ഹൃദയത്തെ ഒരുക്കുക

ബൈബിൾ പഠിക്കു​മ്പോൾ യഹോ​വ​യു​ടെ ചിന്തകൾ, നമ്മുടെ ചിന്തക​ളെ​യും വികാ​ര​ങ്ങ​ളെ​യും ആഗ്രഹ​ങ്ങ​ളെ​യും സ്വാധീ​നി​ക്കാൻ നമ്മൾ ആഗ്രഹി​ക്കു​ന്നു. ‘യഹോ​വ​യു​ടെ നിയമം പരി​ശോ​ധി​ക്കാ​നാ​യി തന്റെ ഹൃദയത്തെ ഒരുക്കി​ക്കൊണ്ട്‌’ എസ്ര ഇക്കാര്യ​ത്തിൽ നല്ലൊരു മാതൃക വെച്ചു. (എസ്ര 7:10) നമുക്ക്‌ എങ്ങനെ നമ്മുടെ ഹൃദയത്തെ ഒരുക്കാം?

പ്രാർഥി​ക്കു​ക. ഓരോ തവണ പഠിക്കാ​നി​രി​ക്കു​ന്ന​തി​നു മുമ്പും പ്രാർഥി​ക്കുക. പഠിക്കുന്ന കാര്യങ്ങൾ മനസ്സി​ലാ​ക്കാ​നും അത്‌ അനുസ​രി​ക്കാ​നും ഉള്ള സഹായ​ത്തി​നാ​യി അപേക്ഷി​ക്കുക.—സങ്കീ. 119:18, 34.

താഴ്‌മ വളർത്തുക. ബൈബി​ളി​ലെ കാര്യങ്ങൾ സ്വന്തമാ​യി മനസ്സി​ലാ​ക്കാൻ പറ്റു​മെന്ന്‌ അഹങ്കാ​ര​ത്തോ​ടെ ചിന്തി​ക്കുന്ന ആളുക​ളിൽനിന്ന്‌ യഹോവ സത്യം മറച്ചു​വെ​ക്കു​ന്നു. (ലൂക്കോ. 10:21) നമ്മൾ ഗവേഷണം ചെയ്യു​ന്നതു മറ്റുള്ള​വ​രു​ടെ മുന്നിൽ ആളാകു​ന്ന​തി​നു​വേണ്ടി ആയിരി​ക്ക​രുത്‌. ദൈവ​ത്തി​ന്റെ ചിന്തക​ളു​മാ​യി നമ്മുടെ ചിന്തകൾ ചേരു​ന്നി​ല്ലെ​ങ്കിൽ താഴ്‌മ​യോ​ടെ നമ്മുടെ ഭാഗത്ത്‌ മാറ്റങ്ങൾ വരുത്താൻ തയ്യാറാ​കുക.

നമ്മുടെ ഒരു പാട്ടു കേൾക്കുക. സംഗീ​ത​ത്തി​നു നമ്മുടെ വികാ​ര​ങ്ങളെ സ്വാധീ​നി​ക്കാ​നുള്ള ശക്തിയുണ്ട്‌. അതു​കൊണ്ട്‌ പഠിക്കാൻ ഇരിക്കു​ന്ന​തി​നു മുമ്പു നമ്മുടെ ഒരു പാട്ടു കേൾക്കു​ന്നതു ഹൃദയത്തെ ഒരുക്കാ​നും പഠിക്കുന്ന കാര്യങ്ങൾ ഹൃദയ​ത്തി​ലെ​ത്താ​നും സഹായി​ക്കും.