കുട്ടി​കളെ സന്മാർഗി​ക​ളാ​യി വളർത്തൽ—അതി​പ്പോ​ഴും സാധ്യ​മോ?

“നാമി​പ്പോൾ ജീവി​ക്കു​ന്നത്‌ വളരെ സങ്കീർണ​മായ ഒരു സമൂഹ​ത്തി​ലാണ്‌, ധാർമി​ക​സം​ഹി​തകൾ തമ്മിൽ സമാന​ത​യി​ല്ലാത്ത വളരെ വൈവി​ധ്യ​മാർന്ന സംസ്‌കാ​ര​ത്തി​ലാണ്‌,” കാനഡ​യി​ലെ ഒട്ടാവ​യി​ലുള്ള, വാന്യേ കുടും​ബ​ക്ഷേമ ഇൻസ്റ്റി​റ്റ്യൂ​ട്ടി​ലെ റോബർട്ട്‌ ഗ്ലൊസ്സപ്‌ അഭി​പ്രാ​യ​പ്പെ​ടു​ന്നു. അതിന്റെ ഫലമോ? ദ ടൊറ​ന്റോ സ്റ്റാർ പത്രം പറയുന്നു: “കൗമാ​ര​പ്രാ​യ​ക്കാ​രു​ടെ ഗർഭധാ​ര​ണങ്ങൾ, യുവാ​ക്ക​ളു​ടെ അക്രമ​പ്ര​വർത്ത​നങ്ങൾ, കൗമാ​ര​പ്രാ​യ​ക്കാ​രു​ടെ ആത്മഹത്യ തുടങ്ങി​യവ വർധി​ച്ചു​കൊ​ണ്ടേ​യി​രി​ക്കു​ന്നു.”

ഇതു വടക്കേ അമേരി​ക്ക​യു​ടെ മാത്രം പ്രശ്‌നമല്ല. യു.എസ്‌.എ-യിലെ റൂഡി ഐലൻറി​ലുള്ള ബ്രൗൺ സർവക​ലാ​ശാ​ല​യി​ലെ മാനവ​വി​കസന കേന്ദ്ര​ത്തി​ന്റെ ഡയറക്ട​റായ ബിൽ ഡാമൻ ഈ പ്രശ്‌ന​ങ്ങ​ളെ​ക്കു​റിച്ച്‌ ബ്രിട്ട​നി​ലും മറ്റു യൂറോ​പ്യൻ രാജ്യ​ങ്ങ​ളി​ലും കൂടാതെ ഓസ്‌​ട്രേ​ലിയ, ഇസ്രാ​യേൽ, ജപ്പാൻ എന്നിവി​ട​ങ്ങ​ളി​ലും പഠനങ്ങൾ നടത്തു​ക​യു​ണ്ടാ​യി. യുവജ​ന​ങ്ങൾക്കു മാർഗ​നിർദേശം പ്രദാനം ചെയ്യു​ന്ന​തിൽ സഭകളും സ്‌കൂ​ളു​ക​ളും മറ്റു സ്ഥാപന​ങ്ങ​ളും പിന്നോ​ക്കം പോകു​ന്ന​താ​യി അദ്ദേഹം ചൂണ്ടി​ക്കാ​ട്ടു​ന്നു. “സത്‌സ്വ​ഭാ​വ​വും കാര്യ​ക്ഷ​മ​ത​യും നേടി​യെ​ടു​ക്കു​ന്ന​തി​നു കുട്ടി​കൾക്കെന്ത്‌ ആവശ്യ​മാ​ണോ അത്‌” നമ്മുടെ സംസ്‌കാ​രം “തിരി​ച്ച​റി​യു​ന്നി​ല്ലെ”ന്ന്‌ അദ്ദേഹം വിശ്വ​സി​ക്കു​ന്നു. ശിശു​പ​രി​പാ​ലന വിദഗ്‌ധ​രു​ടെ, “ശിക്ഷണം കുട്ടി​ക​ളു​ടെ ആരോ​ഗ്യ​ത്തി​നും ക്ഷേമത്തി​നും ഹാനി​ക​ര​മാണ്‌” എന്നതു​പോ​ലുള്ള പരാമർശങ്ങൾ എടുത്തു​കാ​ണി​ച്ചു​കൊണ്ട്‌ ഡാമൻ പറയുന്നു: ഇത്‌ “കരുതി​ക്കൂ​ട്ടി അനുസ​ര​ണ​ക്കേടു കാട്ടുന്ന കുട്ടി​കളെ വളർത്തി​യെ​ടു​ക്കുന്ന ഒരു സൂത്ര​വാ​ക്യ”മാണ്‌.

ഇന്നത്തെ യുവജ​ന​ങ്ങൾക്ക്‌ ആവശ്യ​മാ​യി​രി​ക്കു​ന്ന​തെ​ന്താണ്‌? അവർക്കു മനസ്സി​നെ​യും ഹൃദയ​ത്തെ​യും നേരേ​യാ​ക്കുന്ന സ്‌നേ​ഹ​പു​ര​സ്സ​ര​മായ പരിശീ​ലനം നിരന്തരം ആവശ്യ​മാണ്‌. വ്യത്യസ്‌ത യുവജ​ന​ങ്ങൾക്കു വ്യത്യ​സ്‌ത​തരം ശിക്ഷണ​മാ​ണു വേണ്ടത്‌. സ്‌നേ​ഹ​ത്താൽ പ്രചോ​ദി​ത​രാ​ക്ക​പ്പെ​ടു​മ്പോൾ, പലപ്പോ​ഴും ന്യായ​വാ​ദ​ത്തി​ലൂ​ടെ​തന്നെ ശിക്ഷണം നൽകാൻ കഴിയും. അതു​കൊ​ണ്ടാണ്‌ “ശിക്ഷണ​ത്തി​നു ചെവി​കൊ​ടു​ക്കാൻ” സദൃശ​വാ​ക്യ​ങ്ങൾ 8:33-ൽ [NW] നമ്മോടു പറഞ്ഞി​രി​ക്കു​ന്നത്‌. എന്നിരു​ന്നാ​ലും, ചിലർക്കു ‘തിരുത്തൽ വരുത്താൻ’ ‘വാക്കുകൾ മാത്രം’ പോരാ. അവർക്ക്‌, അനുസ​ര​ണ​ക്കേ​ടിന്‌ ഒത്തവണ്ണം ഉചിത​മായ ശിക്ഷ നൽകു​ന്നത്‌ ആവശ്യ​മാ​യി​രു​ന്നേ​ക്കാം. (സദൃശ​വാ​ക്യ​ങ്ങൾ 17:10; 23:13, 14; 29:19, NW) ഈ ശുപാർശ​വെ​ക്കു​ന്ന​തു​വഴി, കുട്ടിക്കു ചതവോ പരിക്കോ ഏൽപ്പി​ക്കാ​വുന്ന ദേഷ്യ​ത്തി​ലുള്ള അടിയോ കനത്ത പ്രഹര​മോ കൊടു​ക്കാ​മെന്നല്ല ബൈബിൾ പറയു​ന്നത്‌. (സദൃശ​വാ​ക്യ​ങ്ങൾ 16:32) മറിച്ച്‌, തനിക്കു തിരുത്തൽ ലഭിക്കു​ന്ന​തെ​ന്തി​നാ​ണെ​ന്നും അതു മാതാ​വി​നോ പിതാ​വി​നോ തന്നിൽ താത്‌പ​ര്യ​മു​ള്ള​തു​കൊ​ണ്ടാ​ണെ​ന്നും കുട്ടി മനസ്സി​ലാ​ക്കണം.—എബ്രായർ 12:6, 11 താരത​മ്യം ചെയ്യുക.

അത്തരം പ്രാ​യോ​ഗി​ക​വും ഉചിത​വു​മായ ബൈബിൾ ബുദ്ധ്യു​പ​ദേശം കുടും​ബ​സ​ന്തു​ഷ്ടി​യു​ടെ രഹസ്യം എന്ന പുസ്‌ത​ക​ത്തിൽ പ്രദീ​പ്‌ത​മാ​ക്കി​യി​രി​ക്കു​ന്നു.