നിങ്ങൾ ആരെ വിശ്വ​സി​ക്കണം?

“ഏതു ഭവനവും ചമെപ്പാൻ ഒരാൾ വേണം; സർവ്വവും ചമെച്ചവൻ ദൈവം തന്നേ.”—എബ്രായർ 3:4.

ഈ​ബൈ​ബിൾ വാക്യ​ത്തിൽ കാണുന്ന യുക്തി നിങ്ങൾക്ക്‌ അംഗീ​ക​രി​ക്കാ​നാ​കു​മോ? പ്രസ്‌തുത വാക്യം എഴുത​പ്പെ​ട്ട​തി​നു​ശേഷം, പുരോ​ഗ​തി​യു​ടെ പടവുകൾ താണ്ടി ശാസ്‌ത്രം ഏതാണ്ട്‌ 2,000 വർഷം മുന്നേ​റി​യി​രി​ക്കു​ന്നു. പ്രകൃ​തി​യി​ലെ രൂപമാ​തൃ​കകൾ കാണു​മ്പോൾ ഒരു രൂപസം​വി​ധാ​യകൻ, ഒരു സ്രഷ്ടാവ്‌ അതായത്‌ ഒരു ദൈവം ഉണ്ടെന്നു വിശ്വ​സി​ക്കാൻ പ്രേരി​ത​രാ​യി​ത്തീ​രു​ന്നു എന്ന അഭി​പ്രാ​യ​മു​ള്ളവർ ഇന്നുമു​ണ്ടോ?

വ്യവസാ​യ​വ​ത്‌കൃത രാജ്യ​ങ്ങ​ളിൽപ്പോ​ലും അങ്ങനെ ചിന്തി​ക്കുന്ന അനേക​രുണ്ട്‌. ഉദാഹ​ര​ണ​ത്തിന്‌, ഐക്യ​നാ​ടു​ക​ളി​ലെ 80 ശതമാനം ആളുകൾ “പ്രപഞ്ചം സൃഷ്ടി​ച്ചത്‌ ദൈവ​മാ​ണെന്നു വിശ്വ​സി​ക്കു​ന്നു” എന്ന്‌ 2005-ൽ ന്യൂസ്‌വീക്ക്‌ മാസിക നടത്തിയ ഒരു സർവേ കണ്ടെത്തി. വിദ്യാ​ഭ്യാ​സ​ത്തി​ന്റെ പരിമി​തി​കൊ​ണ്ടാ​ണോ അവർ അങ്ങനെ വിശ്വ​സി​ക്കു​ന്നത്‌? കൊള്ളാം, ദൈവ​ത്തിൽ വിശ്വ​സി​ക്കുന്ന ശാസ്‌ത്ര​ജ്ഞ​ന്മാ​രു​ണ്ടോ? ഒരു സർവേ​യിൽ പങ്കെടുത്ത, ജീവശാ​സ്‌ത്രം, ഭൗതി​ക​ശാ​സ്‌ത്രം, ഗണിത​ശാ​സ്‌ത്രം എന്നീ മേഖല​ക​ളിൽനി​ന്നുള്ള ശാസ്‌ത്ര​ജ്ഞ​രിൽ 40 ശതമാ​ന​ത്തോ​ളം ഒരു ദൈവ​മു​ണ്ടെന്നു മാത്രമല്ല ആ ദൈവം പ്രാർഥന കേട്ട്‌ ഉത്തരമ​രു​ളു​ന്നു​വെ​ന്നു​കൂ​ടെ വിശ്വ​സി​ക്കു​ന്ന​താ​യി 1997-ൽ നേച്ചർ എന്ന ശാസ്‌ത്ര മാസിക റിപ്പോർട്ടു ചെയ്‌തു.

എന്നിരു​ന്നാ​ലും മറ്റു ശാസ്‌ത്രജ്ഞർ അതി​നോ​ടു ശക്തമായി വിയോ​ജി​ക്കു​ന്നു. പ്രകൃ​ത്യ​തീത ശക്തിയിൽ, പ്രത്യേ​കിച്ച്‌ ദൈവ​ത്തിൽ, ഉള്ള വിശ്വാ​സം യഥാർഥ ശാസ്‌ത്ര​വു​മാ​യി കൈ​കോർത്തു പോകു​ന്ന​ത​ല്ലെന്ന്‌ അടുത്ത​കാ​ലത്തു നടന്ന ഒരു ശാസ്‌ത്ര സമ്മേള​ന​ത്തിൽ നോബൽസ​മ്മാന ജേതാ​വായ ഡോ. ഹെർബെർട്ട്‌ എ. ഹൗപ്‌റ്റ്‌മാൻ പറഞ്ഞു. “ഇത്തരത്തി​ലുള്ള വിശ്വാ​സം മനുഷ്യ​വർഗ​ത്തി​ന്റെ സുസ്ഥി​തി​ക്കു തുരങ്കം​വെ​ക്കും,” അദ്ദേഹം പറഞ്ഞു. സസ്യമൃ​ഗാ​ദി​ക​ളിൽ പ്രകട​മാ​യി​രി​ക്കുന്ന രൂപകൽപ്പ​ന​യു​ടെ പിന്നിൽ ഒരു രൂപസം​വി​ധാ​യകൻ ഉണ്ടെന്നു പഠിപ്പി​ക്കാൻ ദൈവ​ത്തിൽ വിശ്വ​സി​ക്കുന്ന ശാസ്‌ത്ര​ജ്ഞർപോ​ലും മടിക്കു​ന്നു. എന്തു​കൊണ്ട്‌? സ്‌മി​ത്‌സോ​ണി​യൻ ഇൻസ്റ്റി​റ്റ്യൂ​ട്ടിൽ ഫോസിൽ ഗവേഷ​ക​നായ ഡഗ്ലസ്‌ എച്ച്‌. എർവിൻ ഒരു കാരണം ചൂണ്ടി​ക്കാ​ട്ടു​ന്നു: “ശാസ്‌ത്ര​ത്തി​ന്റെ വീക്ഷണ​ത്തിൽ, യാതൊ​ന്നും അത്ഭുത​ക​ര​മാ​യി സംഭവി​ക്കു​ന്നില്ല.”

നാം എന്തു ചിന്തി​ക്കണം, എന്തു വിശ്വ​സി​ക്കണം എന്നൊക്കെ തീരു​മാ​നി​ക്കാൻ മറ്റുള്ള​വരെ അനുവ​ദി​ക്കു​ന്നത്‌ തികച്ചും ബുദ്ധി​ശൂ​ന്യ​മാണ്‌. അതിനു പകരം തെളി​വു​കൾ പരി​ശോ​ധി​ച്ചു​കൊണ്ട്‌ സ്വന്തമായ ഒരു നിഗമ​ന​ത്തിൽ എത്തി​ച്ചേ​രു​ന്ന​തല്ലേ കൂടുതൽ അഭികാ​മ്യം? തുടർന്നു​വ​രുന്ന പേജു​ക​ളിൽ, അടുത്ത​കാ​ലത്തു നടന്ന ശാസ്‌ത്രീയ കണ്ടുപി​ടി​ത്ത​ങ്ങ​ളെ​ക്കു​റി​ച്ചു വായി​ക്കു​മ്പോൾ, ‘ഒരു സ്രഷ്ടാ​വു​ണ്ടെന്നു നിഗമനം ചെയ്യു​ന്നതു യുക്തി​സ​ഹ​മാ​ണോ?’ എന്നു സ്വയം ചോദി​ക്കുക.

[3-ാം പേജിലെ ആകർഷക വാക്യം]

തെളിവുകൾ സ്വയം പരി​ശോ​ധി​ക്കു​ക

[3-ാം പേജിലെ ചതുരം]

യഹോവയുടെ സാക്ഷികൾ സൃഷ്ടി​വാ​ദി​ക​ളോ?

ഉല്‌പത്തി എന്ന ബൈബിൾ പുസ്‌ത​ക​ത്തി​ലെ സൃഷ്ടി​യെ​ക്കു​റി​ച്ചുള്ള വിവരണം യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. എന്നിരു​ന്നാ​ലും അവരെ സൃഷ്ടി​വാ​ദി​ക​ളു​ടെ ഗണത്തിൽ പ്പെടു​ത്താൻ സാധി​ക്കില്ല. എന്തു​കൊണ്ട്‌? ആദ്യമാ​യി, ഈ പ്രപഞ്ച​വും ഭൂമി​യും അതിലുള്ള ജീവജാ​ല​ങ്ങ​ളൊ​ക്കെ​യും 10,000-ത്തോളം വർഷം​മുമ്പ്‌, വെറും ആറു ദിവസം​കൊ​ണ്ടാണ്‌ സൃഷ്ടി​ക്ക​പ്പെ​ട്ട​തെ​ന്നും ഈ ദിവസ​ത്തി​ലോ​രോ​ന്നി​നും 24 മണിക്കൂർ ദൈർഘ്യം മാത്രമേ ഉണ്ടായി​രു​ന്നു​ള്ളൂ​വെ​ന്നും അനേകം സൃഷ്ടി​വാ​ദി​കൾ വിശ്വ​സി​ക്കു​ന്നു. എന്നാൽ ബൈബിൾ അങ്ങനെ പഠിപ്പി​ക്കു​ന്നില്ല.a തന്നെയു​മല്ല, ബൈബി​ളിൽ അടിസ്ഥാ​ന​മി​ല്ലാത്ത നിരവധി പഠിപ്പി​ക്ക​ലു​കൾ അവർ ഇരു​കൈ​യും നീട്ടി സ്വീക​രി​ച്ചി​രി​ക്കു​ന്നു. എന്നാൽ യഹോ​വ​യു​ടെ സാക്ഷി​ക​ളു​ടെ മതപര​മായ എല്ലാ പഠിപ്പി​ക്ക​ലു​ക​ളും ദൈവ​വ​ച​ന​ത്തിൽ അധിഷ്‌ഠി​ത​മാണ്‌.

കൂടാതെ, ചില ദേശങ്ങ​ളിൽ “സൃഷ്ടി​വാ​ദി”കൾ മതമൗ​ലി​ക​വാദ പ്രസ്ഥാ​ന​ങ്ങ​ളു​മാ​യി അഭേദ്യ​മായ ഒരു കൂട്ടു​കെട്ട്‌ ഉണ്ടാക്കി​യി​രി​ക്കു​ന്നു. രാഷ്‌ട്രീ​യ​ത്തിൽ സജീവ​മാ​യി ഉൾപ്പെ​ടുന്ന ഈ പ്രസ്ഥാ​നങ്ങൾ സൃഷ്ടി​വാ​ദി​ക​ളു​ടെ മതപര​മായ വിശ്വാ​സ​ങ്ങ​ളു​മാ​യി ചേർന്നു​പോ​കുന്ന നിയമ​ങ്ങൾക്കും ഉപദേ​ശ​ങ്ങൾക്കും പിന്തുണ പ്രഖ്യാ​പി​ക്കാൻ രാഷ്‌ട്രീ​യ​ക്കാ​രു​ടെ​യും ന്യായാ​ധി​പ​ന്മാ​രു​ടെ​യും അധ്യാ​പ​ക​രു​ടെ​യും​മേൽ സമ്മർദം ചെലു​ത്തു​ന്നു.

യഹോ​വ​യു​ടെ സാക്ഷികൾ രാഷ്‌ട്രീയ കാര്യ​ങ്ങ​ളിൽ നിഷ്‌പക്ഷത പാലി​ക്കു​ന്നു. നിയമ​ങ്ങൾക്കു രൂപം​കൊ​ടു​ക്കാ​നും അവ നടപ്പി​ലാ​ക്കാ​നു​മുള്ള ഗവൺമെ​ന്റി​ന്റെ അധികാ​രത്തെ അവർ മാനി​ക്കു​ന്നു. (റോമർ 13:1-7) എന്നിരു​ന്നാ​ലും, തങ്ങൾ “ലൌകി​ക​ന്മാ​രല്ല” എന്ന യേശു​വി​ന്റെ പ്രസ്‌താ​വന അവർ ഗൗരവ​മാ​യി എടുക്കു​ന്നു. (യോഹ​ന്നാൻ 17:14-16) പരസ്യ​ശു​ശ്രൂ​ഷ​യിൽ, ദൈവ​ത്തി​ന്റെ നിലവാ​ര​ങ്ങൾക്കു ചേർച്ച​യിൽ ജീവി​ക്കു​ന്ന​തി​ന്റെ പ്രയോ​ജ​ന​ങ്ങ​ളെ​ക്കു​റി​ച്ചു പഠിക്കാ​നുള്ള അവസരം അവർ ആളുകൾക്കു വെച്ചു​നീ​ട്ടു​ന്നു. അതേസ​മയം ബൈബിൾ നിലവാ​രങ്ങൾ അംഗീ​ക​രി​ക്കാൻ, മറ്റുള്ള​വരെ നിർബ​ന്ധി​ക്കുന്ന തരം നിയമങ്ങൾ നടപ്പി​ലാ​ക്കാൻ ശ്രമി​ക്കുന്ന മതമൗ​ലി​ക​വാദ പ്രസ്ഥാ​ന​ങ്ങ​ളു​ടെ പ്രവർത്ത​ന​ങ്ങളെ പിന്തു​ണ​യ്‌ക്കാ​തി​രു​ന്നു​കൊണ്ട്‌ അവർ ക്രിസ്‌തീയ നിഷ്‌പക്ഷത പാലി​ക്കു​ക​യും ചെയ്യുന്നു.—യോഹ​ന്നാൻ 18:36.

[അടിക്കു​റിപ്പ്‌]

പ്രകൃതി എന്തു പഠിപ്പി​ക്കു​ന്നു?

“മൃഗങ്ങ​ളോ​ടു ചോദിക്ക; അവ നിന്നെ ഉപദേ​ശി​ക്കും; ആകാശ​ത്തി​ലെ പക്ഷിക​ളോ​ടു ചോദിക്ക; അവ പറഞ്ഞു​ത​രും. അല്ല, ഭൂമി​യോ​ടു സംഭാ​ഷിക്ക; അതു നിന്നെ ഉപദേ​ശി​ക്കും; സമു​ദ്ര​ത്തി​ലെ മത്സ്യം നിന്നോ​ടു വിവരി​ക്കും.”—ഇയ്യോബ്‌ 12:7, 8.

അടുത്ത​കാ​ലത്ത്‌ ശാസ്‌ത്ര​ജ്ഞ​ന്മാ​രും എഞ്ചിനീ​യർമാ​രും അക്ഷരാർഥ​ത്തിൽ സസ്യമൃ​ഗാ​ദി​ക​ളിൽനിന്ന്‌ ‘ഉപദേശം’ സ്വീക​രി​ച്ചി​രി​ക്കു​ന്നു. പുതിയ ഉത്‌പ​ന്നങ്ങൾ നിർമി​ക്കാ​നും നിലവി​ലുള്ള യന്ത്രങ്ങ​ളു​ടെ കാര്യ​ക്ഷമത മെച്ച​പ്പെ​ടു​ത്താ​നു​മാ​യി അവർ ജീവജാ​ല​ങ്ങ​ളു​ടെ രൂപസ​വി​ശേ​ഷ​തകൾ പഠനവി​ധേ​മാ​ക്കു​ക​യും അതെല്ലാം പകർത്താൻ ശ്രമി​ക്കു​ക​യും ചെയ്യുന്നു. ബയോ​മി​മെ​റ്റി​ക്‌സ്‌ എന്നാണ്‌ ഈ ശാസ്‌ത്ര​ശാ​ഖ​യു​ടെ പേര്‌. പിൻവ​രുന്ന ഉദാഹ​ര​ണങ്ങൾ പരിചി​ന്തി​ക്കു​മ്പോൾ ‘ഈ രൂപമാ​തൃ​ക​ക​ളു​ടെ​യെ​ല്ലാം ബഹുമതി അർഹി​ക്കു​ന്നത്‌ ആരാണ്‌?’ എന്നു സ്വയം ചോദി​ക്കുക.

തിമിം​ഗ​ല​ത്തി​ന്റെ ചിറകു​ക​ളിൽനി​ന്നു പഠിക്കു​ന്നു

വിമാ​ന​ത്തി​ന്റെ രൂപകൽപ്പനാ വിദഗ്‌ധർക്ക്‌ കൂനൻ തിമിം​ഗ​ല​ത്തിൽനിന്ന്‌ എന്തെങ്കി​ലും പഠിക്കാ​നു​ണ്ടോ? ഉണ്ട്‌, വളരെ​യ​ധി​കം. പൂർണ​വ​ളർച്ച​യെ​ത്തിയ ഒരു കൂനൻ തിമിം​ഗ​ല​ത്തി​നു 30 ടണ്ണോളം ഭാരമുണ്ട്‌. 12 മീറ്റർ നീളവും അനായാ​സം വഴങ്ങാത്ത ശരീര​വും വലിയ ചിറകു​ക​ളു​മുള്ള ഇവ വെള്ളത്തിൽ നിഷ്‌പ്ര​യാ​സം തെന്നി​നീ​ങ്ങു​ന്നു. ഉദാഹ​ര​ണ​ത്തിന്‌ ഇരതേ​ടു​മ്പോൾ ഇവ, തുടർച്ച​യാ​യി കുമി​ളകൾ വിട്ടു​കൊണ്ട്‌ കവചജീ​വി​ക​ളു​ടെ​യും മത്സ്യങ്ങ​ളു​ടെ​യും അടിയിൽനിന്ന്‌ സർപ്പി​ളാ​കൃ​തി​യിൽ മുകളി​ലേക്കു നീന്തി​ച്ചെ​ല്ലു​ന്നു. 1.5 മീറ്റർ മാത്രം വ്യാസം​വ​രുന്ന ഈ കൊച്ചു കുമി​ളവല, അതിൽ കുടു​ങ്ങുന്ന ജീവികൾ ജലോ​പ​രി​ത​ല​ത്തിൽ ഒരുമി​ച്ചു​വ​രാൻ ഇടയാ​ക്കു​ന്നു. അങ്ങനെ കുമി​ളവല ഒരുക്കുന്ന സ്വാദി​ഷ്‌ഠ​മായ സദ്യ ഇവ ആർത്തി​യോ​ടെ അകത്താ​ക്കു​ന്നു.

അധികം വഴങ്ങാത്ത ശരീര​മുള്ള ഈ ജീവി വളരെ ചെറിയ വട്ടത്തി​നു​ള്ളിൽ തിരി​യു​ന്നത്‌ എങ്ങനെ​യാണ്‌? അതു ഗവേഷ​കരെ ശരിക്കും അമ്പരപ്പി​ച്ചു. അതിന്റെ ചിറകു​ക​ളു​ടെ ആകൃതി​യി​ലാണ്‌ രഹസ്യം ഒളിഞ്ഞി​രി​ക്കു​ന്ന​തെന്ന്‌ അവർ കണ്ടെത്തി. വിമാ​ന​ത്തി​ന്റെ ചിറകു​ക​ളിൽനി​ന്നു വ്യത്യ​സ്‌ത​മാ​യി അതിന്റെ ചിറകു​ക​ളു​ടെ മുൻഭാ​ഗം കുതകൾ നിറഞ്ഞ​താണ്‌. അവിടെ റ്റ്യൂബർക്കിൾസ്‌ എന്നു വിളി​ക്ക​പ്പെ​ടുന്ന മുഴക​ളു​ടെ ഒരു നിരതന്നെ ഉണ്ട്‌.

തിമിം​ഗ​ലം വെള്ളത്തി​ലൂ​ടെ പാഞ്ഞു​നീ​ങ്ങു​മ്പോൾ ഈ മുഴകൾ ഉത്ഥാപകം (lift) വർധി​പ്പി​ക്കു​ക​യും വലിവ്‌ (drag) കുറയ്‌ക്കു​ക​യും ചെയ്യുന്നു. അതെങ്ങനെ? തിമിം​ഗലം കുത്തനെ മുകളി​ലേക്ക്‌ ഉയരു​മ്പോൾപ്പോ​ലും വെള്ളം ചിറകു​കൾക്കു മുകളി​ലൂ​ടെ അതി​വേഗം കറങ്ങി​യൊ​ഴു​കാൻ റ്റ്യൂബർക്കിൾസ്‌ ഇടയാ​ക്കു​ന്നു​വെന്ന്‌ നാച്വറൽ ഹിസ്റ്ററി എന്ന മാസിക വിശദീ​ക​രി​ക്കു​ന്നു. ചിറകി​ന്റെ മുൻഭാ​ഗം നിരപ്പു​ള്ള​താ​യി​രു​ന്നെ​ങ്കിൽ അതിന്റെ പിമ്പിൽ ചുഴികൾ രൂപം​കൊ​ള്ളു​ക​യും ആവശ്യ​മായ ഉത്ഥാപകം ലഭിക്കാ​തെ പോകു​ക​യും ചെയ്യു​മാ​യി​രു​ന്നു. അങ്ങനെ​യാ​കു​മ്പോൾ ഇത്ര ചെറിയ വൃത്തത്തി​നു​ള്ളിൽ മുകളി​ലേ​ക്കു​യ​രാൻ അതിനു സാധി​ക്കാ​തെ വരുമാ​യി​രു​ന്നു.

ഈ കണ്ടുപി​ടി​ത്തം​കൊണ്ട്‌ എന്തെല്ലാം പ്രയോ​ജ​ന​ങ്ങ​ളുണ്ട്‌? തിമിം​ഗ​ല​ത്തി​ന്റെ ചിറകു​ക​ളു​ടെ രൂപമാ​തൃ​ക​യിൽ നിർമി​ക്ക​പ്പെ​ടുന്ന വിമാ​ന​ത്തി​ന്റെ ചിറകു​കൾക്ക്‌ ഫ്‌ളാ​പ്പു​ക​ളും വായു​പ്ര​വാ​ഹ​ത്തി​ന്റെ ദിശ മാറ്റാ​നുള്ള മറ്റ്‌ ഉപകര​ണ​ങ്ങ​ളും വളരെ കുറച്ചു മാത്രമേ വേണ്ടി​വ​രു​ക​യു​ള്ളൂ. അത്തരം ചിറകു​കൾ സുരക്ഷി​ത​വും അവയുടെ കേടു​പാ​ടു തീർക്കു​ന്നത്‌ എളുപ്പ​വു​മാ​യി​രി​ക്കും. സമീപ​ഭാ​വി​യിൽത്തന്നെ “കൂനൻ തിമിം​ഗ​ല​ത്തി​ന്റെ ചിറകു​ക​ളി​ലു​ള്ള​തു​പോ​ലുള്ള മുഴകൾ എല്ലാ ജെറ്റ്‌ വിമാ​ന​ങ്ങ​ളി​ലും നമുക്കു കാണാൻ കഴി​ഞ്ഞേ​ക്കും” എന്നാണ്‌ ബയോ​മെ​ക്കാ​നി​ക്ക്‌സ്‌ വിദഗ്‌ധ​നായ ജോൺ ലോം​ഗി​ന്റെ വിശ്വാ​സം.

കടൽക്കാ​ക്ക​യു​ടെ ചിറകു​കൾ അനുക​രി​ക്കു​ന്നു

പക്ഷിക​ളു​ടെ ചിറകു​ക​ളു​ടെ മാതൃ​ക​യി​ലാണ്‌ വിമാ​ന​ത്തി​ന്റെ ചിറകു​കൾ രൂപകൽപ്പന ചെയ്യ​പ്പെ​ട്ടി​രി​ക്കു​ന്നത്‌. എന്നിരു​ന്നാ​ലും അടുത്ത​കാ​ലത്ത്‌ എഞ്ചിനീ​യർമാർ അനുക​ര​ണ​ത്തി​ന്റെ കാര്യ​ത്തിൽ നിർണാ​യ​ക​മായ ഒരു ചുവടു​വെപ്പ്‌ നടത്തി​യി​രി​ക്കു​ന്നു. “ആകാശത്ത്‌ ചിറക​ടി​ച്ചു നിൽക്കാ​നും കൂപ്പു​കു​ത്താ​നും ശരവേ​ഗ​ത്തിൽ ഉയർന്നു പറക്കാ​നു​മുള്ള കടൽക്കാ​ക്ക​യു​ടെ കഴിവു​കൾ സംയോ​ജി​പ്പി​ച്ചു​കൊണ്ട്‌ പൈല​റ്റി​ല്ലാ​തെ, റിമോട്ട്‌ കൺ​ട്രോ​ളി​ന്റെ സഹായ​ത്താൽ പറക്കുന്ന വിമാ​ന​ത്തി​ന്റെ ഒരു മാതൃക ഫ്‌ളോ​റി​ഡാ സർവക​ലാ​ശാ​ല​യി​ലെ ഗവേഷകർ വികസി​പ്പി​ച്ചെ​ടു​ത്തി​രി​ക്കു​ന്നു” എന്ന്‌ ന്യൂ സയന്റിസ്റ്റ്‌ മാസിക റിപ്പോർട്ടു ചെയ്യുന്നു.

തോൾഭാ​ഗ​വും ചിറകു​ക​ളു​ടെ മുട്ടു​ക​ളും വഴക്കമു​ള്ള​താ​യ​തി​നാൽ കടൽക്കാ​ക്ക​കൾക്ക്‌ അമ്പരപ്പി​ക്കുന്ന അഭ്യാ​സ​പ്ര​ക​ട​നങ്ങൾ കാഴ്‌ച​വെ​ക്കാൻ കഴിയു​ന്നു. ചിറകു​ക​ളു​ടെ ഈ മാതൃക അനുക​രി​ച്ചു​കൊണ്ട്‌ “24 ഇഞ്ച്‌ നീളമുള്ള ഈ വിമാനം ഒരു കൊച്ചു മോ​ട്ടോർ ഉപയോ​ഗിച്ച്‌, ചിറകു​കളെ ചലിപ്പി​ക്കുന്ന ഒരു കൂട്ടം ലോഹ കമ്പികളെ നിയ​ന്ത്രി​ക്കു​ന്നു” എന്ന്‌ മാസിക പറയുന്നു. വിദഗ്‌ധ​മാ​യി രൂപകൽപ്പന ചെയ്യപ്പെട്ട ചിറകു​കൾ ഉള്ളതു കാരണം ഇതിന്‌ ആകാശ​ത്തിൽ നിശ്ചല​മാ​യി നിൽക്കാ​നും കൂറ്റൻ കെട്ടി​ട​ങ്ങൾക്കി​ട​യിൽക്കൂ​ടി കൂപ്പു​കു​ത്താ​നും സാധി​ക്കു​ന്നു. വൻനഗ​ര​ങ്ങ​ളിൽ രാസ, ജൈവ ആയുധ​ങ്ങ​ളു​ടെ തിരച്ചി​ലിന്‌ ഉപയോ​ഗ​പ്പെ​ടു​ത്താ​നാ​യി ഇത്തരം സവി​ശേ​ഷ​ത​ക​ളുള്ള ഒരു വിമാനം വികസി​പ്പി​ച്ചെ​ടു​ക്കു​ന്ന​തി​ന്റെ ആവേശ​ത്തി​ലാണ്‌ യു.എസ്‌. എയർ ഫോഴ്‌സ്‌.

ഗെക്കോ​യു​ടെ പാദങ്ങൾ പകർത്തു​ന്നു

കരയി​ലുള്ള മൃഗങ്ങ​ളും പഠിപ്പി​ക്കു​ന്ന​തിൽ ഒട്ടും പിന്നിലല്ല. ഉദാഹ​ര​ണ​ത്തിന്‌, ഗെക്കോ എന്നറി​യ​പ്പെ​ടുന്ന ചെറിയ പല്ലിക്ക്‌ ചുവരി​ലൂ​ടെ​യും മച്ചിലൂ​ടെ​യും ഓടി​ന​ട​ക്കാ​നുള്ള കഴിവുണ്ട്‌. ബൈബിൾ കാലങ്ങ​ളിൽപ്പോ​ലും ഈ ജീവി​യു​ടെ വിസ്‌മ​യാ​വ​ഹ​മായ കഴിവ്‌ അറിയ​പ്പെ​ട്ടി​രു​ന്നു. (സദൃശ​വാ​ക്യ​ങ്ങൾ 30:28) ഭൂഗു​രു​ത്വാ​കർഷ​ണത്തെ ഭേദി​ക്കാൻ ഗെക്കോ​യ്‌ക്ക്‌ കഴിയു​ന്നത്‌ എങ്ങനെ​യാണ്‌?

സ്‌ഫടിക സമാന പ്രതല​ങ്ങ​ളിൽപ്പോ​ലും ഗെക്കോ​യ്‌ക്ക്‌ പറ്റിപ്പി​ടി​ച്ചി​രി​ക്കാൻ കഴിയു​ന്ന​തി​ന്റെ രഹസ്യം ഒളിഞ്ഞി​രി​ക്കു​ന്നത്‌ അതിന്റെ പാദത്തെ പൊതി​യുന്ന, അതിസൂ​ക്ഷ്‌മ​വും രോമ​സ​മാ​ന​വു​മായ സീറ്റക​ളി​ലാണ്‌. അതിന്റെ പാദത്തി​ലൂ​ടെ പശയൊ​ന്നും പുറ​ത്തേക്കു വരുന്നില്ല, വാൻ ഡർ വോൾസ്‌ ബലങ്ങൾ എന്നറി​യ​പ്പെ​ടുന്ന താരത​മ്യേന ശക്തി കുറഞ്ഞ തന്മാത്രാ ബലമാണ്‌ പറ്റിപ്പി​ടി​ച്ചി​രി​ക്കാൻ അവയെ സഹായി​ക്കു​ന്നത്‌. ഈ ആകർഷണ ബലങ്ങൾ രണ്ട്‌ ഉപരി​ത​ല​ങ്ങ​ളി​ലുള്ള തന്മാ​ത്രകൾ പരസ്‌പരം ഒട്ടി​ച്ചേ​രാൻ ഇടയാ​ക്കു​ന്നു. സാധാ​ര​ണ​ഗ​തി​യിൽ, ഭൂഗു​രു​ത്വ​ബലം ഈ ബലങ്ങ​ളെ​ക്കാൾ ശക്തമാണ്‌, അതു​കൊ​ണ്ടാണ്‌ ഒരു പല്ലി കയറി​പ്പോ​കു​ന്ന​തു​പോ​ലെ നിങ്ങൾക്കു ചുവരി​ലൂ​ടെ കയറി​പ്പോ​കാൻ കഴിയാ​ത്തത്‌. എന്നാൽ ഗെക്കോ​യു​ടെ സൂക്ഷ്‌മ സീറ്റകൾ, ചുവരു​മാ​യി സമ്പർക്ക​ത്തി​ലാ​കുന്ന ഉപരി​ത​ല​ത്തി​ന്റെ വിസ്‌താ​രം വർധി​പ്പി​ക്കു​ന്നു. പാദങ്ങ​ളി​ലെ ആയിര​ക്ക​ണ​ക്കി​നു സീറ്റക​ളു​ടെ വാൻ ഡർ വോൾസ്‌ ബലങ്ങൾ കൂടി​ച്ചേ​രു​മ്പോൾ കൊച്ചു പല്ലിയു​ടെ ഭാരത്തെ പിടി​ച്ചു​നി​റു​ത്താൻ ആവശ്യ​മായ ആകർഷണ ബലം ഉളവാ​കു​ന്നു.

ഈ കണ്ടുപി​ടി​ത്തം​കൊണ്ട്‌ ഉണ്ടാ​യേ​ക്കാ​വുന്ന പ്രയോ​ജനം എന്താണ്‌? ഗെക്കോ​യു​ടെ പാദങ്ങളെ അനുക​രി​ച്ചു​കൊ​ണ്ടു നിർമി​ക്കുന്ന കൃത്രിമ പദാർഥങ്ങൾ വെൽ​ക്രോ​യ്‌ക്കു—പ്രകൃ​തി​യിൽനി​ന്നു​തന്നെ കടമെ​ടുത്ത മറ്റൊരു ആശയംa—പകരം ഉപയോ​ഗി​ക്കാൻ കഴിയും. “ചികി​ത്സ​യിൽ രാസസ്വ​ഭാ​വ​മുള്ള ബാൻഡേ​ജു​കൾ ഉപയോ​ഗി​ക്കാൻ പറ്റാത്ത സാഹച​ര്യ​ത്തിൽ” “ഗെക്കോ ടേപ്പ്‌” വിശേ​ഷാൽ പ്രയോ​ജ​ന​പ്ര​ദ​മാ​യി​രി​ക്കു​മെന്ന്‌ ഒരു ഗവേഷകൻ പറഞ്ഞതാ​യി ദി ഇക്കോ​ണൊ​മിസ്റ്റ്‌ എന്ന മാസിക ഉദ്ധരി​ക്കു​ന്നു.

ബഹുമതി അർഹി​ക്കു​ന്നത്‌ ആരാണ്‌?

തേളി​നെ​പ്പോ​ലെ നടക്കുന്ന, എട്ടു കാലുള്ള ഒരു റോ​ബോ​ട്ടി​നെ വികസി​പ്പി​ച്ചെ​ടു​ക്കു​ന്ന​തി​ന്റെ തിരക്കി​ലാണ്‌ നാഷനൽ എയറോ​നോ​ട്ടി​ക്‌സ്‌ ആൻഡ്‌ സ്‌പേസ്‌ അഡ്‌മി​നി​സ്‌​ട്രേഷൻ. ഒരു ഭീമൻ പ്രാണി​യു​ടെ മാതൃ​ക​യിൽ, തടസ്സങ്ങൾ മറിക​ട​ന്നു​പോ​കാൻ കഴിവുള്ള ആറു കാലുള്ള ഒരു റോ​ബോ​ട്ടി​നെ ഫിൻലൻഡി​ലെ എഞ്ചിനീ​യർമാർ വികസി​പ്പി​ച്ചെ​ടു​ത്തു കഴിഞ്ഞു. അന്തരീക്ഷ ഊഷ്‌മാ​വിന്‌ അനുസൃ​ത​മാ​യി സ്വയം തുറക്കു​ക​യും അടയു​ക​യും ചെയ്യുന്ന പൈൻകോ​ണു​ക​ളു​ടെ സവി​ശേഷത അനുക​രി​ച്ചു​കൊണ്ട്‌ ചില ഗവേഷകർ ഫ്‌ളാ​പ്പു​ക​ളോ​ടൂ​കൂ​ടിയ വസ്‌ത്രങ്ങൾ ഡിസൈൻ ചെയ്‌തി​രി​ക്കു​ന്നു. ബോക്‌സ്‌ഫി​ഷി​ന്റെ അസാധാ​രണ രൂപഘടന അനുക​രി​ച്ചു​കൊണ്ട്‌ പ്രതി​രോ​ധം പരമാ​വധി കുറയ്‌ക്കുന്ന വിധത്തി​ലുള്ള കാർ വികസി​പ്പി​ച്ചെ​ടു​ക്കാ​നുള്ള ശ്രമത്തി​ലാണ്‌ ഒരു വാഹന നിർമാണ കമ്പനി. എബെ​ലോൺ എന്ന ജീവി​യു​ടെ പുറം​തോ​ടിന്‌ ഷോക്ക്‌ അബ്‌സോർബ​റാ​യി വർത്തി​ക്കാ​നുള്ള കഴിവുണ്ട്‌, കനം കുറഞ്ഞ​തും എന്നാൽ നല്ല ഉറപ്പു​ള്ള​തു​മായ രക്ഷാക​വ​ചങ്ങൾ നിർമി​ക്കാ​നുള്ള ഉദ്ദേശ്യ​ത്തിൽ ഗവേഷകർ എബെ​ലോ​ണി​ന്റെ ഈ സവി​ശേ​ഷ​ത​യെ​പ്പറ്റി പഠിച്ചു​കൊ​ണ്ടി​രി​ക്കു​ക​യാണ്‌.

ഫലപ്ര​ദ​മാ​യ എത്ര​യെത്ര ആശയങ്ങ​ളു​ടെ ഭണ്ഡാര​മാണ്‌ പ്രകൃതി. ആയിര​ക്ക​ണ​ക്കി​നു ജൈവ​വ്യ​വ​സ്ഥകൾ പട്ടിക​പ്പെ​ടു​ത്തി​യി​രി​ക്കുന്ന ഒരു ഡേറ്റാ​ബേ​സി​നു ഗവേഷകർ രൂപം​കൊ​ടു​ത്തു​ക​ഴി​ഞ്ഞു. “രൂപസം​വി​ധാ​ന​ത്തോ​ടു ബന്ധപ്പെട്ട പ്രശ്‌ന​ങ്ങൾക്കു പ്രകൃ​തി​യിൽനി​ന്നു പരിഹാ​രം” കണ്ടെത്താൻ ശാസ്‌ത്ര​ജ്ഞർക്ക്‌ ഈ ഡേറ്റാ​ബേസ്‌ പരി​ശോ​ധി​ക്കാൻ കഴിയു​മെന്ന്‌ ദി ഇക്കോ​ണൊ​മിസ്റ്റ്‌ പറയുന്നു. ഇതിൽ ഉൾപ്പെ​ടു​ത്തി​യി​രി​ക്കുന്ന ജൈവ​വ്യ​വ​സ്ഥകൾ “ജൈവ പേറ്റന്റു​കൾ” എന്നാണ്‌ അറിയ​പ്പെ​ടു​ന്നത്‌. സാധാ​ര​ണ​ഗ​തി​യിൽ, ഒരു പുതിയ ആശയമോ യന്ത്രമോ നിയമ​പ​ര​മാ​യി രജിസ്റ്റർ ചെയ്യുന്ന വ്യക്തി​യോ കമ്പനി​യോ ആണ്‌ അതിന്റെ പേറ്റന്റ്‌ ഉടമ. ജൈവ പേറ്റന്റു​ക​ളു​ടെ ഡേറ്റാ​ബേ​സി​നെ​ക്കു​റി​ച്ചു ചർച്ച​ചെ​യ്യവേ, ദി ഇക്കോ​ണൊ​മിസ്റ്റ്‌ പറയുന്നു: “ബയോ​മി​മെ​റ്റിക്‌ സൂത്ര​ങ്ങളെ ‘ജൈവ പേറ്റന്റു​കൾ’ എന്നു വിളി​ക്കു​ക​വഴി, ഫലത്തിൽ പ്രകൃ​തി​യാണ്‌ പേറ്റന്റ്‌ ഉടമ​യെന്നു ഗവേഷകർ ഊന്നി​പ്പ​റ​യു​ക​യാ​ണു ചെയ്യു​ന്നത്‌.”

ഈ ഉജ്ജ്വല ആശയങ്ങൾ പ്രകൃതി സ്വായ​ത്ത​മാ​ക്കി​യത്‌ എങ്ങനെ​യാണ്‌? കോടി​ക്ക​ണ​ക്കി​നു വർഷങ്ങൾ എടുത്ത പരിണാ​മ​പ​ര​മായ പരീക്ഷ​ണ​ങ്ങ​ളി​ലൂ​ടെ ഉരുത്തി​രി​ഞ്ഞ​താണ്‌ പ്രകൃ​തി​യിൽ കാണുന്ന വിദഗ്‌ധ​മായ രൂപകൽപ്പ​ന​ക​ളെന്നു പല ഗവേഷ​ക​രും അഭി​പ്രാ​യ​പ്പെ​ടു​ന്നു. എന്നിരു​ന്നാ​ലും മറ്റു ഗവേഷകർ വ്യത്യ​സ്‌ത​മായ ഒരു നിഗമ​ന​ത്തിൽ എത്തി​ച്ചേ​രു​ന്നു. മൈ​ക്രോ​ബ​യോ​ള​ജി​സ്റ്റായ മൈക്കിൾ ബീഹി 2005-ൽ ദ ന്യൂ​യോർക്ക്‌ ടൈം​സിൽ ഇപ്രകാ​രം എഴുതി: “[പ്രകൃ​തി​യിൽ] സമൃദ്ധ​മാ​യി കാണുന്ന രൂപകൽപ്പ​നകൾ ബോധ്യം​വ​രു​ത്തു​ന്ന​തും ലളിത​വു​മായ ഒരു ന്യായം സമർഥി​ക്കു​ന്നു: അത്‌ താറാ​വി​നെ​പ്പോ​ലെ​യാ​ണി​രി​ക്കു​ന്ന​തും നടക്കു​ന്ന​തും കരയു​ന്ന​തു​മെ​ങ്കിൽ, അത്‌ താറാ​വ​ല്ലെന്നു തെളി​യി​ക്കാൻ അനി​ഷേ​ധ്യ​മായ തെളി​വു​ക​ളു​ടെ അഭാവ​ത്തിൽ, അതൊരു താറാ​വാ​ണെന്ന്‌ ആധികാ​രി​ക​മാ​യി പറയാൻ നമുക്കു കഴിയും.” അദ്ദേഹ​ത്തി​ന്റെ നിഗമനം എന്തായി​രു​ന്നു? “രൂപരചന കണ്ടി​ല്ലെന്നു നടിക്ക​രുത്‌ കാരണം അത്രയ്‌ക്കും പ്രകട​മാ​ണത്‌.”

ഏറെ സുരക്ഷി​ത​വും കാര്യ​ക്ഷ​മ​വു​മായ ചിറകു​കൾ വിമാ​ന​ത്തി​നു​വേണ്ടി രൂപകൽപ്പന ചെയ്യുന്ന ഒരു എഞ്ചിനീ​യർ തീർച്ച​യാ​യും അഭിന​ന്ദനം അർഹി​ക്കു​ന്നു. വിവി​ധോ​ദ്ദേ​ശ്യ​ങ്ങ​ളുള്ള ബാൻഡേജ്‌, ഏറെ സുഖ​പ്ര​ദ​മായ വസ്‌ത്രങ്ങൾ, കൂടുതൽ കാര്യ​ക്ഷ​മ​ത​യുള്ള വാഹനം—ഇവയു​ടെ​യെ​ല്ലാം ഉപജ്ഞാ​താ​ക്ക​ളും തങ്ങളുടെ രൂപകൽപ്പ​ന​യ്‌ക്കുള്ള ബഹുമതി അർഹി​ക്കു​ന്നു. വാസ്‌ത​വ​ത്തിൽ, മറ്റുള്ള​വ​രു​ടെ രൂപകൽപ്പ​നകൾ പകർത്തു​ക​യും യഥാർഥ രൂപസം​വി​ധാ​യ​കനെ അംഗീ​ക​രി​ക്കാ​നോ ആദരി​ക്കാ​നോ പരാജ​യ​പ്പെ​ടു​ക​യും ചെയ്യുന്ന ഒരു നിർമാ​താവ്‌ ഒരു കുറ്റവാ​ളി​യാ​യി വീക്ഷി​ക്ക​പ്പെ​ട്ടേ​ക്കാം.

എഞ്ചിനീ​യ​റി​ങ്ങി​ലെ സങ്കീർണ​മായ പ്രശ്‌നങ്ങൾ പരിഹ​രി​ക്കു​ന്ന​തി​നു പ്രകൃ​തി​യി​ലെ രൂപകൽപ്പ​ന​ക​ളു​ടെ ഒരു ഏകദേശ രൂപം പകർത്തുന്ന വിദഗ്‌ധ​രായ ഗവേഷകർ ബുദ്ധി​വൈ​ഭവം തുളു​മ്പുന്ന ‘ഒറിജി​നൽ’ ആശയങ്ങൾക്കുള്ള ബഹുമതി ബുദ്ധി​ഹീ​ന​മായ പരിണാ​മ​ത്തി​നു നൽകു​ന്നത്‌ ന്യായ​യു​ക്ത​മാ​ണെന്നു നിങ്ങൾക്കു തോന്നു​ന്നു​ണ്ടോ? കേവലം രൂപമാ​തൃ​ക​യു​ണ്ടാ​ക്കു​ന്ന​തിന്‌ വിദഗ്‌ധ​നായ ഒരു രൂപസം​വി​ധാ​യകൻ ആവശ്യ​മാ​ണെ​ങ്കിൽ, ഒറിജി​ന​ലി​ന്റെ കാര്യ​ത്തി​ലോ? യഥാർഥ​ത്തിൽ, വിദഗ്‌ധ​നായ ഒരു അധ്യാ​പ​ക​നാ​ണോ അതോ അദ്ദേഹ​ത്തി​ന്റെ വിദ്യകൾ കേവലം പകർത്തുന്ന ഒരു വിദ്യാർഥി​യാ​ണോ കൂടുതൽ ബഹുമതി അർഹി​ക്കു​ന്നത്‌?

യുക്തി​സ​ഹ​മായ ഒരു നിഗമനം

പ്രകൃ​തി​യിൽ കാണുന്ന രൂപകൽപ്പ​ന​യ്‌ക്കുള്ള തെളി​വു​കൾ ശ്രദ്ധാ​പൂർവം പരി​ശോ​ധി​ച്ചി​രി​ക്കുന്ന അനേകർ സങ്കീർത്ത​ന​ക്കാ​രന്റെ അഭി​പ്രാ​യ​ത്തോ​ടു യോജി​ക്കു​ന്നു. അവൻ ഇങ്ങനെ എഴുതി: “യഹോവേ, നിന്റെ പ്രവൃ​ത്തി​കൾ എത്ര പെരു​കി​യി​രി​ക്കു​ന്നു! ജ്ഞാന​ത്തോ​ടെ നീ അവയെ ഒക്കെയും ഉണ്ടാക്കി​യി​രി​ക്കു​ന്നു; ഭൂമി നിന്റെ സൃഷ്ടി​ക​ളാൽ നിറെ​ഞ്ഞി​രി​ക്കു​ന്നു.” (സങ്കീർത്തനം 104:24) ബൈബിൾ എഴുത്തു​കാ​ര​നായ പൗലൊ​സും സമാന​മായ ബോധ്യം പ്രകടി​പ്പി​ച്ചു. അവൻ എഴുതി: “അവന്റെ [ദൈവ​ത്തി​ന്റെ] നിത്യ​ശ​ക്തി​യും ദിവ്യ​ത്വ​വു​മാ​യി അവന്റെ അദൃശ്യ​ല​ക്ഷ​ണങ്ങൾ ലോക​സൃ​ഷ്ടി​മു​തൽ അവന്റെ പ്രവൃ​ത്തി​ക​ളാൽ ബുദ്ധി​ക്കു​തെ​ളി​വാ​യി വെളി​പ്പെ​ട്ടു​വ​രു​ന്നു.”—റോമർ 1:19, 20.

എന്നിരു​ന്നാ​ലും, പരിണാ​മ​ത്തി​ലൂ​ടെ​യാ​യി​രി​ക്കാം ദൈവം പ്രകൃ​തി​യി​ലെ അത്ഭുത​ക​ര​മായ സൃഷ്ടികൾ ഉളവാ​ക്കി​യ​തെന്നു ബൈബി​ളി​നെ ആദരി​ക്കു​ക​യും ദൈവ​ത്തിൽ വിശ്വ​സി​ക്കു​ക​യും ചെയ്യുന്ന ആത്മാർഥ​ഹൃ​ദ​യ​രായ പലരും ന്യായ​വാ​ദം ചെയ്യുന്നു. ബൈബിൾ അതു സംബന്ധിച്ച്‌ എന്താണു പഠിപ്പി​ക്കു​ന്നത്‌?

[അടിക്കു​റിപ്പ്‌]

[5-ാം പേജിലെ ആകർഷക വാക്യം]

ഉജ്ജ്വലമായ ഇത്രയ​ധി​കം ആശയങ്ങൾ പ്രകൃതി സ്വായ​ത്ത​മാ​ക്കി​യത്‌ എങ്ങനെ​യാണ്‌?

[6-ാം പേജിലെ ആകർഷക വാക്യം]

പ്രകൃതിയുടെ പേറ്റന്റ്‌ ഉടമ ആരാണ്‌?

[7-ാം പേജിലെ ചതുരം/ചിത്രങ്ങൾ]

രൂപമാ​തൃക ഉണ്ടാക്കു​ന്ന​തിന്‌ വിദഗ്‌ധ​നായ ഒരു രൂപസം​വി​ധാ​യകൻ ആവശ്യ​മാ​ണെ​ങ്കിൽ ഒറിജി​ന​ലി​ന്റെ കാര്യ​ത്തി​ലോ?

ഗെക്കോ​യു​ടെ പാദങ്ങ​ളിൽ അഴുക്കു പിടി​ക്കു​ന്നില്ല, അവ കാൽപ്പാ​ടു​കൾ അവശേ​ഷി​പ്പി​ക്കു​ന്നു​മില്ല. ടെഫ്‌ളോൺ ഒഴികെ ഏതു പ്രതല​ത്തി​ലും ഇവയുടെ പാദങ്ങൾക്ക്‌ അനായാ​സം ഒട്ടിപ്പി​ടി​ക്കാ​നും വേറി​ട്ടു​പോ​രാ​നും കഴിയും. ഗവേഷകർ ഇവയെ പകർത്താൻ ശ്രമി​ക്കു​ന്നു

അമ്പരപ്പി​ക്കുന്ന അഭ്യാസ പ്രകട​നങ്ങൾ കാഴ്‌ച​വെ​ക്കുന്ന ഈ വിമാ​ന​ത്തി​ന്റെ ചിറകു​കൾ കടൽക്കാ​ക്ക​യു​ടെ ചിറകു​ക​ളു​ടെ മാതൃക യിലാണു നിർമി ച്ചിരി​ക്കു​ന്നത്‌

ബോക്‌സ്‌ഫി​ഷി​ന്റെ അസാധാ​രണ രൂപഘടന അനുക​രി​ച്ചു​കൊണ്ട്‌ പ്രതി​രോ​ധം പരമാ​വധി കുറയ്‌ക്കുന്ന വിധത്തി​ലുള്ള കാർ വികസി​പ്പി​ച്ചെ​ടു​ക്കാ​നുള്ള ശ്രമത്തി​ലാണ്‌ ഒരു വാഹന നിർമാണ കമ്പനി

[കടപ്പാട്‌]

വിമാനം: Kristen Bartlett/ University of Florida; ഗെക്കോ​യു​ടെ പാദം: Breck P. Kent; ബോക്‌സ്‌ ഫിഷും കാറും: Mercedes-Benz USA

[8-ാം പേജിലെ ചതുരം/ചിത്രങ്ങൾ]

സഹജജ്ഞാനമുള്ള സഞ്ചാരി​കൾ

സഞ്ചാര​മാർഗം കണ്ടെത്തു​ന്ന​തിൽ പല ജീവി​ക​ളും സഹജജ്ഞാ​നം പ്രകട​മാ​ക്കു​ന്നു. (സദൃശ​വാ​ക്യ​ങ്ങൾ 30:24, 25) രണ്ട്‌ ഉദാഹ​ര​ണങ്ങൾ ശ്രദ്ധി​ക്കുക.

◼ ഉറുമ്പി​ന്റെ ട്രാഫിക്‌ രഹസ്യം ആഹാരം തേടി​പ്പോ​കുന്ന ഉറുമ്പു​കൾ വഴി​തെ​റ്റാ​തെ കൂട്ടിൽ തിരി​ച്ചെ​ത്തു​ന്നത്‌ എങ്ങനെ​യാണ്‌? സഞ്ചാര​പഥം പ്രത്യേക ഗന്ധമുള്ള ഫിറോ​മോൺകൊണ്ട്‌ അടയാ​ള​പ്പെ​ടു​ത്തു​ന്ന​തി​നു പുറമേ ചില ഉറുമ്പു​കൾ ക്ഷേത്ര​ഗ​ണിത തത്ത്വങ്ങൾ ഉപയോ​ഗി​ച്ചു വഴിത്താര സൃഷ്ടി​ക്കു​ന്നത്‌ കൂട്‌ കണ്ടുപി​ടി ക്കുന്നത്‌ എളുപ്പ​മാ​ക്കി ത്തീർക്കു​ന്നു​വെന്ന്‌ യു​ണൈ​റ്റഡ്‌ കിങ്‌ഡ​ത്തി​ലെ ഗവേഷകർ കണ്ടെത്തി. ഉദാഹ​ര​ണ​ത്തിന്‌ ഫറവോൻ ഉറുമ്പു​കൾ “കൂട്ടിൽനിന്ന്‌ പുറ​ത്തേക്കു പോകു​മ്പോൾ 50 മുതൽ 60 വരെ ഡിഗ്രി കോണിൽ രണ്ടായി പിരി​യുന്ന വഴിത്താ​രകൾ സൃഷ്ടി​ക്കു​ന്നു” എന്ന്‌ ന്യൂ സയന്റിസ്റ്റ്‌ പറയുന്നു. ഈ വിധത്തിൽ സഞ്ചാര​പഥം സൃഷ്ടി​ക്കു​ന്ന​തു​കൊ​ണ്ടുള്ള പ്രയോ​ജനം എന്താണ്‌? കൂട്ടി​ലേ​ക്കുള്ള മടക്കയാ​ത്ര​യിൽ പാത രണ്ടായി പിരി​യു​ന്നി​ട​ങ്ങ​ളിൽ എത്തു​മ്പോൾ, ചെറിയ തോതിൽ മാത്രം വ്യതി​ച​ലി​ക്കുന്ന പാത ഉറുമ്പു​കൾ സ്വതവേ തിര​ഞ്ഞെ​ടു​ക്കു​ന്നു. ഈ പാതയാ​കട്ടെ എല്ലായ്‌പോ​ഴും കൂട്ടി​ലേക്കു നയിക്കു​ന്ന​താ​യി​രി​ക്കും. ആ ലേഖനം പറയു​ന്ന​പ്ര​കാ​രം, “ഇടയ്‌ക്കി​ടെ രണ്ടായി പിരി​യുന്ന രൂപമാ​തൃക യിലുള്ള ഈ സഞ്ചാര​മാർഗം, അതിലൂ​ടെ​യുള്ള ഉറുമ്പു​ക​ളു​ടെ സഞ്ചാരം സുഗമ​മാ​ക്കി​ത്തീർക്കു​ന്നു, പ്രത്യേ​കി​ച്ചും രണ്ടു ദിശയി​ലേ​ക്കും ഒരേസ​മയം സഞ്ചാര​മു​ള്ള​പ്പോൾ. തന്നെയു​മല്ല തെറ്റായ ദിശയിൽ സഞ്ചരി​ക്കു​ന്നതു മൂലമു​ണ്ടാ​കുന്ന ഊർജ​നഷ്ടം പരമാ​വധി കുറയ്‌ക്കു​ന്ന​തി​നും അത്‌ ഉപകരി​ക്കു​ന്നു.”

◼ പക്ഷിക​ളു​ടെ ദിക്‌സൂ​ച​കങ്ങൾ ദീർഘ​ദൂ​രം സഞ്ചരി​ക്കുന്ന ദേശാടന പക്ഷികൾ ഏതു കാലാ​വ​സ്ഥ​യി​ലും അവയുടെ ലക്ഷ്യസ്ഥാ​നത്ത്‌ കൃത്യ​മാ​യി എത്തി​ച്ചേ​രു​ന്നു. അത്‌ എങ്ങനെ​യാ​ണു സാധി​ക്കു​ന്നത്‌? പക്ഷികൾക്ക്‌ ഭൂമി​യു​ടെ കാന്തിക മണ്ഡലം തിരി​ച്ച​റി​യാ​നുള്ള കഴിവു​ണ്ടെന്നു ഗവേഷകർ കണ്ടെത്തി​യി​രി​ക്കു​ന്നു. എന്നിരു​ന്നാ​ലും, ഭൂമി​യു​ടെ “കാന്തിക മണ്ഡല രേഖക​ളു​ടെ ദിശ ഓരോ പ്രദേ​ശ​ത്തും വ്യത്യാസ പ്പെട്ടി​രി​ക്കു​മെ​ന്നും അത്‌ എല്ലായ്‌പോ​ഴും ഉത്തരദി​ക്കി​നു നേർക്കാ​യി​രി​ക്കി​ല്ലെ​ന്നും” സയൻസ്‌ എന്ന മാസിക പറയുന്നു. തെറ്റായ ദിശയിൽ പറക്കു​ന്ന​തിൽനി​ന്നും ദേശാടന പക്ഷികളെ തടയു​ന്നത്‌ എന്താണ്‌? ദിവസ​വും വൈകു​ന്നേരം സൂര്യാ​സ്‌ത​മ​യ​ത്തി​ന്റെ ദിശ നോക്കി പക്ഷികൾ അവയുടെ ആന്തരിക ദിക്‌സൂ​ചകം ട്യൂൺ ചെയ്യുന്നു. അക്ഷാം​ശ​രേ​ഖ​യ്‌ക്കും കാലങ്ങൾക്കും അനുസൃ​ത​മാ​യി സൂര്യാ​സ്‌തമയ ത്തിന്റെ സ്ഥാനം മാറു​ന്ന​തി​നാൽ, “കാലത്തെ സംബന്ധിച്ച്‌ സൂചന നൽകുന്ന ഒരു ജൈവ ഘടികാ​ര​ത്തി​ന്റെ” സഹായ​ത്താൽ ആവശ്യ​മായ മാറ്റങ്ങൾ വരുത്താൻ അവയ്‌ക്ക്‌ സാധി​ക്കു​ന്നു​വെന്ന്‌ ഗവേഷകർ അഭി​പ്രാ​യ​പ്പെ​ടു​ന്നു എന്ന്‌ ആ മാസിക പറയുന്നു.

ഉറുമ്പി​നെ ക്ഷേത്ര​ഗ​ണിത തത്ത്വങ്ങൾ പഠിപ്പി​ച്ചത്‌ ആരാണ്‌? ദിക്‌സൂ​ച​ക​വും ജൈവ ഘടികാ​ര​വും ഇവ നൽകുന്ന സൂചനകൾ വ്യാഖ്യാ​നി​ക്കാൻ പ്രാപ്‌തി​യുള്ള തലച്ചോ​റും പക്ഷികൾക്ക്‌ നൽകി​യത്‌ ആരാണ്‌? ബുദ്ധി​ഹീ​ന​മായ പരിണാ​മ​മോ ബുദ്ധി​വൈ​ഭ​വ​മുള്ള ഒരു സ്രഷ്ടാ​വോ?

[കടപ്പാട്‌]

© E.J.H. Robinson 2004

ദൈവം ജീവൻ ഉളവാ​ക്കി​യത്‌ പരിണാ​മ​ത്തി​ലൂ​ടെ​യോ?

“കർത്താവേ, നീ സർവ്വവും സൃഷ്ടി​ച്ച​വ​നും എല്ലാം നിന്റെ ഇഷ്ടം ഹേതു​വാൽ ഉണ്ടായ​തും സൃഷ്ടി​ക്ക​പ്പെ​ട്ട​തും ആകയാൽ മഹത്വ​വും ബഹുമാ​ന​വും ശക്തിയും കൈ​ക്കൊൾവാൻ യോഗ്യൻ.”—വെളി​പ്പാ​ടു 4:11.

ചാൾസ്‌ ഡാർവി​ന്റെ പരിണാമ സിദ്ധാന്തം ജനപ്രീ​തി​യാർജി​ച്ച​തോ​ടെ, ക്രിസ്‌തീ​യ​മെന്ന്‌ അവകാ​ശ​പ്പെ​ടുന്ന പല സഭകളും ദൈവ​വി​ശ്വാ​സ​ത്തെ​യും പരിണാമ സിദ്ധാ​ന്ത​ത്തെ​യും കോർത്തി​ണ​ക്കാ​നുള്ള വഴികൾ ആലോ​ചി​ച്ചു തുടങ്ങി.

പരിണാ​മ​ത്തി​ലൂ​ടെ​യാ​യി​രി​ക്കണം ദൈവം ജീവൻ ഉളവാ​ക്കി​യ​തെന്ന്‌ പ്രമുഖ “ക്രൈ​സ്‌തവ” മതവി​ഭാ​ഗ​ങ്ങ​ളിൽ ഭൂരി​പ​ക്ഷ​വും ഇന്ന്‌ അംഗീ​ക​രി​ക്കു​ന്ന​താ​യി കാണ​പ്പെ​ടു​ന്നു. നിർജീവ രാസവ​സ്‌തു​ക്ക​ളിൽനി​ന്നു ജീവൻ സ്വതവേ ആവിർഭ​വിച്ച്‌ ഒടുവിൽ മനുഷ്യ​വർഗം ഉളവാ​കുന്ന വിധത്തിൽ വികാസം പ്രാപി​ക്കാൻ തക്കവണ്ണം ദൈവം പ്രപഞ്ചത്തെ മുൻകൂ​ട്ടി പ്രോ​ഗ്രാം ചെയ്‌തു​വെന്നു ചിലർ പഠിപ്പി​ക്കു​ന്നു. ആസ്‌തി​കത്വ പരിണാ​മം എന്നറി​യ​പ്പെ​ടുന്ന ഈ ആശയത്തെ പിന്താ​ങ്ങു​ന്നവർ വിശ്വ​സി​ക്കു​ന്നത്‌ പരിണാമ പ്രക്രിയ ആരംഭി​ച്ച​തിൽപ്പി​ന്നെ ദൈവം അതിൽ ഇടപെ​ട്ടി​ട്ടി​ല്ലെ​ന്നാണ്‌. സസ്യമൃ​ഗാ​ദി​ക​ളിൽ ഭൂരി​പക്ഷം വർഗങ്ങ​ളും പരിണാ​മ​ത്തി​ലൂ​ടെ ഉളവാ​കാൻ ദൈവം അനുവ​ദി​ച്ചു​വെ​ങ്കി​ലും ആ പ്രക്രിയ തുടർന്നു​പോ​കാൻ സഹായി​ക്കു​ന്ന​തിന്‌ ഇടയ്‌ക്കൊ​ക്കെ അവൻ അതിൽ ഇടപെ​ട്ടു​വെ​ന്നാണ്‌ മറ്റുള്ളവർ പൊതു​വേ വിശ്വ​സി​ക്കു​ന്നത്‌.

പരിണാമ സിദ്ധാ​ന്ത​വും ക്രിസ്‌തു​വി​ന്റെ പഠിപ്പി​ക്ക​ലും കൈ​കോർത്തു​പോ​കു​മോ?

പരിണാമ സിദ്ധാന്തം യഥാർഥ​ത്തിൽ ബൈബിൾ പഠിപ്പി​ക്ക​ലു​ക​ളു​മാ​യി യോജി​പ്പി​ലാ​ണോ? പരിണാ​മം ശരിയാ​ണെ​ങ്കിൽ, ആദ്യ മനുഷ്യ​നായ ആദാമി​ന്റെ സൃഷ്ടി​യെ​ക്കു​റി​ച്ചുള്ള ബൈബിൾ വിവരണം അക്ഷരാർഥ​ത്തിൽ എടുക്കേണ്ട ഒന്നല്ലെന്നു വരും. കൂടി​പ്പോ​യാൽ ധാർമിക പാഠം പ്രദാനം ചെയ്യുന്ന വെറു​മൊ​രു കഥയായി വീക്ഷി​ക്കാ​നേ കഴിയൂ. (ഉല്‌പത്തി 1:26, 27; 2:18-24) പ്രസ്‌തുത ബൈബിൾ വിവര​ണത്തെ യേശു അങ്ങനെ​യാ​ണോ വീക്ഷി​ച്ചത്‌? യേശു​വി​ന്റെ പ്രസ്‌താ​വന ശ്രദ്ധി​ക്കുക, “സൃഷ്ടി​ച്ചവൻ ആദിയിൽ അവരെ ആണും പെണ്ണു​മാ​യി സൃഷ്ടിച്ചു എന്നും, അതുനി​മി​ത്തം മനുഷ്യൻ അപ്പനെ​യും അമ്മയെ​യും വിട്ടു ഭാര്യ​യോ​ടു പറ്റി​ച്ചേ​രും; ഇരുവ​രും ഒരു ദേഹമാ​യി തീരും എന്നു അരുളി​ച്ചെ​യ്‌തു എന്നും നിങ്ങൾ വായി​ച്ചി​ട്ടി​ല്ല​യോ? അതു​കൊ​ണ്ടു അവർ മേലാൽ രണ്ടല്ല, ഒരു ദേഹമ​ത്രേ; ആകയാൽ ദൈവം യോജി​പ്പി​ച്ച​തി​നെ മനുഷ്യൻ വേർപി​രി​ക്ക​രുത്‌.”—മത്തായി 19:4-6.

ഉല്‌പത്തി 2-ാം അധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന സൃഷ്ടി​പ്പിൻ വിവര​ണ​ത്തിൽനി​ന്നും ഉദ്ധരി​ക്കു​ക​യാ​യി​രു​ന്നു യേശു. ആദ്യത്തെ വിവാഹം ഒരു സാങ്കൽപ്പിക കഥയാ​ണെന്നു യേശു വിശ്വ​സി​ച്ചി​രു​ന്നെ​ങ്കിൽ, വിവാ​ഹ​ത്തി​ന്റെ പവി​ത്ര​തയെ സംബന്ധി​ച്ചുള്ള അവന്റെ പഠിപ്പി​ക്ക​ലി​നു പിൻബ​ല​മേ​കാൻ അവൻ അതു പരാമർശി​ക്കു​മാ​യി​രു​ന്നോ? ഒരിക്ക​ലു​മില്ല. അത്‌ ഒരു യഥാർഥ ചരിത്ര സംഭവ​മാ​ണെന്ന്‌ അറിയാ​മാ​യി​രു​ന്ന​തു​കൊ​ണ്ടാണ്‌ അവൻ ഉല്‌പത്തി വിവര​ണ​ത്തി​ലേക്കു ശ്രദ്ധ ക്ഷണിച്ചത്‌.—യോഹ​ന്നാൻ 17:17.

യേശു​വി​ന്റെ ശിഷ്യ​ന്മാ​രും ഉല്‌പ​ത്തി​യി​ലെ സൃഷ്ടി​പ്പിൻ വിവരണം വിശ്വ​സി​ച്ചി​രു​ന്നു. ഉദാഹ​ര​ണ​ത്തിന്‌, ലൂക്കൊ​സി​ന്റെ സുവി​ശേ​ഷ​ത്തിൽ ആദാം​വരെ പിമ്പോ​ട്ടുള്ള യേശു​വി​ന്റെ വംശാ​വലി രേഖ​പ്പെ​ടു​ത്തി​യി​രി​ക്കു​ന്നു. (ലൂക്കൊസ്‌ 3:23-38) ആദാം ഒരു സാങ്കൽപ്പിക കഥാപാ​ത്ര​മാ​യി​രു​ന്നു​വെ​ങ്കിൽ ഈ വംശാ​വലി പട്ടിക ഏതു ഘട്ടത്തിൽവെ​ച്ചാണ്‌ കെട്ടു​ക​ഥ​യു​ടെ പരി​വേ​ഷ​മ​ണി​ഞ്ഞത്‌? ഈ കുടും​ബ​വൃ​ക്ഷ​ത്തി​ന്റെ തായ്‌വേര്‌ സാങ്കൽപ്പി​ക​മാ​യി​രു​ന്നു​വെ​ങ്കിൽ, താൻ ദാവീ​ദി​ന്റെ വംശത്തിൽ ജനിച്ച മിശി​ഹാ​യാ​ണെന്ന യേശു​വി​ന്റെ അവകാ​ശ​വാ​ദം എത്ര​ത്തോ​ളം വിശ്വ​സ​നീ​യ​മാ​യി​രി​ക്കു​മാ​യി​രു​ന്നു? (മത്തായി 1:1) താൻ “ആദിമു​തൽ സകലവും സൂക്ഷ്‌മ​മാ​യി പരി​ശോ​ധി​ച്ചി​ട്ടു”ണ്ടെന്നു സുവി​ശേഷ എഴുത്തു​കാ​ര​നായ ലൂക്കൊസ്‌ പറഞ്ഞു. വ്യക്തമാ​യും, അവൻ ഉല്‌പ​ത്തി​യി​ലെ സൃഷ്ടി​പ്പിൻ വിവരണം വിശ്വ​സി​ച്ചി​രു​ന്നു.—ലൂക്കൊസ്‌ 1:4.

പൗലൊസ്‌ അപ്പൊ​സ്‌ത​ലന്‌ യേശു​ക്രി​സ്‌തു​വി​ലു​ണ്ടാ​യി​രുന്ന വിശ്വാ​സം ഉല്‌പത്തി വിവര​ണ​ത്തി​ലുള്ള വിശ്വാ​സ​വു​മാ​യി ബന്ധപ്പെ​ട്ടി​രു​ന്നു. അവൻ എഴുതി: “മനുഷ്യൻമൂ​ലം മരണം ഉണ്ടാക​യാൽ മരിച്ച​വ​രു​ടെ പുനരു​ത്ഥാ​ന​വും മനുഷ്യൻമൂ​ലം ഉണ്ടായി. ആദാമിൽ എല്ലാവ​രും മരിക്കു​ന്ന​തു​പോ​ലെ ക്രിസ്‌തു​വിൽ എല്ലാവ​രും ജീവി​പ്പി​ക്ക​പ്പെ​ടും.” (1 കൊരി​ന്ത്യർ 15:21, 22) “ഏകമനു​ഷ്യ​നാൽ [ആദാമി​ലൂ​ടെ] പാപവും പാപത്താൽ മരണവും ലോക​ത്തിൽ കടന്നു” എന്നു ബൈബിൾ പറയുന്നു. അക്ഷരാർഥ​ത്തിൽ ആദാം മുഴു മനുഷ്യ​വർഗ​ത്തി​ന്റെ​യും പൂർവ​പി​താ​വ​ല്ലാ​യി​രു​ന്നെ​ങ്കിൽ ആദാമിൽനിന്ന്‌ അവകാ​ശ​പ്പെ​ടു​ത്തിയ പാപത്തി​ന്റെ പരിണ​ത​ഫ​ല​ങ്ങളെ തുടച്ചു​നീ​ക്കാൻ യേശു മരി​ക്കേ​ണ്ട​തു​ണ്ടാ​യി​രു​ന്നോ?—റോമർ 5:12; 6:23.

ഉല്‌പ​ത്തി​യി​ലെ സൃഷ്ടി​പ്പിൻ വിവര​ണ​ത്തി​ലുള്ള വിശ്വാ​സം ദുർബ​ല​പ്പെ​ടു​ത്തു​ന്നത്‌ ക്രിസ്‌തീയ വിശ്വാ​സ​ത്തി​ന്റെ​തന്നെ അടിത്ത​റ​യി​ള​ക്കു​ന്ന​തി​നു തുല്യ​മാണ്‌. പരിണാമ സിദ്ധാ​ന്ത​വും ക്രിസ്‌തു​വി​ന്റെ പഠിപ്പി​ക്ക​ലു​ക​ളും കോർത്തി​ണ​ക്കുക സാധ്യമല്ല. ഇവ രണ്ടും സമന്വ​യി​പ്പി​ക്കാൻ നടത്തുന്ന ഏതൊരു ശ്രമവും “ഉപദേ​ശ​ത്തി​ന്റെ ഓരോ കാറ്റി​നാൽ അലഞ്ഞു​ഴ​ലുന്ന” ദുർബ​ല​മായ ഒരു വിശ്വാ​സം ഉടലെ​ടു​ക്കു​ന്ന​തി​നു മാത്രമേ ഉപകരി​ക്കു​ക​യു​ള്ളൂ.—എഫെസ്യർ 4:14.

ഉറച്ച അടിസ്ഥാ​ന​മുള്ള വിശ്വാ​സം

നൂറ്റാ​ണ്ടു​ക​ളോ​ളം അപകീർത്തി​ക്കും വിമർശ​ന​ത്തി​നും വിധേ​യ​മാ​യി​ട്ടു​ണ്ടെ​ങ്കി​ലും ബൈബിൾ എല്ലായ്‌പോ​ഴും സത്യ​മെന്നു തെളി​ഞ്ഞി​രി​ക്കു​ന്നു. ചരിത്രം, ആരോ​ഗ്യം, ശാസ്‌ത്രം എന്നിവ​യു​മാ​യി ബന്ധപ്പെട്ട കാര്യങ്ങൾ ബൈബിൾ പ്രതി​പാ​ദി​ക്കു​മ്പോൾ, ആ വിവരങ്ങൾ വിശ്വ​സ​നീ​യ​മാ​ണെന്നു വീണ്ടും​വീ​ണ്ടും തെളി​ഞ്ഞി​ട്ടുണ്ട്‌. മാനു​ഷിക ബന്ധങ്ങൾ സംബന്ധി​ച്ചുള്ള അതിന്റെ ബുദ്ധി​യു​പ​ദേ​ശങ്ങൾ ആശ്രയ​യോ​ഗ്യ​വും കാലം മങ്ങലേൽപ്പി​ക്കാ​ത്ത​തു​മാണ്‌. മാനു​ഷിക തത്ത്വശാ​സ്‌ത്ര​ങ്ങ​ളും സിദ്ധാ​ന്ത​ങ്ങ​ളും പുല്ലു​പോ​ലെ പൊട്ടി​മു​ള​യ്‌ക്കു​ക​യും കാലം കടന്നു​പോ​കു​ന്ന​തോ​ടെ വാടി​ക്ക​രി​ഞ്ഞു പോകു​ക​യും ചെയ്യുന്നു, എന്നാൽ ദൈവ​ത്തി​ന്റെ വചനമോ “എന്നേക്കും നിലനി​ല്‌ക്കും.”—യെശയ്യാ​വു 40:8.

പരിണാ​മ​ത്തെ​ക്കു​റി​ച്ചുള്ള പഠിപ്പി​ക്കൽ കേവലം ശാസ്‌ത്ര സിദ്ധാ​ന്ത​ത്തി​ന്റെ മണ്ഡലത്തിൽ ഒതുങ്ങി നിൽക്കു​ന്നതല്ല. പൊട്ടി​മു​ള​യ്‌ക്കു​ക​യും പിന്നീട്‌ ദശാബ്ദ​ങ്ങ​ളോ​ളം തഴച്ചു വളരു​ക​യും ചെയ്‌ത ഒരു മാനു​ഷിക തത്ത്വശാ​സ്‌ത്ര​മാ​ണത്‌. എന്നിരു​ന്നാ​ലും, പ്രകൃ​തി​യി​ലെ രൂപസം​വി​ധാ​ന​ത്തി​ന്റെ വർധി​ച്ചു​വ​രുന്ന തെളി​വു​കൾ ഖണ്ഡിക്കാ​നുള്ള ശ്രമത്തിൽ, അടുത്ത​കാ​ലത്ത്‌ ഡാർവി​ന്റെ പരിണാമ സിദ്ധാ​ന്തം​തന്നെ ‘പരിണാമ’ത്തിനു—വാസ്‌ത​വ​ത്തിൽ ഉത്‌പ​രി​വർത്ത​ന​ങ്ങൾക്ക്‌—വിധേ​യ​മാ​യി​രി​ക്കു​ന്നു. ഈ വിഷയ​ത്തെ​ക്കു​റിച്ച്‌ കൂടുതൽ മനസ്സി​ലാ​ക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു. ഈ ലക്കത്തിലെ മറ്റു ലേഖനങ്ങൾ വായി​ക്കു​ന്ന​തി​ലൂ​ടെ നിങ്ങൾക്ക്‌ അതിനു സാധി​ക്കും. കൂടാതെ, ഈ പേജി​ലും 32-ാം പേജി​ലും കാണി​ച്ചി​രി​ക്കുന്ന പ്രസി​ദ്ധീ​ക​ര​ണ​ങ്ങ​ളും നിങ്ങൾക്ക്‌ വായി​ക്കാ​വു​ന്ന​താണ്‌.

ഈ വിഷയ​ത്തെ​ക്കു​റിച്ച്‌ ഗവേഷണം നടത്തി​ക്ക​ഴി​യു​മ്പോൾ, കഴിഞ്ഞ കാല​ത്തെ​ക്കു​റി​ച്ചു ബൈബിൾ പറയുന്ന കാര്യ​ങ്ങ​ളി​ലുള്ള നിങ്ങളു​ടെ വിശ്വാ​സം ബലപ്പെ​ടു​ന്ന​താ​യി നിങ്ങൾ തിരി​ച്ച​റി​ഞ്ഞേ​ക്കാം. അതിലും പ്രധാ​ന​മാ​യി, ഭാവി​യെ​ക്കു​റി​ച്ചുള്ള ബൈബിൾ വാഗ്‌ദാ​ന​ങ്ങ​ളി​ലുള്ള വിശ്വാ​സ​വും ശക്തി​പ്പെ​ടും. (എബ്രായർ 11:1) “ആകാശ​വും ഭൂമി​യും . . . ഉണ്ടാക്കി”യവനായ യഹോ​വയെ സ്‌തു​തി​ക്കാൻ നിങ്ങൾ പ്രേരി​ത​രാ​യി​ത്തീ​രു​ക​യും ചെയ്യും.—സങ്കീർത്തനം 146:6.

കൂടുതലായ വായന​യ്‌ക്ക്‌

സകലർക്കും വേണ്ടി​യുള്ള ഒരു ഗ്രന്ഥം ബൈബി​ളി​ന്റെ ആധികാ​രി​ക​തയെ സാക്ഷ്യ​പ്പെ​ടു​ത്തുന്ന ചില ഉദാഹ​ര​ണങ്ങൾ ഈ ലഘുപ​ത്രി​ക​യിൽ ചർച്ച​ചെ​യ്‌തി​രി​ക്കു​ന്നു

Is There a Creator Who Cares About You? കൂടുതൽ ശാസ്‌ത്രീയ തെളി​വു​കൾ പരി​ശോ​ധി​ക്കുക. കരുത​ലുള്ള ഒരു ദൈവം ഇത്രമാ​ത്രം കഷ്ടപ്പാട്‌ അനുവ​ദി​ക്കു​ന്ന​തി​ന്റെ കാരണ​വും മനസ്സി​ലാ​ക്കു​ക

ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? ഈ പുസ്‌ത​ക​ത്തി​ന്റെ 3-ാം അധ്യാ​യ​ത്തിൽ “ഭൂമിയെ സംബന്ധിച്ച ദൈ​വോ​ദ്ദേ​ശ്യം എന്ത്‌?” എന്ന ചോദ്യ​ത്തി​നുള്ള ഉത്തരം കണ്ടെത്താം

[10-ാം പേജിലെ ആകർഷക വാക്യം]

യേശു ഉല്‌പ​ത്തി​യി​ലെ സൃഷ്ടി​പ്പിൻ വിവരണം വിശ്വ​സി​ച്ചി​രു​ന്നു. അവന്റെ വിശ്വാ​സം തെറ്റാ​യി​രു​ന്നോ?

[9-ാം പേജിലെ ചതുരം]

പരിണാമം എന്നാൽ എന്ത്‌?

“ക്രമാ​നു​ഗ​ത​മാ​യി ഒരു നിശ്ചിത ദിശയിൽ പരിവർത്തനം സംഭവി​ക്കുന്ന പ്രക്രിയ” എന്ന്‌ “പരിണാ​മം” നിർവ​ചി​ക്ക​പ്പെ​ടു​ന്നു. എന്നാൽ ഇത്‌ പരിണാ​മ​ത്തി​നു കൊടു​ത്തി​രി​ക്കുന്ന നിരവധി നിർവ​ച​ന​ങ്ങ​ളിൽ ഒന്നു മാത്ര​മാണ്‌. ഈ പദം വ്യത്യസ്‌ത വിധങ്ങ​ളിൽ ഉപയോ​ഗി​ക്ക​പ്പെ​ടു​ന്നു. അചേതന വസ്‌തു​ക്ക​ളി​ലെ വലിയ മാറ്റങ്ങളെ—പ്രപഞ്ച​ത്തി​ന്റെ വികാ​സത്തെ—കുറി​ക്കാ​നും അതു​പോ​ലെ സചേതന വസ്‌തു​ക്ക​ളി​ലെ ചെറിയ മാറ്റങ്ങളെ—സസ്യമൃ​ഗാ​ദി​കൾ പരിസ്ഥി​തി​യു​മാ​യി ഇണങ്ങി​ച്ചേ​രുന്ന വിധത്തെ—കുറി​ക്കാ​നും ഈ പദം ഉപയോ​ഗി​ക്കാ​റുണ്ട്‌. എന്നിരു​ന്നാ​ലും ഈ പദം സർവസാ​ധാ​ര​ണ​മാ​യി ഉപയോ​ഗി​ക്കു​ന്നത്‌, അചേതന രാസവ​സ്‌തു​ക്ക​ളിൽനി​ന്നും ജീവൻ ആവിർഭ​വിച്ച്‌ പ്രജന​ന​ശേ​ഷി​യുള്ള കോശ​ങ്ങ​ളാ​യി രൂപം​കൊ​ള്ളു​ക​യും ഈ കോശങ്ങൾ ക്രമേണ കൂടുതൽ സങ്കീർണ​മായ ജീവരൂ​പ​ങ്ങ​ളാ​യി വികാസം പ്രാപി​ക്കു​ക​യും അങ്ങനെ ഉരുത്തി​രിഞ്ഞ ജീവരൂ​പ​ങ്ങ​ളിൽ ഏറ്റവും ബുദ്ധി​ശ​ക്തി​യു​ള്ളത്‌ മനുഷ്യ​നാ​ണെ​ന്നു​മുള്ള സിദ്ധാ​ന്തത്തെ പരാമർശി​ക്കാ​നാണ്‌. ഈ ലേഖന​ത്തിൽ ഉപയോ​ഗി​ച്ചി​രി​ക്കുന്ന “പരിണാ​മം” എന്ന പദത്തിനു മൂന്നാ​മതു കൊടു​ത്തി​രി​ക്കുന്ന അർഥമാ​ണു​ള്ളത്‌.

[10-ാം പേജിലെ ചിത്ര​ങ്ങൾക്ക്‌ കടപ്പാട്‌]

Space photo: J. Hester and P. Scowen (AZ State Univ.), NASA

ഒരു ജീവര​സ​ത​ന്ത്ര​ജ്ഞ​നു​മാ​യുള്ള അഭിമു​ഖം

ഐക്യ​നാ​ടു​ക​ളി​ലെ പെൻസിൽവേ​നി​യ​യി​ലുള്ള ലീഹൈ യൂണി​വേ​ഴ്‌സി​റ്റി​യിൽ ഇപ്പോൾ ജൈവ​ര​സ​തന്ത്ര പ്രൊ​ഫ​സ​റായ മൈക്കിൾ ബീഹി 1996-ൽ ഡാർവിൻസ്‌ ബ്ലാക്‌ബോ​ക്‌സ്‌—ദ ബയോ​കെ​മി​ക്കൽ ചലഞ്ച്‌ റ്റു ഇവല്യൂ​ഷൻ എന്ന തന്റെ പുസ്‌തകം പ്രകാ​ശനം ചെയ്‌തു. 1997 മേയ്‌ 8 ലക്കം ഉണരുക!യിൽ “നാം ഇവിടെ എങ്ങനെ വന്നു? യാദൃ​ച്ഛിക സംഭവ​ത്താ​ലോ രൂപകൽപ്പ​ന​യാ​ലോ?” എന്ന ലേഖന​പ​ര​മ്പ​ര​യിൽ ബീഹി​യു​ടെ പുസ്‌ത​ക​ത്തി​ലെ ചില ഭാഗങ്ങൾ പരാമർശി​ക്കു​ക​യു​ണ്ടാ​യി. ഡാർവിൻസ്‌ ബ്ലാക്ക്‌ ബോക്‌സ്‌ പ്രസി​ദ്ധീ​ക​രി​ച്ച​തി​നെ തുടർന്നുള്ള ഒരു ദശകത്തിൽ പരിണാ​മ​വാ​ദി​ക​ളായ ശാസ്‌ത്ര​ജ്ഞ​ന്മാർ ബീഹി​യു​ടെ വാദമു​ഖ​ങ്ങളെ ഖണ്ഡിക്കാൻ നന്നേ പാടു​പെട്ടു. ഒരു റോമൻ കത്തോ​ലി​ക്ക​നാ​യി​രുന്ന അദ്ദേഹ​ത്തി​ന്റെ ശാസ്‌ത്രീയ നിഗമ​ന​ങ്ങളെ മതവി​ശ്വാ​സങ്ങൾ സ്വാധീ​നി​ക്കു​ന്ന​താ​യി വിമർശകർ ആരോ​പി​ച്ചി​ട്ടുണ്ട്‌. അശാസ്‌ത്രീ​യ​മായ ന്യായ​വാ​ദ​ങ്ങ​ളാണ്‌ അദ്ദേഹ​ത്തി​ന്റേ​തെന്ന്‌ മറ്റുചി​ലർ കുറ്റ​പ്പെ​ടു​ത്തു​ന്നു. പ്രൊ​ഫസർ ബീഹി​യു​ടെ ആശയങ്ങൾ ഇത്രയും കോളി​ളക്കം സൃഷ്ടി​ച്ചത്‌ എന്തു​കൊ​ണ്ടെ​ന്ന​റി​യാൻ ഉണരുക! അദ്ദേഹ​വു​മാ​യി ഒരു അഭിമു​ഖ​സം​ഭാ​ഷണം നടത്തു​ക​യു​ണ്ടാ​യി.

ഉണരുക!: ജീവൻ ബുദ്ധി​പൂർവ​ക​മായ ഒരു രൂപകൽപ്പ​ന​യ്‌ക്കു തെളിവു നൽകു​ന്നു​വെന്നു താങ്കൾ കരുതു​ന്നത്‌ എന്തു​കൊ​ണ്ടാണ്‌?

പ്രൊ​ഫസർ ബീഹി: സങ്കീർണ​മായ പ്രവർത്ത​നങ്ങൾ ഉൾപ്പെ​ട്ടി​രി​ക്കുന്ന എന്തെങ്കി​ലും കാണു​മ്പോൾ അതൊരു രൂപകൽപ്പ​ന​യു​ടെ ഫലമാ​ണെന്ന അനുമാ​ന​ത്തിൽ നാം എത്തുന്നു. നാം ദൈന​ദി​നം ഉപയോ​ഗി​ക്കുന്ന ഒരു പുല്ലു​വെ​ട്ടി​യ​ന്ത്ര​മോ ഒരു കാറോ എന്തിന്‌, ഒരു നിസ്സാര യന്ത്രം പോലു​മോ ദൃഷ്ടാ​ന്ത​മാ​യെ​ടു​ക്കാ​വു​ന്ന​താണ്‌. ഒരു എലി​ക്കെണി യുടെ ദൃഷ്ടാ​ന്ത​മാണ്‌ ഞാൻ സാധാ​ര​ണ​മാ​യി ഉപയോ​ഗി ക്കാറു​ള്ളത്‌. ഒരു എലിയെ പിടി​ക്കുക എന്ന ഉദ്ദേശ്യ​ത്തിന്‌ ഉതകും​വി​ധം ആ ഉപകര​ണ​ത്തി​ന്റെ പല ഭാഗങ്ങൾ ക്രമീ​ക​രി​ച്ചി​ക്കു​ന്നതു കാണു​മ്പോൾ അതു രൂപകൽപ്പന ചെയ്‌ത​താ​ണെന്നു നിങ്ങൾ നിഗമനം ചെയ്യും.

ഒരു ജീവി​യു​ടെ കോശ​പ്ര​വർത്ത നങ്ങൾ അനാവ​രണം ചെയ്യാ​നാ​കുന്ന അളവോ​ളം ശാസ്‌ത്രം ഇന്നു പുരോ​ഗ​മി​ച്ചി​ട്ടുണ്ട്‌. നമ്മെ അതിശ​യി​പ്പി​ക്കു​മാറ്‌, ജീവന്റെ തന്മാത്രാ തലത്തി​ലുള്ള പ്രവർത്ത​ന​ക്ഷ​മ​വും സങ്കീർണ​വു​മായ ‘യന്ത്രസാ​മ​ഗ്രി​ക​ളെ​യും’ ശാസ്‌ത്രം കണ്ടുപി​ടി​ച്ചി​രി​ക്കു​ന്നു. ഉദാഹ​ര​ണ​മാ​യി, ജീവനുള്ള കോശ​ങ്ങ​ളിൽ ഒരു വശത്തു​നി​ന്നും മറുവ​ശ​ത്തേക്ക്‌ അവശ്യ​വ​സ്‌തു​ക്കളെ വഹിച്ചു​കൊ​ണ്ടു​പോ​കുന്ന അതിസൂ​ക്ഷ്‌മ​ങ്ങ​ളായ തന്മാത്രാ ‘ട്രക്കുകൾ’ ഉണ്ട്‌. അത്തരം ‘ട്രക്കുകൾ’ ഇടത്തോ​ട്ടോ വലത്തോ​ട്ടോ തിരി​യു​ന്ന​തി​നുള്ള നിർദേ​ശങ്ങൾ അടങ്ങുന്ന ചെറിയ തന്മാത്രാ ‘സൂചക ബോർഡു​ക​ളും’ അവിടെ കാണാം. ചില കോശ​ങ്ങൾക്ക്‌ ദ്രാവക മാധ്യമ ത്തിലൂടെ അവയെ തള്ളിനീ​ക്കുന്ന തന്മാത്രാ ‘മോ​ട്ടോ​റു​കൾ’ ഉണ്ട്‌. ആളുകൾ അത്തരം സങ്കീർണ​മായ പ്രവർത്ത​നങ്ങൾ മറ്റെവി​ടെ​യെ​ങ്കി​ലു​മാണ്‌ കാണു​ന്ന​തെ​ങ്കിൽ അവ രൂപകൽപ്പ​ന​യു​ടെ തെളി​വാ​ണെന്ന നിഗമ​ന​ത്തി​ലെ​ത്തും. ഡാർവി​ന്റെ അവകാ​ശ​വാ​ദങ്ങൾ നിലവി​ലു​ണ്ടെ​ങ്കി​ലും മേൽപ്പറഞ്ഞ സങ്കീർണ​ത​യ്‌ക്കു മറ്റൊരു വിശദീ​ക​രണം ഇല്ല. സങ്കീർണ​മായ പ്രവർത്ത​നങ്ങൾ എവി​ടെ​യു​ണ്ടോ അവി​ടെ​യെ​ല്ലാം ഒരു രൂപകൽപ്പ​ന​യുണ്ട്‌ എന്നതി​നാൽ, ഈ ജൈവ​രാസ വ്യവസ്ഥ​ക​ളും ഒരു ബുദ്ധി​പൂർവ​ക​മായ രൂപകൽപ്പ​ന​യു​ടെ ഫലമാ​ണെന്നു ചിന്തി​ക്കു​ന്നതു ന്യായ​മാണ്‌.

ഉണരുക!: ബുദ്ധി​പൂർവ​ക​മായ രൂപകൽപ്പന എന്ന താങ്കളു​ടെ നിഗമ​ന​ത്തോട്‌ ബഹുഭൂ​രി​പക്ഷം സഹപ്ര​വർത്ത​ക​രും വിയോ​ജി​ക്കു​ന്നത്‌ എന്തു​കൊ​ണ്ടാ​ണെ​ന്നാണ്‌ താങ്കൾ കരുതു​ന്നത്‌?

പ്രൊ​ഫസർ ബീഹി: പല ശാസ്‌ത്ര​ജ്ഞ​രും എന്റെ നിഗമ​ന​ങ്ങ​ളോ​ടു യോജി​ക്കാ​ത്ത​തി​ന്റെ കാരണം, ബുദ്ധി​പൂർവ​ക​മായ രൂപകൽപ്പന എന്ന ആശയത്തിന്‌ ഒരു ശാസ്‌​ത്രേതര വശമു​ണ്ടെന്ന്‌ അവർ തിരി​ച്ച​റി​യു​ന്നു, അതായത്‌ അത്‌ പ്രകൃ​ത്യ​തീ​ത​മായ ഒന്നി​ലേക്കു വിരൽ ചൂണ്ടു​ന്ന​താ​യി തോന്നു​ന്നു എന്നതാണ്‌. ഈ വസ്‌തുത അനേക​രെ​യും അസ്വസ്ഥ​രാ​ക്കു​ന്നു. എന്നാൽ തെളി​വു​കൾ എങ്ങോട്ടു നയിച്ചാ​ലും അതി​നെ​യാ​ണു ശാസ്‌ത്രം പിൻപ​റ്റേ​ണ്ടത്‌ എന്നാണ്‌ ഞാൻ പഠിച്ചി​ട്ടു​ള്ളത്‌. നമുക്ക്‌ അംഗീ​ക​രി​ക്കാൻ ഇഷ്ടമി​ല്ലാത്ത ഒരു വശം ഉണ്ടെന്ന​തി​ന്റെ പേരിൽ മാത്രം ശക്തമായ തെളി​വു​ക​ളുള്ള എന്തെങ്കി​ലും തള്ളിക്ക​ള​യു​ന്നത്‌ തികച്ചും ലജ്ജാക​ര​മാ​ണെ​ന്നാണ്‌ എന്റെ പക്ഷം.

ഉണരുക!: ബുദ്ധി​പൂർവ​ക​മായ രൂപകൽപ്പ​ന​യെന്ന ആശയത്തെ സ്വീക​രി​ക്കു​ന്നത്‌ അജ്ഞതയെ പ്രോ​ത്സാ​ഹി​പ്പി​ക്ക​ലാണ്‌ എന്ന വിമർശ​ക​രു​ടെ അഭി​പ്രാ​യ​ത്തോ​ടുള്ള താങ്കളു​ടെ പ്രതി​ക​രണം എന്താണ്‌?

പ്രൊ​ഫസർ ബീഹി: ബുദ്ധി​പൂർവ​ക​മായ രൂപകൽപ്പന എന്ന നിഗമനം അജ്ഞതയു​ടെ ഫലമല്ല. കാര്യങ്ങൾ അറിയാ​ഞ്ഞി​ട്ടല്ല, മറിച്ച്‌ വ്യക്തമാ​യി അറിയാ​വു ന്നതു​കൊ​ണ്ടാണ്‌ അങ്ങനെ​യൊ​രു ആശയത്തെ അംഗീ​ക​രി​ക്കു​ന്നത്‌. 150 വർഷം മുമ്പ്‌ ഡാർവിൻ ദി ഒറിജിൻ ഓഫ്‌ സ്‌പീ​ഷീസ്‌ എന്ന തന്റെ ഗ്രന്ഥം പ്രസി​ദ്ധീ​ക​രി​ച്ച​പ്പോൾ ജീവൻ തികച്ചും ലളിത​മായ ഒന്നാ​ണെന്നു തോന്നി​യി​രു​ന്നു. കടൽത്ത​ട്ടിൽനി​ന്നു താനേ ഉരുത്തി​രി​ഞ്ഞേ​ക്കാ​വുന്ന അത്രയും ലളിത​വും നിസ്സാ​ര​വു​മാണ്‌ കോശം എന്നാണ്‌ ശാസ്‌ത്രജ്ഞർ വിശ്വ​സി​ച്ചി​രു​ന്നത്‌. എന്നാൽ അതിനു​ശേഷം, കോശങ്ങൾ അതീവ സങ്കീർണ​മാ​ണെന്ന്‌, 21-ാം നൂറ്റാ​ണ്ടി​ലെ യന്ത്രസാ​മ​ഗ്രി​ക​ളെ​ക്കാ​ളൊ​ക്കെ അത്യന്തം സങ്കീർണ​മാ​ണെന്ന്‌, ശാസ്‌ത്രം കണ്ടുപി​ടി​ച്ചു. കോശ​ത്തി​നു​ള്ളി​ലെ സങ്കീർണ പ്രവർത്ത​നങ്ങൾ ഉദ്ദേശ്യ​പൂർണ​മായ രൂപകൽപ്പ​ന​യു​ടെ തെളി​വാണ്‌.

ഉണരുക!: താങ്കൾ പറയുന്ന തന്മാ​ത്രാ​ത​ല​ത്തി​ലുള്ള സങ്കീർണ പ്രവർത്ത​നങ്ങൾ പ്രകൃ​തി​നിർധാ​ര​ണ​ത്തി​ലൂ​ടെ​യുള്ള പരിണാ​മ​ത്തി​ന്റെ ഫലമാ​കാം എന്നതിന്‌ എന്തെങ്കി​ലും ശാസ്‌ത്രീയ അടിസ്ഥാ​ന​മു​ണ്ടോ?

പ്രൊ​ഫസർ ബീഹി: പരിണാമ പ്രക്രി​യ​യി​ലൂ​ടെ അത്തരം സങ്കീർണ പ്രവർത്ത​നങ്ങൾ ഉരുത്തി​രി​ഞ്ഞ​തെ​ങ്ങ​നെ​യെന്നു വിശദീ​ക​രി​ക്കുന്ന പരീക്ഷ​ണങ്ങൾ ആരെങ്കി​ലും നടത്തി​യ​തി​ന്റെ​യോ വിശദ​മായ ശാസ്‌ത്രീയ മാതൃ​കകൾ അവതരി​പ്പി​ച്ച​തി​ന്റെ​യോ യാതൊ​രു രേഖയും ശാസ്‌ത്ര​ഗ്ര​ന്ഥ​ങ്ങ​ളിൽ നിങ്ങൾക്കു കണ്ടെത്താ​നാ​വില്ല. എന്റെ പുസ്‌തകം പുറത്തി​റങ്ങി പത്തുവർഷ​ത്തി​നു​ള്ളിൽ ജീവൻ ബുദ്ധി​പൂർവ​ക​മായ രൂപകൽപ്പ​ന​യ്‌ക്കു തെളിവു നൽകു​ന്നു​വെന്ന ആശയത്തെ ചെറു​ക്കാൻ സാധി​ക്കു​ന്ന​തെ​ല്ലാം ചെയ്യാൻ നാഷണൽ അക്കാദമി ഓഫ്‌ സയൻസസ്‌, അമേരി​ക്കൻ അസ്സോ​സി​യേഷൻ ഫോർ ദ അഡ്വാൻസ്‌മെന്റ്‌ ഓഫ്‌ സയൻസ്‌ എന്നിവ​പോ​ലുള്ള അനേകം ശാസ്‌ത്ര സംഘട​നകൾ അവയുടെ അംഗങ്ങ​ളോട്‌ അടിയ​ന്തിര ആഹ്വാനം ചെയ്‌തി​ട്ടു​കൂ​ടി ആണ്‌ ഇത്തര​മൊ​രു സ്ഥിതി​വി​ശേഷം നിലവി​ലു​ള്ള​തെന്ന്‌ ഓർക്കണം.

ഉണരുക!: ചില സസ്യങ്ങ​ളു​ടെ​യും ജന്തുക്ക​ളു​ടെ​യും മറ്റും രൂപഘ​ട​ന​യി​ലെ ഏതെങ്കി​ലും വശം ചൂണ്ടി​ക്കാ​ണി​ച്ചിട്ട്‌ അത്‌ ശരിയായ വിധത്തി​ലു​ള്ള​ത​ല്ലെന്നു പറയു​ന്ന​വ​രോ​ടുള്ള താങ്കളു​ടെ പ്രതി​ക​രണം എന്താണ്‌?

പ്രൊ​ഫസർ ബീഹി: ഒരു സസ്യത്തി​ന്റെ​യോ ജന്തുവി​ന്റെ​യോ രൂപകൽപ്പ​ന​യി​ലുള്ള ഒരു പ്രത്യേ​ക​വശം നമുക്ക്‌ അറിയാൻ പാടില്ല എന്നതു​കൊ​ണ്ടു മാത്രം അത്‌ ഒരു സുപ്ര​ധാന ധർമം നിർവ​ഹി​ക്കു​ന്നില്ല എന്നു വരുന്നില്ല. ഉദാഹ​ര​ണ​ത്തിന്‌, ഉപയോഗ ശൂന്യേ​ന്ദ്രി​യങ്ങൾ (vestigial organs) എന്നു വിളി​ക്ക​പ്പെ​ടു​ന്നവ മനുഷ്യ​ന്റെ​യും മറ്റു ജീവി​ക​ളു​ടെ​യും ശരീര​ത്തി​ന്റെ രൂപകൽപ്പ​ന​യി​ലുള്ള ഒരു ന്യൂന​ത​യു​ടെ തെളി​വാ​ണെന്ന്‌ ഒരിക്കൽ കരുതി​യി​രു​ന്നു. ഒരുകാ​ലത്ത്‌ അപ്പെൻഡി​ക്‌സും ടോൺസിൽസും ഉപയോ​ഗ​ശൂ​ന്യ​മാ​ണെന്നു കരുതി അവ ശസ്‌ത്ര​ക്രി​യ​യി​ലൂ​ടെ നീക്കം ചെയ്‌തി​രു​ന്നു. എന്നാൽ പിന്നീട്‌, ഈ അവയവങ്ങൾ രോഗ​പ്ര​തി​രോധ വ്യവസ്ഥ​യിൽ ഒരു സുപ്ര​ധാന പങ്കുവ​ഹി​ക്കു​ന്നു​വെ​ന്നും അവയെ മേലാൽ ഉപയോഗ ശൂന്യേ​ന്ദ്രി​യ​ങ്ങ​ളാ​യി കണക്കാ​ക്കാ​നാ​വി​ല്ലെ​ന്നും കണ്ടുപി​ടി​ക്കു​ക​യു​ണ്ടാ​യി.

ജൈവ​ലോ​കത്ത്‌ ചില മാറ്റങ്ങൾ യാദൃ​ച്ഛി​ക​മാ​യി സംഭവി​ക്കു​ന്നുണ്ട്‌ എന്നതാണ്‌ മനസ്സിൽപ്പി​ടി​ക്കേണ്ട മറ്റൊരു വസ്‌തുത. എന്റെ കാറിന്‌ ഒരു ചളുക്ക​മുണ്ട്‌ അല്ലെങ്കിൽ അതിന്റെ ടയർ പങ്‌ച​റാ​യി എന്നതു​കൊ​ണ്ടു മാത്രം കാറോ ടയറോ രൂപകൽപ്പന ചെയ്യ​പ്പെ​ട്ടതല്ല എന്നു വരുന്നില്ല. സമാന​മാ​യി, ജൈവ​ലോ​കത്ത്‌ ചില കാര്യങ്ങൾ യാദൃ​ച്ഛി​ക​മാ​യി സംഭവി​ക്കു​ന്നുണ്ട്‌ എന്നത്‌ ജീവന്റെ തന്മാ​ത്രാ​ത​ല​ത്തി​ലുള്ള സങ്കീർണ​വും പരിഷ്‌കൃ​ത​വു​മായ ‘യന്ത്രസം​വി​ധാ​നം’ യാദൃ​ച്ഛി​ക​മാ​യി ഉണ്ടായ​താ​ണെന്ന്‌ അർഥമാ​ക്കു​ന്നില്ല. ആ വാദഗതി ഒരിക്ക​ലും യുക്തിക്കു നിരക്കു​ന്നതല്ല.

[12-ാം പേജിലെ ആകർഷക വാക്യം]

“നമുക്ക്‌ അംഗീ​ക​രി​ക്കാൻ ഇഷ്ടമി​ല്ലാത്ത ഒരു വശം ഉണ്ടെന്ന​തി​ന്റെ പേരിൽ മാത്രം ശക്തമായ തെളി​വു​ക​ളുള്ള എന്തെങ്കി​ലും തള്ളിക്ക​ള​യു​ന്നത്‌ തികച്ചും ലജ്ജാക​ര​മാ​ണെ​ന്നാണ്‌ എന്റെ പക്ഷം”

പരിണാ​മം ഒരു വസ്‌തു​ത​യോ?

“സൂര്യന്റെ ചൂടു​​പോ​​ലെ​തന്നെ ഒരു യാഥാർഥ്യ​മാണ്‌ പരിണാ​മം” എന്ന്‌ ഒരു പ്രമുഖ പരിണാമ ശാസ്‌ത്ര​ജ്ഞ​നായ പ്രൊ​ഫസർ റിച്ചർഡ്‌ ഡോക്കിൻസ്‌ ഉറപ്പി​ച്ചു​പ​റ​യു​ന്നു. തീർച്ച​യാ​യും, സൂര്യൻ ചൂടു​ള്ള​താ​​ണെന്നു പരീക്ഷ​ണ​ങ്ങ​ളും നേരി​ട്ടുള്ള നിരീ​ക്ഷ​ണ​ങ്ങ​ളും തെളി​യി​ക്കു​ന്നു. എന്നാൽ പരീക്ഷണ നിരീ​ക്ഷ​ണങ്ങൾ പരിണാ​മം ഒരു വസ്‌തു​ത​യാ​​ണെന്ന്‌ അതേ​പോ​​ലെ​തന്നെ അനി​ഷേ​ധ്യ​മാ​യി തെളി​യി​ക്കു​ന്നു​ണ്ടോ?

ആ ചോദ്യ​ത്തിന്‌ ഉത്തരം നൽകു​ന്ന​തി​നു​മുമ്പ്‌ ഒരു കാര്യം വ്യക്തമാ​​ക്കേ​ണ്ട​തുണ്ട്‌. കാലം കടന്നു​​പോ​കു​​മ്പോൾ ജീവജാ​ല​ങ്ങ​ളു​ടെ സന്തതി​പ​ര​മ്പ​ര​ക​ളിൽ നേരിയ മാറ്റങ്ങൾ ഉണ്ടാ​യേ​ക്കാ​​മെന്ന്‌ പല ശാസ്‌ത്ര​ജ്ഞ​രും അഭി​പ്രാ​യ​​പ്പെ​ട്ടി​ട്ടുണ്ട്‌. ചാൾസ്‌ ഡാർവിൻ ഈ പ്രക്രി​യയെ “അനു​ക്ര​മ​മായ രൂപ​ഭേ​ദ​​ത്തോ​ടു​കൂ​ടിയ തലമു​റ​ക​ളു​ടെ ആവിർഭാ​വം” എന്നു വിളിച്ചു. ഇത്തരം മാറ്റങ്ങൾ നേരിട്ടു നിരീ​ക്ഷി​ക്കാ​നും പരീക്ഷ​ണ​ങ്ങ​ളി​ലൂ​ടെ തെളി​യി​ക്കാ​നും കഴിഞ്ഞി​ട്ടുണ്ട്‌. മാത്രമല്ല, സസ്യങ്ങ​​ളെ​യും ജന്തുക്ക​​ളെ​യും പ്രജനനം നടത്തു​ന്നവർ അവ വിദഗ്‌ധ​മാ​യി ഉപയോ​ഗ​​പ്പെ​ടു​ത്തി​വ​രു​ക​യും ചെയ്യുന്നു.a ഈ മാറ്റങ്ങളെ വസ്‌തു​ത​യാ​യി പരിഗ​ണി​ക്കാ​നാ​കും. എന്നിരു​ന്നാ​ലും, അത്തരം നിസ്സാര മാറ്റങ്ങളെ കുറി​ക്കാൻ ശാസ്‌ത്രജ്ഞർ “സൂക്ഷ്‌മ​പ​രി​ണാ​മം” (microevolution) എന്ന പദം ഉപയോ​ഗി​ക്കു​ന്നു. ഈ പേരു​തന്നെ സൂചി​പ്പി​ക്കു​ന്നത്‌ അനേകം ശാസ്‌ത്ര​ജ്ഞ​രും ഉറപ്പിച്ചു പറയാ​റുള്ള ഒരു സംഗതി​​യെ​യാണ്‌​—⁠അതായത്‌, ആ നിസ്സാര മാറ്റങ്ങൾ, തികച്ചും വിഭി​ന്ന​മായ ഒരു പ്രതി​ഭാ​സ​ത്തി​നു തെളിവു നൽകുന്നു എന്ന അവകാ​ശ​വാ​ദത്തെ. ആരും നിരീ​ക്ഷി​ച്ചി​ട്ടി​ല്ലാത്ത, ആ പ്രതി​ഭാ​സത്തെ സ്ഥൂലപ​രി​ണാ​മം (macroevolution) എന്നാണ്‌ അവർ വിളി​ക്കു​ന്നത്‌.

ഡാർവി​ന്റെ കാര്യം​തന്നെ എടുക്കുക. അദ്ദേഹം, നിരീ​ക്ഷി​ക്കാൻ കഴിയുന്ന ആ നിസ്സാര മാറ്റങ്ങൾക്കും ബഹുദൂ​രം അപ്പുറ​​ത്തേക്കു പോയി. ദി ഒറിജിൻ ഓഫ്‌ സ്‌പീ​ഷീസ്‌ എന്ന തന്റെ പ്രശസ്‌ത​മായ പുസ്‌ത​ക​ത്തിൽ അദ്ദേഹം ഇങ്ങനെ എഴുതി: “ജീവി​ക​​ളെ​​യെ​ല്ലാം ഞാൻ വീക്ഷി​ക്കു​ന്നത്‌ പ്രത്യേ​കം പ്രത്യേ​കം സൃഷ്ടി​ക്ക​​പ്പെ​ട്ട​വ​യാ​യി​ട്ടല്ല, മറിച്ച്‌ ഏതാനും ചില ജീവി​ക​ളു​ടെ നിരയിൽ വരുന്ന പിൻഗാ​മി​ക​ളാ​യാണ്‌.” ദീർഘ​മായ കാലഘ​ട്ട​ങ്ങൾകൊണ്ട്‌ ആദ്യമു​ണ്ടാ​യി​രുന്ന ഈ ‘ഏതാനും ചില ജീവികൾ’ അഥവാ ലഘുവായ ജീവരൂ​പങ്ങൾ എന്നു വിളി​ക്ക​​പ്പെ​ടു​ന്നവ “തീരെ നിസ്സാ​ര​മായ രൂപഭേദ”ങ്ങളിലൂ​ടെ ഭൂമി​യിൽ ഇന്നു കാണുന്ന ദശലക്ഷ​ക്ക​ണ​ക്കി​നു വ്യത്യസ്‌ത ജീവരൂ​പ​ങ്ങ​ളാ​യി പരിണ​മി​ച്ചു​​വെന്നു ഡാർവിൻ പറയു​ക​യു​ണ്ടാ​യി. ഇത്തരം ചെറിയ മാറ്റങ്ങൾ ഒന്നിച്ചു​​ചേർന്ന്‌ മത്സ്യങ്ങൾ ഉഭയജീ​വി​ക​ളും കുരങ്ങു​കൾ മനുഷ്യ​രും ആകുന്ന​തി​നാ​വ​ശ്യ​മായ വലിയ മാറ്റങ്ങൾ ഉളവാ​ക്കി​​യെന്ന്‌ പരിണാ​മ​വാ​ദി​കൾ പഠിപ്പി​ക്കു​ന്നു. ഉണ്ടായ​താ​യി പറയ​പ്പെ​ടുന്ന ഇത്തരം വലിയ മാറ്റങ്ങളെ സ്ഥൂലപ​രി​ണാ​മം എന്നു പറയുന്നു. പലർക്കും ഈ രണ്ടാമത്തെ വാദം ന്യായ​യു​ക്ത​മാ​യി തോന്നു​ന്നു. ‘ഒരു സ്‌പീ​ഷീ​സി​നു​ള്ളിൽ ചെറിയ മാറ്റങ്ങൾ ഉണ്ടാകാ​​മെ​ങ്കിൽ ദീർഘ കാലഘ​ട്ട​ങ്ങൾകൊണ്ട്‌ പരിണാ​മ​ത്തിന്‌ എന്തു​കൊണ്ട്‌ വലിയ മാറ്റങ്ങൾ ഉളവാ​ക്കി​ക്കൂ​ടാ?’ എന്ന്‌ അവർ ചിന്തി​ക്കു​ന്നു.b

സ്ഥൂലപ​രി​ണാ​മ പഠിപ്പി​ക്കൽ മൂന്നു മുഖ്യ അനുമാ​ന​ങ്ങ​ളിൽ അധിഷ്‌ഠി​ത​മാണ:

1. ഉത്‌പ​രി​വർത്ത​നങ്ങൾ (mutations) പുതിയ സ്‌പീ​ഷീ​സു​ക​ളു​ടെ ഉത്‌പ​ത്തി​ക്കാ​വ​ശ്യ​മായ അസംസ്‌കൃത പദാർഥങ്ങൾ പ്രദാ​നം​​ചെ​യ്യു​ന്നു.c

2. പ്രകൃ​തി​നിർധാ​രണം പുതിയ സ്‌പീ​ഷീ​സു​ക​ളു​ടെ രൂപീ​ക​ര​ണ​ത്തി​നു വഴി​തെ​ളി​ക്കു​ന്നു.

3. സസ്യങ്ങ​ളി​​ലെ​യും ജന്തുക്ക​ളി​​ലെ​യും സ്ഥൂലപ​രി​ണാമ മാറ്റങ്ങൾക്കു ഫോസിൽ രേഖ തെളിവു നൽകുന്നു.

സ്ഥൂലപ​രി​ണാ​മത്തെ ഒരു വസ്‌തു​ത​യാ​യി പരിഗ​ണി​ക്കാൻ തക്കവണ്ണം അതിനുള്ള തെളി​വു​കൾ അത്ര ഈടു​റ്റ​താ​ണോ?

ഉത്‌പ​രി​വർത്ത​ന​ങ്ങൾക്കു പുതിയ സ്‌പീ​ഷീ​സു​കളെ ഉളവാ​ക്കാ​നാ​കു​മോ?

ഒരു സസ്യത്തി​​ന്റെ​യോ ജന്തുവി​​ന്റെ​യോ അനേകം​വ​രുന്ന വിശദാം​ശങ്ങൾ നിർണ​യി​ക്കു​ന്നത്‌ ഓരോ കോശ​ത്തി​​ന്റെ​യും മർമത്തി​ലുള്ള ബ്ലൂപ്രി​ന്റു​ക​ളായ ജനിതക രേഖയിൽ അടങ്ങി​യി​രി​ക്കുന്ന നിർദേ​ശ​ങ്ങ​ളാണ്‌.d ജനിതക രേഖയിൽ ഉണ്ടാകുന്ന ഉത്‌പ​രി​വർത്ത​ന​ങ്ങൾക്ക്‌​—⁠അഥവാ യാദൃ​ച്ഛി​ക​വും ക്രമര​ഹി​ത​വു​മായ മാറ്റങ്ങൾക്ക്‌​—⁠സസ്യങ്ങ​ളു​​ടെ​യും ജന്തുക്ക​ളു​​ടെ​യും പിൻത​ല​മു​റ​യിൽ മാറ്റങ്ങൾ വരുത്താൻ കഴിയു​​മെന്നു ഗവേഷകർ കണ്ടെത്തി​യി​രി​ക്കു​ന്നു. 1946-ൽ, നോബൽ സമ്മാന ജേതാ​വും ഉത്‌പ​രി​വർത്തന ജനിത​ക​ശാ​സ്‌ത്ര പഠന​മേ​ഖ​ല​യു​ടെ സ്ഥാപക​നു​മായ ഹെർമൻ ജെ. മളർ ഇങ്ങനെ അവകാ​ശ​​പ്പെട്ടു: “വിരള​വും മിക്ക​പ്പോ​ഴും നിസ്സാ​ര​വു​മായ നിരവധി മാറ്റങ്ങ​ളു​ടെ ഈ ഒത്തു​ചേരൽ സസ്യങ്ങ​​ളെ​യും ജന്തുക്ക​​ളെ​യും കൃത്രി​മ​മാ​യി മെച്ച​പ്പെ​ടു​ത്തി​​യെ​ടു​ക്കു​ന്ന​തി​നുള്ള മുഖ്യ മാർഗ​മാ​യി വർത്തി​ക്കു​ന്നു. ഏറെ പ്രധാ​ന​മാ​യി, പ്രകൃ​തി​നിർധാ​ര​ണ​ത്തി​ന്റെ നിയ​ന്ത്ര​ണ​ത്തിൽ നടന്നി​രി​ക്കുന്ന സ്വാഭാ​വിക പരിണാ​മ​ത്തിന്‌ അടിസ്ഥാ​ന​മാ​യി​രി​ക്കു​ന്ന​തും മാറ്റങ്ങ​ളു​ടെ ഈ ഒത്തു​ചേ​ര​ലാണ്‌.”

വാസ്‌ത​വ​ത്തിൽ, ഉത്‌പ​രി​വർത്ത​ന​ങ്ങൾക്ക്‌ പുതിയ സ്‌പീ​ഷീ​സു​കളെ മാത്രമല്ല തികച്ചും പുതിയ സസ്യ-ജന്തു കുലങ്ങ​​ളെ​യും ഉത്‌പാ​ദി​പ്പി​ക്കാൻ കഴിയു​​മെ​ന്നുള്ള വാദത്തി​ലാണ്‌ സ്ഥൂലപ​രി​ണാമ പഠിപ്പി​ക്കൽ അടിസ്ഥാ​ന​​പ്പെ​ട്ടി​രി​ക്കു​ന്നത്‌. ശക്തമായ ഈ അവകാ​ശ​വാ​ദ​ത്തി​ന്റെ മാറ്റു​ര​ച്ചു​​നോ​ക്കാൻ എന്തെങ്കി​ലും മാർഗ​മു​ണ്ടോ? ജനിതക ഗവേഷണ മേഖല​യി​ലെ ഏതാണ്ട്‌ 100 വർഷത്തെ പഠനം എന്താണു വെളി​​പ്പെ​ടു​ത്തി​യി​രി​ക്കു​ന്നത്‌ എന്നു പരിചി​ന്തി​ക്കുക.

പ്രകൃ​തി​നിർധാ​ര​ണ​ത്തിന്‌ യാദൃ​ച്ഛിക ഉത്‌പ​രി​വർത്ത​നങ്ങൾ ഉപയോ​ഗ​​പ്പെ​ടു​ത്തി പുതിയ സ്‌പീ​ഷീ​സി​ലുള്ള സസ്യങ്ങളെ ഉത്‌പാ​ദി​പ്പി​ക്കാൻ കഴിയു​​മെ​ങ്കിൽ, കൃത്രി​മ​മായ അഥവാ മനുഷ്യൻ തിര​ഞ്ഞെ​ടു​ക്കുന്ന ഉത്‌പ​രി​വർത്ത​ന​ങ്ങൾക്ക്‌ അതിലും കാര്യ​ക്ഷ​മ​മാ​യി അതു ചെയ്യാൻ കഴി​യേ​ണ്ട​താണ്‌ എന്ന ആശയം 1930-കളുടെ ഒടുവിൽ ശാസ്‌ത്രജ്ഞർ ഇരുക​യ്യും നീട്ടി സ്വീക​രി​ച്ചു. “ജനിതക ശാസ്‌ത്ര​ജ്ഞർക്കി​ട​യി​ലും, പൊതു​വേ ജീവശാ​സ്‌ത്ര​ജ്ഞർക്കി​ട​യി​ലും, പ്രജന​കർക്കി​ട​യിൽ പ്രത്യേ​കി​ച്ചും ആഹ്ലാദം അലതല്ലി” എന്ന്‌ ജർമനി​യി​ലുള്ള മാക്‌സ്‌ പ്ലാങ്ക്‌ ഇൻസ്റ്റി​റ്റ്യൂട്ട്‌ ഫോർ പ്ലാന്റ്‌ ബ്രീഡിങ്‌ റിസർച്ചി​ലെ ശാസ്‌ത്ര​ജ്ഞ​നായ വോൾഫ്‌-എക്കഹാർട്ട്‌ ലോണിഗ്‌ ഉണരുക!യ്‌ക്കു നൽകിയ ഒരു അഭിമു​ഖ​ത്തിൽ പറഞ്ഞു. എന്തായി​രു​ന്നു ഈ ആഹ്ലാദ​ത്തി​നു കാരണം? 28 വർഷമാ​യി സസ്യങ്ങ​ളി​ലെ ഉത്‌പ​രി​വർത്തന ജനിത​ക​​ത്തെ​ക്കു​റി​ച്ചു പഠിക്കുന്ന ലോണിഗ്‌ ഇങ്ങനെ പറഞ്ഞു: “സസ്യങ്ങ​​ളെ​യും ജന്തുക്ക​​ളെ​യും പ്രജനനം നടത്തുന്ന പരമ്പരാ​ഗ​ത​രീ​തിക്ക്‌ സമൂല​മാ​റ്റം വരുത്തേണ്ട സമയമാ​​യെന്ന്‌ ഈ ഗവേഷകർ ചിന്തിച്ചു. അനുകൂ​ല​മായ ഉത്‌പ​രി​വർത്ത​ന​ങ്ങൾക്ക്‌ ഇടയാ​ക്കു​ക​യും അവ തിര​ഞ്ഞെ​ടു​ക്കു​ക​യും ചെയ്‌തു​​കൊണ്ട്‌ പുതി​യ​തും മെച്ച​പ്പെ​ട്ട​തു​മായ സസ്യങ്ങ​​ളെ​യും ജന്തുക്ക​​ളെ​യും ഉത്‌പാ​ദി​പ്പി​ക്കാൻ കഴിയു​​മെന്ന്‌ അവർ കരുതി.”e

അമേരി​ക്കൻ ഐക്യ​നാ​ടു​കൾ, ഏഷ്യ, യൂറോപ്പ്‌ എന്നിവി​ട​ങ്ങ​ളി​ലെ ശാസ്‌ത്രജ്ഞർ പരിണാ​മത്തെ ത്വരി​ത​​പ്പെ​ടു​ത്തു​​മെന്നു കരുതിയ രീതികൾ ഉപയോ​ഗി​ച്ചു​​കൊണ്ട്‌ വൻ സാമ്പത്തിക പിന്തു​ണ​​യോ​​ടെ​യുള്ള ഗവേഷണ പരിപാ​ടി​കൾക്കു തുടക്ക​മി​ട്ടു. 40-ലധികം വർഷങ്ങൾ നീണ്ട ഊർജി​ത​മായ ഗവേഷ​ണ​ങ്ങ​ളു​ടെ ഫലമെ​ന്താ​യി​രു​ന്നു? ഗവേഷ​ക​നായ പേറ്റർ ഫോൺ സെങ്‌ബൂഷ്‌ ഇങ്ങനെ പറയുന്നു: “വളരെ​യ​ധി​കം പണംമു​ട​ക്കി​​യെ​ങ്കി​ലും റേഡി​​യേ​ഷ​നി​ലൂ​ടെ കൂടുതൽ ഉത്‌പാ​ദ​ന​ക്ഷ​മ​ത​യുള്ള ഇനങ്ങൾ ഉണ്ടാക്കി​​യെ​ടു​ക്കാ​നുള്ള ശ്രമങ്ങൾ അമ്പേ പരാജ​യ​​പ്പെട്ടു.” ലോണിഗ്‌ ഇങ്ങനെ പറഞ്ഞു: “1980-കൾ ആയപ്പോ​​ഴേ​ക്കും, ശാസ്‌ത്ര​ജ്ഞ​രു​ടെ ഇടയിൽ ഉണ്ടായി​രുന്ന പ്രതീ​ക്ഷ​ക​ളും ആഹ്ലാദ​വും ലോക​വ്യാ​പ​ക​മാ​യി പരാജ​യ​ത്തിൽ കലാശി​ച്ചി​രു​ന്നു. ഉത്‌പ​രി​വർത്തന പ്രജന​ന​ത്തിന്‌ പാശ്ചാത്യ രാജ്യ​ങ്ങ​ളിൽ ഒരു പ്രത്യേക ഗവേഷണ ശാഖ​യെ​ന്ന​നി​ല​യിൽ നിലനിൽപ്പി​ല്ലാ​​തെ​യാ​യി. ഏതാണ്ട്‌ എല്ലാ ഉത്‌പ​രി​വർത്തി​ത​ങ്ങ​ളും (mutants) ‘പ്രതികൂലമായ നിർധാ​രണ മൂല്യങ്ങൾ’ ആണു കാണി​ച്ചത്‌. അതായത്‌, അവ നശിച്ചു​​പോ​കു​ക​യോ വന്യ ഇനങ്ങളെ അപേക്ഷിച്ച്‌ ദുർബ​ല​മാ​യി​​പ്പോ​കു​ക​യോ ചെയ്‌തു.”f

എങ്കിലും ഏകദേശം 100 വർഷം ഉത്‌പ​രി​വർത്ത​ന​ങ്ങ​​ളെ​ക്കു​റി​ച്ചു പൊതു​വാ​യും 70 വർഷം ഉത്‌പ​രി​വർത്തന പ്രജന​ന​​ത്തെ​ക്കു​റി​ച്ചു മാത്ര​വും നടന്ന ഗവേഷ​ണ​ങ്ങ​ളിൽനി​ന്നു ശേഖരി​ച്ചി​രി​ക്കുന്ന വിവരങ്ങൾ പുതിയ സ്‌പീ​ഷീ​സു​കളെ ഉത്‌പാ​ദി​പ്പി​ക്കാ​നുള്ള ഉത്‌പ​രി​വർത്ത​ന​ങ്ങ​ളു​ടെ കഴിവി​​നെ​ക്കു​റി​ച്ചു നിഗമ​ന​ങ്ങ​ളിൽ എത്തി​ച്ചേ​രാൻ ശാസ്‌ത്ര​ജ്ഞരെ സഹായി​ക്കു​ന്നു. തെളി​വു​കൾ പരി​ശോ​ധി​ച്ച​​ശേഷം ലോണിഗ്‌ ഈ നിഗമ​ന​ത്തിൽ എത്തി​ച്ചേർന്നു: “[സസ്യത്തി​​ന്റെ​യോ ജന്തുവി​​ന്റെ​യോ] ഒരു സ്‌പീ​ഷീ​സി​നെ തികച്ചും പുതിയ ഒന്നാക്കി മാറ്റാൻ ഉത്‌പ​രി​വർത്ത​ന​ങ്ങൾക്കു കഴിയില്ല. ഈ നിഗമനം, 20-ാം നൂറ്റാ​ണ്ടിൽ ഉത്‌പ​രി​വർത്തന ഗവേഷ​ണ​രം​ഗത്തു നടന്ന എല്ലാ പരീക്ഷണ നിരീ​ക്ഷ​ണ​ങ്ങ​ളു​മാ​യും അവയുടെ ഫലങ്ങളു​മാ​യും അതു​പോ​ലെ സംഭവ്യ​താ നിയമ​ങ്ങ​ളു​മാ​യും യോജി​പ്പി​ലാണ്‌. അതു​കൊണ്ട്‌ ജനിത​ക​പ​ര​മാ​യി വ്യക്തമാ​യി നിർവ​ചി​ക്ക​​പ്പെ​ട്ടി​രി​ക്കുന്ന സ്‌പീ​ഷീ​സു​കൾക്ക്‌ സ്‌പഷ്ട​മായ അതിർവ​ര​മ്പു​കൾ ഉണ്ടെന്നും ആകസ്‌മി​ക​മാ​യു​ണ്ടാ​കുന്ന ഉത്‌പ​രി​വർത്ത​ന​ങ്ങൾക്ക്‌ അവയെ ഇല്ലാതാ​ക്കാ​നോ ലംഘി​ക്കാ​നോ കഴിയി​​ല്ലെ​ന്നും ആവർത്തക വ്യതി​യാന നിയമം അർഥമാ​ക്കു​ന്നു.”

മേൽവി​വ​രി​ച്ചി​രി​ക്കുന്ന വസ്‌തു​തകൾ എന്താണു സൂചി​പ്പി​ക്കു​ന്ന​​തെന്നു പരിചി​ന്തി​ക്കുക. കൃത്രിമ മാർഗ​ത്തി​ലൂ​ടെ അനുകൂല ഉത്‌പ​രി​വർത്ത​ന​ങ്ങൾക്ക്‌ ഇടയാ​ക്കു​ക​യും അവ തിര​ഞ്ഞെ​ടു​ക്കു​ക​യും ചെയ്‌തു​​കൊണ്ട്‌ പുതിയ സ്‌പീ​ഷീ​സു​കളെ ഉത്‌പാ​ദി​പ്പി​ക്കാൻ വിദഗ്‌ധ പരിശീ​ലനം സിദ്ധിച്ച ശാസ്‌ത്ര​ജ്ഞർക്കു കഴിയു​ന്നി​​ല്ലെ​ങ്കിൽ, ബുദ്ധി​ര​ഹി​ത​മായ ഒരു പ്രക്രിയ അതിലും കാര്യ​ക്ഷ​മ​മാ​യി അതു ചെയ്യാൻ സാധ്യ​ത​യു​ണ്ടോ? ഉത്‌പ​രി​വർത്ത​ന​ങ്ങൾക്ക്‌ ഒരു സ്‌പീ​ഷീ​സി​നെ തികച്ചും പുതിയ ഒന്നാക്കി മാറ്റാൻ കഴിയി​​ല്ലെന്നു ഗവേഷ​ണങ്ങൾ കാണി​ക്കുന്ന സ്ഥിതിക്ക്‌, സ്ഥൂലപ​രി​ണാ​മം എങ്ങനെ നടന്നി​രി​ക്കാ​​മെ​ന്നാ​ണു കരുതു​ന്നത്‌?

പ്രകൃ​തി​നിർധാ​രണം പുതിയ സ്‌പീ​ഷീ​സു​ക​ളു​ടെ സൃഷ്ടിക്കു വഴി​തെ​ളി​ക്കു​ന്നു​ണ്ടോ?

ഡാർവിൻ, പ്രകൃ​തി​നിർധാ​രണം എന്നു താൻ വിളിച്ച പ്രക്രിയ പരിസ്ഥി​തി​യു​മാ​യി ഏറ്റവും നന്നായി ഇണങ്ങി​​പ്പോ​കുന്ന ജീവരൂ​പ​ങ്ങൾക്കു ഗുണം​​ചെ​യ്യു​​മെ​ന്നും എന്നാൽ അത്ര നന്നായി ഇണങ്ങാത്തവ ക്രമേണ ചത്തൊ​ടു​ങ്ങു​​മെ​ന്നും വിശ്വ​സി​ച്ചു. ആധുനിക പരിണാ​മ​വാ​ദി​കൾ പഠിപ്പി​ക്കു​ന്നത്‌ അനുസ​രിച്ച്‌, സ്‌പീ​ഷീ​സു​കൾ മറ്റിട​ങ്ങ​ളി​​ലേക്കു വ്യാപി​ക്കു​ക​യും ഒറ്റപ്പെ​ടു​ക​യും ചെയ്‌ത​​പ്പോൾ പുതിയ പരിസ്ഥി​തി​യു​മാ​യി ഏറ്റവും നന്നായി യോജി​ച്ചു​​പോ​കാൻ ജീൻ ഉത്‌പ​രി​വർത്ത​നങ്ങൾ സഹായിച്ച ജീവി​കളെ പ്രകൃ​തി​നിർധാ​രണം തിര​ഞ്ഞെ​ടു​ത്തു. അതിന്റെ ഫലമായി, ഈ ഒറ്റപ്പെട്ട കൂട്ടങ്ങൾ ക്രമേണ തികച്ചും പുതിയ സ്‌പീ​ഷീ​സു​ക​ളാ​യി പരിണ​മി​ച്ചു എന്ന്‌ പരിണാ​മ​വാ​ദി​കൾ അനുമാ​നി​ക്കു​ന്നു.

നാം കണ്ടുക​ഴി​ഞ്ഞ​തു​​പോ​ലെ, ഉത്‌പ​രി​വർത്ത​ന​ങ്ങൾക്ക്‌ തികച്ചും പുതിയ ഇനം സസ്യങ്ങ​​ളെ​യോ ജന്തുക്ക​​ളെ​യോ ഉത്‌പാ​ദി​പ്പി​ക്കാൻ കഴിയി​​ല്ലെന്ന്‌ ഗവേഷ​ണ​ഫ​ല​മാ​യുള്ള തെളി​വു​കൾ ശക്തമായി സൂചി​പ്പി​ക്കു​ന്നു. എന്നിരു​ന്നാ​ലും പുതിയ സ്‌പീ​ഷീ​സു​കളെ ഉത്‌പാ​ദി​പ്പി​ക്കാ​നാ​യി പ്രകൃ​തി​നിർധാ​രണം പ്രയോ​ജ​ന​ക​ര​ങ്ങ​ളായ ഉത്‌പ​രി​വർത്ത​ന​ങ്ങളെ തിര​ഞ്ഞെ​ടു​ക്കു​ന്നു എന്ന അവകാ​ശ​വാ​ദത്തെ പിന്താ​ങ്ങാൻ പരിണാ​മ​വാ​ദി​കൾ എന്തു തെളി​വാ​ണു നൽകു​ന്നത്‌? അമേരി​ക്കൻ ഐക്യ​നാ​ടു​ക​ളി​ലെ നാഷണൽ അക്കാഡമി ഓഫ്‌ സയൻസസ്‌ (എൻഎഎസ്‌) 1999-ൽ പ്രസി​ദ്ധീ​ക​രിച്ച ഒരു ലഘുപ​​ത്രിക ഇങ്ങനെ പറയുന്നു: “സ്‌പീ​ഷീ​സീ​ക​ര​ണ​ത്തി​ന്റെ [പുതിയ സ്‌പീ​ഷീ​സു​ക​ളു​ടെ പരിണാ​മം] വിശേ​ഷാൽ ശ്രദ്ധയർഹി​ക്കുന്ന ഒരു ഉദാഹ​രണം, ഡാർവിൻ ഗാലപ്പാ​​ഗോസ്‌ ദ്വീപു​ക​ളിൽ പഠനവി​​ധേ​യ​മാ​ക്കിയ, ഇന്ന്‌ ഡാർവി​ന്റെ കുരു​വി​കൾ എന്ന്‌ അറിയ​​പ്പെ​ടുന്ന 13 സ്‌പീ​ഷീ​സു​ക​ളി​ലുള്ള കുരു​വി​ക​ളു​മാ​യി ബന്ധപ്പെ​ട്ട​താണ്‌.”

1970-കളിൽ പീറ്റർ ഗ്രാന്റി​​ന്റെ​യും റോസ്‌മെരി ഗ്രാന്റി​​ന്റെ​യും നേതൃ​ത്വ​ത്തി​ലുള്ള ഒരു ഗവേഷക സംഘം ഈ കുരു​വി​ക​​ളെ​പ്പറ്റി പഠനം ആരംഭി​ച്ചു. ഒരു വർഷം നീണ്ടു​നിന്ന വരൾച്ച​യ്‌ക്കൊ​ടു​വിൽ, താരത​​മ്യേന വലിയ കൊക്കുള്ള കുരു​വി​കൾക്ക്‌ ചെറിയ കൊക്കു​ള്ള​വ​​യെ​ക്കാൾ അതിജീ​വ​ന​ക്ഷ​മ​ത​യു​ണ്ടാ​യി​രു​ന്ന​താ​യി അവർ കണ്ടെത്തി. 13 സ്‌പീ​ഷീ​സു​ക​ളിൽപ്പെട്ട ഈ കുരു​വി​കളെ തിരി​ച്ച​റി​യാ​നുള്ള പ്രധാന മാർഗ​ങ്ങ​ളി​​ലൊന്ന്‌ കൊക്കു​ക​ളു​ടെ വലുപ്പ​വും ആകൃതി​യും ആയതി​നാൽ ഈ കണ്ടുപി​ടി​ത്തം പ്രാധാ​ന്യ​മർഹി​ക്കു​ന്ന​താ​യി കരുത​​പ്പെട്ടു. ലഘുപ​​ത്രിക ഇങ്ങനെ തുടരു​ന്നു: “ഈ ദ്വീപു​ക​ളിൽ ഏകദേശം 10 വർഷത്തി​​ലൊന്ന്‌ എന്ന തോതിൽ വരൾച്ച ഉണ്ടാകു​ക​യാ​​ണെ​ങ്കിൽ ഏകദേശം 200 വർഷം കൂടു​​മ്പോൾ കുരു​വി​യു​ടെ ഒരു പുതിയ സ്‌പീ​ഷീസ്‌ ഉണ്ടാ​യേ​ക്കാം എന്ന്‌ പീറ്ററും റോസ്‌മെ​രി​യും കണക്കാക്കി.”

എന്നിരു​ന്നാ​ലും, പ്രധാ​ന​​പ്പെ​ട്ട​തും അതേസ​മയം ലജ്ജാക​ര​വു​മായ ചില വസ്‌തു​തകൾ എൻഎഎസ്‌ ലഘുപ​​ത്രിക പരാമർശി​ക്കാ​തെ വിട്ടു​ക​ള​യു​ന്നു. വരൾച്ച​​യെ​ത്തു​ടർന്നു​വന്ന വർഷങ്ങ​ളിൽ ചെറിയ കൊക്കുള്ള കുരു​വി​ക​ളു​ടെ എണ്ണം വലിയ കൊക്കു​ള്ള​വയെ അപേക്ഷിച്ച്‌ കൂടു​ത​ലാ​യി​ത്തീർന്നു. അതു​കൊണ്ട്‌, പീറ്റർ ഗ്രാന്റും ബിരുദ വിദ്യാർഥി​യായ ലൈൽ ഗിബ്‌സും “നിർധാ​ര​ണ​ത്തി​ന്റെ ദിശ നേർവി​പ​രീത”മായതാ​യി തങ്ങൾക്കു കാണാൻ കഴിഞ്ഞു​​വെന്ന്‌ 1987-ൽ ശാസ്‌ത്ര മാസി​ക​യായ നേച്ചറിൽ എഴുതി. ഓരോ തവണ കാലാ​വ​സ്ഥ​യിൽ മാറ്റമു​ണ്ടാ​കു​​മ്പോ​ഴും “പ്രകൃ​തി​നിർധാ​ര​ണ​ത്തി​നു വിധേ​യ​മാ​കുന്ന ജീവി​ഗണം അങ്ങോ​ട്ടും ഇങ്ങോ​ട്ടും മാറി​​ക്കൊ​ണ്ടി​രി​ക്കു​ന്നു”വെന്ന്‌ 1991-ൽ ഗ്രാന്റ്‌ എഴുതി. കുരു​വി​ക​ളു​ടെ ചില വ്യത്യസ്‌ത ‘സ്‌പീ​ഷീ​സു​കൾ’ അഥവാ വ്യത്യസ്‌ത സ്‌പീ​ഷീ​സു​ക​​ളെന്നു കരുത​​പ്പെട്ടവ പരസ്‌പരം ഇണചേർന്ന്‌ ജനക സ്‌പീ​ഷീ​സി​​നെ​ക്കാൾ അതിജീ​വ​ന​ക്ഷ​മ​ത​യുള്ള കുഞ്ഞു​ങ്ങളെ ഉത്‌പാ​ദി​പ്പി​ക്കു​ന്ന​താ​യും ഗവേഷകർ കണ്ടെത്തി. ഈ സങ്കരണം (interbreeding) തുടരു​ക​യാ​​ണെ​ങ്കിൽ 200 വർഷത്തി​നു​ള്ളിൽ രണ്ടു ‘സ്‌പീ​ഷീ​സു’കൾ കൂടി​​ച്ചേർന്ന്‌ കേവലം ഒരെണ്ണ​മാ​കാ​നി​ട​യുണ്ട്‌ എന്ന്‌ പീറ്ററും റോസ്‌മെ​രി​യും നിഗമനം ചെയ്‌തു.

1966-ൽ പരിണാമ ജീവശാ​സ്‌ത്ര​ജ്ഞ​നായ ജോർജ്‌ ക്രിസ്റ്റഫർ വില്യംസ്‌ ഇങ്ങനെ എഴുതി: “പ്രകൃ​തി​നിർധാ​രണ സിദ്ധാന്തം ആദ്യം വികസി​പ്പി​​ച്ചെ​ടു​ത്തത്‌ പരിണാമ മാറ്റത്തി​ന്റെ ഒരു വിശദീ​ക​ര​ണ​മെന്ന നിലയി​ലാണ്‌ എന്നത്‌ ദൗർഭാ​ഗ്യ​മാ​യി​​പ്പോ​​യെന്നു ഞാൻ കരുതു​ന്നു. പരിസ്ഥി​തി​യു​മാ​യി ഇണങ്ങി​​ച്ചേ​രാൻ ഒരു ജീവിയെ പ്രാപ്‌ത​മാ​ക്കുന്ന മാറ്റങ്ങൾ നിലനി​റു​ത്ത​​പ്പെ​ടു​ന്ന​തി​നുള്ള വിശദീ​ക​ര​ണ​മെന്ന നിലയി​ലാണ്‌ ഇത്‌ ഏറെ പ്രാധാ​ന്യ​മർഹി​ക്കു​ന്നത്‌.” വില്യ​മി​ന്റെ നിഗമ​നങ്ങൾ ശരിയാ​​ണെ​ങ്കിൽ പ്രകൃ​തി​നിർധാ​രണം, മാറി​വ​രുന്ന സാഹച​ര്യ​ങ്ങ​ളു​മാ​യി പൊരു​ത്ത​​പ്പെ​ട്ടു​​പോ​കാൻ സ്‌പീ​ഷീ​സു​കളെ സഹായി​ക്കു​ക​യാ​യി​രി​ക്കാം ചെയ്യു​ന്ന​​തെ​ന്നും “അത്‌ പുതു​താ​യി യാതൊ​ന്നും സൃഷ്ടി​ക്കു​ന്നില്ല” എന്നും 1999-ൽ പരിണാമ സൈദ്ധാ​ന്തി​ക​നായ ജെഫ്രി ഷ്വോർട്‌സ്‌ എഴുതി.

തീർച്ച​യാ​യും ഡാർവി​ന്റെ കുരു​വി​കൾ “പുതു​താ​യി യാതൊ​ന്നും” ആയിത്തീ​രു​ന്നില്ല. അവ ഇപ്പോ​ഴും കുരു​വി​കൾ തന്നെയാണ്‌. മാത്രമല്ല, ഇവയുടെ ഇടയിൽ സങ്കരണം നടക്കു​ന്നു​വെന്ന വസ്‌തുത സ്‌പീ​ഷീ​സു​കളെ നിർവ​ചി​ക്കാൻ ചില പരിണാ​മ​വാ​ദി​കൾ ഉപയോ​ഗി​ക്കുന്ന മാർഗ​ങ്ങ​ളിൽ സംശയം ജനിപ്പി​ക്കു​ന്നു. കൂടാതെ പ്രശസ്‌ത​മായ ശാസ്‌ത്ര അക്കാഡ​മി​കൾപോ​ലും തെളി​വു​കൾ പക്ഷപാ​ത​പ​ര​മാ​യാണ്‌ റിപ്പോർട്ടു​​ചെ​യ്യു​ന്ന​തെന്ന വസ്‌തുത അവ തുറന്നു​കാ​ട്ടു​ന്നു.

ഫോസിൽ രേഖ സ്ഥൂലപ​രി​ണാമ മാറ്റങ്ങൾക്കു തെളിവു നൽകു​ന്നു​ണ്ടോ?

ശാസ്‌ത്രജ്ഞർ കണ്ടെത്തിയ ഫോസി​ലു​കൾ സ്ഥൂലപ​രി​ണാ​മ​ത്തിന്‌ മതിയായ തെളിവു നൽകുന്നു എന്ന ധാരണ​യാണ്‌ മുമ്പു പരാമർശിച്ച എൻഎഎസ്‌ ലഘുപ​​ത്രിക വായന​ക്കാർക്കു നൽകു​ന്നത്‌. അത്‌ ഇങ്ങനെ പ്രസ്‌താ​വി​ക്കു​ന്നു: “മത്സ്യത്തി​നും ഉഭയജീ​വി​കൾക്കും ഇടയി​ലും, ഉഭയജീ​വി​കൾക്കും ഉരഗങ്ങൾക്കും ഇടയി​ലും, ഉരഗങ്ങൾക്കും സസ്‌ത​നി​കൾക്കും ഇടയി​ലും, പ്രൈ​​മേ​റ്റു​ക​ളു​ടെ വംശപ​ര​മ്പ​ര​യി​ലെ അംഗങ്ങൾക്കി​ട​യി​ലും ഒട്ടനവധി ജീവരൂ​പങ്ങൾ ഉണ്ടായി​രു​ന്ന​താ​യി കണ്ടെത്തി​യി​ട്ടുണ്ട്‌. ഒരു പ്രത്യേക സ്‌പീ​ഷീസ്‌ മറ്റൊ​ന്നാ​യി മാറു​ന്നത്‌ എപ്പോ​ഴാ​​ണെന്നു വ്യക്തമാ​യി തിരി​ച്ച​റി​യാൻ പലപ്പോ​ഴും ബുദ്ധി​മു​ട്ടാ​യി​രി​ക്കും​വി​ധം അത്രയ​ധി​ക​മാണ്‌ ഇടയ്‌ക്കുള്ള ഈ [കണ്ണിക​ളു​ടെ] എണ്ണം.”

ഇത്ര ഉറപ്പോ​​ടെ​യുള്ള ഈ പ്രസ്‌താ​വന തികച്ചും അതിശ​യി​പ്പി​ക്കു​ന്ന​താണ്‌. എന്തു​കൊണ്ട്‌? “ഓരോ 1,000 ഫ്രെയി​മു​ക​ളി​ലും അഥവാ ചിത്ര​ങ്ങ​ളി​ലും 999 എണ്ണം കട്ടിങ്‌ റൂമിൽവെച്ച്‌ നഷ്ടപ്പെട്ട പരിണാ​മ​ത്തി​ന്റെ ഒരു ഫിലിം” പോ​ലെ​യാണ്‌ ഫോസിൽ രേഖ എന്നു 2004-ൽ നാഷണൽ ജിയോ​​ഗ്ര​ഫിക്‌ പറയു​ക​യു​ണ്ടാ​യി. കേവലം ആയിര​ത്തി​​ലൊന്ന്‌ എന്ന നിരക്കിൽ അവശേ​ഷി​ക്കുന്ന ‘ചിത്രങ്ങൾ’ സ്ഥൂലപ​രി​ണാമ പ്രക്രി​യയെ യഥാർഥ​ത്തിൽ തെളി​യി​ക്കു​ന്നു​ണ്ടോ? ഫോസിൽ രേഖ വാസ്‌ത​വ​ത്തിൽ എന്താണു പ്രകട​മാ​ക്കു​ന്നത്‌? ദീർഘ കാലങ്ങ​​ളോ​ളം “മിക്ക സ്‌പീ​ഷീ​സു​ക​ളി​ലും കാര്യ​മായ, അല്ലെങ്കിൽ ഒട്ടും​തന്നെ പരിണാമ മാറ്റം നടക്കു​ന്നില്ല” എന്ന്‌ ഫോസിൽ രേഖ കാണി​ക്കു​ന്ന​താ​യി ഒരു കടുത്ത പരിണാ​മ​വാ​ദി​യായ നൈൽസ്‌ എൽ​ഡ്രെജ്‌ സമ്മതി​ക്കു​ന്നു.

ലോക​വ്യാ​പ​ക​മാ​യുള്ള ശാസ്‌ത്രജ്ഞർ ഇന്നോളം ഏകദേശം 20 കോടി വലിയ ഫോസി​ലു​ക​ളും ശതകോ​ടി​ക്ക​ണ​ക്കി​നു സൂക്ഷ്‌മ ഫോസി​ലു​ക​ളും കുഴി​​ച്ചെ​ടു​ക്കു​ക​യും പട്ടിക​​പ്പെ​ടു​ത്തു​ക​യും ചെയ്‌തി​ട്ടുണ്ട്‌. ജന്തുക്ക​ളു​ടെ പ്രമുഖ ഗണങ്ങ​ളെ​ല്ലാം പെട്ടെന്നു പ്രത്യ​ക്ഷ​മാ​കു​ക​യും കാര്യ​മായ മാറ്റ​മൊ​ന്നു​മി​ല്ലാ​തെ തുടരു​ക​യും പല സ്‌പീ​ഷീ​സു​ക​ളും വന്ന അതേ വേഗത്തിൽ അപ്രത്യ​ക്ഷ​മാ​കു​ക​യും ചെയ്‌തു​​വെന്ന്‌ വിപു​ല​വും വിശദ​വു​മായ ഈ രേഖ വെളി​​പ്പെ​ടു​ത്തു​ന്ന​താ​യി പല ഗവേഷ​ക​രും സമ്മതി​ക്കു​ന്നു. ഫോസിൽ രേഖ നൽകുന്ന തെളി​വു​കൾ പരി​ശോ​ധി​ച്ച​തി​നു​​ശേഷം ജീവശാ​സ്‌ത്ര​ജ്ഞ​നായ ജോനഥൻ വെൽസ്‌ ഇങ്ങനെ എഴുതു​ന്നു: “പൊതു പൂർവി​ക​രിൽനിന്ന്‌ രൂപ​ഭേദം വഴിയുള്ള വംശോ​ത്‌പത്തി നടന്നു​​വെ​ന്നത്‌ കിങ്‌ഡം, ഫൈലം, ക്ലാസ്സ്‌ എന്നീ തലങ്ങളിൽ നിരീ​ക്ഷി​ക്കാൻ കഴിഞ്ഞി​ട്ടുള്ള ഒരു വസ്‌തു​തയേ അല്ല. ഫോസിൽ രേഖ നൽകുന്ന തെളി​വു​ക​ളു​​ടെ​യോ തന്മാത്രാ തെളി​വു​ക​ളു​​ടെ​യോ അടിസ്ഥാ​ന​ത്തിൽ വിലയി​രു​ത്തു​​മ്പോൾ നല്ല പിൻബ​ല​മുള്ള ഒരു സിദ്ധാന്തം പോലു​മല്ല അത്‌.”

പരിണാ​മം​—⁠സത്യമോ മിഥ്യ​യോ?

എന്തു​കൊ​ണ്ടാണ്‌ പ്രമു​ഖ​രായ പല പരിണാ​മ​വാ​ദി​ക​ളും സ്ഥൂലപ​രി​ണാ​മം ഒരു വസ്‌തു​ത​യാ​​ണെന്നു ശഠിക്കു​ന്നത്‌? സാമാ​ന്യ​ബു​ദ്ധി​ക്കു നിരക്കാത്ത ശാസ്‌ത്രീയ അവകാ​ശ​വാ​ദങ്ങൾ സ്വീക​രി​ക്കാൻ പല ശാസ്‌ത്ര​ജ്ഞ​രും തയ്യാറാ​​ണെന്ന്‌, റിച്ചർഡ്‌ ഡോക്കിൻസി​ന്റെ ചില ന്യായ​വാ​ദ​ങ്ങളെ വിമർശിച്ച ശേഷം പ്രമുഖ പരിണാ​മ​വാ​ദി​യായ റിച്ചർഡ്‌ ലെവൊ​ന്റിൻ എഴുതി. പിൻവ​രുന്ന പ്രകാരം പറഞ്ഞു​​കൊണ്ട്‌ അദ്ദേഹം അതിന്റെ കാരണം ചൂണ്ടി​ക്കാ​ണി​ച്ചു: “[ശാസ്‌ത്ര​ജ്ഞർക്ക്‌] പ്രാഥ​മി​ക​മാ​യി ഒരു കടപ്പാ​ടുണ്ട്‌, ഭൗതി​ക​വാ​ദ​​ത്തോട്‌.”g പല ശാസ്‌ത്ര​ജ്ഞ​രും ബുദ്ധി​ശ​ക്തി​യുള്ള ഒരു രൂപസം​വി​ധാ​യകൻ ഉണ്ടായി​രി​ക്കാ​നുള്ള സാധ്യത പരിഗ​ണി​ക്കാൻപോ​ലും തയ്യാറാ​കു​ന്നില്ല. എന്താണി​തി​ന്റെ കാരണം? “സ്രഷ്ടാ​വി​ന്റെ അസ്‌തി​ത്വം അംഗീ​ക​രി​ച്ചു​​കൊ​ടു​ക്കാൻ നമുക്കു കഴിയില്ല,” ലെവൊ​ന്റിൻ എഴുതു​ന്നു.

ഇതി​നോ​ടു​ള്ള ബന്ധത്തിൽ, സാമൂ​ഹിക ശാസ്‌ത്ര​ജ്ഞ​നായ റോഡ്‌നി സ്റ്റാർക്ക്‌ പിൻവ​രുന്ന പ്രകാരം പറഞ്ഞതാ​യി സയന്റി​ഫിക്‌ അമേരി​ക്കൻ പ്രസ്‌താ​വി​ക്കു​ന്നു: “നിങ്ങൾ ഒരു ശാസ്‌ത്ര​കാ​ര​നാ​യി​രി​ക്കാൻ ആഗ്രഹി​ക്കു​​ന്നെ​ങ്കിൽ മതത്തിന്റെ കൂച്ചു​വി​ല​ങ്ങിൽനിന്ന്‌ നിങ്ങളു​ടെ മനസ്സിനെ സ്വത​ന്ത്ര​മാ​ക്കി നിറു​ത്തണം എന്നത്‌ 200 വർഷങ്ങ​ളാ​യി പ്രചരി​പ്പി​ച്ചു​വ​രുന്ന ഒരു ആശയമാണ്‌.” ഗവേഷണ സർവക​ലാ​ശാ​ല​ക​ളിൽ “മതവി​ശ്വാ​സി​ക​ളായ ആളുകൾ [ദൈവ​​ത്തെ​ക്കു​റിച്ച്‌] മൗനം​പാ​ലി​ക്കുന്ന”തായും “മതഭക്ത​ര​ല്ലാ​ത്തവർ [മതവി​ശ്വാ​സി​ക​​ളോ​ടു] വിവേ​ചനം കാട്ടുന്ന”തായും അദ്ദേഹം കൂട്ടി​​ച്ചേർത്തു. സ്റ്റാർക്കി​ന്റെ അഭി​പ്രാ​യ​ത്തിൽ “[ശാസ്‌ത്ര സമൂഹ​ത്തി​ന്റെ] മേലേ​ത്ത​ട്ടി​ലുള്ള മതഭക്തി​യി​ല്ലാ​ത്ത​വർക്ക്‌ പ്രത്യേക പരിഗണന ലഭിക്കു​ന്നുണ്ട്‌.”

നിങ്ങൾക്കു സ്ഥൂലപ​രി​ണാമ പഠിപ്പി​ക്ക​ലി​നെ ഒരു വസ്‌തു​ത​യാ​യി അംഗീ​ക​രി​ക്കാൻ കഴിയ​ണ​​മെ​ങ്കിൽ, അജ്ഞേയ​വാ​ദി​ക​ളോ നിരീ​ശ്വ​ര​വാ​ദി​ക​ളോ ആയ ശാസ്‌ത്രജ്ഞർ ശാസ്‌ത്ര കണ്ടുപി​ടി​ത്ത​ങ്ങ​​ളെ​ക്കു​റി​ച്ചുള്ള തങ്ങളുടെ വ്യാഖ്യാ​ന​ങ്ങളെ സ്വാധീ​നി​ക്കാൻ വ്യക്തി​പ​ര​മായ വിശ്വാ​സ​ങ്ങളെ അനുവ​ദി​ക്കില്ല എന്നു നിങ്ങൾ വിശ്വ​സി​ക്കണം. വ്യക്തമാ​യി നിർവ​ചി​ക്ക​​പ്പെ​ട്ടി​ട്ടുള്ള ഒരു സ്‌പീ​ഷീ​സി​​നെ​​പ്പോ​ലും തികച്ചും പുതിയ ഒന്നാക്കി മാറ്റാൻ ഉത്‌പ​രി​വർത്ത​ന​ങ്ങൾക്കു കഴിഞ്ഞി​ട്ടില്ല എന്നാണ്‌ ഒരു നൂറ്റാണ്ടു നീണ്ടു​നിന്ന ഗവേഷണം​—⁠ശതകോ​ടി​ക്ക​ണ​ക്കി​നു ഉത്‌പ​രി​വർത്ത​ന​ങ്ങ​​ളെ​ക്കു​റി​ച്ചുള്ള പഠനം​—⁠തെളി​യി​ക്കു​ന്ന​​തെ​ങ്കി​ലും ഉത്‌പ​രി​വർത്ത​ന​ങ്ങ​ളും പ്രകൃ​തി​നിർധാ​ര​ണ​വും സങ്കീർണ​മായ എല്ലാ ജീവരൂ​പ​ങ്ങ​​ളെ​യും ഉത്‌പാ​ദി​പ്പി​ച്ചു​​വെന്ന്‌ നിങ്ങൾ വിശ്വ​സി​ക്കണം. മാത്രമല്ല, സസ്യങ്ങ​ളു​​ടെ​യും ജന്തുക്ക​ളു​​ടെ​യും പ്രമുഖ ഇനങ്ങൾ പെട്ടെന്ന്‌ പ്രത്യ​ക്ഷ​മാ​യ​താ​​ണെ​ന്നും സുദീർഘ​മായ കാലഘ​ട്ട​ങ്ങൾകൊ​ണ്ടു​​പോ​ലും മറ്റിന​ങ്ങ​ളാ​യി പരിണ​മി​ച്ചി​​ല്ലെ​ന്നും ഉള്ള ഫോസിൽ രേഖയു​ടെ വ്യക്തമായ സൂചന അവഗണി​ച്ചു​​കൊണ്ട്‌, എല്ലാ ജീവി​ക​ളും ഒരു പൊതു പൂർവി​ക​നിൽനി​ന്നു ക്രമേണ പരിണ​മി​ച്ച​താ​​ണെ​ന്നും നിങ്ങൾ വിശ്വ​സി​ക്കണം. അത്തരത്തി​ലുള്ള വിശ്വാ​സം വസ്‌തു​ത​ക​ളിൽ അടിസ്ഥാ​ന​​പ്പെ​ട്ട​താ​​ണെന്നു തോന്നു​ന്നു​ണ്ടോ? അതോ മിഥ്യ​യിൽ അടിസ്ഥാ​ന​​പ്പെ​ട്ട​താ​യാ​ണോ തോന്നു​ന്നത്‌?

[അടിക്കു​റി​പ്പു​കൾ]

[15-ാം പേജിലെ ആകർഷക വാക്യം]

“[സസ്യത്തി​​ന്റെ​യോ ജന്തുവി​​ന്റെ​യോ] ഒരു സ്‌പീ​ഷീ​സി​നെ തികച്ചും പുതിയ ഒന്നാക്കി മാറ്റാൻ ഉത്‌പ​രി​വർത്ത​ന​ങ്ങൾക്കു കഴിയില്ല”

[16-ാം പേജിലെ ആകർഷക വാക്യം]

ഡാർവിന്റെ കുരു​വി​കൾ എന്തെങ്കി​ലും തെളി​യി​ക്കു​ന്നു​​ണ്ടെ​ങ്കിൽ അത്‌ ഒരു സ്‌പീ​ഷീ​സിന്‌ കാലാ​വ​സ്ഥാ​മാ​റ്റ​ങ്ങ​​ളോട്‌ ഇണങ്ങി​​ച്ചേ​രാൻ കഴിയു​​മെ​ന്ന​താണ്‌

[17-ാം പേജിലെ ആകർഷക വാക്യം]

ജന്തുക്കളുടെ പ്രമുഖ ഗണങ്ങ​ളെ​ല്ലാം പെട്ടെന്നു പ്രത്യ​ക്ഷ​മാ​കു​ക​യും കാര്യ​മായ മാറ്റ​മൊ​ന്നു​മി​ല്ലാ​തെ തുടരു​ക​യും ചെയ്‌തു​​വെന്ന്‌ ഫോസിൽ രേഖ പ്രകട​മാ​ക്കു​ന്നു

[14-ാം പേജിലെ ചാർട്ട്‌]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

ജീവികളെ വർഗീ​ക​രി​ക്കുന്ന വിധം

ജീവി​കളെ സ്‌പീ​ഷീസ്‌ മുതൽ കിങ്‌ഡം വരെയുള്ള ഗണങ്ങളാ​യി വർഗീ​ക​രി​ച്ചി​രി​ക്കു​ന്നു.h ഉദാഹ​ര​ണ​ത്തിന്‌ ചുവടെ കൊടു​ത്തി​രി​ക്കുന്ന, മനുഷ്യ​രു​​ടെ​യും പഴ ഈച്ചക​ളു​​ടെ​യും വർഗീ​ക​രണം താരത​മ്യം ചെയ്യുക.

മനുഷ്യർ പഴ ഈച്ചകൾ

സ്‌പീഷീസ്‌ സാപി​യൻസ്‌ മെല​നോ​ഗാ​സ്റ്റർ

ജീനസ്‌ ഹോമോ ഡ്രോ​​സോ​ഫി​ല

ഫാമിലി ഹോമി​നി​ഡ്‌സ്‌ ഡ്രോ​സോ ഫിലി​ഡ്‌സ്‌

ഓർഡർ പ്രൈ​​മേ​റ്റു​കൾ ഡിപ്‌ടെറ

ക്ലാസ്സ്‌ സസ്‌ത​നി​കൾ ഷഡ്‌പ​ദ​ങ്ങൾ

ഫൈലം കോർഡേ​റ്റു​കൾ ആർ​ത്രോ​​പോ​ഡു​കൾ

കിങ്‌ഡം ജന്തുക്കൾ ജന്തുക്കൾ

[അടിക്കു​റിപ്പ്‌]

[കടപ്പാട്‌]

ജോനഥാൻ വെൽസി​ന്റെ, ഐക്കോൺസ്‌ ഓഫ്‌ ഇവലൂഷൻ​—⁠സയൻസ്‌ ഓർ മിത്ത്‌? വൈ മച്ച്‌ ഓഫ്‌ വാട്ട്‌ വി റ്റീച്ച്‌ എബൗട്ട്‌ ഇവലൂഷൻ ഈസ്‌ റോങ്‌ എന്ന ഗ്രന്ഥത്തെ അടിസ്ഥാ​ന​മാ​ക്കി​യുള്ള ചാർട്ടാ​ണിത്‌.

[15-ാം പേജിലെ ചിത്രങ്ങൾ]

ഉത്‌പരിവർത്തനം സംഭവിച്ച പഴ ഈച്ച (മുകളിൽ) വിരൂ​പ​മാ​ക്ക​​പ്പെ​​ട്ടെ​ങ്കി​ലും, ഇപ്പോ​ഴും പഴ ഈച്ചത​​ന്നെ​യാണ്‌

[കടപ്പാട്‌]

© Dr. Jeremy Burgess/Photo Researchers, Inc.

[15-ാം പേജിലെ ചിത്രങ്ങൾ]

ഒരേതരം ഉത്‌പ​രി​വർത്തി​തങ്ങൾ കൂടെ​ക്കൂ​ടെ പ്രത്യ​ക്ഷ​​പ്പെ​ട്ട​​പ്പോൾ പുതിയ ഉത്‌പ​രി​വർത്തി​ത​ങ്ങ​ളു​ടെ എണ്ണം കുറഞ്ഞു​​കൊ​ണ്ടി​രു​ന്ന​താ​യി സസ്യങ്ങ​ളി​ലെ ഉത്‌പ​രി​വർത്തന പരീക്ഷ​ണങ്ങൾ തുടർച്ച​യാ​യി വെളി​​പ്പെ​ടു​ത്തു​ക​യു​ണ്ടാ​യി (ഇവിടെ കാണി​ച്ചി​രി​ക്കുന്ന ഉത്‌പ​രി​വർത്തി​ത​ത്തിന്‌ വലിയ പൂവാ​ണു​ള്ളത്‌)

[13-ാം പേജിലെ ചിത്ര​ങ്ങൾക്ക്‌ കടപ്പാട്‌]

From a Photograph by Mrs. J. M. Cameron/ U.S. National Archives photo

[16-ാം പേജിലെ ചിത്ര​ങ്ങൾക്ക്‌ കടപ്പാട്‌]

കുരുവികളുടെ തലകൾ: © Dr. Jeremy Burgess/ Photo Researchers, Inc.

[17-ാം പേജിലെ ചിത്ര​ങ്ങൾക്ക്‌ കടപ്പാട്‌]

ഡൈനസോർ: © Pat Canova/Index Stock Imagery; ഫോസിലുകൾ: GOH CHAI HIN/AFP/Getty Images

ഞങ്ങൾ സ്രഷ്ടാ​വിൽ വിശ്വ​സി​ക്കു​ന്ന​തി​ന്റെ കാരണം

വിവിധ ശാസ്‌ത്ര​​മേ​ഖ​ല​ക​ളി​ലെ അനേകം വിദഗ്‌ധർ പ്രകൃ​തി​യിൽ ബുദ്ധി​പൂർവ​ക​മായ രൂപകൽപ്പ​ന​യു​ടെ തെളി​വു​കൾ കാണുന്നു. ഭൗമജീ​വന്റെ വിസ്‌മ​യാ​വ​ഹ​മായ സങ്കീർണത യാദൃ​ച്ഛി​ക​ത​യു​ടെ ഫലമാ​​ണെന്നു വിശ്വ​സി​ക്കു​ന്നത്‌ യുക്തിക്കു നിരക്കാ​ത്ത​താ​​ണെന്ന്‌ അവർ കരുതു​ന്നു. അതു​കൊ​ണ്ടു​തന്നെ, അനേകം ശാസ്‌ത്ര​ജ്ഞ​രും ഗവേഷ​ക​രും ഒരു സ്രഷ്ടാ​വിൽ വിശ്വ​സി​ക്കു​ന്നു.

ഇവരിൽ ചിലർ യഹോ​വ​യു​ടെ സാക്ഷി​ക​ളാ​യി​ത്തീർന്നി​രി​ക്കു​ന്നു. ബൈബി​ളിൽ പരാമർശി​ച്ചി​രി​ക്കുന്ന ദൈവ​മാണ്‌ ഈ ഭൗതിക പ്രപഞ്ച​ത്തി​ന്റെ രൂപസം​വി​ധാ​യ​ക​നും നിർമാ​താ​വും എന്നതു സംബന്ധിച്ച്‌ അവർക്ക്‌ ഉറച്ച ബോധ്യ​മുണ്ട്‌. അവർ എന്തു​കൊ​ണ്ടാണ്‌ ആ നിഗമ​ന​ത്തിൽ എത്തി​ച്ചേർന്നി​രി​ക്കു​ന്നത്‌? ഉണരുക! അവരിൽ ചില​രോട്‌ അതി​നെ​ക്കു​റി​ച്ചു ചോദി​ക്കു​ക​യു​ണ്ടാ​യി. അവരുടെ അഭി​പ്രാ​യങ്ങൾ നിങ്ങൾക്കു താത്‌പ​ര്യ​ജ​ന​ക​മാ​യി തോന്നി​​യേ​ക്കാം.a

‘ജീവന്റെ ദുർഗ്ര​ഹ​മായ സങ്കീർണ​തകൾ’

◼ വോൾഫ്‌-എക്കഹാർട്ട്‌ ലോണിഗ്‌

പശ്ചാത്തല വിവരം: കഴിഞ്ഞ 28 വർഷമാ​യി സസ്യങ്ങ​ളി​ലെ ജനിതക ഉത്‌പ​രി​വർത്ത​ന​​ത്തോ​ടു ബന്ധപ്പെട്ട ശാസ്‌ത്ര മേഖല​യിൽ പ്രവർത്തി​ച്ചു​വ​രു​ക​യാ​ണു ഞാൻ. 21 വർഷമാ​യി ജർമനി​യി​ലെ കൊ​ളോ​ണി​ലുള്ള മാക്‌സ്‌ പ്ലാങ്ക്‌ ഇൻസ്റ്റി​റ്റ്യൂട്ട്‌ ഫോർ പ്ലാന്റ്‌ ബ്രീഡിങ്‌ റിസർച്ചിൽ ജോലി നോക്കു​ന്നു. കൂടാതെ, ഏകദേശം മൂന്നു പതിറ്റാ​ണ്ടു​ക​ളാ​യി ഞാൻ യഹോ​വ​യു​ടെ സാക്ഷി​ക​ളു​ടെ ഒരു ക്രിസ്‌തീയ സഭയിൽ ഒരു മൂപ്പനാ​യും സേവി​ക്കു​ന്നു.

ജനിതക ശാസ്‌ത്ര​​മേ​ഖ​ല​യി​ലെ പരീക്ഷണ-നിരീ​ക്ഷ​ണ​ങ്ങളെ ആസ്‌പ​ദ​മാ​ക്കി​യുള്ള എന്റെ ഗവേഷ​ണ​ത്തി​നും ശരീര​ധർമ​ശാ​സ്‌ത്രം, മോർഫോ​ളജി തുടങ്ങിയ ജീവശാ​സ്‌ത്ര വിഷയ​ങ്ങ​​ളെ​ക്കു​റി​ച്ചുള്ള പഠനത്തി​നു​മി​ടെ ജീവന്റെ ബൃഹത്തും പലപ്പോ​ഴും ദുർഗ്ര​ഹ​വു​മായ സങ്കീർണ​ത​കളെ ഞാൻ മുഖാ​മു​ഖം കാണാ​റുണ്ട്‌. ഇത്തരം വിഷയ​ങ്ങ​​ളെ​ക്കു​റി​ച്ചുള്ള പഠനം, ജീവൻ​—⁠അതിന്റെ ഏറ്റവും അടിസ്ഥാ​ന​പ​ര​മായ രൂപങ്ങൾപോ​ലും​—⁠ബുദ്ധി​ശ​ക്തി​യുള്ള ഒരു ഉറവിൽനി​ന്നു​ള്ള​താ​ണെന്ന എന്റെ ബോധ്യ​ത്തെ അരക്കി​ട്ടു​റ​പ്പി​ച്ചി​രി​ക്കു​ന്നു.

ജീവന്റെ സങ്കീർണ​ത​ക​​ളെ​ക്കു​റിച്ച്‌ ശാസ്‌ത്ര സമൂഹ​ത്തി​നു നന്നായ​റി​യാം. വിസ്‌മ​യാ​വ​ഹ​മായ ഈ വസ്‌തു​തകൾ പക്ഷേ, പരിണാ​മ​ത്തി​ന്റെ പശ്ചാത്ത​ല​ത്തി​ലാണ്‌ പൊതു​വേ അവതരി​പ്പി​ക്ക​​പ്പെ​ടു​ന്നത്‌. എന്നാൽ എന്റെ അഭി​പ്രാ​യ​ത്തിൽ, സൃഷ്ടി​​യെ​ക്കു​റി​ച്ചുള്ള ബൈബിൾ വിവര​ണ​ത്തിന്‌ എതി​രെ​യുള്ള വാദങ്ങൾ ശാസ്‌ത്രീ​യ​മായ സൂക്ഷ്‌മ പരി​ശോ​ധ​ന​യിൽ പൊളി​ഞ്ഞു​​പോ​കു​ന്നു. പതിറ്റാ​ണ്ടു​ക​​ളോ​ളം ഞാൻ അത്തരം വാദഗ​തി​കൾ വിശക​ലനം ചെയ്‌തി​ട്ടുണ്ട്‌. ജീവരൂ​പ​ങ്ങ​​ളെ​ക്കു​റി​ച്ചു ശ്രദ്ധാ​പൂർവം പഠിക്കു​ക​യും ഭൂമി​യിൽ ജീവന്റെ നിലനിൽപ്പു സാധ്യ​മാ​ക​ത്ത​ക്ക​വണ്ണം പ്രപഞ്ചത്തെ നിയ​ന്ത്രി​ക്കുന്ന നിയമങ്ങൾ അതീവ കൃത്യ​ത​​യോ​ടെ ക്രമീ​ക​രി​ക്ക​​പ്പെ​ട്ടി​രി​ക്കുന്ന വിധം പരിചി​ന്തി​ക്കു​ക​യും ചെയ്‌ത എനിക്ക്‌ ഒരു സ്രഷ്ടാ​വിൽ വിശ്വ​സി​ക്കാ​തി​രി​ക്കാൻ കഴിയു​ന്നില്ല.

“ഞാൻ നിരീ​ക്ഷി​ക്കുന്ന എല്ലാറ്റി​നും ഒരു കാരണ​മുണ്ട്‌”

◼ ബൈറൺ ലിയോൺ മെഡോസ്‌

പശ്ചാത്തല വിവരം: ഐക്യ​നാ​ടു​ക​ളിൽ താമസി​ക്കുന്ന ഞാൻ നാഷണൽ എയ്‌റോ​​നോ​ട്ടി​ക്‌സ്‌ ആൻഡ്‌ സ്‌പേസ്‌ അഡ്‌മി​നി​സ്‌​ട്രേ​ഷ​നിൽ ലേസർ ഫിസി​ക്‌സ്‌ രംഗത്തു പ്രവർത്തി​ച്ചു​വ​രി​ക​യാണ്‌. ഇപ്പോൾ ഞാൻ ആഗോള കാലാവസ്ഥ, ദിനാ​ന്ത​രീ​ക്ഷ​സ്ഥി​തി, ഗ്രഹവു​മാ​യി ബന്ധപ്പെട്ട മറ്റു പ്രതി​ഭാ​സങ്ങൾ എന്നിവ കൂടുതൽ കാര്യ​ക്ഷ​മ​മാ​യി നിരീ​ക്ഷി​ക്കാൻ സഹായി​ക്കുന്ന സാങ്കേ​തി​ക​വി​ദ്യ വികസി​പ്പി​​ച്ചെ​ടു​ക്കു​ന്ന​തിൽ ഉൾപ്പെ​ട്ടി​രി​ക്കു​ക​യാണ്‌. വിർജി​നി​യ​യി​ലെ കിൽമാർനക്‌ പട്ടണത്തി​ലുള്ള യഹോ​വ​യു​ടെ സാക്ഷി​ക​ളു​ടെ ഒരു സഭയിലെ മൂപ്പനാ​ണു ഞാൻ.

ഞാൻ പലപ്പോ​ഴും ഭൗതി​ക​ശാ​സ്‌ത്ര തത്ത്വങ്ങൾ ഉൾപ്പെ​ടുന്ന ഗവേഷ​ണ​ങ്ങ​ളിൽ ഏർപ്പെ​ടാ​റുണ്ട്‌. ചില സംഗതി​കൾ എങ്ങനെ, എന്തു​കൊണ്ട്‌ സംഭവി​ക്കു​ന്നു​​വെന്നു മനസ്സി​ലാ​ക്കാൻ ഞാൻ ശ്രമി​ക്കു​ന്നു. ഞാൻ നിരീ​ക്ഷി​ക്കുന്ന എല്ലാറ്റി​നും ഒരു കാരണ​മുണ്ട്‌ എന്നതിന്‌ വ്യക്തമായ തെളി​വു​കൾ എന്റെ പഠന​മേ​ഖ​ല​യിൽ ഞാൻ കാണുന്നു. പ്രകൃ​തി​യി​ലുള്ള എല്ലാറ്റി​​ന്റെ​യും മൂലകാ​രണം ദൈവ​മാ​​ണെന്ന്‌ അംഗീ​ക​രി​ക്കു​ന്നത്‌ ശാസ്‌ത്രീ​യ​മാ​യി ന്യായ​യു​ക്ത​മാ​​ണെന്നു വിശ്വ​സി​ക്കുന്ന വ്യക്തി​യാ​ണു ഞാൻ. പ്രകൃതി നിയമ​ങ്ങൾക്കു പിന്നിൽ ഒരു സംഘാ​ടകൻ, അതായത്‌ ഒരു സ്രഷ്ടാവ്‌, ഉണ്ടെന്ന്‌ ഞാൻ വിശ്വ​സി​ക്കാൻ പ്രേരി​ത​നാ​കും​വി​ധം അത്ര സുസ്ഥി​ര​മാ​ണവ.

തെളി​വു​കൾ വ്യക്തമാ​യി വിരൽ ചൂണ്ടു​ന്നത്‌ ഈ നിഗമ​ന​ത്തി​​ലേ​ക്കാ​​ണെ​ങ്കിൽപ്പി​ന്നെ, അനേകം ശാസ്‌ത്ര​ജ്ഞ​രും പരിണാ​മ​ത്തിൽ വിശ്വ​സി​ക്കു​ന്നത്‌ എന്തു​കൊ​ണ്ടാണ്‌? പരിണാ​മ​വാ​ദി​കൾ, മുൻകൂ​ട്ടി രൂപീ​ക​രിച്ച അഭി​പ്രാ​യ​ങ്ങ​ളു​ടെ അടിസ്ഥാ​ന​ത്തിൽ തെളി​വു​കളെ നോക്കി​ക്കാ​ണു​ന്ന​താ​യി​രി​ക്കു​മോ കാരണം? ശാസ്‌ത്ര​ജ്ഞർക്കി​ട​യിൽ ഇതൊരു പുതിയ കാര്യമല്ല. എന്നാൽ നിരീ​ക്ഷ​ണങ്ങൾ, അവ എത്രതന്നെ ബോധ്യം വരുത്തു​ന്ന​താ​​ണെ​ങ്കി​ലും, ശരിയായ നിഗമ​ന​ത്തി​​ലെ​ത്താൻ സഹായി​ക്ക​ണ​​മെന്ന്‌ യാതൊ​രു നിർബ​ന്ധ​വു​മില്ല. ഉദാഹ​ര​ണ​ത്തിന്‌ ലേസർ ഫിസി​ക്‌സിൽ ഗവേഷണം നടത്തുന്ന ഒരു വ്യക്തിക്ക്‌, പ്രകാശം പലപ്പോ​ഴും തരംഗ​സ്വ​ഭാ​വം പ്രകടി​പ്പി​ക്കു​ന്ന​തി​നാൽ അത്‌ ശബ്ദതരം​ഗം​​പോ​ലെ ഒരു തരംഗ​മാ​​ണെന്ന്‌ ശഠിക്കാ​നാ​കും. എന്നാൽ, അദ്ദേഹ​ത്തി​ന്റെ നിഗമനം പൂർണ​മാ​യി​രി​ക്കില്ല, കാരണം പ്രകാശം ഫോ​ട്ടോ​ണു​കൾ എന്നറി​യ​​പ്പെ​ടുന്ന കണിക​ക​ളു​ടെ സ്വഭാ​വ​വും പ്രകടി​പ്പി​ക്കു​ന്നു എന്നു തെളി​വു​കൾ കാണി​ക്കു​ന്നു. സമാന​മാ​യി, പരിണാ​മം ഒരു വസ്‌തു​ത​യാ​​ണെന്നു ശഠിക്കു​ന്നവർ ഭാഗി​ക​മായ തെളി​വു​ക​ളു​ടെ അടിസ്ഥാ​ന​ത്തിൽ മാത്ര​മാണ്‌ അത്തരം നിഗമ​ന​ങ്ങ​ളിൽ എത്തി​ച്ചേ​രു​ന്നത്‌. മാത്രമല്ല, അവരുടെ മുൻധാ​ര​ണകൾ അവർ തെളി​വു​കളെ വീക്ഷി​ക്കുന്ന വിധത്തെ സ്വാധീ​നി​ക്കു​ക​യും ചെയ്യുന്നു.

പരിണാ​മം സംഭവി​ച്ചി​രി​ക്കാ​നി​ട​യു​ള്ളത്‌ എങ്ങനെ എന്നതി​​നെ​ക്കു​റിച്ച്‌ പരിണാമ ‘വിദഗ്‌ധർ’ക്കിടയിൽത്തന്നെ തർക്കങ്ങൾ ഉണ്ടെന്നി​രി​ക്കെ ആരെങ്കി​ലും പരിണാ​മ​സി​ദ്ധാ​ന്തത്തെ ഒരു വസ്‌തു​ത​യാ​യി അംഗീ​ക​രി​ക്കു​ന്നത്‌ എന്നെ അതിശ​യി​പ്പി​ക്കു​ന്നു. ഉദാഹ​ര​ണ​ത്തിന്‌, രണ്ടും രണ്ടും കൂട്ടി​യാൽ നാലാ​​ണെന്ന്‌ ചില വിദഗ്‌ധർ പറയു​​മ്പോൾ, അതു മൂന്നോ ഒരുപക്ഷേ ആറോ ആണെന്നു മറ്റു വിദഗ്‌ധർ പറയു​​ന്നെ​ങ്കിൽ നിങ്ങൾ അങ്കഗണി​തത്തെ (arithmetic) തെളി​യി​ക്ക​പ്പെട്ട ഒരു വസ്‌തു​ത​യാ​യി അംഗീ​ക​രി​ക്കു​മോ? തെളി​യി​ക്കാ​നും പരി​ശോ​ധിച്ച്‌ ഉറപ്പു​വ​രു​ത്താ​നും പുനരാ​വി​ഷ്‌ക​രി​ക്കാ​നും കഴിയു​ന്ന​തു​മാ​ത്രം സ്വീക​രി​ക്കുക എന്നതാണു ശാസ്‌ത്ര ധർമ​മെ​ങ്കിൽ ഒരു പൊതു പൂർവി​ക​നിൽനി​ന്നു സകല ജീവരൂ​പ​ങ്ങ​ളും പരിണ​മി​ച്ചെന്ന സിദ്ധാന്തം ഒരു ശാസ്‌ത്രീയ വസ്‌തു​തയല്ല.

“ഇല്ലായ്‌മ​യിൽനിന്ന്‌ ഒന്നും ഉണ്ടാകു​ക​യില്ല”

◼ കെന്നെത്ത്‌ ലോയ്‌ഡ്‌ തനാകാ

പശ്ചാത്തല വിവരം: ഒരു ഭൂവി​ജ്ഞാ​നി​യായ ഞാൻ ഇപ്പോൾ അരി​സോ​ണ​യി​ലെ ഫ്‌ളാ​ഗ്‌സ്റ്റാ​ഫി​ലുള്ള യു.എസ്‌. ജിയോ​ള​ജി​ക്കൽ സർവേ​യിൽ ജോലി ചെയ്‌തു​വ​രി​ക​യാണ്‌. ഏകദേശം മൂന്നു പതിറ്റാ​ണ്ടു​ക​ളാ​യി, ഗ്രഹങ്ങ​ളു​ടെ ഘടനയും സവി​ശേ​ഷ​ത​ക​ളും ഉൾപ്പെടെ, ഈ ശാസ്‌ത്ര​​മേ​ഖ​ല​യു​ടെ വ്യത്യസ്‌ത തലങ്ങളിൽ ഞാൻ ഗവേഷ​ണങ്ങൾ നടത്തുന്നു. ഞാൻ തയ്യാറാ​ക്കിയ പല ഗവേഷണ ലേഖന​ങ്ങ​ളും ചൊവ്വാ​​ഗ്ര​ഹ​ത്തി​ന്റെ മാപ്പു​ക​ളും അംഗീ​കൃത ശാസ്‌ത്ര പ്രസി​ദ്ധീ​ക​ര​ണ​ങ്ങ​ളിൽ വന്നിട്ടുണ്ട്‌. യഹോ​വ​യു​ടെ സാക്ഷി​ക​ളിൽ ഒരാളെന്ന നിലയിൽ ബൈബിൾ വായി​ക്കാൻ മറ്റുള്ള​വരെ പ്രോ​ത്സാ​ഹി​പ്പി​ച്ചു​​കൊണ്ട്‌ ഓരോ മാസവും ഞാൻ ഏകദേശം 70 മണിക്കൂർ ചെലവ​ഴി​ക്കു​ന്നു.

പരിണാ​മ​ത്തിൽ വിശ്വ​സി​ക്കാ​നാണ്‌ എന്നെ പഠിപ്പി​ച്ചത്‌; എന്നാൽ പ്രപഞ്ച​ത്തി​ന്റെ രൂപകൽപ്പ​ന​യ്‌ക്ക്‌ ആവശ്യ​മായ ബൃഹത്തായ അളവി​ലുള്ള ഊർജം ശക്തനായ ഒരു സ്രഷ്ടാ​വി​ല്ലാ​തെ ഉത്ഭവി​ച്ചി​രി​ക്കാ​മെന്ന ആശയം എനിക്ക്‌ അംഗീ​ക​രി​ക്കാൻ കഴിഞ്ഞില്ല. ഇല്ലായ്‌മ​യിൽനിന്ന്‌ ഒന്നും ഉണ്ടാകു​ക​യില്ല. കൂടാതെ, ഒരു സ്രഷ്ടാ​വുണ്ട്‌ എന്നതി​നുള്ള ശക്തമായ ഒരു വാദഗതി ഞാൻ ബൈബി​ളിൽത്തന്നെ കണ്ടെത്തി. ഭൂമിക്ക്‌ ഗോളാ​കൃ​തി​യാ​ണു​ള്ളത്‌, “ഭൂമി ശൂന്യ​ത​യിൽ തൂങ്ങി​നി​ല്‌ക്കു​ന്നു” തുടങ്ങി എന്റെ ഗവേഷണ മേഖല​യു​മാ​യി ബന്ധപ്പെട്ട അനേകം ശാസ്‌ത്ര വസ്‌തു​തകൾ ബൈബി​ളിൽ അടങ്ങി​യി​ട്ടുണ്ട്‌. (ഇയ്യോബ്‌ 26:​7, ന്യൂ ഇൻഡ്യ ബൈബിൾ ഭാഷാ​ന്തരം; യെശയ്യാ​വു 40:22) മനുഷ്യ കണ്ടുപി​ടി​ത്തങ്ങൾ ഇവ തെളി​യി​ക്കു​ന്ന​തിന്‌ വളരെ​ക്കാ​ലം മുമ്പേ ഈ യാഥാർഥ്യ​ങ്ങൾ ബൈബി​ളിൽ രേഖ​പ്പെ​ടു​ത്തി​​വെ​ച്ചി​രു​ന്നു.

നമ്മെ ഉണ്ടാക്കി​യി​രി​ക്കുന്ന വിധ​ത്തെ​ക്കു​റി​ച്ചു ചിന്തി​ക്കുക. ഇന്ദ്രി​യ​​പ്രാ​പ്‌തി​കൾ, ആത്മാവ​​ബോ​ധം, ബുദ്ധി​പൂർവം ചിന്തി​ക്കാ​നുള്ള കഴിവ്‌, ആശയവി​നി​മ​യ​​പ്രാ​പ്‌തി​കൾ, വികാ​രങ്ങൾ എന്നിവ​​യൊ​ക്കെ നമുക്കുണ്ട്‌. വിശേ​ഷിച്ച്‌, സ്‌നേഹം അനുഭ​വി​ച്ച​റി​യാ​നും വിലമ​തി​ക്കാ​നും പ്രകടി​പ്പി​ക്കാ​നു​മുള്ള കഴിവ്‌ നമുക്കുണ്ട്‌. മനുഷ്യർക്കുള്ള അത്ഭുത​ക​ര​മായ ഈ ഗുണവി​​ശേ​ഷങ്ങൾ എങ്ങനെ​യു​ണ്ടാ​യി എന്നതിന്‌ പരിണാ​മ​ത്തി​ന്റെ പക്കൽ വിശദീ​ക​ര​ണ​മില്ല.

നിങ്ങ​ളോ​ടു​ത​ന്നെ ചോദി​ക്കുക, ‘പരിണാ​മത്തെ പിന്താ​ങ്ങാൻ ഉപയോ​ഗി​ക്കുന്ന വിവര​ങ്ങ​ളു​ടെ ഉറവി​ടങ്ങൾ എത്ര​ത്തോ​ളം വിശ്വ​സ​നീ​യ​വും ആശ്രയ​​യോ​ഗ്യ​വും ആണ്‌?’ ഭൂവി​ജ്ഞാ​നീയ രേഖ അപൂർണ​വും സങ്കീർണ​വും കുഴപ്പി​ക്കു​ന്ന​തു​മാണ്‌. പരിണാമ പ്രക്രി​യ​ക​​ളോ​ടു ബന്ധപ്പെട്ട തങ്ങളുടെ സിദ്ധാ​ന്തങ്ങൾ പരീക്ഷ​ണ​ശാ​ല​ക​ളിൽ ശാസ്‌ത്രീയ രീതികൾ ഉപയോ​ഗി​ച്ചു തെളി​യി​ക്കാൻ പരിണാ​മ​വാ​ദി​കൾ പരാജ​യ​​പ്പെ​ട്ടി​രി​ക്കു​ന്നു. വിവരങ്ങൾ ശേഖരി​ക്കു​ന്ന​തിന്‌ സാധാ​ര​ണ​ഗ​തി​യിൽ ശാസ്‌ത്രജ്ഞർ ഫലപ്ര​ദ​മായ ഗവേഷണ മാർഗങ്ങൾ ഉപയോ​ഗി​ക്കാ​റു​​ണ്ടെ​ങ്കി​ലും തങ്ങളുടെ കണ്ടുപി​ടി​ത്തങ്ങൾ വ്യാഖ്യാ​നി​ക്കുന്ന കാര്യം വരു​മ്പോൾ പലപ്പോ​ഴും അവരുടെ സ്വാർഥ ലക്ഷ്യങ്ങൾ അവരെ സ്വാധീ​നി​ക്കാ​റുണ്ട്‌. ലഭ്യമായ വിവരങ്ങൾ പരസ്‌പര വിരു​ദ്ധ​മാ​യി​രി​ക്കു​ക​യോ അതിന്റെ അടിസ്ഥാ​ന​ത്തിൽ നിഗമ​ന​ങ്ങ​ളി​​ലെ​ത്താൻ സാധി​ക്കാ​തെ വരുക​യോ ചെയ്യു​​മ്പോൾ ശാസ്‌ത്രജ്ഞർ സ്വന്തം ആശയങ്ങൾ ഉന്നമി​പ്പി​ക്കു​ന്ന​താ​യി അറിയ​​പ്പെ​ടു​ന്നു. അവരുടെ ജോലി, ആത്മാഭി​മാ​നം എന്നിവ​​യൊ​ക്കെ വലിയ പങ്കു വഹിക്കു​ന്നു.

ഒരു ശാസ്‌ത്ര​ജ്ഞ​നെന്ന നിലയി​ലും ബൈബിൾ വിദ്യാർഥി എന്നനി​ല​യ്‌ക്കും ഏറ്റവും കൃത്യ​മായ ഗ്രാഹ്യം നേടു​ന്ന​തി​നു​​വേണ്ടി ലഭ്യമായ എല്ലാ വസ്‌തു​ത​ക​ളു​മാ​യും നിരീ​ക്ഷ​ണ​ങ്ങ​ളു​മാ​യും യോജി​പ്പി​ലാ​യി​രി​ക്കുന്ന സമ്പൂർണ സത്യമാ​ണു ഞാൻ അന്വേ​ഷി​ക്കു​ന്നത്‌. എന്നെ സംബന്ധി​ച്ചി​ട​​ത്തോ​ളം ഏറ്റവും യുക്തി​സ​ഹ​മാ​യി​രി​ക്കു​ന്നത്‌ സ്രഷ്ടാ​വിൽ വിശ്വ​സി​ക്കു​ന്ന​താണ്‌.

“കോശ​ങ്ങ​ളിൽ കാണുന്ന വ്യക്തമായ രൂപകൽപ്പന”

◼ പോല കിൻചെ​​ലോ

പശ്ചാത്തല വിവരം: കോശ​ങ്ങ​​ളെ​ക്കു​റി​ച്ചുള്ള ഗവേഷണ മേഖല​യി​ലും തന്മാത്രാ ജീവശാ​സ്‌ത്രം, സൂക്ഷ്‌മ-ജീവി​ശാ​സ്‌ത്രം തുടങ്ങി​യ​വ​യി​ലും പല വർഷങ്ങ​ളാ​യി ഗവേഷ​ണങ്ങൾ നടത്തി​വ​രുന്ന വ്യക്തി​യാ​ണു ഞാൻ. ജോർജി​യ​യി​ലെ അറ്റ്‌ലാ​ന്റ​യി​ലുള്ള എമറി യൂണി​​വേ​ഴ്‌സി​റ്റി​യിൽ ജോലി​​നോ​ക്കു​ക​യാണ്‌ ഞാനി​​പ്പോൾ. റഷ്യൻ ഭാഷക്കാർക്കി​ട​യിൽ ഒരു ബൈബിൾ അധ്യാ​പിക എന്നനി​ല​യിൽ സ്വമേ​ധയാ സേവി​ക്കു​ക​യും ചെയ്യു​ന്നുണ്ട്‌.

ജീവശാ​സ്‌ത്ര വിദ്യാർഥി​നി​യാ​യി​രുന്ന കാലത്ത്‌ കോശ​ങ്ങ​​ളെ​യും അതിന്റെ ഘടകങ്ങ​​ളെ​യും കുറിച്ചു പഠിക്കു​ന്ന​തി​നു മാത്ര​മാ​യി ഞാൻ നാലു വർഷം ചെലവ​ഴി​ച്ചു. ഡിഎൻഎ, ആർഎൻഎ, പ്രോ​ട്ടീ​നു​കൾ, ഉപാപചയ പ്രവർത്ത​ന​​​ശ്രേ​ണി​കൾ (metabolic pathways) എന്നിവ​​യെ​ക്കു​റിച്ച്‌ ഞാൻ എത്രയ​ധി​കം പഠിച്ചോ അത്രയ​ധി​കം അവയുടെ സങ്കീർണ​ത​യും സംഘാ​ട​ന​വും കൃത്യ​ത​യും എന്നെ അമ്പരപ്പി​ച്ചു. കോശ​​ത്തെ​ക്കു​റിച്ച്‌ മനുഷ്യൻ എത്രയ​ധി​കം കാര്യങ്ങൾ പഠിച്ചു​ക​ഴി​ഞ്ഞു എന്നത്‌ എന്നെ വിസ്‌മ​യി​പ്പി​​ച്ചെ​ങ്കി​ലും അതി​നെ​ക്കു​റിച്ച്‌ ഇനിയും എത്ര പഠിക്കാ​നി​രി​ക്കു​ന്നു എന്നതാണ്‌ എന്നെ ഏറെ അത്ഭുത​​പ്പെ​ടു​ത്തി​യത്‌. കോശ​ങ്ങ​ളിൽ കാണുന്ന വ്യക്തമായ രൂപകൽപ്പ​ന​യാണ്‌ ഞാൻ ദൈവ​ത്തിൽ വിശ്വ​സി​ക്കു​ന്ന​തി​ന്റെ ഒരു കാരണം.

സ്രഷ്ടാവ്‌ ആരാ​ണെന്ന്‌ ബൈബിൾപ​ഠ​ന​ത്തി​ലൂ​ടെ എനിക്കു മനസ്സി​ലാ​യി​—⁠അത്‌ യഹോ​വ​യായ ദൈവ​മാണ്‌. അവൻ ബുദ്ധി​ശ​ക്തി​യുള്ള ഒരു രൂപസം​വി​ധാ​യകൻ മാത്രമല്ല, എനിക്കാ​യി കരുതുന്ന കരുണാ​മ​യ​നും സ്‌നേ​ഹ​വാ​നു​മായ ഒരു പിതാ​വു​മാ​​ണെന്ന്‌ എനിക്കു ബോധ്യ​മാ​യി​രി​ക്കു​ന്നു. ബൈബിൾ, ജീവി​ത​ത്തി​ന്റെ ഉദ്ദേശ്യ​​ത്തെ​ക്കു​റി​ച്ചു വിശദീ​ക​രി​ക്കു​ക​യും ഒരു സന്തുഷ്ട​ഭാ​വി സംബന്ധിച്ച പ്രത്യാശ നൽകു​ക​യും ചെയ്യുന്നു.

സ്‌കൂ​ളിൽ പരിണാ​മം പഠി​ക്കേ​ണ്ടി​വ​രുന്ന കുട്ടികൾ എന്തു വിശ്വ​സി​ക്കണം എന്നതി​​നെ​ക്കു​റിച്ച്‌ അനിശ്ചി​ത​ത്വ​ത്തി​ലാ​യി​രി​ക്കാം. അവരെ സംബന്ധി​ച്ചി​ട​​ത്തോ​ളം ആശയക്കു​ഴപ്പം സൃഷ്ടി​ക്കുന്ന ഒരു സമയമാ​യി​രു​​ന്നേ​ക്കാം ഇത്‌. അവർ ദൈവ​ത്തിൽ വിശ്വ​സി​ക്കു​ന്ന​വ​രാ​​ണെ​ങ്കിൽ ഇത്‌ വിശ്വാ​സ​ത്തി​ന്റെ ഒരു പരി​ശോ​ധ​ന​യാ​യി​ത്തീ​രു​ന്നു. നമുക്കു ചുറ്റും കാണുന്ന പ്രകൃ​തി​യി​ലെ അത്ഭുതങ്ങൾ വിശക​ലനം ചെയ്യു​ക​യും സ്രഷ്ടാ​വി​​നെ​യും അവന്റെ ഗുണങ്ങ​​ളെ​യും കുറി​ച്ചുള്ള അറിവു വർധി​പ്പി​ക്കു​ന്ന​തിൽ തുടരു​ക​യും ചെയ്‌തു​​കൊണ്ട്‌ അവർക്ക്‌ ആ പരി​ശോ​ധ​നയെ വിജയ​ക​ര​മാ​യി കൈകാ​ര്യം ചെയ്യാ​നാ​കും. ഞാൻ അങ്ങനെ​യാ​ണു ചെയ്‌തത്‌; തത്‌ഫ​ല​മാ​യി, സൃഷ്ടി​​യെ​പ്പ​റ്റി​യുള്ള ബൈബി​ളി​ന്റെ വിവരണം കൃത്യ​ത​യു​ള്ള​തും യഥാർഥ ശാസ്‌ത്ര​വു​മാ​യി യോജി​ക്കു​ന്ന​തും ആണെന്നുള്ള നിഗമ​ന​ത്തിൽ ഞാൻ എത്തി​ച്ചേർന്നു.

“നിയമ​ങ്ങ​ളു​ടെ ഉത്‌കൃ​ഷ്ട​മായ ലാളി​ത്യം”

◼ എൻറികെ എർനാൻഡെസ്‌ ലേമൂസ്‌

പശ്ചാത്തല വിവരം: യഹോ​വ​യു​ടെ സാക്ഷി​ക​ളു​ടെ ഒരു മുഴു​സമയ ശുശ്രൂ​ഷ​ക​നാ​യി സേവി​ക്കു​ന്നു. ഒരു സൈദ്ധാ​ന്തിക ഭൗതിക ശാസ്‌ത്രജ്ഞൻ കൂടി​യായ ഞാൻ മെക്‌സി​​ക്കോ​യി​ലെ നാഷണൽ യൂണി​​വേ​ഴ്‌സി​റ്റി​യിൽ ജോലി ചെയ്യുന്നു. നക്ഷത്ര​വ​ളർച്ച​​യോ​ടു ബന്ധപ്പെട്ട ‘ഗ്രാ​വോ​​തെർമൽ കറ്റാസ്‌ട്രഫി’ എന്നറി​യ​​പ്പെ​ടുന്ന പ്രതി​ഭാ​സ​ത്തിന്‌ താപഗ​തി​ക​ത്തി​ലെ (thermodynamics) തത്ത്വങ്ങൾക്കു ചേർച്ച​യി​ലുള്ള ഒരു വിശദീ​ക​രണം കണ്ടെത്താ​നുള്ള ശ്രമത്തി​ലാ​ണു ഞാനി​​പ്പോൾ. ഡിഎൻഎ അനു​ക്ര​മ​ങ്ങ​ളി​ലെ സങ്കീർണ​ത​ക​​ളെ​ക്കു​റി​ച്ചും ഞാൻ പഠനം നടത്തി​യി​ട്ടുണ്ട്‌.

യാദൃ​ച്ഛി​ക​മാ​യി ഉളവാ​കാ​നാ​കാ​ത്ത​വി​ധം അത്ര സങ്കീർണ​മാണ്‌ ജീവൻ. ഉദാഹ​ര​ണ​ത്തിന്‌, ഡിഎൻഎ തന്മാ​ത്ര​യിൽ അടങ്ങി​യി​രി​ക്കുന്ന വിവര​ങ്ങ​ളു​ടെ വ്യാപ്‌തി​​യെ​ക്കു​റിച്ച്‌ ഒന്നു ചിന്തി​ക്കുക. ഒരൊറ്റ ക്രോ​മ​​സോം യാദൃ​ച്ഛി​ക​മാ​യി ഉണ്ടാകാ​നുള്ള സാധ്യത, 9 ലക്ഷം കോടി​യിൽ ഒന്ന്‌ എന്നതി​​നെ​ക്കാ​ളും കുറവാണ്‌, അതായത്‌ അസാധ്യ​​മെന്നു കണക്കാ​ക്കാ​നാ​കും​വി​ധം അസംഭ​വ്യം. ബുദ്ധി​യി​ല്ലാത്ത ശക്തികൾ ഒരു ക്രോ​മ​​സോ​മി​ന്റെ മാത്രമല്ല, ജീവജാ​ല​ങ്ങ​ളിൽ കാണുന്ന അമ്പരി​പ്പി​ക്കുന്ന സകല സങ്കീർണ​ത​ക​ളു​​ടെ​യും ഉത്‌പ​ത്തി​ക്കു കാരണ​മാ​​യെന്നു വിശ്വ​സി​ക്കു​ന്നത്‌ ശുദ്ധമ​ണ്ട​ത്ത​ര​മാ​​ണെന്നു ഞാൻ കരുതു​ന്നു.

കൂടാതെ, ദ്രവ്യ​ത്തി​ന്റെ അതിസ​ങ്കീർണ​മായ സ്വഭാ​വ​​ത്തെ​ക്കു​റി​ച്ചു പഠിക്കു​​മ്പോൾ, അതായത്‌ സൂക്ഷ്‌മ​രൂ​പ​ത്തി​ലുള്ള ദ്രവ്യം മുതൽ ശൂന്യാ​കാ​ശ​ത്തി​ലെ ഭീമൻ നക്ഷത്രാ​ന്തര മേഘങ്ങ​ളു​ടെ ചലനം​വ​​രെ​യുള്ള സംഗതി​ക​​ളെ​ക്കു​റി​ച്ചു പഠിക്കു​​മ്പോൾ, അവയു​​ടെ​​യെ​ല്ലാം ചലനങ്ങളെ നിയ​ന്ത്രി​ക്കുന്ന നിയമ​ങ്ങ​ളു​ടെ ഉത്‌കൃ​ഷ്ട​മായ ലാളി​ത്യം എന്നെ വിസ്‌മ​യ​ത്തി​ന്റെ കൊടു​മു​ടി​യി​​ലെ​ത്തി​ക്കു​ന്നു. എന്നെ സംബന്ധി​ച്ചി​ട​​ത്തോ​ളം ഈ നിയമങ്ങൾ മഹാനായ ഒരു ഗണിത​ശാ​സ്‌ത്ര പ്രതി​ഭ​യു​ടെ കരവേല എന്നതി​ലു​പരി, അതുല്യ​നായ ഒരു കലാകാ​രന്റെ കയ്യൊ​പ്പു​​പോ​​ലെ​യാണ്‌.

ഞാൻ യഹോ​വ​യു​ടെ സാക്ഷി​ക​ളിൽ ഒരാളാ​​ണെന്നു പറയു​​മ്പോൾ പലപ്പോ​ഴും ആളുകൾക്ക്‌ അത്ഭുത​മാണ്‌. എനിക്ക്‌ എങ്ങനെ ഒരു ദൈവ​ത്തിൽ വിശ്വ​സി​ക്കാൻ കഴിയു​ന്നു​​വെന്ന്‌ അവർ ചില​പ്പോൾ എന്നോടു ചോദി​ക്കും. അവർ ആ വിധത്തിൽ പ്രതി​ക​രി​ക്കു​ന്ന​തിൽ അതിശ​യി​ക്കാ​നില്ല. കാരണം, തങ്ങൾ പഠിക്കുന്ന കാര്യ​ങ്ങൾക്കു തെളിവു ചോദി​ക്കാ​നോ തങ്ങളുടെ വിശ്വാ​സ​ങ്ങ​​ളെ​ക്കു​റി​ച്ചു ഗവേഷണം നടത്താ​നോ മിക്ക മതങ്ങളും മതാം​ഗ​ങ്ങളെ പ്രോ​ത്സാ​ഹി​പ്പി​ക്കു​ന്നില്ല. എന്നാൽ ‘ചിന്തി​ക്കാ​നുള്ള കഴിവ്‌’ ഉപയോ​ഗി​ക്കാൻ ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നു. (സദൃശ​വാ​ക്യ​ങ്ങൾ 3:​21, പരിശുദ്ധ ബൈബിൾ: ഈസി-റ്റു-റീഡ്‌ വേർഷൻ) പ്രകൃ​തി​യിൽ കാണുന്ന ബുദ്ധി​പൂർവ​ക​മായ രൂപകൽപ്പ​ന​യു​ടെ തെളി​വു​ക​ളും ബൈബി​ളിൽനി​ന്നുള്ള തെളി​വു​ക​ളും, ദൈവം സ്ഥിതി​​ചെ​യ്യു​ന്നു എന്നുമാ​​ത്രമല്ല അവൻ നമ്മുടെ പ്രാർഥ​ന​ക​ളിൽ തത്‌പ​ര​നാ​​ണെ​ന്നും എന്നെ ബോധ്യ​​പ്പെ​ടു​ത്തു​ന്നു.

[അടിക്കു​റിപ്പ്‌]

[22-ാം പേജിലെ ചിത്ര​ങ്ങൾക്ക്‌ കടപ്പാട്‌]

പശ്ചാത്തലത്തിലെ ചൊവ്വാഗ്രഹം: Courtesy USGS Astrogeology Research Program, http://astrogeology.usgs.gov

സസ്യങ്ങ​ളി​ലെ വിസ്‌മ​യി​പ്പി​ക്കുന്ന രൂപസം​വി​ധാ​നം

പല ചെടി​കൾക്കും സർപ്പി​ളാ​കൃ​തി​യി​ലുള്ള (spiral) ഘടനക​ളുണ്ട്‌ എന്നത്‌ നിങ്ങൾ ശ്രദ്ധി​ച്ചി​ട്ടു​ണ്ടോ? ഉദാഹ​ര​ണ​ത്തിന്‌ കൈത​ച്ച​ക്ക​യു​ടെ തൊലി​യി​ലുള്ള ശൽക്കങ്ങൾ സർപ്പി​ളാ​കൃ​തി​യിൽ ക്രമീ​ക​രി​ക്ക​​പ്പെ​ട്ടി​രി​ക്കു​ന്ന​താ​യി കാണാം; 8 സർപ്പി​ളങ്ങൾ ഒരു ദിശയി​​ലേ​ക്കും 5 അല്ലെങ്കിൽ 13 എണ്ണം എതിർദി​ശ​യി​​ലേ​ക്കും പോകു​ന്നു​ണ്ടാ​കാം. (ചിത്രം 1 കാണുക.) ഒരു സൂര്യ​കാ​ന്തി​യു​ടെ വിത്തുകൾ പരി​ശോ​ധി​ക്കു​ക​യാ​​ണെ​ങ്കിൽ 55-ഉം 89-ഉം സർപ്പി​ളങ്ങൾ, ഒരുപക്ഷേ അതിലും കൂടുതൽ, വിപരീത ദിശക​ളി​ലാ​യി ക്രമീ​ക​രി​ക്ക​​പ്പെ​ട്ടി​രി​ക്കു​ന്നതു കാണാ​നാ​​യേ​ക്കും. ഒരു കോളി​ഫ്‌ള​വ​റിൽ പോലും സർപ്പി​ളങ്ങൾ കാണാൻ കഴി​ഞ്ഞേ​ക്കും. വിസ്‌മ​യി​പ്പി​ക്കുന്ന ഈ രൂപസം​വി​ധാ​നം ശ്രദ്ധിച്ചു തുടങ്ങി​യാൽപ്പി​ന്നെ പഴങ്ങളും പച്ചക്കറി​ക​ളും വാങ്ങാൻ പോകു​ന്നത്‌ നിങ്ങൾക്കു കൂടുതൽ രസകര​മായ അനുഭ​വ​മാ​കും. എന്തു​കൊ​ണ്ടാണ്‌ ചെടികൾ ഈ രീതി​യിൽ വളരു​ന്നത്‌? സർപ്പി​ള​ങ്ങ​ളു​ടെ എണ്ണത്തിന്‌ എന്തെങ്കി​ലും പ്രാധാ​ന്യ​മു​ണ്ടോ?

ചെടികൾ വളരു​ന്ന​​തെ​ങ്ങനെ?

മിക്കവാ​റും ചെടി​ക​ളിൽ തണ്ടുക​ളും പൂക്കളും ഇലകളും പോ​ലെ​യുള്ള ഭാഗങ്ങൾ പുതു​താ​യി കിളിർക്കു​ന്നത്‌ വളർച്ച​യ്‌ക്കു നിദാ​ന​മായ ഒരു കേന്ദ്ര​സ്ഥാ​ന​ത്തു​നി​ന്നാണ്‌. സർഗകല (meristem) എന്നറി​യ​​പ്പെ​ടുന്ന ഈ സ്ഥാനത്തു​നിന്ന്‌ പുതു​താ​യി ഉണ്ടാകുന്ന ഓരോ ഭാഗ​ത്തെ​യും അല്ലെങ്കിൽ മുള​യെ​യും പ്രൈ​​മോർഡി​യം എന്നു വിളി​ക്കു​ന്നു. തൊട്ടു​മുമ്പ്‌ ഉണ്ടായ മുളയിൽനി​ന്നു വിഭി​ന്ന​മായ ഒരു ദിശയി​ലാ​യി​രി​ക്കും കേന്ദ്ര​ത്തിൽനിന്ന്‌ ഓരോ പുതിയ മുളയും പൊട്ടി​വ​ള​രു​ന്നത്‌; അങ്ങനെ, ഈ രണ്ടു മുളകൾക്കും ഇടയിൽ ഒരു കോൺ രൂപം​​കൊ​ള്ളു​ന്നു.a (ചിത്രം 2 കാണുക.) മിക്ക ചെടി​ക​ളും, സർപ്പി​ളാ​കൃ​തിക്ക്‌ ഇടയാ​ക്കും​വി​ധം ഒരു പ്രത്യേക കോണി​ലാ​ണു പുതിയ ഭാഗങ്ങ​ളു​ടെ വളർച്ച ക്രമീ​ക​രി​ക്കു​ന്നത്‌. ഏതാണ്‌ ഈ പ്രത്യേക കോൺ?

ഈ വെല്ലു​വി​ളി​​യെ​ക്കു​റി​​ച്ചൊ​ന്നു ചിന്തി​ക്കുക: സർഗക​ല​യ്‌ക്കു ചുറ്റും ഒട്ടും​തന്നെ സ്ഥലം പാഴാ​ക്കാ​തെ പുതു മുളകളെ വിന്യ​സി​ച്ചു​​കൊണ്ട്‌ ഒരു ചെടി രൂപകൽപ്പന ചെയ്യു​ക​യാ​​ണെന്നു സങ്കൽപ്പി​ക്കുക. ഓരോ പുതിയ മുളയും തൊട്ടു​മുമ്പ്‌ ഉണ്ടായ​തിൽനിന്ന്‌ ഒരു പരിവൃ​ത്തി​യു​ടെ (360 ഡിഗ്രി​യു​ടെ) അഞ്ചിൽ രണ്ട്‌ കോൺ വ്യത്യാ​സ​ത്തിൽ ക്രമീ​ക​രി​ക്കാൻ നിങ്ങൾ തീരു​മാ​നി​​ച്ചെന്നു കരുതുക. ഇവിടെ നിങ്ങൾ ഒരു പ്രശ്‌നം അഭിമു​ഖീ​ക​രി​ക്കും. ഓരോ അഞ്ചാമ​​ത്തെ​യും മുളകൾ ഒരേ സ്ഥാനത്തു​നിന്ന്‌ ഒരേ ദിശയി​ലാ​യി​രി​ക്കും വളരുക. ഇതിനർഥം അവ അടുക്കു​ക​ളാ​യി വളരു​ക​യും അങ്ങനെ ആ നിരകൾക്കി​ട​യിൽ സ്ഥലം പാഴാ​കു​ക​യും ചെയ്യും എന്നാണ്‌. (ചിത്രം 3 കാണുക.) സത്യത്തിൽ, മുളകൾക്കി​ട​യി​ലുള്ള കോണ​കലം ഒരു പരിവൃ​ത്തി​യു​ടെ ഏതു ലഘു ഭിന്നകം (simple fraction) ആയാലും ഇതുത​​ന്നെ​യാ​യി​രി​ക്കും ഫലം. കോൺ വ്യതി​യാ​നം, “സുവർണ കോൺ” എന്നറി​യ​​പ്പെ​ടുന്ന, ഉദ്ദേശം 137.5 ഡിഗ്രി ആണെങ്കിൽ മാത്രമേ, സ്ഥലം ഒട്ടും പാഴാ​ക്കാ​തെ ഏറ്റവും മെച്ചപ്പെട്ട രീതി​യിൽ മുളക​ളു​ടെ വളർച്ച ക്രമീ​ക​രി​ക്കാൻ സാധിക്കൂ. (ചിത്രം 5 കാണുക.) ഈ കോൺ ഇത്ര സവി​ശേ​ഷ​മാ​യി​രി​ക്കു​ന്നത്‌ എന്തു​കൊ​ണ്ടാണ്‌?

സുവർണ കോൺ ഏറ്റവും മെച്ചമാ​യി​രി​ക്കു​ന്ന​തി​ന്റെ കാരണം ഒരു പരിവൃ​ത്തി​യു​ടെ ഒരു ലഘു ഭിന്നക​മാ​യി അതിനെ നിർവ​ചി​ക്കാൻ സാധി​ക്കില്ല എന്നതാണ്‌. 5/8 എന്ന ഭിന്നകം സുവർണ കോണി​​നോട്‌ അടുത്തു​വ​രും, 8/13 കൂടുതൽ അടുത്തും 13/21 അതിലും കുറെ​ക്കൂ​ടെ അടുത്തും വരും. എന്നാൽ ഒരു ലഘു ഭിന്നക​വും ഒരു പരിവൃ​ത്തി​യു​ടെ സുവർണ അനുപാ​തത്തെ കൃത്യ​മാ​യി പ്രതി​നി​ധാ​നം ചെയ്യു​ന്നില്ല. അതു​കൊണ്ട്‌ സർഗക​ല​യിൽനിന്ന്‌ ഒരു പുതിയ മുള പൊട്ടു​ന്നത്‌ എപ്പോ​ഴും, തൊട്ടു​മു​മ്പു​ണ്ടായ മുളയിൽനിന്ന്‌ ഏകദേശം 137.5 ഡിഗ്രി കോണ​ക​ല​ത്തിൽ ആയിരി​ക്കു​​മ്പോൾ ഒരിക്ക​ലും രണ്ടു മുളകൾ ഒരേ ദിശയിൽ കിളിർക്കില്ല. (ചിത്രം 4 കാണുക.) അതിന്റെ ഫലമായി ഒരു കേന്ദ്ര​ഭാ​ഗ​ത്തു​നി​ന്നു പ്രസരി​ക്കുന്ന കിരണ​ങ്ങ​ളു​ടെ മാതൃ​ക​യിൽ വളരു​ന്ന​തി​നു​പ​കരം സർപ്പി​ളാ​കൃ​തി​യി​ലാ​യി​രി​ക്കും മുളകൾ ക്രമീ​ക​രി​ക്ക​​പ്പെ​ടുക.

ശ്രദ്ധേ​യ​മാ​യി, ഒരു കേന്ദ്ര​സ്ഥാ​ന​ത്തു​നി​ന്നുള്ള മുളക​ളു​ടെ വളർച്ചയെ കംപ്യൂ​ട്ടർ പ്രോ​​ഗ്രാം ഉപയോ​ഗിച്ച്‌ അനുക​രി​ക്കു​​മ്പോൾ, കോണ​കലം സുവർണ കോൺ ആയിരി​ക്കു​ക​യോ അതി​നോട്‌ ഏറ്റവും അടുത്തു വരിക​യോ ചെയ്യു​​മ്പോൾ മാത്രമേ വ്യക്തമായ സർപ്പി​ളങ്ങൾ രൂപം​​കൊ​ള്ളു​ന്നു​ള്ളൂ. സുവർണ കോണിൽനിന്ന്‌ ഒരു ഡിഗ്രി​യു​ടെ പത്തി​ലൊ​രം​ശം മാത്രം മാറു​​മ്പോൾപ്പോ​ലും, സർപ്പി​ളാ​കൃ​തി നഷ്ടമാ​കാൻ തുടങ്ങു​ന്നു.​—⁠ചിത്രം 5 കാണുക.

ഒരു പൂവിൽ എത്ര ഇതളുകൾ ഉണ്ട്‌?

ശ്രദ്ധേ​യ​മാ​യി, സുവർണ കോണി​നെ അടിസ്ഥാ​ന​​പ്പെ​ടു​ത്തി​യുള്ള വളർച്ച​യിൽനിന്ന്‌ ഉരുത്തി​രി​യുന്ന സർപ്പി​ള​ങ്ങ​ളു​ടെ എണ്ണം സാധാ​ര​ണ​ഗ​തി​യിൽ, ഫിബൊ​നാ​ച്ചി അനു​ക്രമം (Fibonacci sequence) എന്നു വിളി​ക്ക​​പ്പെ​ടുന്ന ഒരു ശ്രേണി​യി​ലെ ഒരു സംഖ്യ ആയിരി​ക്കും. ഈ അനു​ക്രമം ആവിഷ്‌ക​രി​ച്ചത്‌ 13-ാം നൂറ്റാ​ണ്ടിൽ ജീവി​ച്ചി​രുന്ന ലേയോ​നാർഡോ ഫിബൊ​നാ​ച്ചി എന്ന ഇറ്റലി​ക്കാ​ര​നായ ഗണിത​ശാ​സ്‌ത്ര​ജ്ഞ​നാ​യി​രു​ന്നു. ഈ അനു​ക്ര​മ​ത്തിൽ 1-നു ശേഷം വരുന്ന ഓരോ സംഖ്യ​യും അതിനു തൊട്ടു​മു​മ്പിൽ വന്ന രണ്ടു സംഖ്യ​ക​ളു​ടെ തുക ആയിരി​ക്കും, അതായത്‌ 1, 1, 2, 3, 5, 8, 13, 21, 34, 55 എന്നിങ്ങനെ.

സർപ്പി​ളാ​കൃ​തി​യി​ലുള്ള വളർച്ച പ്രകട​മാ​ക്കുന്ന പല ചെടി​ക​ളു​​ടെ​യും പുഷ്‌പ​ങ്ങ​ളി​ലെ ഇതളു​ക​ളു​ടെ എണ്ണം മിക്ക​പ്പോ​ഴും ഫിബൊ​നാ​ച്ചി അനു​ക്ര​മ​ത്തി​ലെ ഒരു സംഖ്യ ആയിരി​ക്കും. ബട്ടർക​പ്പിന്‌ 5 ഇതളു​ക​ളും, ബ്ലഡ്‌റൂ​ട്ടിന്‌ 8-ഉം ഫയർവീ​ഡി​നു 13-ഉം ആസ്റ്ററിനു 21-ഉം സാധാരണ ഡെയ്‌സിക്ക്‌ 34-ഉം മൈക്കൽമസ്‌ ഡെയ്‌സിക്ക്‌ 55 അല്ലെങ്കിൽ 89-ഉം ഇതളുകൾ ഉണ്ടാകാ​നുള്ള പ്രവണ​ത​യു​ള്ള​താ​യി ചില നിരീ​ക്ഷകർ അഭി​പ്രാ​യ​​പ്പെ​ടു​ന്നു. (ചിത്രം 6 കാണുക.) പഴങ്ങൾക്കും പച്ചക്കറി​കൾക്കും മിക്ക​പ്പോ​ഴും ഫിബൊ​നാ​ച്ചി സംഖ്യ​ക​ളു​മാ​യി യോജി​പ്പി​ലാ​യി​രി​ക്കുന്ന സവി​ശേ​ഷ​തകൾ ഉണ്ടായി​രി​ക്കും. ഉദാഹ​ര​ണ​ത്തിന്‌ വാഴപ്പ​ഴത്തെ കുറുകെ ഛേദി​ച്ചാൽ 5 വശങ്ങളുള്ള ഒരു ഘടന കാണാം.

“അവൻ സകലവും . . . ഭംഗി​യാ​യി ചെയ്‌തു”

സുവർണ അനുപാ​തം കണ്ണുകൾക്ക്‌ ഏറ്റവും രമ്യമാ​യ​താ​​ണെന്ന്‌ കലാകാ​ര​ന്മാർ പണ്ടേ തിരി​ച്ച​റി​ഞ്ഞി​ട്ടുണ്ട്‌. ചെടികൾ ഓരോ പുതിയ മുളയും കൃത്യ​മാ​യി സുവർണ കോൺ വ്യത്യാ​സ​ത്തിൽ ക്രമീ​ക​രി​ക്കു​ന്ന​തി​നുള്ള കാരണ​​മെ​ന്താണ്‌? ജീവജാ​ല​ങ്ങ​ളി​ലുള്ള ബുദ്ധി​പൂർവ​ക​മായ രൂപര​ച​ന​യു​ടെ മറ്റൊരു ഉദാഹ​ര​ണ​മാ​ണിത്‌ എന്ന നിഗമ​ന​ത്തിൽ അനേക​രും എത്തി​ച്ചേ​രു​ന്നു.

ജീവജാ​ല​ങ്ങ​ളി​ലെ വിസ്‌മ​യി​പ്പി​ക്കുന്ന രൂപസം​വി​ധാ​ന​​ത്തെ​ക്കു​റി​ച്ചും അവ ആസ്വദി​ക്കു​ന്ന​തി​നുള്ള നമ്മുടെ പ്രാപ്‌തി​​യെ​ക്കു​റി​ച്ചും ചിന്തി​ക്കു​​മ്പോൾ, നാം ജീവിതം ആസ്വദി​ക്ക​ണ​​മെന്ന്‌ ആഗ്രഹി​ക്കുന്ന ഒരു സ്രഷ്ടാ​വി​ന്റെ കൈവേല പലർക്കും തിരി​ച്ച​റി​യാ​നാ​കു​ന്നുണ്ട്‌. നമ്മുടെ സ്രഷ്ടാ​വി​​നെ​ക്കു​റിച്ച്‌ ബൈബിൾ പറയുന്നു: “അവൻ സകലവും അതതിന്റെ സമയത്തു ഭംഗി​യാ​യി ചെയ്‌തു.”​—⁠സഭാ​പ്ര​സം​ഗി 3:11.

[അടിക്കു​റിപ്പ്‌]

[24, 25 പേജു​ക​ളി​ലെ രേഖാ​ചി​​ത്രങ്ങൾ]

ചിത്രം 1

(പ്രസി​ദ്ധീ​ക​രണം കാണുക)

ചിത്രം 2

(പ്രസി​ദ്ധീ​ക​രണം കാണുക)

ചിത്രം 3

(പ്രസി​ദ്ധീ​ക​രണം കാണുക)

ചിത്രം 4

(പ്രസി​ദ്ധീ​ക​രണം കാണുക)

ചിത്രം 5

(പ്രസി​ദ്ധീ​ക​രണം കാണുക)

ചിത്രം 6

(പ്രസി​ദ്ധീ​ക​രണം കാണുക)

[24-ാം പേജിലെ ചിത്രം]

സർഗകലയുടെ ക്ലോസ്‌-അപ്പ്‌

[കടപ്പാട്‌]

R. Rutishauser, University of Zurich, Switzerland

[25-ാം പേജിലെ ചിത്ര​ങ്ങൾക്ക്‌ കടപ്പാട്‌]

വെളുത്ത പുഷ്‌പം: Thomas G. Barnes @ USDA-NRCS PLANTS Database

നിങ്ങൾ എന്തു വിശ്വ​സി​ക്കു​ന്നു എന്നതു പ്രധാ​ന​മാ​ണോ?

ജീവി​ത​ത്തിന്‌ ഒരു ഉദ്ദേശ്യ​മു​ണ്ടന്ന്‌ നിങ്ങൾ കരുതു​ന്നു​വോ? പരിണാ​മ​​പ്ര​​ക്രിയ സത്യമാ​​ണെ​ങ്കിൽ സയന്റി​ഫിക്‌ അമേരി​ക്കൻ എന്ന പത്രി​ക​യിൽ വന്ന പ്രസ്‌താ​വ​ന​യും ശരിയാ​​ണെ​ന്നു​വ​രും. ‘ജീവി​ത​ത്തിന്‌ ആത്യന്തി​ക​മായ ഒരർഥം ഉണ്ടെന്ന ധാരണ മിഥ്യ​യാ​​ണെന്ന്‌ പരിണാ​മ​​പ്ര​​ക്രി​യ​​യെ​ക്കു​റി​ച്ചുള്ള നമ്മുടെ പുതിയ ഗ്രാഹ്യം സൂചി​പ്പി​ക്കു​ന്നു’ എന്ന്‌ അതു പറയു​ക​യു​ണ്ടാ​യി.

ആ വാക്കു​ക​ളു​ടെ അർഥ​മൊ​ന്നു പരിചി​ന്തി​ക്കുക. ജീവി​ത​ത്തിന്‌ ആത്യന്തി​ക​മായ ഒരർഥം ഉണ്ടെന്ന ധാരണ മിഥ്യ​യാ​​ണെ​ങ്കിൽ, എന്തെങ്കി​ലും ചില നല്ല കാര്യങ്ങൾ ചെയ്യാൻ ശ്രമി​ക്കു​ക​യും ഒരുപക്ഷേ നിങ്ങളു​ടെ ജനിതക സവി​ശേ​ഷ​തകൾ അടുത്ത തലമു​റ​യ്‌ക്കു കൈമാ​റു​ക​യും ചെയ്യുക എന്നതൊ​ഴിച്ച്‌ ജീവി​ത​ത്തിന്‌ മറ്റൊരു ഉദ്ദേശ്യ​വും ഇല്ലെന്നു വരും. മരണ​ത്തോ​ടെ നിങ്ങൾ എന്നേക്കു​മാ​യി ഇല്ലാതാ​കും. ജീവി​ത​ത്തി​ന്റെ അർഥ​ത്തെ​ക്കു​റി​ച്ചു ചിന്തി​ക്കാ​നും ന്യായ​വാ​ദം ചെയ്യാ​നും ധ്യാനി​ക്കാ​നും പ്രാപ്‌തി​യുള്ള നിങ്ങളു​ടെ തലച്ചോർ പ്രകൃ​തി​യി​ലെ ഒരു ആകസ്‌മി​ക​ത​യു​ടെ ഫലം മാത്ര​മാ​​ണെ​ന്നും വരും.

ഇതുമാ​​ത്ര​മല്ല അതിന്റെ വിവക്ഷ. പരിണാ​മ​ത്തിൽ വിശ്വ​സി​ക്കുന്ന അനേക​രും ദൈവം സ്ഥിതി​​ചെ​യ്യു​ന്നി​​ല്ലെ​ന്നോ മനുഷ്യ​ന്റെ കാര്യ​ങ്ങ​ളിൽ ഇടപെ​ടി​​ല്ലെ​ന്നോ അവകാ​ശ​​പ്പെ​ടു​ന്നു. രണ്ടായാ​ലും നമ്മുടെ ഭാവി, രാഷ്‌ട്രീയ നേതാ​ക്ക​ന്മാ​രു​​ടെ​യും പണ്ഡിത​ന്മാ​രു​​ടെ​യും മതനേ​താ​ക്ക​ന്മാ​രു​​ടെ​യും കൈക​ളി​ലാ​യി​രി​ക്കും. അവരുടെ മുൻകാ​ല​​പ്ര​ക​ട​ന​ത്തി​ന്റെ അടിസ്ഥാ​ന​ത്തിൽ വിലയി​രു​ത്തി​യാൽ മനുഷ്യ സമൂഹത്തെ കാർന്നു​തി​ന്നുന്ന അഴിമ​തി​യും സംഘർഷ​വും ക്രമസ​മാ​ധാന തകർച്ച​യും തുടരു​ക​തന്നെ ചെയ്യും. തീർച്ച​യാ​യും, പരിണാ​മം വാസ്‌ത​വ​മാ​ണ​ങ്കിൽ “നാം തിന്നുക, കുടിക്ക, നാളെ ചാകു​മ​ല്ലോ” എന്ന വിപത്‌ക​ര​മായ ആദർശ​ത്തി​​നൊ​ത്തു ജീവി​ക്കാൻ ധാരാളം കാരണങ്ങൾ ഉള്ളതു​​പോ​ലെ തോന്നും.​—⁠1 കൊരി​ന്ത്യർ 15:32.

തെറ്റി​ദ്ധ​രി​ക്ക​രുത്‌. മേൽപ്പറഞ്ഞ ആശയങ്ങ​​ളോട്‌ യഹോ​വ​യു​ടെ സാക്ഷികൾ ഒരു​പ്ര​കാ​ര​ത്തി​ലും യോജി​ക്കു​ന്നില്ല. മാത്രമല്ല ഈ ആശയങ്ങൾക്ക്‌ അടിസ്ഥാ​ന​മായ പരിണാമ സിദ്ധാ​ന്ത​വും അവർ അംഗീ​ക​രി​ക്കു​ന്നില്ല. നേരെ​മ​റിച്ച്‌, ബൈബിൾ സത്യമാ​​ണെ​ന്നാ​ണു സാക്ഷികൾ വിശ്വ​സി​ക്കു​ന്നത്‌. (യോഹ​ന്നാൻ 17:17) അതു​കൊണ്ട്‌ നമ്മുടെ ഉത്ഭവ​ത്തെ​ക്കു​റിച്ച്‌ അത്‌ പറയു​ന്ന​തും അവർ സ്വീക​രി​ക്കു​ന്നു: “നിന്റെ [ദൈവ​ത്തി​ന്റെ] പക്കൽ ജീവന്റെ ഉറവു​ണ്ട​ല്ലോ.” (സങ്കീർത്തനം 36:9) ഈ വാക്കു​കൾക്ക്‌ വളരെ വലിയ അർഥവ്യാ​പ്‌തി​യുണ്ട്‌.

ജീവി​ത​ത്തി​നു തീർച്ച​യാ​യും ഒരർഥ​മുണ്ട്‌. നമ്മുടെ സ്രഷ്ടാ​വിന്‌ അവന്റെ ഇഷ്ടപ്ര​കാ​രം ജീവി​ക്കാൻ തീരു​മാ​നി​ക്കുന്ന ഓരോ​രു​ത്ത​​രെ​യും സംബന്ധിച്ച്‌ സ്‌നേ​ഹ​പൂർവ​ക​മായ ഒരു ഉദ്ദേശ്യ​മുണ്ട്‌. (സഭാ​പ്ര​സം​ഗി 12:13) ആ ഉദ്ദേശ്യ​ത്തി​ന്റെ ഭാഗമാണ്‌ അവൻ വാഗ്‌ദാ​നം ചെയ്‌തി​രി​ക്കുന്ന ജീവിതം​—⁠അഴിമ​തി​യും സംഘർഷ​വും ക്രമസ​മാ​ധാന തകർച്ച​യു​​മൊ​ന്നും ഇല്ലാത്ത, എന്തിന്‌ മരണം പോലു​മി​ല്ലാത്ത ഒന്ന്‌. (യെശയ്യാ​വു 2:4; 25:6-8) ദൈവ​​ത്തെ​ക്കു​റി​ച്ചു പഠിക്കു​ന്ന​തും അവന്റെ ഇഷ്ടം ചെയ്യു​ന്ന​തും മറ്റെന്തി​​നെ​ക്കാൾ ഉപരി​യാ​യി ജീവി​ത​ത്തിന്‌ അർഥം പകരും എന്നതിന്റെ ജീവി​ക്കുന്ന തെളി​വു​ക​ളാണ്‌ ലോക​​മെ​മ്പാ​ടു​മുള്ള ലക്ഷക്കണ​ക്കിന്‌ യഹോ​വ​യു​ടെ സാക്ഷികൾ.​—⁠യോഹ​ന്നാൻ 17:⁠3.

നിങ്ങൾ എന്തു വിശ്വ​സി​ക്കു​ന്നു എന്നതിന്‌ തീർച്ച​യാ​യും പ്രാധാ​ന്യ​മുണ്ട്‌. കാരണം അതിന്‌ നിങ്ങളു​ടെ ഇപ്പോ​ഴത്തെ സന്തോ​ഷത്തെ മാത്രമല്ല ഭാവി ജീവി​ത​​ത്തെ​യും സ്വാധീ​നി​ക്കാ​നാ​കും. തീരു​മാ​നം നിങ്ങളു​​ടേ​താണ്‌. ഈ ഭൗതിക ലോക​ത്തിൽ കൂടുതൽ പ്രകട​മാ​യി വരുന്ന രൂപകൽപ്പ​ന​യു​ടെ തെളി​വി​നെ വിശദീ​ക​രി​ക്കാൻ പരാജ​യ​പ്പെട്ട ഒരു സിദ്ധാ​ന്തത്തെ നിങ്ങൾ ഇനിയും മുറു​​കെ​പ്പി​ടി​ക്കു​മോ? അതോ, ഭൂമി​യും അതിലുള്ള ജീവനും ബുദ്ധി​​​വൈ​ഭ​വ​മുള്ള ഒരു രൂപസം​വി​ധാ​യ​കന്റെ​—⁠‘സർവ്വവും സൃഷ്ടി​ച്ച​വ​നായ’ യഹോ​വ​യാം ദൈവ​ത്തി​ന്റെ​—⁠സൃഷ്ടി​യാ​ണന്നു ബൈബിൾ പറയു​ന്നത്‌ നിങ്ങൾ അംഗീ​ക​രി​ക്കു​മോ?​—⁠വെളി​പ്പാ​ടു 4:⁠11.

ബൈബി​ളി​ന്റെ വീക്ഷണം

ശാസ്‌ത്രം ഉല്‌പത്തി വിവര​ണ​ത്തി​നു വിരു​ദ്ധ​മോ?

സൃഷ്ടി​​ക്രി​യ​ക​​ളെ​ക്കു​റി​ച്ചുള്ള ബൈബിൾ വിവരണം ശാസ്‌ത്രം അംഗീ​ക​രി​ക്കു​ന്നി​​ല്ലെന്നു പലരും അവകാ​ശ​​പ്പെ​ടു​ന്നു. എന്നാൽ ശാസ്‌ത്ര​ത്തിന്‌ യഥാർഥ​ത്തിൽ വൈരു​ധ്യ​മു​ള്ളത്‌ ക്രിസ്‌ത്യൻ മൗലി​ക​വാ​ദി​കൾ എന്നു വിളി​ക്ക​​പ്പെ​ടു​ന്ന​വ​രു​ടെ കാഴ്‌ച​പ്പാ​ടു​ക​ളു​മാ​യി​ട്ടാണ്‌, അല്ലാതെ ബൈബി​ളു​മാ​യി​ട്ടല്ല. ഏതാണ്ട്‌ 10,000 വർഷങ്ങൾക്കു​മുമ്പ്‌ 24 മണിക്കുർ വീതമുള്ള 6 ദിവസ​ങ്ങൾകൊണ്ട്‌ ഭൗതിക പ്രപഞ്ചം ഉളവാ​ക്ക​​പ്പെട്ടു എന്നു ബൈബിൾ പഠിപ്പി​ക്കു​ന്ന​താ​യി ഇങ്ങനെ​യുള്ള ചില സംഘട​നകൾ തെറ്റായി നിഗമനം ചെയ്‌തി​രി​ക്കു​ന്നു.

എന്നാൽ ബൈബിൾ അങ്ങനെ​​യൊ​രു നിഗമ​നത്തെ പിന്തു​ണ​യ്‌ക്കു​ന്നില്ല. അങ്ങനെ ചെയ്‌താൽ, കഴിഞ്ഞ ഒരു നൂറ്റാ​ണ്ടി​​ലേ​​റെ​യാ​യി നടന്ന അനേക ശാസ്‌ത്രീയ കണ്ടെത്ത​ലു​കൾ ബൈബി​ളി​ന്റെ കൃത്യ​ത​യിൽ സംശയം ജനിപ്പി​ക്കും. ബൈബി​ളി​ന്റെ ഒരു സൂക്ഷ്‌മ പഠനം, സുസ്ഥാ​പി​ത​മായ ശാസ്‌ത്രീയ വസ്‌തു​ത​കൾക്ക്‌ എതിരാ​യ​​തൊ​ന്നും അതിലി​​ല്ലെന്നു തെളി​യി​ക്കും. അതു​കൊ​ണ്ടു​തന്നെ, യഹോ​വ​യു​ടെ സാക്ഷികൾ “ക്രിസ്‌ത്യൻ” മൗലി​ക​വാ​ദി​ക​ളു​മാ​യും പല സൃഷ്ടി​വാ​ദി​സം​ഘ​ട​ന​ക​ളു​മാ​യും വിയോ​ജി​ക്കു​ന്നു. ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു എന്ന്‌ തുടർന്നു​വ​രുന്ന ഭാഗങ്ങ​ളിൽ കാണാം.

എന്നായി​രു​ന്നു ദൈവം ‘ആകാശ​വും ഭൂമി​യും സൃഷ്ടി​ച്ചത്‌’?

“ആദിയിൽ ദൈവം ആകാശ​വും ഭൂമി​യും സൃഷ്ടിച്ചു” എന്ന ലളിത​വും ശക്തവു​മായ പ്രസ്‌താ​വ​ന​​യോ​​ടെ​യാണ്‌ ഉല്‌പത്തി വിവരണം ആരംഭി​ക്കു​ന്നത്‌. (ഉല്‌പത്തി 1:1) 3-ാം വാക്യം​മു​തൽ പ്രതി​പാ​ദി​ക്കുന്ന സൃഷ്ടി​ദി​വ​സ​ങ്ങ​ളി​ലെ ക്രിയ​ക​ളിൽനി​ന്നു വ്യത്യ​സ്‌ത​മായ ഒരു പ്രവർത്ത​ന​​ത്തെ​യാണ്‌ ഇവിടെ പരാമർശി​ക്കു​ന്നത്‌ എന്ന കാര്യ​ത്തിൽ ബൈബിൾ പണ്ഡിത​ന്മാർക്ക്‌ ഒരേ സ്വരമാണ്‌. ഈ വ്യത്യാ​സം തിരി​ച്ച​റി​യു​ന്നതു വളരെ പ്രധാ​ന​മാണ്‌. ബൈബി​ളി​ന്റെ ആമുഖ പ്രസ്‌താ​വ​ന​യ​നു​സ​രിച്ച്‌ സൃഷ്ടി​പ്പിൻ ദിവസങ്ങൾ തുടങ്ങു​ന്ന​തി​നു മുമ്പു​തന്നെ നമ്മുടെ ഭൂമി ഉൾപ്പെ​ടുന്ന ഈ പ്രപഞ്ചം അനിശ്ചിത കാല​ത്തോ​ളം സ്ഥിതി​​ചെ​യ്‌തി​രു​ന്നു.

ഭൂമിക്ക്‌ ഏതാണ്ട്‌ 400 കോടി വർഷം പഴക്കമു​​ണ്ടെന്ന്‌ ഭൂവി​ജ്ഞാ​നീയ ശാസ്‌ത്രജ്ഞർ കണക്കാ​ക്കു​ന്നു. അതു​പോ​ലെ ജ്യോ​തി​ശ്ശാ​സ്‌ത്ര​ജ്ഞ​രു​ടെ അനുമാ​ന​ത്തിൽ പ്രപഞ്ച​ത്തിന്‌ ഏതാണ്ട്‌ 1500 കോടി വർഷം പഴക്കമുണ്ട്‌. ഈ കണക്കു​ക​ളോ അതിൽ ഉണ്ടാ​യേ​ക്കാ​വുന്ന പൊരു​ത്ത​​പ്പെ​ടു​ത്ത​ലു​ക​ളോ ഉല്‌പത്തി 1:​1-ലെ പ്രസ്‌താ​വന സത്യമ​​ല്ലെന്നു തെളി​യി​ക്കു​മോ? ഇല്ല. “ആകാശ​വും ഭൂമി​യും” യഥാർഥ​ത്തിൽ എത്ര പഴക്കമു​ള്ള​താ​ണന്ന്‌ ബൈബിൾ വ്യക്തമാ​ക്കു​ന്നില്ല. അതു​കൊണ്ട്‌ ബൈബി​ളി​ന്റെ പ്രസ്‌താ​വന തെറ്റാ​​ണെന്നു ശാസ്‌ത്രം തെളി​യി​ക്കു​ന്നില്ല.

സൃഷ്ടി​ദി​വ​സങ്ങൾ എത്ര ദൈർഘ്യ​മു​ള്ളവ ആയിരു​ന്നു?

സൃഷ്ടി​ദി​വ​സ​ങ്ങൾക്ക്‌ യഥാർഥ​ത്തിൽ 24 മണിക്കൂർ ദൈർഘ്യ​മാ​ണോ ഉണ്ടായി​രു​ന്നത്‌? ഉല്‌പ​ത്തി​യു​ടെ എഴുത്തു​കാ​ര​നായ മോശെ ആറു സൃഷ്ടി​ദി​വ​സ​ങ്ങളെ തുടർന്നു​വന്ന ദിവസത്തെ വാരം​​തോ​റു​മുള്ള ശബത്തിനു മാതൃ​ക​യാ​ക്കി പരാമർശി​ക്കു​ന്ന​തു​​കൊണ്ട്‌ ചിലർ അവകാ​ശ​​പ്പെ​ടു​ന്നത്‌ ഓരോ സൃഷ്ടി​ദി​വ​സ​വും അക്ഷരാർഥ​ത്തിൽ 24 മണിക്കൂർ ദൈർഘ്യ​മു​ള്ള​വ​യാ​​ണെ​ന്നാണ്‌. (പുറപ്പാ​ടു 20:11) ഉല്‌പത്തി പുസ്‌ത​ക​ത്തി​ന്റെ ആഖ്യാ​ന​​​ശൈലി ഈ നിഗമ​നത്തെ പിന്തു​ണ​യ്‌ക്കു​ന്നു​ണ്ടോ?

തീർച്ച​യാ​യും ഇല്ല. വാസ്‌ത​വ​ത്തിൽ “ദിവസം” എന്നു പരിഭാ​ഷ​​പ്പെ​ടു​ത്തി​യി​രി​ക്കുന്ന എബ്രാ​യ​പ​ദ​ത്തിന്‌ 24 മണിക്കൂർ കാലയ​ള​വി​നെ മാത്രമല്ല വ്യത്യസ്‌ത സമയ​​ദൈർഘ്യ​ങ്ങളെ കൂടി അർഥമാ​ക്കാൻ കഴിയും. ഉദാഹ​ര​ണ​ത്തിന്‌ ദൈവ​ത്തി​ന്റെ സൃഷ്ടി​​ക്രി​യ​ക​​ളെ​ക്കു​റി​ച്ചു സംസാ​രി​ക്കവേ മോശെ ആറു സൃഷ്ടി ദിവസ​ങ്ങ​​ളെ​യും ഒരുമിച്ച്‌ ഒരു “നാൾ” (“ദിവസം” എന്നു പരിഭാ​ഷ​​പ്പെ​ടു​ത്തി​യി​രി​ക്കുന്ന അതേ എബ്രായ പദം തന്നെ ഇവിടെ ഉപയോ​ഗി​ച്ചി​രി​ക്കു​ന്നു) എന്നു പരാമർശി​ക്കു​ന്നുണ്ട്‌. (ഉല്‌പത്തി 2:4) കൂടാതെ ഒന്നാമത്തെ സൃഷ്ടി​ദി​വസം “ദൈവം വെളി​ച്ച​ത്തി​ന്നു പകൽ [എബ്രാ​യ​യിൽ, “ദിവസം”] എന്നും ഇരുളി​ന്നു രാത്രി എന്നും പേരിട്ടു.” (ഉല്‌പത്തി 1:5) ഇവിടെ 24 മണിക്കൂർ കാലയ​ള​വി​ന്റെ ഒരു ഭാഗ​ത്തെ​യാണ്‌ എബ്രാ​യ​യിൽ “ദിവസം” എന്നു വിളി​ച്ചി​രി​ക്കു​ന്നത്‌. തീർച്ച​യാ​യും, ഓരോ സൃഷ്ടി​ദി​വ​സ​വും 24 മണിക്കുർ ദൈർഘ്യ​മു​ള്ള​വ​യാ​​ണെന്നു കണ്ണുമ​ടച്ചു വിശ്വ​സി​ക്കു​ന്ന​തി​നു തിരു​​വെ​ഴു​ത്തു​ക​ളിൽ യാതൊ​രു അടിസ്ഥാ​ന​വു​മില്ല.

അങ്ങനെ​​യെ​ങ്കിൽ സൃഷ്ടി​ദി​വ​സങ്ങൾ എത്ര ദൈർഘ്യ​മു​ള്ളവ ആയിരു​ന്നു? ഉല്‌പത്തി പുസ്‌തകം ഒന്നും രണ്ടും അധ്യാ​യ​ങ്ങ​ളി​ലെ ആഖ്യാ​ന​​​ശൈലി സൂചി​പ്പി​ക്കു​ന്നത്‌ വളരെ ദീർഘ​മായ കാലഘട്ടം ഉൾപ്പെ​ട്ടി​ട്ടു​​ണ്ടെ​ന്നാണ്‌.

സൃഷ്ടികൾ ക്രമേണ പ്രത്യ​ക്ഷ​മാ​കു​ന്നു

എബ്രായ ഭാഷയി​ലാണ്‌ മോശെ വിവരണം എഴുതി​യത്‌. കൂടാതെ ഭൂമി​യിൽ നിൽക്കുന്ന ഒരാളു​ടെ വീക്ഷണ​ത്തി​ലൂ​​ടെ​യാണ്‌ അദ്ദേഹം വിവരങ്ങൾ രേഖ​പ്പെ​ടു​ത്തി​യത്‌. ഈ രണ്ടു വസ്‌തു​ത​ക​ളും, സൃഷ്ടി​പ്പിൻ ‘ദിവസ​ങ്ങൾക്ക്‌’ അഥവാ കാലഘ​ട്ട​ങ്ങൾക്കു മുമ്പു​തന്നെ പ്രപഞ്ചം നിലനി​ന്നി​രു​ന്നു എന്ന അറിവും, ഉല്‌പത്തി വിവര​ണ​​ത്തെ​ക്കു​റി​ച്ചുള്ള മിക്കവാ​റും വിവാ​ദ​ങ്ങളെ നിരർഥ​ക​മാ​ക്കും. അത്‌ എങ്ങനെ?

ഒരു ‘ദിവസ​ത്തി​ലെ’ സൃഷ്ടി​​ക്രി​യകൾ ഒന്നോ അതില​ധി​ക​മോ ദിവസ​ങ്ങ​ളി​​ലേക്കു തുടർന്ന​താ​യി ഉല്‌പത്തി പുസ്‌ത​ക​ത്തി​ന്റെ ഒരു സൂക്ഷ്‌മ പരി​ശോ​ധന വെളി​വാ​ക്കു​ന്നു. ഉദാഹ​ര​ണ​ത്തിന്‌, സൃഷ്ടി​പ്പി​ന്റെ ഒന്നാം “ദിവസം” ആരംഭി​ക്കു​ന്ന​തു​വരെ സൂര്യന്റെ വെളിച്ചം ഏതോ കാരണ​ത്താൽ​—⁠കനത്ത മേഘപാ​ളി​കൾ മൂലമാ​യി​രി​ക്കാം​—⁠ഭൂമി​യിൽ എത്തിയി​രു​ന്നില്ല. (ഇയ്യോബ്‌ 38:9) ഒന്നാം “ദിവസം” ഈ തടസ്സം ക്രമേണ മാറി നേരിയ വെളിച്ചം അന്തരീ​ക്ഷ​ത്തി​ലൂ​ടെ കടന്നു​വ​രാൻ തുടങ്ങി.a

തെളി​വ​നു​സ​രിച്ച്‌ രണ്ടാം ‘ദിവസ​വും’ അന്തരീക്ഷം ക്രമേണ തെളി​ഞ്ഞു​​കൊ​ണ്ടി​രു​ന്നു. അങ്ങനെ കനത്ത മേഘപാ​ളി​കൾക്കും താഴെ​യുള്ള സമു​ദ്ര​ത്തി​നും മധ്യേ ഒരു വിതാനം ഉണ്ടായി. നാലാം “ദിവസം” “ആകാശ​വി​താ​ന​ത്തിൽ” സൂര്യ​​നെ​യും ചന്ദ്ര​നെ​യും കാണാൻ കഴിയുന്ന അളവോ​ളം അന്തരീക്ഷം പിന്നെ​യും തെളിഞ്ഞു. (ഉല്‌പത്തി 1:14-16) മറ്റുവാ​ക്കു​ക​ളിൽ പറഞ്ഞാൽ, ഭൂമി​യിൽനി​ന്നു നോക്കുന്ന ഒരു മനുഷ്യന്‌ സൂര്യ​ച​​ന്ദ്ര​ന്മാ​രെ വ്യതി​രി​ക്ത​മാ​യി കാണാൻ കഴിയു​മാ​യി​രു​ന്നു. ഇതെല്ലാം ക്രമേ​ണ​യാ​ണു സംഭവി​ച്ചത്‌.

അഞ്ചാം “ദിവസം” അന്തരീക്ഷം കൂടുതൽ തെളി​ഞ്ഞ​​തോ​ടു​കൂ​ടി ചെറു കീടങ്ങ​ളും സുതാ​ര്യ​മായ ചിറകുള്ള ജീവി​ക​ളും ഉൾപ്പെ​​ടെ​യുള്ള പറവജാ​തി​കൾ പ്രത്യ​ക്ഷ​​പ്പെട്ടു തുടങ്ങി​​യെ​ന്നും ഉല്‌പത്തി വിവരണം പറയുന്നു. എന്നിരു​ന്നാ​ലും ആറാം ‘ദിവസ​വും’ “യഹോ​വ​യായ ദൈവം ഭൂമി​യി​ലെ സകലമൃ​ഗ​ങ്ങ​​ളെ​യും ആകാശ​ത്തി​ലെ എല്ലാ പറവക​​ളെ​യും നിലത്തു​നി​ന്നു നിർമ്മി”ച്ചുകൊ​ണ്ടി​രു​ന്നു എന്ന്‌ ബൈബിൾ സൂചി​പ്പി​ക്കു​ന്നു.​—⁠ഉല്‌പത്തി 2:19.

വ്യക്തമാ​യും ഓരോ സൃഷ്ടി​ദി​വ​സ​ത്തി​​ലെ​യും അല്ലെങ്കിൽ കാലഘ​ട്ട​ത്തി​​ലെ​യും പ്രധാ​ന​പ്പെട്ട ചില സൃഷ്ടി​​ക്രി​യകൾ ക്ഷണത്തിൽ പ്രത്യ​ക്ഷ​​പ്പെ​ടു​ന്ന​തി​നു പകരം ക്രമേണ​—⁠ഒരുപക്ഷേ മറ്റു സൃഷ്ടി​ദി​വ​സ​ങ്ങ​ളി​​ലേ​ക്കു​​പോ​ലും ദീർഘി​ച്ചു​​കൊണ്ട്‌​—⁠പ്രത്യ​ക്ഷ​​പ്പെ​ട്ടി​രി​ക്കാ​​മെന്നു വിശ്വ​സി​ക്കാൻ ബൈബി​ളി​ന്റെ ആഖ്യാ​ന​​​ശൈലി അനുവ​ദി​ക്കു​ന്നു.

അതതു തരമനു​സ​രിച്ച്‌

സസ്യങ്ങ​ളും മൃഗങ്ങ​ളും ക്രമാ​നു​ഗ​ത​മാ​യി പ്രത്യ​ക്ഷ​​പ്പെ​ട്ടു​​വെന്നു പറയു​​മ്പോൾ, പരിണാ​മ​​പ്ര​​ക്രി​യ​യി​ലൂ​​ടെ​യാണ്‌ ദൈവം നാനാ​തരം ജീവജാ​ല​ങ്ങളെ ഉളവാ​ക്കി​യത്‌ എന്ന ധ്വനി നൽകു​ന്നു​ണ്ടോ? ഇല്ല. ദൈവം “അതതു തരം” അടിസ്ഥാന സസ്യ-ജന്തുജാ​ല​ങ്ങളെ സൃഷ്ടിച്ചു എന്ന്‌ ഉല്‌പത്തി പുസ്‌തകം വളരെ വ്യക്തമാ​യി പ്രസ്‌താ​വി​ക്കു​ന്നു. (ഉല്‌പത്തി 1:11, 12, 20-25) മാറ്റം​വ​രുന്ന പരിസ്ഥി​തി​ക്ക​നു​സ​രിച്ച്‌ അനുരൂ​പ​​പ്പെ​ടാ​നുള്ള പ്രാപ്‌തി സസ്യ-ജന്തുജാ​ല​ങ്ങ​ളി​ലെ ഈ അടിസ്ഥാന “തര”ങ്ങളിൽ പ്രോ​​ഗ്രാം ചെയ്‌തി​ട്ടു​ണ്ടാ​യി​രു​ന്നോ? ഒരു “തര”ത്തിന്‌ എത്ര​ത്തോ​ളം മാറ്റം​വ​രാൻ സാധി​ക്കും? ബൈബിൾ അതി​നെ​ക്കു​റി​​ച്ചൊ​ന്നും പറയു​ന്നില്ല. എന്നിരു​ന്നാ​ലും “അതതു​തരം” ജീവജാ​ലങ്ങൾ “കൂട്ടമാ​യി” സൃഷ്ടി​ക്ക​​പ്പെ​ട്ടു​​വെന്ന്‌ അതു വ്യക്തമാ​ക്കു​ന്നു. (ഉല്‌പത്തി 1:21) ജീവജാ​ല​ങ്ങ​ളു​ടെ ഒരു “തര”ത്തിനു സംഭവി​ക്കാ​വുന്ന മാറ്റത്തി​നു പരിധി​യുണ്ട്‌ എന്ന്‌ ഈ പ്രസ്‌താ​വന സൂചി​പ്പി​ക്കു​ന്നു. യുഗങ്ങൾ കഴിഞ്ഞി​ട്ടും സസ്യ-ജന്തുജാ​ല​ങ്ങ​ളു​ടെ അടിസ്ഥാന വർഗങ്ങൾക്കു മാറ്റ​മൊ​ന്നും സംഭവി​ച്ചി​ട്ടില്ല എന്ന ആശയത്തിന്‌ ഫോസിൽ രേഖയും ആധുനിക ഗവേഷ​ണ​വും പിന്തുണ നൽകുന്നു.

ഭൂമി​യും അതിലെ ജീവജാ​ല​ങ്ങ​ളും ഉൾപ്പെ​​ടെ​യുള്ള പ്രപഞ്ച​ത്തിന്‌ കാര്യ​മായ പഴക്കമി​​ല്ലെ​ന്നും അവയെ​ല്ലാം ഒരു ചുരു​ങ്ങിയ കാലത്തി​നു​ള്ളിൽ സൃഷ്ടി​ക്ക​​പ്പെ​ട്ടു​​വെ​ന്നും ചില മൗലി​ക​വാ​ദി​കൾ അവകാ​ശ​​പ്പെ​ടു​ന്നു​​ണ്ടെ​ങ്കി​ലും ഉല്‌പത്തി പുസ്‌തകം അങ്ങനെ പഠിപ്പി​ക്കു​ന്നില്ല. മറിച്ച്‌ പ്രപഞ്ച സൃഷ്ടി​​യെ​ക്കു​റി​ച്ചും ഭൂമി​യി​ലെ ജീവന്റെ ഉത്ഭവ​ത്തെ​ക്കു​റി​ച്ചു​മുള്ള ഉല്‌പത്തി വിവരണം അടുത്ത കാലത്തെ ശാസ്‌ത്രീയ കണ്ടുപി​ടി​ത്ത​ങ്ങ​ളു​മാ​യി യോജി​പ്പി​ലാണ്‌.

തത്ത്വശാ​സ്‌ത്ര​പ​ര​മായ വിശ്വാ​സങ്ങൾ കാരണം, സകലവും ദൈവം സൃഷ്ടിച്ചു എന്ന ബൈബി​ളി​ന്റെ പ്രസ്‌താ​വ​നയെ അനേകം ശാസ്‌ത്ര​ജ്ഞ​ന്മാർ തള്ളിക്ക​ള​യു​ന്നു. എന്നിരു​ന്നാ​ലും, പ്രപഞ്ച​ത്തിന്‌ ഒരു തുടക്ക​മു​​ണ്ടെ​ന്നും ജീവജാ​ലങ്ങൾ ഘട്ടംഘ​ട്ട​മാ​യും ക്രമാ​നു​ഗ​ത​മാ​യും ഒരു ദീർഘ​കാ​ലം​​കൊണ്ട്‌ ഭൂമി​യിൽ പ്രത്യ​ക്ഷ​​പ്പെ​ട്ടു​​വെ​ന്നും മോശെ പ്രാചീന ബൈബിൾ പുസ്‌ത​ക​മായ ഉല്‌പ​ത്തി​യിൽ എഴുതി​​യെ​ന്നതു ശ്രദ്ധേ​യ​മാണ്‌. ഇത്ര കൃത്യ​മായ ശാസ്‌ത്രീയ വിവരങ്ങൾ ഏതാണ്ട്‌ 3500 വർഷങ്ങൾക്കു​മുമ്പ്‌ മോ​ശെക്ക്‌ എങ്ങനെ ലഭിച്ചു? യുക്തി​പൂർവ​ക​മായ ഒരു വിശദീ​ക​ര​ണമേ അതിനു​ള്ളൂ. ആകാശ​വും ഭൂമി​യും സൃഷ്ടി​ക്കാൻ പ്രാപ്‌തി​യും ജ്ഞാനവു​മുള്ള ഒരുവൻ കൃത്യ​മായ ഈ ശാസ്‌ത്രീയ അറിവു മോ​ശെക്കു പകർന്നു കൊടു​ത്തു. ഇത്‌ ബൈബിൾ “ദൈവ​ശ്വാ​സീയ”മാണെന്ന അവകാ​ശ​വാ​ദ​ത്തി​നു മാറ്റു​കൂ​ട്ടു​ക​യും ചെയ്യുന്നു.​—⁠2 തിമൊ​​ഥെ​​യൊസ്‌ 3:16.

നിങ്ങൾ ചിന്തി​ച്ചി​ട്ടു​ണ്ടോ?

◼ എത്ര നാളു​കൾക്കു​മു​മ്പാണ്‌ ദൈവം പ്രപഞ്ചം സൃഷ്ടി​ച്ചത്‌?​—⁠ഉല്‌പത്തി 1:⁠1.

◼ 24 മണിക്കൂർ വീതമുള്ള 6 ദിവസ​ങ്ങൾകൊ​ണ്ടാ​ണോ ഭൂമി സൃഷ്ടി​ക്ക​​പ്പെ​ട്ടത്‌?​—⁠ഉല്‌പത്തി 2:⁠4.

◼ ഭൂമി​യി​ലെ സൃഷ്ടി​​ക്രി​യ​ക​ളു​ടെ ആരംഭ​​ത്തെ​ക്കു​റിച്ച്‌ മോ​ശെക്ക്‌ എങ്ങനെ ശാസ്‌ത്രീയ കൃത്യ​ത​​യോ​ടെ എഴുതാൻ കഴിഞ്ഞു?​—⁠2 തിമൊ​​ഥെ​​യൊസ്‌ 3:16.

[അടിക്കു​റിപ്പ്‌]

[19-ാം പേജിലെ ആകർഷക വാക്യം]

പ്രപഞ്ചത്തിന്‌ കാര്യ​മായ പഴക്കമി​​ല്ലെ​ന്നും അത്‌ ചുരു​ങ്ങിയ ഒരു കാലത്തി​നു​ള്ളിൽ സൃഷ്ടി​ക്ക​​പ്പെ​ട്ടു​​വെ​ന്നും ഉല്‌പ​ത്തി​പ്പു​സ്‌തകം പഠിപ്പി​ക്കു​ന്നി​ല്ല

[20-ാം പേജിലെ ആകർഷക വാക്യം]

“ആദിയിൽ ദൈവം ആകാശ​വും ഭൂമി​യും സൃഷ്ടിച്ചു.”​—⁠ഉല്‌പത്തി 1:1

[18-ാം പേജിലെ ചിത്ര​ങ്ങൾക്ക്‌ കടപ്പാട്‌]

പ്രപഞ്ചം: IAC/RGO/David Malin Images

[20-ാം പേജിലെ ചിത്ര​ങ്ങൾക്ക്‌ കടപ്പാട്‌]

NASA photo

യുവജ​നങ്ങൾ ചോദി​ക്കു​ന്നു . . .

സൃഷ്ടി​യി​ലുള്ള എന്റെ വിശ്വാ​സത്തെ എനി​ക്കെ​ങ്ങനെ സമർഥി​ക്കാ​നാ​കും?

“ക്ലാസ്സിൽ പരിണാ​മത്തെ ക്കുറി​ച്ചുള്ള ചർച്ച വന്നപ്പോൾ ഞാൻ അതുവരെ പഠിച്ചി​രുന്ന എല്ലാറ്റി​​നെ​യും അതു വെല്ലു​വി​ളി​ക്കു​ന്ന​താ​യി തോന്നി. ഒരു വസ്‌തു​ത​യെന്ന നിലയി​ലാണ്‌ അത്‌ അവതരി​പ്പി​ക്ക​​പ്പെ​ട്ടത്‌, എന്റെ ധൈര്യ​​മൊ​ക്കെ ചോർന്നു​​പോ​യി.”​—⁠ റയൻ, 18.

“അന്നെനിക്ക്‌ ഏതാണ്ട്‌ 12 വയസ്സ്‌. പരിണാ​മ​ത്തിൽ അടിയു​റച്ചു വിശ്വ​സി​ച്ചി​രുന്ന വ്യക്തി​യാ​യി​രു​ന്നു എന്റെ അധ്യാ​പിക. അവരുടെ കാറി​ന്മേൽ ഡാർവി​ന്റെ ഒരു ചിഹ്നം​​പോ​ലും ഉണ്ടായി​രു​ന്നു! അതു​കൊ​ണ്ടു​തന്നെ സൃഷ്ടി​യി​ലുള്ള എന്റെ വിശ്വാ​സ​​ത്തെ​ക്കു​റി​ച്ചു സംസാ​രി​ക്കാൻ എനിക്കു മടിയാ​യി​രു​ന്നു.”​—⁠ ടൈലർ, 19.

“അടുത്ത പാഠം പരിണാ​മത്തെ കുറി​ച്ചു​ള്ള​താ​​ണെന്ന്‌ സാമൂ​ഹ്യ​പാ​ഠം എടുക്കുന്ന അധ്യാ​പിക പറഞ്ഞ​പ്പോൾ എനിക്കു വല്ലാത്ത പേടി തോന്നി. വിവാ​ദ​പ​ര​മായ ഈ വിഷയ​ത്തിൽ എന്റെ നിലപാ​​ടെ​ന്താ​​ണെന്ന്‌ ക്ലാസ്സിൽ വിശദീ​ക​രി​​ക്കേണ്ടി വരു​മെന്ന്‌ എനിക്ക റിയാ​മാ​യി​രു​ന്നു.”​—⁠ റാക്കെൽ, 14.

പരിണാ​മ​​ത്തെ​ക്കു​റിച്ച്‌ ക്ലാസ്സിൽ ചർച്ച ചെയ്യു​​മ്പോൾ റയനെ​യും ടൈല​റി​​നെ​യും റാക്കെ​ലി​​നെ​യും​​പോ​ലെ ഒരുപക്ഷേ നിങ്ങൾക്കും പരി​ഭ്രമം തോന്നി​​യേ​ക്കാം. “സർവ്വവും” ദൈവം “സൃഷ്ടിച്ച”താണെന്നു നിങ്ങൾ വിശ്വ​സി​ക്കു​ന്നു. (വെളി​പ്പാ​ടു 4:11) നിങ്ങൾക്കു ചുറ്റും എവിടെ കണ്ണോ​ടി​ച്ചാ​ലും, ബുദ്ധി​പൂർവ​ക​മായ രൂപകൽപ്പ​ന​യു​ടെ തെളിവ്‌ നിങ്ങൾ കാണുന്നു. എന്നാൽ നാം പരിണ​മി​ച്ചു​ണ്ടാ​യ​താ​​ണെന്നു പാഠപു​സ്‌ത​കങ്ങൾ പറയുന്നു; നിങ്ങളു​ടെ അധ്യാ​പ​ക​നും അതുതന്നെ പറയുന്നു. ‘വിദഗ്‌ധ​​രോ​ടു’ തർക്കി​ക്കാൻ നിങ്ങളാ​രാണ്‌? നിങ്ങൾ ദൈവ​​ത്തെ​ക്കു​റി​ച്ചു സംസാ​രി​ച്ചാൽ നിങ്ങളു​ടെ സഹപാ​ഠി​കൾ എങ്ങനെ പ്രതി​ക​രി​ക്കും?

ഇത്തരം ചോദ്യ​ങ്ങൾ നിങ്ങളെ ആകുല​​പ്പെ​ടു​ത്തു​​ന്നെ​ങ്കിൽ, വിഷമി​ക്കേണ്ട! സൃഷ്ടി​യിൽ വിശ്വ​സി​ക്കുന്ന ഒരേ​യൊ​രു വ്യക്തിയല്ല നിങ്ങൾ. ചില ശാസ്‌ത്രജ്ഞർ പോലും പരിണാമ സിദ്ധാന്തം അംഗീ​ക​രി​ക്കു​ന്നില്ല എന്നതാണു യാഥാർഥ്യം. അധ്യാ​പ​ക​രു​ടെ കൂട്ടത്തി​ലും പരിണാ​മ​ത്തിൽ വിശ്വ​സി​ക്കാത്ത അനേക​രുണ്ട്‌. അമേരി​ക്കൻ ഐക്യ​നാ​ടു​ക​ളി​ലെ വിദ്യാർഥി​ക​ളിൽ 5-ൽ 4 പേരും ഒരു സ്രഷ്ടാ​വു​​ണ്ടെന്നു വിശ്വ​സി​ക്കു​ന്ന​വ​രാണ്‌​—⁠പാഠപു​സ്‌ത​കങ്ങൾ എന്തുതന്നെ പറഞ്ഞാ​ലും!

എന്നിരു​ന്നാ​ലും നിങ്ങൾ ഇങ്ങനെ ചോദി​​ച്ചേ​ക്കാം, ‘സൃഷ്ടി​യി​ലുള്ള എന്റെ വിശ്വാ​സം മറ്റുള്ള​വർക്കു തെളി​യി​ച്ചു​​കൊ​ടു​​ക്കേ​ണ്ടി​വ​രു​ന്നെ​ങ്കിൽ ഞാനെന്തു പറയും?’ നിങ്ങൾ അത്ര ധൈര്യ​മി​ല്ലാത്ത കൂട്ടത്തി​ലാ​​ണെ​ങ്കിൽപ്പോ​ലും നിങ്ങളു​ടെ നിലപാ​ടു വിശദ​മാ​ക്കാൻ നിങ്ങൾക്കു സാധി​ക്കും എന്നതു സംബന്ധിച്ച്‌ ഉറപ്പു​ള്ള​വ​രാ​യി​രി​ക്കുക. എന്നാൽ അതിനു​​വേണ്ടി അൽപ്പം തയ്യാറാ​​കേ​ണ്ട​തുണ്ട്‌.

നിങ്ങളു​ടെ വിശ്വാ​സങ്ങൾ പരി​ശോ​ധിച്ച്‌ ഉറപ്പു വരുത്തുക!

ക്രിസ്‌തീയ കുടും​ബ​ത്തിൽ വളർന്നു​വ​രുന്ന വ്യക്തി​യാ​ണു നിങ്ങ​ളെ​ങ്കിൽ, സൃഷ്ടി​യിൽ വിശ്വ​സി​ക്കാൻ മാതാ​പി​താ​ക്കൾ നിങ്ങളെ പഠിപ്പി​ച്ചു എന്നതിന്റെ പേരിൽ മാത്രം നിങ്ങൾ അതു വിശ്വ​സി​​ച്ചേ​ക്കാം. എന്നാൽ ഇപ്പോൾ മുതിർന്നു വരുന്ന ഒരു വ്യക്തി​യെന്ന നിലയിൽ നിങ്ങളു​ടെ വിശ്വാ​സ​ങ്ങൾക്ക്‌ ഒരു ഉറച്ച അടിസ്ഥാ​നം ഉണ്ടായി​രി​ക്കാ​നും നിങ്ങളു​ടെ “ബുദ്ധി” അഥവാ യുക്തി​​ബോ​ധം ഉപയോ​ഗിച്ച്‌ ദൈവത്തെ ആരാധി​ക്കാ​നും നിങ്ങൾ ആഗ്രഹി​ക്കു​ന്നു. (റോമർ 12:1) “സകലവും ശോധന” ചെയ്യാൻ അതായത്‌ പരി​ശോ​ധിച്ച്‌ ഉറപ്പു​വ​രു​ത്താൻ, പൗലൊസ്‌ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ച്ചു. (1 തെസ്സ​ലൊ​നീ​ക്യർ 5:21) സൃഷ്ടി​യി​ലുള്ള നിങ്ങളു​ടെ വിശ്വാ​സ​ത്തി​ന്റെ കാര്യ​ത്തിൽ അതെങ്ങനെ ചെയ്യാൻ സാധി​ക്കും?

ആദ്യം​ത​ന്നെ, ദൈവ​​ത്തെ​ക്കു​റിച്ച്‌ പൗലൊസ്‌ എഴുതി​യതു ശ്രദ്ധി​ക്കുക: “അവന്റെ അദൃശ്യ​ല​ക്ഷ​ണങ്ങൾ” അഥവാ ഗുണങ്ങൾ “ലോക​സൃ​ഷ്ടി​മു​തൽ അവന്റെ പ്രവൃ​ത്തി​ക​ളാൽ ബുദ്ധി​ക്കു​​തെ​ളി​വാ​യി വെളി​​പ്പെ​ട്ടു​വ​രു​ന്നു.” (റോമർ 1:20) ആ വാക്കുകൾ മനസ്സിൽ പിടി​ച്ചു​​കൊണ്ട്‌ മനുഷ്യ​ശ​രീ​രം, ഭൂമി, ബൃഹത്തായ പ്രപഞ്ചം, സമു​ദ്ര​ത്തി​ന്റെ ആഴങ്ങൾ എന്നിവയെ കുറിച്ചു പരിചി​ന്തി​ക്കുക. സസ്യങ്ങ​ളു​​ടെ​യും ജന്തുക്ക​ളു​​ടെ​യും അത്ഭുത​​ലോ​കം, പ്രാണി​​ലോ​കത്തെ വിസ്‌മ​യങ്ങൾ എന്നിങ്ങനെ നിങ്ങൾക്ക്‌ താത്‌പ​ര്യ​മുള്ള ഏതു മേഖല​​യെ​ക്കു​റി​ച്ചും വിശക​ലനം ചെയ്യുക. എന്നിട്ട്‌, നിങ്ങളു​ടെ യുക്തി​​ബോ​ധം ഉപയോ​ഗിച്ച്‌ നിങ്ങ​ളോ​ടു​തന്നെ ഇങ്ങനെ ചോദി​ക്കുക, ‘ഒരു സ്രഷ്ടാ​വു​​ണ്ടെന്ന്‌ എന്നെ ബോധ്യ​​പ്പെ​ടു​ത്തു​ന്നത്‌ എന്താണ്‌?’

മനുഷ്യ​ശ​രീ​ര​ത്തെ ഉദാഹ​ര​ണ​മാ​യി എടുത്തു​​കൊ​ണ്ടാണ്‌ 14 വയസ്സു​കാ​ര​നായ സാം ആ ചോദ്യ​ത്തിന്‌ ഉത്തരം നൽകു​ന്നത്‌. “അത്‌ നിരവധി വിശദാം​ശങ്ങൾ നിറഞ്ഞ​തും സങ്കീർണ​വു​മാണ്‌,” അവൻ പറയുന്നു. “അതിന്റെ ഭാഗങ്ങൾ എല്ലാം വളരെ യോജി​പ്പിൽ പ്രവർത്തി​ക്കു​ന്നു. മനുഷ്യ​ശ​രീ​രം പരിണ​മി​ച്ചു​ണ്ടാ​യ​താ​യി​രി​ക്കുക സാധ്യമല്ല!” 16 വയസ്സു​കാ​രി​യായ ഹോളി​ക്കും സമാന​മായ അഭി​പ്രാ​യ​മാണ്‌. അവൾ പറയുന്നു: “എനിക്കു പ്രമേ​ഹ​മു​​ണ്ടെന്നു കണ്ടുപി​ടി​ച്ച​തി​​നെ​ത്തു​ടർന്ന്‌ ശരീര​ത്തി​ന്റെ പ്രവർത്ത​ന​ങ്ങ​​ളെ​ക്കു​റിച്ച്‌ ഞാൻ വളരെ​യ​ധി​കം കാര്യങ്ങൾ മനസ്സി​ലാ​ക്കി. ഉദാഹ​ര​ണ​ത്തിന്‌, ആമാശ​യ​ത്തി​നു പിന്നിൽ സ്ഥിതി​​ചെ​യ്യുന്ന ഒരു ചെറിയ അവയവ​മായ ആഗ്നേയ​​ഗ്രന്ഥി രക്തത്തി​​ന്റെ​യും മറ്റു ശരീര അവയവ​ങ്ങ​ളു​​ടെ​യും പ്രവർത്ത​ന​ത്തിൽ എത്ര വലിയ പങ്കാണു വഹിക്കു​ന്നത്‌. അത്‌ വിസ്‌മ​യാ​വ​ഹ​മാണ്‌.”

മറ്റു യുവാക്കൾ വ്യത്യ​സ്‌ത​മായ ഒരു തലത്തിൽനി​ന്നു​​കൊ​ണ്ടാണ്‌ ഈ ചോദ്യ​ത്തിന്‌ ഉത്തരം നൽകു​ന്നത്‌. 19 വയസ്സു​കാ​ര​നായ ജാരെദ്‌ പറയുന്നു: “നമുക്ക്‌ ആത്മീയ കാര്യ​ങ്ങളെ വിലമ​തി​ക്കാ​നാ​കും എന്നതും സൗന്ദര്യം ആസ്വദി​ക്കു​ന്ന​തി​നുള്ള കഴിവും പഠിക്കാ​നുള്ള ആഗ്രഹ​വും ഉണ്ട്‌ എന്നതും എന്നെ സംബന്ധി​ച്ചി​ട​​ത്തോ​ളം ഏറ്റവും വലിയ തെളി​വാണ്‌. അതിജീ​വ​ന​ത്തിന്‌ ഈ സവി​ശേ​ഷ​തകൾ ആവശ്യ​മില്ല. അതു​കൊ​ണ്ടു​തന്നെ പരിണാ​മ​ത്തി​ന്റെ കാഴ്‌ച​പ്പാ​ടിൽനി​ന്നു നോക്കു​​മ്പോൾ ഇതിനു വിശദീ​ക​ര​ണ​മില്ല. എനിക്ക്‌ യുക്തി​സ​ഹ​മാ​യി​​ത്തോ​ന്നുന്ന ഏക വിശദീ​ക​രണം നാം ജീവിതം ആസ്വദി​ക്കാൻ ആഗ്രഹിച്ച ഒരുവൻ നമ്മെ ഇവിടെ ആക്കി​വെച്ചു എന്നതാണ്‌.” തുടക്ക​ത്തിൽ പരാമർശിച്ച ടൈലർ സമാന​മായ ഒരു നിഗമ​ന​ത്തിൽ എത്തി​ച്ചേർന്നു. അവൻ പറയുന്നു: “ജീവന്റെ നിലനിൽപ്പിൽ സസ്യങ്ങൾ വഹിക്കുന്ന പങ്കി​നെ​ക്കു​റി​ച്ചും അവയുടെ ഘടനയി​ലെ അമ്പരപ്പി​ക്കുന്ന സങ്കീർണ​ത​​യെ​ക്കു​റി​ച്ചും പരിചി​ന്തി​ക്കു​​മ്പോൾ ഒരു സ്രഷ്ടാ​വു​​ണ്ടെന്ന്‌ എനിക്കു ബോധ്യ​മുണ്ട്‌.”

സൃഷ്ടി​​യെ​ക്കു​റിച്ച്‌ ശ്രദ്ധാ​പൂർവം പരിചി​ന്തി​ക്കു​ക​യും അതു സംബന്ധിച്ച്‌ ശരിക്കും ബോധ്യം വരുക​യും ചെയ്‌തി​രി​ക്കു​​ന്നെ​ങ്കിൽ അതേപ്പറ്റി ധൈര്യ​പൂർവം സംസാ​രി​ക്കുക നിങ്ങൾക്ക്‌ കൂടുതൽ എളുപ്പ​മാ​യി​രി​ക്കും. അതു​കൊണ്ട്‌ സാമി​​നെ​യും ഹോളി​​യെ​യും ജാരെ​ദി​​നെ​യും ടൈല​റി​​നെ​യും പോലെ ദൈവ​ത്തി​ന്റെ കരവേ​ല​യി​ലെ അത്ഭുത​ങ്ങ​​ളെ​ക്കു​റിച്ച്‌ ചിന്തി​ക്കാൻ അൽപ്പം സമയം എടുക്കുക. ഇവ നിങ്ങ​ളോട്‌ ‘പറയുന്ന’ കാര്യ​ങ്ങൾക്കു ‘കാതോർക്കുക.’ അപ്പോൾ, അപ്പൊ​സ്‌ത​ല​നായ പൗലൊ​സി​ന്റെ അതേ നിഗമ​ന​ത്തിൽ നിങ്ങൾ എത്തി​ച്ചേ​രും എന്നതിനു സംശയ​മില്ല​—⁠അതായത്‌, ദൈവ​ത്തി​ന്റെ അസ്‌തി​ത്വം മാത്രമല്ല അവന്റെ ഗുണങ്ങ​ളും “അവന്റെ പ്രവൃ​ത്തി​ക​ളാൽ ബുദ്ധി​ക്കു​​തെ​ളി​വാ​യി വെളി​​പ്പെ​ട്ടു​വ​രു​ന്നു” എന്ന നിഗമ​ന​ത്തിൽ.a

ബൈബിൾ യഥാർഥ​ത്തിൽ എന്താണു പഠിപ്പി​ക്കു​ന്ന​​തെന്ന്‌ അറിയുക

സൃഷ്ടി​​യെ​ക്കു​റിച്ച്‌ മറ്റുള്ള​വർക്കു തെളി​യി​ച്ചു​​കൊ​ടു​ക്കു​ന്ന​തിന്‌ ദൈവ​ത്തി​ന്റെ കൈ​വേ​ലയെ അടുത്തു പരി​ശോ​ധി​ക്കു​ന്നതു കൂടാതെ ബൈബിൾ ഈ വിഷയം സംബന്ധിച്ച്‌ യഥാർഥ​ത്തിൽ എന്തു പഠിപ്പി​ക്കു​ന്നു​​വെന്ന്‌ നിങ്ങൾ അറി​യേ​ണ്ട​തുണ്ട്‌. ബൈബിൾ നേരിട്ടു പരാമർശി​ക്കാത്ത കാര്യ​ങ്ങ​​ളെ​പ്പറ്റി വാദ​പ്ര​തി​വാ​ദ​ത്തിൽ ഏർപ്പെ​ടേണ്ട ആവശ്യ​മില്ല. ഏതാനും ഉദാഹ​ര​ണങ്ങൾ പരിചി​ന്തി​ക്കുക.

◼ ഭൂമി​യും സൗരയൂ​ഥ​വും ശതകോ​ടി​ക്ക​ണ​ക്കി​നു വർഷങ്ങ​ളാ​യി നിലവി​ലു​​ണ്ടെന്ന്‌ എന്റെ ശാസ്‌ത്ര പാഠപു​സ്‌തകം പറയുന്നു. ഭൂമി​ക്കോ സൗരയൂ​ഥ​ത്തി​നോ എത്ര പഴക്കമു​​ണ്ടെന്ന്‌ ബൈബിൾ പറയു​ന്നില്ല. ആദ്യത്തെ സൃഷ്ടി‘ദിവസം’ ആരംഭി​ക്കു​ന്ന​തി​നു​മുമ്പ്‌ പ്രപഞ്ചം ശതകോ​ടി​ക്ക​ണ​ക്കി​നു വർഷങ്ങ​ളാ​യി നിലവിൽ ഉണ്ടായി​രു​ന്നി​രി​ക്കാ​മെന്ന ആശയവു​മാ​യി ബൈബിൾ യോജി​ക്കു​ന്നു.​—⁠ഉല്‌പത്തി 1:1, 2.

◼ ഭൂമി വെറും ആറു ദിവസം​​കൊണ്ട്‌ സൃഷ്ടി​ക്ക​​പ്പെ​ടുക സാധ്യ​മ​​ല്ലെന്ന്‌ എന്റെ അധ്യാ​പകൻ പറയുന്നു. ആറു സൃഷ്ടി ‘ദിവസ’ങ്ങളിൽ ഓരോ​ന്നും 24 മണിക്കൂ​റുള്ള അക്ഷരീയ ദിവസ​ങ്ങ​ളാ​യി​രു​​ന്നെന്ന്‌ ബൈബിൾ പ്രസ്‌താ​വി​ക്കു​ന്നില്ല. കൂടുതൽ വിവര​ങ്ങൾക്കാ​യി ഈ മാസി​ക​യു​ടെ 18-20 പേജുകൾ കാണുക.

◼ ജന്തുക്കൾക്കും മനുഷ്യർക്കും കാല​ക്ര​മേണ മാറ്റം വന്നിരി​ക്കു​ന്നത്‌ എങ്ങനെ എന്നതിന്റെ പല ഉദാഹ​ര​ണ​ങ്ങ​ളും ക്ലാസ്സിൽ ചർച്ച​ചെ​യ്‌തു. “അതതു​തരം” ജീവജാ​ല​ങ്ങളെ ദൈവം സൃഷ്ടി​ച്ചു​​വെന്ന്‌ ബൈബിൾ പറയുന്നു. (ഉല്‌പത്തി 1:20, 21) ജീവനി​ല്ലാത്ത വസ്‌തു​വിൽനിന്ന്‌ ജീവൻ ആവിർഭ​വി​ച്ചു എന്ന ആശയ​ത്തെ​യോ ഒരു ഏകകോ​ശം ഉപയോ​ഗിച്ച്‌ ദൈവം പരിണാമ പ്രക്രി​യ​യ്‌ക്ക്‌ തുടക്കം കുറിച്ചു എന്നതി​​നെ​യോ അതു പിന്താ​ങ്ങു​ന്നില്ല. എങ്കിലും, ഓരോ “തര”ത്തിനും അതിൽത്തന്നെ വൻ​വൈ​വി​ധ്യ​ത്തി​നുള്ള ശേഷി​യുണ്ട്‌. അതു​കൊണ്ട്‌ ബൈബിൾ, ഓരോ “തര”ത്തിനും ഉള്ളിൽ മാറ്റം സംഭവി​ക്കാ​നുള്ള സാധ്യത തള്ളിക്ക​ള​യു​ന്നില്ല.

നിങ്ങളു​ടെ വിശ്വാ​സ​ങ്ങ​​ളെ​ക്കു​റിച്ച്‌ ഉറപ്പു​ള്ള​വ​രാ​യി​രി​ക്കുക!

നിങ്ങൾ സൃഷ്ടി​യിൽ വിശ്വ​സി​ക്കു​ന്നു എന്നതിന്റെ പേരിൽ ഒരിക്ക​ലും സങ്കോ​ച​മോ ലജ്ജയോ തോ​ന്നേ​ണ്ട​തില്ല. തെളി​വു​കൾ കണക്കി​​ലെ​ടു​ക്കു​​മ്പോൾ ബുദ്ധി​പൂർവ​ക​മായ രൂപകൽപ്പ​ന​യു​ടെ ഉത്‌പ​ന്ന​മാ​ണു നാമെന്നു വിശ്വ​സി​ക്കു​ന്നത്‌ തികച്ചും ന്യായ​യു​ക്ത​മാണ്‌​—⁠തീർച്ച​യാ​യും ശാസ്‌ത്രീ​യ​വു​മാണ്‌. ഇതി​ന്റെ​​യെ​ല്ലാം വെളി​ച്ച​ത്തിൽ നോക്കു​​മ്പോൾ വാസ്‌ത​വ​ത്തിൽ കണ്ണും​പൂ​ട്ടി വിശ്വ​സി​​ക്കേ​ണ്ടി​വ​രു​ന്നത്‌ പരിണാ​മ​മാണ്‌, കാരണം അതിനു തെളി​വില്ല. അത്ഭുതങ്ങൾ പ്രവർത്തി​ക്കു​ന്ന​വ​നി​ല്ലാ​തെ അത്ഭുതങ്ങൾ നടന്നു എന്നു വിശ്വ​സി​​ക്കേ​ണ്ടി​വ​രു​ന്ന​തും പരിണാ​മ​ത്തി​ന്റെ കാര്യ​ത്തിൽത്തന്നെ. വാസ്‌ത​വ​ത്തിൽ, ഉണരുക!യുടെ ഈ ലക്കത്തിലെ മറ്റു ലേഖനങ്ങൾ പരിചി​ന്തി​ച്ചു കഴിയു​​മ്പോൾ തെളി​വു​കൾ പിന്താ​ങ്ങു​ന്നത്‌ സൃഷ്ടി​​യെ​യാ​​ണെന്ന്‌ നിങ്ങൾക്ക്‌ തീർച്ച​യാ​യും ബോധ്യം വരും. യുക്തി​​ബോ​ധം ഉപയോ​ഗിച്ച്‌ നിങ്ങൾ ഇതി​നെ​ക്കു​റിച്ച്‌ ശ്രദ്ധാ​പൂർവം വിലയി​രു​ത്തി​ക്ക​ഴി​യു​​മ്പോൾ ക്ലാസ്സിൽ നിങ്ങളു​ടെ വിശ്വാ​സം സമർഥി​ക്കാൻ നിങ്ങൾക്കു കൂടുതൽ ആത്മവി​ശ്വാ​സം തോന്നും.

മുമ്പു പരാമർശിച്ച റാക്കെൽ അതുത​​ന്നെ​യാ​ണു കണ്ടെത്തി​യത്‌. “എന്റെ വിശ്വാ​സങ്ങൾ എന്നിൽത്തന്നെ ഒതുക്കി​​വെ​ക്ക​രു​​തെന്ന്‌ തിരി​ച്ച​റി​യാൻ എനിക്ക്‌ ഏതാനും ദിവസങ്ങൾ വേണ്ടി​വന്നു” എന്ന്‌ അവൾ പറയുന്നു. “ജീവൻ​—⁠അത്‌ ഇവിടെ എങ്ങനെ വന്നു? പരിണാ​മ​ത്താ​ലോ സൃഷ്ടി​യാ​ലോ? എന്ന പുസ്‌തകം ഞാൻ എന്റെ അധ്യാ​പി​ക​യ്‌ക്കു നൽകി. അവരുടെ ശ്രദ്ധയിൽപ്പെ​ടു​ത്താൻ ഞാൻ ആഗ്രഹിച്ച ചില ഭാഗങ്ങൾ ഞാൻ അടയാ​ള​​പ്പെ​ടു​ത്തി​യി​രു​ന്നു. പരിണാ​മത്തെ സംബന്ധിച്ച്‌ തികച്ചും പുതി​​യൊ​രു വീക്ഷണം ഉണ്ടായി​രി​ക്കാൻ ഈ പുസ്‌തകം തന്നെ സഹായി​​ച്ചെ​ന്നും ഭാവി​യിൽ ഈ വിഷയം പഠിപ്പി​ക്കു​​മ്പോൾ ഈ വിവര​ങ്ങൾകൂ​ടെ കണക്കി​​ലെ​ടു​ക്കു​​മെ​ന്നും പിന്നീട്‌ അവർ എന്നോടു പറഞ്ഞു!”

“യുവജ​നങ്ങൾ ചോദി​ക്കു​ന്നു . . . ” എന്ന പംക്തി​യി​ലെ മറ്റു ലേഖനങ്ങൾ www.watchtower.org/ype എന്ന വെബ്‌​സൈ​റ്റിൽ കാണാ​നാ​കും

ചിന്തിക്കാൻ

◼ സ്‌കൂ​ളിൽ സൃഷ്ടി​യി​ലുള്ള വിശ്വാ​സ​​ത്തെ​ക്കു​റിച്ച്‌ നിസ്സ​ങ്കോ​ചം വിശദീ​ക​രി​ക്കാൻ നിങ്ങൾക്കു സാധി​ക്കുന്ന ചില മാർഗ​ങ്ങ​ളേവ?

◼ സർവവും സൃഷ്ടിച്ച ആ ഒരുവ​​നോ​ടുള്ള വിലമ​തിപ്പ്‌ നിങ്ങൾക്ക്‌ എങ്ങനെ പ്രകടി​പ്പി​ക്കാം?​—⁠പ്രവൃ​ത്തി​കൾ 17:26, 27.

[അടിക്കു​റിപ്പ്‌]

[27-ാം പേജിലെ ചതുരം]

‘തെളി​വു​കൾ വേണ്ടതി​ല​ധി​കം’

“സ്രഷ്ടാ​വിൽ വിശ്വ​സി​ക്കുന്ന ഒരു കുടും​ബ​ത്തിൽ വളർന്നു​വ​രു​ക​യും സ്‌കൂ​ളിൽ പരിണാ​മം പഠി​ക്കേ​ണ്ടി​വ​രു​ക​യും ചെയ്യുന്ന ഒരു കുട്ടി​​യോട്‌ നിങ്ങൾ എന്തു പറയും?” യഹോ​വ​യു​ടെ സാക്ഷി​ക​ളിൽപ്പെട്ട ഒരു മൈ​​ക്രോ​ബ​​യോ​ള​ജി​സ്റ്റി​​നോട്‌ ഈ ചോദ്യം ചോദി​ക്കു​ക​യു​ണ്ടാ​യി. അവരുടെ മറുപടി എന്തായി​രു​ന്നു? “ദൈവം സ്ഥിതി​​ചെ​യ്യു​ന്നു​​ണ്ടെന്ന്‌ സ്വയം ബോധ്യ​​പ്പെ​ടു​ത്താ​നുള്ള ഒരു അവസര​മാ​യി നിങ്ങൾ അതിനെ കാണണം​—⁠കേവലം, മാതാ​പി​താ​ക്കൾ അതാണു നിങ്ങളെ പഠിപ്പി​ച്ചത്‌ എന്നതു​​കൊ​ണ്ടല്ല, പകരം നിങ്ങൾ തെളി​വു​കൾ പരി​ശോ​ധി​ക്കു​ക​യും അത്തര​മൊ​രു നിഗമ​ന​ത്തിൽ എത്തുക​യും ചെയ്‌ത​തി​നാൽ. ചില​പ്പോൾ അധ്യാ​പ​ക​​രോട്‌ പരിണാ​മം ‘തെളി​യി​ക്കാൻ’ ആവശ്യ​​പ്പെ​ടു​​മ്പോൾ അവർക്ക്‌ അതിനു കഴിയു​ന്നില്ല. കൂടാതെ, അവർ ഈ സിദ്ധാന്തം സ്വീക​രി​ക്കു​ന്നത്‌ അവരെ അതു പഠിപ്പി​ച്ചി​രി​ക്കു​ന്നു എന്നതു​​കൊ​ണ്ടു മാത്ര​മാ​​ണെ​ന്നും അവർ തിരി​ച്ച​റി​യു​ന്നു. ഒരു സ്രഷ്ടാ​വി​ലുള്ള നിങ്ങളു​ടെ വിശ്വാ​സ​ത്തി​ന്റെ കാര്യ​ത്തിൽ നിങ്ങളും അതേ കെണി​യിൽ വീണേ​ക്കാം. അതു​കൊ​ണ്ടാണ്‌ ദൈവം യഥാർഥ​ത്തിൽ സ്ഥിതി​​ചെ​യ്യു​ന്നു​​ണ്ടെന്ന്‌ സ്വയം ബോധ്യ​​പ്പെ​ടു​ത്തു​ന്നത്‌ തക്ക മൂല്യ​മു​ള്ളത്‌ ആയിരി​ക്കു​ന്നത്‌. തെളി​വു​കൾ വേണ്ടതി​ല​ധി​ക​മുണ്ട്‌. അവ കണ്ടെത്താൻ ഒരു ബുദ്ധി​മു​ട്ടു​മില്ല.”

[28-ാം പേജിലെ ചതുരം/ചിത്രം]

നിങ്ങളെ ബോധ്യ​​പ്പെ​ടു​ത്തു​ന്നത്‌ എന്താണ്‌?

ഒരു സ്രഷ്ടാ​വു​​ണ്ടെന്ന്‌ നിങ്ങളെ ബോധ്യ​​പ്പെ​ടു​ത്തുന്ന മൂന്നു കാര്യങ്ങൾ താഴെ എഴുതുക:

1. .....................................

2. .....................................

3. .....................................