ദൈവത്തെ സത്യത്തിൽ ആരാധി​ക്കൽ

ആരാധന ദൈവ​ത്തി​നു സ്വീകാ​ര്യം ആയിരി​ക്കണം എങ്കിൽ അത്‌ സത്യത്തിൽ അധിഷ്‌ഠി​തം ആയിരി​ക്കണം. (യോഹ​ന്നാൻ 4:23) “സത്യത്തി​ന്റെ തൂണും അടിസ്ഥാ​ന​വു​മാ​യി ജീവനുള്ള ദൈവ​ത്തി​ന്റെ സഭ”യിൽ പെട്ടവ​രാ​യി​ട്ടാണ്‌ ബൈബിൾ സത്യാ​രാ​ധ​കരെ തിരി​ച്ച​റി​യി​ക്കു​ന്നത്‌. (1 തിമൊ​ഥെ​യൊസ്‌ 3:15) ദൈവ​ത്തി​ന്റെ സഭയിൽ പെട്ടവർ ദൈവ​വ​ച​ന​ത്തി​ലെ സത്യം വിശ്വ​സി​ക്കുക മാത്രമല്ല മറിച്ച്‌ അതി​നോ​ടുള്ള യോജി​പ്പിൽ ജീവി​ക്കു​ക​യും ഭൂമി​യിൽ ഉടനീളം അത്‌ അറിയി​ച്ചു​കൊണ്ട്‌ അതി​നെ​ക്കു​റി​ച്ചു പ്രതി​വാ​ദം പറയു​ക​യും ചെയ്യുന്നു.—മത്തായി 24:14; റോമർ 10:9-15.

യഹോ​വ​യു​ടെ സാക്ഷികൾ അവരുടെ ബൈബിൾ വിദ്യാ​ഭ്യാ​സ വേലയു​ടെ കാര്യ​ത്തിൽ പ്രസി​ദ്ധ​രാണ്‌. 200-ലധികം രാജ്യ​ങ്ങ​ളിൽ അത്‌ ഇപ്പോൾ ചെയ്യ​പ്പെ​ടു​ന്നു. സത്യം എന്ന നിലയിൽ അവർ ബൈബിൾ പഠിക്കു​ക​യും പഠിപ്പി​ക്കു​ക​യും ചെയ്യുന്നു, മാനുഷ തത്ത്വശാ​സ്‌ത്ര​ങ്ങ​ളു​ടെ ദുർബ​ലീ​ക​രി​ക്കുന്ന സ്വാധീ​നം ഉൾപ്പെ​ടു​ത്താ​തെ​തന്നെ. അവരുടെ ബൈബിൾ അധിഷ്‌ഠിത പഠിപ്പി​ക്ക​ലു​കൾ നിങ്ങൾക്കു പരിചി​ത​മാ​ണോ? യഹോ​വ​യു​ടെ സാക്ഷി​കൾക്ക്‌ എതി​രെ​യുള്ള ദുഷ്‌പ്ര​ച​ര​ണങ്ങൾ നിമിത്തം അവരെ ശ്രദ്ധി​ക്കാൻ അനേകർ മടിക്കു​ന്നു. സാക്ഷികൾ പഠിപ്പി​ക്കു​ന്നത്‌ സത്യമാ​ണോ അല്ലയോ എന്ന്‌ സ്വയം നിർണ​യി​ക്കാൻ ആത്മാർഥ ഹൃദയ​രാ​യവർ ക്ഷണിക്ക​പ്പെ​ടു​ന്നു. അത്തരം ഒരു സുപ്ര​ധാന നിർണയം കേട്ടു​കേ​ഴ്‌വി​യിൽ അധിഷ്‌ഠി​തം ആയിരി​ക്ക​രുത്‌. യഹോ​വ​യു​ടെ സാക്ഷി​ക​ളു​ടെ പഠിപ്പി​ക്ക​ലു​കളെ കുറിച്ച്‌ വ്യക്തി​പ​ര​മാ​യി അന്വേ​ഷണം നടത്തി​യി​ട്ടുള്ള അനേകർ വലിയ പ്രയോ​ജനം ആസ്വദി​ച്ചി​രി​ക്കു​ന്നു.

സത്യം സംബന്ധിച്ച പരിജ്ഞാ​നം ഭയത്തെ ദൂരീ​ക​രി​ക്കു​ന്നു

ദൃഷ്ടാ​ന്ത​ത്തിന്‌, അയൂഗ​നി​യാ​യു​ടെ കാര്യ​മെ​ടു​ക്കുക. ഒരു അടിയു​റച്ച കത്തോ​ലി​ക്കാ കുടും​ബ​ത്തി​ലാണ്‌ അവൾ വളർന്നത്‌. പാപ്പാ​യു​ടെ 1979-ലെ മെക്‌സി​ക്കോ സന്ദർശ​ന​ത്തി​ന്റെ സംഘാ​ട​ക​രിൽ ഒരാൾ ആയിരു​ന്നു അവളുടെ പിതാവ്‌. സുഹൃ​ത്തു​ക്കളെ സന്ദർശി​ക്കവേ, അയൂഗ​നി​യാ യഹോ​വ​യു​ടെ സാക്ഷി​ക​ളു​മാ​യി സമ്പർക്ക​ത്തിൽ വന്നു. അവരുടെ സഹായ​ത്തോ​ടെ അവൾ ബൈബിൾ പറയുന്ന കാര്യങ്ങൾ അവധാ​ന​പൂർവം വിശക​ലനം ചെയ്യാൻ തുടങ്ങി. അവൾ ഓർമി​ക്കു​ന്നു: “ആദ്യം, മനസ്സിൽ ഭയം ഉരുണ്ടു​കൂ​ടാൻ തുടങ്ങി. ഞാൻ സത്യം കണ്ടെത്തി​യി​രു​ന്നു! എന്നാൽ, എന്റെ മുൻ വിശ്വാ​സങ്ങൾ മിക്കവ​യും തെറ്റാ​യി​രു​ന്നു എന്നതാ​യി​രു​ന്നു അതിന്റെ സാരം. എന്റെ കുടും​ബ​ത്തി​ന്റെ, സുഹൃ​ത്തു​ക്ക​ളു​ടെ, ഞാൻ ഇഷ്ടപ്പെ​ട്ടി​രു​ന്ന​വ​രു​ടെ, അതേ അവരുടെ എല്ലാം വിശ്വാ​സം തെറ്റാ​യി​രു​ന്നു. ഞാൻ ആകെ അസ്വസ്ഥ​യാ​യി. ഞാൻ പുതു​താ​യി മനസ്സി​ലാ​ക്കിയ കാര്യ​ങ്ങ​ളോ​ടു കുടും​ബ​ത്തിൽ ഉള്ളവർ എങ്ങനെ പ്രതി​ക​രി​ക്കു​മെന്ന്‌ ഞാൻ സ്വയം ചോദി​ച്ചു​കൊ​ണ്ടി​രു​ന്നു. കാലം കടന്നു​പോ​യ​തോ​ടെ, വിഷമി​പ്പി​ക്കുന്ന ആ ചിന്ത​യോട്‌ യഹോ​വ​യു​ടെ സഹായ​ത്താൽ ഞാൻ പൊരു​ത്ത​പ്പെട്ടു തുടങ്ങി. ദൈവ​ശാ​സ്‌ത്ര പ്രൊ​ഫ​സ​റായ ഒരു കുടുംബ സുഹൃ​ത്തി​നോട്‌ ഒരു ദിവസം കാര്യങ്ങൾ തുറന്നു പറയാൻ ഞാൻ തീരു​മാ​നി​ച്ചു. സത്യം കണ്ടെത്താ​നുള്ള എന്റെ ആഗ്രഹത്തെ കുറി​ച്ചെ​ല്ലാം ഞാൻ അദ്ദേഹ​ത്തോ​ടു പറഞ്ഞു. അപ്പോൾ അദ്ദേഹം പറഞ്ഞു: ‘സത്യം അറിയ​ണ​മെ​ങ്കിൽ യഹോ​വ​യു​ടെ സാക്ഷി​കളെ തേടി​പ്പി​ടി​ക്കൂ.’

അയൂഗ​നി​യാ ഭയപ്പെ​ട്ട​തു​പോ​ലെ​തന്നെ, കുടും​ബാം​ഗങ്ങൾ അവളെ വീട്ടിൽനി​ന്നു പുറത്താ​ക്കി. എന്നാൽ സാക്ഷികൾ അവൾക്ക്‌ ആത്മീയ സഹായം നൽകു​ന്നതു തുടർന്നു. അവൾ ഇങ്ങനെ അഭി​പ്രാ​യ​പ്പെ​ടു​ന്നു: “സത്യത്തി​നു​വേണ്ടി ഒരു നിലപാ​ടു സ്വീക​രി​ക്കാൻ ഞാൻ ശക്തയാ​ക്ക​പ്പെട്ടു. അതിനാ​യി പോരാ​ടാൻ തക്ക മൂല്യ​മുള്ള ഒന്നാണ്‌ അതെന്ന്‌ ഞാൻ തിരി​ച്ച​റി​ഞ്ഞു. യഹോ​വ​യു​ടെ സാക്ഷി​ക​ളിൽനി​ന്നു ലഭിച്ച സ്വീക​രണം മർമ​പ്ര​ധാ​നം ആയിരു​ന്നു. ക്രിസ്‌തീയ സഭയ്‌ക്കു​ള്ളിൽ ഞാൻ സ്‌നേ​ഹി​ക്ക​പ്പെ​ടു​ന്ന​താ​യി എനിക്കു തോന്നി. ഒറ്റയ്‌ക്കു നിൽക്കു​ന്ന​തി​ന്റെ ഭയം തരണം ചെയ്യാൻ യഹോ​വ​യു​ടെ സംഘട​ന​യോട്‌ അടുത്തു​വ​ന്നത്‌ എന്നെ സഹായി​ച്ചു.”

മറ്റൊരു ദൃഷ്ടാന്തം പരിചി​ന്തി​ക്കുക. സബ്രിന ബൈബി​ളി​നെ കുറി​ച്ചുള്ള പതിവായ കുടുംബ ചർച്ചകൾ പരിച​യി​ച്ചാ​ണു വളർന്നു​വ​ന്നത്‌. വാസ്‌ത​വ​ത്തിൽ അവർ ഒരുതരം ‘കുടുംബ മതം’ വളർത്തി​യെ​ടു​ത്തു. വിവിധ മതാം​ഗ​ങ്ങ​ളു​മാ​യി സഹവസിച്ച്‌ അവരുടെ മതങ്ങളി​ലെ തെറ്റുകൾ വെളി​ച്ചത്തു കൊണ്ടു​വ​രു​ന്നത്‌ അവൾ ഒരു പതിവാ​ക്കി​യി​രു​ന്നു. ഒരു യഹോ​വ​യു​ടെ സാക്ഷി അവൾക്കു ബൈബിൾ അധ്യയനം വാഗ്‌ദാ​നം ചെയ്‌ത​പ്പോൾ, സാക്ഷി​ക​ളു​ടെ വിശ്വാ​സങ്ങൾ തെറ്റാ​ണെന്നു തെളി​യി​ക്കാ​നുള്ള ലക്ഷ്യ​ത്തോ​ടെ അവൾ ആ വാഗ്‌ദാ​നം ഉടനടി സ്വീക​രി​ച്ചു. അവൾ അനുസ്‌മ​രി​ക്കു​ന്നു: “ഒരു വർഷത്തിൽ അധികം പഠിച്ചു കഴിഞ്ഞ​പ്പോൾ ‘എന്റെ സത്യം’ എനിക്കു നഷ്ടപ്പെ​ടു​മോ എന്നു ഞാൻ ഭയപ്പെട്ടു. ഞാൻ ബന്ധപ്പെ​ട്ടി​ട്ടുള്ള മിക്ക മതങ്ങളു​ടെ​യും കാപട്യം തുറന്നു കാട്ടുക എളുപ്പ​മാ​യി​രു​ന്നെ​ങ്കി​ലും സാക്ഷി​ക​ളു​ടെ കാര്യ​ത്തിൽ സംഗതി വ്യത്യ​സ്‌ത​മാ​യി​രു​ന്നു.”

ഭയം നിമിത്തം സബ്രിന യഹോ​വ​യു​ടെ സാക്ഷി​ക​ളു​മൊ​ത്തുള്ള ബൈബിൾ പഠനം നിർത്തി. അപ്പോൾ അവൾക്ക്‌ ആത്മീയ​മാ​യി ഒരു ശൂന്യതാ ബോധം അനുഭ​വ​പ്പെട്ടു. പഠനം പുനരാ​രം​ഭി​ക്കാൻ അവൾ തീരു​മാ​നി​ച്ചു. ഒടുവിൽ, പുതു​താ​യി കണ്ടെത്തിയ ആ സത്യം അവൾ സ്വീക​രി​ച്ചു തുടങ്ങി. താൻ പഠിക്കു​ന്നതു മറ്റുള്ള​വ​രു​മാ​യി പങ്കു​വെ​ക്കാൻ തോന്നുന്ന ഘട്ടത്തോ​ളം സബ്രിന പുരോ​ഗ​മി​ച്ചു. സാക്ഷി​ക​ളു​ടെ വീടു​തോ​റു​മുള്ള ശുശ്രൂ​ഷ​യിൽ അവരെ അനുഗ​മി​ക്കാൻ അവൾ അനുവാ​ദം ചോദി​ക്കുക പോലും ചെയ്‌തു. സബ്രിന വിശദീ​ക​രി​ക്കു​ന്നു: “യഹോ​വ​യു​ടെ സാക്ഷി​ക​ളോട്‌ ഒത്തു പ്രസം​ഗി​ക്കാൻ അനുവാ​ദം കിട്ടു​ന്ന​തി​നു മുമ്പ്‌ എന്നോട്‌ ഇങ്ങനെ ചോദി​ച്ചു: ‘യഹോ​വ​യു​ടെ സാക്ഷി​ക​ളിൽ ഒരുവൾ ആയിരി​ക്കാൻ നീ വാസ്‌ത​വ​മാ​യും ആഗ്രഹി​ക്കു​ന്നു​വോ?’ ‘ഇല്ല!’ ഞാൻ പ്രതി​വ​ചി​ച്ചു. വീണ്ടും ഭയം എന്നിൽ ഉരുണ്ടു​കൂ​ടി.” ഒടുവിൽ, എല്ലാ യോഗ​ങ്ങൾക്കും തുടർന്നു ഹാജരാ​കു​ക​യും ദൈവ​ജ​ന​ത്തെ​യും അവർ ബൈബിൾ തത്ത്വങ്ങൾ ബാധക​മാ​ക്കുന്ന വിധ​ത്തെ​യും നിരീ​ക്ഷി​ക്കു​ക​യും ചെയ്‌ത​പ്പോൾ അതാണ്‌ യഥാർഥ​ത്തിൽ സത്യം എന്ന നിഗമ​ന​ത്തിൽ സബ്രിന എത്തി​ച്ചേർന്നു. സ്‌നാ​പ​ന​മേറ്റ അവൾ ഇന്ന്‌ ഒരു മുഴു​സമയ സുവി​ശേഷ പ്രവർത്ത​ക​യാണ്‌.

ഇത്ര വ്യസ്‌ത​മാ​യി​രി​ക്കു​ന്നത്‌ എന്തു​കൊണ്ട്‌?

ചിലർ ചോദി​ച്ചേ​ക്കാം, ‘യഹോ​വ​യു​ടെ സാക്ഷി​ക​ളു​ടെ പഠിപ്പി​ക്ക​ലു​കൾ മറ്റു മതങ്ങളു​ടേ​തിൽനി​ന്നു വളരെ വ്യത്യ​സ്‌ത​മാ​യി​രി​ക്കു​ന്നത്‌ എന്തു​കൊണ്ട്‌?’ സാക്ഷി​ക​ളു​ടെ വിശ്വാ​സ​ത്തി​ലേക്ക്‌ ഒന്നു കണ്ണോ​ടി​ച്ചാൽ അവർ ആത്മാർഥ​രായ ക്രിസ്‌ത്യാ​നി​കൾ, മനസ്സാ​ക്ഷി​പൂർവം പ്രവർത്തി​ക്കുന്ന ബൈബിൾ വിദ്യാർഥി​കൾ ആണെന്നു മനസ്സി​ലാ​ക്കാൻ അതു നിങ്ങളെ സഹായി​ക്കും. മുകളിൽ കൊടു​ത്തി​രി​ക്കുന്ന, അവരുടെ അടിസ്ഥാന വിശ്വാ​സ​ങ്ങ​ളു​ടെ സംക്ഷിപ്‌ത വിവര​ണ​ത്തി​ലെ വാക്യങ്ങൾ നിങ്ങളു​ടെ സ്വന്തം ബൈബി​ളിൽനി​ന്നു നോക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു.

യഹോ​വ​യു​ടെ സാക്ഷികൾ എന്തു വിശ്വ​സി​ക്കു​ന്നു​വെ​ന്നും ബൈബിൾ പഠിപ്പി​ക്കുന്ന കാര്യ​ങ്ങ​ളോട്‌ അവർ എങ്ങനെ പറ്റിനിൽക്കു​ന്നു​വെ​ന്നും അടുത്തു നിരീ​ക്ഷി​ക്കു​ന്ന​തി​നാൽ, സത്യം പ്രദാനം ചെയ്യുന്ന സ്വാത​ന്ത്ര്യ​ത്താൽ നിങ്ങൾക്ക്‌ അനുഗൃ​ഹീ​ത​രാ​കാൻ കഴിയും. (യോഹ​ന്നാൻ 17:17) സത്യത്തെ ഭയപ്പെ​ടേണ്ട കാര്യ​മില്ല. യേശു​വി​ന്റെ വാഗ്‌ദാ​നം ഓർമി​ക്കുക: “[നിങ്ങൾ] സത്യം അറിക​യും സത്യം നിങ്ങളെ സ്വത​ന്ത്രൻമാ​രാ​ക്കു​ക​യും ചെയ്യും.”—യോഹ​ന്നാൻ 8:32.

[6-ാം പേജിലെ ചതുരം]

യഹോ​വ​യു​ടെ സാക്ഷി​ക​ളു​ടെ ചില അടിസ്ഥാന വിശ്വാ​സ​ങ്ങൾ

◯ യഹോവ സർവശ​ക്ത​നായ ദൈവ​മാണ്‌. ബൈബി​ളി​ന്റെ ഏറ്റവും ആദിമ കയ്യെഴു​ത്തു പ്രതി​ക​ളിൽ അവന്റെ വ്യക്തി​പ​ര​മായ നാമം 7,000-ത്തിലധി​കം പ്രാവ​ശ്യം പ്രത്യ​ക്ഷ​പ്പെ​ടു​ന്നു.—സങ്കീർത്തനം 83:18.

◯ മനുഷ്യ​വർഗ​ത്തി​നു വേണ്ടി തന്റെ ജീവൻ നൽകാൻ ഭൂമി​യി​ലേക്കു വന്ന ദൈവ​പു​ത്ര​നാണ്‌ യേശു​ക്രി​സ്‌തു. (യോഹ​ന്നാൻ 3:16, 17) സുവി​ശേ​ഷ​ങ്ങ​ളിൽ കാണ​പ്പെ​ടുന്ന പ്രകാ​ര​മുള്ള യേശു​വി​ന്റെ പഠിപ്പി​ക്ക​ലു​കൾ യഹോ​വ​യു​ടെ സാക്ഷികൾ പിൻപ​റ്റു​ന്നു.

◯ യഹോ​വ​യു​ടെ സാക്ഷികൾ എന്ന പേര്‌ യെശയ്യാ​വു 43:10-ൽ അധിഷ്‌ഠി​ത​മാണ്‌. അത്‌ ഇപ്രകാ​രം പറയുന്നു: ‘നിങ്ങൾ എന്റെ സാക്ഷികൾ ആകുന്നു എന്നു യഹോ​വ​യു​ടെ അരുള​പ്പാട്‌.’

◯ “സ്വർഗ്ഗ​സ്ഥ​നായ ഞങ്ങളുടെ പിതാവേ” എന്ന പ്രാർഥ​ന​യിൽ ആളുകൾ പ്രാർഥി​ക്കുന്ന രാജ്യം ഒരു സ്വർഗീയ ഗവൺമെ​ന്റാണ്‌, ബൈബിൾ വാഗ്‌ദാ​നം ചെയ്യുന്ന പറുദീ​സ​യ്‌ക്കു വഴി ഒരുക്കാ​നാ​യി അത്‌ ലോക​ത്തി​ലെ സകല ദുരി​ത​വും വേദന​യും പെട്ടെ​ന്നു​തന്നെ നീക്കം ചെയ്യും.—യെശയ്യാ​വു 9:6, 7; ദാനീ​യേൽ 2:44; മത്തായി 6:9, 10; വെളി​പ്പാ​ടു 21:3, 4.

◯ ദൈ​വേഷ്ടം ചെയ്യുന്ന എല്ലാവർക്കും രാജ്യ അനു​ഗ്ര​ഹങ്ങൾ നിത്യ​മാ​യി ആസ്വദി​ക്കാ​നുള്ള അവസര​മുണ്ട്‌.—യോഹ​ന്നാൻ 17:3; 1 യോഹ​ന്നാൻ 2:17.

◯ ക്രിസ്‌ത്യാ​നി​കൾ ബൈബിൾ പറയുന്ന കാര്യ​ങ്ങൾക്ക്‌ അനുസൃ​ത​മാ​യി തങ്ങളുടെ സ്വഭാ​വത്തെ രൂപ​പ്പെ​ടു​ത്തണം. സത്യസന്ധർ ആയിരി​ക്കാ​നും ശുദ്ധവും സദാചാര നിഷ്‌ഠ​വു​മായ ഒരു ജീവിതം നയിക്കാ​നും അയൽക്കാ​രോട്‌ സ്‌നേഹം പ്രകട​മാ​ക്കാ​നും അവർ പരി​ശ്ര​മി​ക്കണം.—മത്തായി 22:39; യോഹ​ന്നാൻ 13:35; 1 കൊരി​ന്ത്യർ 6:9, 10.

[5-ാം പേജിലെ ചിത്രം]

യഹോവയുടെ സാക്ഷികൾ 200-ലധികം രാജ്യ​ങ്ങ​ളിൽ ആളുകളെ ബൈബിൾ സത്യം അറിയി​ക്കു​ന്നു