വൃദ്ധരെ പരിപാ​ലി​ക്കൽ—വെല്ലു​വി​ളി​ക​ളും പ്രതി​ഫ​ല​ങ്ങ​ളും

ഒരു ക്രിസ്‌തീയ ശുശ്രൂ​ഷ​ക​നായ ഷീനെ​റ​റ്‌സ്‌ തന്റെ നിയമനം അത്യധി​കം ആസ്വദി​ക്കു​ക​യാ​യി​രു​ന്നു. മൂന്നു പേരട​ങ്ങുന്ന അദ്ദേഹ​ത്തി​ന്റെ കുടും​ബ​ത്തിൽ തന്റെ ഭാര്യാ​മാ​താ​വും ഉണ്ടായി​രു​ന്നു. ആളുകളെ ബൈബിൾ പഠിപ്പി​ച്ചു​കൊണ്ട്‌ അവർ യഹോ​വ​യു​ടെ സാക്ഷി​ക​ളു​ടെ ഒരു ചെറിയ സഭയോ​ടൊ​ത്തു സന്തോ​ഷ​ക​ര​മാ​യി പ്രവർത്തി​ക്കു​ക​യാ​യി​രു​ന്നു. എന്നാൽ ഒരു ദിവസം, തന്റെ ഭാര്യ​യോ​ടൊ​ത്തു സഞ്ചരി​ച്ചു​കൊ​ണ്ടു മററു സഭകൾ സന്ദർശി​ക്കാ​മോ എന്ന്‌ അദ്ദേഹ​ത്തോ​ടു ചോദി​ച്ചു. അത്‌ ആഴ്‌ച​തോ​റും താമസം മാറേ​ണ്ടത്‌ ആവശ്യ​മാ​ക്കി​ത്തീർക്കു​മാ​യി​രു​ന്നു. ഈ ഭാവി​പ്ര​തീക്ഷ സംബന്ധിച്ച്‌ അദ്ദേഹം സന്തോ​ഷ​ഭ​രി​ത​നാ​യി​രു​ന്നു, എന്നാൽ അമ്മയെ ആരു നോക്കും?

അനേകം കുടും​ബങ്ങൾ കാല​ക്ര​മ​ത്തിൽ സമാന​മായ ഒരു വെല്ലു​വി​ളി​യെ അഭിമു​ഖീ​ക​രി​ക്കും—പ്രായം ചെല്ലുന്ന മാതാ​പി​താ​ക്കളെ ഏററവും മെച്ചമാ​യി എങ്ങനെ പരിപാ​ലി​ക്കാം? മാതാ​പി​താ​ക്കൾ നല്ല ആരോ​ഗ്യ​മു​ള്ള​വ​രും ജോലി ചെയ്യു​ന്ന​വ​രു​മാ​യി​രി​ക്കു​മ്പോൾ ഇക്കാര്യം അധികം ചിന്തി​ക്കാ​റില്ല. എന്നാൽ സൂചി​ക്കു​ഴ​യി​ലൂ​ടെ നൂലു കോർക്കു​മ്പോൾ കൈകൾ വിറക്കു​ന്ന​തോ കാണാ​തെ​പോയ ഒരു സാധനം അവസാ​ന​മാ​യി എവി​ടെ​യാ​ണു വെച്ചത്‌ എന്നു ഓർക്കാൻ പാടു​പെ​ടു​മ്പോ​ഴത്തെ ഓർമ്മ​ക്കു​റ​വോ പോലുള്ള ചെറിയ കാര്യങ്ങൾ അവർക്കു പ്രായം കൂടി​വ​രു​ക​യാ​ണെന്നു വെളി​പ്പെ​ടു​ത്തി​യേ​ക്കാം. എന്നിരു​ന്നാ​ലും, മിക്ക​പ്പോ​ഴും പെട്ടെ​ന്നുള്ള ഒരപക​ട​മോ ഒരസു​ഖ​മോ ആണ്‌ അവരുടെ ആവശ്യങ്ങൾ സംബന്ധിച്ച്‌ ഒരുവനെ ബോദ്ധ്യ​പ്പെ​ടു​ത്തു​ന്നത്‌. എന്തെങ്കി​ലും ചെയ്‌തേ പററൂ.

ചില രാജ്യ​ങ്ങ​ളിൽ, താരത​മ്യേന നല്ല ആരോ​ഗ്യം ആസ്വദി​ക്കുന്ന മാതാ​പി​താ​ക്കൾ തങ്ങളുടെ സുവർണ്ണ വർഷങ്ങൾ മക്കളോ​ടൊ​പ്പം ജീവി​ക്കു​ന്ന​തി​നെ​ക്കാൾ തങ്ങളുടെ ഇണയോ​ടൊ​പ്പം ഒററക്കു ജീവി​ക്കാ​നാ​ണു കൂടുതൽ ഇഷ്ടപ്പെ​ടു​ന്നത്‌. പൗരസ്‌ത്യ​ദേ​ശ​ങ്ങ​ളും ആഫ്രി​ക്കാൻ രാജ്യ​ങ്ങ​ളും പോലുള്ള മററ​നേകം രാജ്യ​ങ്ങ​ളിൽ, പ്രായം​ചെ​ന്നവർ തങ്ങളുടെ മക്കളോ​ടൊ​പ്പം, പ്രത്യേ​കി​ച്ചും മൂത്ത മകനോ​ടൊ​പ്പം താമസി​ക്കു​ക​യാ​ണു സാധാരണ രീതി. മാതാ​പി​താ​ക്ക​ളിൽ ഒരാൾ കിടപ്പി​ലാ​ണെ​ങ്കിൽ ഇതു വിശേ​ഷാൽ സത്യമാണ്‌. ഉദാഹ​ര​ണ​ത്തിന്‌, ജപ്പാനിൽ 65-ഉം അതിൽ കൂടു​ത​ലും വയസ്സു​ള്ള​വ​രും ഒരു പരിധി​വരെ ശയ്യാവ​ലം​ബി​ക​ളു​മാ​യ​വ​രിൽ ഏതാണ്ടു 2,40,000 പേർ തങ്ങളുടെ കുടും​ബ​ങ്ങ​ളാൽ ഭവനത്തിൽ സംരക്ഷി​ക്ക​പ്പെ​ടു​ന്നു.

ധാർമ്മി​ക​വും തിരു​വെ​ഴു​ത്തു​പ​ര​വു​മായ കടപ്പാ​ടു​കൾ

അനേക​രും “സ്വസ്‌നേ​ഹി​ക​ളും” “വാത്സല്യ​മി​ല്ലാ​ത്ത​വ​രും” ആയിരി​ക്കുന്ന ഒരു തലമു​റ​യി​ലാ​ണു നാം ജീവി​ക്കു​ന്ന​തെ​ങ്കി​ലും നമുക്കു തീർച്ച​യാ​യും പ്രായ​മാ​യ​വ​രോ​ടു ധാർമ്മി​ക​വും തിരു​വെ​ഴു​ത്തു​പ​ര​വു​മായ കടപ്പാ​ടു​ക​ളുണ്ട്‌. (2 തിമൊ​ഥെ​യൊസ്‌ 3:1-5) പേശി​ത​ളർച്ച​യും വിറയ​ലും (Parkinson’s disease) ബാധിച്ച തന്റെ പ്രായ​മായ അമ്മയെ സംരക്ഷി​ക്കുന്ന റെറാ​മി​ക്കൊ അവരെ​ക്കു​റിച്ച്‌ “അമ്മ എന്നെ 20 വർഷം സംരക്ഷി​ച്ചു. ഇപ്പോൾ ഞാൻ അതുതന്നെ തിരിച്ചു ചെയ്യാ​നാ​ഗ്ര​ഹി​ക്കു​ന്നു” എന്നു പറഞ്ഞ​പ്പോൾ തനിക്ക​നു​ഭ​വ​പ്പെട്ട ധാർമ്മിക ഉത്തരവാ​ദി​ത്വം വെളി​പ്പെ​ടു​ത്തി. ജ്ഞാനി​യായ ശലോ​മോൻ രാജാവ്‌ ഇങ്ങനെ ഉപദേ​ശി​ച്ചു: “നിന്നെ ജനിപ്പിച്ച അപ്പന്റെ വാക്കു കേൾക്ക; നിന്റെ അമ്മ വൃദ്ധയാ​യി​രി​ക്കു​മ്പോൾ അവളെ നിന്ദി​ക്ക​രു​തു.”—സദൃശ​വാ​ക്യ​ങ്ങൾ 23:22.

അവിശ്വാ​സി​ക​ളായ മാതാ​പി​താ​ക്ക​ളി​ലൊ​രാ​ളു​ടെ പക്ഷത്തെ മതപര​മായ മുൻവി​ധി​യോ ശത്രു​ത​യോ ആ തിരു​വെ​ഴു​ത്തു​പ​ര​മായ മാർഗ്ഗ​നിർദ്ദേ​ശത്തെ റദ്ദാക്കു​ന്നില്ല. ക്രിസ്‌തീയ അപ്പോ​സ്‌ത​ല​നായ പൗലോസ്‌ ഇങ്ങനെ എഴുതാൻ പ്രേരി​ത​നാ​യി: “തനിക്കു​ള്ള​വർക്കും പ്രത്യേ​കം സ്വന്തകു​ടും​ബ​ക്കാർക്കും വേണ്ടി കരുതാ​ത്തവൻ വിശ്വാ​സം തള്ളിക്ക​ളഞ്ഞു അവിശ്വാ​സി​യെ​ക്കാൾ അധമനാ​യി​രി​ക്കു​ന്നു.” (1 തിമൊ​ഥെ​യൊസ്‌ 5:8) മരണത്തി​നു മുമ്പത്തെ തന്റെ അവസാന പ്രവൃ​ത്തി​ക​ളിൽ ഒന്നായി യേശു തന്റെ അമ്മയുടെ സംരക്ഷ​ണ​ത്തി​നു ക്രമീ​ക​രണം ചെയ്‌ത​പ്പോൾ അവിടു​ന്നു നമുക്കു​വേണ്ടി മാതൃക വെച്ചു.—യോഹ​ന്നാൻ 19:26, 27.

അഭിമു​ഖീ​ക​രി​ക്കുന്ന പ്രയാ​സ​ങ്ങളെ കൈകാ​ര്യം ചെയ്യൽ

അനേകം വർഷങ്ങൾ വേർപെട്ടു ജീവി​ച്ച​തി​നു​ശേഷം കുടും​ബങ്ങൾ കൂടി​ച്ചേ​രു​മ്പോൾ അനേകം മാററങ്ങൾ വരു​ത്തേ​ണ്ട​യാ​വ​ശ്യ​മുണ്ട്‌. ഈ മാററങ്ങൾ വലിയ അളവി​ലുള്ള സ്‌നേ​ഹ​വും ക്ഷമയും പരസ്‌പ​ര​ധാ​ര​ണ​യും ആവശ്യ​മാ​ക്കി​ത്തീർക്കു​ന്നു. മൂത്ത മകനോ മറെറാ​രു മകനോ മകളോ തന്റെ കുടും​ബത്തെ മാതാ​പി​താ​ക്ക​ളു​ടെ ഭവനത്തി​ലേക്കു മാററു​ക​യാ​ണെ​ങ്കിൽ തികച്ചും പുതിയ സാഹച​ര്യ​ങ്ങൾ സംജാ​ത​മാ​കു​ന്നു. ഒരു പുതിയ ജോലി​യും കുട്ടി​കൾക്കു പുതിയ സ്‌കൂ​ളു​ക​ളും ഇടപഴ​കു​ന്ന​തി​നു പുതിയ അയൽവ​ക്ക​വും ഉണ്ടായി​രി​ക്കാം. മിക്ക​പ്പോ​ഴും അതു ഭാര്യക്കു വർദ്ധിച്ച ചുമത​ല​കളെ അർത്ഥമാ​ക്കി​യേ​ക്കും.

പൊരു​ത്ത​പ്പെ​ടു​ന്നതു മാതാ​പി​താ​ക്കൾക്കും അത്രതന്നെ പ്രയാ​സ​മാ​യി​രി​ക്കും. അവർ ഒരളവി​ലുള്ള സ്വകാ​ര്യ​ത​യും ശാന്തത​യും സ്വാത​ന്ത്ര്യ​വും ശീലി​ച്ചി​രി​ക്കാം; ഇപ്പോൾ അവർക്കു ചോര​ത്തി​ള​പ്പുള്ള പേരക്കി​ടാ​ങ്ങ​ളു​ടെ​യും അവരുടെ സുഹൃ​ത്തു​ക്ക​ളു​ടെ​യും ബഹളമു​ണ്ടാ​യി​രി​ക്കും. അവർ സ്വന്തം തീരു​മാ​നങ്ങൾ എടുത്തു​പോ​ന്നി​രി​ക്കാം, ഇപ്പോൾ ആരെങ്കി​ലും ഉപദേ​ശി​ക്കാൻ ശ്രമി​ക്കു​മ്പോൾ അവർക്കു നീരസം തോന്നി​യേ​ക്കാം. തങ്ങളുടെ പുത്രൻമാ​രു​ടെ കുടും​ബങ്ങൾ തങ്ങളോ​ടൊ​ത്തു താമസി​ക്കാൻ വരുന്ന ദിവസം മുന്നിൽക​ണ്ടു​കൊണ്ട്‌ അനേകം മാതാ​പി​താ​ക്കൾ, എല്ലാവർക്കും ഒരളവി​ലുള്ള സ്വാത​ന്ത്ര്യം ലഭ്യമാ​ക്കി​ക്കൊ​ണ്ടു തൊട്ട​ടു​ത്തു വേർപെ​ട്ടുള്ള വീടു​ക​ളോ തങ്ങളുടെ ഭവന​ത്തോട്‌ ഇടനാ​നാ​ഴി​കൾകൊ​ണ്ടു ബന്ധിച്ച കൂട്ടി​ച്ചേർപ്പു​ക​ളോ പണിതി​ട്ടുണ്ട്‌.

ഭവനം ചെറു​താ​യി​രി​ക്കു​ന്നി​ടത്ത്‌, പുതു​താ​യി എത്തുന്ന​വർക്കു​വേണ്ടി സ്ഥലം ഉണ്ടാക്കു​ന്ന​തി​നു വർദ്ധിച്ച ക്രമീ​ക​ര​ണങ്ങൾ ആവശ്യ​മാ​യി​വ​ന്നേ​ക്കാം. തന്റെ 80 വയസ്സുള്ള അമ്മായി​യ​മ്മക്കു സ്ഥലം ഉണ്ടാക്കി​ക്കൊ​ടു​ക്കു​ന്ന​തി​നു കൂടുതൽ ഗൃഹോ​പ​ക​ര​ണ​ങ്ങ​ളും മററു സാമ​ഗ്രി​ക​ളും തന്റെ നാലു പെൺമ​ക്ക​ളു​ടെ മുറി​ക​ളി​ലേക്കു വന്നു​കൊ​ണ്ടി​രു​ന്ന​പ്പോൾ അവർ എത്ര അസ്വസ്ഥ​രാ​യി എന്നോർത്ത്‌ ഒരമ്മ പൊട്ടി​ച്ചി​രി​ച്ചു​പോ​യി. എന്നിരു​ന്നാ​ലും, ക്രമീ​ക​ര​ണങ്ങൾ സംബന്ധിച്ച ആവശ്യം എല്ലാവ​രും തിരി​ച്ച​റി​യു​ക​യും സ്‌നേഹം “സ്വാർത്ഥം അന്വേ​ഷി​ക്കു​ന്നില്ല” എന്ന ബൈബിൾ ബുദ്ധ്യു​പ​ദേശം ഓർക്കു​ക​യും ചെയ്യു​മ്പോൾ ഈ പ്രശ്‌ന​ങ്ങ​ളിൽ മിക്കതും മിക്ക​പ്പോ​ഴും പരിഹ​രി​ക്ക​പ്പെ​ടു​ന്നു.—1 കൊരി​ന്ത്യർ 13:5.

ഒരു സ്വാത​ന്ത്ര്യ​ന​ഷ്ടം

തന്റെ ഭർത്താ​വി​നു തന്റെ മതവി​ശ്വാ​സം ഇല്ലാതി​രി​ക്ക​യും കുടും​ബത്തെ അദ്ദേഹ​ത്തി​ന്റെ മാതാ​പി​താ​ക്ക​ളു​ടെ ഭവനത്തി​ലേക്കു മാററാൻ തീരു​മാ​നി​ക്കു​ക​യു​മാ​ണെ​ങ്കിൽ ഒരു ക്രിസ്‌തീയ സ്‌ത്രീ​ക്കു ഗൗരവ​മുള്ള ഒരു പ്രശ്‌നം വികാസം പ്രാപി​ച്ചേ​ക്കാം. കുടും​ബ​പ​രി​പാ​ല​ന​ത്തി​ന്റെ അടിയ​ന്തി​രാ​വ​ശ്യ​ങ്ങൾ, തന്റെ മററു ചുമത​ല​ക​ളോ​ടൊ​പ്പം ക്രിസ്‌തീയ ഉത്തരവാ​ദി​ത്വ​ങ്ങൾ നിർവ​ഹി​ക്കു​ന്നത്‌ ഏതാണ്ട്‌ അസാദ്ധ്യ​മാ​ക്കു​ന്ന​താ​യി തോന്നി​ച്ചേ​ക്കാം. സെററ്‌സു​കോ ഇങ്ങനെ പറഞ്ഞു: “ഒരളവിൽ വാർദ്ധ​ക്യ​ത്താ​ലുള്ള ബുദ്ധി​മാ​ന്ദ്യ​മുള്ള അമ്മയെ ഒററക്കു വീട്ടി​ലാ​ക്കു​ന്നത്‌ അപകട​മാ​ണെന്ന്‌ എന്റെ ഭർത്താ​വി​നു തോന്നി, അതു​കൊ​ണ്ടു ഞാൻ എല്ലായ്‌പോ​ഴും വീട്ടി​ലു​ണ്ടാ​യി​രി​ക്ക​ണ​മെന്ന്‌ അദ്ദേഹം ആഗ്രഹി​ച്ചു. ഞാൻ ഒരു മീററിം​ഗി​നു പോകാൻ ശ്രമി​ച്ചാൽ അദ്ദേഹം അസ്വസ്ഥ​നാ​കു​ക​യും പരാതി​പ്പെ​ടു​ക​യും ചെയ്യും. എന്റെ ജാപ്പനീസ്‌ പശ്ചാത്തലം കാരണം അവരെ ഒററക്കു വീട്ടി​ലാ​ക്കു​ന്നതു തെററാ​ണെന്ന്‌ ആദ്യ​മൊ​ക്കെ എനിക്കും തോന്നി. എന്നാൽ പിന്നീട്‌, കാല​ക്ര​മ​ത്തിൽ, പ്രശ്‌നങ്ങൾ പരിഹ​രി​ക്കാ​മെന്നു ഞാൻ മനസ്സി​ലാ​ക്കി.”

ഹീസാ​ക്കോ​യ്‌ക്കും സമാന​മായ പ്രശ്‌ന​മു​ണ്ടാ​യി​രു​ന്നു. “എന്റെ ഭർത്താ​വി​ന്റെ കുടും​ബ​ത്തി​ലേക്കു ഞങ്ങൾ മാറി​യ​പ്പോൾ, ബന്ധുക്കൾ എന്തു വിചാ​രി​ക്കു​മെന്നു കരുതി ഞാൻ എന്റെ മതം മാറണ​മെ​ന്നും എന്റെ മതപര​മായ പ്രവർത്ത​നങ്ങൾ നിർത്ത​ണ​മെ​ന്നും എന്റെ ഭർത്താവ്‌ ആവശ്യ​പ്പെട്ടു. കാര്യങ്ങൾ കൂടുതൽ വഷളാ​ക്കു​ന്ന​തിന്‌ അടുത്തുള്ള ബന്ധുക്കൾ ഞായറാ​ഴ്‌ച​ക​ളിൽ ഞങ്ങളെ സന്ദർശി​ക്കാൻ വരിക​യും മീററിം​ഗി​നു പോകു​ന്നത്‌ എനിക്കു പ്രയാ​സ​മാ​ക്കു​ക​യും ചെയ്‌തു. മാത്ര​വു​മല്ല, കുട്ടികൾ മീററിം​ഗി​നു പോകു​ന്ന​തി​നെ​ക്കാൾ തങ്ങളുടെ ബന്ധുമി​ത്ര​ങ്ങ​ളോ​ടൊ​പ്പം കളിക്കാൻ ആഗ്രഹി​ച്ചു. ഞങ്ങളുടെ ആത്മീയത ബാധി​ക്ക​പ്പെ​ട്ടു​കൊ​ണ്ടി​രി​ക്ക​യാ​ണെന്ന്‌ എനിക്കു മനസ്സി​ലാ​ക്കാൻ കഴിഞ്ഞു. ഞാൻ ഒരു ഉറച്ച നിലപാട്‌ എടുത്തു​കൊണ്ട്‌, വസ്‌ത്രങ്ങൾ മാററു​ന്ന​തു​പോ​ലെ എനിക്ക്‌ എന്റെ മതം മാററാൻ കഴിയി​ല്ലെ​ന്നും അതെനി​ക്കു പ്രധാ​ന​പ്പെ​ട്ട​താ​ണെ​ന്നും എന്റെ ഭർത്താ​വി​നോ​ടു വിശദീ​ക​രി​ക്കേ​ണ്ടി​വന്നു. കാല​ക്ര​മ​ത്തിൽ, കുടും​ബം മാററങ്ങൾ വരുത്തി.”

ചിലർ, വാരത്തിൽ ഒന്നോ രണ്ടോ ദിവസം വന്നു സഹായി​ക്കു​ന്ന​തിന്‌ ഒരു വേലക്കാ​രി​യെ ഏർപ്പാ​ടു​ചെ​യ്‌തു​കൊണ്ട്‌, കൂടുതൽ ഒഴിവു​സ​മയം ലഭിക്കു​ന്ന​തി​നുള്ള തടസ്സം പരിഹ​രി​ച്ചി​ട്ടുണ്ട്‌. മററു ചിലർ തങ്ങളുടെ കുട്ടി​ക​ളു​ടെ​യോ അടുത്ത ബന്ധുക്ക​ളു​ടെ​യോ സഭയിലെ സുഹൃ​ത്തു​ക്ക​ളു​ടെ​യോ പോലും സഹായം തേടി​ക്കൊ​ണ്ടു വ്യക്തി​പ​ര​മായ ദൗത്യ​ങ്ങ​ളും ക്രിസ്‌തീയ പ്രവർത്ത​ന​ങ്ങ​ളും നിർവ്വ​ഹി​ക്കു​ന്ന​തിന്‌ ഒരളവി​ലുള്ള സ്വാത​ന്ത്ര്യം കണ്ടെത്തി​യി​ട്ടുണ്ട്‌. ഭർത്താ​ക്കൻമാർ വീട്ടി​ലു​ള്ള​പ്പോൾ രാത്രി​ക​ളി​ലും വാരാ​ന്ത​ങ്ങ​ളി​ലും അവർക്കു​പോ​ലും സഹായി​ക്കാൻ സാധി​ച്ചി​ട്ടുണ്ട്‌.—സഭാ​പ്ര​സം​ഗി 4:9.

അവരെ പ്രവർത്ത​ന​നി​ര​ത​രാ​യി നിർത്തുക

പ്രായ​മാ​യ​വരെ പ്രവർത്ത​ന​നി​ര​ത​രാ​യി നിർത്തു​ക​യെ​ന്ന​താണ്‌ അഭിമു​ഖീ​ക​രി​ക്കേണ്ട മറെറാ​രു വെല്ലു​വി​ളി. പ്രായ​മുള്ള ചിലർ പാചക​ത്തി​ലും മററു ഗൃഹ​ജോ​ലി​ക​ളി​ലും പങ്കെടു​ക്കു​ന്ന​തി​നു സന്തോ​ഷ​മു​ള്ള​വ​രാണ്‌. കുട്ടി​കളെ നോക്കാൻ പറഞ്ഞാൽ തങ്ങൾ വേണ്ട​പ്പെ​ട്ട​വ​രാ​ണെന്ന്‌ അവർക്കു തോന്നു​ക​യും ചെറിയ പച്ചക്കറി​ത്തോ​ട്ടം നോക്കു​ക​യോ പൂക്കൾ വളർത്തു​ക​യോ ഏതെങ്കി​ലും വിനോ​ദ​ത്തൊ​ഴി​ലിൽ പങ്കെടു​ക്കു​ക​യോ ചെയ്യു​ന്ന​തിൽ അവർ സംതൃ​പ്‌ത​രാ​വു​ക​യും ചെയ്യുന്നു.

എന്നിരു​ന്നാ​ലും, മററു ചിലർ പകൽ അധിക​സ​മ​യ​വും ഉറങ്ങാ​നും മററു​ള്ളവർ തങ്ങളെ ശുശ്രൂ​ഷി​ക്കാ​നും ഇഷ്ടപ്പെ​ടു​ന്നു. എന്നാൽ അവരെ കഴിയു​ന്നി​ട​ത്തോ​ളം പ്രവർത്ത​ന​നി​ര​ത​രാ​യി നിർത്തു​ന്നത്‌ അവരുടെ ക്ഷേമത്തി​നും ദീർഘാ​യു​സ്സി​നും മാനസിക ജാഗ്ര​ത​ക്കും പ്രധാ​ന​മാ​ണെന്നു തോന്നു​ന്നു. തന്റെ അമ്മ ഒരു വീൽചെ​യ​റി​ലാ​ണെ​ങ്കി​ലും മീററിം​ഗു​കൾക്കു കൊണ്ടു​പോ​കു​ന്നതു മാത്ര​മാ​യി​രു​ന്നു അമ്മക്ക്‌ ആകെ വേണ്ടി​യി​രുന്ന പ്രോ​ത്സാ​ഹനം എന്നു ഹിഡെ​ക്കൊ മനസ്സി​ലാ​ക്കി. അവരെ എല്ലാവ​രും ഊഷ്‌മ​ള​മാ​യി സ്വീക​രി​ക്കു​ക​യും സംഭാ​ഷ​ണ​ങ്ങ​ളിൽ ഉൾപ്പെ​ടു​ത്തു​ക​യും ചെയ്‌തു. അവർക്കു കൊടുത്ത ശ്രദ്ധ കാല​ക്ര​മ​ത്തിൽ ഒരു പ്രായ​മുള്ള സ്‌ത്രീ​യു​മാ​യി ബൈബിൾ പഠിക്കു​ന്ന​തി​നു സമ്മതി​ക്കു​ന്ന​തി​ലേക്ക്‌ അവരെ നയിച്ചു. കേന്ദ്ര​നാ​ഡീ​വ്യൂ​ഹ രോഗ​മുള്ള (Alzheimer’s disease) തങ്ങളുടെ അമ്മയെ ഒരു ദമ്പതികൾ തങ്ങളുടെ മീററിം​ഗു​കൾക്കു കൂട്ടി​ക്കൊ​ണ്ടു​പോ​കു​ന്നു. അവർ നിരീ​ക്ഷി​ച്ചി​ട്ടു പറഞ്ഞത്‌ ഇങ്ങനെ​യാണ്‌: “അമ്മക്കു യാതൊ​ന്നും ചെയ്യാൻ പൊതു​വെ ഇഷ്ടമില്ല, എന്നാൽ മീററിം​ഗു​ക​ളിൽ അമ്മ സന്തുഷ്ട​യാണ്‌. അമ്മയെ ഊഷ്‌മ​ള​മാ​യി സ്വാഗതം ചെയ്യുന്നു, അതു​കൊ​ണ്ടു മനസ്സോ​ടെ അമ്മ വരുന്നു. അത്‌ അമ്മക്കു വളരെ പ്രയോ​ജ​ന​ക​ര​മാ​ണെന്നു ഞങ്ങൾ കരുതു​ന്നു.”

ഈ ലേഖന​ത്തി​ന്റെ ആരംഭ​ത്തി​ങ്കൽ സൂചി​പ്പിച്ച ഷീനെ​റ​റ്‌സ്‌ താൻ സഞ്ചാര​ശു​ശ്രൂ​ഷ​ക​നാ​യി സേവിച്ച പ്രദേ​ശ​ത്തി​ന്റെ മദ്ധ്യത്തി​ലാ​യി തന്റെ ഭാര്യാ​മാ​താ​വി​നു​വേണ്ടി ഒരു വീടു കണ്ടുപി​ടി​ച്ചു​കൊ​ണ്ടു തന്റെ പ്രശ്‌നം പരിഹ​രി​ച്ചു. ഓരോ വാരത്തി​ലും വ്യത്യസ്‌ത സഭകൾ സന്ദർശി​ക്കു​ന്ന​തി​നി​ട​യിൽ അദ്ദേഹ​വും ഭാര്യ​യും അവരോ​ടൊ​പ്പം താമസി​ക്കു​മാ​യി​രു​ന്നു. അദ്ദേഹ​ത്തി​ന്റെ ഭാര്യ ക്യോ​കൊ പറഞ്ഞു: “ഞങ്ങളുടെ വേലയു​ടെ ഒരു പ്രധാന ഭാഗമാ​ണു താനെ​ന്നും താൻ വേണ്ട​പ്പെ​ട്ട​വ​ളാ​ണെ​ന്നും അമ്മ വിചാ​രി​ക്കു​ന്നു. എന്റെ ഭർത്താവു ഏതെങ്കി​ലും പ്രത്യേക ഭക്ഷണം പാചകം ചെയ്യാൻ ആവശ്യ​പ്പെ​ടു​മ്പോൾ അമ്മ സന്തോ​ഷ​ഭ​രി​ത​യാ​കു​ന്നു.”

വാർദ്ധ​ക്യ​ത്താ​ലുള്ള ബുദ്ധി​മാ​ന്ദ്യ​ത്തെ കൈകാ​ര്യം ചെയ്യൽ

മാതാ​പി​താ​ക്കൾക്കു പ്രായ​മേ​റു​മ്പോൾ വിവിധ അളവു​ക​ളിൽ വാർദ്ധ​ക്യ​ത്തി​ന്റേ​തായ ബുദ്ധി​മാ​ന്ദ്യം വികാസം പ്രാപി​ച്ചേ​ക്കാം, അതിനാൽ അവർക്കു കൂടുതൽ കൂടുതൽ ശ്രദ്ധയാ​വ​ശ്യ​മാണ്‌. അവർ ദിവസ​ങ്ങ​ളും സമയങ്ങ​ളും കാലങ്ങ​ളും വാഗ്‌ദാ​ന​ങ്ങ​ളും മറക്കുന്നു. അവർ തങ്ങളുടെ മുടി വെട്ടാ​നും തുണി കഴുകാ​നും മറക്കുന്നു. സ്വന്തമാ​യി എങ്ങനെ വസ്‌ത്രം ധരിക്ക​ണ​മെ​ന്നും കുളി​ക്ക​ണ​മെ​ന്നും​പോ​ലും അവർ മറന്നേ​ക്കാം. ചിലർ സ്ഥിരത​യി​ല്ലാ​ത്ത​വ​രാ​യി​ത്തീ​രു​ന്നു, അതേസ​മയം മററു ചിലർക്കു രാത്രി​യിൽ ഉറങ്ങാൻ പ്രയാ​സ​മുണ്ട്‌. ചിലർക്ക്‌ എടു​ത്തെ​ടു​ത്തു പറയു​ന്ന​തി​നുള്ള ഒരു പ്രവണ​ത​യു​ണ്ടാ​യി​രു​ന്നേ​ക്കാം, എന്നാൽ അതു ശ്രദ്ധയിൽപെ​ടു​ത്തി​യാൽ അവർ മുഷി​ഞ്ഞേ​ക്കാം. അവരുടെ മനസ്സ്‌ അവരെ കബളി​പ്പി​ക്കു​ന്നു. അവർക്ക്‌ എന്തോ കളവു​പോ​യി​ട്ടു​ണ്ടെ​ന്നും കള്ളൻമാർ വീട്ടിൽ കടക്കാൻ ശ്രമി​ക്കു​ന്നു​ണ്ടെ​ന്നും അവർ തറപ്പിച്ചു പറഞ്ഞേ​ക്കാം. നാലു പെൺമ​ക്ക​ളുള്ള ഒരു കുടും​ബ​ത്തി​നു യാതൊ​രു കാരണ​വു​മി​ല്ലാ​തെ ലൈം​ഗിക ദുഷ്‌പ്ര​വൃ​ത്തി സംബന്ധിച്ച ആരോ​പ​ണങ്ങൾ സഹി​ക്കേ​ണ്ടി​വന്നു. “അത്‌ അഹിത​ക​ര​മാ​യി​രു​ന്നു. എന്നാൽ ആരോ​പ​ണങ്ങൾ സഹിക്കു​ന്ന​തി​നും വിഷയം മാററാൻ ശ്രമി​ക്കു​ന്ന​തി​നും ഞങ്ങളങ്ങു പഠിച്ചു. വല്യമ്മ​യോട്‌ എതിർക്കു​ന്നതു വെറു​തെ​യാ​യി​രു​ന്നു.”—സദൃശ​വാ​ക്യ​ങ്ങൾ 17:27.

നിവർത്തി​ക്കേണ്ട വൈകാ​രിക ആവശ്യങ്ങൾ

പ്രായം വൃദ്ധർക്കു പീഡാ​നു​ഭ​വങ്ങൾ കൈവ​രു​ത്തു​ന്നു. അവർ വേദനാ​ജ​ന​ക​മായ അസുഖ​ങ്ങ​ളും നടക്കു​ന്ന​തി​നുള്ള സ്വാധീ​ന​ക്കു​റ​വും മനോ​വേ​ദ​ന​യും സഹി​ക്കേ​ണ്ട​തുണ്ട്‌. തങ്ങളുടെ ജീവി​ത​ത്തി​നു യാതൊ​രു ലക്ഷ്യമോ ഉദ്ദേശ്യ​മോ ഇല്ലെന്നു ചിലർ വിചാ​രി​ക്കു​ന്നു. തങ്ങൾ ഒരു ഭാരമാ​ണെന്ന്‌ അവർക്കു തോന്നു​ക​യും മരിക്കാ​നുള്ള ആഗ്രഹം പ്രകട​മാ​ക്കു​ക​യും ചെയ്‌തേ​ക്കാം. തങ്ങളെ സ്‌നേ​ഹി​ക്കു​ന്നു​ണ്ടെ​ന്നും ബഹുമാ​നി​ക്കു​ന്നു​ണ്ടെ​ന്നും ഉൾപ്പെ​ടു​ത്തു​ന്നു​ണ്ടെ​ന്നും അവർക്കു തോന്നേണ്ട ആവശ്യ​മുണ്ട്‌. (ലേവ്യ​പു​സ്‌തകം 19:32) ഹിസാ​ക്കൊ ഇങ്ങനെ പറഞ്ഞു: “അമ്മയു​ള്ള​പ്പോൾ, സാധി​ക്കു​മ്പോൾ അമ്മയുടെ കാര്യം പറഞ്ഞു​കൊ​ണ്ടു ഞങ്ങൾ അമ്മയെ​യും സംഭാ​ഷ​ണ​ത്തിൽ ഉൾപ്പെ​ടു​ത്താൻ എല്ലായ്‌പോ​ഴും ശ്രമി​ക്കു​ന്നു.” മറെറാ​രു കുടും​ബം ബൈബിൾവാ​ക്യ​ത്തി​ന്റെ ദൈനം​ദിന ചർച്ച നടത്താൻ ആവശ്യ​പ്പെ​ട്ടു​കൊ​ണ്ടു തങ്ങളുടെ വല്യപ്പന്റെ ആത്മാഭി​മാ​നത്തെ താങ്ങി​നിർത്താൻ ശ്രമിച്ചു.

ഒരുവൻ പ്രായ​മാ​യ​വ​രെ​ക്കു​റിച്ച്‌ ഉചിത​മായ ഒരു വീക്ഷണം പുലർത്താൻ എല്ലായ്‌പോ​ഴും ശ്രമി​ക്കണം. തങ്ങളെ ക്ഷതപ്പെ​ടു​ത്തു​മാ​റു തങ്ങളോ​ടു നിർദ്ദാ​ക്ഷി​ണ്യം സംസാ​രി​ക്കു​ന്ന​താ​യോ ആദരവി​ല്ലാ​തെ പെരു​മാ​റു​ന്ന​താ​യോ ശയ്യാവ​ലം​ബി​ക​ളായ രോഗി​കൾക്കു തോന്നു​മ്പോൾ അവർ നീരസ​പ്പെ​ടു​ന്നു. അശക്തയായ തന്റെ അമ്മായി​യ​മ്മ​യോ​ടൊ​പ്പം ജീവിച്ച കിമി​ക്കൊ ഇങ്ങനെ പറഞ്ഞു: “അമ്മക്കു ജാഗ്ര​ത​യു​ണ്ടാ​യി​രു​ന്നു, ഞാൻ ഹൃദയ​പൂർവ്വ​മ​ല്ലാ​തെ പെരു​മാ​റു​ക​യോ ഉന്നതഭാ​വം കാട്ടു​ക​യോ ചെയ്‌ത​പ്പോൾ അമ്മക്ക്‌ അതു മനസ്സി​ലാ​യി.” ഹിഡെ​ക്കോ​യ്‌ക്കും തന്റെ മനോ​ഭാ​വ​ത്തിൽ അഭിവൃ​ദ്ധി പ്രാപി​ക്കേ​ണ്ടി​യി​രു​ന്നു. “എന്റെ അമ്മായി​യ​മ്മയെ പരിര​ക്ഷി​ക്കേ​ണ്ടി​വ​ന്ന​പ്പോൾ ഞാൻ ആദ്യം നിരാ​ശി​ത​യാ​യി. ഞാൻ ഒരു പയനി​യ​റാ​യി​രു​ന്നു [യഹോ​വ​യു​ടെ സാക്ഷി​ക​ളു​ടെ ഒരു മുഴു​സമയ ശുശ്രൂ​ഷക], എനിക്കു ശുശ്രൂഷ നഷ്ടമായി. പിന്നീട്‌ എനിക്കു മനസ്സി​ലാ​യി, എന്റെ ചിന്തക്കു മാററം വരുത്ത​ണ​മെന്ന്‌. വീടു​തോ​റു​മുള്ള ശുശ്രൂഷ പ്രധാ​ന​മാ​യി​രു​ന്നെ​ങ്കി​ലും ഇതും ദൈവ​ത്തി​ന്റെ കല്‌പ​നകൾ അനുസ​രി​ക്കു​ന്ന​തി​ന്റെ ഒരു പ്രധാന ഭാഗമാ​യി​രു​ന്നു. (1 തിമൊ​ഥെ​യൊസ്‌ 5:8) എനിക്കു സന്തോ​ഷ​മു​ണ്ടാ​ക​ണ​മെ​ങ്കിൽ ഞാൻ കൂടുതൽ സ്‌നേ​ഹ​വും സമാനു​ഭാ​വ​വും വികസി​പ്പി​ക്കേ​ണ്ടി​യി​രി​ക്കു​ന്നു എന്നു ഞാൻ തിരി​ച്ച​റി​ഞ്ഞു. ഉത്തരവാ​ദി​ത്വ​ത്തി​ന്റെ പേരിൽ കാര്യങ്ങൾ വെറും യാന്ത്രി​ക​മാ​യി ചെയ്‌ത​പ്പോൾ എന്റെ മനസ്സാക്ഷി എന്നെ അലട്ടു​മാ​യി​രു​ന്നു. എനി​ക്കൊ​ര​പ​കടം സംഭവി​ക്കു​ക​യും വേദന അനുഭ​വ​പ്പെ​ടു​ക​യും ചെയ്‌ത​പ്പോൾ ഞാൻ എന്റെ അമ്മായി​യ​മ്മ​യെ​ക്കു​റി​ച്ചും അവർ അനുഭ​വിച്ച വേദന​യെ​ക്കു​റി​ച്ചും ഓർത്തു. അതിനു​ശേഷം കൂടുതൽ ഊഷ്‌മ​ള​ത​യും സമാനു​ഭാ​വ​വും കാട്ടാൻ എനിക്ക്‌ എളുപ്പ​മാ​യി​രു​ന്നു.”

പരിച​രി​ക്കു​ന്ന​വർക്കും പരിച​രണം ആവശ്യം

പ്രായ​മാ​യ​വരെ പരിച​രി​ക്കു​ന്ന​തി​നുള്ള ഭാരം പ്രത്യേ​കി​ച്ചും വന്നുകൂ​ടുന്ന വ്യക്തി​യോ​ടു വിലമ​തി​പ്പു പ്രകട​മാ​ക്കേണ്ട ആവശ്യം ഒട്ടും അവഗണി​ക്കാ​വു​ന്നതല്ല. (സദൃശ​വാ​ക്യ​ങ്ങൾ 31:28 താരത​മ്യം ചെയ്യുക.) വിലമ​തി​പ്പി​ന്റെ വാക്കുകൾ കേട്ടോ കേൾക്കാ​തെ​യോ ആണു മിക്ക സ്‌ത്രീ​ക​ളും തങ്ങളുടെ ഉത്തരവാ​ദി​ത്വ​ങ്ങൾ നിർവ്വ​ഹി​ക്കു​ന്ന​തിൽ തുടരു​ന്നത്‌. എന്നിരു​ന്നാ​ലും അവരുടെ വേലയിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌ എന്നു പരിഗ​ണി​ക്കു​മ്പോൾ തീർച്ച​യാ​യും ഇത്തരം വാക്കുകൾ ഉചിത​മാണ്‌. അവർക്കു മിക്കവാ​റും കൂടു​ത​ലായ വൃത്തി​യാ​ക്ക​ലും കഴുക​ലും പാചകം ചെയ്യലു​മൊ​ക്കെ ഉണ്ടായി​രി​ക്കും. ആശുപ​ത്രി​യി​ലേ​ക്കോ ഡോക്ടറെ കാണു​ന്ന​തി​നോ ഉള്ള യാത്ര​യും പ്രായ​മായ ഒരു രോഗി​യെ തീററു​ക​യും കഴുകു​ക​യും ചെയ്യു​ന്ന​തും സംബന്ധി​ച്ചു പരിചി​ന്തി​ക്കുക. വളരെ​ക്കാ​ലം തന്റെ അമ്മായി​യ​മ്മയെ പരിര​ക്ഷിച്ച ഒരു സ്‌ത്രീ ഇങ്ങനെ പറഞ്ഞു: “എന്റെ ഭർത്താ​വിന്‌ അതു വാക്കു​ക​ളി​ലാ​ക്കാൻ പ്രയാ​സ​മാ​ണെന്ന്‌ എനിക്ക​റി​യാം, എന്നാൽ ഞാൻ ചെയ്യു​ന്ന​തി​നെ താൻ വിലമ​തി​ക്കു​ന്നു​ണ്ടെന്നു മററു വിധങ്ങ​ളിൽ അദ്ദേഹം എന്നോടു പ്രകട​മാ​ക്കു​ക​തന്നെ ചെയ്യു​ന്നുണ്ട്‌.” ലളിത​മായ നന്ദിവാ​ക്കു​കൾക്ക്‌ ഇതെല്ലാം വിലയു​ള്ള​താ​ണെന്നു തോന്നി​ക്കാൻ കഴിയും.—സദൃശ​വാ​ക്യ​ങ്ങൾ 25:11.

പ്രതി​ഫ​ല​ങ്ങ​ളും ഉണ്ട്‌

വാർദ്ധ​ക്യം പ്രാപി​ച്ചു​കൊ​ണ്ടി​രി​ക്കുന്ന മാതാ​പി​താ​ക്കളെ വർഷങ്ങ​ളാ​യി, സംരക്ഷി​ച്ചി​ട്ടുള്ള അനേകം കുടും​ബങ്ങൾ, സഹിഷ്‌ണുത, ആത്മത്യാ​ഗം, നിസ്വാർത്ഥ സ്‌നേഹം, ഉത്സാഹം, താഴ്‌മ, മൃദു​ല​വി​കാ​രം എന്നിങ്ങ​നെ​യുള്ള പ്രധാന ക്രിസ്‌തീയ ഗുണങ്ങൾ നട്ടുവ​ളർത്താൻ ഇതു തങ്ങളെ സഹായി​ച്ചി​ട്ടു​ണ്ടെന്നു പറയുന്നു. അനേകം കുടും​ബങ്ങൾ വൈകാ​രി​ക​മാ​യി ഏറെ അടുത്തി​ട്ടുണ്ട്‌. കൂടു​ത​ലായ ഒരു പ്രതി​ഫലം മാതാ​പി​താ​ക്ക​ളു​മാ​യി കൂടുതൽ സംഭാ​ഷണം നടത്തു​ന്ന​തി​നും അവരെ മെച്ചമാ​യി മനസ്സി​ലാ​ക്കു​ന്ന​തി​നും ഉള്ള അവസര​മാണ്‌. ഹിസാ​ക്കൊ തന്റെ അമ്മായി​യ​മ്മ​യെ​ക്കു​റിച്ച്‌ ഇങ്ങനെ പറഞ്ഞു: “അമ്മയുടെ ജീവിതം രസകര​മാ​യി​രു​ന്നു. അമ്മ വളരെ​യ​ധി​കം അനുഭ​വ​ങ്ങ​ളി​ലൂ​ടെ കടന്നു​പോ​യി​ട്ടുണ്ട്‌. ഞാൻ അമ്മയെ വളരെ​യ​ധി​കം മനസ്സി​ലാ​ക്കാൻ ഇടയാ​കു​ക​യും ഞാൻ മുമ്പു തിരി​ച്ച​റി​ഞ്ഞി​ട്ടി​ല്ലാത്ത അമ്മയുടെ പല ഗുണങ്ങ​ളെ​യും വിലമ​തി​ക്കാൻ പഠിക്കു​ക​യും ചെയ്‌തി​രി​ക്കു​ന്നു.”

“ഞാൻ ബൈബിൾ പഠിക്കു​ന്ന​തി​നു മുമ്പു വിവാ​ഹ​മോ​ചനം നേടി ആ അവസ്ഥയിൽനിന്ന്‌ ഓടി രക്ഷപ്പെ​ടാൻ ഞാൻ ആഗ്രഹിച്ച ഒരു സമയമു​ണ്ടാ​യി​രു​ന്നു” എന്നു തന്റെ ഭർത്താ​വി​ന്റെ മാതാ​പി​താ​ക്ക​ളെ​യും ശയ്യാവ​ലം​ബി​യായ വല്യമ്മ​യെ​യും പരിര​ക്ഷിച്ച കിമി​കൊ വിശദീ​ക​രി​ച്ചു. “പിന്നിട്‌ ‘അനാഥ​രെ​യും വിധവ​മാ​രെ​യും അവരുടെ സങ്കടത്തിൽ’ പരിര​ക്ഷി​ക്ക​ണ​മെന്നു ഞാൻ വായിച്ചു. (യാക്കോബ്‌ 1:27) എന്റെ പരമാ​വധി ചെയ്‌ത​തിൽ ഞാൻ സന്തുഷ്ട​യാണ്‌, കാരണം ഇപ്പോൾ എന്റെ വിശ്വാ​സ​ത്തെ​ക്കു​റി​ച്ചു കുടും​ബ​ത്തി​ലെ ആർക്കും ന്യായ​മാ​യി പരാതി​പ​റ​യാൻ കഴിയില്ല. എന്റെ മനസ്സാക്ഷി ശുദ്ധമാണ്‌.” മറെറാ​രാൾ പറഞ്ഞു: “എന്റെതന്നെ കണ്ണുകൾകൊണ്ട്‌ ആദാമി​ന്റെ പാപത്തി​ന്റെ ഭയങ്കര​മായ ഫലങ്ങൾ കണ്ടതി​നാൽ മറുവി​ല​യു​ടെ ആവശ്യത്തെ ഇപ്പോൾ ഞാൻ കൂടു​ത​ലാ​യി പോലും വിലമ​തി​ക്കു​ന്നു.”

താമസി​യാ​തെ​തന്നെ നിങ്ങളു​ടെ കുടും​ബ​ത്തി​ലെ മറെറാ​രം​ഗത്തെ നിങ്ങളു​ടെ ഭവനത്തി​ലേക്കു നിങ്ങൾ സ്വാഗതം ചെയ്യു​മോ? അല്ലെങ്കിൽ ഒരുപക്ഷേ നിങ്ങളു​ടെ പ്രായം ചെന്ന മാതാ​പി​താ​ക്ക​ളു​ടെ കൂടെ നിങ്ങൾ താമസ​മാ​ക്കു​മോ? നിങ്ങൾക്കു കുറെ ഭയം തോന്നു​ന്നു​ണ്ടോ? അതു മനസ്സി​ലാ​ക്കാ​വു​ന്ന​തേ​യു​ള്ളൂ. മാററങ്ങൾ വരു​ത്തേ​ണ്ട​തു​ണ്ടാ​യി​രി​ക്കും. എന്നാൽ ആ വെല്ലു​വി​ളി​യെ വിജയ​ക​ര​മാ​യി നേരി​ടു​ന്ന​തിൽ നിങ്ങൾ സമൃദ്ധ​മാ​യി അനു​ഗ്ര​ഹി​ക്ക​പ്പെ​ടും.

[24-ാം പേജിലെ ചിത്രം]

പ്രായമായവർക്കു തങ്ങളെ സ്‌നേ​ഹി​ക്കു​ന്നു​ണ്ടെ​ന്നും ആദരി​ക്കു​ന്നു​ണ്ടെ​ന്നും തോന്നണം