അധ്യായം പതിമൂന്ന്‌

രണ്ടു രാജാ​ക്ക​ന്മാർ പോരാ​ട്ട​ത്തിൽ

1, 2. ദാനീ​യേൽ 11-ാം അധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന പ്രവച​ന​ത്തിൽ നാം തത്‌പരർ ആയിരി​ക്കേ​ണ്ടത്‌ എന്തു​കൊണ്ട്‌?

പരമാ​ധി​കാ​ര​ത്തി​നു വേണ്ടി​യുള്ള അതിതീ​വ്ര​മായ ഒരു മത്സരത്തിൽ രണ്ടു ശത്രു രാജാ​ക്ക​ന്മാർ പരസ്‌പരം ഏറ്റുമു​ട്ടു​ന്നു. വർഷങ്ങൾ കടന്നു​പോ​കവെ, അവർ മാറി​മാ​റി മേധാ​വി​ത്വം നേടുന്നു. ചില അവസര​ങ്ങ​ളിൽ, ഒരുവൻ പരമാ​ധി​കാ​രി​യാ​യി ഭരിക്കു​മ്പോൾ മറ്റവൻ നിഷ്‌ക്രി​യ​നാ​കു​ന്നു, പോരാ​ട്ടം ഇല്ലാത്ത കാലഘ​ട്ട​ങ്ങ​ളു​മുണ്ട്‌. എന്നാൽ, അപ്പോൾ പെട്ടെന്നു മറ്റൊരു യുദ്ധം പൊട്ടി​പ്പു​റ​പ്പെ​ടു​ന്നു, പോരാ​ട്ടം തുടരു​ക​യും ചെയ്യുന്നു. ഈ നാടക​ത്തിൽ സിറിയൻ രാജാ​വായ സെല്യൂ​ക്കസ്‌ ഒന്നാമൻ നൈ​ക്കേറ്റർ, ഈജി​പ്‌ഷ്യൻ രാജാ​വായ ടോളമി ലാഗസ്‌, സിറിയൻ രാജകു​മാ​രി​യും ഈജി​പ്‌ഷ്യൻ റാണി​യു​മായ ഒന്നാം ക്ലിയോ​പാ​ട്ര, റോമൻ ചക്രവർത്തി​മാ​രായ അഗസ്റ്റസ്‌, തീബെ​ര്യൊസ്‌, പാൽ​മൈ​റ​യി​ലെ രാജ്ഞി​യായ സെനോ​ബിയ എന്നിവർ പങ്കെടു​ക്കു​ന്നു. പോരാ​ട്ടം അതിന്റെ അവസാ​ന​ത്തോട്‌ അടുക്കവെ നാസി ജർമനി, കമ്മ്യൂ​ണിസ്റ്റ്‌ രാഷ്‌ട്ര​ങ്ങ​ളു​ടെ ചേരി, ആംഗ്ലോ-അമേരി​ക്കൻ ലോക​ശക്തി, സർവരാ​ജ്യ​സ​ഖ്യം, ഐക്യ​രാ​ഷ്‌ട്രങ്ങൾ എന്നിവ​യും അതിൽ ഉൾപ്പെ​ട്ടി​രി​ക്കു​ന്നു. എന്നാൽ, ഈ നാടക​ത്തി​ന്റെ പരിസ​മാ​പ്‌തി പ്രസ്‌തുത രാഷ്‌ട്രീയ ഘടകങ്ങ​ളൊ​ന്നും മുൻകൂ​ട്ടി കാണാത്ത ഒന്നാണ്‌. ഏതാണ്ട്‌ 2,500 വർഷം മുമ്പ്‌ യഹോ​വ​യു​ടെ ദൂതൻ ദാനീ​യേ​ലി​നോട്‌ ഈ ആവേശ​ജ​ന​ക​മായ പ്രവചനം പ്രഖ്യാ​പി​ച്ചു.—ദാനീ​യേൽ 11-ാം അധ്യായം.

² വരാനി​രുന്ന രണ്ടു രാജാ​ക്ക​ന്മാർക്കി​ട​യി​ലെ മത്സരം ദൂതൻ വിശദ​മാ​യി തനിക്കു വെളി​പ്പെ​ടു​ത്തി​യ​പ്പോൾ ദാനീ​യേൽ എത്ര പുളകി​തൻ ആയിരു​ന്നി​രി​ക്കണം! ആ നാടകം നമുക്കും താത്‌പ​ര്യ​ജ​ന​ക​മാണ്‌. കാരണം, ആ രണ്ടു രാജാ​ക്ക​ന്മാർ തമ്മിലുള്ള അധികാര വടംവലി നമ്മുടെ നാളി​ലേ​ക്കും നീളുന്നു. ആ പ്രവച​ന​ത്തി​ന്റെ ആദ്യ ഭാഗം സത്യമാ​യി​രു​ന്നെന്നു ചരിത്രം പ്രകട​മാ​ക്കി​യി​രി​ക്കു​ന്നത്‌ എങ്ങനെ​യെന്നു പരി​ശോ​ധി​ക്കു​ന്നത്‌ ആ പ്രാവ​ച​നിക വിവര​ണ​ത്തി​ന്റെ അവസാന ഭാഗത്തി​ന്റെ നിവൃ​ത്തി​യു​ടെ സുനി​ശ്ചി​ത​ത്വ​ത്തി​ലുള്ള നമ്മുടെ വിശ്വാ​സ​വും ഉറപ്പും ബലിഷ്‌ഠ​മാ​ക്കും. ഈ പ്രവച​ന​ത്തി​നു ശ്രദ്ധ കൊടു​ക്കു​ന്നത്‌, കാലത്തി​ന്റെ നീരൊ​ഴു​ക്കിൽ നാം എവിടെ ആണെന്നു​ള്ളതു സംബന്ധി​ച്ചു വ്യക്തമായ ഒരു വീക്ഷണം നൽകും. ദൈവം നമുക്കു​വേണ്ടി പ്രവർത്തി​ക്കാൻ നാം ക്ഷമാപൂർവം കാത്തി​രി​ക്കവെ, പ്രസ്‌തുത പോരാ​ട്ട​ത്തിൽ നിഷ്‌പ​ക്ഷ​രാ​യി നില​കൊ​ള്ളാ​നുള്ള നമ്മുടെ ദൃഢനി​ശ്ച​യത്തെ അതു ബലിഷ്‌ഠ​മാ​ക്കു​ക​യും ചെയ്യും. (സങ്കീർത്തനം 146:3, 5) അതു​കൊണ്ട്‌ യഹോ​വ​യു​ടെ ദൂതൻ ദാനീ​യേ​ലി​നോ​ടു സംസാ​രി​ക്കു​മ്പോൾ നമുക്കു സൂക്ഷ്‌മ ശ്രദ്ധ കൊടു​ക്കാം.

ഗ്രീസിന്‌ എതിരെ

3. “മേദ്യ​നായ ദാര്യാ​വേ​ശി​ന്റെ ഒന്നാം ആണ്ടിൽ” ആരെയാ​ണു ദൂതൻ പിന്തു​ണ​ച്ചത്‌?

³ “ഞാനോ മേദ്യ​നായ ദാര്യാ​വേ​ശി​ന്റെ ഒന്നാം ആണ്ടിൽ [പൊ.യു.മു. 539/538] അവനെ ഉറപ്പി​പ്പാ​നും ബലപ്പെ​ടു​ത്തു​വാ​നും എഴു​ന്നേ​റ​റു​നി​ന്നു” എന്ന്‌ ദൂതൻ പറഞ്ഞു. (ദാനീ​യേൽ 11:1) ദാര്യാ​വേശ്‌ അതി​നോ​ടകം മരിച്ചു പോയി​രു​ന്നു. എന്നാൽ അദ്ദേഹ​ത്തി​ന്റെ വാഴ്‌ച​യെ​യാണ്‌ ഈ പ്രാവ​ച​നിക സന്ദേശ​ത്തി​ന്റെ ആരംഭ ഘട്ടമായി ദൂതൻ പരാമർശി​ക്കു​ന്നത്‌. ദാനീ​യേ​ലി​നെ സിംഹ​ങ്ങ​ളു​ടെ ഗുഹയിൽനി​ന്നു പുറത്തു കൊണ്ടു​വ​രാൻ കൽപ്പി​ച്ചത്‌ ആ രാജാ​വാ​യി​രു​ന്നു. തന്റെ പ്രജകൾ എല്ലാവ​രും ദാനീ​യേ​ലി​ന്റെ ദൈവത്തെ ഭയപ്പെ​ട​ണ​മെ​ന്നും ദാര്യാ​വേശ്‌ കൽപ്പി​ച്ചി​രു​ന്നു. (ദാനീ​യേൽ 6:21-27) എന്നിരു​ന്നാ​ലും, ദാര്യാ​വേ​ശി​നെ അല്ല, മറിച്ച്‌ തന്റെ കൂട്ടാ​ളി​യും ദാനീ​യേ​ലി​ന്റെ ജനത്തിന്റെ പ്രഭു​വു​മായ മീഖാ​യേ​ലി​നെ പിന്തു​ണ​യ്‌ക്കാൻ വേണ്ടി​യാണ്‌ ആ ദൂതൻ എഴു​ന്നേ​റ്റു​നി​ന്നത്‌. (ദാനീ​യേൽ 10:12-14 താരത​മ്യം ചെയ്യുക.) മേദോ-പേർഷ്യ​യു​ടെ ഭൂത​പ്ര​ഭു​വു​മാ​യി മീഖാ​യേൽ ഏറ്റുമു​ട്ടി​യ​പ്പോ​ഴാ​യി​രു​ന്നു ദൈവ ദൂതൻ ഈ പിന്തുണ നൽകി​യത്‌.

4, 5. പേർഷ്യ​യി​ലെ മുൻകൂ​ട്ടി പറയപ്പെട്ട നാലു രാജാ​ക്ക​ന്മാർ ആരെല്ലാം ആയിരു​ന്നു?

⁴ ദൈവ ദൂതൻ തുടർന്നു: “പാർസി​ദേ​ശത്തു ഇനി മൂന്നു രാജാ​ക്ക​ന്മാർ എഴു​ന്നേ​ല്‌ക്കും; നാലാ​മ​ത്തവൻ എല്ലാവ​രി​ലും അധികം ധനവാ​നാ​യി​രി​ക്കും; അവൻ ധനം​കൊ​ണ്ടു ശക്തി​പ്പെ​ട്ടു​വ​രു​മ്പോൾ എല്ലാവ​രെ​യും യവനരാ​ജ്യ​ത്തി​ന്നു നേരെ ഉദ്യോ​ഗി​പ്പി​ക്കും.” (ദാനീ​യേൽ 11:2) ആരായി​രു​ന്നു ഈ പേർഷ്യൻ ഭരണാ​ധി​പ​ന്മാർ?

⁵ മഹാനായ കോ​രെശ്‌, കാംബി​സസ്സ്‌ രണ്ടാമൻ, ദാര്യാ​വേശ്‌ ഒന്നാമൻ എന്നിവ​രാ​യി​രു​ന്നു ആദ്യത്തെ മൂന്നു രാജാ​ക്ക​ന്മാർ. ബാർഡിയ (അല്ലെങ്കിൽ ഒരുപക്ഷേ ഗുമാട്ടാ എന്ന പേരോ​ടു കൂടിയ ഒരു നാട്യ​ക്കാ​രൻ) ഭരണം നടത്തി​യത്‌ വെറും ഏഴു മാസം മാത്രം ആയിരു​ന്ന​തി​നാൽ പ്രവചനം അദ്ദേഹ​ത്തി​ന്റെ ഹ്രസ്വ​കാല ഭരണത്തെ പരിഗ​ണ​ന​യിൽ എടുത്തില്ല. പൊ.യു.മു. 490-ൽ മൂന്നാ​മത്തെ രാജാ​വായ ദാര്യാ​വേശ്‌ ഒന്നാമൻ രണ്ടാം തവണ ഗ്രീസി​നെ കീഴട​ക്കാൻ ശ്രമിച്ചു. പക്ഷേ, മാര​ത്തോ​ണിൽ വെച്ച്‌ നിർണാ​യക പരാജയം ഏറ്റുവാ​ങ്ങിയ പേർഷ്യ​ക്കാർ ഏഷ്യാ​മൈ​ന​റി​ലേക്കു പിൻവാ​ങ്ങി. ഗ്രീസിന്‌ എതിരെ വീണ്ടും ഒരു സൈനിക നടപടി​ക്കു ദാര്യാ​വേശ്‌ ശ്രദ്ധാ​പൂർവ​ക​മായ ഒരുക്കങ്ങൾ നടത്തി​യെ​ങ്കി​ലും തന്റെ മരണത്തി​നു മുമ്പ്‌—നാലു വർഷം കഴിഞ്ഞ​പ്പോൾ ദാര്യാ​വേശ്‌ മരണമ​ടഞ്ഞു—അതു നടപ്പാ​ക്കാൻ അദ്ദേഹ​ത്തി​നു കഴിഞ്ഞില്ല. അത്‌ ഇപ്പോൾ അദ്ദേഹ​ത്തി​ന്റെ പുത്ര​നും പിൻഗാ​മി​യും ‘നാലാ​മത്തെ’ രാജാ​വു​മായ സെർക്‌സി​സി​നെ ആശ്രയി​ച്ചി​രു​ന്നു. എസ്ഥേറി​നെ വിവാഹം കഴിച്ച അഹശ്വേ​രോശ്‌ രാജാ​വാ​യി​രു​ന്നു അദ്ദേഹം.—എസ്ഥേർ 1:1; 2:15-17.

6, 7. (എ) നാലാ​മത്തെ രാജാവ്‌ “എല്ലാവ​രെ​യും യവനരാ​ജ്യ​ത്തി​ന്നു നേരെ ഉദ്യോ​ഗി​പ്പി”ച്ചത്‌ എങ്ങനെ? (ബി) ഗ്രീസിന്‌ എതി​രെ​യുള്ള സെർക്‌സി​സി​ന്റെ സൈനിക നീക്കത്തി​ന്റെ ഫലം എന്തായി​രു​ന്നു?

⁶ സെർക്‌സിസ്‌ ഒന്നാമൻ “എല്ലാവ​രെ​യും യവനരാ​ജ്യ​ത്തി​ന്നു”—സ്വതന്ത്ര ഗ്രീക്കു രാഷ്‌ട്ര​ങ്ങ​ളു​ടെ കൂട്ടത്തിന്‌—“നേരെ ഉദ്യോ​ഗി​പ്പി​ക്കു”കതന്നെ ചെയ്‌തു. “ഉത്‌കർഷേ​ച്ഛു​ക്ക​ളായ രാജ​സേ​വ​ക​രു​ടെ പ്രേര​ണ​യാൽ സെർക്‌സിസ്‌ കരയി​ലൂ​ടെ​യും കടലി​ലൂ​ടെ​യും ഒരു കടന്നാ​ക്ര​മണം നടത്തി” എന്ന്‌ മേദ്യ​രും പേർഷ്യ​രും—ജയിച്ച​ട​ക്ക​ലു​കാ​രും നയത​ന്ത്ര​വി​ദ​ഗ്‌ധ​രും (ഇംഗ്ലീഷ്‌) എന്ന പുസ്‌തകം പറയുന്നു. “മറ്റൊരു യുദ്ധ പ്രയാ​ണ​ത്തി​നും ഇതിനെ കടത്തി​വെ​ട്ടാ​നാ​കില്ല” എന്ന്‌ പൊ.യു.മു. അഞ്ചാം നൂറ്റാ​ണ്ടിൽ ജീവി​ച്ചി​രുന്ന ഗ്രീക്കു ചരി​ത്ര​കാ​ര​നായ ഹിറോ​ഡോ​ട്ടസ്‌ എഴുതു​ന്നു. ആ നാവിക സേനയിൽ “മൊത്തം 5,17,610 പേർ ഉണ്ടായി​രു​ന്നു” എന്ന്‌ അദ്ദേഹ​ത്തി​ന്റെ രേഖ പറയുന്നു. “കാലാ​ളി​ന്റെ എണ്ണം 17,00,000-ഉം അശ്വഭ​ട​ന്മാ​രു​ടെ എണ്ണം 80,000-ഉം ആയിരു​ന്നു. ഒട്ടകപ്പു​റത്തു സഞ്ചരി​ച്ചി​രുന്ന അറബി​ക​ളെ​യും തേരിൽനി​ന്നു യുദ്ധം ചെയ്‌തി​രുന്ന ലിബി​യ​ക്കാ​രെ​യും അതിൽ ഉൾപ്പെ​ടു​ത്തേ​ണ്ട​താണ്‌. അവർ 20,000 പേർ വരു​മെ​ന്നാണ്‌ എന്റെ കണക്കു​കൂ​ട്ടൽ. അതു​കൊണ്ട്‌ കര-നാവിക സേനക​ളി​ലാ​യി മൊത്തം 23,17,610 പടയാ​ളി​കൾ ഉണ്ടായി​രു​ന്നു.”

⁷ പൊ.യു.മു. 480-ൽ സെർക്‌സിസ്‌ ഒന്നാമൻ സമ്പൂർണ​മായ ജയിച്ച​ടക്കൽ ലക്ഷ്യം വെച്ചു​കൊണ്ട്‌ ഗ്രീസിന്‌ എതിരെ തന്റെ വമ്പിച്ച സേനയെ അയച്ചു. തെർമൊ​പ്പി​ലെ​യിൽ വെച്ച്‌ ഗ്രീക്കു​കാ​രു​ടെ കാലതാ​മസം വരുത്തൽ തന്ത്രത്തെ അതിജീ​വിച്ച പേർഷ്യ​ക്കാർ ഏഥൻസിൽ സംഹാ​ര​താ​ണ്ഡ​വ​മാ​ടി. എന്നാൽ സലമീ​സിൽ അവർക്കു കനത്ത പരാജയം നേരിട്ടു. പൊ.യു.മു. 479-ൽ പ്ലാറ്റേ​യിൽവെച്ച്‌ ഗ്രീക്കു​കാർ മറ്റൊരു വിജയം​കൂ​ടെ നേടി. സെർക്‌സി​സി​നു ശേഷം പേർഷ്യൻ സാമ്രാ​ജ്യ​ത്തി​ന്റെ സിംഹാ​സ​ന​ത്തിൽ എത്തിയ ഏഴു രാജാ​ക്ക​ന്മാ​രിൽ ഒരുവൻപോ​ലും, 143 വർഷം നീണ്ട ആ കാലയ​ള​വിൽ ഗ്രീസി​നെ ആക്രമി​ച്ചില്ല. എന്നാൽ അപ്പോൾ ശക്തനായ ഒരു രാജാവ്‌ ഗ്രീസിൽ അധികാ​ര​ത്തിൽ വന്നു.

ഒരു വലിയ രാജ്യം നാലായി വിഭജി​ക്ക​പ്പെ​ട്ടു

8. ‘വിക്ര​മ​നായ ഏതു രാജാവാ’ണ്‌ എഴു​ന്നേ​റ്റത്‌, അദ്ദേഹം “വലിയ അധികാ​ര​ത്തോ​ടെ വാണ”തെങ്ങനെ?

⁸ “പിന്നെ വിക്ര​മ​നാ​യൊ​രു രാജാവു എഴു​ന്നേ​ല്‌ക്കും; അവൻ വലിയ അധികാ​ര​ത്തോ​ടെ വാണു ഇഷ്ടം​പോ​ലെ പ്രവർത്തി​ക്കും” എന്നു ദൂതൻ പറഞ്ഞു. (ദാനീ​യേൽ 11:3) പൊ.യു.മു. 336-ൽ, ഇരുപ​തു​കാ​ര​നായ അലക്‌സാ​ണ്ടർ മാസി​ഡോ​ണി​യ​യി​ലെ രാജാ​വാ​യി ‘എഴു​ന്നേറ്റു.’ അദ്ദേഹം ‘വിക്ര​മ​നാ​യൊ​രു രാജാവ്‌’—മഹാനായ അലക്‌സാ​ണ്ടർ—ആയിത്തീർന്നു. തന്റെ പിതാ​വായ ഫിലിപ്പ്‌ രണ്ടാമന്റെ ഒരു പദ്ധതി​യാൽ പ്രേരി​ത​നാ​യി അദ്ദേഹം മധ്യപൂർവ ദേശത്തെ പേർഷ്യൻ പ്രവി​ശ്യ​കൾ പിടി​ച്ചെ​ടു​ത്തു. 47,000 പേർ അടങ്ങിയ അദ്ദേഹ​ത്തി​ന്റെ സൈന്യം യൂഫ്ര​ട്ടീസ്‌-ടൈ​ഗ്രീസ്‌ നദികൾ കടന്ന്‌ ഗ്വാഗാ​മെ​ല​യിൽവെച്ച്‌ ദാര്യാ​വേശ്‌ മൂന്നാ​മന്റെ 2,50,000 പേർ അടങ്ങിയ സൈന്യ​ത്തെ നാലു​പാ​ടും ചിതറി​ച്ചു. അതേത്തു​ടർന്ന്‌ ദാര്യാ​വേശ്‌ പലായനം ചെയ്യു​ക​യും വധിക്ക​പ്പെ​ടു​ക​യും ചെയ്‌തു. അങ്ങനെ പേർഷ്യൻ രാജവം​ശം അവസാ​നി​ച്ചു. ഗ്രീസ്‌ ഇപ്പോൾ ലോക​ശക്തി ആയിത്തീർന്നു. അലക്‌സാ​ണ്ടർ ‘വലിയ അധികാ​ര​ത്തോ​ടെ വാണ്‌ ഇഷ്ടം​പോ​ലെ പ്രവർത്തി​ച്ചു.’

9, 10. അലക്‌സാ​ണ്ട​റി​ന്റെ രാജ്യം ‘അവന്റെ അനന്തര​ഗാ​മി​കൾക്ക്‌ ലഭിക്ക​യില്ല’ എന്നുള്ള പ്രവചനം സത്യ​മെന്നു തെളി​ഞ്ഞത്‌ എങ്ങനെ?

⁹ അലക്‌സാ​ണ്ട​റി​ന്റെ ലോക​ഭ​ര​ണാ​ധി​പ​ത്യം ഹ്രസ്വ​കാ​ല​ത്തേക്ക്‌ ആയിരി​ക്ക​ണ​മാ​യി​രു​ന്നു. കാരണം ദൈവ​ത്തി​ന്റെ ദൂതൻ ഇങ്ങനെ കൂട്ടി​ച്ചേർത്തു: “അവൻ ഉയർന്നു​വന്ന ശേഷം അവന്റെ രാജ്യം ഛിന്നഭി​ന്ന​മാ​യി ആകാശ​ത്തി​ലെ നാലു കാറ്റി​ലേ​ക്കും ചിതറി​പ്പോ​കും. അവന്റെ അനന്തര​ഗാ​മി​കൾക്ക്‌ അതു ലഭിക്ക​യില്ല. അവന്റെ അധികാ​രം അതിന്‌ ഉണ്ടാവു​ക​യു​മില്ല. കാരണം, അത്‌ ഉന്മൂലനം ചെയ്യ​പ്പെട്ട്‌ അന്യാ​ധീ​ന​മാ​കും.” (ദാനീ​യേൽ 11:4, NIBV) പൊ.യു.മു. 323-ൽ ബാബി​ലോ​ണിൽ വെച്ചു പെട്ടെന്നു രോഗ​ബാ​ധി​തൻ ആയിത്തീർന്ന അലക്‌സാ​ണ്ടർ 33 വയസ്സു തികയും മുമ്പേ മരണമ​ടഞ്ഞു.

¹⁰ അലക്‌സാ​ണ്ട​റി​ന്റെ വിശാ​ല​മായ സാമ്രാ​ജ്യം “അവന്റെ അനന്തര​ഗാ​മി​കൾക്ക്‌” ലഭിച്ചില്ല. അദ്ദേഹ​ത്തി​ന്റെ സഹോ​ദ​ര​നായ ഫിലിപ്പ്‌ മൂന്നാമൻ അറീഡി​യസ്‌ ഏഴു വർഷത്തിൽ കുറഞ്ഞ​കാ​ലം ഭരിച്ചു. എന്നാൽ പൊ.യു.മു. 317-ൽ, അലക്‌സാ​ണ്ട​റി​ന്റെ അമ്മയായ ഒളിമ്പി​യ​സി​ന്റെ അഭ്യർഥ​ന​പ്ര​കാ​രം അദ്ദേഹം വധിക്ക​പ്പെട്ടു. അലക്‌സാ​ണ്ട​റി​ന്റെ പുത്ര​നായ അലക്‌സാ​ണ്ടർ നാലാമൻ പൊ.യു.മു. 311 വരെ ഭരണം നടത്തി. ആ വർഷം, തന്റെ പിതാ​വി​ന്റെ ജനറൽമാ​രിൽ ഒരുവ​നാ​യി​രുന്ന കസ്സാണ്ട​റി​ന്റെ കൈക​ളാൽ അദ്ദേഹം വധിക്ക​പ്പെട്ടു. അലക്‌സാ​ണ്ട​റി​ന്റെ അവിഹിത പുത്ര​നാ​യി​രുന്ന ഹിറാ​ക്ലിസ്‌ തന്റെ പിതാ​വി​ന്റെ പേരിൽ ഭരണം നടത്താൻ ശ്രമി​ച്ചെ​ങ്കി​ലും പൊ.യു.മു. 309-ൽ അവനും വധിക്ക​പ്പെട്ടു. അങ്ങനെ അലക്‌സാ​ണ്ട​റി​ന്റെ രാജവം​ശം അവസാ​നി​ച്ചു, “അവന്റെ രാജ്യം” അവന്റെ കുടും​ബ​ത്തിൽനി​ന്നു കൈവി​ട്ടു പോയി.

11. അലക്‌സാ​ണ്ട​റി​ന്റെ രാജ്യം “ആകാശ​ത്തി​ലെ നാലു കാറ്റി​ലേ​ക്കും ചിതറി​പ്പോ”യത്‌ എങ്ങനെ?

¹¹ അലക്‌സാ​ണ്ട​റി​ന്റെ മരണത്തെ തുടർന്ന്‌, അവന്റെ രാജ്യം ‘ആകാശ​ത്തി​ലെ നാലു കാറ്റി​ലേ​ക്കും ചിതറി​പ്പോ​യി.’ പ്രദേ​ശങ്ങൾ പിടി​ച്ചെ​ടു​ക്കാ​നുള്ള ശ്രമത്തിൽ അദ്ദേഹ​ത്തി​ന്റെ പല ജനറൽമാ​രും പരസ്‌പരം പോരാ​ടി. ഒറ്റക്കണ്ണ​നായ ജനറൽ ആന്റി​ഗോ​ണസ്‌ ഒന്നാമൻ അലക്‌സാ​ണ്ട​റി​ന്റെ മുഴു സാമ്രാ​ജ്യ​വും തന്റെ നിയ​ന്ത്ര​ണ​ത്തി​ലാ​ക്കാൻ ശ്രമിച്ചു. എന്നാൽ പ്രുഗ്യ​യി​ലെ ഇപ്‌സെ​സിൽവെച്ചു നടന്ന ഒരു യുദ്ധത്തിൽ അദ്ദേഹം കൊല്ല​പ്പെട്ടു. പൊ.യു.മു. 301-ഓടെ അലക്‌സാ​ണ്ട​റി​ന്റെ ജനറൽമാ​രിൽ നാലു​പേർ, തങ്ങളുടെ കമാൻഡർ വെട്ടി​പ്പി​ടിച്ച വിശാ​ല​മായ പ്രദേ​ശ​ത്തി​ന്റെ വ്യത്യസ്‌ത ഭാഗങ്ങ​ളിൽ അധികാ​രം കൈയാ​ളി​യി​രു​ന്നു. കസ്സാണ്ടർ മാസി​ഡോ​ണി​യ​യും ഗ്രീസും ഭരിച്ചു. ലൈസി​മാ​ക്കസ്‌ ഏഷ്യാ​മൈ​ന​റി​ന്റെ​യും ത്രാസി​ന്റെ​യും നിയ​ന്ത്രണം കയ്യടക്കി. സെല്യൂ​ക്കസ്‌ ഒന്നാമൻ നൈ​ക്കേറ്റർ മെസൊ​പ്പൊ​ത്താ​മ്യ​യും സിറി​യ​യും കൈവ​ശ​മാ​ക്കി. ടോളമി ലാഗസ്‌ ഈജി​പ്‌തി​ലും പാലസ്‌തീ​നി​ലും വാഴ്‌ച നടത്തി. പ്രാവ​ച​നിക വചനം സത്യ​മെന്നു തെളി​യി​ച്ചു​കൊണ്ട്‌, അലക്‌സാ​ണ്ട​റി​ന്റെ വലിയ സാമ്രാ​ജ്യം നാലു യവന രാജ്യ​ങ്ങ​ളാ​യി വിഭജി​ക്ക​പ്പെട്ടു.

രണ്ട്‌ ശത്രു രാജാ​ക്ക​ന്മാർ ഉയർന്നു വരുന്നു

12, 13. (എ) നാലു യവന രാജ്യങ്ങൾ രണ്ടായി ചുരു​ങ്ങി​യത്‌ എങ്ങനെ? (ബി) സെല്യൂ​ക്കസ്‌ സിറി​യ​യിൽ സ്ഥാപിച്ച രാജവം​ശം ഏത്‌?

¹² അധികാ​ര​ത്തിൽ വന്ന്‌ ഏതാനും വർഷം കഴിഞ്ഞ​പ്പോൾ കസ്സാണ്ടർ മരിച്ചു. പൊ.യു.മു. 285-ൽ ലൈസി​മാ​ക്കസ്‌ ഗ്രീക്കു സാമ്രാ​ജ്യ​ത്തി​ന്റെ യൂറോ​പ്യൻ ഭാഗം കൈവ​ശ​മാ​ക്കി. പൊ.യു.മു. 281-ൽ സെല്യൂ​ക്കസ്‌ ഒന്നാമൻ നൈ​ക്കേ​റ്റ​റു​മാ​യുള്ള യുദ്ധത്തിൽ ലൈസി​മാ​ക്കസ്‌ കൊല്ല​പ്പെട്ടു. അങ്ങനെ സെല്യൂ​ക്ക​സിന്‌ ഏഷ്യാ​റ്റിക്‌ പ്രദേ​ശ​ങ്ങ​ളിൽ ഭൂരി​ഭാ​ഗ​ത്തി​ന്റെ​യും മേൽ നിയ​ന്ത്രണം ലഭിച്ചു. പൊ.യു.മു. 276-ൽ, അലക്‌സാ​ണ്ട​റി​ന്റെ ജനറൽമാ​രിൽ ഒരുവന്റെ പൗത്ര​നായ ആന്റി​ഗോ​ണസ്‌ രണ്ടാമൻ ഗോണാ​റ്റസ്‌ മാസി​ഡോ​ണി​യൻ സിംഹാ​സ​ന​ത്തിൽ അവരോ​ധി​ത​നാ​യി. കാല​ക്ര​മ​ത്തിൽ, റോമി​ന്റെ ആശ്രിത രാജ്യ​മാ​യി​ത്തീർന്ന മാസി​ഡോ​ണിയ പൊ.യു.മു. 146-ൽ ഒരു റോമൻ പ്രവി​ശ്യ​യാ​യി.

¹³ ആ നാലു യവന രാജ്യ​ങ്ങ​ളിൽ രണ്ടെണ്ണം മാത്ര​മാണ്‌ ഇപ്പോൾ പ്രബല രാജ്യ​ങ്ങ​ളാ​യി അവശേ​ഷി​ച്ചത്‌—സെല്യൂ​ക്കസ്‌ ഒന്നാമൻ നൈ​ക്കേ​റ്റ​റി​ന്റെ​യും ടോളമി ലാഗസി​ന്റെ​യും കീഴി​ലുള്ള രാജ്യങ്ങൾ. സെല്യൂ​ക്കസ്‌ സിറി​യ​യിൽ സെല്യൂ​സിഡ്‌ രാജവം​ശം സ്ഥാപിച്ചു. അദ്ദേഹം സ്ഥാപിച്ച നഗരങ്ങ​ളിൽ പെടു​ന്ന​വ​യാണ്‌ അന്ത്യോ​ക്യ​യും സെല്യൂ​ക്യാ തുറമുഖ നഗരവും. അന്ത്യോ​ക്യ ആയിരു​ന്നു സിറി​യ​യു​ടെ പുതിയ തലസ്ഥാനം. പിൽക്കാ​ലത്ത്‌ പൗലൊസ്‌ അപ്പൊ​സ്‌തലൻ അന്ത്യോ​ക്യ​യിൽ പഠിപ്പി​ച്ചി​രു​ന്നു. അവിടെ വെച്ചാണ്‌ യേശു​വി​ന്റെ അനുഗാ​മി​കൾ ആദ്യമാ​യി ക്രിസ്‌ത്യാ​നി​കൾ എന്നു വിളി​ക്ക​പ്പെ​ടാൻ ഇടയാ​യത്‌. (പ്രവൃ​ത്തി​കൾ 11:25, 26; 13:1-4) പൊ.യു.മു. 281-ൽ സെല്യൂ​ക്കസ്‌ വധിക്ക​പ്പെട്ടു. എന്നാൽ അദ്ദേഹ​ത്തി​ന്റെ രാജവം​ശം പൊ.യു.മു. 64 വരെ ഭരണം നടത്തി. അന്ന്‌ റോമൻ ജനറൽ ഗ്നിയസ്‌ പോംപി സിറി​യയെ റോമൻ പ്രവി​ശ്യ​യാ​ക്കി.

14. ടോളമി രാജവം​ശം ഈജി​പ്‌തിൽ സ്ഥാപി​ത​മാ​യത്‌ എന്ന്‌?

¹⁴ പൊ.യു.മു. 305-ൽ രാജപ​ദവി നേടിയ ടോളമി ലാഗസി​ന്റെ അഥവാ ടോളമി ഒന്നാമന്റെ രാജ്യ​മാ​യി​രു​ന്നു ആ നാലു യവന രാജ്യ​ങ്ങ​ളിൽ ഏറ്റവും കൂടുതൽ കാലം നിലനി​ന്നത്‌. അദ്ദേഹം സ്ഥാപിച്ച ടോളമി രാജവം​ശം, പൊ.യു.മു. 30-ൽ ഈജി​പ്‌ത്‌ റോമിന്‌ അടിയ​റവു പറയു​ന്ന​തു​വരെ അവിടെ ഭരണം നടത്തി.

15. നാലു യവന രാജ്യ​ങ്ങ​ളിൽനിന്ന്‌ ഉദയം ചെയ്‌ത രണ്ടു രാജാ​ക്ക​ന്മാർ ആരായി​രു​ന്നു, അവർ ഏതു പോരാ​ട്ടം ആരംഭി​ച്ചു?

¹⁵ അങ്ങനെ, ആ നാലു യവന രാജ്യ​ങ്ങ​ളിൽ നിന്ന്‌ ശക്തരായ രണ്ടു രാജാ​ക്ക​ന്മാർ ഉയർന്നു വന്നു—സിറി​യ​യിൽ സെല്യൂ​ക്കസ്‌ ഒന്നാമൻ നൈ​ക്കേ​റ്റ​റും ഈജി​പ്‌തിൽ ടോളമി ഒന്നാമ​നും. ദാനീ​യേൽ പുസ്‌തകം 11-ാം അധ്യാ​യ​ത്തിൽ വിവരി​ച്ചി​രി​ക്കുന്ന, “വടക്കേ​ദേ​ശത്തെ രാജാ”വും “തെക്കേ​ദേ​ശത്തെ രാജാ”വും [NW] തമ്മിലുള്ള സുദീർഘ​മായ പോരാ​ട്ടം ആരംഭി​ക്കു​ന്നത്‌ ഈ രണ്ടു രാജാ​ക്ക​ന്മാ​രോ​ടെ​യാണ്‌. യഹോ​വ​യു​ടെ ദൂതൻ ഈ രാജാ​ക്ക​ന്മാ​രു​ടെ പേരു പറയു​ന്നില്ല. കാരണം നൂറ്റാ​ണ്ടു​കൾ കടന്നു പോകു​ന്ന​തോ​ടെ അവരുടെ തനിമ​യ്‌ക്കും ദേശീ​യ​ത​യ്‌ക്കും മാറ്റം ഭവിക്കു​മാ​യി​രു​ന്നു. അനാവ​ശ്യ​മായ വിശദീ​ക​ര​ണങ്ങൾ ഒഴിവാ​ക്കി​ക്കൊണ്ട്‌ പോരാ​ട്ട​ത്തിൽ പങ്കുള്ള ഭരണാ​ധി​പ​രെ​യും സംഭവ​ങ്ങ​ളെ​യും മാത്രം ദൂതൻ പരാമർശി​ച്ചു.

പോരാ​ട്ടം ആരംഭി​ക്കു​ന്നു

16. (എ) രണ്ടു രാജാ​ക്ക​ന്മാർ ആരുടെ വടക്കും തെക്കും ആയിരു​ന്നു? (ബി) “വടക്കേ​ദേ​ശത്തെ രാജാ”വിന്റെ​യും “തെക്കേ​ദേ​ശത്തെ രാജാ”വിന്റെ​യും റോൾ ആദ്യം ലഭിച്ചത്‌ ഏതു രാജാ​ക്ക​ന്മാർക്കാണ്‌?

¹⁶ ശ്രദ്ധിക്കൂ! ഈ നാടകീയ പോരാ​ട്ട​ത്തി​ന്റെ ആരംഭം വർണി​ച്ചു​കൊണ്ട്‌ യഹോ​വ​യു​ടെ ദൂതൻ പറയുന്നു: “അവന്റെ [അലക്‌സാ​ണ്ട​റി​ന്റെ] പ്രഭു​ക്ക​ന്മാ​രിൽ ഒരുവ​നായ തെക്കേ​ദേ​ശത്തെ രാജാവു ശക്തനാ​യി​ത്തീ​രും; അവൻ [വടക്കേ​ദേ​ശത്തെ രാജാവ്‌] അവന്റെ​മേൽ ആധിപ​ത്യം നേടു​ക​യും തീർച്ച​യാ​യും അവന്റെ ഭരണാ​ധി​കാ​ര​ത്തെ​ക്കാൾ വ്യാപ​ക​മായ അധികാ​ര​ത്തോ​ടെ ഭരിക്കു​ക​യും ചെയ്യും.” (ദാനീ​യേൽ 11:5, NW) “വടക്കേ​ദേ​ശത്തെ രാജാവ്‌,” “തെക്കേ​ദേ​ശത്തെ രാജാവ്‌” എന്നീ സംജ്ഞകൾ, ആ സമയം ആയപ്പോ​ഴേ​ക്കും ബാബി​ലോ​ണി​യൻ പ്രവാ​സ​ത്തിൽ നിന്നു സ്വത​ന്ത്ര​രാ​യി യഹൂദാ​ദേ​ശത്തു പുനഃ​സ്ഥി​തീ​ക​രി​ക്ക​പ്പെ​ട്ടി​രുന്ന, ദാനീ​യേ​ലി​ന്റെ ജനത്തിന്റെ വടക്കും തെക്കു​മുള്ള രാജാ​ക്ക​ന്മാ​രെ പരാമർശി​ക്കു​ന്നു. ഈജി​പ്‌തി​ലെ ടോളമി ഒന്നാമൻ ആയിരു​ന്നു ആദ്യത്തെ “തെക്കേ​ദേ​ശത്തെ രാജാവ്‌”. അലക്‌സാ​ണ്ട​റി​ന്റെ ജനറൽമാ​രിൽ, ടോളമി ഒന്നാമന്റെ മേൽ ആധിപ​ത്യം നേടു​ക​യും “വ്യാപ​ക​മായ അധികാ​ര​ത്തോ​ടെ” ഭരിക്കു​ക​യും ചെയ്‌തത്‌ സിറിയൻ രാജാ​വായ സെല്യൂ​ക്കസ്‌ ഒന്നാമൻ നൈ​ക്കേറ്റർ ആയിരു​ന്നു. അദ്ദേഹം “വടക്കേ​ദേ​ശത്തെ രാജാ”വിന്റെ റോൾ ഏറ്റെടു​ത്തു.

17. വടക്കേ​ദേ​ശത്തെ രാജാ​വും തെക്കേ​ദേ​ശത്തെ രാജാ​വും തമ്മിലുള്ള പോരാ​ട്ടം ആരംഭി​ച്ച​പ്പോൾ യഹൂദാ ദേശം ഏതു രാജാ​വി​ന്റെ ആധിപ​ത്യ​ത്തിൽ ആയിരു​ന്നു?

¹⁷ പോരാ​ട്ട​ത്തി​ന്റെ തുടക്ക​ത്തിൽ യഹൂദാ ദേശം തെക്കേ​ദേ​ശത്തെ രാജാ​വി​ന്റെ ആധിപ​ത്യ​ത്തിൽ ആയിരു​ന്നു. ഏകദേശം പൊ.യു.മു. 320 മുതൽ, ഈജി​പ്‌തി​ലേക്കു കോളനി വാസക്കാ​രാ​യി വരാൻ ടോളമി ഒന്നാമൻ യഹൂദ​ന്മാ​രെ പ്രേരി​പ്പി​ച്ചു. അങ്ങനെ അലക്‌സാൻഡ്രി​യ​യിൽ ഒരു യഹൂദ കോളനി തഴച്ചു വളർന്നു. ടോളമി ഒന്നാമൻ അവിടെ വിഖ്യാ​ത​മായ ഒരു ഗ്രന്ഥശാല സ്ഥാപി​ക്കു​ക​യും ചെയ്‌തു. യഹൂദ​യി​ലെ യഹൂദ​ന്മാർ പൊ.യു.മു. 198 വരെ ടോള​മി​യു​ടെ ഈജി​പ്‌തി​ന്റെ അഥവാ തെക്കേ​ദേ​ശത്തെ രാജാ​വി​ന്റെ നിയ​ന്ത്ര​ണ​ത്തിൽ തുടർന്നു.

18, 19. കാല​ക്ര​മ​ത്തിൽ ഈ ശത്രു രാജാ​ക്ക​ന്മാർ പരസ്‌പരം “ന്യായ​യു​ക്ത​മായ ഒരു ക്രമീ​ക​രണം” ഉണ്ടാക്കി​യത്‌ എങ്ങനെ?

¹⁸ ഈ രണ്ടു രാജാ​ക്ക​ന്മാ​രെ കുറിച്ച്‌ ദൂതൻ ഇങ്ങനെ പ്രവചി​ച്ചു: “കുറെ വർഷം കഴിയു​മ്പോൾ അവർ പരസ്‌പരം സഖ്യത്തി​ലാ​കും, ന്യായ​യു​ക്ത​മായ ഒരു ക്രമീ​ക​രണം ഉണ്ടാക്കാ​നാ​യി തെക്കേ​ദേ​ശത്തെ രാജാ​വി​ന്റെ പുത്രി​തന്നെ വടക്കേ​ദേ​ശത്തെ രാജാ​വി​ന്റെ അടുക്കൽ വരും. എന്നാൽ അവൾ തന്റെ കൈയു​ടെ ശക്തി നിലനിർത്തില്ല; അവനോ അവന്റെ കൈയോ നിലനിൽക്കില്ല; അവൾ, അവൾത​ന്നെ​യും അവളെ കൊണ്ടു​വ​ന്ന​വ​രും അവളുടെ ജനയി​താ​വും ആ കാലത്ത്‌ അവളെ ശക്തയാ​ക്കു​ന്ന​വ​നും ഉപേക്ഷി​ക്ക​പ്പെ​ടും.” (ദാനീ​യേൽ 11:6, NW) എന്നാൽ അത്‌ സംഭവി​ച്ചത്‌ എങ്ങനെ​യാ​യി​രു​ന്നു?

¹⁹ സെല്യൂ​ക്കസ്‌ ഒന്നാമൻ നൈ​ക്കേ​റ്റ​റി​ന്റെ പുത്ര​നും പിൻഗാ​മി​യു​മായ ആന്റി​യോ​ക്കസ്‌ ഒന്നാമനെ പ്രവചനം കണക്കി​ലെ​ടു​ത്തില്ല. തെക്കേ​ദേ​ശത്തെ രാജാ​വിന്‌ എതിരെ അദ്ദേഹം നിർണാ​യ​ക​മായ ഒരു യുദ്ധവും നടത്തി​യില്ല എന്നതാണ്‌ അതിന്റെ കാരണം. എന്നാൽ അദ്ദേഹ​ത്തി​ന്റെ പിൻഗാ​മി​യായ ആന്റി​യോ​ക്കസ്‌ രണ്ടാമൻ, ടോളമി ഒന്നാമന്റെ പുത്ര​നായ ടോളമി രണ്ടാമ​നു​മാ​യി ദീർഘ​മായ ഒരു യുദ്ധം നടത്തി. അങ്ങനെ ആന്റി​യോ​ക്കസ്‌ രണ്ടാമ​നും ടോളമി രണ്ടാമ​നും യഥാ​ക്രമം വടക്കേ​ദേ​ശത്തെ രാജാ​വും തെക്കേ​ദേ​ശത്തെ രാജാ​വും ആയിത്തീർന്നു. ആന്റി​യോ​ക്കസ്‌ രണ്ടാമൻ ലവോ​ദി​സി​നെ വിവാഹം കഴിച്ചു. അവരുടെ പുത്രന്‌ സെല്യൂ​ക്കസ്‌ രണ്ടാമൻ എന്നു പേരിട്ടു. അതേസ​മയം ടോളമി രണ്ടാമന്‌ ബെറ​നൈസി എന്ന ഒരു പുത്രി ഉണ്ടായി​രു​ന്നു. പൊ.യു.മു. 250-ൽ ഈ രാജാ​ക്ക​ന്മാർ ഇരുവ​രും തമ്മിൽ “ന്യായ​യു​ക്ത​മായ ഒരു ക്രമീ​ക​രണം” ഉണ്ടാക്കി. ആ സഖ്യത്തി​ന്റെ വിലയാ​യി, ആന്റി​യോ​ക്കസ്‌ രണ്ടാമൻ ഭാര്യ​യായ ലവോ​ദി​സി​നെ ഉപേക്ഷിച്ച്‌ “തെക്കേ​ദേ​ശത്തെ രാജാ​വി​ന്റെ പുത്രി”യായ ബെറ​നൈ​സി​യെ വിവാഹം കഴിച്ചു. ബെറ​നൈ​സി​യിൽ അദ്ദേഹ​ത്തിന്‌ ഉണ്ടായ പുത്രൻ ലവോ​ദി​സി​ന്റെ പുത്ര​ന്മാർക്കു പകരം സിറിയൻ സിംഹാ​സ​ന​ത്തി​ന്റെ അവകാ​ശി​യാ​യി.

20. (എ) ബെറ​നൈ​സി​യു​ടെ “കൈ” നിലനിൽക്കാ​തി​രു​ന്നത്‌ എങ്ങനെ? (ബി) ബെറ​നൈ​സി​യും “അവളെ കൊണ്ടു​വ​ന്ന​വ​രും” “അവളെ ശക്തയാ​ക്കു​ന്ന​വ​നും” ഉപേക്ഷി​ക്ക​പ്പെ​ട്ടത്‌ എങ്ങനെ? (സി) ആന്റി​യോ​ക്കസ്‌ രണ്ടാമന്‌ ‘തന്റെ കൈ’ അഥവാ ശക്തി നഷ്ടപ്പെട്ട ശേഷം ആരാണു സിറി​യ​യു​ടെ രാജാവ്‌ ആയത്‌?

²⁰ ബെറ​നൈ​സി​യു​ടെ “കൈ,” അഥവാ പിൻബലം പിതാ​വായ ടോളമി രണ്ടാമൻ ആയിരു​ന്നു. പൊ.യു.മു. 246-ൽ അദ്ദേഹം മരിച്ച​പ്പോൾ തന്റെ ഭർത്താ​വു​മാ​യുള്ള ബന്ധത്തിൽ അവൾ “തന്റെ കൈയു​ടെ ശക്തി നിലനിർത്തി”യില്ല. ആന്റി​യോ​ക്കസ്‌ രണ്ടാമൻ അവളെ ഉപേക്ഷിച്ച്‌ ലവോ​ദി​സി​നെ പുനർവി​വാ​ഹം ചെയ്യു​ക​യും അവരുടെ പുത്രനെ പിൻഗാ​മി​യാ​യി പ്രഖ്യാ​പി​ക്കു​ക​യും ചെയ്‌തു. ലവോ​ദി​സി​ന്റെ പദ്ധതി​പ്ര​കാ​രം ബെറ​നൈ​സി​യും പുത്ര​നും കൊല​ചെ​യ്യ​പ്പെട്ടു. തെളിവ്‌ അനുസ​രിച്ച്‌, “അവളെ കൊണ്ടു​വ​ന്ന​വരു”ടെയും, അതായത്‌ അവളെ ഈജി​പ്‌തിൽനിന്ന്‌ സിറി​യ​യി​ലേക്കു കൊണ്ടു​വന്ന സേവക​രു​ടെ​യും ഗതി അതുതന്നെ ആയിരു​ന്നു. ലവോ​ദിസ്‌ ആന്റി​യോ​ക്കസ്‌ രണ്ടാമന്‌ വിഷം കൊടു​ക്കു​ക​പോ​ലും ചെയ്‌തു. തത്‌ഫ​ല​മാ​യി “അവന്റെ കൈ”യും അഥവാ ശക്തിയും ‘നിലനി​ന്നില്ല.’ അങ്ങനെ, “അവളുടെ ജനയി​താ​വും,” അതായത്‌ ബെറ​നൈ​സി​യു​ടെ പിതാ​വും അവളെ താത്‌കാ​ലി​ക​മാ​യി “ശക്ത”യാക്കിയ സിറി​യ​ക്കാ​ര​നായ ഭർത്താ​വും മരണമ​ടഞ്ഞു. ലവോ​ദി​സി​ന്റെ പുത്ര​നായ സെല്യൂ​ക്കസ്‌ രണ്ടാമൻ സിറി​യ​യു​ടെ രാജാവ്‌ ആകുക​യും ചെയ്‌തു. എന്നാൽ ടോളമി വംശത്തി​ലെ അടുത്ത രാജാവ്‌ ഇതി​നോ​ടെ​ല്ലാം എങ്ങനെ പ്രതി​ക​രി​ക്കു​മാ​യി​രു​ന്നു?

ഒരു രാജാവ്‌ തന്റെ സഹോ​ദ​രി​യു​ടെ കൊല​പാ​ത​ക​ത്തി​നു പ്രതി​കാ​രം ചെയ്യുന്നു

21. (എ) ബെറ​നൈ​സി​യു​ടെ “വേരിൽ”നിന്നു “മുളെച്ച തൈ” ആരായി​രു​ന്നു, അദ്ദേഹം ‘എഴു​ന്നേ​റ്റത്‌’ എങ്ങനെ? (ബി) ടോളമി മൂന്നാമൻ “വടക്കെ​ദേ​ശ​ത്തി​ലെ രാജാ​വി​ന്റെ കോട്ട”യ്‌ക്കു നേരെ വന്നത്‌ എങ്ങനെ, അദ്ദേഹത്തെ ‘ജയിച്ചത്‌’ എങ്ങനെ?

²¹ ദൂതൻ പറഞ്ഞു: “അവളുടെ വേരിൽനി​ന്നു മുളെച്ച തൈയായ ഒരുവൻ എഴു​ന്നേ​ല്‌ക്കും; അവൻ ബലം പ്രാപി​ച്ചു വടക്കെ​ദേ​ശ​ത്തി​ലെ രാജാ​വി​ന്റെ കോട്ട​യിൽ കടന്നു അവരുടെ നേരെ പ്രവർത്തി​ച്ചു ജയിക്കും.” (ദാനീ​യേൽ 11:7) ബെറ​നൈ​സി​യു​ടെ “വേരിൽ”നിന്ന്‌, അഥവാ മാതാ​പി​താ​ക്ക​ളിൽ നിന്ന്‌ “മുളെച്ച തൈയായ ഒരുവൻ” അവളുടെ സഹോ​ദരൻ ആയിരു​ന്നു. പിതാവു മരിച്ച​പ്പോൾ, അദ്ദേഹം തെക്കേ​ദേ​ശത്തെ രാജാവ്‌, ഈജി​പ്‌തി​ലെ ഫറവോ​നായ ടോളമി മൂന്നാമൻ, എന്ന നിലയിൽ ‘എഴു​ന്നേറ്റു.’ ഉടൻതന്നെ അദ്ദേഹം തന്റെ സഹോ​ദ​രി​യു​ടെ കൊല​പാ​ത​ക​ത്തി​നു പ്രതി​കാ​രം ചെയ്യാൻ പുറ​പ്പെട്ടു. ബെറ​നൈ​സി​യെ​യും പുത്ര​നെ​യും കൊല്ലാൻ ലവോ​ദിസ്‌ ഉപയോ​ഗിച്ച സിറിയൻ രാജാ​വായ സെല്യൂ​ക്കസ്‌ രണ്ടാമന്‌ എതിരെ പടനയി​ച്ചു​കൊണ്ട്‌ അദ്ദേഹം “വടക്കെ​ദേ​ശ​ത്തി​ലെ രാജാ​വി​ന്റെ കോട്ട”യ്‌ക്കു നേരെ വന്നു. ടോളമി മൂന്നാമൻ അന്ത്യോ​ക്യ​യു​ടെ കോട്ട​കെ​ട്ടി​യു​റ​പ്പിച്ച ഭാഗം പിടി​ച്ചെ​ടു​ക്കു​ക​യും ലവോ​ദി​സി​നെ വധിക്കു​ക​യും ചെയ്‌തു. വടക്കേ​ദേ​ശത്തെ രാജാ​വി​ന്റെ പ്രദേ​ശ​ത്തു​കൂ​ടെ കിഴ​ക്കോ​ട്ടു നീങ്ങിയ അദ്ദേഹം ബാബി​ലോൺ കൊള്ള​യ​ടി​ക്കു​ക​യും ഇന്ത്യയി​ലേക്കു മുന്നേ​റു​ക​യും ചെയ്‌തു.

22. ടോളമി മൂന്നാമൻ ഈജി​പ്‌തി​ലേക്കു മടക്കി​ക്കൊ​ണ്ടു​വ​ന്നത്‌ എന്ത്‌, അദ്ദേഹം “കുറെ സംവത്സ​ര​ത്തോ​ളം വടക്കെ​ദേ​ശ​ത്തി​ലെ രാജാ​വി​നോ​ടു പൊരു​താ​തി”രുന്നത്‌ എന്തു​കൊണ്ട്‌?

²² തുടർന്ന്‌ എന്തു സംഭവി​ച്ചു? ദൈവ​ദൂ​തൻ നമ്മോടു പറയുന്നു: “അവരുടെ ദേവന്മാ​രെ​യും ബിംബ​ങ്ങ​ളെ​യും വെള്ളി​യും പൊന്നും​കൊ​ണ്ടുള്ള മനോ​ഹ​ര​വ​സ്‌തു​ക്ക​ളെ​യും അവൻ എടുത്തു മിസ്ര​യീ​മി​ലേക്കു കൊണ്ടു​പോ​കും; പിന്നെ അവൻ കുറെ സംവത്സ​ര​ത്തോ​ളം വടക്കെ​ദേ​ശ​ത്തി​ലെ രാജാ​വി​നോ​ടു പൊരു​താ​തി​രി​ക്കും.” (ദാനീ​യേൽ 11:8) 200-ലധികം വർഷം മുമ്പ്‌ പേർഷ്യൻ രാജാ​വായ കാംബി​സസ്സ്‌ രണ്ടാമൻ ഈജി​പ്‌തി​നെ കീഴടക്കി ഈജി​പ്‌ഷ്യൻ ദേവന്മാ​രെ​യും ഉരുക്കി​യു​ണ്ടാ​ക്കിയ “ബിംബ​ങ്ങ​ളെ​യും” സ്വദേ​ശ​ത്തേക്കു കൊണ്ടു​വ​ന്നി​രു​ന്നു. എന്നാൽ പേർഷ്യ​യു​ടെ പഴയ രാജത​ല​സ്ഥാ​നം ആയിരുന്ന സുസ കൊള്ള​യ​ടിച്ച ടോളമി മൂന്നാമൻ ആ ദേവന്മാ​രെ വീണ്ടെ​ടുത്ത്‌ ഈജി​പ്‌തി​ലേക്കു ‘കൊണ്ടു​പോ​യി.’ യുദ്ധത്തിൽ പിടി​ച്ചെ​ടുത്ത, “വെള്ളി​യും പൊന്നും​കൊ​ണ്ടുള്ള” അനേകം “മനോ​ഹ​ര​വ​സ്‌തുക്ക”ളും അദ്ദേഹം കൊണ്ടു​പോ​യി. ആഭ്യന്തര കലാപം അടിച്ച​മർത്താ​നാ​യി സ്വദേ​ശ​ത്തേക്കു മടങ്ങേണ്ടി വന്നതി​നാൽ ടോളമി മൂന്നാമൻ “വടക്കെ​ദേ​ശ​ത്തി​ലെ രാജാ​വി​നോ​ടു പൊരു​താ​തി”രുന്നു, അദ്ദേഹ​ത്തി​ന്റെ മേൽ കൂടു​ത​ലായ ക്ഷതം ഏൽപ്പി​ച്ചില്ല.

സിറിയൻ രാജാവ്‌ പകരം വീട്ടുന്നു

23. വടക്കേ​ദേ​ശത്തെ രാജാവ്‌ തെക്കേ​ദേ​ശത്തെ രാജാ​വി​ന്റെ രാജ്യത്തു വന്നശേഷം “സ്വദേ​ശ​ത്തേക്കു മടങ്ങി​പ്പോ”യത്‌ എന്തു​കൊണ്ട്‌?

²³ വടക്കേ​ദേ​ശത്തെ രാജാവ്‌ എങ്ങനെ പ്രതി​ക​രി​ച്ചു? ദാനീ​യേ​ലി​നോട്‌ ഇങ്ങനെ പറയ​പ്പെട്ടു: “അവൻ തെക്കെ​ദേ​ശ​ത്തി​ലെ രാജാ​വി​ന്റെ രാജ്യ​ത്തേക്കു ചെന്നു സ്വദേ​ശ​ത്തേക്കു മടങ്ങി​പ്പോ​രും.” (ദാനീ​യേൽ 11:9) വടക്കേ​ദേ​ശത്തെ രാജാ​വാ​യി​രുന്ന സിറി​യ​യി​ലെ സെല്യൂ​ക്കസ്‌ രണ്ടാമൻ രാജാവ്‌ തിരി​ച്ച​ടി​ച്ചു. അദ്ദേഹം തെക്കേ​ദേ​ശത്തെ രാജാ​വി​ന്റെ ‘രാജ്യത്ത്‌,’ അഥവാ മണ്ഡലത്തിൽ പ്രവേ​ശി​ച്ചെ​ങ്കി​ലും പരാജ​യ​മ​ടഞ്ഞു. ശേഷിച്ച ചെറി​യൊ​രു കൂട്ടം സൈന്യ​വു​മാ​യി സെല്യൂ​ക്കസ്‌ രണ്ടാമൻ പൊ.യു.മു. ഏകദേശം 242-ൽ സിറി​യ​യു​ടെ തലസ്ഥാ​ന​മായ അന്ത്യോ​ക്യ​യി​ലേക്കു പിൻവാ​ങ്ങി​ക്കൊണ്ട്‌ ‘സ്വദേ​ശ​ത്തേക്കു മടങ്ങി​പ്പോ​ന്നു.’ അദ്ദേഹം മരിച്ച​പ്പോൾ പുത്ര​നായ സെല്യൂ​ക്കസ്‌ മൂന്നാമൻ അദ്ദേഹ​ത്തി​ന്റെ പിൻഗാ​മി​യാ​യി.

24. (എ) സെല്യൂ​ക്കസ്‌ മൂന്നാ​മന്‌ എന്തു സംഭവി​ച്ചു? (ബി) സിറിയൻ രാജാ​വായ ആന്റി​യോ​ക്കസ്‌ മൂന്നാമൻ തെക്കേ​ദേ​ശത്തെ രാജാ​വി​ന്റെ രാജ്യത്ത്‌ “വന്നു കവിഞ്ഞു കടന്നു​പോ”യത്‌ എങ്ങനെ?

²⁴ സിറിയൻ രാജാ​വായ സെല്യൂ​ക്കസ്‌ രണ്ടാമന്റെ സന്തതിയെ കുറിച്ച്‌ എന്താണ്‌ പ്രവചി​ക്ക​പ്പെ​ട്ടത്‌? ദൂതൻ ദാനീ​യേ​ലി​നോട്‌ ഇങ്ങനെ പറഞ്ഞു: “അവന്റെ പുത്ര​ന്മാ​രോ വീണ്ടും യുദ്ധം ആരംഭി​ക്ക​യും ബഹുപു​രു​ഷാ​രം അടങ്ങിയ മഹാ​സൈ​ന്യ​ങ്ങളെ ശേഖരി​ക്ക​യും​ചെ​യ്യും; അതു വന്നു കവിഞ്ഞു കടന്നു​പോ​കും; പിന്നെ അവൻ മടങ്ങി​ച്ചെന്നു അവന്റെ കോട്ട​വരെ യുദ്ധം നടത്തും” (ദാനീ​യേൽ 11:10) സെല്യൂ​ക്കസ്‌ മൂന്നാമൻ വധിക്ക​പ്പെ​ട്ട​തി​നാൽ മൂന്നു വർഷത്തി​നു​ള്ളിൽ അദ്ദേഹ​ത്തി​ന്റെ വാഴ്‌ച അവസാ​നി​ച്ചു. അദ്ദേഹ​ത്തി​ന്റെ സഹോ​ദ​ര​നായ ആന്റി​യോ​ക്കസ്‌ മൂന്നാമൻ സിറിയൻ സിംഹാ​സ​ന​ത്തിൽ അദ്ദേഹ​ത്തി​ന്റെ പിൻഗാ​മി​യാ​യി. സെല്യൂ​ക്കസ്‌ രണ്ടാമന്റെ ഈ പുത്രൻ, അന്നു തെക്കേ​ദേ​ശത്തെ രാജാ​വാ​യി​രുന്ന ടോളമി നാലാ​മനെ ആക്രമി​ക്കാ​നാ​യി വലി​യൊ​രു സൈന്യ​ത്തെ കൂട്ടി​വ​രു​ത്തി. ഈജി​പ്‌തിന്‌ എതിരെ വിജയ​ക​ര​മാ​യി പോരാ​ടിയ വടക്കേ​ദേ​ശത്തെ പുതിയ സിറിയൻ രാജാവ്‌ സെലൂ​ക്യാ തുറമു​ഖ​വും കോയ്‌ലി-സിറിയ പ്രവി​ശ്യ​യും സോർ, ടോള​മി​യസ്‌ എന്നീ നഗരങ്ങ​ളും സമീപ പട്ടണങ്ങ​ളും തിരിച്ചു പിടിച്ചു. ടോളമി നാലാമൻ രാജാ​വി​ന്റെ ഒരു സൈന്യ​ത്തെ തുരത്തിയ അദ്ദേഹം യഹൂദ​യി​ലെ അനേകം നഗരങ്ങൾ പിടി​ച്ചെ​ടു​ത്തു. പൊ.യു.മു. 217-ലെ വസന്ത കാലത്ത്‌ ആന്റി​യോ​ക്കസ്‌ മൂന്നാമൻ ടോള​മി​യസ്‌ വിട്ട്‌ വടക്കോട്ട്‌ സിറി​യ​യി​ലെ “അവന്റെ കോട്ട​വരെ” പോയി. എന്നാൽ ഒരു മാറ്റം ആസന്നമാ​യി​രു​ന്നു.

തിരി​ച്ച​ടി​ക്കു​ന്നു

25. എവിടെ വെച്ചാ​യി​രു​ന്നു ടോളമി നാലാമൻ ആന്റി​യോ​ക്കസ്‌ മൂന്നാ​മനെ നേരി​ട്ടത്‌, തെക്കേ​ദേ​ശത്തെ ഈജി​പ്‌ഷ്യൻ രാജാ​വി​ന്റെ “കയ്യിൽ ഏല്‌പി​ക്കപ്പെ”ട്ടത്‌ എന്ത്‌?

²⁵ ദാനീ​യേ​ലി​നെ​പ്പോ​ലെ നാമും, യഹോ​വ​യു​ടെ ദൂതൻ അടുത്ത​താ​യി പറയു​ന്നതു പ്രതീ​ക്ഷാ​പൂർവം കേൾക്കു​ന്നു: “അപ്പോൾ തെക്കെ​ദേ​ശ​ത്തി​ലെ രാജാവു ദ്വേഷ്യം​പൂ​ണ്ടു പുറ​പ്പെട്ടു വടക്കെ​ദേ​ശ​ത്തി​ലെ രാജാ​വി​നോ​ടു യുദ്ധം ചെയ്യും; അവൻ [വടക്കെ​ദേ​ശ​ത്തി​ലെ രാജാവ്‌] വലി​യോ​രു സമൂഹത്തെ അണിനി​ര​ത്തും; എന്നാൽ ആ സമൂഹം മററവന്റെ കയ്യിൽ ഏല്‌പി​ക്ക​പ്പെ​ടും.” (ദാനീ​യേൽ 11:11) 75,000 പേരുടെ ഒരു സൈന്യ​വു​മാ​യി തെക്കേ​ദേ​ശത്തെ രാജാ​വായ ടോളമി നാലാമൻ തന്റെ ശത്രു​വിന്‌ എതിരാ​യി വടക്കോ​ട്ടു നീങ്ങി. അവനോട്‌ എതിർത്തു നിൽക്കാ​നാ​യി വടക്കേ​ദേ​ശത്തെ സിറിയൻ രാജാ​വായ ആന്റി​യോ​ക്കസ്‌ മൂന്നാമൻ 68,000 പേരുടെ “വലി​യോ​രു സമൂഹത്തെ” അണിനി​ര​ത്തി​യി​രു​ന്നു. എന്നാൽ, ഈജി​പ്‌തി​ന്റെ അതിർത്തിക്ക്‌ അടുത്തുള്ള തീരദേശ നഗരമായ റാഫി​യ​യിൽ വെച്ചു നടന്ന യുദ്ധത്തിൽ ആ “സമൂഹം” തെക്കേ​ദേ​ശത്തെ രാജാ​വി​ന്റെ ‘കയ്യിൽ ഏല്‌പി​ക്ക​പ്പെട്ടു.’

26. (എ) റാഫി​യ​യിൽ വെച്ച്‌ നടന്ന യുദ്ധത്തിൽ തെക്കേ​ദേ​ശത്തെ രാജാവ്‌ കൊണ്ടു​പോയ ‘സമൂഹം’ ഏത്‌, അവി​ടെ​വെച്ച്‌ ഉണ്ടാക്കിയ സമാധാന ഉടമ്പടി​യു​ടെ വ്യവസ്ഥകൾ എന്തെല്ലാം? (ബി) ടോളമി നാലാമൻ “തന്റെ ശക്തമായ നില ഉപയോ​ഗ​പ്പെടു”ത്താതി​രു​ന്നത്‌ എങ്ങനെ? (സി) തെക്കേ​ദേ​ശത്തെ അടുത്ത രാജാ​വാ​യി​ത്തീർന്നത്‌ ആര്‌?

²⁶ പ്രവചനം ഇങ്ങനെ തുടരു​ന്നു: “ആ ജനസമൂ​ഹം തീർച്ച​യാ​യും കൊല്ല​പ്പെ​ടും. അവന്റെ ഹൃദയം ഗർവി​ച്ചിട്ട്‌ അവൻ പതിനാ​യി​ര​ങ്ങളെ വീഴു​മാ​റാ​ക്കും; എങ്കിലും അവൻ തന്റെ ശക്തമായ നില ഉപയോ​ഗ​പ്പെ​ടു​ത്തു​ക​യില്ല.” (ദാനീ​യേൽ 11:12, NW) തെക്കേ​ദേ​ശത്തെ രാജാ​വായ ടോളമി നാലാമൻ 10,000 സിറിയൻ കാലാൾഭ​ട​ന്മാ​രെ​യും 300 അശ്വഭ​ട​ന്മാ​രെ​യും ‘കൊന്ന്‌’ 4,000 പേരെ തടവു​കാ​രാ​യി പിടിച്ചു. തുടർന്ന്‌ ആ രാജാ​ക്ക​ന്മാർ ഒരു ഉടമ്പടി ഉണ്ടാക്കി. അത്‌ അനുസ​രിച്ച്‌, ആന്റി​യോ​ക്കസ്‌ മൂന്നാമൻ തന്റെ സിറിയൻ തുറമുഖ നഗരമായ സെലൂക്യ കൈവശം വെച്ചു. എന്നാൽ ഫൊയ്‌നി​ക്യ​യും (ഫിനീഷ്യ) കോയ്‌ലി-സിറി​യ​യും അദ്ദേഹ​ത്തി​നു നഷ്ടമായി. ഈ വിജയ​ത്തിൽ തെക്കേ​ദേ​ശത്തെ ഈജി​പ്‌ഷ്യൻ രാജാവ്‌ ‘ഗർവിച്ചു,’ വിശേ​ഷി​ച്ചും യഹോ​വ​യ്‌ക്കെ​തി​രെ. യഹൂദ ടോളമി നാലാ​മന്റെ നിയ​ന്ത്ര​ണ​ത്തിൽ തുടർന്നു. എന്നിരു​ന്നാ​ലും, വടക്കേ​ദേ​ശത്തെ സിറിയൻ രാജാ​വിന്‌ എതിരാ​യി തുടർന്നും വിജയം നേടാൻ അദ്ദേഹം “തന്റെ ശക്തമായ നില ഉപയോ​ഗ​പ്പെടു”ത്തിയില്ല. പകരം, ടോളമി നാലാമൻ ഒരു വിഷയാ​സക്ത ജീവി​ത​ത്തി​ലേക്കു തിരിഞ്ഞു. അദ്ദേഹ​ത്തി​ന്റെ അഞ്ചു വയസ്സുള്ള പുത്ര​നായ ടോളമി അഞ്ചാമൻ തെക്കേ​ദേ​ശത്തെ അടുത്ത രാജാ​വാ​യി. ആന്റി​യോ​ക്കസ്‌ മൂന്നാ​മന്റെ മരണത്തി​നു വർഷങ്ങൾ മുമ്പാ​യി​രു​ന്നു അത്‌.

ആ വീരപ​രാ​ക്രമി തിരിച്ചു വരുന്നു

27. വടക്കേ​ദേ​ശത്തെ രാജാവ്‌ ഈജി​പ്‌തിൽനി​ന്നു പ്രദേശം വീണ്ടെ​ടു​ക്കാ​നാ​യി “സമയങ്ങ​ളു​ടെ അന്ത്യത്തിൽ” മടങ്ങി​വ​ന്നത്‌ എങ്ങനെ?

²⁷ തന്റെ വീരപ​രാ​ക്ര​മങ്ങൾ നിമിത്തം ആന്റി​യോ​ക്കസ്‌ മൂന്നാമൻ മഹാനായ ആന്റി​യോ​ക്കസ്‌ എന്നു വിളി​ക്ക​പ്പെ​ടാൻ ഇടയായി. അദ്ദേഹത്തെ കുറിച്ചു ദൂതൻ പറഞ്ഞു: “വടക്കേ​ദേ​ശത്തെ രാജാവു മടങ്ങി​വന്ന്‌ ആദ്യ​ത്തേ​തി​നെ​ക്കാൾ വലി​യോ​രു സമൂഹത്തെ അണിനി​ര​ത്തേ​ണ്ട​തു​തന്നെ; സമയങ്ങ​ളു​ടെ അന്ത്യത്തിൽ, കുറെ വർഷങ്ങൾ കഴിഞ്ഞിട്ട്‌, അവൻ വരും, അത്‌ വലിയ സൈനിക ശക്തി​യോ​ടെ​യും വളരെ​യേറെ വസ്‌തു​ക്ക​ളോ​ടെ​യും ആയിരി​ക്കും.” (ദാനീ​യേൽ 11:13, NW) ഈ ‘സമയങ്ങൾ,’ ഈജി​പ്‌തു​കാർ റാഫി​യ​യിൽ വെച്ച്‌ സിറി​യ​ക്കാ​രെ പരാജ​യ​പ്പെ​ടു​ത്തി​യ​തി​നു ശേഷമുള്ള 16-ഓ അതി​ലേ​റെ​യോ വർഷങ്ങൾ ആയിരു​ന്നു. ബാലനായ ടോളമി അഞ്ചാമൻ തെക്കേ​ദേ​ശത്തെ രാജാ​വാ​യ​പ്പോൾ, തെക്കേ​ദേ​ശത്തെ ഈജി​പ്‌ഷ്യൻ രാജാ​വി​ന്റെ കൈക​ളി​ലാ​യി​പ്പോയ തന്റെ പ്രദേ​ശങ്ങൾ വീണ്ടെ​ടു​ക്കാ​നാ​യി ആന്റി​യോ​ക്കസ്‌ മൂന്നാമൻ “ആദ്യ​ത്തേ​തി​നെ​ക്കാൾ വലി​യോ​രു സമൂഹത്തെ” അണിനി​രത്തി. ആ ലക്ഷ്യത്തിൽ അദ്ദേഹം മാസി​ഡോ​ണി​യൻ രാജാ​വായ ഫിലിപ്പ്‌ അഞ്ചാമ​നു​മാ​യി സഖ്യം ചേർന്നു.

28. തെക്കേ​ദേ​ശത്തെ ബാലരാ​ജാ​വിന്‌ ഏതു പ്രശ്‌നങ്ങൾ നേരിട്ടു?

²⁸ തെക്കേ​ദേ​ശത്തെ രാജാ​വിന്‌ ആഭ്യന്തര പ്രശ്‌ന​ങ്ങ​ളും ഉണ്ടായി​രു​ന്നു. “ആ കാലത്തു പലരും തെക്കെ​ദേ​ശ​ത്തി​ലെ രാജാ​വി​ന്റെ നേരെ എഴു​ന്നേ​ല്‌ക്കും” എന്ന്‌ ദൂതൻ പറഞ്ഞു. (ദാനീ​യേൽ 11:14എ) അനേകർ “തെക്കെ​ദേ​ശ​ത്തി​ലെ രാജാ​വി​ന്റെ നേരെ എഴു​ന്നേ​ല്‌ക്കു”കതന്നെ ചെയ്‌തു. ആന്റി​യോ​ക്കസ്‌ മൂന്നാ​മ​ന്റെ​യും അദ്ദേഹ​വു​മാ​യി സഖ്യത്തിൽ ആയിരുന്ന മാസി​ഡോ​ണി​യൻ രാജാ​വി​ന്റെ​യും സൈന്യ​ങ്ങളെ നേരി​ടു​ന്ന​തി​നു പുറമേ സ്വദേ​ശ​മായ ഈജി​പ്‌തി​ലെ പ്രശ്‌ന​ങ്ങ​ളെ​യും തെക്കേ​ദേ​ശത്തെ ബാലരാ​ജാ​വിന്‌ നേരി​ടേണ്ടി വന്നു. അവന്റെ പേരിൽ ഭരണം നടത്തി​യി​രുന്ന, രക്ഷാകർത്താ​വായ അഗത്തോ​ക്ലിസ്‌ ഈജി​പ്‌തു​കാ​രോ​ടു ധിക്കാ​ര​പൂർവം ഇടപെ​ട്ടി​രു​ന്നതു നിമിത്തം അനേകർ മത്സരിച്ചു. ദൂതൻ ഇങ്ങനെ കൂട്ടി​ച്ചേർത്തു: “നിന്റെ ജനത്തി​ലുള്ള അക്രമി​കൾ ദർശനത്തെ [“സ്വപ്‌നം,” NW] നിവർത്തി​പ്പാൻ തക്കവണ്ണം മത്സരി​ക്കും; എങ്കിലും അവർ ഇടറി​വീ​ഴും.” (ദാനീ​യേൽ 11:14ബി) ദാനീ​യേ​ലി​ന്റെ ജനത്തിലെ ചിലർ പോലും “അക്രമി​കൾ,” അഥവാ വിപ്ലവ​കാ​രി​കൾ ആയിത്തീർന്നു. എന്നാൽ തങ്ങളുടെ മാതൃ​ദേ​ശ​ത്തി​ന്മേ​ലുള്ള വിജാ​തീയ ആധിപ​ത്യം അവസാ​നി​പ്പി​ക്കാ​മെന്ന ആ യഹൂദ​ന്മാ​രു​ടെ ‘സ്വപ്‌നം’ വ്യർഥ​മാ​യി​രു​ന്നു, അവർ പരാജ​യ​പ്പെ​ടു​മാ​യി​രു​ന്നു അഥവാ “ഇടറി​വീ​ഴു”മായി​രു​ന്നു.

29, 30. (എ) ‘തെക്കെ​പ​ട​ക്കൂ​ട്ടങ്ങൾ’ വടക്കേ​ദേ​ശ​ത്തു​നി​ന്നുള്ള ആക്രമ​ണ​ത്തി​നു മുന്നിൽ കീഴട​ങ്ങി​യത്‌ എങ്ങനെ? (ബി) വടക്കേ​ദേ​ശത്തെ രാജാവ്‌ ‘മനോ​ഹ​ര​ദേ​ശത്തു നിൽക്കാൻ’ വന്നത്‌ എങ്ങനെ?

²⁹ യഹോ​വ​യു​ടെ ദൂതൻ തുടർന്ന്‌ ഇങ്ങനെ മുൻകൂ​ട്ടി പറഞ്ഞു: “എന്നാൽ വടക്കെ​ദേ​ശ​ത്തി​ലെ രാജാവു വന്നു വാട​കോ​രി [“വേഗം ഉപരോധ മതിൽ ഉയർത്തി,” NW] ഉറപ്പുള്ള പട്ടണങ്ങളെ പിടി​ക്കും; തെക്കെ​പ​ട​ക്കൂ​ട്ട​ങ്ങ​ളും അവന്റെ ശ്രേഷ്‌ഠ​ജ​ന​വും ഉറെച്ചു​നി​ല്‌ക്ക​യില്ല; ഉറെച്ചു​നി​ല്‌പാൻ അവർക്കു ശക്തിയു​ണ്ടാ​ക​യു​മില്ല. അവന്റെ നേരെ വരുന്നവൻ ഇഷ്ടം​പോ​ലെ പ്രവർത്തി​ക്കും; ആരും അവന്റെ മുമ്പാകെ നില്‌ക്ക​യില്ല; അവൻ മനോ​ഹ​ര​ദേ​ശത്തു നില്‌ക്കും; അവന്റെ കയ്യിൽ സംഹാരം ഉണ്ടായി​രി​ക്കും.”—ദാനീ​യേൽ 11:15, 16.

³⁰ ടോളമി അഞ്ചാമന്റെ കീഴി​ലുള്ള സേനകൾ, അഥവാ ‘തെക്കെ​പ​ട​ക്കൂ​ട്ടങ്ങൾ’ വടക്കേ​ദേ​ശ​ത്തു​നി​ന്നുള്ള ആക്രമ​ണ​ത്തി​നു മുന്നിൽ കീഴടങ്ങി. പാനി​യ​സിൽ (ഫിലി​പ്പി​ന്റെ കൈസ​ര്യ​യിൽ) വെച്ച്‌ ആന്റി​യോ​ക്കസ്‌ മൂന്നാമൻ ഈജി​പ്‌തി​ലെ ജനറൽ സ്‌കോ​പ​സി​നെ​യും തിര​ഞ്ഞെ​ടു​ക്ക​പ്പെ​ട്ട​വ​രായ അഥവാ “ശ്രേഷ്‌ഠജന”ങ്ങളായ 10,000 പേരെ​യും “ഉറപ്പുള്ള പട്ടണ”മായ സീദോ​നി​ലേക്ക്‌ ഓടിച്ചു. അവിടെ “വേഗം ഉപരോധ മതിൽ ഉയർത്തി”യ ആന്റി​യോ​ക്കസ്‌ മൂന്നാമൻ പൊ.യു.മു. 198-ൽ ഫൊയ്‌നി​ക്യൻ തുറമു​ഖം പിടി​ച്ചെ​ടു​ത്തു. അദ്ദേഹം തന്റെ “ഇഷ്ടം​പോ​ലെ” പ്രവർത്തി​ച്ചു. കാരണം തെക്കേ​ദേ​ശത്തെ ഈജി​പ്‌ഷ്യൻ രാജാ​വിന്‌ അദ്ദേഹ​ത്തി​ന്റെ മുമ്പാകെ നിൽപ്പാൻ കഴിഞ്ഞില്ല. തുടർന്ന്‌, ആന്റി​യോ​ക്കസ്‌ മൂന്നാമൻ “മനോ​ഹ​ര​ദേശ”മായ യഹൂദ​യു​ടെ തലസ്ഥാ​ന​മായ യെരൂ​ശ​ലേ​മി​നു നേരെ പുറ​പ്പെട്ടു. പൊ.യു.മു. 198-ൽ യെരൂ​ശ​ലേ​മി​ന്റെ​യും യഹൂദ​യു​ടെ​യും മേലുള്ള ആധിപ​ത്യം തെക്കേ​ദേ​ശത്തെ ഈജി​പ്‌ഷ്യൻ രാജാ​വിൽനി​ന്നു വടക്കേ​ദേ​ശത്തെ സിറിയൻ രാജാ​വി​ലേക്കു കൈമാ​റ്റം ചെയ്യ​പ്പെട്ടു. അങ്ങനെ വടക്കേ​ദേ​ശത്തെ രാജാ​വായ ആന്റി​യോ​ക്കസ്‌ മൂന്നാമൻ ‘മനോ​ഹ​ര​ദേ​ശത്തു നിൽക്കാൻ’ തുടങ്ങി. എതിർത്തു​നിന്ന സകല യഹൂദ​ന്മാർക്കും ഈജി​പ്‌തു​കാർക്കും വേണ്ടി “അവന്റെ കയ്യിൽ സംഹാരം ഉണ്ടായി”രുന്നു. വടക്കേ​ദേ​ശത്തെ ഈ രാജാ​വിന്‌ എത്രകാ​ലം സ്വന്തം ഇഷ്ടം​പോ​ലെ പ്രവർത്തി​ക്കാൻ കഴിയു​മാ​യി​രു​ന്നു?

റോം വീരപ​രാ​ക്ര​മി​യു​ടെ​മേൽ സമ്മർദം ചെലു​ത്തു​ന്നു

31, 32. വടക്കേ​ദേ​ശത്തെ രാജാവ്‌ തെക്കേ​ദേ​ശത്തെ രാജാ​വു​മാ​യി ഒരു സമാധാന “ഉടമ്പടി”യിൽ ഏർപ്പെ​ട്ടത്‌ എന്തു​കൊണ്ട്‌?

³¹ യഹോ​വ​യു​ടെ ദൂതൻ നമുക്ക്‌ ഇങ്ങനെ ഉത്തരം നൽകുന്നു: “അവൻ [വടക്കേ​ദേ​ശത്തെ രാജാവ്‌] തന്റെ സർവ്വരാ​ജ്യ​ത്തി​ന്റെ​യും ശക്തി​യോ​ടു​കൂ​ടെ വരുവാൻ താല്‌പ​ര്യം വെക്കും; എന്നാൽ അവൻ അവനോ​ടു ഒരു ഉടമ്പടി ചെയ്‌തു, അവന്നു നാശത്തി​ന്നാ​യി തന്റെ മകളെ ഭാര്യ​യാ​യി​കൊ​ടു​ക്കും; എങ്കിലും അവൾ നില്‌ക്ക​യില്ല; അവന്നു ഇരിക്ക​യു​മില്ല.”—ദാനീ​യേൽ 11:17.

³² വടക്കേ​ദേ​ശത്തെ രാജാ​വായ ആന്റി​യോ​ക്കസ്‌ മൂന്നാമൻ “തന്റെ സർവ്വരാ​ജ്യ​ത്തി​ന്റെ​യും ശക്തി​യോ​ടു​കൂ​ടെ” ഈജി​പ്‌തി​ന്മേൽ ആധിപ​ത്യം പുലർത്താൻ ‘താത്‌പ​ര്യം വെച്ചു.’ എന്നാൽ അത്‌, തെക്കേ​ദേ​ശത്തെ രാജാ​വായ ടോളമി അഞ്ചാമ​നു​മാ​യുള്ള ഒരു സമാധാന “ഉടമ്പടി”യിൽ അവസാ​നി​ച്ചു. റോമി​ന്റെ സമ്മർദം തന്റെ പദ്ധതിക്കു മാറ്റം വരുത്താൻ ആന്റി​യോ​ക്കസ്‌ മൂന്നാ​മനെ പ്രേരി​പ്പി​ച്ചി​രു​ന്നു. അദ്ദേഹ​വും മാസി​ഡോ​ണി​യ​യി​ലെ ഫിലിപ്പ്‌ അഞ്ചാമൻ രാജാ​വും ഈജി​പ്‌തി​ലെ ബാലരാ​ജാ​വി​ന്റെ പ്രദേ​ശങ്ങൾ പിടി​ച്ചെ​ടു​ക്കാ​നാ​യി സഖ്യം ചേർന്ന​പ്പോൾ ടോളമി അഞ്ചാമന്റെ രക്ഷാകർത്താവ്‌ സംരക്ഷ​ണാർഥം റോമി​ന്റെ സഹായം തേടി. സ്വാധീന വലയം വികസി​പ്പി​ക്കാ​നുള്ള ഈ അവസരം മുത​ലെ​ടു​ത്തു​കൊ​ണ്ടു റോം അതിന്റെ കരുത്തു കാട്ടി.

33. (എ) ആന്റി​യോ​ക്കസ്‌ മൂന്നാ​മ​നും ടോളമി അഞ്ചാമ​നും തമ്മിലുള്ള സമാധാന ഉടമ്പടി​യി​ലെ വ്യവസ്ഥകൾ ഏവ? (ബി) ഒന്നാം ക്ലിയോ​പാ​ട്ര​യും ടോളമി അഞ്ചാമ​നും തമ്മിലുള്ള വിവാ​ഹ​ത്തി​ന്റെ ഉദ്ദേശ്യം എന്തായി​രു​ന്നു, ആ പദ്ധതി പരാജ​യ​പ്പെ​ട്ടത്‌ എന്തു​കൊണ്ട്‌?

³³ റോമി​ന്റെ നിർബ​ന്ധ​ത്തി​നു വഴങ്ങി ആന്റി​യോ​ക്കസ്‌ മൂന്നാമൻ തെക്കേ​ദേ​ശത്തെ രാജാ​വു​മാ​യി ഒരു സമാധാന സന്ധി ചെയ്‌തു. കീഴട​ക്കിയ പ്രദേ​ശങ്ങൾ റോം ആവശ്യ​പ്പെ​ട്ടത്‌ അനുസ​രിച്ച്‌ വിട്ടു കൊടു​ക്കു​ന്ന​തി​നു പകരം തന്റെ “മകളെ”—ഒന്നാം ക്ലിയോ​പാ​ട്രയെ—ടോളമി അഞ്ചാമനു വിവാഹം ചെയ്‌തു കൊടു​ത്തു​കൊണ്ട്‌ ആ പ്രദേ​ശങ്ങൾ നാമമാ​ത്ര​മാ​യി കൈമാ​റ്റം ചെയ്യുക എന്നതാ​യി​രു​ന്നു ആന്റി​യോ​ക്കസ്‌ മൂന്നാ​മന്റെ പദ്ധതി. അവളുടെ സ്‌ത്രീ​ധ​ന​മാ​യി, “മനോ​ഹ​ര​ദേശ”മായ യഹൂദ ഉൾപ്പെ​ടെ​യുള്ള പ്രവി​ശ്യ​കൾ നൽകണ​മാ​യി​രു​ന്നു. എന്നാൽ പൊ.യു.മു. 193-ൽ വിവാഹം നടന്ന​പ്പോൾ, ഈ പ്രവി​ശ്യ​കൾ ടോളമി അഞ്ചാമനു നൽകാൻ സിറി​യ​യി​ലെ രാജാവ്‌ കൂട്ടാ​ക്കി​യില്ല. ഈജി​പ്‌തി​നെ സിറി​യ​യു​ടെ കീഴി​ലാ​ക്കാ​നുള്ള ഒരു രാഷ്‌ട്രീയ വിവാ​ഹ​മാ​യി​രു​ന്നു ഇത്‌. എന്നാൽ ആ പദ്ധതി പരാജ​യ​പ്പെട്ടു. കാരണം ഒന്നാം ക്ലിയോ​പാ​ട്ര ‘അവന്‌ ഇരുന്നില്ല,’ അവൾ പിന്നീടു ഭർത്താ​വി​ന്റെ പക്ഷം ചേർന്നു. ആന്റി​യോ​ക്കസ്‌ മൂന്നാ​മ​നും റോമാ​ക്കാ​രും തമ്മിൽ യുദ്ധം പൊട്ടി​പ്പു​റ​പ്പെ​ട്ട​പ്പോൾ ഈജി​പ്‌ത്‌ റോമി​ന്റെ പക്ഷത്തു നിന്നു.

34, 35. (എ) ഏതു“തീര​പ്ര​ദേശങ്ങ”ളിലേ​ക്കാണ്‌ വടക്കേ​ദേ​ശത്തെ രാജാവ്‌ തന്റെ മുഖം തിരി​ച്ചത്‌? (ബി) വടക്കേ​ദേ​ശത്തെ രാജാ​വിൽനി​ന്നുള്ള “നിന്ദ” റോം അവസാ​നി​പ്പി​ച്ചത്‌ എങ്ങനെ? (സി) ആന്റി​യോ​ക്കസ്‌ മൂന്നാമൻ മരിച്ചത്‌ എങ്ങനെ, തുടർന്ന്‌ വടക്കേ​ദേ​ശത്തു രാജാ​വാ​യത്‌ ആർ?

³⁴ വടക്കേ​ദേ​ശത്തെ രാജാ​വി​ന്റെ പരാജ​യത്തെ പരാമർശി​ച്ചു​കൊ​ണ്ടു ദൂതൻ ഇങ്ങനെ കൂട്ടി​ച്ചേർത്തു: “പിന്നെ അവൻ [ആന്റി​യോ​ക്കസ്‌ മൂന്നാമൻ] തീര​പ്ര​ദേ​ശ​ങ്ങ​ളി​ലേക്കു മുഖം തിരിച്ചു പലതും​പി​ടി​ക്കും; എന്നാൽ അവൻ കാണിച്ച നിന്ദ ഒരു അധിപതി [റോം] നിർത്ത​ലാ​ക്കും; അത്രയു​മല്ല, [റോം] അവന്റെ [ആന്റി​യോ​ക്കസ്‌ മൂന്നാ​മന്റെ] നിന്ദ അവന്റെ​മേൽ തന്നേ വരുത്തും. പിന്നെ അവൻ [ആന്റി​യോ​ക്കസ്‌ മൂന്നാമൻ] സ്വദേ​ശ​ത്തി​ലെ കോട്ട​ക​ളു​ടെ നേരെ മുഖം തിരി​ക്കും; എങ്കിലും അവൻ ഇടറി​വീ​ണു, ഇല്ലാ​തെ​യാ​കും.”—ദാനീ​യേൽ 11:18, 19.

³⁵ മാസി​ഡോ​ണിയ, ഗ്രീസ്‌, ഏഷ്യാ​മൈനർ എന്നിവ ആയിരു​ന്നു ആ ‘തീര​പ്ര​ദേ​ശങ്ങൾ.’ പൊ.യു.മു. 192-ൽ ഗ്രീസിൽ ഒരു യുദ്ധം പൊട്ടി​പ്പു​റ​പ്പെട്ടു. ഗ്രീസി​ലേക്കു വരാൻ ആന്റി​യോ​ക്കസ്‌ മൂന്നാമൻ പ്രേരി​ത​നാ​യി. അവിടെ കൂടുതൽ പ്രദേ​ശങ്ങൾ പിടി​ച്ചെ​ടു​ക്കാ​നുള്ള സിറിയൻ രാജാ​വി​ന്റെ ശ്രമങ്ങ​ളിൽ അതൃപ്‌ത​രായ റോമാ​ക്കാർ അദ്ദേഹ​ത്തി​നെ​തി​രെ ഔദ്യോ​ഗി​ക​മാ​യി യുദ്ധം പ്രഖ്യാ​പി​ച്ചു. തെർമൊ​പ്പി​ലെ​യിൽ വെച്ച്‌, റോമാ​ക്കാ​രു​ടെ കൈക​ളിൽനിന്ന്‌ അദ്ദേഹം പരാജയം ഏറ്റുവാ​ങ്ങി. ഏതാണ്ട്‌ ഒരു വർഷം കഴിഞ്ഞ്‌, പൊ.യു.മു. 190-ൽ മഗ്നേഷ്യ​യി​ലെ യുദ്ധത്തിൽ പരാജ​യ​മടഞ്ഞ അദ്ദേഹ​ത്തിന്‌ ഗ്രീസി​ലും ഏഷ്യാ​മൈ​ന​റി​ലും തൗറസ്‌ മലകളു​ടെ പശ്ചിമ പ്രദേ​ശ​ങ്ങ​ളി​ലു​മുള്ള സകലതും ഉപേക്ഷി​ക്കേണ്ടി വന്നു. വടക്കേ​ദേ​ശത്തെ സിറിയൻ രാജാ​വിൽനി​ന്നു റോം ഭീമമായ കപ്പം ഈടാ​ക്കു​ക​യും അദ്ദേഹ​ത്തി​ന്റെ​മേൽ ആധിപ​ത്യം സ്ഥാപി​ക്കു​ക​യും ചെയ്‌തു. ഗ്രീസിൽനി​ന്നും ഏഷ്യാ​മൈ​ന​റിൽനി​ന്നും തുരത്ത​പ്പെ​ടു​ക​യും കപ്പൽവ്യൂ​ഹ​ങ്ങ​ളിൽ മിക്കതും നഷ്ടപ്പെ​ടു​ക​യും ചെയ്‌ത ആന്റി​യോ​ക്കസ്‌ മൂന്നാമൻ “സ്വദേ​ശ​ത്തി​ലെ [സിറി​യ​യി​ലെ] കോട്ട​ക​ളു​ടെ നേരെ മുഖം തിരി”ച്ചു. റോമാ​ക്കാർ തങ്ങൾക്ക്‌ എതിരായ ‘അവന്റെ നിന്ദ അവന്റെ​മേൽ തന്നേ വരുത്തി.’ പൊ.യു.മു. 187-ൽ പേർഷ്യ​യി​ലെ എലിമ​സി​ലുള്ള ഒരു ക്ഷേത്രം കൊള്ള​യ​ടി​ക്കാ​നുള്ള ശ്രമത്തിൽ ആന്റി​യോ​ക്കസ്‌ മൂന്നാമൻ മരിച്ചു. അങ്ങനെ അദ്ദേഹം “വീണു.” അദ്ദേഹ​ത്തി​ന്റെ പുത്ര​നായ സെല്യൂ​ക്കസ്‌ നാലാമൻ വടക്കേ​ദേ​ശത്തെ അടുത്ത രാജാ​വാ​യി.

പോരാ​ട്ടം തുടരു​ന്നു

36. (എ) തെക്കേ​ദേ​ശത്തെ രാജാവ്‌ പോരാ​ട്ടം തുടരാൻ ശ്രമി​ച്ചത്‌ എങ്ങനെ, എന്നാൽ അദ്ദേഹ​ത്തിന്‌ എന്തു സംഭവി​ച്ചു? (ബി) സെല്യൂ​ക്കസ്‌ നാലാമൻ വീണത്‌ എങ്ങനെ, അദ്ദേഹ​ത്തി​ന്റെ പിൻഗാ​മി​യാ​യത്‌ ആർ?

³⁶ ക്ലിയോ​പാ​ട്ര​യു​ടെ സ്‌ത്രീ​ധനം എന്ന നിലയിൽ തനിക്കു ലഭി​ക്കേ​ണ്ടി​യി​രുന്ന പ്രവി​ശ്യ​കൾ പിടി​ച്ചെ​ടു​ക്കാൻ തെക്കേ​ദേ​ശത്തെ രാജാ​വായ ടോളമി അഞ്ചാമൻ ശ്രമി​ച്ചെ​ങ്കി​ലും വിഷം അദ്ദേഹ​ത്തി​ന്റെ ജീവ​നൊ​ടു​ക്കി. ടോളമി ആറാമൻ അദ്ദേഹ​ത്തി​ന്റെ പിൻഗാ​മി​യാ​യി. എന്നാൽ സെല്യൂ​ക്കസ്‌ നാലാ​മന്റെ കാര്യ​മോ? റോമി​നോ​ടു കടപ്പെ​ട്ടി​രുന്ന ഭീമമായ കപ്പം കൊടു​ക്കാൻ നിവൃ​ത്തി​യി​ല്ലാ​തായ അദ്ദേഹം യെരൂ​ശ​ലേം ദേവാ​ല​യ​ത്തിൽ ശേഖരി​ച്ചു വെച്ചി​രു​ന്നു​വെന്നു പറയ​പ്പെ​ട്ടി​രുന്ന സമ്പത്തു പിടി​ച്ചെ​ടു​ക്കാ​നാ​യി തന്റെ ഖജാൻജി ആയിരുന്ന ഹെലി​യോ​ഡോ​റ​സി​നെ അയച്ചു. പക്ഷേ, സിംഹാ​സ​ന​ത്തിൽ കണ്ണുണ്ടാ​യി​രുന്ന ഹെലി​യോ​ഡോ​റസ്‌ സെല്യൂ​ക്കസ്‌ നാലാ​മനെ വധിച്ചു. എന്നാൽ പെർഗ്ഗ​മൊ​സി​ലെ രാജാ​വാ​യി​രുന്ന യൂമൻസും സഹോ​ദ​ര​നായ അറ്റാല​സും ചേർന്ന്‌, വധിക്ക​പ്പെട്ട രാജാ​വി​ന്റെ സഹോ​ദ​ര​നായ ആന്റി​യോ​ക്കസ്‌ നാലാ​മനെ സിംഹാ​സ​ന​ത്തിൽ അവരോ​ധി​ച്ചു.

37. (എ) താൻ യഹോ​വ​യാം ദൈവ​ത്തെ​ക്കാൾ ശക്തനാ​ണെന്നു പ്രകട​മാ​ക്കാൻ ആന്റി​യോ​ക്കസ്‌ നാലാമൻ ശ്രമി​ച്ചത്‌ എങ്ങനെ? (ബി) ആന്റി​യോ​ക്കസ്‌ നാലാമൻ യെരൂ​ശ​ലേ​മി​ലെ ആലയത്തെ അപവി​ത്രീ​ക​രി​ച്ചത്‌ എന്തി​ലേക്കു നയിച്ചു?

³⁷ വടക്കേ​ദേ​ശത്തെ പുതിയ രാജാ​വായ ആന്റി​യോ​ക്കസ്‌ നാലാമൻ യഹോ​വ​യു​ടെ ആരാധനാ ക്രമീ​ക​ര​ണത്തെ തുടച്ചു​നീ​ക്കാൻ ശ്രമി​ച്ചു​കൊണ്ട്‌ താൻ ദൈവ​ത്തെ​ക്കാൾ ശക്തനാ​ണെന്നു പ്രകട​മാ​ക്കാൻ നോക്കി. യഹോ​വയെ വെല്ലു​വി​ളി​ച്ചു​കൊണ്ട്‌ അദ്ദേഹം യെരൂ​ശ​ലേം ദേവാ​ല​യത്തെ സീയൂ​സിന്‌, അഥവാ ജൂപ്പി​റ്റ​റിന്‌ സമർപ്പി​ച്ചു. യഹോ​വ​യ്‌ക്കു ദിവസേന ഹോമ​യാ​ഗം അർപ്പി​ച്ചു​കൊ​ണ്ടി​രുന്ന ആലയ പ്രാകാ​ര​ത്തി​ലെ വലിയ യാഗപീ​ഠ​ത്തി​നു മീതെ പൊ.യു.മു. 167 ഡിസം​ബ​റിൽ ഒരു പുറജാ​തീയ യാഗപീ​ഠം നിർമി​ക്ക​പ്പെട്ടു. പത്തു ദിവസം കഴിഞ്ഞ്‌ ഈ പുറജാ​തീയ യാഗപീ​ഠ​ത്തിൽ സീയൂ​സി​നു ബലി അർപ്പി​ക്കു​ക​യു​ണ്ടാ​യി. ഈ അപവി​ത്രീ​ക​രണം മക്കബാ​യ​രു​ടെ നേതൃ​ത്വ​ത്തി​ലുള്ള യഹൂദ വിപ്ലവ​ത്തി​നു കാരണ​മാ​യി. ആന്റി​യോ​ക്കസ്‌ നാലാമൻ മൂന്നു വർഷം അവരോ​ടു പോരാ​ടി. പൊ.യു.മു. 164-ൽ, അപവി​ത്രീ​ക​ര​ണ​ത്തി​ന്റെ വാർഷിക ദിനത്തിൽ, ജൂഡസ്‌ മക്കബീസ്‌ ആലയം യഹോ​വ​യ്‌ക്കു പുനഃ​സ​മർപ്പി​ക്കു​ക​യും പ്രതി​ഷ്‌ഠോ​ത്സവം—ഹനുക്കാ—ഏർപ്പെ​ടു​ത്തു​ക​യും ചെയ്‌തു.—യോഹ​ന്നാൻ 10:22.

38. മക്കബായ ഭരണം അവസാ​നി​ച്ചത്‌ എങ്ങനെ?

³⁸ സാധ്യ​ത​യ​നു​സ​രിച്ച്‌, പൊ.യു.മു. 161-ൽ മക്കബായർ റോമു​മാ​യി ഒരു ഉടമ്പടി ഉണ്ടാക്കു​ക​യും പൊ.യു.മു. 104-ൽ ഒരു രാജ്യം സ്ഥാപി​ക്കു​ക​യും ചെയ്‌തു. എന്നാൽ അവരും വടക്കേ​ദേ​ശത്തെ സിറിയൻ രാജാ​വും തമ്മിലുള്ള ഉരസൽ തുടർന്നു. ഒടുവിൽ റോം ഇടപെ​ടേണ്ടി വന്നു. റോമൻ ജനറലായ ഗ്നിയസ്‌ പോംപി മൂന്നു മാസത്തെ ഉപരോ​ധ​ത്തി​നു ശേഷം പൊ.യു.മു. 63-ൽ യെരൂ​ശ​ലേം പിടി​ച്ചെ​ടു​ത്തു. പൊ.യു.മു. 39-ൽ, റോമൻ സെനറ്റ്‌ ഏദോ​മ്യ​നായ ഹെരോ​ദാ​വി​നെ യഹൂദ​യു​ടെ രാജാ​വാ​യി നിയമി​ച്ചു. പൊ.യു.മു. 37-ൽ യെരൂ​ശ​ലേം പിടി​ച്ചെ​ടു​ത്തു​കൊണ്ട്‌ അദ്ദേഹം മക്കബായ ഭരണം അവസാ​നി​പ്പി​ച്ചു.

39. ദാനീ​യേൽ 11:1-19 പരിചി​ന്തി​ച്ച​തിൽ നിന്നു നിങ്ങൾക്ക്‌ എങ്ങനെ പ്രയോ​ജനം ലഭിച്ചി​രി​ക്കു​ന്നു?

³⁹ പോരാ​ട്ട​ത്തിൽ ഏർപ്പെ​ട്ടി​രി​ക്കുന്ന രണ്ടു രാജാ​ക്ക​ന്മാ​രെ കുറി​ച്ചുള്ള പ്രവച​ന​ത്തി​ന്റെ ആദ്യ ഭാഗം അതിന്റെ സകല വിശദാം​ശ​ങ്ങ​ളി​ലും നിവൃ​ത്തി​യേ​റി​യതു കാണു​ന്നത്‌ എത്ര പുളക​പ്ര​ദ​മാണ്‌! തീർച്ച​യാ​യും, ദാനീ​യേ​ലി​നു പ്രാവ​ച​നിക സന്ദേശം ലഭിച്ച ശേഷമുള്ള 500 വർഷത്തെ ചരി​ത്ര​ത്തി​ലേക്കു ചുഴി​ഞ്ഞി​റങ്ങി വടക്കേ​ദേ​ശത്തെ രാജാ​വി​ന്റെ​യും തെക്കേ​ദേ​ശത്തെ രാജാ​വി​ന്റെ​യും സ്ഥാനങ്ങൾ അലങ്കരിച്ച ഭരണാ​ധി​പ​ന്മാ​രെ തിരി​ച്ച​റി​യാൻ കഴിയു​ന്നത്‌ എത്ര ഉദ്വേ​ഗ​ജ​ന​ക​മാണ്‌! എന്നിരു​ന്നാ​ലും, ഈ രണ്ടു രാജാ​ക്ക​ന്മാർ തമ്മിലുള്ള യുദ്ധം യേശു ഭൂമി​യി​ലാ​യി​രുന്ന കാലത്തും നമ്മുടെ ഈ നാൾവ​രെ​യും തുടരവെ, ഇരുവ​രു​ടെ​യും രാഷ്‌ട്രീയ തനിമ​യ്‌ക്കു മാറ്റം ഭവിക്കു​ന്നു. പ്രവച​ന​ത്തിൽ വെളി​പ്പെ​ടു​ത്തി​യി​രി​ക്കുന്ന തികച്ചും ചേതോ​ഹ​ര​മായ വിശദാം​ശ​ങ്ങ​ളു​മാ​യി ചരിത്ര സംഭവ​ങ്ങളെ ചേരും​പടി ചേർത്തു​കൊണ്ട്‌, പരസ്‌പരം പോര​ടി​ക്കുന്ന ഈ രണ്ടു രാജാ​ക്ക​ന്മാ​രെ നമുക്കു തിരി​ച്ച​റി​യാൻ കഴിയും.

നിങ്ങൾ എന്തു ഗ്രഹിച്ചു?

• യവന രാജ്യ​ങ്ങ​ളിൽനിന്ന്‌ പ്രബല​രായ രാജാ​ക്ക​ന്മാ​രു​ടെ ഏതു രണ്ടു വംശങ്ങ​ളാണ്‌ ഉദയം ചെയ്‌തത്‌, ആ രാജാ​ക്ക​ന്മാർ ഏതു പോരാ​ട്ടം ആരംഭി​ച്ചു?

• ദാനീ​യേൽ 11:6-ൽ പ്രവചി​ക്ക​പ്പെ​ട്ടി​രി​ക്കു​ന്ന​തു​പോ​ലെ, രണ്ടു രാജാ​ക്ക​ന്മാർ “ഒരു ന്യായ​യു​ക്ത​മായ ക്രമീ​ക​ര​ണ​ത്തിൽ” ഏർപ്പെ​ട്ടത്‌ എങ്ങനെ?

• പിൻവ​രു​ന്നവർ തമ്മിലുള്ള പോരാ​ട്ടം തുടർന്നത്‌ എങ്ങനെ,

സെല്യൂക്കസ്‌ രണ്ടാമ​നും ടോളമി മൂന്നാ​മ​നും (ദാനീ​യേൽ 11:7-9)?

ആന്റിയോക്കസ്‌ മൂന്നാ​മ​നും ടോളമി നാലാ​മ​നും (ദാനീ​യേൽ 11:10-12)?

ആന്റിയോക്കസ്‌ മൂന്നാ​മ​നും ടോളമി അഞ്ചാമ​നും (ദാനീ​യേൽ 11:13-16)?

• ഒന്നാം ക്ലിയോ​പാ​ട്ര​യും ടോളമി അഞ്ചാമ​നും തമ്മിലുള്ള വിവാ​ഹ​ത്തി​ന്റെ ലക്ഷ്യം എന്തായി​രു​ന്നു, ആ പദ്ധതി പരാജ​യ​പ്പെ​ട്ടത്‌ എന്തു​കൊണ്ട്‌ (ദാനീ​യേൽ 11:17-19)?

• ദാനീ​യേൽ 11:1-19-ന്‌ ശ്രദ്ധ കൊടു​ത്തതു നിങ്ങൾക്ക്‌ എങ്ങനെ പ്രയോ​ജനം ചെയ്‌തി​രി​ക്കു​ന്നു?

[228-ാം പേജിലെ ചാർട്ട്‌/ചിത്രങ്ങൾ]

ദാനീയേൽ 11:5-19-ലെ രാജാ​ക്ക​ന്മാർ

വടക്കേ​ദേ​ശത്തെ രാജാവ്‌ തെക്കേ​ദേ​ശത്തെ രാജാവ്‌

ദാനീയേൽ 11:5 സെല്യൂ​ക്കസ്‌ ഒന്നാമൻ നൈ​ക്കേറ്റർ ടോളമി ഒന്നാമൻ

ദാനീയേൽ 11:6 ആന്റി​യോ​ക്കസ്‌ രണ്ടാമൻ ടോളമി രണ്ടാമൻ (ഭാര്യ ലവോ​ദിസ്‌) (പുത്രി ബെറ​നൈസി)

ദാനീയേൽ 11:7-9 സെല്യൂ​ക്കസ്‌ രണ്ടാമൻ ടോളമി മൂന്നാമൻ

ദാനീയേൽ 11:10-12 ആന്റി​യോ​ക്കസ്‌ മൂന്നാമൻ ടോളമി നാലാമൻ

ദാനീയേൽ 11:13-19 ആന്റി​യോ​ക്കസ്‌ മൂന്നാമൻ ടോളമി അഞ്ചാമൻ (പുത്രി​യായ ഒന്നാം ക്ലിയോ​പാ​ട്ര) പിൻഗാ​മി: പിൻഗാ​മി​കൾ: ടോളമി ആറാമൻ സെല്യൂ​ക്കസ്‌ നാലാ​മ​നും ആന്റി​യോ​ക്കസ്‌ നാലാ​മ​നും

[ചിത്രം]

ടോളമി രണ്ടാമ​നെ​യും ഭാര്യ​യെ​യും ചിത്രീ​ക​രി​ക്കുന്ന നാണയം

[ചിത്രം]

സെല്യൂക്കസ്‌ ഒന്നാമൻ നൈ​ക്കേ​റ്റർ

[ചിത്രം]

ആന്റിയോക്കസ്‌ മൂന്നാമൻ

[ചിത്രം]

ടോളമി ആറാമൻ

[ചിത്രം]

ടോളമി മൂന്നാ​മ​നും പിൻഗാ​മി​ക​ളും ഉത്തര ഈജി​പ്‌തി​ലെ ഇഡ്‌ഫൂ​വിൽ പണിക​ഴി​പ്പിച്ച ഹോറസ്‌ ക്ഷേത്രം

[216, 217 പേജു​ക​ളി​ലെ ഭൂപടം/ചിത്രങ്ങൾ]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

“വടക്കേ​ദേ​ശത്തെ രാജാവ്‌,” “തെക്കേ​ദേ​ശത്തെ രാജാവ്‌” എന്നീ സംജ്ഞകൾ ദാനീ​യേ​ലി​ന്റെ ജനത്തിന്റെ വടക്കും തെക്കു​മുള്ള രാജാ​ക്ക​ന്മാ​രെ പരാമർശി​ക്കു​ന്നു

മാസിഡോണിയ

ഗ്രീസ്‌

ഏഷ്യാമൈനർ

ഇസ്രായേൽ

ലിബിയ

ഈജിപ്‌ത്‌

എത്യോപ്യ

സിറിയ

ബാബിലോൺ

അറേബ്യ

[ചിത്രം]

ടോളമി രണ്ടാമൻ

[ചിത്രം]

മഹാനായ ആന്റി​യോ​ക്കസ്‌

[ചിത്രം]

മഹാനായ ആന്റി​യോ​ക്ക​സി​ന്റെ ഔദ്യോ​ഗിക കൽപ്പന ആലേഖനം ചെയ്‌ത ഒരു കൽഫലകം

[ചിത്രം]

ടോളമി അഞ്ചാമനെ ചിത്രീ​ക​രി​ക്കുന്ന നാണയം

[ചിത്രം]

ഈജിപ്‌തിലെ കാർന​ക്കി​ലുള്ള ഗേറ്റ്‌ ഓഫ്‌ ടോളമി തേർഡ്‌

[210-ാം പേജ്‌ നിറ​യെ​യുള്ള ചിത്രം]

[215-ാം പേജിലെ ചിത്രം]

സെല്യൂക്കസ്‌ ഒന്നാമൻ നൈ​ക്കേ​റ്റർ

[218-ാം പേജിലെ ചിത്രം]

ടോളമി ഒന്നാമൻ

അധ്യായം പതിന്നാല്‌

രണ്ടു രാജാ​ക്ക​ന്മാ​രു​ടെ സ്ഥാനം മറ്റു ഭരണാ​ധി​പ​ത്യ​ങ്ങൾ ഏറ്റെടു​ക്കു​ന്നു

1, 2. (എ) റോമി​ന്റെ ആവശ്യ​ങ്ങൾക്കു വഴങ്ങാൻ ആന്റി​യോ​ക്കസ്‌ നാലാ​മനെ പ്രേരി​പ്പി​ച്ചത്‌ എന്ത്‌? (ബി) സിറിയ ഒരു റോമൻ പ്രവിശ്യ ആയത്‌ എന്ന്‌?

സിറിയൻ രാജാ​വായ ആന്റി​യോ​ക്കസ്‌ നാലാമൻ ഈജി​പ്‌ത്‌ കീഴടക്കി അതിന്റെ രാജാ​വാ​യി സ്വയം അവരോ​ധി​ക്കു​ന്നു. ഈജി​പ്‌ഷ്യൻ രാജാ​വായ ടോളമി ആറാമന്റെ അഭ്യർഥന അനുസ​രിച്ച്‌ ക്വയസ്‌ പോപ്പി​ലി​യസ്‌ ലീനസി​നെ റോം ഈജി​പ്‌തി​ലേക്ക്‌ രാജ​പ്ര​തി​നി​ധി​യാ​യി അയയ്‌ക്കു​ന്നു. അദ്ദേഹ​ത്തോ​ടൊ​പ്പം ശക്തമാ​യൊ​രു കപ്പൽപ്പ​ട​യും ആന്റി​യോ​ക്കസ്‌ നാലാമൻ ഈജി​പ്‌തി​ലെ രാജത്വം ഉപേക്ഷിച്ച്‌ അവി​ടെ​നി​ന്നു പിൻവാ​ങ്ങ​ണ​മെന്ന റോമൻ സെനറ്റി​ന്റെ ഉത്തരവു​മുണ്ട്‌. അലക്‌സാൻഡ്രി​യ​യു​ടെ പ്രാന്ത​പ്ര​ദേ​ശ​മായ ഇലൂസി​സിൽവെച്ച്‌ സിറിയൻ രാജാ​വും റോമൻ രാജ​പ്ര​തി​നി​ധി​യും കണ്ടുമു​ട്ടു​ന്നു. തന്റെ ഉപദേ​ഷ്ടാ​ക്ക​ളു​മാ​യി കൂടി​യാ​ലോ​ചി​ക്കാൻ ആന്റി​യോ​ക്കസ്‌ സമയം ചോദി​ക്കു​ന്നു. എന്നാൽ, രാജാ​വി​നു ചുറ്റും ഒരു വൃത്തം വരച്ചിട്ട്‌ അതിനു വെളി​യിൽ കടക്കു​ന്ന​തി​നു മുമ്പ്‌ ഉത്തരം നൽകാൻ ലീനസ്‌ ആവശ്യ​പ്പെ​ടു​ന്നു. അവമാ​നി​ത​നായ ആന്റി​യോ​ക്കസ്‌ നാലാമൻ റോമി​ന്റെ ആവശ്യ​ങ്ങൾക്കു വഴങ്ങി പൊ.യു.മു. 168-ൽ സിറി​യ​യി​ലേക്കു മടങ്ങുന്നു. അങ്ങനെ വടക്കേ​ദേ​ശ​മായ സിറി​യ​യി​ലെ രാജാ​വും തെക്കേ​ദേ​ശ​മായ ഈജി​പ്‌തി​ലെ രാജാ​വും തമ്മിലുള്ള ഏറ്റുമു​ട്ടൽ അവസാ​നി​ക്കു​ന്നു.

² മധ്യപൂർവ​ദേ​ശത്തെ കാര്യാ​ദി​ക​ളിൽ ഒരു പ്രമുഖ പങ്കുവ​ഹി​ച്ചു​കൊണ്ട്‌ സിറി​യ​യു​ടെ മേൽ റോം തുടർന്നും അധികാ​രം നടത്തുന്നു. അതു​കൊണ്ട്‌, പൊ.യു.മു. 163-ൽ ആന്റി​യോ​ക്കസ്‌ നാലാമൻ മരിച്ച​ശേഷം സെല്യൂ​സിഡ്‌ രാജവം​ശ​ത്തി​ലെ മറ്റു രാജാ​ക്ക​ന്മാർ സിറിയ ഭരി​ച്ചെ​ങ്കി​ലും അവർ ‘വടക്കെ​ദേ​ശത്തെ രാജാവ്‌’ എന്ന സ്ഥാനം കൈവ​രി​ക്കു​ന്നില്ല. (ദാനീ​യേൽ 11:15) ഒടുവിൽ പൊ.യു.മു. 64-ൽ, സിറിയ ഒരു റോമൻ പ്രവിശ്യ ആയിത്തീ​രു​ന്നു.

3. റോമിന്‌ ഈജി​പ്‌തി​ന്റെ​മേൽ പരമാ​ധി​കാ​രം ലഭിച്ചത്‌ എന്ന്‌, എങ്ങനെ?

³ ആന്റി​യോ​ക്കസ്‌ നാലാ​മന്റെ മരണ ശേഷം 130-തിൽപ്പരം വർഷം ഈജി​പ്‌തി​ലെ ടോളമി രാജവം​ശം ‘തെക്കെ​ദേ​ശ​ത്തി​ലെ രാജാവ്‌’ എന്ന സ്ഥാനത്തു തുടരു​ന്നു. (ദാനീ​യേൽ 11:14) പൊ.യു.മു. 31-ലെ ആക്‌ടി​യം യുദ്ധത്തിൽ റോമൻ ഭരണാ​ധി​പ​നായ ഒക്‌ടേ​വി​യൻ അവസാ​നത്തെ ടോള​മിക്‌ രാജ്ഞി​യായ ഏഴാം ക്ലിയോ​പാ​ട്ര​യു​ടെ​യും അവരുടെ കാമു​ക​നായ മാർക്ക്‌ ആന്റണി​യു​ടെ​യും സംയുക്ത സൈന്യ​ത്തെ പരാജ​യ​പ്പെ​ടു​ത്തു​ന്നു. അടുത്ത വർഷം ക്ലിയോ​പാ​ട്ര ആത്മഹത്യ ചെയ്‌ത​തി​നെ തുടർന്ന്‌ ഈജി​പ്‌തും ഒരു റോമൻ പ്രവിശ്യ ആയിത്തീ​രു​ക​യും അങ്ങനെ തെക്കേ​ദേ​ശത്തെ രാജാവ്‌ എന്ന സ്ഥാനം അതിനു നഷ്ടമാ​കു​ക​യും ചെയ്യുന്നു. പൊ.യു.മു. 30-ഓടെ റോം സിറി​യ​യു​ടെ​യും ഈജി​പ്‌തി​ന്റെ​യും മേൽ ആധിപ​ത്യം കൈവ​രി​ക്കു​ന്നു. മറ്റു ഭരണാ​ധി​പ​ത്യ​ങ്ങൾ വടക്കേ​ദേ​ശത്തെ രാജാ​വി​ന്റെ​യും തെക്കേ​ദേ​ശത്തെ രാജാ​വി​ന്റെ​യും സ്ഥാനങ്ങൾ ഏറ്റെടു​ക്കു​മെന്നു നാം ഇപ്പോൾ പ്രതീ​ക്ഷി​ക്ക​ണ​മോ?

ഒരു പുതിയ രാജാവ്‌ “ഒരു അപഹാ​രി​യെ” അയയ്‌ക്കു​ന്നു

4. മറ്റൊരു രാജാവ്‌ വടക്കേ​ദേ​ശത്തെ രാജാ​വി​ന്റെ തനിമ കൈവ​രി​ക്ക​ണ​മെന്നു നാം പ്രതീ​ക്ഷി​ക്കേ​ണ്ടത്‌ എന്തു​കൊണ്ട്‌?

⁴ പൊ.യു. 33-ലെ വസന്തത്തിൽ യേശു​ക്രി​സ്‌തു തന്റെ ശിഷ്യ​ന്മാ​രോട്‌ ഇപ്രകാ​രം പറഞ്ഞു: “എന്നാൽ ദാനീ​യേൽപ്ര​വാ​ച​കൻമു​ഖാ​ന്തരം അരുളി​ച്ചെ​യ്‌ത​തു​പോ​ലെ ശൂന്യ​മാ​ക്കുന്ന മ്ലേച്ഛത വിശു​ദ്ധ​സ്ഥ​ല​ത്തിൽ നില്‌ക്കു​ന്നതു നിങ്ങൾ കാണു​മ്പോൾ . . . അന്നു യെഹൂ​ദ്യ​യി​ലു​ള​ളവർ മലകളി​ലേക്കു ഓടി​പ്പോ​കട്ടെ.” (മത്തായി 24:15, 16) യേശു ദാനീ​യേൽ 11:31-ൽനിന്ന്‌ ഉദ്ധരി​ച്ചു​കൊണ്ട്‌, ഭാവി​യിൽ വരാനി​രുന്ന ഒരു “ശൂന്യ​മാ​ക്കുന്ന മ്ലേച്ഛത”യെക്കു​റിച്ച്‌ തന്റെ അനുഗാ​മി​കൾക്കു മുന്നറി​യി​പ്പു നൽകി. വടക്കേ​ദേ​ശത്തെ രാജാവ്‌ ഉൾപ്പെ​ടുന്ന ഈ പ്രവചനം നൽക​പ്പെ​ട്ടത്‌ ആ സ്ഥാനം അലങ്കരി​ച്ചി​രുന്ന അവസാ​നത്തെ സിറിയൻ രാജാ​വായ ആന്റി​യോ​ക്കസ്‌ നാലാ​മന്റെ മരണ ശേഷം ഏതാണ്ടു 195 വർഷം കഴിഞ്ഞാണ്‌. തീർച്ച​യാ​യും മറ്റൊരു രാജാവ്‌ വടക്കേ​ദേ​ശത്തെ രാജാ​വി​ന്റെ സ്ഥാനം ഏറ്റെടു​ക്ക​ണ​മാ​യി​രു​ന്നു. അത്‌ ആരായി​രി​ക്കു​മാ​യി​രു​ന്നു?

5. ഒരിക്കൽ ആന്റി​യോ​ക്കസ്‌ നാലാ​മ​ന്റേ​താ​യി​രുന്ന സ്ഥാനം കൈയ​ട​ക്കി​ക്കൊ​ണ്ടു വടക്കേ​ദേ​ശത്തെ രാജാ​വാ​യി എഴു​ന്നേ​റ്റത്‌ ആർ?

⁵ യഹോ​വ​യാം ദൈവ​ത്തി​ന്റെ ദൂതൻ ഇങ്ങനെ മുൻകൂ​ട്ടി പറഞ്ഞു: “അവന്നു [ആന്റി​യോ​ക്കസ്‌ നാലാ​മനു] പകരം എഴു​ന്നേ​ല്‌ക്കു​ന്നവൻ തന്റെ രാജ്യ​ത്തി​ന്റെ മനോ​ഹ​ര​ഭാ​ഗ​ത്തു​കൂ​ടി [“ഗംഭീര രാജ്യ​ത്തു​കൂ​ടി,” NW] ഒരു അപഹാ​രി​യെ അയക്കും; എങ്കിലും കുറെ ദിവസ​ത്തി​ന്നകം അവൻ സംഹരി​ക്ക​പ്പെ​ടും. കോപ​ത്താ​ലല്ല, യുദ്ധത്താ​ലു​മല്ല.” (ദാനീ​യേൽ 11:20) ഇപ്രകാ​രം ‘എഴു​ന്നേ​റ്റത്‌’ അഗസ്റ്റസ്‌ സീസർ എന്നും അറിയ​പ്പെ​ടുന്ന ആദ്യത്തെ റോമൻ ചക്രവർത്തി​യായ ഒക്‌ടേ​വി​യൻ ആണെന്നു തെളിഞ്ഞു.—248-ാം പേജിലെ “ഒരുവൻ ബഹുമാ​നി​ത​നും മറ്റവൻ നിന്ദി​ത​നു​മാ​യി” എന്ന ഭാഗം കാണുക.

6. (എ) “ഗംഭീര രാജ്യ”ത്തിലൂടെ ഒരു “അപഹാരി” കടന്നു പോകാൻ ഇടയാ​ക്കി​യത്‌ എപ്പോൾ, അതിന്റെ പ്രാധാ​ന്യം എന്തായി​രു​ന്നു? (ബി) അഗസ്റ്റസ്‌ മരിച്ചത്‌ ‘കോപ​ത്താ​ലോ’ ‘യുദ്ധത്താ​ലോ’ അല്ലെന്നു പറയാ​വു​ന്നത്‌ എന്തു​കൊണ്ട്‌? (സി) വടക്കേ​ദേ​ശത്തെ രാജാ​വി​ന്റെ തനിമ​യ്‌ക്ക്‌ എന്തു മാറ്റം സംഭവി​ച്ചു?

⁶ അഗസ്റ്റസി​ന്റെ “ഗംഭീര രാജ്യ”ത്തിൽ ‘മനോഹര ദേശം’—റോമൻ പ്രവി​ശ്യ​യായ യഹൂദ്യ—ഉൾപ്പെ​ട്ടി​രു​ന്നു. (ദാനീ​യേൽ 11:16) പൊ.യു.മു. 2-ൽ, ഒരു രജിസ്‌​ട്രേ​ഷന്‌ അല്ലെങ്കിൽ കാനേ​ഷു​മാ​രി​ക്കുള്ള ഉത്തരവു പുറ​പ്പെ​ടു​വി​ച്ചു​കൊണ്ട്‌ അഗസ്റ്റസ്‌ ഒരു “അപഹാ​രി​യെ” അയച്ചു. നികുതി പിരി​ക്കാ​നും ആളുകളെ നിർബ​ന്ധ​മാ​യി സൈന്യ​ത്തിൽ ചേർക്കാ​നു​മുള്ള ഉദ്ദേശ്യ​ത്തിൽ ജനങ്ങളു​ടെ എണ്ണം അറിയാൻ ആയിരു​ന്നി​രി​ക്കാം അദ്ദേഹം അപ്രകാ​രം ചെയ്‌തത്‌. ആ ഉത്തരവു ഹേതു​വാ​യി, രജിസ്‌​ട്രേ​ഷ​നു​വേണ്ടി യോ​സേ​ഫും മറിയ​യും ബേത്ത്‌ലേ​ഹെ​മി​ലേക്കു യാത്ര തിരിച്ചു. തത്‌ഫ​ല​മാ​യി, മുൻകൂ​ട്ടി പറയപ്പെട്ട പ്രകാരം ബേത്ത്‌ലേ​ഹെ​മിൽ യേശു ജനിക്കാ​നി​ട​യാ​യി. (മീഖാ 5:2; മത്തായി 2:1-12) പൊ.യു. 14 ആഗസ്റ്റിൽ—“കുറെ ദിവസ​ത്തി​ന്നകം,” അതായത്‌ രജിസ്‌​ട്രേ​ഷ​നുള്ള ഉത്തരവു പുറ​പ്പെ​ടു​വി​ച്ചു ദീർഘ​കാ​ലം കഴിയു​ന്ന​തി​നു മുമ്പ്‌—അഗസ്റ്റസ്‌ 76-ാമത്തെ വയസ്സിൽ മരിച്ചു. അതു സംഭവി​ച്ചത്‌ ‘കോപ​ത്താ​ലോ’—ഒരു കൊല​യാ​ളി​യു​ടെ കരങ്ങളാ​ലോ—‘യുദ്ധത്താ​ലോ’ അല്ലായി​രു​ന്നു, പിന്നെ​യോ രോഗ​ത്താൽ ആയിരു​ന്നു. തീർച്ച​യാ​യും വടക്കേ​ദേ​ശത്തെ രാജാ​വി​ന്റെ സ്ഥാനം ഇപ്പോൾ മറ്റൊ​രു​വൻ ഏറ്റെടു​ത്തി​രു​ന്നു! ചക്രവർത്തി​മാ​രാൽ പ്രതി​നി​ധാ​നം ചെയ്യപ്പെട്ട റോമാ സാമ്രാ​ജ്യം തന്നെ.

‘നിന്ദ്യ​നായ ഒരുത്തൻ എഴു​ന്നേൽക്കു​ന്നു’

7, 8. (എ) വടക്കേ​ദേ​ശത്തെ രാജാവ്‌ എന്ന നിലയിൽ അഗസ്റ്റസി​ന്റെ സ്ഥാനത്ത്‌ എഴു​ന്നേ​റ്റത്‌ ആർ? (ബി) അഗസ്റ്റസ്‌ സീസറി​ന്റെ “രാജത്വ​ത്തി​ന്റെ പദവി” അദ്ദേഹ​ത്തി​ന്റെ പിൻഗാ​മി​ക്കു മനസ്സി​ല്ലാ​മ​ന​സ്സോ​ടെ നൽക​പ്പെ​ട്ടത്‌ എന്തു​കൊണ്ട്‌?

⁷ പ്രവചനം തുടർന്നു​കൊ​ണ്ടു ദൂതൻ ഇങ്ങനെ പറഞ്ഞു: “അവന്നു പകരം നിന്ദ്യ​നായ ഒരുത്തൻ എഴു​ന്നേ​ല്‌ക്കും; അവന്നു അവർ രാജത്വ​ത്തി​ന്റെ പദവി കൊടു​പ്പാൻ വിചാ​രി​ച്ചി​രു​ന്നില്ല; എങ്കിലും അവൻ സമാധാ​ന​കാ​ലത്തു വന്നു ഉപായ​ത്തോ​ടെ രാജത്വം കൈവ​ശ​മാ​ക്കും. പ്രളയ​തു​ല്യ​മായ സൈന്യ​ങ്ങ​ളും നിയമ​ത്തി​ന്റെ പ്രഭു​വും​കൂ​ടെ [“ഉടമ്പടി​യു​ടെ നായക​നും,” NW] അവന്റെ മുമ്പിൽ പ്രവഹി​ക്ക​പ്പെട്ടു തകർന്നു​പോ​കും.”—ദാനീ​യേൽ 11:21, 22.

⁸ ആ “നിന്ദ്യ​നായ ഒരുത്തൻ,” അഗസ്റ്റസി​ന്റെ മൂന്നാം ഭാര്യ​യായ ലിവ്യ​യു​ടെ പുത്ര​നാ​യി​രുന്ന തീബെ​ര്യൊസ്‌ കൈസർ ആയിരു​ന്നു. (248-ാം പേജിലെ “ഒരുവൻ ബഹുമാ​നി​ത​നും മറ്റവൻ നിന്ദി​ത​നു​മാ​യി” എന്ന ഭാഗം കാണുക.) ഭാര്യ​യു​ടെ മുൻവി​വാ​ഹ​ത്തി​ലെ പുത്ര​നായ തീബെ​ര്യൊ​സി​ന്റെ ചീത്ത സ്വഭാവം നിമിത്തം അഗസ്റ്റസ്‌ അദ്ദേഹത്തെ വെറു​ത്തി​രു​ന്നു, അദ്ദേഹം അടുത്ത കൈസർ ആകുന്നത്‌ അഗസ്റ്റസിന്‌ ഇഷ്ടമല്ലാ​യി​രു​ന്നു. അതു​കൊണ്ട്‌ പിൻഗാ​മി​കൾ ആകാൻ സാധ്യ​ത​യു​ണ്ടാ​യി​രു​ന്നവർ എല്ലാവ​രും മരിച്ച ശേഷം മാത്ര​മാണ്‌ “രാജത്വ​ത്തി​ന്റെ പദവി” അദ്ദേഹ​ത്തി​നു മനസ്സി​ല്ലാ​മ​ന​സ്സോ​ടെ നൽക​പ്പെ​ട്ടത്‌. പൊ.യു. 4-ൽ അഗസ്റ്റസ്‌ തീബെ​ര്യൊ​സി​നെ ദത്തെടു​ത്തു സിംഹാ​സന അവകാ​ശി​യാ​ക്കി. അഗസ്റ്റസി​ന്റെ മരണ​ശേഷം 54-കാരനായ തീബെ​ര്യൊസ്‌—നിന്ദ്യ​നായ ഒരുത്തൻ—‘എഴു​ന്നേറ്റു,’ അതായത്‌ റോമൻ ചക്രവർത്തി​യും വടക്കേ​ദേ​ശത്തെ രാജാ​വു​മാ​യി അധികാ​ര​മേറ്റു.

9. തീബെ​ര്യൊസ്‌ “ഉപായ​ത്തോ​ടെ രാജത്വം കൈവ​ശമാ”ക്കിയത്‌ എങ്ങനെ?

⁹ ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക ഇങ്ങനെ പറയുന്നു: “തീബെ​ര്യൊസ്‌ സെനറ്റി​നോട്‌ ഉപായ​രൂ​പേണ ഇടപെട്ടു. [അഗസ്റ്റസി​ന്റെ മരണ​ശേഷം] ഏതാണ്ട്‌ ഒരു മാസ​ത്തോ​ളം, തന്നെ ചക്രവർത്തി​യാ​യി നാമനിർദേശം ചെയ്യാൻ അദ്ദേഹം സെനറ്റി​നെ അനുവ​ദി​ച്ചില്ല.” റോമാ സാമ്രാ​ജ്യ​ത്തി​ന്റെ ഭരണ ഭാരം വഹിക്കാൻ അഗസ്റ്റസി​ന​ല്ലാ​തെ മറ്റാർക്കും കഴിയി​ല്ലാ​ത്ത​തി​നാൽ ആ അധികാ​രം ഒരു വ്യക്തിയെ ഏൽപ്പി​ക്കു​ന്ന​തി​നു പകരം ഒരു കൂട്ടം ആളുകളെ ഏൽപ്പി​ച്ചു​കൊണ്ട്‌ റിപ്പബ്ലിക്ക്‌ പുനഃ​സ്ഥാ​പി​ക്കാൻ അദ്ദേഹം സെനറ്റർമാ​രോട്‌ ആവശ്യ​പ്പെട്ടു. “അദ്ദേഹ​ത്തി​ന്റെ വാക്കു സ്വീക​രി​ക്കാൻ ധൈര്യ​പ്പെ​ടാഞ്ഞ സെനറ്റ്‌, ഒടുവിൽ അദ്ദേഹം അധികാ​രം കയ്യേൽക്കും​വരെ അദ്ദേഹത്തെ വണങ്ങി​പ്പോ​ന്നു” എന്ന്‌ ചരി​ത്ര​കാ​ര​നായ വിൽ ഡ്യൂറന്റ്‌ എഴുതി. അദ്ദേഹം ഇങ്ങനെ കൂട്ടി​ച്ചേർത്തു: “ഇരുപ​ക്ഷ​വും വളരെ തന്ത്രപൂർവം കരുക്കൾ നീക്കി. തീബെ​ര്യൊസ്‌ പ്രിൻസി​പ്പേറ്റ്‌ ഭരണസം​വി​ധാ​നം ആഗ്രഹി​ച്ചു, അല്ലെങ്കിൽ അത്‌ ഒഴിവാ​ക്കാൻ അദ്ദേഹം എന്തെങ്കി​ലും മാർഗം കണ്ടെത്തു​മാ​യി​രു​ന്നു; സെനറ്റ്‌ അദ്ദേഹത്തെ ഭയപ്പെ​ടു​ക​യും വെറു​ക്കു​ക​യും ചെയ്‌തു, എന്നാൽ മുമ്പ്‌ ഉണ്ടായി​രു​ന്നതു പോ​ലെ​യുള്ള, സങ്കേതി​ക​മാ​യി പരമാ​ധി​കാ​ര​മുള്ള അസംബ്ലി​ക​ളിൽ അധിഷ്‌ഠി​ത​മായ ഒരു റിപ്പബ്ലിക്ക്‌ പുനഃ​സ്ഥാ​പി​ക്കാൻ അവർ ധൈര്യ​പ്പെ​ട്ടില്ല.” അങ്ങനെ തീബെ​ര്യൊസ്‌ “ഉപായ​ത്തോ​ടെ രാജത്വം കൈവ​ശമാ”ക്കി.

10. “പ്രളയ​തു​ല്യ​മായ സൈന്യങ്ങ”ൾ ‘തകർക്ക’പ്പെട്ടത്‌ എങ്ങനെ?

¹⁰ “പ്രളയ​തു​ല്യ​മായ സൈന്യങ്ങ”ളെ—ചുറ്റു​മുള്ള രാജ്യ​ങ്ങ​ളു​ടെ സായുധ സേനകളെ—കുറിച്ചു ദൂതൻ ഇങ്ങനെ പറഞ്ഞു: ‘അവർ അവന്റെ മുമ്പിൽ പ്രവഹി​ക്ക​പ്പെട്ടു തകർന്നു​പോ​കും.’ തീബെ​ര്യൊസ്‌ വടക്കേ​ദേ​ശത്തെ രാജാ​വാ​യ​പ്പോൾ അദ്ദേഹ​ത്തി​ന്റെ മച്ചുന​നായ ജർമാ​നി​ക്കസ്‌ സീസർ ആയിരു​ന്നു റൈൻ നദിയി​ങ്കലെ റോമൻ സൈന്യാ​ധി​പൻ. പൊ.യു. 15-ൽ, ജർമാ​നി​ക്കസ്‌ തന്റെ സൈന്യ​ത്തെ ജർമൻ വീരാ​ളി​യായ ആർമീ​നി​യ​സിന്‌ എതിരെ നയിച്ചു, കുറെ​യൊ​ക്കെ വിജയം കൈവ​രി​ക്കു​ക​യും ചെയ്‌തു. എന്നാൽ ആ പരിമിത വിജയം നേടാൻ വലിയ വില ഒടു​ക്കേ​ണ്ടി​വന്നു. അതേത്തു​ടർന്നു തീബെ​ര്യൊസ്‌ ജർമനി​യി​ലെ സൈനിക പ്രവർത്ത​നങ്ങൾ നിർത്തി​വെച്ചു. പകരം, അവിടെ ആഭ്യന്തര യുദ്ധം ഇളക്കി​വി​ട്ടു​കൊണ്ട്‌ ജർമൻ ഗോ​ത്രങ്ങൾ ഒന്നിക്കു​ന്നതു തടയാൻ അദ്ദേഹം ശ്രമിച്ചു. ചെറു​ത്തു​നിൽപ്പിൽ ഊന്നിയ വിദേശ നയത്തെ​യാണ്‌ തീബെ​ര്യൊസ്‌ പൊതു​വെ അനുകൂ​ലി​ച്ചി​രു​ന്നത്‌. അദ്ദേഹം അതിർത്തി ശക്തി​പ്പെ​ടു​ത്തു​ന്ന​തിൽ ശ്രദ്ധ കേന്ദ്രീ​ക​രി​ച്ചു. ഈ നയം പൊതു​വെ വിജയ​പ്ര​ദ​മാ​യി​രു​ന്നു. അങ്ങനെ, “പ്രളയ​തു​ല്യ​മായ സൈന്യങ്ങ”ൾ നിയ​ന്ത്രി​ക്ക​പ്പെ​ടു​ക​യും ‘തകർക്ക’പ്പെടു​ക​യും ചെയ്‌തു.

11. “ഉടമ്പടി​യു​ടെ നായക”ൻ ‘തകർക്ക’പ്പെട്ടത്‌ എങ്ങനെ?

¹¹ ഭൂമി​യി​ലെ സകല കുടും​ബ​ങ്ങ​ളെ​യും അനു​ഗ്ര​ഹി​ക്കാ​നാ​യി യഹോ​വ​യാം ദൈവം അബ്രാ​ഹാ​മി​നോ​ടു ചെയ്‌ത “ഉടമ്പടി​യു​ടെ നായക”നും ‘തകർക്ക’പ്പെട്ടു. ആ ഉടമ്പടി​പ്ര​കാ​രം വാഗ്‌ദാ​നം ചെയ്യപ്പെട്ട അബ്രാ​ഹാ​മി​ന്റെ സന്തതി യേശു​ക്രി​സ്‌തു ആയിരു​ന്നു. (ഉല്‌പത്തി 22:18; ഗലാത്യർ 3:16) പൊ.യു. 33 നീസാൻ 14-ന്‌ യേശു റോമൻ ഗവർണ​റു​ടെ യെരൂ​ശ​ലേ​മി​ലെ കൊട്ടാ​ര​ത്തിൽ പൊന്തി​യൊസ്‌ പീലാ​ത്തൊ​സി​നു മുമ്പാകെ നിന്നു. യഹൂദ പുരോ​ഹി​ത​ന്മാർ യേശു​വി​ന്റെ മേൽ രാജ​ദ്രോഹ കുറ്റം ചുമത്തി​യി​രു​ന്നു. എന്നാൽ യേശു പീലാ​ത്തൊ​സി​നോട്‌ ഇങ്ങനെ പറഞ്ഞു: “എന്റെ രാജ്യം ഈ ലോക​ത്തി​ന്റെ ഭാഗമല്ല . . . എന്റെ രാജ്യം ഈ ഉറവിൽനി​ന്നു​ള്ളതല്ല.” കുറ്റ രഹിത​നായ യേശു​വി​നെ റോമൻ ഗവർണർ വിട്ടയ​യ്‌ക്കാ​തി​രി​ക്കേ​ണ്ട​തി​നു യഹൂദ​ന്മാർ ഇങ്ങനെ ആക്രോ​ശി​ച്ചു: “നീ ഈ മനുഷ്യ​നെ വിട്ടയ​ച്ചാൽ നീ കൈസ​രു​ടെ സ്‌നേ​ഹി​തൻ അല്ല. തന്നെത്താൻ രാജാ​വാ​ക്കു​ന്നവൻ എല്ലാം കൈസ​രോ​ടു മത്സരി​ക്കു​ന്നു​വ​ല്ലോ.” യേശു​വി​ന്റെ വധനിർവ​ഹ​ണ​ത്തി​നാ​യി മുറവി​ളി​കൂ​ട്ടിയ ശേഷം, “ഞങ്ങൾക്കു കൈസ​ര​ല്ലാ​തെ മറ്റൊരു രാജാ​വില്ല” എന്ന്‌ അവർ പറഞ്ഞു. കൈസ​രിന്‌ എതി​രെ​യുള്ള ഏതാണ്ട്‌ എല്ലാ അധി​ക്ഷേ​പ​ങ്ങ​ളും ഉൾപ്പെ​ടും വിധം തീബെ​ര്യൊസ്‌ വിപു​ല​പ്പെ​ടു​ത്തിയ “രാജ​ദ്രോഹ” നിയമം അനുസ​രിച്ച്‌ പീലാ​ത്തൊസ്‌ യേശു​വി​നെ ‘തകർക്കാൻ’ അഥവാ ഒരു ദണ്ഡന സ്‌തം​ഭ​ത്തിൽ തറയ്‌ക്കാൻ വിട്ടു​കൊ​ടു​ത്തു.—യോഹ​ന്നാൻ 18:36, NW; 19:12-16; മർക്കൊസ്‌ 15:14-20.

ഒരു സ്വേച്ഛാ​ധി​പതി ‘ഉപായം പ്രയോ​ഗി​ക്കു​ന്നു’

12. (എ) തീബെ​ര്യൊ​സു​മാ​യി സഖ്യത സ്ഥാപി​ച്ചത്‌ ആർ? (ബി) തീബെ​ര്യൊസ്‌ ‘അൽപ്പം പടജ്ജന​വു​മാ​യി വന്നു ശക്തി പ്രാപി​ച്ചത്‌’ എങ്ങനെ?

¹² തീബെ​ര്യൊ​സി​നെ കുറിച്ചു തുടർന്നും പ്രവചി​ച്ചു​കൊ​ണ്ടു ദൂതൻ പറഞ്ഞു: “ആരെങ്കി​ലും അവനോ​ടു സഖ്യത ചെയ്‌താൽ അവൻ വഞ്ചന പ്രവർത്തി​ക്കും; അവൻ പുറ​പ്പെട്ടു അല്‌പം പടജ്ജന​വു​മാ​യി വന്നു ജയം [“ശക്തി,” NW] പ്രാപി​ക്കും.” (ദാനീ​യേൽ 11:23) റോമൻ സെനറ്റി​ലെ അംഗങ്ങൾ തീബെ​ര്യൊ​സു​മാ​യി ഭരണഘ​ട​നാ​പ​ര​മാ​യി “സഖ്യത”യിൽ ആയിരു​ന്നു, അദ്ദേഹം അവരെ ഔപചാ​രി​ക​മാ​യി ആശ്രയി​ച്ചി​രു​ന്നു. എന്നാൽ ‘അൽപ്പം പടജ്ജന​വു​മാ​യി വന്നു ശക്തി പ്രാപിച്ച’ അദ്ദേഹം വഞ്ചനാ​പ​ര​മാ​യി പ്രവർത്തി​ച്ചു. റോമി​ന്റെ മതിലു​കൾക്കു സമീപം പാളയം അടിച്ചി​രുന്ന അകമ്പടി പട്ടാളം (പ്രേയ്‌റ്റോ​റി​യൻ ഗാർഡ്‌) ആയിരു​ന്നു ആ അൽപ്പം പടജ്ജനം. അതിന്റെ സാമീ​പ്യം സെനറ്റി​നെ ഭീതി​പ്പെ​ടു​ത്തു​ക​യും ജനം തന്റെ അധികാ​ര​ത്തിന്‌ എതിരെ കലാപം ഉണ്ടാക്കു​ന്നതു തടയാൻ തീബെ​ര്യൊ​സി​നെ സഹായി​ക്കു​ക​യും ചെയ്‌തു. അങ്ങനെ, തീബെ​ര്യൊസ്‌ 10,000 അംഗര​ക്ഷ​ക​രു​ടെ സഹായ​ത്താൽ ശക്തനായി നില​കൊ​ണ്ടു.

13. ഏതു വിധത്തി​ലാ​ണു തീബെ​ര്യൊസ്‌ തന്റെ പൂർവ​പി​താ​ക്ക​ന്മാ​രെ കടത്തി​വെ​ട്ടി​യത്‌?

¹³ ദൂതൻ തുടർന്നു പ്രാവ​ച​നി​ക​മാ​യി ഇങ്ങനെ കൂട്ടി​ച്ചേർത്തു: “അവൻ സമാധാ​ന​കാ​ലത്തു തന്നേ സംസ്ഥാ​ന​ത്തി​ലെ പുഷ്ടി​യേ​റിയ സ്ഥലങ്ങളിൽ വന്നു, തന്റെ പിതാ​ക്ക​ന്മാ​രോ പിതാ​മ​ഹ​ന്മാ​രോ ഒരുനാ​ളും ചെയ്യാ​ത്തതു ചെയ്യും; അവൻ കവർച്ച​യും കൊള്ള​യും സമ്പത്തും അവർക്കു വിതറി​ക്കൊ​ടു​ക്കും; അവൻ കോട്ട​ക​ളു​ടെ നേരെ ഉപായം പ്രയോ​ഗി​ക്കും; എന്നാൽ കുറെ​ക്കാ​ല​ത്തേ​ക്കേ​യു​ള്ളൂ.” (ദാനീ​യേൽ 11:24) തീബെ​ര്യൊസ്‌ അങ്ങേയറ്റം സംശയാ​ലു ആയിരു​ന്നു. രാജകൽപ്പന പ്രകാ​ര​മുള്ള കൊല​പാ​ത​കങ്ങൾ നിറഞ്ഞ​താ​യി​രു​ന്നു അദ്ദേഹ​ത്തി​ന്റെ ഭരണം. അദ്ദേഹ​ത്തി​ന്റെ വാഴ്‌ച​യു​ടെ അവസാന ഘട്ടം തികച്ചും ഭീതിദം ആയിരു​ന്നു. എന്നാൽ അതിന്റെ മുഖ്യ കാരണം അകമ്പടി പട്ടാള​ത്തി​ന്റെ കമാൻഡ​റായ സെജാ​നു​സി​ന്റെ പ്രേരണ ആയിരു​ന്നു. ഒടുവിൽ സെജാ​നു​സ്‌തന്നെ സംശയ​പാ​ത്രം ആകുക​യും വധിക്ക​പ്പെ​ടു​ക​യും ചെയ്‌തു. ജനങ്ങളു​ടെ മേൽ സ്വേച്ഛാ​ധി​പ​ത്യം പ്രയോ​ഗി​ക്കുന്ന കാര്യ​ത്തിൽ തീബെ​ര്യൊസ്‌ തന്റെ പൂർവ​പി​താ​ക്ക​ന്മാ​രെ കടത്തി​വെട്ടി.

14. (എ) തീബെ​ര്യൊസ്‌ റോമൻ പ്രവി​ശ്യ​ക​ളിൽ ഉടനീളം “കവർച്ച​യും കൊള്ള​യും സമ്പത്തും” വിതറി​ക്കൊ​ടു​ത്തത്‌ എങ്ങനെ? (ബി) മരണസ​മയം ആയപ്പോ​ഴേ​ക്കും തീബെ​ര്യൊസ്‌ എങ്ങനെ​യാ​ണു പരിഗ​ണി​ക്ക​പ്പെ​ട്ടി​രു​ന്നത്‌?

¹⁴ എന്നിരു​ന്നാ​ലും, തീബെ​ര്യൊസ്‌ റോമൻ പ്രവി​ശ്യ​ക​ളിൽ ഉടനീളം “കവർച്ച​യും കൊള്ള​യും സമ്പത്തും” വിതറി​ക്കൊ​ടു​ത്തു. അദ്ദേഹ​ത്തി​ന്റെ മരണസ​മയം ആയപ്പോ​ഴേ​ക്കും, എല്ലാ പ്രജക​ളും സമ്പദ്‌സ​മൃ​ദ്ധി ആസ്വദി​ച്ചി​രു​ന്നു. നികു​തി​കൾ ഭാരമു​ള്ളവ അല്ലായി​രു​ന്നു. കെടു​തി​കൾ നേരി​ട്ടി​രുന്ന സ്ഥലങ്ങളി​ലെ ആളുകളെ ഉദാര​മാ​യി സഹായി​ക്കാൻ അദ്ദേഹ​ത്തി​നു കഴിഞ്ഞു. പട്ടാള​ക്കാ​രോ ഉദ്യോ​ഗ​സ്ഥ​രോ ആരെ​യെ​ങ്കി​ലും അടിച്ച​മർത്തു​ക​യോ കാര്യങ്ങൾ ക്രമവി​രു​ദ്ധ​മാ​യി കൈകാ​ര്യം ചെയ്യു​ന്ന​തി​നു വളം​വെ​ക്കു​ക​യോ ചെയ്‌താൽ അവർക്കു രാജശിക്ഷ ഉറപ്പാ​യി​രു​ന്നു. അധികാ​ര​ത്തി​ന്മേ​ലുള്ള ശക്തമായ പിടി പൊതു സുരക്ഷ നിലനിർത്തി. മെച്ചപ്പെട്ട വാർത്താ​വി​നി​മയ സംവി​ധാ​നങ്ങൾ വാണി​ജ്യ​ത്തെ സഹായി​ച്ചു. റോമിന്‌ ഉള്ളിലും വെളി​യി​ലും കാര്യങ്ങൾ നിഷ്‌പ​ക്ഷ​മാ​യും ക്രമമാ​യും നടത്ത​പ്പെ​ടു​ന്നു​വെന്നു തീബെ​ര്യൊസ്‌ ഉറപ്പു​വ​രു​ത്തി. അദ്ദേഹം നിയമങ്ങൾ പരിഷ്‌ക​രി​ച്ചു, അഗസ്റ്റസ്‌ സീസർ തുടങ്ങി​വെച്ച പരിഷ്‌കാ​ര​ങ്ങൾക്ക്‌ ആക്കംകൂ​ട്ടി​ക്കൊണ്ട്‌ സാമൂ​ഹിക-ധാർമിക പ്രമാ​ണ​ങ്ങ​ളു​ടെ മാറ്റു വർധി​പ്പി​ച്ചു. എന്നാൽ, തീബെ​ര്യൊസ്‌ ‘ഉപായങ്ങൾ പ്രയോ​ഗി​ച്ചു.’ ആയതി​നാൽ, റോമൻ ചരി​ത്ര​കാ​ര​നായ റ്റാസി​റ്റസ്‌ അദ്ദേഹത്തെ വ്യാജ​ഭാ​വം നടിക്കു​ന്ന​തിൽ വിദഗ്‌ധ​നായ ഒരു കാപട്യ​ക്കാ​ര​നാ​യി വർണിച്ചു. പൊ.യു. 37 മാർച്ചിൽ മരിക്കു​മ്പോൾ തീബെ​ര്യൊസ്‌ ഒരു സ്വേച്ഛാ​ധി​പതി ആയിട്ടാ​ണു പരിഗ​ണി​ക്ക​പ്പെ​ട്ടി​രു​ന്നത്‌.

15. പൊ.യു. ഒന്നാം നൂറ്റാ​ണ്ടി​ന്റെ അവസാ​ന​ത്തി​ലും രണ്ടാം നൂറ്റാ​ണ്ടി​ന്റെ ആരംഭ​ത്തി​ലും റോമി​ന്റെ സ്ഥിതി എന്തായി​രു​ന്നു?

¹⁵ തീബെ​ര്യൊ​സി​ന്റെ പിൻഗാ​മി​ക​ളാ​യി വടക്കേ​ദേ​ശത്തെ രാജാ​വി​ന്റെ സ്ഥാനം അലങ്കരി​ച്ചി​രു​ന്ന​വ​രിൽ ഗായൊസ്‌ സീസർ (കാലി​ഗു​ളാ), ക്ലൌ​ദ്യൊസ്‌ ഒന്നാമൻ, നീറോ, വെസ്‌പാ​സി​യൻ, ടൈറ്റസ്‌, ഡൊമി​ഷ്യൻ, നേർവ, ട്രാജൻ, ഹാഡ്രി​യൻ എന്നിവർ ഉൾപ്പെ​ടു​ന്നു. ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക ഇങ്ങനെ പറയുന്നു: “അഗസ്റ്റസി​ന്റെ അതേ ഭരണ നയങ്ങളും നിർമാണ പരിപാ​ടി​ക​ളു​മാണ്‌ അദ്ദേഹ​ത്തി​ന്റെ പിൻഗാ​മി​കൾ കാര്യ​മായ പുതു​മ​യൊ​ന്നും ഇല്ലാതെ, എന്നാൽ വർധി​ത​മായ പ്രദർശന പ്രകട​ന​ത്തോ​ടെ പിന്തു​ടർന്നത്‌.” അതേ പരാമർശ ഗ്രന്ഥം തുടർന്ന്‌ ഇങ്ങനെ ചൂണ്ടി​ക്കാ​ട്ടു​ന്നു: “ഒന്നാം നൂറ്റാ​ണ്ടി​ന്റെ ഒടുവി​ലും രണ്ടാം നൂറ്റാ​ണ്ടി​ന്റെ ആരംഭ​ത്തി​ലും റോമി​ന്റെ മാഹാ​ത്മ്യ​വും ജനസം​ഖ്യ​യും അതിന്റെ ഉച്ചകോ​ടി​യിൽ ആയിരു​ന്നു.” ഇക്കാലത്തു റോമാ സാമ്രാ​ജ്യ​ത്തി​ന്റെ അതിർത്തി​ക​ളിൽ ചില കുഴപ്പങ്ങൾ ഉണ്ടായി​രു​ന്നെ​ങ്കി​ലും തെക്കേ​ദേ​ശത്തെ രാജാ​വു​മാ​യുള്ള മുൻകൂ​ട്ടി പറയപ്പെട്ട അതിന്റെ ആദ്യ ഏറ്റുമു​ട്ടൽ പൊ.യു. മൂന്നാം നൂറ്റാ​ണ്ടു​വരെ സംഭവി​ച്ചില്ല.

തെക്കേ​ദേ​ശത്തെ രാജാ​വിന്‌ എതിരാ​യി ഉണർത്ത​പ്പെ​ടു​ന്നു

16, 17. (എ) ദാനീ​യേൽ 11:25-ൽ പരാമർശി​ച്ചി​രി​ക്കുന്ന വടക്കേ​ദേ​ശത്തെ രാജാ​വി​ന്റെ സ്ഥാനം ഏറ്റെടു​ത്തത്‌ ആർ? (ബി) തെക്കേ​ദേ​ശത്തെ രാജാ​വി​ന്റെ സ്ഥാനം കൈയ​ട​ക്കി​യത്‌ ആർ, അതു സംഭവി​ച്ച​തെ​ങ്ങനെ?

¹⁶ പിൻവ​രുന്ന പ്രകാരം പറഞ്ഞു​കൊണ്ട്‌ ദൈവ​ദൂ​തൻ പ്രവചനം തുടർന്നു: “അവൻ [വടക്കെ​ദേ​ശ​ത്തി​ലെ രാജാവ്‌] ഒരു മഹാ​സൈ​ന്യ​ത്തോ​ടു​കൂ​ടെ തെക്കെ​ദേ​ശ​ത്തി​ലെ രാജാ​വി​ന്റെ നേരെ തന്റെ ശക്തിയും ധൈര്യ​വും പ്രയോ​ഗി​ക്കും [“ശക്തിയും ഹൃദയ​വും ഉണർത്തും,” NW]; തെക്കെ​ദേ​ശ​ത്തി​ലെ രാജാ​വും ഏററവും വലിയ​തും ശക്തി​യേ​റി​യ​തു​മായ സൈന്യ​ത്തോ​ടു​കൂ​ടെ യുദ്ധത്തി​ന്നു പുറ​പ്പെ​ടും; എങ്കിലും അവർ അവന്റെ നേരെ ഉപായം പ്രയോ​ഗി​ക്ക​കൊ​ണ്ടു അവൻ [വടക്കെ​ദേ​ശ​ത്തി​ലെ രാജാവ്‌] ഉറെച്ചു നില്‌ക്ക​യില്ല. അവന്റെ അന്നം​കൊ​ണ്ടു ഉപജീ​വനം കഴിക്കു​ന്നവൻ അവനെ നശിപ്പി​ക്കും; അവന്റെ സൈന്യം ഒഴുകി​പ്പോ​കും; പലരും നിഹത​ന്മാ​രാ​യി വീഴും.”—ദാനീ​യേൽ 11:25, 26.

¹⁷ ഒക്‌ടേ​വി​യൻ ഈജി​പ്‌തി​നെ ഒരു റോമൻ പ്രവി​ശ്യ​യാ​ക്കി ഏതാണ്ട്‌ 300 വർഷം കഴിഞ്ഞ​പ്പോൾ, റോമൻ ചക്രവർത്തി​യായ ഔറേ​ലി​യൻ വടക്കേ​ദേ​ശത്തെ രാജാ​വി​ന്റെ സ്ഥാനം ഏറ്റെടു​ത്തു. അതിനി​ടെ, റോമൻ കോള​നി​യായ പാൽ​മൈ​റ​യി​ലെ രാജ്ഞി​യാ​യി​രുന്ന സെപ്‌റ്റി​മി​യാ സെനോ​ബിയ തെക്കേ​ദേ​ശത്തെ രാജാ​വി​ന്റെ സ്ഥാനം കൈയ​ടക്കി.a (252-ാം പേജിലെ, “സെനോ​ബിയ—പാൽ​മൈ​റ​യി​ലെ വില്ലാ​ളി​വീ​ര​യായ രാജ്ഞി” എന്ന ഭാഗം കാണുക.) ഈജി​പ്‌തി​നെ റോമി​നു​വേണ്ടി സുരക്ഷി​ത​മാ​ക്കു​ന്നു എന്ന വ്യാജേന പൊ.യു. 269-ൽ പാൽ​മൈറൻ സൈന്യം ഈജി​പ്‌ത്‌ അധീന​മാ​ക്കി. പാൽ​മൈ​റയെ പൂർവ​ദേ​ശത്തെ പ്രബല നഗരമാ​ക്കാ​നും റോമി​ന്റെ പൂർവ​പ്ര​വി​ശ്യ​ക​ളു​ടെ മേൽ ഭരണം നടത്താ​നും സെനോ​ബിയ ആഗ്രഹി​ച്ചു. അതിൽ ചകിത​നായ ഔറേ​ലി​യൻ സെനോ​ബി​യ​യ്‌ക്ക്‌ എതിരെ പുറ​പ്പെ​ടാൻ “തന്റെ ശക്തിയും ഹൃദയ​വും” ഉണർത്തി.

18. വടക്കേ​ദേ​ശത്തെ രാജാ​വായ ഔറേ​ലി​യൻ ചക്രവർത്തി​യും തെക്കേ​ദേ​ശത്തെ രാജാ​വായ സെനോ​ബിയ രാജ്ഞി​യും തമ്മിലുള്ള പോരാ​ട്ട​ത്തി​ന്റെ പരിണത ഫലം എന്തായി​രു​ന്നു?

¹⁸ സെനോ​ബി​യ​യു​ടെ നേതൃ​ത്വ​ത്തി​ലുള്ള ഭരണകൂ​ട​മായ തെക്കേ​ദേ​ശത്തെ രാജാവ്‌ സാബ്‌ദാസ്‌, സബ്ബായി എന്നീ രണ്ടു പടത്തല​വ​ന്മാ​രു​ടെ കീഴിൽ “ഏററവും വലിയ​തും ശക്തി​യേ​റി​യ​തു​മായ സൈന്യ​ത്തോ​ടു​കൂ​ടെ,” വടക്കേ​ദേ​ശത്തെ രാജാ​വി​നെ​തി​രെ ‘യുദ്ധത്തി​നു പുറ​പ്പെട്ടു.’ എന്നാൽ ഈജി​പ്‌ത്‌ പിടി​ച്ച​ട​ക്കിയ ഔറേ​ലി​യൻ ഏഷ്യാ​മൈ​ന​റി​ലേ​ക്കും സിറി​യ​യി​ലേ​ക്കും മുന്നേ​റാൻ തുടങ്ങി. എമസാ​യിൽ (ഇപ്പോ​ഴത്തെ ഹോംസ്‌) വെച്ച്‌ സെനോ​ബിയ തോൽപ്പി​ക്ക​പ്പെട്ടു. തത്‌ഫ​ല​മാ​യി അവർ പാൽ​മൈ​റ​യി​ലേക്കു പിൻവാ​ങ്ങി. ഔറേ​ലി​യൻ ആ നഗരത്തെ ഉപരോ​ധി​ച്ച​പ്പോൾ അതിന്റെ സംരക്ഷ​ണാർഥം സെനോ​ബിയ ധീരമാ​യി അടരാ​ടി​യെ​ങ്കി​ലും വിജയി​ക്കാ​നാ​യില്ല. അവർ തന്റെ പുത്ര​നോ​ടൊ​പ്പം പേർഷ്യ​യെ ലക്ഷ്യമാ​ക്കി പലായനം ചെയ്‌തു. എന്നാൽ യൂഫ്ര​ട്ടീസ്‌ നദിയി​ങ്കൽ വെച്ച്‌ സെനോ​ബിയ റോമാ​ക്കാ​രു​ടെ പിടി​യി​ലാ​യി. പൊ.യു. 272-ൽ പാൽമൈറ കീഴടങ്ങി. ഔറേ​ലി​യൻ സെനോ​ബി​യയെ വധിച്ചില്ല. പൊ.യു. 274-ൽ റോമി​ലൂ​ടെ നടത്തിയ വിജയാ​ഘോഷ യാത്ര​യിൽ അദ്ദേഹം അവരെ മുഖ്യ ആകർഷ​ണ​മാ​ക്കി. ശിഷ്ടകാ​ലം അവർ റോമിൽ ഒരു കുലീന വനിത​യാ​യി ജീവിച്ചു.

19. തനിക്കു ‘നേരേ​യുള്ള ഉപായ​ത്താൽ’ ഔറേ​ലി​യൻ വീണത്‌ എങ്ങനെ?

¹⁹ ഔറേ​ലി​യനു ‘നേരേ ഉപായം പ്രയോ​ഗി​ക്ക​പ്പെ​ട്ട​തി​നാൽ അവൻ ഉറച്ചു നിന്നില്ല.’ പൊ.യു. 275-ൽ അദ്ദേഹം പേർഷ്യ​ക്കാർക്ക്‌ എതിരെ ഒരു സൈനിക നീക്കം ആരംഭി​ച്ചു. ഏഷ്യാ​മൈ​ന​റി​ലേ​ക്കുള്ള കടലി​ടു​ക്കു കടക്കാ​നാ​യി ത്രാസിൽ കാത്തി​രി​ക്കെ, ‘അവന്റെ അന്നം​കൊ​ണ്ടു ഉപജീ​വനം കഴിച്ചവർ’ അദ്ദേഹ​ത്തിന്‌ എതിരെ ഉപായം പ്രയോ​ഗിച്ച്‌ അദ്ദേഹത്തെ ‘നശിപ്പി​ച്ചു.’ അദ്ദേഹം തന്റെ സെക്ര​ട്ട​റി​യായ ഈറോ​സി​നെ ക്രമ​ക്കേ​ടു​കൾക്കു ശിക്ഷി​ക്കാൻ പോകു​ക​യാ​യി​രു​ന്നു. എന്നാൽ ഈറോസ്‌, ചില ഉദ്യോ​ഗ​സ്ഥ​ന്മാർ മരണത്തി​നു വിധി​ക്ക​പ്പെ​ട്ടി​രി​ക്കു​ന്ന​താ​യി കാണി​ക്കുന്ന ഒരു വ്യാജ​രേഖ ഉണ്ടാക്കി. ഔറേ​ലി​യനെ വധിക്കു​ന്ന​തിന്‌ ഒരു ഗൂഢപ​ദ്ധതി ആസൂ​ത്രണം ചെയ്യാൻ ഈ രേഖ ആ ഉദ്യോ​ഗ​സ്ഥ​ന്മാ​രെ പ്രേരി​പ്പി​ക്കു​ക​യും അവർ അദ്ദേഹത്തെ വധിക്കു​ക​യും ചെയ്‌തു.

20. വടക്കേ​ദേ​ശത്തെ രാജാ​വി​ന്റെ “സൈന്യം ഒഴുകി​പ്പോയ”തെങ്ങനെ?

²⁰ ഔറേ​ലി​യൻ ചക്രവർത്തി​യു​ടെ മരണ​ത്തോ​ടെ വടക്കേ​ദേ​ശത്തെ രാജാ​വി​ന്റെ പ്രവർത്ത​ന​ഗതി അവസാ​നി​ച്ചില്ല. അദ്ദേഹ​ത്തി​നു ശേഷം മറ്റു റോമൻ ഭരണാ​ധി​കാ​രി​കൾ രംഗത്തു​വന്നു. ഒരു കാലത്തു കിഴക്കും പടിഞ്ഞാ​റും ഓരോ ചക്രവർത്തി​മാർ ഉണ്ടായി​രു​ന്നു. അവരുടെ കാലത്തു വടക്കേ​ദേ​ശത്തെ രാജാ​വി​ന്റെ ‘സൈന്യം ഒഴുകി​പ്പോ​യി,’ അഥവാ “ചിതറി​പ്പോ​യി.”b വടക്കു​നി​ന്നുള്ള ജർമാ​നിക്‌ ഗോ​ത്ര​ങ്ങ​ളു​ടെ ആക്രമണ ഫലമായി അനേകർ ‘നിഹത​ന്മാ​രാ​യി വീണു.’ പൊ.യു. നാലാം നൂറ്റാ​ണ്ടിൽ ഗോത്തു​കൾ റോമൻ അതിർത്തി ഭേദിച്ചു കടന്നു. ഒന്നിനു​പി​റകെ ഒന്നായി ആക്രമ​ണങ്ങൾ തുടർന്നു. പൊ.യു. 476-ൽ ജർമൻ നേതാ​വായ ഓഡോ​സർ റോമിൽനി​ന്നു ഭരണം നടത്തിയ അവസാന ചക്രവർത്തി​യെ നീക്കം ചെയ്‌തു. ആറാം നൂറ്റാ​ണ്ടി​ന്റെ ആരംഭ​ത്തോ​ടെ പടിഞ്ഞാ​റുള്ള റോമൻ സാമ്രാ​ജ്യം ഛിന്നഭി​ന്ന​മാ​കു​ക​യും ബ്രിട്ടാ​നിയ, ഗൗൾ, ഇറ്റലി, ഉത്തര ആഫ്രിക്ക, സ്‌പെ​യിൻ എന്നീ സ്ഥലങ്ങൾ ജർമൻ രാജാ​ക്ക​ന്മാ​രു​ടെ ഭരണത്തിൻ കീഴി​ലാ​കു​ക​യും ചെയ്‌തു. സാമ്രാ​ജ്യ​ത്തി​ന്റെ കിഴക്കു ഭാഗം 15-ാം നൂറ്റാ​ണ്ടു​വരെ നിലനി​ന്നു.

ഒരു വലിയ സാമ്രാ​ജ്യം വിഭജി​ക്ക​പ്പെ​ടു​ന്നു

21, 22. പൊ.യു. നാലാം നൂറ്റാ​ണ്ടിൽ കോൺസ്റ്റ​ന്റയ്‌ൻ കൊണ്ടു​വന്ന മാറ്റങ്ങൾ ഏവ?

²¹ നൂറ്റാ​ണ്ടു​കൾ നീണ്ടു​നിന്ന റോമാ സാമ്രാ​ജ്യ​ത്തി​ന്റെ തകർച്ചയെ കുറി​ച്ചുള്ള അനാവശ്യ വിശദാം​ശങ്ങൾ നൽകാതെ, യഹോ​വ​യു​ടെ ദൂതൻ വടക്കേ​ദേ​ശത്തെ രാജാ​വി​ന്റെ​യും തെക്കേ​ദേ​ശത്തെ രാജാ​വി​ന്റെ​യും തുടർന്നുള്ള വീരകൃ​ത്യ​ങ്ങൾ മുൻകൂ​ട്ടി പറഞ്ഞു. എന്നിരു​ന്നാ​ലും, റോമാ സാമ്രാ​ജ്യ​ത്തി​ലെ ചില സംഭവ​വി​കാ​സ​ങ്ങളെ കുറി​ച്ചുള്ള ഒരു ഹ്രസ്വ പുനര​വ​ലോ​കനം, പിൽക്കാ​ലത്തെ ആ രണ്ടു ശത്രു രാജാ​ക്ക​ന്മാ​രെ തിരി​ച്ച​റി​യാൻ നമ്മെ സഹായി​ക്കും.

²² നാലാം നൂറ്റാ​ണ്ടിൽ റോമൻ ചക്രവർത്തി​യായ കോൺസ്റ്റ​ന്റയ്‌ൻ വിശ്വാ​സ​ത്യാ​ഗം ഭവിച്ച ക്രിസ്‌ത്യാ​നി​ത്വ​ത്തി​നു രാഷ്‌ട്ര​ത്തി​ന്റെ അംഗീ​കാ​രം നൽകി. പൊ.യു. 325-ൽ അദ്ദേഹം ഏഷ്യാ​മൈ​ന​റി​ലെ നിഖ്യാ​യിൽ ഒരു സഭാ കൗൺസിൽ വിളി​ച്ചു​കൂ​ട്ടു​ക​യും സ്വയം അതിൽ അധ്യക്ഷത വഹിക്കു​ക​യും പോലും ചെയ്‌തു. പിന്നീട്‌, കോൺസ്റ്റ​ന്റയ്‌ൻ തന്റെ രാജവ​സതി റോമിൽനി​ന്നു ബൈസ​ന്റി​യ​ത്തി​ലേക്ക്‌ അഥവാ കോൺസ്റ്റാ​ന്റി​നോ​പ്പി​ളി​ലേക്കു മാറ്റി​ക്കൊണ്ട്‌ ആ നഗരത്തെ തന്റെ പുതിയ തലസ്ഥാ​ന​മാ​ക്കി. പൊ.യു. 395 ജനുവരി 17-ന്‌ തിയോ​ഡോ​ഷ്യസ്‌ ഒന്നാമൻ ചക്രവർത്തി മരിക്കു​ന്ന​തു​വരെ റോമാ സാമ്രാ​ജ്യം ഏകച​ക്ര​വർത്തി ഭരണത്തിൻ കീഴി​ലാ​യി​രു​ന്നു.

23. (എ) തിയോ​ഡോ​ഷ്യ​സി​ന്റെ മരണത്തെ തുടർന്നു റോമാ സാമ്രാ​ജ്യ​ത്തിൽ എന്തു വിഭജ​ന​മു​ണ്ടാ​യി? (ബി) പൂർവ സാമ്രാ​ജ്യ​ത്തിന്‌ അന്ത്യം കുറി​ക്ക​പ്പെ​ട്ടത്‌ എന്ന്‌? (സി) 1517-ഓടെ ഈജി​പ്‌ത്‌ ഭരിച്ചി​രു​ന്നത്‌ ആർ?

²³ തിയോ​ഡോ​ഷ്യ​സി​ന്റെ മരണത്തെ തുടർന്നു റോമാ സാമ്രാ​ജ്യം അദ്ദേഹ​ത്തി​ന്റെ രണ്ടു പുത്ര​ന്മാർക്കാ​യി വിഭജി​ക്ക​പ്പെട്ടു. ഹൊ​ണോ​റി​യ​സി​നു പശ്ചിമ ഭാഗവും അർക്കാ​ഡി​യ​സിന്‌ കോൺസ്റ്റാ​ന്റി​നോ​പ്പിൾ തലസ്ഥാ​ന​മാ​യുള്ള പൂർവ​ഭാ​ഗ​വും ലഭിച്ചു. ബ്രിട്ടാ​നിയ, ഗൗൾ, ഇറ്റലി, സ്‌പെ​യിൽ, ഉത്തര ആഫ്രിക്ക എന്നിവ പശ്ചിമ​ഭാ​ഗ​ത്തി​ന്റെ പ്രവി​ശ്യ​ക​ളിൽ ഉൾപ്പെ​ട്ടി​രു​ന്നു. മാസി​ഡോ​ണിയ, ത്രാസ്‌, ഏഷ്യാ​മൈനർ, സിറിയ, ഈജി​പ്‌ത്‌ എന്നിവ പൂർവ​ഭാ​ഗ​ത്തി​ലെ പ്രവി​ശ്യ​കൾ ആയിരു​ന്നു. പൊ.യു. 642-ൽ സറാസി​നു​കൾ (അറബികൾ) ഈജി​പ്‌തി​ന്റെ തലസ്ഥാ​ന​മായ അലക്‌സാൻഡ്രിയ പിടി​ച്ച​ടക്കി. അങ്ങനെ ഈജി​പ്‌ത്‌ ഖലീഫ​ക​ളു​ടെ ഒരു പ്രവി​ശ്യ​യാ​യി. 1449 ജനുവ​രി​യിൽ കോൺസ്റ്റ​ന്റയ്‌ൻ പതി​നൊ​ന്നാ​മൻ പൂർവ​ദേ​ശത്തെ അവസാന ചക്രവർത്തി​യാ​യി. സുൽത്താൻ മെമെറ്റ്‌ രണ്ടാമന്റെ കീഴിൽ ഓട്ടോ​മാൻ തുർക്കി​കൾ 1453 മേയ്‌ 29-ന്‌ കോൺസ്റ്റാ​ന്റി​നോ​പ്പിൾ കീഴട​ക്കി​ക്കൊണ്ട്‌ പൂർവ റോമാ സാമ്രാ​ജ്യ​ത്തിന്‌ അന്ത്യം കുറിച്ചു. 1517-ൽ ഈജി​പ്‌ത്‌ തുർക്കി​യു​ടെ ഒരു പ്രവി​ശ്യ​യാ​യി. എന്നാൽ, പുരാതന തെക്കേ​ദേ​ശത്തെ രാജാ​വി​ന്റേ​താ​യി​രുന്ന ഈ രാജ്യം കാല​ക്ര​മ​ത്തിൽ പടിഞ്ഞാ​റു​നി​ന്നുള്ള മറ്റൊരു സാമ്രാ​ജ്യ​ത്തി​ന്റെ നിയ​ന്ത്ര​ണ​ത്തിൽ ആകുമാ​യി​രു​ന്നു.

24, 25. (എ) ചില ചരി​ത്ര​കാ​ര​ന്മാ​രു​ടെ അഭി​പ്രാ​യ​ത്തിൽ, വിശുദ്ധ റോമാ സാമ്രാ​ജ്യ​ത്തി​നു തുടക്കം കുറി​ച്ചത്‌ എന്ത്‌? (ബി) വിശുദ്ധ റോമാ സാമ്രാ​ജ്യ​ത്തി​ന്റെ “ചക്രവർത്തി” എന്ന സ്ഥാന​പ്പേ​രിന്‌ ഒടുവിൽ എന്തു സംഭവി​ച്ചു?

²⁴ റോമാ സാമ്രാ​ജ്യ​ത്തി​ന്റെ പശ്ചിമ ഭാഗത്ത്‌, റോമി​ലെ കത്തോ​ലി​ക്കാ ബിഷപ്പ്‌ രംഗ​പ്ര​വേശം ചെയ്‌തു. വിശേ​ഷി​ച്ചും, പൊ.യു. അഞ്ചാം നൂറ്റാ​ണ്ടിൽ പാപ്പാ​യു​ടെ അധികാ​രം സ്ഥാപി​ച്ചെ​ടു​ക്കുക വഴി പ്രസിദ്ധൻ ആയിത്തീർന്ന ലിയോ ഒന്നാമൻ പാപ്പാ. പശ്ചിമ​ഭാ​ഗത്തെ ചക്രവർത്തി​യെ വാഴി​ക്കാ​നുള്ള അധികാ​രം കാല​ക്ര​മ​ത്തിൽ പാപ്പാ ഏറ്റെടു​ത്തു. പൊ.യു. 800-ലെ ക്രിസ്‌തു​മസ്സ്‌ ദിനത്തിൽ ലിയോ മൂന്നാമൻ പാപ്പാ ഫ്രാങ്കിഷ്‌ രാജാ​വായ ചാൾസി​നെ (ചാൾമെ​യ്‌നെ) പുതിയ പശ്ചിമ റോമാ സാമ്രാ​ജ്യ​ത്തി​ന്റെ ചക്രവർത്തി​യാ​യി വാഴി​ച്ച​പ്പോ​ഴാണ്‌ ഇതു സംഭവി​ച്ചത്‌. ഈ കിരീട ധാരണ​ത്തോ​ടെ റോമിൽ ചക്രവർത്തി ഭരണം പുനഃ​സ്ഥാ​പി​ത​മാ​യി. ചില ചരി​ത്ര​കാ​ര​ന്മാർ പറയു​ന്നത്‌ അനുസ​രിച്ച്‌ ഇതു വിശുദ്ധ റോമാ സാമ്രാ​ജ്യ​ത്തി​നു തുടക്കം കുറിച്ചു. ക്രിസ്‌തീ​യ​മെന്ന്‌ അവകാ​ശ​പ്പെ​ട്ടി​രുന്ന രണ്ടു സാമ്രാ​ജ്യ​ങ്ങൾ—പൂർവ സാമ്രാ​ജ്യ​വും പശ്ചിമ​ഭാ​ഗ​ത്തുള്ള വിശുദ്ധ റോമാ സാമ്രാ​ജ്യ​വും—അന്നുമു​തൽ നിലനി​ന്നു​പോ​ന്നു.

²⁵ കാലം കടന്നു​പോ​യ​തോ​ടെ, ചാൾമെ​യ്‌ന്റെ പിൻഗാ​മി​കൾ അപ്രാ​പ്‌ത​രായ ഭരണാ​ധി​കാ​രി​കൾ ആണെന്നു തെളിഞ്ഞു. കുറെ കാല​ത്തേക്കു ചക്രവർത്തി​യു​ടെ സിംഹാ​സനം ആളില്ലാ​തെ ഒഴിഞ്ഞു കിടക്കുക പോലും ചെയ്‌തു. അതിനി​ടെ, ജർമനി​യി​ലെ രാജാ​വായ ഓട്ടോ ഒന്നാമൻ ഉത്തര-മധ്യ ഇറ്റലി​യു​ടെ ഭൂരി​ഭാ​ഗ​വും കൈവ​ശ​മാ​ക്കി​യി​രു​ന്നു. അദ്ദേഹം തന്നെത്തന്നെ ഇറ്റലി​യു​ടെ രാജാ​വാ​യി പ്രഖ്യാ​പി​ച്ചു. പൊ.യു. 962 ഫെബ്രു​വരി 2-ന്‌ ജോൺ പന്ത്രണ്ടാ​മൻ പാപ്പാ ഓട്ടോ ഒന്നാമനെ വിശുദ്ധ റോമാ സാമ്രാ​ജ്യ​ത്തി​ന്റെ ചക്രവർത്തി​യാ​യി വാഴിച്ചു. അതിന്റെ തലസ്ഥാനം ജർമനി​യിൽ ആയിരു​ന്നു. ചക്രവർത്തി​മാ​രും അതു​പോ​ലെ​തന്നെ പ്രജക​ളിൽ മിക്കവ​രും ജർമൻകാ​രാ​യി​രു​ന്നു. അഞ്ചു നൂറ്റാ​ണ്ടു​കൾ കഴിഞ്ഞ​പ്പോൾ ഓസ്‌ട്രി​യൻ ഹാപ്‌സ്‌ബർഗ്‌ ഗൃഹത്തിന്‌ “ചക്രവർത്തി” എന്ന പദവി​നാ​മം ലഭിച്ചു. വിശുദ്ധ റോമാ സാമ്രാ​ജ്യ​ത്തി​ന്റെ ശേഷിച്ച വർഷങ്ങ​ളിൽ ഏറിയ​കാ​ല​വും അത്‌ ആ പദവി നിലനിർത്തു​ക​യും ചെയ്‌തു.

രണ്ടു രാജാ​ക്ക​ന്മാർ വീണ്ടും വ്യക്തമാ​യി തിരി​ച്ച​റി​യ​പ്പെ​ടു​ന്നു

26. (എ) വിശുദ്ധ റോമാ സാമ്രാ​ജ്യ​ത്തി​ന്റെ അന്ത്യ​ത്തെ​ക്കു​റിച്ച്‌ എന്തു പറയാ​വു​ന്ന​താണ്‌? (ബി) വടക്കേ​ദേ​ശത്തെ രാജാ​വാ​യി ഉദയം ചെയ്‌തത്‌ ആർ?

²⁶ 1805-ൽ, ജർമനി​യിൽ വിജയങ്ങൾ കൈവ​രി​ച്ച​തി​നെ തുടർന്നു നെപ്പോ​ളി​യൻ ഒന്നാമൻ വിശുദ്ധ റോമാ സാമ്രാ​ജ്യ​ത്തി​ന്റെ അസ്‌തി​ത്വ​ത്തെ അംഗീ​ക​രി​ക്കാൻ വിസമ്മ​തി​ച്ച​പ്പോൾ അദ്ദേഹം അതിന്മേൽ മാരക​മായ ഒരു പ്രഹരം ഏൽപ്പിച്ചു. കിരീടം സംരക്ഷി​ക്കാൻ കഴിയാ​തെ​പോയ ഫ്രാൻസിസ്‌ രണ്ടാമൻ ചക്രവർത്തി 1806 ആഗസ്റ്റ്‌ 6-ന്‌ റോമൻ ചക്രവർത്തി​പ​ദ​ത്തിൽ നിന്നു രാജി​വെച്ചു. ഓസ്‌ട്രി​യ​യു​ടെ ചക്രവർത്തി എന്ന നിലയിൽ അദ്ദേഹം തന്റെ ദേശീയ ഭരണകൂ​ട​ത്തിൽ മാത്ര​മാ​യി ഒതുങ്ങി. അങ്ങനെ റോമൻ കത്തോ​ലി​ക്കാ പാപ്പാ ആയ ലിയോ മൂന്നാ​മ​നും ഒരു ഫ്രാങ്കിഷ്‌ രാജാ​വാ​യി​രുന്ന ചാൾമെ​യ്‌നും ചേർന്നു സ്ഥാപിച്ച വിശുദ്ധ റോമാ സാമ്രാ​ജ്യം 1,006 വർഷങ്ങൾക്കു ശേഷം അസ്‌ത​മി​ച്ചു. 1870-ൽ റോം ഇറ്റലി​യു​ടെ തലസ്ഥാനം ആയിത്തീ​രു​ക​യും അങ്ങനെ വത്തിക്കാ​നിൽനി​ന്നു സ്വത​ന്ത്ര​മാ​കു​ക​യും ചെയ്‌തു. പിറ്റേ വർഷം, സീസർ അഥവാ കൈസർ എന്നു വിളി​ക്ക​പ്പെട്ട വിൽഹെം ഒന്നാമ​നോ​ടെ ഒരു ജർമാ​നിക്‌ സാമ്രാ​ജ്യം ഉദയം ചെയ്‌തു. അങ്ങനെ ആധുനിക കാലത്തെ വടക്കേ​ദേ​ശത്തെ രാജാവ്‌—ജർമനി—ലോക രംഗത്തു പ്രത്യ​ക്ഷ​പ്പെട്ടു.

27. (എ) ഈജി​പ്‌ത്‌ ഒരു ബ്രിട്ടീഷ്‌ സംരക്ഷിത രാജ്യം ആയിത്തീർന്നത്‌ എങ്ങനെ? (ബി) തെക്കേ​ദേ​ശത്തെ രാജാ​വി​ന്റെ സ്ഥാന​ത്തേക്കു കടന്നു​വ​ന്നത്‌ ആർ?

²⁷ എന്നാൽ ആധുനിക കാലത്തെ തെക്കേ​ദേ​ശത്തെ രാജാവ്‌ ആരായി​രു​ന്നു? 17-ാം നൂറ്റാ​ണ്ടിൽ ഗ്രേറ്റ്‌ ബ്രിട്ടൻ സാമ്രാ​ജ്യ​ശക്തി കൈവ​രി​ച്ചെന്നു ചരിത്രം പ്രകട​മാ​ക്കു​ന്നു. ബ്രിട്ടീഷ്‌ വാണിജ്യ പാതകൾക്കു തടസ്സം സൃഷ്ടി​ക്കാ​നാ​യി നെപ്പോ​ളി​യൻ ഒന്നാമൻ 1798-ൽ ഈജി​പ്‌ത്‌ കീഴടക്കി. തുടർന്നു യുദ്ധം പൊട്ടി​പ്പു​റ​പ്പെട്ടു. തെക്കേ​ദേ​ശത്തെ രാജാ​വും വടക്കേ​ദേ​ശത്തെ രാജാ​വും തമ്മിലുള്ള പോരാ​ട്ടം ആരംഭിച്ച സമയത്തു തെക്കേ​ദേ​ശത്തെ രാജാ​വാ​യി തിരി​ച്ച​റി​യ​പ്പെ​ട്ടി​രുന്ന ഈജി​പ്‌തിൽനി​ന്നു പിൻവാ​ങ്ങാൻ ബ്രിട്ടീഷ്‌-ഓട്ടോ​മൻ സഖ്യം ഫ്രഞ്ചു​കാ​രെ നിർബ​ന്ധി​ത​രാ​ക്കി. തുടർന്നു​വന്ന നൂറ്റാ​ണ്ടിൽ ഈജി​പ്‌തി​ന്മേ​ലുള്ള ബ്രിട്ടീഷ്‌ സ്വാധീ​നം വർധിച്ചു. വാസ്‌ത​വ​ത്തിൽ 1882-നു ശേഷം ഈജി​പ്‌ത്‌ ബ്രിട്ടന്റെ ഒരു ആശ്രിത രാജ്യ​മാ​യി​രു​ന്നു. 1914-ൽ ഒന്നാം ലോക​മ​ഹാ​യു​ദ്ധം പൊട്ടി​പ്പു​റ​പ്പെ​ട്ട​പ്പോൾ ഈജി​പ്‌ത്‌ തുർക്കി​യു​ടേ​താ​യി​രു​ന്നു. കെഡിവ്‌ അഥവാ വൈ​സ്രോ​യി ആയിരു​ന്നു അവിടെ ഭരണം നടത്തി​യി​രു​ന്നത്‌. എന്നാൽ ആ യുദ്ധത്തിൽ തുർക്കി ജർമനി​യു​ടെ പക്ഷം ചേർന്ന​പ്പോൾ ബ്രിട്ടൻ കെഡി​വി​നെ സ്ഥാന​ഭ്ര​ഷ്ട​നാ​ക്കി​യിട്ട്‌ ഈജി​പ്‌തി​നെ ബ്രിട്ടന്റെ ഒരു സംരക്ഷിത രാജ്യ​മാ​യി പ്രഖ്യാ​പി​ച്ചു. ക്രമേണ അടുത്ത ബന്ധങ്ങൾ സ്ഥാപി​ച്ചു​കൊണ്ട്‌ ബ്രിട്ട​നും അമേരി​ക്കൻ ഐക്യ​നാ​ടു​ക​ളും ചേർന്ന്‌ ആംഗ്ലോ-അമേരി​ക്കൻ ലോക​ശക്തി ആയിത്തീർന്നു. അങ്ങനെ അവർ ഇരുവ​രും​കൂ​ടി തെക്കേ​ദേ​ശത്തെ രാജാ​വി​ന്റെ സ്ഥാന​ത്തേക്കു കടന്നു​വന്നു.

[അടിക്കു​റി​പ്പു​കൾ]

നിങ്ങൾ എന്തു ഗ്രഹിച്ചു?

• വടക്കേ​ദേ​ശത്തെ രാജാ​വാ​യി എഴുന്നേറ്റ പ്രഥമ റോമാ ചക്രവർത്തി ആർ, അദ്ദേഹം “ഒരു അപഹാ​രി​യെ” അയച്ചത്‌ എന്ന്‌?

• അഗസ്റ്റസി​നു ശേഷം വടക്കേ​ദേ​ശത്തെ രാജാ​വി​ന്റെ സ്ഥാനം കൈവ​രി​ച്ചത്‌ ആർ, ‘ഉടമ്പടി​യു​ടെ നായകൻ തകർക്ക​പ്പെ​ട്ടത്‌’ എങ്ങനെ?

• വടക്കേ​ദേ​ശത്തെ രാജാവ്‌ എന്ന നിലയിൽ ഔറേ​ലി​യ​നും തെക്കേ​ദേ​ശത്തെ രാജാവ്‌ എന്ന നിലയിൽ സെനോ​ബി​യ​യും തമ്മിലു​ണ്ടായ പോരാ​ട്ട​ത്തി​ന്റെ പരിണ​ത​ഫലം എന്തായി​രു​ന്നു?

• റോമാ സാമ്രാ​ജ്യ​ത്തിന്‌ എന്തു സംഭവി​ച്ചു, രണ്ടു രാജാ​ക്ക​ന്മാ​രു​ടെ സ്ഥാനങ്ങൾ 19-ാം നൂറ്റാ​ണ്ടി​ന്റെ അന്ത്യ​ത്തോ​ടെ ഏതു ശക്തിക​ളാണ്‌ കയ്യടക്കി​യത്‌?

[248-251 പേജു​ക​ളി​ലെ ചതുരം/ചിത്രം]

ഒരുവൻ ബഹുമാ​നി​ത​നും മറ്റവൻ നിന്ദി​ത​നു​മാ​യി

ഒരുവൻ കലാപ​ക​ലു​ഷി​ത​മായ ഒരു റിപ്പബ്ലി​ക്കി​നെ ലോക സാമ്രാ​ജ്യ​മാ​ക്കി മാറ്റി. മറ്റവൻ 23 വർഷം​കൊണ്ട്‌ അതിന്റെ സമ്പത്ത്‌ 20 ഇരട്ടി​യാ​ക്കി. എന്നാൽ മരണമ​ട​യു​മ്പോൾ ഒരുവൻ ബഹുമാ​നി​ത​നും മറ്റവൻ നിന്ദി​ത​നു​മാ​യി. യേശു​വി​ന്റെ ജീവി​ത​ത്തി​ന്റെ​യും ശുശ്രൂ​ഷ​യു​ടെ​യും കാലത്താ​യി​രു​ന്നു ഈ രണ്ടു റോമൻ ചക്രവർത്തി​മാ​രും ഭരണം നടത്തി​യി​രു​ന്നത്‌. അവർ ആരായി​രു​ന്നു? ഒരുവൻ ബഹുമാ​നി​തൻ ആകുക​യും എന്നാൽ മറ്റവൻ നിന്ദിതൻ ആകുക​യും ചെയ്‌തത്‌ എന്തു​കൊ​ണ്ടാ​യി​രു​ന്നു?

അവൻ “ഇഷ്ടിക നിർമിത റോമി​നെ മാർബിൾ നിർമി​ത​മാ​ക്കി”

പൊ.യു.മു. 44-ൽ ജൂലി​യസ്‌ സീസർ വധിക്ക​പ്പെ​ട്ട​പ്പോൾ അദ്ദേഹ​ത്തി​ന്റെ സഹോ​ദ​രി​യു​ടെ പൗത്ര​നായ ഗ്വയസ്‌ ഒക്‌ടേ​വി​യനു 18 വയസ്സേ ഉണ്ടായി​രു​ന്നു​ള്ളൂ. ജൂലി​യസ്‌ സീസറി​ന്റെ ദത്തുപു​ത്ര​നും മുഖ്യ വ്യക്തിഗത അവകാ​ശി​യും ആയിരുന്ന, ചെറു​പ്പ​ക്കാ​ര​നായ ഒക്‌ടേ​വി​യൻ തന്റെ അവകാശം ഉന്നയി​ക്കാ​നാ​യി ഉടൻതന്നെ റോമി​ലേക്കു പുറ​പ്പെട്ടു. അവിടെ അവൻ ശക്തനായ ഒരു എതിരാ​ളി​യെ നേരിട്ടു, സീസറി​ന്റെ മുഖ്യ ലഫ്‌റ്റ​ന​ന്റും പ്രധാന അവകാ​ശി​യാ​കാൻ പ്രതീ​ക്ഷി​ക്ക​പ്പെ​ട്ടി​രു​ന്ന​വ​നു​മായ മാർക്ക്‌ ആന്റണിയെ. തുടർന്ന്‌ ഉളവായ രാഷ്‌ട്രീയ ഉപജാ​പ​വും അധികാര വടംവ​ലി​യും 13 വർഷം നീണ്ടു​നി​ന്നു.

ഈജി​പ്‌തി​ലെ രാജ്ഞി​യാ​യി​രുന്ന ക്ലിയോ​പാ​ട്ര​യു​ടെ​യും കാമു​ക​നാ​യി​രുന്ന മാർക്ക്‌ ആന്റണി​യു​ടെ​യും സംയുക്ത സേനയെ (പൊ.യു.മു. 31-ൽ) തോൽപ്പിച്ച ശേഷം മാത്ര​മാണ്‌ ഒക്‌ടേ​വി​യൻ റോമാ സാമ്രാ​ജ്യ​ത്തി​ന്റെ അവിതർക്കിത ഭരണാ​ധി​കാ​രി​യാ​യി ഉയർന്നു വന്നത്‌. അടുത്ത വർഷം ആന്റണി​യും ക്ലിയോ​പാ​ട്ര​യും ആത്മഹത്യ ചെയ്യു​ക​യും ഒക്‌ടേ​വി​യൻ ഈജി​പ്‌തി​നെ തന്റെ സാമ്രാ​ജ്യ​ത്തോ​ടു കൂട്ടി​ച്ചേർക്കു​ക​യും ചെയ്‌തു. അങ്ങനെ ഗ്രീക്കു സാമ്രാ​ജ്യ​ത്തി​ന്റെ അവസാന കണിക​യും തുടച്ചു​നീ​ക്ക​പ്പെ​ടു​ക​യും റോം ലോക​ശക്തി ആയിത്തീ​രു​ക​യും ചെയ്‌തു.

ജൂലി​യസ്‌ സീസർ വധിക്ക​പ്പെ​ട്ടത്‌ അദ്ദേഹ​ത്തി​ന്റെ സ്വേച്ഛാ​ധി​പത്യ ഭരണം നിമിത്തം ആയിരു​ന്നെന്ന്‌ ഓർമിച്ച ഒക്‌ടേ​വി​യൻ ആ തെറ്റ്‌ ആവർത്തി​ക്കാ​തി​രി​ക്കാൻ ശ്രദ്ധിച്ചു. റിപ്പബ്ലി​ക്കിന്‌ അനുകൂ​ല​മായ റോമൻ വികാ​രങ്ങൾ വ്രണ​പ്പെ​ടു​ത്താ​തി​രി​ക്കാ​നാ​യി അദ്ദേഹം തന്റെ ഏകാധി​പ​ത്യ​ത്തെ റിപ്പബ്ലി​ക്കൻ മുഖം​മൂ​ടി​ക്കു​ള്ളിൽ ഒളിപ്പി​ച്ചു. “രാജാവ്‌” എന്നും “സർവാ​ധി​പതി” എന്നും ഉള്ള സ്ഥാന​പ്പേ​രു​കൾ അദ്ദേഹം നിരസി​ച്ചു. എല്ലാ പ്രവി​ശ്യ​ക​ളു​ടെ​യും നിയ​ന്ത്രണം റോമൻ സെനറ്റി​നു നൽകാ​നുള്ള തന്റെ ഉദ്ദേശ്യം പ്രഖ്യാ​പി​ച്ചു​കൊ​ണ്ടും തന്റെ അധികാര സ്ഥാനങ്ങ​ളിൽനി​ന്നു രാജി​വെ​ക്കാ​മെന്നു വാഗ്‌ദാ​നം ചെയ്‌തു​കൊ​ണ്ടും അദ്ദേഹം ഒരു പടികൂ​ടെ മുന്നോ​ട്ടു പോയി. ആ തന്ത്രം ഫലിച്ചു. വിലമ​തി​പ്പു തോന്നിയ സെനറ്റ്‌, തന്റെ അധികാര സ്ഥാനങ്ങൾ കൈവശം വെക്കാ​നും പ്രവി​ശ്യ​ക​ളിൽ ചിലതി​ന്റെ നിയ​ന്ത്രണം നിലനിർത്താ​നും ഒക്‌ടേ​വി​യനെ പ്രോ​ത്സാ​ഹി​പ്പി​ച്ചു.

അതിനു പുറമേ, പൊ.യു.മു. 27 ജനുവരി 16-ന്‌ സെനറ്റ്‌ ഒക്‌ടേ​വി​യന്‌ “ഉന്നതമായ, പവി​ത്ര​മായ” എന്നീ അർഥങ്ങ​ളുള്ള “അഗസ്റ്റസ്‌” എന്ന പദവി​നാ​മം നൽകി. ഒക്‌ടേ​വി​യൻ ആ പദവി​നാ​മം സ്വീക​രി​ക്കുക മാത്രമല്ല, ഒരു കലണ്ടർ മാസത്തെ തന്റെ പേരിൽ പുനർനാ​മ​ക​രണം ചെയ്യു​ക​യും ചെയ്‌തു. ജൂലി​യസ്‌ സീസറി​ന്റെ പേരി​ലുള്ള ജൂ​ലൈ​യു​ടെ അത്രയും ദിവസങ്ങൾ ആഗസ്റ്റി​ലും ഉണ്ടായി​രി​ക്കാൻ വേണ്ടി അദ്ദേഹം ഫെബ്രു​വ​രി​യിൽനിന്ന്‌ ഒരു ദിവസം കടം എടുത്തു. അങ്ങനെ ഒക്‌ടേ​വി​യൻ ആദ്യത്തെ റോമൻ ചക്രവർത്തി​യാ​കു​ക​യും അതേത്തു​ടർന്ന്‌ അഗസ്റ്റസ്‌ സീസർ അഥവാ “മഹിമാ​ശാ​ലി” എന്ന്‌ അറിയ​പ്പെ​ടു​ക​യും ചെയ്‌തു. പിന്നീട്‌, “പൊന്റി​ഫെ​ക്‌സ്‌ മാക്‌സി​മസ്‌” (മഹാപു​രോ​ഹി​തൻ) എന്ന പദവി​നാ​മ​വും അദ്ദേഹം സ്വീക​രി​ച്ചു. യേശു ജനിച്ച വർഷമായ പൊ.യു.മു. 2-ൽ സെനറ്റ്‌ അഗസ്റ്റസിന്‌ പാറ്റർ പാട്രി​യി, “തന്റെ രാജ്യ​ത്തി​ന്റെ പിതാവ്‌,” എന്ന പദവി​നാ​മം നൽകി.

അതേ വർഷം​തന്നെ, “ലോകം ഒക്കെയും പേർവഴി ചാർത്തേണം എന്നു ഔഗു​സ്‌തൊ​സ്‌​കൈ​സ​രു​ടെ [“അഗസ്റ്റസ്‌ സീസറു​ടെ,” NW] ഒരു ആജ്ഞ പുറ​പ്പെട്ടു. . . . എല്ലാവ​രും ചാർത്ത​പ്പെ​ടേ​ണ്ട​തി​ന്നു താന്താന്റെ പട്ടണത്തി​ലേക്കു യാത്ര​യാ​യി.” (ലൂക്കൊസ്‌ 2:1-3) ഈ ആജ്ഞയുടെ ഫലമായി, ബൈബിൾ പ്രവചനം നിവർത്തി​ച്ചു​കൊണ്ട്‌ യേശു ബേത്ത്‌ലേ​ഹെ​മിൽ ജനിച്ചു.—ദാനീ​യേൽ 11:20; മീഖാ 5:2.

ഒരളവി​ലുള്ള സത്യസ​ന്ധ​ത​യും സുസ്ഥി​ര​മാ​യൊ​രു നാണയ​വും അഗസ്റ്റസി​ന്റെ കീഴിലെ ഭരണകൂ​ട​ത്തി​ന്റെ പ്രത്യേ​കത ആയിരു​ന്നു. അദ്ദേഹം ഫലപ്ര​ദ​മാ​യൊ​രു തപാൽ സംവി​ധാ​നം ഏർപ്പെ​ടു​ത്തു​ക​യും റോഡു​ക​ളും പാലങ്ങ​ളും നിർമി​ക്കു​ക​യും ചെയ്‌തു. അദ്ദേഹം സൈന്യ​ത്തെ പുനഃ​സം​ഘ​ടി​പ്പി​ച്ചു, സ്ഥിരമായ ഒരു നാവിക സേന ഉണ്ടാക്കി, ചക്രവർത്തി​ക്കു വേണ്ടി അകമ്പടി പട്ടാളം എന്ന്‌ അറിയ​പ്പെ​ടുന്ന ഒരു വിശിഷ്ട അംഗരക്ഷക സേന രൂപീ​ക​രി​ച്ചു. (ഫിലി​പ്പി​യർ 1:13) അദ്ദേഹ​ത്തി​ന്റെ രക്ഷാകർതൃ​ത്വ​ത്തിൻ കീഴിൽ വിർജി​ലി​നെ​യും ഹൊറാ​സി​നെ​യും പോലുള്ള എഴുത്തു​കാർ അഭിവൃ​ദ്ധി പ്രാപി​ച്ചു, ഇന്ന്‌ ക്ലാസിക്കൽ സ്റ്റൈൽ എന്നു വിളി​ക്ക​പ്പെ​ടുന്ന രീതി​യിൽ ശിൽപ്പ നിർമാ​താ​ക്കൾ മനോ​ഹ​ര​മായ ശിൽപ്പങ്ങൾ നിർമി​ച്ചു. ജൂലി​യസ്‌ സീസർ തുടങ്ങി​വെ​ച്ച​തും പണിതീ​രാ​ഞ്ഞ​തു​മായ കെട്ടി​ട​ങ്ങ​ളു​ടെ നിർമാ​ണം അഗസ്റ്റസ്‌ പൂർത്തീ​ക​രി​ക്കു​ക​യും അനേകം ക്ഷേത്രങ്ങൾ പുനരു​ദ്ധ​രി​ക്കു​ക​യും ചെയ്‌തു. അദ്ദേഹം കൊണ്ടു​വന്ന പാക്‌സ്‌ റൊമാന (“റോമൻ സമാധാ​നം”) 200-ലേറെ വർഷം നീണ്ടു​നി​ന്നു. പൊ.യു. 14 ആഗസ്റ്റ്‌ 19-ന്‌, 76-ാം വയസ്സിൽ അഗസ്റ്റസ്‌ മരിച്ചു. തുടർന്ന്‌ അദ്ദേഹ​ത്തി​നു ദിവ്യ​ത്വം കൽപ്പി​ക്ക​പ്പെട്ടു.

താൻ, “ഇഷ്ടിക നിർമിത റോമി​നെ മാർബിൾ നിർമി​ത​മാ​ക്കി” എന്ന്‌ അഗസ്റ്റസ്‌ വീമ്പി​ളക്കി. റോം വീണ്ടും മുൻ റിപ്പബ്ലി​ക്കി​ന്റെ കലാപ​ക​ലു​ഷിത നാളു​ക​ളി​ലേക്കു മടങ്ങി​പ്പോ​ക​രു​തെന്ന്‌ ആഗ്രഹിച്ച അഗസ്റ്റസ്‌ അടുത്ത ചക്രവർത്തി​യെ ഒരുക്കാൻ ലക്ഷ്യമി​ട്ടു. എന്നാൽ അദ്ദേഹ​ത്തിന്‌ തന്റെ പിൻഗാ​മി​യാ​യി തിര​ഞ്ഞെ​ടു​ക്കാൻ അനേകർ ഉണ്ടായി​രു​ന്നില്ല. അദ്ദേഹ​ത്തി​ന്റെ അനന്തര​വ​നും രണ്ടു പൗത്ര​ന്മാ​രും ഒരു മരുമ​ക​നും ഭാര്യ​യു​ടെ മുൻവി​വാ​ഹ​ത്തി​ലെ ഒരു മകനും മരിച്ചു​പോ​യി​രു​ന്നു. ഭാര്യ​യു​ടെ മുൻവി​വാ​ഹ​ത്തി​ലെ ഒരു പുത്ര​നായ തീബെ​ര്യൊസ്‌ മാത്രമേ പിൻഗാ​മി​യാ​യി ശേഷി​ച്ചി​രു​ന്നു​ള്ളൂ.

“നിന്ദ്യ​നായ ഒരുത്തൻ”

അഗസ്റ്റസി​ന്റെ മരണ ശേഷം ഒരു മാസ​ത്തോ​ളം കഴിഞ്ഞ​പ്പോൾ റോമൻ സെനറ്റ്‌ 54-കാരനായ തീബെ​ര്യൊ​സി​നെ ചക്രവർത്തി​യാ​യി നാമനിർദേശം ചെയ്‌തു. പൊ.യു. 37 മാർച്ച്‌ വരെ അദ്ദേഹം ജീവി​ച്ചി​രി​ക്കു​ക​യും ഭരണം നടത്തു​ക​യും ചെയ്‌തു. ആയതി​നാൽ, യേശു​വി​ന്റെ പരസ്യ ശുശ്രൂ​ഷ​യു​ടെ കാലത്ത്‌ അദ്ദേഹ​മാ​യി​രു​ന്നു റോമൻ ചക്രവർത്തി.

ഒരു ചക്രവർത്തി എന്ന നിലയിൽ തീബെ​ര്യൊ​സി​നു സദ്‌ഗു​ണ​ങ്ങ​ളും ദുർഗു​ണ​ങ്ങ​ളും ഉണ്ടായി​രു​ന്നു. ആഡംബ​ര​ത്തി​നാ​യി പണം ചെലവ​ഴി​ക്കാ​നുള്ള മടി അദ്ദേഹ​ത്തി​ന്റെ സദ്‌ഗു​ണ​ങ്ങ​ളിൽ പെടുന്നു. തത്‌ഫ​ല​മാ​യി, സാമ്രാ​ജ്യം അഭിവൃ​ദ്ധി പ്രാപി​ച്ചു. മാത്ര​വു​മല്ല, വിപത്തു​ക​ളിൽ നിന്നും പ്രതി​കൂല സാഹച​ര്യ​ങ്ങ​ളിൽ നിന്നും കരകയ​റാൻ പ്രജകളെ സഹായി​ക്കു​ന്ന​തിന്‌ ആവശ്യ​മായ ഫണ്ടുക​ളും അദ്ദേഹ​ത്തി​ന്റെ പക്കൽ ഉണ്ടായി​രു​ന്നു. ശ്ലാഘനീ​യം എന്നു പറയട്ടെ, തന്നെ വെറു​മൊ​രു മനുഷ്യ​നാ​യി വീക്ഷിച്ച തീബെ​ര്യൊസ്‌ അനേകം ബഹുമതി നാമങ്ങൾ നിരസി​ച്ചു. പൊതു​വെ, ചക്രവർത്തി ആരാധന തന്നി​ലേക്കല്ല, മറിച്ച്‌ അഗസ്റ്റസി​ലേ​ക്കാണ്‌ അദ്ദേഹം തിരിച്ചു വിട്ടത്‌. അഗസ്റ്റസ്‌ സീസറും ജൂലി​യസ്‌ സീസറും ചെയ്‌ത​തു​പോ​ലെ, അദ്ദേഹം ഏതെങ്കി​ലും ഒരു മാസത്തി​നു തന്റെ പേരി​ടു​ക​യോ ആ വിധത്തിൽ മറ്റുള്ളവർ തന്നെ ബഹുമാ​നി​ക്കാൻ അനുവ​ദി​ക്കു​ക​യോ ചെയ്‌തില്ല.

എന്നാൽ തീബെ​ര്യൊ​സി​ന്റെ ദുർഗു​ണങ്ങൾ സദ്‌ഗു​ണ​ങ്ങളെ കവച്ചു​വെച്ചു. മറ്റുള്ള​വ​രു​മാ​യുള്ള ഇടപെ​ട​ലു​ക​ളിൽ അദ്ദേഹം അങ്ങേയറ്റം സംശയാ​ലു​വും കാപട്യ​ക്കാ​ര​നും ആയിരു​ന്നു. രാജകൽപ്പന പ്രകാ​ര​മുള്ള കൊല​പാ​ത​കങ്ങൾ നിറഞ്ഞ​താ​യി​രു​ന്നു അദ്ദേഹ​ത്തി​ന്റെ ഭരണം. അദ്ദേഹ​ത്തി​ന്റെ മുൻ സുഹൃ​ത്തു​ക്ക​ളിൽ മിക്കവ​രും അതിന്‌ ഇരകളാ​യി. രാജ്യ​ത്തിന്‌ എതിരായ പ്രവൃ​ത്തി​കൾക്കു പുറമേ, തനിക്ക്‌ എതി​രെ​യുള്ള അപവാദ വാക്കുകൾ പോലും ഉൾപ്പെ​ടത്തക്ക വിധം അദ്ദേഹം ലെസെ-മജെസ്റ്റി (രാജ​ദ്രോ​ഹം) നിയമം വിപു​ല​പ്പെ​ടു​ത്തി. സർവസാ​ധ്യ​ത​യും അനുസ​രിച്ച്‌, ഈ നിയമ​ത്തി​ന്റെ ബലത്തി​ലാ​ണു യഹൂദ​ന്മാർ യേശു​വി​നെ വധിക്കാൻ റോമൻ ഗവർണ​റായ പൊന്തി​യൊസ്‌ പീലാ​ത്തൊ​സി​നെ പ്രേരി​പ്പി​ച്ചത്‌.—യോഹ​ന്നാൻ 19:12-16.

നഗര മതിലു​ക​ളു​ടെ വടക്കു ഭാഗത്തു ബലവത്തായ ബാരക്കു​കൾ നിർമി​ച്ചു​കൊ​ണ്ടു തീബെ​ര്യൊസ്‌ അകമ്പടി പട്ടാളത്തെ റോമാ നഗരത്തി​നു സമീപം കേന്ദ്രീ​ക​രി​ച്ചു. അകമ്പടി പട്ടാള​ത്തി​ന്റെ സാന്നി​ധ്യം, സീസറി​ന്റെ അധികാ​ര​ത്തിന്‌ ഒരു ഭീഷണി ആയിരുന്ന റോമൻ സെനറ്റി​നെ ഭയപ്പെ​ടു​ത്തു​ക​യും ജനങ്ങളു​ടെ അച്ചടക്ക​മി​ല്ലാ​യ്‌മയെ നിയ​ന്ത്രി​ച്ചു നിർത്തു​ക​യും ചെയ്‌തു. ഒറ്റി​ക്കൊ​ടു​ക്ക​ലി​നെ​യും തീബെ​ര്യൊസ്‌ പ്രോ​ത്സാ​ഹി​പ്പി​ച്ചു. ഭീതി ആയിരു​ന്നു അദ്ദേഹ​ത്തി​ന്റെ ഭരണത്തി​ന്റെ രണ്ടാം പകുതി​യു​ടെ പ്രത്യേ​കത.

മരണസ​മയം ആയപ്പോ​ഴേ​ക്കും തീബെ​ര്യൊസ്‌ ഒരു സ്വേച്ഛാ​ധി​പ​തി​യാ​യി പരിഗ​ണി​ക്ക​പ്പെ​ട്ടി​രു​ന്നു. അദ്ദേഹം മരിച്ച​പ്പോൾ റോമാ​ക്കാർ സന്തോ​ഷി​ച്ചു, അദ്ദേഹ​ത്തി​നു ദിവ്യ​ത്വം കൽപ്പി​ക്കാൻ സെനറ്റ്‌ വിസമ്മ​തി​ച്ചു. ഈ കാരണ​ങ്ങ​ളാ​ലും മറ്റു കാരണ​ങ്ങ​ളാ​ലും, “വടക്കെ​ദേ​ശ​ത്തി​ലെ രാജാ”വായി “നിന്ദ്യ​നായ ഒരുത്തൻ എഴു​ന്നേ​ല്‌ക്കു”മെന്ന പ്രവച​ന​ത്തി​ന്റെ ഒരു നിവൃത്തി നാം തീബെ​ര്യൊ​സിൽ കാണുന്നു.—ദാനീ​യേൽ 11:15, 21.

നിങ്ങൾ എന്തു ഗ്രഹിച്ചു?

• ഒക്‌ടേ​വി​യൻ റോമി​ലെ ആദ്യത്തെ ചക്രവർത്തി​യാ​കാൻ ഇടയാ​യത്‌ എങ്ങനെ?

• അഗസ്റ്റസ്‌ ഭരണകൂ​ട​ത്തി​ന്റെ നേട്ടങ്ങളെ കുറിച്ച്‌ എന്തു പറയാ​വു​ന്ന​താണ്‌?

• തീബെ​ര്യൊ​സി​ന്റെ സദ്‌ഗു​ണ​ങ്ങ​ളും ദുർഗു​ണ​ങ്ങ​ളും എന്തെല്ലാ​മാ​യി​രു​ന്നു?

• ‘നിന്ദ്യ​നായ ഒരുത്തനെ’ കുറി​ച്ചുള്ള പ്രവചനം തീബെ​ര്യൊ​സിൽ നിവൃ​ത്തി​യാ​യത്‌ എങ്ങനെ?

[ചിത്രം]

തീബെര്യൊസ്‌

[252-255 പേജു​ക​ളി​ലെ ചതുരം/ചിത്രങ്ങൾ]

സെനോബിയ—പാൽ​മൈ​റ​യി​ലെ വില്ലാ​ളി​വീ​ര​യായ രാജ്ഞി

“ഇരുണ്ട നിറം. . . . വെൺമു​ത്തു​പോ​ലുള്ള പല്ലുകൾ. അസാധാ​രണ തിളക്ക​മുള്ള കറുത്ത, ആകർഷ​ക​മായ വലിയ മിഴികൾ. ശക്തമെ​ങ്കി​ലും ശ്രുതി​മ​ധു​ര​മായ ശബ്ദം. പഠനത്താൽ വർധി​ത​വും അലങ്കൃ​ത​വു​മാ​യി​ത്തീർന്ന പുരു​ഷോ​ചിത ഗ്രാഹ്യം. ലത്തീൻ ഭാഷ പരിചി​തം. ഗ്രീക്ക്‌, സുറി​യാ​നി, ഈജി​പ്‌ഷ്യൻ ഭാഷക​ളിൽ തുല്യ പാണ്ഡി​ത്യം.” ഇവയാ​യി​രു​ന്നു സെനോ​ബി​യ​യിൽ—സിറിയൻ നഗരമായ പാൽ​മൈ​റ​യി​ലെ വില്ലാ​ളി​വീ​ര​യായ രാജ്ഞി​യിൽ—ചരി​ത്ര​കാ​ര​നായ എഡ്വേർഡ്‌ ഗിബ്ബൺ ചൊരിഞ്ഞ പ്രശംസാ വചസ്സുകൾ.

പാൽ​മൈ​റ​യി​ലെ പ്രഭു​വായ ഓഡി​നേ​ത്തസ്‌ ആയിരു​ന്നു സെനോ​ബി​യ​യു​ടെ ഭർത്താവ്‌. റോമാ സാമ്രാ​ജ്യ​ത്തി​നു വേണ്ടി പേർഷ്യക്ക്‌ എതിരെ വിജയ​ക​ര​മാ​യി യുദ്ധം നയിച്ച​തിന്‌ പൊ.യു. 258-ൽ അദ്ദേഹ​ത്തി​നു റോമൻ പ്രവി​ശ്യാ ഭരണാ​ധി​കാ​രി എന്ന സ്ഥാനം നൽക​പ്പെട്ടു. രണ്ടു വർഷം കഴിഞ്ഞ്‌, ഓഡി​നേ​ത്ത​സിന്‌ റോമൻ ചക്രവർത്തി​യായ ഗാലി​യി​ന​സിൽനിന്ന്‌ കൊ​റെ​ക്‌റ്റോർ റ്റോറ്റി​യസ്‌ ഒറി​യെ​ന്റിസ്‌ (മുഴു പൂർവ​ദേ​ശ​ത്തി​ന്റെ​യും ഗവർണർ) എന്ന പദവി ലഭിച്ചു. പേർഷ്യൻ രാജാ​വായ ഷപൂർ ഒന്നാമന്റെ മേലുള്ള വിജയ​ത്തി​ന്റെ അംഗീ​കാ​ര​മാ​യി​ട്ടാ​യി​രു​ന്നു അത്‌. കാല​ക്ര​മ​ത്തിൽ ഓഡി​നേ​ത്തസ്‌ “രാജാ​ക്ക​ന്മാ​രു​ടെ രാജാവ്‌” എന്ന പദവി​നാ​മം സ്വയം സ്വീക​രി​ച്ചു. സെനോ​ബി​യ​യു​ടെ ധൈര്യ​വും വിവേ​ക​വും ഓഡി​നേ​ത്ത​സി​ന്റെ വിജയ​ങ്ങ​ളിൽ ഒരു സുപ്ര​ധാന പങ്കു വഹി​ച്ചെന്നു പറയാ​വു​ന്ന​താണ്‌.

സെനോബിയ ഒരു സാമ്രാ​ജ്യം കെട്ടി​പ്പ​ടു​ക്കാൻ വാഞ്‌ഛി​ക്കു​ന്നു

വിജയ​ത്തി​ന്റെ ഉന്നതി​യിൽ എത്തിനിൽക്കെ, പൊ.യു. 267-ൽ ഓഡി​നേ​ത്ത​സും അദ്ദേഹ​ത്തി​ന്റെ അനന്തരാ​വ​കാ​ശി​യും വധിക്ക​പ്പെട്ടു. തന്റെ മകൻ വളരെ ചെറുപ്പം ആയിരു​ന്ന​തി​നാൽ സെനോ​ബിയ ഭർത്താ​വി​ന്റെ സ്ഥാനം ഏറ്റെടു​ത്തു. സുന്ദരി​യും ഉത്‌കർഷേ​ച്ഛു​വും പ്രാപ്‌തി​യുള്ള ഭരണാ​ധി​പ​യും ഭർത്താ​വി​നോ​ടൊ​പ്പം യുദ്ധത്തിൽ ഏർപ്പെട്ട പരിച​യ​സ​മ്പത്ത്‌ ഉള്ളവളും പല ഭാഷകൾ ഒഴു​ക്കോ​ടെ സംസാ​രി​ക്കു​ന്ന​വ​ളും ആയിരുന്ന സെനോ​ബി​യ​യ്‌ക്ക്‌ തന്റെ പ്രജക​ളു​ടെ ആദരവും പിന്തു​ണ​യും നേടി​യെ​ടു​ക്കാൻ കഴിഞ്ഞു. വിദ്യാ​സ്‌നേഹി ആയിരുന്ന സെനോ​ബിയ ബുദ്ധി​ജീ​വി​കളെ തനിക്കു ചുറ്റും നിർത്തി. തത്ത്വചി​ന്ത​ക​നും വാഗ്മി​യും ആയിരുന്ന കാസ്സി​യസ്‌ ലോങ്ങി​നസ്‌ ആയിരു​ന്നു അവരുടെ ഉപദേ​ശ​ക​രിൽ ഒരാൾ. അദ്ദേഹം “ജീവി​ക്കുന്ന ഗ്രന്ഥശാ​ല​യും നടക്കുന്ന മ്യൂസി​യ​വും” ആണെന്നു പറയ​പ്പെ​ട്ടി​രു​ന്നു. പാൽ​മൈ​റ​യും അതിന്റെ സാമ്രാ​ജ്യ​വും—റോമിന്‌ എതി​രെ​യുള്ള സെനോ​ബി​യ​യു​ടെ വിപ്ലവം (ഇംഗ്ലീഷ്‌) എന്ന പുസ്‌ത​ക​ത്തിൽ ഗ്രന്ഥകാ​ര​നായ റിച്ചാർഡ്‌ സ്റ്റോൺമാൻ ഇങ്ങനെ അഭി​പ്രാ​യ​പ്പെ​ടു​ന്നു: “ഓഡി​നേ​ത്ത​സി​ന്റെ മരണ ശേഷമുള്ള അഞ്ചു വർഷം​കൊണ്ട്‌ . . . സെനോ​ബിയ ജനങ്ങളു​ടെ മനസ്സിൽ കിഴക്കി​ന്റെ രാജ്ഞി എന്ന സ്ഥാനം കയ്യടക്കി​യി​രു​ന്നു.”

സെനോ​ബി​യ​യു​ടെ സാമ്രാ​ജ്യ​ത്തി​ന്റെ ഒരു വശത്ത്‌, അവരും ഭർത്താ​വും കൂടി ദുർബ​ലീ​ക​രിച്ച പേർഷ്യ​യും മറുവ​ശത്ത്‌ തകർന്നു​കൊ​ണ്ടി​രുന്ന റോമും ആണ്‌ ഉണ്ടായി​രു​ന്നത്‌. ആ കാലത്തെ റോമാ സാമ്രാ​ജ്യ​ത്തി​ലെ അവസ്ഥകളെ കുറിച്ച്‌ ചരി​ത്ര​കാ​ര​നായ ജെ. എം. റോ​ബെർട്ട്‌സ്‌ പറയുന്നു: “റോമാ സാമ്രാ​ജ്യ​ത്തി​ന്റെ പൂർവ-പശ്ചിമ അതിർത്തി​ക​ളിൽ, മൂന്നാം നൂറ്റാണ്ട്‌ . . . പ്രശ്‌ന​പൂ​രി​ത​മായ ഒരു കാലഘട്ടം ആയിരു​ന്നു. അതേസ​മയം റോമി​ലാ​കട്ടെ, ആഭ്യന്തര യുദ്ധത്തി​ന്റെ​യും പിന്തു​ടർച്ചാ തർക്കത്തി​ന്റെ​യും ഒരു പുതിയ കാലഘട്ടം തുടങ്ങി​ക്ക​ഴി​ഞ്ഞി​രു​ന്നു. ഇരുപ​ത്തി​രണ്ട്‌ ചക്രവർത്തി​മാർ (ചക്രവർത്തി​മാ​രാ​യി സ്വയം അവകാ​ശ​പ്പെ​ട്ടി​രു​ന്ന​വരെ കൂടാതെ) വരിക​യും പോകു​ക​യും ചെയ്‌തു.” അതേസ​മയം സിറിയൻ രാജ്ഞി തന്റെ രാജ്യത്ത്‌ സമ്പൂർണ അധികാ​ര​മുള്ള ചക്രവർത്തി​നി​യാ​യി ചിര​പ്ര​തിഷ്‌ഠ നേടി​യി​രു​ന്നു. “രണ്ടു സാമ്രാ​ജ്യ​ങ്ങളെ [പേർഷ്യ​യെ​യും റോമി​നെ​യും] സമനി​ല​യിൽ നിർത്തി​ക്കൊണ്ട്‌ അവ രണ്ടി​ന്റെ​യും​മേൽ ആധിപ​ത്യം പുലർത്തുന്ന ഒരു മൂന്നാം സാമ്രാ​ജ്യം കെട്ടി​പ്പ​ടു​ക്കുക എന്ന ലക്ഷ്യത്തിൽ പ്രവർത്തി​ക്കാൻ [സെനോ​ബി​യ​യ്‌ക്കു] കഴിയു​മാ​യി​രു​ന്നു” എന്ന്‌ സ്റ്റോൺമാൻ അഭി​പ്രാ​യ​പ്പെ​ടു​ന്നു.

പൊ.യു. 269-ൽ, റോമൻ ഭരണാ​ധി​പ​ത്യ​ത്തിന്‌ എതിരെ മത്സരി​ച്ചു​കൊണ്ട്‌ ഈജി​പ്‌തിൽ ഒരുവൻ രംഗ​പ്ര​വേശം ചെയ്‌ത​പ്പോൾ തന്റെ രാജകീയ അധികാ​രങ്ങൾ വർധി​പ്പി​ക്കാ​നുള്ള ഒരു അവസരം സെനോ​ബി​യ​യ്‌ക്കു വീണു​കി​ട്ടി. സത്വരം ഈജി​പ്‌തി​ലേക്കു നീങ്ങിയ സെനോ​ബി​യ​യു​ടെ സൈന്യം മത്സരിയെ തകർത്തു രാജ്യം കൈവ​ശ​പ്പെ​ടു​ത്തി. ഈജി​പ്‌തി​ന്റെ രാജ്ഞി​യാ​യി സ്വയം പ്രഖ്യാ​പി​ച്ചു​കൊണ്ട്‌ അവർ തന്റെ പേരിൽ നാണയങ്ങൾ ഉണ്ടാക്കി. അന്ന്‌ അവരുടെ രാജ്യം നൈൽ നദിമു​തൽ യൂഫ്ര​ട്ടീസ്‌ നദിവരെ നീണ്ടു​കി​ട​ന്നി​രു​ന്നു. തന്റെ ജീവി​ത​ത്തി​ലെ ഈ ഘട്ടത്തി​ലാ​യി​രു​ന്നു സെനോ​ബിയ ‘തെക്കേ​ദേ​ശത്തെ രാജാവ്‌’ എന്ന സ്ഥാനം കൈവ​രി​ച്ചത്‌.—ദാനീ​യേൽ 11:25, 26.

സെനോബിയയുടെ തലസ്ഥാന നഗരം

റോമൻ ലോകത്തെ വൻ നഗരങ്ങ​ളോ​ടു കിടപി​ടി​ക്ക​ത്ത​ക്ക​വണ്ണം സെനോ​ബിയ തന്റെ തലസ്ഥാ​ന​മായ പാൽ​മൈ​റയെ ശക്തി​പ്പെ​ടു​ത്തു​ക​യും അലങ്കരി​ക്കു​ക​യും ചെയ്‌തു. കണക്കനു​സ​രിച്ച്‌, അതിലെ ജനസംഖ്യ 1,50,000-ത്തിൽ അധികം ആയിരു​ന്നു. പ്രൗഢ​മായ പൊതു മന്ദിരങ്ങൾ, ക്ഷേത്രങ്ങൾ, ഉദ്യാ​നങ്ങൾ, സ്‌തം​ഭങ്ങൾ, സ്‌മാ​ര​കങ്ങൾ എന്നിവ​യാൽ നിറഞ്ഞ​താ​യി​രു​ന്നു ആ നഗരം. നഗരത്തി​ന്റെ ചുറ്റു​മ​തി​ലിന്‌ 21 കിലോ​മീ​റ്റർ നീളം ഉണ്ടായി​രു​ന്ന​താ​യി പറയ​പ്പെ​ടു​ന്നു. പ്രധാ​ന​വീ​ഥി​യിൽ 15 മീറ്ററി​ല​ധി​കം ഉയരമുള്ള 1,500-ഓളം കൊരി​ന്ത്യൻ സ്‌തം​ഭ​ങ്ങ​ളു​ടെ ഒരു കൊളോണേഡ്‌—സമദൂ​ര​ത്തിൽ സ്ഥാപി​ച്ചി​രുന്ന സ്‌തം​ഭങ്ങൾ—ഉണ്ടായി​രു​ന്നു. വീരന്മാ​രു​ടെ​യും സമ്പന്നരായ ഗുണകർത്താ​ക്ക​ളു​ടെ​യും പൂർണ-അർധകായ പ്രതി​മ​ക​ളും നഗരത്തിൽ നിറഞ്ഞി​രു​ന്നു. പൊ.യു. 271-ൽ സെനോ​ബിയ തന്റെയും മരിച്ചു​പോയ ഭർത്താ​വി​ന്റെ​യും പ്രതി​മകൾ ഉണ്ടാക്കി.

പാൽ​മൈ​റ​യി​ലെ ഏറ്റവും നല്ല കെട്ടി​ട​ങ്ങ​ളിൽ ഒന്നായി​രു​ന്നു സൂര്യ​ക്ഷേ​ത്രം. നഗരത്തി​ലെ മത മണ്ഡലത്തിൽ അത്‌ ആധിപ​ത്യം പുലർത്തി​യി​രു​ന്നു എന്നതിനു സംശയ​മില്ല. സാധ്യ​ത​യ​നു​സ​രിച്ച്‌, സെനോ​ബിയ സൂര്യ​ദേ​വ​നോ​ടു ബന്ധപ്പെട്ട ഒരു ദേവ​നെ​യോ ദേവി​യെ​യോ ആരാധി​ച്ചി​രു​ന്നു. എന്നാൽ മൂന്നാം നൂറ്റാ​ണ്ടി​ലെ സിറിയ അനേകം മതങ്ങളുള്ള ഒരു രാജ്യ​മാ​യി​രു​ന്നു. സെനോ​ബി​യ​യു​ടെ രാജ്യത്ത്‌ ക്രിസ്‌ത്യാ​നി​കൾ എന്ന്‌ അവകാ​ശ​പ്പെ​ട്ടി​രു​ന്ന​വ​രും യഹൂദ​ന്മാ​രും സൂര്യ-ചന്ദ്ര ആരാധ​ക​രും ഉണ്ടായി​രു​ന്നു. ഈ നാനാ​വിധ ആരാധനാ രീതി​ക​ളോ​ടുള്ള സെനോ​ബി​യ​യു​ടെ മനോ​ഭാ​വം എന്തായി​രു​ന്നു? ഗ്രന്ഥകർത്താ​വായ സ്റ്റോൺമാൻ ഇങ്ങനെ അഭി​പ്രാ​യ​പ്പെ​ടു​ന്നു: “ജ്ഞാനി​യായ ഒരു ഭരണാ​ധി​കാ​രി തന്റെ ജനതയ്‌ക്ക്‌ അഭികാ​മ്യ​മാ​യി തോന്നുന്ന യാതൊ​രു ആചാരാ​നു​ഷ്‌ഠാ​ന​ങ്ങ​ളെ​യും അവഗണി​ക്കില്ല. . . . ദേവന്മാർ . . . പാൽ​മൈ​റ​യു​ടെ പക്ഷത്ത്‌ അണിനി​ര​ന്നി​രു​ന്ന​താ​യി കരുത​പ്പെ​ട്ടി​രു​ന്നു.” സെനോ​ബി​യ​യ്‌ക്കു മതസഹി​ഷ്‌ണുത ഉണ്ടായി​രു​ന്നെന്നു വ്യക്തമാണ്‌.

തന്റെ വശ്യമായ വ്യക്തി​ത്വ​ത്താൽ സെനോ​ബിയ അനേക​രു​ടെ പ്രശംസ പിടി​ച്ചു​പറ്റി. എന്നാൽ ഏറ്റവും പ്രധാ​ന​പ്പെട്ട സംഗതി, ദാനീ​യേൽ പ്രവച​ന​ത്തിൽ മുൻകൂ​ട്ടി പറയപ്പെട്ട ഒരു രാഷ്‌ട്രീയ ഘടകത്തെ അവർ പ്രതി​നി​ധാ​നം ചെയ്‌തു എന്നതാണ്‌. എന്നിരു​ന്നാ​ലും, അവരുടെ ഭരണം അഞ്ചു വർഷത്തി​ലേറെ നീണ്ടു​നി​ന്നില്ല. പൊ.യു. 272-ൽ റോമൻ ചക്രവർത്തി​യായ ഔറേ​ലി​യൻ സെനോ​ബി​യയെ പരാജ​യ​പ്പെ​ടു​ത്തു​ക​യും തുടർന്നു പാൽ​മൈ​റയെ പുനരു​ദ്ധ​രി​ക്കാ​നാ​കാത്ത വിധം കൊള്ള​യ​ടി​ച്ചു നശിപ്പി​ക്കു​ക​യും ചെയ്‌തു. എന്നാൽ സെനോ​ബി​യ​യ്‌ക്കു കരുണ ലഭിച്ചു. അവർ ഒരു റോമൻ സെനറ്ററെ വിവാഹം കഴിച്ച്‌, തുടർന്നുള്ള കാലം റോമിൽ ഒരു സ്വസ്ഥ ജീവിതം നയി​ച്ചെന്നു കരുത​പ്പെ​ടു​ന്നു.

നിങ്ങൾ എന്തു ഗ്രഹിച്ചു?

• സെനോ​ബി​യ​യു​ടെ വ്യക്തി​ത്വം എങ്ങനെ വർണി​ക്ക​പ്പെ​ട്ടി​രി​ക്കു​ന്നു?

• സെനോ​ബി​യ​യു​ടെ ചില വീരകൃ​ത്യ​ങ്ങൾ ഏവ?

• മതത്തോ​ടുള്ള സെനോ​ബി​യ​യു​ടെ മനോ​ഭാ​വം എന്തായി​രു​ന്നു?

[ചിത്രം]

സെനോബിയ രാജ്ഞി തന്റെ സൈനി​കരെ അഭിസം​ബോ​ധന ചെയ്യുന്നു

[246-ാം പേജിലെ ചാർട്ട്‌/ചിത്രങ്ങൾ]

ദാനീയേൽ 11:20-26-ലെ രാജാ​ക്ക​ന്മാർ

ദാനീയേൽ 11:20 അഗസ്റ്റസ്‌

ദാനീയേൽ 11:21-24 തീബെ​ര്യൊസ്‌

ദാനീയേൽ 11:25, 26 ഔറേ​ലി​യൻ സെനോ​ബിയ രാജ്ഞി

[ചിത്രം]

തീബെര്യൊസ്‌

[ചിത്രം]

ഔറേലിയൻ

[ചിത്രം]

ചാൾമെയ്‌ന്റെ ഒരു ചെറിയ പ്രതിമ

[ചിത്രം]

അഗസ്റ്റസ്‌

[ചിത്രം]

17-ാം നൂറ്റാ​ണ്ടി​ലെ ബ്രിട്ടീഷ്‌ യുദ്ധക്കപ്പൽ

[230-ാം പേജ്‌ നിറ​യെ​യുള്ള ചിത്രം]

[233-ാം പേജിലെ ചിത്രം]

അഗസ്റ്റസ്‌

[234-ാം പേജിലെ ചിത്രം]

തീബെര്യൊസ്‌

[235-ാം പേജിലെ ചിത്രം]

അഗസ്റ്റസി​ന്റെ കൽപ്പന നിമിത്തം യോ​സേ​ഫും മറിയ​യും ബേത്ത്‌ലേ​ഹെ​മി​ലേക്കു യാത്ര​ചെ​യ്‌തു

[237-ാം പേജിലെ ചിത്രം]

മുൻകൂ​ട്ടി പറയ​പ്പെ​ട്ടതു പോലെ യേശു മരണത്താൽ ‘തകർക്ക​പ്പെട്ടു’

[245-ാം പേജിലെ ചിത്രങ്ങൾ]

1. ചാൾമെയ്‌ൻ 2. നെപ്പോ​ളി​യൻ ഒന്നാമൻ 3. വിൽഹെം ഒന്നാമൻ 4. ജർമൻ സൈനി​കർ, ഒന്നാം ലോക​മ​ഹാ​യു​ദ്ധം