​ങ്ങളെ ഓർമ്മ​വെ​ച്ചാൽ കർത്താവേ ആർ നിലനി​ല്‌ക്കും?” (സങ്കീർത്തനം 130:3) അനുതാ​പ​മുള്ള പാപി​ക​ളു​ടെ തെറ്റു​കളെ അവരിൽനിന്ന്‌ അകറ്റാൻ യഹോവ സന്നദ്ധനാണ്‌. അതേ, ദൈവ​വു​മാ​യുള്ള അവരുടെ ബന്ധത്തിനു കളങ്കം ആകാത്ത​വി​ധം അവൻ കരുണാ​പൂർവം അവ തുടച്ചു​നീ​ക്കു​ന്നു. (സങ്കീർത്തനം 51:1; 103:12) “എനിക്കു പ്രസാ​ദ​മു​ള്ളതു മാത്രം ചെയ്‌വാൻ പൂർണ്ണ​മ​ന​സ്സോ​ടു​കൂ​ടെ എന്നെ അനുസ​രി​ക്ക​യും ചെയ്‌ത എന്റെ ദാസൻ” എന്ന്‌ ഒരവസ​ര​ത്തിൽ ബത്ത്‌-ശേബയു​മാ​യി ഗുരു​ത​ര​മായ പാപം ചെയ്‌ത ദാവീ​ദി​നെ​ക്കു​റിച്ച്‌ യഹോ​വ​യ്‌ക്കു പറയാൻ കഴിഞ്ഞു. (1 രാജാ​ക്ക​ന്മാർ 14:8) ദാവീ​ദി​നെ​ക്കു​റിച്ച്‌ ദൈവ​ത്തിന്‌ അങ്ങനെ പറയാൻ കഴിഞ്ഞത്‌ എന്തു​കൊണ്ട്‌? അനുതാ​പം പ്രകട​മാ​ക്കിയ ദാവീ​ദി​ന്റെ നല്ല ഗുണങ്ങ​ളി​ലാണ്‌ ദൈവം ശ്രദ്ധി​ച്ചത്‌ എന്നതാ​യി​രു​ന്നു അതിനു കാരണം. പ്രസക്ത​മായ എല്ലാ ഘടകങ്ങ​ളും പരിഗ​ണ​ന​യിൽ എടുത്തു​കൊണ്ട്‌ ദൈവം തന്റെ ദാസ​നോ​ടു കരുണ കാട്ടു​ന്ന​തിൽ തുടർന്നു.

മറ്റുള്ള​വ​രു​ടെ തെറ്റുകൾ സംബന്ധിച്ച വിശാ​ല​മായ ഈ വീക്ഷണം കുറ്റമറ്റ വിധത്തിൽ യേശു പ്രതി​ഫ​ലി​പ്പി​ച്ചു. (യോഹ​ന്നാൻ 5:19) തന്റെ അപ്പൊ​സ്‌ത​ല​ന്മാർ പിഴവു​കൾ വരുത്തി​യ​പ്പോൾ യേശു കരുണ​യും അനുക​മ്പ​യും കാട്ടി. അപൂർണ മനുഷ്യ​നെ സംബന്ധിച്ച്‌, “ആത്മാവു ഒരുക്ക​മു​ള്ളതു, ജഡമോ ബലഹീ​ന​മ​ത്രേ” എന്ന്‌ യേശു തിരി​ച്ച​റി​ഞ്ഞി​രു​ന്നു. (മത്തായി 26:41) ഇതു മനസ്സി​ലു​ണ്ടാ​യി​രുന്ന യേശു​വി​നു തന്റെ ശിഷ്യ​ന്മാ​രു​ടെ ബലഹീ​ന​ത​ക​ളും കുറവു​ക​ളും ക്ഷമയോ​ടും വിവേ​ക​ത്തോ​ടും കൂടെ കൈകാ​ര്യം ചെയ്യാൻ കഴിഞ്ഞി​രു​ന്നു. അവരുടെ കുറവു​ക​ളിൽ അല്ല മറിച്ച്‌ സദ്‌ഗു​ണ​ങ്ങ​ളിൽ ആണ്‌ യേശു ശ്രദ്ധ കേന്ദ്രീ​ക​രി​ച്ചത്‌.

ഒരവസ​ര​ത്തിൽ, തങ്ങളിൽ ആരാണു വലിയവൻ എന്ന്‌ അപ്പൊ​സ്‌ത​ല​ന്മാർ തർക്കി​ച്ച​പ്പോൾ അവരെ തിരു​ത്തി​യ​തി​നു ശേഷം യേശു ഇങ്ങനെ കൂട്ടി​ച്ചേർത്തു: “നിങ്ങൾ ആകുന്നു എന്റെ പരീക്ഷ​ക​ളിൽ എന്നോ​ടു​കൂ​ടെ നിലനി​ന്നവർ. എന്റെ പിതാവു എനിക്കു രാജ്യം നിയമി​ച്ചു​ത​ന്ന​തു​പോ​ലെ ഞാൻ നിങ്ങൾക്കും നിയമി​ച്ചു​ത​രു​ന്നു. നിങ്ങൾ എന്റെ രാജ്യ​ത്തിൽ എന്റെ മേശയി​ങ്കൽ തിന്നു​കു​ടി​ക്ക​യും സിംഹാ​സ​ന​ങ്ങ​ളിൽ ഇരുന്നു യിസ്രാ​യേൽ ഗോത്രം പന്ത്രണ്ടി​നെ​യും ന്യായം വിധി​ക്ക​യും ചെയ്യും.” (ലൂക്കൊസ്‌ 22:24-30) അതേ, അപ്പൊ​സ്‌ത​ല​ന്മാർക്ക്‌ അനവധി കുറവു​കൾ ഉണ്ടായി​രു​ന്നി​ട്ടും, യേശു അവരുടെ വിശ്വ​സ്‌ത​ത​യും തന്നോ​ടുള്ള അവരുടെ സ്‌നേ​ഹ​വും ഓർത്തു. (സദൃശ​വാ​ക്യ​ങ്ങൾ 17:17) അവർക്കു ചെയ്യാൻ കഴിയു​മാ​യി​രു​ന്ന​തും ചെയ്യു​മാ​യി​രു​ന്ന​തു​മായ കാര്യ​ങ്ങ​ളെ​ക്കു​റിച്ച്‌ യേശു​വിന്‌ ഉത്തമ ബോധ്യം ഉണ്ടായി​രു​ന്നു. അതേ, ‘യേശു തന്റെ ശിഷ്യ​ന്മാ​രെ അവസാ​ന​ത്തോ​ളം സ്‌നേ​ഹി​ച്ചു.’—യോഹ​ന്നാൻ 13:1.

ഒരാളു​ടെ വ്യക്തിത്വ വൈക​ല്യ​ങ്ങൾ നിങ്ങളെ അലോ​സ​ര​പ്പെ​ടു​ത്തു​ന്നു എങ്കിൽ, യഹോ​വ​യെ​യും യേശു​വി​നെ​യും പോലെ ആയിരി​ക്കുക. നിങ്ങളു​ടെ ചിന്ത വിശാ​ല​മാ​ക്കി​ക്കൊണ്ട്‌ എല്ലാ ഘടകങ്ങ​ളും കണക്കി​ലെ​ടു​ക്കാൻ ശ്രമി​ക്കുക. കാര്യ​ങ്ങളെ ഉചിത​മായ സ്ഥാനത്തു നിർത്തു​മ്പോൾ, നിങ്ങളു​ടെ സഹോ​ദ​ര​ങ്ങളെ വിലമ​തി​ക്കാ​നും സ്‌നേ​ഹി​ക്കാ​നും എളുപ്പ​മാ​ണെന്നു നിങ്ങൾ കണ്ടെത്തും.

ഭൗതി​ക​മാ​യി കൊടു​ക്കു​ന്ന​തിൽ

കൊടു​ക്കു​ന്ന​തി​ലുള്ള സന്തോഷം ക്രിസ്‌ത്യാ​നി​കൾക്കു ലഭിച്ചി​രി​ക്കുന്ന പദവി​ക​ളിൽ ഒന്നാണ്‌. എന്നാൽ, നാം കൊടു​ക്കൽ കേവലം ഒരു പ്രവർത്ത​ന​ത്തിൽ പരിമി​ത​പ്പെ​ടു​ത്ത​ണ​മോ, ഉദാഹ​ര​ണ​ത്തിന്‌, വയൽശു​ശ്രൂ​ഷ​യിൽ ഏർപ്പെ​ടുന്ന കാര്യ​ത്തിൽ മാത്രം? (മത്തായി 24:14; 28:19, 20) അതോ, മറ്റുള്ള​വ​രു​ടെ ശാരീ​രിക ആവശ്യ​ങ്ങ​ളും ക്ഷേമവും ഉൾപ്പെ​ടു​ത്തി​ക്കൊണ്ട്‌ നിങ്ങളു​ടെ ചിന്ത വിശാ​ല​മാ​ക്കാൻ കഴിയു​മോ? തീർച്ച​യാ​യും, ആത്മീയ​മാ​യി കൊടു​ക്കു​ന്ന​താണ്‌ പരമ​പ്ര​ധാ​ന​മെന്ന്‌ എല്ലാ ക്രിസ്‌ത്യാ​നി​കൾക്കും അറിയാം. (യോഹ​ന്നാൻ 6:26, 27; പ്രവൃ​ത്തി​കൾ 1:8) എങ്കിലും, ആത്മീയ​മാ​യി കൊടു​ക്കു​ന്നതു പോ​ലെ​തന്നെ പ്രാധാ​ന്യ​മു​ള്ള​താണ്‌ ഭൗതി​ക​മായ കൊടു​ക്ക​ലും എന്നു വിസ്‌മ​രി​ക്ക​രുത്‌.—യാക്കോബ്‌ 2:15, 16.

സഭയി​ലോ ലോക​മെ​മ്പാ​ടു​മോ ഉള്ള നമ്മുടെ ആത്മീയ സഹോ​ദ​ര​ങ്ങ​ളു​ടെ അടിയ​ന്തിര ആവശ്യങ്ങൾ പരിചി​ന്തി​ക്കു​മ്പോൾ, അവരെ സഹായി​ക്കാൻ നമുക്കു കൂടു​ത​ലാ​യി എന്തു ചെയ്യാൻ കഴിയു​മെന്നു മെച്ചമാ​യി മനസ്സി​ലാ​ക്കാൻ കഴിയും. സാമ്പത്തി​ക​മാ​യി കഴിവു​ള്ളവർ മറ്റുള്ള​വരെ ഔദാ​ര്യ​മാ​യി സഹായി​ക്കു​മ്പോൾ, സമത്വ​വ​ത്‌ക​രണം നടക്കുന്നു. ഈ വിധത്തിൽ നമ്മുടെ എല്ലാ സഹോ​ദ​ര​ങ്ങ​ളു​ടെ​യും ആവശ്യങ്ങൾ നടക്കുന്നു. ഒരു ക്രിസ്‌തീയ മൂപ്പൻ അതേക്കു​റിച്ച്‌ പറഞ്ഞത്‌ ഇങ്ങനെ​യാണ്‌: “ലോക​ത്തി​ന്റെ ഒരു ഭാഗത്ത്‌ ഒരു ആവശ്യം ഉടലെ​ടു​ത്താൽ, വേറൊ​രു ഭാഗത്തുള്ള സഹോ​ദ​രങ്ങൾ അവരുടെ സഹായ​ത്തി​നാ​യെ​ത്തും. അവർ സഹായി​ക്കാൻ പറ്റിയ സാഹച​ര്യ​ത്തിൽ അല്ലെങ്കിൽ, മറ്റെവി​ടെ​യെ​ങ്കി​ലും ഉള്ള സഹോ​ദ​രങ്ങൾ സഹായം വെച്ചു​നീ​ട്ടും. അങ്ങനെ ലോക​മെ​മ്പാ​ടു​മുള്ള നമ്മുടെ സഹോ​ദ​ര​ങ്ങ​ളു​ടെ ആവശ്യ​ങ്ങൾക്കു ശ്രദ്ധ നിറ​വേ​റ്റ​പ്പെ​ടു​ന്നു. ലോക​വ്യാ​പക സാഹോ​ദ​ര്യം തീർച്ച​യാ​യും അത്ഭുത​ക​ര​മായ ഒന്നാണ്‌.”—2 കൊരി​ന്ത്യർ 8:13-15; 1 പത്രൊസ്‌ 2:17.

പശ്ചിമ യൂറോ​പ്പിൽ നടന്ന അന്താരാ​ഷ്‌ട്ര കൺ​വെൻ​ഷ​നിൽ സംബന്ധി​ക്കാൻ ആത്മാർഥ​മാ​യി ആഗ്രഹിച്ച ഒരു സഹോ​ദരി അതിനു പറ്റിയ സാഹച​ര്യ​ത്തിൽ ആയിരു​ന്നില്ല. എന്നിരു​ന്നാ​ലും, അവി​ടെ​യുള്ള സഹോ​ദ​ര​ങ്ങൾക്കു ധാരാളം ബൈബി​ളു​കൾ ആവശ്യ​മു​ണ്ടെന്ന്‌ ആ സഹോ​ദരി കേട്ടി​രു​ന്നു. അതു​കൊണ്ട്‌, അവർക്കു ബൈബി​ളു​കൾ വാങ്ങാ​നുള്ള സംഭാവന പ്രസ്‌തുത കൺ​വെൻ​ഷന്‌ സംബന്ധി​ക്കാൻ പോയ ഒരാളു​ടെ കൈവശം സഹോ​ദരി കൊടു​ത്തു​വി​ട്ടു. അങ്ങനെ അവൾ കൊടു​ക്കു​ന്ന​തി​ന്റെ സന്തോഷം, വിദേ​ശ​ത്തുള്ള സഹോ​ദ​ര​ങ്ങൾക്കു പങ്കു​വെ​ക്കു​ന്ന​തി​ന്റെ സന്തോഷം, അനുഭ​വി​ച്ചു.—പ്രവൃ​ത്തി​കൾ 20:35.

നിങ്ങളു​ടെ ചിന്ത വിശാ​ല​മാ​ക്കു​ന്ന​തു​വഴി, സദാ വളർന്നു​കൊ​ണ്ടി​രി​ക്കുന്ന ലോക​വ്യാ​പക ബൈബിൾ വിദ്യാ​ഭ്യാ​സ പ്രവർത്ത​ന​ത്തി​നു വലിയ തോതിൽ സംഭാവന ചെയ്യാൻ നിങ്ങൾക്കു കഴി​ഞ്ഞേ​ക്കാം. അതു നിങ്ങൾക്കും മറ്റുള്ള​വർക്കും സന്തോഷം കൈവ​രു​ത്തും.—ആവർത്ത​ന​പു​സ്‌തകം 15:7; സദൃശ​വാ​ക്യ​ങ്ങൾ 11:24; ഫിലി​പ്പി​യർ 4:14-19.

ബുദ്ധി​യു​പ​ദേശം നൽകു​മ്പോൾ

തിരു​ത്ത​ലോ ബുദ്ധി​യു​പ​ദേ​ശ​മോ നൽകു​മ്പോൾ, വിവേ​ക​ത്തോ​ടെ​യും സമനി​ല​യോ​ടെ​യു​മുള്ള ന്യായ​വാ​ദം നമ്മുടെ ആത്മീയ സഹോ​ദ​ര​ങ്ങ​ളു​ടെ ആദരവു നേടാ​നും യഥാർഥ​ത്തിൽ ഫലപ്ര​ദ​മായ സഹായ​മേ​കാ​നും ഉതകും. ഏതാനും വസ്‌തു​ത​ക​ളിൽ മാത്രം ശ്രദ്ധ കേന്ദ്രീ​ക​രി​ച്ചു​കൊണ്ട്‌ ഏകപക്ഷീ​യ​മായ ഒരു നിഗമ​ന​ത്തി​ലേക്ക്‌ എടുത്തു​ചാ​ടാൻ എളുപ്പ​മാണ്‌. നാം തീർത്തും ഇടുങ്ങിയ ചിന്താ​ഗ​തി​ക്ക​രോ സങ്കുചിത മനസ്‌ക​രോ ആണെന്ന ധാരണ​യാണ്‌ അതു നൽകുക. യേശു​വി​ന്റെ നാളിലെ മതനേ​താ​ക്കൾ അത്തരക്കാർ ആയിരു​ന്നു. ഒടുങ്ങാത്ത അത്രയും ചട്ടങ്ങൾകൊണ്ട്‌ മറ്റുള്ള​വരെ ഭാര​പ്പെ​ടു​ത്താൻ ആയിരു​ന്നു അവർക്കു പ്രവണത. (മത്തായി 23:2-4) നേരെ​മ​റിച്ച്‌, നാം അങ്ങേയ​റ്റത്തെ വീക്ഷണങ്ങൾ ഒഴിവാ​ക്കി​ക്കൊണ്ട്‌, പൂർണ​മാ​യും തിരു​വെ​ഴു​ത്തു തത്ത്വങ്ങളെ അടിസ്ഥാ​ന​മാ​ക്കി​യുള്ള നല്ല ബുദ്ധി​യു​പ​ദേശം കൊടു​ക്കു​ക​യാ​ണെ​ങ്കിൽ, യഹോ​വ​യു​ടെ നീതി​പൂർവ​മായ, എന്നാൽ സമനി​ല​യും കരുണാർദ്ര​ത​യു​മുള്ള, ചിന്തയാ​യി​രി​ക്കും പ്രതി​ഫ​ലി​പ്പി​ക്കുക. അപ്പോൾ, നമ്മുടെ നിർദേ​ശങ്ങൾ സ്വീക​രി​ക്കാ​നും ബാധക​മാ​ക്കാ​നും മറ്റുള്ള​വർക്ക്‌ എളുപ്പ​വു​മാ​യി​രി​ക്കും.

ഏതാനും വർഷങ്ങൾക്കു മുമ്പ്‌ ചില സഭകളി​ലെ ചെറു​പ്പ​ക്കാ​രായ സഹോ​ദ​രങ്ങൾ കായിക പരിപാ​ടി​കൾക്കാ​യി കൂടി​വന്നു. ദുഃഖ​ക​ര​മെന്നു പറയട്ടെ, മത്സരാ​ത്മാവ്‌ അവരെ പരുഷ​മായ വാഗ്വാ​ദ​ത്തി​ലേക്കു നയിച്ചു. പ്രാ​ദേ​ശിക മൂപ്പന്മാർ എങ്ങനെ​യാണ്‌ ആ പ്രശ്‌നം കൈകാ​ര്യം ചെയ്‌തത്‌? ചെറു​പ്പ​ക്കാർക്കു വിനോ​ദം ആവശ്യ​മാ​ണെന്നു മനസ്സി​ലാ​ക്കിയ മൂപ്പന്മാർ, അവർ ഇനി ഒന്നിച്ചു കൂടി​വ​രാൻ പാടില്ല എന്നു പറഞ്ഞില്ല. (എഫെസ്യർ 5:17; 1 തിമൊ​ഥെ​യൊസ്‌ 4:8) പകരം, മത്സരാ​ത്മാ​വിന്‌ എന്തി​ലേക്കു നയിക്കാൻ കഴിയും എന്നതു സംബന്ധിച്ച്‌ അവർ ശക്തവും യുക്തി​സ​ഹ​വു​മായ മുന്നറി​യി​പ്പു കൊടു​ത്തു. ഉത്തരവാ​ദി​ത്വ​മുള്ള മുതിർന്ന വ്യക്തികൾ കൂടെ ഉണ്ടായി​രി​ക്കണം എന്നതു​പോ​ലുള്ള സഹായ​ക​മായ നിർദേ​ശ​ങ്ങ​ളും അവർ നൽകി. ആ ചെറു​പ്പ​ക്കാർ തങ്ങൾക്കു ലഭിച്ച ബുദ്ധി​യു​പ​ദേ​ശ​ത്തി​ലെ ജ്ഞാനവും സമനി​ല​യും വിലമ​തി​ച്ചു​കൊണ്ട്‌ അത്‌ അനുസ​രി​ച്ചു. മാത്രമല്ല, മൂപ്പന്മാ​രോട്‌ അവർക്കു​ണ്ടാ​യി​രുന്ന ആദരവും സ്‌നേ​ഹ​വും വർധി​ക്കു​ക​യും ചെയ്‌തു.

വിശാ​ല​രാ​കാൻ ശ്രമം നടത്തുക

നിങ്ങൾ അറിഞ്ഞു​കൊ​ണ്ടോ മനഃപൂർവ​മോ മുൻവി​ധി​കൾ വെച്ചു​പു​ലർത്തു​ന്നി​ല്ലെ​ങ്കി​ലും നിങ്ങളു​ടെ ചിന്തയിൽ വിശാലത പ്രകട​മാ​ക്കാൻ ബോധ​പൂർവ​മായ ശ്രമം ആവശ്യ​മാണ്‌. ദൈവ​വ​ചനം പഠിക്കവെ, യഹോവ ചിന്തി​ക്കുന്ന വിധം മനസ്സി​ലാ​ക്കാ​നും വിലമ​തി​ക്കാ​നും അതേക്കു​റി​ച്ചു ധ്യാനി​ക്കുക. (സങ്കീർത്തനം 139:17) ബൈബി​ളി​ലെ പ്രസ്‌താ​വ​ന​ക​ളു​ടെ​യും ഉൾപ്പെ​ട്ടി​രി​ക്കുന്ന തത്ത്വങ്ങ​ളു​ടെ​യും കാരണങ്ങൾ മനസ്സി​ലാ​ക്കു​ന്ന​തി​നും യഹോവ ചെയ്യു​ന്ന​തു​പോ​ലെ കാര്യ​ങ്ങളെ വിലയി​രു​ത്തു​ന്ന​തി​നും ശ്രമി​ക്കുക. അങ്ങനെ ചെയ്യു​ന്നത്‌ ദാവീ​ദി​ന്റെ പ്രാർഥ​ന​യ്‌ക്കു ചേർച്ച​യി​ലുള്ള ഒന്നായി​രി​ക്കും: “യഹോവേ, നിന്റെ വഴികളെ എന്നെ അറിയി​ക്കേ​ണമേ; നിന്റെ പാതകളെ എനിക്കു ഉപദേ​ശി​ച്ചു​ത​രേ​ണമേ! നിന്റെ സത്യത്തിൽ എന്നെ നടത്തി എന്നെ പഠിപ്പി​ക്കേ​ണമേ.”—സങ്കീർത്തനം 25:4, 5.

ഒരു വിശാല വീക്ഷണം ഉണ്ടായി​രി​ക്കു​ന്നത്‌ അനു​ഗ്ര​ഹങ്ങൾ കൈവ​രു​ത്തും. വിശാ​ല​മായ വീക്ഷണ​കോ​ണി​ലൂ​ടെ കാര്യങ്ങൾ നോക്കി​ക്കാ​ണു​ന്ന​തി​ന്റെ ഒരു പ്രയോ​ജനം അതു സമനി​ല​യും വിവേ​ക​വും ഉള്ളവൻ എന്ന ബഹുമതി നേടി​ത്ത​രും എന്നതാണ്‌. വ്യത്യ​സ്‌ത​മായ സാഹച​ര്യ​ങ്ങ​ളിൽ സഹായം നൽകവെ, കൂടുതൽ ന്യായ​ബോ​ധ​ത്തോ​ടെ​യും വിവേ​ക​ത്തോ​ടെ​യും പ്രതി​ക​രി​ക്കാൻ അതു നിങ്ങളെ പ്രാപ്‌ത​രാ​ക്കും. ക്രിസ്‌തീയ സഹോ​ദ​ര​വർഗ​ത്തി​ന്റെ വിസ്‌മ​യാ​വ​ഹ​മായ ഐക്യ​ത്തി​നും യോജി​പ്പി​നും അതു സംഭാ​വ​ന​യേ​കു​ക​യും ചെയ്യും.

[12-ാം പേജിലെ ചിത്രം]

ഔദാര്യമായ കൊടു​ക്കൽ മറ്റുള്ള​വരെ സഹായി​ക്കു​ന്നു, ദാതാ​വി​നു സന്തോഷം കൈവ​രു​ത്തു​ന്നു, നമ്മുടെ സ്വർഗീയ പിതാ​വി​നെ പ്രസാ​ദി​പ്പി​ക്കു​ന്നു