ഞങ്ങളുടെ സ്വദേ​ശത്തെ മിഷനറി വയൽ സന്ദർശി​ക്കൽ

പോർട്ടു​ഗൽമു​തൽ ചൈന​വ​രെ​യുള്ള ക്രിസ്‌തീയ സഭാകൂ​ട്ട​ങ്ങ​ളാ​ണു ഞാൻ സന്ദർശി​ക്കു​ന്നത്‌—അല്ലെങ്കിൽ അങ്ങനെ​യാ​ണു തോന്നു​ന്നത്‌. അതേസ​മയം ഞാനും ഭാര്യ ഒലിവും ബ്രിട്ടൻ വിട്ടൊ​രി​ട​ത്തും പോകു​ന്നു​മില്ല.

യഹോ​വ​യു​ടെ സാക്ഷി​ക​ളു​ടെ വിദേ​ശ​ഭാ​ഷാ സഭകളാ​ണു ഞങ്ങൾ സന്ദർശി​ക്കു​ന്നത്‌. രാജ്യ​ത്തു​ട​നീ​ളം ചിതറി​ക്കി​ട​ക്കുന്ന അത്തരം സഭകളു​ടെ എണ്ണം കൂടി​ക്കൂ​ടി​വ​രു​ക​യാണ്‌. ഫ്രാൻസി​ന്റെ നോർമൻഡി തീരത്തു​നിന്ന്‌ ഏതാണ്ട്‌ 20 കിലോ​മീ​റ്റർ അകലെ, ഒരു പോർച്ചു​ഗീസ്‌ കൂട്ടമുള്ള ജേഴ്‌സി ദ്വീപു​മു​തൽ ഇംഗ്ലണ്ടി​ന്റെ വടക്ക്‌, ചൈനീസ്‌ ഭാഷ സംസാ​രി​ക്കുന്ന താത്‌പ​ര്യ​ക്കാ​രുള്ള സൻഡർലൻഡ്‌ പട്ടണം​വ​രെ​യാ​ണു ഞങ്ങൾ സന്ദർശി​ക്കു​ന്നത്‌. അങ്ങനെ തഴച്ചു​വ​ള​രുന്ന, ആത്മീയ​മാ​യി അഭിവൃ​ദ്ധി​യുള്ള ബഹുഭാ​ഷാ വയലി​ലാണ്‌ ഞങ്ങളുടെ സേവനം. ഞങ്ങൾക്കെ​ങ്ങ​നെ​യാണ്‌ ഈ അസാധാ​രണ നിയമനം ലഭിച്ചത്‌? ഞങ്ങളുടെ സ്വദേ​ശത്തെ മിഷനറി വയലിൽ എന്താണു സംഭവി​ച്ചു​കൊ​ണ്ടി​രി​ക്കു​ന്നത്‌? ഞാനതു വിശദ​മാ​ക്കാം.

വാരം​തോ​റും ഒരു സഭ എന്ന കണക്കിൽ സന്ദർശനം നടത്തി​ക്കൊ​ണ്ടുള്ള സഞ്ചാര​വേ​ല​യിൽ ഞാനും ഒലിവും ഏതാണ്ട്‌ 20 വർഷം സേവി​ച്ചി​രി​ക്കു​ന്നു. വടക്കു​നി​ന്നു തെക്കോ​ട്ടും കിഴക്കു​നി​ന്നു പടിഞ്ഞാ​റോ​ട്ടും അങ്ങനെ ബ്രിട്ട​നി​ലു​ട​നീ​ളം ഞങ്ങൾ യാത്ര ചെയ്യണ​മാ​യി​രു​ന്നു. ഈയിടെ മധ്യധ​ര​ണ്യാ​ഴി​യി​ലുള്ള ദ്വീപായ മാൾട്ട​യി​ലെ നമ്മുടെ ക്രിസ്‌തീയ സഹോ​ദ​ര​ങ്ങ​ളു​ടെ അടുക്ക​ലും പോ​കേ​ണ്ട​തു​ണ്ടാ​യി​രു​ന്നു. അവിടെ അവർ ഞങ്ങളോ​ടു കാണിച്ച ക്രിസ്‌തീയ ആതിഥ്യം എടുത്തു​പ​റ​യേ​ണ്ട​തു​തന്നെ. (പ്രവൃ​ത്തി​കൾ 28:1, 2 താരത​മ്യം ചെയ്യുക.) മാൾട്ട​യിൽ മൂന്നു വർഷം പിന്നിട്ട ഞങ്ങൾ അടുത്ത നിയമനം എങ്ങോ​ട്ടാ​യി​രി​ക്കും എന്ന ചിന്തയി​ലാ​യി​രു​ന്നു. മിക്കവാ​റും ഒരു ഗ്രാമീണ ഇംഗ്ലീഷ്‌ മേഖല​യാ​കാ​നാ​ണു സാധ്യ​ത​യെന്നു മനസ്സിൽ വിചാ​രിച്ച്‌ ഞങ്ങൾ ആ ചിന്തയു​മാ​യി പൊരു​ത്ത​പ്പെ​ടാൻ തുടങ്ങി. എന്നാൽ നിയമനം ലഭിച്ച​പ്പോൾ ഞങ്ങൾ വിസ്‌മ​യി​ച്ചു​പോ​യി. 23 വ്യത്യസ്‌ത ഭാഷകൾ സംസാ​രി​ക്കുന്ന സഭകളും കൂട്ടങ്ങ​ളു​മ​ട​ങ്ങുന്ന ഒരു പുതിയ സർക്കി​ട്ടിൽ സേവി​ക്കാ​നാ​യി​രു​ന്നു നിയമനം!

അതെങ്ങനെ നിർവ​ഹി​ക്കു​മെന്ന സംശയ​മു​ണ്ടാ​യി​രു​ന്നു ഞങ്ങൾക്ക്‌. മാൾട്ട​യി​ലെ അനുഭ​വ​മൊ​ഴി​ച്ചാൽ, വ്യത്യസ്‌ത പശ്ചാത്ത​ല​ത്തി​ലും സംസ്‌കാ​ര​ത്തി​ലും​പെട്ട ആളുക​ളു​മാ​യി ഞങ്ങളൊ​രി​ക്ക​ലും അത്രകണ്ട്‌ അടുത്തു പ്രവർത്തി​ച്ചി​ട്ടില്ല. ഇംഗ്ലീഷ്‌ കാര്യ​മാ​യി വശമി​ല്ലാ​ത്ത​വരെ പ്രോ​ത്സാ​ഹി​പ്പി​ക്കാൻ വാസ്‌ത​വ​ത്തിൽ ഞങ്ങൾക്കാ​കു​മോ? മറ്റു ഭാഷകൾ അറിയാ​തെ എങ്ങനെ ആശയവി​നി​യമം നടത്തും? ഭക്ഷണത്തി​ന്റെ​യും മറ്റുള്ള​വ​രു​ടെ നാനാ​വിധ ആചാര​ങ്ങ​ളു​ടെ​യും കാര്യ​മോ? ഞങ്ങൾക്കു വേണ്ടവി​ധം പൊരു​ത്ത​പ്പെ​ടാ​നാ​കു​മോ? മാസി​ഡോ​ണി​യ​യി​ലേ​ക്കുള്ള ഈ ക്ഷണത്തോ​ടു പ്രതി​ക​രി​ക്കു​ന്ന​തി​നെ​ക്കു​റി​ച്ചു പ്രാർഥ​നാ​പൂർവം പരിചി​ന്തി​ക്കവേ ഇതു​പോ​ലുള്ള ചോദ്യ​ങ്ങൾ ഞങ്ങളുടെ മനസ്സിനെ മഥിച്ചു.—പ്രവൃ​ത്തി​കൾ 16:9, 10; 1 കൊരി​ന്ത്യർ 9:19-22.

ഭാഷാ​പ്ര​തി​ബന്ധം തരണം​ചെ​യ്യൽ

“ഭാഷയ​റി​യാ​ത്ത​തി​നാൽ എനിക്ക​തി​നാ​വി​ല്ലെ​ന്നാണ്‌ ആദ്യം തോന്നി​യത്‌,” ഒലിവ്‌ പറയുന്നു. “സഹോ​ദ​രി​മാ​രെ എങ്ങനെ സഹായി​ക്കാ​നാ​കു​മെന്ന്‌ എനിക്ക​റി​യി​ല്ലാ​യി​രു​ന്നു. അപ്പോൾ, ഞങ്ങൾക്ക്‌ ആദ്യമാ​യി ബൈബിൾ അധ്യയനം എടുത്ത ദമ്പതികൾ പറഞ്ഞതു ഞാൻ ഓർത്തു, ഒരിക്ക​ലും ഒരു നിയമ​ന​വും വേണ്ടെ​ന്നു​വെ​ക്ക​രുത്‌. നമ്മളെ​ക്കൊ​ണ്ടു പറ്റാത്ത യാതൊ​ന്നും യഹോവ ഒരിക്ക​ലും നമ്മോടു ചെയ്യാൻ ആവശ്യ​പ്പെ​ടു​ക​യി​ല്ലെന്ന്‌ അവർ ഞങ്ങളെ പഠിപ്പി​ച്ചി​രു​ന്നു.” അതു​കൊണ്ട്‌ ഞങ്ങൾ രണ്ടു​പേ​രും പ്രസ്‌തുത നിയമനം സ്വമന​സ്സാ​ലെ സ്വീക​രി​ച്ചു.

പിന്തി​രി​ഞ്ഞു നോക്കു​മ്പോൾ, മറ്റൊരു ഭാഷ അറിയാ​തി​രു​ന്നത്‌ എല്ലാവ​രോ​ടും ഒരു​പോ​ലെ, നിഷ്‌പ​ക്ഷ​മാ​യി ഇടപെ​ടാൻ ഞങ്ങളെ സഹായി​ച്ചു​വെന്നു ഞങ്ങൾക്കു കാണാ​നാ​കു​ന്നു. ഉദാഹ​ര​ണ​ത്തിന്‌, വാരം​തോ​റും വ്യത്യസ്‌ത ഭാഷയിൽ നടത്ത​പ്പെ​ടുന്ന യോഗ​ങ്ങ​ളിൽ സംബന്ധി​ച്ചത്‌, കേൾക്കു​ന്ന​തെ​ല്ലാം കാര്യ​മാ​യി മനസ്സി​ലാ​കാ​തെ ഇംഗ്ലീ​ഷ്‌ഭാ​ഷാ യോഗ​ങ്ങ​ളിൽ ഇരി​ക്കേ​ണ്ടി​വ​രുന്ന സഹോ​ദ​ര​ങ്ങ​ളു​ടെ അനുഭവം മനസ്സി​ലാ​ക്കാൻ സഹായ​ക​മാ​യി. യോഗ​ങ്ങൾക്കാ​യി നല്ലവണ്ണം തയ്യാറാ​യാ​ലേ അവതരി​പ്പി​ക്ക​പ്പെ​ടുന്ന സംഗതി​കൾ ഞങ്ങൾക്കു പിടി​കി​ട്ടു​മാ​യി​രു​ന്നു​ള്ളൂ. യോഗ​ങ്ങ​ളിൽ ഒലിവ്‌ എല്ലായ്‌പോ​ഴും ഒരു ഉത്തരം പറയും. അവൾ ഇംഗ്ലീ​ഷിൽ ഉത്തരം തയ്യാറാ​ക്കി​യിട്ട്‌ ഒരു സഹോ​ദ​രി​യെ​ക്കൊണ്ട്‌ പരിഭാ​ഷ​പ്പെ​ടു​ത്തി ഇംഗ്ലീഷ്‌ അക്ഷരമാല ഉപയോ​ഗിച്ച്‌ അത്‌ എഴുതി​യെ​ടു​ക്കും. കുറ​ച്ചൊ​ക്കെ വൈക്ല​ബ്യ​ത്തോ​ടെ​യാണ്‌ ഉത്തരം പറയാൻ താൻ കൈ ഉയർത്തു​ന്ന​തെന്ന്‌ അവൾ സമ്മതി​ക്കു​ന്നു. ചില​പ്പോ​ഴൊ​ക്കെ അവളുടെ ശ്രമം മറ്റുള്ള​വ​രിൽ ചിരി​യു​ണർത്തും. എന്നാൽ ഇത്‌ അവളെ നിരു​ത്സാ​ഹ​പ്പെ​ടു​ത്തു​ന്നില്ല. അവൾ പറയുന്നു: “എന്റെ ശ്രമത്തെ സഹോ​ദ​രങ്ങൾ വിലമ​തി​ക്കു​ന്നു​ണ്ടെന്ന്‌ എനിക്ക​റി​യാം. വാസ്‌ത​വ​ത്തിൽ, ഞാൻ ഉത്തരം പറയു​ന്നത്‌ ഭാഷ നന്നായി അറിയാ​വു​ന്ന​വരെ യോഗ​ങ്ങ​ളിൽ കൂടുതൽ ഉത്തരം പറയാൻ പ്രോ​ത്സാ​ഹി​പ്പി​ക്കു​ന്നുണ്ട്‌.”

എനിക്കാ​ണെ​ങ്കിൽ, പ്രസം​ഗങ്ങൾ സാധാ​ര​ണ​മ​ട്ടിൽ നടത്താ​നാ​കു​മാ​യി​രു​ന്നില്ല. ഓരോ വാക്യ​ത്തി​നു​ശേ​ഷ​വും പരിഭാ​ഷ​യ്‌ക്കു സമയം കൊടു​ക്കേ​ണ്ട​തി​നാൽ പെട്ടെന്ന്‌ ചിന്താ​ധാ​ര​യ്‌ക്കു കോട്ടം​ത​ട്ടാം. കൂടുതൽ ശ്രദ്ധ​കേ​ന്ദ്രീ​ക​രി​ക്കു​ക​യും വിവരങ്ങൾ കാര്യ​മാ​യി വെട്ടി​ച്ചു​രു​ക്കു​ക​യും ചെയ്യേ​ണ്ടി​വ​രു​ന്നു​ണ്ടെ​ന്നാണ്‌ എനിക്കു തോന്നു​ന്നത്‌. എങ്കിലും ഞാനത്‌ ആസ്വദി​ക്കു​ന്നുണ്ട്‌.

ഞങ്ങളുടെ വൈവി​ധ്യ​മാർന്ന ശുശ്രൂഷ

ബ്രിട്ട​നി​ലെ അനേകം പട്ടണ​പ്ര​ദേ​ശ​ങ്ങ​ളി​ലും, വിദേ​ശ​ഭാ​ഷകൾ സംസാ​രി​ക്കുന്ന ആളുകൾ ചിതറി​പ്പാർക്കു​ന്നുണ്ട്‌. ചില​പ്പോൾ ഒരു തെരു​വിൽ രണ്ടുപേർ ഉണ്ടാകും. മറ്റുള്ള​വരെ കാണണ​മെ​ങ്കിൽ ചില​പ്പോൾ കുറച്ചു ദൂരം പോ​കേ​ണ്ടി​വ​രും. എന്നാൽ അവരുടെ മാതൃ​ഭാ​ഷ​യിൽ അഭിവാ​ദ്യം ചെയ്യു​മ്പോ​ഴത്തെ അവരുടെ പ്രതി​ക​രണം കാണു​മ്പോൾ, ശ്രമത്തി​നു​തക്ക മൂല്യ​മു​ണ്ടെന്നു തോന്നും. എന്റെ കൂടെ​യുള്ള സഹോ​ദരൻ വീട്ടു​കാ​രന്റെ ഭാഷയിൽ രാജ്യ​സ​ന്ദേശം അവതരി​പ്പി​ക്കു​മ്പോൾ, പലപ്പോ​ഴും പ്രതി​ക​രണം അത്യന്തം ആഹ്ലാദ​ജ​ന​ക​മാ​യി​രി​ക്കും.

തീർച്ച​യാ​യും, വിദേ​ശ​ഭാ​ഷാ വയലിലെ ശുശ്രൂഷ ഞങ്ങളുടെ 40 വർഷ രാജ്യ​സേ​വ​ന​ത്തിൽ ഞങ്ങൾക്കു​ണ്ടാ​യി​ട്ടുള്ള ഏറ്റവും രസകര​മായ അനുഭ​വ​ങ്ങ​ളി​ലൊ​ന്നാണ്‌. വളർച്ച​യ്‌ക്കുള്ള സാധ്യത ഏറെയാണ്‌. മാതൃ​ഭാ​ഷ​യിൽ പഠിപ്പി​ക്ക​പ്പെ​ടു​മ്പോൾ അനേക​രും വേഗത്തിൽ പഠിക്കു​ന്നു​വെ​ന്നു​മാ​ത്രമല്ല, കൂടുതൽ ആഴമായ വിലമ​തി​പ്പു കാണി​ക്കു​ക​യും ചെയ്യു​ന്നു​വെ​ന്ന​തിൽ സംശയ​മില്ല. (പ്രവൃ​ത്തി​കൾ 2:8, 14, 41) യോഗം അവസാ​നി​ക്കു​ന്നേരം, ആദ്യമാ​യി മാതൃ​ഭാ​ഷ​യിൽ മുഴു​പ​രി​പാ​ടി​യും കേട്ടു ഗ്രഹി​ക്കാൻ സാധി​ച്ച​തി​നാൽ ചില സഹോ​ദ​രീ​സ​ഹോ​ദ​ര​ന്മാർ സന്തോ​ഷാ​ശ്രു​ക്കൾ പൊഴി​ക്കു​ന്നതു കാണു​ന്നത്‌ വൈകാ​രി​ക​മാ​യി വളരെ പ്രചോ​ദ​നാ​ത്മ​ക​മാണ്‌.

വീടു​തോ​റും പ്രസം​ഗി​ക്കു​മ്പോൾ, മുഖവു​ര​യെ​ങ്കി​ലും വീട്ടു​കാ​രന്റെ ഭാഷയി​ലാ​ക്കാൻ ഞങ്ങൾ ശ്രമി​ക്കാ​റുണ്ട്‌. ഇതു ചില​പ്പോ​ഴൊ​ക്കെ ചില നിസ്സാര പ്രശ്‌നങ്ങൾ സൃഷ്ടി​ച്ചെ​ന്നി​രി​ക്കും. ഉദാഹ​ര​ണ​ത്തിന്‌, ഒരു ഗുജറാ​ത്തി വീട്ടു​കാ​രനെ കാണു​മ്പോൾ സാധാ​ര​ണ​മാ​യി പറയാ​റുള്ള ഒരു അഭിവാ​ദ്യ​മാണ്‌ കെംച്ചോ എന്നത്‌, “ഹലോ” എന്നേ അതിനർഥ​മു​ള്ളൂ. എന്നാൽ ഒരിക്കൽ എന്റെ ഉച്ചാര​ണ​ത്തിൽ ഒരു നിസ്സാര പിശകു പറ്റിയ​പ്പോൾ, ഞാനൊ​രു പ്രശസ്‌ത കാപ്പി കമ്പനി പ്രചാ​ര​ക​നാ​ണെന്ന്‌ അവർ ധരിച്ചു. എന്നാൽ മറ്റൊ​രി​ടത്ത്‌ ഞാൻ ഗുജറാ​ത്തി​യിൽ അഭിവാ​ദ്യം ചെയ്‌ത​പ്പോൾ വീട്ടു​കാ​ര​നും ഭാര്യ​യും പുഞ്ചി​രി​ച്ചു​കൊണ്ട്‌ ഞങ്ങളെ ഉടനെ അകത്തേക്കു ക്ഷണിച്ച്‌ ദയാപു​ര​സ്സരം കാപ്പി തന്നു—തെറ്റായി ഉച്ചരി​ച്ച​തു​കൊ​ണ്ടല്ല. ഞങ്ങൾ സന്ദർശി​ക്കുന്ന കൂട്ടത്തി​ലെ യഹോ​വ​യു​ടെ സാക്ഷി​ക​ളിൽ ചിലർ അവരുടെ ബന്ധുക്ക​ളാ​യി​രു​ന്നു എന്നതാ​യി​രു​ന്നു കാരണം. അവർ സത്യത്തിൽ യഥാർഥ താത്‌പ​ര്യം പ്രകട​മാ​ക്കി.

ഇംഗ്ലീഷ്‌ സംസാ​രി​ക്കുന്ന ഒരു സഹോ​ദരി ചൈനീസ്‌ ഭാഷക്കാ​രി​യായ ഒരു സ്‌ത്രീ​ക്കു കൂടെ​ക്കൂ​ടെ മാസി​കകൾ കൊടു​ക്കു​മാ​യി​രു​ന്നു. വർഷങ്ങ​ളോ​ളം ഈ പതിവു തുടർന്നു. സൗജന്യ ബൈബി​ള​ധ്യ​യ​ന​ത്തെ​ക്കു​റി​ച്ചു പലപ്പോ​ഴും പറഞ്ഞെ​ങ്കി​ലും ആ സ്‌ത്രീ അതിനു തയ്യാറാ​യില്ല. എന്നാൽ ഒരു ദിവസം, ചൈനീസ്‌ ഭാഷ പഠിക്കുന്ന ഒരു സഹോ​ദ​രി​യും കൂടെ പോയി. അവൾ നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌ത​ക​ത്തി​ന്റെ ചൈനിസ്‌ പതിപ്പ്‌ ആ സ്‌ത്രീ​ക്കു കൊടു​ത്തു.a വീട്ടു​കാ​രിക്ക്‌ അതിൽ താത്‌പ​ര്യം തോന്നി ഉടൻ സ്വീക​രി​ച്ചു. ഇപ്പോൾ മാതൃ ഭാഷയിൽ പുസ്‌തകം ലഭിച്ച​തോ​ടെ അവൾ ബൈബി​ള​ധ്യ​യ​ന​ത്തി​നു സമ്മതിച്ചു. ആ സ്‌ത്രീ​യു​ടെ മാതൃ ഭാഷയിൽ സംസാ​രിച്ച ഏതാനും വാക്കു​ക​ളാ​യി​രു​ന്നു ഇത്രമാ​ത്രം ഫലമു​ള​വാ​ക്കി​യത്‌.

വൈവി​ധ്യ​മാർന്ന സംസ്‌കാ​ര​ങ്ങൾ

ചില സംസ്‌കാ​ര​ങ്ങ​ളിൽ രാത്രി​സ​മ​യത്ത്‌ സ്‌ത്രീ​കൾ തനിച്ചു പോകു​ന്നത്‌ പുരു​ഷ​ന്മാർക്കി​ഷ്ട​മ​ല്ലെന്നു ഞങ്ങൾ മനസ്സി​ലാ​ക്കി​യി​രു​ന്നില്ല. ഇതുനി​മി​ത്തം സായാ​ഹ്ന​ങ്ങ​ളിൽ നടക്കുന്ന യോഗ​ങ്ങ​ളിൽ സംബന്ധി​ക്കാൻ അനേകം സഹോ​ദ​രി​മാർക്കും വളരെ ബുദ്ധി​മു​ട്ടുണ്ട്‌. യുവതി​കൾ വിവാഹം കഴിക്കാ​തെ വീട്ടിൽ പാർക്കാൻ തീരു​മാ​നി​ക്കു​ന്നത്‌ കുടും​ബ​ത്തിന്‌ അപമാ​ന​മാ​ണെന്നു ചില ഏഷ്യൻ സമുദാ​യങ്ങൾ വിശ്വ​സി​ക്കു​ന്നു. വീട്ടു​കാർ തിര​ഞ്ഞെ​ടുത്ത പുരു​ഷനെ വിവാഹം കഴിക്കാൻ വിസമ്മ​തി​ച്ച​പ്പോൾ ഒരു സഹോ​ദ​രി​യു​ടെ പിതാവ്‌ വിഷം​ക​ഴിച്ച്‌ ആത്മഹത്യ​ക്കൊ​രു​ങ്ങി. അതേ, അത്തരം സഹോ​ദ​രി​മാ​രു​ടെ സഹനം എടുത്തു​പ​റ​യേ​ണ്ട​തു​തന്നെ! എന്നിരു​ന്നാ​ലും, കുടും​ബ​ജീ​വി​ത​ത്തി​ന്മേൽ സത്യത്തി​നുള്ള സ്വാധീ​ന​വും സഹോ​ദ​രി​മാർ യഹോ​വ​യോ​ടു പ്രകട​മാ​ക്കുന്ന വിശ്വ​സ്‌തത മാതാ​പി​താ​ക്ക​ളിൽ മതിപ്പു​ള​വാ​ക്കുന്ന വിധവും കാണു​മ്പോൾ, അതു ശരിക്കും വിസ്‌മ​യാ​വ​ഹം​തന്നെ.

ഈ നിയമനം സ്വീക​രി​ക്കു​ന്ന​തി​നു ഞങ്ങൾക്കു ചില പൊരു​ത്ത​പ്പെ​ടു​ത്ത​ലു​കൾ വേണ്ടി​വന്നു. സഞ്ചാര​വേല തുടങ്ങു​ന്ന​തി​നു​മുമ്പ്‌, എനിക്കു പരമ്പരാ​ഗത ഇംഗ്ലീഷ്‌ പാചക​രീ​തി നിർബ​ന്ധ​മാ​യി​രു​ന്നു, എന്നാൽ ഇപ്പോൾ എത്രമാ​ത്രം മസാല ചേർക്കു​ന്നോ അത്രയും നന്ന്‌ എന്നു തോന്നു​ന്നു. വർഷങ്ങ​ളോ​ളം ഇതു കഴിക്കാ​തി​രു​ന്ന​തിൽ ദുഃഖം തോന്നു​ന്നു. പച്ചമീൻ മുതൽ കറികൾവ​രെ​യുള്ള വൈവി​ധ്യ​മാർന്ന പാചകങ്ങൾ ഇപ്പോ​ഴല്ലേ ആസ്വദി​ക്കാൻ തുടങ്ങി​യു​ള്ളൂ.

ശോഭ​ന​മായ സാധ്യ​ത​കൾ

അനേകം സ്ഥലങ്ങളി​ലും വിദേ​ശ​ഭാ​ഷാ​വ​യ​ലു​കൾ പൂത്തു​ല​യാ​നുള്ള സമയമാ​യി എന്നു തോന്നു​ന്നു. വ്യത്യസ്‌ത ഭാഷക​ളിൽ ഇപ്പോൾ അധിക​മ​ധി​കം പുസ്‌ത​കങ്ങൾ ലഭ്യമാണ്‌. പുതിയ സഭകൾ രൂപം​കൊ​ള്ളു​മ്പോൾ നിങ്ങൾക്ക്‌ യഹോ​വ​യു​ടെ അനു​ഗ്രഹം ദർശി​ക്കാ​നാ​കും. മറ്റു ഭാഷകൾ വശമുള്ള സഹോ​ദ​രങ്ങൾ അകലെ​യുള്ള സഭകളിൽനി​ന്നു സഹായ​ത്തി​നെ​ത്തു​ന്നുണ്ട്‌.

ഫ്രാൻസി​ലെ രാജ്യ​സു​വാർത്താ പ്രസം​ഗ​ത്തി​നു ലഭിച്ച പ്രതി​ക​രണം ഒരു ശ്രദ്ധേ​യ​മായ ഉദാഹ​ര​ണ​മാണ്‌. സയറിൽനി​ന്നും മറ്റ്‌ ആഫ്രിക്കൻ രാജ്യ​ങ്ങ​ളിൽനി​ന്നും ഫ്രഞ്ചു സംസാ​രി​ക്കു​ന്ന​വ​രായ അനേകം അഭയാർഥി​കൾ ഈയിടെ ബ്രിട്ട​നിൽ വന്നിട്ടുണ്ട്‌. ലണ്ടനിൽ ഫ്രഞ്ചു സംസാ​രി​ക്കു​ന്ന​വ​രു​ടെ ആദ്യത്തെ സഭ രൂപീ​കൃ​ത​മാ​യ​പ്പോൾ, ഏതാണ്ട്‌ 65 രാജ്യ​പ്ര​സാ​ധകർ സഹവസി​ച്ചി​രു​ന്നു. ഒരു വർഷത്തി​നു​ശേഷം ആ സംഖ്യ 117 ആയി കുതി​ച്ചു​യർന്നു, ഇവരിൽ 48 പേർ നിരന്തര പയനി​യർമാ​രാ​യി മുഴു​സ​മയം സേവിച്ചു. വർധി​ച്ചു​വ​രുന്ന താത്‌പ​ര്യ​ക്കാ​രു​ടെ ആവശ്യങ്ങൾ കണക്കി​ലെ​ടുത്ത്‌ ഏറെ താമസി​യാ​തെ രണ്ടാമത്തെ സഭ സ്ഥാപി​ക്ക​പ്പെട്ടു. ഇപ്പോൾ താത്‌പ​ര്യ​ക്കാർക്കു കൂടുതൽ ശ്രദ്ധ കൊടു​ക്കാ​നാ​കു​ന്നുണ്ട്‌. അവരിൽ 345 പേർ 1995-ലെ സ്‌മാ​ര​കാ​ഘോ​ഷ​ത്തിൽ പങ്കെടു​ത്തു. ബെനിൻ, ഐവറി കോസ്റ്റ്‌, മൊ​റോ​ക്കോ, സയർ എന്നിവി​ട​ങ്ങ​ളിൽ സേവി​ച്ചി​രുന്ന മുൻ ഗിലെ​യാദ്‌ ബിരു​ദ​ധാ​രി​ക​ളു​ടെ അനുഭ​വ​സ​മ്പത്ത്‌ വളരുന്ന ഈ വയലിന്റെ ആവശ്യങ്ങൾ നിറ​വേ​റ്റാൻ ഉപയോ​ഗി​ക്കു​ക​യാ​ണി​പ്പോൾ. വിസ്‌മ​യാ​വ​ഹ​മായ പ്രതി​ക​ര​ണ​മാ​ണു ലഭിക്കു​ന്നത്‌.

ഒരു ഫ്രഞ്ച്‌ സഭ സന്ദർശിച്ച അവസര​ത്തിൽ, ഒരു ആഫ്രിക്കൻ യുവതി​യു​മാ​യുള്ള ബൈബി​ള​ധ്യ​യ​ന​ത്തി​നു ഞാനും കൂടെ പോയി. ഞങ്ങൾ പിരി​യാൻ നേരത്ത്‌, ആ യുവതി കേണ​പേ​ക്ഷി​ച്ചു: “ദയവായി പോക​രു​തേ, കുറെ​ക്കൂ​ടി കഴിഞ്ഞു പോകാം.” അവൾക്കു പിന്നെ​യും അറിയ​ണ​മാ​യി​രു​ന്നു. അപ്പോൾ ഞങ്ങൾ ഒന്നാം നൂറ്റാ​ണ്ടി​ലെ ലുദി​യ​യെ​ക്കു​റിച്ച്‌ ഓർത്തു​പോ​യി.—പ്രവൃ​ത്തി​കൾ 16:14, 15.

ഞങ്ങളുടെ പ്രാരം​ഭ​വേല ചെറിയ വിദേ​ശ​ഭാ​ഷാ കൂട്ടങ്ങളെ സഭകളാ​യി​ത്തീ​രാൻ സഹായി​ക്കുക എന്നതാ​യി​രു​ന്നു. സഹോ​ദ​രങ്ങൾ വാരം​തോ​റും സഭാപു​സ്‌ത​കാ​ധ്യ​യനം നടത്തി​യി​രു​ന്ന​യി​ട​ങ്ങ​ളിൽ, ഞങ്ങൾ മാസത്തി​ലൊ​രി​ക്കൽ ഹ്രസ്വ​മായ ദിവ്യാ​ധി​പത്യ ശുശ്രൂ​ഷാ സ്‌കൂൾ ഏർപ്പെ​ടു​ത്തി. ഇതു വയൽ ശുശ്രൂ​ഷ​യിൽ നല്ല അവതരണം നടത്താൻ അവരെ സഹായി​ക്കു​ന്നു. പിന്നെ അവർ ക്രമേണ വാരം​തോ​റും അഞ്ചു സഭാ​യോ​ഗങ്ങൾ നടത്തു​ക​യെന്ന ലക്ഷ്യത്തിൽ പ്രവർത്തി​ച്ചു​കൊ​ള്ളും. ചൈനീസ്‌ (കന്റൊ​നിസ്‌), ഫ്രഞ്ച്‌, ഗുജറാ​ത്തി, ജാപ്പനീസ്‌, പോർച്ചു​ഗീസ്‌, പഞ്ചാബി, തമിഴ്‌, വെൽഷ്‌ എന്നീ ഭാഷകൾ സംസാ​രി​ക്കുന്ന പുതിയ സഭകൾ ഇതി​നോ​ട​കം​തന്നെ രൂപീ​കൃ​ത​മാ​യി​ട്ടുണ്ട്‌.

ബധിര​രാ​യ സഹോ​ദ​ര​ങ്ങ​ളു​ടെ യോഗ​ങ്ങ​ളിൽ പങ്കുപ​റ്റു​ന്ന​തി​നുള്ള പദവി​യും ഞങ്ങൾക്കു ലഭിച്ചു. സഹോ​ദ​രങ്ങൾ കൈക​ളു​പ​യോ​ഗി​ച്ചു പാടു​ന്നതു കാണു​ന്നത്‌ തികച്ചും പ്രചോ​ദ​നാ​ത്മ​കം​തന്നെ. ശുശ്രൂ​ഷ​യിൽ അവർ ആംഗ്യ​ഭാ​ഷ​യി​ലാ​ണു സംസാ​രി​ക്കു​ന്ന​തെന്നു തിരി​ച്ച​റിഞ്ഞ്‌ രാജ്യ​വേ​ല​യിൽ പങ്കെടു​ക്കാ​നുള്ള അവരുടെ ഉത്‌കൃ​ഷ്ട​മായ ശ്രമങ്ങ​ളിൽ എനിക്കു വലിയ മതിപ്പു​തോ​ന്നി. ബധിര​രും അന്ധരു​മാ​യ​വർക്കു​വേണ്ടി കാര്യങ്ങൾ വിവരി​ക്കാ​നും ആളുക​ളുണ്ട്‌. ആരും അവഗണി​ക്ക​പ്പെ​ടു​ന്നി​ല്ലെന്ന്‌ യഹോവ ഉറപ്പാ​ക്കു​ന്ന​തു​പോ​ലെ തോന്നു​ന്നു.

ഞങ്ങളൊ​രു പ്രത്യേക ആവശ്യം ഉന്നയി​ക്കേ​ണ്ട​തു​ണ്ടെ​ങ്കിൽ, അത്‌ യേശു​വി​ന്റേ​തു​പോ​ലുള്ള ഒന്നായി​രി​ക്കും: “കൊയ്‌ത്തി​ന്റെ യജമാ​ന​നോ​ടു കൊയ്‌ത്തി​ലേക്കു വേലക്കാ​രെ അയക്കേ​ണ്ട​തി​ന്നു യാചി​പ്പിൻ.” (മത്തായി 9:38) നമ്മുടെ സഹോ​ദ​ര​ങ്ങ​ളിൽ അനേക​രും തങ്ങളുടെ സഭാ​പ്ര​ദേ​ശത്തെ വംശീയ കൂട്ടങ്ങ​ളു​ടെ ഭാഷ പഠി​ച്ചെ​ടു​ക്കുന്ന ദുഷ്‌ക​ര​മായ വേല ഏറ്റെടു​ക്കു​ന്നുണ്ട്‌. ഞങ്ങൾക്കു പല ഭാഷകൾ സംസാ​രി​ക്കു​ന്ന​തി​നുള്ള അത്ഭുത​വ​രങ്ങൾ ലഭിച്ചി​ട്ടി​ല്ലെ​ങ്കി​ലും, യഹോവ ഞങ്ങളുടെ സ്വദേ​ശത്തെ മിഷനറി വയലിലെ—കൊയ്‌ത്തി​നു പാകമാ​യി​രി​ക്കുന്ന ഒരു വയലിലെ—ശുശ്രൂ​ഷ​യ്‌ക്കു വഴി തുറന്നി​രി​ക്കു​ക​യാണ്‌. (യോഹ​ന്നാൻ 4:35, 36)—കോളിൻ സീമർ പറഞ്ഞ​പ്ര​കാ​രം.

[അടിക്കു​റി​പ്പു​കൾ]