ഞങ്ങളുടെ സംഘട​ന​യിൽ ശമ്പളം പറ്റുന്ന ഒരു പുരോ​ഹി​ത​ഗ​ണ​മില്ല. പകരം, ക്രിസ്‌തീയ സഭ സ്ഥാപി​ത​മായ കാല​ത്തെ​ന്ന​പോ​ലെ, യോഗ്യ​ത​യുള്ള മേൽവി​ചാ​ര​ക​ന്മാ​രാണ്‌ ‘ദൈവ​ത്തി​ന്റെ സഭയെ മേയ്‌ക്കു​ന്നത്‌.’ (പ്രവൃ​ത്തി​കൾ 20:28) ഇവരെ മൂപ്പന്മാർ എന്നു വിളി​ക്കു​ന്നു. സഭയിൽ നേതൃ​ത്വ​മെ​ടു​ക്കു​ക​യും സഭയെ മേയ്‌ക്കു​ക​യും ചെയ്യുന്ന ആത്മീയ പക്വത​യുള്ള പുരു​ഷ​ന്മാ​രാണ്‌ ഇവർ. ഈ ക്രിസ്‌തീയ മൂപ്പന്മാർ “നിർബ​ന്ധ​ത്താ​ലല്ല ദൈവ​മു​മ്പാ​കെ മനസ്സോ​ടെ​യും, അന്യാ​യ​മാ​യി നേട്ടമു​ണ്ടാ​ക്കാ​നുള്ള മോഹ​ത്തോ​ടെയല്ല, അതീവ​താ​ത്‌പ​ര്യ​ത്തോ​ടെ​യും” ആണ്‌ അവരുടെ ഉത്തരവാ​ദി​ത്വം നിറ​വേ​റ്റു​ന്നത്‌. (1 പത്രോസ്‌ 5:1-3) അവർ നമുക്കു​വേണ്ടി എന്തു സേവന​മാ​ണു ചെയ്യു​ന്നത്‌?

അവർ ഞങ്ങളെ പരിപാ​ലി​ക്കു​ക​യും സംരക്ഷി​ക്കു​ക​യും ചെയ്യുന്നു. മൂപ്പന്മാർ സഭയെ വഴിന​ട​ത്തു​ക​യും ആത്മീയ​മാ​യി സംരക്ഷി​ക്കു​ക​യും ചെയ്യുന്നു. ദൈവ​മാണ്‌ ഈ വലിയ ഉത്തരവാ​ദി​ത്വം ഏൽപ്പി​ച്ചി​രി​ക്കു​ന്ന​തെന്ന്‌ അവർക്ക്‌ അറിയാം. അതു​കൊണ്ട്‌, അവർ ഞങ്ങളെ ഭരിക്കാൻനോ​ക്കു​ന്നില്ല; പകരം ഞങ്ങളുടെ ക്ഷേമവും സന്തോ​ഷ​വും ലക്ഷ്യമാ​ക്കി പ്രവർത്തി​ക്കു​ന്നു. (2 കൊരി​ന്ത്യർ 1:24) ഒരു ആട്ടിടയൻ തന്റെ ഓരോ ആടിനും പ്രത്യേ​കം ശ്രദ്ധ കൊടു​ക്കു​ന്ന​തു​പോ​ലെ, മൂപ്പന്മാർ ഓരോ സഭാം​ഗ​ത്തെ​യും അടുത്ത്‌ അറിയാൻ ശ്രമി​ക്കു​ക​യും അവർക്ക്‌ ആവശ്യ​മായ ശ്രദ്ധ കൊടു​ക്കു​ക​യും ചെയ്യുന്നു.​—സുഭാ​ഷി​തങ്ങൾ 27:23.

ദൈവ​ത്തി​ന്റെ ഇഷ്ടം എന്താ​ണെന്ന്‌ അവർ ഞങ്ങളെ പഠിപ്പി​ക്കു​ന്നു. ഞങ്ങളുടെ വിശ്വാ​സം ശക്തമാ​ക്കു​ക​യെന്ന ലക്ഷ്യത്തിൽ മൂപ്പന്മാർ സഭാ​യോ​ഗ​ങ്ങ​ളിൽ അധ്യക്ഷത വഹിക്കു​ന്നു. (പ്രവൃ​ത്തി​കൾ 15:32) അർപ്പി​ത​രായ ഈ പുരു​ഷ​ന്മാർ സുവി​ശേ​ഷ​പ്ര​വർത്ത​ന​ത്തി​ലും നേതൃ​ത്വ​മെ​ടു​ക്കു​ന്നു. അവർ ഞങ്ങളു​ടെ​കൂ​ടെ പ്രവർത്തിച്ച്‌ ശുശ്രൂ​ഷ​യു​ടെ എല്ലാ മേഖല​ക​ളി​ലും ആവശ്യ​മായ പരിശീ​ലനം തരുന്നു.

അവർ ഞങ്ങളെ വ്യക്തി​പ​ര​മാ​യി പ്രോ​ത്സാ​ഹി​പ്പി​ക്കു​ന്നു. ആത്മീയ​സ​ഹാ​യ​വും തിരു​വെ​ഴു​ത്തു​ക​ളിൽനി​ന്നുള്ള ആശ്വാ​സ​വും നൽകി​ക്കൊണ്ട്‌ അവർ ഓരോ സഭാം​ഗ​ത്തി​ന്റെ​യും ആത്മീയാ​വ​ശ്യ​ങ്ങൾക്കു ശ്രദ്ധ തരുന്നു. രാജ്യ​ഹാ​ളിൽവെ​ച്ചോ ഞങ്ങളുടെ വീട്ടിൽ വന്നോ ആണ്‌ അവർ ഞങ്ങൾക്ക്‌ ഈ സഹായം തരുന്നത്‌.​—യാക്കോബ്‌ 5:14, 15.

സഭയിലെ ഉത്തരവാ​ദി​ത്വ​ങ്ങൾക്കു പുറമേ മിക്ക മൂപ്പന്മാർക്കും, ജോലി​യും കുടും​ബോ​ത്ത​ര​വാ​ദി​ത്വ​ങ്ങ​ളും ഉണ്ട്‌. ആ ചുമത​ലകൾ നിർവ​ഹി​ക്കു​ന്ന​തി​ലും അവർ വീഴ്‌ച​വ​രു​ത്താ​റില്ല. കഠിനാ​ധ്വാ​നി​ക​ളായ ഈ സഹോ​ദ​ര​ന്മാർ സഭയിലെ എല്ലാവ​രു​ടെ​യും ബഹുമാ​നം അർഹി​ക്കു​ന്നു.​—1 തെസ്സ​ലോ​നി​ക്യർ 5:12, 13.

• സഭാമൂ​പ്പ​ന്മാ​രു​ടെ ഉത്തരവാ​ദി​ത്വ​ങ്ങൾ എന്തെല്ലാ​മാണ്‌?

• മൂപ്പന്മാർ സഭാം​ഗ​ങ്ങ​ളിൽ വ്യക്തി​പ​ര​മായ താത്‌പ​ര്യ​മെ​ടു​ക്കു​ന്നത്‌ എങ്ങനെ?

സഭയിലെ ഉത്തരവാ​ദി​ത്വ​ങ്ങൾ ചെയ്യുന്ന ക്രിസ്‌തീ​യ​പു​രു​ഷ​ന്മാ​രു​ടെ രണ്ടു കൂട്ടങ്ങ​ളെ​ക്കു​റിച്ച്‌ ബൈബിൾ പറയു​ന്നുണ്ട്‌​—“മേൽവി​ചാ​ര​ക​ന്മാ​രും ശുശ്രൂ​ഷാ​ദാ​സ​ന്മാ​രും.” (ഫിലി​പ്പി​യർ 1:1) മിക്ക സഭകളി​ലും, മൂപ്പന്മാ​രും ശുശ്രൂ​ഷാ​ദാ​സ​ന്മാ​രും ആയി സേവി​ക്കുന്ന കുറെ പേരു​ണ്ടാ​യി​രി​ക്കും. അതിൽ ശുശ്രൂ​ഷാ​ദാ​സ​ന്മാ​രു​ടെ ചുമതല എന്താണ്‌?

അവർ മൂപ്പന്മാ​രു​ടെ സംഘത്തെ സഹായി​ക്കു​ന്നു. ശുശ്രൂ​ഷാ​ദാ​സ​ന്മാർ ആത്മീയ​ചി​ന്താ​ഗ​തി​യു​ള്ള​വ​രും ആശ്രയ​യോ​ഗ്യ​രും ഉത്തരവാ​ദി​ത്വ​ങ്ങൾ നന്നായി നിർവ​ഹി​ക്കു​ന്ന​വ​രും ആണ്‌. അവരിൽ പ്രായ​മാ​യ​വ​രും ചെറു​പ്പ​ക്കാ​രും ഉണ്ട്‌. സഭയിൽ പതിവാ​യി ചെയ്യേണ്ട പല കാര്യ​ങ്ങ​ളും അതു​പോ​ലെ രാജ്യ​ഹാ​ളി​ന്റെ സൂക്ഷി​പ്പു​മാ​യി ബന്ധപ്പെട്ട പ്രവർത്ത​ന​ങ്ങ​ളും ചെയ്യു​ന്ന​തിൽ ഇവർ മൂപ്പന്മാ​രെ പിന്തു​ണ​യ്‌ക്കു​ന്നു. അതു​കൊ​ണ്ടു​തന്നെ, മൂപ്പന്മാർക്കു പഠിപ്പി​ക്കു​ന്ന​തി​ലും മേയ്‌ക്കു​ന്ന​തി​ലും ശ്രദ്ധ കേന്ദ്രീ​ക​രി​ക്കാൻ കഴിയു​ന്നു.

അവർ പ്രാ​യോ​ഗി​ക​മായ പല സേവന​ങ്ങ​ളും ചെയ്യുന്നു. ചില ശുശ്രൂ​ഷാ​ദാ​സ​ന്മാർക്കു സേവക​ന്മാ​രാ​യി നിയമനം ലഭിക്കു​ന്നു; സഭാ​യോ​ഗ​ത്തി​നു വരുന്ന​വരെ അവർ സ്വാഗതം ചെയ്യണം. മറ്റു ചിലർ ശബ്ദസം​വി​ധാ​നം കൈകാ​ര്യം ചെയ്യുന്നു. കൂടാതെ സഭയിൽ പ്രസി​ദ്ധീ​ക​ര​ണങ്ങൾ വിതരണം ചെയ്യുക, സഭയുടെ കണക്കുകൾ കൈകാ​ര്യം ചെയ്യുക, പ്രസം​ഗ​പ്ര​വർത്ത​ന​ത്തി​നുള്ള പ്രദേശം സഭാം​ഗ​ങ്ങൾക്കു നിയമി​ച്ചു​കൊ​ടു​ക്കുക എന്നിങ്ങ​നെ​യുള്ള ചുമത​ല​ക​ളും ഇവർക്കു ലഭി​ച്ചേ​ക്കാം. രാജ്യ​ഹാ​ളി​ന്റെ ശുചീ​ക​ര​ണ​ത്തി​ലും അറ്റകു​റ്റ​പ്പ​ണി​കൾ ചെയ്യു​ന്ന​തി​ലും ഇവർ സഹായി​ക്കു​ന്നു. പ്രായം​ചെന്ന സഭാം​ഗ​ങ്ങളെ സഹായി​ക്കാൻ മൂപ്പന്മാർ ഇവരോട്‌ ആവശ്യ​പ്പെ​ടാ​റുണ്ട്‌. ലഭിക്കുന്ന ഏത്‌ ഉത്തരവാ​ദി​ത്വ​വും നിർവ​ഹി​ക്കാൻ ശുശ്രൂ​ഷാ​ദാ​സ​ന്മാർ കാണി​ക്കുന്ന മനസ്സൊ​രു​ക്കം അവർക്കു മറ്റുള്ള​വ​രു​ടെ ആദരവ്‌ നേടി​ക്കൊ​ടു​ക്കു​ന്നു.​—1 തിമൊ​ഥെ​യൊസ്‌ 3:13.

അവർ സഭയിൽ നല്ല മാതൃക വെക്കുന്നു. നല്ല ക്രിസ്‌തീ​യ​ഗു​ണങ്ങൾ ഉള്ളവ​രെ​യാ​ണു ശുശ്രൂ​ഷാ​ദാ​സ​ന്മാ​രാ​യി നിയമി​ക്കു​ന്നത്‌. അവർ യോഗ​ങ്ങ​ളിൽ പരിപാ​ടി​കൾ നടത്തു​മ്പോൾ, സഭയി​ലു​ള്ള​വ​രു​ടെ വിശ്വാ​സം ശക്തി​പ്പെ​ടു​ന്നു. പ്രസം​ഗ​പ്ര​വർത്ത​ന​ത്തി​ലെ അവരുടെ തീക്ഷ്‌ണത സഭയിൽ എല്ലാവർക്കും ഒരു പ്രോ​ത്സാ​ഹ​ന​മാണ്‌. മൂപ്പന്മാ​രു​മാ​യി സഹകരി​ച്ചു​പ്ര​വർത്തി​ച്ചു​കൊണ്ട്‌ അവർ സഭയുടെ സന്തോ​ഷ​വും ഐക്യ​വും നിലനി​റു​ത്തു​ന്നു. (എഫെസ്യർ 4:16) കുറെ കഴിയു​മ്പോൾ, അവരും മൂപ്പന്മാ​രാ​യി സേവി​ക്കാൻ യോഗ്യത നേടി​യേ​ക്കാം.

• ശുശ്രൂ​ഷാ​ദാ​സ​ന്മാർ എങ്ങനെ​യു​ള്ള​വ​രാണ്‌?

• സഭാ​പ്ര​വർത്ത​നങ്ങൾ നന്നായി നടക്കാൻ ശുശ്രൂ​ഷാ​ദാ​സ​ന്മാർ എന്തു ചെയ്യുന്നു?

ബർന്നബാ​സി​നെ​യും പൗലോസ്‌ അപ്പോ​സ്‌ത​ല​നെ​യും കുറിച്ച്‌ ക്രിസ്‌തീയ ഗ്രീക്ക്‌ തിരു​വെ​ഴു​ത്തു​ക​ളിൽ പലയി​ട​ത്തും പറഞ്ഞി​ട്ടുണ്ട്‌. അക്കാലത്ത്‌ ക്രിസ്‌തീ​യ​സ​ഭകൾ സന്ദർശി​ച്ചു​കൊണ്ട്‌ അവർ സഞ്ചാര​മേൽവി​ചാ​ര​ക​ന്മാ​രാ​യി സേവി​ച്ചി​രു​ന്നു. എന്തിനു​വേ​ണ്ടി​യാണ്‌ അവർ സഭകൾ സന്ദർശി​ച്ചത്‌? സഭയിലെ സഹോ​ദ​ര​ങ്ങ​ളു​ടെ ക്ഷേമത്തിൽ അവർക്കു വളരെ​യേറെ താത്‌പ​ര്യ​മു​ണ്ടാ​യി​രു​ന്നു. സഹോ​ദ​ര​ന്മാർ എങ്ങനെ​യി​രി​ക്കു​ന്നെന്ന്‌ അറിയാൻവേണ്ടി അവരുടെ അടുക്കൽ ‘മടങ്ങി​ച്ചെ​ല്ലാൻ’ ആഗ്രഹി​ക്കു​ന്നെന്നു പൗലോസ്‌ ഒരിക്കൽ പറഞ്ഞു. അവരെ ആത്മീയ​മാ​യി ശക്തി​പ്പെ​ടു​ത്തു​ന്ന​തിന്‌ നൂറു​ക​ണ​ക്കി​നു കിലോ​മീ​റ്റർ യാത്ര ചെയ്‌ത്‌ അവരുടെ അടുത്ത്‌ ചെല്ലാൻ അദ്ദേഹം ഒരുക്ക​മാ​യി​രു​ന്നു. (പ്രവൃ​ത്തി​കൾ 15:36) അതേ മനോ​ഭാ​വം ഉള്ളവരാ​ണു ഞങ്ങളുടെ സഞ്ചാര​മേൽവി​ചാ​ര​ക​ന്മാ​രും.

അവരുടെ സന്ദർശനം ഞങ്ങൾക്കു പ്രോ​ത്സാ​ഹനം പകരുന്നു. ഓരോ സർക്കിട്ട്‌ മേൽവി​ചാ​ര​ക​നും 20-ഓളം സഭകൾ സന്ദർശി​ക്കു​ന്നു, വർഷത്തിൽ രണ്ടു തവണ ഓരോ സഭയു​ടെ​യും​കൂ​ടെ അദ്ദേഹം ഒരാഴ്‌ച വീതം ചെലവ​ഴി​ക്കും. ഈ സർക്കിട്ട്‌ മേൽവി​ചാ​ര​ക​ന്മാ​രു​ടെ—അവർ വിവാ​ഹി​ത​രാ​ണെ​ങ്കിൽ അവരുടെ ഭാര്യ​മാ​രു​ടെ​യും—അനുഭ​വ​പ​രി​ച​യ​ത്തിൽനിന്ന്‌ ഞങ്ങൾ വളരെ​യ​ധി​കം പ്രയോ​ജനം നേടുന്നു. പ്രായം ചെന്നവ​രെ​ന്നോ ചെറു​പ്പ​ക്കാ​രെ​ന്നോ വ്യത്യാ​സ​മി​ല്ലാ​തെ എല്ലാവ​രെ​യും അടുത്ത്‌ അറിയാൻ ഇവർ ശ്രമി​ക്കു​ന്നു. ഞങ്ങളു​ടെ​കൂ​ടെ സന്തോ​ഷ​വാർത്ത പ്രസം​ഗി​ക്കാ​നും ബൈബിൾപ​ഠ​ന​ത്തി​നു വരാനും അവർക്കു വളരെ ഇഷ്ടമാണ്‌. ഈ സഹോ​ദ​ര​ന്മാർ മൂപ്പന്മാ​രു​ടെ​കൂ​ടെ ഇടയസ​ന്ദർശ​ന​ങ്ങൾക്കും പോകാ​റുണ്ട്‌. സഭാ​യോ​ഗ​ങ്ങ​ളി​ലും സമ്മേള​ന​ങ്ങ​ളി​ലും അവർ നടത്തുന്ന പ്രസം​ഗങ്ങൾ ഞങ്ങൾക്കു പ്രോ​ത്സാ​ഹ​ന​വും ആത്മീയ​ശ​ക്തി​യും പകരുന്നു.​—പ്രവൃ​ത്തി​കൾ 15:35.

അവർ ഞങ്ങളിൽ വ്യക്തി​പ​ര​മായ താത്‌പ​ര്യം കാണി​ക്കു​ന്നു. സഭകളു​ടെ ആത്മീയ​ക്ഷേ​മ​ത്തിൽ വളരെ​യേറെ താത്‌പ​ര്യ​മുണ്ട്‌ സർക്കിട്ട്‌ മേൽവി​ചാ​ര​ക​ന്മാർക്ക്‌. സഭകളു​ടെ ആത്മീയ​പു​രോ​ഗതി വിലയി​രു​ത്താൻ അവർ മൂപ്പന്മാ​രു​മാ​യും ശുശ്രൂ​ഷാ​ദാ​സ​ന്മാ​രു​മാ​യും കൂടി​ക്കാഴ്‌ച നടത്തുന്നു; ഉത്തരവാ​ദി​ത്വ​ങ്ങൾ നിർവ​ഹി​ക്കാൻവേണ്ട പ്രാ​യോ​ഗി​ക​മായ സഹായ​ങ്ങ​ളും അവർക്കു നൽകുന്നു. പ്രസം​ഗ​പ്ര​വർത്ത​ന​ത്തിൽ കൂടുതൽ ഫലം കണ്ടെത്താൻ അവർ മുൻനി​ര​സേ​വ​കരെ സഹായി​ക്കു​ന്നു. സഭാ​യോ​ഗ​ങ്ങൾക്കു വരുന്ന പുതി​യ​വരെ പരിച​യ​പ്പെ​ടു​ന്ന​തും അവരുടെ ആത്മീയ​പു​രോ​ഗ​തി​യെ​ക്കു​റിച്ച്‌ കേൾക്കു​ന്ന​തും അവർക്കു സന്തോ​ഷ​മുള്ള കാര്യ​മാണ്‌. ‘ഞങ്ങളുടെ ക്ഷേമത്തി​നാ​യി പ്രവർത്തി​ക്കുന്ന സഹപ്ര​വർത്ത​ക​രാണ്‌’ ഈ സർക്കിട്ട്‌ മേൽവി​ചാ​ര​ക​ന്മാർ. അവർ അതിനു​വേണ്ടി തങ്ങളെ​ത്തന്നെ ഉഴിഞ്ഞു​വെ​ച്ചി​രി​ക്കു​ന്നു. (2 കൊരി​ന്ത്യർ 8:23) അവരുടെ വിശ്വാ​സ​വും ദൈവ​ഭ​ക്തി​യും അനുക​രി​ക്കേ​ണ്ട​തു​ത​ന്നെ​യാണ്‌.​—എബ്രായർ 13:7.

• എന്തിനു​വേ​ണ്ടി​യാണ്‌ സർക്കിട്ട്‌ മേൽവി​ചാ​ര​ക​ന്മാർ സഭകൾ സന്ദർശി​ക്കു​ന്നത്‌?

• അവരുടെ സന്ദർശ​ന​ങ്ങ​ളിൽനിന്ന്‌ നിങ്ങൾക്ക്‌ എങ്ങനെ പ്രയോ​ജനം നേടാം?

ഒരു ദുരന്ത​മു​ണ്ടാ​കു​മ്പോൾ അതിന്‌ ഇരയായ സഹവി​ശ്വാ​സി​കളെ സഹായി​ക്കാൻ യഹോ​വ​യു​ടെ സാക്ഷികൾ ഓടി​യെ​ത്തും. ഞങ്ങൾക്കി​ട​യി​ലെ ആത്മാർഥ​മായ സ്‌നേ​ഹ​ത്തി​ന്റെ തെളി​വാണ്‌ അത്‌. (യോഹ​ന്നാൻ 13:34, 35; 1 യോഹ​ന്നാൻ 3:17, 18) യഹോ​വ​യു​ടെ സാക്ഷികൾ ഏതെല്ലാം വിധങ്ങ​ളി​ലാ​ണു സഹായം നൽകു​ന്നത്‌?

സാമ്പത്തിക സഹായം നൽകുന്നു. ഒന്നാം നൂറ്റാ​ണ്ടിൽ യഹൂദ്യ​യിൽ വലി​യൊ​രു ക്ഷാമമു​ണ്ടാ​യ​പ്പോൾ തങ്ങളുടെ ആത്മീയ​സ​ഹോ​ദ​ര​ങ്ങളെ സാമ്പത്തി​ക​മാ​യി സഹായി​ക്കാൻ അന്ത്യോ​ക്യ​യി​ലുള്ള ക്രിസ്‌ത്യാ​നി​കൾ മുന്നോ​ട്ടു​വന്നു. (പ്രവൃ​ത്തി​കൾ 11:27-30) അതു​പോ​ലെ, ലോക​ത്തി​ന്റെ മറ്റു ഭാഗങ്ങ​ളി​ലുള്ള ഞങ്ങളുടെ സഹോ​ദ​രീ​സ​ഹോ​ദ​ര​ന്മാർക്കു ദുരി​ത​ങ്ങ​ളു​ണ്ടാ​കു​മ്പോൾ അവരെ സഹായി​ക്കാൻ സഭ വഴി ഞങ്ങളും സംഭാ​വ​നകൾ നൽകുന്നു; അവർക്ക്‌ ആവശ്യ​മായ സാധനങ്ങൾ എത്തിച്ചു​കൊ​ടു​ക്കാൻ ആ സംഭാ​വ​നകൾ ഉപകരി​ക്കു​ന്നു.​—2 കൊരി​ന്ത്യർ 8:13-15.

പ്രാ​യോ​ഗി​ക സഹായം നൽകുന്നു. ദുരന്ത​മു​ണ്ടായ പ്രദേ​ശ​ത്തുള്ള സഭകളി​ലെ മൂപ്പന്മാർ, സഭാം​ഗ​ങ്ങ​ളെ​ല്ലാം സുരക്ഷി​ത​രാ​ണെന്ന്‌ ഉറപ്പാ​ക്കാൻ ഓരോ​രു​ത്ത​രെ​യും നേരിൽ ചെന്നു​കാ​ണും. ഭക്ഷണം, ശുദ്ധജലം, വസ്‌ത്രം, പാർപ്പി​ടം, വൈദ്യ​സ​ഹാ​യം എന്നിവ ലഭ്യമാ​ക്കാൻ ഒരു ദുരി​താ​ശ്വാ​സ​ക്ക​മ്മി​റ്റി ഉണ്ടായി​രി​ക്കും. പ്രത്യേ​ക​വൈ​ദ​ഗ്‌ധ്യ​ങ്ങ​ളുള്ള നിരവധി സാക്ഷികൾ സ്വന്തം ചെലവിൽ ദുരന്ത​സ്ഥ​ല​ത്തെത്തി ദുരി​താ​ശ്വാ​സ​പ്ര​വർത്ത​ന​ങ്ങ​ളിൽ പങ്കെടു​ക്കാ​റുണ്ട്‌. വീടു​ക​ളു​ടെ​യും രാജ്യ​ഹാ​ളു​ക​ളു​ടെ​യും അറ്റകുറ്റം തീർക്കു​ന്ന​തി​ലും അവർ സഹായി​ക്കു​ന്നു. ഞങ്ങളുടെ സംഘട​ന​യ്‌ക്കു​ള്ളിൽ ഐക്യ​മുണ്ട്‌. കൂടാതെ ഒറ്റക്കെ​ട്ടാ​യി കാര്യങ്ങൾ ചെയ്യു​ന്ന​തി​ന്റെ അനുഭ​വ​പ​രി​ച​യ​വും ഞങ്ങൾക്കുണ്ട്‌. അതു​കൊ​ണ്ടു​തന്നെ ഇത്തരം സാഹച​ര്യ​ങ്ങ​ളിൽ പെട്ടെന്നു സഹായം എത്തിക്കാൻ ഞങ്ങൾക്കു കഴിയു​ന്നു. “വിശ്വാ​സ​ത്താൽ നമ്മുടെ ബന്ധുക്ക​ളാ​യ​വർക്ക്‌” മാത്രമല്ല, സാധ്യ​മാ​കു​മ്പോ​ഴെ​ല്ലാം മറ്റു മതസ്ഥർക്കും സഹായം നൽകാൻ ഞങ്ങൾ ശ്രമി​ക്കാ​റുണ്ട്‌.​—ഗലാത്യർ 6:10.

ആത്മീയ​വും വൈകാ​രി​ക​വും ആയ പിന്തുണ നൽകുന്നു. ദുരന്ത​ത്തിന്‌ ഇരയാ​യ​വർക്ക്‌ ഏറ്റവും ആവശ്യ​മാ​യി​രി​ക്കു​ന്നത്‌ ആശ്വാ​സ​മാണ്‌. അത്തരം സാഹച​ര്യ​ങ്ങ​ളിൽ, ആശ്വാ​സ​ത്തി​നാ​യി ഞങ്ങൾ നോക്കു​ന്നത്‌ “ഏതു സാഹച​ര്യ​ത്തി​ലും ആശ്വാസം തരുന്ന ദൈവ”മായ യഹോ​വ​യി​ലേ​ക്കാണ്‌. (2 കൊരി​ന്ത്യർ 1:3, 4) പെട്ടെ​ന്നു​തന്നെ ദൈവ​രാ​ജ്യം എല്ലാ വേദന​ക​ളും ദുരി​ത​ങ്ങ​ളും ഇല്ലാതാ​ക്കു​മെന്ന ബൈബി​ളി​ലെ വാഗ്‌ദാ​നം ദുരിതം അനുഭ​വി​ക്കു​ന്ന​വ​രു​മാ​യി ഞങ്ങൾ പങ്കു​വെ​ക്കു​ന്നു.​—വെളി​പാട്‌ 21:4.

• ദുരന്ത​ങ്ങ​ളു​ണ്ടാ​കു​മ്പോൾ പെട്ടെന്നു സഹായ​മെ​ത്തി​ക്കാൻ സാക്ഷി​കൾക്കു കഴിയു​ന്നത്‌ എന്തു​കൊണ്ട്‌?

• ബൈബി​ളി​ലെ ഏതു വാഗ്‌ദാ​നം ദുരന്ത​ബാ​ധി​തർക്ക്‌ ആശ്വാസം പകരും?

തന്റെ മരണത്തി​നു ദിവസ​ങ്ങൾക്കു മുമ്പ്‌, ശിഷ്യ​ന്മാ​രായ പത്രോസ്‌, യാക്കോബ്‌, യോഹ​ന്നാൻ, അന്ത്ര​യോസ്‌ എന്നിവ​രോ​ടു സംസാ​രി​ക്കു​ക​യാ​യി​രു​ന്നു യേശു. അന്ത്യകാ​ലത്തെ തന്റെ സാന്നി​ധ്യ​ത്തി​ന്റെ അടയാ​ള​ത്തെ​ക്കു​റിച്ച്‌ പറയു​മ്പോൾ, യേശു വളരെ പ്രധാ​ന​പ്പെട്ട ഒരു ചോദ്യം ഉന്നയിച്ചു: “വീട്ടു​ജോ​ലി​ക്കാർക്കു തക്കസമ​യത്ത്‌ ഭക്ഷണം കൊടു​ക്കാൻ യജമാനൻ അവരുടെ മേൽ നിയമിച്ച വിശ്വ​സ്‌ത​നും വിവേ​കി​യും ആയ അടിമ ആരാണ്‌?” (മത്തായി 24:3, 45; മർക്കോസ്‌ 13:3, 4) അന്ത്യകാ​ലത്ത്‌ തന്റെ ശിഷ്യ​ന്മാർക്കു മുടങ്ങാ​തെ ആത്മീയാ​ഹാ​രം കൊടു​ക്കാൻ ചിലരെ നിയമി​ക്കു​മെന്ന്‌ ഉറപ്പു​നൽകു​ക​യാ​യി​രു​ന്നു ‘യജമാ​ന​നായ’ യേശു. ആരാണ്‌ ഈ അടിമ?

യേശു​വി​ന്റെ അഭിഷി​ക്താ​നു​ഗാ​മി​ക​ളു​ടെ ഒരു ചെറിയ കൂട്ടമാണ്‌ അത്‌. യഹോ​വ​യു​ടെ സാക്ഷി​ക​ളു​ടെ ഭരണസം​ഘ​മാണ്‌ “അടിമ”യായി വർത്തി​ക്കു​ന്നത്‌. യഹോ​വ​യു​ടെ ആരാധ​ക​രായ സഹവി​ശ്വാ​സി​കൾക്ക്‌ കാലോ​ചി​ത​മായ ആത്മീയാ​ഹാ​രം വിതരണം ചെയ്യു​ന്നത്‌ ഈ അടിമ​യാണ്‌. അതു​കൊണ്ട്‌ ‘തക്കസമ​യത്തെ ആഹാര​വി​ഹി​ത​ത്തി​നാ​യി’ വിശ്വ​സ്‌ത​നായ ഈ അടിമ​യെ​യാ​ണു ഞങ്ങൾ ആശ്രയി​ക്കു​ന്നത്‌.​—ലൂക്കോസ്‌ 12:42.

അടിമ ദൈവ​ഭ​വനം നോക്കി​ന​ട​ത്തു​ന്നു. (1 തിമൊ​ഥെ​യൊസ്‌ 3:15) ഭൂമി​യിൽ, യഹോ​വ​യു​ടെ സംഘട​ന​യു​ടെ പ്രവർത്ത​നങ്ങൾ നോക്കി​ന​ട​ത്താ​നുള്ള ഭാരിച്ച ഉത്തരവാ​ദി​ത്വം യേശു ഏൽപ്പി​ച്ചി​രി​ക്കു​ന്നത്‌ അടിമ​യെ​യാണ്‌. സംഘട​ന​യു​ടെ ഭൗതിക സ്വത്തുക്കൾ നോക്കി​ന​ട​ത്തു​ന്ന​തും പ്രസം​ഗ​പ്ര​വർത്ത​ന​ത്തി​നു നേതൃ​ത്വം കൊടു​ക്കു​ന്ന​തും സഭകളി​ലൂ​ടെ ഞങ്ങളെ പഠിപ്പി​ക്കു​ന്ന​തും എല്ലാം ആ ഉത്തരവാ​ദി​ത്വ​ത്തിൽപ്പെ​ടു​ന്നു. സഭാ​യോ​ഗ​ങ്ങ​ളി​ലൂ​ടെ​യും സമ്മേള​ന​ങ്ങ​ളി​ലൂ​ടെ​യും ശുശ്രൂ​ഷ​യിൽ ഞങ്ങൾ ഉപയോ​ഗി​ക്കുന്ന പ്രസി​ദ്ധീ​ക​ര​ണ​ങ്ങ​ളി​ലൂ​ടെ​യും ആണ്‌ “വിശ്വ​സ്‌ത​നും വിവേ​കി​യു​മായ അടിമ” ആത്മീയാ​ഹാ​രം വിതരണം ചെയ്യു​ന്നത്‌. അങ്ങനെ ഞങ്ങൾക്ക്‌ ആവശ്യ​മായ ആത്മീയാ​ഹാ​രം ഏറ്റവും ആവശ്യ​മായ സമയത്തു​തന്നെ കിട്ടുന്നു.

ബൈബിൾസ​ത്യ​ങ്ങ​ളോ​ടും പ്രസം​ഗി​ക്കാ​നുള്ള നിയമ​ന​ത്തോ​ടും അടിമ വിശ്വ​സ്‌തത പുലർത്തു​ന്നു. അതു​പോ​ലെ​തന്നെ, ക്രിസ്‌തു ഏൽപ്പി​ച്ചി​രി​ക്കുന്ന ഉത്തരവാ​ദി​ത്വ​ങ്ങൾ അടിമ വിവേ​ക​ത്തോ​ടെ കൈകാ​ര്യം ചെയ്യുന്നു. (പ്രവൃ​ത്തി​കൾ 10:42) കൂടു​തൽക്കൂ​ടു​തൽ ആളുകളെ സംഘട​ന​യി​ലേക്കു കൂട്ടി​ച്ചേർത്തു​കൊ​ണ്ടും ആത്മീയാ​ഹാ​രം സമൃദ്ധ​മാ​യി നൽകി​ക്കൊ​ണ്ടും യഹോവ അടിമ​യു​ടെ പ്രവർത്ത​നത്തെ അനു​ഗ്ര​ഹി​ച്ചി​രി​ക്കു​ന്നു.​—യശയ്യ 60:22; 65:13.

• തന്റെ അനുഗാ​മി​കളെ ആത്മീയ​മാ​യി പോഷി​പ്പി​ക്കാൻ യേശു ആരെയാ​ണു നിയോ​ഗി​ച്ചത്‌?

• അടിമ വിശ്വ​സ്‌ത​നും വിവേ​കി​യും ആയിരി​ക്കു​ന്നത്‌ ഏതു വിധത്തി​ലാണ്‌?

ഒന്നാം നൂറ്റാ​ണ്ടിൽ, യരുശ​ലേ​മി​ലുള്ള “അപ്പോ​സ്‌ത​ല​ന്മാ​രു​ടെ​യും മൂപ്പന്മാ​രു​ടെ​യും” ഒരു ചെറിയ കൂട്ടമാ​ണു ഭരണസം​ഘ​മാ​യി സേവി​ച്ചി​രു​ന്നത്‌; അഭിഷി​ക്ത​ക്രി​സ്‌ത്യാ​നി​ക​ളു​ടെ മുഴുവൻ സഭയ്‌ക്കും​വേണ്ടി പ്രധാ​ന​പ്പെട്ട തീരു​മാ​നങ്ങൾ എടുത്തി​രു​ന്നത്‌ ഈ സംഘമാണ്‌. (പ്രവൃ​ത്തി​കൾ 15:2) തിരു​വെ​ഴു​ത്തു​കൾ എന്തു പറയു​ന്നെന്നു പരി​ശോ​ധി​ക്കു​ക​യും പരിശു​ദ്ധാ​ത്മാ​വി​ന്റെ വഴിന​ട​ത്തി​പ്പി​നു കീഴ്‌പെ​ടു​ക​യും ചെയ്‌തു​കൊ​ണ്ടാണ്‌ അവർ തീരു​മാ​ന​ങ്ങ​ളെ​ടു​ത്തി​രു​ന്നത്‌. (പ്രവൃ​ത്തി​കൾ 15:25, 26) ക്രിസ്‌തീ​യ​സ​ഭ​യിൽ ഇന്നും അതേ മാതൃ​ക​യാ​ണു പിന്തു​ടർന്നു​പോ​രു​ന്നത്‌.

തന്റെ ഇഷ്ടം ചെയ്യാൻ ദൈവം അവരെ ഉപയോ​ഗി​ക്കു​ന്നു. ഇന്നു ഭരണസം​ഘ​മാ​യി വർത്തി​ക്കുന്ന അഭിഷി​ക്ത​സ​ഹോ​ദ​ര​ന്മാർ ദൈവ​വ​ച​നത്തെ ആഴമായി സ്‌നേ​ഹി​ക്കു​ന്ന​വ​രാണ്‌. പ്രസം​ഗ​പ്ര​വർത്ത​ന​ത്തോ​ടു ബന്ധപ്പെട്ട തീരു​മാ​ന​ങ്ങ​ളെ​ടു​ക്കു​ന്ന​തി​ലും ആത്മീയ​വി​ഷ​യങ്ങൾ കൈകാ​ര്യം ചെയ്യു​ന്ന​തി​ലും നല്ല അനുഭ​വ​പ​രി​ച​യ​മു​ള്ള​വ​രാണ്‌ അവർ. ലോക​മെ​ങ്ങു​മുള്ള സാക്ഷി​ക​ളു​ടെ ആവശ്യ​ങ്ങ​ളെ​ക്കു​റിച്ച്‌ ചർച്ച ചെയ്യാൻ അവർ എല്ലാ ആഴ്‌ച​യും കൂടി​വ​രു​ന്നു. ഒന്നാം നൂറ്റാ​ണ്ടി​ലെ​പ്പോ​ലെ​തന്നെ, കത്തുക​ളി​ലൂ​ടെ​യും സഞ്ചാര​മേൽവി​ചാ​ര​ക​ന്മാ​രി​ലൂ​ടെ​യും മറ്റും ആണ്‌ അവർ ഞങ്ങൾക്കു ബൈബി​ളി​നെ അടിസ്ഥാ​ന​മാ​ക്കി​യുള്ള ഓരോ​രോ നിർദേ​ശങ്ങൾ തരുന്നത്‌; ഇതു ചിന്തയി​ലും പ്രവൃ​ത്തി​യി​ലും ഐക്യ​മു​ള്ള​വ​രാ​യി​രി​ക്കാൻ ദൈവ​ജ​നത്തെ സഹായി​ക്കു​ന്നു. (പ്രവൃ​ത്തി​കൾ 16:4, 5) പ്രസം​ഗ​പ്ര​വർത്ത​ന​ത്തി​നു നേതൃ​ത്വ​മെ​ടു​ക്കു​ന്ന​തി​നു പുറമേ, ആത്മീയാ​ഹാ​രം തയ്യാറാ​ക്കു​ന്ന​തി​നും ഉത്തരവാ​ദി​ത്വ​സ്ഥാ​ന​ങ്ങ​ളിൽ സഹോ​ദ​ര​ന്മാ​രെ നിയമി​ക്കു​ന്ന​തി​നും ഇവർ മേൽനോ​ട്ടം വഹിക്കു​ന്നു.

ദൈവാ​ത്മാവ്‌ വഴിന​യി​ക്കു​മ്പോൾ അവർ കീഴ്‌പെ​ടു​ന്നു. മാർഗ​ദർശ​ന​ത്തി​നാ​യി ഭരണസം​ഘം ആശ്രയി​ക്കു​ന്നത്‌ എല്ലാത്തി​ന്റെ​യും പരമാ​ധി​കാ​രി​യായ യഹോ​വ​യെ​യും സഭയുടെ തലയായ യേശു​വി​നെ​യും ആണ്‌. (1 കൊരി​ന്ത്യർ 11:3; എഫെസ്യർ 5:23) ഭരണസം​ഘ​ത്തി​ലെ അംഗങ്ങൾ ദൈവ​ജ​ന​ത്തി​ന്റെ നേതാ​ക്ക​ന്മാ​രാ​യി തങ്ങളെ​ത്തന്നെ വീക്ഷി​ക്കു​ന്നില്ല. മറ്റ്‌ അഭിഷി​ക്ത​ക്രി​സ്‌ത്യാ​നി​ക​ളോ​ടൊ​പ്പം അവരും “കുഞ്ഞാട്‌ (യേശു) എവിടെ പോയാ​ലും . . . അനുഗ​മി​ക്കു​ന്നു.” (വെളി​പാട്‌ 14:4) ഭരണസം​ഘ​ത്തി​നു​വേണ്ടി നമ്മൾ പ്രാർഥി​ക്കു​ന്നത്‌ അവർ വളരെ വിലമ​തി​ക്കു​ന്നു.

• ഒന്നാം നൂറ്റാ​ണ്ടി​ലെ ഭരണസം​ഘ​ത്തിൽ ഉണ്ടായി​രു​ന്നത്‌ ആരാണ്‌?

• ഭരണസം​ഘം ഇന്നു ദൈവ​ത്തി​ന്റെ നിർദേശം തേടു​ന്നത്‌ എങ്ങനെ?

എബ്രായ ഭാഷയിൽ ബഥേൽ എന്ന പദത്തിന്റെ അർഥം “ദൈവ​ത്തി​ന്റെ ഭവനം” എന്നാണ്‌. (ഉല്‌പത്തി 28:17, 19, അടിക്കു​റിപ്പ്‌) ലോക​ത്തി​ന്റെ വിവിധ ഭാഗങ്ങ​ളിൽ യഹോ​വ​യു​ടെ സാക്ഷികൾ പണിതീർത്തി​രി​ക്കുന്ന കെട്ടി​ട​സ​മു​ച്ച​യ​ങ്ങൾക്ക്‌ ഈ പേര്‌ നന്നായി യോജി​ക്കു​ന്നു. കാരണം പ്രസം​ഗ​പ്ര​വർത്ത​ന​ത്തി​നു നേതൃ​ത്വം നൽകു​ന്ന​തും അതിനെ പിന്തു​ണ​യ്‌ക്കു​ന്ന​തും ഇവി​ടെ​നി​ന്നാണ്‌. ഐക്യനാടുകളിലെ ന്യൂ​യോർക്കി​ലാണ്‌ യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​നം. അവി​ടെ​നി​ന്നാ​ണു ഭരണസം​ഘം ലോക​ത്തെ​ങ്ങു​മുള്ള ബ്രാ​ഞ്ചോ​ഫീ​സു​ക​ളു​ടെ പ്രവർത്ത​ന​ത്തി​നു മേൽനോ​ട്ടം വഹിക്കു​ന്നത്‌. ബ്രാ​ഞ്ചോ​ഫീ​സു​ക​ളിൽ സേവി​ക്കു​ന്ന​വരെ ബഥേൽ കുടും​ബാം​ഗങ്ങൾ എന്നാണു വിളി​ക്കു​ന്നത്‌. ഒരു കുടും​ബ​ത്തി​ലെ അംഗങ്ങ​ളെ​പ്പോ​ലെ അവർ ഒരേ സ്ഥലത്ത്‌ താമസി​ക്കു​ന്നു, ഒരുമി​ച്ചു ഭക്ഷണം കഴിക്കു​ന്നു; ഒരുമ​യോ​ടെ ജോലി ചെയ്യു​ക​യും ബൈബിൾ പഠിക്കു​ക​യും ചെയ്യുന്നു.—സങ്കീർത്തനം 133:1.

ത്യാഗം ചെയ്യാൻ മനസ്സുള്ള ഒരു കൂട്ടം ആളുകൾ ഒരുമ​യോ​ടെ സേവി​ക്കുന്ന ഇടം. ദൈവ​ത്തി​ന്റെ ഇഷ്ടം ചെയ്യാ​നും ദൈവ​രാ​ജ്യ​ത്തോ​ടു ബന്ധപ്പെട്ട കാര്യ​ങ്ങളെ പിന്തു​ണ​യ്‌ക്കാ​നും വേണ്ടി ജീവിതം ഉഴിഞ്ഞു​വെ​ച്ചി​രി​ക്കുന്ന ഒരു കൂട്ടം ക്രിസ്‌തീ​യ​സ്‌ത്രീ​പു​രു​ഷ​ന്മാ​രാണ്‌ ഓരോ ബഥേലി​ലു​മു​ള്ളത്‌. (മത്തായി 6:33) അവർക്ക്‌ അവിടെ താമസ​സൗ​ക​ര്യ​വും ആഹാര​വും കിട്ടുന്നു. അവിടെ ചെയ്യുന്ന സേവന​ത്തിന്‌ അവർ ശമ്പളം വാങ്ങു​ന്നില്ല; എന്നാൽ, വ്യക്തി​പ​ര​മായ ആവശ്യ​ങ്ങൾക്കു​വേണ്ടി ഒരു ചെറിയ തുക അലവൻസാ​യി അവർക്കു കിട്ടു​ന്നുണ്ട്‌. ബഥേലി​ലെ ഓരോ അംഗത്തി​നും ഓരോ നിയമ​ന​മുണ്ട്‌; ചിലർ ഓഫീ​സി​ലോ അടുക്ക​ള​യി​ലോ ഭക്ഷണമു​റി​യി​ലോ സേവി​ക്കു​ന്നു. മറ്റു ചിലർ പ്രസി​ദ്ധീ​ക​ര​ണങ്ങൾ അച്ചടി​ക്കു​ന്ന​തി​ലും ബയന്റ്‌ ചെയ്യു​ന്ന​തി​ലും സഹായി​ക്കു​ന്നു. മുറികൾ വൃത്തി​യാ​ക്കുക, തുണി അലക്കുക, അറ്റകു​റ്റ​പ്പ​ണി​കൾ തീർക്കുക തുടങ്ങിയ ജോലി​കൾ ചെയ്യു​ന്ന​വ​രു​മുണ്ട്‌.

പ്രസം​ഗ​പ്ര​വർത്ത​നത്തെ പിന്തു​ണ​യ്‌ക്കാൻ സേവകർ തിരക്കിട്ട്‌ പ്രവർത്തി​ക്കുന്ന ഇടം. ബൈബി​ളി​ലെ സത്യങ്ങൾ പരമാ​വധി ആളുക​ളു​ടെ അടുത്ത്‌ എത്തിക്കുക എന്നതാണു ബഥേലു​ക​ളു​ടെ പ്രധാ​ന​ല​ക്ഷ്യം. ഈ പത്രിക തയ്യാറാ​ക്കി​യി​രി​ക്കു​ന്ന​തും ആ ലക്ഷ്യത്തിൽത്ത​ന്നെ​യാണ്‌. ഇതു ഭരണസം​ഘ​ത്തി​ന്റെ മേൽനോ​ട്ട​ത്തിൽ തയ്യാറാ​ക്കി, ലോക​ത്തെ​ങ്ങു​മുള്ള പരിഭാ​ഷാ​വി​ഭാ​ഗ​ങ്ങൾക്കു കമ്പ്യൂട്ടർ വഴി അയച്ചു​കൊ​ടു​ക്കു​ക​യാ​യി​രു​ന്നു. പരിഭാ​ഷ​യ്‌ക്കു ശേഷം അതു വിവിധ ബഥേലു​ക​ളി​ലെ ഹൈ-സ്‌പീഡ്‌ പ്രസ്സു​ക​ളിൽ അച്ചടിച്ച്‌ 1,18,000-ത്തിലേറെ സഭകൾക്ക്‌ അയച്ചു​കൊ​ടു​ത്തു. ഈ ഓരോ ഘട്ടത്തി​ലും, ബഥേൽ കുടും​ബാം​ഗങ്ങൾ അർപ്പണ​ബോ​ധ​ത്തോ​ടെ പ്രവർത്തി​ച്ചി​ട്ടുണ്ട്‌. ഇങ്ങനെ, ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത പ്രസം​ഗി​ക്കു​ക​യെന്ന, വളരെ അടിയ​ന്തി​ര​മാ​യി ചെയ്യേണ്ട പ്രവർത്ത​നത്തെ അവർ പിന്തു​ണ​യ്‌ക്കു​ന്നു.—മർക്കോസ്‌ 13:10.

• എങ്ങനെ​യു​ള്ള​വ​രാ​ണു ബഥേലിൽ സേവി​ക്കു​ന്നത്‌, അവരുടെ ആവശ്യങ്ങൾ നടക്കു​ന്നത്‌ എങ്ങനെ?

• അടിയ​ന്തി​ര​മാ​യി ചെയ്യേണ്ട ഏതു പ്രവർത്ത​ന​ത്തെ​യാണ്‌ ഓരോ ബഥേലും പിന്തു​ണ​യ്‌ക്കു​ന്നത്‌?

ഒന്നോ അതില​ധി​ക​മോ രാജ്യ​ങ്ങ​ളി​ലെ പ്രസം​ഗ​പ്ര​വർത്ത​നത്തെ പിന്തു​ണ​ച്ചു​കൊണ്ട്‌ ബഥേൽ കുടും​ബാം​ഗങ്ങൾ വിവിധ ഡിപ്പാർട്ടു​മെ​ന്റു​ക​ളിൽ സേവി​ക്കു​ന്നു. ചിലർ പരിഭാ​ഷാ​വി​ഭാ​ഗ​ത്തിൽ സേവി​ക്കു​മ്പോൾ മറ്റു ചിലർ മാസി​ക​ക​ളു​ടെ അച്ചടി, പുസ്‌ത​ക​ങ്ങ​ളു​ടെ ബയന്റിങ്‌, ഓഡി​യോ-വീഡി​യോ നിർമാ​ണം, പ്രസി​ദ്ധീ​ക​ര​ണ​ങ്ങ​ളു​ടെ വിതരണം തുടങ്ങിയ നിയമ​നങ്ങൾ കൈകാ​ര്യം ചെയ്യുന്നു.

പ്രവർത്ത​ന​ങ്ങൾക്കു ബ്രാഞ്ച്‌ കമ്മിറ്റി മേൽനോ​ട്ടം വഹിക്കു​ന്നു. ഓരോ ബ്രാ​ഞ്ചോ​ഫീ​സി​ന്റെ​യും പ്രവർത്ത​ന​ത്തി​നു മേൽനോ​ട്ടം വഹിക്കാൻ ഭരണസം​ഘം ചുമത​ല​പ്പെ​ടു​ത്തി​യി​രി​ക്കു​ന്നതു ബ്രാഞ്ച്‌ കമ്മിറ്റി​യെ​യാണ്‌. ആത്മീയ​യോ​ഗ്യ​ത​യുള്ള, മൂന്നോ അതില​ധി​ക​മോ മൂപ്പന്മാർ ചേർന്ന​താണ്‌ ഒരു ബ്രാഞ്ച്‌ കമ്മിറ്റി. തങ്ങളുടെ പരിധി​യിൽ വരുന്ന രാജ്യത്തെ പ്രസം​ഗ​പ്ര​വർത്ത​ന​ത്തി​ന്റെ പുരോ​ഗ​തി​യെ​ക്കു​റി​ച്ചും അതു​പോ​ലെ അവിടത്തെ പ്രശ്‌ന​ങ്ങ​ളെ​ക്കു​റി​ച്ചും ബ്രാഞ്ച്‌ കമ്മിറ്റി ഭരണസം​ഘത്തെ അറിയി​ച്ചു​കൊ​ണ്ടി​രി​ക്കു​ന്നു. യോഗ​ങ്ങ​ളി​ലും സമ്മേള​ന​ങ്ങ​ളി​ലും പ്രസി​ദ്ധീ​ക​ര​ണ​ങ്ങ​ളി​ലും ഏതെല്ലാം വിഷയങ്ങൾ ഉൾപ്പെ​ടു​ത്ത​ണ​മെന്നു തീരു​മാ​നി​ക്കാൻ അത്തരം റിപ്പോർട്ടു​കൾ ഭരണസം​ഘത്തെ സഹായി​ക്കു​ന്നു. ഭരണസം​ഘ​ത്തി​ന്റെ പ്രതി​നി​ധി​കൾ ക്രമമാ​യി ബ്രാഞ്ചു​കൾ സന്ദർശിച്ച്‌, ഉത്തരവാ​ദി​ത്വ​ങ്ങൾ നന്നായി കൈകാ​ര്യം ചെയ്യാൻ ആവശ്യ​മായ മാർഗ​നിർദേശം ബ്രാഞ്ച്‌ കമ്മിറ്റി​ക്കു കൊടു​ക്കു​ന്നു. (സുഭാ​ഷി​തങ്ങൾ 11:14) സന്ദർശ​ന​ത്തി​ന്റെ ഭാഗമാ​യി, ബ്രാഞ്ചി​ന്റെ പ്രദേ​ശത്ത്‌ താമസി​ക്കുന്ന സഹോ​ദ​രീ​സ​ഹോ​ദ​ര​ന്മാർക്കു പ്രോ​ത്സാ​ഹനം പകരു​ന്ന​തി​നു​വേണ്ടി ലോകാ​സ്ഥാ​ന​പ്ര​തി​നി​ധി ഒരു പ്രസംഗം നടത്താ​റുണ്ട്‌.

പ്രാ​ദേ​ശി​ക സഭകൾക്കു പിന്തുണ കൊടു​ക്കു​ന്നു. പുതിയ സഭകൾ രൂപീ​ക​രി​ക്കു​ന്നതു ബ്രാ​ഞ്ചോ​ഫീ​സി​ലെ ഉത്തരവാ​ദി​ത്വ​പ്പെട്ട സഹോ​ദ​ര​ന്മാ​രാണ്‌. ബ്രാഞ്ചി​ന്റെ അധികാ​ര​പ​രി​ധി​യിൽപ്പെ​ടുന്ന പ്രദേ​ശ​ങ്ങ​ളി​ലെ മുൻനി​ര​സേ​വ​ക​രു​ടെ​യും മിഷന​റി​മാ​രു​ടെ​യും സർക്കിട്ട്‌ മേൽവി​ചാ​ര​ക​ന്മാ​രു​ടെ​യും പ്രവർത്ത​ന​ങ്ങൾക്കു മേൽനോ​ട്ടം വഹിക്കു​ന്ന​തും ഇവർതന്നെ. സമ്മേള​ന​ങ്ങ​ളും കൺ​വെൻ​ഷ​നു​ക​ളും സംഘടി​പ്പി​ക്കു​ന്ന​തും പുതിയ രാജ്യ​ഹാ​ളു​ക​ളു​ടെ നിർമാ​ണ​പ്ര​വർത്ത​നങ്ങൾ ഏകോ​പി​പ്പി​ക്കു​ന്ന​തും സഭകൾക്ക്‌ ആവശ്യ​മായ സാഹി​ത്യ​ങ്ങൾ എത്തിക്കു​ന്ന​തും ബ്രാ​ഞ്ചോ​ഫീ​സാണ്‌. ബ്രാ​ഞ്ചോ​ഫീ​സു​ക​ളി​ലെ പ്രവർത്ത​ന​ങ്ങ​ളാണ്‌ അതതു ദേശങ്ങ​ളിൽ പ്രസം​ഗ​പ്ര​വർത്തനം ചിട്ട​യോ​ടെ, ക്രമീ​കൃ​ത​മാ​യി നടക്കാൻ സഹായി​ക്കു​ന്നത്‌.​—1 കൊരി​ന്ത്യർ 14:33, 40.

• ബ്രാഞ്ച്‌ കമ്മിറ്റി​കൾ ഭരണസം​ഘത്തെ പിന്തു​ണ​യ്‌ക്കു​ന്നത്‌ എങ്ങനെ?

• ഒരു ബ്രാ​ഞ്ചോ​ഫീസ്‌ എന്തെല്ലാം കാര്യ​ങ്ങൾക്കു മേൽനോ​ട്ടം വഹിക്കു​ന്നു?

“സന്തോ​ഷ​വാർത്ത” “എല്ലാ ജനതക​ളെ​യും ഗോ​ത്ര​ങ്ങ​ളെ​യും ഭാഷക്കാ​രെ​യും വംശങ്ങ​ളെ​യും” അറിയി​ക്കു​ക​യെന്ന ലക്ഷ്യത്തിൽ 750-ലധികം ഭാഷക​ളിൽ ഞങ്ങൾ പ്രസി​ദ്ധീ​ക​ര​ണങ്ങൾ അച്ചടി​ക്കു​ന്നുണ്ട്‌. (വെളി​പാട്‌ 14:6) ഇതിനു നല്ല ശ്രമം ആവശ്യ​മാണ്‌. പക്ഷേ ഞങ്ങൾ ഇത്‌ എങ്ങനെ​യാ​ണു ചെയ്യു​ന്നത്‌? ലോക​ത്തി​ന്റെ വിവിധ ഭാഗങ്ങ​ളിൽനി​ന്നുള്ള ഒരു കൂട്ടം എഴുത്തു​കാ​രു​ടെ​യും അർപ്പണ​മ​നോ​ഭാ​വ​ത്തോ​ടെ പ്രവർത്തി​ക്കുന്ന ഒരു കൂട്ടം പരിഭാ​ഷ​ക​രു​ടെ​യും കൂട്ടായ ശ്രമത്തി​ലൂ​ടെ​യാണ്‌ ഇതു സാധ്യ​മാ​കു​ന്നത്‌. അവരെ​ല്ലാം യഹോ​വ​യു​ടെ സാക്ഷി​ക​ളാണ്‌.

ആദ്യം ഇംഗ്ലീ​ഷിൽ തയ്യാറാ​ക്കു​ന്നു. ഭരണസം​ഘ​ത്തി​ന്റെ നേതൃ​ത്വ​ത്തിൻകീ​ഴിൽ ലോകാ​സ്ഥാ​നത്ത്‌ ഒരു റൈറ്റിങ്‌ ഡിപ്പാർട്ടു​മെന്റ്‌ പ്രവർത്തി​ക്കു​ന്നുണ്ട്‌. ഈ റൈറ്റിങ്‌ ഡിപ്പാർട്ടു​മെ​ന്റാണ്‌ ലോകാ​സ്ഥാ​ന​ത്തും മറ്റു ബ്രാ​ഞ്ചോ​ഫീ​സു​ക​ളി​ലും സേവി​ക്കുന്ന എഴുത്തു​കാ​രു​ടെ പ്രവർത്ത​നങ്ങൾ ഏകോ​പി​പ്പി​ക്കു​ന്നത്‌. എഴുത്തു​കാർ പല ദേശങ്ങ​ളിൽനി​ന്നു​ള്ള​വ​രാ​യ​തു​കൊണ്ട്‌ വിവിധ സംസ്‌കാ​ര​ങ്ങ​ളോ​ടു ബന്ധപ്പെട്ട വിഷയങ്ങൾ കൈകാ​ര്യം ചെയ്യാൻ ഞങ്ങൾക്കു കഴിയു​ന്നു; ഞങ്ങളുടെ പ്രസി​ദ്ധീ​ക​ര​ണങ്ങൾ അന്താരാ​ഷ്‌ട്ര സമൂഹ​ത്തിന്‌ ആകർഷ​ക​മാ​ക്കു​ന്നത്‌ ഇതാണ്‌.

പരിഭാ​ഷ​കർക്ക്‌ അയച്ചു​കൊ​ടു​ക്കു​ന്നു. തയ്യാറാ​ക്കുന്ന പാഠത്തിൽ ആവശ്യ​മായ തിരു​ത്ത​ലു​ക​ളും മാറ്റങ്ങ​ളും വരുത്തി​യിട്ട്‌, ഭരണസം​ഘ​ത്തി​ന്റെ അനുമ​തി​യോ​ടെ അതു ലോക​ത്തി​ന്റെ വിവിധ ഭാഗങ്ങ​ളി​ലുള്ള പരിഭാ​ഷാ​സം​ഘ​ങ്ങൾക്ക്‌ കമ്പ്യൂട്ടർ വഴി അയച്ചു​കൊ​ടു​ക്കു​ന്നു. അവർ അതു തർജമ​ചെ​യ്‌ത്‌ ഇംഗ്ലീ​ഷു​മാ​യി ഒത്തു​നോ​ക്കി​യ​തി​നു ശേഷം പ്രൂഫ്‌ വായന നടത്തുന്നു. ഇങ്ങനെ പരിഭാഷ ചെയ്യു​മ്പോൾ ഇംഗ്ലീ​ഷി​ലുള്ള പാഠത്തി​ന്റെ ആശയം ഒട്ടും ചോർന്നു​പോ​കാ​തെ “സത്യവ​ച​നങ്ങൾ” അഥവാ കൃത്യ​ത​യുള്ള വാക്കുകൾ കണ്ടെത്താൻ അവർ ശ്രമി​ക്കു​ന്നു.​—സഭാ​പ്ര​സം​ഗകൻ 12:10.

കമ്പ്യൂട്ടർ പരിഭാ​ഷാ​പ്ര​വർത്തനം ത്വരി​ത​പ്പെ​ടു​ത്തു​ന്നു. കമ്പ്യൂ​ട്ട​റു​കൾ ഒരിക്ക​ലും എഴുത്തു​കാർക്കും പരിഭാ​ഷ​കർക്കും പകരമാ​കില്ല. പക്ഷേ, കമ്പ്യൂ​ട്ട​റിൽത്ത​ന്നെ​യുള്ള നിഘണ്ടു​ക്ക​ളും ഗവേഷ​ണോ​പാ​ധി​ക​ളും മറ്റു പ്രോ​ഗ്രാ​മു​ക​ളും അവരുടെ പ്രവർത്ത​ന​ത്തി​ന്റെ വേഗം കൂട്ടു​ന്നുണ്ട്‌. കൂടാതെ പരിഭാ​ഷാ​പ്ര​വർത്ത​ന​ത്തിൽ സഹായി​ക്കുന്ന ഒരു പ്രോ​ഗ്രാം യഹോ​വ​യു​ടെ സാക്ഷി​കൾതന്നെ രൂപക​ല്‌പന ചെയ്‌തി​ട്ടുണ്ട്‌. മെപ്‌സ്‌ (Multilanguage Electronic Publishing System) എന്നാണ്‌ ഇതിന്റെ പേര്‌. ഇത്‌ ഉപയോ​ഗിച്ച്‌ വിവരങ്ങൾ നൂറു​ക​ണ​ക്കി​നു ഭാഷക​ളിൽ ടൈപ്പ്‌ ചെയ്യാ​നും ചിത്ര​ങ്ങ​ളും മറ്റുമാ​യി സംയോ​ജി​പ്പി​ക്കാ​നും അച്ചടി​ക്കാൻവേണ്ടി കമ്പോസ്‌ ചെയ്യാ​നും സാധി​ക്കു​ന്നു.

ഏതാനും ആയിരങ്ങൾ മാത്രം സംസാ​രി​ക്കുന്ന ഭാഷക​ളി​ലേ​ക്കു​പോ​ലും പ്രസി​ദ്ധീ​ക​ര​ണങ്ങൾ പരിഭാ​ഷ​പ്പെ​ടു​ത്താൻ ഞങ്ങൾ ഇത്രയ​ധി​കം ശ്രമം ചെയ്യു​ന്നത്‌ എന്തു​കൊ​ണ്ടാണ്‌? കാരണം, “എല്ലാ തരം ആളുകൾക്കും രക്ഷ കിട്ടണ​മെ​ന്നും അവർ സത്യത്തി​ന്റെ ശരിയായ അറിവ്‌ നേടണ​മെ​ന്നും” ഉള്ളത്‌ യഹോ​വ​യു​ടെ ഇഷ്ടമാണ്‌.​—1 തിമൊ​ഥെ​യൊസ്‌ 2:3, 4.

• ഞങ്ങളുടെ പ്രസി​ദ്ധീ​ക​ര​ണങ്ങൾ തയ്യാറാ​ക്കു​ന്നത്‌ എങ്ങനെ?

• ഞങ്ങൾ ഇത്രയ​ധി​കം ഭാഷക​ളിൽ പ്രസി​ദ്ധീ​ക​ര​ണങ്ങൾ പുറത്തി​റ​ക്കു​ന്നത്‌ എന്തു​കൊ​ണ്ടാണ്‌?

ഞങ്ങളുടെ സംഘടന വർഷം​തോ​റും കോടി​ക്ക​ണ​ക്കി​നു ബൈബി​ളു​ക​ളും ബൈബി​ളി​നെ അടിസ്ഥാ​ന​മാ​ക്കി തയ്യാറാ​ക്കിയ പ്രസി​ദ്ധീ​ക​ര​ണ​ങ്ങ​ളും അച്ചടിച്ച്‌ വിതരണം ചെയ്യു​ന്നുണ്ട്‌, അതും വില ഈടാ​ക്കാ​തെ. ഞങ്ങൾ രാജ്യ​ഹാ​ളു​ക​ളും ബ്രാ​ഞ്ചോ​ഫീ​സു​ക​ളും പണിയു​ന്നു; അവ അറ്റകു​റ്റ​പ്പ​ണി​കൾ ചെയ്‌ത്‌ സൂക്ഷി​ക്കു​ന്നു. ആയിര​ക്ക​ണ​ക്കി​നു​വ​രുന്ന ബഥേൽ കുടും​ബാം​ഗ​ങ്ങ​ളെ​യും മിഷന​റി​മാ​രെ​യും ഞങ്ങൾ സാമ്പത്തി​ക​മാ​യി പിന്തു​ണ​യ്‌ക്കു​ന്നു. ഇതിനു പുറമേ, ദുരന്ത​ങ്ങ​ളു​ണ്ടാ​കു​മ്പോൾ ദുരി​താ​ശ്വാ​സ​സ​ഹാ​യ​വും എത്തിച്ചു​കൊ​ടു​ക്കാ​റുണ്ട്‌. ‘ഇതി​നൊ​ക്കെ​യുള്ള പണം എവി​ടെ​നി​ന്നാ​ണു ലഭിക്കു​ന്നത്‌’ എന്നു നിങ്ങൾ ചിന്തി​ക്കു​ന്നു​ണ്ടാ​കും.

ഞങ്ങൾ ദശാംശം വാങ്ങു​ക​യോ സേവന​ങ്ങൾക്കു പണം ഈടാ​ക്കു​ക​യോ പണപ്പി​രിവ്‌ നടത്തു​ക​യോ ചെയ്യു​ന്നില്ല. ലോക​വ്യാ​പ​ക​മാ​യി പ്രസം​ഗ​പ്ര​വർത്തനം നടത്താൻ വലിയ പണച്ചെ​ല​വുണ്ട്‌. പക്ഷേ, ഞങ്ങൾ ആരോ​ടും പണം ആവശ്യ​പ്പെ​ടാ​റില്ല. ഏതാണ്ട്‌ ഒരു നൂറ്റാണ്ടു മുമ്പ്‌ വീക്ഷാ​ഗോ​പു​രം മാസി​ക​യു​ടെ രണ്ടാമത്തെ ലക്കത്തിൽ, യഹോവ ഞങ്ങളെ പിന്തു​ണ​യ്‌ക്കു​മെന്ന്‌ ഉറച്ച്‌ വിശ്വ​സി​ക്കു​ന്നെ​ന്നും അതു​കൊ​ണ്ടു​തന്നെ, പണത്തി​നു​വേണ്ടി ഞങ്ങൾ ആരോ​ടും “യാചി​ക്കു​ക​യോ അഭ്യർഥി​ക്കു​ക​യോ ഇല്ല” എന്നും ഞങ്ങൾ പ്രസ്‌താ​വി​ച്ചി​രു​ന്നു. സന്തോ​ഷ​ക​ര​മെന്നു പറയട്ടെ, ഇതുവരെ ഞങ്ങൾക്ക്‌ അങ്ങനെ ചെയ്യേ​ണ്ടി​വ​ന്നി​ട്ടില്ല!​—മത്തായി 10:8.

ഞങ്ങളുടെ പ്രവർത്തനം നടക്കു​ന്നതു മനസ്സോ​ടെ കൊടു​ക്കുന്ന സംഭാ​വ​ന​കൊ​ണ്ടാണ്‌. ഞങ്ങളുടെ ബൈബിൾ വിദ്യാ​ഭ്യാ​സ​പ്ര​വർത്ത​നത്തെ വിലമ​തി​ക്കുന്ന പലരും അതിനു​വേണ്ടി സംഭാ​വ​നകൾ തരാറുണ്ട്‌. ഭൂമി​യി​ലെ​ങ്ങും ദൈ​വേഷ്ടം ചെയ്യാൻ ഞങ്ങളും സന്തോ​ഷ​ത്തോ​ടെ ഞങ്ങളുടെ സമയവും ഊർജ​വും പണവും മറ്റു വിഭവ​ങ്ങ​ളും ഉപയോ​ഗി​ക്കു​ന്നു. (1 ദിനവൃ​ത്താ​ന്തം 29:9) സംഭാ​വ​നകൾ കൊടു​ക്കാൻ ആഗ്രഹി​ക്കു​ന്ന​വ​രു​ടെ സൗകര്യ​ത്തി​നു​വേണ്ടി രാജ്യ​ഹാ​ളു​ക​ളി​ലും സമ്മേള​ന​ഹാ​ളു​ക​ളി​ലും കൺ​വെൻ​ഷൻസ്ഥ​ല​ങ്ങ​ളി​ലും സംഭാ​വ​ന​പ്പെ​ട്ടി​കൾ വെച്ചി​ട്ടുണ്ട്‌. അതല്ലെ​ങ്കിൽ jw.org എന്ന ഞങ്ങളുടെ വെബ്‌​സൈറ്റ്‌ വഴിയും നിങ്ങൾക്കു സംഭാ​വ​നകൾ അയയ്‌ക്കാ​വു​ന്ന​താണ്‌. സംഭാ​വ​ന​ക​ളു​ടെ നല്ലൊരു പങ്കും കൊടു​ക്കു​ന്നതു വെറും സാധാ​ര​ണ​ക്കാ​രായ ആളുക​ളാണ്‌; ആലയത്തി​ലെ സംഭാ​വ​ന​പ്പെ​ട്ടി​യിൽ രണ്ടു ചെറു​തു​ട്ടു​കൾ ഇട്ട, ദരി​ദ്ര​യായ വിധവ​യെ​പ്പോ​ലു​ള്ളവർ. (ലൂക്കോസ്‌ 21:1-4) യേശു​വി​ന്റെ പ്രശംസ പിടി​ച്ചു​പ​റ്റിയ ആ വിധവ​യെ​പ്പോ​ലെ, “ഹൃദയ​ത്തിൽ നിശ്ചയിച്ച” ഒരു തുക പ്രസം​ഗ​പ്ര​വർത്ത​ന​ത്തി​നു​വേണ്ടി ‘നീക്കി​വെ​ക്കാൻ’ എല്ലാവർക്കും കഴിയും.​—1 കൊരി​ന്ത്യർ 16:2; 2 കൊരി​ന്ത്യർ 9:7.

യഹോ​വ​യെ ‘വില​യേ​റിയ വസ്‌തു​ക്കൾകൊണ്ട്‌ ബഹുമാ​നി​ക്കാൻ’ ആഗ്രഹി​ക്കുന്ന എല്ലാവ​രെ​യും ദൈവം തുടർന്നും പ്രചോ​ദി​പ്പി​ക്കു​മെന്നു ഞങ്ങൾക്ക്‌ ഉറപ്പുണ്ട്‌. രാജ്യ​പ്ര​വർത്ത​ന​ങ്ങൾക്കു​വേണ്ടി അവർ കൊടു​ക്കുന്ന ആ സംഭാ​വ​നകൾ തീർച്ച​യാ​യും യഹോ​വ​യു​ടെ ഇഷ്ടം നിറ​വേ​റ്റാൻ ഉതകും.​—സുഭാ​ഷി​തങ്ങൾ 3:9.

• ഞങ്ങളുടെ സംഘടന മറ്റു മതങ്ങളിൽനിന്ന്‌ വ്യത്യ​സ്‌ത​മാ​യി​രി​ക്കു​ന്നത്‌ എങ്ങനെ?

• ആളുകൾ മനസ്സോ​ടെ കൊടു​ക്കുന്ന സംഭാ​വ​നകൾ എങ്ങനെ​യാണ്‌ ഉപയോ​ഗി​ക്കു​ന്നത്‌?

രാജ്യ​ഹാൾ എന്ന പേര്‌ സൂചി​പ്പി​ക്കു​ന്ന​തു​പോ​ലെ, ദൈവ​രാ​ജ്യം എന്ന ബൈബിൾവി​ഷ​യ​മാ​ണു മുഖ്യ​മാ​യും അവിടെ ചർച്ച ചെയ്യു​ന്നത്‌. യേശു​വി​ന്റെ ശുശ്രൂ​ഷ​യു​ടെ മുഖ്യ​വി​ഷ​യ​വും അതുത​ന്നെ​യാ​യി​രു​ന്നു.​—ലൂക്കോസ്‌ 8:1.

പ്രദേ​ശ​ത്തെ സത്യാ​രാ​ധ​ന​യു​ടെ കേന്ദ്ര​ങ്ങ​ളാണ്‌ അവ. ഓരോ പ്രദേ​ശ​ത്തെ​യും രാജ്യ​പ്ര​സം​ഗ​പ്ര​വർത്ത​ന​ത്തി​ന്റെ കേന്ദ്രം അവിടത്തെ രാജ്യ​ഹാ​ളാണ്‌. (മത്തായി 24:14) വലുപ്പ​ത്തി​ലും രൂപക​ല്‌പ​ന​യി​ലും വ്യത്യാ​സ​ങ്ങ​ളു​ണ്ടെ​ങ്കി​ലും ആഡംബ​ര​ങ്ങ​ളൊ​ന്നും ഇല്ലാത്ത സാധാരണ കെട്ടി​ട​ങ്ങ​ളാണ്‌ അവ. പല രാജ്യ​ഹാ​ളു​ക​ളി​ലും ഒന്നില​ധി​കം സഭകൾ കൂടി​വ​രാ​റുണ്ട്‌. പ്രചാ​ര​ക​രു​ടെ​യും സഭകളു​ടെ​യും വർധന​യ്‌ക്ക​നു​സ​രിച്ച്‌, സമീപ​വർഷ​ങ്ങ​ളിൽ പതിനാ​യി​ര​ക്ക​ണ​ക്കി​നു രാജ്യ​ഹാ​ളു​ക​ളാണ്‌ (ദിവസ​വും ഏതാണ്ട്‌ അഞ്ചു വീതം) ഞങ്ങൾ പണിതി​രി​ക്കു​ന്നത്‌. ഇത്‌ എങ്ങനെ സാധ്യ​മാ​കു​ന്നു?​—മത്തായി 19:26.

ഒരു പൊതു​ഫ​ണ്ടിൽനി​ന്നുള്ള പണമാണു പണിക്ക്‌ ഉപയോ​ഗി​ക്കു​ന്നത്‌. സംഭാ​വ​നകൾ ബ്രാ​ഞ്ചോ​ഫീ​സിന്‌ അയച്ചു​കൊ​ടു​ക്കു​ന്നു. രാജ്യ​ഹാ​ളു​കൾ പുതു​താ​യി പണിയാ​നോ പുതു​ക്കി​പ്പ​ണി​യാ​നോ സഹായം ആവശ്യ​മുള്ള സഭകൾക്ക്‌ ഈ ഫണ്ടിൽനിന്ന്‌ പണം നൽകാ​റുണ്ട്‌.

പല പശ്ചാത്ത​ല​ങ്ങ​ളിൽനി​ന്നുള്ള സന്നദ്ധ​സേ​വ​ക​രാണ്‌ അവ പണിയു​ന്നത്‌. പല ദേശങ്ങ​ളി​ലും രാജ്യ​ഹാൾ നിർമാ​ണ​സം​ഘങ്ങൾ ഉണ്ട്‌. നിർമാ​ണ​ദാ​സ​രു​ടെ​യും നിർമാണ സന്നദ്ധ​സേ​വ​ക​രു​ടെ​യും സംഘങ്ങൾ, അതതു രാജ്യത്ത്‌ ഓരോ സ്ഥലത്തും, ഉൾപ്ര​ദേ​ശ​ങ്ങ​ളിൽപ്പോ​ലും, ചെന്ന്‌ രാജ്യ​ഹാ​ളു​കൾ പണിയാൻ അവി​ടെ​യുള്ള സഭകളെ സഹായി​ക്കു​ന്നു. മറ്റു ചില ദേശങ്ങ​ളിൽ, യോഗ്യ​ത​യുള്ള സാക്ഷി​കളെ ഒരു നിശ്ചി​ത​പ്ര​ദേ​ശത്തെ രാജ്യ​ഹാ​ളു​കൾ പണിയാ​നും പുതു​ക്കി​പ്പ​ണി​യാ​നും മേൽനോ​ട്ടം വഹിക്കു​ന്ന​തി​നു നിയമി​ക്കു​ന്നു. ഓരോ നിർമാ​ണ​സ്ഥ​ല​ത്തും തൊഴിൽ​വൈ​ദ​ഗ്‌ധ്യ​മുള്ള സന്നദ്ധ​സേ​വകർ നിർമാ​ണ​ത്തിൽ സഹായി​ക്കു​മെ​ങ്കി​ലും ജോലി​യു​ടെ ഏറിയ പങ്കും ചെയ്‌തു​തീർക്കു​ന്നത്‌ അതതു സഭകളിൽനി​ന്നു​ള്ളവർ ആയിരി​ക്കും. യഹോ​വ​യു​ടെ ആത്മാവും ദൈവ​ജ​ന​ത്തി​ന്റെ മുഴു​ദേ​ഹി​യോ​ടെ​യുള്ള പ്രവർത്ത​ന​ങ്ങ​ളും ആണ്‌ ഇതു വിജയി​പ്പി​ക്കു​ന്നത്‌.​—സങ്കീർത്തനം 127:1; കൊ​ലോ​സ്യർ 3:23.

• ഞങ്ങളുടെ ആരാധ​നാ​സ്ഥ​ല​ങ്ങളെ രാജ്യ​ഹാ​ളു​കൾ എന്നു വിളി​ക്കു​ന്നത്‌ എന്തു​കൊണ്ട്‌?

• ലോക​മെ​ങ്ങും രാജ്യ​ഹാ​ളു​കൾ പണിയാൻ ഞങ്ങൾക്കു കഴിയു​ന്നത്‌ എങ്ങനെ?

ദൈവ​ത്തി​ന്റെ വിശു​ദ്ധ​നാ​മം വഹിക്കു​ന്ന​വ​യാണ്‌ യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളു​കൾ. അതു​കൊ​ണ്ടു​തന്നെ, ആ കെട്ടിടം വൃത്തി​യു​ള്ള​തും ആകർഷ​ക​വും ആയി സൂക്ഷി​ക്കു​ന്ന​തി​ലും ആവശ്യ​മായ അറ്റകു​റ്റ​പ്പ​ണി​കൾ നടത്തു​ന്ന​തി​ലും സഹായി​ക്കു​ന്നതു വലിയ പദവി​യാ​യി ഞങ്ങൾ കാണുന്നു; അതു ഞങ്ങളുടെ വിശു​ദ്ധാ​രാ​ധ​ന​യു​ടെ ഒരു പ്രധാ​ന​ഭാ​ഗ​മാണ്‌. എല്ലാവർക്കും അതിൽ പങ്കെടു​ക്കാം.

യോഗ​ത്തി​നു ശേഷം നടക്കുന്ന ശുചീ​ക​ര​ണ​ത്തിൽ മനസ്സോ​ടെ പങ്കെടു​ക്കുക. ഓരോ യോഗ​വും കഴിഞ്ഞ്‌ സഹോ​ദ​രീ​സ​ഹോ​ദ​ര​ന്മാർ രാജ്യ​ഹാൾ ചെറിയ തോതിൽ വൃത്തി​യാ​ക്കും. ആഴ്‌ച​യിൽ ഒരിക്കൽ, കുറെ​ക്കൂ​ടി വലിയ തോതി​ലുള്ള ശുചീ​ക​ര​ണ​വു​മുണ്ട്‌. ഈ ശുചീ​ക​ര​ണ​പ​രി​പാ​ടി​കൾ ഏകോ​പി​പ്പി​ക്കാൻ ഒരു മൂപ്പനോ ശുശ്രൂ​ഷാ​ദാ​സ​നോ ഉണ്ടായി​രി​ക്കും. എന്തൊക്കെ കാര്യങ്ങൾ ചെയ്യണ​മെന്നു കൃത്യ​മാ​യി എഴുതി​വെ​ച്ചി​ട്ടുണ്ട്‌. അതു നോക്കി എല്ലാം ചെയ്‌തി​ട്ടു​ണ്ടെന്ന്‌ അദ്ദേഹം ഉറപ്പു​വ​രു​ത്തും. തറ അടിച്ചു​വാ​രുക, തുടയ്‌ക്കുക, വാക്വം ക്ലീനർ ഉപയോ​ഗിച്ച്‌ പൊടി നീക്കം​ചെ​യ്യുക എന്നീ ജോലി​കൾ ചെയ്യാൻ കുറെ പേരു​ണ്ടാ​യി​രി​ക്കും. മറ്റു ചിലർ കസേരകൾ നേരെ​യി​ടു​ക​യോ കക്കൂസു​കൾ വൃത്തി​യാ​ക്കു​ക​യോ ചെയ്യും. ജനാല​ക​ളും കണ്ണാടി​ക​ളും വൃത്തി​യാ​ക്കുക, ചപ്പുച​വ​റു​കൾ നീക്കം ചെയ്യുക, രാജ്യ​ഹാ​ളി​ന്റെ പരിസ​ര​വും പൂന്തോ​ട്ട​വും വൃത്തി​യാ​ക്കുക എന്നീ ജോലി​ക​ളും ശുചീ​ക​ര​ണ​ത്തി​ന്റെ ഭാഗമാണ്‌. വർഷത്തിൽ ഒരിക്ക​ലെ​ങ്കി​ലും വിപു​ല​മായ ഒരു ശുചീ​ക​രണം ക്രമീ​ക​രി​ക്കാ​റുണ്ട്‌. ശുചീ​ക​ര​ണ​ത്തിൽ പങ്കെടു​ക്കാൻ ഞങ്ങൾക്കെ​ല്ലാ​വർക്കും സന്തോ​ഷ​മേ​യു​ള്ളൂ. ശുചീ​ക​ര​ണ​ത്തി​നു ഞങ്ങൾ കുട്ടി​ക​ളെ​യും കൂടെ​ക്കൂ​ട്ടും. ആരാധ​നാ​സ്ഥ​ല​ത്തോട്‌ ആദരവ്‌ കാണി​ക്കാൻ അങ്ങനെ അവർ പഠിക്കു​ന്നു.​—സഭാ​പ്ര​സം​ഗകൻ 5:1.

ആവശ്യ​മാ​യ അറ്റകു​റ്റ​പ്പ​ണി​ക​ളിൽ സഹായി​ക്കാൻ മുന്നോ​ട്ടു​വ​രുക. രാജ്യ​ഹാ​ളി​ന്റെ അകത്തോ പുറത്തോ ഏതെങ്കി​ലും അറ്റകു​റ്റ​പ്പ​ണി​കൾ ചെയ്യേ​ണ്ട​തു​ണ്ടോ എന്ന്‌ അറിയാൻ ഓരോ വർഷവും വിശദ​മായ ഒരു പരി​ശോ​ധന നടത്താ​റുണ്ട്‌. ഈ പരി​ശോ​ധ​ന​യു​ടെ അടിസ്ഥാ​ന​ത്തിൽ ആവശ്യ​മായ അറ്റകു​റ്റ​പ്പ​ണി​കൾ നടത്തുന്നു. അങ്ങനെ, രാജ്യ​ഹാൾ നന്നായി സൂക്ഷി​ക്കാ​നും അനാവ​ശ്യ​ച്ചെ​ല​വു​കൾ ഒഴിവാ​ക്കാ​നും ഞങ്ങൾക്കു കഴിയു​ന്നു. (2 ദിനവൃ​ത്താ​ന്തം 24:13; 34:10) നല്ല നിലയിൽ സൂക്ഷി​ക്കുന്ന വൃത്തി​യുള്ള ഒരു രാജ്യ​ഹാൾ സത്യാ​രാ​ധ​ന​യ്‌ക്കു യോഗ്യ​മായ ഒരിട​മാണ്‌. ശുചീ​ക​ര​ണ​ത്തിൽ പങ്കെടു​ക്കു​ന്നത്‌, യഹോ​വ​യോ​ടുള്ള സ്‌നേ​ഹ​വും ആരാധ​നാ​സ്ഥ​ല​ത്തോ​ടുള്ള ആദരവും പ്രകടി​പ്പി​ക്കാ​നുള്ള ഒരു മാർഗ​മാണ്‌. (സങ്കീർത്തനം 122:1) അതു പ്രദേ​ശത്തെ ആളുക​ളിൽ മതിപ്പു​ള​വാ​ക്കു​ക​യും ചെയ്യുന്നു.​—2 കൊരി​ന്ത്യർ 6:3.

• രാജ്യ​ഹാ​ളു​കൾ നല്ല നിലയിൽ സൂക്ഷി​ക്കേ​ണ്ട​തി​ന്റെ പ്രാധാ​ന്യം എന്ത്‌?

• രാജ്യ​ഹാൾ ശുചീ​ക​ര​ണ​ത്തി​നുള്ള ക്രമീ​ക​ര​ണങ്ങൾ എന്തെല്ലാം?

ബൈബി​ളി​നെ​ക്കു​റി​ച്ചുള്ള അറിവ്‌ വർധി​പ്പി​ക്കാ​നാ​യി അൽപ്പം ഗവേഷണം ചെയ്യാൻ ആഗ്രഹ​മു​ണ്ടോ? ഒരു ബൈബിൾവാ​ക്യ​ത്തെ​ക്കു​റിച്ച്‌ അല്ലെങ്കിൽ ബൈബി​ളിൽ പറഞ്ഞി​രി​ക്കുന്ന ഒരു വ്യക്തി​യെ​യോ സ്ഥലത്തെ​യോ വസ്‌തു​വി​നെ​യോ കുറിച്ച്‌ അറിയാൻ താത്‌പ​ര്യ​മു​ണ്ടോ? ഇനി, നിങ്ങളെ അലട്ടുന്ന ഏതെങ്കി​ലും പ്രശ്‌ന​ത്തി​നുള്ള പരിഹാ​രം ദൈവ​വ​ച​ന​ത്തിൽ കണ്ടെത്താ​നാ​കു​മോ എന്നു നിങ്ങൾ ചിന്തി​ക്കു​ന്നു​ണ്ടോ? എങ്കിൽ, രാജ്യ​ഹാ​ളി​ലുള്ള ലൈ​ബ്രറി ഉപയോ​ഗ​പ്പെ​ടു​ത്തുക.

അവിടെ അനേകം ഗവേഷ​ണോ​പാ​ധി​ക​ളുണ്ട്‌. യഹോ​വ​യു​ടെ സാക്ഷി​ക​ളു​ടെ എല്ലാ പ്രസി​ദ്ധീ​ക​ര​ണ​ങ്ങ​ളും നിങ്ങളു​ടെ കൈവശം ഉണ്ടായി​രി​ക്കാൻ സാധ്യ​ത​യില്ല. എന്നാൽ അടുത്ത​യി​ടെ പുറത്തി​റ​ങ്ങിയ ഞങ്ങളുടെ മിക്ക പ്രസി​ദ്ധീ​ക​ര​ണ​ങ്ങ​ളും രാജ്യ​ഹാ​ളി​ലെ ലൈ​ബ്ര​റി​യി​ലു​ണ്ടാ​യി​രി​ക്കും. കൂടാതെ, പല ബൈബിൾ ഭാഷാ​ന്ത​ര​ങ്ങ​ളും ഒരു നിഘണ്ടു​വും മറ്റു ഗവേഷ​ണോ​പാ​ധി​ക​ളും അവിടെ കണ്ടേക്കാം. യോഗ​ങ്ങൾക്കു മുമ്പോ ശേഷമോ നിങ്ങൾക്ക്‌ അവ പരി​ശോ​ധി​ക്കാം. രാജ്യ​ഹാ​ളിൽ ഒരു കമ്പ്യൂ​ട്ട​റു​ണ്ടെ​ങ്കിൽ അതിൽ മിക്കവാ​റും വാച്ച്‌ടവർ ലൈ​ബ്രറി ലഭ്യമാ​യി​രി​ക്കും. നമ്മുടെ പ്രസി​ദ്ധീ​ക​ര​ണ​ങ്ങ​ളു​ടെ ഒരു വലിയ ശേഖര​മാണ്‌ ഈ കമ്പ്യൂട്ടർ പ്രോ​ഗ്രാം. ഇഷ്ടമുള്ള വിഷയ​ത്തെ​യോ വാക്കി​നെ​യോ ബൈബിൾവാ​ക്യ​ത്തെ​യോ കുറി​ച്ചുള്ള വിവരങ്ങൾ പെട്ടെന്നു കണ്ടെത്താൻ സഹായി​ക്കുന്ന ഒരു പ്രോ​ഗ്രാ​മാണ്‌ ഇത്‌.

ജീവിത-സേവന യോഗ​ത്തി​ലെ വിദ്യാർഥി​കൾക്ക്‌ അതു പ്രയോ​ജനം ചെയ്യും. നിയമ​നങ്ങൾ തയ്യാറാ​കാൻ നിങ്ങൾക്കു രാജ്യ​ഹാ​ളി​ലെ ലൈ​ബ്രറി പ്രയോ​ജ​ന​പ്പെ​ടു​ത്താ​വു​ന്ന​താണ്‌. ജീവിത-സേവന യോഗ​മേൽവി​ചാ​ര​ക​നാണ്‌ ഈ ലൈ​ബ്ര​റി​യു​ടെ ചുമതല. അടുത്ത​യി​ടെ പുറത്തി​റ​ങ്ങിയ നമ്മുടെ പ്രസി​ദ്ധീ​ക​ര​ണ​ങ്ങ​ളെ​ല്ലാം ലൈ​ബ്ര​റി​യി​ലു​ണ്ടെ​ന്നും അവ വൃത്തി​യാ​യി അടുക്കി സൂക്ഷി​ക്കു​ന്നു​ണ്ടെ​ന്നും അദ്ദേഹം ഉറപ്പു​വ​രു​ത്തു​ന്നു. ആവശ്യ​മായ വിവരങ്ങൾ എങ്ങനെ കണ്ടെത്താ​മെന്ന്‌ അദ്ദേഹ​മോ നിങ്ങളെ ബൈബിൾ പഠിപ്പി​ക്കുന്ന വ്യക്തി​യോ കാണി​ച്ചു​ത​രും. എന്നാൽ പുസ്‌ത​കങ്ങൾ രാജ്യ​ഹാ​ളിൽനിന്ന്‌ എടുത്തു​കൊ​ണ്ടു​പോ​കാൻ അനുവാ​ദ​മില്ല. ശ്രദ്ധ​യോ​ടെ​വേണം അവ കൈകാ​ര്യം ചെയ്യാൻ. അതു​പോ​ലെ പുസ്‌ത​ക​ങ്ങ​ളിൽ വരയ്‌ക്കു​ക​യോ അടയാ​ള​മി​ടു​ക​യോ ചെയ്യരുത്‌.

“മറഞ്ഞി​രി​ക്കുന്ന നിധി എന്നപോ​ലെ” തിരഞ്ഞാൽ മാത്രമേ ‘ദൈവ​ത്തെ​ക്കു​റി​ച്ചുള്ള അറിവ്‌ നേടാൻ’ കഴിയൂ എന്നു ബൈബിൾ പറയുന്നു. (സുഭാ​ഷി​തങ്ങൾ 2:1-5) രാജ്യ​ഹാ​ളി​ലെ ലൈ​ബ്രറി അതിനു നിങ്ങളെ സഹായി​ക്കും.

• രാജ്യ​ഹാ​ളി​ലെ ലൈ​ബ്ര​റി​യിൽ ഗവേഷ​ണ​ത്തിന്‌ എന്തെല്ലാം മാർഗങ്ങൾ ലഭ്യമാണ്‌?

• ലൈ​ബ്രറി നന്നായി ഉപയോ​ഗ​പ്പെ​ടു​ത്താൻ ആർക്കു നിങ്ങളെ സഹായി​ക്കാ​നാ​കും?

യേശു​ക്രി​സ്‌തു തന്റെ അനുഗാ​മി​ക​ളോ​ടു പറഞ്ഞു: “നിങ്ങളു​ടെ വെളിച്ചം മറ്റുള്ള​വ​രു​ടെ മുന്നിൽ പ്രകാ​ശി​ക്കട്ടെ. അപ്പോൾ അവർ നിങ്ങളു​ടെ നല്ല പ്രവൃ​ത്തി​കൾ കണ്ട്‌ സ്വർഗ​സ്ഥ​നായ നിങ്ങളു​ടെ പിതാ​വി​നെ മഹത്ത്വ​പ്പെ​ടു​ത്തും.” (മത്തായി 5:16) അതിനു​വേണ്ടി ഞങ്ങൾ ഇന്റർനെ​റ്റു​പോ​ലുള്ള ആധുനിക സാങ്കേ​തി​ക​വി​ദ്യ ഉപയോ​ഗി​ക്കു​ന്നുണ്ട്‌. jw.org എന്നാണു ഞങ്ങളുടെ വെബ്‌​സൈ​റ്റി​ന്റെ പേര്‌. അതിലൂ​ടെ യഹോ​വ​യു​ടെ സാക്ഷി​ക​ളു​ടെ വിശ്വാ​സ​ങ്ങ​ളെ​യും പ്രവർത്ത​ന​ങ്ങ​ളെ​യും കുറി​ച്ചുള്ള വിവരങ്ങൾ കിട്ടും. ഏതെല്ലാം വിധങ്ങ​ളിൽ?

ആളുകൾ സാധാരണ ചോദി​ക്കാ​റുള്ള ചോദ്യ​ങ്ങൾക്ക്‌ ബൈബിൾ തരുന്ന ഉത്തരങ്ങൾ. ആളുകൾ ചോദി​ച്ചി​ട്ടുള്ള ഏറ്റവും പ്രധാ​ന​പ്പെട്ട ചില ചോദ്യ​ങ്ങൾക്കുള്ള ഉത്തരം ഇതിൽ കാണാം. ഉദാഹ​ര​ണ​ത്തിന്‌ ദുരി​തങ്ങൾ അവസാ​നി​ക്കു​മോ?, മരിച്ചവർ വീണ്ടും ജീവി​ക്കു​മോ? എന്നീ ലഘു​ലേ​ഖകൾ 600-ലധികം ഭാഷക​ളിൽ സൈറ്റിൽ ലഭ്യമാണ്‌. 130-ലേറെ ഭാഷക​ളി​ലുള്ള പുതിയ ലോക ഭാഷാ​ന്തരം ബൈബി​ളും കൂടാതെ ചില ബൈബിൾപ​ഠ​ന​സ​ഹാ​യി​ക​ളും ഇതിൽ കാണാം. ബൈബിൾ എന്താണ്‌ പഠിപ്പി​ക്കു​ന്നത്‌? എന്ന പുസ്‌ത​ക​വും വീക്ഷാ​ഗോ​പു​രം, ഉണരുക! മാസി​ക​ക​ളു​ടെ പുതിയ ലക്കങ്ങളും അവയിൽ ചിലതാണ്‌. ഇവയിൽ പലതും സൈറ്റിൽനിന്ന്‌ നേരിട്ട്‌ വായി​ക്കാം; അല്ലെങ്കിൽ അവയുടെ റെക്കോർഡിങ്ങ്‌ കേൾക്കാം. അതല്ലെ​ങ്കിൽ അവ ഡൗൺലോഡ്‌ ചെയ്യാം. അവ പല ഫോർമ​റ്റു​ക​ളിൽ (MP3, PDF, EPUB) ലഭ്യമാണ്‌. അവയുടെ പേജുകൾ താത്‌പ​ര്യ​ക്കാ​രു​ടെ മാതൃ​ഭാ​ഷ​യിൽപ്പോ​ലും നിങ്ങൾക്ക്‌ പ്രിന്റ്‌ ചെയ്‌ത്‌ എടുക്കാം! നിരവധി ആംഗ്യ​ഭാ​ഷ​ക​ളിൽ വീഡി​യോ പ്രസി​ദ്ധീ​ക​ര​ണ​ങ്ങ​ളും ഉണ്ട്‌. ബൈബിൾ നാടക​വാ​യ​നകൾ, ബൈബിൾ നാടകങ്ങൾ, മനോ​ഹ​ര​മായ സംഗീതം എന്നിവ​യും ഡൗൺലോഡ്‌ ചെയ്‌ത്‌ വിശ്ര​മ​വേ​ള​ക​ളിൽ ആസ്വദി​ക്കാം.

യഹോ​വ​യു​ടെ സാക്ഷി​ക​ളെ​ക്കു​റി​ച്ചുള്ള വസ്‌തു​തകൾ. ലോക​വ്യാ​പ​ക​മാ​യി നടക്കുന്ന ഞങ്ങളുടെ പ്രവർത്ത​ന​ങ്ങ​ളെ​ക്കു​റി​ച്ചുള്ള ഏറ്റവും പുതിയ വാർത്തകൾ, വീഡി​യോ​കൾ, അതു​പോ​ലെ യഹോ​വ​യു​ടെ സാക്ഷി​ക​ളു​മാ​യി ബന്ധപ്പെട്ട ചില പ്രധാ​ന​പ്പെട്ട സംഭവങ്ങൾ, ഞങ്ങൾ ചെയ്യുന്ന ദുരി​താ​ശ്വാ​സ​പ്ര​വർത്ത​നങ്ങൾ എന്നിവ അതിൽ കാണാം. അടുത്തു​തന്നെ നടക്കാൻപോ​കുന്ന കൺ​വെൻ​ഷ​നു​ക​ളു​ടെ ക്ഷണക്കത്തു​കൾ, ഞങ്ങളുടെ ബ്രാ​ഞ്ചോ​ഫീ​സു​മാ​യി ബന്ധപ്പെ​ടാൻ ആവശ്യ​മായ വിവരങ്ങൾ എന്നിവ​യും നിങ്ങൾക്ക്‌ അവിടെ കിട്ടും.

ഇങ്ങനെ വളരെ ദൂരെ​യുള്ള സ്ഥലങ്ങളിൽപ്പോ​ലും സത്യത്തി​ന്റെ വെളിച്ചം പ്രകാ​ശി​ക്കാൻ ഇടയാ​കു​ന്നു. അന്റാർട്ടിക്ക ഉൾപ്പെടെ എല്ലാ ഭൂഖണ്ഡ​ങ്ങ​ളിൽനി​ന്നു​മുള്ള ആളുകൾ ഇതിൽനിന്ന്‌ പ്രയോ​ജനം നേടു​ന്നുണ്ട്‌. ദൈവ​ത്തി​ന്റെ മഹത്ത്വ​ത്തി​നാ​യി “യഹോ​വ​യു​ടെ വചനം” ഭൂമിയിലെങ്ങും ‘അതി​വേഗം പ്രചരി​ക്കട്ടെ’ എന്നാണു ഞങ്ങളുടെ പ്രാർഥന.​—2 തെസ്സ​ലോ​നി​ക്യർ 3:1.

• ബൈബിൾസ​ത്യം പഠിക്കാൻ കൂടുതൽ ആളുകളെ jw.org സഹായി​ക്കു​ന്നത്‌ എങ്ങനെ?

• ഞങ്ങളുടെ വെബ്‌​സൈ​റ്റിൽനിന്ന്‌ ഏതു വിവരം കണ്ടുപി​ടി​ക്കാ​നാണ്‌ നിങ്ങൾ ആഗ്രഹി​ക്കു​ന്നത്‌?