ആശ്വസി​പ്പി​ക്കു​ക​യും പ്രബോ​ധി​പ്പി​ക്കു​ക​യും ചെയ്യുന്ന ഗീതങ്ങൾ

ബൈബി​ളി​ലെ ഏറ്റവും വലിയ പുസ്‌ത​ക​മാ​യ സങ്കീർത്ത​ന​പു​സ്‌ത​കം ആരാധ​നാ​ഗീ​ത​ങ്ങ​ളു​ടെ ഒരു സമാഹാ​ര​മാണ്‌. ഏതാണ്ട്‌ 1,000 വർഷത്തെ കാലയ​ള​വിൽ രചിക്ക​പ്പെ​ട്ട​താണ്‌ സങ്കീർത്ത​ന​പു​സ്‌ത​ക​ത്തി​ലെ ഗീതങ്ങൾ. വിശ്വാ​സ​ത്തെ പ്രതി​ഫ​ലി​പ്പി​ക്കു​ന്ന ഈ കീർത്ത​ന​ങ്ങൾ അത്യന്തം ഹൃദ്യ​വും ഭക്തിസാ​ന്ദ്ര​വു​മാണ്‌. സന്തോഷം, വിലമ​തിപ്പ്‌, കൃതജ്ഞത, ദുഃഖം, സങ്കടം, അനുതാ​പം എന്നിങ്ങനെ വിവി​ധ​ങ്ങ​ളാ​യ വികാ​ര​ങ്ങൾ അവയിൽ പ്രതി​ഫ​ലി​ക്കു​ന്നു. സങ്കീർത്ത​ന​ങ്ങ​ളു​ടെ രചയി​താ​ക്കൾക്ക്‌ ദൈവ​വു​മാ​യി ഗാഢമായ ബന്ധമു​ണ്ടാ​യി​രു​ന്നു എന്നു വ്യക്തമാണ്‌. അവർ അവനിൽ ആശ്രയി​ച്ചി​രു​ന്നു. ഈ കീർത്ത​ന​ങ്ങ​ളിൽ പ്രതി​പാ​ദി​ച്ചി​രി​ക്കുന്ന ചില വിഷയങ്ങൾ പിൻവ​രു​ന്ന​വ​യാണ്‌.

യഹോ​വ​യാണ്‌ സർവാ​ധി​പ​തി. സ്‌തു​തി​ക്കും ആരാധ​ന​യ്‌ക്കും യോഗ്യൻ അവൻ മാത്ര​മാണ്‌. “അങ്ങനെ അവർ യഹോവ എന്നു നാമമുള്ള നീ മാത്രം സർവ്വഭൂ​മി​ക്കും​മീ​തെ അത്യു​ന്ന​തൻ എന്നു അറിയും.” സങ്കീർത്ത​നം 83:18-ലേതാണ്‌ ഈ വാക്കുകൾ. നക്ഷത്ര​നി​ബി​ഡ​മാ​യ ആകാശം, ഭൂമി​യി​ലെ ജീവ​ലോ​കത്ത്‌ ദൃശ്യ​മാ​യ അത്ഭുതങ്ങൾ, അതിശ​യ​ക​ര​മാ​യി മെനഞ്ഞി​രി​ക്കു​ന്ന മനുഷ്യ​ശ​രീ​രം എന്നിങ്ങനെ യഹോ​വ​യു​ടെ സൃഷ്ടി​ക്രി​യ​ക​ളെ​പ്രതി അവനെ സ്‌തു​തി​ക്കു​ന്ന​താണ്‌ പല സങ്കീർത്ത​ന​ങ്ങ​ളും. (സങ്കീർത്ത​നം 8, 19, 139, 148) തന്റെ വിശ്വ​സ്‌ത​രെ രക്ഷിക്കു​ക​യും സംരക്ഷി​ക്കു​ക​യും ചെയ്യുന്ന ദൈവ​മാ​യ യഹോ​വ​യെ സ്‌തു​തി​ക്കു​ന്ന​താണ്‌ മറ്റുചി​ലത്‌. (സങ്കീർത്ത​നം 18, 97, 138) ഇനിയും ചില കീർത്ത​ന​ങ്ങ​ളാ​ക​ട്ടെ നീതി​യു​ടെ​യും ന്യായ​ത്തി​ന്റെ​യും ദൈവ​മാ​യി, മർദി​ത​രെ വിടു​വി​ക്കു​ക​യും ദുഷ്ടന്മാ​രെ സംഹരി​ക്കു​ക​യും ചെയ്യു​ന്ന​വ​നാ​യി, യഹോ​വ​യെ വാഴ്‌ത്തു​ന്നു.—സങ്കീർത്ത​നം 11, 68, 146.

യഹോവ തന്നെ സ്‌നേ​ഹി​ക്കു​ന്ന​വ​രെ സഹായി​ക്കു​ക​യും ആശ്വസി​പ്പി​ക്കു​ക​യും ചെയ്യുന്നു. ഒരുപക്ഷേ സങ്കീർത്ത​ന​ങ്ങ​ളിൽ ഏറ്റവും പ്രശസ്‌തം 23-ാമത്തേ​താ​യി​രി​ക്കും. തന്റെ ആടുകളെ മേയ്‌ക്കു​ക​യും പരിപാ​ലി​ക്കു​ക​യും സംരക്ഷിക്കുകയും ചെയ്യുന്ന സ്‌നേ​ഹ​വാ​നാ​യ ഇടയനാ​യി യഹോ​വ​യെ ദാവീദ്‌ ഈ സങ്കീർത്ത​ന​ത്തിൽ വർണി​ക്കു​ന്നു. “പ്രാർത്ഥന കേൾക്കു​ന്നവ”നാണ്‌ യഹോ​വ​യെന്ന്‌ സങ്കീർത്ത​നം 65:2 ദൈവ​ഭ​ക്ത​രെ ഓർമി​പ്പി​ക്കു​ന്നു. ഗുരു​ത​ര​മാ​യ തെറ്റു ചെയ്‌തി​ട്ടു​ള്ള പലർക്കും 39-ാം സങ്കീർത്ത​ന​വും 51-ാം സങ്കീർത്ത​ന​വും ആശ്വാസം പകർന്നി​ട്ടുണ്ട്‌. കടുത്ത തെറ്റുകൾ ചെയ്‌ത​തി​ലു​ള്ള മനസ്‌താ​പ​വും തന്റെ പാപങ്ങൾ യഹോവ ക്ഷമിക്കുമെന്ന വിശ്വാ​സ​വു​മാണ്‌ പശ്ചാത്താ​പ​വി​വ​ശ​നാ​യ ദാവീ​ദി​ന്റെ ഈ വാക്കു​ക​ളിൽ തെളി​ഞ്ഞു​കാ​ണു​ന്നത്‌. യഹോ​വ​യിൽ ആശ്രയി​ക്കാ​നും എല്ലാ ഭാരങ്ങ​ളും അവനെ ഏൽപ്പി​ക്കാ​നു​മു​ള്ള ആഹ്വാ​ന​മാണ്‌ സങ്കീർത്ത​നം 55:22 നൽകു​ന്നത്‌.

മിശി​ഹൈക രാജ്യം മുഖാ​ന്ത​രം യഹോവ ലോകാ​വ​സ്ഥ​കൾക്കു മാറ്റം​വ​രു​ത്തും. സങ്കീർത്ത​ന​പു​സ്‌ത​ക​ത്തി​ലെ പല ഭാഗങ്ങ​ളും മുൻകൂ​ട്ടി പറയപ്പെട്ട രാജാ​വാ​യ മിശിഹായെക്കുറിച്ചുള്ളതാണ്‌. തനിക്കു വിരോ​ധ​മാ​യി നിൽക്കുന്ന സകല രാഷ്‌ട്ര​ങ്ങ​ളെ​യും ഈ ഭരണാ​ധി​കാ​രി തകർത്തു​ക​ള​യു​മെന്ന്‌ 2-ാം സങ്കീർത്ത​ന​ത്തിൽ മുൻകൂ​ട്ടി​പ്പ​റ​ഞ്ഞി​ട്ടുണ്ട്‌. ഈ രാജാവ്‌ ദാരി​ദ്ര്യ​വും അനീതി​യും അടിച്ച​മർത്ത​ലും ഇല്ലായ്‌മ ചെയ്യു​മെന്ന്‌ 72-ാം സങ്കീർത്ത​നം വെളി​പ്പെ​ടു​ത്തു​ന്നു. മിശി​ഹൈക രാജ്യം മുഖാ​ന്ത​രം ദൈവം യുദ്ധങ്ങൾക്ക്‌ അറുതി​വ​രു​ത്തു​മെ​ന്നും യുദ്ധാ​യു​ധ​ങ്ങ​ളെ​ല്ലാം നശിപ്പി​ച്ചു​ക​ള​യു​മെ​ന്നും സങ്കീർത്ത​നം 46:9 ഉറപ്പു​ത​രു​ന്നു. ദുഷ്ടന്മാർ നിർമൂ​ല​മാ​ക്ക​പ്പെ​ടു​മെ​ന്നും എന്നാൽ നീതി​മാ​ന്മാർ തികഞ്ഞ സമാധാ​ന​ത്തി​ലും ഐക്യ​ത്തി​ലും ഈ ഭൂമി​യിൽ എന്നേക്കും ജീവിക്കുമെന്നും 37-ാം സങ്കീർത്ത​നം പറയുന്നു.

—സങ്കീർത്ത​ന​ങ്ങ​ളെ ആധാര​മാ​ക്കി​യു​ള്ളത്‌.