ഉത്സവകാ​ലങ്ങൾ യഹോ​വയെ ബഹുമാ​നി​ക്കാൻ ഉപയോ​ഗി​ക്കു​ക

¹ കാലവർഷം അവസാ​നി​ക്കു​ന്ന​തോ​ടെ ഭാരതീയ ഉത്സവങ്ങ​ളു​ടെ കാലം തുടങ്ങു​ക​യാ​യി. ആഗസ്റ്റ്‌ മുതൽ ജനുവരി വരെയുള്ള മാസങ്ങ​ളിൽ ദീപാ​വലി, ദസറ, ഗണപതി പൂജ, ഓണം, പൊങ്കൽ തുടങ്ങിയ ഉത്സവങ്ങൾ ആഘോ​ഷി​ക്ക​പ്പെ​ടു​ന്നു. ഈ ഉത്സവങ്ങൾ കൊണ്ടാ​ടു​ന്ന​വർക്ക്‌ അതു സന്തോ​ഷ​ത്തി​ന്റെ സമയമാണ്‌. അല്ലാത്ത​വർക്കും അതു സന്തോഷം കൈവ​രു​ത്തു​ന്നു, ഈ ആഘോ​ഷ​ങ്ങ​ളോ​ടു ബന്ധപ്പെട്ട്‌ കൂടു​ത​ലായ അവധി ദിവസങ്ങൾ ലഭിക്കു​ന്നു എന്നതി​നാൽ. ഉത്സവങ്ങ​ളോട്‌ അനുബ​ന്ധിച്ച്‌ കൂടു​ത​ലാ​യി കിട്ടുന്ന അവധി ദിവസങ്ങൾ എങ്ങനെ ഉപയോ​ഗി​ക്കാ​നാ​ണു നിങ്ങളു​ടെ പരിപാ​ടി?

² കൂടുതലായ അവധി ദിവസങ്ങൾ ദിവ്യാ​ധി​പത്യ പ്രവർത്ത​ന​ങ്ങൾക്ക്‌ ഉപയോ​ഗി​ക്കുക: ഈ സമയത്ത്‌ നമ്മിൽ മിക്കവർക്കും ലൗകിക ജോലി​യിൽനിന്ന്‌ അവധി ലഭിക്കും. മറ്റുള്ള​വ​രു​മാ​യി സുവാർത്ത പങ്കു​വെ​ക്കു​ന്ന​തി​നെ​ക്കാൾ മെച്ചമായ ഏതു വിധത്തി​ലാണ്‌ ആ സമയത്തിൽ കുറെ നമുക്കു ചെലവ​ഴി​ക്കാ​നാ​കുക? എല്ലാവ​രും വീട്ടിൽ കാണുന്ന സമയമാ​ണത്‌, മാത്രമല്ല ആളുകൾ പൊതു​വേ ആഹ്ലാദ​ഭ​രി​ത​രും ആയിരി​ക്കും. അതു​കൊണ്ട്‌ അത്തരം അവധി​ദി​വസ സാക്ഷീ​ക​രണം ഫലപ്ര​ദ​വും ആസ്വാ​ദ്യ​വു​മാ​ണെന്നു തെളി​ഞ്ഞേ​ക്കാം.

³ ഈ അവധി ദിവസങ്ങൾ പരമാ​വധി പ്രയോ​ജ​ന​പ്പെ​ടു​ത്തു​ന്ന​തിന്‌ പ്രത്യേക വയൽ പ്രവർത്ത​നങ്ങൾ ക്രമീ​ക​രി​ക്കാൻ സഭാമൂ​പ്പ​ന്മാർക്കു കഴിയു​ന്ന​താണ്‌. തങ്ങളുടെ മുഴു കുടും​ബ​ത്തോ​ടു​മൊ​പ്പം അവധി​ദി​വസ സാക്ഷീ​കരണ ക്രമീ​ക​ര​ണത്തെ പിന്തു​ണ​യ്‌ക്കു​ന്ന​തി​നു കുടും​ബ​നാ​ഥ​ന്മാർക്കു പരിപാ​ടി​യി​ടാ​വു​ന്ന​താണ്‌. കൂടു​ത​ലാ​യി അൽപ്പം ശ്രമം ചെയ്യു​ന്ന​തി​ലൂ​ടെ നിങ്ങൾക്ക്‌ ഒരു സഹായ പയനി​യ​റാ​യി പോലും സേവി​ക്കാൻ കഴി​ഞ്ഞേ​ക്കും. അത്തരം പ്രസം​ഗ​പ്ര​വർത്തനം നല്ല ആഹാരം​പോ​ലെ തന്നെ നവോ​ന്മേ​ഷ​ദാ​യ​ക​മാ​ണെന്ന്‌ ക്ഷീണി​ത​നാ​യി​രു​ന്ന​പ്പോൾ പോലും യേശു കണ്ടെത്തി. (യോഹ. 4:34) നമ്മുടെ വ്യക്തി​പ​ര​മായ സമയം മറ്റുള്ള​വരെ സഹായി​ക്കാൻ ഉപയോ​ഗി​ക്കു​മ്പോൾ നമ്മുടെ അനുഭ​വ​വും അതുതന്നെ ആയിരി​ക്കും എന്നതിനു സംശയ​മില്ല.

⁴ പരിഗണന കാണി​ക്കുക, വിവേചന ഉപയോ​ഗി​ക്കുക: മറ്റുള്ള​വ​രോ​ടുള്ള സ്‌നേഹം അവരുടെ സാഹച​ര്യം അറിഞ്ഞു പ്രവർത്തി​ക്കാൻ നമ്മെ പ്രേരി​പ്പി​ക്കും. ഉത്സവദി​ന​ങ്ങ​ളിൽ ആളുകൾ പൊതു​വേ വിരു​ന്നു​കാ​രെ സത്‌ക​രി​ക്കു​ന്ന​തി​ന്റെ​യും വിഭവ​സ​മൃ​ദ്ധ​മായ സദ്യ ഒരുക്കു​ന്ന​തി​ന്റെ​യും തിരക്കി​ലാ​യി​രി​ക്കും. അതു തിരി​ച്ച​റിഞ്ഞ്‌ നമ്മുടെ അവതരണം ഹ്രസ്വ​മാ​ക്കി നിറു​ത്താൻ ക്രിസ്‌തീയ മര്യാദ നമ്മെ പ്രേരി​പ്പി​ക്കണം. എന്നാൽ മറ്റു ചിലർ അധികം തിരക്കി​ല്ലാ​ത്ത​വ​രും ആത്മീയ കാര്യ​ങ്ങളെ കുറിച്ചു സംസാ​രി​ക്കാൻ ഇഷ്ടപ്പെ​ടു​ന്ന​വ​രും ആണെന്നു നിങ്ങൾ കണ്ടെത്തി​യേ​ക്കാം. സാഹച​ര്യ​ത്തിന്‌ അനുസൃ​ത​മാ​യി സംഭാ​ഷ​ണ​ത്തി​ന്റെ ദൈർഘ്യം നിശ്ചയി​ക്കാൻ നിങ്ങളു​ടെ ഭാഗത്തെ നല്ല ന്യായ​ബോ​ധം സഹായി​ക്കും. ദീർഘ​മാ​യി സംസാ​രി​ക്കാ​നാ​കുന്ന ഒരു സാഹച​ര്യ​മാണ്‌ നിലവി​ലു​ള്ള​തെ​ങ്കിൽ, നിങ്ങൾക്ക്‌ ഒരുപക്ഷേ ഇപ്രകാ​രം പറയാ​വു​ന്ന​താണ്‌:

◼“ഇന്ന്‌ അവധി​യാ​യ​തി​നാൽ എല്ലാവ​രും വലിയ സന്തോ​ഷ​ത്തി​ലാ​യി​രി​ക്കു​ന്ന​താ​യി കാണാൻ കഴിയു​ന്നു! ചിലർക്ക്‌ ഉത്സവത്തി​ന്റെ സന്തോഷം, മറ്റു ചിലർക്ക്‌ ജോലി​യിൽനിന്ന്‌ ഒഴിവു കിട്ടി​യ​തി​ന്റെ സന്തോഷം. ഇങ്ങനെ​യൊ​രു ദിവസം പൊതു​വേ ആളുകൾക്ക്‌ പിരി​മു​റു​ക്ക​മൊ​ന്നും കാണില്ല, വീട്ടി​ലുള്ള എല്ലാവ​രും ഐക്യ​ത്തിൽ ഒത്തൊ​രു​മിച്ച്‌ ജോലി​കൾ ചെയ്യുന്നു. ഇതു​പോ​ലെ ഉത്‌ക​ണ്‌ഠ​ക​ളൊ​ന്നും ഇല്ലാതെ എങ്ങും സന്തോഷം അലതല്ലുന്ന ഒരു അവസ്ഥ എന്നും ഉണ്ടായി​രു​ന്നെ​ങ്കിൽ എത്ര നന്നായി​രു​ന്നേനെ അല്ലേ? [പ്രതി​ക​രി​ക്കാൻ അനുവ​ദി​ക്കുക.] നീതി​മാ​ന്മാ​രായ ആളുകൾക്കു വേണ്ടി അതുത​ന്നെ​യാണ്‌ ദൈവം ചെയ്യാൻ പോകു​ന്നത്‌ എന്ന കാര്യം നിങ്ങൾക്ക്‌ അറിയാ​മോ?” മറുപടി പറയാൻ അനുവ​ദി​ക്കുക. വീട്ടു​കാ​രന്റെ പ്രതി​ക​രണം കേട്ട ശേഷം നിങ്ങൾക്ക്‌ സങ്കീർത്തനം 37:11, 29 വായി​ക്കാ​വു​ന്ന​താണ്‌, എന്നിട്ട്‌ പറയുക: “ഭൂമി​യിൽ ജീവി​ക്കുന്ന എല്ലാവർക്കും എന്നും സന്തോഷം ആസ്വദി​ക്കാൻ കഴിയുന്ന സമയത്തെ കുറിച്ച്‌ കൂടു​ത​ലാ​യി ചിന്തി​ക്കാൻ ഞങ്ങൾ എല്ലാവ​രെ​യും പ്രോ​ത്സാ​ഹി​പ്പി​ക്കു​ക​യാണ്‌.” പരിജ്ഞാ​നം പുസ്‌ത​ക​ത്തി​ന്റെ 4-ഉം 5-ഉം പേജു​ക​ളി​ലെ ചിത്രം കാണി​ക്കുക. 1-ാം അധ്യാ​യ​ത്തി​ലെ ആശയങ്ങൾ ചർച്ച ചെയ്യാ​നാ​യി വീണ്ടും വരാ​മെന്നു പറയുക.

⁵ വീട്ടുകാർ നമുക്ക്‌ ഉത്സവാ​ശം​സകൾ നേരു​മെ​ന്നു​ള്ളത്‌ ഉറപ്പാണ്‌. നാം മനസ്സിൽ പിടി​ക്കേണ്ട അടിസ്ഥാന തത്ത്വം ഇതാണ്‌: ലൗകിക മതോ​ത്സ​വ​ങ്ങ​ളി​ലോ ആഘോ​ഷ​ങ്ങ​ളി​ലോ നാം പങ്കെടു​ക്കു​ക​യില്ല, അതി​നോ​ടു ബന്ധപ്പെട്ട ആശംസ​ക​ളൊ​ന്നും പറയു​ക​യു​മില്ല. (2 കൊരി. 6:14-18) എന്നിരു​ന്നാ​ലും, സദു​ദ്ദേ​ശ്യ​മുള്ള ഒരു വീട്ടു​കാ​രനെ അനാവ​ശ്യ​മാ​യി മുറി​പ്പെ​ടു​ത്താൻ നാം ആഗ്രഹി​ക്കു​ന്നില്ല. അതു​കൊണ്ട്‌ ആശംസകൾ നേരു​മ്പോൾ “നന്ദി” എന്നോ അല്ലെങ്കിൽ കൈകൾ കൂപ്പി ഊഷ്‌മ​ള​മായ ഒരു പുഞ്ചി​രി​യോ​ടെ “നമസ്‌കാ​രം” എന്നു പോലു​മോ തിരിച്ചു പറയാ​വു​ന്ന​താണ്‌. അത്തരം സാഹച​ര്യ​ത്തെ കൈകാ​ര്യം ചെയ്യാ​നുള്ള മറ്റൊരു വിധം, നമ്മെ ശ്രദ്ധി​ക്കാൻ അവർ കാണി​ക്കുന്ന മനസ്‌ക​ത​യ്‌ക്കു നന്ദി പറയുക എന്നതാണ്‌. അങ്ങനെ നമുക്ക്‌ മതപര​മായ ഏതെങ്കി​ലും പ്രയോ​ഗങ്ങൾ ഉപയോ​ഗി​ക്കു​ന്ന​തും നമ്മുടെ ഭാഗത്തു​നിന്ന്‌ അനുര​ഞ്‌ജ​ന​ത്തി​ന്റെ ഒരു ധാരണ ഉളവാ​ക്കു​ന്ന​തും ഒഴിവാ​ക്കാൻ കഴിയും. അതേസ​മയം നമ്മോ​ടുള്ള അവരുടെ സൗഹൃ​ദ​ഭാ​വം നിലനി​റു​ത്താ​നും കഴിയും.

⁶ അവർ നമുക്ക്‌ പ്രസാദം തരു​ന്നെ​ങ്കി​ലോ? നാം അതിനെ ‘വിഗ്ര​ഹ​ത്തിന്‌ അർപ്പിച്ച ആഹാരം’ കഴിക്കു​ന്ന​തു​പോ​ലെ മാത്രം വീക്ഷി​ക്കു​ക​യും അതു​കൊണ്ട്‌ വ്യക്തി​പ​ര​മായ മനസ്സാക്ഷി അനുസ​രിച്ച്‌ തീരു​മാ​നി​ക്കേണ്ട ഒരു സംഗതി​യാ​യി കണക്കാ​ക്കു​ക​യും ചെയ്യാ​മോ? (1 കൊരി. 10:25-30) പാടില്ല. സാധാ​ര​ണ​ഗ​തി​യിൽ അന്നേദി​വസം ചെയ്യ​പ്പെ​ടുന്ന പൂജയു​ടെ ഭാഗമാ​യി​ട്ടാണ്‌ അതിഥി​കൾക്കും സന്ദർശ​കർക്കും പ്രസാദം നൽകു​ന്നത്‌, അതു കഴിക്കു​ന്ന​തി​ലൂ​ടെ അവരും ആ ആരാധ​ന​യിൽ പങ്കുപ​റ്റു​ന്നു. കാര്യങ്ങൾ അങ്ങനെ​യാ​ണെന്ന്‌ മനസ്സി​ലാ​യാൽ പിൻവ​രു​ന്ന​പ്ര​കാ​രം വ്യക്തമാ​യി പറഞ്ഞു​കൊണ്ട്‌ നമുക്കു നയപര​മാ​യി പ്രതി​ക​രി​ക്കാൻ കഴിയും: “നന്ദി. നിങ്ങൾ എന്നോടു കാണിച്ച താത്‌പ​ര്യ​ത്തെ ഞാൻ വളരെ വിലമ​തി​ക്കു​ന്നു. പക്ഷേ ഞാൻ പ്രസാദം സ്വീക​രി​ക്കാ​റില്ല.” (പ്രവൃ. 15:28, 29) എന്നിരു​ന്നാ​ലും, ഉത്സവകാ​ലത്ത്‌ വീട്ടിൽ വരുന്ന എല്ലാവർക്കും മധുര പലഹാ​ര​ങ്ങ​ളും മറ്റും കൊടു​ക്കുന്ന ആചാരം വീട്ടു​കാർക്ക്‌ ഉണ്ടായി​രു​ന്നേ​ക്കാം. അത്തരം ആചാരങ്ങൾ പൂജയു​മാ​യി നേരിട്ടു ബന്ധപ്പെ​ട്ട​ത​ല്ലാ​ത്ത​തി​നാൽ ഒരു ശുദ്ധ മനസ്സാ​ക്ഷി​യോ​ടെ അതു സ്വീക​രി​ക്കാൻ പലരും തയ്യാറാ​കു​ന്നു.

⁷ ഈ സമയത്ത്‌ യഹോ​വ​യു​ടെ സാക്ഷികൾ മാത്രമല്ല വീടു​തോ​റും പോകു​ന്നത്‌. പ്രാ​ദേ​ശി​ക​മായ ഏതെങ്കി​ലും മതാ​ഘോ​ഷ​ത്തി​നോ പൂജയ്‌ക്കോ സംഭാവന പിരി​ക്കാ​നാ​യി മറ്റാളു​ക​ളും വീടു​തോ​റും പോകാ​റുണ്ട്‌. സ്‌കൂ​ളി​ലും ജോലി സ്ഥലത്തും സമാന​മായ പിരി​വു​കൾ ഉണ്ടായി​രു​ന്നേ​ക്കാം. അത്തരം കാര്യ​ങ്ങൾക്കു സംഭാവന നൽകു​ന്ന​തി​ലൂ​ടെ നാം ആ ആരാധ​ന​യ്‌ക്കു പിന്തുണ നൽകു​ന്നവർ ആയിത്തീർന്നേ​ക്കാം. അതു​കൊണ്ട്‌ ഈ കാര്യം സംബന്ധിച്ച നമ്മുടെ ദൃഢനി​ശ്ചയം എന്തായി​രി​ക്കും എന്ന്‌ മുൻകൂ​ട്ടി നിർണ​യി​ക്കാൻ നാം ആഗ്രഹി​ക്കു​ന്നു. വീണ്ടും, ധീരവും അതേസ​മയം നയപര​വും ആയ പ്രതി​ക​രണം നല്ല ഫലം കൈവ​രി​ക്കും. ഇങ്ങനെ സംഭാവന നൽകു​ന്ന​തി​നെ ആരാധ​ന​യിൽ വിട്ടു​വീഴ്‌ച ചെയ്യു​ന്ന​താ​യും ഞങ്ങളുടെ ദൈവ​ത്തോ​ടുള്ള വഞ്ചനയാ​യും ആണ്‌ നാം കണക്കാ​ക്കു​ന്നത്‌ എന്നും അതു​കൊണ്ട്‌ അങ്ങനെ ഒരു കാര്യം ചെയ്യു​ന്ന​തി​നെ കുറിച്ച്‌ ചിന്തി​ക്കാൻ പോലും പറ്റി​ല്ലെ​ന്നും നയപര​മായ വാക്കുകൾ ഉപയോ​ഗിച്ച്‌ നമുക്കു വ്യക്തമാ​യി പറയാൻ കഴിയും.

⁸ ഉത്സവങ്ങൾ കൊണ്ടാ​ടുന്ന പലരു​ടെ​യും വിശ്വാ​സം, ഇത്‌ വർഷത്തി​ലെ ശേഷിച്ച സമയത്ത്‌ സമൃദ്ധി കൈവ​രു​ത്തും എന്നാണ്‌. അക്കാര​ണ​ത്താൽ തങ്ങളുടെ പുതു​വർഷം ദയാപ​ര​മായ വാക്കു​ക​ളാ​ലും സത്‌പ്ര​വൃ​ത്തി​ക​ളാ​ലും തുടങ്ങാൻ അവർ വളരെ ഉത്സാഹ​മു​ള്ള​വ​രാണ്‌. അത്തരം സമയങ്ങ​ളിൽ നാം ആളുക​ളോ​ടു സംസാ​രി​ക്കു​മ്പോൾ “മരണം,” “രോഗം,” “വേദന” തുടങ്ങിയ പദങ്ങൾ ഒഴിവാ​ക്കു​ന്ന​താ​യി​രി​ക്കും നല്ലത്‌. പകരം എല്ലാവർക്കും സന്തോഷം പകരുന്ന “നല്ല ആരോ​ഗ്യം,” “ഒരു പുതിയ ലോക​ത്തി​ലെ നിലനിൽക്കുന്ന സമാധാ​ന​സ​മൃ​ദ്ധി” എന്നിവ പോലുള്ള വിഷയ​ങ്ങ​ളിൽ ശ്രദ്ധ കേന്ദ്രീ​ക​രി​ക്കാൻ കഴിയും. ഈ സമയത്ത്‌ അത്തരം നല്ല കാര്യ​ങ്ങളെ കുറിച്ചു സംസാ​രി​ക്കാൻ മിക്കവർക്കും സന്തോ​ഷ​മാ​യി​രി​ക്കും.

⁹ യഹോവയെ ബഹുമാ​നി​ക്കാ​നുള്ള ആഗ്രഹം, ഉത്സവകാ​ല​ങ്ങ​ളിൽ കൂടുതൽ ചെയ്യാൻ നമ്മെ പ്രേരി​പ്പി​ക്കു​മാ​റാ​കട്ടെ. ആളുകൾ ശ്രദ്ധി​ക്കേ​ണ്ട​തുണ്ട്‌, അതു​കൊണ്ട്‌ നയമു​ള്ളവർ ആയിരി​ക്കുക. എന്നാൽ നമ്മുടെ വിശ്വാ​സ​ത്തിൽ വിട്ടു​വീഴ്‌ച ചെയ്യാ​തി​രി​ക്കാ​നും നാം ദൃഢചി​ത്ത​രാ​യി​രി​ക്കണം. വരാനി​രി​ക്കുന്ന പുതിയ ലോക​ത്തിൽ യഹോവ നമുക്കാ​യി ഒരുക്കി​യി​രി​ക്കുന്ന നിത്യ സന്തോ​ഷ​ത്തി​ന്റെ ഉത്സവത്തി​ലേക്ക്‌ നമ്മുടെ അയൽക്കാ​രെ നമുക്കു നയിക്കാം.—സെഖ. 14:16.