ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

ജൂൺ 3-9

ദൈവ​വ​ച​ന​ത്തി​ലെ നിധികൾ | ഗലാത്യർ 4–6

“നമ്മുടെ കാര്യ​ത്തി​ലും പ്രസക്തി​യുള്ള ‘ആലങ്കാ​രി​ക​മായ അർഥമുള്ള ഒരു നാടകം’”

it-1-E 1018 ¶2

ഹാഗാർ

ഹാഗാർ കഥാപാ​ത്ര​മായ ആലങ്കാ​രി​ക​മായ ഒരു നാടക​ത്തെ​ക്കു​റിച്ച്‌ അപ്പോ​സ്‌ത​ല​നായ പൗലോസ്‌ പറഞ്ഞു. ആ നാടക​ത്തിൽ ഹാഗാർ പ്രതീ​ക​പ്പെ​ടു​ത്തി​യത്‌ ഇസ്രാ​യേൽ ജനത​യെ​യാണ്‌. സീനായ്‌ പർവത​ത്തിൽവെച്ച്‌ നിലവിൽ വന്ന നിയമ​യു​ട​മ്പ​ടി​യി​ലെ വ്യവസ്ഥകൾ പാലി​ച്ചു​കൊ​ള്ളാ​മെന്ന്‌ ഇസ്രാ​യേൽ വാക്കു കൊടു​ത്തു​കൊണ്ട്‌ യഹോ​വ​യു​മാ​യി ഒരു ബന്ധത്തി​ലേക്കു വന്നു. ആ ഉടമ്പടി ‘അടിമ​കളെ പ്രസവി​ക്കു​ന്നു.’ ആളുക​ളു​ടെ പാപപൂർണ​മായ അവസ്ഥ കാരണം ഇസ്രാ​യേൽ ജനതയ്‌ക്ക്‌ ഉടമ്പടി​യി​ലെ വ്യവസ്ഥകൾ പാലി​ക്കാൻ കഴിഞ്ഞില്ല. ആ ഉടമ്പടി​യു​ടെ കീഴിൽ ഇസ്രാ​യേ​ല്യർ ഒരു സ്വത​ന്ത്ര​ജ​ന​ത​യാ​യില്ല. പകരം മരണത്തി​നു യോഗ്യ​രായ പാപി​ക​ളാ​യി ഇസ്രാ​യേ​ല്യ​രെ അതു കുറ്റം വിധിച്ചു. അതു​കൊണ്ട്‌ അവർ അടിമ​ക​ളാ​യി​രു​ന്നു. (യോഹ 8:34; റോമ 8:1-3) പൗലോ​സി​ന്റെ കാലത്തെ യരുശ​ലേം ഹാഗാ​റി​നു തുല്യ​യാ​യി​രു​ന്നു. കാരണം സ്വാഭാ​വിക ഇസ്രാ​യേ​ലി​നെ പ്രതി​നി​ധാ​നം ചെയ്‌ത, അതിന്റെ തലസ്ഥാ​ന​മായ യരുശ​ലേം, മക്കളു​മാ​യി അടിമ​ത്ത​ത്തി​ലാ​യി​രു​ന്നു. എന്നാൽ ആത്മാഭി​ഷിക്ത ക്രിസ്‌ത്യാ​നി​കൾ ‘മീതെ​യുള്ള യരുശ​ലേ​മി​ന്റെ,’ ദൈവ​ത്തി​ന്റെ പ്രതീ​കാ​ത്മക സ്‌ത്രീ​യു​ടെ മക്കളാണ്‌. ഈ യരുശ​ലേ​മിന്‌, സ്വത​ന്ത്ര​യാ​യി​രുന്ന സാറ​യെ​പ്പോ​ലെ, ഒരിക്ക​ലും അടിമ​ത്ത​ത്തിൽ കഴി​യേ​ണ്ടി​വ​ന്നി​ട്ടില്ല. പക്ഷേ യിശ്‌മാ​യേൽ യിസ്‌ഹാ​ക്കി​നെ ഉപദ്ര​വി​ച്ച​തു​പോ​ലെ, പുത്രൻ മോചി​പ്പിച്ച, ‘മീതെ​യുള്ള യരുശ​ലേ​മി​ന്റെ’ മക്കളെ അടിമ​ത്ത​ത്തി​ലാ​യി​രുന്ന യരുശ​ലേ​മി​ന്റെ മക്കൾ ഉപദ്ര​വി​ച്ചു. എന്നാൽ ഹാഗാ​റി​നെ​യും മകനെ​യും പുറത്താ​ക്കി​യെന്നു നമ്മൾ വായി​ക്കു​ന്നു. സ്വാഭാ​വിക ഇസ്രാ​യേ​ലി​നെ ഒരു ജനതയെന്ന നിലയിൽ യഹോവ തള്ളിക്ക​ള​ഞ്ഞ​തി​നെ​യാണ്‌ അതു പ്രതീ​ക​പ്പെ​ടു​ത്തി​യത്‌.—ഗല 4:21-31; യോഹ 8:31-40-ഉം കൂടെ കാണുക.

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

w10-E 11/1 15

നിങ്ങൾക്ക്‌ അറിയാ​മോ?

“യേശു​വി​ന്റെ അടിമ​യാ​ണെന്നു കാണി​ക്കുന്ന അടയാ​ളങ്ങൾ ശരീര​ത്തിൽ വഹിക്കു​ന്ന​യാ​ളാ​ണു ഞാൻ” എന്നു പറഞ്ഞ​പ്പോൾ പൗലോസ്‌ എന്താണ്‌ അർഥമാ​ക്കി​യത്‌?—ഗലാത്യർ 6:17.

പൗലോ​സി​ന്റെ ഈ വാക്കുകൾ കേട്ട​പ്പോൾ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളു​ടെ മനസ്സിൽ പല ചിത്രങ്ങൾ വന്നിരി​ക്കാം. ഉദാഹ​ര​ണ​ത്തിന്‌, പുരാ​ത​ന​നാ​ളു​ക​ളിൽ ഒരു യുദ്ധത​ട​വു​കാ​ര​നെ​യോ ക്ഷേത്രങ്ങൾ കവർച്ച ചെയ്യു​ന്ന​വ​രെ​യോ അടിമ​ക​ളെ​യോ തിരി​ച്ച​റി​യാൻ ചുട്ടു​പ​ഴുത്ത ഇരുമ്പു​ദണ്ഡ്‌ ഉപയോ​ഗിച്ച്‌ അടയാ​ള​പ്പെ​ടു​ത്തി​യി​രു​ന്നു. മനുഷ്യ​രിൽ കാണുന്ന ഇത്തരം അടയാ​ളങ്ങൾ നിന്ദ്യ​മാ​യി കണക്കാ​ക്കി​യി​രു​ന്നു.

എന്നാൽ, എല്ലായ്‌പോ​ഴും ഇത്തരം അടയാ​ളങ്ങൾ മോശ​മാ​യി കണ്ടിരു​ന്നില്ല. പലയാ​ളു​ക​ളും തങ്ങൾ ഒരു പ്രത്യേക കുലത്തി​ലെ​യോ മതത്തി​ലെ​യോ അംഗമാ​ണെന്നു സൂചി​പ്പി​ക്കാൻ ഇത്തരം അടയാ​ളങ്ങൾ ഉപയോ​ഗി​ച്ചി​രു​ന്നു. പുതിയ നിയമ​ത്തി​ന്റെ ദൈവ​ശാ​സ്‌ത്ര​നി​ഘണ്ടു ഇങ്ങനെ പറയുന്നു: “സിറി​യ​ക്കാർ ഹദദ്‌ ദേവനും ആതാർഗിസ്‌ ദേവി​ക്കും തങ്ങളെ​ത്തന്നെ അർപ്പി​ച്ച​തി​ന്റെ പ്രതീ​ക​മാ​യി കഴുത്തി​ലോ കൈത്ത​ണ്ട​യി​ലോ അടയാ​ളങ്ങൾ വരുത്തി​യി​രു​ന്നു. . . . വള്ളിപ്പ​ന്ന​ച്ചെ​ടി​യു​ടെ ഇലയുടെ അടയാളം ഡയോ​നൈ​സ​സി​ന്റെ ആരാധകർ ഉപയോ​ഗി​ച്ചി​രു​ന്നു.”

തന്റെ മിഷനറി ജീവി​ത​ത്തി​നി​ടെ അനുഭ​വി​ക്കേ​ണ്ടി​വന്ന ശാരീ​രിക ഉപദ്ര​വ​ങ്ങ​ളേൽപ്പിച്ച മുറി​പ്പാ​ടു​ക​ളാ​യി​രി​ക്കാം പൗലോ​സി​ന്റെ മനസ്സി​ലു​ണ്ടാ​യി​രു​ന്ന​തെന്നു പല ആധുനിക എഴുത്തു​കാ​രും കരുതു​ന്നു. (2 കൊരി​ന്ത്യർ 11:23-27) ഒരുപക്ഷേ, ശരീര​ത്തി​ലെ പാടു​കളല്ല, പകരം തന്റെ ജീവി​ത​രീ​തി തന്നെ ഒരു ക്രിസ്‌ത്യാ​നി​യാ​യി തിരി​ച്ച​റി​യി​ച്ചെന്നു പൗലോസ്‌ പറയു​ക​യാ​യി​രു​ന്നു.

ജൂൺ 10-16

ദൈവ​വ​ച​ന​ത്തി​ലെ നിധികൾ | എഫെസ്യർ 1–3

“യഹോ​വ​യു​ടെ ഭരണനിർവ​ഹ​ണ​വും അതിന്റെ പ്രവർത്ത​ന​വി​ധ​വും”

it-2-E 837 ¶4

പാവന​ര​ഹ​സ്യം

മിശി​ഹൈ​ക​രാ​ജ്യം. പൗലോസ്‌ തന്റെ ലേഖന​ത്തിൽ യേശു​വി​നെ​ക്കു​റി​ച്ചുള്ള പാവന​ര​ഹ​സ്യം സംബന്ധിച്ച ഒരു മുഴു​ചി​ത്രം നമുക്കു നൽകുന്നു. എഫെസ്യർ 1:9-11-ൽ തന്റെ ഇഷ്ടത്തെ​ക്കു​റി​ച്ചുള്ള പാവന​ര​ഹ​സ്യം ദൈവം വെളി​പ്പെ​ടു​ത്തി​ത്ത​രു​ന്ന​തി​നെ​ക്കു​റിച്ച്‌ പൗലോസ്‌ പറയുന്നു. പൗലോസ്‌ ഇങ്ങനെ എഴുതി: “ദൈവ​ത്തി​ന്റെ ഇഷ്ടമനു​സ​രി​ച്ചു​ള്ള​തും ദൈവം മനസ്സിൽ തീരു​മാ​നി​ച്ച​തും ആയ ഈ രഹസ്യ​ത്തിൽ, നിശ്ചയിച്ച കാലം തികയു​മ്പോൾ നടക്കുന്ന ഒരു ഭരണനിർവ​ഹണം ഉൾപ്പെ​ട്ടി​ട്ടുണ്ട്‌. സ്വർഗ​ത്തി​ലും ഭൂമി​യി​ലും ഉള്ളതെ​ല്ലാം ക്രിസ്‌തു​വിൽ ഒന്നിച്ചു​ചേർക്കുക എന്നതാണ്‌ അത്‌. ക്രിസ്‌തു​വി​നോ​ടു യോജി​പ്പി​ലായ ഞങ്ങളെ ക്രിസ്‌തു​വിൽ അവകാ​ശി​ക​ളു​മാ​ക്കി​യി​രി​ക്കു​ന്നു. താൻ തീരു​മാ​നി​ക്കു​ന്ന​തു​പോ​ലെ, തന്റെ ഇഷ്ടമനു​സ​രിച്ച്‌ എല്ലാം ചെയ്യുന്ന ദൈവം തന്റെ ഉദ്ദേശ്യ​പ്ര​കാ​രം നേര​ത്തേ​തന്നെ ഞങ്ങളെ ഇതിനു​വേണ്ടി നിശ്ചയി​ച്ചി​രു​ന്നു.” ഈ ‘പാവന​ര​ഹ​സ്യ​ത്തിൽ’ ഒരു രാജ്യം അഥവാ ഒരു ഭരണകൂ​ടം ഉൾപ്പെ​ടു​ന്നു, ദൈവ​ത്തി​ന്റെ മിശി​ഹൈ​ക​രാ​ജ്യം ആണ്‌ അത്‌. ക്രിസ്‌തു​വി​നോ​ടൊ​പ്പം സ്വർഗ​ത്തിൽ ഭരിക്കാ​നി​രി​ക്കു​ന്ന​വ​രെ​യാ​ണു ‘സ്വർഗ​ത്തി​ലു​ള്ളത്‌’ എന്നു പരാമർശി​ക്കു​ന്നത്‌. ‘ഭൂമി​യി​ലു​ള്ളത്‌’ എന്നത്‌ ആ ഭരണത്തി​ന്റെ ഭൂമി​യി​ലെ പ്രജക​ളെ​യാണ്‌ അർഥമാ​ക്കു​ന്നത്‌. പാവന​ര​ഹ​സ്യം ദൈവ​രാ​ജ്യ​വു​മാ​യി ബന്ധപ്പെട്ട ഒന്നാ​ണെന്ന്‌ യേശു തന്റെ ശിഷ്യ​ന്മാ​രോ​ടു സൂചി​പ്പി​ച്ചു: “ദൈവ​രാ​ജ്യ​ത്തെ​ക്കു​റി​ച്ചുള്ള പാവന​ര​ഹ​സ്യം മനസ്സി​ലാ​ക്കാൻ അനു​ഗ്രഹം ലഭിച്ചതു നിങ്ങൾക്കാണ്‌.”—മർ 4:11.

ജൂൺ 17-23

ദൈവ​വ​ച​ന​ത്തി​ലെ നിധികൾ | എഫെസ്യർ 4-6

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-1-E 1128 ¶3

വിശുദ്ധി

പരിശു​ദ്ധാ​ത്മാവ്‌. യഹോ​വ​യു​ടെ ആത്മാവ്‌ അഥവാ ചലനാ​ത്മ​ക​ശക്തി യഹോ​വ​യു​ടെ നിയ​ന്ത്ര​ണ​ത്തി​ലു​ള്ള​താണ്‌. അത്‌ എല്ലായ്‌പോ​ഴും യഹോ​വ​യു​ടെ ഉദ്ദേശ്യം നിറ​വേ​റ്റു​ന്നു. അതു ശുദ്ധവും പാവന​വും ദൈവ​ത്തി​ന്റെ ഉപയോ​ഗ​ത്തി​നു​വേണ്ടി വേർതി​രി​ച്ചി​രി​ക്കു​ന്ന​തും ആണ്‌. അതു​കൊ​ണ്ടാണ്‌ അതിനെ ‘പരിശു​ദ്ധാ​ത്മാവ്‌’ എന്നു വിളി​ക്കു​ന്നത്‌. (സങ്ക 51:11; ലൂക്ക 11:13; റോമ 1:4; എഫ 1:13) പരിശു​ദ്ധാ​ത്മാവ്‌ ഒരു വ്യക്തി​യിൽ പ്രവർത്തി​ക്കു​മ്പോൾ അത്‌ അയാളെ വിശു​ദ്ധി​യി​ലേക്കു നയിക്കുന്ന ഒരു പ്രേര​ക​ശ​ക്തി​യാണ്‌. അശുദ്ധ​മായ അല്ലെങ്കിൽ തെറ്റായ പ്രവർത്ത​ന​ങ്ങ​ളിൽ ഏർപ്പെ​ട്ടാൽ അതു പരിശു​ദ്ധാ​ത്മാ​വി​നെ എതിർക്കു​ന്ന​തു​പോ​ലെ, അല്ലെങ്കിൽ ‘ദുഃഖി​പ്പി​ക്കു​ന്ന​തു​പോ​ലെ’ ആയിരി​ക്കും. (എഫ 4:30) പരിശു​ദ്ധാ​ത്മാ​വി​ന്റെ പ്രവർത്തനം നമ്മുടെ സ്വർഗീ​യ​പി​താ​വി​ന്റെ ഇഷ്ടത്തി​നും ആ ദൈവ​ത്തി​ന്റെ വ്യക്തി​ത്വ​ത്തി​നും ചേർച്ച​യി​ലാ​യ​തി​നാൽ, അതിന്റെ പ്രവർത്ത​നത്തെ എതിർക്കു​ന്നതു ദൈ​വേ​ഷ്ട​ത്തിന്‌ എതിരെ പ്രവർത്തി​ക്കു​ന്ന​തു​പോ​ലെ​യാ​യിരി​ക്കും. ദൈവാ​ത്മാ​വി​നെ, അഥവാ ദൈവ​ത്തി​ന്റെ പരിശു​ദ്ധ​മായ ശക്തിയെ, ദുഃഖി​പ്പി​ക്കുക എന്നത്‌ ആലങ്കാ​രി​ക​മായ ഒരു പ്രയോ​ഗ​മാണ്‌. ദൈവ​ത്തെ​ത്തന്നെ ദുഃഖി​പ്പി​ക്കും എന്നതാണ്‌ അതിന്റെ അർഥം. ദുഷ്‌പ്ര​വൃ​ത്തി ചെയ്യു​ന്ന​യാൾ ‘ദൈവാ​ത്മാ​വി​ന്റെ തീ കെടു​ത്തി​ക്ക​ള​ഞ്ഞേ​ക്കാം.’ (1തെസ്സ 5:19) ഒരാൾ അത്തരം ഒരു പ്രവൃ​ത്തി​യിൽ തുടരു​ന്നെ​ങ്കിൽ, അയാൾ ഒരർഥ​ത്തിൽ ദൈവ​ത്തി​ന്റെ ‘പരിശു​ദ്ധാ​ത്മാ​വി​നെ ദുഃഖി​പ്പി​ച്ചേ​ക്കാം.’ അങ്ങനെ ദൈവം ധിക്കാ​രി​യായ ആ വ്യക്തി​യു​ടെ ശത്രു​വാ​യി​ത്തീ​രു​ക​യും ചെയ്‌തേ​ക്കാം. (യശ 63:10) ദൈവാ​ത്മാ​വി​നെ ദുഃഖി​പ്പി​ക്കുന്ന ഒരു വ്യക്തി അതിനെ നിന്ദി​ക്കുന്ന അളവോ​ളം പോ​യേ​ക്കാം. അത്തര​മൊ​രു പാപം ഈ വ്യവസ്ഥി​തി​യി​ലും വരാനുള്ള വ്യവസ്ഥി​തി​യി​ലും അയാ​ളോ​ടു ക്ഷമിക്കി​ല്ലെന്നു യേശു പറഞ്ഞു.—മത്ത 12:31, 32; മർ 3:28-30.

it-1-E 1006 ¶2

അത്യാ​ഗ്ര​ഹം

പ്രവൃ​ത്തി​ക​ളിൽ ദൃശ്യ​മാ​കു​ന്നു. ഒരു വ്യക്തി​യു​ടെ തെറ്റായ, അനുചി​ത​മായ ആഗ്രഹം അയാളു​ടെ പ്രവൃ​ത്തി​യി​ലൂ​ടെ പുറത്തു​വ​രും. തെറ്റായ മോഹങ്ങൾ ഗർഭം ധരിച്ച്‌ പാപത്തെ പ്രസവി​ക്കു​ന്നു എന്നു ബൈബി​ളെ​ഴു​ത്തു​കാ​ര​നായ യാക്കോബ്‌ നമ്മളോ​ടു പറയുന്നു. (യാക്ക 1:14, 15) അതു​കൊണ്ട്‌ അത്യാ​ഗ്ര​ഹി​യായ ഒരു വ്യക്തിയെ അയാളു​ടെ പ്രവൃ​ത്തി​ക​ളിൽനിന്ന്‌ മനസ്സി​ലാ​കും. അത്യാ​ഗ്ര​ഹി​യാ​യി​രി​ക്കുന്ന ഒരാൾ വിഗ്ര​ഹാ​രാ​ധ​ക​നു​മാ​ണെന്നു പൗലോസ്‌ പറഞ്ഞു. (എഫ 5:5) അയാൾ അതിയാ​യി ആഗ്രഹി​ക്കുന്ന കാര്യം അയാളു​ടെ ദൈവ​മാ​കു​ക​യാണ്‌. അയാൾ ജീവി​ത​ത്തിൽ സ്രഷ്ടാ​വി​നുള്ള ആരാധ​ന​യെ​ക്കാ​ളും സേവന​ത്തെ​ക്കാ​ളും പ്രാധാ​ന്യം കൊടു​ക്കു​ന്നത്‌ ഇക്കാര്യ​ത്തി​നാ​യി​രി​ക്കും.—റോമ 1:24, 25.

ജൂൺ 24-30

ദൈവ​വ​ച​ന​ത്തി​ലെ നിധികൾ | ഫിലി​പ്പി​യർ 1-4

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-2-E 528 ¶5

യാഗങ്ങൾ

പാനീ​യ​യാ​ഗങ്ങൾ. പാനീ​യ​യാ​ഗങ്ങൾ മിക്ക യാഗങ്ങ​ളു​ടെ​യും ഒപ്പം അർപ്പി​ച്ചി​രു​ന്നു, പ്രത്യേ​കിച്ച്‌ ഇസ്രാ​യേ​ല്യർ വാഗ്‌ദ​ത്ത​ദേ​ശത്ത്‌ താമസ​മാ​ക്കി​യ​തി​നു ശേഷം. (സംഖ 15:2, 5, 8-10) ഇതിൽ വീഞ്ഞ്‌ (“ലഹരി​പാ​നീ​യം”) ഉൾപ്പെ​ട്ടി​രു​ന്നു. അതു യാഗപീ​ഠ​ത്തിൽ ഒഴിച്ചി​രു​ന്നു. (സംഖ 28:7, 14; പുറ 30:9-ഉം സംഖ 15:10-ഉം താരത​മ്യം ചെയ്യുക.) പൗലോസ്‌ അപ്പോ​സ്‌തലൻ ഫിലി​പ്പി​യി​ലെ ക്രിസ്‌ത്യാ​നി​കൾക്ക്‌ എഴുതി: “നിങ്ങൾ ചെയ്യുന്ന വിശു​ദ്ധ​സേ​വ​ന​ത്തി​ന്മേ​ലും നിങ്ങൾ അർപ്പി​ക്കുന്ന ബലിയു​ടെ മേലും ഞാൻ എന്നെ ഒരു പാനീ​യ​യാ​ഗ​മാ​യി ചൊരി​യു​ക​യാണ്‌. എങ്കിൽപ്പോ​ലും എനിക്കു സന്തോ​ഷമേ ഉള്ളൂ.” ഇവിടെ പാനീ​യ​യാ​ഗം എന്നത്‌ ഒരു അലങ്കാ​ര​മാ​യി​ട്ടാ​ണു പൗലോസ്‌ ഉപയോ​ഗി​ച്ചത്‌. സഹക്രി​സ്‌ത്യാ​നി​കൾക്കു​വേണ്ടി തന്നെത്തന്നെ വിട്ടു​കൊ​ടു​ക്കാ​നുള്ള മനസ്സൊ​രു​ക്കം അതിലൂ​ടെ അദ്ദേഹം കാണി​ക്കു​ക​യാ​യി​രു​ന്നു. (ഫിലി 2:17) മരിക്കു​ന്ന​തി​നു മുമ്പായി അദ്ദേഹം തിമൊ​ഥെ​യൊ​സിന്‌ ഇങ്ങനെ എഴുതി: “എന്നെ ഇപ്പോൾത്തന്നെ ഒരു പാനീ​യ​യാ​ഗ​മാ​യി ചൊരി​യു​ക​യാണ്‌. എന്റെ മോച​ന​ത്തി​ന്റെ സമയം അടുത്തു.”—2തിമ 4:6.