LESON 02

Baebol e Falea Manto’ongadoa

Lo Printed Buk

Imole oro fafona fanua ne iano kera fulato’ona afeta’ia na falea fiila, manta isifufuli la, bia liodila la. Tesi manga oe o fulato’ona la’u bo’o kwa’i afeta’ia una eki? Mada tesi manga oe o fulato’ona ta mata’ia na baita mada te’e imole na oe o liothau ania e mae. Si manga na una’eri oe oko to ana soeto’ona la, ‘Ufita tesi manga marukia kei le’a la’u?’ Baebol to ana lu’u la ura soeto’ona la eri.

1. Manto’ongadoa ufita bo’o na Baebol e falea?

Baebol a’i si u’unu bana sulia uria ta na kuka fulato’ona afeta’ia ki. Baebol e to la’u bo’o ana fa’arongoa le’a na kwai karangi na’a God kai fa’asuia afeta’ia eki. Alanga’ia na to la Baebol e “falea manto’ongadoa fakalu’a uria si manga na ni u mai.” (Te’emania Jeremiah 29:11, 12.) Alanga’ia eki e adomi kulu fasia kuka abula bia afeta’ia na kulu fulato’ona tara’ena, to ana mante’e do kokota, bia se’ethathala la na toto si sui.

2. Baebol alangania si manga na ni u mai kai ufita?

Baebol e u’unu sulia la si manga na ni u mai kai “a’i na’a ta maea, liodila la, angi la, bia fiilaa.” (Te’emania Revelation 21:4.) Afeta’ia oro ki na adea imole kesi to ana ta manto’ongadoa tara’ena, uria siofa’a la, a’i ta kokota la, mata’ia, bia maea kai a’i na’a. Baebol e alangania toto imole ki keki to ana marukia le’a na toto si sui i la paradise fafona fanua ne iano.

3. Si ta ni bo’o na oki ilifania fasia oko mantangado ana manto’ongadoa na Baebol e u’unu tania?

Imole oro kera mantangado afeta’ia na fula tara’ena toto kei sui, sui kera a’i kesi fa’amamanea. Si do na Baebol e alangania kai mamana. Fasia oko mantangado ana si do na Baebol e alangania oko “studyim le’a ana Baebol.” (Acts 17:11) Si manga na o studyim le’a ana Baebol, si do eri kei adomi oe fasia oko fa’amamanea si do na Baebol e alangania.

TO’OA LA’U TEI SI DO

Kuki to’oa la’u tei si do na Baebol e alangania kai fuli la si manga na ni u mai. Kuki rikia manto’ongadoa na Baebol e falea e adomi ufita ana imole ki tara’ena.

Collage: Nunuido fuki na ni mai buri e fatania si afeta’ia na kulu fulato’ona tara’ena, si nunuido ne’e ki na ni mai i na’o e fatania si do na Baebol e alangania toto kuki fulato’ona la si manga na ni u mai.

4. Baebol e alangania toto kuki fulato’ona te’e marukia le’a na toto si sui na a’i na’a ta afeta’ia

Alanga’ia ta la Baebol ana alanga’ia ki na ni la list fu tha’egano o thathamia asia na’a? Uria ta na oko thathamia?

Te’emania scripture na ni ninimana alanga’ia fu ki, sui u’unu kalia roo soeto’ona la fu:

Ufita scripture ne’e ki falea ta manto’ongadoa famua? Ufita scripture ne’e ki falea la’u bo’o ta manto’ongadoa fana famili oe bia imole kwaimani oe ki?

Manto’ona fesi masa oko to la te’e fanua na

A’I NA’A TA IMOLE KAI . . .	IMOLE KI SUI BANA KEKI . . .
to’omatafana fiila, olomania, bia maea.—Isaiah 25:8.	rikia la’u imole na kera liothau ania na kera mae, keki maruki la’u fafona fanua ne iano.—John 5:28, 29.
mata’i mada ka disable.—Isaiah 33:24; 35:5, 6.	healthy la’u bia keki sukwa’i la’u mala si manga kera bi’i baita.—Job 33:25.
fulato’ona si do na a’i si kokota.—Isaiah 32:16, 17.	to ana fanga oro, si kula le’a ni to, bia keki se’ethathala sulia si raa na kera ilia.—Psalm 72:16; Isaiah 65:21, 22.
fulato’ona ta’ala fasia firua. —Psalm 46:9.	to ana enenoa.—Psalm 37:11.
to ana mantale’e do ta’a na kai falea liodilaa.—Isaiah 65:17.	to na’a ana marukia le’a na toto si sui.—Psalm 37:29.

Kaliwela wane na mata’i fu’u nia a’i si mata’i na’a, nia se’ethathala na’a bia thainana.

Wane na kuba’u na’a fu’u, nia na sukwa’i la’u ka rusua na’a te’e wheelbarrow na fungu ana fanga le’a oro.

5. Manto’ongadoa na ni la Baebol thaito’omana kai adomi oe

Imole kera manta feda bia keka raka’iri si manga kera fulato’ona, bia keka rikia afeta’ia ki. Tei imole ki keka ili ura kokota lana afeta’ia. Kulu kuki to’oa alanga’ia ki na ni la Baebol kai adomi ufita ana imole ki tara’ena. Fatania VIDEO, sui u‘unu kalia soeto’ona la ki.

VIDEO: Nau ku Fiiru Uria Kokota La (4:07)

Collage: Part ana video ‘Nau ku Fiiru Uria Kokota La.’ 1. Si manga Rafika fa’ekwa nia ka raa bia imole nia ki la o’olee cotton. 2. Si manga na Rafika e lae ana convention Jehovah’s witness ki, nia ka rikia imole e’eta kwailiu ki kera ofu nia ka se’ethathala asia na’a.

Uria na kulu rikia la video eri, ta na si do na a’i si lae sulia kokota la na Rafika e fulato’ona?
Do anta afeta’ia na Rafika e fulato’ona e a’i si tatala mena, Baebol e adomi ufita bo’o an nia?

Si manga na kulu fa’amamanea si do na Baebol e alangania uria si manga na ni u mai, si do eri kai adomi kulu fasi a’i kusi mantafeda, bia kuki se’ethathala bakalu’a do anta kuka fulato’ona mena afeta’ia. Te’emania Proverbs 17:22 bia Romans 12:12, sui u’unu kalia soeto’ona la:

O manta ufita, manto’ongadoa na ni la Baebol thaito’omana kai adomi oe? Uria ta oko manta una’eri?

SI BA’EA TEI IMOLE KEKI SOREA: “Alanga’ia na ni la Baebol uria si manga na ni u mai do kai mamana mena ne’e?”

Uria ta nia ka le’a fasia oko rikia amu talani oe la Baebol si do na fatania alanga’ia eki kai mamana?

SI DO NA KULU TO’OA

Baebol alangania te’e marukia le’a na falea manto’ongadoa fakalu’a, bia ka adomi kulu fasia kuka abula bia afeta’ia na kulu fulato’ona manga eri.

Reviu

Uria ta imole ki keka ato’ia manto’ongadoa?
Ta na Baebol sorea sula’ania si manga na ni u mai?
Manto’ongadoa na o to ania uria si manga na ni u mai, kai adomi ufita bo’o ani oe tara’ena?

Si manga leson sui:

Si do ura raa la uria

Te’emania la’u scripture ki na to la leson ne’e fasia oko thaito’omana le’a la’u ana alanga’ia na ni la Baebol.

O manto’ona la’u tesi do:

Your other goal

TEI SI DO KI LA’U

To’oa la’u manto’ongadoa kai adomi ufita ani oe si manga na o fulato’ona afeta’ia.

“Hope—Where Can You Find It?” (Awake!, April 22, 2004)

Rikia manto’ongadoa na kulu to ania uria si manga na ni u mai, kai adomi ufita ana kulu si manga kulu fulato’ona mata’ia

“Hao, Bible Savve helpem Iu Sapos Iu Garem Sik?” (Article la jw.org)

Si manga na o rikia video ne’e, manto’ona fesi oe bia famili oe mulu se’ethathala na’a la paradise na Baebol e alangania ne’e.

Tingim Go Taem (3:37)

Te’emai sulia te’e wane na protest la si manga na sui. Sui manga na nia e to’oa manto’ongadoa na Baebol e u’unu sulia si do eri ka talaa marukia nia.

“I No Longer Feel That I Have to Change the World” (The Watchtower, July 1, 2013)