ബൈബി​ളി​ന്റെ മൂലപാ​ഠ​ത്തിൽ ഷീയോൾ എന്ന എബ്രായ പദവും തത്തുല്യ​മാ​യ ഹേഡീസ്‌ എന്ന ഗ്രീക്ക്‌ പദവും 70-ലധികം പ്രാവ​ശ്യം ഉപയോ​ഗി​ച്ചി​ട്ടുണ്ട്‌. ഇവ രണ്ടും മരണവു​മാ​യി ബന്ധപ്പെട്ട വാക്കു​ക​ളാണ്‌. മലയാളം ബൈബി​ളു​കൾ ഇവയെ “ശവക്കുഴി,” “പാതാളം,” “നരകം,” “മരണം” എന്നൊക്കെ വിവർത്ത​നം ചെയ്‌തി​ട്ടുണ്ട്‌. എന്നിരു​ന്നാ​ലും, ഈ എബ്രായ, ഗ്രീക്ക്‌ പദങ്ങളു​ടെ കൃത്യ​മാ​യ അർഥം നൽകുന്ന വാക്കു​ക​ളൊ​ന്നും​ത​ന്നെ മിക്ക ഭാഷക​ളി​ലും ഇല്ല. ഈ വാക്കുകൾ യഥാർഥ​ത്തിൽ എന്താണ്‌ അർഥമാ​ക്കു​ന്നത്‌? വ്യത്യ​സ്‌ത ബൈബിൾ വാക്യ​ങ്ങ​ളിൽ ഇവ എങ്ങനെ​യാണ്‌ ഉപയോ​ഗി​ച്ചി​രി​ക്കു​ന്ന​തെന്നു നമുക്കു നോക്കാം.

സഭാ​പ്ര​സം​ഗി 9:10 ഇങ്ങനെ പ്രസ്‌താ​വി​ക്കു​ന്നു: “നീ ചെല്ലുന്ന പാതാ​ള​ത്തിൽ [ഷീയോൾ] പ്രവൃ​ത്തി​യോ സൂത്ര​മോ, അറിവോ, ജ്ഞാനമോ ഒന്നും ഇല്ല.” നമ്മുടെ പ്രിയ​പ്പെട്ട ഒരാളെ അടക്കം ചെയ്‌തി​രി​ക്കു​ന്ന പ്രത്യേ​ക​മാ​യ, വേറിട്ട ഒരു സ്ഥലത്തെ​യാണ്‌ ഷീയോൾ പരാമർശി​ക്കു​ന്നത്‌ എന്നാണോ ഇതിനർഥം? അല്ല. ശവമട​ക്കാ​നു​ള്ള ഒരു പ്രത്യേക സ്ഥലത്തെ, അഥവാ ശവക്കു​ഴി​യെ പരാമർശി​ക്കു​മ്പോൾ ഷീയോ​ളി​നും ഹേഡീ​സി​നും പകരം മറ്റ്‌ എബ്രായ, ഗ്രീക്ക്‌ വാക്കു​ക​ളാ​ണു ബൈബിൾ ഉപയോ​ഗി​ക്കു​ന്നത്‌. (ഉല്‌പത്തി 23:7-9; മത്തായി 28:1) കുടും​ബ​ക്ക​ല്ല​റ​യു​ടെ​യോ പൊതു​ശ്‌മ​ശാ​ന​ത്തി​ന്റെ​യോ കാര്യ​ത്തി​ലെ​ന്ന​പോ​ലെ ഒന്നില​ധി​കം​പേ​രെ അടക്കം ചെയ്യുന്ന കുഴിയെ പരാമർശി​ക്കാ​നു​മല്ല ബൈബിൾ ഷീയോൾ എന്ന പദം ഉപയോ​ഗി​ക്കു​ന്നത്‌.—ഉല്‌പത്തി 49:30, 31.

അങ്ങനെ​യെ​ങ്കിൽ, ഏതുതരം സ്ഥലത്തെ​യാണ്‌ ഷീയോൾ പരാമർശി​ക്കു​ന്നത്‌? വലി​യൊ​രു ശ്‌മശാ​ന​ത്തെ​ക്കാൾപ്പോ​ലും വളരെ​യേ​റെ വിശാ​ല​മാ​യ ഒന്നി​നെ​യാണ്‌ ഷീയോൾ അഥവാ ഹേഡീസ്‌ പരാമർശി​ക്കു​ന്ന​തെ​ന്നു ദൈവ​വ​ച​നം സൂചി​പ്പി​ക്കു​ന്നു. ഉദാഹ​ര​ണ​ത്തിന്‌, “പാതാളം [ഷീയോൾ] തൊണ്ട തുറന്നു, വിസ്‌താ​ര​മാ​യി വായ്‌ പിളർന്നി​രി​ക്കു​ന്നു”വെന്നു യെശയ്യാ​വു 5:14 പറയുന്നു. മരിച്ച അസംഖ്യം ആളുകളെ ഷീയോൾ ഒരർഥ​ത്തിൽ വിഴു​ങ്ങി​ക്ക​ഴി​ഞ്ഞെ​ങ്കി​ലും, അതിന്‌ ഒരിക്ക​ലും വിശപ്പ​ട​ങ്ങു​ന്നി​ല്ല. (സദൃശ​വാ​ക്യ​ങ്ങൾ 30:15, 16) ഒരു പരിമിത എണ്ണം മരിച്ച​വ​രെ മാത്രം ഉൾക്കൊ​ള്ളാൻ കഴിയുന്ന ഏതെങ്കി​ലു​മൊ​രു ശ്‌മശാ​ന​ത്തിൽനി​ന്നു വ്യത്യ​സ്‌ത​മാ​യി, ‘പാതാ​ള​ത്തിന്‌ [ഷീയോൾ] ഒരിക്ക​ലും തൃപ്‌തി വരുന്നില്ല.’ (സദൃശ​വാ​ക്യ​ങ്ങൾ 27:20) അതെ, ഷീയോൾ ഒരിക്ക​ലും നിറയു​ന്നി​ല്ല. അതിനു പരിധി​യു​മി​ല്ല. അതു​കൊണ്ട്‌ ഷീയോൾ അഥവാ ഹേഡീസ്‌ എവി​ടെ​യെ​ങ്കി​ലു​മു​ള്ള അക്ഷരാർഥ​ത്തി​ലു​ള്ള ഒരു സ്ഥലമല്ല. മറിച്ച്‌, മനുഷ്യ​വർഗ​ത്തി​ലെ മിക്കവ​രും മരണത്തിൽ നിദ്ര​കൊ​ള്ളു​ന്ന പ്രതീ​കാ​ത്മക സ്ഥലം അഥവാ മനുഷ്യ​വർഗ​ത്തി​ന്റെ പൊതു​ശ​വ​ക്കു​ഴി ആണ്‌.

ഷീയോൾ, ഹേഡീസ്‌ എന്നിവ​യു​ടെ അർഥം സംബന്ധിച്ച്‌ കൂടു​ത​ലാ​യ ഉൾക്കാ​ഴ്‌ച നേടാൻ പുനരു​ത്ഥാ​ന​ത്തെ​ക്കു​റി​ച്ചുള്ള ബൈബിൾ പഠിപ്പി​ക്കൽ നമ്മെ സഹായി​ക്കും. പുനരു​ത്ഥാ​നം ലഭിക്കുന്ന തരത്തി​ലു​ള്ള മരണവു​മാ​യാണ്‌ ദൈവ​വ​ച​നം ഷീയോ​ളി​നെ​യും ഹേഡീ​സി​നെ​യും ബന്ധപ്പെ​ടു​ത്തു​ന്നത്‌.a (ഇയ്യോബ്‌ 14:13; പ്രവൃ​ത്തി​കൾ 2:31; വെളി​പ്പാ​ടു 20:13) ഷീയോ​ളിൽ അഥവാ ഹേഡീ​സിൽ ഉള്ളവരിൽ, യഹോ​വ​യെ സേവി​ച്ച​വർ മാത്രമല്ല അവനെ സേവി​ക്കാ​തി​രു​ന്ന അനേക​രും ഉണ്ടെന്ന്‌ ദൈവ​വ​ച​നം വ്യക്തമാ​ക്കു​ന്നു. (ഉല്‌പത്തി 37:35; സങ്കീർത്ത​നം 55:15) അതിനാൽ, “നീതി​മാ​ന്മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം” ഉണ്ടാകു​മെ​ന്നു ബൈബിൾ പഠിപ്പി​ക്കു​ന്നു.—പ്രവൃ​ത്തി​കൾ 24:15.

ന്യായ​വി​ധി ദിവസത്തെ സംബന്ധിച്ച നിങ്ങളു​ടെ ധാരണ എന്താണ്‌? ചിലർ കരുതു​ന്ന​ത​നു​സ​രിച്ച്‌, ശതകോ​ടി​ക്ക​ണ​ക്കിന്‌ ആളുകൾ ഓരോ​രു​ത്ത​രാ​യി ദൈവ​ത്തി​ന്റെ സിംഹാ​സ​ന​ത്തിൻ മുമ്പാകെ നിൽക്കേ​ണ്ടി​വ​രും. അവി​ടെ​വെച്ച്‌ ഓരോ​രു​ത്ത​രും ന്യായം​വി​ധി​ക്ക​പ്പെ​ടും. ചിലർക്കു സ്വർഗ​ത്തി​ലെ പരമാ​ന​ന്ദ​വും മറ്റുള്ള​വർക്കു നിത്യ​ദ​ണ്ഡ​ന​വും ലഭിക്കും. എന്നാൽ, ഈ സമയ​ത്തെ​ക്കു​റി​ച്ചു തികച്ചും വ്യത്യ​സ്‌ത​മാ​യ ഒരു ചിത്ര​മാണ്‌ ബൈബിൾ വരച്ചു​കാ​ട്ടു​ന്നത്‌. ബൈബിൾ ഇതിനെ ഭീതി​ജ​ന​ക​മാ​യ ഒരു സമയമാ​യി​ട്ടല്ല, പ്രത്യാ​ശ​യു​ടെ​യും പുനഃ​സ്ഥി​തീ​ക​ര​ണ​ത്തി​ന്റെ​യും ഒരു സമയമാ​യി​ട്ടാ​ണു വിശേ​ഷി​പ്പി​ക്കു​ന്നത്‌.

ന്യായ​വി​ധി ദിവസം സംബന്ധിച്ച അപ്പൊ​സ്‌ത​ല​നാ​യ യോഹ​ന്നാ​ന്റെ വർണന വെളി​പ്പാ​ടു 20:11, 12-ൽ നാം വായി​ക്കു​ന്നു: “ഞാൻ വലി​യോ​രു വെള്ളസിം​ഹാ​സ​ന​വും അതിൽ ഒരുത്തൻ ഇരിക്കു​ന്ന​തും കണ്ടു; അവന്റെ സന്നിധി​യിൽനി​ന്നു ഭൂമി​യും ആകാശ​വും ഓടി​പ്പോ​യി; അവയെ പിന്നെ കണ്ടില്ല. മരിച്ചവർ ആബാല​വൃ​ദ്ധം സിംഹാ​സ​ന​ത്തിൻ മുമ്പിൽ നില്‌ക്കു​ന്ന​തും കണ്ടു; പുസ്‌ത​ക​ങ്ങൾ തുറന്നു; ജീവന്റെ പുസ്‌ത​കം എന്ന മറ്റൊരു പുസ്‌ത​ക​വും തുറന്നു; പുസ്‌ത​ക​ങ്ങ​ളിൽ എഴുതി​യി​രു​ന്ന​തി​ന്നു ഒത്തവണ്ണം മരിച്ച​വർക്കു അവരുടെ പ്രവൃ​ത്തി​കൾക്ക​ടു​ത്ത ന്യായ​വി​ധി ഉണ്ടായി.” ഇവിടെ വർണി​ക്ക​പ്പെ​ട്ടി​രി​ക്കു​ന്ന ന്യായാ​ധി​പൻ ആരാണ്‌?

യഹോ​വ​യാം ദൈവ​മാണ്‌ മനുഷ്യ​വർഗ​ത്തി​ന്റെ ആത്യന്തിക ന്യായാ​ധി​പൻ. എങ്കിലും ന്യായ​വി​ധി നിർവ​ഹി​ക്കാ​നു​ള്ള ഉത്തരവാ​ദി​ത്വം അവൻ വേറൊ​രാൾക്കു നിയമി​ച്ചു നൽകു​ന്നുണ്ട്‌. “താൻ നിയമിച്ച പുരു​ഷൻമു​ഖാ​ന്ത​രം ലോകത്തെ നീതി​യിൽ ന്യായം വിധി​പ്പാൻ അവൻ ഒരു ദിവസത്തെ നിശ്ചയി​ച്ചു”വെന്ന്‌ പ്രവൃ​ത്തി​കൾ 17:31-ൽ അപ്പൊ​സ്‌ത​ല​നാ​യ പൗലൊസ്‌ പറയു​ക​യു​ണ്ടാ​യി. ഈ നിയമിത ന്യായാ​ധി​പൻ പുനരു​ത്ഥാ​നം പ്രാപിച്ച യേശു​ക്രി​സ്‌തു​വാണ്‌. (യോഹ​ന്നാൻ 5:22) എന്നാൽ എപ്പോ​ഴാണ്‌ ന്യായ​വി​ധി ദിവസം തുടങ്ങുക? അതിന്‌ എത്ര ദൈർഘ്യ​മു​ണ്ടാ​കും?

ഭൂമി​യി​ലെ സാത്താന്യ വ്യവസ്ഥി​തി പൂർണ​മാ​യും നശിപ്പി​ക്ക​പ്പെ​ടു​ന്ന അർമ​ഗെ​ദോൻ യുദ്ധത്തി​നു ശേഷമാണ്‌ ആ ന്യായ​വി​ധി ദിവസം തുടങ്ങു​ന്ന​തെ​ന്നു വെളി​പ്പാ​ടു പുസ്‌ത​കം പ്രകട​മാ​ക്കു​ന്നു.a (വെളി​പ്പാ​ടു 16:14, 16; 19:19-20:3) അർമ​ഗെ​ദോ​നു​ശേ​ഷം സാത്താ​നും അവന്റെ ഭൂതങ്ങ​ളും ആയിരം വർഷ​ത്തേക്ക്‌ അഗാധ​ത്തിൽ അടയ്‌ക്ക​പ്പെ​ടും. ആ സമയത്ത്‌, 1,44,000 സ്വർഗീയ കൂട്ടവ​കാ​ശി​കൾ ന്യായാ​ധി​പ​ന്മാ​രാ​യി​രി​ക്കു​ക​യും ‘ആയിര​മാ​ണ്ടു ക്രിസ്‌തു​വി​നോ​ടു​കൂ​ടെ’ വാഴു​ക​യും ചെയ്യും. (വെളി​പ്പാ​ടു 14:1-3; 20:1-4; റോമർ 8:17) വെറും 24 മണിക്കൂർ ദൈർഘ്യ​മു​ള്ള ചുരു​ങ്ങി​യ ഒരു സമയമാ​യി​രി​ക്കി​ല്ല ന്യായ​വി​ധി ദിവസം. അതിന്റെ ദൈർഘ്യം ആയിരം വർഷമാണ്‌.

ആ ആയിര​വർഷ​ക്കാ​ലത്ത്‌ യേശു​ക്രി​സ്‌തു ‘ജീവി​ച്ചി​രി​ക്കു​ന്ന​വ​രെ​യും മരിച്ച​വ​രെ​യും ന്യായം​വി​ധി​ക്കും.’ (2 തിമൊ​ഥെ​യൊസ്‌ 4:1) ‘ജീവി​ച്ചി​രി​ക്കു​ന്ന​വർ’ അർമ​ഗെ​ദോ​നെ അതിജീ​വി​ക്കു​ന്ന “മഹാപു​ഷാ​ര”മായി​രി​ക്കും. (വെളി​പ്പാ​ടു 7:9-17) “മരിച്ചവർ . . . സിംഹാ​സ​ന​ത്തിൻ മുമ്പിൽ നില്‌ക്കു​ന്ന​തും​” യോഹ​ന്നാൻ കണ്ടു. യേശു വാഗ്‌ദാ​നം ചെയ്‌ത​തു​പോ​ലെ, “കല്ലറക​ളിൽ ഉള്ളവർ എല്ലാവ​രും അവന്റെ [ക്രിസ്‌തു​വി​ന്റെ] ശബ്ദം കേട്ടു” പുനരു​ത്ഥാ​നം പ്രാപിച്ച്‌ പുറത്തു വരും. (യോഹ​ന്നാൻ 5:28, 29; പ്രവൃ​ത്തി​കൾ 24:15) എന്നാൽ സകലരും എന്തിന്റെ അടിസ്ഥാ​ന​ത്തി​ലാ​യി​രി​ക്കും ന്യായം​വി​ധി​ക്ക​പ്പെ​ടുക?

അപ്പൊ​സ്‌ത​ല​നാ​യ യോഹ​ന്നാ​നു ലഭിച്ച ദർശന​മ​നു​സ​രിച്ച്‌, “പുസ്‌ത​ക​ങ്ങൾ തുറന്നു.” “പുസ്‌ത​ക​ങ്ങ​ളിൽ എഴുതി​യി​രു​ന്ന​തി​ന്നു ഒത്തവണ്ണം മരിച്ച​വർക്കു അവരുടെ പ്രവൃ​ത്തി​കൾക്ക​ടു​ത്ത ന്യായ​വി​ധി ഉണ്ടായി.” ആളുക​ളു​ടെ മുൻകാ​ല​ജീ​വി​ത കർമങ്ങ​ളു​ടെ രേഖയാ​ണോ ഈ പുസ്‌ത​ക​ങ്ങൾ? അല്ല. മരണത്തി​നു​മു​മ്പു ചെയ്‌തി​രു​ന്ന​തി​ന്റെ അടിസ്ഥാ​ന​ത്തി​ലല്ല ആളുകളെ ന്യായം​വി​ധി​ക്കു​ക. നമുക്ക്‌ അത്‌ എങ്ങനെ അറിയാം? ബൈബിൾ ഇപ്രകാ​രം പ്രസ്‌താ​വി​ക്കു​ന്നു: “മരിച്ചവൻ പാപത്തിൽനി​ന്നു മോചനം പ്രാപി​ച്ചി​രി​ക്കു​ന്നു.” (റോമർ 6:7) അതു​കൊണ്ട്‌, പുനരു​ത്ഥാ​നം പ്രാപി​ക്കു​ന്ന​വർ മുൻകാല പാപങ്ങ​ളു​ടെ ഭാരവും പേറിയല്ല ജീവനി​ലേ​ക്കു വരുന്നത്‌. അവർക്ക്‌ ഒരു പുതിയ തുടക്കം ലഭിക്കു​ന്നു. അക്കാര​ണ​ത്താൽ, ദൈവം കൂടു​ത​ലാ​യി നൽകുന്ന വ്യവസ്ഥ​ക​ളെ​യാ​യി​രി​ക്കണം ഈ പുസ്‌ത​ക​ങ്ങൾ അർഥമാ​ക്കു​ന്നത്‌. ആയിരം വർഷക്കാ​ലത്ത്‌ യഹോവ വെളി​പ്പെ​ടു​ത്തി​യേ​ക്കാ​വുന്ന ഏതൊരു പുതിയ വ്യവസ്ഥ​യും ഉൾപ്പെ​ടെ​യു​ള്ള ദൈവ​കൽപ്പ​ന​കൾ അനുസ​രി​ച്ചാൽ മാത്രമേ അർമ​ഗെ​ദോൻ അതിജീ​വ​കർക്കും പുനരു​ത്ഥാ​നം പ്രാപി​ക്കു​ന്ന​വർക്കും നിത്യ​ജീ​വൻ ലഭിക്കു​ക​യു​ള്ളൂ. അതിനാൽ, ആളുകൾ ന്യായ​വി​ധി ദിവസ​ത്തിൽ ചെയ്യുന്ന കാര്യ​ങ്ങ​ളു​ടെ അടിസ്ഥാ​ന​ത്തി​ലാ​ണു ന്യായം​വി​ധി​ക്ക​പ്പെ​ടുക.

ന്യായ​വി​ധി ദിവസ​ത്തിൽ ശതകോ​ടി​ക്ക​ണ​ക്കിന്‌ ആളുകൾക്ക്‌ ദൈ​വേ​ഷ്ട​ത്തെ​ക്കു​റി​ച്ചു പഠിക്കാ​നും അതിനു ചേർച്ച​യിൽ ജീവി​ക്കാ​നും ഉള്ള അവസരം ആദ്യമാ​യി ലഭിക്കും. വലിയ തോതി​ലു​ള്ള ഒരു വിദ്യാ​ഭ്യാ​സ വേല നടക്കു​മെ​ന്നാണ്‌ ഇതിനർഥം. യഥാർഥ​ത്തിൽ “ഭൂവാ​സി​കൾ നീതിയെ പഠിക്കും.” (യെശയ്യാ​വു 26:9) എങ്കിലും ദൈവ​ത്തി​ന്റെ ഇഷ്ടം ചെയ്യാൻ എല്ലാവർക്കും മനസ്സു​ണ്ടാ​യി​രി​ക്കി​ല്ല. യെശയ്യാ​വു 26:10 ഇങ്ങനെ പറയുന്നു: “ദുഷ്ടന്നു കൃപ കാണി​ച്ചാ​ലും അവൻ നീതി പഠിക്ക​യി​ല്ല; നേരുള്ള ദേശത്തു അവൻ അന്യായം പ്രവർത്തി​ക്കും; യഹോ​വ​യു​ടെ മഹത്വം അവൻ കാണു​ക​യു​മി​ല്ല.” ഈ ദുഷ്ടന്മാ​രെ ന്യായ​വി​ധി ദിവസ​ത്തിൽ എന്നേക്കു​മാ​യി നശിപ്പി​ച്ചു​ക​ള​യും.—യെശയ്യാ​വു 65:20.

ന്യായ​വി​ധി ദിവസ​ത്തി​ന്റെ ഒടുവിൽ, അതിജീ​വ​കർ പൂർണ മനുഷ്യ​രെന്ന നിലയിൽ ‘ജീവനി​ലേ​ക്കു’ വന്നിരി​ക്കും. (വെളി​പ്പാ​ടു 20:5) അങ്ങനെ ന്യായ​വി​ധി ദിവസ​ത്തിൽ മനുഷ്യ​വർഗം ആദിയിൽ ആയിരു​ന്ന​തു​പോ​ലെ, പൂർണ​മാ​യ അവസ്ഥയി​ലേ​ക്കു തിരി​ച്ചു​വ​രും. (1 കൊരി​ന്ത്യർ 15:24-28) തുടർന്ന്‌ ഒരു അന്തിമ പരി​ശോ​ധന നടക്കും. സാത്താനെ തടവിൽനിന്ന്‌ അഴിച്ചു​വി​ടു​ക​യും മനുഷ്യ​വർഗ​ത്തെ വഴി​തെ​റ്റി​ക്കാൻ അവസാ​ന​മാ​യിട്ട്‌ ഒരിക്കൽക്കൂ​ടെ അവനെ അനുവ​ദി​ക്കു​ക​യും ചെയ്യും. (വെളി​പ്പാ​ടു 20:3, 7-10) അവനെ ചെറു​ത്തു​നിൽക്കു​ന്ന​വർ പിൻവ​രു​ന്ന ബൈബിൾ വാഗ്‌ദാ​ന​ത്തി​ന്റെ സമ്പൂർണ നിവൃത്തി അനുഭ​വി​ച്ച​റി​യും: “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.” (സങ്കീർത്ത​നം 37:29) അതേ, വിശ്വ​സ്‌ത​രാ​യ സകലർക്കും ന്യായ​വി​ധി ദിവസം ഒരു അനു​ഗ്ര​ഹ​മാ​യി​രി​ക്കും!