യഹോവയുടെ സാക്ഷി​ക​ളോ​ടൊ​പ്പം ബൈബിൾ പഠിച്ച​തു​കൊണ്ട്‌ നിങ്ങൾ ഇപ്പോൾ സത്യവു​മാ​യി പരിച​യ​ത്തി​ലാ​യി​ക്ക​ഴി​ഞ്ഞു. പഠിച്ച കാര്യങ്ങൾ ദൈവ​വു​മാ​യി ഒരു നല്ല ബന്ധത്തി​ലേക്കു വരാൻ നിങ്ങളെ സഹായി​ച്ചി​ട്ടു​ണ്ടെന്ന്‌ ഉറപ്പാണ്‌. ഭാവി​യിൽ ദൈവ​രാ​ജ്യ​ഭ​ര​ണ​ത്തി​ലൂ​ടെ ഭൂമി​യി​ലെ പറുദീ​സ​യിൽ നല്ലൊരു ജീവി​ത​വും ധാരാളം അനു​ഗ്ര​ഹ​ങ്ങ​ളും ആസ്വദി​ക്കാ​നാ​കു​മെന്ന പ്രത്യാ​ശ​യും നിങ്ങൾക്കു കിട്ടി. ദൈവ​ത്തി​ന്റെ വചനത്തി​ലുള്ള നിങ്ങളു​ടെ വിശ്വാ​സം ബലപ്പെട്ടു. ക്രിസ്‌തീ​യ​സ​ഭ​യു​മാ​യുള്ള സഹവാ​സ​ത്തി​ലൂ​ടെ നിങ്ങൾക്ക്‌ ഇതി​നോ​ടകം പല അനു​ഗ്ര​ഹ​ങ്ങ​ളും ലഭിച്ചു. യഹോവ ഇന്നു തന്റെ ജനത്തോട്‌ ഇടപെ​ടു​ന്നത്‌ എങ്ങനെ​യാ​ണെന്നു നന്നായി മനസ്സി​ലാ​ക്കാ​നും നിങ്ങൾക്കു കഴിഞ്ഞി​രി​ക്കു​ന്നു.​—സെഖ. 8:23.

ഇപ്പോൾ നിങ്ങൾ സ്‌നാ​ന​ത്തി​നാ​യി തയ്യാ​റെ​ടു​ക്കു​ക​യാ​ണ​ല്ലോ. അതു​കൊണ്ട്‌ അടിസ്ഥാന ക്രിസ്‌തീ​യ​വി​ശ്വാ​സങ്ങൾ ഒന്ന്‌ അവലോ​കനം ചെയ്‌തു​നോ​ക്കു​ന്നതു നന്നായി​രി​ക്കും. സഭയിലെ മൂപ്പന്മാർ അതു നിങ്ങ​ളോ​ടൊത്ത്‌ ചർച്ച​ചെ​യ്യും. (എബ്രാ. 6:1-3) യഹോ​വയെ കൂടുതൽ അറിയാ​നുള്ള നിങ്ങളു​ടെ എല്ലാ പരി​ശ്ര​മ​ങ്ങ​ളെ​യും യഹോവ അനു​ഗ്ര​ഹി​ക്കട്ടെ, വാഗ്‌ദാ​നം ചെയ്‌ത പ്രതി​ഫലം നിങ്ങൾക്കു നൽകു​ക​യും ചെയ്യട്ടെ!​—യോഹ. 17:3.

1. നിങ്ങൾക്കു സ്‌നാ​ന​പ്പെ​ട​ണ​മെന്നു തോന്നിയത്‌ എന്തുകൊണ്ടാണ്‌?

2. ആരാണ്‌ യഹോവ?

• “അതു​കൊണ്ട്‌ മീതെ ആകാശ​ത്തി​ലും താഴെ ഭൂമി​യി​ലും യഹോ​വ​തന്നെ സത്യ​ദൈവം, അല്ലാതെ മറ്റാരു​മില്ല.”​—ആവ. 4:39.

• “യഹോവ എന്നു പേരുള്ള അങ്ങ്‌ മാത്രം മുഴു​ഭൂ​മി​ക്കും മീതെ അത്യു​ന്നതൻ.”​—സങ്കീ. 83:18.

3. ദൈവ​ത്തി​ന്റെ പേര്‌ ഉപയോ​ഗി​ക്കു​ന്നതു പ്രധാ​ന​മാ​ണെന്നു നിങ്ങൾ കരുതു​ന്നത്‌ എന്തു​കൊ​ണ്ടാണ്‌?

• “എന്നാൽ നിങ്ങൾ ഈ രീതി​യിൽ പ്രാർഥി​ക്കുക: ‘സ്വർഗ​സ്ഥ​നായ ഞങ്ങളുടെ പിതാവേ, അങ്ങയുടെ പേര്‌ പരിശുദ്ധമായിരിക്കേണമേ.’”​—മത്താ. 6:9.

• “യഹോ​വ​യു​ടെ പേര്‌ വിളി​ച്ച​പേ​ക്ഷി​ക്കുന്ന എല്ലാവർക്കും രക്ഷ കിട്ടും.”​—റോമ. 10:13.

4. യഹോ​വയെ വർണി​ക്കാൻ ബൈബി​ളിൽ ഉപയോ​ഗി​ച്ചി​രി​ക്കുന്ന ചില പദപ്ര​യോ​ഗങ്ങൾ ഏതൊ​ക്കെ​യാണ്‌?

• “ഭൂമി​യു​ടെ അതിരു​കൾ സൃഷ്ടിച്ച യഹോവ എന്നു​മെ​ന്നേ​ക്കും ദൈവ​മാണ്‌.”​—യശ. 40:28.

• “സ്വർഗ​സ്ഥ​നായ ഞങ്ങളുടെ പിതാവേ.”​—മത്താ. 6:9.

• “ദൈവം സ്‌നേ​ഹ​മാണ്‌.”—1 യോഹ. 4:8.

5. ദൈവ​മായ യഹോ​വയ്‌ക്ക്‌ എന്തെല്ലാം നൽകാൻ നിങ്ങൾക്കാകും?

• “നിന്റെ ദൈവ​മായ യഹോ​വയെ നീ നിന്റെ മുഴു​ഹൃ​ദ​യ​ത്തോ​ടും നിന്റെ മുഴു​ദേ​ഹി​യോ​ടും നിന്റെ മുഴു​മ​ന​സ്സോ​ടും നിന്റെ മുഴു​ശ​ക്തി​യോ​ടും കൂടെ സ്‌നേ​ഹി​ക്കണം.”​—മർക്കോ. 12:30.

• “നിന്റെ ദൈവ​മായ യഹോ​വ​യെ​യാ​ണു നീ ആരാധി​ക്കേ​ണ്ടത്‌. ആ ദൈവത്തെ മാത്രമേ നീ സേവി​ക്കാ​വൂ എന്ന്‌ എഴുതി​യി​ട്ടുണ്ട്‌.”​—ലൂക്കോ. 4:8.

6. നിങ്ങൾ യഹോ​വ​യോ​ടു വിശ്വസ്‌തനായിരിക്കാൻ ആഗ്രഹിക്കുന്നത്‌ എന്തു​കൊ​ണ്ടാണ്‌?

• “എന്നെ നിന്ദി​ക്കു​ന്ന​വനു മറുപടി കൊടു​ക്കാൻ എനിക്കു കഴി​യേ​ണ്ട​തിന്‌, മകനേ, നീ ജ്ഞാനി​യാ​യി എന്റെ ഹൃദയത്തെ സന്തോ​ഷി​പ്പി​ക്കുക.”​—സുഭാ. 27:11.

7. നിങ്ങൾ ആരോ​ടാ​ണു പ്രാർഥി​ക്കു​ന്നത്‌, ആരുടെ നാമത്തിലാണു പ്രാർഥി​ക്കു​ന്നത്‌?

• “സത്യം​സ​ത്യ​മാ​യി ഞാൻ (യേശു) നിങ്ങ​ളോ​ടു പറയുന്നു: നിങ്ങൾ പിതാ​വി​നോട്‌ എന്തു ചോദി​ച്ചാ​ലും എന്റെ നാമത്തിൽ പിതാവ്‌ അതു നിങ്ങൾക്കു തരും.”​—യോഹ. 16:23.

8. നിങ്ങളു​ടെ പ്രാർഥ​ന​യിൽ ഉൾപ്പെ​ടു​ത്താൻ കഴിയുന്ന ചില കാര്യങ്ങൾ എന്തൊ​ക്കെ​യാണ്‌?

• “എന്നാൽ നിങ്ങൾ ഈ രീതി​യിൽ പ്രാർഥി​ക്കുക: ‘സ്വർഗ​സ്ഥ​നായ ഞങ്ങളുടെ പിതാവേ, അങ്ങയുടെ പേര്‌ പരിശു​ദ്ധ​മാ​യി​രി​ക്കേ​ണമേ. അങ്ങയുടെ രാജ്യം വരേണമേ. അങ്ങയുടെ ഇഷ്ടം സ്വർഗ​ത്തി​ലെ​പ്പോ​ലെ ഭൂമി​യി​ലും നടക്കേ​ണമേ. ഇന്നത്തേ​ക്കുള്ള ആഹാരം ഞങ്ങൾക്ക്‌ ഇന്നു തരേണമേ. ഞങ്ങളോ​ടു കടപ്പെ​ട്ടി​രി​ക്കു​ന്ന​വ​രോ​ടു ഞങ്ങൾ ക്ഷമിച്ച​തു​പോ​ലെ ഞങ്ങളുടെ കടങ്ങൾ ഞങ്ങളോ​ടും ക്ഷമി​ക്കേ​ണമേ. പ്രലോ​ഭ​ന​ത്തിൽ അകപ്പെ​ടു​ത്താ​തെ ദുഷ്ടനിൽനിന്ന്‌ ഞങ്ങളെ വിടു​വി​ക്കേ​ണമേ.’”​—മത്താ. 6:9-13.

• “ദൈവ​ത്തി​ന്റെ ഇഷ്ടത്തിനു ചേർച്ച​യിൽ എന്ത്‌ അപേക്ഷി​ച്ചാ​ലും ദൈവം നമ്മുടെ അപേക്ഷ കേൾക്കും എന്നു നമുക്ക്‌ ഉറപ്പാണ്‌.”​—1 യോഹ. 5:14.

9. യഹോവ ഒരാളു​ടെ പ്രാർഥന കേൾക്കാ​തി​രു​ന്നേ​ക്കാ​വു​ന്നത്‌ എപ്പോൾ?

• “അവർ സഹായ​ത്തി​നാ​യി യഹോ​വ​യോ​ടു കേണ​പേ​ക്ഷി​ക്കും; എന്നാൽ ദൈവം അവർക്ക്‌ ഉത്തരം കൊടു​ക്കില്ല. അവരുടെ ദുഷ്‌ചെയ്‌തി​കൾ കാരണം . . . തന്റെ മുഖം അവരിൽനിന്ന്‌ മറയ്‌ക്കും.”​—മീഖ 3:4.

• “യഹോ​വ​യു​ടെ കണ്ണു നീതി​മാ​ന്മാ​രു​ടെ മേലുണ്ട്‌; ദൈവ​ത്തി​ന്റെ ചെവി അവരുടെ ഉള്ളുരു​കി​യുള്ള പ്രാർഥ​നകൾ ശ്രദ്ധിക്കുന്നു. അതേസമയം, യഹോവ മോശ​മാ​യതു ചെയ്യു​ന്ന​വർക്കെ​തി​രാണ്‌.”​—1 പത്രോ. 3:12.

10. യേശു​ക്രിസ്‌തു ആരാണ്‌?

• “ശിമോൻ പത്രോസ്‌ പറഞ്ഞു: ‘അങ്ങ്‌ ജീവനുള്ള ദൈവ​ത്തി​ന്റെ മകനായ ക്രിസ്‌തു​വാണ്‌.’”​—മത്താ. 16:16.

11. യേശു ഭൂമി​യിൽ വന്നത്‌ എന്തിനാണ്‌?

• “മനുഷ്യ​പു​ത്രൻ വന്നതും ശുശ്രൂ​ഷി​ക്ക​പ്പെ​ടാ​നല്ല, ശുശ്രൂ​ഷി​ക്കാ​നും അനേകർക്കു​വേണ്ടി തന്റെ ജീവൻ മോച​ന​വി​ല​യാ​യി കൊടു​ക്കാ​നും ആണ്‌.”​—മത്താ. 20:28.

• “മറ്റു നഗരങ്ങ​ളി​ലും എനിക്കു ദൈവ​രാ​ജ്യ​ത്തി​ന്റെ സന്തോ​ഷ​വാർത്ത പ്രസം​ഗി​ക്കേ​ണ്ട​തുണ്ട്‌. അതിനു​വേ​ണ്ടി​യാണ്‌ എന്നെ അയച്ചി​രി​ക്കു​ന്നത്‌.”​—ലൂക്കോ. 4:43.

12. യേശു അർപ്പിച്ച ബലി​യോ​ടു നിങ്ങൾക്ക്‌ എങ്ങനെ നന്ദി കാണി​ക്കാം?

• “ക്രിസ്‌തു എല്ലാവർക്കും​വേണ്ടി മരിച്ച​തു​കൊണ്ട്‌ ജീവി​ക്കു​ന്നവർ ഇനി തങ്ങൾക്കു​വേ​ണ്ടി​യല്ല, തങ്ങൾക്കു​വേണ്ടി മരിച്ച്‌ ഉയിർപ്പി​ക്ക​പ്പെ​ട്ട​വ​നു​വേണ്ടി ജീവി​ക്കണം.”​—2 കൊരി. 5:15.

13. യേശു​വിന്‌ എത്ര​ത്തോ​ളം അധികാ​ര​മുണ്ട്‌?

• “സ്വർഗ​ത്തി​ലും ഭൂമി​യി​ലും എല്ലാ അധികാ​ര​വും എനിക്കു നൽകി​യി​രി​ക്കു​ന്നു.”​—മത്താ. 28:18.

• “ദൈവം ക്രിസ്‌തു​വി​നെ മുമ്പ​ത്തെ​ക്കാൾ ഉന്നതമായ ഒരു സ്ഥാന​ത്തേക്ക്‌ ഉയർത്തി മറ്റെല്ലാ പേരു​കൾക്കും മീതെ​യുള്ള ഒരു പേര്‌ കനിഞ്ഞു​നൽകി.”​—ഫിലി. 2:9.

14. യേശു നിയമിച്ച “വിശ്വസ്‌ത​നും വിവേ​കി​യും ആയ അടിമ” യഹോ​വ​യു​ടെ സാക്ഷി​ക​ളു​ടെ ഭരണസം​ഘ​മാ​ണെന്നു നിങ്ങൾ വിശ്വ​സി​ക്കു​ന്നു​ണ്ടോ?

• “വീട്ടു​ജോ​ലി​ക്കാർക്കു തക്കസമ​യത്ത്‌ ഭക്ഷണം കൊടു​ക്കാൻ യജമാനൻ അവരുടെ മേൽ നിയമിച്ച വിശ്വസ്‌ത​നും വിവേ​കി​യും ആയ അടിമ ആരാണ്‌?”​—മത്താ. 24:45.

15. പരിശു​ദ്ധാ​ത്മാവ്‌ ഒരു വ്യക്തി​യാ​ണോ?

• “അപ്പോൾ ദൂതൻ മറിയ​യോ​ടു പറഞ്ഞു: ‘പരിശു​ദ്ധാ​ത്മാവ്‌ നിന്റെ മേൽ വരും. അത്യു​ന്ന​തന്റെ ശക്തി നിന്റെ മേൽ നിഴലിടും. അക്കാരണത്താൽ, ജനിക്കാ​നി​രി​ക്കു​ന്നവൻ വിശുദ്ധനെന്ന്‌, ദൈവ​ത്തി​ന്റെ മകനെന്ന്‌, വിളിക്കപ്പെടും.’”​—ലൂക്കോ. 1:35.

• “മക്കൾക്കു നല്ല സമ്മാനങ്ങൾ കൊടു​ക്കാൻ ദുഷ്ടന്മാ​രായ നിങ്ങൾക്ക്‌ അറിയാ​മെ​ങ്കിൽ സ്വർഗ​സ്ഥ​നായ പിതാവ്‌ തന്നോടു ചോദി​ക്കു​ന്ന​വർക്കു പരിശു​ദ്ധാ​ത്മാ​വി​നെ എത്രയ​ധി​കം കൊടു​ക്കും!”​—ലൂക്കോ. 11:13.

16. യഹോവ തന്റെ പരിശു​ദ്ധാ​ത്മാ​വി​നെ ഏതൊക്കെ കാര്യങ്ങൾക്ക്‌ ഉപയോ​ഗി​ച്ചി​ട്ടുണ്ട്‌?

• “യഹോ​വ​യു​ടെ വചനത്താൽ ആകാശം ഉണ്ടായി; ദൈവ​ത്തി​ന്റെ വായിൽനിന്ന്‌ പുറപ്പെട്ട ആത്മാവി​നാൽ അതിലു​ള്ള​തെ​ല്ലാം നിർമി​ത​മാ​യി.”​—സങ്കീ. 33:6.

• “പരിശു​ദ്ധാ​ത്മാവ്‌ നിങ്ങളു​ടെ മേൽ വരു​മ്പോൾ നിങ്ങൾക്കു ശക്തി കിട്ടും. അങ്ങനെ നിങ്ങൾ . . . ഭൂമി​യു​ടെ അതിവി​ദൂ​ര​ഭാ​ഗ​ങ്ങൾവ​രെ​യും എന്റെ സാക്ഷി​ക​ളാ​യി​രി​ക്കും.”​—പ്രവൃ. 1:8.

• “തിരു​വെ​ഴു​ത്തി​ലെ പ്രവച​ന​മൊ​ന്നും ആരും സ്വന്തമാ​യി വ്യാഖ്യാ​നി​ച്ചു​ണ്ടാ​ക്കി​യതല്ല . . . പ്രവചനം ഒരിക്ക​ലും മനുഷ്യ​ന്റെ ഇഷ്ടത്താൽ വന്നതല്ല; പകരം പരിശു​ദ്ധാ​ത്മാ​വി​നാൽ പ്രചോ​ദി​ത​രാ​യി ദൈവ​ത്തിൽനി​ന്നുള്ള അരുള​പ്പാ​ടു​കൾ മനുഷ്യർ പ്രസ്‌താ​വി​ച്ച​താണ്‌.”​—2 പത്രോ. 1:20, 21.

17. എന്താണു ദൈവ​രാ​ജ്യം?

• “സ്വർഗ​സ്ഥ​നായ ദൈവം ഒരിക്ക​ലും നശിച്ചു​പോ​കാത്ത ഒരു രാജ്യം സ്ഥാപി​ക്കും. ആ രാജ്യം മറ്റൊരു ജനതയ്‌ക്കും കൈമാ​റില്ല. ഈ രാജ്യ​ങ്ങ​ളെ​യെ​ല്ലാം തകർത്ത്‌ ഇല്ലാതാ​ക്കി​യിട്ട്‌ അതു മാത്രം എന്നും നിലനിൽക്കും.”​—ദാനി. 2:44.

18. ദൈവ​രാ​ജ്യ​ത്തി​ലൂ​ടെ നിങ്ങൾക്ക്‌ എന്തെല്ലാം പ്രയോജനങ്ങൾ ലഭിക്കും?

• “ദൈവം അവരുടെ കണ്ണുക​ളിൽനിന്ന്‌ കണ്ണീ​രെ​ല്ലാം തുടച്ചു​ക​ള​യും. മേലാൽ മരണം ഉണ്ടായി​രി​ക്കില്ല; ദുഃഖ​മോ നിലവി​ളി​യോ വേദന​യോ ഉണ്ടായി​രി​ക്കില്ല. പഴയ​തെ​ല്ലാം കഴിഞ്ഞു​പോ​യി!”​—വെളി. 21:4.

19. ദൈവ​രാ​ജ്യ​ത്തി​ലെ അനു​ഗ്ര​ഹങ്ങൾ പെട്ടെ​ന്നു​തന്നെ ലഭിക്കു​മെന്ന്‌ നിങ്ങൾക്ക്‌ എങ്ങനെ അറിയാം?

• “ശിഷ്യ​ന്മാർ തനിച്ച്‌ യേശു​വി​ന്റെ അടുത്ത്‌ ചെന്ന്‌ ഇങ്ങനെ ചോദി​ച്ചു: ‘ഇതെല്ലാം എപ്പോ​ഴാ​യി​രി​ക്കും സംഭവി​ക്കുക? അങ്ങയുടെ സാന്നി​ധ്യ​ത്തി​ന്റെ​യും വ്യവസ്ഥി​തി അവസാ​നി​ക്കാൻപോ​കു​ന്നു എന്നതി​ന്റെ​യും അടയാളം എന്തായി​രി​ക്കും, ഞങ്ങൾക്കു പറഞ്ഞു​ത​രാ​മോ?’ അപ്പോൾ യേശു അവരോ​ടു പറഞ്ഞു: ‘. . . ജനത ജനതയ്‌ക്ക്‌ എതി​രെ​യും രാജ്യം രാജ്യ​ത്തിന്‌ എതി​രെ​യും എഴു​ന്നേൽക്കും. ഒന്നിനു പുറകേ ഒന്നായി പല സ്ഥലങ്ങളിൽ ഭക്ഷ്യക്ഷാ​മ​ങ്ങ​ളും ഭൂകമ്പ​ങ്ങ​ളും ഉണ്ടാകും. ദൈവ​രാ​ജ്യ​ത്തി​ന്റെ ഈ സന്തോ​ഷ​വാർത്ത എല്ലാ ജനതക​ളും അറിയാ​നാ​യി ഭൂലോ​ക​ത്തെ​ങ്ങും പ്രസം​ഗി​ക്ക​പ്പെ​ടും. അപ്പോൾ അവസാനം വരും.’”​—മത്താ. 24:3, 4, 7, 14.

• “അവസാ​ന​കാ​ലത്ത്‌ ബുദ്ധി​മു​ട്ടു നിറഞ്ഞ സമയങ്ങൾ ഉണ്ടാകു​മെന്നു മനസ്സി​ലാ​ക്കി​ക്കൊ​ള്ളുക. കാരണം മനുഷ്യർ സ്വസ്‌നേ​ഹി​ക​ളും പണക്കൊ​തി​യ​ന്മാ​രും പൊങ്ങ​ച്ച​ക്കാ​രും ധാർഷ്ട്യ​മു​ള്ള​വ​രും ദൈവ​നി​ന്ദ​ക​രും മാതാ​പി​താ​ക്കളെ അനുസ​രി​ക്കാ​ത്ത​വ​രും നന്ദിയി​ല്ലാ​ത്ത​വ​രും വിശ്വ​സി​ക്കാൻ കൊള്ളാ​ത്ത​വ​രും സഹജസ്‌നേ​ഹ​മി​ല്ലാ​ത്ത​വ​രും ഒരു കാര്യ​ത്തോ​ടും യോജി​ക്കാ​ത്ത​വ​രും പരദൂ​ഷണം പറയു​ന്ന​വ​രും ആത്മനി​യ​ന്ത്ര​ണ​മി​ല്ലാ​ത്ത​വ​രും ക്രൂര​ന്മാ​രും നന്മ ഇഷ്ടപ്പെ​ടാ​ത്ത​വ​രും ചതിയ​ന്മാ​രും തന്നിഷ്ട​ക്കാ​രും അഹങ്കാ​ര​ത്താൽ ചീർത്ത​വ​രും ദൈവത്തെ സ്‌നേ​ഹി​ക്കു​ന്ന​തി​നു പകരം ജീവി​ത​സു​ഖങ്ങൾ പ്രിയ​പ്പെ​ടു​ന്ന​വ​രും ഭക്തിയു​ടെ വേഷം കെട്ടു​ന്നെ​ങ്കി​ലും അതിന്റെ ശക്തിക്കു ചേർന്ന വിധത്തിൽ ജീവി​ക്കാ​ത്ത​വ​രും ആയിരി​ക്കും.”​—2 തിമൊ. 3:1-5.

20. ദൈവ​രാ​ജ്യ​ത്തെ വളരെ പ്രധാ​ന​പ്പെ​ട്ട​താ​യി കാണു​ന്നെന്ന്‌ നിങ്ങൾക്ക്‌ എങ്ങനെ തെളി​യി​ക്കാം?

• “അതു​കൊണ്ട്‌ ദൈവ​രാ​ജ്യ​ത്തി​നും ദൈവ​നീ​തി​ക്കും എപ്പോ​ഴും ഒന്നാം സ്ഥാനം കൊടു​ക്കുക.”​—മത്താ. 6:33.

• “പിന്നെ യേശു ശിഷ്യ​ന്മാ​രോ​ടു പറഞ്ഞു: ‘എന്റെ അനുഗാ​മി​യാ​കാൻ ആഗ്രഹി​ക്കു​ന്നവൻ സ്വയം ത്യജിച്ച്‌ തന്റെ ദണ്ഡനസ്‌തം​ഭം എടുത്ത്‌ എന്നെ അനുഗ​മി​ക്കട്ടെ.’”​—മത്താ. 16:24.

21. സാത്താ​നും ഭൂതങ്ങ​ളും ആരാണ്‌?

• “നിങ്ങൾ നിങ്ങളു​ടെ പിതാ​വായ പിശാ​ചിൽനി​ന്നു​ള്ളവർ. . . . അവൻ ആദ്യം​മു​തലേ ഒരു കൊല​പാ​ത​കി​യാ​യി​രു​ന്നു.”​—യോഹ. 8:44.

• “ഈ വലിയ ഭീകര​സർപ്പത്തെ, അതായത്‌ ഭൂലോ​കത്തെ മുഴുവൻ വഴി​തെ​റ്റി​ക്കുന്ന പിശാച്‌ എന്നും സാത്താൻ എന്നും അറിയ​പ്പെ​ടുന്ന ആ പഴയ പാമ്പിനെ, താഴെ ഭൂമി​യി​ലേക്കു വലി​ച്ചെ​റി​ഞ്ഞു. അവനെ​യും അവന്റെ​കൂ​ടെ അവന്റെ ദൂതന്മാ​രെ​യും താഴേക്ക്‌ എറിഞ്ഞു.”​—വെളി. 12:9.

22. സാത്താൻ യഹോ​വ​യെ​ക്കു​റി​ച്ചും യഹോവയെ ആരാധിക്കുന്നവരെക്കുറിച്ചും എന്ത്‌ ആരോപണമാണ്‌ ഉന്നയിച്ചിരിക്കുന്നത്‌?

• “സ്‌ത്രീ സർപ്പ​ത്തോട്‌: ‘തോട്ട​ത്തി​ലെ മരങ്ങളു​ടെ പഴം ഞങ്ങൾക്കു തിന്നാം. എന്നാൽ തോട്ട​ത്തി​നു നടുവി​ലുള്ള മരത്തിലെ പഴത്തെ​ക്കു​റിച്ച്‌ ദൈവം ഇങ്ങനെ പറഞ്ഞി​ട്ടുണ്ട്‌: “നിങ്ങൾ അതിൽനിന്ന്‌ തിന്നരുത്‌, അതു തൊടാൻപോ​ലും പാടില്ല. അങ്ങനെ ചെയ്‌താൽ നിങ്ങൾ മരിക്കും.”’ അപ്പോൾ സർപ്പം സ്‌ത്രീ​യോ​ടു പറഞ്ഞു: ‘നിങ്ങൾ മരിക്കില്ല, ഉറപ്പ്‌! അതിൽനിന്ന്‌ തിന്നുന്ന ആ ദിവസം​തന്നെ നിങ്ങളു​ടെ കണ്ണുകൾ തുറക്കു​മെ​ന്നും നിങ്ങൾ ശരിയും തെറ്റും അറിയു​ന്ന​വ​രാ​യി ദൈവ​ത്തെ​പ്പോ​ലെ​യാ​കു​മെ​ന്നും ദൈവ​ത്തിന്‌ അറിയാം.’”​—ഉൽപ. 3:2-5.

• “സാത്താൻ യഹോ​വ​യോ​ടു മറുപടി പറഞ്ഞു: ‘തൊലി​ക്കു പകരം തൊലി! സ്വന്തം ജീവൻ രക്ഷിക്കാൻ മനുഷ്യൻ തനിക്കു​ള്ള​തെ​ല്ലാം കൊടു​ക്കും.’”​—ഇയ്യോ. 2:4.

23. സാത്താന്റെ ആരോ​പ​ണങ്ങൾ നുണയാണെന്നു നിങ്ങൾക്ക്‌ എങ്ങനെ തെളി​യി​ക്കാം?

• ‘പൂർണ​ഹൃ​ദ​യ​ത്തോ​ടെ ദൈവത്തെ സേവി​ക്കുക.’​—1 ദിന. 28:9.

• “മരണം​വരെ ദൈവ​ത്തോ​ടുള്ള വിശ്വസ്‌തത ഞാൻ ഉപേക്ഷി​ക്കില്ല!”​—ഇയ്യോ. 27:5.

24. എന്തു​കൊ​ണ്ടാ​ണു മനുഷ്യർ മരിക്കു​ന്നത്‌?

• “ഒരു മനുഷ്യ​നി​ലൂ​ടെ പാപവും പാപത്തി​ലൂ​ടെ മരണവും ലോക​ത്തിൽ കടന്നു. അങ്ങനെ എല്ലാവ​രും പാപം ചെയ്‌ത​തു​കൊണ്ട്‌ മരണം എല്ലാ മനുഷ്യ​രി​ലേ​ക്കും വ്യാപി​ച്ചു.”​—റോമ. 5:12.

25. മരിച്ച​വ​രു​ടെ അവസ്ഥ എന്താണ്‌?

• “ജീവി​ച്ചി​രി​ക്കു​ന്നവർ തങ്ങൾ മരിക്കു​മെന്ന്‌ അറിയു​ന്നു. പക്ഷേ മരിച്ചവർ ഒന്നും അറിയു​ന്നില്ല.”​—സഭാ. 9:5.

26. മരിച്ചു​പോ​യ​വർക്ക്‌ എന്തു പ്രത്യാ​ശ​യുണ്ട്‌?

• ‘നീതി​മാ​ന്മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും.’​—പ്രവൃ. 24:15.

27. യേശു​വി​ന്റെ​കൂ​ടെ ഭരിക്കാൻ എത്ര പേരാണു സ്വർഗ​ത്തി​ലേക്കു പോകു​ന്നത്‌?

• “അതാ, സീയോൻ പർവത​ത്തിൽ കുഞ്ഞാടു നിൽക്കു​ന്നു! നെറ്റി​യിൽ കുഞ്ഞാ​ടി​ന്റെ പേരും പിതാ​വി​ന്റെ പേരും എഴുതി​യി​രി​ക്കുന്ന 1,44,000 പേർ കുഞ്ഞാ​ടി​നൊ​പ്പം നിൽക്കു​ന്നു​ണ്ടാ​യി​രു​ന്നു.”​—വെളി. 14:1.

ബൈബിൾപ​ഠ​ന​ത്തി​ലൂ​ടെ, യഹോവ നിങ്ങളിൽനിന്ന്‌ ആവശ്യ​പ്പെ​ടു​ന്നത്‌ എന്താ​ണെ​ന്നും യഹോ​വ​യു​ടെ നീതി​യുള്ള നിലവാ​ര​ങ്ങൾക്ക്‌ ഒപ്പം എത്തുന്നത്‌ എങ്ങനെ​യാ​ണെ​ന്നും നിങ്ങൾക്ക്‌ അറിയാൻ കഴിഞ്ഞു. പഠിച്ച കാര്യങ്ങൾ നടപ്പി​ലാ​ക്കാ​നുള്ള ആഗ്രഹം നിമിത്തം സ്വഭാ​വ​ത്തി​ലും പെരു​മാ​റ്റ​ത്തി​ലും നിങ്ങൾ കുറെ​യേറെ മാറ്റങ്ങൾ വരുത്തി​യി​ട്ടു​ണ്ടാ​കും. ജീവി​ത​ത്തോ​ടുള്ള നിങ്ങളു​ടെ കാഴ്‌ച​പ്പാ​ടു​തന്നെ മാറി​ക്കാ​ണി​ല്ലേ? അങ്ങനെ, യഹോ​വ​യു​ടെ നീതി​യുള്ള നിലവാ​ര​ങ്ങൾക്ക​നു​സ​രിച്ച്‌ ജീവി​ക്കാൻ തീരു​മാ​ന​മെ​ടു​ത്തി​രി​ക്കു​ക​യാ​ണു നിങ്ങൾ ഇപ്പോൾ. സന്തോ​ഷ​വാർത്ത​യു​ടെ ഒരു ശുശ്രൂ​ഷ​ക​നാ​യി സ്വീകാ​ര്യ​മായ വിധത്തിൽ ദൈവത്തെ സേവി​ക്കാൻ പറ്റുന്ന ഒരു സ്ഥാനത്താ​ണു നിങ്ങൾ.

താഴെ കൊടു​ക്കുന്ന ചോദ്യ​ങ്ങൾ അവലോ​കനം ചെയ്യു​ന്നത്‌ യഹോ​വ​യു​ടെ നീതി​യുള്ള വ്യവസ്ഥകൾ മനസ്സിൽ വ്യക്തമാ​യി പതിപ്പി​ക്കാൻ നിങ്ങളെ സഹായി​ക്കും. ദൈവ​ത്തി​ന്റെ ഒരു അംഗീ​കൃ​ത​ദാ​സ​നാ​യി​രി​ക്കാൻ ചെയ്യേണ്ട ചില കാര്യ​ങ്ങ​ളെ​ക്കു​റിച്ച്‌ നിങ്ങളെ ഓർമി​പ്പി​ക്കാ​നും അവ ഉതകും. ഇനി ചർച്ച ചെയ്യാൻ പോകുന്ന വിവരങ്ങൾ, ഒരു നല്ല മനസ്സാ​ക്ഷി​യോ​ടെ​യും യഹോ​വയെ ആദരി​ക്കുന്ന വിധത്തി​ലും കാര്യ​ങ്ങ​ളെ​ല്ലാം ചെയ്യേ​ണ്ട​തി​ന്റെ പ്രാധാ​ന്യം നന്നായി മനസ്സി​ലാ​ക്കാൻ നിങ്ങളെ സഹായി​ക്കും.​—2 കൊരി. 1:12; 1 തിമൊ. 1:19; 1 പത്രോ. 3:16, 21.

നിങ്ങളു​ടെ പഠനം ഇത്ര​ത്തോ​ളം പുരോ​ഗ​മിച്ച സ്ഥിതിക്ക്‌, യഹോ​വ​യു​ടെ ഭരണത്തി​നു കീഴ്‌പെ​ടാ​നും യഹോ​വ​യു​ടെ സംഘട​ന​യു​ടെ ഭാഗമാ​യി​ത്തീ​രാ​നും നിങ്ങൾക്കു വളരെ​യേറെ ആഗ്രഹ​മു​ണ്ടാ​യി​രി​ക്കും. അതിനു നിങ്ങൾ സഭയി​ലും കുടും​ബ​ത്തി​ലും ഈ വ്യവസ്ഥി​തി​യി​ലെ രാഷ്‌ട്രീ​യ​ഘ​ട​ക​ങ്ങ​ളോ​ടുള്ള ബന്ധത്തി​ലും യഹോവ വെച്ചി​രി​ക്കുന്ന ക്രമീ​ക​ര​ണ​ങ്ങൾക്കു കീഴ്‌പെ​ട്ടി​രി​ക്കേ​ണ്ട​തുണ്ട്‌. അതി​നെ​ക്കു​റി​ച്ചുള്ള നിങ്ങളു​ടെ ഗ്രാഹ്യം പരി​ശോ​ധി​ക്കാൻ സഹായി​ക്കുന്ന ചോദ്യ​ങ്ങ​ളും തിരു​വെ​ഴു​ത്തു​പ​രാ​മർശ​ങ്ങ​ളു​മാണ്‌ ഈ ഭാഗത്തു​ള്ളത്‌. തന്റെ ജനത്തെ പഠിപ്പി​ക്കാ​നും അവരുടെ വിശ്വാ​സം ശക്തമാ​ക്കാ​നും യഹോവ ചെയ്‌തി​രി​ക്കുന്ന ക്രമീ​ക​ര​ണ​ങ്ങ​ളോ​ടുള്ള നിങ്ങളു​ടെ വിലമ​തിപ്പ്‌ വർധി​പ്പി​ക്കാൻ ഈ ഭാഗം സഹായി​ക്കും. അതിനാ​യി യഹോവ ചെയ്‌തി​രി​ക്കുന്ന ഒരു ക്രമീ​ക​ര​ണ​മാ​ണു സഭാ​യോ​ഗങ്ങൾ. ആ യോഗ​ങ്ങൾക്കു ഹാജരാ​കാ​നും അതിൽ പങ്കുപ​റ്റാ​നും സാഹച​ര്യം അനുവ​ദി​ക്കു​ന്ന​ത​നു​സ​രിച്ച്‌ നിങ്ങൾ ശ്രമി​ക്കു​മെന്ന്‌ ഞങ്ങൾക്ക്‌ അറിയാം. കൂടാതെ, രാജ്യ​പ്ര​സം​ഗ​പ്ര​വർത്ത​ന​ത്തിൽ ക്രമമായ ഒരു പങ്കുണ്ടാ​യി​രി​ക്കേ​ണ്ട​തി​ന്റെ പ്രാധാ​ന്യ​വും ഈ ഭാഗത്ത്‌ ചർച്ച ചെയ്യും. ആ പ്രവർത്ത​ന​ത്തി​ലൂ​ടെ, യഹോ​വയെ അറിയാ​നും മനുഷ്യ​കു​ല​ത്തി​നു​വേണ്ടി യഹോവ ചെയ്യാൻപോ​കുന്ന കാര്യ​ങ്ങ​ളെ​ക്കു​റിച്ച്‌ മനസ്സി​ലാ​ക്കാ​നും ആളുകളെ സഹായി​ക്കാ​നാ​കും. (മത്താ. 24:14; 28:19, 20) അവസാ​ന​മാ​യി, ദൈവ​മായ യഹോ​വയ്‌ക്കു നിങ്ങ​ളെ​ത്തന്നെ സമർപ്പിച്ച്‌, സ്‌നാ​ന​മേൽക്കു​ന്നത്‌ എത്ര ഗൗരവ​മുള്ള ഒരു കാര്യ​മാ​ണെന്നു മനസ്സി​ലാ​ക്കാ​നും ഈ ഭാഗം നിങ്ങളെ സഹായി​ക്കും. യഹോവ നിങ്ങ​ളോ​ടു കാണി​ച്ചി​രി​ക്കുന്ന അനർഹ​ദ​യയെ നിങ്ങൾ വിലമ​തി​ക്കു​ന്നതു കാണു​മ്പോൾ യഹോ​വ​യു​ടെ ഹൃദയം ഉറപ്പാ​യും സന്തോ​ഷി​ക്കും.

1. വിവാഹം സംബന്ധി​ച്ചുള്ള ക്രിസ്‌തീ​യ​നി​ല​വാ​രം എന്താണ്‌? വിവാ​ഹ​മോ​ചനം നേടാ​നുള്ള ഒരേ ഒരു തിരു​വെ​ഴു​ത്ത​ടി​സ്ഥാ​നം എന്താണ്‌?

• “ആദിയിൽ അവരെ സൃഷ്ടി​ച്ചവൻ ആണും പെണ്ണും ആയി അവരെ സൃഷ്ടി​ച്ചെ​ന്നും ‘അതു​കൊണ്ട്‌ പുരുഷൻ അപ്പനെ​യും അമ്മയെ​യും വിട്ട്‌ ഭാര്യ​യോ​ടു പറ്റി​ച്ചേ​രും; അവർ രണ്ടു പേരും ഒരു ശരീര​മാ​യി​ത്തീ​രും’ എന്നു പറഞ്ഞെ​ന്നും നിങ്ങൾ വായി​ച്ചി​ട്ടി​ല്ലേ? അതിനാൽ അവർ പിന്നെ രണ്ടല്ല, ഒരു ശരീര​മാണ്‌. അതു​കൊണ്ട്‌ ദൈവം കൂട്ടി​ച്ചേർത്ത​തി​നെ ഒരു മനുഷ്യ​നും വേർപെ​ടു​ത്താ​തി​രി​ക്കട്ടെ. . . .ലൈം​ഗിക അധാർമി​ക​ത​യാ​ണു വിവാ​ഹ​മോ​ച​ന​ത്തി​നുള്ള ഒരേ ഒരു അടിസ്ഥാ​നം. അതല്ലാതെ വേറെ ഏതു കാരണം പറഞ്ഞും ഭാര്യയെ വിവാ​ഹ​മോ​ചനം ചെയ്‌ത്‌ മറ്റൊ​രു​വളെ വിവാഹം കഴിക്കു​ന്നവൻ വ്യഭി​ചാ​രം ചെയ്യുന്നു.”​—മത്താ. 19:4-6, 9.

2. ഭാര്യാ​ഭർത്താ​ക്ക​ന്മാ​രാ​യി ഒരുമിച്ച്‌ താമസി​ക്കു​ന്നവർ നിയമ​പ​ര​മാ​യി വിവാ​ഹി​ത​രാ​യി​രി​ക്കേ​ണ്ടത്‌ എന്തു​കൊണ്ട്‌? നിങ്ങൾ വിവാ​ഹി​ത​നാ​ണെ​ങ്കിൽ, നിങ്ങളു​ടെ വിവാഹം നിയമാ​നു​സൃ​ത​വും ഗവൺമെന്റ്‌ അംഗീ​കാ​ര​മു​ള്ള​തും ആണെന്ന്‌ ഉറപ്പു​ണ്ടോ?

• ‘ഗവൺമെ​ന്റു​കൾക്കും അധികാ​ര​ങ്ങൾക്കും കീഴ്‌പെ​ട്ടി​രു​ന്നു​കൊണ്ട്‌ അനുസ​രണം കാണി​ക്കാൻ . . . അവരെ തുടർന്നും ഓർമി​പ്പി​ക്കണം.’​—തീത്തോ. 3:1, 2.

• “വിവാ​ഹത്തെ എല്ലാവ​രും ആദരണീ​യ​മാ​യി കാണണം; വിവാ​ഹശയ്യ പരിശു​ദ്ധ​വു​മാ​യി​രി​ക്കണം. കാരണം അധാർമി​ക​പ്ര​വൃ​ത്തി​കൾ ചെയ്യു​ന്ന​വ​രെ​യും വ്യഭി​ചാ​രി​ക​ളെ​യും ദൈവം വിധി​ക്കും.”​—എബ്രാ. 13:4.

3. കുടും​ബ​ത്തിൽ നിങ്ങളു​ടെ സ്ഥാനവും കർത്തവ്യവും എന്താണ്‌?

• “എന്റെ മകനേ, അപ്പന്റെ ശിക്ഷണം ശ്രദ്ധി​ക്കുക; അമ്മയുടെ ഉപദേശം തള്ളിക്ക​ള​യ​രുത്‌.”​—സുഭാ. 1:8.

• ‘ക്രിസ്‌തു സഭയുടെ തലയാ​യി​രി​ക്കു​ന്ന​തു​പോ​ലെ ഭർത്താവ്‌ ഭാര്യ​യു​ടെ തലയാണ്‌. സഭയെ സ്‌നേ​ഹിച്ച ക്രിസ്‌തു​വി​നെ​പ്പോ​ലെ ഭർത്താക്കന്മാരേ, നിങ്ങളു​ടെ ഭാര്യ​മാ​രെ എന്നും സ്‌നേഹിക്കുക.’​—എഫെ. 5:23, 25.

• “പിതാ​ക്ക​ന്മാ​രേ, നിങ്ങളു​ടെ മക്കളെ പ്രകോ​പി​പ്പി​ക്കാ​തെ യഹോ​വ​യു​ടെ ശിക്ഷണ​ത്തി​ലും ഉപദേ​ശ​ത്തി​ലും വളർത്തി​ക്കൊ​ണ്ടു​വ​രുക.”​—എഫെ. 6:4.

• “മക്കളേ, എല്ലാ കാര്യ​ങ്ങ​ളി​ലും നിങ്ങളു​ടെ മാതാ​പി​താ​ക്കളെ അനുസ​രി​ക്കുക. കാരണം ഇതു കർത്താ​വി​നു വലിയ ഇഷ്ടമുള്ള കാര്യമാണ്‌.”​—കൊലോ. 3:20.

• “ഭാര്യ​മാ​രേ, നിങ്ങളു​ടെ ഭർത്താ​ക്ക​ന്മാർക്കു കീഴ്‌പെ​ട്ടി​രി​ക്കുക.”​—1 പത്രോ. 3:1.

4. ജീവ​നോ​ടു നമ്മൾ ആദരവ്‌ കാണിക്കേണ്ടത്‌ എന്തുകൊണ്ട്‌?

• ‘ദൈവം . . . എല്ലാവർക്കും ജീവനും ശ്വാസ​വും മറ്റു സകലവും നൽകുന്നു. ദൈവം കാരണ​മാ​ണ​ല്ലോ നമ്മൾ ജീവി​ക്കു​ക​യും ചലിക്കു​ക​യും നിലനിൽക്കു​ക​യും ചെയ്യു​ന്നത്‌.’​—പ്രവൃ. 17:25, 28.

5. എന്തു​കൊ​ണ്ടാ​ണു നമ്മൾ ആരെയും കൊല്ല​രു​താ​ത്തത്‌, ഒരു ഗർഭസ്ഥ​ശി​ശു​വി​നെ​പ്പോ​ലും?

• “മനുഷ്യർ തമ്മിലു​ണ്ടായ മല്‌പി​ടി​ത്ത​ത്തി​നി​ടെ, ഗർഭി​ണി​യായ ഒരു സ്‌ത്രീ​ക്കു ക്ഷതമേ​റ്റിട്ട്‌ . . . ജീവഹാ​നി സംഭവി​ച്ചെ​ങ്കിൽ നീ ജീവനു പകരം ജീവൻ കൊടു​ക്കണം.”​—പുറ. 21:22, 23.

• “ഞാൻ വെറു​മൊ​രു ഭ്രൂണ​മാ​യി​രു​ന്ന​പ്പോൾ അങ്ങയുടെ കണ്ണുകൾ എന്നെ കണ്ടു; അതിന്റെ ഭാഗങ്ങ​ളെ​ല്ലാം​—അവയിൽ ഒന്നു​പോ​ലും ഉണ്ടാകു​ന്ന​തി​നു മുമ്പേ അവ രൂപം​കൊ​ള്ളുന്ന ദിവസ​ങ്ങൾപോ​ലും​—അങ്ങയുടെ പുസ്‌ത​ക​ത്തിൽ രേഖ​പ്പെ​ടു​ത്തി​യി​രു​ന്നു.”​—സങ്കീ. 139:16.

• ‘നിരപ​രാ​ധി​ക​ളു​ടെ രക്തം ചൊരി​യുന്ന കൈകൾ യഹോവ വെറു​ക്കു​ന്നു.’​—സുഭാ. 6:16, 17.

6. രക്തത്തെ​ക്കു​റി​ച്ചുള്ള ദൈവ​ത്തി​ന്റെ കല്‌പന എന്താണ്‌?

• “രക്തം, ശ്വാസം​മു​ട്ടി ചത്തത്‌ . . . എന്നിവ ഒഴിവാ​ക്കുക.”​—പ്രവൃ. 15:29.

7. നമ്മൾ നമ്മുടെ ക്രിസ്‌തീയ സഹോ​ദ​രീ​സ​ഹോ​ദ​ര​ന്മാ​രെ സ്‌നേ​ഹി​ക്കേ​ണ്ടത്‌ എന്തു​കൊണ്ട്‌?

• “നിങ്ങൾ തമ്മിൽത്ത​മ്മിൽ സ്‌നേ​ഹി​ക്കണം എന്ന ഒരു പുതിയ കല്‌പന ഞാൻ നിങ്ങൾക്കു തരുക​യാണ്‌. ഞാൻ നിങ്ങളെ സ്‌നേ​ഹി​ച്ച​തു​പോ​ലെ​തന്നെ നിങ്ങളും തമ്മിൽത്ത​മ്മിൽ സ്‌നേ​ഹി​ക്കണം. നിങ്ങളു​ടെ ഇടയിൽ സ്‌നേ​ഹ​മു​ണ്ടെ​ങ്കിൽ, നിങ്ങൾ എന്റെ ശിഷ്യ​ന്മാ​രാ​ണെന്ന്‌ എല്ലാവ​രും അറിയും.”​—യോഹ. 13:34, 35.

8. പകരു​ന്ന​തോ മാരക​മാ​യി​ത്തീർന്നേ​ക്കാ​വു​ന്ന​തോ ആയ രോഗം മറ്റുള്ള​വ​രി​ലേക്കു പടരാ​തി​രി​ക്കാ​നാ​യി, (എ) രോഗ​ബാ​ധ​യുള്ള വ്യക്തി ആലിം​ഗ​ന​മോ ചുംബ​ന​മോ പോലുള്ള സ്‌നേ​ഹ​പ്ര​ക​ട​ന​ങ്ങൾക്കു മുൻകൈ എടുക്ക​രു​താ​ത്തത്‌ എന്തു​കൊണ്ട്‌? (ബി) സഹോ​ദ​രങ്ങൾ മറ്റുള്ള​വരെ വീട്ടി​ലേക്കു ക്ഷണിക്കു​മ്പോൾ അദ്ദേഹത്തെ ഒഴിവാ​ക്കി​യ​തി​നെ​പ്രതി മുഷി​യ​രു​താ​ത്തത്‌ എന്തു​കൊണ്ട്‌? (സി) പകരുന്ന ഒരു രോഗം പിടി​പെ​ട്ടി​രി​ക്കാ​വുന്ന ഒരു വ്യക്തി വിവാഹം കഴിക്കു​ന്ന​തി​നെ​ക്കു​റിച്ച്‌ ചിന്തി​ക്കു​ന്നു​ണ്ടെ​ങ്കിൽ സ്വമന​സ്സാ​ലെ രക്തപരി​ശോ​ധ​നയ്‌ക്കു വിധേ​യ​നാ​കേ​ണ്ടത്‌ എന്തു​കൊണ്ട്‌? (ഡി) പകർച്ച​വ്യാ​ധി​യുള്ള ഒരു വ്യക്തി ആ വിവരം സ്‌നാ​ന​മേൽക്കു​ന്ന​തി​നു മുമ്പ്‌ മൂപ്പന്മാ​രു​ടെ സംഘത്തി​ന്റെ ഏകോ​പ​കനെ അറിയി​ക്കേ​ണ്ടത്‌ എന്തു​കൊണ്ട്‌?

• “അന്യോ​ന്യ​മുള്ള സ്‌നേ​ഹ​ത്തി​ന്റെ കാര്യ​ത്തി​ല​ല്ലാ​തെ നിങ്ങൾ ആരോ​ടും ഒന്നിനും കടപ്പെ​ട്ടി​രി​ക്ക​രുത്‌. . . . ‘നിന്റെ അയൽക്കാ​രനെ നിന്നെ​പ്പോ​ലെ​തന്നെ സ്‌നേ​ഹി​ക്കണം’ . . . സ്‌നേഹം അയൽക്കാ​രനു ദോഷം ചെയ്യു​ന്നില്ല.”​—റോമ. 13:8-10.

• “നിങ്ങൾ സ്വന്തം താത്‌പ​ര്യം മാത്രം നോക്കാ​തെ മറ്റുള്ള​വ​രു​ടെ താത്‌പ​ര്യ​വും​കൂ​ടെ നോക്കണം.”​—ഫിലി. 2:4.

9. നമ്മൾ മറ്റുള്ള​വ​രോ​ടു ക്ഷമിക്കാൻ യഹോവ പ്രതീക്ഷിക്കുന്നത്‌ എന്തു​കൊണ്ട്‌?

• “ഒരാൾക്കു മറ്റൊ​രാൾക്കെ​തി​രെ എന്തെങ്കി​ലും പരാതി​ക്കു കാരണ​മു​ണ്ടാ​യാൽത്തന്നെ അതു സഹിക്കു​ക​യും അന്യോ​ന്യം ഉദാര​മാ​യി ക്ഷമിക്കു​ക​യും ചെയ്യുക. യഹോവ നിങ്ങ​ളോട്‌ ഉദാര​മാ​യി ക്ഷമിച്ച​തു​പോ​ലെ നിങ്ങളും ക്ഷമിക്കുക.”​—കൊലോ. 3:13.

10. ഒരു സഹോ​ദരൻ നിങ്ങ​ളെ​ക്കു​റിച്ച്‌ ഏഷണി പറയു​ക​യോ നിങ്ങളെ വഞ്ചിക്കു​ക​യോ ചെയ്യു​ന്നെ​ങ്കിൽ എന്തു ചെയ്യണം?

• “നിന്റെ സഹോ​ദരൻ ഒരു പാപം ചെയ്‌താൽ നീയും ആ സഹോ​ദ​ര​നും മാത്ര​മു​ള്ള​പ്പോൾ ചെന്ന്‌ സംസാ​രിച്ച്‌ തെറ്റ്‌ അദ്ദേഹ​ത്തി​നു മനസ്സി​ലാ​ക്കി​ക്കൊ​ടു​ക്കുക. അദ്ദേഹം നീ പറയു​ന്നതു കേൾക്കു​ന്നെ​ങ്കിൽ നീ സഹോ​ദ​രനെ നേടി. അദ്ദേഹം നീ പറയു​ന്നതു കേൾക്കു​ന്നി​ല്ലെ​ങ്കിൽ, ഒന്നോ രണ്ടോ പേരെ​ക്കൂ​ടെ കൂട്ടി​ക്കൊണ്ട്‌ ചെല്ലുക. അങ്ങനെ രണ്ടോ മൂന്നോ സാക്ഷി​ക​ളു​ടെ മൊഴി​യു​ടെ അടിസ്ഥാ​ന​ത്തിൽ ഏതു കാര്യ​വും സ്ഥിരീ​ക​രി​ക്കാം. അദ്ദേഹം അവരെ​യും കൂട്ടാ​ക്കു​ന്നി​ല്ലെ​ങ്കിൽ സഭയെ അറിയി​ക്കുക. സഭയെ​യും കൂട്ടാ​ക്കു​ന്നി​ല്ലെ​ങ്കിൽ അദ്ദേഹത്തെ ജനതക​ളിൽപ്പെ​ട്ട​വ​നെ​പ്പോ​ലെ​യും നികു​തി​പി​രി​വു​കാ​ര​നെ​പ്പോ​ലെ​യും കണക്കാ​ക്കുക.”​—മത്താ. 18:15-17.

11. പിൻവ​രുന്ന പാപങ്ങളെ യഹോവ എങ്ങനെയാണു വീക്ഷിക്കുന്നത്‌?

▪ ലൈം​ഗിക അധാർമി​കത

▪ ആരാധ​നയ്‌ക്കാ​യി വിഗ്ര​ഹങ്ങൾ ഉപയോ​ഗി​ക്കു​ന്നത്‌

▪ സ്വവർഗ​സം​ഭോ​ഗം

▪ മോഷണം

▪ ചൂതാട്ടം

▪ കുടിച്ച്‌ ലക്കു​കെ​ടു​ക

• “വഞ്ചിക്ക​പ്പെ​ട​രുത്‌. അധാർമി​ക​പ്ര​വൃ​ത്തി​കൾ ചെയ്യു​ന്നവർ, വിഗ്ര​ഹാ​രാ​ധകർ, വ്യഭി​ചാ​രി​കൾ, സ്വവർഗ​ര​തി​ക്കു വഴങ്ങിക്കൊടുക്കുന്നവർ, സ്വവർഗരതിക്കാർ, കള്ളന്മാർ, അത്യാ​ഗ്ര​ഹി​കൾ, കുടിയന്മാർ, അധിക്ഷേപിക്കുന്നവർ, പിടി​ച്ചു​പ​റി​ക്കാർ എന്നിവർ ദൈവ​രാ​ജ്യം അവകാ​ശ​മാ​ക്കില്ല.”​—1 കൊരി. 6:9, 10.

12. ലൈം​ഗിക അധാർമി​കത (അഥവാ, വിവാ​ഹ​ബ​ന്ധ​ത്തി​നു പുറത്തുള്ള പല തരം ലൈം​ഗി​ക​പ്ര​വൃ​ത്തി​കൾ) സംബന്ധിച്ച്‌ നിങ്ങൾ എന്തു തീരു​മാ​ന​മെ​ടു​ത്തി​രി​ക്കു​ന്നു?

• “അധാർമി​ക​പ്ര​വൃ​ത്തി​ക​ളിൽനിന്ന്‌ ഓടി​യ​കലൂ!”​—1 കൊരി. 6:18.

13. മാനസി​കാ​വ​സ്ഥയെ മാറ്റി​മ​റി​ക്കു​ക​യോ ആസക്തി ഉണ്ടാക്കു​ക​യോ ചെയ്യുന്ന വസ്‌തു​ക്കൾ ചികി​ത്സയ്‌ക്കാ​യി​ട്ട​ല്ലാ​തെ മറ്റൊരു തരത്തി​ലും നമ്മൾ ഉപയോ​ഗി​ക്കു​ക​യി​ല്ലാ​ത്തത്‌ എന്തു​കൊണ്ട്‌?

• “നിങ്ങളു​ടെ ശരീര​ങ്ങളെ വിശു​ദ്ധ​വും ദൈവ​ത്തി​നു സ്വീകാ​ര്യ​വും ആയ ജീവനുള്ള ബലിയാ​യി അർപ്പി​ച്ചു​കൊണ്ട്‌ ചിന്താ​പ്രാപ്‌തി ഉപയോ​ഗി​ച്ചുള്ള വിശു​ദ്ധ​സേ​വനം ചെയ്യുക. ഈ വ്യവസ്ഥി​തി നിങ്ങളെ അതിന്റെ അച്ചിൽ വാർത്തെ​ടു​ക്കാൻ ഇനി സമ്മതി​ക്ക​രുത്‌. പകരം, മനസ്സു പുതുക്കി രൂപാ​ന്ത​ര​പ്പെ​ടുക. അങ്ങനെ, നല്ലതും സ്വീകാ​ര്യ​വും അത്യു​ത്ത​മ​വും ആയ ദൈ​വേഷ്ടം എന്താ​ണെന്നു പരി​ശോ​ധിച്ച്‌ ഉറപ്പു വരുത്താൻ നിങ്ങൾക്കു കഴിയും.”​—റോമ. 12:1, 2.

14. ദൈവം വിലക്കുന്ന, ഭൂതവി​ദ്യ​യോ​ടു ബന്ധപ്പെട്ട ചില പ്രവർത്തനങ്ങൾ ഏതൊ​ക്കെ​യാണ്‌?

• “ഭാവി​ഫലം പറയു​ന്നവൻ, മന്ത്രവാ​ദി, ശകുനം നോക്കു​ന്നവൻ, ആഭിചാ​രകൻ, മന്ത്രവി​ദ്യ​യാൽ ആളുകളെ ദ്രോ​ഹി​ക്കു​ന്നവൻ, ആത്മാക്ക​ളു​ടെ ഉപദേശം തേടു​ന്ന​വ​ന്റെ​യോ ഭാവി പറയു​ന്ന​വ​ന്റെ​യോ സഹായം തേടു​ന്നവൻ, മരിച്ച​വ​രോട്‌ ഉപദേശം തേടു​ന്നവൻ എന്നിങ്ങ​നെ​യു​ള്ളവർ നിങ്ങൾക്കി​ട​യിൽ കാണരുത്‌.”​—ആവ. 18:10, 11.

15. ഗുരു​ത​ര​മായ പാപം ചെയ്‌ത ഒരാൾക്കു വീണ്ടും യഹോവയുടെ പ്രീതി നേടണ​മെ​ങ്കിൽ അയാൾ ഉടനടി എന്തു ചെയ്യണം?

• “ഞാൻ എന്റെ പാപം അങ്ങയോട്‌ ഏറ്റുപ​റഞ്ഞു; ഞാൻ എന്റെ തെറ്റു മറച്ചു​വെ​ച്ചില്ല. ‘എന്റെ ലംഘനങ്ങൾ ഞാൻ യഹോ​വ​യോട്‌ ഏറ്റുപ​റ​യും’ എന്നു ഞാൻ പറഞ്ഞു.”​—സങ്കീ. 32:5.

• “നിങ്ങളിൽ രോഗി​യാ​യി ആരെങ്കി​ലു​മു​ണ്ടോ? അയാൾ സഭയിലെ മൂപ്പന്മാ​രെ വിളി​ച്ചു​വ​രു​ത്തട്ടെ. അവർ യഹോ​വ​യു​ടെ നാമത്തിൽ അയാളു​ടെ മേൽ എണ്ണ തേച്ച്‌ അയാൾക്കു​വേണ്ടി പ്രാർഥി​ക്കട്ടെ. വിശ്വാ​സ​ത്തോ​ടെ​യുള്ള പ്രാർഥന രോഗി​യെ സുഖ​പ്പെ​ടു​ത്തും. യഹോവ അയാളെ എഴു​ന്നേൽപ്പി​ക്കും; അയാൾ പാപം ചെയ്‌തി​ട്ടു​ണ്ടെ​ങ്കിൽ അയാ​ളോ​ടു ക്ഷമിക്കും.”​—യാക്കോ. 5:14, 15.

16. ഒരു സഹക്രിസ്‌ത്യാ​നി ഗുരു​ത​ര​മായ ഒരു പാപം ചെയ്‌തെന്ന്‌ അറിഞ്ഞാൽ നിങ്ങൾ എന്തു ചെയ്യണം?

• “സാക്ഷി​മൊ​ഴി കൊടു​ക്കാ​നുള്ള പരസ്യ​മായ ആഹ്വാനം കേട്ടി​ട്ടും ഒരാൾ, താൻ സാക്ഷി​യാ​യി​രി​ക്കു​ക​യോ കാണു​ക​യോ മനസ്സി​ലാ​ക്കു​ക​യോ ചെയ്‌ത കാര്യ​ത്തെ​പ്പറ്റി വിവരം കൊടു​ക്കാ​തി​രു​ന്നാൽ അതു പാപമാണ്‌. അവൻ സ്വന്തം തെറ്റിന്‌ ഉത്തരം പറയണം.”​—ലേവ്യ 5:1.

17. ഒരു വ്യക്തി മേലാൽ യഹോ​വ​യു​ടെ സാക്ഷികളിൽ ഒരാൾ ആയിരി​ക്കില്ല എന്നൊരു അറിയി​പ്പു​ണ്ടാ​കു​ന്നെ​ങ്കിൽ അയാ​ളോട്‌ നമ്മൾ എങ്ങനെ ഇടപെ​ടണം?

• “സഹോ​ദരൻ എന്നു നമ്മൾ വിളി​ക്കുന്ന ഒരാൾ അധാർമി​ക​പ്ര​വൃ​ത്തി​കൾ ചെയ്യു​ന്ന​യാ​ളോ അത്യാ​ഗ്ര​ഹി​യോ വിഗ്ര​ഹാ​രാ​ധ​ക​നോ അധി​ക്ഷേ​പി​ക്കു​ന്ന​യാ​ളോ കുടി​യ​നോ പിടി​ച്ചു​പ​റി​ക്കാ​ര​നോ ആണെങ്കിൽ അയാളു​മാ​യുള്ള കൂട്ടു​കെട്ട്‌ ഉപേക്ഷി​ക്ക​ണ​മെ​ന്നാ​ണു ഞാൻ ഇപ്പോൾ നിങ്ങ​ളോ​ടു പറയു​ന്നത്‌. അയാളു​ടെ​കൂ​ടെ ഭക്ഷണം കഴിക്കാൻപോ​ലും പാടില്ല.”​—1 കൊരി. 5:11.

• “ഈ ഉപദേ​ശ​വു​മാ​യി​ട്ട​ല്ലാ​തെ ആരെങ്കി​ലും നിങ്ങളു​ടെ അടുത്ത്‌ വന്നാൽ അയാളെ വീട്ടിൽ സ്വീക​രി​ക്കാ​നോ അഭിവാ​ദനം ചെയ്യാ​നോ പാടില്ല.”​—2 യോഹ. 10.

18. നിങ്ങളു​ടെ അടുത്ത കൂട്ടു​കാർ യഹോ​വയെ സ്‌നേ​ഹി​ക്കു​ന്ന​വ​രാ​യി​രി​ക്കേ​ണ്ടത്‌ എന്തു​കൊണ്ട്‌?

• “ജ്ഞാനി​ക​ളു​ടെ​കൂ​ടെ നടക്കു​ന്നവൻ ജ്ഞാനി​യാ​കും; എന്നാൽ വിഡ്‌ഢി​ക​ളോ​ടു കൂട്ടു​കൂ​ടു​ന്നവൻ ദുഃഖി​ക്കേ​ണ്ടി​വ​രും.”​—സുഭാ. 13:20.

• “വഴി​തെ​റ്റി​ക്ക​പ്പെ​ട​രുത്‌. ചീത്ത കൂട്ടു​കെട്ടു നല്ല ശീലങ്ങളെ നശിപ്പി​ക്കു​ന്നു.”​—1 കൊരി. 15:33.

19. യഹോ​വ​യു​ടെ സാക്ഷികൾ രാഷ്‌ട്രീയകാര്യങ്ങളിൽ നിഷ്‌പക്ഷരായിരിക്കുന്നത്‌ എന്തു​കൊണ്ട്‌?

• “ഞാൻ (യേശു) ലോക​ത്തി​ന്റെ ഭാഗമ​ല്ലാ​ത്ത​തു​പോ​ലെ​തന്നെ അവരും ലോക​ത്തി​ന്റെ ഭാഗമല്ല.”​—യോഹ. 17:16.

20. നിങ്ങൾ ഗവൺമെ​ന്റി​നെ അനുസ​രി​ക്കേ​ണ്ടത്‌ എന്തു​കൊണ്ട്‌?

• “എല്ലാവ​രും ഉന്നതാ​ധി​കാ​രി​കൾക്കു കീഴ്‌പെ​ട്ടി​രി​ക്കട്ടെ. കാരണം ദൈവ​ത്തിൽനി​ന്ന​ല്ലാ​തെ ഒരു അധികാരവുമില്ല. നിലവി​ലുള്ള അധികാ​രി​കളെ അതാതു സ്ഥാനങ്ങ​ളിൽ നിറു​ത്തി​യി​രി​ക്കു​ന്നതു ദൈവമാണ്‌.”​—റോമ. 13:1.

21. ദൈവ​നി​യ​മ​ത്തിന്‌ എതിരാ​യൊ​രു കാര്യം ചെയ്യാൻ മനുഷ്യനിയമം ആവശ്യ​പ്പെ​ട്ടാൽ നിങ്ങൾ എന്തു ചെയ്യും?

• “മനുഷ്യ​രെയല്ല, ദൈവത്തെയാണ്‌ അനുസരിക്കേണ്ടത്‌.”​—പ്രവൃ. 5:29.

22. ഒരു ജോലി തിര​ഞ്ഞെ​ടു​ക്കു​മ്പോൾ ലോക​ത്തിൽനിന്ന്‌ വേർപെ​ട്ടു​നിൽക്കാൻ ഏതു തിരു​വെ​ഴു​ത്തു​കൾ നിങ്ങളെ സഹായി​ക്കും?

• “ജനത ജനതയ്‌ക്കു നേരെ വാൾ ഉയർത്തില്ല, അവർ ഇനി യുദ്ധം ചെയ്യാൻ പരിശീ​ലി​ക്കു​ക​യു​മില്ല.”​—മീഖ 4:3.

• “എന്റെ ജനമേ, അവളുടെ (ബാബി​ലോൺ എന്ന മഹതി​യു​ടെ) പാപങ്ങ​ളിൽ പങ്കാളി​ക​ളാ​കാ​നും അവൾക്കു വരുന്ന ബാധക​ളു​ടെ ഓഹരി കിട്ടാ​നും ആഗ്രഹി​ക്കു​ന്നി​ല്ലെ​ങ്കിൽ അവളിൽനിന്ന്‌ പുറത്ത്‌ കടക്ക്‌.”​—വെളി. 18:4.

23. നിങ്ങൾ ഏതുതരം വിനോ​ദ​വും കളിക​ളും തിര​ഞ്ഞെ​ടു​ക്കും, ഏതുത​ര​ത്തി​ലു​ള്ളവ ഒഴിവാ​ക്കും?

• “അക്രമം ഇഷ്ടപ്പെ​ടു​ന്ന​വനെ (യഹോവ) വെറു​ക്കു​ന്നു.”​—സങ്കീ. 11:5.

• “തിന്മയെ വെറുക്കുക. നല്ലതി​നോ​ടു പറ്റിനിൽക്കുക.”​—റോമ. 12:9.

• “സത്യമായതും ഗൗരവം അർഹിക്കുന്നതും നീതിനിഷ്‌ഠമായതും നിർമലമായതും സ്‌നേഹം ജനിപ്പിക്കുന്നതും സത്‌കീർത്തി​യു​ള്ള​തും അത്യു​ത്ത​മ​മാ​യ​തും പ്രശം​സ​നീ​യ​മാ​യ​തും ആയ കാര്യങ്ങൾ എന്തൊ​ക്കെ​യാ​ണോ അതെല്ലാം തുടർന്നും ചിന്തി​ച്ചു​കൊ​ണ്ടി​രി​ക്കുക.”​—ഫിലി. 4:8.

24. യഹോ​വ​യു​ടെ സാക്ഷികൾ മറ്റു മതവി​ഭാ​ഗ​ങ്ങ​ളു​ടെ ആരാധ​നാ​പ​രി​പാ​ടി​ക​ളിൽ പങ്കെടുക്കാത്തത്‌ എന്തുകൊണ്ട്‌?

• ‘നിങ്ങൾക്ക്‌ ഒരേ സമയം “യഹോ​വ​യു​ടെ മേശ”യിൽനി​ന്നും ഭൂതങ്ങ​ളു​ടെ മേശയിൽനി​ന്നും കഴിക്കാൻ കഴിയില്ല.’​—1 കൊരി. 10:21.

• “‘അവരുടെ ഇടയിൽനിന്ന്‌ പുറത്ത്‌ കടന്ന്‌ അവരിൽനിന്ന്‌ അകന്നു​മാ​റൂ, അശുദ്ധ​മാ​യതു തൊട​രുത്‌; എങ്കിൽ ഞാൻ നിങ്ങളെ സ്വീക​രി​ക്കും’ എന്ന്‌ യഹോവ പറയുന്നു.”​—2 കൊരി. 6:17.

25. ഒരു ആഘോ​ഷ​ത്തിൽ പങ്കെടു​ക്ക​ണ​മോ വേണ്ടയോ എന്നു തീരു​മാ​നി​ക്കാൻ ഏതു തത്ത്വങ്ങൾ നിങ്ങളെ സഹായിക്കും?

• “(അവർ) ജനതക​ളു​മാ​യി ഇടകലർന്ന്‌ അവരുടെ വഴികൾ സ്വീക​രി​ച്ചു. അവർ അവരുടെ വിഗ്ര​ഹ​ങ്ങളെ സേവിച്ചു; അവ അവർക്ക്‌ ഒരു കുടു​ക്കാ​യി​ത്തീർന്നു.”​—സങ്കീ. 106:35, 36.

• “മരിച്ചവർ ഒന്നും അറിയു​ന്നില്ല.”​—സഭാ. 9:5.

• “ഞാൻ ലോക​ത്തി​ന്റെ ഭാഗമ​ല്ലാ​ത്ത​തു​പോ​ലെ​തന്നെ അവരും ലോക​ത്തി​ന്റെ ഭാഗമല്ല.”​—യോഹ. 17:16.

• “കഴിഞ്ഞ കാലത്ത്‌ നിങ്ങൾ, ജനതക​ളിൽപ്പെ​ട്ടവർ ചെയ്യാൻ ഇഷ്ടപ്പെ​ടു​ന്ന​തു​പോ​ലെ ധിക്കാ​ര​ത്തോ​ടെ​യുള്ള പെരു​മാ​റ്റ​ത്തി​ലും അനിയ​ന്ത്രി​ത​മായ മോഹ​ങ്ങ​ളി​ലും അമിത​മായ മദ്യപാ​ന​ത്തി​ലും വന്യമായ ആഘോ​ഷ​ങ്ങ​ളി​ലും മത്സരി​ച്ചുള്ള കുടി​യി​ലും മ്ലേച്ഛമായ വിഗ്ര​ഹാ​രാ​ധ​ന​യി​ലും മുഴുകി വേണ്ടു​വോ​ളം ജീവിച്ചു.”​—1 പത്രോ. 4:3.

26. ജന്മദിനം ആഘോ​ഷി​ക്ക​ണോ വേണ്ടയോ എന്നു തീരു​മാ​നി​ക്കാൻ ബൈബിൾ ദൃഷ്ടാ​ന്തങ്ങൾ നിങ്ങളെ സഹായി​ക്കു​ന്നത്‌ എങ്ങനെ?

• “മൂന്നാം ദിവസം ഫറവോ​ന്റെ ജന്മദി​ന​മാ​യി​രു​ന്നു. അന്നു ഫറവോൻ തന്റെ എല്ലാ ദാസർക്കും​വേണ്ടി ഒരു വിരുന്നു നടത്തി. ഫറവോൻ പാനപാ​ത്ര​വാ​ഹ​ക​രു​ടെ പ്രമാ​ണി​യെ​യും അപ്പക്കാ​രു​ടെ പ്രമാ​ണി​യെ​യും പുറത്ത്‌ കൊണ്ടു​വന്ന്‌ തന്റെ ദാസരു​ടെ മുമ്പാകെ നിറുത്തി. ഫറവോൻ പാനപാ​ത്ര​വാ​ഹ​ക​രു​ടെ പ്രമാ​ണി​യെ തത്‌സ്ഥാ​നത്ത്‌ തിരികെ നിയമി​ച്ചു; . . . എന്നാൽ അപ്പക്കാ​രു​ടെ പ്രമാ​ണി​യെ ഫറവോൻ സ്‌തം​ഭ​ത്തിൽ തൂക്കി.”​—ഉൽപ. 40:20-22.

• “ഹെരോ​ദി​ന്റെ ജന്മദി​നാ​ഘോ​ഷ​സ​മ​യത്ത്‌ ഹെരോ​ദ്യ​യു​ടെ മകൾ നൃത്തം ചെയ്‌ത്‌ ഹെരോ​ദി​നെ വളരെ സന്തോ​ഷി​പ്പി​ച്ചു. അതു​കൊണ്ട്‌ അവൾ ചോദി​ക്കു​ന്നത്‌ എന്തും കൊടു​ക്കാ​മെന്നു ഹെരോദ്‌ ആണയിട്ട്‌ പറഞ്ഞു. അപ്പോൾ അവൾ അമ്മ പറഞ്ഞത​നു​സ​രിച്ച്‌, ‘സ്‌നാ​പ​ക​യോ​ഹ​ന്നാ​ന്റെ തല ഒരു തളിക​യിൽ എനിക്കു തരണം’ എന്നു പറഞ്ഞു. രാജാവ്‌ ജയിലി​ലേക്ക്‌ ആളയച്ച്‌ യോഹ​ന്നാ​ന്റെ തല വെട്ടി.”​—മത്താ. 14:6-8, 10.

27. മൂപ്പന്മാ​രു​ടെ നിർദേ​ശങ്ങൾ അനുസ​രി​ക്കാൻ നിങ്ങൾ ആഗ്രഹി​ക്കു​ന്നത്‌ എന്തു​കൊണ്ട്‌?

• “നിങ്ങൾക്കി​ട​യിൽ നേതൃ​ത്വ​മെ​ടു​ക്കു​ന്നവർ നിങ്ങ​ളെ​ക്കു​റിച്ച്‌ കണക്കു ബോധി​പ്പി​ക്കേ​ണ്ട​വ​രെന്ന നിലയിൽ എപ്പോ​ഴും നിങ്ങൾക്കു​വേണ്ടി ഉണർന്നി​രി​ക്കു​ന്ന​തു​കൊണ്ട്‌ അവരെ അനുസ​രിച്ച്‌ അവർക്കു കീഴ്‌പെ​ട്ടി​രി​ക്കുക. അപ്പോൾ അവർ അതു ഞരങ്ങി​ക്കൊ​ണ്ടല്ല, സന്തോ​ഷ​ത്തോ​ടെ ചെയ്യാ​നി​ട​യാ​കും. അല്ലെങ്കിൽ അതു നിങ്ങൾക്കു ദോഷം ചെയ്യും.”​—എബ്രാ. 13:17.

28. ക്രമമാ​യി ബൈബിൾ വായി​ക്കാ​നും പഠിക്കാ​നും ആയി നിങ്ങളും കുടും​ബ​വും സമയം മാറ്റിവെക്കേണ്ടത്‌ എന്തുകൊണ്ട്‌?

• “യഹോ​വ​യു​ടെ നിയമ​മാണ്‌ അവന്‌ ആനന്ദം പകരുന്നത്‌. അവൻ അതു രാവും പകലും മന്ദസ്വ​ര​ത്തിൽ വായി​ക്കു​ന്നു. നീർച്ചാ​ലു​കൾക്ക​രി​കെ നട്ടിരി​ക്കുന്ന, കൃത്യ​സ​മ​യ​ത്തു​തന്നെ കായ്‌ക്കുന്ന, ഇലകൾ വാടാത്ത ഒരു മരം​പോ​ലെ​യാണ്‌ അവൻ. അവൻ ചെയ്യു​ന്ന​തെ​ല്ലാം സഫലമാ​കും.”​—സങ്കീ. 1:2, 3.

29. മീറ്റി​ങ്ങു​കൾക്ക്‌ ഹാജരാ​കു​ന്ന​തും അതിൽ അഭി​പ്രാ​യ​ങ്ങ​ളും മറ്റും പറഞ്ഞു​കൊണ്ട്‌ പങ്കുപ​റ്റു​ന്ന​തും നിങ്ങൾക്ക്‌ ഇഷ്ടമാ​യി​രി​ക്കു​ന്നത്‌ എന്തു​കൊണ്ട്‌?

• “എന്റെ സഹോ​ദ​ര​ങ്ങ​ളു​ടെ ഇടയിൽ ഞാൻ അങ്ങയുടെ പേര്‌ പ്രസി​ദ്ധ​മാ​ക്കും; സഭാമ​ധ്യേ ഞാൻ അങ്ങയെ സ്‌തു​തി​ക്കും.”​—സങ്കീ. 22:22.

• “സ്‌നേ​ഹി​ക്കാ​നും നല്ല കാര്യങ്ങൾ ചെയ്യാ​നും വേണ്ടി പരസ്‌പരം എങ്ങനെ പ്രചോ​ദി​പ്പി​ക്കാ​മെന്നു നന്നായി ചിന്തിക്കുക. അതു​കൊണ്ട്‌ ചിലർ ശീലമാ​ക്കി​യി​രി​ക്കു​ന്ന​തു​പോ​ലെ നമ്മുടെ യോഗ​ങ്ങൾക്കു കൂടി​വ​രാ​തി​രി​ക്ക​രുത്‌; പകരം നമുക്കു പരസ്‌പരം പ്രോത്സാഹിപ്പിക്കാം. ആ ദിവസം അടുത്ത​ടുത്ത്‌ വരുന്നതു കാണു​മ്പോൾ നമ്മൾ ഇതു കൂടു​തൽക്കൂ​ടു​തൽ ചെയ്യേണ്ടതാണ്‌.”​—എബ്രാ. 10:24, 25.

30. യേശു നമ്മളെ ഏൽപ്പി​ച്ചി​രി​ക്കുന്ന ഏറ്റവും പ്രധാ​ന​പ്പെട്ട ഉത്തരവാ​ദി​ത്വം എന്താണ്‌?

• “അതു​കൊണ്ട്‌ നിങ്ങൾ പോയി എല്ലാ ജനതക​ളി​ലെ​യും ആളുകളെ ശിഷ്യ​രാ​ക്കു​ക​യും . . . അവരെ സ്‌നാ​ന​പ്പെ​ടു​ത്തു​ക​യും ഞാൻ നിങ്ങ​ളോ​ടു കല്‌പി​ച്ച​തെ​ല്ലാം അനുസ​രി​ക്കാൻ അവരെ പഠിപ്പി​ക്കു​ക​യും വേണം.”​—മത്താ. 28:19, 20.

31. ദൈവ​രാ​ജ്യ​പ്ര​വർത്ത​ന​ങ്ങൾക്കാ​യി സംഭാ​വ​നകൾ നൽകു​മ്പോ​ഴും സഹോ​ദ​ര​ങ്ങളെ സഹായിക്കുമ്പോഴും നമുക്ക്‌ ഏതു മനോ​ഭാ​വ​മു​ണ്ടാ​യി​രി​ക്കാ​നാണ്‌ യഹോവ പ്രതീക്ഷിക്കുന്നത്‌?

• ‘നിന്റെ വില​യേ​റിയ വസ്‌തു​ക്കൾ കൊടുത്ത്‌ യഹോ​വയെ ബഹുമാനിക്കുക.’​—സുഭാ. 3:9.

• “ഓരോ​രു​ത്ത​രും ഹൃദയ​ത്തിൽ നിശ്ചയി​ച്ച​തു​പോ​ലെ ചെയ്യട്ടെ. മനസ്സി​ല്ലാ​മ​ന​സ്സോ​ടെ​യോ നിർബ​ന്ധ​ത്താ​ലോ അരുത്‌. സന്തോ​ഷ​ത്തോ​ടെ കൊടു​ക്കു​ന്ന​വ​രെ​യാ​ണു ദൈവം സ്‌നേഹിക്കുന്നത്‌.”​—2 കൊരി. 9:7.

32. ക്രിസ്‌ത്യാ​നി​കൾ എന്തെല്ലാം പ്രശ്‌നങ്ങൾ പ്രതീ​ക്ഷി​ക്കണം?

• “നീതി​ക്കു​വേണ്ടി ഉപദ്രവം സഹി​ക്കേ​ണ്ടി​വ​രു​ന്നവർ സന്തുഷ്ടർ; കാരണം സ്വർഗ​രാ​ജ്യം അവർക്കുള്ളത്‌. എന്നെ​പ്രതി ആളുകൾ നിങ്ങളെ നിന്ദി​ക്കു​ക​യും ഉപദ്ര​വി​ക്കു​ക​യും നിങ്ങ​ളെ​ക്കു​റിച്ച്‌ പല തരം അപവാദം പറയു​ക​യും ചെയ്യു​മ്പോൾ നിങ്ങൾ സന്തുഷ്ടർ. സ്വർഗ​ത്തിൽ നിങ്ങളു​ടെ പ്രതി​ഫലം വലുതാ​യ​തു​കൊണ്ട്‌ ആനന്ദിച്ച്‌ ആഹ്ലാദിക്കുക. നിങ്ങൾക്കു മുമ്പുള്ള പ്രവാ​ച​ക​ന്മാ​രെ​യും അവർ അങ്ങനെ​തന്നെ ഉപദ്രവിച്ചിട്ടുണ്ടല്ലോ.”​—മത്താ. 5:10-12.

33. യഹോ​വ​യു​ടെ സാക്ഷി​ക​ളിൽ ഒരാളാ​യി സ്‌നാ​ന​മേൽക്കു​ന്നത്‌ ഒരു പ്രത്യേക പദവിയായിരിക്കുന്നത്‌ എന്തുകൊണ്ട്‌?

• “അങ്ങയുടെ വാക്കുകൾ . . . എനിക്ക്‌ ആഹ്ലാദ​വും ഹൃദയാ​ന​ന്ദ​വും തന്നു; സൈന്യ​ങ്ങ​ളു​ടെ ദൈവ​മായ യഹോവേ, ഞാൻ അങ്ങയുടെ പേരി​ലാ​ണ​ല്ലോ അറിയ​പ്പെ​ടു​ന്നത്‌.”​—യിരെ. 15:16.

യഹോവയുടെ സാക്ഷി​ക​ളു​ടെ സമ്മേള​ന​ങ്ങ​ളി​ലും കൺ​വെൻ​ഷ​നു​ക​ളി​ലും ആണ്‌ സാധാ​ര​ണ​യാ​യി സ്‌നാനം നടത്താ​റു​ള്ളത്‌. സ്‌നാ​ന​പ്ര​സം​ഗ​ത്തി​ന്റെ ഒടുവി​ലാ​യി പ്രസം​ഗകൻ സ്‌നാ​ന​മേൽക്കാൻ വന്നിരി​ക്കു​ന്ന​വ​രോട്‌ എഴു​ന്നേ​റ്റു​നിൽക്കാ​നും പിൻവ​രുന്ന രണ്ടു ചോദ്യ​ങ്ങൾക്ക്‌ ഉച്ചത്തിൽ മറുപടി പറയാ​നും ആവശ്യ​പ്പെ​ടും:

1. നിങ്ങൾ സ്വന്തപാ​പ​ങ്ങ​ളെ​ക്കു​റിച്ച്‌ പശ്ചാത്ത​പി​ക്കു​ക​യും യഹോ​വയ്‌ക്കു നിങ്ങ​ളെ​ത്തന്നെ സമർപ്പി​ക്കു​ക​യും യേശു​ക്രിസ്‌തു​വി​ലൂ​ടെ യഹോവ തുറന്നു​തന്ന രക്ഷാമാർഗം അംഗീ​ക​രി​ക്കു​ക​യും ചെയ്‌തി​ട്ടു​ണ്ടോ?

2. നിങ്ങളു​ടെ സ്‌നാനം നിങ്ങളെ യഹോ​വ​യു​ടെ സംഘട​ന​യു​ടെ ഭാഗമാ​ക്കി​ത്തീർക്കു​മെ​ന്നും നിങ്ങൾ ഇനിമു​തൽ യഹോ​വ​യു​ടെ സാക്ഷി​ക​ളിൽ ഒരാളാ​യി അറിയ​പ്പെ​ടു​മെ​ന്നും നിങ്ങൾ മനസ്സി​ലാ​ക്കു​ന്നു​ണ്ടോ?

ഈ ചോദ്യ​ങ്ങൾക്ക്‌ ‘ഉവ്വ്‌’ എന്ന, ബോധ്യ​ത്തോ​ടെ​യുള്ള മറുപടി സ്‌നാ​ന​മേൽക്കാൻ എത്തിയി​രി​ക്കു​ന്നവർ നടത്തുന്ന ഒരു ‘പരസ്യ​മായ പ്രഖ്യാ​പനം’ ആണ്‌. അവർ മോച​ന​വി​ല​യിൽ വിശ്വാ​സം അർപ്പി​ച്ചി​രി​ക്കു​ന്നെ​ന്നും തങ്ങളെ​ത്തന്നെ യഹോ​വയ്‌ക്കു നിരു​പാ​ധി​കം സമർപ്പി​ച്ചി​രി​ക്കു​ന്നെ​ന്നും ഇതു തെളി​യി​ക്കു​ന്നു. (റോമ. 10:9, 10) അതു​കൊ​ണ്ടു​തന്നെ സ്‌നാ​ന​മേൽക്കാൻ തയ്യാ​റെ​ടു​ക്കു​ന്നവർ, തങ്ങളുടെ വ്യക്തി​പ​ര​മായ ബോധ്യ​ത്തി​നു ചേർച്ച​യിൽ ഉത്തരങ്ങൾ പറയാൻ കഴി​യേ​ണ്ട​തിന്‌ ഈ ചോദ്യ​ങ്ങ​ളെ​ക്കു​റിച്ച്‌ മുന്ന​മേ​തന്നെ പ്രാർഥ​നാ​പൂർവം ചിന്തി​ക്കേ​ണ്ട​താണ്‌.

ഇനി യഹോ​വയെ മാത്രമേ ആരാധി​ക്കു​ക​യു​ള്ളൂ എന്നും യഹോ​വ​യു​ടെ ഇഷ്ടം ചെയ്യു​ന്ന​താ​യി​രി​ക്കും ജീവി​ത​ത്തിൽ ഏറ്റവും പ്രധാ​ന​പ്പെട്ട കാര്യ​മെ​ന്നും വാക്കു​കൊ​ടു​ത്തു​കൊണ്ട്‌ നിങ്ങൾ പ്രാർഥ​ന​യിൽ നിങ്ങ​ളെ​ത്തന്നെ യഹോ​വയ്‌ക്കു സമർപ്പി​ച്ചി​ട്ടു​ണ്ടോ?

‘ഏറ്റവും അടുത്ത അവസര​ത്തിൽത്തന്നെ എനിക്കു സ്‌നാനമേൽക്കാം’ എന്നു നിങ്ങൾക്ക്‌ ഇപ്പോൾ ശരിക്കും തോന്നു​ന്നു​ണ്ടോ?

സ്‌നാ​ന​സ​മ​യത്തെ വസ്‌ത്ര​ധാ​രണം എങ്ങനെയുള്ളതായിരിക്കണം? (1 തിമൊ. 2:9, 10; യോഹ. 15:19; ഫിലി. 1:10)

“സുബോ​ധ​ത്തോ​ടെ, അന്തസ്സുള്ള വസ്‌ത്രം” ധരിക്കു​ന്നതു നമ്മുടെ ‘ദൈവ​ഭ​ക്തി​യു​ടെ’ തെളി​വാണ്‌. അതു​കൊണ്ട്‌ സ്‌നാ​ന​മേൽക്കു​ന്നവർ, ശരീര​ഭാ​ഗങ്ങൾ പ്രദർശി​പ്പി​ക്കുന്ന തരത്തി​ലുള്ള നീന്തൽവസ്‌ത്ര​ങ്ങ​ളും മുദ്രാ​വാ​ക്യ​ങ്ങ​ളോ എഴുത്തു​ക​ളോ ഉള്ള വസ്‌ത്ര​ങ്ങ​ളും ഒഴിവാ​ക്കണം. അവർ വൃത്തി​യു​ള്ള​തും മറ്റുള്ള​വരെ അസ്വസ്ഥ​രാ​ക്കാ​ത്ത​തും സന്ദർഭ​ത്തി​നു യോജി​ച്ച​തും ആയ വസ്‌ത്രങ്ങൾ വേണം ധരിക്കാൻ.

സ്‌നാ​ന​മേൽക്കുന്ന സമയത്ത്‌ ഒരാളു​ടെ പെരു​മാ​റ്റം എങ്ങനെ​യു​ള്ള​താ​യി​രി​ക്കണം? (ലൂക്കോ. 3:21, 22)

യേശു​വി​ന്റെ സ്‌നാ​ന​മാണ്‌ ഇന്നത്തെ ക്രിസ്‌തീ​യസ്‌നാ​ന​ത്തി​നു മാതൃക. സ്‌നാനം ഒരു ഗൗരവ​മുള്ള പടിയാ​ണെന്നു യേശു മനസ്സി​ലാ​ക്കി. അതു യേശു​വി​ന്റെ മനോ​ഭാ​വ​ത്തി​ലും പെരു​മാ​റ്റ​ത്തി​ലും കാണാ​നു​ണ്ടാ​യി​രു​ന്നു. അതു​കൊണ്ട്‌, സ്‌നാ​ന​സ്ഥലം കളിത​മാ​ശ​കൾക്കോ, നീന്തലി​നോ ആ അവസര​ത്തി​ന്റെ പവിത്രത കുറച്ചു​ക​ള​യുന്ന മറ്റ്‌ എന്തെങ്കി​ലും പെരു​മാ​റ്റ​ത്തി​നോ ഉള്ള വേദിയല്ല. താൻ ഒരു വലിയ നേട്ടം കൈവ​രി​ച്ചു എന്നതു​പോ​ലുള്ള ഭാവ​പ്ര​ക​ട​ന​ങ്ങ​ളൊ​ന്നും സ്‌നാ​ന​മേ​റ്റു​വ​രുന്ന ആളിൽനിന്ന്‌ പ്രതീ​ക്ഷി​ക്കു​ന്നില്ല. സ്‌നാനം സന്തോ​ഷ​ക​ര​മാ​യൊ​രു വേളയാണ്‌. ആ സന്തോഷം അന്തസ്സും മാന്യ​ത​യും ചോർന്നു​പോ​കാ​തെ പ്രകടി​പ്പി​ക്കു​ക​യു​മാ​വാം.

പതിവാ​യി മീറ്റി​ങ്ങു​കൾക്കു വരുന്ന​തും സഭയോ​ടൊത്ത്‌ സഹവസി​ക്കു​ന്ന​തും യഹോ​വ​യോ​ടുള്ള നിങ്ങളു​ടെ സമർപ്പണത്തിനനുസരിച്ച്‌ ജീവി​ക്കാൻ നിങ്ങളെ എങ്ങനെ സഹായി​ക്കും?

സ്‌നാ​ന​മേ​റ്റ​ശേഷം വ്യക്തി​പ​ര​മായ പഠനത്തി​നും ക്രമമാ​യി ശുശ്രൂ​ഷയ്‌ക്കു പോകു​ന്ന​തി​നും ഒരു നല്ല പട്ടിക ഉണ്ടായി​രി​ക്കു​ന്നതു വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?