ആദാമും ഹവ്വയും ഏദെൻ തോട്ട​ത്തിൽനിന്ന്‌ പുറത്താ​യ​തി​നു ശേഷം അവർക്കു കുറെ മക്കളു​ണ്ടാ​യി. അവരുടെ മൂത്ത മകനായ കയീൻ ഒരു കൃഷി​ക്കാ​ര​നാ​യി. രണ്ടാമത്തെ മകൻ ഹാബേൽ ഒരു ആട്ടിട​യ​നും.

ഒരു ദിവസം കയീനും ഹാബേ​ലും യഹോ​വയ്‌ക്കു യാഗങ്ങൾ അർപ്പിച്ചു. യാഗം എന്നു പറഞ്ഞാൽ എന്താ​ണെന്നു നിങ്ങൾക്ക്‌ അറിയാ​മോ? ദൈവ​ത്തിന്‌ അർപ്പി​ക്കുന്ന കാഴ്‌ച അഥവാ സമ്മാനം ആണ്‌ അത്‌. ഹാബേ​ലി​ന്റെ യാഗം യഹോ​വയ്‌ക്ക്‌ ഇഷ്ടമായി. പക്ഷേ കയീന്റെ യാഗം ദൈവ​ത്തിന്‌ ഇഷ്ടപ്പെ​ട്ടില്ല. ഇതു കണ്ടപ്പോൾ കയീനു ഭയങ്കര​ദേ​ഷ്യം വന്നു. ഇങ്ങനെ കോപം വെച്ചു​കൊ​ണ്ടി​രു​ന്നാൽ അവസാനം തെറ്റു ചെയ്യു​മെന്ന്‌ യഹോവ കയീനു മുന്നറി​യി​പ്പു കൊടു​ത്തു. പക്ഷേ കയീൻ അതു കേൾക്കാൻ കൂട്ടാ​ക്കി​യില്ല.

കയീൻ എന്തു ചെയ്‌തെ​ന്നോ? ‘എന്റെകൂ​ടെ വയലി​ലേക്കു വാ’ എന്നു ഹാബേ​ലി​നോ​ടു പറഞ്ഞു. എന്നിട്ട്‌ അവർ വയലിൽ തനിച്ചാ​യി​രി​ക്കു​മ്പോൾ കയീൻ അനിയനെ ആക്രമിച്ച്‌ കൊല​പ്പെ​ടു​ത്തി. യഹോവ ഇപ്പോൾ എന്തു ചെയ്യും? യഹോവ കയീനെ വീട്ടു​കാ​രിൽനി​ന്നെ​ല്ലാം അകലെ, ഒരുപാ​ടു ദൂരേക്ക്‌ പറഞ്ഞു​വി​ട്ടു​കൊണ്ട്‌ ശിക്ഷിച്ചു. പിന്നീട്‌ ഒരിക്ക​ലും തിരി​ച്ചു​വ​രാൻ ദൈവം കയീനെ അനുവ​ദി​ക്കി​ല്ലാ​യി​രു​ന്നു.

ഇതിൽനിന്ന്‌ നമുക്ക്‌ എന്തെങ്കി​ലും പഠിക്കാ​നാ​കു​മോ? നമ്മൾ വിചാ​രി​ക്കു​ന്ന​തു​പോ​ലെ കാര്യങ്ങൾ നടക്കാതെ വരു​മ്പോൾ നമുക്കു ദേഷ്യം വന്നേക്കാം. നമ്മുടെ ഉള്ളിൽ ദേഷ്യം കൂടി​ക്കൂ​ടി വരുന്ന​താ​യി തോന്നു​ന്നെ​ങ്കിൽ എന്തു ചെയ്യണം? അല്ലെങ്കിൽ നമ്മുടെ ദേഷ്യ​ത്തെ​ക്കു​റിച്ച്‌ മറ്റുള്ളവർ നമ്മളോ​ടു പറയു​ന്നെ​ങ്കിൽ എന്തു ചെയ്യണം? വേഗം​തന്നെ ദേഷ്യം കളഞ്ഞ്‌ ആവശ്യ​മായ മാറ്റങ്ങൾ വരുത്തുക. അല്ലെങ്കിൽ ദേഷ്യം കൂടി​യിട്ട്‌ നമ്മൾ തെറ്റായ കാര്യങ്ങൾ ചെയ്‌തു​പോ​യേ​ക്കാം.

ഹാബേൽ യഹോ​വയെ സ്‌നേ​ഹി​ച്ചു; ശരിയായ കാര്യങ്ങൾ ചെയ്‌തു. അതു​കൊണ്ട്‌ യഹോവ ഹാബേ​ലി​നെ എന്നും ഓർക്കും. ഭൂമി ഒരു പറുദീ​സ​യാ​ക്കു​മ്പോൾ ദൈവം ഹാബേ​ലി​നെ തിരികെ ജീവനി​ലേക്കു കൊണ്ടു​വ​രും.

കുറെ കഴിഞ്ഞ​പ്പോൾ ഭൂമി​യിൽ ആളുക​ളു​ടെ എണ്ണം കൂടി. അവരിൽ മിക്കവ​രും ചീത്ത ആളുക​ളാ​യി​രു​ന്നു. സ്വർഗ​ത്തി​ലുള്ള ചില ദൂതന്മാ​രു​ടെ സ്വഭാ​വം​പോ​ലും മോശ​മാ​യി. അവർ സ്വർഗ​ത്തി​ലെ ജീവിതം ഉപേക്ഷിച്ച്‌ ഭൂമി​യി​ലേക്കു വന്നു. എന്തു​കൊ​ണ്ടാണ്‌ അവർ അങ്ങനെ ചെയ്‌ത​തെന്ന്‌ അറിയാ​മോ? മനുഷ്യ​രു​ടേ​തു​പോ​ലുള്ള ശരീര​ത്തോ​ടെ വന്ന്‌ സ്‌ത്രീ​കളെ കല്യാണം കഴിക്കാൻവേണ്ടി.

മനുഷ്യസ്‌ത്രീ​കളെ കല്യാണം കഴിച്ച ഈ ദൈവ​ദൂ​ത​ന്മാർക്ക്‌ മക്കളു​ണ്ടാ​യി. അവർ അതിശ​ക്ത​രാ​യി വളർന്ന്‌ തെമ്മാ​ടി​ക​ളാ​യി. അവർ ആളുകളെ ഉപദ്ര​വി​ച്ചു. പക്ഷേ ഇത്‌ എന്നും ഇങ്ങനെ തുടരാൻ യഹോവ സമ്മതി​ക്കു​മാ​യി​രു​ന്നില്ല. അതു​കൊണ്ട്‌ ഒരു ജലപ്ര​ളയം അഥവാ ഒരു വലിയ വെള്ള​പ്പൊ​ക്കം വരുത്തി ഈ ചീത്ത ആളുകളെ മുഴുവൻ നശിപ്പി​ക്കാൻ ദൈവം തീരു​മാ​നി​ച്ചു.

എന്നാൽ നോഹ എന്നൊരു മനുഷ്യ​നു​ണ്ടാ​യി​രു​ന്നു. നോഹ മറ്റ്‌ ആളുക​ളെ​പ്പോ​ലെ ആയിരു​ന്നില്ല. നോഹ യഹോ​വയെ സ്‌നേ​ഹി​ച്ചി​രു​ന്നു. നോഹ​യ്‌ക്കു ഭാര്യ​യും മൂന്ന്‌ ആൺമക്ക​ളു​മു​ണ്ടാ​യി​രു​ന്നു—ശേം, ഹാം, യാഫെത്ത്‌. അവരും കല്യാണം കഴിച്ചി​രു​ന്നു. നോഹ​യ്‌ക്കും കുടും​ബ​ത്തി​നും പ്രളയ​ത്തിൽനിന്ന്‌ രക്ഷപ്പെ​ടാൻവേണ്ടി ഒരു വലിയ പെട്ടകം ഉണ്ടാക്കാൻ യഹോവ നോഹ​യോ​ടു പറഞ്ഞു. പെട്ടകം എന്നത്‌ തടി​കൊ​ണ്ടുള്ള, വളരെ​വ​ളരെ വലുപ്പ​മുള്ള ഒരു പെട്ടി​യാണ്‌. അതു വെള്ളത്തിൽ പൊങ്ങി​ക്കി​ട​ക്കും. പ്രളയ​ത്തിൽ നശിച്ചു​പോ​കാ​തി​രി​ക്കാൻ കുറെ മൃഗങ്ങ​ളെ​യും പെട്ടക​ത്തിൽ കയറ്റണ​മെന്ന്‌ യഹോവ ആവശ്യ​പ്പെട്ടു.

പെട്ടെ​ന്നു​ത​ന്നെ നോഹ പെട്ടക​ത്തി​ന്റെ പണി തുടങ്ങി. പെട്ടകം പണിതു തീർക്കാൻ നോഹ​യ്‌ക്കും കുടും​ബ​ത്തി​നും ഏതാണ്ട്‌ 50 വർഷം വേണ്ടി​വന്നു. യഹോവ പറഞ്ഞ രീതി​യിൽത്തന്നെ അവർ ആ പെട്ടകം ഉണ്ടാക്കി. പ്രളയം വരുമെന്ന കാര്യം ആ സമയ​ത്തെ​ല്ലാം നോഹ ആളുക​ളോ​ടു പറയു​ന്നു​ണ്ടാ​യി​രു​ന്നു. പക്ഷേ ആരും നോഹ പറഞ്ഞതു ശ്രദ്ധി​ച്ചില്ല.

അവസാനം പെട്ടക​ത്തിൽ കയറാ​നുള്ള സമയമാ​യി. അടുത്ത​താ​യി എന്തു സംഭവി​ച്ചു? നമുക്കു നോക്കാം.