ഉത്സാഹം

റോമർ 12:11

ചുരുക്കം: ഉത്സാഹ​ത്തോ​ടെ സംസാ​രി​ക്കു​ന്നതു കേൾവിക്കാരെ പ്രോത്സാഹിപ്പിക്കുകയും പ്രചോ​ദി​പ്പി​ക്കു​ക​യും ചെയ്യും.

എങ്ങനെ ചെയ്യാം:

• വിവരങ്ങൾ നിങ്ങളു​ടെ ഹൃദയ​ത്തി​ലു​ണ്ടാ​യി​രി​ക്കണം. അവതരണം നടത്താ​നാ​യി തയ്യാറാ​കു​മ്പോൾ, നിങ്ങൾ പറയാൻപോ​കുന്ന വിവരങ്ങൾ എത്ര പ്രധാ​ന​മാ​ണെന്നു ചിന്തി​ക്കുക. കാര്യങ്ങൾ നന്നായി പഠിക്കു​ന്നെ​ങ്കിൽ നിങ്ങൾക്ക്‌ ഉള്ളിന്റെ ഉള്ളിൽനിന്ന്‌ സംസാ​രി​ക്കാ​നാ​കും.

• നിങ്ങളു​ടെ കേൾവി​ക്കാ​രെ​ക്കു​റിച്ച്‌ ചിന്തി​ക്കുക. നിങ്ങൾ വായി​ക്കു​ക​യോ പഠിപ്പിക്കുകയോ ചെയ്യുന്ന കാര്യങ്ങൾ കേൾവി​ക്കാർക്ക്‌ എങ്ങനെ പ്രയോ​ജനം ചെയ്യു​മെന്നു ചിന്തി​ക്കുക. അവർക്ക്‌ അക്കാര്യ​ങ്ങ​ളോ​ടുള്ള വിലമ​തി​പ്പു കൂട്ടുന്ന രീതി​യിൽ അത്‌ എങ്ങനെ അവതരി​പ്പി​ക്കാ​മെന്നു നോക്കുക.

• ചുറു​ചു​റു​ക്കോ​ടെ കാര്യങ്ങൾ അവതരി​പ്പി​ക്കുക. തണുപ്പൻ മട്ടിൽ സംസാ​രി​ക്കാ​തെ ഉത്സാഹ​ത്തോ​ടെ കാര്യങ്ങൾ പറയുക. സ്വാഭാ​വി​ക​മായ ആംഗ്യ​ങ്ങ​ളി​ലൂ​ടെ​യും ആത്മാർഥ​മായ മുഖഭാ​വ​ങ്ങ​ളി​ലൂ​ടെ​യും നിങ്ങളു​ടെ വികാ​രങ്ങൾ പ്രകടി​പ്പി​ക്കുക.