ആശ്വാ​സ​വും ആത്മീയ​മായ വഴിന​ട​ത്തി​പ്പും കിട്ടാ​ത്ത​തു​കൊണ്ട്‌ പല ആളുക​ളും ഇപ്പോൾ മതപര​മായ ചടങ്ങു​കൾക്കു പോകാ​റില്ല. ആ സ്ഥിതിക്ക്‌, യഹോ​വ​യു​ടെ സാക്ഷി​ക​ളു​ടെ യോഗ​ങ്ങൾക്കു വരുന്ന​തു​കൊണ്ട്‌ എന്തെങ്കി​ലും പ്രയോ​ജ​ന​മു​ണ്ടോ? അവിടെ നിങ്ങൾക്ക്‌ എന്തു പ്രതീ​ക്ഷി​ക്കാ​നാ​കും?

സ്‌നേ​ഹ​വും കരുത​ലും ഉള്ള ആളുക​ളു​ടെ​കൂ​ടെ ആയിരി​ക്കു​ന്ന​തി​ന്റെ സന്തോഷം. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കളെ ഓരോ​രോ സഭകളാ​യി സംഘടി​പ്പി​ച്ചി​രു​ന്നു. ദൈവത്തെ ആരാധി​ക്കാ​നും ദൈവ​വ​ചനം പഠിക്കാ​നും പരസ്‌പരം പ്രോ​ത്സാ​ഹി​പ്പി​ക്കാ​നും വേണ്ടി കൂടി​വ​രുന്ന ഒരു ക്രമീ​ക​രണം ഓരോ സഭയ്‌ക്കും ഉണ്ടായി​രു​ന്നു. (എബ്രായർ 10:24, 25) സ്‌നേഹം നിറഞ്ഞു​നിന്ന ആ ക്രിസ്‌തീ​യ​യോ​ഗ​ങ്ങ​ളിൽ സംബന്ധി​ക്കു​മ്പോൾ തങ്ങൾ യഥാർഥ​സ്‌നേ​ഹി​ത​രു​ടെ—ആത്മീയ സഹോ​ദ​രീ​സ​ഹോ​ദ​ര​ന്മാ​രു​ടെ—ഇടയി​ലാ​യി​രി​ക്കു​ന്ന​താ​യി അവർക്കു തോന്നി. (2 തെസ്സ​ലോ​നി​ക്യർ 1:3; 3 യോഹ​ന്നാൻ 14) അന്നത്തെ ക്രിസ്‌ത്യാ​നി​ക​ളെ​പ്പോ​ലെ ഞങ്ങളും യോഗ​ങ്ങൾക്കു കൂടി​വ​രു​ക​യും അതേ സന്തോഷം അനുഭ​വി​ക്കു​ക​യും ചെയ്യുന്നു.

ബൈബിൾത​ത്ത്വ​ങ്ങൾ പ്രാവർത്തി​ക​മാ​ക്കാൻ പഠിക്കു​ന്ന​തി​ന്റെ പ്രയോ​ജനം. ബൈബിൾക്കാ​ല​ങ്ങ​ളി​ലെ​പ്പോ​ലെ​തന്നെ ഞങ്ങളുടെ യോഗ​ങ്ങൾക്കും, പുരു​ഷ​ന്മാ​രും സ്‌ത്രീ​ക​ളും കുട്ടി​ക​ളും കൂടി​വ​രു​ന്നു. ബൈബിൾത​ത്ത്വ​ങ്ങൾ നിത്യ​ജീ​വി​ത​ത്തിൽ എങ്ങനെ പ്രാവർത്തി​ക​മാ​ക്കാ​മെന്ന്‌ ആത്മീയ യോഗ്യ​ത​യുള്ള, പ്രഗത്ഭ​രായ വ്യക്തികൾ ബൈബിൾ ഉപയോ​ഗിച്ച്‌ പഠിപ്പി​ക്കു​ന്നു. (ആവർത്തനം 31:12; നെഹമ്യ 8:8) അവിടെ നടക്കുന്ന ചർച്ചക​ളിൽ എല്ലാവർക്കും പങ്കെടു​ക്കാം. കൂടാതെ ഒരുമിച്ച്‌ പാട്ടു​പാ​ടാ​നുള്ള അവസര​വു​മുണ്ട്‌. അങ്ങനെ ഞങ്ങളുടെ ക്രിസ്‌തീ​യ​പ്ര​ത്യാ​ശ പരസ്യ​മാ​യി പ്രഖ്യാ​പി​ക്കാൻ ഞങ്ങൾക്കാ​കു​ന്നു.​—എബ്രായർ 10:23.

ദൈവ​ത്തി​ലു​ള്ള വിശ്വാ​സം ശക്തമാ​കു​ന്ന​തി​ലൂ​ടെ കൈവ​രുന്ന അനു​ഗ്രഹം. പൗലോസ്‌ അപ്പോ​സ്‌തലൻ അക്കാലത്തെ ഒരു സഭയ്‌ക്ക്‌ ഇങ്ങനെ എഴുതി: “നിങ്ങളെ കാണാൻ എനിക്ക്‌ അത്രമാ​ത്രം ആഗ്രഹ​മുണ്ട്‌. . . . എന്റെ വിശ്വാ​സ​ത്താൽ നിങ്ങൾക്കും നിങ്ങളു​ടെ വിശ്വാ​സ​ത്താൽ എനിക്കും പരസ്‌പരം പ്രോ​ത്സാ​ഹനം ലഭിക്ക​ണ​മെ​ന്നാ​ണു ഞാൻ ആഗ്രഹി​ക്കു​ന്നത്‌.” (റോമർ 1:11, 12) സഹവി​ശ്വാ​സി​ക​ളു​മൊത്ത്‌ ഇങ്ങനെ ക്രമമാ​യി കൂടി​വ​രു​ന്ന​തു​കൊണ്ട്‌, ഞങ്ങളുടെ വിശ്വാ​സ​വും ക്രിസ്‌തീ​യ​ത​ത്ത്വ​ങ്ങൾക്കു ചേർച്ച​യിൽ ജീവി​ക്കാ​നുള്ള തീരു​മാ​ന​വും ശക്തമാ​യി​ത്തീ​രു​ന്നു.

അടുത്ത സഭാ​യോ​ഗ​ത്തി​നു ഞങ്ങളു​ടെ​കൂ​ടെ വന്ന്‌ മേൽപ്പറഞ്ഞ അനു​ഗ്ര​ഹങ്ങൾ നേരിട്ട്‌ അനുഭ​വി​ച്ച​റി​യാൻ ഞങ്ങൾ നിങ്ങളെ ക്ഷണിക്കു​ക​യാണ്‌; നിങ്ങൾ വരില്ലേ? അവിടെ നിങ്ങൾക്ക്‌ ഹൃദ്യ​മായ സ്വീക​രണം ലഭിക്കും. പ്രവേ​ശനം സൗജന്യ​മാണ്‌; പണപ്പി​രി​വൊ​ന്നും ഉണ്ടായി​രി​ക്കില്ല.

• യഹോ​വ​യു​ടെ സാക്ഷി​ക​ളു​ടെ സഭാ​യോ​ഗങ്ങൾ ഏതു മാതൃ​ക​യി​ലു​ള്ള​താണ്‌?

• ക്രിസ്‌തീയ യോഗ​ങ്ങൾക്കു വരുന്ന​തു​കൊണ്ട്‌ എന്തെല്ലാം പ്രയോ​ജ​ന​ങ്ങ​ളുണ്ട്‌?

ക്രിസ്‌തീ​യ​യോ​ഗങ്ങൾ ഞങ്ങൾ ഒരിക്ക​ലും മുടക്കാ​റില്ല; കൊടു​ങ്കാ​ട്ടി​ലൂ​ടെ നടന്നി​ട്ടാ​ണെ​ങ്കി​ലും പ്രതി​കൂ​ല​കാ​ലാ​വ​സ്ഥയെ മറിക​ട​ന്നി​ട്ടാ​ണെ​ങ്കി​ലും ഞങ്ങൾ യോഗ​ങ്ങൾക്ക്‌ എത്തി​ച്ചേ​രും. ജീവി​ത​ത്തിൽ പലപല കഷ്ടപ്പാ​ടു​ക​ളു​ണ്ടെ​ങ്കി​ലും ജോലി ചെയ്‌ത്‌ ക്ഷീണി​ച്ചി​രി​ക്കു​ക​യാ​ണെ​ങ്കി​ലും സഹവി​ശ്വാ​സി​ക​ളോ​ടു സഹവസി​ക്കാൻവേണ്ടി യഹോ​വ​യു​ടെ സാക്ഷികൾ ഇത്ര ശ്രമം ചെയ്യു​ന്നത്‌ എന്തു​കൊ​ണ്ടാണ്‌?

അതു ഞങ്ങൾക്കു നന്മ കൈവ​രു​ത്തു​ന്നു. സഭയിലെ സഹവി​ശ്വാ​സി​ക​ളെ​ക്കു​റിച്ച്‌ പരാമർശി​ക്കവെ, “പരസ്‌പരം എങ്ങനെ പ്രചോ​ദി​പ്പി​ക്കാ​മെന്നു നന്നായി ചിന്തി​ക്കുക” എന്ന്‌ പൗലോസ്‌ എഴുതി. (എബ്രായർ 10:24) സഭയി​ലു​ള്ള​വരെ അടുത്ത്‌ അറിയാൻ ശ്രമി​ക്ക​ണ​മെന്നു പൗലോ​സി​ന്റെ ഈ വാക്കുകൾ അർഥമാ​ക്കു​ന്നു. മറ്റുള്ള​വ​രെ​ക്കു​റിച്ച്‌ ചിന്തയു​ള്ള​വ​രാ​യി​രി​ക്കാ​നാണ്‌ ഇവിടെ പൗലോസ്‌ നമ്മളെ പ്രോ​ത്സാ​ഹി​പ്പി​ക്കു​ന്നത്‌. മറ്റു ക്രിസ്‌തീ​യ​കു​ടും​ബ​ങ്ങളെ അടുത്ത​റി​യു​മ്പോൾ, നമുക്കു​ള്ള​തു​പോ​ലുള്ള പ്രശ്‌നങ്ങൾ അവർക്കു​മു​ണ്ടെന്ന്‌ നമ്മൾ തിരി​ച്ച​റി​യും. അവർ അവയെ തരണം​ചെ​യ്യു​ന്നത്‌ എങ്ങനെ​യെന്നു മനസ്സി​ലാ​ക്കു​ന്നതു സമാന​മായ പ്രശ്‌ന​ങ്ങളെ വിജയ​ക​ര​മാ​യി കൈകാ​ര്യം​ചെ​യ്യാൻ നമ്മളെ​യും സഹായി​ക്കും.

അതു നിലനിൽക്കുന്ന സ്‌നേ​ഹ​ബ​ന്ധങ്ങൾ സ്ഥാപി​ക്കാൻ ഞങ്ങളെ സഹായി​ക്കു​ന്നു. യോഗ​ങ്ങ​ളിൽ ഞങ്ങളോ​ടൊ​പ്പം കൂടി​വ​രു​ന്ന​വരെ വെറും പരിച​യ​ക്കാ​രാ​യല്ല ഞങ്ങൾ കാണു​ന്നത്‌; അടുത്ത കൂട്ടു​കാ​രാ​യാണ്‌. ഇതിനു പുറമേ, സഹവി​ശ്വാ​സി​ക​ളു​ടെ​കൂ​ടെ ഞങ്ങൾ ഉല്ലാസ​വേ​ള​ക​ളും പങ്കിടാ​റുണ്ട്‌. ഇത്തരം സഹവാ​സം​കൊ​ണ്ടുള്ള പ്രയോ​ജ​നങ്ങൾ എന്തെല്ലാ​മാണ്‌? അതു ഞങ്ങളെ അന്യോ​ന്യം പ്രിയ​ങ്ക​ര​രാ​ക്കു​ന്നു; ഞങ്ങളുടെ ഇടയിലെ സ്‌നേ​ഹ​ത്തി​ന്റെ ആഴം കൂട്ടുന്നു. ഞങ്ങൾ ഉറ്റ സ്‌നേ​ഹി​ത​രാ​യ​തു​കൊ​ണ്ടു​തന്നെ, ആർക്കെ​ങ്കി​ലും പ്രശ്‌ന​ങ്ങ​ളു​ണ്ടാ​യാൽ ഞങ്ങൾ അവരുടെ സഹായ​ത്തിന്‌ ഓടി​യെ​ത്തും. (സുഭാ​ഷി​തങ്ങൾ 17:17) സഭയിലെ എല്ലാവ​രു​മാ​യും സഹവസി​ച്ചു​കൊണ്ട്‌ ഞങ്ങൾ “അന്യോ​ന്യം പരിഗണന” കാണി​ക്കു​ന്നു.​—1 കൊരി​ന്ത്യർ 12:25, 26.

ദൈവ​ത്തി​ന്റെ ഇഷ്ടം ചെയ്യു​ന്ന​വരെ കൂട്ടു​കാ​രാ​ക്കാൻ ഞങ്ങൾ നിങ്ങ​ളെ​യും പ്രോ​ത്സാ​ഹി​പ്പി​ക്കു​ക​യാണ്‌. അങ്ങനെ​യുള്ള കൂട്ടു​കാ​രെ നിങ്ങൾക്ക്‌ യഹോ​വ​യു​ടെ സാക്ഷി​ക​ളു​ടെ ഇടയിൽ കണ്ടെത്താ​നാ​കും. ഞങ്ങളു​മാ​യി സഹവസി​ക്കു​ന്ന​തിൽനിന്ന്‌ ഒന്നും നിങ്ങളെ തടയാ​തി​രി​ക്കട്ടെ!

• യോഗ​ങ്ങ​ളിൽ സഹവി​ശ്വാ​സി​ക​ളു​മാ​യി സഹവസി​ക്കു​ന്ന​തി​ന്റെ പ്രയോ​ജ​നങ്ങൾ എന്തെല്ലാ​മാണ്‌?

• ഞങ്ങളുടെ സഭയി​ലു​ള്ള​വരെ അടുത്ത്‌ അറിയാൻ നിങ്ങൾ എന്നാണു യോഗ​ങ്ങൾക്കു വരുന്നത്‌?

ആദ്യകാ​ലത്തെ ക്രിസ്‌തീയ യോഗ​ങ്ങ​ളിൽ പാട്ട്‌, പ്രാർഥന, ബൈബിൾവാ​യന, ബൈബിൾവാ​ക്യ​ങ്ങ​ളെ​ക്കു​റി​ച്ചുള്ള ചർച്ചകൾ എന്നിവ​യാ​ണു പ്രധാ​ന​മാ​യും ഉണ്ടായി​രു​ന്നത്‌; മതാചാ​ര​ങ്ങ​ളോ ചടങ്ങു​ക​ളോ ഒന്നുമു​ണ്ടാ​യി​രു​ന്നില്ല. (1 കൊരി​ന്ത്യർ 14:26) ഞങ്ങളുടെ യോഗ​ങ്ങ​ളും ഏറെക്കു​റെ അതേ വിധത്തി​ലാ​ണു ക്രമീ​ക​രി​ച്ചി​രി​ക്കു​ന്നത്‌.

ബൈബി​ളി​നെ അടിസ്ഥാ​ന​മാ​ക്കി​യുള്ള, പ്രാ​യോ​ഗി​ക​മായ ഉപദേശം. വാരാ​ന്ത​ത്തിൽ ഓരോ സഭയി​ലും 30 മിനിട്ട്‌ ദൈർഘ്യ​മുള്ള, ബൈബി​ളി​നെ അടിസ്ഥാ​ന​മാ​ക്കി​യുള്ള ഒരു പ്രസംഗം ഉണ്ട്‌. തിരു​വെ​ഴു​ത്തു​കൾ ജീവി​ത​ത്തിൽ എങ്ങനെ പ്രാവർത്തി​ക​മാ​ക്കാം, നമ്മുടെ കാലത്തി​ന്റെ പ്രാധാ​ന്യം എന്താണ്‌ എന്നൊക്കെ വ്യക്തമാ​ക്കി​ത്ത​രു​ന്ന​താണ്‌ ഈ പ്രസംഗം. പ്രസം​ഗകൻ ബൈബിൾവാ​ക്യ​ങ്ങൾ പരാമർശി​ക്കു​മ്പോൾ സദസ്സി​ലുള്ള എല്ലാവ​രും സ്വന്തം ബൈബിൾ എടുത്തു​നോ​ക്കും. പ്രസം​ഗ​ത്തി​നു ശേഷം ഒരു മണിക്കൂർ നേരം “വീക്ഷാ​ഗോ​പുര”പഠനം ഉണ്ടായി​രി​ക്കും. വീക്ഷാ​ഗോ​പു​രം എന്ന മാസി​ക​യു​ടെ അധ്യയ​ന​പ​തി​പ്പി​ലെ ഒരു ലേഖന​ത്തി​ന്റെ ചർച്ചയാണ്‌ ഇത്‌. അതിൽ പങ്കെടു​ക്കാൻ സഭയി​ലുള്ള എല്ലാവർക്കും അവസര​മുണ്ട്‌. ബൈബിൾ നൽകുന്ന ഉപദേശം അനുസ​രിച്ച്‌ ജീവി​ക്കാൻ ആഴ്‌ച​തോ​റു​മുള്ള ഈ ചർച്ച ഞങ്ങളെ സഹായി​ക്കു​ന്നു. ലോക​മെ​ങ്ങു​മുള്ള 1,10,000-ത്തിലധി​കം വരുന്ന ഞങ്ങളുടെ എല്ലാ സഭകളി​ലും പഠിക്കു​ന്നത്‌ ഒരേ ലേഖനം​ത​ന്നെ​യാണ്‌.

പഠിപ്പി​ക്കൽപ്രാ​പ്‌തി മെച്ച​പ്പെ​ടു​ത്താൻ സഹായം. മറ്റൊരു സഭാ​യോ​ഗ​ത്തി​നു​വേണ്ടി മധ്യവാ​ര​ത്തി​ലെ ഒരു വൈകു​ന്നേരം ഞങ്ങൾ കൂടി​വ​രാ​റുണ്ട്‌. മൂന്നു ഭാഗമുള്ള ഈ യോഗ​ത്തി​ന്റെ പേര്‌ നമ്മുടെ ക്രിസ്‌തീയ ജീവി​ത​വും സേവന​വും എന്നാണ്‌. മാസം​തോ​റും പ്രസി​ദ്ധീ​ക​രി​ക്കുന്ന ജീവിത-സേവന യോഗ​ത്തി​നുള്ള പഠനസ​ഹാ​യി​യി​ലാണ്‌ അതിനുള്ള വിവര​ങ്ങ​ളു​ള്ളത്‌. ഇതിലെ ആദ്യത്തെ പരിപാ​ടി ‘ദൈവ​വ​ച​ന​ത്തിൽനി​ന്നുള്ള നിധികൾ’ എന്നതാണ്‌. നമ്മൾ നേരത്തേ വായിച്ച ബൈബിൾഭാ​ഗ​വു​മാ​യി കൂടുതൽ അടുത്ത്‌ പരിചി​ത​രാ​കാൻ ഇതു സഹായി​ക്കു​ന്നു. അടുത്തത്‌ ‘വയൽസേ​വ​ന​ത്തി​നു സജ്ജരാ​കാം’ എന്ന പരിപാ​ടി​യാണ്‌. മറ്റുള്ള​വ​രു​മാ​യി ബൈബിൾ എങ്ങനെ ചർച്ച ചെയ്യാം എന്നു കാണി​ക്കുന്ന അവതര​ണ​ങ്ങ​ളാണ്‌ ഇതിലു​ള്ളത്‌. അവതര​ണങ്ങൾ നടത്തു​മ്പോൾ അതു നന്നായി നിരീ​ക്ഷി​ച്ചിട്ട്‌ വായി​ക്കാ​നും സംസാ​രി​ക്കാ​നും ഉള്ള കഴിവ്‌ മെച്ച​പ്പെ​ടു​ത്താൻ സഹായി​ക്കുന്ന ചില നിർദേ​ശങ്ങൾ തരാൻ ഒരാളുണ്ട്‌. (1 തിമൊ​ഥെ​യൊസ്‌ 4:13) ‘ക്രിസ്‌ത്യാ​നി​ക​ളാ​യി ജീവി​ക്കാം’ എന്നതാണ്‌ അവസാ​നത്തെ പരിപാ​ടി. നമ്മുടെ നിത്യ​ജീ​വി​ത​ത്തിൽ ബൈബി​ളി​ലെ തത്ത്വങ്ങൾ എങ്ങനെ പ്രാവർത്തി​ക​മാ​ക്കാ​മെന്ന്‌ അതിലൂ​ടെ നമ്മൾ പഠിക്കും. ബൈബി​ളി​നെ​ക്കു​റി​ച്ചുള്ള നമ്മുടെ അറിവ്‌ കുറെ​ക്കൂ​ടി ആഴമു​ള്ള​താ​ക്കുന്ന ഒരു ചോ​ദ്യോ​ത്ത​ര​ച്ചർച്ച​യും അതിലുണ്ട്‌.

ഞങ്ങളുടെ യോഗ​ങ്ങ​ളിൽ സംബന്ധി​ക്കു​മ്പോൾ, ബൈബി​ളിൽനിന്ന്‌ നിങ്ങൾക്കു കിട്ടുന്ന അറിവ്‌ തീർച്ച​യാ​യും നിങ്ങളിൽ മതിപ്പു​ള​വാ​ക്കും.​—യശയ്യ 54:13.

• യഹോ​വ​യു​ടെ സാക്ഷി​ക​ളു​ടെ യോഗ​ങ്ങ​ളിൽ എന്തെല്ലാം പരിപാ​ടി​ക​ളാ​ണു​ള്ളത്‌?

• ഞങ്ങളുടെ ഏതു യോഗ​ത്തിൽ സംബന്ധി​ക്കാ​നാ​ണു നിങ്ങൾക്ക്‌ ഇഷ്ടം?

സഭാ​യോ​ഗ​ങ്ങൾക്കു വരു​മ്പോൾ യഹോ​വ​യു​ടെ സാക്ഷികൾ എങ്ങനെ​യുള്ള വസ്‌ത്ര​മാ​ണു ധരിക്കു​ന്ന​തെന്ന്‌ ഈ പത്രി​ക​യി​ലെ ചിത്ര​ങ്ങ​ളിൽ നിങ്ങൾ ശ്രദ്ധി​ച്ചോ? ഏതു തരം വസ്‌ത്രം ധരിക്കു​ന്നു, എങ്ങനെ ഒരുങ്ങു​ന്നു എന്നതി​നെ​ല്ലാം ഞങ്ങൾ ഇത്ര ശ്രദ്ധ കൊടു​ക്കു​ന്നത്‌ എന്തു​കൊ​ണ്ടാണ്‌?

ഞങ്ങളുടെ ദൈവത്തെ ആദരി​ക്കു​ന്ന​തി​നാ​യി. കാഴ്‌ച​യ്‌ക്ക്‌ എങ്ങനെ​യാ​ണെന്നു നോക്കി​യല്ല ദൈവം നമ്മളെ വിലയി​രു​ത്തു​ന്നത്‌ എന്നതു ശരിയാണ്‌. (1 ശമൂവേൽ 16:7) പക്ഷേ, ആരാധ​ന​യ്‌ക്കു കൂടി​വ​രു​മ്പോൾ ദൈവ​ത്തോ​ടും സഹാരാ​ധ​ക​രോ​ടും ആദരവ്‌ കാണി​ക്കാൻ ഞങ്ങൾ ആത്മാർഥ​മാ​യി ആഗ്രഹി​ക്കു​ന്നു. അതു​കൊ​ണ്ടാണ്‌ സഭാ​യോ​ഗ​ങ്ങൾക്കു വരു​മ്പോൾ ഞങ്ങൾ നന്നായി വസ്‌ത്ര​ധാ​രണം ചെയ്യു​ന്നത്‌. ഒരു ഉദാഹ​രണം ചിന്തി​ക്കുക. കോട​തി​യിൽ ഒരു ന്യായാ​ധി​പന്റെ മുമ്പാകെ ഹാജരാ​കേണ്ട സാഹച​ര്യം നമുക്കു വരു​ന്നെ​ന്നി​രി​ക്കട്ടെ. അദ്ദേഹ​ത്തി​ന്റെ സ്ഥാനത്തെ ആദരി​ക്കു​ന്ന​തു​കൊ​ണ്ടു​തന്നെ, അലസമോ മാന്യ​മ​ല്ലാ​ത്ത​തോ ആയ വസ്‌ത്രം ധരിച്ചു​കൊണ്ട്‌ ഒരിക്ക​ലും നമ്മൾ അവിടെ ചെല്ലില്ല. അതു​പോ​ലെ ‘സർവഭൂ​മി​യു​ടെ​യും ന്യായാ​ധി​പ​നായ’ യഹോ​വ​യോ​ടും ദൈവത്തെ ആരാധി​ക്കാൻ കൂടി​വ​രുന്ന സ്ഥലത്തോ​ടും ഉള്ള ആദരവ്‌, വസ്‌ത്ര​ധാ​ര​ണ​ത്തി​ന്റെ കാര്യ​ത്തിൽ നല്ല ശ്രദ്ധയു​ള്ള​വ​രാ​യി​രി​ക്കാൻ ഞങ്ങളെ പ്രേരി​പ്പി​ക്കു​ന്നു.​—ഉൽപത്തി 18:25.

ഞങ്ങളെ നയിക്കുന്ന മൂല്യ​ങ്ങൾക്കു തെളിവ്‌ നൽകാ​നാ​യി. “മാന്യ​മാ​യി, സുബോ​ധ​ത്തോ​ടെ” വസ്‌ത്രം ധരിക്കാൻ ബൈബിൾ ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ക്കു​ന്നു. (1 തിമൊ​ഥെ​യൊസ്‌ 2:9, 10) “മാന്യ​മാ​യി” വസ്‌ത്രം ധരിക്കുക എന്നാൽ എന്താണ്‌ അർഥം? പകി​ട്ടേ​റി​യ​തോ മറ്റുള്ള​വ​രിൽ അനുചി​ത​മായ വികാ​രങ്ങൾ ഉണർത്തു​ന്ന​തോ ശരീര​ഭാ​ഗങ്ങൾ പ്രദർശി​പ്പി​ക്കു​ന്ന​തോ ആയ വേഷം ധരിച്ചു​കൊണ്ട്‌ ആളുക​ളു​ടെ ശ്രദ്ധ ആകർഷി​ക്കാ​തി​രി​ക്കുക എന്നാണ്‌. “സുബോ​ധ​ത്തോ​ടെ” വസ്‌ത്ര​ധാ​രണം ചെയ്യുക എന്നതിന്റെ അർഥമോ? അലസമോ അതിരു​ക​ട​ന്ന​തോ ആയ വേഷവി​ധാ​ന​ങ്ങൾക്കു പകരം മാന്യ​മാ​യി വസ്‌ത്രം ധരിക്കുക എന്നാണ്‌. മേൽപ്പറഞ്ഞ തത്ത്വങ്ങൾ അനുസ​രി​ക്കു​മ്പോൾത്തന്നെ ഓരോ​രു​ത്തർക്കും സ്വന്തം ഇഷ്ടത്തി​ന​നു​സ​രിച്ച്‌ ആകർഷ​ക​വും ഇണങ്ങു​ന്ന​തും ആയ വിവിധ തരം വസ്‌ത്രങ്ങൾ തിര​ഞ്ഞെ​ടു​ക്കാ​നാ​കും. ഈ വിധത്തി​ലുള്ള മാന്യ​മായ വസ്‌ത്ര​ധാ​രണം, “നമ്മുടെ രക്ഷകനായ ദൈവ​ത്തി​ന്റെ പഠിപ്പി​ക്ക​ലിന്‌ എല്ലാ വിധത്തി​ലും ഒരു അലങ്കാ​രമാ”കുകയും “ദൈവത്തെ മഹത്ത്വ​പ്പെ​ടു​ത്തു​ക​യും” ചെയ്യും. (തീത്തൊസ്‌ 2:10; 1 പത്രോസ്‌ 2:12) യോഗ​ങ്ങൾക്കു ഞങ്ങൾ ഇങ്ങനെ നന്നായി വസ്‌ത്ര​ധാ​രണം ചെയ്‌ത്‌ വരുന്നത്‌ യഹോ​വ​യു​ടെ സത്യാ​രാ​ധ​നയെ മറ്റുള്ളവർ മതി​പ്പോ​ടെ വീക്ഷി​ക്കാൻ ഇടയാ​ക്കു​ന്നു.

ധരിക്കാൻ നല്ല വസ്‌ത്ര​മൊ​ന്നും ഇല്ലല്ലോ എന്നോർത്ത്‌ യോഗ​ങ്ങൾക്കു വരാതി​രി​ക്കേണ്ടാ. നമ്മുടെ വസ്‌ത്രങ്ങൾ വിലകൂ​ടി​യ​തോ മോടി​യേ​റി​യ​തോ ആയിരി​ക്ക​ണ​മെ​ന്നില്ല; മാന്യ​വും വൃത്തി​യു​ള്ള​തും ആയിരു​ന്നാൽ മതി.

• ആരാധ​ന​യ്‌ക്കു കൂടി​വ​രു​മ്പോൾ മാന്യ​മാ​യി വസ്‌ത്ര​ധാ​രണം ചെയ്യേ​ണ്ടത്‌ എന്തു​കൊണ്ട്‌?

• ഏതു തരം വസ്‌ത്രം ധരിക്കു​ന്നു, എങ്ങനെ ഒരുങ്ങു​ന്നു തുടങ്ങിയ കാര്യ​ങ്ങ​ളിൽ നമ്മളെ നയിക്കേണ്ട തത്ത്വങ്ങൾ ഏവ?

യഹോ​വ​യു​ടെ സാക്ഷി​ക​ളു​ടെ​കൂ​ടെ ബൈബിൾ പഠിച്ചു​കൊ​ണ്ടി​രി​ക്കുന്ന ഒരു വ്യക്തി​യാ​ണു നിങ്ങ​ളെ​ങ്കിൽ ഒരുപക്ഷേ പഠിക്കാ​നുള്ള ഭാഗം നിങ്ങൾ നേര​ത്തേ​തന്നെ പഠിച്ചു​വെ​ക്കും. യോഗ​ങ്ങൾക്കു പോകു​ന്ന​തി​നു മുമ്പും ഇതു​പോ​ലെ പഠിക്കു​ന്നതു നല്ലതാണ്‌. ഇങ്ങനെ ഒരു ശീലം വളർത്തി​യെ​ടു​ക്കു​ന്ന​തു​കൊണ്ട്‌ ഒരുപാ​ടു പ്രയോ​ജ​ന​ങ്ങ​ളുണ്ട്‌.

എപ്പോൾ, എവി​ടെ​വെച്ചു പഠിക്ക​ണ​മെന്നു തീരു​മാ​നി​ക്കുക. നിങ്ങളു​ടെ മനസ്സ്‌ ഏകാ​ഗ്ര​മാ​യി​രി​ക്കു​ന്നത്‌ എപ്പോ​ഴാണ്‌? അതിരാ​വി​ലെ ജോലി​യൊ​ക്കെ തുടങ്ങു​ന്ന​തി​നു മുമ്പോ അതോ രാത്രി കുട്ടികൾ ഉറങ്ങി​യ​തി​നു ശേഷമോ? ഒരുപാ​ടു സമയം പഠിക്കാൻവേണ്ടി മാറ്റി​വെ​ക്കാൻ നിങ്ങൾക്കു കഴിയി​ല്ലാ​യി​രി​ക്കും. പക്ഷേ, അതിനു​വേണ്ടി കുറച്ച്‌ സമയ​മെ​ങ്കി​ലും മാറ്റി​വെ​ക്കുക. ആ സമയത്ത്‌ മറ്റൊ​ന്നും ചെയ്യരുത്‌. ശാന്തമായ ഒരിട​മാ​ണു പഠനത്തി​നു നല്ലത്‌. ശ്രദ്ധ പതറാ​തി​രി​ക്കാൻ റേഡി​യോ​യും ടിവി​യും മൊ​ബൈൽ ഫോണും എല്ലാം ഓഫ്‌ ചെയ്യുക. പഠിക്കു​ന്ന​തി​നു മുമ്പ്‌ പ്രാർഥി​ക്കുക. അപ്പോൾ ഉത്‌ക​ണ്‌ഠ​ക​ളൊ​ന്നും ഇല്ലാതെ മനസ്സ്‌ ശാന്തമാ​കും; ദൈവ​വ​ച​ന​ത്തിൽ ശ്രദ്ധ കേന്ദ്രീ​ക​രി​ക്കാ​നും സാധി​ക്കും.​—ഫിലി​പ്പി​യർ 4:6, 7.

മുഖ്യാ​ശ​യ​ങ്ങൾ അടയാ​ള​പ്പെ​ടു​ത്തുക, ചർച്ചയിൽ പങ്കെടു​ക്കാൻ തയ്യാറാ​കുക. പഠനഭാ​ഗം മൊത്ത​ത്തിൽ ഏതു വിഷയ​ത്തെ​ക്കു​റി​ച്ചാ​ണെന്നു മനസ്സി​ലാ​ക്കാൻ ശ്രമി​ക്കുക. ലേഖന​ത്തി​ന്റെ അല്ലെങ്കിൽ അധ്യാ​യ​ത്തി​ന്റെ തലക്കെ​ട്ടി​നെ​ക്കു​റിച്ച്‌ ചിന്തി​ക്കുക; ഓരോ ഉപതല​ക്കെ​ട്ടും പ്രധാ​ന​വി​ഷ​യ​വും തമ്മിലുള്ള ബന്ധം മനസ്സി​ലാ​ക്കുക; ചിത്ര​ങ്ങ​ളും മുഖ്യാ​ശ​യങ്ങൾ എടുത്തു​കാ​ണി​ക്കുന്ന അവലോ​ക​ന​ചോ​ദ്യ​ങ്ങ​ളും പരി​ശോ​ധി​ക്കുക. അതിനു ശേഷം ഓരോ ഖണ്ഡിക​യും വായിച്ച്‌, കൊടു​ത്തി​രി​ക്കുന്ന ചോദ്യ​ത്തി​നുള്ള ഉത്തരം കണ്ടെത്താൻ ശ്രമി​ക്കുക. ഉദ്ധരി​ച്ചി​ട്ടി​ല്ലാത്ത ബൈബിൾവാ​ക്യ​ങ്ങൾ എടുത്തു​നോ​ക്കി അവ വിഷയ​വു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നെന്നു ചിന്തി​ക്കുക. (പ്രവൃ​ത്തി​കൾ 17:11) ഉത്തരം കണ്ടുപി​ടി​ച്ചു​ക​ഴി​ഞ്ഞാൽ പ്രധാന വാക്കോ വാക്കു​ക​ളോ അടയാ​ള​പ്പെ​ടു​ത്തുക. പിന്നീട്‌ ഉത്തരങ്ങൾ ഓർത്തെ​ടു​ക്കാൻ ഇതു സഹായി​ക്കും. തുടർന്ന്‌ സഭാ​യോ​ഗ​ത്തി​ന്റെ സമയത്ത്‌, ആഗ്രഹി​ക്കു​ന്നെ​ങ്കിൽ നിങ്ങൾക്ക്‌ കൈ പൊക്കി ഉത്തരം പറയാ​വു​ന്ന​താണ്‌. സ്വന്തം വാചക​ത്തിൽ, ചെറിയ ഉത്തരങ്ങൾ പറയു​ന്ന​താ​യി​രി​ക്കും നല്ലത്‌.

യോഗ​ങ്ങ​ളിൽ ചർച്ച ചെയ്യുന്ന വ്യത്യ​സ്‌ത​വി​ഷ​യങ്ങൾ ഓരോ ആഴ്‌ച​യും ഇങ്ങനെ പഠിക്കു​ന്നെ​ങ്കിൽ, ബൈബി​ളി​നെ​ക്കു​റി​ച്ചുള്ള നിങ്ങളു​ടെ അറിവ്‌ വർധി​ക്കും. അങ്ങനെ ‘അമൂല്യ​വ​സ്‌തു​ക്ക​ളു​ടെ ശേഖര​ത്തി​ലേക്ക്‌’ പുതിയ ചില ആശയങ്ങൾകൂ​ടി ചേർക്കാൻ നിങ്ങൾക്കു കഴിയും.—മത്തായി 13:51, 52.

• യോഗ​ങ്ങൾക്കു​വേണ്ടി പഠിക്കുന്ന ശീലം വളർത്തി​യെ​ടു​ക്കാൻ നിങ്ങൾക്ക്‌ എന്തു ചെയ്യാ​നാ​കും?

• യോഗ​ങ്ങ​ളിൽ അഭി​പ്രാ​യങ്ങൾ പറയാൻ എങ്ങനെ ഒരുങ്ങാം?

കുടും​ബ​ത്തി​ന്റെ ആത്മീയത ശക്തമാ​ക്കാ​നും കുടും​ബാം​ഗങ്ങൾ തമ്മിലുള്ള ഇഴയടു​പ്പം വർധി​പ്പി​ക്കാ​നും വേണ്ടി കുടും​ബം ഒരുമി​ച്ചു സമയം ചെലവ​ഴി​ക്ക​ണ​മെന്നു പുരാ​ത​ന​കാ​ലം മുതലേ യഹോവ ആഗ്രഹി​ച്ചി​രു​ന്നു. (ആവർത്തനം 6:6, 7) അതു​കൊ​ണ്ടാണ്‌ യഹോ​വ​യു​ടെ സാക്ഷികൾ ആഴ്‌ച​യിൽ ഒരിക്കൽ ഒരു നിശ്ചി​ത​സ​മയം കുടും​ബം ഒത്തൊ​രു​മി​ച്ചുള്ള ആരാധ​ന​യ്‌ക്കു​വേണ്ടി നീക്കി​വെ​ക്കു​ന്നത്‌. അങ്ങനെ ഓരോ കുടും​ബാം​ഗ​ത്തി​ന്റെ​യും പ്രശ്‌നങ്ങൾ വിലയി​രു​ത്തി ദൈവ​വ​ച​ന​ത്തിൽനി​ന്നുള്ള പ്രാ​യോ​ഗി​ക​മായ പോം​വ​ഴി​കൾ, പിരി​മു​റു​ക്ക​മി​ല്ലാത്ത ഒരു അന്തരീ​ക്ഷ​ത്തിൽ ഒരുമി​ച്ചി​രുന്ന്‌ ചർച്ച ചെയ്യാ​നാ​കു​ന്നു. നിങ്ങൾ ഒറ്റയ്‌ക്കാ​ണു താമസി​ക്കു​ന്ന​തെ​ങ്കിൽപ്പോ​ലും നിങ്ങൾക്ക്‌ ഇഷ്ടമുള്ള ഒരു വിഷയ​ത്തെ​ക്കു​റിച്ച്‌ ബൈബി​ളി​നെ അടിസ്ഥാ​ന​മാ​ക്കി പഠിച്ചു​കൊണ്ട്‌ ദൈവ​ത്തോ​ടൊത്ത്‌ സമയം ചെലവ​ഴി​ക്കാൻ നിങ്ങൾക്കു കഴിയും.

യഹോ​വ​യോ​ടു കൂടുതൽ അടുക്കാ​നുള്ള ഒരു സമയം. “ദൈവ​ത്തോട്‌ അടുത്ത്‌ ചെല്ലുക; അപ്പോൾ ദൈവം നിങ്ങ​ളോട്‌ അടുത്ത്‌ വരും” എന്നു ബൈബിൾ പറയുന്നു. (യാക്കോബ്‌ 4:8) യഹോ​വ​യു​ടെ വ്യക്തി​ത്വ​ത്തെ​യും പ്രവൃ​ത്തി​ക​ളെ​യും കുറി​ച്ചുള്ള വിശദാം​ശങ്ങൾ ബൈബി​ളിൽനിന്ന്‌ മനസ്സി​ലാ​ക്കു​മ്പോൾ ആ ദൈവത്തെ അടുത്ത്‌ അറിയാൻ നമുക്കു കഴിയും. ഒരുമി​ച്ചി​രുന്ന്‌ ബൈബിൾ വായി​ച്ചു​കൊണ്ട്‌ കുടും​ബാ​രാ​ധന തുടങ്ങാ​വു​ന്ന​താണ്‌. ജീവിത-സേവന യോഗ​ത്തി​നു​വേണ്ടി ഓരോ ആഴ്‌ച​യും വായി​ക്കാൻ തന്നിരി​ക്കുന്ന ബൈബിൾഭാ​ഗം വായി​ക്കാ​വു​ന്ന​താണ്‌. വായി​ക്കാ​നുള്ള ഭാഗം കുടും​ബ​ത്തി​ലെ ഓരോ അംഗത്തി​നും വീതിച്ച്‌ കൊടു​ക്കാം. തുടർന്ന്‌, ആ ഭാഗത്തു​നിന്ന്‌ പഠിച്ച കാര്യങ്ങൾ എല്ലാവർക്കും​കൂ​ടി ചർച്ച ചെയ്യാം.

കുടും​ബാം​ഗ​ങ്ങൾ തമ്മിൽ കൂടുതൽ അടുക്കാ​നുള്ള ഒരു സമയം. കുടും​ബം ഒരുമിച്ച്‌ ബൈബിൾ പഠിക്കു​മ്പോൾ ഭാര്യാ​ഭർത്താ​ക്ക​ന്മാർ തമ്മിലും മാതാ​പി​താ​ക്ക​ളും കുട്ടി​ക​ളും തമ്മിലും ഉള്ള ബന്ധം കൂടുതൽ ശക്തമാ​കും. കുടും​ബാം​ഗ​ങ്ങ​ളെ​ല്ലാം ആകാം​ക്ഷ​യോ​ടെ നോക്കി​യി​രി​ക്കുന്ന, സന്തോ​ഷ​വും സമാധാ​ന​വും നിറഞ്ഞ ഒരു വേളയാ​യി​രി​ക്കണം അത്‌. കുട്ടി​ക​ളു​ടെ പ്രായ​ത്തി​ന​നു​സ​രി​ച്ചുള്ള പ്രാ​യോ​ഗി​ക​മായ വിഷയങ്ങൾ തിര​ഞ്ഞെ​ടു​ക്കാൻ ശ്രദ്ധി​ക്കണം. വീക്ഷാ​ഗോ​പു​ര​ത്തി​ലെ​യോ ഉണരുക!-യിലെ​യോ പംക്തി​ക​ളോ jw.org വെബ്‌​സൈ​റ്റിൽനി​ന്നുള്ള വിവര​ങ്ങ​ളോ അതിനു​വേണ്ടി ഉപയോ​ഗി​ക്കാം. സ്‌കൂ​ളിൽ കുട്ടികൾ നേരി​ടുന്ന പ്രശ്‌ന​ങ്ങ​ളെ​ക്കു​റി​ച്ചും അവ എങ്ങനെ കൈകാ​ര്യം ചെയ്യാം എന്നതി​നെ​ക്കു​റി​ച്ചും ചർച്ച ചെയ്യാ​വു​ന്ന​താണ്‌. അതല്ലെ​ങ്കിൽ JW പ്രക്ഷേപണത്തിൽ (tv.jw.org) വന്ന ഏതെങ്കി​ലും പരിപാ​ടി കാണാം. യോഗ​ങ്ങ​ളിൽ പാടാ​നുള്ള പാട്ട്‌ പാടി പരിശീ​ലി​ക്കു​ന്ന​തും കുടും​ബാ​രാ​ധന കൂടുതൽ രസകര​മാ​ക്കും. കുടും​ബാ​രാ​ധ​ന​യ്‌ക്കു ശേഷം അൽപ്പം ലഘുഭ​ക്ഷ​ണ​വു​മാ​കാം.

യഹോ​വ​യെ ആരാധി​ക്കാൻ എല്ലാ ആഴ്‌ച​യും കുടും​ബം ഒരുമിച്ച്‌ ഇങ്ങനെ സമയം ചെലവ​ഴി​ക്കു​മ്പോൾ, ദൈവ​വ​ചനം വായി​ക്കു​ന്ന​തും പഠിക്കു​ന്ന​തും ആനന്ദം പകരുന്ന ഒരു അനുഭ​വ​മാ​യി​ത്തീ​രും. നിങ്ങളു​ടെ ശ്രമങ്ങളെ യഹോവ സമൃദ്ധ​മാ​യി അനു​ഗ്ര​ഹി​ക്കു​ക​യും ചെയ്യും.​—സങ്കീർത്തനം 1:1-3.

• യഹോ​വ​യു​ടെ സാക്ഷികൾ കുടും​ബാ​രാ​ധ​ന​യ്‌ക്കു​വേണ്ടി സമയം നീക്കി​വെ​ക്കു​ന്നത്‌ എന്തു​കൊ​ണ്ടാണ്‌?

• കുടും​ബാ​രാ​ധന എല്ലാവ​രും ആസ്വദി​ക്കു​ന്നു​ണ്ടെന്ന്‌ ഉറപ്പാ​ക്കാൻ മാതാ​പി​താ​ക്കൾക്ക്‌ എന്തു ചെയ്യാ​നാ​കും?

ഈ ആളുകൾ ഇത്ര സന്തോ​ഷ​മു​ള്ള​വ​രാ​യി​രി​ക്കു​ന്നത്‌ എന്തു​കൊ​ണ്ടാണ്‌? ഞങ്ങളുടെ ഒരു സമ്മേള​ന​ത്തിൽ പരിപാ​ടി​കൾ ആസ്വദി​ക്കു​ക​യാണ്‌ ഇവർ. വർഷത്തിൽ മൂന്നു തവണ വലിയ കൂട്ടങ്ങ​ളാ​യി കൂടി​വ​രാൻ പുരാതന കാലത്തെ തന്റെ ജനത്തോ​ടു ദൈവം ആവശ്യ​പ്പെ​ട്ടി​രു​ന്നു. (ആവർത്തനം 16:16) അവരെ​പ്പോ​ലെ വലിയ കൂട്ടങ്ങ​ളാ​യി ഒന്നിച്ചു​കൂ​ടാൻ ഞങ്ങളും താത്‌പ​ര്യ​ത്തോ​ടെ കാത്തി​രി​ക്കു​ന്നു. ഓരോ വർഷവും ഞങ്ങൾക്ക്‌ മൂന്നു സമ്മേള​ന​മുണ്ട്‌: ഓരോ ദിവസം വീതമുള്ള രണ്ടു സർക്കിട്ട്‌ സമ്മേള​ന​വും, മൂന്നു ദിവസം നീണ്ടു​നിൽക്കുന്ന മേഖലാ കൺ​വെൻ​ഷ​നും. ഈ സമ്മേള​ന​ങ്ങ​ളിൽനിന്ന്‌ ഞങ്ങൾക്കു ലഭിക്കുന്ന പ്രയോ​ജ​നങ്ങൾ എന്തെല്ലാ​മാ​ണെന്ന്‌ അറിയാ​മോ?

ഞങ്ങളുടെ ക്രിസ്‌തീ​യ​സാ​ഹോ​ദ​ര്യം ബലിഷ്‌ഠ​മാ​ക്കു​ന്നു. “സമ്മേള​ന​ങ്ങ​ളിൽ” യഹോ​വയെ സ്‌തു​തി​ക്കു​ന്നത്‌ ഇസ്രാ​യേ​ല്യർക്കു സന്തോഷം നിറഞ്ഞ അനുഭ​വ​മാ​യി​രു​ന്നു; ഞങ്ങൾക്കും അത്‌ അങ്ങനെ​ത​ന്നെ​യാണ്‌. (സങ്കീർത്തനം 26:12, അടിക്കു​റിപ്പ്‌; 111:1) മറ്റു സഭകളിൽനി​ന്നു മാത്രമല്ല, മറ്റു ദേശങ്ങ​ളിൽനി​ന്നു​പോ​ലു​മുള്ള യഹോ​വ​യു​ടെ സാക്ഷി​കളെ കാണാ​നും അവരോ​ടു സഹവസി​ക്കാ​നും ഉള്ള നല്ല അവസര​ങ്ങ​ളാണ്‌ ഈ സമ്മേള​നങ്ങൾ. ഉച്ചയ്‌ക്ക്‌ സഹവി​ശ്വാ​സി​ക​ളു​ടെ​കൂ​ടെ ഒരുമി​ച്ചു ഭക്ഷണം കഴിക്കു​ന്ന​തും ഒരു സന്തോ​ഷ​മാണ്‌; അതു സമ്മേള​ന​ങ്ങ​ളി​ലെ സന്തോഷം ഒന്നുകൂ​ടി കൂട്ടുന്നു. (പ്രവൃ​ത്തി​കൾ 2:42) ലോക​മെ​മ്പാ​ടു​മുള്ള ഞങ്ങളുടെ “സഹോ​ദ​ര​സ​മൂ​ഹത്തെ” ഒറ്റക്കെ​ട്ടാ​ക്കി നിറു​ത്തുന്ന ക്രിസ്‌തീ​യ​സ്‌നേഹം നേരിട്ട്‌ അനുഭ​വി​ച്ച​റി​യാ​നുള്ള ഒരു അവസരം​കൂ​ടെ​യാണ്‌ ഈ സമ്മേള​നങ്ങൾ.​—1 പത്രോസ്‌ 2:17.

ആത്മീയ​മാ​യി പുരോ​ഗ​മി​ക്കാൻ ഞങ്ങളെ സഹായി​ക്കു​ന്നു. വിശദീ​ക​രി​ച്ചു​കൊ​ടുത്ത തിരു​വെ​ഴു​ത്തു​കൾ “ജനത്തിനു മനസ്സി​ലാ​യ​തു​കൊണ്ട്‌” അവർക്കു പ്രയോ​ജനം ചെയ്‌തു. (നെഹമ്യ 8:8, 12) സമ്മേള​ന​ങ്ങ​ളി​ലൂ​ടെ കിട്ടുന്ന, തിരു​വെ​ഴു​ത്തു​നിർദേ​ശങ്ങൾ ഞങ്ങളും വിലമ​തി​ക്കു​ന്നു. സമ്മേള​ന​ത്തി​ലെ ഓരോ പരിപാ​ടി​യും ഒരു തിരു​വെ​ഴു​ത്തു വിഷയത്തെ അടിസ്ഥാ​ന​മാ​ക്കി​യു​ള്ള​താണ്‌. അവിടെ നടക്കുന്ന പ്രസം​ഗ​ങ്ങ​ളി​ലൂ​ടെ​യും സിമ്പോ​സി​യ​ങ്ങ​ളി​ലൂ​ടെ​യും പുനര​വ​ത​ര​ണ​ങ്ങ​ളി​ലൂ​ടെ​യും ദൈവ​ത്തി​ന്റെ ഇഷ്ടം ജീവി​ത​ത്തിൽ പ്രാവർത്തി​ക​മാ​ക്കേ​ണ്ടത്‌ എങ്ങനെ​യെന്നു ഞങ്ങൾ പഠിക്കു​ന്നു. ഈ ദുഷ്‌ക​ര​നാ​ളു​ക​ളിൽ ക്രിസ്‌ത്യാ​നി​കൾ നേരി​ടുന്ന വെല്ലു​വി​ളി​കളെ വിജയ​ക​ര​മാ​യി കൈകാ​ര്യം ചെയ്‌തി​ട്ടു​ള്ള​വ​രു​ടെ അനുഭ​വങ്ങൾ കേൾക്കു​ന്ന​തും ഞങ്ങൾക്കു പ്രോ​ത്സാ​ഹനം പകരുന്നു. ബൈബിൾ വിവര​ണ​ങ്ങളെ ജീവസ്സു​റ്റ​താ​ക്കുന്ന നാടകങ്ങൾ ഞങ്ങളുടെ മേഖലാ കൺ​വെൻ​ഷ​നു​ക​ളി​ലെ പ്രധാ​ന​സ​വി​ശേ​ഷ​ത​യാണ്‌. പ്രാ​യോ​ഗി​ക​മായ പല പാഠങ്ങ​ളും ഈ നാടകങ്ങൾ ഞങ്ങളെ പഠിപ്പി​ക്കു​ന്നു. ദൈവ​ത്തോ​ടുള്ള സമർപ്പ​ണ​ത്തി​ന്റെ പ്രതീ​ക​മാ​യി സ്‌നാ​ന​പ്പെ​ടാൻ ആഗ്രഹി​ക്കു​ന്ന​വർക്ക്‌ അതിനുള്ള അവസര​വും എല്ലാ സമ്മേള​ന​ങ്ങ​ളി​ലു​മുണ്ട്‌.

• സമ്മേള​നങ്ങൾ സന്തോ​ഷ​ത്തി​ന്റെ വേളക​ളാ​യി​രി​ക്കു​ന്നത്‌ എന്തു​കൊണ്ട്‌?

• സമ്മേള​ന​ത്തിൽ പങ്കെടു​ക്കു​ന്നെ​ങ്കിൽ നിങ്ങൾക്ക്‌ എന്തെല്ലാം പ്രയോ​ജ​നങ്ങൾ കിട്ടും?

തന്റെ മരണത്തിന്‌ ഏതാനും ദിവസം മുമ്പ്‌ യേശു പറഞ്ഞു: “ദൈവ​രാ​ജ്യ​ത്തി​ന്റെ ഈ സന്തോ​ഷ​വാർത്ത എല്ലാ ജനതക​ളും അറിയാ​നാ​യി ഭൂലോ​ക​ത്തെ​ങ്ങും പ്രസം​ഗി​ക്ക​പ്പെ​ടും. അപ്പോൾ അവസാനം വരും.” (മത്തായി 24:14) പക്ഷേ ഈ പ്രസം​ഗ​പ്ര​വർത്തനം ലോക​വ്യാ​പ​ക​മാ​യി എങ്ങനെ നിർവ​ഹി​ക്കും? യേശു ഭൂമി​യി​ലാ​യി​രി​ക്കെ കാണി​ച്ചു​തന്ന അതേ മാതൃ​ക​യിൽ!​—ലൂക്കോസ്‌ 8:1.

ആളുകളെ അവരുടെ വീട്ടിൽ ചെന്ന്‌ കാണുന്നു. വീടു​തോ​റും ചെന്ന്‌ ദൈവ​രാ​ജ്യ​ത്തി​ന്റെ സന്തോ​ഷ​വാർത്ത പ്രസം​ഗി​ക്കാൻ യേശു ശിഷ്യ​ന്മാ​രെ പരിശീ​ലി​പ്പി​ച്ചു. (മത്തായി 10:11-13; പ്രവൃ​ത്തി​കൾ 5:42; 20:20) പ്രസം​ഗ​പ്ര​വർത്ത​ന​ത്തി​നു​വേണ്ടി ഒന്നാം നൂറ്റാ​ണ്ടി​ലെ ആ ക്രിസ്‌ത്യാ​നി​കൾക്കു ചില പ്രദേ​ശ​ങ്ങ​ളും നിയമി​ച്ചു​കൊ​ടു​ത്തു. (മത്തായി 10:5, 6; 2 കൊരി​ന്ത്യർ 10:13) ഇന്നു ഞങ്ങളുടെ പ്രസം​ഗ​പ്ര​വർത്ത​ന​വും വളരെ സംഘടി​ത​മാ​യി​ട്ടാ​ണു നടത്തു​ന്നത്‌. സന്തോ​ഷ​വാർത്ത പ്രസം​ഗി​ക്കാൻ ഞങ്ങളുടെ ഓരോ സഭയ്‌ക്കും പ്രദേശം നിയമി​ച്ചു​ത​ന്നി​ട്ടുണ്ട്‌. അങ്ങനെ, “സമഗ്ര​മാ​യി സാക്ഷീ​ക​രി​ക്കാ​നും ജനത്തോ​ടു പ്രസം​ഗി​ക്കാ​നും” ഉള്ള യേശു​വി​ന്റെ കല്‌പന അനുസ​രി​ക്കാൻ ഞങ്ങൾക്കു കഴിയു​ന്നു.​—പ്രവൃ​ത്തി​കൾ 10:42.

ആളുകളെ കണ്ടെത്താ​നി​ട​യുള്ള സ്ഥലങ്ങളി​ലെ​ല്ലാം സാക്ഷീ​ക​രി​ക്കു​ന്നു. പൊതു​സ്ഥ​ല​ങ്ങ​ളിൽ സന്തോ​ഷ​വാർത്ത പ്രസം​ഗി​ക്കു​ന്ന​തി​ലും യേശു നല്ലൊരു മാതൃ​ക​യാ​യി​രു​ന്നു. കടൽത്തീ​ര​ത്തും കിണറ്റിൻക​ര​യി​ലും ഒക്കെ യേശു ആളുക​ളോ​ടു പ്രസം​ഗി​ച്ചു. (മർക്കോസ്‌ 4:1; യോഹ​ന്നാൻ 4:5-15) ഞങ്ങളും ആളുകളെ കണ്ടുമു​ട്ടാ​നി​ട​യുള്ള എല്ലായി​ട​ത്തും—തെരു​വു​ക​ളി​ലും കടകളി​ലും പാർക്കു​ക​ളി​ലും—ബൈബിൾവി​ഷ​യങ്ങൾ സംസാ​രി​ക്കാ​റുണ്ട്‌. ടെലി​ഫോ​ണി​ലൂ​ടെ​യും ഞങ്ങൾ സാക്ഷീ​ക​രി​ക്കു​ന്നു. അയൽക്കാർ, സഹപ്ര​വർത്തകർ, സഹപാ​ഠി​കൾ, ബന്ധുക്കൾ എന്നിവ​രോ​ടു സാക്ഷീ​ക​രി​ക്കാൻ ലഭിക്കുന്ന അവസര​ങ്ങ​ളും ഞങ്ങൾ പാഴാ​ക്കാ​റില്ല. ‘രക്ഷയുടെ സന്തോ​ഷ​വാർത്ത’ ലക്ഷക്കണ​ക്കിന്‌ ആളുക​ളു​ടെ അടുത്ത്‌ എത്തിക്കാൻ ഇതുവഴി ഞങ്ങൾക്കു കഴിഞ്ഞി​ട്ടുണ്ട്‌.​—സങ്കീർത്തനം 96:2.

ദൈവ​രാ​ജ്യ​ത്തെ​പ്പ​റ്റി​യുള്ള സന്തോ​ഷ​വാർത്ത ആരുമാ​യി പങ്കു​വെ​ക്കാ​നാ​ണു നിങ്ങൾ ആഗ്രഹി​ക്കു​ന്നത്‌? അത്‌ ആ വ്യക്തി​യു​ടെ ഭാവിയെ എങ്ങനെ സ്വാധീ​നി​ക്കു​മെ​ന്നാ​ണു നിങ്ങൾ കരുതു​ന്നത്‌? പ്രത്യാശ പകരുന്ന ഈ സന്ദേശം നിങ്ങളിൽ മാത്ര​മാ​യി ഒതുക്കി​വെ​ക്ക​രുത്‌. എത്രയും പെട്ടെന്ന്‌ മറ്റുള്ള​വ​രോട്‌ അതെക്കു​റിച്ച്‌ പറയുക!

• എന്തി​നെ​പ്പ​റ്റി​യുള്ള “സന്തോ​ഷ​വാർത്ത”യാണു നമ്മൾ അറിയി​ക്കേ​ണ്ടത്‌?

• യഹോ​വ​യു​ടെ സാക്ഷികൾ യേശു​വി​ന്റെ പ്രസം​ഗ​രീ​തി അനുക​രി​ക്കു​ന്നത്‌ എങ്ങനെ?

“മുൻനി​ര​സേ​വകർ” എന്ന പദം സൂചി​പ്പി​ക്കു​ന്ന​തു​പോ​ലെ​തന്നെ ഇവർ മുൻനി​ര​യിൽ നിന്ന്‌ സേവി​ക്കു​ന്ന​വ​രാണ്‌. മറ്റുള്ള​വർക്കു വഴി തെളി​ച്ചു​കൊണ്ട്‌ ഇവർ മുന്നിൽ പോകു​ന്നു. ഒരർഥ​ത്തിൽ, യേശു​വും ഒരു മുൻനി​ര​സേ​വ​ക​നാ​യി​രു​ന്നു. യേശു ഭൂമി​യിൽ വന്ന്‌ രക്ഷയി​ലേ​ക്കുള്ള വഴി ആളുകൾക്കു കാണി​ച്ചു​കൊ​ടു​ത്തു. ജീവൻ നേടാൻ ആളുകളെ സഹായി​ക്കുന്ന ഒരു ശുശ്രൂ​ഷ​യാ​യി​രു​ന്നു അത്‌. (മത്തായി 20:28) ഇന്ന്‌, ആളുകളെ ‘ശിഷ്യ​രാ​ക്കാൻ’ കഴിയു​ന്നത്ര സമയം ചെലവ​ഴി​ച്ചു​കൊണ്ട്‌ യേശു​വി​ന്റെ അനുഗാ​മി​ക​ളും ആ മാതൃക പിൻപ​റ്റു​ന്നു. (മത്തായി 28:19, 20) അവരിൽ ചിലർക്കു മുൻനി​ര​സേ​വ​ന​ത്തി​ലേക്കു വരാൻപോ​ലും കഴിഞ്ഞി​രി​ക്കു​ന്നു.

മുൻനി​ര​സേ​വ​കർ മുഴു​സമയ സുവി​ശേ​ഷ​ക​രാണ്‌. യഹോ​വ​യു​ടെ സാക്ഷി​ക​ളെ​ല്ലാം സന്തോ​ഷ​വാർത്ത ഘോഷി​ക്കു​ന്നു. എന്നാൽ അവരിൽ ചിലർ സാധാരണ മുൻനി​ര​സേ​വകർ ആയി സേവി​ക്കു​ക​യെന്ന ലക്ഷ്യത്തിൽ തങ്ങളുടെ ജീവിതം ക്രമ​പ്പെ​ടു​ത്തി​യി​ട്ടുണ്ട്‌. അങ്ങനെ, മാസം 70 മണിക്കൂർ പ്രസം​ഗ​പ്ര​വർത്ത​ന​ത്തി​നു​വേണ്ടി ചെലവി​ടാൻ അവർക്കു കഴിയു​ന്നു. മുഴു​സമയ ജോലി​ക്കു പകരം പാർട്ട്‌-ടൈം ജോലി തിര​ഞ്ഞെ​ടു​ത്തു​കൊ​ണ്ടാ​ണു പലരും ഇതിനു സമയം കണ്ടെത്തു​ന്നത്‌. ദൈവ​രാ​ജ്യ​ത്തെ​ക്കു​റിച്ച്‌ പ്രസം​ഗി​ക്കാൻ കൂടുതൽ ആളുകളെ ആവശ്യ​മുള്ള ഇടങ്ങളിൽ സേവി​ക്കാൻ ചിലരെ പ്രത്യേക മുൻനി​ര​സേ​വകർ ആയി നിയമി​ച്ചി​രി​ക്കു​ന്നു. മാസം 130-ഓ അതിൽ കൂടു​ത​ലോ മണിക്കൂർ പ്രസം​ഗ​പ്ര​വർത്ത​ന​ത്തി​നു​വേണ്ടി നീക്കി​വെ​ക്കു​ന്ന​വ​രാണ്‌ ഇവർ. ലളിത​മായ ജീവിതം നയിക്കുന്ന ഈ മുൻനി​ര​സേ​വ​കർക്ക്‌ യഹോവ അവരുടെ ആവശ്യ​ങ്ങൾക്കു​വേണ്ടി കരുതു​മെന്ന ഉറച്ച ബോധ്യ​മുണ്ട്‌. (മത്തായി 6:31-33; 1 തിമൊ​ഥെ​യൊസ്‌ 6:6-8) മുഴു​സമയ മുൻനി​ര​സേ​വ​ക​രാ​കാൻ കഴിയാ​ത്തവർ, സാധി​ക്കുന്ന മാസങ്ങ​ളിൽ 30-ഓ 50-ഓ മണിക്കൂർ പ്രസം​ഗ​പ്ര​വർത്ത​ന​ത്തി​നു​വേണ്ടി ചെലവ​ഴി​ച്ചു​കൊണ്ട്‌ സഹായ മുൻനി​ര​സേ​വകർ ആയി സേവി​ക്കു​ന്നു.

മുൻനി​ര​സേ​വ​ക​രു​ടെ പ്രചോ​ദ​ക​ശക്തി ദൈവ​ത്തോ​ടും സഹമനു​ഷ്യ​രോ​ടും ഉള്ള സ്‌നേ​ഹ​മാണ്‌. ആത്മീയ​മാ​യി വഴികാ​ട്ടാൻ ആരുമി​ല്ലാ​തെ ആളുകൾ വളരെ ദയനീ​യ​മായ അവസ്ഥയി​ലാ​ണെന്ന്‌ യേശു​വി​നെ​പ്പോ​ലെ ഞങ്ങളും മനസ്സി​ലാ​ക്കു​ന്നു. (മർക്കോസ്‌ 6:34) അവർക്കു പ്രയോ​ജനം ചെയ്യുന്ന അറിവ്‌ ഞങ്ങളുടെ പക്കലുണ്ട്‌. ഭാവി സംബന്ധിച്ച്‌ ഉറപ്പുള്ള ഒരു പ്രത്യാശ നൽകി​ക്കൊണ്ട്‌ അത്‌ അവരുടെ ജീവി​ത​ത്തിന്‌ അർഥം പകരുന്നു. മറ്റുള്ള​വരെ ആത്മീയ​മാ​യി സഹായി​ക്കു​ന്ന​തി​നു സമയവും ഊർജ​വും ചെലവ​ഴി​ക്കാൻ മുൻനി​ര​സേ​വ​ന​ത്തി​ലുള്ള ഒരാളെ പ്രേരി​പ്പി​ക്കു​ന്നത്‌ അവരോ​ടുള്ള സ്‌നേ​ഹ​മാണ്‌. (മത്തായി 22:39; 1 തെസ്സ​ലോ​നി​ക്യർ 2:8) അങ്ങനെ അദ്ദേഹ​ത്തി​ന്റെ വിശ്വാ​സം ശക്തി​പ്പെ​ടു​ന്നു, അദ്ദേഹം ദൈവ​ത്തോ​ടു കൂടുതൽ അടുക്കു​ന്നു, അദ്ദേഹ​ത്തി​നു കൂടുതൽ സന്തോ​ഷ​വും അനുഭ​വി​ക്കാ​നാ​കു​ന്നു.​—പ്രവൃ​ത്തി​കൾ 20:35.

• മുൻനി​ര​സേ​വകർ ആരാണ്‌?

• മുൻനി​ര​സേ​വ​ന​ത്തി​നാ​യി ജീവിതം ഉഴിഞ്ഞു​വെ​ക്കാൻ ചിലരെ പ്രേരി​പ്പി​ക്കു​ന്നത്‌ എന്താണ്‌?

അനേക​വർഷ​ങ്ങ​ളാ​യി യഹോ​വ​യു​ടെ സാക്ഷി​ക​ളു​ടെ മുഖമു​ദ്ര​യാ​ണു ദിവ്യാ​ധി​പ​ത്യ​വി​ദ്യാ​ഭ്യാ​സം. രാജ്യ​പ്ര​സം​ഗ​പ്ര​വർത്ത​ന​ത്തിൽ മുഴുവൻ സമയം പ്രവർത്തി​ക്കു​ന്ന​വർക്കു പരിശീ​ലനം നൽകാൻ പ്രത്യേ​കം സ്‌കൂ​ളു​ക​ളുണ്ട്‌. ‘ശുശ്രൂഷ നന്നായി ചെയ്‌തു​തീർക്കാൻ’ ഇത്‌ അവരെ പ്രാപ്‌ത​രാ​ക്കു​ന്നു.​—2 തിമൊ​ഥെ​യൊസ്‌ 4:5.

മുൻനി​ര​സേ​വ​ന​സ്‌കൂൾ. സാധാരണ മുൻനി​ര​സേ​വനം തുടങ്ങി​യിട്ട്‌ ഒരു വർഷമാ​യി​ട്ടു​ണ്ടെ​ങ്കിൽ ഒരു സഹോ​ദ​ര​നോ സഹോ​ദ​രി​ക്കോ ആറു ദിവസം നീളുന്ന ഈ സ്‌കൂ​ളിൽ പങ്കെടു​ക്കാം. സാധാ​ര​ണ​ഗ​തി​യിൽ, അടുത്തുള്ള ഏതെങ്കി​ലും രാജ്യ​ഹാ​ളി​ലാ​യി​രി​ക്കും സ്‌കൂൾ നടക്കുക. യഹോ​വ​യോ​ടു കൂടുതൽ അടുക്കാ​നും ശുശ്രൂ​ഷ​യു​ടെ എല്ലാ വശങ്ങളി​ലും കൂടുതൽ നന്നായി പ്രവർത്തി​ക്കാ​നും സേവന​ത്തിൽ വിശ്വ​സ്‌ത​രാ​യി തുടരാ​നും മുൻനി​ര​സേ​വ​കരെ സഹായി​ക്കു​ക​യാണ്‌ ഈ സ്‌കൂ​ളി​ന്റെ ഉദ്ദേശ്യം.

രാജ്യ​സു​വി​ശേ​ഷ​കർക്കുള്ള സ്‌കൂൾ. രണ്ടു മാസം ദൈർഘ്യ​മു​ള്ള​താണ്‌ ഈ സ്‌കൂൾ. ആവശ്യം അധിക​മു​ള്ളി​ടത്ത്‌ സേവി​ക്കു​ന്ന​തി​നു സ്വന്തം നാടും വീടും വിട്ട്‌ അകലേക്കു പോകാൻ മനസ്സുള്ള പരിച​യ​സ​മ്പ​ന്ന​രായ മുൻനി​ര​സേ​വ​കർക്കു പരിശീ​ലനം നൽകാൻ ഉദ്ദേശി​ച്ചു​ള്ള​താണ്‌ ഇത്‌. ഭൂമി​യിൽ സേവി​ച്ചി​ട്ടു​ള്ള​തി​ലേ​ക്കും ഏറ്റവും വലിയ സുവി​ശേ​ഷ​ക​നായ യേശു​ക്രി​സ്‌തു​വി​നെ ഈ മുഴു​സ​മ​യ​ശു​ശ്രൂ​ഷകർ അനുക​രി​ക്കു​ന്നു. (യോഹ​ന്നാൻ 7:29) ഫലത്തിൽ അവർ ഇങ്ങനെ പറയു​ക​യാണ്‌: “ഇതാ ഞാൻ, എന്നെ അയച്ചാ​ലും!” (യശയ്യ 6:8) വീട്ടിൽനിന്ന്‌ മാറി ദൂരെ താമസി​ക്കേ​ണ്ടി​വ​രു​മ്പോൾ ജീവിതം ലളിത​മാ​ക്കേ​ണ്ടി​വ​ന്നേ​ക്കാം. വളരെ വ്യത്യാ​സ​മു​ള്ള​താ​യി​രി​ക്കാം പുതിയ സ്ഥലത്തെ സംസ്‌കാ​ര​വും കാലാ​വ​സ്ഥ​യും ആഹാര​രീ​തി​യും എല്ലാം. ഒരുപക്ഷേ, പുതിയ ഒരു ഭാഷ​പോ​ലും പഠി​ക്കേ​ണ്ടി​വ​ന്നേ​ക്കാം. 23-നും 65-നും ഇടയ്‌ക്കു പ്രായ​മുള്ള, ദമ്പതി​മാർക്കും ഏകാകി​ക​ളായ സഹോ​ദ​ര​ന്മാർക്കും സഹോ​ദ​രി​മാർക്കും ഈ സ്‌കൂ​ളിൽ പങ്കെടു​ക്കാം. തങ്ങളുടെ നിയമ​നങ്ങൾ നിറ​വേ​റ്റാ​നുള്ള ആത്മീയ​ഗു​ണങ്ങൾ വളർത്തി​യെ​ടു​ക്കാ​നും യഹോ​വ​യ്‌ക്കും സംഘട​ന​യ്‌ക്കും ഏറെ ഉപയോ​ഗ​മു​ള്ള​വ​രാ​ക്കുന്ന വൈദ​ഗ്‌ധ്യ​ങ്ങൾ നേടി​യെ​ടു​ക്കാ​നും ഈ സ്‌കൂൾ മുൻനി​ര​സേ​വ​കരെ സഹായി​ക്കു​ന്നു.

വാച്ച്‌ട​വർ ഗിലെ​യാദ്‌ ബൈബിൾ സ്‌കൂൾ. എബ്രാ​യ​ഭാ​ഷ​യിൽ “ഗിലെ​യാദ്‌” എന്ന പദത്തിന്റെ അർഥം “സാക്ഷ്യ​ത്തി​ന്റെ കൂമ്പാരം” എന്നാണ്‌. 1943-ൽ ഗിലെ​യാദ്‌ സ്‌കൂൾ ആരംഭി​ച്ച​തു​മു​തൽ 8,000-ത്തിലധി​കം പേരാണ്‌ അവി​ടെ​നിന്ന്‌ പരിശീ​ലനം നേടി മിഷന​റി​മാ​രാ​യി പോയി​ട്ടു​ള്ളത്‌. “ഭൂമി​യു​ടെ അറ്റംവരെ” അവർ സാക്ഷ്യം നൽകി​യി​രി​ക്കു​ന്നു; അതു വലിയ വിജയം കാണു​ക​യും ചെയ്‌തി​രി​ക്കു​ന്നു! (പ്രവൃ​ത്തി​കൾ 13:47) ഉദാഹ​ര​ണ​ത്തിന്‌, ഞങ്ങളുടെ മിഷന​റി​മാ​രിൽ ചിലർ പെറു​വിൽ എത്തിയ​പ്പോൾ അവിടെ ഒരൊറ്റ സഭപോ​ലും ഉണ്ടായി​രു​ന്നില്ല. എന്നാൽ ഇന്ന്‌ അവിടെ സഭകളു​ടെ എണ്ണം 1,000 കവിഞ്ഞി​രി​ക്കു​ന്നു. അതു​പോ​ലെ, മിഷന​റി​മാർ ജപ്പാനിൽ സേവനം ആരംഭി​ക്കു​മ്പോൾ രാജ്യത്ത്‌ ആകെ പത്തിൽ താഴെ സാക്ഷി​കളേ ഉണ്ടായി​രു​ന്നു​ള്ളൂ. ഇന്നാകട്ടെ, 2,00,000-ത്തിലേ​റെ​യും! അഞ്ചുമാ​സത്തെ ഗിലെ​യാദ്‌ പരിശീ​ല​ന​പ​രി​പാ​ടി​യിൽ ദൈവ​വ​ച​ന​ത്തി​ന്റെ വിശദ​മായ പഠനം ഉൾപ്പെ​ടു​ന്നു. പ്രത്യേക മുൻനി​ര​സേ​വ​ക​രോ വയൽമി​ഷ​ന​റി​മാ​രോ ആയി സേവി​ക്കു​ന്നവർ, ബ്രാ​ഞ്ചോ​ഫീ​സു​ക​ളിൽ സേവി​ക്കു​ന്നവർ, സർക്കിട്ട്‌ വേലയി​ലു​ള്ളവർ എന്നിവരെ ഈ സ്‌കൂ​ളി​ലേക്കു ക്ഷണിക്കു​ന്നു. അവി​ടെ​നിന്ന്‌ ലഭിക്കുന്ന തീവ്ര​മായ പരിശീ​ലനം ലോക​വ്യാ​പ​ക​വേല സുസ്ഥി​ര​മാ​ക്കാ​നും ശക്തി​പ്പെ​ടു​ത്താ​നും ഉപകരി​ക്കു​ന്നു.

• മുൻനി​ര​സേ​വ​ന​സ്‌കൂ​ളി​ന്റെ ഉദ്ദേശ്യം എന്താണ്‌?

• രാജ്യ​സു​വി​ശേ​ഷ​കർക്കുള്ള സ്‌കൂ​ളിൽ ആർക്കെ​ല്ലാം പങ്കെടു​ക്കാം?