ദൈവ​രാ​ജ്യ​ത്തി​ന്റെ വാഗ്‌ദാ​നങ്ങൾ​—എല്ലാം പുതി​യ​താ​ക്കു​ന്നു

ചുവന്നു​തു​ടുത്ത ആ ആപ്പിൾ നിങ്ങൾ പറി​ച്ചെ​ടു​ക്കു​ന്നു. അതിന്റെ മണം ആവോളം ആസ്വദി​ച്ചി​ട്ടു നിങ്ങൾ അതു കുട്ടയി​ലെ ആപ്പിൾക്കൂ​മ്പാ​ര​ത്തി​ലേക്ക്‌ ഇടുന്നു. പണി തുടങ്ങി​യി​ട്ടു മണിക്കൂ​റു​ക​ളാ​യെ​ങ്കി​ലും അത്ര ക്ഷീണം തോന്നു​ന്നില്ല. വേണ​മെ​ങ്കിൽ കുറച്ച്‌ സമയം കൂടെ ജോലി ചെയ്യാം. അടുത്തു​ത​ന്നെ​യുള്ള ഒരു മരച്ചു​വ​ട്ടിൽ നിങ്ങളു​ടെ അമ്മയു​മുണ്ട്‌. സന്തോ​ഷ​ത്തോ​ടെ മറ്റു കുടും​ബാം​ഗ​ങ്ങ​ളു​ടെ​യും കൂട്ടു​കാ​രു​ടെ​യും കൂടെ ആപ്പിൾ പറിച്ചു​കൂ​ട്ടുന്ന തിരക്കി​ലാണ്‌. അമ്മ ഇപ്പോൾ എത്ര ചെറു​പ്പ​മാണ്‌! കുട്ടി​ക്കാ​ല​ത്തെ​ക്കു​റി​ച്ചുള്ള നിങ്ങളു​ടെ ഓർമ​ക​ളി​ലെ അമ്മയുടെ അതേ രൂപം! പോയി​മറഞ്ഞ ആ ലോക​ത്തിൽ ഈ അമ്മയാ​ണോ വാർധ​ക്യ​ത്തി​ലേക്കു കാലൂ​ന്നു​ന്ന​താ​യി നിങ്ങൾ കണ്ടത്‌? രോഗം വന്ന്‌ അമ്മയുടെ ആരോ​ഗ്യം ക്ഷയിച്ച​തും മരണക്കി​ട​ക്ക​യിൽ അമ്മയുടെ കൈപി​ടിച്ച്‌ ഇരുന്ന​തും അമ്മയുടെ കല്ലറയ്‌ക്കൽ ഇരുന്ന്‌ പൊട്ടി​ക്ക​ര​ഞ്ഞ​തും ഇപ്പോ​ഴും നിങ്ങൾ ഓർക്കു​ന്നു. എങ്കിലും ഇപ്പോൾ അമ്മ ഇതാ, പൂർണാ​രോ​ഗ്യ​ത്തോ​ടെ ഇവിടെ നിൽക്കു​ന്നു. അതു​പോ​ലെ എത്ര​യെത്ര ആളുകൾ!

ആ കാലം തീർച്ച​യാ​യും വരും. നമുക്ക്‌ അത്‌ ഉറപ്പാണ്‌. എന്തു​കൊണ്ട്‌? കാരണം, യഹോ​വ​യു​ടെ വാഗ്‌ദാ​നങ്ങൾ തീർച്ച​യാ​യും നിറ​വേ​റും. ദൈവ​രാ​ജ്യ​ത്തി​ന്റെ ചില വാഗ്‌ദാ​നങ്ങൾ സമീപ​ഭാ​വി​യിൽത്തന്നെ എങ്ങനെ നിറ​വേ​റു​മെ​ന്നും അത്‌ അർമ​ഗെ​ദോൻ യുദ്ധത്തി​ലേക്കു നയിക്കു​ന്നത്‌ എങ്ങനെ​യെ​ന്നും ഈ ഭാഗത്ത്‌ നമ്മൾ കാണും. അതിനു ശേഷം നിറ​വേ​റാ​നി​രി​ക്കുന്ന ആവേശ​ക​ര​മായ ചില വാഗ്‌ദാ​ന​ങ്ങ​ളു​മുണ്ട്‌. അവയെ​ക്കു​റി​ച്ചും നമ്മൾ പഠിക്കും. ഈ ഭൂമിയെ മുഴുവൻ ദൈവ​രാ​ജ്യം ഭരിക്കുന്ന ഒരു സമയം വരും. അന്നു ദൈവ​രാ​ജ്യം എല്ലാം പുതി​യ​താ​ക്കും. അതിനു സാക്ഷ്യം വഹിക്കു​മ്പോൾ നമു​ക്കെ​ല്ലാം എത്ര സന്തോ​ഷ​മാ​യി​രി​ക്കു​മെ​ന്നോ!