നിങ്ങൾ കേൾക്കാൻ അവർ ആഗ്രഹി​ക്കുന്ന സുവാർത്ത

യേശു ഭൂമി​യി​ലാ​യി​രു​ന്ന​പ്പോൾ ശിഷ്യൻമാർ അവിടു​ത്തെ സമീപിച്ച്‌ ഇങ്ങനെ ചോദി​ച്ചു: “അങ്ങയുടെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാ​ള​മെ​ന്താ​യി​രി​ക്കും?” അനേകം രാഷ്‌ട്രങ്ങൾ ഉൾപ്പെ​ടുന്ന യുദ്ധങ്ങൾ, ഭക്ഷ്യക്ഷാ​മങ്ങൾ, മഹാമാ​രി​കൾ, ഭൂകമ്പങ്ങൾ, നിയമ​രാ​ഹി​ത്യ​ത്തി​ന്റെ വർധനവ്‌, അനേകരെ വഴി​തെ​റ​റി​ക്കുന്ന വ്യാജ​മ​തോ​പ​ദേ​ഷ്ടാ​ക്കൾ, തന്റെ യഥാർഥ അനുഗാ​മി​ക​ളോ​ടു​ളള വിദ്വേ​ഷ​വും പീഡന​വും, പല വ്യക്തി​ക​ളി​ലും നീതി​യോ​ടു​ളള സ്‌നേഹം തണുത്തു​പോ​കൽ തുടങ്ങി​യവ ഉണ്ടായി​രി​ക്കു​മെന്ന്‌ അവിടുന്ന്‌ ഉത്തരം നൽകി. ഈ കാര്യങ്ങൾ സംഭവി​ക്കാൻ തുടങ്ങു​മ്പോൾ അതു ക്രിസ്‌തു​വി​ന്റെ അദൃശ്യ സാന്നി​ധ്യ​ത്തെ സൂചി​പ്പി​ക്കും, മാത്രമല്ല സ്വർഗീ​യ​രാ​ജ്യം സമീപ​മാ​യി​രി​ക്കു​ന്നു​വെ​ന്നും അതു സൂചി​പ്പി​ക്കും. ഇതായി​രി​ക്കും വാർത്ത—സുവാർത്ത! അതു​കൊണ്ട്‌ അടയാ​ള​ത്തി​ന്റെ ഭാഗമാ​യി യേശു ഈ വാക്കുകൾ കൂട്ടി​ച്ചേർത്തു: “രാജ്യ​ത്തി​ന്റെ ഈ സുവാർത്ത സകല രാഷ്‌ട്ര​ങ്ങൾക്കും ഒരു സാക്ഷ്യ​ത്തി​നാ​യി നിവസിത ഭൂമി​യി​ലെ​ങ്ങും പ്രസം​ഗി​ക്ക​പ്പെ​ടും; അപ്പോൾ അവസാനം വരും.”—മത്തായി 24:3-14.

അടുത്ത കാലത്തെ ലോക​സം​ഭ​വങ്ങൾ അതിൽത്തന്നെ മോശ​മാണ്‌, എന്നാൽ അവ അർഥമാ​ക്കു​ന്ന​തെ​ന്തോ അത്‌, അതായത്‌, ക്രിസ്‌തു​വി​ന്റെ സാന്നി​ധ്യം, നല്ലതാണ്‌. അതു​കൊണ്ട്‌ യേശു ഇങ്ങനെ പറഞ്ഞു: “ഈ കാര്യങ്ങൾ സംഭവി​ച്ചു തുടങ്ങു​മ്പോൾ നിവർന്നു​നി​ന്നു നിങ്ങളു​ടെ തലകൾ ഉയർത്തു​വിൻ, എന്തെന്നാൽ നിങ്ങളു​ടെ വിടുതൽ അടുത്തു​വ​രു​ന്നു.” (ലൂക്കോസ്‌ 21:28) വ്യാപ​ക​മാ​യി പ്രഖ്യാ​പി​ക്ക​പ്പെട്ട വർഷമായ 1914-ൽ ഈ കാര്യങ്ങൾ സംഭവി​ച്ചു തുടങ്ങി! വിജാ​തീ​യ​രു​ടെ കാലങ്ങ​ളു​ടെ അന്ത്യ​ത്തെ​യും മാനുഷ ഭരണത്തിൽനി​ന്നു ക്രിസ്‌തു​വി​ന്റെ ആയിരം​വർഷ (സഹസ്രാബ്ദ) വാഴ്‌ച​യി​ലേ​ക്കു​ളള പരിവർത്തന കാലയ​ള​വി​ന്റെ തുടക്ക​ത്തെ​യും അത്‌ അടയാ​ള​പ്പെ​ടു​ത്തി.

110-ാം സങ്കീർത്ത​ന​ത്തി​ന്റെ 1-ഉം 2-ഉം വാക്യ​ങ്ങ​ളും വെളി​പ്പാട്‌ 12:7-12-ഉം സൂചി​പ്പി​ക്കു​ന്ന​തു​പോ​ലെ ഒരു പരിവർത്തന കാലയ​ളവ്‌ ഉണ്ടായി​രി​ക്കേ​ണ്ടി​യി​രു​ന്നു. തന്റെ രണ്ടാമത്തെ വരവിന്റെ സമയം​വരെ ക്രിസ്‌തു സ്വർഗ​ത്തിൽ ദൈവ​ത്തി​ന്റെ വലത്തു​ഭാ​ഗത്ത്‌ ഇരിക്കു​മെന്ന്‌ അവിടെ കാണി​ച്ചി​രി​ക്കു​ന്നു. അതിനു​ശേഷം സ്വർഗ​ത്തി​ലെ യുദ്ധം സാത്താൻ ഭൂമി​യി​ലേക്ക്‌ എറിയ​പ്പെ​ടു​ന്ന​തിൽ കലാശി​ക്കും, അതു ഭൂമിക്കു കഷ്ടം വരുത്തി​വെ​ക്കും. മാത്രമല്ല, ഒരു തലമു​റ​യിൽ കവിഞ്ഞു​പോ​കാത്ത ഒരു കാലഘട്ടം ശത്രു​ക്കൾക്കു മധ്യേ ക്രിസ്‌തു വാഴ്‌ച നടത്തും. ദുഷ്ടത​യു​ടെ പരിപൂർണ അവസാനം ഹാർമ​ഗെ​ദോൻ യുദ്ധത്തിൽ പര്യവ​സാ​നി​ക്കുന്ന “മഹോ​പ​ദ്രവ”ത്താൽ വരും, അനന്തരം ക്രിസ്‌തു​വി​ന്റെ സമാധാ​ന​മു​ളള ആയിരം​വർഷ വാഴ്‌ച ഉണ്ടായി​രി​ക്കും.—മത്തായി 24:21, 33, 34; വെളി​പാട്‌ 16:14-16.

“എന്നാൽ അന്ത്യനാ​ളു​ക​ളിൽ ഇടപെ​ടാൻ പ്രയാ​സ​മായ ദുർഘ​ട​സ​മ​യങ്ങൾ ഇവിടെ ഉണ്ടായി​രി​ക്കും എന്നറി​യുക. എന്തു​കൊ​ണ്ടെ​ന്നാൽ മനുഷ്യർ സ്വസ്‌നേ​ഹി​ക​ളും, പണസ്‌നേ​ഹി​ക​ളും, അഹംഭാ​വി​ക​ളും, ഉദ്ധതരും, ദൂഷകൻമാ​രും, മാതാ​പി​താ​ക്കളെ അനുസ​രി​ക്കാ​ത്ത​വ​രും, നന്ദിയി​ല്ലാ​ത്ത​വ​രും, അവിശ്വ​സ്‌ത​രും, സ്വാഭാ​വിക പ്രിയ​മി​ല്ലാ​ത്ത​വ​രും, എന്തെങ്കി​ലും യോജി​പ്പി​ലെ​ത്താൻ മനസ്സി​ല്ലാ​ത്ത​വ​രും, ഏഷണി​ക്കാ​രും, ആത്മനി​യ​ന്ത്ര​ണ​മി​ല്ലാ​ത്ത​വ​രും, ഉഗ്രൻമാ​രും, നൻമ​പ്രി​യ​മി​ല്ലാ​ത്ത​വ​രും, വിശ്വാ​സ​ഘാ​ത​ക​രും, തന്റേടി​ക​ളും, അഹന്തയാൽ ചീർത്ത​വ​രും, ദൈവ​പ്രി​യ​രാ​യി​രി​ക്കു​ന്ന​തി​ലു​പരി ഉല്ലാസ​പ്രി​യ​രും, ദൈവ​ഭ​ക്തി​യു​ടെ ഒരു രൂപം ഉളളവ​രും എന്നാൽ അതിന്റെ ശക്തിയി​ല്ലെന്നു തെളി​യു​ന്ന​വ​രും ആയിരി​ക്കും; ഇവരിൽനിന്ന്‌ അകന്നു​മാ​റുക” എന്നു ബൈബിൾ പറയുന്നു. (2 തിമൊ​ഥെ​യോസ്‌ 3:1-5) ഈ കാര്യങ്ങൾ മാനവ​ച​രി​ത്ര​ത്തിൽ മുമ്പും ഉണ്ടായി​ട്ടു​ണ്ടെന്നു ചിലർ വാദി​ച്ചേ​ക്കാം.

എന്നാൽ ചരി​ത്ര​കാ​രൻമാ​രും നിരൂ​പ​കൻമാ​രും പറയു​ന്ന​തു​പോ​ലെ 1914 മുതലി​ങ്ങോട്ട്‌ അനുഭ​വി​ച്ചി​ട്ടു​ള​ളതു പോലു​ളള ഒരു കാലം ഭൂമി​യിൽ ഒരിക്ക​ലും ഉണ്ടായി​രു​ന്നി​ട്ടില്ല. കഷ്ടങ്ങൾ മുമ്പെ​ന്ന​ത്തെ​ക്കാ​ളും കൂടുതൽ വ്യാപ​ക​മാ​യി​രു​ന്നി​ട്ടുണ്ട്‌. മാത്ര​വു​മല്ല, അന്ത്യനാ​ളു​കളെ സംബന്ധിച്ച ക്രിസ്‌തു​വി​ന്റെ അടയാ​ള​ത്തി​ന്റെ മററു സവി​ശേ​ഷ​തകൾ സംബന്ധിച്ച്‌ ഈ വസ്‌തു​തകൾ പരിചി​ന്തി​ക്ക​പ്പെ​ടണം: ക്രിസ്‌തു​വി​ന്റെ സാന്നി​ധ്യ​ത്തെ​യും രാജ്യ​ത്തെ​യും കുറി​ച്ചു​ളള ഭൂവ്യാ​പക പ്രഘോ​ഷണം ചരി​ത്ര​ത്തിൽ മുമ്പൊ​രി​ക്ക​ലും ഉണ്ടായി​ട്ടി​ല്ലാത്ത അളവിൽ നടന്നി​രി​ക്കു​ന്നു. പ്രസം​ഗി​ക്കു​ന്നതു നിമിത്തം യഹോ​വ​യു​ടെ സാക്ഷി​കളെ മഥിച്ച​തി​നു തുല്യ​മായ പീഡനം മുമ്പൊ​രി​ക്ക​ലും ഉണ്ടായി​ട്ടില്ല. ഹിററ്‌ല​റി​ന്റെ തടങ്കൽപ്പാ​ള​യ​ങ്ങ​ളിൽ വച്ച്‌ അവരിൽ നൂറു​ക​ണ​ക്കി​നു പേർ വധിക്ക​പ്പെട്ടു. പല രാജ്യ​ങ്ങ​ളി​ലും യഹോ​വ​യു​ടെ സാക്ഷികൾ ഇന്നോളം നിരോ​ധ​ന​ത്തിൻ കീഴി​ലാണ്‌. മററു ചില രാജ്യ​ങ്ങ​ളിൽ അവർ അറസ്‌ററു ചെയ്യ​പ്പെ​ടു​ക​യും തടവി​ലാ​ക്ക​പ്പെ​ടു​ക​യും പീഡി​പ്പി​ക്ക​പ്പെ​ടു​ക​യും കൊല്ല​പ്പെ​ടു​ക​യും ചെയ്‌തി​ട്ടുണ്ട്‌. ഇതെല്ലാം യേശു നൽകിയ അടയാ​ള​ത്തി​ന്റെ ഭാഗമാണ്‌.

വെളി​പാട്‌ 11:18-ൽ മുൻകൂ​ട്ടി​പ്പ​റ​ഞ്ഞി​രി​ക്കു​ന്ന​തു​പോ​ലെ യഹോ​വ​യു​ടെ വിശ്വസ്‌ത സാക്ഷി​കൾക്കെ​തി​രെ ‘രാഷ്‌ട്രങ്ങൾ കോപി​ച്ചി​രി​ക്കു​ന്നു.’ ആ രാഷ്‌ട്ര​ങ്ങൾക്കെ​തി​രെ യഹോ​വ​യു​ടെ “സ്വന്ത കോപം” പ്രകട​മാ​കും എന്നതിന്റെ സൂചന​യാ​ണിത്‌. ദൈവം “ഭൂമിയെ നശിപ്പി​ക്കു​ന്ന​വരെ നശിപ്പി”ക്കുമെന്ന്‌ അതേ തിരു​വെ​ഴു​ത്തു തന്നെ പറയുന്നു. ജീവനെ നിലനിർത്താ​നു​ളള ഭൂമി​യു​ടെ പ്രാപ്‌തി​ക്കു ഭീഷണി ഉയർന്നു​വ​ന്നി​ട്ടു​ളള ഒരു കാലം ചരി​ത്ര​ത്തിൽ മുമ്പൊ​രി​ക്ക​ലും ഉണ്ടായി​രു​ന്നി​ട്ടില്ല. എന്നിരു​ന്നാ​ലും, ഇപ്പോൾ സ്ഥിതി​യാ​കെ മാറി​യി​രി​ക്കു​ന്നു! മനുഷ്യൻ തുടർന്നും ഭൂമിയെ മലിനീ​ക​രി​ച്ചാൽ അതു നിവാ​സ​യോ​ഗ്യ​മ​ല്ലാ​താ​യി​ത്തീ​രു​മെന്നു പല ശാസ്‌ത്ര​ജ്ഞ​രും മുന്നറി​യി​പ്പു നൽകി​യി​രി​ക്കു​ന്നു. എന്നാൽ “നിവസി​ക്ക​പ്പെ​ടാൻതന്നെ [യഹോവ] അതിനെ രൂപ​പ്പെ​ടു​ത്തി.” ഭൂമിയെ നിശ്ശേഷം നശിപ്പി​ക്കു​ന്ന​തി​നു മുമ്പു മലിനീ​ക​രി​ക്കു​ന്ന​വരെ അവിടുന്ന്‌ നീക്കം ചെയ്യും.—യശയ്യാ 45:18.

രാജ്യ​ത്തിൻ കീഴിലെ ഭൗമിക അനു​ഗ്ര​ഹ​ങ്ങൾ

രക്ഷിക്ക​പ്പെ​ടു​ന്ന​വ​രെ​ല്ലാം സ്വർഗ​ത്തി​ലാ​ണെന്നു ചിന്തി​ക്കുന്ന ബൈബിൾ വിശ്വാ​സി​ക​ളായ അനേകർക്കു ദൈവ​രാ​ജ്യ​ത്തി​ന്റെ പ്രജക​ളെന്ന നിലയിൽ ആളുകൾ ഭൂമി​യിൽ ജീവി​ക്കു​ന്ന​തി​നെ​ക്കു​റി​ച്ചു​ളള ചിന്ത വിചി​ത്ര​മാ​യി തോന്നി​യേ​ക്കാം. ഒരു പരിമി​ത​ഗണം ആളുകൾ മാത്രമേ സ്വർഗ​ത്തി​ലേക്കു പോകു​ന്നു​ള​ളു​വെ​ന്നും ഭൂമി​യിൽ എന്നേക്കും ജീവി​ക്കാ​നി​രി​ക്കു​ന്നവർ സംഖ്യാ​പ​രി​മി​തി ഇല്ലാത്ത ഒരു മഹാപു​രു​ഷാ​ര​മാ​യി​രി​ക്കു​മെ​ന്നും ബൈബിൾ പ്രകട​മാ​ക്കു​ന്നു. (വെളി​പാട്‌ 14:1-5; 7:9; സങ്കീർത്തനം 37:11, 29) ക്രിസ്‌തു​വിൻ കീഴി​ലു​ളള ദൈവ​രാ​ജ്യം ഭൂമിയെ നിറയ്‌ക്കു​ക​യും അതിൻമേൽ ഭരണം നടത്തു​ക​യും ചെയ്യു​മെന്നു ദാനി​യേൽ എന്ന ബൈബിൾ പുസ്‌ത​ക​ത്തി​ലെ ഒരു പ്രവചനം പ്രകട​മാ​ക്കു​ന്നു.

യഹോ​വ​യു​ടെ പർവത​സ​മാ​ന​മായ പരമാ​ധി​കാ​ര​ത്വ​ത്തിൽനിന്ന്‌ അടർന്നു​വ​രുന്ന ഒരു കല്ലായി ക്രിസ്‌തു​വി​ന്റെ രാജ്യത്തെ അവിടെ പ്രതി​നി​ധാ​നം ചെയ്‌തി​രി​ക്കു​ന്നു. ഭൂമി​യി​ലെ ശക്തമായ രാഷ്‌ട്ര​ങ്ങളെ പ്രതി​നി​ധാ​നം ചെയ്യുന്ന ഒരു ബിംബത്തെ അതു തകർത്തു നശിപ്പി​ക്കു​ന്നു. “ബിംബത്തെ തകർത്തു​കളഞ്ഞ കല്ല്‌ . . . ഒരു വലിയ പർവത​മാ​യി​ത്തീ​രു​ക​യും മുഴു ഭൂമി​യി​ലും നിറയു​ക​യും ചെയ്‌തു.” പ്രവചനം ഇങ്ങനെ തുടരു​ന്നു: “ആ രാജാ​ക്കൻമാ​രു​ടെ നാളു​ക​ളിൽ സ്വർഗ​ത്തി​ലെ ദൈവം ഒരിക്ക​ലും നശിപ്പി​ക്ക​പ്പെ​ടു​ക​യി​ല്ലാത്ത ഒരു രാജ്യം സ്ഥാപി​ക്കും. ആ രാജ്യം വേറെ ഒരു ജനതക്കും കൈമാ​റ​പ്പെ​ടു​ക​യില്ല. അത്‌ ഈ രാജ്യ​ങ്ങ​ളെ​യൊ​ക്കെ​യും തകർത്തു നശിപ്പി​ക്കു​ക​യും അതുതന്നെ അനിശ്ചിത കാല​ത്തോ​ളം നിലനിൽക്കു​ക​യും ചെയ്യും.”—ദാനി​യേൽ 2:34, 35, 44.

യഹോ​വ​യു​ടെ സാക്ഷികൾ നിങ്ങ​ളോ​ടു സംസാ​രി​ക്കാൻ ആഗ്രഹി​ക്കു​ന്നത്‌ ഈ രാജ്യ​ത്തെ​ക്കു​റി​ച്ചും ശുദ്ധീ​ക​രി​ക്ക​പ്പെ​ട്ട​തും സുന്ദര​മാ​ക്ക​പ്പെ​ട്ട​തു​മായ ഒരു ഭൂമി​യി​ലെ നിത്യ​ജീ​വന്റെ തിരു​വെ​ഴു​ത്തു പിന്തു​ണ​യു​ളള പ്രത്യാ​ശ​യെ​ക്കു​റി​ച്ചു​മാണ്‌. ഇപ്പോൾ ജീവി​ക്കുന്ന ദശലക്ഷ​ങ്ങൾക്കും മരിച്ചു​പോ​യി​രി​ക്കുന്ന അനേക​മ​നേകം ദശലക്ഷ​ങ്ങൾക്കും അതിൽ എന്നേക്കും വസിക്കാ​നു​ളള അവസര​മു​ണ്ടാ​യി​രി​ക്കും. അന്ന്‌, ക്രിസ്‌തു​യേ​ശു​വി​ന്റെ ആയിരം​വർഷ വാഴ്‌ച​ക്കാ​ലത്ത്‌, ഭൂമിയെ നിർമിച്ച്‌ ആദ്യമ​നു​ഷ്യ ജോടി​യെ അതിൽ ആക്കി​വെ​ച്ച​പ്പോൾ യഹോ​വ​യ്‌ക്കു​ണ്ടാ​യി​രുന്ന ആദി​മോ​ദ്ദേ​ശ്യം യാഥാർഥ്യ​മാ​യി​ത്തീ​രും. ഈ ഭൗമിക പറുദീസ ഒരിക്ക​ലും വിരസത ജനിപ്പി​ക്കു​ക​യില്ല. ഏദൻതോ​ട്ട​ത്തിൽ ആദാമി​നു ജോലി നിയമി​ക്ക​പ്പെ​ട്ട​തു​പോ​ലെ​തന്നെ ഭൂമി​യെ​യും അതിലെ സസ്യ-മൃഗജാ​ല​ങ്ങ​ളെ​യും പരിപാ​ലി​ക്കു​ന്ന​തിൽ മനുഷ്യ​വർഗ​ത്തി​നു വെല്ലു​വി​ളി പകരുന്ന പദ്ധതി​ക​ളു​ണ്ടാ​യി​രി​ക്കും. അവർ “തങ്ങളുടെ കരങ്ങളു​ടെ പ്രവൃത്തി ദീർഘ​കാ​ലം ആസ്വദി​ക്കും.”—യെശയ്യാവ്‌ 65:22, റി​വൈ​സ്‌ഡ്‌ സ്‌ററാൻഡേർഡ്‌ വേർഷൻ; ഉൽപ്പത്തി 2:15.

“അങ്ങയുടെ രാജ്യം വരേണമേ. അങ്ങയുടെ ഇഷ്ടം സ്വർഗ​ത്തി​ലെ​പ്പോ​ലെ ഭൂമി​യി​ലും നടക്കേ​ണമേ” എന്നു യേശു നമ്മെ പഠിപ്പിച്ച പ്രാർഥ​ന​യ്‌ക്ക്‌ ഉത്തരം ലഭിക്കു​മ്പോൾ ഉണ്ടായി​രി​ക്കുന്ന അവസ്ഥകൾ ചൂണ്ടി​ക്കാ​ണി​ക്കാൻ അനേകം തിരു​വെ​ഴു​ത്തു​കൾ അവതരി​പ്പി​ക്കാൻ കഴിയും. (മത്തായി 6:10) എന്നാൽ ഇപ്പോ​ഴ​ത്തേക്ക്‌ ഇതു മതിയാ​യ​താ​യി​രി​ക്കും: “സിംഹാ​സ​ന​ത്തിൽനിന്ന്‌ ഉച്ചത്തി​ലു​ളള ഒരു ശബ്ദം ഇങ്ങനെ പറയു​ന്നതു ഞാൻ കേട്ടു: ‘നോക്കൂ! മനുഷ്യ​വർഗ​ത്തോ​ടു കൂടെ ദൈവ​ത്തി​ന്റെ കൂടാരം, അവിടുന്ന്‌ അവരോ​ടൊ​ത്തു വസിക്കും, അവർ അവിടു​ത്തെ ജനമാ​യി​രി​ക്കും. ദൈവം തന്നെ അവരോ​ടു കൂടെ​യു​ണ്ടാ​യി​രി​ക്കും. അവിടുന്ന്‌ അവരുടെ കണ്ണുക​ളിൽനിന്ന്‌ എല്ലാ കണ്ണുനീ​രും തുടച്ചു​ക​ള​യും, മേലാൽ മരണം ഉണ്ടായി​രി​ക്ക​യില്ല, വിലാ​പ​മോ മുറവി​ളി​യോ വേദന​യോ മേലാൽ ഉണ്ടായി​രി​ക്ക​യില്ല. പൂർവ​കാ​ര്യ​ങ്ങൾ അപ്രത്യ​ക്ഷ​മാ​യി​രി​ക്കു​ന്നു.’ സിംഹാ​സ​ന​ത്തി​ലി​രി​ക്കു​ന്നവൻ പറഞ്ഞു: ‘നോക്കൂ! ഞാൻ സകലവും പുതു​താ​ക്കു​ന്നു.’ അവിടുന്ന്‌ ഇങ്ങനെ​യും പറയുന്നു: ‘എഴുതുക, എന്തെന്നാൽ ഈ വചനങ്ങൾ വിശ്വ​സ്‌ത​വും സത്യവു​മാ​കു​ന്നു.’”—വെളി​പാട്‌ 21:3-5.

[15-ാം പേജിലെ ആകർഷ​ക​വാ​ക്യം]

“ഇടപെ​ടാൻ പ്രയാ​സ​മായ ദുർഘ​ട​സ​മ​യങ്ങൾ,” എന്നാൽ “നിങ്ങളു​ടെ വിടുതൽ അടുത്തു​വ​രു​ന്നു”