ഒരു ഞായറാഴ്‌ച ഉച്ചകഴിഞ്ഞ്‌, കുറെ​സോ​വിൽ താമസി​ക്കുന്ന കെന്നറ്റും ഭാര്യ ഫീലോ​മെ​യ്‌ന​യും അവർ ബൈബിൾ പഠിപ്പി​ക്കുന്ന ഒരു ദമ്പതി​ക​ളു​ടെ വീട്ടിൽ പോയി.

കെന്നറ്റ്‌ പറയുന്നു: “ഞങ്ങൾ അവിടെ എത്തിയ​പ്പോൾ, വീട്‌ അടച്ചി​രി​ക്കു​ന്നത്‌ കണ്ടു. പുറത്ത്‌ കാർ ഉണ്ടായി​രു​ന്നില്ല. എങ്കിലും, എനി​ക്കെ​ന്തോ, അദ്ദേഹ​ത്തി​ന്റെ ഭാര്യ​യു​ടെ ഫോണി​ലേക്കു വിളി​ക്ക​ണ​മെന്നു തോന്നി.”

ആ സ്‌ത്രീ ഫോ​ണെ​ടു​ത്തു. ഭർത്താവ്‌ ജോലി​ക്കു പോയി​രി​ക്കു​ക​യാ​ണെന്നു പറയു​ക​യും ചെയ്‌തു. എന്നാൽ കെന്നറ്റും ഫീലോ​മെ​യ്‌ന​യും അവരുടെ വീടിന്റെ മുറ്റത്തു​നി​ന്നാണ്‌ സംസാ​രി​ക്കു​ന്ന​തെന്ന്‌ അറിഞ്ഞ​പ്പോൾ ആ സ്‌ത്രീ വാതിൽ തുറന്നു അവരെ അകത്തേക്കു വിളിച്ചു.

അവർ കരയു​ക​യാ​യി​രു​ന്നെന്ന്‌ കെന്നറ്റി​നും ഫീലോ​മെ​യ്‌ന​യ്‌ക്കും മനസ്സി​ലാ​യി. ബൈബിൾപ​ഠനം തുടങ്ങു​ന്ന​തി​നു​മുമ്പ്‌ കെന്നറ്റ്‌ പ്രാർഥി​ച്ച​പ്പോൾ ആ സ്‌ത്രീ വീണ്ടും കരയാൻതു​ടങ്ങി. എന്തു പറ്റി​യെന്ന്‌ അവർ ചോദി​ച്ചു.

താൻ ജീവിതം അവസാ​നി​പ്പി​ക്കാൻ ഒരുങ്ങി​യി​രി​ക്കു​ക​യാ​യി​രു​ന്നു എന്ന്‌ ആ സ്‌ത്രീ പറഞ്ഞു. ആത്മഹത്യാ​ക്കു​റിപ്പ്‌ തന്റെ ഭർത്താ​വിന്‌ എഴുതി​ക്കൊ​ണ്ടി​രി​ക്കു​മ്പോ​ഴാണ്‌ കെന്നറ്റി​ന്റെ ഫോൺ വന്നത്‌. വിഷാദം തന്നെ വല്ലാതെ അലട്ടി​യി​രു​ന്ന​താ​യി അവർ പറഞ്ഞു. ബൈബി​ളിൽനിന്ന്‌ ആശ്വാ​സ​ക​ര​മായ ചില വചനങ്ങൾ അവർ ആ സ്‌ത്രീ​ക്കു കാണി​ച്ചു​കൊ​ടു​ത്തു. അത്‌ ആ സ്‌ത്രീ​യു​ടെ ജീവൻ രക്ഷിച്ചു.

കെന്നറ്റ്‌ പറയുന്നു: “മനസ്സി​ടി​ഞ്ഞി​രുന്ന ആ സ്‌ത്രീ​യെ സഹായി​ക്കാൻ യഹോവ ഞങ്ങളെ അനുവ​ദി​ച്ച​തിൽ ഞങ്ങൾ നന്ദി പറയുന്നു. ഒരു ദൈവ​ദൂ​ത​നി​ലൂ​ടെ​യോ പരിശു​ദ്ധാ​ത്മാ​വി​ലൂ​ടെ​യോ ആയിരി​ക്കാം അങ്ങനെ​യൊ​രു ഫോൺകോൾ ചെയ്യാൻ യഹോവ ഞങ്ങളെ തോന്നി​പ്പി​ച്ചത്‌!”a

തന്റെ ചലനാ​ത്മ​ക​ശ​ക്തി​യായ പരിശു​ദ്ധാ​ത്മാ​വി​ലൂ​ടെ​യോ ഒരു ദൂതനി​ലൂ​ടെ​യോ ദൈവം ഇടപെ​ട്ട​താ​ണെന്നു കെന്നറ്റും ഫീലോമെയ്‌നയും വിശ്വസിച്ചതിൽ തെറ്റു​ണ്ടോ? അതോ കൃത്യ​സ​മ​യ​ത്തുള്ള കെന്നറ്റി​ന്റെ ഫോൺവി​ളി തികച്ചും യാദൃ​ച്ഛി​ക​മാ​യി​രു​ന്നോ?

ഉറപ്പിച്ചു പറയാൻ നമുക്കാ​വില്ല. നമുക്ക്‌ അറിയാ​വുന്ന ഒരു കാര്യം ആളുകളെ ആത്മീയ​മാ​യി സഹായി​ക്കാൻ ദൈവം ദൂതന്മാ​രെ അഥവാ മാലാ​ഖ​മാ​രെ ഉപയോ​ഗി​ക്കു​ന്നു എന്നാണ്‌. ഉദാഹ​ര​ണ​ത്തിന്‌, ദൈവി​ക​വി​ഷ​യ​ങ്ങ​ളെ​ക്കു​റിച്ച്‌ അറിയാൻ ആഗ്രഹി​ച്ചി​രുന്ന ഒരു എത്യോ​പ്യൻ ഉദ്യോ​ഗ​സ്ഥന്റെ അടു​ത്തേക്കു സുവി​ശേ​ഷ​ക​നാ​യി​രുന്ന ഫിലി​പ്പോ​സി​നെ ദൈവം വഴിന​യി​ച്ചത്‌ ഒരു ദൂതനി​ലൂ​ടെ ആയിരു​ന്നെന്ന്‌ ബൈബിൾ പറയുന്നു.—പ്രവൃ​ത്തി​കൾ 8:26-31.

മനുഷ്യ​നേ​ത്ര​ങ്ങൾക്കു കാണാൻ കഴിയാത്ത അമാനു​ഷി​ക​ശ​ക്തി​യുള്ള സൃഷ്ടി​ക​ളു​ണ്ടെന്നു പല മതങ്ങളും പഠിപ്പി​ക്കു​ന്നു. അവരെ ദൈവ​ത്തി​ന്റെ ഇഷ്ടം നടത്തുന്ന പരോ​പ​കാ​രി​ക​ളാ​യി​ട്ടും ഓരോ വ്യക്തി​കളെ സഹായി​ക്കുന്ന കാവൽ മാലാ​ഖ​മാ​രാ​യി​ട്ടും ഒക്കെയാ​ണു ചിത്രീ​ക​രി​ച്ചി​രി​ക്കു​ന്നത്‌. പലരും ഈ ദൂതന്മാർ ജീവി​ച്ചി​രി​ക്കു​ന്നു​ണ്ടെന്നു മാത്രമല്ല തങ്ങളെ പല വിധത്തിൽ സഹായി​ക്കു​ന്നു​ണ്ടെ​ന്നും വിശ്വ​സി​ക്കു​ന്നു. എന്നാൽ മറ്റനേകർ ഇവരു​ണ്ടെന്നേ വിശ്വ​സി​ക്കാ​ത്ത​വ​രാണ്‌.

വാസ്‌ത​വ​ത്തിൽ ദൂതന്മാ​രു​ണ്ടോ? ഉണ്ടെങ്കിൽ, അവർ എങ്ങനെ ഉണ്ടായി? ദൂതന്മാ​രെ​ക്കു​റി​ച്ചുള്ള സത്യം എന്താണ്‌? അവർക്കു നിങ്ങളു​ടെ ജീവി​ത​ത്തിൽ ഇടപെ​ടാൻ കഴിയു​മോ? തെളി​വു​ക​ളി​ലേക്കു നമുക്കു പോകാം.

• ദൈവ​ത്തിന്‌ ആത്മശരീ​രം ഉള്ളതു​പോ​ലെ ദൂതന്മാർക്കും മനുഷ്യ​നേ​ത്ര​ങ്ങൾക്ക്‌ അദൃശ്യ​മായ ആത്മശരീ​രം ആണ്‌ ഉള്ളത്‌. അവർക്ക്‌ “മാംസ​വും അസ്ഥിക​ളും ഇല്ല.” വിശ്വ​സ്‌ത​രായ ആ ദൂതന്മാർ സ്വർഗ​ത്തിൽ വസിക്കു​ന്നു, ദൈവ​ത്തി​ന്റെ സ്വർഗീയ സാന്നി​ധ്യ​ത്തിൽ.—ലൂക്കോസ്‌ 24:39; മത്തായി 18:10; യോഹ​ന്നാൻ 4:24.

• ചില സമയങ്ങ​ളിൽ ദൈവം കൊടുത്ത നിയമ​നങ്ങൾ നിർവ​ഹി​ക്കു​ന്ന​തി​നു​വേണ്ടി ദൂതന്മാർ മനുഷ്യ​ശ​രീ​രം എടുത്ത്‌ ഭൂമി​യിൽ വരുക​യും അതിനു ശേഷം ആ ശരീരം ഉപേക്ഷി​ക്കു​ക​യും ചെയ്‌തി​ട്ടുണ്ട്‌.—ന്യായാ​ധി​പ​ന്മാർ 6:11-23; 13:15-20.

• ബൈബി​ളിൽ ദൂതന്മാ​രെ പുരു​ഷ​ന്മാ​രാ​യി​ട്ടാ​ണു ചിത്രീ​ക​രി​ച്ചി​രി​ക്കു​ന്നത്‌. അങ്ങനെ​ത​ന്നെ​യാണ്‌ അവർ എപ്പോ​ഴും ഭൂമി​യിൽ പ്രത്യ​ക്ഷ​പ്പെ​ട്ടി​ട്ടു​ള്ള​തും. ദൂതന്മാർക്കി​ട​യിൽ പുരുഷൻ, സ്‌ത്രീ എന്ന വ്യത്യാ​സം ഉള്ളതായി ബൈബിൾ സൂചി​പ്പി​ക്കു​ന്നില്ല. ദൂതന്മാർ തമ്മിൽ വിവാഹം കഴിക്കു​ക​യോ അവർക്കു കുട്ടികൾ ജനിക്കു​ക​യോ ഇല്ല. മാത്രമല്ല, ആദ്യം ഭൂമി​യിൽ മനുഷ്യ​രാ​യി (ശിശു​ക്ക​ളോ കുട്ടി​ക​ളോ മുതിർന്ന​വ​രോ ആയി) ജീവിച്ച്‌ പിന്നെ സ്വർഗ​ത്തി​ലേക്കു പോകു​ന്ന​വ​രു​മല്ല അവർ. ദൂതന്മാ​രെ യഹോവ നേരിട്ടു സൃഷ്ടി​ച്ച​താണ്‌. അതു​കൊണ്ട്‌ ബൈബിൾ അവരെ “സത്യ​ദൈ​വ​ത്തി​ന്റെ പുത്ര​ന്മാർ” എന്നു വിളി​ച്ചി​രി​ക്കു​ന്നു.—ഇയ്യോബ്‌ 1:6; സങ്കീർത്തനം 148:2, 5.

• ബൈബിൾ ‘മനുഷ്യ​രു​ടെ​യും ദൂതന്മാ​രു​ടെ​യും ഭാഷക​ളെ​ക്കു​റിച്ച്‌’ സംസാ​രി​ക്കു​ന്നു. ഇത്‌ സൂചി​പ്പി​ക്കു​ന്നത്‌ ദൂതന്മാർക്ക്‌ ഒരു ഭാഷയു​ണ്ടെ​ന്നാണ്‌. അവർ തമ്മിൽ സംസാ​രി​ക്കു​ന്നു​ണ്ടെ​ന്നാണ്‌. മനുഷ്യ​രോ​ടു സംസാ​രി​ക്കാൻ ദൈവം ദൂതന്മാ​രെ ഉപയോ​ഗി​ച്ചു എന്നത്‌ ശരിയാണ്‌. എന്നാൽ അവരെ ആരാധി​ക്കാ​നോ അവരോ​ടു പ്രാർഥി​ക്കാ​നോ ദൈവം അനുവാ​ദം നൽകി​യി​ട്ടില്ല.—1 കൊരി​ന്ത്യർ 13:1; വെളി​പാട്‌ 22:8, 9.

• പതിനാ​യി​രം​പ​തി​നാ​യി​രം ദൂതന്മാ​രു​ണ്ടെന്ന്‌ ബൈബിൾ പറയുന്നു. അതിന്റെ അർഥം ശതകോടിക്കണക്കിന്‌a ദൂതന്മാർ കണ്ടേക്കാം എന്നാണ്‌.—ദാനി​യേൽ 7:10; വെളി​പാട്‌ 5:11.

• ദൂതന്മാർ ‘അതിശ​ക്ത​രാണ്‌.’ മനുഷ്യ​രെ​ക്കാൾ ബുദ്ധി​യി​ലും ശക്തിയി​ലും വളരെ ഉയർന്നവർ. മനുഷ്യർക്കു സങ്കൽപ്പി​ക്കാൻ കഴിയു​ന്ന​തി​നെ​ക്കാൾ വേഗത​യിൽ ദൂതന്മാർ സഞ്ചരി​ക്കു​ന്നു.—സങ്കീർത്തനം 103:20; ദാനി​യേൽ 9:20-23.

• മനുഷ്യ​രെ​ക്കാൾ ഉയർന്ന ബുദ്ധി​യും ശക്തിയും ദൂതന്മാർക്കു​ണ്ടെ​ങ്കി​ലും അവർക്ക്‌ പരിമി​തി​കൾ ഉണ്ട്‌, അവർക്ക്‌ അറിയി​ല്ലാത്ത ചില കാര്യ​ങ്ങ​ളും ഉണ്ട്‌.—മത്തായി 24:36; 1 പത്രോസ്‌ 1:12.

• വ്യക്തി​ത്വ​വും ദൈവി​ക​ഗു​ണ​ങ്ങ​ളും ഇച്ഛാസ്വാ​ത​ന്ത്ര്യ​വും സഹിത​മാണ്‌ ദൈവം ദൂതന്മാ​രെ സൃഷ്ടി​ച്ചി​രി​ക്കു​ന്നത്‌. മനുഷ്യ​രെ​പ്പോ​ലെ അവർക്കും ശരിയും തെറ്റും തിര​ഞ്ഞെ​ടു​ക്കാ​നാ​കും. സങ്കടക​ര​മെന്നു പറയട്ടെ, ചില ദൂതന്മാർ ദൈവ​ത്തിന്‌ എതിരെ മത്സരിച്ചു.—യൂദ 6. 

ഓരോ വ്യക്തി​യെ​യും സംരക്ഷി​ക്കാൻ കാവൽ മാലാഖമാരുണ്ടെന്നു ബൈബിൾ പഠിപ്പി​ക്കു​ന്നില്ല. യേശു ഒരിക്കൽ ഇങ്ങനെ പറഞ്ഞു എന്നത്‌ സത്യമാണ്‌: “ഈ ചെറി​യ​വ​രിൽ ഒരാ​ളെ​പ്പോ​ലും (ക്രിസ്‌തു​വി​ന്റെ ശിഷ്യ​ന്മാ​രെ) നിന്ദി​ക്കാ​തി​രി​ക്കാൻ സൂക്ഷി​ച്ചു​കൊ​ള്ളുക; കാരണം സ്വർഗ​ത്തിൽ അവരുടെ ദൂതന്മാർ എപ്പോ​ഴും സ്വർഗ​സ്ഥ​നായ എന്റെ പിതാ​വി​ന്റെ മുഖം കാണു​ന്ന​വ​രാ​ണെന്നു ഞാൻ നിങ്ങ​ളോ​ടു പറയുന്നു.” (മത്തായി 18:10) ഇവിടെ ഓരോ വ്യക്തി​കൾക്കും ഒരു കാവൽ മാലാഖ ഉണ്ടെന്ന ആശയ​ത്തെ​ക്കു​റി​ച്ചല്ല യേശു പറഞ്ഞത്‌. മറിച്ച്‌ തന്റെ ഓരോ ശിഷ്യ​ന്മാ​രി​ലും ദൂതന്മാർ അഗാധ​മായ താത്‌പ​ര്യം കാണി​ക്കു​ന്നെന്നു സൂചി​പ്പി​ക്കു​ക​യാ​യി​രു​ന്നു. അതു​കൊണ്ട്‌ ദൂതന്മാർ തങ്ങളെ സംരക്ഷി​ച്ചു​കൊ​ള്ളു​മെന്നു വിചാ​രിച്ച്‌ സത്യാ​രാ​ധകർ വിവേ​ക​മി​ല്ലാ​തെ അനാവ​ശ്യ​മോ അപകടം പിടി​ച്ച​തോ ആയ കാര്യങ്ങൾ ചെയ്യാ​റില്ല.

അതിന്റെ അർഥം ദൂതന്മാർ മനുഷ്യ​രെ സഹായി​ക്കു​ന്നി​ല്ലെ​ന്നാ​ണോ? അല്ല. (സങ്കീർത്തനം 91:11) ദൂതന്മാ​രി​ലൂ​ടെ സംരക്ഷ​ണ​വും വഴിന​ട​ത്തി​പ്പും ദൈവം തരുന്നു​വെന്നു ചിലർ ഉറച്ചു വിശ്വ​സി​ക്കു​ന്നു. മുഖ്യ​ലേ​ഖ​ന​ത്തിൽ പറഞ്ഞി​രി​ക്കുന്ന കെന്നറ്റും അങ്ങനെ​തന്നെ വിശ്വ​സി​ക്കു​ന്നു. അത്‌ ഒരുപക്ഷേ ശരിയാ​യി​രി​ക്കാം. യഹോ​വ​യു​ടെ സാക്ഷികൾ അവരുടെ സുവി​ശേഷ പ്രവർത്ത​ന​ത്തിൽ പങ്കെടു​ക്കു​മ്പോൾ ദൂതന്മാ​രു​ടെ ഇടപെടൽ ഉണ്ടാ​യെ​ന്നു​ള്ള​തി​ന്റെ തെളി​വു​കൾ പലപ്പോ​ഴും കണ്ടിട്ടുണ്ട്‌. എന്നാൽ ദൂതന്മാ​രെ നമുക്ക്‌ കാണാൻ കഴിയില്ല. അതു​കൊ​ണ്ടു​തന്നെ പല കാര്യ​ങ്ങ​ളി​ലും ആളുകളെ സഹായി​ക്കു​ന്ന​തി​നു​വേണ്ടി ദൈവം അവരെ എത്ര​ത്തോ​ളം ഉപയോ​ഗി​ക്കു​മെന്ന്‌ നമുക്ക്‌ പറയാ​നും കഴിയില്ല. എങ്കിലും, നമുക്ക്‌ ലഭിക്കുന്ന ഏതൊരു സഹായ​ത്തി​നും സർവശ​ക്ത​നായ ദൈവ​ത്തോ​ടു നന്ദി പറയു​ന്നത്‌ അധിക​മാ​കില്ല.—കൊ​ലോ​സ്യർ 3:15; യാക്കോബ്‌ 1:17, 18.

ഉണ്ട്‌ എന്നതാണ്‌ ഉത്തരം. ദൂതന്മാർ എവിടെ നിന്നാണ്‌ വന്നത്‌? ദൈവം അവരെ സൃഷ്ടി​ച്ച​താണ്‌. അവർക്ക്‌ ഇച്ഛാസ്വാ​ത​ന്ത്ര്യം, അതായത്‌ തിര​ഞ്ഞെ​ടു​ക്കാ​നുള്ള സ്വാത​ന്ത്ര്യം, ദൈവം നൽകി. ആദ്യമ​നു​ഷ്യ​നാ​യ ആദാമി​നെ​യും ഹവ്വയെ​യും സൃഷ്ടിച്ച്‌ അധികം വൈകാ​തെ​തന്നെ ദൈവ​ത്തി​ന്റെ ഈ പൂർണ​ത​യുള്ള ആത്മസൃ​ഷ്ടി​ക​ളിൽ ഒരാൾ ഭൂമി​യിൽ മത്സരത്തി​നു തുടക്ക​മി​ട്ടു. ദൈവം കൊടു​ത്തി​ട്ടുള്ള തിര​ഞ്ഞെ​ടു​പ്പു​സ്വാ​ത​ന്ത്ര്യം ആ ദൂതൻ മോശ​മാ​യി ഉപയോ​ഗി​ച്ചു. ആദാമി​നെ​യും ഹവ്വയെ​യും ആ മത്സരത്തിൽ ഉൾപ്പെ​ടു​ത്തു​ന്ന​തിൽ ആ ദൂതൻ വിജയി​ച്ചു. (ഉൽപത്തി 3:1-7; വെളി​പാട്‌ 12:9) ഈ ആത്മസൃ​ഷ്ടി​യു​ടെ പേരോ മത്സരത്തി​നു മുമ്പ്‌ സ്വർഗ​ത്തിൽ അയാൾക്കു​ണ്ടാ​യി​രുന്ന സ്ഥാന​ത്തെ​ക്കു​റി​ച്ചോ ബൈബിൾ പറയു​ന്നില്ല. എന്നാൽ മത്സര​ത്തെ​ത്തു​ടർന്ന്‌ ബൈബിൾ വളരെ ഉചിത​മാ​യി​ത്തന്നെ ആ ദൂതനു സാത്താൻ എന്നും പിശാച്‌ എന്നും ഉള്ള പേരുകൾ നൽകി. സാത്താൻ എന്നതി​നർഥം ‘എതിരാ​ളി’ എന്നാണ്‌. പിശാച്‌ എന്നതിന്‌ ‘പരദൂ​ഷണം പറയു​ന്നവൻ’ എന്നും.—മത്തായി 4:8-11.

ദുഃഖ​ക​ര​മാ​യ സത്യം, ദൈവ​ത്തിന്‌ എതി​രെ​യുള്ള മത്സരം അവിടെ അവസാ​നി​ച്ചില്ല എന്നതാണ്‌. നോഹ​യു​ടെ നാളിൽ ചില ദൂതന്മാർ ദൈവ​ത്തി​ന്റെ സ്വർഗീയ കുടും​ബ​ത്തി​ലെ ‘തങ്ങളുടെ വാസസ്ഥലം വിട്ട്‌ പോയി.’ ദുഷി​ച്ച​തും അധാർമി​ക​വും ആയ ജീവിതം നയിക്കാൻ അവർ മനുഷ്യ​ശ​രീ​ര​മെ​ടുത്ത്‌ ഭൂമി​യി​ലേക്കു വന്നു. ഇത്‌ അവരെ സംബന്ധി​ച്ചുള്ള ദൈവ​ത്തി​ന്റെ ഉദ്ദേശ്യ​ത്തിൽനിന്ന്‌ തികച്ചും വ്യത്യ​സ്‌ത​മാ​യി​രു​ന്നു.—യൂദ 6; ഉൽപത്തി 6:1-4; 1 പത്രോസ്‌ 3:19, 20.

അവർക്ക്‌ എന്തു സംഭവി​ച്ചു? ഭൂമിയെ ശുദ്ധീ​ക​രി​ക്കു​ന്ന​തിന്‌ ദൈവം ഒരു ആഗോ​ള​ജ​ല​പ്ര​ളയം കൊണ്ടു​വ​ന്ന​പ്പോൾ ഈ ദൂതന്മാർ തങ്ങളുടെ മനുഷ്യ​ശ​രീ​രം ഉപേക്ഷി​ച്ചു സ്വന്തം വാസസ്ഥ​ല​ത്തേക്കു പോയി. എന്നാൽ മുമ്പു​ണ്ടാ​യി​രുന്ന ‘സ്വന്തം സ്ഥാന​ത്തേക്കു’ മടങ്ങി​ചെ​ല്ലാൻ ശ്രമിച്ച ആ അനുസ​ര​ണം​കെട്ട ദൂതന്മാ​രെ ദൈവം അതിന്‌ അനുവ​ദി​ച്ചില്ല. പകരം അവരെ കടുത്ത “അന്ധകാ​ര​ത്തിൽ” ടാർട്ട​റ​സിൽ (ആത്മീയ അന്ധകാ​ര​ത്തിൽ), ദൈവ​മു​മ്പാ​കെ ഏറ്റവും അധമമായ അവസ്ഥയി​ലേക്കു താഴ്‌ത്തി. (യൂദ 6; 2 പത്രോസ്‌ 2:4) “വെളി​ച്ച​ദൂ​ത​നാ​യി ആൾമാ​റാ​ട്ടം നടത്തുന്ന” “ഭൂതങ്ങ​ളു​ടെ അധിപ​നായ” പിശാ​ചായ സാത്താന്റെ നിയ​ന്ത്ര​ണ​ത്തിൻ കീഴിൽ പ്രവർത്തി​ക്കാൻ അവർ തങ്ങളെ​ത്തന്നെ വിട്ടു​കൊ​ടു​ത്തി​രി​ക്കു​ന്നു.—മത്തായി 12:24; 2 കൊരി​ന്ത്യർ 11:14.

1914-ൽa ദൈവ​ത്തി​ന്റെ മിശി​ഹൈ​ക​രാ​ജ്യം, അതായത്‌ സ്വർഗീയ ഗവൺമെന്റ്‌, സ്ഥാപി​ത​മാ​യെന്നു ബൈബിൾ പഠിപ്പി​ക്കു​ന്നു. ആ അതി​പ്ര​ധാ​ന​മായ സംഭവ​ത്തെ​ത്തു​ടർന്നു സാത്താ​നെ​യും അവന്റെ ഭൂതങ്ങ​ളെ​യും സ്വർഗ​ത്തിൽനിന്ന്‌ പുറത്താ​ക്കി. അവരുടെ പ്രവർത്തനം ഭൂമി​യിൽ മാത്ര​മാ​യി ഒതുക്കി. ഈ ദുഷ്ടദൂ​ത​ന്മാ​രു​ടെ നശീക​ര​ണ​പ്ര​വ​ണ​ത​യു​ടെ​യും പകയു​ടെ​യും തെളി​വു​ക​ളാണ്‌ ഇന്നു ഭൂമി​യിൽ നടമാ​ടുന്ന ദുഷ്ടത​യും കടുത്ത അധാർമി​ക​ത​യും.—വെളി​പാട്‌ 12:9-12.

ഞെട്ടി​ക്കു​ന്ന അക്രമ​പ്ര​വർത്ത​ന​ങ്ങ​ളും അധാർമി​ക​ത​യു​ടെ വർധന​വും നമുക്ക്‌ ഉറപ്പേ​കുന്ന ഒരു കാര്യ​മുണ്ട്‌. ഭീകര​വാ​ഴ്‌ച​യു​ടെ അവസാനം! പെട്ടെ​ന്നു​തന്നെ, നിഷ്‌ഠു​ര​ന്മാ​രായ ഈ ആത്മസൃ​ഷ്ടി​ക​ളു​ടെ പ്രവർത്ത​നങ്ങൾ ദൈവം അവസാ​നി​പ്പി​ക്കും. ദൈവ​ത്തി​ന്റെ രാജ്യം പറുദീ​സാ​ഭൂ​മി​യെ 1000 വർഷം ഭരിക്കും. അതിനു​ശേഷം, മനുഷ്യ​കു​ടും​ബത്തെ പരീക്ഷി​ക്കാൻ ദുഷ്ടന്മാ​രായ ആത്മസൃ​ഷ്ടി​കൾക്ക്‌ അവസാ​ന​മാ​യി ഒരു അവസരം കൂടി കൊടു​ക്കും. പിന്നെ അവരെ എന്നന്നേ​ക്കു​മാ​യി നശിപ്പി​ച്ചു​ക​ള​യും.—മത്തായി 25:41; വെളി​പാട്‌ 20:1-3, 7-10.

ദൈവ​ത്തി​ന്റെ ഇഷ്ടം നടപ്പി​ലാ​ക്കാൻ ചില സമയങ്ങ​ളിൽ സത്യാ​രാ​ധ​കർക്ക്‌ ഒരു പരിധി​വ​രെ​യുള്ള സംരക്ഷണം ദൂതന്മാർ നൽകി​യി​ട്ടു​ണ്ടെന്നു ബൈബിൾ കാണി​ച്ചു​ത​രു​ന്നു. (സങ്കീർത്തനം 34:7) ഉദാഹ​ര​ണ​ത്തിന്‌:

• ദുഷ്ടത നിറഞ്ഞ നഗരങ്ങ​ളാ​യി​രുന്ന സൊ​ദോ​മും ഗൊ​മോ​റ​യും നശിപ്പി​ക്കാൻ യഹോവ തീരു​മാ​നി​ച്ച​പ്പോൾ നീതി​മാ​നായ ലോത്തി​നെ​യും കുടും​ബ​ത്തെ​യും അവി​ടെ​നിന്ന്‌ ഓടി​പ്പോ​രാൻ ദൂതന്മാർ സഹായി​ച്ചു.—ഉൽപത്തി 19:1, 15-26.

• പുരാതന ബാബി​ലോ​ണിൽ, കത്തിജ്വ​ലി​ക്കുന്ന തീച്ചൂ​ള​യി​ലേക്ക്‌ മൂന്നു എബ്രായ യുവാ​ക്കളെ എറിയാൻ കല്‌പി​ച്ച​പ്പോൾ ‘സ്വന്തം ദൂതനെ അയച്ച്‌ ദൈവം തന്റെ ദാസന്മാ​രെ രക്ഷിച്ചു.’—ദാനി​യേൽ 3:19-28.

• വിശന്നു​വലഞ്ഞ സിംഹ​ങ്ങ​ളു​ടെ ഗുഹയിൽ ഒരു രാത്രി കഴി​യേ​ണ്ടി​വന്ന നീതി​മാ​നായ ദാനി​യേൽ പറയു​ന്നത്‌, താൻ അവി​ടെ​നി​ന്നു രക്ഷപ്പെ​ട്ടത്‌ ‘ദൈവം തന്റെ ദൂതനെ അയച്ച്‌ സിംഹ​ങ്ങ​ളു​ടെ വായ്‌ അടച്ചു​ക​ള​ഞ്ഞ​തു​കൊ​ണ്ടാ​ണെ​ന്നാണ്‌.’—ദാനി​യേൽ 6:16, 22.

ആദ്യകാ​ലത്തെ ക്രിസ്‌തീ​യ​സ​ഭയെ ദൂതന്മാർ സഹായി​ച്ചു

യഹോ​വ​യു​ടെ ഉദ്ദേശ്യം നിറ​വേ​റ്റേണ്ട ചില സാഹച​ര്യ​ങ്ങ​ളിൽ ദൈവ​ത്തി​ന്റെ ദൂതന്മാ​രായ സന്ദേശ​വാ​ഹകർ ആദിമ ക്രിസ്‌തീ​യ​സ​ഭ​യു​ടെ പ്രവർത്ത​ന​ങ്ങ​ളിൽ ഇടപെ​ട്ടി​രു​ന്നു. ഉദാഹ​ര​ണ​ത്തിന്‌:

• ജയിലി​ലാ​യി​രുന്ന അപ്പോ​സ്‌ത​ല​ന്മാ​രെ ഒരിക്കൽ ഒരു ദൂതൻ വാതിൽ തുറന്നു​കൊ​ടു​ത്തു​കൊ​ണ്ടു രക്ഷിച്ചു. എന്നിട്ട്‌, ദേവാ​ല​യ​ത്തിൽ ചെന്നു പ്രസം​ഗ​പ്ര​വർത്തനം തുടരാൻ പറഞ്ഞു.—പ്രവൃ​ത്തി​കൾ 5:17-21.

• യരുശ​ലേ​മിൽനിന്ന്‌ ഗസ്സയി​ലേ​ക്കുള്ള വഴിയി​ലേക്കു പോകാൻ സുവി​ശേ​ഷ​ക​നായ ഫിലി​പ്പോ​സി​നോട്‌ ഒരു ദൈവ​ദൂ​തൻ പറഞ്ഞു. മരുഭൂ​മി​യി​ലൂ​ടെ​യുള്ള ആ വഴിയിൽ സഞ്ചരി​ക്കുന്ന എത്യോ​പ്യ​ക്കാ​ര​നായ ഒരു ഉദ്യോ​ഗ​സ്ഥ​നോ​ടു പ്രസം​ഗി​ക്കാ​നാ​യി​രു​ന്നു ഫിലി​പ്പോ​സി​നോട്‌ പറഞ്ഞത്‌. ആ ഉദ്യോ​ഗസ്ഥൻ യരുശ​ലേ​മിൽ ദൈവത്തെ ആരാധി​ക്കാൻ പോയ​താ​യി​രു​ന്നു.—പ്രവൃ​ത്തി​കൾ 8:26-33.

• ജൂതന്മാർ അല്ലാത്തവർ ക്രിസ്‌ത്യാ​നി​ക​ളാ​കാ​നുള്ള ദൈവ​ത്തി​ന്റെ സമയം വന്നപ്പോൾ ഒരു ദൈവദൂതൻ ദർശന​ത്തിൽ പ്രത്യ​ക്ഷ​പ്പെട്ട്‌ റോമൻ സൈനിക ഉദ്യോ​ഗ​സ്ഥ​നായ കൊർന്നേ​ല്യൊ​സി​നോട്‌ അപ്പോ​സ്‌ത​ല​നായ പത്രോ​സി​നെ വീട്ടി​ലേക്കു ക്ഷണിക്കാൻ നിർദേശം കൊടു​ത്തു.—പ്രവൃ​ത്തി​കൾ 10:3-5.

• അപ്പോ​സ്‌ത​ല​നായ പത്രോസ്‌ തടവി​ലാ​യ​പ്പോൾ ഒരു ദൈവ​ദൂ​തൻ പ്രത്യ​ക്ഷ​പ്പെട്ട്‌ അദ്ദേഹത്തെ ജയിലിൽനിന്ന്‌ പുറത്തു​കൊ​ണ്ടു​വന്നു.—പ്രവൃ​ത്തി​കൾ 12:1-11.

ദൂതന്മാർക്ക്‌ നിങ്ങളെ എങ്ങനെ സഹായി​ക്കാ​നാ​കും?

ബൈബി​ളിൽ വിശദീ​ക​രി​ച്ചി​രി​ക്കു​ന്ന​തു​പോ​ലെ ഇന്നു ദൈവം ദൂതന്മാ​രെ ഉപയോ​ഗിച്ച്‌ ആളുകളെ അത്ഭുത​ക​ര​മാ​യി സഹായി​ക്കു​ന്നു എന്നതിനു തെളി​വു​ക​ളൊ​ന്നു​മില്ല. എന്നാൽ നമ്മുടെ കാല​ത്തെ​ക്കു​റിച്ച്‌ യേശു ഇങ്ങനെ പറഞ്ഞി​ട്ടുണ്ട്‌: “ദൈവ​രാ​ജ്യ​ത്തി​ന്റെ ഈ സന്തോ​ഷ​വാർത്ത എല്ലാ ജനതക​ളും അറിയാ​നാ​യി ഭൂലോ​ക​ത്തെ​ങ്ങും പ്രസം​ഗി​ക്ക​പ്പെ​ടും. അപ്പോൾ അവസാനം വരും.” (മത്തായി 24:14) ക്രിസ്‌തു​വി​ന്റെ ശിഷ്യ​ന്മാർ ഈ വേല ദൂതന്മാ​രു​ടെ മേൽനോ​ട്ട​ത്തിൻ കീഴി​ലാ​ണു നടത്തു​ന്നത്‌ എന്ന കാര്യം നിങ്ങൾക്ക്‌ അറിയാ​മോ?

ദൈവ​മാ​യ യഹോ​വ​യെ​ക്കു​റി​ച്ചും മനുഷ്യ​രെ സംബന്ധി​ച്ചുള്ള ദൈവ​ത്തി​ന്റെ ഉദ്ദേശ്യ​ത്തെ​ക്കു​റി​ച്ചും മനസ്സി​ലാ​ക്കാൻ ലോക​മെ​ങ്ങു​മുള്ള ആളുകളെ സഹായി​ക്കു​ന്ന​തി​നു​വേണ്ടി ദൈവ​ദൂ​ത​ന്മാർ കഠിന​മാ​യി പരി​ശ്ര​മി​ക്കു​ന്നെന്ന്‌ വെളി​പാട്‌ പുസ്‌തകം കാണിച്ചു തരുന്നു. അപ്പോ​സ്‌ത​ല​നായ യോഹ​ന്നാൻ ഇങ്ങനെ എഴുതി: ‘മറ്റൊരു ദൂതൻ ആകാശത്ത്‌ പറക്കു​ന്നതു ഞാൻ കണ്ടു. ഭൂമി​യിൽ താമസി​ക്കുന്ന എല്ലാ ജനതക​ളെ​യും ഗോ​ത്ര​ങ്ങ​ളെ​യും ഭാഷക്കാ​രെ​യും വംശങ്ങ​ളെ​യും അറിയി​ക്കാൻ ആ ദൂതന്റെ പക്കൽ എന്നും നിലനിൽക്കുന്ന ഒരു സന്തോ​ഷ​വാർത്ത​യു​ണ്ടാ​യി​രു​ന്നു. ആ ദൂതൻ ഇങ്ങനെ ഉറക്കെ പറഞ്ഞു​കൊ​ണ്ടി​രു​ന്നു: “ദൈവത്തെ ഭയപ്പെ​ടുക; ദൈവ​ത്തി​നു മഹത്ത്വം കൊടു​ക്കുക. ആകാശ​വും ഭൂമി​യും സമു​ദ്ര​വും ഉറവക​ളും ഉണ്ടാക്കിയ ദൈവത്തെ ആരാധി​ക്കുക. കാരണം ദൈവം ന്യായം വിധി​ക്കാ​നുള്ള സമയം വന്നിരി​ക്കു​ന്നു!”’ (വെളി​പാട്‌ 14:6, 7) പല ആധുനി​ക​കാല അനുഭ​വങ്ങൾ സൂചി​പ്പി​ക്കു​ന്നത്‌ ലോക​മെ​ങ്ങും നടക്കുന്ന ദൈവ​രാ​ജ്യ സുവി​ശേ​ഷ​പ്ര​വർത്ത​നത്തെ ദൈവ​ദൂ​ത​ന്മാർ പിന്തു​ണ​യ്‌ക്കു​ന്നു എന്നാണ്‌. പാപി​യായ ഒരു വ്യക്തി മാനസാ​ന്ത​ര​പ്പെട്ട്‌ യഹോ​വ​യി​ലേക്കു തിരി​ഞ്ഞാൽ ‘ദൈവ​ദൂ​ത​ന്മാർ സന്തോ​ഷി​ക്കും.’—ലൂക്കോസ്‌ 15:10.

സുവി​ശേ​ഷ​പ്ര​വർത്തനം പൂർത്തി​യാ​യാൽ പിന്നീട്‌ എന്ത്‌ സംഭവി​ക്കും? “സ്വർഗ​ത്തി​ലെ” ദൈവ​ദൂ​ത​ന്മാ​രു​ടെ “സൈന്യം” രാജാ​ക്ക​ന്മാ​രു​ടെ രാജാ​വായ യേശു​ക്രി​സ്‌തു​വി​നെ ‘സർവശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധമായ’ അർമ​ഗെ​ദോ​നിൽ പിന്തു​ണ​യ്‌ക്കും. (വെളി​പാട്‌ 16:14-16; 19:14-16) “നമ്മുടെ കർത്താ​വായ യേശു​വി​നെ​ക്കു​റി​ച്ചുള്ള സന്തോ​ഷ​വാർത്ത അനുസ​രി​ക്കാ​ത്ത​വ​രോ​ടു (യേശു) . . . പ്രതി​കാ​രം” ചെയ്യു​മ്പോൾ ദൈവ​ത്തി​ന്റെ വധനിർവാ​ഹ​ക​രാ​യി അവർ പ്രവർത്തി​ക്കും.—2 തെസ്സ​ലോ​നി​ക്യർ 1:7, 8.

ഒരു കാര്യം നിങ്ങൾക്ക്‌ ഉറപ്പി​ക്കാം. ദൂതന്മാർ നിങ്ങളു​ടെ വ്യക്തി​പ​ര​മായ കാര്യ​ത്തിൽ താത്‌പ​ര്യം ഉള്ളവരാണ്‌. ദൈവത്തെ സേവി​ക്കാൻ ആത്മാർഥ​മാ​യി ആഗ്രഹി​ക്കു​ന്ന​വ​രു​ടെ ക്ഷേമത്തിൽ അവർക്ക്‌ വലിയ ചിന്തയുണ്ട്‌. ഭൂമി​യിൽ ജീവി​ക്കുന്ന വിശ്വ​സ്‌ത​രായ ദൈവ​ദാ​സരെ ബലപ്പെ​ടു​ത്തു​ന്ന​തി​നും സംരക്ഷി​ക്കു​ന്ന​തി​നും ആയി ദൂതന്മാ​രെ ദൈവ​മായ യഹോവ പലപ്പോ​ഴും ഉപയോ​ഗി​ക്കു​ന്നു.—എബ്രായർ 1:14.

നമ്മൾ ഓരോ​രു​ത്ത​രും വളരെ പ്രധാ​ന​പ്പെട്ട ഒരു തിര​ഞ്ഞെ​ടുപ്പ്‌ നടത്തേ​ണ്ട​തുണ്ട്‌. ലോക​മെ​ങ്ങും പ്രസം​ഗി​ക്ക​പ്പെ​ടുന്ന ദൈവ​രാ​ജ്യ​സു​വി​ശേഷം നമ്മൾ ശ്രദ്ധി​ക്കു​ക​യും അത്‌ അനുസ​രിച്ച്‌ ജീവി​ക്കു​ക​യും ചെയ്യു​മോ? ദൈവ​ത്തി​ന്റെ ശക്തരായ ദൂതന്മാ​രിൽനി​ന്നുള്ള സ്‌നേ​ഹ​പു​ര​സ്സ​ര​മായ സഹായം സ്വീക​രി​ക്കാൻ നിങ്ങളെ സഹായി​ക്കു​ന്ന​തിൽ യഹോ​വ​യു​ടെ സാക്ഷി​കൾക്കു സന്തോ​ഷ​മേ​യു​ള്ളൂ.