ബൈബിൾ—മനസ്സി​ലാ​ക്കാൻ ഉദ്ദേശി​ച്ചി​ട്ടുള്ള ഒരു പുസ്‌ത​കം

ബൈബിൾ വ്യക്തമായ ദൈവ​വ​ച​ന​മാ​ണെ​ന്നും അക്ഷരാർഥ​ത്തിൽ അതിനെ പിൻപ​റ​റ​ണ​മെ​ന്നും ചിലയാ​ളു​കൾ വിശ്വ​സി​ക്കു​ന്നു. മററു​ചി​ലർക്ക്‌, “ബൈബി​ളി​ലെ സന്ദേശം വളരെ​യ​ധി​കം അവ്യക്ത​മാണ്‌”. കാനഡ​യി​ലെ ഏററവും വലിയ പ്രൊ​ട്ട​സ്‌റ​റൻറ്‌ വിഭാ​ഗ​ത്തി​ന്റെ വിശ്വാ​സ​വും ദൈവ​ശാ​സ്‌ത്ര​വും സംബന്ധിച്ച 12 അംഗ സമിതി അപ്രകാ​രം പറയുന്നു. ചിലർക്കു “ബൈബിൾ ദുർഗ്ര​ഹ​വും അമൂർത്ത​വും അപ്രസ​ക്ത​വും ആയിത്തീ​രു​ന്നു”, എന്ന്‌ യു​ണൈ​റ​റഡ്‌ സഭയിലെ വൈദി​ക​നായ ക്ലിഫോർഡ്‌ എലിയട്ട്‌ കരുതു​ന്നു.

അത്തരം വീക്ഷണങ്ങൾ ഉത്തരം അർഹി​ക്കുന്ന പ്രസക്ത ചോദ്യ​ങ്ങൾ ഉയർത്തു​ന്നു. പിൻവ​രു​ന്നവ അവയിൽ പ്രധാ​ന​പ്പെ​ട്ട​വ​യാണ്‌, ബൈബിൾ എഴുത​പ്പെ​ട്ട​തെ​ന്തു​കൊണ്ട്‌? അതു മനസ്സി​ലാ​ക്കാൻ കഴിയാ​ത്ത​വണ്ണം വളരെ കുഴഞ്ഞ​തും സങ്കീർണ​വു​മാ​ണോ? സാധാ​ര​ണ​ക്കാ​രന്‌ അതു മനസ്സി​ലാ​ക്കാൻ കഴിയു​മോ? തിരു​വെ​ഴു​ത്തു​ക​ളു​ടെ അർഥം ഗ്രഹി​ക്കാൻ ഒരുവന്‌ എന്തു സഹായം ആവശ്യ​മാണ്‌? ഈ പ്രക്ഷുബ്ധ കാലങ്ങ​ളിൽ ബൈബി​ളി​ന്റെ സൂക്ഷ്‌മ​പ​രി​ജ്ഞാ​നം അത്യന്താ​പേ​ക്ഷി​ത​മാ​യി​രി​ക്കു​ന്നത്‌ എന്തു​കൊണ്ട്‌?

ബൈബിൾ എഴുത​പ്പെ​ട്ട​തെ​ന്തു​കൊണ്ട്‌?

അത്യുന്നത ദൈവ​മായ യഹോ​വ​യു​ടെ പ്രീതി​യും അംഗീ​കാ​ര​വും നേടാൻ ആഗ്രഹി​ക്കു​ന്ന​വർക്കു ദൈവ​വ​ച​ന​ത്തി​ന്റെ പഠനം എന്നും ഒരു മുൻഉ​പാ​ധി ആയിരു​ന്നി​ട്ടുണ്ട്‌. രാജാ​ക്കൻമാ​രും പുരോ​ഹി​തൻമാ​രും മാതാ​പി​താ​ക്ക​ളും സ്‌ത്രീ​ക​ളും കുട്ടി​ക​ളും—ധനിക​രും ദരി​ദ്ര​രും ഒരു​പോ​ലെ—അനുദിന ജീവിത കാര്യാ​ദി​ക​ളിൽനി​ന്നു സമയ​മെ​ടുത്ത്‌, രേഖ​പ്പെ​ടു​ത്ത​പ്പെട്ട ദൈവ​വ​ചനം ഗൗരവ​പൂർവ​വും പ്രാർഥ​നാ​പൂർവ​വും പരിചി​ന്തി​ക്കാൻ പ്രബോ​ധി​പ്പി​ക്ക​പ്പെട്ടു.—ആവർത്ത​ന​പു​സ്‌തകം 6:6, 7; 17:18-20; 31:9-12; നെഹെ​മ്യാ​വു 8:8; സങ്കീർത്തനം 1:1, 2; 119:7-11, 72, 98-100, 104, 142; സദൃശ​വാ​ക്യ​ങ്ങൾ 3:13-18.

ദൃഷ്ടാ​ന്ത​മാ​യി, യോശു​വ​യോട്‌ ഇപ്രകാ​രം നിർദേ​ശി​ച്ചു: “നിന്റെ ആരാധ​ന​യിൽ എപ്പോ​ഴും ന്യായ​പ്ര​മാണ പുസ്‌തകം വായി​ക്കു​ന്നു​വെന്ന്‌ ഉറപ്പു​വ​രു​ത്തുക. അതു രാവും പകലും പഠിക്കുക, അതിൽ എഴുതി​യി​രി​ക്കുന്ന സകലതും നീ അനുസ​രി​ക്കു​ന്നു​വെന്ന്‌ ഉറപ്പു​വ​രു​ത്തു​ക​യും ചെയ്യുക. അപ്പോൾ നീ അഭിവൃ​ദ്ധി പ്രാപി​ക്കു​ക​യും വിജയി​ക്കു​ക​യും ചെയ്യും.” (യോശുവ 1:8, ററു​ഡേസ്‌ ഇംഗ്ലീഷ്‌ വേർഷൻ) ദൈവ​വ​ച​ന​ത്തി​ന്റെ അത്തരം ശ്രദ്ധാ​പൂർവ​ക​മായ പഠനവും ബാധക​മാ​ക്ക​ലും വിജയ​ത്തി​ലും സന്തുഷ്ടി​യി​ലും കലാശി​ക്കും. “സകലതരം മനുഷ്യ​രും” തന്റെ വചനമായ ബൈബിൾ മനസ്സി​ലാ​ക്കാൻ മാത്രമല്ല, പിന്നെ​യോ ജീവന്റെ സമ്മാനം ലഭിക്കാ​നുള്ള പ്രതീ​ക്ഷ​യോ​ടെ അത്‌ അനുസ​രി​ക്കാ​നും യഹോവ ഉദ്ദേശി​ച്ചു.—1 തിമൊ​ഥെ​യൊസ്‌ 2:3, 4, NW; യോഹ​ന്നാൻ 17:3.

മനസ്സി​ലാ​ക്കാൻ കഴിയാ​ത്ത​വണ്ണം സങ്കീർണ​മോ?

യേശു​വി​ന്റെ സ്വർഗാ​രോ​ഹ​ണ​ത്തി​നു മുമ്പ്‌, ഭൂവ്യാ​പ​ക​മാ​യി ഒരു വലിയ ബൈബിൾ വിദ്യാ​ഭ്യാ​സ പരിപാ​ടി തുടർന്നു​ന​ട​ത്താൻ താൻ ആഗ്രഹി​ക്കു​ന്ന​താ​യി അവൻ വ്യക്തമാ​ക്കി. (പ്രവൃ​ത്തി​കൾ 1:8) ബൈബിൾ മനസ്സി​ലാ​ക്കാൻ ഉദ്ദേശി​ച്ചി​ട്ടു​ള്ള​താ​ണെന്ന്‌ അവൻ അറിഞ്ഞി​രു​ന്നു. യഹോവ തനിക്കു സ്വർഗ​ത്തി​ലും ഭൂമി​യി​ലും സകല അധികാ​ര​വും നൽകി​യി​ട്ടു​ണ്ടെന്നു വിശദീ​ക​രി​ച്ച​ശേഷം അവൻ നേരിട്ട്‌ ഈ കൽപ്പന നൽകി: “ആകയാൽ നിങ്ങൾ പുറ​പ്പെട്ടു, പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്‌മാ​വി​ന്റെ​യും നാമത്തിൽ സ്‌നാനം കഴിപ്പി​ച്ചും ഞാൻ നിങ്ങ​ളോ​ടു കല്‌പി​ച്ചതു ഒക്കെയും പ്രമാ​ണി​പ്പാൻ തക്കവണ്ണം ഉപദേ​ശി​ച്ചും​കൊ​ണ്ടു സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ [അല്ലെങ്കിൽ, പഠിതാ​ക്ക​ളാ​ക്കി​ക്കൊൾവിൻ].”—മത്തായി 28:19, 20.

സ്‌നാ​പ​ന​ത്തി​നു​മുമ്പ്‌, യഹോ​വ​യെ​ക്കു​റി​ച്ചും അവന്റെ പുത്ര​നെ​ക്കു​റി​ച്ചും പരിശു​ദ്ധാ​ത്മാ​വി​ന്റെ പ്രവർത്ത​ന​ത്തെ​ക്കു​റി​ച്ചും പുതിയ ശിഷ്യരെ പഠിപ്പി​ക്കേ​ണ്ട​തുണ്ട്‌. കൂടു​ത​ലാ​യി, അവരെ ക്രിസ്‌തീയ വ്യവസ്ഥാ​ക്ര​മ​ത്തി​ലെ നിയമം പഠിപ്പി​ക്കേ​ണ്ട​തുണ്ട്‌. (1 കൊരി​ന്ത്യർ 9:21; ഗലാത്യർ 6:2) ഈ ഫലം സിദ്ധി​ക്കു​ന്ന​തിന്‌, അർഹത​യു​ള്ളവർ ഒന്നാമതു ബൈബിൾ യഹോ​വ​യിൽനി​ന്നു​ള്ള​താ​ണെ​ന്നും രണ്ടാമത്‌ അതു മനസ്സി​ലാ​ക്കാൻ ഉദ്ദേശി​ച്ചി​ട്ടു​ള്ള​താ​ണെ​ന്നും വിശ്വ​സി​ക്കേണ്ട ആവശ്യ​മുണ്ട്‌.—മത്തായി 10:11-13.

ബൈബിൾ മനസ്സി​ലാ​ക്കാൻ നിങ്ങളു​ടെ ഭാഗത്ത്‌ എന്താവ​ശ്യ​മാണ്‌? ദൈവ​ത്തി​ന്റെ പുത്രൻ തിരു​വെ​ഴു​ത്തു​കൾ വിശദീ​ക​രി​ക്കു​ന്ന​തിന്‌ ഒരു പ്രത്യേക ശ്രമം നടത്തി. വിശുദ്ധ എഴുത്തു​കൾ സത്യമാ​ണെ​ന്നും അവയിൽ യഹോ​വ​യു​ടെ പ്രസ്‌താ​വിത ഇഷ്ടം അടങ്ങു​ന്നു​വെ​ന്നും അവൻ അറിഞ്ഞി​രു​ന്നു. (യോഹ​ന്നാൻ 17:17) തന്റെ പ്രവർത്തന നിയോ​ഗത്തെ സംബന്ധിച്ച്‌ യേശു​ക്രി​സ്‌തു പറഞ്ഞു: “ഈ ഒരു ഉദ്ദേശ്യ​ത്തി​നു​വേണ്ടി ഞാൻ ജനിച്ചു ലോക​ത്തിൽ വന്നുമി​രി​ക്കു​ന്നു, സത്യ​ത്തെ​ക്കു​റി​ച്ചു സംസാ​രി​ക്കു​ന്ന​തി​നു തന്നേ. സത്യത്തി​ന്റെ പക്ഷത്തുള്ള ഏതൊ​രാ​ളും എന്നെ ശ്രദ്ധി​ക്കു​ന്നു.” (യോഹ​ന്നാൻ 18:37, TEV; ലൂക്കൊസ്‌ 4:43) സ്വീകാ​ര്യ​ക്ഷ​മ​മായ ഹൃദയ​വും മനസ്സു​മു​ള്ള​വരെ പഠിപ്പി​ക്കു​ന്ന​തിൽനിന്ന്‌ യേശു പിൻമാ​റി​നി​ന്നില്ല. ലൂക്കോസ്‌ 24:45-ൽ [NW] നമ്മോട്‌ ഇങ്ങനെ പറയുന്നു: “പിന്നീട്‌ അവൻ [ക്രിസ്‌തു യേശു] തിരു​വെ​ഴു​ത്തു​ക​ളു​ടെ അർഥം ഗ്രഹി​ക്കേ​ണ്ട​തിന്‌ അവരുടെ മനസ്സു പൂർണ്ണ​മാ​യി തുറന്നു.”

യേശു​വി​ന്റെ ശുശ്രൂ​ഷ​ക്കാ​ലത്ത്‌ അവൻ “മോ​ശെ​യു​ടെ ന്യായ​പ്ര​മാ​ണ​ത്തി​ലും പ്രവാ​ച​ക​പു​സ്‌ത​ക​ങ്ങ​ളി​ലും സങ്കീർത്ത​ന​ങ്ങ​ളി​ലും” ഉള്ള തിരു​വെ​ഴു​ത്തു​കൾ പരാമർശി​ച്ചു​കൊ​ണ്ടും വിശദീ​ക​രി​ച്ചു​കൊ​ണ്ടും എഴുത​പ്പെട്ട വചനത്തിൽനി​ന്നു യഥേഷ്ടം ഉദ്ധരിച്ചു. (ലൂക്കൊസ്‌ 24:27, 44) അവന്റെ തിരു​വെ​ഴു​ത്തു വിശദീ​ക​ര​ണങ്ങൾ കേട്ടവർ അവന്റെ ഗ്രാഹ്യ​ത്തി​ന്റെ വ്യക്തത​യാ​ലും അതു​പോ​ലെ​തന്നെ പഠിപ്പി​ക്കാ​നുള്ള അവന്റെ പ്രാപ്‌തി​യാ​ലും വളരെ​യ​ധി​കം പ്രചോ​ദി​ത​രാ​യി. (മത്തായി 7:28, 29; മർക്കൊസ്‌ 1:12; ലൂക്കൊസ്‌ 4:32; 24:32) അവനെ സംബന്ധി​ച്ച​ട​ത്തോ​ളം തിരു​വെ​ഴു​ത്തു​കൾ ഒരു തുറന്ന പുസ്‌ത​ക​മാ​യി​രു​ന്നു.

ബൈബി​ളും യേശു​വി​ന്റെ അനുഗാ​മി​ക​ളും

യേശു​ക്രി​സ്‌തു​വി​ന്റെ ഒരു അനുകാ​രി​യാ​യി​രുന്ന അപ്പോ​സ്‌ത​ല​നായ പൗലോസ്‌, തിരു​വെ​ഴു​ത്തു​ക​ളിൽ അടങ്ങി​യി​രി​ക്കു​ന്നതു മററു​ള്ള​വരെ പഠിപ്പി​ക്കേ​ണ്ട​തി​ന്റെ ആവശ്യം തിരി​ച്ച​റി​ഞ്ഞു. അവ മനസ്സി​ലാ​ക്കാൻ ഉദ്ദേശി​ച്ചി​ട്ടു​ള്ള​താ​ണെന്ന്‌ അവനും അറിഞ്ഞി​രു​ന്നു. അതു​കൊ​ണ്ടാണ്‌ അവൻ പരസ്യ​മാ​യി പഠിപ്പി​ക്കു​ക​യും തിരു​വെ​ഴു​ത്തു​കൾ മനസ്സി​ലാ​ക്കാൻ ആഗ്രഹി​ച്ച​വ​രു​ടെ ഭവനങ്ങ​ളിൽവെച്ച്‌ അവ സംശയ​ര​ഹി​ത​മാ​യി വിശദീ​ക​രി​ക്കു​ക​യും ചെയ്‌തത്‌. ഇപ്രകാ​രം പറഞ്ഞ​പ്പോൾ പൗലോസ്‌ തന്റെ നിലപാ​ടു വ്യക്തമാ​ക്കി: “ഞാൻ പരസ്യ​മാ​യും നിങ്ങളു​ടെ ഭവനങ്ങ​ളി​ലും പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്‌ത​പ്പോൾ നിങ്ങൾക്കു സഹായ​ക​ര​മാ​യി​രി​ക്കാ​വുന്ന യാതൊ​ന്നും ഞാൻ പിടി​ച്ചു​വെ​ച്ചി​ല്ലെന്നു നിങ്ങൾ അറിയു​ന്നു​വ​ല്ലോ.” (പ്രവൃ​ത്തി​കൾ 20:20, TEV) അവന്റെ ചർച്ചക​ളിൽ അവൻ പരാമർശ​ന​ങ്ങ​ളോ​ടെ തന്റെ ആശയങ്ങൾ വിശദീ​ക​രി​ക്കു​ക​യും തെളി​യി​ക്കു​ക​യും ചെയ്‌തു​കൊ​ണ്ടു തിരു​വെ​ഴു​ത്തു​ക​ളിൽനി​ന്നു ന്യായ​വാ​ദം ചെയ്‌തു. (പ്രവൃ​ത്തി​കൾ 17:2, 3) തിരു​വെ​ഴു​ത്തു​ക​ളു​ടെ അർഥം മനസ്സി​ലാ​ക്കാൻ മററു​ള്ള​വരെ സഹായി​ക്കു​ന്ന​തിൽ അവൻ തത്‌പ​ര​നാ​യി​രു​ന്നു.

യേശു​വും അവന്റെ ശിഷ്യൻമാ​രും പഠിപ്പിച്ച കാര്യങ്ങൾ മനസ്സി​ലാ​ക്കാൻ നിങ്ങൾക്കു വാഞ്‌ഛ​യു​ണ്ടോ? (1 പത്രൊസ്‌ 2:2) പുരാതന ബെരോ​വ​യി​ലെ നിവാ​സി​കൾക്ക്‌ അത്തരം ഒരാ​ഗ്ര​ഹ​മു​ണ്ടാ​യി​രു​ന്നു, ക്രിസ്‌തു​വി​നെ​ക്കു​റിച്ച്‌ അപ്പോ​സ്‌ത​ല​നായ പൗലോസ്‌ അവരെ പഠിപ്പി​ച്ചതു വിശ്വ​സി​ക്കാൻ അവർ ആകാം​ക്ഷ​യു​ള്ളവർ ആയിരു​ന്നു. അതു​കൊണ്ട്‌, തിരു​വെ​ഴു​ത്തു​കൾ അനുദി​നം പഠിച്ച്‌, അങ്ങനെ തങ്ങൾ കേട്ട സുവാർത്ത സത്യം​ത​ന്നെ​യാ​ണെന്ന്‌ ഉറപ്പു​വ​രു​ത്താൻ അവർ പ്രോ​ത്സാ​ഹി​പ്പി​ക്ക​പ്പെട്ടു. അവരുടെ മനസ്സു സ്വീകാ​ര്യ​ക്ഷ​മ​മാ​യി​രു​ന്ന​തു​കൊണ്ട്‌ “അവരിൽ പലരും . . . വിശ്വ​സി​ച്ചു.”—പ്രവൃ​ത്തി​കൾ 17:11, 12.

ബൈബിൾ മനസ്സി​ലാ​ക്കു​ന്ന​തിന്‌, ഒരുവനു ശരിയായ ഹൃദയ​നി​ല​യും അറിയാ​നുള്ള ആത്മാർഥ​മായ ആഗ്രഹ​വും ‘ഒരുവന്റെ ആത്മീയ ആവശ്യം സംബന്ധിച്ച ബോധ​വും’ ഉണ്ടായി​രി​ക്കേ​ണ്ട​തുണ്ട്‌. (മത്തായി 5:3, NW) ‘അവരോ​ടു ഉപമക​ളാ​യി സംസാ​രി​ക്കു​ന്നതു എന്ത്‌?’ എന്ന്‌ യേശു​വി​നോ​ടു ചോദി​ച്ച​പ്പോൾ അവൻ ഇപ്രകാ​രം ഉത്തരം നൽകി: “സ്വർഗ്ഗ​രാ​ജ്യ​ത്തി​ന്റെ മർമ്മങ്ങളെ അറിവാൻ നിങ്ങൾക്കു വരം ലഭിച്ചി​രി​ക്കു​ന്നു; അവർക്കോ ലഭിച്ചി​ട്ടില്ല.” അവൻ ‘ഉപമ പ്രസ്‌താ​വി​പ്പാൻ വായ്‌ തുറക്കു​മെ​ന്നും ഗൂഢമാ​യതു ഉച്ചരി​ക്കു​മെ​ന്നും’ മുൻകൂ​ട്ടി പറഞ്ഞി​രു​ന്നു. (മത്തായി 13:10, 11, 35) അതു​കൊണ്ട്‌ ആത്മാർഥ​ത​യുള്ള അന്വേ​ഷ​ക​നിൽനിന്ന്‌ ഉദാസീ​ന​നും വെറും ജിജ്ഞാ​സു​വു​മായ കേൾവി​ക്കാ​രനെ വേർതി​രി​ക്കാൻ യേശു ഉപമക​ളി​ലൂ​ടെ സംസാ​രി​ച്ചു. യേശു​വി​ന്റെ ശിഷ്യൻമാർ ഒരവസ​ര​ത്തിൽ അവനോ​ടു​കൂ​ടെ ഒരു വീട്ടിൽ ചെന്ന്‌, “വയലിലെ കളയുടെ ഉപമ തെളി​യി​ച്ചു​ത​രേണം” എന്നു പറഞ്ഞ​പ്പോൾ തങ്ങളുടെ ആത്മാർഥത പ്രകട​മാ​ക്കി.—മത്തായി 13:36.

ബൈബിൾ മനസ്സി​ലാ​ക്ക​ണ​മെ​ങ്കിൽ നമുക്കു സഹായ​മാ​വ​ശ്യ​മാ​ണെ​ന്നു​ള്ളതു സ്‌പഷ്ട​മാണ്‌. യു​ണൈ​റ​റഡ്‌ സഭയുടെ ദൈവ​ശാ​സ്‌ത്രം, വിശ്വാ​സം, സഭൈ​ക്യം എന്നിവ​യു​ടെ സെക്ര​ട്ട​റി​യായ ഹാൽ ലെവ്‌ലിൻ എന്ന വൈദി​കൻ പറഞ്ഞു: “ബൈബിൾ നമ്മെ സംബന്ധിച്ച്‌ എന്തർഥ​മാ​ക്കു​ന്നു​വെന്നു വ്യക്തമാ​ക്കു​ന്ന​തും അതെങ്ങനെ വായി​ക്കു​ക​യും വ്യാഖ്യാ​നി​ക്കു​ക​യും ചെയ്യു​ന്നു​വെ​ന്ന​തും വളരെ പ്രധാ​ന​മാണ്‌.” എന്നാൽ എല്ലാവ​രും തിരി​ച്ച​റി​യു​ന്നി​ല്ലെ​ങ്കിൽപോ​ലും, ബൈബിൾ നമുക്കു സ്വന്തമാ​യി മനസ്സി​ലാ​ക്കാൻ കഴിയു​ക​യി​ല്ലെ​ന്നു​ള്ള​താ​ണു വസ്‌തുത. നമുക്കു സഹായം ആവശ്യ​മാണ്‌.

എന്തു സഹായം ലഭ്യമാണ്‌?

ബൈബി​ളിൽ അന്ധാളി​പ്പി​ക്കുന്ന ചില വചനങ്ങ​ളും കുഴയ്‌ക്കുന്ന ചോദ്യ​ങ്ങ​ളും ചുരു​ള​ഴി​ക്കൽ ആവശ്യ​മുള്ള നിഗൂ​ഢ​മായ പ്രസ്‌താ​വ​ന​ക​ളും ഉണ്ട്‌. എഴുതിയ സമയത്തു മനസ്സി​ലാ​ക്കാൻ ഉദ്ദേശി​ച്ചി​ട്ടി​ല്ലാത്ത അർഥവ​ത്തായ സാദൃ​ശ്യ​ങ്ങൾ ഉപയോ​ഗി​ച്ചു​കൊണ്ട്‌ അവ ഉദ്ദേശ്യ​പൂർവം ദുരൂ​ഹ​മാ​ക്കി​യ​താ​കാം. എന്നാൽ അവയിൽ തീർച്ച​യാ​യും യഹോ​വ​യു​ടെ ഉദ്ദേശ്യ​ങ്ങൾ അടങ്ങി​യി​രി​ക്കു​ന്നു. ദൃഷ്ടാ​ന്ത​ത്തിന്‌, “മൃഗത്തി​ന്റെ സംഖ്യ” “അറുനൂ​റ​റ​റു​പ​ത്താ​റു” ആകുന്നു​വെന്നു വെളി​പ്പാ​ടു 13:18 പറയുന്നു. “ഇവിടെ ജ്ഞാനം​കൊ​ണ്ടു ആവശ്യം” എന്നു വാക്യം പറയു​മ്പോൾ അത്‌ ആ സംഖ്യ​യു​ടെ പ്രാധാ​ന്യം വിശദീ​ക​രി​ക്കു​ന്നില്ല. എന്നിരു​ന്നാ​ലും, യഹോവ തന്റെ സ്ഥാപന​ത്തി​ലൂ​ടെ ഇന്ന്‌ അതിന്റെ അർഥം മനസ്സി​ലാ​ക്കാൻ തന്റെ വിശ്വസ്‌ത ദാസൻമാ​രെ അനുവ​ദി​ച്ചി​രി​ക്കു​ന്നു. (“ബൈബിൾ മനസ്സി​ലാ​ക്കു​ന്ന​തി​നുള്ള സരണി” എന്ന ചതുരം കാണുക.) “സത്യത്തി​ന്റെ വചനത്തെ ശരിയാ​യി കൈകാ​ര്യം” ചെയ്യു​ന്ന​തിൽ പരിച​യ​സ​മ്പ​ന്ന​രാ​യ​വ​രു​ടെ സഹായ​ത്തോ​ടെ നിങ്ങൾക്കും ഈ ഗ്രാഹ്യം നേടാൻ കഴിയും.—2 തിമൊ​ഥെ​യൊസ്‌ 2:2, 15, 23-25; 4:2-5, NW; സദൃശ​വാ​ക്യ​ങ്ങൾ 2:1-5.

രാജ്യ​ദൂ​തി​നോ​ടുള്ള പ്രതി​ക​ര​ണ​മോ പ്രതി​ക​ര​ണ​ത്തി​ന്റെ അഭാവ​മോ പ്രകട​മാ​ക്കാൻ യേശു ചില​പ്പോ​ഴെ​ല്ലാം ദൃഷ്ടാ​ന്തങ്ങൾ ഉപയോ​ഗി​ച്ചു. സ്‌നേ​ഹി​ത​രിൽനി​ന്നോ ബന്ധുക്ക​ളിൽനി​ന്നോ ഉള്ള എതിർപ്പി​നാൽ നിരു​ത്സാ​ഹി​ത​രാ​യി ചിലർ പുരോ​ഗതി നേടു​ക​യി​ല്ലെന്ന്‌ അവൻ സൂചി​പ്പി​ച്ചു. മററു​ചി​ലർ രാജ്യ​ദൂ​തി​നോ​ടുള്ള തങ്ങളുടെ വിലമ​തി​പ്പി​നെ നശിപ്പി​ക്കാൻ “ഞെരു​ക്ക​ത്തെ​യോ ഉപദ്ര​വ​ത്തെ​യോ’ അനുവ​ദി​ക്കും. ഇനിയും മററു​ചി​ലർ തങ്ങൾക്കു സുവാർത്ത​യോ​ടു​ണ്ടാ​യി​രു​ന്നേ​ക്കാ​വുന്ന ഏതു സ്‌നേ​ഹ​ത്തെ​യും ഞെരു​ക്കി​ക്ക​ള​യാൻ “ഈ ലോക​ത്തി​ന്റെ ചിന്തയും ധനത്തിന്റെ വഞ്ചനയും” ആകുന്ന അനുദിന ജീവിത കാര്യാ​ദി​കളെ അനുവ​ദി​ക്കും. നേരേ​മ​റിച്ച്‌, സന്തോ​ഷ​ത്തോ​ടെ പ്രതി​ക​രി​ക്കു​ന്ന​വ​രും വിലപ്പെട്ട വചനം കേൾക്കാ​നും അതിന്റെ അർഥം ഗ്രഹി​ക്കാ​നും മനസ്സു​ള്ള​വ​രു​മായ ആളുക​ളുണ്ട്‌. അവർ ക്രൈ​സ്‌ത​വ​ലോ​ക​ത്തിൽ യേശു​വി​ന്റെ നാമത്തിൽ എന്ന വ്യാജേന “നടക്കുന്ന സകല​മ്ലേ​ച്ഛ​ത​ക​ളും​നി​മി​ത്തം നെടു​വീർപ്പി​ട്ടു കരയുന്ന”വരാണ്‌. അത്തരക്കാർ യഹോ​വ​യു​ടെ വഴിയിൽ പ്രബോ​ധി​പ്പി​ക്ക​പ്പെ​ടാ​നും തന്നിമി​ത്തം അവർ ബൈബി​ളിൽനി​ന്നു വായി​ക്കു​ന്നതു മനസ്സി​ലാ​ക്കാ​നും ആകാം​ക്ഷ​യു​ള്ള​വ​രാണ്‌.—മത്തായി 13:3-9, 18-23; യെഹെ​സ്‌കേൽ 9:4; യെശയ്യാ​വു 2:2-4.

വ്യക്തി​പ​ര​മാ​യ അടിസ്ഥാ​ന​ത്തിൽ യഹോ​വ​യു​ടെ ഉദ്ദേശ്യ​ങ്ങൾ സംബന്ധിച്ച്‌ ഉൾക്കാഴ്‌ച നേടാൻ ആഗ്രഹി​ക്കു​ന്ന​വർക്ക്‌ ആവശ്യ​മായ സഹായം നൽകു​ന്നു​വെന്ന്‌ ഉറപ്പു​വ​രു​ത്താൻ യഹോ​വക്കു കഴിയും. ദൃഷ്ടാ​ന്തീ​ക​രി​ക്കു​ന്ന​തിന്‌, യെരു​ശ​ലേ​മിൽനി​ന്നു തിരി​ച്ചു​പോ​കു​മ്പോൾ യെശയ്യാ​വി​ന്റെ ബൈബിൾ പുസ്‌തകം പരിചി​ന്തി​ച്ചു​കൊ​ണ്ടി​രുന്ന ഒരു എത്യോ​പ്യ​ക്കാ​രനെ സഹായി​ക്കാൻ യഹോ​വ​യു​ടെ ആത്മാവ്‌ സുവി​ശേ​ഷ​ക​നായ ഫിലി​പ്പോ​സി​നെ നയിച്ച​താ​യി ബൈബിൾ റിപ്പോർട്ടു ചെയ്യുന്നു. തന്റെ വീട്ടി​ലേ​ക്കുള്ള മടക്കയാ​ത്ര​യിൽ അയാൾ തേരി​ലി​രുന്ന്‌ അതു വായി​ക്കു​ക​യാ​യി​രു​ന്നു. യഹോ​വ​യു​ടെ പരിശു​ദ്ധാ​ത്മാ​വി​ന്റെ നടത്തി​പ്പി​നോ​ടുള്ള അനുസ​ര​ണ​ത്തിൽ ഫിലി​പ്പോസ്‌ രഥത്തി​ന​രി​കെ ഓടി​യെത്തി ‘നീ വായി​ക്കു​ന്നതു ഗ്രഹി​ക്കു​ന്നു​വോ?’ എന്നു ചോദി​ച്ചു. അയാൾ തനിക്കു സഹായം ആവശ്യ​മാ​ണെന്നു സമ്മതി​ക്കാൻ മതിയായ താഴ്‌മ​യും സത്യസ​ന്ധ​ത​യും ഉള്ളവനാ​യി​രു​ന്നു. ആത്മീയ വിശപ്പു​ണ്ടാ​യി​രു​ന്ന​വ​നും പഠിപ്പി​ക്കാ​വു​ന്ന​വ​നു​മാ​യി​രുന്ന ഈ വ്യക്തിയെ ഫിലി​പ്പോസ്‌ സന്തോ​ഷ​ത്തോ​ടെ പ്രബോ​ധി​പ്പി​ച്ചു. ആ പ്രബോ​ധനം തിരു​വെ​ഴു​ത്തു​കൾ മനസ്സി​ലാ​ക്കാൻ അയാളെ സഹായി​ച്ചു. നിത്യ​ജീ​വൻ നേടു​ന്ന​തി​നു​വേണ്ടി യഹോ​വ​യു​മാ​യി പ്രീതി​യുള്ള ഒരു ബന്ധം ആസ്വദി​ക്കു​ന്ന​തി​നു താൻ ഇപ്പോൾ എന്തു ചെയ്യണ​മെന്ന്‌ അയാൾ പഠിച്ചു. അയാൾ ദൈവ​ത്തി​നു പ്രസാ​ദ​ക​ര​മായ ഒരു ജീവിതം നയിക്കുന്ന, യഹോ​വ​യു​ടെ സ്‌നാ​പ​ന​മേററ ഒരു സന്തുഷ്ട ദാസൻ ആയിത്തീർന്നു.—പ്രവൃ​ത്തി​കൾ 8:26-39.

നിങ്ങൾക്കു നിങ്ങളു​ടെ ഭവനത്തിൽ ഒരു ബൈബിൾ ഉണ്ടായി​രു​ന്നേ​ക്കാം, നിങ്ങൾ അതു പല പ്രാവ​ശ്യം വായി​ച്ചി​ട്ടു​മു​ണ്ടാ​യി​രി​ക്കാം. ആത്മാർഥ​ത​യും താഴ്‌മ​യു​മുള്ള ആ എത്യോ​പ്യന്‌ അനുഭ​വ​പ്പെ​ട്ട​തു​പോ​ലെ അതേ പ്രശ്‌നം നിങ്ങൾക്കും അനുഭ​വ​പ്പെ​ട്ടി​രി​ക്കാൻ വളരെ സാധ്യ​ത​യുണ്ട്‌. അയാൾക്കു താൻ വായി​ച്ചതു മനസ്സി​ലാ​ക്കാൻ കഴിഞ്ഞില്ല. അയാൾക്കു സഹായം ആവശ്യ​മാ​യി​രു​ന്നു, യഹോ​വ​യാം ദൈവം സന്തോ​ഷ​പൂർവം പ്രദാനം ചെയ്‌ത സഹായം സ്വീക​രി​ക്കാൻ അയാൾ വിസമ്മ​തി​ച്ചു​മില്ല. തന്റെ വചനമായ ബൈബി​ളിൽ എഴുതി​യി​രി​ക്കുന്ന ദൈവത്തെ സംബന്ധിച്ച കാര്യങ്ങൾ മനസ്സി​ലാ​ക്കാൻ നിങ്ങളെ സഹായി​ക്കു​ന്ന​തി​നു ഫിലി​പ്പോ​സി​നെ​പ്പോ​ലെ യഹോ​വ​യു​ടെ സാക്ഷികൾ സന്തോ​ഷ​മു​ള്ള​വ​രാണ്‌. യഹോവ ബൈബിൾ പ്രദാനം ചെയ്‌തി​രി​ക്കു​ന്ന​താ​യും അതു മനസ്സി​ലാ​ക്ക​പ്പെ​ടാൻ ഉദ്ദേശി​ക്കു​ന്ന​താ​യും അവർക്ക​റി​യാം.—1 കൊരി​ന്ത്യർ 2:10; എഫെസ്യർ 3:18; 2 പത്രൊസ്‌ 3:16.

ബൈബിൾ അത്യന്താ​പേ​ക്ഷി​ത​മാ​യി​രി​ക്കു​ന്നത്‌ എന്തു​കൊണ്ട്‌?

നാം മനുഷ്യ​ച​രി​ത്ര​ത്തിൽ ഏററവും അടിയ​ന്തി​ര​മായ കാലത്താ​ണു ജീവി​ക്കു​ന്നത്‌. ബൈബിൾ ഇതിനെ “വ്യവസ്ഥി​തി​യു​ടെ സമാപനം” എന്ന നിലയിൽ പരാമർശി​ക്കു​ന്നു. (മത്തായി 24:3, NW) ബൈബിൾ പ്രവച​ന​ത്തി​ന്റെ നിവൃ​ത്തി​യാ​യി 1914 എന്ന വർഷം മുതൽ നടന്നു​കൊ​ണ്ടി​രി​ക്കുന്ന അനേകം സംഭവങ്ങൾ, വളരെ പെട്ടെ​ന്നു​തന്നെ ദൈവ​ത്തി​ന്റെ സ്വർഗീ​യ​രാ​ജ്യം ‘ഈ രാജത്വ​ങ്ങളെ ഒക്കെയും തകർത്തു നശിപ്പി​ക്കും’ എന്നു പ്രകട​മാ​ക്കു​ന്നു.—ദാനീ​യേൽ 2:44.

മത്തായി 24-ാം അധ്യാ​യ​ത്തി​ലും മർക്കൊസ്‌ 13-ാം അധ്യാ​യ​ത്തി​ലും ലൂക്കൊസ്‌ 21-ാം അധ്യാ​യ​ത്തി​ലും ബൈബി​ളിൽ എന്തു മുൻകൂ​ട്ടി പറയു​ന്നു​വെന്നു നിങ്ങൾതന്നെ വായിച്ചു നോക്കുക. വർണി​ച്ചി​രി​ക്കുന്ന സംഭവങ്ങൾ ആഗോള താത്‌പ​ര്യ​മു​ള്ള​വ​യാ​ണെന്നു നിങ്ങൾ നിരീ​ക്ഷി​ക്കും. അവയിൽ മറെറല്ലാ യുദ്ധങ്ങ​ളിൽനി​ന്നും വ്യത്യ​സ്‌ത​മായ ലോക​യു​ദ്ധങ്ങൾ ഉൾപ്പെ​ടു​ന്നു. മുൻകൂ​ട്ടി​പ​റ​യ​പ്പെട്ട ഭക്ഷ്യദൗർല​ഭ്യ​ങ്ങ​ളും ഭൂകമ്പ​ങ്ങ​ളും അസാധാ​ര​ണ​മായ നിയമ​രാ​ഹി​ത്യ​ത്തി​ന്റെ ഒരു കാലവും ഒന്നാം ലോക​മ​ഹാ​യു​ദ്ധം മുതൽ നാം കണ്ടിരി​ക്കു​ന്നു. ഇപ്പോൾ ജനതകൾ, ലോക​നാ​ശം ആസന്നമാ​ണെ​ന്നു​ള്ള​തി​ന്റെ തെററു​പ​റ​റാത്ത ഒരു അടയാളം പ്രദാനം ചെയ്യുന്ന ഒരു പ്രഖ്യാ​പനം നടത്തു​ന്ന​തി​ന്റെ വക്കിൽ എത്തിയി​രി​ക്കു​ന്ന​താ​യി തോന്നു​ന്നു. ഇതി​നെ​ക്കു​റിച്ച്‌ അപ്പോ​സ്‌ത​ല​നായ പൗലോസ്‌ എഴുതി: “കള്ളൻ രാത്രി​യിൽ വരു​മ്പോ​ലെ കർത്താ​വി​ന്റെ നാൾ വരുന്നു . . . അവർ സമാധാ​ന​മെ​ന്നും നിർഭ​യ​മെ​ന്നും പറയു​മ്പോൾ . . . അവർക്കു പെട്ടെന്നു നാശം വന്നു ഭവിക്കും; അവർക്കു തെററി​യൊ​ഴി​യാ​വ​തു​മല്ല.” (1 തെസ്സ​ലൊ​നീ​ക്യർ 5:2, 3) തെററി​യൊ​ഴി​യാ​ത്തവർ ആരാണ്‌? പൗലോസ്‌ വിശദീ​ക​രി​ക്കു​ന്നു: ‘ദൈവത്തെ അറിയാ​ത്ത​വ​രും നമ്മുടെ കർത്താ​വായ യേശു​വി​ന്റെ സുവി​ശേഷം അനുസ​രി​ക്കാ​ത്ത​വ​രും’. (2 തെസ്സ​ലൊ​നീ​ക്യർ 1:7-9) സംയുക്ത അടയാ​ള​ത്തി​ന്റെ ഒരു ഭാഗം, മത്തായി 24:14-ൽ നൽകി​യി​രി​ക്കുന്ന “രാജ്യ​ത്തി​ന്റെ ഈ സുവി​ശേഷം . . . ഭൂലോ​ക​ത്തിൽ ഒക്കെയും” പ്രസം​ഗി​ക്കാ​നുള്ള കൽപ്പന അനുസ​രി​ക്കു​ന്ന​വ​രാൽ നിറ​വേ​റ​റ​പ്പെ​ടണം.

ലക്ഷക്കണ​ക്കി​നു യഹോ​വ​യു​ടെ സാക്ഷികൾ 231 രാജ്യ​ങ്ങ​ളി​ലും സമുദ്ര ദ്വീപു​ക​ളി​ലും ഈ കൽപ്പന നിറ​വേ​റ​റി​ക്കൊ​ണ്ടി​രി​ക്കു​ന്നു. അവർ ആളുക​ളു​ടെ ഭവനങ്ങൾ സന്ദർശിച്ച്‌ യഹോ​വ​യു​ടെ രാജ്യ​ഗ​വൺമെൻറി​നെ​ക്കു​റി​ച്ചു പഠിക്കാൻ വ്യക്തി​പ​ര​മാ​യി അവരെ ക്ഷണിക്കു​ന്നു. ഈ വ്യവസ്ഥി​തി​യു​ടെ അതിജീ​വ​ക​രോ​ടു​കൂ​ടെ ആയിരി​ക്കാ​നും വിലാ​പ​മോ മുറവി​ളി​യോ വേദന​യോ മരണമോ ഇല്ലാത്ത ഒരു പറുദീ​സാ​ഭൂ​മി​യിൽ ജീവി​ക്കാ​നും ഒരാൾ സ്വീക​രി​ക്കേണ്ട പ്രവർത്ത​ന​ഗതി അവർ ദയാപു​ര​സരം ചൂണ്ടി​ക്കാ​ണി​ക്കു​ന്നു.—വെളി​പ്പാ​ടു 21:3, 4.

ഈ ദുഷ്ട​ലോ​ക​ത്തി​ന്റെ സമയം അതി​വേഗം തീരു​ക​യാണ്‌. ഈ ലോക​ത്തി​ന്റെ അവസാ​നത്തെ അതിജീ​വി​ക്കാൻ ആഗ്രഹി​ക്കുന്ന എല്ലാവ​രും ‘സുവി​ശേഷം അനുസ​രി​ക്കു​ന്ന​തി​ലും’ അങ്ങനെ നാശത്തിൽനി​ന്നു രക്ഷപെ​ടു​ന്ന​തി​ലും എന്തുൾപ്പെ​ട്ടി​രി​ക്കു​ന്നു​വെന്നു പഠിക്കു​ന്നത്‌ അത്യാ​വ​ശ്യ​മാണ്‌. അടുത്ത പ്രാവ​ശ്യം യഹോ​വ​യു​ടെ സാക്ഷികൾ നിങ്ങളു​ടെ ഭവനം സന്ദർശി​ക്കു​മ്പോൾ ഒരു പ്രതി​വാര ബൈബി​ള​ദ്ധ്യ​യ​ന​ത്തി​നുള്ള ക്ഷണം എന്തു​കൊ​ണ്ടു സ്വീക​രി​ച്ചു​കൂ​ടാ? അതിലും മെച്ചമാ​യി, നിങ്ങൾ ബൈബിൾ മനസ്സി​ലാ​ക്കാൻ ആഗ്രഹി​ക്കു​ന്ന​തു​കൊണ്ട്‌ നിങ്ങ​ളോ​ടൊ​ത്തു ബൈബിൾ പഠിക്കാൻ എന്തു​കൊണ്ട്‌ അവരോട്‌ ആവശ്യ​പ്പെ​ട്ടു​കൂ​ടാ?

[8-ാം പേജിലെ ചതുരം]

ബൈബിൾ മനസ്സി​ലാ​ക്കു​ന്ന​തി​നുള്ള സരണി

തന്റെ മരണത്തി​നും പുനരു​ത്ഥാ​ന​ത്തി​നും ശേഷം തന്റെ ആശയവി​നി​മയ സരണി​യാ​യി സേവി​ക്കുന്ന ഒരു “വിശ്വ​സ്‌ത​നും വിവേ​കി​യു​മായ അടിമ”യെ എഴു​ന്നേൽപ്പി​ക്കു​മെന്ന്‌ യേശു ഉറപ്പു​നൽകി. (മത്തായി 24:45-47, NW) “ദൈവ​ത്തി​ന്റെ ബഹുവി​ധ​മായ ജ്ഞാനം, അവൻ നമ്മുടെ കർത്താ​വായ യേശു​ക്രി​സ്‌തു​വിൽ നിവർത്തിച്ച അനാദി​നിർണ്ണ​യ​പ്ര​കാ​രം സഭമു​ഖാ​ന്തരം അറിയാ​യ്‌വ​രു​ന്നു” എന്നെഴു​തി​യ​പ്പോൾ അപ്പോ​സ്‌ത​ല​നായ പൗലോസ്‌ എഫേസ്യ​ക്രി​സ്‌ത്യാ​നി​കളെ ഈ സരണി ഏതെന്ന്‌ അറിയി​ച്ചു. (എഫെസ്യർ 3:10, 11) പൊ.യു. [പൊതു​യു​ഗം] 33-ലെ പെന്ത​ക്കോ​സ്‌തിൽ ജനിച്ച അഭിഷിക്ത ക്രിസ്‌ത്യാ​നി​ക​ളു​ടെ സഭയെ ആയിരു​ന്നു ‘വെളി​പ്പെട്ട കാര്യങ്ങൾ’ ഭരമേൽപ്പി​ച്ചത്‌. (ആവർത്ത​ന​പു​സ്‌തകം 29:29) ഒരു സംഘ​മെ​ന്ന​നി​ല​യിൽ അഭിഷിക്ത ക്രിസ്‌ത്യാ​നി​കൾ വിശ്വ​സ്‌ത​നും വിവേ​കി​യു​മായ അടിമ​യാ​യി സേവി​ക്കു​ന്നു. (ലൂക്കൊസ്‌ 12:42-44) ദൈവ​ത്തിൽനി​ന്നുള്ള അവരുടെ നിയമിത നിയോ​ഗം ‘വെളി​പ്പെട്ട കാര്യങ്ങൾ’ സംബന്ധിച്ച ആത്മീയ ഗ്രാഹ്യം പ്രദാനം ചെയ്യുക എന്നതാണ്‌.

ബൈബിൾ പ്രവചനം മിശി​ഹ​യി​ലേക്കു വിരൽചൂ​ണ്ടി​യ​തു​പോ​ലെ, അത്‌ ഇപ്പോൾ വിശ്വ​സ്‌ത​നും വിവേ​കി​യു​മായ അടിമ​യാ​യി സേവി​ക്കുന്ന അഭിഷിക്ത ക്രിസ്‌തീയ സാക്ഷി​ക​ളു​ടെ ഒററ​ക്കെ​ട്ടായ കൂട്ടത്തി​ലേക്കു നമ്മെ നയിക്കു​ക​യും ചെയ്യുന്നു.a അത്‌ ദൈവ​ത്തി​ന്റെ വചനം മനസ്സി​ലാ​ക്കാൻ നമ്മെ സഹായി​ക്കു​ന്നു. ബൈബിൾ മനസ്സി​ലാ​ക്കാൻ ആഗ്രഹി​ക്കുന്ന എല്ലാവ​രും “ദൈവ​ത്തി​ന്റെ ബഹുവി​ധ​മായ ജ്ഞാനം” വിശ്വ​സ്‌ത​നും വിവേ​കി​യു​മായ അടിമ​യാ​കുന്ന യഹോ​വ​യു​ടെ ആശയവി​നി​മയ സരണി​യി​ലൂ​ടെ മാത്രമേ വെളി​പ്പെ​ടു​ന്നു​ള്ളൂ എന്നു വിലമ​തി​ക്കണം.—യോഹ​ന്നാൻ 6:68.

[അടിക്കു​റിപ്പ്‌]