LESON 01

Baebol kai Adomi Ufita bo’o Ani Oe?

Lo Printed Buk

Karangia imole ki sui bana kera to ana soe la sula’ania marukia, fiila, maea, bia si do na kai fuli la si manga na ni u mai. Bia la’u bo’o si manga ki sui bana imole ki sui kera manta isifufuli sula’ania seleni bia ufita fesi keki to ana se’ethathala la famili. Baebol e falea lu’u la ana soeto’ona la gwaunga’i ki na imole kera to ania, bia ka falea la’u bo’o advaes fana marukia nia imole ki. Mantaa oe ufita, Baebol thaito’omana kai adomia imole ki?

1. Ta na tei soeto’ona la na lu’u la nia ni la Baebol?

Baebol e lu’ua soeto’ona la gwaunga’i ne’e ki: Marukia e thafali ufita bo’o? Kulu maruki ura ta ne’e? Uria ta imole kokota ki keka fulato’ona fiila? Ta na fuli si manga na imole kera mae? Imole ki sui bana kera thathamia enenoa, sui uria ta na firua ka to’o? Fanua ne iano kai ufita la si manga na ni u mai? Lu’u la ana soeto’ona la eki e ni la Baebol, ma imole oro kera se’ethathala si manga na kera todaa lu’u la ana soeto’ona la eki fasia Baebol.

2. Baebol kai adomi ufita ani kulu fasia kuka to ana marukia na le’a?

Baebol to ana advaes le’a ki. Uria example, Baebol e to’odo sana famili ki sulia si do na keki ilifania, fasia keka fulato’ona se’ethathala la na mamana. Baebol fa’arongoa si do na kuki ilifania si manga na kulu stress, bia si do na kuki ilifania fasia kuka se’ethathala bia si raa na kulu ilifania. Fasia oko thaito’omana la’u tei si do na Baebol e u’unu sulia, sula’ania topic ne’e bia tei topic ki la’u, si manga koro u’unu ofu la’u kau oko thaito’omana. Si manga na o ili una’eri oko fa’amamanea “si ba’ea ne’e ki sui bana ne to la Baebol . . . thaito’omana kai to’odo sana imole ki.”—2 Timothy 3:16.

Buka ne’e nia a’i si talaa Baebol. Do na adea nia ka le’a ura oko te’emania amu Baebol oe. Adelana miki thathamia ura oki te’emania aina scripture ki na ni la leson ne’e, sui oko toto’ola ngania bia si do na o to’oa.

TO’OA LA’U TEI SI DO

Kuki u’unu la’u sulia Baebol kai adomi ufita ana imole ki, si ta na oki ilifania fasia oko se’ethathala ura te’emai lana Baebol, bia uria ta nia ka le’a ura kuki gania te’e Jehovah’s Witness kai adomi kulu ura to’o lana Baebol.

3. Baebol kai adomi kulu ura thaunga’i mantaa la

Baebol e uria te’e torch laet. Baebol thaito’omana kai adomi kulu fasia kuka thaungania mante’e do na le’a, bia kai adomi kulu fasia kuka rikia si do na ni kau i na’o.

Te’emania Psalm 119:105, sui u’unu kalia soeto’ona la ki:

Wane na kedaa psalm ne’e mantana e ufita sulia Baebol?
Mani oe ta na mantaa oe sulia Baebol?

Te’e wane e lae sulia tala ne faula afarodo, ka kwethu taala aena ana te’e torch laet.

4. Baebol thaito’omana kai lu’ua soeto’ona la kulu ki

Te’e kini e todaa lu’u la ana soeto’ona la na nia to ania sulia fa ngali oro ki fasia Baebol. Fatania VIDEO, sui u’unu kalia soeto’ona la ki.

VIDEO: A’i osi Manta Fedaa, Mantangado! (1:48)

Uria na kulu rikia la video eri, soeto’ona la ta ki bo’o na kini eri e to ania?
Si manga nia e to’oa Baebol, si do eri e adomi ufita bo’o ani nia?

Baebol e thathamia uria kuki soeto’ona, soeto’ona la ki. Te’emania Matthew 7:7, sui u’unu kalia soeto’ona la:

Ta na tei soeto’ona la na o to ania na lu’u la nia e ni la Baebol?

5. Oe oki se’ethathala ura te’emai lana Baebol

Imole oro kera se’ethathala si manga kera te’emania Baebol, bia keka todaa si do le’a fasia. Fatania VIDEO, sui u’unu kalia soeto’ona la ki.

VIDEO: Te’emai Lana Baebol (2:05)

Uria na kulu rikia la video eri, ta bo’o na mantana imole eki sula’ania te’emai lana Baebol?
Do anta kera a’i kesi thathami te’emania mena Baebol, uria ta na keka thathami te’emania la’u?

Baebol to ana u’unua na le’a na kai fa’ainamaruki kulu, bia ka falea manto’ongadoa fakalua. Te’emania Romans 15:4, sui u’unu kalia soeto’ona la:

Ufita, o thathamia oko thaito’omana la’u tei si do ki la’u sula’ania alanga’ia ki na scripture ne’e e u’unu sulia?

6. Ruana imole thaito’omana kai adomi oe fasia oko ma’alutania Baebol

Imole oro kera te’emania Baebol sui a’i kesi ma’alutania, kera ma’alutania si manga kera u’unu kalia bia ta ruana imole. Te’emania Acts 8:26-31, sui u’unu kalia soeto’ona la:

Si ta na kuki ilifania fasia kuka ma’alutania Baebol?—Rikia verse 30 bia 31.

Collage: 1. Philip e inifita profesi ne’e Isaiah sana wane ne’e Ethiopia. 2. Te’e Jehovah’s witness e to’oa Baebol sana te’e kini bia roo wela nia ki. — Wane ne’e Ethiopia e ato’ia kwai adomia fasia nia ka ma’alutai le’a ana Baebol. Imole oro tara’ena mena kera ma’alutania Baebol si manga kera u’unu kalia bia ta ruana imole

SI BA’EA TEI IMOLE KEKI SOREA: “Do o marunge’e to’oa bamu Baebol ura ta ne’e.”

Si ta ni bo’o oki sorea? Ma uria ta na oko manta una’eri?

SI DO NA KULU TO’OA

Baebol falea advaes le’a ki fana marukia kulu, ka lu’ua soeto’ona la gwaunga’i ki na kulu to ania, bia ka falea manto’ongadoa bia ka fa’ainamarukia imole ki.