സ്‌നേഹം—ഫലപ്ര​ദ​മായ ശുശ്രൂ​ഷ​യു​ടെ താക്കോൽ

¹ “എന്റെ അടുക്കൽ വരുവിൻ; ഞാൻ നിങ്ങളെ ആശ്വസി​പ്പി​ക്കും.” (മത്താ. 11:28) യേശു​വിന്‌ ആളുക​ളോ​ടു​ണ്ടാ​യി​രുന്ന ആഴമായ സ്‌നേ​ഹ​ത്തി​ന്റെ പ്രതി​ഫ​ല​ന​മാ​യി​രു​ന്നു ഹൃദ്യ​മായ അത്തരം വാക്കുകൾ. ക്രിസ്‌തീയ ശുശ്രൂ​ഷ​ക​രെന്ന നിലയിൽ അവനെ അനുക​രി​ക്കുന്ന നാം, സ്‌നേ​ഹ​ശൂ​ന്യ​മായ ഈ ലോക​ത്തി​ലെ തിക്താ​നു​ഭ​വ​ങ്ങ​ളാൽ തളർന്നി​രി​ക്കു​ന്ന​വ​രോ​ടു സ്‌നേഹം പ്രകട​മാ​ക്കാൻ ആഗ്രഹി​ക്കു​ന്നു. സുവാർത്ത ഘോഷി​ക്കവേ, നമുക്ക്‌ അത്‌ എങ്ങനെ ചെയ്യാ​നാ​കും?

² വാക്കിൽ: സാധ്യ​മായ എല്ലാ അവസര​ങ്ങ​ളി​ലും സുവാർത്ത പങ്കു​വെ​ക്കാൻ ആളുക​ളോ​ടുള്ള സ്‌നേഹം യേശു​വി​നെ പ്രചോ​ദി​പ്പി​ച്ചു. (യോഹ. 4:7-14) അനൗപ​ചാ​രി​ക​മാ​യി സാക്ഷീ​ക​രി​ക്കാ​നുള്ള സങ്കോചം മറിക​ട​ക്കാൻ അത്തരം സ്‌നേഹം നമ്മെ സഹായി​ക്കും. ഒരിക്കൽ, ഡോക്ടറെ കാണാൻ കാത്തി​രി​ക്കവേ ഒരു ആറു വയസ്സു​കാ​രി, അടുത്തി​രുന്ന സ്‌ത്രീക്ക്‌ നല്ലൊരു സാക്ഷ്യം നൽകു​ക​യു​ണ്ടാ​യി. അതിന്‌ അവളെ പ്രേരി​പ്പി​ച്ചത്‌ എന്തായി​രു​ന്നു? “ആ സ്‌ത്രീ​യു​ടെ മുഖം കണ്ടപ്പോൾ അവർ യഹോ​വയെ അറി​യേ​ണ്ട​തു​ണ്ടെന്ന്‌ എനിക്കു തോന്നി,” ആ കുട്ടി പറഞ്ഞു.

³ ആത്മാർഥവും ഊഷ്‌മ​ള​വു​മാ​യി പുഞ്ചി​രി​ച്ചു​കൊ​ണ്ടും ഹൃദ്യ​മാ​യി സംസാ​രി​ച്ചു​കൊ​ണ്ടും നമുക്ക്‌ ആളുക​ളി​ലുള്ള താത്‌പ​ര്യം പ്രകടി​പ്പി​ക്കാ​നാ​കും. അതു​പോ​ലെ​തന്നെ, അവരുടെ അഭി​പ്രാ​യ​ങ്ങൾക്കു ശ്രദ്ധ​കൊ​ടു​ക്കു​ന്ന​തും അവരുടെ പ്രശ്‌നങ്ങൾ മനസ്സി​ലാ​ക്കാൻ ശ്രമി​ക്കു​ന്ന​തും ആത്മാർഥ​മായ താത്‌പ​ര്യം പ്രകട​മാ​ക്കു​ന്ന​തും നമ്മുടെ സ്‌നേ​ഹ​ത്തി​നു തെളിവു നൽകും. (സദൃ. 15:23) യേശു ചെയ്‌ത​തു​പോ​ലെ, പ്രോ​ത്സാ​ഹ​ജ​ന​ക​മായ രാജ്യ​സ​ന്ദേ​ശ​ത്തി​നും ആളുക​ളോ​ടുള്ള യഹോ​വ​യു​ടെ സ്‌നേ​ഹ​നിർഭ​ര​മായ അനുക​മ്പ​യ്‌ക്കും ഊന്നൽ കൊടു​ത്തു വേണം നാം സംസാ​രി​ക്കാൻ.—മത്താ. 24:14; ലൂക്കൊ. 4:18.

⁴ പ്രവൃത്തിയിൽ: മറ്റുള്ള​വ​രു​ടെ ആവശ്യ​ങ്ങ​ളോട്‌ പ്രകട​വും പ്രാ​യോ​ഗി​ക​വു​മായ വിധങ്ങ​ളിൽ യേശു സത്വരം പ്രതി​ക​രി​ച്ചു. (മത്താ. 15:32) ശുശ്രൂ​ഷ​യിൽ ഏർപ്പെ​ട്ടി​രി​ക്കേ, അത്തരം സ്‌നേ​ഹദയ പ്രകട​മാ​ക്കാൻ നമുക്കും അവസരം ലഭി​ച്ചേ​ക്കാം. ഒരിക്കൽ ഒരു സ്‌ത്രീക്ക്‌ പ്രധാ​ന​പ്പെട്ട ഒരു ഫോൺകോൾ ലഭിച്ചു. എന്നാൽ അതു മറ്റൊരു ഭാഷയി​ലാ​യി​രു​ന്ന​തി​നാൽ, എന്താണു പറയു​ന്ന​തെന്നു മനസ്സി​ലാ​ക്കാ​നാ​വാ​തെ അവർ വിഷമി​ക്കു​ക​യാ​യി​രു​ന്നു. അടുത്തു​ണ്ടാ​യി​രുന്ന നമ്മുടെ ഒരു സഹോ​ദരി അവരെ സഹായി​ക്കാൻ മനസ്സു കാണിച്ചു; ഫോണി​ലൂ​ടെ കേട്ട കാര്യ​ങ്ങ​ളെ​ല്ലാം അവർ ആ സ്‌ത്രീ​ക്കു പരിഭാ​ഷ​പ്പെ​ടു​ത്തി​ക്കൊ​ടു​ത്തു. സ്‌നേ​ഹ​നിർഭ​ര​മായ ഈ പ്രവൃത്തി ഒരു തിരു​വെ​ഴു​ത്തു ചർച്ചയ്‌ക്കു വഴിതു​റ​ക്കു​ക​യും ബൈബി​ള​ധ്യ​യനം സ്വീക​രി​ക്കാൻ അവരെ സഹായി​ക്കു​ക​യും ചെയ്‌തു. മറ്റൊ​ര​നു​ഭവം ശ്രദ്ധി​ക്കുക. ഒരു സഹോ​ദരൻ മടക്കസ​ന്ദർശ​ന​ത്തി​നു ചെന്ന​പ്പോൾ, വാതിൽക്കൽ കുടു​ങ്ങി​പ്പോയ ഭാരമുള്ള ഒരു സോഫ നീക്കാ​നാ​കാ​തെ വീട്ടു​കാ​രൻ കഷ്ടപ്പെ​ടുന്ന രംഗമാ​ണു കണ്ടത്‌. ഉടൻതന്നെ സഹോ​ദരൻ അദ്ദേഹത്തെ സഹായി​ച്ചു. വീട്ടു​കാ​രൻ അതു വിലമ​തി​ക്കു​ക​യും ചെയ്‌തു. അതേ സോഫ​യി​ലി​രുന്ന്‌ സഹോ​ദരൻ അദ്ദേഹ​വു​മാ​യി ബൈബി​ള​ധ്യ​യ​ന​വും നടത്തി.

⁵ ശുശ്രൂഷയിൽ പങ്കെടു​ക്കു​മ്പോൾ നാം ദൈവ​ത്തോ​ടും അയൽക്കാ​രോ​ടു​മുള്ള സ്‌നേഹം പ്രകട​മാ​ക്കു​ക​യാ​ണു ചെയ്യു​ന്നത്‌. (മത്താ. 22:36-40) നമ്മുടെ വാക്കി​ലും പ്രവൃ​ത്തി​യി​ലും പ്രതി​ഫ​ലി​ക്കുന്ന ആ സ്‌നേഹം സത്യം നമ്മുടെ പക്കലു​ണ്ടെന്നു തിരി​ച്ച​റി​യാൻ ആത്മാർഥ​ഹൃ​ദ​യരെ സഹായി​ക്കും.