അവർക്ക്‌ എവി​ടെ​നി​ന്നാ​ണു ശക്തി ലഭിക്കു​ന്നത്‌?

ഈ ചിത്ര​ത്തിൽ കാണുന്ന ചിത്ര​ശ​ല​ഭത്തെ അടുത്തു നിരീ​ക്ഷി​ക്കു​ന്ന​പക്ഷം, അതിന്റെ നാലു ചിറകു​ക​ളിൽ ഒന്ന്‌ തീർത്തും ഉപയോ​ഗ​ശൂ​ന്യ​മാ​ണെന്നു നിങ്ങൾ കണ്ടെത്തും. എന്നിട്ടും, ഈ ചിത്ര​ശ​ലഭം തീറ്റി​തേടി പറക്കുന്നു. ഇത്‌ ഒറ്റപ്പെട്ട സംഭവമല്ല. ചിറകു​ക​ളു​ടെ മേൽഭാ​ഗ​ത്തിൽ 70 ശതമാ​ന​വും നഷ്ടപ്പെട്ട ചിത്ര​ശ​ല​ഭങ്ങൾ ദൈനം​ദിന പ്രവർത്ത​ന​ത്തിൽ ഏർപ്പെ​ടു​ന്ന​താ​യി നിരീ​ക്ഷി​ക്ക​പ്പെ​ട്ടി​ട്ടുണ്ട്‌.

സമാന​മാ​യി, അനേകർ നിശ്ചയ​ദാർഢ്യ മനോ​ഭാ​വം പ്രദർശി​പ്പി​ക്കു​ന്നു. ശാരീ​രി​ക​മോ വൈകാ​രി​ക​മോ ആയ കഠിന പ്രശ്‌ന​ങ്ങ​ളാൽ യാതന​യ​നു​ഭ​വി​ക്കു​മ്പോ​ഴും അവർ തളർന്നു പിന്മാ​റു​ന്നില്ല.—2 കൊരി​ന്ത്യർ 4:16 താരത​മ്യം ചെയ്യുക.

പൗലോസ്‌ അപ്പോ​സ്‌തലൻ തന്റെ മിഷനറി യാത്ര​കൾക്കി​ട​യിൽ വ്യക്തി​പ​ര​മാ​യി വളരെ​യ​ധി​കം ബുദ്ധി​മു​ട്ടു​കൾ സഹിക്കു​ക​യു​ണ്ടാ​യി. അവനെ ചമ്മട്ടി​കൊണ്ട്‌ അടിക്കു​ക​യും മർദി​ക്കു​ക​യും കല്ലെറി​യു​ക​യും തടവി​ലി​ടു​ക​യും ചെയ്‌തു. അതിനു​പു​റമേ, അവൻ ഒരുതരം വൈക​ല്യം നിമി​ത്ത​വും കഷ്ടപ്പെ​ട്ടി​രു​ന്നു. ഒരുപക്ഷേ നിരന്തരം “ജഡത്തിൽ ഒരു ശൂലം” ആയിരുന്ന, ഒരു നേത്ര വൈക​ല്യം ആയിരു​ന്നി​രി​ക്കാം അത്‌.—2 കൊരി​ന്ത്യർ 12:7-9; ഗലാത്യർ 4:15.

അതിക​ല​ശ​ലാ​യ വിഷാ​ദ​രോ​ഗ​വു​മാ​യി വർഷങ്ങ​ളോ​ളം മല്ലടിച്ച ഒരു ക്രിസ്‌തീയ മൂപ്പനാ​ണു ഡേവിഡ്‌. തന്റെ രോഗം ഭേദമാ​കു​ന്ന​തി​നു യഹോ​വ​യു​ടെ ശക്തി അതി​പ്ര​ധാ​ന​മാ​യി​രു​ന്നു​വെന്ന്‌ അദ്ദേഹം വിശ്വ​സി​ക്കു​ന്നു. “കഷ്ടപ്പെട്ടു നേടി​യെ​ടുത്ത പുരോ​ഗതി പലകുറി വഴുതി​പ്പോ​കു​ന്ന​തു​പോ​ലെ തോന്നി​ച്ചു,” അദ്ദേഹം വിശദീ​ക​രി​ക്കു​ന്നു. “അത്തരം നിരു​ത്സാ​ഹത്തെ നേരി​ടവേ ഞാൻ യഹോ​വ​യിൽ സമ്പൂർണ​മാ​യി ആശ്രയി​ച്ചു, അവൻ വാസ്‌ത​വ​ത്തിൽ എന്നെ താങ്ങു​ക​തന്നെ ചെയ്‌തു. ഒരേ സമയം മണിക്കൂ​റു​ക​ളോ​ളം ഞാൻ പ്രാർഥിച്ച സന്ദർഭ​ങ്ങ​ളുണ്ട്‌. യഹോ​വ​യോ​ടു സംസാ​രി​ച്ച​പ്പോൾ എന്റെ ഏകാന്ത​ത​യും എന്നെ ഒന്നിനും കൊള്ളു​ക​യി​ല്ലെന്ന മനോ​ഭാ​വ​വും അപ്രത്യ​ക്ഷ​മാ​യി. കടുത്ത ബലഹീനത പലവട്ടം എന്നെ വേട്ടയാ​ടി. എന്നാൽ യഹോ​വ​യു​ടെ കൃപയാൽ ആ ബലഹീ​ന​ത​യിൽനി​ന്നു ഞാൻ ശക്തി​പ്രാ​പി​ച്ചു—മറ്റുള്ള​വരെ സഹായി​ക്കാ​നുള്ള ശക്തി​പോ​ലും.”

യഹോ​വ​യാം ദൈവം പൗലോ​സി​നെ ശക്തനാക്കി. അതു​കൊണ്ട്‌, “ബലഹീ​ന​നാ​യി​രി​ക്കു​മ്പോൾ തന്നേ ഞാൻ ശക്തനാ​കു​ന്നു” എന്ന്‌ അവനു പറയാൻ കഴിഞ്ഞു. (2 കൊരി​ന്ത്യർ 12:10) അതേ, പൗലോ​സി​ന്റെ ബലഹീ​ന​തകൾ, ദൈവ​ദ​ത്ത​മായ ശക്തിയിൽ ആശ്രയി​ക്കാൻ അവനെ പഠിപ്പി​ച്ചു. “എന്നെ ശക്തനാ​ക്കു​ന്നവൻ മുഖാ​ന്തരം ഞാൻ സകലത്തി​ന്നും മതിയാ​കു​ന്നു” എന്ന്‌ അപ്പോ​സ്‌തലൻ പറഞ്ഞു. (ഫിലി​പ്പി​യർ 4:13) തീർച്ച​യാ​യും യഹോവ തന്റെ ദാസരെ ശക്തരാ​ക്കു​ന്നു.