ജീവി​ത​ത്തി​ലെ പരമ​പ്ര​ധാന പ്രവർത്ത​ന​ങ്ങൾക്കാ​യി നമ്മെ സജ്ജരാ​ക്കുന്ന ഒരു സ്‌കൂൾ

¹ ജീവിത ലക്ഷ്യങ്ങ​ളിൽ എത്തി​ച്ചേ​രാൻ തങ്ങളെ സഹായി​ക്കു​ന്ന​തരം വിദ്യാ​ഭ്യാ​സം നേടാ​നാണ്‌ ആളുകൾ വിദ്യാ​ല​യ​ങ്ങ​ളിൽ പോകു​ന്നത്‌. എന്നിരു​ന്നാ​ലും, ജീവദാ​താ​വി​നു സ്‌തുതി കരേറ്റു​ക​യും അവന്റെ ഉദ്ദേശ്യ​ങ്ങ​ളെ​യും വഴിക​ളെ​യും കുറിച്ചു പഠിക്കാൻ മറ്റുള്ള​വരെ സഹായി​ക്കു​ക​യും ചെയ്യുക എന്ന ലക്ഷ്യ​ത്തെ​ക്കാൾ പ്രാധാ​ന്യ​മർഹി​ക്കുന്ന മറ്റെന്താ​ണു​ള്ളത്‌? യാതൊ​ന്നു​മില്ല. നമ്മുടെ വിശ്വാ​സത്തെ കുറിച്ചു മറ്റുള്ള​വരെ പഠിപ്പി​ക്കാൻ നമ്മെ സജ്ജരാ​ക്കുക എന്നതാണ്‌ ദിവ്യാ​ധി​പത്യ ശുശ്രൂ​ഷാസ്‌കൂ​ളി​ന്റെ ഉദ്ദേശ്യം. തന്മൂലം, ഓരോ ആഴ്‌ച​യും ഈ സ്‌കൂ​ളിൽ സംബന്ധി​ക്കവേ, ജീവി​ത​ത്തി​ലെ പരമ​പ്ര​ധാന പ്രവർത്ത​ന​ങ്ങൾക്കാ​യി നമ്മെ സജ്ജരാ​ക്കുന്ന വൈദഗ്‌ധ്യ​ങ്ങൾ നാം നേടുന്നു.

² നമ്മുടെ രാജ്യ ശുശ്രൂ​ഷ​യു​ടെ കഴിഞ്ഞ ലക്കത്തിൽ “2003-ലേക്കുള്ള ദിവ്യാ​ധി​പത്യ ശുശ്രൂ​ഷാസ്‌കൂൾ പട്ടിക” നൽകി​യി​രു​ന്നു. സ്‌കൂൾ നടത്ത​പ്പെ​ടുന്ന വിധം സംബന്ധിച്ച വിവര​ങ്ങ​ളും ആ പട്ടിക​യിൽ ഉൾപ്പെ​ടു​ത്തി​യി​രു​ന്നു. ദിവ്യാ​ധി​പത്യ ശുശ്രൂ​ഷാസ്‌കൂൾ വിദ്യാ​ഭ്യാ​സ​ത്തിൽനി​ന്നു പ്രയോ​ജനം നേടുക എന്ന പുസ്‌ത​ക​ത്തി​ന്റെ വ്യക്തി​പ​ര​മായ പ്രതി​യിൽ തന്നെ ഈ പട്ടിക സൂക്ഷി​ക്കു​ന്നത്‌ പ്രയോ​ജ​ന​ക​ര​മാ​ണെന്നു നിങ്ങൾ കണ്ടെത്തി​യേ​ക്കാം. ഓരോ വാരത്തി​ലും ദിവ്യാ​ധി​പത്യ ശുശ്രൂ​ഷാസ്‌കൂ​ളിന്‌ ഈ പാഠപുസ്‌തകം കൊണ്ടു​വ​രണം. 2003-ലേക്കുള്ള ദിവ്യാ​ധി​പത്യ ശുശ്രൂ​ഷാസ്‌കൂ​ളി​ന്റെ ചില സവി​ശേ​ഷ​തകൾ പരിചി​ന്തി​ക്കുക.

³ പ്രസംഗ ഗുണം: ഒരു പ്രസംഗ ഗുണം അല്ലെങ്കിൽ വായന, പഠനം, പഠിപ്പി​ക്കൽ എന്നിവ​യു​ടെ ഒരു വശത്തെ കുറി​ച്ചുള്ള 5 മിനിട്ട്‌ നേരത്തെ പ്രസം​ഗ​ത്തോ​ടെ ആയിരി​ക്കും ജനുവരി മുതൽ സ്‌കൂൾ ആരംഭി​ക്കു​ന്നത്‌. സ്‌കൂൾ മേൽവി​ചാ​ര​ക​നാ​യി​രി​ക്കും ഈ പ്രാരംഭ പ്രസംഗം നടത്തു​ന്നത്‌. അല്ലെങ്കിൽ യോഗ്യ​ത​യുള്ള മറ്റൊരു മൂപ്പനെ ഈ പ്രസംഗം നടത്താൻ അദ്ദേഹം നിയമി​ച്ചേ​ക്കാം. പ്രസംഗ ഗുണത്തി​ന്റെ നിർവ​ച​ന​വും പ്രാധാ​ന്യ​വും പ്രസം​ഗ​കനു വിശക​ലനം ചെയ്യാ​വു​ന്ന​താണ്‌. തുടർന്ന്‌, തിരു​വെ​ഴു​ത്തു ദൃഷ്ടാ​ന്തങ്ങൾ പരിചി​ന്തി​ച്ചു​കൊ​ണ്ടും പ്രസ്‌തുത ഗുണം എങ്ങനെ ബാധക​മാ​ക്കാം എന്നു പ്രകട​മാ​ക്കി​ക്കൊ​ണ്ടും അദ്ദേഹം വിഷയം വികസി​പ്പി​ക്കണം. ആ ഗുണം ബാധക​മാ​ക്കു​ന്നത്‌ നമ്മുടെ വയൽശു​ശ്രൂ​ഷയെ എങ്ങനെ മെച്ച​പ്പെ​ടു​ത്തും എന്നതിൽ വിശേ​ഷാൽ ശ്രദ്ധ കേന്ദ്രീ​ക​രി​ക്കുക.

⁴ 1-ാം നമ്പർ നിയമനം: “അവതരി​പ്പി​ക്കുന്ന വിവര​ങ്ങ​ളു​ടെ പ്രാ​യോ​ഗിക മൂല്യ​ത്തിൽ ശ്രദ്ധ കേന്ദ്രീ​ക​രി​ക്കു”ന്നതിന്‌ പ്രബോ​ധന പ്രസംഗം നടത്താൻ നിയമനം ലഭിക്കുന്ന സഹോ​ദ​ര​ന്മാ​രെ വീണ്ടും ഉദ്‌ബോ​ധി​പ്പി​ക്കു​ക​യാണ്‌. ഈ വിവരങ്ങൾ എങ്ങനെ ഉപയോ​ഗ​പ്പെ​ടു​ത്താ​മെന്നു സഭയ്‌ക്കു കാണി​ച്ചു​കൊ​ടു​ക്കുക എന്നാണ്‌ ഇതിന്റെ അർഥം. നിങ്ങൾക്ക്‌ ഈ നിയമനം കിട്ടി​യാൽ, തയ്യാറാ​കേണ്ട വിധം സംബന്ധിച്ച നിർദേ​ശ​ങ്ങൾക്കാ​യി ശുശ്രൂ​ഷാസ്‌കൂൾ പാഠപുസ്‌ത​ക​ത്തി​ന്റെ 48-9 പേജുകൾ പരി​ശോ​ധി​ക്കുക. കൂടാതെ അതിന്റെ സൂചി​ക​യി​ലെ, “പ്രാ​യോ​ഗി​ക​മാ​യി എങ്ങനെ ബാധക​മാ​കു​ന്നു എന്നു വ്യക്തമാ​ക്കൽ” എന്നതിനു കീഴിൽ നൽകി​യി​രി​ക്കുന്ന പരാമർശ​ങ്ങ​ളും ഒത്തു​നോ​ക്കി പഠിക്കുക.

⁵ ബൈബിൾ വായനാ പട്ടിക: കഴിഞ്ഞ കാലത്ത്‌, പ്രതി​വാര ബൈബിൾ വായന​യോ​ടു പറ്റിനിൽക്കാൻ നിങ്ങൾക്കു കഴിഞ്ഞി​ല്ലെ​ങ്കിൽ ഈ വർഷം അതിനാ​യി എന്തു​കൊ​ണ്ടു ദൃഢനി​ശ്ചയം ചെയ്‌തു​കൂ​ടാ? അപ്രകാ​രം ചെയ്യു​ന്നവർ വർഷാ​വ​സാ​ന​ത്തോ​ടെ ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ വായന പൂർത്തി​യാ​ക്കും. ബൈബിൾ വായനാ​പ​രി​പാ​ടി​യിൽ ആദ്യം ക്രിസ്‌തീയ ഗ്രീക്കു തിരു​വെ​ഴു​ത്തു​കൾ വായിച്ചു തുടങ്ങു​ന്ന​തി​ന്റെ പ്രയോ​ജ​നങ്ങൾ ശുശ്രൂ​ഷാസ്‌കൂൾ പുസ്‌ത​ക​ത്തി​ന്റെ 10-ാം പേജ്‌, 5-ാം ഖണ്ഡിക​യിൽ പറയു​ന്നുണ്ട്‌.

⁶ ബൈബിൾ വായന​യിൽ നിന്നുള്ള വിശേ​ഷാ​ശ​യങ്ങൾ: നടപ്പു​വാ​ര​ത്തി​ലെ വായന​യിൽനിന്ന്‌ സദസ്സിന്‌ അഭി​പ്രാ​യങ്ങൾ പറയത്ത​ക്ക​വി​ധം ഈ ഭാഗം പത്തു മിനിട്ട്‌ ആക്കിയി​ട്ടുണ്ട്‌. നിയമനം ലഭിക്കു​ന്നവർ അനുവ​ദി​ച്ചി​രി​ക്കുന്ന സമയ​ത്തോ​ടു പറ്റിനിൽക്കണം. വാചാ പുനര​വ​ലോ​കനം നടത്തുന്ന വാരം ഉൾപ്പെടെ എല്ലാ വാരത്തി​ലും ഇതുണ്ടാ​യി​രി​ക്കും. നിയമിത അധ്യാ​യങ്ങൾ വായി​ക്കു​മ്പോൾ, നിങ്ങളു​ടെ കുടുംബ അധ്യയ​ന​ത്തി​ലും ശുശ്രൂ​ഷ​യി​ലും ജീവി​ത​രീ​തി​യി​ലും പ്രയോ​ജനം ചെയ്യുന്ന ആശയങ്ങൾക്കാ​യി നോക്കുക. ജനതക​ളോ​ടും രാഷ്‌ട്ര​ങ്ങ​ളോ​ടും ഇടപെ​ട്ട​പ്പോൾ യഹോവ ഏതെല്ലാം ഗുണങ്ങൾ പ്രകട​മാ​ക്കി? നിങ്ങളു​ടെ വിശ്വാ​സത്തെ ബലിഷ്‌ഠ​മാ​ക്കു​ക​യും യഹോ​വ​യോ​ടുള്ള വിലമ​തി​പ്പു വർധി​പ്പി​ക്കു​ക​യും ചെയ്‌ത എന്തെല്ലാ​മാ​ണു നിങ്ങൾക്കു പഠിക്കാൻ കഴിഞ്ഞത്‌? നിയമിത അധ്യാ​യ​ങ്ങ​ളി​ലെ ഏതൊരു ആശയത്തെ കുറി​ച്ചും, രണ്ടാം നമ്പർ പ്രസം​ഗ​ത്തിൽ വായി​ക്കാ​നി​രി​ക്കുന്ന വാക്യ​ങ്ങ​ളിൽ നിന്നു​പോ​ലും, നിങ്ങൾക്ക്‌ അഭി​പ്രാ​യം പറയാ​വു​ന്ന​താണ്‌. കാരണം, വായന നിർവ​ഹി​ക്കുന്ന സഹോ​ദരൻ വാക്യ​ങ്ങളെ കുറിച്ച്‌ അഭി​പ്രാ​യ​ങ്ങ​ളൊ​ന്നും പറയു​ന്നതല്ല.

⁷ 2-ാം നമ്പർ നിയമനം: ഓരോ വാരത്തി​ലെ​യും ആദ്യത്തെ വിദ്യാർഥി പ്രസംഗം പരസ്യ​വാ​യ​ന​യു​ടെ ഒരു പരിശീ​ലനം ആയിരി​ക്കും. മാസത്തി​ന്റെ അവസാന വാരത്തി​ലേത്‌ ഒഴി​കെ​യുള്ള വായന ബൈബിൾ വായനാ ഭാഗത്തു​നി​ന്നു​ള്ള​താ​യി​രി​ക്കും. മാസത്തി​ന്റെ അവസാന വാരത്തി​ലെ വായന വീക്ഷാ​ഗോ​പു​ര​ത്തിൽ നിന്നുള്ള ഒരു ഭാഗമാ​യി​രി​ക്കും. മുഖവു​ര​യോ ഉപസം​ഹാ​ര​മോ ഇല്ലാതെ വിദ്യാർഥി നിയമിത ഭാഗം വായി​ക്കണം. ഈ വിധത്തിൽ, വിദ്യാർഥി​ക്കു തന്റെ വായനാ പ്രാപ്‌തി​യിൽ ശ്രദ്ധ കേന്ദ്രീ​ക​രി​ക്കാൻ കഴിയും.—1 തിമൊ. 4:13.

⁸ 3-ാം നമ്പർ, 4-ാം നമ്പർ നിയമ​നങ്ങൾ: ഈ നിയമ​ന​ങ്ങ​ളിൽ ചിലതിന്‌ മറ്റുള്ള​വയെ അപേക്ഷിച്ച്‌ ന്യായ​വാ​ദം പുസ്‌ത​ക​ത്തിൽ നിന്നുള്ള കൂടുതൽ ഉറവിട വിവരങ്ങൾ ഉണ്ട്‌; ചിലതി​നാ​കട്ടെ ഒരു വിഷയം മാത്രമേ കാണൂ. ഉറവിട വിവരങ്ങൾ പരിമി​ത​മാ​ണെ​ങ്കിൽ, അല്ലെങ്കിൽ വിഷയം മാത്രമേ നൽകി​യി​ട്ടു​ള്ളു​വെ​ങ്കിൽ നിയമനം ലഭിച്ച വിദ്യാർഥി​ക്കു നമ്മുടെ ക്രിസ്‌തീയ പ്രസി​ദ്ധീ​ക​ര​ണ​ങ്ങ​ളിൽ ഗവേഷണം നടത്തി​ക്കൊണ്ട്‌ അവതര​ണങ്ങൾ വികസി​പ്പി​ക്കാ​നാ​കും. സഹായിക്ക്‌ ഇണങ്ങും വിധം വിവരങ്ങൾ അവതരി​പ്പി​ക്കാൻ ഇതു സഹോ​ദ​രി​മാ​രെ സഹായി​ച്ചേ​ക്കാം.

⁹ രംഗവി​ധാ​നങ്ങൾ: ശുശ്രൂ​ഷാസ്‌കൂൾ പുസ്‌ത​ക​ത്തി​ന്റെ 45-ാം പേജിൽ സൂചി​പ്പി​ച്ചി​രി​ക്കുന്ന പ്രകാരം സ്‌കൂൾ മേൽവി​ചാ​രകൻ ഒരു രംഗവി​ധാ​നം നിയമി​ച്ചു കൊടു​ത്തേ​ക്കാം. അദ്ദേഹം അങ്ങനെ ചെയ്യാ​ത്ത​പക്ഷം, 82-ാം പേജിലെ പട്ടിക​യിൽ നിന്ന്‌ സഹോ​ദ​രി​മാർക്കു​തന്നെ ഒരു രംഗവി​ധാ​നം തിര​ഞ്ഞെ​ടു​ക്കാ​വു​ന്ന​താണ്‌. ഒരു സഹോ​ദരി രണ്ടു മാസത്തിൽ ഒരിക്കൽ വീതം പ്രസംഗം നടത്തു​ന്നെ​ങ്കിൽത്തന്നെ, അഞ്ചു വർഷ​ത്തേക്ക്‌ 30 വ്യത്യസ്‌ത രംഗവി​ധാ​നങ്ങൾ അതിൽ കണ്ടെത്താ​വു​ന്ന​താണ്‌. “നിങ്ങളു​ടെ പ്രദേ​ശ​ത്തിന്‌ അനു​യോ​ജ്യ​മായ മറ്റൊരു രംഗവി​ധാ​നം” എന്ന 30-ാം നമ്പർ തിര​ഞ്ഞെ​ടു​ക്കുന്ന സഹോ​ദ​രി​മാർ നിയമന സ്ലിപ്പിന്റെ (S-89) താഴെ​യോ മറുവ​ശ​ത്തോ രംഗവി​ധാ​നം കുറിച്ചു നൽകണം. വിദ്യാർഥി​നി​യു​ടെ പാഠപുസ്‌ത​ക​ത്തി​ന്റെ 82-ാം പേജിൽ, ഉപയോ​ഗിച്ച രംഗവി​ധാ​ന​ത്തി​നു നേരെ സ്‌കൂൾ മേൽവി​ചാ​രകൻ വിദ്യാർഥി പ്രസം​ഗ​ത്തി​ന്റെ തീയതി കുറി​ക്കും. വിദ്യാർഥി​യു​ടെ ബുദ്ധി​യു​പ​ദേശ ഫാറത്തിൽ അടയാ​ള​പ്പെ​ടു​ത്തു​മ്പോൾത്തന്നെ അദ്ദേഹ​ത്തിന്‌ ഇതും ചെയ്യാ​വു​ന്ന​താണ്‌.

¹⁰ ബുദ്ധി​യു​പ​ദേശ ഫാറം: ബുദ്ധി​യു​പ​ദേശ ഫാറം നിങ്ങളു​ടെ പാഠപുസ്‌ത​ക​ത്തിൽ തന്നെ അച്ചടി​ച്ചി​രി​ക്കു​ക​യാണ്‌. 79-81 പേജു​ക​ളിൽ അതു കാണാം. ആയതി​നാൽ, നിങ്ങളു​ടെ ഓരോ പ്രസം​ഗ​ത്തി​നു ശേഷവും സ്വന്തം പുസ്‌തകം നിങ്ങൾ സ്‌കൂൾ മേൽവി​ചാ​ര​കന്റെ അടുക്കൽ കൊണ്ടു​ചെ​ല്ലേ​ണ്ട​താണ്‌. വിദ്യാർഥി​കൾ മെച്ച​പ്പെ​ടാൻ ശ്രമി​ച്ചു​കൊ​ണ്ടി​രി​ക്കുന്ന ബുദ്ധി​യു​പ​ദേശ പോയി​ന്റു​ക​ളു​ടെ ഒരു രേഖ സ്‌കൂൾ മേൽവി​ചാ​രകൻ സൂക്ഷി​ക്കേ​ണ്ട​തു​ണ്ടാ​യി​രി​ക്കും.

¹¹ വാചാ പുനര​വ​ലോ​കനം: ദിവ്യാ​ധി​പത്യ ശുശ്രൂ​ഷാസ്‌കൂൾ പുനര​വ​ലോ​കനം വാചാ പുനര​വ​ലോ​കനം ആയി നടത്ത​പ്പെ​ടും. 30 മിനിട്ടു ദൈർഘ്യ​മുള്ള ഇത്‌ രണ്ടു മാസത്തിൽ ഒരിക്ക​ലാ​യി​രി​ക്കും നടത്ത​പ്പെ​ടുക. പുനര​വ​ലോ​ക​ന​ത്തി​നുള്ള ചോദ്യ​ങ്ങൾ നമ്മുടെ രാജ്യ​ശു​ശ്രൂ​ഷ​യിൽ തുടർന്നും പ്രത്യ​ക്ഷ​പ്പെ​ടും. വാചാ പുനര​വ​ലോ​കനം പട്ടിക​പ്പെ​ടു​ത്തി​യി​രി​ക്കുന്ന ദിവസം സർക്കിട്ട്‌ സമ്മേള​ന​മോ സർക്കിട്ട്‌ മേൽവി​ചാ​ര​കന്റെ സന്ദർശ​ന​മോ വന്നാൽ, പിറ്റേ ആഴ്‌ച​ത്തേക്കു പട്ടിക​പ്പെ​ടു​ത്തി​യി​രി​ക്കുന്ന സ്‌കൂൾ പരിപാ​ടി​കൾ അന്നു നടത്തി​ക്കൊണ്ട്‌ വാചാ പുനര​വ​ലോ​കനം പിറ്റേ ആഴ്‌ച നടത്തണം.

¹² അനുബന്ധ ക്ലാസ്സുകൾ: സ്‌കൂ​ളിൽ പേർ ചാർത്തി​യി​രി​ക്കു​ന്ന​വ​രു​ടെ എണ്ണം 50-ൽ കൂടു​ത​ലാ​ണെ​ങ്കിൽ അത്തരം സഭകളിൽ മൂപ്പന്മാർ അനുബന്ധ ക്ലാസ്സുകൾ നടത്തു​ന്ന​തി​നെ കുറിച്ചു പരിചി​ന്തി​ച്ചേ​ക്കാം. “വിദ്യാർഥി​കൾ നടത്തുന്ന എല്ലാ പരിപാ​ടി​കൾക്കു​മാ​യോ അവസാ​നത്തെ രണ്ടെണ്ണ​ത്തി​നു മാത്ര​മാ​യോ ഈ ക്രമീ​ക​രണം ഉപയോ​ഗ​പ്പെ​ടു​ത്താ​വു​ന്ന​താണ്‌.” (ശുശ്രൂ​ഷാസ്‌കൂൾ, പേ. 285) ധാരാളം സഹോ​ദ​രി​മാ​രുള്ള എന്നാൽ വായനാ നിയമ​നങ്ങൾ നടത്താൻ ആവശ്യ​ത്തി​നു സഹോ​ദ​ര​ന്മാ​രി​ല്ലാത്ത സഭകളെ പരിഗ​ണി​ച്ചാണ്‌ രണ്ടാമത്തെ നിർദേശം. ഈ ക്ലാസ്സുകൾ നടത്താൻ യോഗ്യ​ത​യുള്ള സഹോ​ദ​ര​ന്മാ​രെ മൂപ്പന്മാർ തിര​ഞ്ഞെ​ടു​ക്കണം.

¹³ ഉപ ബുദ്ധി​യു​പ​ദേ​ശകൻ: ദിവ്യാ​ധി​പത്യ ശുശ്രൂ​ഷാ സ്‌കൂൾ പട്ടിക​യിൽ സൂചി​പ്പി​ച്ചതു പോലെ, പ്രബോ​ധന പ്രസം​ഗ​വും ബൈബിൾ വിശേ​ഷാ​ശ​യ​ങ്ങ​ളും അവതരി​പ്പി​ക്കുന്ന മൂപ്പന്മാർക്കും ശുശ്രൂ​ഷാ​ദാ​സ​ന്മാർക്കും ആവശ്യ​മാ​യി​രി​ക്കുന്ന പക്ഷം സ്വകാര്യ ബുദ്ധി​യു​പ​ദേശം കൊടു​ക്കാൻ ഒരു ഉപ ബുദ്ധി​യു​പ​ദേ​ശ​കനെ മൂപ്പന്മാ​രു​ടെ സംഘം തിര​ഞ്ഞെ​ടു​ക്കണം. നൽകുന്ന ബുദ്ധി​യു​പ​ദേ​ശത്തെ മറ്റു മൂപ്പന്മാർ മാനി​ക്കാൻ തക്കവണ്ണം അനുഭ​വ​പ​രി​ച​യ​മുള്ള ഒരു സഹോ​ദ​രനെ ആയിരി​ക്കണം ഇതിനാ​യി നിയമി​ക്കേ​ണ്ടത്‌. നല്ല പ്രസംഗ, പഠിപ്പി​ക്കൽ രീതി​കളെ അനു​മോ​ദി​ക്കു​ക​യും മെച്ച​പ്പെ​ടാ​നുള്ള ഒന്നോ രണ്ടോ വശങ്ങൾ ശ്രദ്ധയിൽ പെടു​ത്തു​ക​യും ചെയ്‌തു​കൊണ്ട്‌ കെട്ടു​പണി ചെയ്യുന്ന വിധത്തി​ലാ​യി​രി​ക്കണം അദ്ദേഹം ബുദ്ധി​യു​പ​ദേ​ശി​ക്കേ​ണ്ടത്‌. കൂടെ​ക്കൂ​ടെ പ്രസം​ഗങ്ങൾ നടത്തുന്ന ഒരു സഹോ​ദ​രന്‌ ഓരോ പ്രസം​ഗ​ത്തി​നു ശേഷവും അദ്ദേഹം ബുദ്ധി​യു​പ​ദേശം നൽകേണ്ട ആവശ്യ​മില്ല. എന്നിരു​ന്നാ​ലും, പരസ്യ​പ്ര​സം​ഗങ്ങൾ നടത്തുന്ന സഹോ​ദ​രനെ പോലും കൂടുതൽ പുരോ​ഗ​മി​ക്കു​ന്ന​തി​നു സഹായി​ക്കാ​നാ​കും എന്ന സംഗതി ബുദ്ധി​യു​പ​ദേശം നൽകാൻ നിയമി​ത​നായ സഹോ​ദരൻ മനസ്സി​ലാ​ക്കണം. ഇക്കാര്യ​ത്തിൽ വിവേചന ഉപയോ​ഗി​ക്കുക.—1 തിമൊ. 4:15.

¹⁴ ബുദ്ധി​യു​പ​ദേ​ശകൻ നിരീ​ക്ഷി​ക്കേണ്ട കാര്യങ്ങൾ: ഒരു അവതരണം വിശക​ലനം ചെയ്യു​ന്ന​തിൽ ബുദ്ധി​യു​പ​ദേ​ശ​കനെ സഹായി​ക്കാൻ എന്തിനു കഴിയും? ശുശ്രൂ​ഷാസ്‌കൂൾ പുസ്‌ത​ക​ത്തി​ന്റെ അക്കമിട്ട 53 അധ്യാ​യ​ങ്ങ​ളിൽ മിക്കതി​ന്റെ​യും മൂന്നാം ചതുര​ത്തിൽ ബുദ്ധി​യു​പ​ദേ​ശകൻ നോക്കേണ്ട കാര്യ​ങ്ങ​ളു​ടെ സംക്ഷിപ്‌തം ഉണ്ട്‌. അവതര​ണ​ത്തി​ന്റെ ഫലപ്ര​ദ​ത്വ​വും പരസ്‌പര ബന്ധത്തോ​ടെ അതു വികസി​പ്പി​ച്ചി​രി​ക്കുന്ന വിധവും വിലയി​രു​ത്താൻ സഹായി​ക്കുന്ന, പുസ്‌ത​ക​ത്തി​ലെ മറ്റ്‌ ഓർമി​പ്പി​ക്ക​ലു​ക​ളും നിർദേ​ശ​ങ്ങ​ളും കൂടെ സ്‌കൂൾ മേൽവി​ചാ​രകൻ ശ്രദ്ധി​ക്കണം. ഉദാഹ​ര​ണ​ത്തിന്‌, 55-ാം പേജിന്റെ തുടക്ക​ത്തിൽ കൊടു​ത്തി​രി​ക്കുന്ന ചോദ്യ​ങ്ങ​ളു​ടെ പരമ്പര​യും 163-ാം പേജിലെ അവസാന ഖണ്ഡിക​യിൽ നൽകി​യി​രി​ക്കുന്ന ആശയങ്ങ​ളും ശ്രദ്ധി​ക്കുക.

¹⁵ പൂരി​പ്പി​ക്കാ​നുള്ള ഭാഗങ്ങൾ: വീതി​യുള്ള മാർജി​നു പുറമേ, വ്യക്തി​പ​ര​മാ​യി പഠിക്കു​മ്പോ​ഴും ദിവ്യാ​ധി​പത്യ ശുശ്രൂ​ഷാസ്‌കൂ​ളിൽ പങ്കെടു​ക്കു​മ്പോ​ഴും കുറി​പ്പെ​ഴു​താ​നുള്ള ഭാഗങ്ങ​ളും ശുശ്രൂ​ഷാസ്‌കൂൾ പുസ്‌ത​ക​ത്തിൽ ഉണ്ട്‌. (77, 92, 165, 243, 246, 250 പേജുകൾ കാണുക.) എല്ലാ വാരത്തി​ലും പുസ്‌തകം കൊണ്ടു​വ​രു​ന്നു​വെന്ന്‌ ഉറപ്പു​വ​രു​ത്തുക. പ്രാരംഭ പ്രസം​ഗ​ത്തി​ന്റെ സമയത്ത്‌ അത്‌ തുറന്നു​നോ​ക്കുക. സ്‌കൂ​ളി​ലെ ശേഷിച്ച പരിപാ​ടി​ക​ളു​ടെ സമയത്തും പുസ്‌തകം തുറന്നു​തന്നെ വെക്കുക. സ്‌കൂൾ മേൽവി​ചാ​രകൻ നൽകുന്ന നിർദേ​ശങ്ങൾ കുറി​ച്ചെ​ടു​ക്കുക. പ്രസം​ഗകർ ഉപയോ​ഗി​ക്കുന്ന പഠിപ്പി​ക്കൽ രീതികൾ, ചോദ്യ​ങ്ങൾ, ദൃഷ്ടാ​ന്തങ്ങൾ, ആലങ്കാ​രിക പ്രയോ​ഗങ്ങൾ, ഉപമകൾ, ദൃശ്യ​സ​ഹാ​യി​കൾ, വിപരീത താരത​മ്യ​ങ്ങൾ എന്നിവയ്‌ക്ക്‌ അടുത്ത ശ്രദ്ധ നൽകുക. നല്ല കുറി​പ്പു​കൾ എടുക്കു​ക​വഴി, സ്‌കൂ​ളിൽ നിന്നു പലപ്പോ​ഴാ​യി ശേഖരിച്ച വിലപ്പെട്ട വിവരങ്ങൾ നിങ്ങൾക്ക്‌ പിന്നീട്‌ ഓർമ​യിൽ കൊണ്ടു​വ​രാ​നും ഉപയോ​ഗി​ക്കാ​നും സാധി​ക്കും.

¹⁶ രാജ്യ സുവാർത്താ ഘോഷ​ണ​മാണ്‌ ലഭിക്കാ​വു​ന്ന​തി​ലേ​ക്കും ഏറ്റവും ഉത്‌കൃ​ഷ്ട​മായ പദവി എന്ന്‌ യേശു​വിന്‌ അറിയാ​മാ​യി​രു​ന്നു. അവന്റെ മുഖ്യ നിയോ​ഗം​തന്നെ അതായി​രു​ന്നു. (മർക്കൊ. 1:38) “ഞാൻ . . .ദൈവ​രാ​ജ്യം സുവി​ശേ​ഷി​ക്കേ​ണ്ട​താ​കു​ന്നു; ഇതിനാ​യി​ട്ട​ല്ലോ എന്നെ അയച്ചി​രി​ക്കു​ന്നതു” എന്ന്‌ അവൻ പറഞ്ഞു. (ലൂക്കൊ. 4:43) അവനെ അനുഗ​മി​ക്കാ​നുള്ള ക്ഷണം സ്വീക​രി​ച്ചി​രി​ക്കു​ന്നവർ എന്ന നിലയിൽ, നാമും സുവാർത്ത പ്രസം​ഗി​ക്കു​ന്ന​തിൽ തീവ്ര​മാ​യി മുഴു​കി​യി​രി​ക്കു​ക​യാണ്‌. നമ്മുടെ “സ്‌തോ​ത്ര​യാഗ”ത്തിന്റെ ഗുണമേന്മ മെച്ച​പ്പെ​ടു​ത്താൻ നാം എല്ലായ്‌പോ​ഴും കിണഞ്ഞു പരി​ശ്ര​മി​ക്കു​ക​യും ചെയ്യുന്നു. (എബ്രാ. 13:15) ആ ലക്ഷ്യത്തിൽ, ജീവി​ത​ത്തി​ലെ പരമ​പ്ര​ധാന പ്രവർത്ത​ന​ങ്ങൾക്കാ​യി ഒരുങ്ങാൻ നമ്മെ സഹായി​ക്കുന്ന ദിവ്യാ​ധി​പത്യ ശുശ്രൂ​ഷാസ്‌കൂ​ളിൽ നിരന്തരം പങ്കെടു​ക്കാൻ നമുക്കു ദൃഢനി​ശ്ചയം ചെയ്യാം.