യുവജ​നങ്ങൾ ചോദി​ക്കു​ന്നു . . .

സഹപാ​ഠി​ക​ളോട്‌ എനിക്ക്‌ എങ്ങനെ സാക്ഷീ​ക​രി​ക്കാ​നാ​കും?

“വയൽസേ​വ​ന​ത്തിൽ ഏർപ്പെ​ട്ടി​രി​ക്കു​ക​യാ​യി​രു​ന്നു ഞാൻ. പെട്ടെ​ന്നാണ്‌ എനിക്കു പരിച​യ​മുള്ള ഒരു കുട്ടിയെ ഞാൻ കണ്ടുമു​ട്ടി​യത്‌. നാവി​റ​ങ്ങി​പ്പോ​യ​തു​പോ​ലെ​യാ​യി എനിക്ക്‌! ഒടുവിൽ എന്റെ കൂടെ ഉണ്ടായി​രുന്ന ആൾ എനിക്കു​വേണ്ടി സംസാ​രി​ക്കേ​ണ്ടി​വന്നു.”—ആൽബെർട്ടോ.

“എന്റെ ക്ലാസ്സിൽ പഠിക്കുന്ന ഒരു കുട്ടി ആ വഴിക്ക്‌ എവി​ടെ​യോ ആണ്‌ താമസി​ക്കു​ന്നത്‌ എന്ന്‌ എനിക്ക​റി​യാ​മാ​യി​രു​ന്നു. അതു​കൊണ്ട്‌ എല്ലാ വീട്ടി​ലും ഞാൻ ചേട്ട​നെ​ക്കൊ​ണ്ടു​തന്നെ സംസാ​രി​പ്പി​ച്ചു. ഒടുവിൽ വായിലെ വെള്ളം വറ്റിയ​പ്പോൾ, അടുത്ത വീട്ടിൽ എന്നോടു സംസാ​രി​ക്കാൻ ചേട്ടൻ പറഞ്ഞു. ഞാൻ വാതി​ലിൽ മുട്ടി. പക്ഷേ ആളെ കണ്ടപ്പോ​ഴല്ലേ, അത്‌ അവനാ​യി​രു​ന്നു! ഞാൻ ആകെ ഭയന്നു​പോ​യി!”—ജെയിംസ്‌.

മതത്തെ കുറിച്ചു ചർച്ച ചെയ്യു​ന്നത്‌ ഒരു പഴഞ്ചൻ സംഗതി​യാ​യി​ട്ടാണ്‌ മിക്ക​പ്പോ​ഴും യുവജ​നങ്ങൾ കരുതു​ന്നത്‌. എന്നാൽ സത്യ​ക്രി​സ്‌ത്യാ​നി​കൾക്കി​ട​യി​ലെ യുവവ്യ​ക്തി​കൾ തങ്ങളുടെ വിശ്വാ​സം മറ്റുള്ള​വ​രു​മാ​യി പങ്കു​വെ​ക്കാ​നുള്ള ദൈവദത്ത പദവിയെ വിലമ​തി​ക്കു​ന്നു. അതു​കൊണ്ട്‌, യഹോ​വ​യു​ടെ ആയിര​ക്ക​ണ​ക്കി​നു യുവ സാക്ഷികൾ വീടു​തോ​റു​മുള്ള പ്രസം​ഗ​വേ​ല​യിൽ പങ്കുപ​റ്റു​ന്നു. എന്നാൽ, സ്‌കൂ​ളി​ലുള്ള ആരെ​യെ​ങ്കി​ലും കണ്ടുമു​ട്ടി​യേ​ക്കു​മോ എന്ന ഭയത്തോ​ടെ​യാ​ണു ചിലർ അതു ചെയ്യു​ന്നത്‌. “എന്റെ കൂടെ പഠിച്ച ആരെ​യെ​ങ്കി​ലും കണ്ടുമു​ട്ടി​യേ​ക്കു​മോ എന്ന ഭയം ഇപ്പോ​ഴും എനിക്കുണ്ട്‌” എന്ന്‌ ചില വർഷങ്ങൾക്കു മുമ്പ്‌ സ്‌കൂൾ വിദ്യാ​ഭ്യാ​സം പൂർത്തി​യാ​ക്കിയ ജെന്നിഫർ പറയുന്നു.

നിങ്ങൾ ഒരു യുവ ക്രിസ്‌ത്യാ​നി​യാ​ണെ​ങ്കിൽ ചില​പ്പോൾ നിങ്ങൾക്കും അങ്ങനെ അനുഭ​വ​പ്പെ​ട്ടേ​ക്കാം. മറ്റുള്ള​വ​രാൽ തിരസ്‌ക​രി​ക്ക​പ്പെ​ടാൻ നാം ആരും ആഗ്രഹി​ക്കു​ന്നില്ല. അതു​കൊണ്ട്‌ സഹപാ​ഠി​ക​ളോ​ടു മതത്തെ കുറിച്ചു സംസാ​രി​ക്കേണ്ടി വരു​മ്പോൾ അൽപ്പം ആശങ്ക തോന്നു​ന്നതു സ്വാഭാ​വി​കം മാത്ര​മാണ്‌.a എന്നാൽ ഈ ഭയം നമ്മെ കീഴ്‌പെ​ടു​ത്താൻ നാം അനുവ​ദി​ക്കേ​ണ്ട​തില്ല. ബൈബി​ളിൽ പരാമർശി​ച്ചി​രി​ക്കുന്ന ‘അരിമ​ത്യ​ക്കാ​ര​നായ യോ​സേ​ഫി​നെ’ നിങ്ങൾക്ക്‌ ഓർമ​യു​ണ്ടോ? യേശു​വിൽനി​ന്നു പഠിച്ച കാര്യങ്ങൾ അവൻ വിശ്വ​സി​ച്ചി​രു​ന്നു. എങ്കിലും ബൈബിൾ അവനെ വിശേ​ഷി​പ്പി​ക്കു​ന്നത്‌ “യെഹൂ​ദ​ന്മാ​രെ പേടി​ച്ചി​ട്ടു രഹസ്യ​ത്തിൽ യേശു​വി​ന്റെ ഒരു ശിഷ്യ​നാ​യി​രുന്ന”വൻ എന്നാണ്‌. (യോഹ​ന്നാൻ 19:38) നിങ്ങളു​മാ​യുള്ള സൗഹൃദം മറച്ചു​വെ​ക്കാൻ ആഗ്രഹി​ക്കുന്ന ഒരു സുഹൃ​ത്തി​നെ കുറിച്ചു നിങ്ങൾക്ക്‌ എന്തു തോന്നും? (ലൂക്കൊസ്‌ 12:8, 9) അതു​കൊണ്ട്‌, എല്ലാ ക്രിസ്‌ത്യാ​നി​ക​ളും തങ്ങളുടെ വിശ്വാ​സം ‘പരസ്യ​മാ​യി പ്രഖ്യാ​പി​ക്കാൻ’ ദൈവം പ്രതീ​ക്ഷി​ക്കു​ന്ന​തിൽ അത്ഭുത​പ്പെ​ടാ​നില്ല. (റോമർ 10:10, NW) നിങ്ങളു​ടെ സ്‌കൂ​ളി​ലെ കുട്ടി​ക​ളോ​ടു സംസാ​രി​ക്കു​ന്ന​തും അതിൽ ഉൾപ്പെ​ടും.

യേശു​വി​ന്റെ ശരീരം അടക്കം ചെയ്യാൻ അനുമതി തേടുന്ന ഘട്ടത്തോ​ള​മെ​ങ്കി​ലും അരിമ​ത്യ​യി​ലെ യോ​സേ​ഫിന്‌ തന്റെ ഭയത്തെ മറിക​ട​ക്കാൻ സാധിച്ചു. നിങ്ങളു​ടെ ഭയത്തെ തരണം ചെയ്യാൻ നിങ്ങൾക്ക്‌ എങ്ങനെ കഴിയും?

പ്രസം​ഗി​ക്കാ​നുള്ള ഉത്സാഹം നട്ടുവ​ളർത്തൽ

തന്റെ വിശ്വാ​സം മറ്റുള്ള​വ​രു​മാ​യി പങ്കു​വെ​ക്കാൻ പൗലൊസ്‌ അപ്പൊ​സ്‌ത​ലനു മടിയി​ല്ലാ​യി​രു​ന്നു, റോമർ 1:15-ൽ (NW) ബൈബി​ളി​ലെ സന്ദേശം ഘോഷി​ക്കാൻ താൻ ഉത്സാഹ​മു​ള്ള​വ​നാ​ണെന്ന്‌ അവൻ പറയുന്നു. ആ ഉത്സാഹം ഉണ്ടായത്‌ എങ്ങനെ​യാണ്‌? 16-ാം വാക്യ​ത്തിൽ അവൻ പറയുന്നു: “സുവി​ശേ​ഷ​ത്തെ​ക്കു​റി​ച്ചു എനിക്കു ലജ്ജയില്ല; വിശ്വ​സി​ക്കുന്ന ഏവന്നും . . . അതു രക്ഷെക്കാ​യി ദൈവ​ശ​ക്തി​യാ​കു​ന്നു​വ​ല്ലോ.” നിങ്ങളെ സംബന്ധി​ച്ചെന്ത്‌? സത്യം നിങ്ങൾ യഥാർഥ​ത്തിൽ സ്വയം ഉറപ്പു​വ​രു​ത്തി​യി​ട്ടു​ണ്ടോ? (റോമർ 12:2, NW) ബൈബി​ളി​ലെ സന്ദേശം ‘രക്ഷെക്കാ​യുള്ള ദൈവ​ശ​ക്തി​യാ​ണെന്ന്‌’ നിങ്ങൾക്കു വ്യക്തി​പ​ര​മാ​യി ബോധ്യ​മാ​യി​ട്ടു​ണ്ടോ?

മാതാ​പി​താ​ക്ക​ളു​മൊത്ത്‌ ക്രിസ്‌തീയ യോഗ​ങ്ങൾക്കു ഹാജരാ​കു​ന്നതു മാത്രം പോരാ. ഡെബൊറ എന്ന പെൺകു​ട്ടി പറയുന്നു: “മാതാ​പി​താ​ക്കളെ ബോധി​പ്പി​ക്കാ​നാ​യി യോഗ​ങ്ങൾക്കു പോകു​ന്നത്‌ എളുപ്പ​മാണ്‌. എന്നാൽ ആളുകൾ എന്നോടു ബൈബി​ളി​നെ കുറിച്ച്‌ ഓരോ കാര്യങ്ങൾ ചോദി​ക്കു​മ്പോൾ അവ വിശദീ​ക​രി​ച്ചു​കൊ​ടു​ക്കാൻ എനിക്കു സാധി​ച്ചി​രു​ന്നില്ല.” മിയങ്‌ എന്ന പെൺകു​ട്ടി ഇങ്ങനെ സമ്മതി​ച്ചു​പ​റ​യു​ന്നു: “ഇതാണു സത്യം എന്ന്‌ നാം ആദ്യം സ്വയം ഉറപ്പു​വ​രു​ത്തേ​ണ്ട​തുണ്ട്‌.”

ബൈബി​ളി​നെ കുറി​ച്ചുള്ള നിങ്ങളു​ടെ പരിജ്ഞാ​നം മറ്റുള്ള​വ​രു​മാ​യി പങ്കു​വെ​ക്കാൻ നിങ്ങളെ എന്തു പ്രചോ​ദി​പ്പി​ക്കും? ബൈബി​ളി​ന്റെ വ്യക്തി​പ​ര​മായ പഠനം. ഷോൻ എന്ന ഒരു ആൺകുട്ടി പറയുന്നു: “ബൈബിൾ വ്യക്തി​പ​ര​മാ​യി പഠിക്കാൻ തുടങ്ങു​മ്പോൾ ക്രമേണ സത്യം നിങ്ങളു​ടെ സ്വന്തമാ​യി​ത്തീ​രു​ന്നു. നിങ്ങൾ നിങ്ങൾക്കു വേണ്ടി​യാണ്‌ അതു പഠിക്കു​ന്നത്‌.” വായി​ക്കാ​നും പഠിക്കാ​നും സ്വതവേ താത്‌പ​ര്യം ഉള്ളവരല്ല എല്ലാവ​രും. “എനിക്കു വായന ഒട്ടും ഇഷ്ടമല്ല” എന്ന്‌ ഷെവോൻ പറയുന്നു. “അതു​കൊണ്ട്‌ ആദ്യ​മൊ​ക്കെ വീക്ഷാ​ഗോ​പു​ര​വും ഉണരുക!യും വായി​ക്കു​ന്ന​തും ബൈബിൾ ദിവസേന വായി​ക്കു​ന്ന​തും മറ്റും എനിക്കു വലിയ ബുദ്ധി​മു​ട്ടാ​യി​രു​ന്നു. എന്നാൽ കാല​ക്ര​മേണ ഞാൻ അതു ചെയ്യാൻ തുടങ്ങി.”

ഉത്സാഹ​ത്തോ​ടെ​യുള്ള അത്തരം പഠനത്തി​ന്റെ ഫലം എന്തായി​രി​ക്കും? പൗലൊസ്‌ അപ്പൊ​സ്‌തലൻ പറയു​ന്നതു ശ്രദ്ധി​ക്കുക: ‘വിശ്വാ​സം കേൾവി​യാൽ വരുന്നു.’ (റോമർ 10:17) നിങ്ങളു​ടെ വിശ്വാ​സ​വും ബോധ്യ​വും വളർന്നു​വ​രവേ, നിങ്ങളു​ടെ മനോ​ഭാ​വ​ത്തി​നു മാറ്റം വരു​മെന്ന്‌ ഉറപ്പാണ്‌. ബ്രസീ​ലി​ലെ എലിസാ​ഞ്‌ജെല എന്ന പെൺകു​ട്ടി പറയുന്നു: “ഒരു ക്രിസ്‌ത്യാ​നി ആയിരി​ക്കുക എന്നത്‌ ഒരു പദവി​യാണ്‌, അല്ലാതെ ലജ്ജിക്കേണ്ട ഒരു സംഗതി​യല്ല.” നിങ്ങളു​ടെ വിശ്വാ​സം വളർന്നു​വ​രു​മ്പോൾ, സഹപാ​ഠി​കൾ ഉൾപ്പെ​ടെ​യു​ള്ള​വ​രോ​ടു സംസാ​രി​ക്കാൻ നിങ്ങൾ പ്രേരി​ത​രാ​കും. പൗലൊസ്‌ പറഞ്ഞു: ‘ഞങ്ങൾ വിശ്വ​സി​ക്കു​ന്നു അതു​കൊ​ണ്ടു സംസാ​രി​ക്കു​ന്നു.’ (2 കൊരി​ന്ത്യർ 4:13) മാത്രമല്ല, നിങ്ങൾ നിത്യ​വും കാണുന്ന കുട്ടി​ക​ളിൽനി​ന്നു ജീവദാ​യക പരിജ്ഞാ​നം പിടി​ച്ചു​വെ​ക്കു​ന്നെ​ങ്കിൽ മറ്റുള്ള​വ​രു​ടെ “രക്തത്തിൽനിന്ന്‌ സ്വതന്ത്രർ” ആണെന്നു പറയാൻ നിങ്ങൾക്കു കഴിയു​മോ?—പ്രവൃ​ത്തി​കൾ 20:26, 27, NW.

എന്നാൽ ചില യുവ ക്രിസ്‌ത്യാ​നി​കൾ ബൈബി​ളി​നെ കുറിച്ചു മറ്റുള്ള​വ​രു​മാ​യി സംസാ​രി​ക്കാ​നുള്ള പ്രാപ്‌തി തങ്ങൾക്കി​ല്ലെന്നു വിചാ​രി​ക്കു​ന്നു. “എന്തു പറയണ​മെന്നു നിശ്ചയ​മി​ല്ലെ​ങ്കിൽ പ്രസം​ഗ​പ്ര​വർത്ത​ന​ത്തിൽ ഏർപ്പെ​ടാൻ വലിയ രസമൊ​ന്നും തോന്നു​ക​യില്ല” എന്ന്‌ ജോഷ്വ എന്ന ആൺകുട്ടി പറയുന്നു. ബൈബി​ളി​നെ കുറിച്ച്‌ ആഴമായ പരിജ്ഞാ​നം നേടു​ന്ന​താണ്‌ ഇതിനും പരിഹാ​രം. കാരണം അപ്പോൾ അതു വിദഗ്‌ധ​മാ​യി കൈകാ​ര്യം ചെയ്യാൻ നിങ്ങൾക്കു സാധി​ക്കും. (2 തിമൊ​ഥെ​യൊസ്‌ 2:15) യഹോ​വ​യു​ടെ സാക്ഷി​ക​ളു​ടെ സഭകളിൽ യുവജ​ന​ങ്ങൾക്ക്‌ സഭാ മൂപ്പന്മാ​രെ സമീപിച്ച്‌ പഠിപ്പി​ക്കൽ പ്രാപ്‌തി​കൾ വികസി​പ്പി​ച്ചെ​ടു​ക്കു​ന്ന​തിൽ വ്യക്തി​പ​ര​മായ സഹായം അഭ്യർഥി​ക്കാൻ കഴിയും. മാറ്റി​യാസ്‌ എന്ന ജർമൻകാ​ര​നായ ആൺകുട്ടി പറയുന്നു: “വെറുതെ ബൈബിൾ സാഹി​ത്യ​ങ്ങൾ കൊടു​ക്കു​ന്ന​തി​നു പകരം ആളുക​ളു​മാ​യി സംസാ​രി​ക്കാൻ തുടങ്ങി​യ​പ്പോ​ഴാണ്‌ ഞാൻ പ്രസം​ഗ​പ്ര​വർത്തനം ആസ്വദി​ച്ചത്‌.”

അവസാ​ന​മാ​യി, ധൈര്യ​ത്തോ​ടെ സംസാ​രി​ക്കു​ന്ന​തി​നുള്ള പ്രാപ്‌തി​ക്കാ​യി നിങ്ങൾക്കു ദൈവ​ത്തോ​ടു പ്രാർഥി​ക്കാൻ സാധി​ക്കും. (പ്രവൃ​ത്തി​കൾ 4:30ബി) ഇക്കാര്യ​ത്തിൽ ദൈവ​ത്തിൽനി​ന്നു വ്യക്തി​പ​ര​മാ​യി സഹായം ലഭിച്ച ഒരാളാണ്‌ അപ്പൊ​സ്‌ത​ല​നായ പൗലൊസ്‌. 1 തെസ്സ​ലൊ​നീ​ക്യർ 2:2-ൽ അവൻ ഇപ്രകാ​രം പറയുന്നു: “ഞങ്ങൾ . . . വലിയ പോരാ​ട്ട​ത്തോ​ടെ ദൈവ​ത്തി​ന്റെ സുവി​ശേഷം നിങ്ങ​ളോ​ടു പ്രസം​ഗി​പ്പാൻ ഞങ്ങളുടെ ദൈവ​ത്തിൽ ധൈര്യ​പ്പെ​ട്ടി​രു​ന്നു.” ഈ വാക്യം “ദൈവം ഞങ്ങളുടെ ഹൃദയ​ങ്ങ​ളിൽനി​ന്നു ഭയം എടുത്തു​ക​ളഞ്ഞു” എന്നും പരിഭാ​ഷ​പ്പെ​ടു​ത്താ​വു​ന്ന​താണ്‌ എന്ന്‌ ഒരു പരാമർശ കൃതി പറയുന്നു. അതു​കൊണ്ട്‌, നിങ്ങളു​ടെ ഹൃദയ​ത്തിൽനി​ന്നു ഭയം എടുത്തു​ക​ള​യാൻ എന്തു​കൊണ്ട്‌ ദൈവ​ത്തോ​ടു പ്രാർഥി​ച്ചു​കൂ​ടാ?

സ്വയം തിരി​ച്ച​റി​യി​ക്കൽ

ആ പ്രാർഥ​ന​യ്‌ക്കു ചേർച്ച​യിൽ നിങ്ങൾക്കു സുധീ​ര​മായ ഒരു നടപടി കൈ​ക്കൊ​ള്ളാൻ കഴിയും. ഷിക്ക്‌ എന്നു പേരുള്ള ബ്രിട്ടീ​ഷു​കാ​രി​യായ ഒരു പെൺകു​ട്ടി ഈ ഉപദേശം നൽകുന്നു: “നിങ്ങൾ ഒരു ക്രിസ്‌ത്യാ​നി​യാ​ണെന്ന്‌ സ്‌കൂ​ളി​ലെ മറ്റു കുട്ടി​ക​ളോ​ടു പറയുക.” ഒരു ‘രഹസ്യ ശിഷ്യൻ’ ആയിരി​ക്കാൻ നിങ്ങൾ ആഗ്രഹി​ക്കു​ക​യില്ല. വയൽസേ​വ​ന​ത്തി​നി​ട​യിൽ അറിയാ​വുന്ന ആരെ​യെ​ങ്കി​ലും കണ്ടുമു​ട്ടി​യാ​ലോ എന്ന്‌ താൻ ഒരുകാ​ലത്തു വല്ലാതെ ഭയന്നി​രു​ന്ന​താ​യി റിബെക്കാ എന്ന പെൺകു​ട്ടി സമ്മതി​ക്കു​ന്നു. എന്നാൽ അവൾ പിന്നീടു മനസ്സി​ലാ​ക്കിയ ഒരു സംഗതി​യെ കുറിച്ചു തുടർന്നു പറയുന്നു: “നിങ്ങൾ ഒരു ക്രിസ്‌ത്യാ​നി​യാ​ണെ​ന്നും വീടു​തോ​റും പോയി പ്രസം​ഗി​ക്കാ​റു​ണ്ടെ​ന്നും അവരോ​ടു പറഞ്ഞാൽ, ചില​പ്പോൾ അവർ ചോദി​ക്കും ‘എന്നെങ്കി​ലും നീ എന്റെ വീട്ടിൽ വരുമോ’ എന്ന്‌.”

എന്നാൽ അത്തരത്തി​ലുള്ള ആകസ്‌മി​ക​മായ ഒരു കണ്ടുമു​ട്ട​ലി​നു​വേണ്ടി കാത്തി​രി​ക്കു​ന്നത്‌ എന്തിനാണ്‌? സ്‌കൂ​ളിൽവെ​ച്ചു​തന്നെ നിങ്ങളു​ടെ വിശ്വാ​സം പങ്കു​വെ​ക്കാ​നുള്ള അവസരങ്ങൾ തേടുക. പൗലൊസ്‌ അപ്പൊ​സ്‌ത​ലന്റെ ഈ ചോദ്യ​ങ്ങൾ മനസ്സിൽ പിടി​ക്കുക: “അവർ കേട്ടി​ട്ടി​ല്ലാ​ത്ത​വ​നിൽ എങ്ങനെ വിശ്വ​സി​ക്കും? പ്രസം​ഗി​ക്കു​ന്നവൻ ഇല്ലാതെ എങ്ങനെ കേൾക്കും?” (റോമർ 10:14) ദൈവത്തെ കുറിച്ചു കേൾക്കാൻ നിങ്ങളു​ടെ സഹപാ​ഠി​കളെ സഹായി​ക്കു​ന്ന​തിന്‌ ഏറ്റവും മെച്ചപ്പെട്ട സ്ഥാനത്ത്‌ ആയിരി​ക്കു​ന്നതു നിങ്ങളാണ്‌. ഇറൈഡ എന്ന പെൺകു​ട്ടി അഭി​പ്രാ​യ​പ്പെ​ടു​ന്നു: “ഞങ്ങൾ വിദ്യാർഥി​കൾക്കു മാത്രം പ്രവർത്തി​ക്കാൻ സാധി​ക്കുന്ന പ്രസം​ഗ​പ്ര​ദേ​ശ​മാണ്‌ സ്‌കൂൾ.” അതു​കൊണ്ട്‌, അനൗപ​ചാ​രി​ക​മാ​യി പ്രസം​ഗി​ച്ചു​കൊണ്ട്‌ പല യുവജ​ന​ങ്ങ​ളും തങ്ങളുടെ സാഹച​ര്യ​ത്തെ നന്നായി പ്രയോ​ജ​ന​പ്പെ​ടു​ത്തു​ന്നു.

ചില​പ്പോൾ, ബൈബിൾ സത്യങ്ങൾ പങ്കു​വെ​ക്കു​ന്ന​തി​നുള്ള അവസരം നൽകു​ന്ന​തരം നിയമ​നങ്ങൾ നിങ്ങൾക്കു ക്ലാസ്സിൽ ലഭി​ച്ചേ​ക്കാം. ബ്രിട്ടീ​ഷു​കാ​രി​യായ ജേമീ എന്ന പെൺകു​ട്ടി വിവരി​ക്കു​ന്നു: “സയൻസ്‌ ക്ലാസ്സിൽ ഞങ്ങൾ പരിണാ​മത്തെ കുറിച്ചു ചർച്ച ചെയ്യു​ക​യാ​യി​രു​ന്നു. ഞാൻ എന്റെ വിശ്വാ​സ​ങ്ങളെ കുറിച്ചു പറഞ്ഞു. ഒരു ആൺകുട്ടി എന്നെ കളിയാ​ക്കി, യഹോ​വ​യു​ടെ സാക്ഷികൾ ബുദ്ധി കുറഞ്ഞ​വ​രാ​ണെ​ന്നും സ്‌കൂ​ളിൽ പഠിക്കാൻ യോഗ്യ​ത​യി​ല്ലാ​ത്ത​വ​രാ​ണെ​ന്നു​മൊ​ക്കെ അവൻ പറഞ്ഞു. എന്നാൽ ഉടനെ​തന്നെ ക്ലാസ്സിലെ മറ്റു കുട്ടികൾ എന്റെ പക്ഷം ചേർന്നു സംസാ​രി​ച്ചു.” മാതൃ​കാ​യോ​ഗ്യ​യായ ഒരു ക്രിസ്‌ത്യാ​നി എന്ന അവളുടെ സത്‌കീർത്തി​ക്കു നല്ല ഫലം ലഭിച്ചു. ജേമീ കൂട്ടി​ച്ചേർക്കു​ന്നു: “ഒടുവിൽ, നിങ്ങ​ളെ​ക്കു​റിച്ച്‌ കരുത​ലുള്ള ഒരു സ്രഷ്ടാവ്‌ ഉണ്ടോ? (ഇംഗ്ലീഷ്‌) എന്ന പുസ്‌ത​ക​ത്തി​ന്റെ ഒരു പ്രതി ഒരു സഹപാ​ഠി​ക്കു സമർപ്പി​ക്കാൻ എനിക്കു കഴിഞ്ഞു.”b

റൊ​മേ​നി​യ​യി​ലുള്ള, റോക്‌സാ​നാ എന്ന 14 വയസ്സു​കാ​രി സമാന​മായ ഒരു അനുഭവം വിവരി​ക്കു​ന്നു: “മദ്യം, പുകയില, മയക്കു​മ​രുന്ന്‌ എന്നീ വിഷയ​ങ്ങളെ കുറിച്ചു ക്ലാസ്സിൽ ഒരു ചർച്ച ഉണ്ടായി​രി​ക്കു​മെന്ന്‌ എന്റെ ടീച്ചർ പറഞ്ഞു. അതു​കൊണ്ട്‌ ‘നിങ്ങൾക്ക്‌ പുകവലി എങ്ങനെ ഉപേക്ഷി​ക്കാം?’ എന്ന വിഷയ​ത്തി​ലുള്ള 2000 മാർച്ച്‌ 22 ലക്കം ഉണരുക! ഞാൻ ക്ലാസ്സിൽ കൊണ്ടു​പോ​യി. എന്റെ ക്ലാസ്സിൽ പഠിക്കുന്ന ഒരു കുട്ടി ആ മാസിക കണ്ടു. അവൾ അത്‌ എടുത്തു​നോ​ക്കി. അതു തിരി​ച്ചു​ത​രാൻ അവൾ കൂട്ടാ​ക്കി​യില്ല. മാസിക വായി​ച്ച​ശേഷം അവൾ പുകവലി നിറു​ത്താൻ തീരു​മാ​നി​ച്ചെന്ന്‌ എന്നോടു പറഞ്ഞു.”

എല്ലായ്‌പോ​ഴും അത്തരം അനുകൂ​ല​മായ പ്രതി​ക​രണം നിങ്ങൾക്കു ലഭിക്ക​ണ​മെ​ന്നില്ല. എന്നാൽ സഭാ​പ്ര​സം​ഗി 11:6 നമ്മെ ഇങ്ങനെ പ്രോ​ത്സാ​ഹി​പ്പി​ക്കു​ന്നു: ‘രാവിലേ നിന്റെ വിത്തു വിതെക്ക; വൈകു​ന്നേ​രത്തു നിന്റെ കൈ ഇളെച്ചി​രി​ക്ക​രു​തു; ഏതു സഫലമാ​കും എന്നു നീ അറിയു​ന്നി​ല്ല​ല്ലോ.’ ഇനി അനുകൂ​ല​മായ പ്രതി​ക​രണം ലഭിച്ചില്ല എങ്കിൽത്തന്നെ സ്‌കൂ​ളിൽവെച്ചു നിങ്ങളു​ടെ വിശ്വാ​സങ്ങൾ പങ്കു​വെ​ക്കു​ന്നത്‌, വീടു​തോ​റു​മുള്ള ശുശ്രൂ​ഷ​യ്‌ക്കി​ട​യിൽ ഒരു സഹപാ​ഠി​യെ കണ്ടുമു​ട്ടു​ന്നെ​ങ്കിൽ കൂടുതൽ രമ്യമായ ചർച്ചയ്‌ക്കു വഴി​യൊ​രു​ക്കും. ബ്രിട്ടീ​ഷു​കാ​രി​യായ ജെസ്സിക്ക എന്ന പെൺകു​ട്ടി പറയുന്നു: “സ്‌കൂ​ളി​ലുള്ള ആരെ​യെ​ങ്കി​ലും കണ്ടുമു​ട്ടി​യാൽ അവരോ​ടു സാക്ഷീ​ക​രി​ക്കാൻ വാസ്‌ത​വ​ത്തിൽ എളുപ്പ​മാണ്‌, കാരണം നിങ്ങൾക്ക്‌ അവരെ നേരത്തേ പരിചയം ഉള്ളതാ​ണ​ല്ലോ.” നിങ്ങളു​ടെ വിശ്വാ​സ​ങ്ങളെ കുറിച്ച്‌ അറിയാൻ സഹപാ​ഠി​ക​ളിൽ ചിലർ എത്ര ഉത്സുക​രാ​ണെന്നു കാണു​മ്പോൾ നിങ്ങൾ അത്ഭുത​പ്പെ​ട്ടേ​ക്കാം.

എല്ലാവ​രും നിങ്ങളെ ദയാപു​ര​സ്സരം സ്വീക​രി​ച്ചേ​ക്കില്ല എന്നതു ശരിയാണ്‌. എന്നാൽ യേശു പ്രാ​യോ​ഗി​ക​മായ ഈ ബുദ്ധി​യു​പ​ദേശം നൽകി: “ആരെങ്കി​ലും നിങ്ങളെ കൈ​ക്കൊ​ള്ളാ​തെ​യും നിങ്ങളു​ടെ വചനങ്ങളെ കേൾക്കാ​തെ​യു​മി​രു​ന്നാൽ . . . നിങ്ങളു​ടെ കാലിലെ പൊടി തട്ടിക്ക​ള​വിൻ.” (മത്തായി 10:14) മറ്റു വിധത്തിൽ പറഞ്ഞാൽ, അതു വ്യക്തി​പ​ര​മായ ഒരു നിന്ദയാ​യി നിങ്ങൾ കരു​തേ​ണ്ട​തില്ല. സമാധാ​ന​പ​ര​മാ​യി അവിടം വിട്ടു പോരുക, ശ്രദ്ധി​ക്കാൻ മനസ്സൊ​രു​ക്ക​മുള്ള മറ്റു വ്യക്തി​കളെ കണ്ടെത്താൻ ശ്രമി​ക്കുക. സത്യത്തി​നാ​യി ദാഹി​ക്കുന്ന, ശ്രദ്ധി​ക്കാൻ മനസ്സൊ​രു​ക്ക​മുള്ള പരമാർഥ​ഹൃ​ദ​യരെ ഇന്നല്ലെ​ങ്കിൽ നാളെ നിങ്ങൾ കണ്ടെത്തും. നിങ്ങളു​ടെ സഹപാ​ഠി​ക​ളിൽ ഒരാളാണ്‌ അത്തരം താത്‌പ​ര്യം കാണി​ക്കു​ന്ന​തെ​ങ്കിൽ അത്‌ എത്ര പ്രതി​ഫ​ല​ദാ​യകം ആയിരി​ക്കും! അപ്പോൾ നിങ്ങളു​ടെ വിശ്വാ​സം സഹപാ​ഠി​ക​ളു​മാ​യി പങ്കു​വെ​ക്കാ​നുള്ള ഭയത്തെ തരണം ചെയ്‌ത​തിൽ നിങ്ങൾ തീർച്ച​യാ​യും സന്തോ​ഷി​ക്കും. (g02 3/22)

[അടിക്കു​റി​പ്പു​കൾ]

[12-ാം പേജിലെ ആകർഷക വാക്യം]

“ബൈബിൾ വ്യക്തി​പ​ര​മാ​യി പഠിക്കാൻ തുടങ്ങു​മ്പോൾ ക്രമേണ സത്യം നിങ്ങളു​ടെ സ്വന്തമാ​യി​ത്തീ​രു​ന്നു.”—ഷോൻ

[10-ാം പേജിലെ ചിത്രം]

ഒരു ക്രിസ്‌ത്യാ​നി​യാ​യി സ്വയം തിരി​ച്ച​റി​യി​ക്കാൻ ഭയക്കരുത്‌

[10-ാം പേജിലെ ചിത്രം]

ബൈബിൾ സത്യങ്ങൾ പങ്കു​വെ​ക്കു​ന്ന​തി​നുള്ള അവസരം നൽകു​ന്ന​തരം നിയമ​നങ്ങൾ നിങ്ങൾക്കു ക്ലാസ്സിൽ ലഭി​ച്ചേ​ക്കാം