ആഗോളതലത്തിലുള്ള സാക്ഷര​താ​മു​ന്നേറ്റം

“ഞാൻ ഒരു ഫാമി​ലാ​ണു ജനിച്ചു​വ​ളർന്നത്‌” ബ്രസീ​ലിൽ താമസി​ക്കുന്ന അഗസ്റ്റി​നോ പറയുന്നു. “ഞങ്ങൾ വളരെ പാവ​പ്പെ​ട്ട​വ​രാ​യി​രു​ന്നു. കുടും​ബത്തെ സഹായി​ക്കാൻ പഠിപ്പു നിറുത്തി എനിക്കു ജോലി​ക്കു പോ​കേ​ണ്ടി​വന്നു.” അഗസ്റ്റി​നോ എഴുത്തും വായന​യും പഠിച്ചത്‌ 33-ാമത്തെ വയസ്സി​ലാണ്‌. “എഴുതാ​നും വായി​ക്കാ​നും പഠിച്ച​പ്പോൾ എന്റെ അന്തസ്സും അഭിമാ​ന​വും കൂടി” എന്ന്‌ അദ്ദേഹം പറയുന്നു.

അഗസ്റ്റി​നോ​യെ​പ്പോ​ലെ​യുള്ള രണ്ടര ലക്ഷത്തി​ല​ധി​കം ആളുക​ളെ​യാ​ണു കഴിഞ്ഞ 70 വർഷങ്ങ​ളി​ലാ​യി യഹോ​വ​യു​ടെ സാക്ഷികൾ എഴുത്തും വായന​യും പഠിപ്പി​ച്ചി​രി​ക്കു​ന്നത്‌. എന്തു​കൊ​ണ്ടാണ്‌ യഹോ​വ​യു​ടെ സാക്ഷികൾ അവരെ പഠിപ്പി​ക്കു​ന്നത്‌? അത്തരം വിദ്യാ​ഭ്യാ​സം ആളുകൾക്കു പ്രയോ​ജ​ന​പ്പെ​ട്ടത്‌ എങ്ങനെ​യാണ്‌?

നിരക്ഷരത ഒരു വിലങ്ങു​ത​ടി

1930-കളുടെ മധ്യത്തിൽ 115 ദേശങ്ങ​ളി​ലാ​യി​ട്ടാണ്‌ യഹോ​വ​യു​ടെ സാക്ഷി​ക​ളു​ടെ പ്രസം​ഗ​പ്ര​വർത്തനം നടന്നി​രു​ന്നത്‌. വ്യത്യസ്‌ത ഭാഷകൾ സംസാ​രി​ക്കുന്ന ആളുക​ളു​ടെ പക്കൽ സുവി​ശേഷം എത്തിക്കു​ന്ന​തി​നാ​യി പരിഭാഷ ചെയ്‌ത ബൈബിൾപ്ര​സം​ഗ​ങ്ങ​ളു​ടെ റെക്കോർഡി​ങ്ങു​കൾ മിഷന​റി​മാർ ഉപയോ​ഗി​ച്ചു​പോ​ന്നു. ചില​പ്പോൾ അവർ പ്രാ​ദേ​ശി​ക​ഭാ​ഷ​ക​ളിൽ ലഭ്യമാ​യി​രുന്ന പ്രസി​ദ്ധീ​ക​ര​ണ​ങ്ങ​ളും കൊടു​ക്കും. ബൈബിൾ പഠിക്കാൻ അനേകം ആളുകൾക്കും ഇഷ്ടമാ​യി​രു​ന്നെ​ങ്കി​ലും ഭൂരി​ഭാ​ഗം പേർക്കും എഴുത്തും വായന​യും അറിയില്ല എന്നത്‌ ഒരു വിലങ്ങു​ത​ടി​യാ​യി.

സ്വന്തമാ​യി ബൈബിൾ വായി​ക്കാൻ കഴിയാ​ത്ത​തു​കൊണ്ട്‌ ബൈബിൾത​ത്ത്വ​ങ്ങൾ ബാധക​മാ​ക്കാൻ ആളുകൾ ബുദ്ധി​മു​ട്ടി. (യോശുവ 1:8; സങ്കീർത്തനം 1:2, 3) കൂടാതെ, ക്രിസ്‌തീയ ഉത്തരവാ​ദി​ത്വ​ങ്ങൾ നിർവ​ഹി​ക്കാ​നും അവർക്ക്‌ അതൊരു തടസ്സമാ​യി. ഉദാഹ​ര​ണ​ത്തിന്‌, മാതാ​പി​താ​ക്കൾക്കു വായി​ക്കാൻ അറിയി​ല്ലെ​ങ്കിൽ മക്കളെ ഒരു കാര്യം പഠിപ്പി​ക്കാൻ അവർ വല്ലാതെ കഷ്ടപ്പെ​ടും. (ആവർത്തനം 6:6, 7) ഇനി, പുതു​താ​യി സത്യം പഠിച്ച​വർക്കു ബൈബിൾ ഉപയോ​ഗിച്ച്‌ മറ്റുള്ള​വരെ പഠിപ്പി​ക്കു​ന്ന​തും പ്രയാസം ആയിരി​ക്കും.

സാക്ഷര​താ​പ്ര​വർത്ത​ന​ങ്ങ​ളു​ടെ ആരംഭം

1940-കളിലും 1950-കളിലും യഹോ​വ​യു​ടെ സാക്ഷി​കൾക്കു നേതൃ​ത്വം നൽകിയ നേഥൻ എച്ച്‌. നോർ, മിൽട്ടൻ ജി. ഹെൻഷൽ എന്നീ സഹോ​ദ​രങ്ങൾ സുവി​ശേ​ഷ​വേല സംഘടി​പ്പി​ക്കു​ന്ന​തി​നാ​യി വിവിധ ദേശങ്ങ​ളിൽ സഞ്ചരിച്ചു. പല ദേശങ്ങ​ളി​ലും എഴുത്തും വായന​യും അറിയാത്ത ധാരാളം ആളുക​ളു​ണ്ടാ​യി​രു​ന്നു. അതു​കൊണ്ട്‌ സാക്ഷര​താ​ക്ലാ​സ്സു​കൾ സഭകളിൽ തുടങ്ങാൻ അവർ അതാതു ബ്രാ​ഞ്ചോ​ഫീ​സി​നോട്‌ ആവശ്യ​പ്പെട്ടു.

ക്ലാസ്സുകൾ എങ്ങനെ നടത്തണ​മെ​ന്നുള്ള നിർദേ​ശങ്ങൾ ബ്രാ​ഞ്ചോ​ഫീസ്‌ സഭകൾക്ക്‌ അയച്ചു​കൊ​ടു​ത്തു. ചില ദേശങ്ങ​ളിൽ അവിടത്തെ ഗവൺമെന്റ്‌ നടത്തി​പ്പോ​രുന്ന സാക്ഷര​താ​പ​ഠ​ന​രീ​തി​ക​ളാ​ണു യഹോ​വ​യു​ടെ സാക്ഷി​ക​ളും പിൻപ​റ്റി​യത്‌. ഉദാഹ​ര​ണ​ത്തിന്‌, ബ്രസീ​ലിൽ ബ്രാ​ഞ്ചോ​ഫീസ്‌ അവിടത്തെ ഗവൺമെ​ന്റിൽനിന്ന്‌ പാഠപു​സ്‌ത​ക​ങ്ങ​ളും മറ്റു പഠനോ​പ​ക​ര​ണ​ങ്ങ​ളും വാങ്ങിച്ച്‌, അതു സഭകൾക്ക്‌ അയച്ചു​കൊ​ടു​ത്തു. മറ്റിട​ങ്ങ​ളി​ലാ​കട്ടെ, സാക്ഷര​താ​പ​രി​പാ​ടി​കൾ യഹോ​വ​യു​ടെ സാക്ഷി​കൾതന്നെ വികസി​പ്പി​ച്ചെ​ടു​ക്ക​ണ​മാ​യി​രു​ന്നു.

സ്‌ത്രീ​കൾക്കും പുരു​ഷ​ന്മാർക്കും കുട്ടി​കൾക്കും മുതിർന്ന​വർക്കും എല്ലാവർക്കും സാക്ഷര​താ​ക്ലാ​സ്സിൽ പങ്കെടു​ക്കാ​മാ​യി​രു​ന്നു. ഈ ക്ലാസ്സിന്റെ ലക്ഷ്യം മാതൃ​ഭാഷ വായി​ക്കാൻ പഠിപ്പി​ക്കുക എന്നതാ​യി​രു​ന്നു. ചില​പ്പോൾ ഒരു സഭയിൽത്തന്നെ വ്യത്യസ്‌ത ഭാഷക​ളി​ലുള്ള പഠനക്ലാ​സ്സു​കൾ ഉണ്ടായി​രി​ക്കും.

ആളുകളെ സഹായി​ക്കുന്ന ഒരു പരിപാ​ടി

ഈ സാക്ഷര​താ​പ​രി​പാ​ടി​യിൽനിന്ന്‌ ആളുകൾക്ക്‌ എങ്ങനെ​യാ​ണു പ്രയോ​ജനം കിട്ടി​യത്‌? മെക്‌സി​ക്കോ​യി​ലെ ഒരു യഹോ​വ​യു​ടെ സാക്ഷി പറയുന്നു: “ബൈബി​ളിൽ പറഞ്ഞി​രി​ക്കുന്ന കാര്യ​ങ്ങ​ളു​ടെ യഥാർഥ അർഥം എനിക്ക്‌ ഇപ്പോ​ഴാ​ണു മനസ്സി​ലാ​യത്‌. ആ കാര്യങ്ങൾ എന്റെ ഹൃദയത്തെ സ്‌പർശി​ച്ചു. വായി​ക്കാൻ അറിയാ​വു​ന്ന​തു​കൊണ്ട്‌ അയൽക്കാ​രോ​ടു നല്ല രീതി​യിൽ സംസാ​രി​ക്കാ​നും, ബൈബി​ളി​ന്റെ സന്ദേശം അനേകം ആളുകളെ അറിയി​ക്കാ​നും എനിക്കു കഴിയു​ന്നു.”

ബൈബിൾ മനസ്സി​ലാ​ക്കാൻ മറ്റുള്ള​വരെ സഹായി​ക്കു​ന്ന​തി​നു പുറമേ മറ്റു പ്രയോ​ജ​ന​ങ്ങ​ളും ഈ സാക്ഷര​താ​പ​രി​പാ​ടി മൂലം ഉണ്ടായി. ബുറു​ണ്ടി​യി​ലെ ഐസക്‌ പറയുന്നു: “എഴുതാ​നും വായി​ക്കാ​നും പഠിച്ച​തു​കൊണ്ട്‌ നിർമാ​ണ​പ്ര​വർത്ത​ന​ത്തെ​ക്കു​റിച്ച്‌ കൂടുതൽ അറിവ്‌ നേടാൻ എനിക്കു കഴിഞ്ഞു. കെട്ടി​ട​നിർമാ​ണ​മാണ്‌ ഇപ്പോ​ഴത്തെ എന്റെ ജോലി. ഞാൻ ഇപ്പോൾ വലിയ​വ​ലിയ നിർമാ​ണ​പ്ര​വർത്ത​ന​ങ്ങൾക്കു മേൽനോ​ട്ടം വഹിക്കു​ന്നു.”

49 വയസ്സു​ള്ള​പ്പോ​ഴാ​ണു പെറു​വി​ലുള്ള ജെസൂസ സാക്ഷര​താ​ക്ലാ​സ്സിൽ ചേർന്നത്‌. ജെസൂസ പറയുന്നു: “ഒരു വീട്ടമ്മ ആയതു​കൊണ്ട്‌ മാർക്ക​റ്റിൽ പോകു​മ്പോൾ സാധന​ങ്ങ​ളു​ടെ പേരും വിലയും ഒക്കെ നോക്കണം. പണ്ടൊക്കെ അതു വലിയ ബുദ്ധി​മു​ട്ടാ​യി​രു​ന്നു. സാക്ഷര​താ​ക്ലാ​സ്സിൽ പങ്കെടു​ത്ത​തു​കൊണ്ട്‌ വീട്ടി​ലേ​ക്കുള്ള സാധന​ങ്ങ​ളൊ​ക്കെ വാങ്ങാൻ പോകാൻ എനിക്ക്‌ ഇപ്പോൾ നല്ല ധൈര്യ​മാണ്‌.”

സാക്ഷര​താ​മു​ന്നേ​റ്റ​ത്തി​നു വർഷങ്ങ​ളാ​യി യഹോ​വ​യു​ടെ സാക്ഷികൾ ചെയ്യുന്ന പ്രയത്‌നത്തെ പല രാജ്യ​ങ്ങ​ളിൽനി​ന്നു​മുള്ള അധികാ​രി​കൾ പ്രശം​സിച്ച്‌ പറഞ്ഞി​ട്ടുണ്ട്‌. ഇന്നും യഹോ​വ​യു​ടെ സാക്ഷികൾ സാക്ഷര​താ​ക്ലാ​സ്സു​കൾ നടത്തുന്നു. അതിനാ​യി അവർ മികവുറ്റ പഠനപ​രി​പാ​ടി​ക​ളും ഉപകര​ണ​ങ്ങ​ളും ഉപയോ​ഗി​ക്കു​ന്നു. വായന അറിയാ​ത്ത​വർക്കും വിദ്യാ​ഭ്യാ​സം കുറവു​ള്ള​വർക്കും ആയി 720 ഭാഷക​ളി​ലാ​യി ഏതാണ്ട്‌ 22 കോടി 40 ലക്ഷം ലഘുപ​ത്രി​ക​ക​ളാ​ണു പ്രത്യേ​കം തയ്യാറാ​ക്കി അച്ചടി​ച്ചി​രി​ക്കു​ന്നത്‌.a