യഹോ​വ​യു​ടെ സാക്ഷി​ക​ളിൽ എത്ര പേരെ നിങ്ങൾക്ക്‌ അറിയാം? ഞങ്ങളിൽ ചിലർ നിങ്ങളു​ടെ അയൽക്കാ​രോ കൂടെ ജോലി ചെയ്യു​ന്ന​വ​രോ കൂടെ പഠിക്കു​ന്ന​വ​രോ ഒക്കെ ആയിരി​ക്കാം. അല്ലെങ്കിൽ, ഞങ്ങളിൽ ആരെങ്കി​ലും നിങ്ങളു​മാ​യി ബൈബിൾവി​ഷ​യങ്ങൾ ചർച്ച ചെയ്‌തി​ട്ടു​ണ്ടാ​കാം. വാസ്‌ത​വ​ത്തിൽ, ഞങ്ങൾ ആരാണ്‌? എന്തു​കൊ​ണ്ടാണ്‌ ഞങ്ങളുടെ വിശ്വാ​സ​ത്തെ​ക്കു​റിച്ച്‌ ഞങ്ങൾ മറ്റുള്ള​വ​രോ​ടു സംസാ​രി​ക്കു​ന്നത്‌?

ഞങ്ങൾ സാധാ​ര​ണ​ക്കാ​രാണ്‌. വ്യത്യസ്‌ത പശ്ചാത്ത​ല​ങ്ങ​ളിൽനി​ന്നും സാമൂ​ഹിക ചുറ്റു​പാ​ടു​ക​ളിൽനി​ന്നും ഉള്ളവരാ​ണു ഞങ്ങൾ. മുമ്പ്‌ ഞങ്ങളിൽ ചിലർ മറ്റു മതവി​ശ്വാ​സ​ത്തി​ലു​ള്ള​വ​രാ​യി​രു​ന്നു; ചിലർ ദൈവ​വി​ശ്വാ​സി​ക​ളാ​യി​രു​ന്നില്ല. എന്നാൽ യഹോ​വ​യു​ടെ സാക്ഷി​ക​ളാ​യി​ത്തീ​രു​ന്ന​തി​നു മുമ്പ്‌, ബൈബിൾ പഠിപ്പി​ക്കു​ന്നത്‌ എന്താ​ണെന്നു ഞങ്ങളെ​ല്ലാം സമയ​മെ​ടുത്ത്‌ ശ്രദ്ധ​യോ​ടെ പരി​ശോ​ധി​ച്ചു. (പ്രവൃ​ത്തി​കൾ 17:11) പഠിച്ച കാര്യങ്ങൾ സത്യമാ​ണെന്നു ബോധ്യ​മാ​യ​പ്പോൾ ദൈവ​മായ യഹോ​വയെ ആരാധി​ക്കാൻ ഓരോ​രു​ത്ത​രും സ്വന്തമാ​യി തീരു​മാ​ന​മെ​ടു​ക്കു​ക​യാ​യി​രു​ന്നു.

ബൈബിൾ പഠിച്ച​തു​കൊണ്ട്‌ ഞങ്ങൾക്കു പ്രയോ​ജ​ന​മുണ്ട്‌. മറ്റുള്ള​വ​രെ​പ്പോ​ലെ​തന്നെ ഞങ്ങൾക്കു​മുണ്ട്‌ പ്രശ്‌ന​ങ്ങ​ളും കുറവു​ക​ളും. എന്നാൽ നിത്യ​ജീ​വി​ത​ത്തിൽ ബൈബിൾത​ത്ത്വ​ങ്ങൾ അനുസ​രി​ക്കാൻ ശ്രമി​ക്കു​ന്ന​തു​കൊണ്ട്‌ ഞങ്ങളുടെ ജീവി​ത​നി​ല​വാ​രം വളരെ മെച്ച​പ്പെ​ട്ടി​രി​ക്കു​ന്നു. (സങ്കീർത്തനം 128:1, 2) ബൈബി​ളിൽനിന്ന്‌ മനസ്സി​ലാ​ക്കിയ നല്ല കാര്യ​ങ്ങ​ളെ​ക്കു​റിച്ച്‌ ഞങ്ങൾ മറ്റുള്ള​വ​രോ​ടു സംസാ​രി​ക്കു​ന്ന​തി​ന്റെ ഒരു കാരണം അതാണ്‌.

ഞങ്ങൾ ദൈവിക മൂല്യ​ങ്ങൾക്കു ചേർച്ച​യിൽ ജീവി​ക്കു​ന്നു. ബൈബി​ളിൽ കാണുന്ന ഈ മൂല്യ​ങ്ങൾക്കു ചേർച്ച​യിൽ ജീവി​ക്കു​ന്നത്‌ ആരോ​ഗ്യ​വും സന്തോ​ഷ​വും നൽകുന്നു. കൂടാതെ മറ്റുള്ള​വരെ ബഹുമാ​നി​ക്കാ​നും സത്യസ​ന്ധ​ത​യും ദയയും പോലുള്ള ഗുണങ്ങൾ വളർത്തി​യെ​ടു​ക്കാ​നും ഞങ്ങളെ പ്രേരി​പ്പി​ക്കു​ന്നു. സമൂഹ​ത്തി​നു കൊള്ളാ​കുന്ന നല്ല പൗരന്മാ​രെ വാർത്തെ​ടു​ക്കാ​നും കുടും​ബ​ബ​ന്ധങ്ങൾ ശക്തമാ​ക്കാ​നും സദാചാ​ര​മൂ​ല്യ​ങ്ങൾ ഉള്ളവരാ​യി​ത്തീ​രാ​നും ബൈബിൾത​ത്ത്വ​ങ്ങൾ സഹായി​ക്കും. “ദൈവം പക്ഷപാ​ത​മു​ള്ള​വ​ന​ല്ലെന്ന്‌” ബോധ്യ​മു​ള്ള​തു​കൊണ്ട്‌ വംശീ​യ​മോ ദേശീ​യ​മോ ആയ അതിർവ​ര​മ്പു​ക​ളി​ല്ലാ​തെ ഒരു ആഗോ​ള​കു​ടും​ബ​മാ​യി ഞങ്ങൾ കഴിയു​ന്നു. ഞങ്ങൾ വെറും സാധാ​ര​ണ​ക്കാ​രാ​ണെ​ങ്കി​ലും ഒരു കൂട്ടമെന്ന നിലയിൽ പ്രത്യേ​ക​ത​യുള്ള ജനമാണ്‌.​—പ്രവൃ​ത്തി​കൾ 4:13; 10:34, 35.

• യഹോ​വ​യു​ടെ സാക്ഷി​ക​ളും മറ്റുള്ള​വ​രും തമ്മിൽ എന്ത്‌ സമാന​ത​യുണ്ട്‌?

• ബൈബി​ളിൽനിന്ന്‌ യഹോ​വ​യു​ടെ സാക്ഷികൾ ഏതെല്ലാം മൂല്യ​ങ്ങ​ളെ​ക്കു​റിച്ച്‌ മനസ്സി​ലാ​ക്കി​യി​രി​ക്കു​ന്നു?

യഹോ​വ​യു​ടെ സാക്ഷികൾ എന്നത്‌ ഏതോ ഒരു പുതിയ മതത്തിന്റെ പേരാ​ണെ​ന്നാ​ണു പലരു​ടെ​യും ധാരണ. എന്നാൽ 2,700-ലേറെ വർഷം മുമ്പ്‌, ഏകസത്യ​ദൈ​വ​ത്തി​ന്റെ ദാസരെ ‘സാക്ഷികൾ’ എന്നു വിശേ​ഷി​പ്പി​ച്ചി​ട്ടുണ്ട്‌. (യശയ്യ 43:10-12) 1931 വരെ ബൈബിൾവി​ദ്യാർഥി​കൾ എന്നാണു ഞങ്ങൾ അറിയ​പ്പെ​ട്ടി​രു​ന്നത്‌. എന്തു​കൊ​ണ്ടാ​ണു ഞങ്ങൾ യഹോ​വ​യു​ടെ സാക്ഷികൾ എന്ന പേര്‌ സ്വീക​രി​ച്ചത്‌?

അതു ഞങ്ങളുടെ ദൈവം ആരാ​ണെന്നു തിരി​ച്ച​റി​യി​ക്കു​ന്നു. ദൈവ​ത്തി​ന്റെ പേരായ യഹോവ എന്നത്‌ ആയിര​ക്ക​ണ​ക്കി​നു പ്രാവ​ശ്യം ബൈബി​ളി​ന്റെ പഴയ കൈ​യെ​ഴു​ത്തു​പ്ര​തി​ക​ളിൽ കാണു​ന്നുണ്ട്‌. പല ബൈബിൾപ​രി​ഭാ​ഷ​ക​ളി​ലും ഈ പേരിന്റെ സ്ഥാനത്ത്‌ കർത്താവ്‌, ദൈവം എന്നിങ്ങ​നെ​യുള്ള സ്ഥാന​പ്പേ​രു​ക​ളാണ്‌ ഉപയോ​ഗി​ച്ചി​രി​ക്കു​ന്നത്‌. എന്നാൽ യഹോവ എന്ന തന്റെ വ്യക്തി​പ​ര​മായ പേര്‌ ഉപയോ​ഗി​ച്ചാണ്‌ സത്യ​ദൈവം മോശ​യ്‌ക്കു തന്നെത്തന്നെ വെളി​പ്പെ​ടു​ത്തി​യത്‌. ദൈവം പറഞ്ഞു: “ഇത്‌ എന്നേക്കു​മുള്ള എന്റെ പേരാണ്‌.” (പുറപ്പാട്‌ 3:15) ഇതുവഴി, താൻ വ്യാജ​ദൈ​വ​ങ്ങ​ളിൽനി​ന്നെ​ല്ലാം വേറി​ട്ട​വ​നാ​ണെന്ന്‌ യഹോവ വ്യക്തമാ​ക്കി. ദൈവ​ത്തി​ന്റെ വിശു​ദ്ധ​മായ ആ പേരിൽ അറിയ​പ്പെ​ടു​ന്ന​തിൽ അഭിമാ​ന​മു​ള്ള​വ​രാ​ണു ഞങ്ങൾ.

അതു ഞങ്ങളുടെ ദൗത്യം വെളി​പ്പെ​ടു​ത്തു​ന്നു. നീതി​മാ​നായ ഹാബേൽ മുതൽ ധാരാളം പേർ പുരാതന കാലങ്ങ​ളിൽ യഹോ​വ​യി​ലുള്ള തങ്ങളുടെ വിശ്വാ​സ​ത്തെ​ക്കു​റിച്ച്‌ സാക്ഷി പറഞ്ഞി​ട്ടുണ്ട്‌. നൂറ്റാ​ണ്ടു​ക​ളിൽ ഉടനീളം നോഹ, അബ്രാ​ഹാം, സാറ, മോശ, ദാവീദ്‌ എന്നിങ്ങനെ അനേകർ ‘സാക്ഷി​ക​ളു​ടെ ഇത്ര വലി​യൊ​രു കൂട്ട​ത്തോ​ടു’ ചേർന്നു. (എബ്രായർ 11:4–12:1) നിരപ​രാ​ധി​യായ ഒരാൾക്കു​വേണ്ടി ഒരു വ്യക്തി കോട​തി​യിൽ സാക്ഷി പറയു​ന്ന​തു​പോ​ലെ, ദൈവ​ത്തെ​ക്കു​റി​ച്ചുള്ള സത്യം മറ്റുള്ള​വരെ അറിയി​ക്കാൻ ഞങ്ങൾ നിശ്ചയിച്ച്‌ ഉറച്ചി​രി​ക്കു​ന്നു.

ഞങ്ങൾ യേശു​വി​നെ അനുക​രി​ക്കു​ക​യാണ്‌. ബൈബിൾ യേശു​വി​നെ “വിശ്വ​സ്‌ത​നും സത്യവാ​നും ആയ സാക്ഷി” എന്നു വിളി​ക്കു​ന്നു. (വെളി​പാട്‌ 3:14) താൻ ‘ദൈവത്തിന്റെ പേര്‌ അറിയി​ച്ചി​രി​ക്കു​ന്നു’ എന്നും ദൈവ​ത്തെ​ക്കു​റി​ച്ചുള്ള ‘സത്യത്തി​നു സാക്ഷി​യാ​യി നിന്നു’ എന്നും യേശു​തന്നെ പറഞ്ഞു. (യോഹ​ന്നാൻ 17:26; 18:37) അതു​കൊണ്ട്‌, ക്രിസ്‌തു​വി​ന്റെ ശരിക്കുള്ള അനുഗാ​മി​കൾ യഹോ​വ​യു​ടെ പേരിൽ അറിയ​പ്പെ​ടു​ക​യും ആ പേര്‌ മറ്റുള്ള​വരെ അറിയി​ക്കു​ക​യും വേണം. ഇതുത​ന്നെ​യാണ്‌ യഹോ​വ​യു​ടെ സാക്ഷികൾ ചെയ്യു​ന്നത്‌.

• എന്തു​കൊ​ണ്ടാണ്‌ ബൈബിൾവി​ദ്യാർഥി​കൾ യഹോ​വ​യു​ടെ സാക്ഷികൾ എന്ന പേര്‌ സ്വീക​രി​ച്ചത്‌?

• യഹോ​വ​യ്‌ക്ക്‌ എപ്പോൾമു​തൽ ഭൂമി​യിൽ സാക്ഷികൾ ഉണ്ടായി​രു​ന്നി​ട്ടുണ്ട്‌?

• യഹോ​വ​യു​ടെ ഏറ്റവും പ്രമു​ഖ​സാ​ക്ഷി ആരാണ്‌?

ക്രിസ്‌തു​വി​ന്റെ മരണ​ശേഷം ആദിമ​ക്രി​സ്‌ത്യാ​നി​ക​ളു​ടെ ഇടയിൽനിന്ന്‌ വ്യാ​ജോ​പ​ദേ​ഷ്ടാ​ക്കൾ എഴു​ന്നേൽക്കു​മെ​ന്നും അവർ ബൈബിൾസ​ത്യ​ത്തെ ദുഷി​പ്പി​ക്കു​മെ​ന്നും ബൈബിൾ മുൻകൂ​ട്ടി​പ്പ​റഞ്ഞു. (പ്രവൃ​ത്തി​കൾ 20:29, 30) ക്രമേണ, അതുത​ന്നെ​യാ​ണു സംഭവി​ച്ച​തും. അവർ യേശു​വി​ന്റെ ഉപദേ​ശ​ങ്ങളെ മറ്റു മതങ്ങളു​ടെ പഠിപ്പി​ക്ക​ലു​ക​ളു​മാ​യി കൂട്ടി​ക്കു​ഴച്ചു. അങ്ങനെ വ്യാജ​ക്രി​സ്‌ത്യാ​നി​ത്വം ഉടലെ​ടു​ത്തു. (2 തിമൊ​ഥെ​യൊസ്‌ 4:3, 4) ബൈബിൾ യഥാർഥ​ത്തിൽ പഠിപ്പി​ക്കുന്ന കാര്യ​ങ്ങ​ളാണ്‌ ഇന്നു നമ്മൾ മനസ്സി​ലാ​ക്കി​യി​രി​ക്കു​ന്ന​തെന്നു നമുക്ക്‌ എങ്ങനെ ഉറപ്പു​വ​രു​ത്താം?

സത്യം വെളി​പ്പെ​ടു​ത്താ​നുള്ള യഹോ​വ​യു​ടെ സമയം വന്നു. ‘അവസാ​ന​കാ​ലത്ത്‌’ സത്യ​ത്തെ​ക്കു​റി​ച്ചുള്ള “ശരിയായ അറിവ്‌ സമൃദ്ധ​മാ​കും” എന്നു ദൈവം മുൻകൂ​ട്ടി​പ്പ​റ​ഞ്ഞി​രു​ന്നു. (ദാനി​യേൽ 12:4) ക്രൈ​സ്‌ത​വസഭ പഠിപ്പി​ക്കുന്ന പലതും ബൈബി​ളി​ലു​ള്ള​ത​ല്ലെന്ന്‌ 1870-ൽ സത്യാ​ന്വേ​ഷി​ക​ളു​ടെ ഒരു ചെറിയ കൂട്ടം തിരി​ച്ച​റി​ഞ്ഞു. അതു​കൊണ്ട്‌ ബൈബിൾ ശരിക്കും എന്താണു പഠിപ്പി​ക്കു​ന്ന​തെന്നു മനസ്സി​ലാ​ക്കാൻ അവർ അന്വേ​ഷണം ആരംഭി​ച്ചു; അതിന്‌ യഹോവ അവരെ സഹായി​ക്കു​ക​യും ചെയ്‌തു.

ആത്മാർഥ​ഹൃ​ദ​യ​മു​ള്ളവർ ശ്രദ്ധ​യോ​ടെ ബൈബിൾ പഠിച്ചു. ഞങ്ങളുടെ മുൻഗാ​മി​ക​ളായ ആ ബൈബിൾവി​ദ്യാർഥി​ക​ളു​ടെ അതേ പഠനരീ​തി​യാണ്‌ ഇന്നു ഞങ്ങളും പിൻപ​റ്റി​പ്പോ​രു​ന്നത്‌. ഉത്സാഹി​ക​ളായ അവർ ബൈബിൾ വിഷയം​വി​ഷ​യ​മാ​യി ചർച്ച ചെയ്‌തു. ഏതെങ്കി​ലും ബൈബിൾഭാ​ഗം മനസ്സി​ലാ​ക്കാൻ ബുദ്ധി​മു​ട്ടു​ള്ള​താ​യി കണ്ടാൽ, അതെക്കു​റിച്ച്‌ വിശദീ​ക​രി​ക്കുന്ന മറ്റു ബൈബിൾഭാ​ഗങ്ങൾ അവർ പരി​ശോ​ധി​ക്കും. ബൈബി​ളി​ന്റെ മറ്റു ഭാഗങ്ങ​ളു​മാ​യി യോജി​ക്കുന്ന ഒരു നിഗമ​ന​ത്തിൽ എത്തി​ച്ചേ​രു​മ്പോൾ അതു കുറി​ച്ചു​വെ​ക്കും. ഇങ്ങനെ, ബൈബി​ളി​നെ വ്യാഖ്യാ​നി​ക്കാൻ ബൈബി​ളി​നെ​ത്തന്നെ അനുവ​ദി​ക്കു​ക​വഴി ദൈവ​ത്തി​ന്റെ പേര്‌, ദൈവ​രാ​ജ്യം, മനുഷ്യ​രെ​യും ഭൂമി​യെ​യും കുറി​ച്ചുള്ള ദൈവ​ത്തി​ന്റെ ഉദ്ദേശ്യം, മരിച്ച​വ​രു​ടെ അവസ്ഥ, പുനരു​ത്ഥാ​ന​പ്ര​ത്യാ​ശ എന്നിവ​യെ​ക്കു​റി​ച്ചുള്ള സത്യം അവർ മറനീ​ക്കി​യെ​ടു​ത്തു. അവരുടെ ഈ അന്വേ​ഷണം പല വ്യാജ​വി​ശ്വാ​സ​ങ്ങ​ളു​ടെ​യും ആചാര​ങ്ങ​ളു​ടെ​യും പിടി​യിൽനിന്ന്‌ അവരെ സ്വത​ന്ത്ര​രാ​ക്കി.​—യോഹ​ന്നാൻ 8:31, 32.

ബൈബി​ളി​ലെ സത്യം ലോക​മെ​ങ്ങും അറിയി​ക്കേണ്ട സമയമാ​യെന്ന്‌ 1879 ആയപ്പോ​ഴേ​ക്കും ബൈബിൾവി​ദ്യാർഥി​കൾ മനസ്സി​ലാ​ക്കി. അതു​കൊണ്ട്‌ അവർ ആ വർഷം വീക്ഷാ​ഗോ​പു​രം യഹോ​വ​യു​ടെ രാജ്യത്തെ പ്രസി​ദ്ധ​മാ​ക്കു​ന്നു എന്ന മാസിക പ്രസി​ദ്ധീ​ക​രി​ക്കാൻ തുടങ്ങി; അത്‌ ഇന്നോളം ഞങ്ങൾ പ്രസി​ദ്ധീ​ക​രി​ച്ചു​വ​രു​ന്നു. 240 ദേശങ്ങ​ളി​ലും 750-ലധികം ഭാഷക​ളി​ലും ആയി ഞങ്ങൾ ഇന്നു ബൈബിൾസ​ത്യം മറ്റുള്ള​വരെ അറിയി​ക്കു​ന്നു. സത്യ​ത്തെ​ക്കു​റി​ച്ചുള്ള അറിവ്‌ ഇത്ര സമൃദ്ധ​മാ​യി മുമ്പ്‌ ഒരിക്ക​ലും ലഭ്യമാ​യി​രു​ന്നി​ട്ടില്ല.

• ക്രിസ്‌തു​വി​ന്റെ മരണ​ശേഷം ബൈബിൾസ​ത്യ​ത്തിന്‌ എന്തു സംഭവി​ച്ചു?

• ദൈവ​വ​ച​ന​ത്തി​ലെ സത്യം മറനീ​ക്കി​യെ​ടു​ക്കാൻ ഞങ്ങൾക്കു സാധി​ച്ചത്‌ എങ്ങനെ?

യഹോ​വ​യു​ടെ സാക്ഷികൾ വർഷങ്ങ​ളോ​ളം പല ബൈബിൾഭാ​ഷാ​ന്ത​രങ്ങൾ ഉപയോ​ഗി​ക്കു​ക​യും അച്ചടി​ക്കു​ക​യും വിതരണം ചെയ്യു​ക​യും ചെയ്‌തി​ട്ടുണ്ട്‌. എന്നാൽ ‘സത്യത്തി​ന്റെ ശരിയായ അറിവിൽ’ എത്തി​ച്ചേ​രാൻ ആളുകളെ കുറെ​ക്കൂ​ടി നന്നായി സഹായി​ക്കു​ന്ന​തിന്‌ ഒരു പുതിയ ബൈബിൾഭാ​ഷാ​ന്തരം പുറത്തി​റ​ക്കേ​ണ്ട​തു​ണ്ടെന്നു ഞങ്ങൾക്കു മനസ്സി​ലാ​യി; എല്ലാ തരം ആളുക​ളും സത്യത്തി​ന്റെ ശരിയായ അറിവ്‌ നേടണം എന്നതാ​ണ​ല്ലോ ദൈവ​ത്തി​ന്റെ ഇഷ്ടം. (1 തിമൊ​ഥെ​യൊസ്‌ 2:3, 4) അങ്ങനെ 1950-ൽ ഞങ്ങൾ ആധുനിക ഭാഷയി​ലുള്ള പുതിയ ലോക ഭാഷാ​ന്തരം പല ഭാഗങ്ങ​ളാ​യി പുറത്തി​റ​ക്കാൻതു​ടങ്ങി. ഈ ബൈബിൾ കൃത്യ​ത​യോ​ടെ വിശ്വ​സ്‌ത​മാ​യി 130-ലധികം ഭാഷക​ളി​ലേക്കു പരിഭാ​ഷ​പ്പെ​ടു​ത്തി​യി​രി​ക്കു​ന്നു.

എളുപ്പം വായിച്ച്‌ മനസ്സി​ലാ​ക്കാ​വുന്ന ഒരു ബൈബിൾ വേണ്ടി​യി​രു​ന്നു. കാലം കഴിയു​ന്തോ​റും ഭാഷകൾക്കു മാറ്റം വരും. പല ബൈബിൾപ​രി​ഭാ​ഷ​ക​ളി​ലെ​യും അവ്യക്ത​മായ പഴയ പദപ്ര​യോ​ഗങ്ങൾ മനസ്സി​ലാ​ക്കാൻ ബുദ്ധി​മു​ട്ടാണ്‌. കൂടാതെ, മൂലപാ​ഠ​ത്തോ​ടു കൂടുതൽ പറ്റിനിൽക്കുന്ന, ഏറെ കൃത്യ​ത​യുള്ള പുരാ​ത​ന​കൈ​യെ​ഴു​ത്തു​പ്ര​തി​കൾ കണ്ടെത്തു​ക​യും ചെയ്‌തു. ബൈബിൾക്കാ​ല​ങ്ങ​ളി​ലെ എബ്രായ, അരമായ, ഗ്രീക്ക്‌ എന്നീ ഭാഷകൾ മെച്ചമാ​യി മനസ്സി​ലാ​ക്കാൻ അതു സഹായി​ച്ചു.

ദൈവ​ത്തി​ന്റെ മൊഴി​ക​ളോ​ടു വിശ്വ​സ്‌തത പുലർത്തുന്ന ഒരു പരിഭാഷ വേണമാ​യി​രു​ന്നു. ദൈവ​പ്ര​ചോ​ദി​ത​മാ​യി എഴുതിയ വചനങ്ങ​ളിൽ ബൈബിൾപ​രി​ഭാ​ഷകർ കൈക​ട​ത്താൻ പാടില്ല. അവർ ബൈബി​ളി​ന്റെ മൂലപാ​ഠ​ത്തോ​ടു വിശ്വ​സ്‌ത​മാ​യി പറ്റിനിൽക്കേ​ണ്ട​തുണ്ട്‌. എന്നാൽ വിശുദ്ധ തിരു​വെ​ഴു​ത്തു​ക​ളു​ടെ മിക്ക ഭാഷാ​ന്ത​ര​ങ്ങ​ളി​ലും യഹോവ എന്ന ദിവ്യ​നാ​മം ഉപയോ​ഗി​ച്ചി​ട്ടില്ല.

ബൈബി​ളി​ന്റെ ഗ്രന്ഥകർത്താ​വി​നു ബഹുമതി നൽകുന്ന ഒരു പരിഭാഷ വേണമാ​യി​രു​ന്നു. (2 ശമൂവേൽ 23:2) താഴെ കൊടു​ത്തി​രി​ക്കുന്ന ചിത്ര​ത്തിൽ കാണി​ച്ചി​രി​ക്കു​ന്ന​തു​പോ​ലെ, ബൈബി​ളി​ന്റെ ഏറ്റവും പുരാ​ത​ന​കൈ​യെ​ഴു​ത്തു​പ്ര​തി​ക​ളിൽ 7,000-ത്തോളം തവണ യഹോ​വ​യു​ടെ പേര്‌ കാണാം. പുതിയ ലോക ഭാഷാ​ന്ത​ര​ത്തിൽ അതേ സ്ഥാനങ്ങ​ളിൽ ദൈവ​ത്തി​ന്റെ പേര്‌ ഉപയോ​ഗി​ച്ചി​ട്ടുണ്ട്‌. (സങ്കീർത്തനം 83:18) വർഷങ്ങ​ളോ​ളം ശ്രദ്ധാ​പൂർവം ഗവേഷണം നടത്തി തയ്യാറാ​ക്കിയ ഈ ബൈബി​ളിൽ ദൈവ​ത്തി​ന്റെ ചിന്തകൾ അതേപടി പകർത്തി​യി​രി​ക്കു​ന്നു. അതു​കൊ​ണ്ടു​തന്നെ അതു വായി​ക്കാൻ രസമാണ്‌. നിങ്ങളു​ടെ ഭാഷയിൽ പുതിയ ലോക ഭാഷാ​ന്തരം ഉണ്ടെങ്കി​ലും ഇല്ലെങ്കി​ലും യഹോ​വ​യു​ടെ വചനം ദിവസ​വും വായി​ക്കു​ന്നതു ശീലമാ​ക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു.​—യോശുവ 1:8; സങ്കീർത്തനം 1:2, 3.

• ഒരു പുതിയ ബൈബിൾഭാ​ഷാ​ന്തരം ആവശ്യ​മാ​ണെന്നു ഞങ്ങൾ ചിന്തി​ക്കാൻ കാരണം എന്താണ്‌?

• ദൈവ​ത്തി​ന്റെ ഇഷ്ടം മനസ്സി​ലാ​ക്കാൻ ആഗ്രഹി​ക്കുന്ന എല്ലാവർക്കും ഏതു ശീലമു​ണ്ടാ​യി​രി​ക്കണം?